IRAKASKUNTZA GIDA 2020-2021 · Aurkezpena 4 2. Prestakuntza-programa 5 3. Egutegi akademikoa 6 4....

IRAKASKUNTZA GIDA 2020-2021

Unibertsitate Masterra Bigarren Hezkuntzako Irakasletzan, Nafarroako Unibertsitate Publikoa

Zuzendari akademikoa:

M. Inés Gabari Gambarte

2 Unibertsitate Masterra Bigarren Hezkuntzako Irakasletzan – NUP

Giza eta Gizarte Zientzien Fakultatea

Magnoliak eraikina

Arrosadiko campusa, z.g.

Telefonoa: 948 16 94 28

Helbide e.: [email protected]

Jendaurreko ordutegia: astelehenetik ostiralera, 09:00etatik 20:00etara

mailto:[email protected]

Facultad de Ciencias Humanas y Sociales Giza eta Gizarte Zientzien Fakultatea

Unibertsitate Masterra Bigarren Hezkuntzako Irakasletzan – NUP 3

Aurkibidea

1. Aurkezpena 4

2. Prestakuntza-programa 5

3. Egutegi akademikoa 6

4. Ordutegiak eta ikasgelak 6

5. Irakaskuntza-metodologiak eta ECTS kredituak. Tutoretza 7

6. Irakasgaien programak 8

7. Practicuma 8

8. Ebaluazio sistema 9

9. Ikaslearen arduraldia eta iraupen arauak 9

10. Master Amaierako Lana 10

11. Kredituen aitorpena eta transferentzia 12

12. Tutoretzak 13

13. Informazio osagarria 13

I. eranskina: I. PRACTICUMA 15 II. eranskina: II. PRACTICUMA 19


1. Aurkezpena

Nafarroako Unibertsitate Publikoko Bigarren Hezkuntzako Irakasletzako Unibertsitate Masterrak (BHIUM) hauxe du helburua: bide profesionala Bigarren Hezkuntzan, Batxilergoan, Lanbide Heziketan edo hizkuntzen irakaskuntzan bilatu nahi duten unibertsitateko tituludunen eskaerari erantzutea, Hezkuntzari buruzko 2006ko maiatzaren 24ko 2/2006 Lege Organikoan xedatzen denari jarraikiz, horren arabera derrigorrezkoa baita master ikasketak edukitzea maila horietan irakaskuntzan aritzeko.

Izan ere, master ofizial bat da, eta bere lege eremua 1393/2007 EDn garatzen da, graduko eta graduondoko (masterra eta doktoretza) unibertsitateko ikasketa ofizialen antolaketa ezartzen duen horretan, baita ECI/3858/2007 Aginduan ere.

Europako 60 ECTS kredituko titulu bat da; kreditu batek ikaslearen 25 lanorduren balioa du. Ikastaroa bi seihilekotan antolatzen da, arratsaldez (eskola-praktikak salbu, haiek goizez egingo baitira).

BHIUM izenekoa zenbait espezialitatetan egituratzen da. Irakasle hauek osatzen dute Masterraren koordinazioaz eta jarraipenaz arduratzen den Irakaskuntza Batzordea:



2. Prestakuntza-programa Prestakuntza-programa espezialitate hauetan antolatzen da:

− Berria, 2017-2018 ikasturteaz geroztik! Euskara eta Literatura

− Berria, 2017-2018 ikasturteaz geroztik! Frantsesa

− Biologia eta Geologia

− Enpresen Ekonomia eta Kudeaketa

− Fisika eta Kimika

− Geografia eta Historia

− Ingelesa

− Gaztelania eta Literatura

− Matematika

− Teknologia

Espezialitate bakoitzak modulu eta irakasgai hauek ditu:

Modulua ECTS Irakasgaia ECTS Izaera Seihilekoa

Orokorra 14 A) Garapena eta Ikaskuntza Nerabezaroan 5

Nahitaezkoa 1 B) Hezkuntzako Prozesuak eta Testuinguruak 6 C) Gizartea, Familia eta Hezkuntza 3

Espezifikoa 30

D) Arloko Irakasgaien Ikaskuntza eta Irakaskuntza 9

Nahitaezkoa

Urtekoa

E) Diziplinazko Osagarriak 6 1 F) Diziplinazko Sakontzea edo Diziplinazko Osagarriak II (espezialitateen arabera) 6 2

G) Hezkuntzako Ikerketarako eta Berrikuntzarako Sarrera 6 2

H1) IIEAH (Ikaskuntza Integratua Edukietan eta Atzerriko Hizkuntzan: Ingelesa) 3

Aukerakoa 2

H2) Hezkuntzan Esku Hartzeko Proposamenak Diziplinetan 3 2

Practicuma 16 I. practicuma 3

Nahitaezkoa 1

II. practicuma 7 2 Master Amaierako Lana espezializazioan 6 2

GUZTIRA 60 60


3. Egutegi akademikoa Irakasgaiak honela banatuko dira ikasturtean:

− Irailetik abendura: A, B, C, D eta E irakasgaiak. − Azaroa (2 aste): I. practicuma ikastetxeetan. − Urtarriletik martxora: D, F, G, H1/H2 irakasgaiak. − Martxotik apirilera (6-7 aste): II. practicuma ikastetxeetan. − Apiriletik ekainera: Master Amaierako Lanaren prestaketa, inskripzioa eta defentsa.

Hauek dira irakasgaiak: − A irakasgaia: 73188 Garapena eta Ikaskuntza Nerabezaroan (5 ECTS) − B irakasgaia: 73189 Hezkuntzako Prozesuak eta Testuinguruak (6 ECTS) − C irakasgaia: 73190 Gizartea, Familia eta Hezkuntza (3 ECTS) − D irakasgaia: Arloko Irakasgaien Ikaskuntza eta Irakaskuntza (9 ECTS)1 − E irakasgaia: Arloko Osagarriak (6 ECTS) − F irakasgaia: Arloko Sakontzea (6 ECTS) − G irakasgaia: Hezkuntzako Ikerketarako eta Berrikuntzarako Sarrera (6 ECTS) − H1 irakasgaia (aukerakoa): IIEAH: Ikaskuntza Integratua Edukietan eta Ingelesean (3 ECTS) − H2 irakasgaia (aukerakoa): Hezkuntzan Esku Hartzeko Proposamenak Diziplinetan (3 ECTS) ADI! Aukerako irakasgaiak (H1/H2) ordu berean dira, eta, beraz, bat baino ez da hautatu behar. Asteen eta egunen egutegi espezifikoa eskuragarri dago Masterraren web orrialdean, atal honetan: “Egutegiak, orduak eta ikasgelak”. 4. Ordutegiak eta ikasgelak Masterra presentziala da (ECI/3858/2007 Agindua). Egutegi eta ordutegietan jaso egiten da legeak eskatzen duen presentziaren % 80ko murrizketa; beraz, derrigorrezkoa da eskoletara joatea. Eskolen % 10era huts egin daiteke gehienez, behar bezala justifikatuz gero.

Eskolak arratsaldez izango dira. Egunean 4 ordu izango dira, 15:00ak eta 21:00ak bitarte, egunaren edo espezialitatearen arabera. Edonola ere, Bigarren Hezkuntzako ikastetxeetako praktikak bertan eskolak ematen diren ordutegian izango dira, goizez alegia. Unibertsitatea arduratuko da praktiketarako ikastetxeak lortzeaz.

IKASGELAK eta ORDUTEGIA

Modulu orokorrerako eta espezifikoetarako ikasgelen informazioa eskuragarri dago Masterraren web orrialdean, atal honetan: “Egutegiak, orduak eta ikasgelak”.

1 Fisika eta Kimikako eta Biologia eta Geologiako espezialitateetan, irakasgai hau bitan banatzen da:

− D1-CCEE: 73142 Zientzia Esperimentalen Didaktika (3 ECTS; bi espezialitateetarako komuna) − D2-FQ: 73143 Ikaskuntza eta Irakaskuntza Fisika eta Kimikan (6 ECTS; FK-ko espezifikoa) − D2-BG: 73201 Ikaskuntza eta Irakaskuntza Biologia eta Geologian (6 ECTS; BGko espezifikoa)

http://www.unavarra.es/estudios/graduondoa/graduondo-eskaintza-ofiziala/masterraren-titulu-ofizialak/facultad-de-ciencias-humanas-y-sociales/master-universitario-en-formacion-del-profesorado-de-educacion-secundaria?languageId=100001





Irakasgai bakoitzari dagokion ordutegia eskuragarri dago Masterraren web orrialdean, atal honetan: “Egutegiak, orduak eta ikasgelak”. Han jasota daude, halaber, modulu orokorreko irakasgaien ordutegiak, gaztelaniaz eta euskaraz bereizita: − A irakasgaia: 73188 Garapena eta Ikaskuntza Nerabezaroan (5 ECTS) − B irakasgaia: 73189 Hezkuntza Prozesuak eta Testuinguruak (6 ECTS) − C irakasgaia: 73190 Gizartea, Familia eta Hezkuntza (3 ECTS)

5. Irakaskuntza-metodologiak eta ECTS kredituak. Tutoretza

Gaitasunen araberako irakaskuntza eta ikaskuntza proposatzen dira, eta, beraz, ezagueren izaera funtzionala nabarmenduko da.

Modulu orokorraren egitura honako hau da:

• Gaztelaniazko bi talde (1. eta 2. taldeak). Ikasle bakoitzak esleitu zaion taldera joan beharko du. Lehen astean, antolaketa berezia izango da.

• Euskarazko talde bat. Lehen astean, antolaketa berezia izango da.

Lehen asteko antolaketa

GAZTELANIA (talde osoa)

Ordua Astelehena Asteartea Asteazkena Osteguna Ostirala 15:00-17:00 Aurkezpena Espezialitatea A irakasgaia* Espezialitatea B irakasgaia* 17:00-19:00 A irakasgaia* B irakasgaia*

*Gaztelaniako talde bakarra, aurkezpena izango den ikasgelan bertan.

- EUSKARA (aurkezpena izan ezik, esleitua duten ikasgelan izango dira gainerako saioak)

Ordua Astelehena Asteartea Asteazkena Osteguna Ostirala 15:00-17:00 Aurkezpena Espezialitatea B irakasgaia Espezialitatea C irakasgaia 17:00-19:00 A irakasgaia B irakasgaia C irakasgaia

Modulu espezifikoko irakasgaietarako, ikasle kopurua txikia denez, taldeak ez dira banatzen. Gutxienez ere ordu “praktiko” bat egin behar da hiru ordu “teorikoko”.

Prestakuntza-programa europar kreditutan (ECTS) egituratzen da, Europako unibertsitateetan egindako ikasketen balioa errazago onartzeko, eta alderantziz.

Irakasgai bakoitzaren irakaskuntza-gidan zehaztuko dira irakaskuntzaren eta ikaskuntzaren prozesua eta garatu beharreko lanak.



6. Irakasgaien programa

Irakasgai bakoitzaren hasieran, irakasleek irakaskuntza-programa ematen diete ikasleei.

Irakasgai bakoitzaren gidan honako hauek daude adierazita: deskribatzaileak, helburu eta eskumenak, betekizun eta gomendioak, testuingurua, gai zerrenda eta edukiak, metodologia eta lanerako plangintza, bibliografia eta baliabideak, aurreikusitako irakasleak, ebaluazio sistemak eta zein hizkuntzatan ematen den. Gida horiek Masterraren web orrialdean daude, “Irakasgaien eta Irakasleen Gida” atalean.

7. Practicuma

Praktika profesionalak master honetako prestakuntza-proiektuaren zati funtsezkoak dira. Bigarren Hezkuntzako ikastetxeetan bi praktikaldi daude, eta, aldi horietan, Giza eta Gizarte Zientzien Fakultateak aukeratutako ikastetxeetara joaten dira ikasleak, goizeko txandan:

− I. practicuma, bi aste azaroan, Masterraren egutegiaren arabera.

− II. practicuma, sei/zazpi aste martxoan eta apirilean, Masterraren egutegiaren arabera.

Asteen eta egunen egutegi espezifikoa eskuragarri dago Masterraren web orrialdean, atal honetan: “Egutegiak, orduak eta ikasgelak”.

Praktikaldi hauen asmo orokorra teoria didaktikoa irakaskuntza profesionalarekin integratzea da.

I. practicuma Masterreko irakasgai pedagogiko, psikologiko eta soziologiko komunei lotuta dago, eta bere helburua Bigarren Hezkuntzako ikastetxeen egitura ezagutzea eta nola funtzionatzen duten ikastea da. Gaztelaniaz eta euskaraz egiten da.

II. practicuma Masterreko espezialitateei lotuta dago, eta bere helburua ikasgelan behaketako eta parte-hartzeko praktikak egitea da, dagokion espezialitatearen alorrean. Gaztelaniaz eta euskaraz egiten da (baldin eta nahikoa ikaspostu eta tutore badago).

I. eta II. eranskinetan bi praktikaldi horietarako irakaskuntza-gidak daude, zehazki deskribatzen dutenak praktika horien antolamendua, baita funtzionamendua ere.

8. Ebaluazio sistema

Irakasgaietako irakasle taldeek ezartzen dituzte ebaluazio tresnak, eta irakaskuntza-gidetan agertzen dira.

Nolanahi ere, Masterreko ebaluazioak Unibertsitatearen ebaluazio araudia betetzen du. Ebaluazio araudia esteka honetan dago:

http://www.unavarra.es/digitalAssets/115/115231_100000procesos-de-evaluacion.pdf



http://www.unavarra.es/digitalAssets/115/115231_100000procesos-de-evaluacion.pdf



9. Ikaslearen arduraldia eta iraupen arauak

Ikasleak matrikula egiten duen unean erabakiko du zein arduraldi izango duen. Aukerak honako hauek dira:

- Arduraldi osoko ikaslea: 60 ECTS kredituren matrikula egin beharko du.

- Arduraldi partzialeko ikaslea: gutxienez ere 20 ECTS kredituren matrikula egin beharko du ikasturte bakoitzeko.

Iraupen arauek Nafarroako Unibertsitate Publikoko master ofizialetako ikasleen iraupena finkatzen dute. Iraupen arauetan aipatzen da, besteak beste, ikasle bakoitzak zenbat deialdi dituen, zer errendimendu eskatzen zaion eta araudia ez betetzeak zer ondorio dituen.

Arduraldi partzialeko ikasleen matrikula

Arduraldi partzialeko ikasleek Masterra bi urtean egin nahi badute, honela antolatu behar dute beren prestakuntza-ibilbidea:

1. urtean gutxienez ere 20 ECTS aukeratu behar dituzte irakasgai hauen artean:

− I. practicuma (3 ECTS) − Hezkuntzako Prozesuak eta Testuinguruak (6 ECTS) − Ikaskuntza eta Nortasunaren Garapena (5 ECTS) − Gizartea, Familia eta Hezkuntza (3 ECTS) − Arloko Osagarriak (6 ECTS) − Arloko Sakontzea (6 ECTS) − Arloko Irakasgaien Ikaskuntza eta Irakaskuntza (9 ECTS) − Aukerakoa (POI/IIEAH) (3 ECTS)

2. urtean kreditu hauen matrikula egin behar dute:

− Lehenengo urtean egin ez dituzten irakasgaienak. − II. practicuma (7 ECTS) − Hezkuntzako Ikerketarako eta Berrikuntzarako Sarrera (6 ECTS) − Master Amaierako Lana (6 ECTS)

Arduraldi partzialeko ikasleek Masterra bi urtean egin nahi badute, Masterraren zuzendaritza akademikoarekin hitz egin behar dute ezinbestean, bakoitzaren kasua aztertzeko.

Deialdiak: ikasleek lau deialditarako eskubidea dute irakasgai bakoitza gainditzeko. Matrikula batek bi deialditarako eskubidea ematen du ikasturteko. Ikaslea ebaluaziora joaten ez bada ere, kontuan hartuko da deialdia.

Errendimendua eta iraupen arauak

Ikasleek gutxieneko errendimendu bat izan behar dute Masterrean iraun ahal izateko. Arauak ez betetzeak ikasketak egiten segitzea galarazten du. Unibertsitatearen iraupen araudi orokorrak finkatuko ditu iraupen arauak, eta hemen kontsulta daiteke:

http://www.unavarra.es/conocerlauniversidad/araudia/irakaskuntzen-araudia/masterra?opcion=4&submenu=yes

http://www.unavarra.es/conocerlauniversidad/araudia/irakaskuntzen-araudia/masterra?opcion=4&submenu=yes&languageId=100001

http://www.unavarra.es/conocerlauniversidad/araudia/irakaskuntzen-araudia/masterra?opcion=4&submenu=yes&languageId=100001


10. Master Amaierako Lana

Unibertsitateko master ikasketa ofizialen bukaeran, ikasleek Master Amaierako Lan bat (MAL) egin eta defendatu behar dute. Ikasketa-planaren arabera, lan horrek 6 ECTS ditu.

MALa tituluarekin lotutako gaitasunak eskuratzera eta ebaluatzera bideratua egon behar da. Horrenbestez, gai jakin bati buruzko “espezialista” izatera orientatua dagoenez, egindako espezialitatearen arabera bideratu beharko da MALa. Beraz, beharrezkoa da MALaren zuzendaria edo zuzendariak lotura izatea aukeratzen den espezialitatearekin. Lan batek zuzendari bat baino gehiago izanez gero, nahikoa izango da horietako bat gutxienez espezialitate horretakoa bada.

MALaren defentsa inolaz ere ezin izango da egin aldez aurretik ez badira gainditu titulua lortzea posible egiten duten gainerako irakasgai guztiak. Beraz, irakasgai guztietan matrikula egin ez duenak ezin du matrikularik egin Master Amaierako Lanean.

MALa egiteko prozesua eta egutegia

1. Esleipena

Espezialitateen arduradunek irakasle eta ikasleekin koordinatzen dute MALaren esleipena. Ikasleen esleipena, oro har, udaberriko seihilekoan egiten da. MALa “Practicum” modulukoa denez eta, hortaz, ikastetxeko jarduerarekin lotua dagoenez, esleipena praktikaldiko lehen asteetan egiten da, martxoan.

Hala ere, aurretik esleipena egiteko aukera dago zenbait kasutan, esaterako:

− Beren egoera partikularra dela-eta MALa otsailean defendatzeko moduan dauden ikasleak. − Lanen izaera edo orientabidea dela-eta praktikak baino lehenagoko plangintza edo garapena

behar duten horiek. 2. Izen-ematea MALa defendatzeko, ikasleak Giza eta Gizarte Zientzien Fakultateko idazkaritzan eman behar du izena. Horretarako, honako agiri hauek aurkeztu behar ditu:

− Eskaera-inprimakia, behar bezala betea. − Sarbide irekia eta murriztua baimentzeko inprimakia, behar bezala betea. − Horretaz gainera, NireIkasgelategiaren bidez, MALa kargatu beharko du, PDF fitxategi bakar

batean eta azala barne. Fitxategiari honela jarriko zaio izena: MAL18-BHIUM-ESP-1DEITURA-IIZ.pdf

Hala, esaterako,

“[email protected]”

helbide elektronikoa duen ikasleak honela izendatu behar du bere lana:

Espezialitatea Izena Euskara eta Literatura (EUS) MAL18-BHIUM-EUS-BERAMENDI-12345.pdf Frantsesa (FR) MAL18-BHIUM-FR-BERAMENDI-12345.pdf Biologia eta Geologia (BG) MAL18-BHIUM-BG-BERAMENDI-12345.pdf Ekonomia eta Enpresen Kudeaketa (EEK) MAL18-BHIUM-EEK-BERAMENDI-12345.pdf Fisika eta Kimika (FK) MAL18-BHIUM-FK-BERAMENDI-12345.pdf Geografia eta Historia (GH) MAL18-BHIUM-GH-BERAMENDI-12345.pdf Ingelesa (ING) MAL18-BHIUM-ING-BERAMENDI-12345.pdf Gaztelania eta Literatura (GL) MAL18-BHIUM-GL-BERAMENDI-12345.pdf Matematika (MAT) MAL18-BHIUM-MAT-BERAMENDI-12345.pdf



Teknologia (TEK) MAL18-BHIUM-TEK-BERAMENDI-12345.pdf

− (Aukerakoa) Horrez gainera, ikasleak argazki, audio eta bideo fitxategiak igoko ditu karpeta batean, baldin eta bere lana balioesteko beharrezkoak direla iruditzen bazaio.

− Ez da beharrezkoa izango MALaren paperezko alerik aurkeztea.

Espezialitateko defentsaren deialdia zein den, epe hauetan eman beharko da izena MALean:

a. Otsaileko deialdia: deialdiaren urteko urtarrileko edozein lanegunetan. b. Ekaineko deialdia: ekainaren 1etik hil bereko hirugarren ostiralera bitarteko edozein

lanegunetan, biak barne. c. Iraileko deialdia: ekainaren 1etik irailaren 15era bitarteko edozein lanegunetan, biak barne.

Epe horietan, espezialitate bakoitzak datak zehaztuko ditu, ikasleen kopurua eta epaimahaien antolaketa kontuan hartuta. Espezialitatearen arduradunak jakinaraziko die bere ikasleei epaimahaiak zein egunetan arituko diren jardunean. Inskripzioa behar den aurrerapenarekin egingo da; nolanahi ere, defentsaren eguna baino 3 egun lehenago beranduenez.

Espezialitate bakoitzaren data zehatzak Masterraren web orrialdean argitaratuko dira. Ikasleek zalantzaren bat izanez gero, beren espezialitatearen arduradunarengana jo beharko dute.

3. Defentsa

Ahozko aurkezpen publikoa dagokion epaimahaiaren aurrean egingo da, ikus-entzunezko bitartekoak baliatzeko aukerarekin. 20 minutu edukiko dira gehienez ere, eta, jarraian, 10 minutu eztabaidarako. Nolanahi ere, ikasleak defentsa egin baino lehen, epaimahaiak zilegi du bere ustez lanak behar bezala balioesteko beharrezkoak diren egokitzapenak erabakitzea.

MALen defentsa egun hauetan egingo da:

a. Otsaileko deialdia: otsaileko lehen hamabostaldiko edozein egun baliodunetan. b. Ekaineko deialdia: ekaineko bigarren astelehen baliodunetik aurrera. c. Iraileko deialdia: irailaren 1etik hil bereko hirugarren asteko ostegunera bitarteko edozein

lanegunetan, biak barne.

Espezialitate bakoitzak egun-orduak zehaztuko ditu, eta izena emandako ikasleei jakinaraziko dizkie. Espezialitatearen koordinatzaileak dauka MALaren epaimahaiak koordinatzeko ardura.

4. Epaimahaiak eta ebaluazioa

Espezialitate bakoitzeko epaimahai bat edo batzuk eratuko dira, hiru irakasle doktorek osatuak.

MALaren ebaluazioan epaimahaia burujabea da. Hala ere, MALaren zuzendari bakoitzak balorazio bat emango du, informazio gisa, eta epaimahaiak aukera izango du, betiere, kontuan hartzeko edo ez hartzeko. Balorazio horiek epaimahaiburuari emango zaizkio defentsaren aurretik.

Epaimahaiak kalifikazio kualitatibo bat emango du (ez gainditua, gainditua, oso ongi, bikain), eta kalifikazio kuantitatibo bat (0-10). Era berean, egokia iruditzen bazaio, Ohorezko Matrikula proposatuko du. Proposatu dituen matrikulak gehiago badira arauei jarraikiz eman daitezkeenak baino, Masterraren Zuzendaritza Akademikoak espezialitatearen koordinatzaileekin eta epaimahaiekin adostuko du zein ikaslek lortuko duen ohorezko matrikula bere espedientean.


5. Dokumentazioa

MALean izena emateko eta sarrera irekia eta murriztua baimentzeko inprimakiak formatu elektronikoan daude Masterraren web orrialdean.

6. Araudia

Unibertsitateak ikasketa amaierako lanei (IAL) buruz duen araudi orokorrak arautuko du MALa, hark zehazten baitu zein diren gradu amaierako lanen (GAL) eta MALen ildo nagusiak. IALen araudi horrek MALen inguruko zenbait gai zehazten ditu, zeinak aplikagarriak izango baitira Master honetan. Hemen berreskura daiteke:

http://www.unavarra.es/digitalAssets/115/115231_10000011.3-CG---Reglamento-TFE.pdf

11. Kredituen aitorpena eta transferentzia

Kredituen balioa aitortzeko eta horien transferentzia eskatzeko aukera dago aurretik egindako prestakuntzagatik eta esperientzia profesionalagatik. Eskaera egiteko epea, tokia, aurkeztu beharreko dokumentazioa eta ordaindu beharrekoa Unibertsitatearen web orrialdean kontsulta daitezke:

http://www.unavarra.es/estudios/sarbidea-eta-matrikula/master-ofizialak/matrikula?opcion=5

Behin eskaera ebatzi ondoren, aitortutako kredituen zenbatekoaren % 25 ordaindu beharko du ikasleak.

12. Tutoretzak

Tutoretza akademikoez gain, zeinetan ikasleak irakasgaiari buruzko kontsultak egiten baitizkio irakasgaia ematen duen irakasleari, ikasleari tutore bat esleitzen zaio bere unibertsitate ibilbidean laguntzeko.

Master honetan, oro har, modulu espezifiko bakoitzeko arduraduna masterreko ikasleen tutorea da aldi berean.

13. Informazio osagarria

Sarbide libreko informatika-gelak

Kontsultatu Unibertsitateko Informatika Zerbitzuaren web orrialdea:

http://www.unavarra.es/servicio-informatico/ Unibertsitateko zerbitzuak

Besteak beste, Masterreko ikasleek zerbitzu hauetarako sarbidea dute: liburutegia, kirol eta kultur jarduerak, hizkuntzen ikastegia, laguntza sozial, mediko eta psikologikoa, lo tokia, etab.

Zerbitzu horien eta beste batzuen helbideak eta telefonoak Unibertsitatearen web orrialdean daude: http://www.unavarra.es/servicios/

http://www.unavarra.es/digitalAssets/115/115231_10000011.3-CG---Reglamento-TFE.pdf

http://www.unavarra.es/estudios/sarbidea-eta-matrikula/master-ofizialak/matrikula?opcion=5&languageId=100001

http://www.unavarra.es/estudios/sarbidea-eta-matrikula/master-ofizialak/matrikula?opcion=5&languageId=100001

http://www.unavarra.es/servicio-informatico/?languageId=100001

http://www.unavarra.es/servicios/?languageId=100001



Unibertsitateko txartela

Nahitaezkoa da azterketa-geletarako, informatika-geletarako eta liburutegirako sarbidea izateko. Ikasleentzako Argibide Bulegoan ematen da (021. ikasgelan), Unibertsitateak zehaztutako egunetan. Unea iritsitakoan jakinarazten zaio ikasleari. Ikaslearen ataria

Unibertsitatearen web orrialde nagusitik sartzen da ikaslearen atarira. Atarian, Unibertsitateak ikasleen eskura jarritako hainbat zerbitzu eta informaziotarako sarbidea du ikasle bakoitzak, era bateratu eta pertsonalizatuan. Atarian sartzeko, erabiltzaile bat ([email protected]) eta pasahitz bat behar dira, Ikasleentzako Argibide Bulegoak ematen dituena:

− Helbide elektronikoa: [email protected] − Telefonoa: 948 169096 / 948 168411

Irudi honetan ikusiko duzu Unibertsitatearen web orrialde nagusiaren zein tokitan dagoen esteka:

Ikaslearen Atariaren bidez, besteak beste zerbitzu hauek erabili ahal izango dituzu:

− Nire Ikasgelategia, irakasgaiak kudeatzeko gunea. − Unibertsitatearen posta elektronikoko zerbitzua. − Ikasketa-espedientea kontsultatu (eta inprimatu).




I. ERANSKINA

MASTERRA BIGARREN HEZKUNTZAKO IRAKASLETZAN ESPEZIALITATEKO PRAKTIKETARAKO IRAKASKUNTZA-GIDA

I. PRACTICUMA: 0. ALDEZ AURRETIKO OHARRA:

Informazio osagarria Masterraren web orrialdeko “Praktikak” atalean dago. Atal horrek egitura hau izango du:

− Aldia, zeinean aipatuko baitira tutoretzaren iraupena, izaera, antolaketa eta Unibertsitateko tutoreak.

− Irakaskuntza-gidetarako estekak, orotariko praktiketako irakasgaietarako (I. practicuma) eta espezializazioko praktiketako irakasgaietarako (II. practicuma).

− Praktiketarako ikastetxeak esleitzeko prozedura.

− Praktikak egiteko jarraibideak: gidak, ebaluazioa, konfidentzialtasun konpromisoa.

− Sarbidea “Momentos de intervención en la formación inicial del profesorado” artikulu osorako, UNO aldizkariaren adeitasunez (aldizkariaren 65. zenbakian argitaratu zen).

1. SARRERA

Bigarren Hezkuntzako Irakasletzako Unibertsitate Masterraren I. practicuma praktika multzo bat da, eta Modulu Orokorra osatzen duten hiru jakintza-arloak hartzen ditu barne: pedagogia, psikologia eta soziologia. II. practicumarekin gertatzen den bezala, Bigarren Hezkuntzarekin lotuta egon behar da nahitaez.

Helburu nagusia hau du: ikasleek ikastetxearekiko eta Bigarren Hezkuntzako irakaslearen lanbidearekiko lehen harremana izan dezaten.

Bigarren Hezkuntzako etorkizuneko irakasleak prestatzeko lehen praktika hauek baliagarriak izan behar dira ulertzeko zer korrelazio dagoen unibertsitatean Modulu Orokorraren bidez jasotako prestakuntza teoriko-praktikaren eta Bigarren Hezkuntzako ikastetxean egiten den prestakuntza praktikoaren artean.

I. practicumean, funtsean, jarduerak Bigarren Hezkuntzako ikastetxeetako funtzionamendu administratiboa ezagutzeko daude diseinatuta: ikastetxearen organigrama, programazioa, aplikatu beharreko araudia, hezkuntza-proiektua, antolamendu akademikoa, sailen osaera eta eginkizunak, etab. Unibertsitateko eta Bigarren Hezkuntzako ikastetxeetako tutoreek batera koordinatuko dituzte jarduera horiek (erantzukizuna ikastetxeko Zuzendaritzak izango du, oro har). Taldeko praktikak dira, eta ikasleek ez dute irakaskuntzako jarduera jarraiturik egin behar.

I. practicuma bi astean egingo da —Bigarren Hezkuntzako ikastetxearen ordutegi osoan—, Masterraren web orrialdean argitaratutako egutegiaren arabera.

Praktika horiek presentzialak eta nahitaezkoak dira, eta ikastetxera ez joatea justifikatu egin behar da beti. Nolanahi ere, Masterraren zuzendaritza arduratuko da kasu bakoitza aztertzeaz eta, beharrezkoa bada, ikastetxeekin lankidetzan, egoki jotzen dituen ezohiko neurriak hartzeaz.





Praktikak egiteko, ikasleek honako hauek gauzatu beharko dituzte ezinbestean:

a) Sexu deliturik egin ez izanaren ziurtagiria aurkeztu. Jarraian azaltzen da zein den ziurtagiri hori lortzeko prozedura.

b) Konfidentzialtasunerako eta jardunbide egokietarako konpromisoaren dokumentua sinatu. Eredua Fakultatearen web orrialdean dago, hemen.

SEXU DELITURIK EGIN EZ IZANAREN ZIURTAGIRIA LORTZEKO ETA BIDALTZEKO PROZEDURA

Bi pauso eman behar dira: 1) Ziurtagiria eskatu; 2) Ziurtagiria bidali. Jarraian deskribatzen dira bi pauso horiek.

1) Sexu deliturik egin ez izanaren ziurtagiria helbide honetan ESKATU:

Justizia Ministerioaren Nafarroako Lurralde Kudeatzailetza

PUYKO ANDRE MARIA KALEA, 1, BEHEKO SOLAIRUA. 31011 - IRUÑEA

Telefonoa: 848-424223

Helbide elektronikoa: [email protected]

Ordutegia: astelehenetik ostiralera, 09:00etatik 14:00etara

OHARRA: zalantzarik izanez gero prozedurei, epeei, hirugarrenentzako baimenei eta abarri buruz, Lurralde Kudeatzailetzara helarazi behar zaio zuzenean.

2) Masterreko MATRIKULA egin ondoren eta betiere irailaren 30a baino lehen, mezu elektroniko bat BIDALI “[email protected]” helbidera, informazio honekin:

A) Gaia: MUPES - SEXU DELITURIK EGIN EZ IZANAREN ZIURTAGIRIA

B) Mezuaren edukia:

- IKASLEA: - NANa: - Espezialitatea: - Egiaztapen Kode Segurua (EKS):

C) Eranskina: jatorrizko agiria, Ministerioaren web orrialdetik deskargatua:

https://sede.mjusticia.gob.es/verificaCSV/FormularioVerificacion?lang=es_es&idtramite=1288778560459&idpagina=1215197884559

OHARRA: EKSa ziurtagirian bertan azaltzen da. Behar adina ziurtagiri eskuratzeko aukera ematen du, eta zuzenean deskarga daitezke Justizia Ministerioaren web orrialdetik. Ministerioaren web orrialdean, kontuan izan behar da bertan agertzen den informazioa, EKSa eta NANa sartzeko moduari buruzkoa.

http://www.unavarra.es/digitalAssets/157/157643_100000compromiso-confidencialidad-MFPS-I.pdf




2. HELBURUAK

I. practicumaren prestakuntza praktikoa helburu orokor hauetan gauzatzen da, etorkizuneko irakasleei begira:

1. Ikastetxea ezagutzea: erakundea, Bigarren Hezkuntzaren aldiak eta hezkuntza-aukerak, ikasgelaren eta ikastetxearen testuinguru soziala, baita ikasleen garapenaren eta ikaskuntzaren ezaugarri psikologikoak ere.

2. Hezkuntza-ekintzaren funtsez jabetzea: oinarri teorikoak izan behar dituela, enpirikoki egiaztatu behar dela eta batik bat instituzionala dela.

3. Jarduera profesionalaren esparru desberdinak bereiztea: irakaskuntza, parte-hartzea, koordinazioa, zuzendaritza eta kudeaketa, berrikuntza eta prestakuntza etengabea.

4. Gogoeta kritikoa egitea I. practicumean esperimentatutako irakasle lanbidearen konplexutasunari buruz.

3. EDUKIAK

I. practicuma gauzatzeko proposatzen diren edukiak gai bloke hauetan egituratuta daude:

I. BLOKEA BIGARREN HEZKUNTZAKO IKASTETXEAREN EGITURA, ANTOLAMENDUA ETA FUNTZIONAMENDU INTEGRATUA

• Ikastetxearen antolaketa-dokumentuak

• Sailen egitura eta funtzionamendua

• Hezkuntza-komunitatearen koordinazioa eta parte-hartzea

II. BLOKEA BIGARREN HEZKUNTZAKO IKASLEEN GARAPENA ETA IKASKUNTZA

• Bigarren Hezkuntzako ikasleen garapen psikologikoa irakaskuntzako eta ikaskuntzako prozesuetan

• Ikaskuntza Bigarren Hezkuntzan

• Dibertsitatearen tratamendua

III. BLOKEA BIGARREN HEZKUNTZAKO IKASTETXEAREN EGINKIZUN SOZIALAK

• Ikastetxearen eta bere ikasleen testuinguru soziokulturala

• Herritar aktibo, demokratiko, berdinzale eta solidarioak lortzeko heziketa

Hiru blokeetako informazioa jasotzeko gomendatzen diren teknikak eta oinarrizko tresnak honako hauek dira: behaketa, elkarrizketak, galdetegiak eta dokumentuen kontsulta.



4. TUTORETZA

NUPeko zein Bigarren Hezkuntzako ikastetxeko irakasleek hartzen dute parte I. practicumaren tutoretzan. Hauek dira tutoreen eginkizunak:

a. Unibertsitateko tutoreak:

• I. practicumaren edukiak diseinatu.

• Praktikak nola gauzatuko diren planifikatu.

• I. practicumaren jarraipena antolatu Bigarren Hezkuntzako ikastetxeko tutoreekin batera.

• Praktiketako ikasleak ebaluatu eta kalifikatu.

b. Bigarren Hezkuntzako ikastetxeko tutoreak:

• Praktiketako taldeei ikastetxea ezagutarazi.

• Praktikak nola gauzatuko diren planifikatu.

• I. practicumaren jarraipena antolatu Unibertsitateko tutoreekin batera.

• Praktika-taldeko kideak banaka baloratu.

5. TXOSTENA

Praktika-taldeek txosten bat prestatuko dute. Praktikaldian egindako behaketaren eta analisiaren emaitza izango da, eta ikaslea gogoeta kritikoa eta eraikitzailea egiten saiatu behar da, Bigarren Hezkuntzako irakasle bihurtzeko izan duen bilakaeraren lehen esperientzia islatuz.

I. practicumaren txostena taldean prestatuko dute ikastetxe berean egon diren kide guztiek. Gehienez 20 orrialde izango ditu, eranskinak kontuan hartu gabe.

Txostena aurkezteko, jarraibide hauek hartu behar dira kontuan:

• Lana DINA4 formatuan egingo da, 12 tamainako letra erabiliz.

• Azalean taldeko ikasle guztien izenak azalduko dira, bai eta ikastetxeko eta Unibertsitateko tutoreenak ere.

• Txostenean landutako atal guztiak aurkibidean ageriko dira, eta orrialdeen zenbakiak behar bezala adieraziko.

• Sarreran labur azalduko da zein izan diren txostena egiteko motibazioa, hura eratzeko jarraitutako metodoa, lanaren egituraren justifikazioa eta erabilitako iturrien eta dokumentazioaren erreferentziak.

• Kapituluetan, Bigarren Hezkuntzako ikastetxeko egonaldia nolakoa izan den deskribatzeaz gainera, ikasleek taldeko gogoeta egingo dute hezkuntzaren lanbideari buruz, bizi izan duten esperientziaren arabera.

• Ondorioen atalean eskolako praktikaren ikuspegi orokor eta integratzaile bat azalduko da.


• Zilegi da bibliografiari eta eranskinei dagozkien kapituluak gehitzea.

Txostena aurkezteko azken eguna abenduaren lehen hamabostaldiko azken ostiral balioduna izango da. Ikasleek Unibertsitateko praktiken tutoreari eman behar diote zuzenean txostena. Halaber, tutoreak txostena berrikusi eta, beharrezkoa bada, ikasleek gabezia nabarmenenak zuzendu eta gero, berrikusitako alea praktiketako ikastetxean aurkeztuko da. Berrikusitako eta hobetutako dokumentu horretan, ikasleek zuzendu beharreko arazorik badagoen aztertuko dute praktiketako tutoreek, bai deontologiako kontuei buruz eta bai norberaren eta erakundearen nortasuna babesteko kontuei buruz.

Jatorrizko aleak ez dira itzuliko, irakasgaia ebaluatzeko tresnak baitira.

6. EBALUAZIOA

Ebaluazioa prozesu jarraitua da, I. practicumak irauten duen bi astean zehar egiten dena. Horretarako, Unibertsitateko arduradunak, Bigarren Hezkuntzako ikastetxeko tutorearekin koordinatuta, honako jarduera hauek gauzatuko ditu:

• Practicumaren gida eta praktikaldiaren kronograma aurkeztu.

• Praktika-taldeak aurkeztu.

• Bi tutoreen artean adostutako praktika-prozesuaren jarraipena egin.

• Praktika-taldeko kideak banaka baloratu eta kalifikatu.

Praktiken ebaluazioa agiri hauetan oinarrituko da:

• Praktika-talde bakoitzak egingo duen I. practicumaren txostena.

• Unibertsitateak ikastetxeetako tutoreei emandako ebaluazio txostena.

• Praktika-taldearen autoebaluazio galdetegia.

Unibertsitateko tutoreek jarriko diete azken nota I. practicumeko ikasleei, eta nota hori agertuko da irakasgaiaren aktan. Azken kalifikazioa honako kasu hauetan izango da “gutxiegi”:

• Bi tutoreek modu negatiboan baloratzen badute praktikaldia. Kasu horretan, ikasleak I. practicuma osorik egin beharko du berriz.

• Txostena gainditzen ez bada. Gainditzeko, ikasleak eta/edo taldeak berriz aurkeztu beharko du beste deialdi batean.



II. ERANSKINA

MASTERRA BIGARREN HEZKUNTZAKO IRAKASLETZAN

ESPEZIALITATEKO PRAKTIKETARAKO IRAKASKUNTZA-GIDA

II. PRACTICUMA

1. ALDEZ AURRETIKO OHARRA

I. practicumaren kasuan bezala, informazio osagarria Masterraren web orrialdeko “Praktikak” atalean dago. Atal horrek egitura hau izango du:

− Aldia, zeinean aipatuko baitira tutoretzaren iraupena, izaera, antolaketa eta Unibertsitateko tutoreak.

− Irakaskuntza-gidetarako estekak, orotariko praktiketako irakasgaietarako (I. practicuma) eta espezializazioko praktiketako irakasgaietarako (II. practicuma).

− Praktiketarako ikastetxeak esleitzeko prozedura.

− Praktikak egiteko jarraibideak: gidak, ebaluazioa, konfidentzialtasun konpromisoa.

− Sarbidea “Momentos de intervención en la formación inicial del profesorado” artikulu osorako, UNO aldizkariaren adeitasunez (aldizkariaren 65. zenbakian argitaratu zen).

Praktikak egiteko, ikasleek honako hauek gauzatu beharko dituzte ezinbestean:

a) Sexu deliturik egin ez izanaren ziurtagiria aurkeztu. Sexu deliturik egin ez izanaren ziurtagiria eskuratzeko eta bidaltzeko prozedura dokumentu honen I. eranskinean azalduta dago (16. orrialdea).

b) Konfidentzialtasunerako eta jardunbide egokietarako konpromisoaren dokumentua sinatu. Eredua Fakultatearen web orrialdean dago, hemen.

2. HELBURUAK

II. practicumaren prestakuntza helburu orokor hauetan gauzatzen da, etorkizuneko irakasleei begira:

− Teoria didaktikoa irakaskuntzako praktika profesionalarekin integratzea, DBHn, Batxilergoan eta LHn dagokion espezialitatearen eremuan.

− Ikasgelako praktika zehatzetan didaktika espezifikoen printzipioez jabetzea, eta irakaskuntzako egoerak interpretatzea.

− Eskola-curriculumaren unitateei dagozkien ikasgelako egoera didaktiko espezifikoak aztertzea, diseinatzea, garatzea eta analizatzea, abiapuntutzat hartuz bai ikaskuntzako eta irakaskuntzako prozesuei buruzko oinarri pedagogiko orokorrak eta bai espezialitate bakoitzaren edukien didaktikari buruzko oinarri espezifikoagoak.

3. IKASTETXEEKIKO ATXIKIPENA

- Espezialitate bakoitzerako praktikak egiteko nahikoa ikaspostu eskainiko ditu Unibertsitateak abian den ikasturterako lankidetza-hitzarmen bat duten ikastetxeetan.


http://www2.unavarra.es/gesadj/facHumanas/compromiso-confidencialidad-MFPS-II.pdf


- Ikasleak Bigarren Hezkuntzako ikastetxe bati atxikiko zaizkio, eta han praktikak egingo dituzte aipatu ikastetxeko irakasle tutore batekin edo batzuekin. Atxikipen hori xede horretarako ezarritako prozeduraren bidez egingo da. Informazio gehiago behar baduzu, Masterraren web orrialdean aurkituko duzu, “Praktikak” atalean.

- Ikasle euskaldunek, nahi badute, irakaskuntza euskaraz ematen duten ikastetxeetan egin ahalko dituzte praktikak (ikaspostu eta tutore nahikorik bada).

4. PRAKTIKAK NOLA GAUZATU

II. practicuma Bigarren Hezkuntzako ikastetxearen ordutegi osoan egingo da, Masterraren web orrialdean argitaratutako egutegiaren arabera.

- Aldi horretan, ikasleak 140 ordu egon beharko dira gutxienez ikastetxean, eta, horietatik, 80 ordu gutxienez eskola arautuetan. Beste jarduera batzuk hauek izan daitezke: sailean/mintegian irakasleekin egon, eskolak prestatu eta ebaluazioak egin. Horretaz gainera, ikasle bakoitzak beste 35 ordu gehiago ditu lan autonomoa egiteko (hemen sartzen dira eskolen prestaketa gehigarria eta praktiketako txostenaren lanketa).

- Ikastetxe horretan espezialitateko tutoreek dituzten eskola-egun eta -orduen araberakoa izango da ikasleen ordutegia.

- Praktikak progresiboak dira, eta praktika-ibilbide bat programatzea komeni da. Ibilbideak etapa hauek izango ditu:

Lehenengo etapan ikasgelako behaketa egingo da.

Bigarren etapan irakasle tutorearekin irakaskuntzaren alderdi partzialak partekatuko dira: parte-hartzea unitate didaktikoak programatzeko, ariketak eta lanak proposatzeko, haiek ebaluatzeko, mintegiko taldeak prestatu eta emateko, etab.

Irakaskuntzako esku-hartze handiagoa duen etapa bat: unitate didaktiko bat egokitu, garatu eta ebaluatuko da (hala dagokionean, hezkuntza-berrikuntzako alderdiak izan ditzake). Unitate hori mota hauetakoa izan daiteke:

− Hasiera batean berrikuntzako, ikerketako eta IIEAH eta POI ikaskuntzetako gai “didaktikoetako” proiektu gisa pentsatua eta diseinatua.

− Ikastetxean sortua eta esperimentatua, Master Amaierako Proiektuaren parte moduan.

− Ikastetxeko tutorearekin adostua, ikastetxean ematen ari den irakasgaiaren curriculumaren beharrak eta egokitasuna kontuan hartuta.

5. GAITASUNAK

Funtsean, ikaskuntzako eta irakaskuntzako egoera didaktikoen behaketa eta analisi kritikoa egiteko gaitasunak eskuratu behar dira, espezialitate bakoitzeko irakasgai batean (edo batzuetan) aplikatzeko:

- Ikasgelako egoera didaktikoei buruzko behaketa eta datuen bilketa egiteko teknikak, (beste irakasle batzuen behaketa heteronomoa eta ikaslearen behaketa autonomoa).

- Ikasgelan gertatutakoaren irakaskuntza-egoeren irakurketa analitikoa eta interpretatiboa egiteko teknikak, printzipio eta teoria didaktikoen adierazpen gisa ulertuta.







- Ikasleekiko elkarrekintza komunikatiboa, aldez aurretik dituzten ideiak eta ulermen eta gaitasun mailak ezagutzeko.

- Ikerketaren ondorioz ekiteko gaitasuna, ikasleak berak bizi dituen irakaskuntzako eta ikaskuntzako jarduerak sakonago ulertu eta diagnostikatzeko.

6. PRAKTIKEN TXOSTENA ETA EBALUAZIOA

Amaitzeko, praktikei buruzko txosten bat egin behar da, 15 eta 30 orrialde bitartekoa eta atal hauetaz osatua:

1. Ikastetxearen eta bere ikasleen deskribapena. 2. Ikasleak parte hartu duen irakasgaien deskribapena. 3. Ikasleak egindako jardueraren deskribapena. 4. Egindako jardueraren balorazio eta gogoeta pertsonala, ikasleen (dimentsio kognitiboa),

irakasleen (dimentsio instrukzionala) eta edukiaren (dimentsio epistemologikoa) ikuspuntuak kontuan hartuta. Praktiken analisi horretan nahitaezkoa da Masterrean irakaskuntzako eta ikaskuntzako prozesuari buruz landu diren alderdi kontzeptual eta praktikoak gehitzea.

5. Zeharkako alderdien analisia (kultura artekotasuna, dibertsifikazioa, instalazioak...).

II. practicumaren ebaluazioa egiteko, bi atal hartuko dira kontuan:

− Ikastetxeko irakasle tutoreen txostena, Unibertsitatean praktiken tutorea denarekin eztabaidatua (% 60). Txosten hori praktikak iraun bitarteko ebaluazio jarraituan oinarrituko da, eta ikaslearen ebaluazio errubrika batean adieraziko da, ondoren Unibertsitatean praktiken tutorea denarekin eztabaidatzeko, aurrez aurre edo telematikoki. Ebaluazio errubrikak zenbait alderdi neurtzeko balio du, esaterako parte-hartze maila, ikasleekin izan den enpatia, lankidetza curriculumaren garapenean, plangintzarako gaitasuna, irakasleen esku-hartzea, etab.

− Praktiken txostena, Unibertsitatean praktiken tutorea denak irakurria eta ebaluatua (% 40). Ikastetxeko praktiketako irakasle tutoreak txosten horren kopia bat jasoko du.

II. practicumaren ebaluazioa itxita egon behar denez MALean izena emateko, txostena maiatzaren lehen hamabostaldian aurkeztu beharko da, lehen deialdian eginez gero, eta hilabete horren bigarren hamabostaldian, bigarren deialdian eginez gero. Espezialitate bakoitzeko ikasleei txostena zer egunetan aurkeztu behar duten jakinaraziko diete Unibertsitateko tutoreek; egun horiek ezarriak egon behar dira bermatu ahal izateko lehen deialdiko eta bigarren deialdiko aktak maiatzaren 15ean eta 31n itxiko direla hurrenez hurren.

Practicuma egin bitartean MAL baten parte izango den jardueraren bat proposatzen bada, ikastetxeko irakasle tutoreari behar bezala jakinarazi beharko zaio, bi irakasgaien arteko diferentzia argi adieraziz eta ikastetxeko egonaldian eskuratutako materiala erabiliko dela adostuz.

MALak praktikekin lotura zehatza daukan kasuetan, aukera egongo da praktiken txostena aurkeztu beharrean MALaren ale bat aurkezteko; izan ere, produktu garatuagoa da, eta garrantzi handiagokoa ikastetxeko irakasleentzat.

IRAKASKUNTZA GIDA 2020-2021 · Aurkezpena 4 2. Prestakuntza-programa 5 3. Egutegi akademikoa 6 4....

Documents

Transcript of IRAKASKUNTZA GIDA 2020-2021 · Aurkezpena 4 2. Prestakuntza-programa 5 3. Egutegi akademikoa 6 4....