70

[f. 1r.=]

HVEHVETLAHTOLLI. PLATICA QVE HAZE EL PADRE al hijo auisandole, amonestandole que sea bueno.

Tenonotzaliztli in tetta yc quinonotza yc quizcalia in ipiltzin, inic qualli yectli yc monemitiz.

Nopiltz, nocozqu, noquetzal otiyol otitlacat, otimotlalticpacq^xtico in tlalticpactzco in Totecuiyo omtzmoyocolili, omitzmopiquili, omitzmotlacatilili in ipalnemohuani Dios. Auh mixco mocpac otitlachixque in timonanhu in timottahuan, yhuan immahuihuan, immotlahuan, immohuayolque, omixco mocpac tlaxichque, ochocaque, otlaocoxque mopampatzinco; ynic otiyol inic otitlacat in tlalticpac. Auh in axcan achiztzinca otihuallachix, otihuallmozcali, otihualizcallohuac, otihualchamahuac, yuhq^mtia titototzintli quin ye timotlachopinilia ihquin atim otizcallohuac, otimozca

[f. 1v.]

ti, otimohuapauh, yuhquimma quin ye tihualquia immocacallotzinco, yuhquimma quin ye timotlaoquentia, yuhquimma quinyequia immocuitlapiltzin immatlapaltzin, yuhquimma quenteltzin ticoolonia immomatzin mocxitzin, immotzontecontzin yuhquimma q^n ye timoyeyecohuan inic tipapatlantinemiz. Auh quen cmonequiltia in ipalnemohuani ao emilhuitl ac omilhuitl timitztotlanehuizq^ ticozcatlanehuizq^ tiq^tzallanehuizq^ ipaltzco in Totecuiyo, ao tihcaz ao tinemiz tlalticpac, ma oc ihuiy ma oc yemel inxihualmana, in xihualmozcalti. Ma ilihuiztehua ma ilihuiztia, ma oc ye itloctzinco inahuactzco ximocalaqui in Totecuiyo inic mitzmotlaocoliliz. Auh ma oc yehuatzin quimomachitia, ma oc yehuatz mitzmoyeyecalhui mitzmotamachihuili, ca teutl ca Tlahtohuani, ca huey macoche mamalhuace, ca huey tepotze, ca yehuatz Dios huel monantzin mottatzin in cenca tlapanahuiya inic huel mitzmocuitlah

[f. 2r.=]

tznohua inic mitzmotlaotilia, in ahmo mach yuhqui inic nimitznotlaotilia in nehuatl in nimonan nimotta: yehica ca yehuatzin oquimihtalhui oquimoyocolili oquimoyecalhui inic otiyol, inic otitlacat. Ma ticmolcahuili in emilhuitl in ce yohual xicmonochilitinemi, xicmotlatlauhtilitinemi, xelciciuhtinemi, xitlaocoxtinemi. Macamo ihuiyan in cochiztli in netequiztli in xicmochihuili, ma ontlami immixtz immoyollotzin in itechpatzinco in Totecuiyo, yehica camottatzin, ca omitzmochihuilli, ma ipampa in itetlaotlalitzin xicmotlaotlayecoltili inic mitzmocneliliz, inic tlacahuaz in yollotzin inic mitzmomaquilia in itenemactzin immolhuil immomahcehual, immihcaya, immonenca, inic huel tihcaz inic huel tinemiz, inic ahmo mixtitlan tlayohualtitlan ticalactinemiz.

2 Yhuan in canin ixpan tiquiaz in ixiptlatzin in Totecuiyo, ahnoo itlaohuan, ahnoo Cruz huel ticmahuiztiliz ix

[f. 2v.]

pan timopachoz ahnoo timotlanquacoloz. Auh intla huel yehuatl in Totecuiyo Iesu xpo in inacayotzin (in iihtic moyetztica in Sancto Sacramto) ixptzinco tiq^az, tlapanahuiya inic ticmotlatlauhtiliz in ica muchi moyollo, ca moteouh ca motema quixticatzin, ca motlaottatz in ihtic moyetztica in Scto Sacramento. Yhuan huel ticmahuiztiliz in itocatzin in Totecuiyo Iesu Christo, yhu in ihuitzin huel ipan timocencahuaz.

3 Yhu tiquintlahpaloz in itlachihual in campa cate, in ahnoo cana tiquinnamiquiz in pipiltzin in tlahtoque, yhuan in tepan ihcanime, in teoyotica teyacanque in tepachohuanime in Padreme: auh in huehuentzin in ilamatzin, yhuan in ycnotlacatl, in nentlacatl, in ahmo ahuiya in ahmo paqui, yehuatl inic ciauhquetzalo, inic tiquinciauhquetzaz, ahmo an ilihuiz in tiquinciauhquetzaz, huel qualli tlahtoltica, ahmo yuhquin tintli yc tinemiz, intla huel ticchihuaz, yc titlacamachoz ti

[f. 3r.=]

yectenehualoz, yc tiqualihtoloz.

4 Yhuan xicmotlaotili xicmocnelilmachiti, xiquixtili xiquimacaci, xicmauhcaitta, xictlacamati, xicchihuili in tleyn quinequi in iyollo in nantli in tatli, ca ilhuil, ca imahcehual, ca inemac ca itech pouhqui in tetlayecoltiliztli. Ca ahmo huel yc ihcaz, ahmo huel yc nemiz in aquin ahmo quitlacamatiz in ahmo quimahuiztiliznequiz in inan in itta, in an ixco, in an ycpac nemi, cayehuatl tocayotiloz ycnopillahueliloc. Yequene ma ilihuiz tinen, ma ilihuiz tichocholotinen, ma ilihuiz taactinen in teixpan in tenahuac, an ihuiyan an icemel ximonemiti, ca ye qualli ca ye yectli ximocnoteca, xicmopechteca, xitolo ximomalcocho.

5 Yhuan huel xitenotza, huel xitetlatlauhti xiteixtili, xiteymacaci, xitetlacamati, xitetlaotla, yehica yc tinemiz, yc tihcaz. Mayehuatl yohui ixopech tictoca in yc

[f. 3v.]

onca in ye onnemi ihihuintinemi in xocomictinemi, in imac chichua, immomatlemamalli, in iquechtlan tlacuiya, in niman tlacuiya, in huel motzinilpia immoqueztlatzinia, immacopilohua, in tocuilechohua in tzatzi, in oyohua, in yuhq^ mixitil tlapatl, in yuhqui octli, nanacatl in oquic, in oquiqua, in aocmo, quimati in tetl in quahuitl quicuitihuetzi in quiyeyecalhuiya in caacolehuilia in inan in itta, in aocmo quixcopaitta in a ihuicpa mocuepa mihilacatzohua, in caocmo iquiayan in aocmo inmellan innemi, in aocmo itlacayan in tlaca, in aocmo vmpa ixe, in aocmo vmpa nacace, aoc huel ca ix iyollo, in aoc yehuatl in cuicatl in tlatolli in quehua in quihtohua, in aocmo itzatzian in tzatzi, in tlahtohua, in aocmo yehuatl in ohtli, in xopechtli in quitoca, in aocmo quihuelcaqui in qualli tlahtolli i yehuatl in ehualoni in ihtoloni, in an ilihuiz nenemi in chocho

[f. 4r.=]

lohua in aactihuetzi, i a tzonpachpol, in acuitlanexpolmonemitia, in aoc ihuay in aoc icemele mehua moteca, in ca yuhq^ tochycihu, maaicihui cuexcochihuititinemi in ixtlatlayohuatinemi, in aocmo vmpa itzteh, in analozneq^ in tlaltechpacholozneq^ in a temacpa q^quia, in a temacpa echua, a temacpa yexi yc tlatlaexotla, tlatlatilica, aoc huel mana in aoc huel mitzitziq^a, in aoc huel motlaltechpochohua a temaxopehua a teca momotla in a teca motzotzona mohuiteq^ in a tenanaltzatihuetzi in a tequaquatihuetzi. Auh yehuatlin in oq^oma in oq^nenec in Totecuiyo, aocmo imaohuay maohuatiuh aocmo ihuetzian in huetzitiuh, aocmo imiqui immiquitiuh, ca a tzonhuaztli, ca mecatl quihualmaquitiuh, ca a atlauhtli yc mohuitequitiuh, ca a acatla quauhtla huetzitiuh inic vmpa intlaqual michihuaz in tzopilo

[f. 4v.]

me, in cocoyo, ca a techinantitlan tecaltech momayahuitiuh inic itzcuintin chicome intlaqual muchihuaz, yehica ca ayac oquitochtli oq^maatili, ca an inehuiyan oq^mochichihuili oquimopicti in ahqualli, in ahyectli in tlahuelilocayotl. Auh ca an inehuiyan omoxocomicti omotlapahui in yuhq^ omochocholti, omoquaquauhti, in omotochtili, in omomaatili, in oquinamic in tochtli immaatl yohui, yhuan in ixtlahuatl, in an in ehuiyan omocalaqui in quauhtla in acatla, yhuan inehuiyan xomolli caltechtli itech omopacho, in omoxixitini in omomomoyauh an inehuiyan omotoyahui omotepexihui, ayac itech qualaniz.

6 Auh yhuan ma yca tihuetzca ma yca timotopeuh, ma yca ticamanalo in huehuetzin in ilamatzin, ahnoo cocoxcatzintli in tennecuiltzin, in ixpopoyotzin, in ixpatzactzin, ahnoo macuecuetzin, matzicoltz, matohpoltz, ahnoo huilatz, xotepoltz ahnoo ymaitz, icxitz q^huilana

[f. 5r.=]

ahnoo ntz, nacaztapaltz, yollotlahhuelilocatztli, ahnoo tlatlacamccatztli, ahnoo in tleyn cocoliztli itech ca, ahnoo yehuatl in aq^n tlahtlacoltica mococohua, ahnoo mixp otlahtlaco tleyn oquitlaco. In in izq^tlamtli nimitztenehuilia c niman ahmo inca tihuetzcaz timotopehuaz, ahmo inca timahuiltiz ahmo inca ticamanaloz, ahmo tiquimpinahuiz, ahmo tiquintlayelittaz, ahmo tiquintlatzilhuiz, ahmo tiquinmihiyaz, ahmo tiquintelchihuaz an ye yc timozcaliz titlachihuaz, an yc timiahuiz, an yc timomauhtiz, an yc tichocaz, an yc titlaocoyaz, an yc timocnotecaz, an yc timopechtecaz ixpantzinco in Totecuiyo, inic ahmo no yuhqui mopan muchihuaz in yuhqui ipan omuchiuh: intla yca tihuetzcaz, intla yca ticamanaloz intla tictelchihuaz. Auh in iquin ao tlapanahuiya in itech tonehuatiuh in tocommonamictitiuh in tecoco in tetoneuh, in temamauht in teyicahui in tecocotzo. Cuix ye quin ihquac tihualmoxicoti

[f. 5v.]

uh, tihualmomamauhtitiuh? Cuix ye quin ihquac tiqualihtotiuh: Tlacao a nelli in quihto in nechilhui in nonan, in notzamaniccaquini, ma niccuini in yuh nechilhui, macamo tepan nicamanalohuani, maca niquintelchihuani in itlachihualhuan in Dios, ma niquintlaotlani, ma niquintlatlauhtiani, ma niquintlaocoliani, ma niquipaccaittani, ma niquinyollalioni, inic ahmo no yuhqui nopan muchihuazquia in axcan ye nopan muchihua in onoconnonamictico in itech ononacico in tecoco in toneuh in techichinatz, in itzonhuaz in imecauh, in icolouh in itzitzicaz in iteuh in iquauh in Totecuiyo in ye notech conteca in ye notech compachohua, onechano onetzitzqui, campa niaz, campa nicalaquiz. In yuh tiquihtozin acaocmo tatlamat, ao ye centlamantli ipan omitzmixehuili in Totecuiyo, in yuhqui yehuantin yacachtopa inca itihuezcac in inca otimotopeuh:

7 Auh ahmo teca timocayahuaz ahmo

[f. 6r.=]

titechichihuaz, ahmo titeaxixiz, ahmo teycpac timomapopohuaz, ahmono itla yhu tictequaltiz, in tleyn qualoni, ahnoo ihualoni, ahmo itla yhuan ticteytiz in tlailli in ahmo qualli tlailli, ahmo oquitl tetech ticchihuaz, yhuan in tleyn ahmo qualli ahmo tictequaltiz, in ahmo ihualoni ahmo ticteitiz inic ahmo tictlatlacalhuiz in Totecuiyo, inic ahmo itzontlan iquatla tiaz, yehica ca cenca mahuiztililoni in itlachihualtzin Dios. Auh intla teca timocacayahuaz ahmo yc titlacaquiaz in chiltica in puctica, tiquiztiaz in tlalticpac in ihquac timiquiz, maxix mocuitl itlan tactiaz, moten monenepil tictotopotztiaz: Auh intla xiquimmailuiztili in itlachihualhuan Dios, an ihuiyan an icemele in timomiquiliz: ma ihuiyan icemele ximonemiti ma tixtomahuatinen ma ticicatinen, cana yca timotzotzonaz yca timohuitequiz in huehuentzin in ilamatzin, ahnoo cocoxcatzintli, ahnoo piltzintli inic ahmo motechtlamiz; ahnoo cana itla chi

[f. 6v.]

hualo ihtolo, tenehualo, inic ahmo titetlacahualtiz titetlapololtiz, inic ahmo titetoliniz titemocihuiz, in ipampa ahmo monehmatiliz:

8 Yhu ma cana titequacoyoni, ma cama titetopeuh titemayauh, ca yc axixtli cuitatl ticmotlaliliz, yhuan ma cana ilihuiz titlahto ma titetlahtolpanahui, inic ahmo titetlahtolcotonaz ahmo titetlapololtiz, ahmo ticteilcahualtiz in tleyn qualli tlahtolli inic nenonotzalo. Auh intlacamo melahuac quihtohua, in tehuatl huel timoyeyecoz intla tiquintlahpatiliz n aquiq^ in huehueyntin tlahtozque, intlacamo motlahtohuaya, ahmo tehuan titlahtoz ahmo tinahuatiz, an timocahuaz. Auh intla no tehuatl motlahtohuayan, ahnoo titlatlaniloz, an melahuac inic titlahtoz, ahtle tiquiztlacaihtoz, ayac ticchicoihtoz, huel ticnehmachiliz immotlahtol inic titlananquiliz, ahmo yuhquin tixolopitli, ahmono yuhquin timopohuani inic titlahtoz inic titlananquiliz, an tecpilhuetziz im

[f. 7r.=]

motlahtol, yc timahuioloz.

9 Yhuan ma ticmocuitlahui in ahuillahtolli in camanallahtolli ca ahmo qualli ahmo yectli, ca an teahuilquixti tetlahuelilocatili, ahmo ihuiyan yectli, tetlaz temayauh in atoyac in tepexic, in tzhuazco immecac, quitenamicti in tetl in quahuitl.

10 Yhuan ma ticmocuitlahui ma itech timoma in tianquiztli, yhuan in apan ohp ma timoquetz ma timotlali, oncca, onca nemi in huey iteyya in itequaya in tlacatecolotl, yehuatl in tecihuauh, yehuatl in tetlacauh in teaxca in tetlatqui, in tecue in tehuipil.

11 Yhuan ma muchipa tictemo ma muchipa tiquelehui, ticnec in qualli nexintli, ma muchipa timopepetla, timotezcahui, ma muchipa timoyecquetz timoyecchichiuh, ma muchipa tiquelehui in qualli nechichihualiztli, ca an itetlacaanaya, yc tetlapahuiya temxhuiya in tlacatecolotl, ca onc motlamali, ca aocmo ixnez

[f. 7v.]

tica in cana ipan immoneyecquetzaliz moneyecchichihualiz yc mitzatoyahuiz mitztepexihuiz in tlacatecolotl, cana yc mitztzotzonaz mitzhuitequiz in tecue in tehuipil, yhuan inic ahmo titlahuelilocamachoz.

12 In ihquac ohtli tictocaz ahmo ahuiccampa titlachiaz an tictequimatiz in ohtli, ahmo timomatlatlaztiaz, ahmo tichuihuiltectiaz in ohtli, ahmo tequechpan timotlatzitzquilitiaz timotlaquechitiaz, ahmo titematzitzquitiaz, ahmo timoquatlatlatiaz, ahmo ticamanalotiaz, ahmo titeixtotocatiaz, ahmo titepapanahuitiaz, ahmo tlayacac timoquetztiaz in tlacamo oticnahuatiloc.

13 Intlanel tinahuatiloz inic titeyacanaz, ao an yc titlatlatto yc tiztlacolo, in cuix timihmati: inic qualli yez ao occeppa, aocoppa in titlanahuatiz inic ahmo titeyacanaz. Auh intlanel tiquimpanahuiya in occequintin ayamo niman yciuhca tiquinyacanaz, oc timoquetzaz oc ticchiaz in

[f. 8r.=]

az in aotitlalcahuiloz.

14 Yhuan in canin quixohuayan, ahmo tehuatl achto tiquiaz, intla oncate in mitzpanahuiya yehuatin achto quiazque: ahnoo calacohuaya ahmo tehuatl achto ticalaquiz, yehuantin achto calaquizque immitzpanahuiya; an no yehutin quiyacattitiezque in campa netlaliloyan, in campa nequetzaloyan an no yehuantin quiyacattitimanizq^: auh n campa tlahtozque yehuan compehualtizque, ahmo inyacac tiquiztihuetziz, ahmo ilihuiz tiquincuiliz in imachcauhyo in intayo, intlacamo omitzmopepenili in Totecuiyo intlacamo itencopatzinco in tleyn ticchihuaz ca yc titlahtlacoz. Auh in tlalticpactlaca in ihquac mitzittazque immihmatime in huellanonotzaltin in huellazcaltiltin, ca niman mitzpinahuizque mitztlatenmachilizque: No yehutin achto tlaquazque, atlizque, auh in tehuatl ahmo niman no tiquelehuiz in achto atliliztli tlaqualiztli, ye oc tocontemoz in tlamahcehualiz

[f. 8v.]

tli in necnotecaliztli, niman ye tocommocuilliz in atzntli, timotematequiliz timotecamapaquiliz; intla tipilli ahmo oncan ticcahuaz immopillo immotlahtocayo immohueyca: ahm ma chalchihuitl teoxihuitl immomactemi ahmo hualtepehuiz, yc tlamahcehualo ipaltzinco in Dios, intla atepan timacoz in quexquitz in motechmonequiz, ahmo tictlahuelcahuaz, ahnoo intla ahtle huel timacoz, ahmo yc timoxicoz ahmo yc titetlayelittaz, ahmo yc timocniuhcahuaz, ao yuhqui monequiltia in Totecuiyo, ao yc moitztlamahcehualtia: Auh intla yc ximoxico intla yc xichicotlahto ca ahmo huel yc neciz in titlaopiltzin Dios, ao oc achitzin immolhuil yezquia immitzmomaquilizquia, ca yc ticmoyolihtlacalhuiz, yc ahtle tonquiaz:

15 Yhuan ma cuel ticmocuitlahui ma tiquelehui in cueytl in huipilli, teahuilquixti teyolo, tecatzauh tetlahuelilocatilli, ma moyollo monan motta ticchiuh, ma nextepehualli, ma ohtlamaxalli ticmonanti tic

[f. 9r.=]

mottati, yc itzontlan iquatla tiyaz in Totecuiyo, ma ye oc xontlacoti xontequiti ixpantzinco inahuactzinco, ca oc tatzintli titototzintli, ca oc tixiloti timiyahuati, imma an yuhqui tichalchiuhtzintli titeoxiuhtzintli, imma an yuhqui tiquetzaltztli ma monehuiyan timoteteo timohuahuao. Can yaz in cueitl in huipilli, ca tlacelia, tlatzmolini, tlaxiloti, tlamiyahuati? in tlalticpac, ahmo temocihuican: oc ye itloctzinco inahuatzinco ximocalaqui in Totecuiyo, ma oc yehuatzin tlamacatzintli in quenin moztla in quenin huiptla, ao ye nican ihcatihuitz in temoxtli in ehecatl inic mitzanaz inic mitzitzq^z. Intla cueitl huipilli itl ticalaq^zneq^z titechilhuiz timonahu timottahuan, ahmo ticmotlaliliz ahmo ticmihtalhuiz ca tinane, ca titahua, ca tuhq^hua, timamalo.

16 Yhuan ma no ana tetopco tepetlacalco tecomic tecaxic timayauh, ca onc to no tiaz, onca tactiaz, yhuan ma tipato, ma ahuillotl ticmocuitlani, oncan ticmonamic

[f. 9v.]

namictiz in ohui in etic, ao huel cana ippa tichtequiz, ca quin ihquac tipinahuaz in tianquizco moca tzatzihuaz, ac tictenyotiz, ca niman nehuatl in nimonan in nimotta in tinechpinauhtiz teixpan. Ye qualli ye yectli xicmocuitlahui in tlalticpacayotl, xitlaay, xitlatequipano, xiquaquahui, xelimiqui, xinopaltoca, ximetoca, yc tiquiz, ye ticquaz, ye ticmoquentiz, ye yc tihcaz, ye yc tinemiz yc tihtoloz titenehualoz, yc mitziximatizque immauh immotlaqual immohuayolque, ao qumanian cueytl huipilli itech timopiloz, tlein quiquaz tleyn quiz, cuix ehecachichinaz, ca ticeuhtin ca tipahtin in tiquauhtin in tocelome, ahnoo centetl ontetl ixillpa itozcatlampa huetzi in cozcatl in quetzalli, tleyn quiz tleyn quiquaz.

17 Ayaxcan in tlalticpac yc nemohua tohuique, tetique in timacehualtin, in ahttaci in ahtonehua, in ahualnecini in toquezpan in toquappan, in toquechtlan in ompilcaz, in an achitin quexquitzin in xaxal

[f. 10r.=]

tzintli in ichpilinaltzintli, yhuan in tleyn tiquizque in tleyn ticquazque, in tocochca in toneuhca, ca huel ontimalihui, ca huel onchamahua in tecoco in tetoneuh: ayaxcan cemamauhti inic omitzizcalti inic omitzhuapauh, inic otizcallohuac inic otichamahuac, ca huel intlamani in nacol in nocuitlapan, inic onictemo inic onicxelo otimiti, in oticmoqualti, yequene ommittetzino onicpilo in ichpilinaltzintli, ca tianquiztla, ca nanahuiztla onicnentlamachti in quauhtzintli, in izcaxaltzintli, in chilpoztectzintli, yhu onitetlaaili, onitequaquehuili, onicteanili in tetopil in tecacax, inic onictematomilti in can cemmatzin popoyotzintli, n c quexquitzin xaxaltzintli immottetzinco omonec inic achitzin yc oceliz ototonix immonacayotzin, ahmo onimitzxiccauh, ahmo onimtznencauh, huel mopampa onichocatinen onitlaocoxtinen, ahmo axixtli ahmo cuitlatl onimitztlalili, ahc tetopco tepetlacalco, ahcan tecomic tecaxic oni

[f. 10v.]

nican oniccuic inic onimitzizcalti inic onimitzhuapauh, ca huel otimaliuh, ca huel ochamahuac in quauhyotl in oceloyotl, an ihuiyan, an icemele in nimitzcauhtiaz in tetloc in tenahuac.

18 Auh yhuan ma ticmocuitlahui iniz tlactli in tequalacti, ca ahmo ihuiy yectli, ahmo ihuiyan qualli, ayac huel tetloc tenahuac yc ca yc nemi, axixpan an cuitlapan tequixti temayauh? Ye qualli ye yectli intla mixpan oihtoloc otenehualoc in qualli tlahtolli, in huel ihtoloni in huel tenehualoni in ahmo tlahtlacoloni, in tlatiquihtoz, ahmo tictzonehuaz ahmo tictlapihuiz, intlacamo yhuampo, ahmo tichuampotiz, an ixquich in quexquich oticcac in tiquihtoz, inic ahmo titlahtlaoz: auh in tlein ohui mixpan mihtoz muchihuaz, ahmo niman quihtoz ahmo niman tictenehuaz ticpantlaaz: intlanel aca mitzilhuiz in ticnextiz in tiquihtoz, ahnoo aca mitztlatlaniz in ipampa mixpan omihto omuchiuh, ahmo tiquilhuiz ahmo ticnexti

[f. 11r.=]

liz intlacamo ac quimati. Cuix yuhquin tixilotl timiyahuatl ticuitlatzayanaloz, cuix mihtic tlachiazque: ca yuhquin topco petlacalco immihtic immocuitlaxcolco ca huel ilpitoc huel tzacuhtoc: ma aca in quihto ma aca in q^nexti, ma aca in q^moteq^uhti, macamo tehuatl tiq^htoz in ticnextiz, itla ticmoteq^uhtiz, inic ahmo ticmonamictiz in ohui in etic, in temamauhti, inic ahmo ca ticmotlaliliz in xixtli cuitlatl: ca intlacamo yuhq^ itiq^hto in oticteneuh ca yc titlatlacaololoz, inic oncan cenca titoliniloz tipinauhtiloz, titentzatzayanaloz.

19 Yhuan intlacamo yuh ticchiuh in yuh quimonequiltia in Dios, in tlacayamo moteiya motequaya, inic otiteyc otitequa ca ticmotzacuiltitiaz, ca yc tixamaniz ca yc tipoztequiz in tlalticpac, ahnoo Mictlan, ahtle yc tihualmacoz, ahtle yc tihualtitiloz, a ticnehuiyanhuiz immix immoyollo intla yuh ticcihuazyn.

20 Auh yhuan ma ticmocuitlahui in tla

[f. 11v.]

tlacatiahtolli, ma yuhquin timaquizcohuatl, tichiquimolin timuciuhtinemi, ma cana tetzalan, tenepantla timotecatinen, ma cana titenetecheuh, titeixnamic, ma yuhuq^n tecteuh caxteuh titenetechalani, ma titexixitini, ma titemomoyauh: ao huel mani i molcaxitl in chiq^huitl, ao huel onihua qualo in atolatztli huapahuacatzintli, ao huel onoc petlatl, ycpalli, ao huel nemaco in xochitl in iyetl; ma no tehuatl toctlaz, in ahqualli ahyectli, teuhtli tlaolli, ma tehuatl tiq^olo, ticcatzauh petlatlin yc palli in ycniuhyotl in cohuayotl in netlacamachiliztli, notlaotlaliztli, ca intla yuh ticchihuatzin ca ahmo yc titlacaq^az ca tictzacuhtiaz in quemmanian.

21 Intla aca canapa mitzmotitlaniz, intla pa tihualahualoz, ahnoo huel teputzihtoloz in omitztitl, ahmo ye tihualqualtiaz ahmo motco ahmo mocamac hualpilcatiaz, in yuhqui mopan oq^chiuh inic omitztolini inic otimohuicaya: auh m otihualmohuica ntla nim mitztlatla

[f. 12r.=]

niz in omitztitl ca, intla mitzilhuiz. Qn otiq^ato in pa otimohuicaya, nim qualli tlahtoltica ticnq^liz, yocoxca ahmo tihcicaz, ahmo nim yuh tiq^lhuiz in tleyn yc imotztolini, ahnoo yehuatl in tlein yc oquihualahuac yc oquihualteputzihto, ahmo nim ticnextiliz. Auh intla nim yuhxiq^hui intla nim xicnextili, ao ye nim tiquinneixnamictiz tiquinnetechehuaz, ao niman yc mahuazq^ momictizq^: auh tehuatl titenetechehuani cuix tipactiez, cuix huel yez immoyollo, cuix quin ihquac tiq^htoz, macaco yuhq^ niq^htohuani inic ahmo mixnamiq^zquia. Intla yuh tiquihtoz yn cuix oc yc tompahtiz, cuix oc yc tonyectiaz, ca ye timaq^zcohuatl, ca yctichiq^mol, qualli an yectli in q^nin otihualtoliniloc, ahnoo in quenin otitlachiato yn tleyn muchihua, ahmo monexicolizpan, ahmo moneyocolpan tichaleuhtiaz tichualiztotiaz, ticqualtiliz i mocuic immotlahtol, yc cca tlapanahuiya yc titlaotlaloz, ic huel tetloc, tenahuac timonemitz.

[f. 12v.]

22 Yhuan ma cana tecue, tehuipil yc timotzotzon yc timohuitec, cenca oc moyolic ihuiyan xonitztiuh xommihmattiuh, ahmo oppatihua in tlalticpac huel achitzinca, an huel ixquichcahuitzintli ih hualnetotonilo in ipaltzinco Totecuiyo, an yc oncenquia in tlalticpac, intlacamo an ihquac tlacahuaz in iyollotzin Dios in techmozcaliliz yhuan techmotlatzontequililiz, yequene techmotlacuepcayotililiz in yuh ca totlachihual, in yuh ca tomahcehual, tocnopil.

23 Yhuan ma ilihuiz titlacuicui ma ilihuiz titlanenec, ma ilihuiz timotlatepehualti, ma ilihuiz titepanahui in ahmo molhuil in ahmo momahcehual, in ahmo monemac, ahmo an ticmocuiliz: ca an yehuantzin in Totecuiyo Dios; motechichihuilia, ca iceltzin q^motemaquilia in ceceyaca temahcehual in tenemac, ca yehuatl ticmocultiz ticmonemiliztiz immolhuil immomahcehual immonemac: ma quin ihquac in omitzmahcehualti

[f. 13r.=]

in Totecuiyo ip tiez ip tihcaz ip tinemiz ahmo huel nim no ip tinemiz intla timihmatini, an ycnotlacayotl in ipan tinemiz yc hueyaz momahcehual, ca tla mopan quichihuaz in Totecuiyo, auh intla a tel noo tictoliniz, yehica ca maxca ca momahcehual ca monemac, auh intla ilihuiz xiccui in ahmo momahcehual, in ahmo monemac, yc titoliniloz yc tiopinauhtiloz, yhuan yc timotepohuaz ixpantzinco in Totecuiyo.

24 Auh yhuan intla aca mitzmononochiliz ahmo titlalihuecuilotiez, ahmo intla ticmahuiltitiez, ahmo timoxitlatlahuitectiez, ahmo timocxitlatlahuitzotiez, ahmo timocximamatilotiez, ahmo motilma tictlatlanquaquatiez, ahmo tichichichatiez, ahmo ahuic campa titlachiaz, ahmo timoquetztehuaz, ahmo no timoatlazticaz, ahmo notimotatacaticaz.

25 In izquitlamantli in inonimitztenehuili intla yuh xicchihua, ca huel oncan tneciz

[f. 13v.]

in tihuey ytlahueliloc in ahmo ompaca immix immoyollo, ca huel tehuatl in titlahuelcahualoni, ca huel tehuatl molhuil momahcehual muchihuaz mixitl in tlapatl, in octli in nanacatl in tiquz in ticquaz inic tihuintiz inic timotlapololtiz inic aoc ticmatiz in timomayahuiz in tlexochquauhco, in tlecomalco in atoyac in tepexic in timocalq^z, in tzohuazco immecac, inic aocmo ticmatiz inic ticmonamictiz tetl in quahuitl, in xixtli cuitlatl, inic teixco teicpac tinemiz inic timochocholtiz, inic timoquaquahtiz inic ticmonamictiz in tochtli im maatl yohui, inic timocalaquiz in quauhtla in acatla, intlacamo ticcuiz intlacamo ticanaz in nyotl in tayotl, intlacamo ticmocaccanenequiz immihcacac immonena: ye ixquich ye oncan ye omuchiuh omotlahueliltic ca a can tihuetzitiuh, ca a can coyotl, ca a can tequani ymac taquitiuh, ahmo tle yc tihualmoxicoz immictla immoteputztla, ca mohuic onequixtiloc, onentlaehualoc

[f. 14r.=]

ca nel ahmo tican ahmo ticcuic in choq^ztli in ixayotl, auh ca nel ahmo motech oticpacho in colotl in tzitzicaztli, otiquaqualtiloya, ca an otictlaz oticmaxopeuh, otiquicxotlac, inic timozcalizquia, inic titlachiazquia, ca an tetl, quahuitl ipan oticma.

26 Yhuan ma mixco ma mocpac ticman, inic omitzmocnelili in Dios, intla yc titlahuelilocatiz intla yc teca timocacayahuaz, ca yc timoquaz, yc tetech timoqua, yc ticaamanaz yc ticmocihuiz in Totecuiyo, ao oc huey inic mitzpanitlaliz.

27 Yhuan in ihquac titlaquaz ahmo oncan titetlayelitztiez, ahmo tictetlahuelcahuiliz in tlaqualli, in aquin mopancalaquiz cequi ticmomaquiliz, ao momayanaltitiuh, macihui in quexquitzin ca ye otimotlamahcehui. Intla aca itlan titlaquaz inic ahmo timelcimaz timelmotlaz timeltepotlamiz, ahmo achto timocahuaz, quin ihquac, timocahuaz in omocauh.

[f. 14v.]

28 Auh intla aca itlan timonemitiz timotlacuitlahuiz in ichantzinco titletlaliz, titlatlatlaliz, titlachpanaz, yc tihcaz, yc tinemiz, yc tatliz, yc titlaquaz in tetloc in tenahuac, ca intla onc titlacoloz titlacatzahuaz, ahmo tihuecahuaz. Intla huel timonemitiz, intla huel ticchiaz inin nimitzilhuaya in ihquac tittaloz, mopampa tetl quahuitl quitoctizque in aquin ahmo huel nemi, in ahmo quitlacamati in itta in inan: auh in axcan yc ixquixch yc ninoquixtia in nimonan in nimotta, yc nimitzapana yc nimitztetzilohua, yc nimitztiahuiya, yc nimitzpotonia, ma an cana tocontlaz, ma cana tocommayauh: in axcan an ye ixquich in ticmocaquitia, ma mitzmoyollotili ma mitzmolnamictili in tlacatl Totecuiyo Dios.

RESPUESTA QUE HAZE EL Hijo a su Padre.

Tlananquililiztli in tepiltzin yc quinanquilia ittatzin.

[f. 15r.=]

Nottatzine otlacauhqui immoyollotz otinechmocnelili in nimocozqui, in nimoqutzal, ao nicanaz ao niccuiz in cententli in cencamatl in hualquia in hualhuetzi, in hualtepehui in hualchayahui immoxilantzinco immotozcatlantzinco inic nohuicpa timoquixtia, in nimocozqui in nimoquetzal, inic ahmo ninoxicoz in quemmanian in ao itla onax onicchiuh in ahqualli in ahyectli, inic ahmo tle mahualocatzin yez in tinottatzin. Auh ca tel oc nipiltontli niconetontli, oc nitlalololohua, oc nitapalcamahuiltitica, oc naxix, oc nocuitl nicnahuiltia, oc notenqualac oc noyacacuitl nomac nictecuiya, ca ayamo cenca nitlachia nitlacaqu, ayamo cca ninozcalia ayamo ninihmati: campa nel tinechmihualiz, ca tinonantzin ca tinoteatzin, ca nimezo, ca nimotlapallo, ca oc quiaz ca oc huetziz in centetli in cencamatl immonanyotzin, immottayotz, cuix tinechmoxiccahuliz? Ma quin ihquac in ahuel nicana in ahuel niccui, ma tinech

[f. 15v.]

mocahuiliz: auh in axcan an ixquitzin yc niccuepa immihiyotzin immotlahtoltzin, in cententli in ccamatl impopoloni, in tzacui, in tlallo in tapalcayo, impipillahtolli in coconetlahtolli, in ayahuel onquia in ayahuel onhuetzi in cententli in cencamatl. Ma ximehuititic nottatzine.

PLATICA QUE HAZE LA Madre a la Hija auixandola.

Tenonotzaliztlahtolli in tenan yc quinotza quixtlamachtia in ichpuch.

In axc noconetz cocotz nocihuapiltz otimoyoliti otimotlacatili, otimoq^xti otimohuetziti in noxillpa in notozcatlpa, ca omitzpic ca omitzmamal, omitzichic, omitzcanauh mottatzin immotecotzin. Auh ma ticaamantinen in tlalticpac quen tetloctzinco quen tenahuactzinco timonemitiz, ca ohuican ca temamauhtican

[f. 16r.=]

ca ayaxcyotica onic nemohua inic ichalohua in tlalticpac, ca huel ontlami in teix in teyollo, yhuan in teacol, in tecuitlapan, in temolic, in tetetepon, inic achitzin quimotemaquilia quimotemahcehualtilia in itleyotzin in imahuiotzin, in itotoncatzin in iyamancatzin in itzopelicatzin in iahuiyacatzin in tlacatl in Totecuiyo.

Auh in tehuatl ma timoxiccauh ma timonencauh, ma timoteputzcauh in tinocozqui in tinoquetzal, ma ontlami immitzin immoyollotzin, yhuan immacoltzin immocuitlapantzin, immomolictzin motetepontzin, intla itlan ximaquiti in tlachpanaliztli in tlacucuiliztli in tematequiliztli in teixamiliztli in tecamapaquiliztli. Auh ma no itlan ximaquilti in atl immetlatl, yhuan huel xictzitzqui huel xicacocui immolcaxitl in chiquihuitl, huel xicmana huel xiquiquani in teixpan in tenahuac ma tic

[f. 16v.]

chachalantimayauh, ma ilihuiz ticm, an ihuiyan an iyolic ticmanaz, yhuan ahmo tixtomahuatiaz, ahmo ticicatiaz, ahmo tihuetzcatiaz, ahmo mixtlampa ahmo monacaztlampa titlachixtiaz, ahmo titeixtotolcatlaz, ahmo teixco titlachiaz, an titlamelauhcaihcatiaz an titlamelauhcatlachixtiaz in ihquac teixpan timohuicaz, ahnoo teixpan timoquixtiz, ahnoo timotenamiquiliz: inic onc ticmocuiliz in tleyotl immahuizotl, inic ayac miltztolinia, inic ahnoyac tictoliniz, inic an nepantla yez in cohuayotl immahuiotl. Yhuan huel xicuica huel xitlalito, huel xitenotz, huel xitenanquili, huel xitetlatlauht, ahmo tlacohualli in tlahtolli, ma yuhqui in tinotli in tixolopitli timocuep. Yhuan immalacatl in tzotzopaztli, huel ximocuitlahui in tlalohihuic in acohuic, in potoncatzntli, in pilincatzintli in tlamacuiyaltzintli, yhuan in tlacuiloltzintli immachiotzintli, tlapaltzintli, yc huel tetloc tenahuac timonemitiz, inic ticmomahcehuiz in cana achitzin

[f. 17r.=]

atolatzintli, in tlamatzohualtzintli in quiltzintli, in nopaltzintli, yhuan in can quexquitzin xaxaltzintli in popoltzintli, immoquezpantzinco immoquechtlantzinco ompilcaz inic ontotoniaz inic onyamaniaz immotlactzin immonacayotzin, inic ipan ticmotlaocamachitiz in Totecuiyo in itetlaocolilitzin, in iteycnelilitzin.

Auh yhu ma tictzopelicama ma tichuelicama cochiztl neteq^ztli. Auh no yhu ma tictocatinen in tonalli in ecahuillotl, ahmo ihuiyan yectli, ahmo ihuiyan qualli in quitecuitia in quitenectia, quitemachtia in tlahuelilocayotl in tlatzihuizchihualiztli, inic acan huel tetloc tenahuac tiez: ca ye qualli ca ye yectli ximatto, xicmamattie, xicmamattinemi in tleyn qualli in tleyn yectli, in tleyn ticcihuaz in ticmamaz, ye in chihualoni ye immamaloni, in ao itechpatzinco in Totecuiyo, in ahnoo totechmonequi in timacehualtin.

Yhuan intla tinotzaloz ahmo oppa, ahmo expa, ahmo miecpa tinotzaloz, an

[f. 17v.]

ceppa nim timoquetzthuaz inic ahmo titlaqualoniz, inic ahmo titoliniloz in ippa ahmotetlacamachiliz. Intla itla tihuiloz huel ticmoyollotiz inic ahmo tiquilcahuaz yhuan huel ticchihuaz ahmo ticcuecuepaz ahmo tiquiilochtzi, ahmo ticxoxopehuaz ahmo ticmamayahuiz in tlahtolli intlacamo huel ticchihuaz, an ihuiy an yocoxca titlanahuatiz, ahmo an yc timoquequeloz, ahmo an teca timocacayahuaz, ca mitzmottilia in Totecuiyo a nelli in tiquihtoz in tleyn ipampa ahmo huel ticchihuaz. Intlanoo ahmo tehuatl tinotzaloz intla occe tlacatl notzalo in ahmo yciuhca moquetzazneq^, in acaomoquicaquiznequi ahmo quichihuaznequi in tleyn ilhuilo in tleyn tequinhtilo, niman tehuatl timoquetz tehuaz ticcaquiz in tlahtolli, ticchihuaz in tleyn quichihuazquia in occe tlacatl, ca nelli tlapanahuiya inic titlaotlaloz intla yuh ticchihuazyn.

Ihuan intla aca itla mitzmolhuiliz in i

[f. 18r.=]

techmonequi immoyolia, ahnoo in tlalticpac huel nemohualoni huel ihcaoni huel ticanaz huel ticcuiz, ticmonemiliztiz, intlacamo ticaniliz intlacamo ticcuiliz, intlacamo tictlacamatiz, ca cenca yc mohuicpa motetzahuiz tlamahuioz, ca ahtle yuhqui ipam mitzittaz in tlalticpac.

Yhuan xitolo, ximopechteca in teixpan in tenahuac, xiteixtili xiteimacaci. Ma teixco ma teycpac tinen, ihuiyan yocoxca ximonemiti, xitetlaotla, xitetlatlauhti, xitetlaocoli xictemaca in can quexquitz, ma titetlayelitia ma titeoyehuaca.

Auh yhuan ma timochicoma ma titeixtoca in ipampa in icococatzin in Totecuiyo in ihquac aca quimomaquilia.

Maaca tictolini maacaquen ticchiuh, maaca yca timocacayauh, ca niman tehuatl in timotoliniz: yhuan ma ticmocuitlahui ma ticmahuilti in tlahuelilocayotl, ma ticmonanti yhuan ma ticmottati in nextepehualli in otlamaxalli.

Ma monehuiy ticmoqualti moma im

[f. 18v.]

mocxi, ma moyollo mon motta ticchiuh, ca yc tahuilquiaz ca yc timioloz timocatzahuaz timotliloz. Auh no yuh titechpinauhtiz, imma yuhqui tatl, imma yuhqui titlaqualli, ca an monehuiyan monohma, yc timoneneloz ahqualli in ahyectli &c.

Yhuan ma tiquimmochiuhti in iztlacatinime in ichtequinime, in ahuiyanime in cacalacque, in tlatzihuinime, inic ahmo mitzmahuazque inic ahmo mitzxoxazq^ an xiquixcahui in calihtic, in tleyn ticchihuaz.

Macamo xiquia in quiyahuac yhuan ma itech timoma in tianquiztli, in atlan, in ohtlica, ahmo qualcan, ahmo yeccan vmpa ca in teyolo in tecatzauh, in teohuitili, in tetolini, in tecamaatili, in ahqualli in tlahtlacolli, ahmo an yuhqui immixitl tlapatl, in cenca tlapanahuiya in cenca temamauhti, in aihuiyan tecauh in a ihuiyan tetlacaquixti.

Auh intla aca canapa ticnamiquiz in oq^chtlahueliloc intla mitzcamanalhuiz,

[f. 19r.=]

ma tichuetzquili, an timocahuaz ahmo tle ipan tiquittaz ahtle ipan ticmatiz in itlahtol in icamanal, ahtle ipan tiquilnamiquiz in teyolo in tecatzauh in tlahtlacolli. Intla mitztocatiaz, intla leyn micampa q^htotiaz intla itla q^chichiuhtiaz, ahmo tihualmilacatzotiaz tihualcanazitztiaz, ahtle tiquilhuiz: inic ahmo ticyolehuaz inic ahmo ticyollochololtiz an yuhmitzcahuaz, an tictequimatiz in ohtli, ahmono titzicquaquatiaz.

Yhuan ma ilihuiz tepan ticalac, itla vmpa motechtlamiz.

Intla ihquac impan ticalaquiz immohuanyolque huel tiquimixtiliz huel tiquimimacaciz, inic ahtle motechaciz, in ahqualli, ahmo tihuetzcatinemiz, huel tiquimixtiliz tiq^mimacacaz immohuayolque. Ye ticcuitihuetziz immalacatl in tzotzopaztli, yhuan in atl immetlatl, yhuan immolcaxitl in chiquihuitl, ahmo an timomamaitquitiez ahmo moma mopantetemiz.

[f. 19v.]

Auh in ihquac in aquin ticmonamictiz in quauhtli in ocelotl, ahmo ixco ahmo ycpac tinemiz, in ihquac tleyn michihuallaniz, in mitztequiuhtiz in tleyn mitznahuatiz, niman huel tictlacamatiz, ticpaccacaquiz in itlahtol, ahmo niman ticqualancanamiquiz, ahmo niman tixtomahuaz, ahmo ticcuecuepiliz, ahmo ihuic timilacatzoz, intla itla yc mitztolinia: ahmo no onc tiq^lnamiq^liz, ahmo yc ticmoxictiz yc timotlanectiz intla yc notlacatl.

Intla huel moca nemi, ca ye huel mocuexanco momamaihuazco ticmotlaliliz, ahmo yuhq^n tehuatl timoquauhpohuaz timocelopohuaz, ahmo an quen ticchihuaz in tleyn mitznahuatiz, inic ahmo ticyolitlacoz in Totecuiyo yhuan iyehuatl inic ahmo mitztoliniz, an quenticchihuaz in tleyn mitznahuatiz, inic ahmo ticyolitlacoz in Totecuiyo yhuan iyehuatl inic ahmo mitztoliniz, an ihuiyan an yocoxca tiquilhuiz in tleyn yc mitztoliniz, ahmo teixpan tenahuac ticpinauhtiz, ca intla ticpinauhtiz, ca niman yuhquin tehuatl moyollo mocuitlaxcol in teixpan ticnemitia in tichuilana.

[f. 20r.=]

Yhuan intla aca ipantzinco mocalaquiz huel ticmocuitlahuiz, intlacamo mozcalia intlacamo tlachia in aquin moquichhui, tehuatl tiquilhuiz in quenin ihcaz in quenin nemiz tlalticpac. Yhuan huel ticmocuitlahuiz in tleyn ihuaz in tleyn qualoz, in ao mochan in tleyn yc tlatotoniaz in tleyn yc tlayamaniaz in amonextitlan in amotlecuillan.

Yhuan huel ipan titlahtoz in amocu in amomil, yhuan huel tiquimmocuitlahuiz immotlatequipanocahu, yhu huelticpiaz in toptli in petlacalli, huel tictzatzaquaz in comitl in caxitl, ahmo an tehuatl timahuilquixtiz, ahmo an tehuatl timoxixiniz, timomomoyahuaz, intla an tiquiztinemiz, intla an tiyatinemiz, ayc huel mocon, mocax tiquittaz, ayc huel mochan mocal tiquittaz intla yuh tinemiz.

Yhu intla onyez immaxca immotlatqui ahmo ticahuilquixtiz ahmo ilihuiz tianquizco tiquitquiz inic ahmo motoliniz, ca ye huel ticpalehuiz inic ticpiaz

[f. 20v.]

in amaxca ipaltzinco in Totecuiyo, achitzin antotoniazque anyamaniazque inic anquincahuilitehuazque in amopilhuan amoxhuihuan.

Intla yuh ticcihuazin inic onimitznonotz inic onimitzizcali, yc nelli huel tinemiz in tepaltzinco in tenahuactzinco, yc mohuicpa ninoquixtia in nihuehue in ilama in nitlacazcaltiani in nitlacahuapahuani, inic ahtle nahualocayez in quemmanian, intla otican, intla oticcac, intla oticcuic, intla moxillan, intla motozcatlan oticmopachilhui. Omolhuiltic omomahcehualtic yehuatl yc timonemitiz, ohuetz in qualli cuicatl, in qualli tlahtolli: intlacamo xiccui omuchiuh omotlahueliltic, nen in timixtetzapoloz, a nen immoquatetzauh tiquittaz in tinocihuapiltzin in tinoconetzin, canel ahmo ticcuic ahmo tican in nanyotl, in tayotl, an micampa an motepotzco otictlaz oticmayauh immotquiloca immomamaloca.

[f. 21r.=]

RESPUESTA QVE HAZE LA Hija a la Madre, dandole las gracias.

Tlanquililiztli in teichpuch yc quinanquilia in inantzin, yhuan quicnelilmati in itenonotzaliz in iteizcaliliz.

Otinechmocnelilitzino nopitzin in mocozqui in nimoquetzal, campa nel tinechmocahuilitiuh, can tinechmotemaquilitiuh, ca moxillampatzinco motozcatlanpatzinco oniyol, onitlacat in nipiltontli in niconetontli. Maca yuh nicma ma ca yuh nimitznottili in tinonantzin in tinopitzin, in tinotatzin. Tleynmach quinequi immitzin moyollotzin immonacayotzin, ca yuhqui in nopampa oticmotzacuiltitzino in yc otinechmozcaltili in nextitlan in tlecuillan in nopan otichochyayaticatca, intla xinechmotencopiniliani intla xinechmocochpachilhuiyani: ca huel nopampa otimoteputzmamauhtitzino, in aihiyan cochiztli in netequiztli in oticmuchihuili in huel nopampa otimix

[f. 21v.]

toohualtitzino, yhu in naxix in nocuitl oticmatzohuiticatca, in aihuiyan in ahicemele in ohualchiahuatia in ohualpepeyocayotia i mmochichihualayotzin in nocamac otinechmotetequilili otinechmochichipinilili, in ayaxca hualmoquixtia immochichihualoyotzin, yehica in axcan in tleyn tocommochihuilia, ca nopampa inic moxillantzinco mocuitlaxcoltzinco immottetzinco omotecatinenca, yhuan in ahmaxyocatz immomalacapatiotzin immotzotzopazpatiyotz in otinechmitili in otinechmoqualtili inic achitzin onihualizcallo huac onihualchamahuac. Auh in axcan ahmo timotlatzihuititznohua in nopampa, in ye no cuel ye tinechmolhuilia tinechmomaquilia in ihcaloni in nemohualoni. Auh nehuatl, tleyn yc nimitznotlacupcayotililiz, tleyn yc nimitznocehuililiz immoyollotzin immonacayotzin, ca oc nipiltontli, ca oc niconetontli, ca oc nitlalololohua, nitapalcamahuiltia, ca oc nicnahuiltia in naxix in nocuitl, ca oc no

[f. 22r.=]

mac niquicuiya in notqualac in nayacuitl: yh ayamo machi in nix noyollo. Auh qu q^moneq^ltia in tlacatl in Totecuiyo ao nolhuil yez, ao nomahcehual yez in otinechmolhuili, in otinechmomaq^li in cententli in cencamatl immochoq^li immixayotzin. Auh yhuan in tehuantzin ao ticmomahcehuiz in cana achitzin in totcatzintli yamancatzintli, in itotonca in iyamancatzin in Totecuiyo intla nochmomaquiliz: auh in axcan ca cenca otlacauhq^ immoyollotzin ma ximehuiltitie nopitzin.

AMONESTACION QVE EL PADRE haze al hijo quando aun es pequeuelo

Itenonotzaliz iteizcaliliz in tettatzin inic q^nonotza in ipiltzi in ihquac oc tepit.

Nezotze notlapallotze ca onimitzpitz, ca onimitzmamal, auh ca ye mixco, ca ye mocpac nontlachia, immaca an titeocuitlatl ca ye tiuhqui in otipitzaloc oc tixtexyotihuitz, auh ye tihualixpetlahuaz, immanoce, an titototzintli ye timihuiyotiz ye timatlapaltiz. Ma cana

[f. 22v.]

teixco teycpac tonpapatlantinen: auh an ihuiyan tonpapatlantinemiz in itloc in inahuac in pochotl in ahuehuetl ma nen cana ticquapoztec ca yc ticmacuetlahuiliz, auh ye tihuallachiaz, auh imapan timocehuiz.

Auh intla oc cemilhuitl omilhuitl nican ipaltzinco in tloque nahuaque mixco mocpac nontlachia, oc nimitzqualtiz in chalchihuitl in teoxihuitl, in quenin ahmo tictocaz in tochtli ahnoo titapayolhuiloz: inc an ye tictocaz immelahuac ohtli in quitota in aquique in huel toptin in huel petlacaltin in tlalticpac.

Yhu in aquiq^ in huel teixti tenacazti in huel intech netlacaneconi auh in huel imihtic tlalilo in cozcatl in q^tzalli in chalchihuitl, auh can oc huitz can oc quiaquiuh in tleyn moxillan moyomatl mitzaquiliz. Auh noyollotze nonacayotze in tleyn nimitzqualtia, ipan xicmati in itlatlaotlaqualli in qualo nican tlalticpac, y

[f. 23r.=]

huan huel motech xicpacho, macamo yuhquin titetl timuchihuaz. Ca ye ticmati ca intla quahuac tetl, ca ahmo an ceppa in tetzotzonalo inic tlapaniz. Auh in tehuatl macamo miyecpa in tinotzaloz, ca yollotli immihtic ca in omitzmomaquili Dios. Ma xictlaomati, an oc ye ixquich immoquechtlan immotozcatlan nimitzilpilia in nimonan in nimotta.

AMONESTACION QVE EL Padre haze al hijo quando es ya manebillo.

Itenonotzaliz iteizcaliliz in tetta in quinonotza in quixtlamachtia itelpuch.

Nocozque noquetzale onimitzmamal in yuh teocuitatl pzalo, in chalchihuitl mamalihua: an no ihui in otipitzaloc in otimamalihuac. Auh in nicozque in niquetzale, cententli ontentli nian monacaztitech nimitzilpiliznequi, in at yuhqui in at ayuhqui, in at an nipopoloniz in nihue

[f. 23v.]

hue in nilama, a yuhquin moxillan motozcatlan xocompacho. Nocxie nomae timotolinia in ticozcatl in tiquetzalli, auh in ticuitlapilli in tatlapalli can ochuihtza in ctentli in ccamatl in chalchihuitl in nimitztoloitiz nimitzqualtiz, maca an titoptli ti petlacalli, can oc huitz immihtic contlatiz in chalchihuitl in teoxihuitl in tlatiloni in pialoni. Auh i ye tehuatl otitlach ixotimozcali ma huel tehuatl xontequequetzilti, auh motolinia in omitzontepeuhteuhq^ in omitzonchayauhteuhque, cuix occeppa mitzonqualtiquihui mitzonitiquihui in tzopelic in ahuiyac in teix in teyollo. Ye quene ma tiq^to tlein quitohua in huehue in ilama. Ca ahmo tley ca a nimitzpachilhuiya immoma mocxi, at yuhq^ at ahmo yuhq^ in nimon in nimotta yc tinechmayahuiz yc tinexopehuaz nimon in imotta. Chalchihuitle q^tzalle ma ihuiyan ma yocoxca in ipaltzinco in tloq^ in nahuaque, macamo ixquizcacopa ixtomauhcacopa in nican in cemihuitli in omiihuitl in

[f. 24r.=]

at oc mitzonnemiltia in ipalnemohuani. Ye ticmati, ca immaatl in ihquac in quitota, ca ixmauhtiuh, ahmo q^mati inic yauh inic matlac huetzitiuh in oncan mictolo. Auh in tehuetl cuix timaatl inic ahmo ticmatiz in campa tiauh, ca tittitilo in ohtli in tictocaz, monehuiyan ticmochichihuitiz intla xicpolo. In yuhqui xochiquahuitl in aocmo celia aocmo itzmilini, intla celia itzmolini, ca quitla huelnamiqui in cetl ca oncequalo inic onhuaqui, auh in tehuatl intlacamo ihquac ticeliaz titzmoliniz in ihquac tlacelia tlatzmolini, ca an monehuiyan in incamac timotlaaz tequanime. Cuix oc ihuiyan, cuix oc yocoxca in nemohuz in tlalticpac? Ca ixq^ch yc nimitzonpachilhuiya momatz mocxitz, ma yc q^ moma mix moyollo, cuix iyopa in nimitzqualtiz nimitzitiz in notenqualac in notonpopooquillo an oc ye ixquich in tocommocaquitia notelputze.

PLATICA QVE EL PADRE HAZE el hijo quando se quiere casar.

[f. 24v.]

Itenonotzaliz in tettatzin inic quinonotza ipiltzin in ihquac ye monamictzinequi.

Nopiltzine notelpuche oticmihiyohuilti in timotequitilia in timotlacotilia, auh izquin nican at omitzonmotlachialtiti in tloq^ nahuaque in ipalnemohuani, at nican cemilhuitl omiihuitl mitzmonemiltilia in Totecuiyo Dios, at oc cemilhuitl omilhuitl mitzonquauhtilia mitzocelotlia, at oc nic tonocelonamiq^ tquauhnamiqui, ca yc tipitzaloc, ca yc timamalihti ac in cacaxtli immecapalli. Cuix toconpopohuaz tocommanahuiz in pillotl in coneyotl in quauhyotl, on oceloyotl inic tiquauhti inic toceloti inic onc tiq^q^tzilti. Auh nopiltzine notelputzine ye tiuhq^ otimixpetlahualti, cuix oc nic tlalli tapalcatl ticmahuiltia? Timotolinia ca ye tiuhqui yn, immacaz an titezcatl ca otixpetlahualoc, auh immaca an tixochitl ca oticeuponaltiloc, auh in titlaixpetlahual in titlacuepo

[f. 25r.=]

naltil, auh izq^n mopan ommonotza mopan ommocentlalia nican mopan concahua in cueitl in huipilli, auh izquin ncan compiloznequi in tzotzopaztli in nauhacatl, auh izquin nican cuix tocommati inic tihui in tlalticpac, anca a yuhquin yc titlacxitemohua, ac quimati immuztla huiptla in at oc no tehuan, intlacamo an iceltzin iyehuatzn in quimomachitia in tloque in nahuaque. Cuix timotqui cuix timomama, ca tiquihua ca timamalo: auh inin nopiltze notelputze, can oc mach in tiauh can oc mach in titlamattiuh: auh inimanoce an yuhqui in chalchihuitl in tezatl in oixpetlahualoc oixpetlachualoc oixcotlachialoc, an no tiuhqui in tehuatl otixpetlahuac otitlachiaco, omixcotlachixque in iquique mitzontepeuhque immitzonchayauhque. Auh nican xommotlapalo xiquimicneli, auh no nican yc mitzonihtozque yc mitzontenehuazque, auh no nican yc motechpa ommoticahuizque motenyotizque motlapallotique, auh iz nican ontlaq^

[f. 25v.]

auhtlamatizque. Chalchihuitle quetzalle xoconicneli immix immoyollo, auh nican xommopitza xommomamali, auh no nican yc tommochamauhtiez yc tommotimalotiez. Cuix tecoco in nicchihuaznequi in nimona in immotta, in nichimalolli in nimacquaholli. Auh inin notelputzine an ixquich immotozcatlan, immoquechtlan nimitzilpilia, xoconhuapahua immomatzin immocxitzin. Auh xiquimicnelia immotechiuhcahuan, ma yc nican mxco mocpac timonentoca timotlaaltoca, an niuhqui in nimonan in nimotta an ilihuiz in nitlatlahtohua notelputze.

LAS GRACIAS QVE RINDE EL Hijo al Padre por el buen consejo que le a dado.

Izcatqui in quenin quitecuepcayotilia in tetelpuch inic nonotzalo.

Nottatzine otlaocoxqui immoyollotzin ac nehuatl, ac ninomati in ni

[f. 26r.=]

quauhtli in nocelotl inic nimitznotlalcahualtiliz yc nimitznotlapololtiliz, in yuhqui moquauhmiuh mocelomiuh innonazco in nozcalco in tocommaq^lia, auh in xiuhmaquiztic in ololiuhqui in chalchihuitl in tinechommoqualtilia, yuhqui in nocozqui nomaquechtlan notozcatlan tinechonilpilia. Ma a xinechmocnelili ma otlacneli immitzin moyollotzin, canel oc nimitzicnopilhuiya, cemilhuitl omilhuitl, ca oc mixco mocpaxtzinco nontlachia, can nel tinechmotlaxiliz can nel tinechommocahuiliz, in at yuhqui in at ahyuhqui in nimoquauh in nimocelouh. Cuix yc nican tommocuetlaxoz tommoootlauhtinoz, anca an yuhqui in nimocnopil in nimomahehual: auh intla oc cemilhuitl omilhuitl nechnemiti in tloque in nahuaque in ipalnemohuani Dios, ao ye nehuatl in teixco in teypac in nimitznemitiz, auh ao nehuatl in petlatl in ycpalli in nicxopehuaz, ao oniquiz in nixquaqualachpiltontli in ahteixco in ahteycpac nitlachia

[f. 26v.]

mao tiquihtohua nmacho in tlalticpac ca ahmo nelli in nmacho. Cuix tontlachia in ticampa in toteoputzco in quenami huitz in xalteyo in ehecayo, in catlehuatl inic nican tematlac tetzonhuazco in taquizque. Auh inin cuix yc noca tahahuiyaz noca tipaquiz in nimoquauh in nomocelouh, auh izquin nican nopan ticmanaz immochimalahuiz, nican titecaz immomacqauhtlahuiz, nican notech ticpachoz in totonqui in yamqui, auh in itztic in cecec in tei: cali in tetlachialti: auh ahnoo nimitzcuitlaxihuiz immomatzin immocxitzin ca yc tinechommayahuiz ca yc tinechontlaaz, in nimocozqui in nimoquetzal, ao niccaquiz acanoomo niccaquiz in tzihuactli in tetehuitl in tinechommotlalilia. Auh in nic yc tinechonnacaztzonpotonia mimiliuhqui, auh in tinotlaottatzin in otlacauhqui immitzin moyollotzin in yuh otinechhualmocahuilili in chalchiuhtic in teoxiuhtic, auh ao nican huel nitla yollocati huel nitoptoi huel

[f. 27r.=]

nipetlacalti, auh ao ye huel nican nihtic ontlalilo in cozcatl in quetzalli, ca nel oc huitz inic nimitzonnocehuililiz immitzin moyollotzin. Cayehuatl inic tihuehue inic tilama, inic an oc yo in yc nimitztennamiquilia immomatzin immocxitzin. Auh tla oc yc ninotimalotinemi immocozqui immoquetzal, auh immochalchiuh immoteoxiuh, auh motzonhuatzal immoteteuh, auh intla oc nican yc ninopipitztinemi ic nonnaahuiltitinemi, nottatzine otlaocoxqui immoyollotzin otinechmocnelilitzino.

PLATICA DEL PADRE AL HIJO despues de casado.

Izcatqui in quenin ttzn quinonotza in itelpuch in ihquac omonamicti.

Nopiltzintzine quauhtle ocelotle cuitlapille atlapalle, auh ao nican momaquechtlan, motozcatlan onilpitinemiz in cententli in ontentli, in chalchihuiatl

[f. 27v.]

in omitzpialti, auh in cemilhuitl omilhuitl inic onimitznacaztzompotoni in ye yuhqui immimiliuhqui in huitzauhqui, auh inic onitzonhuitectinemia in tzihuactli, in tetehuitl, auh in cemilhuitl, omilhuitl immonacaztlan immoyollotlan in onompilcatinemia in nimotta in nimonan. Auh inin at ye imman at ye oncan in nitlamahuioz in nihuehue in nilama, at ye nican motlapoz in toptli in petlaacalli, auh ao ye axcan in noconittaz in quenin toconhuicaz toconohtlatoctiz in tzotzopaztli immalacatl, at nican cemilhuitl omilhuitl mopial ommuchihua, ca no ihui i yehuatl tommuchihua, auh nican xocontocti in ohtli in toco, auh xoconixtlamachti, no tehuatl imaquechtlan itozcatlan xoconilpi in chalchihuitl in teoxihuitl, auh iyomotl inacaztlan iyollotlan ximopilo nopiltzintzine. Ma motech quitta in ipampa ca in teixtlamachtiani itechtzintiz itechpehuaz in quenin ahmo ixmaizcachihuiz in itlaixtlamachtil immotoli

[f. 28r.=]

nia in ceme in omen in itlatepehuaihu in itlachayahualhuan immotzotzopaz immomalac. Auh nican xinechontimalo xinechonchachamahua in nimonan in nimotta, ma qualli immotlahtol, auh ma yectli inic xiquimonixtili inic xiquimmahuiztilli, cuix oppa in tlacatihua, cuix oppa immicohua, cuix oppa in nemohua tlalticpac, ca an cemi ipaltzinco in Totecuiyo Dios, intlacamo an ye inihquac nezcaliloz. Ma yectli in amihtauhca in amotyo, auh ma no oncan mopal niyechuehua niyecilama, ma an ihui in temico nihualnomati, neotze notlapallotze ma oncan neci in tineo in tinotlapallo, maca tl intahualoca in topinahuiz, auh in totepacholoca in totehuiloca ommuchiuhtiuh ma ihuiyan ma yocoxca in xoncemilhuiti in xonteutlaquili: auh yequene xontlamaixtili, auh yequene in tlecuilli in quiyahuatl, maca teuhti tlaolli huiztili xontlaixtili in ithualco, auh yequene in tlacuilli in quiyahuatl, macateuhtli tlaolli ommoloni, maca tle chilli nixco comptitzinican in nihuehue in nilama, ca huel cococ

[f. 28v.]

aocmo nitlahueylia, auh ma huel nic ihuiyan yocoxca in xommohuicatihuiyan in xommohtlatoctican, auh xocommocuilican in nemohuani in yelohuani, auh xocmocuitlahuia in teputztzintli in mecapaltzintli, auh no ihui iyehuatl xoconnextiliyiuh in catle ohtli in anq^tocazque nopiltzine notelputzine, nocozque noquetzale, an iyo an oc ixquich yc nimitzontlatlilia nimitzontehuilia immix immoyollo.

PLATICA QVE HAZE VN Padre visitando, o saludando a su Hijo casado, Caique.

Tenonotzaliztlahtolli, in tetta yc quinonotza in ipiltzin namique, tlaopilli.

Nopiltzine ma ximehuititie, at canin in cuelachtzinca, in cemilhuitzin in ticmochielitica in itetzin in iquauhtzin in itemotzin in iehecatzin in Totecuiyo, in

[f. 29r.=]

ipan iatzin itepetzin, in tocommomatemilitinemi in choquiztli in ixayotzintli, in camilhuitl in ce yohual, in aihuiyan in ahicemele in tihuallia ahmo ihuiyan ahmo ieleme in cochiztli in netequiztli in ticmuchihuilia, in tepaltzinco in tenahuactzinco, in an motzontlatzinco temi immocacoltzin immotopiltzin: auh immohuacaltzin, immotlamatzohualtz in immohuictzin immomecapaltzin, inic omitztenyoti inic omitzmahuioti in Totecuiyo in tiquauhtli in tocelotl immolhuil immomahcehual in titiacauh, in titecuicauh in xamitl impololli, in cacaxtli in topilli, in huictli, immecapalli, inic ticmopalehuilia in atl in tepetl, in petlatl in ycpalli, inic titlacazcaltia inic titlacahuapahua, inic huel tetloctzinco tenahuactzinco timehuititica. Ma cenca itlantzinco ximaquilti immocacatzin, immotopiltzin, immohuictzin immomecapaltzin. Ma huel ipan ximapana ximotetzilo immotlamatzohualtzi, immoquititl, immonopaltzin

[f. 29v.]

ma tixquatlatziuh, ma titeputztlatziuh, ma micampa tictlaz immotacatzan, immocacatzin, immotopiltzin. Auh ma ticootlauh immomatzin in immocxitzin ma ticnenenec immitzin immoyollotzin immacoltzin, immocuitlapantzin. Intla yuh ximuchihua intla xicnenenequi immitzin moyollotzin, ach quen tihcaz, quen tinemiz in tetloctzinco in tenahuactzinco? Auh quen ihcazque quen nemizque in cozcame in quetzaltin. Auh quen ihcaz quen nemiz in cueye in huipile, ca tetimalo ca techamauh in tlacoyotl in tequiyotl.

Auh ma yc oc xoconcuitlahuiti in cueye in huipile inmalacatequiuh in itzotzopaztequiuh, in iatequiuh, in imetlateq^uh, yhuan in centetl in ontetl in cozcatl in quetzalli in oyol, in otlacat in ixillan in itzocatlan in cueye in huipille. Ma oc ye imppa ximozcalic xitlachiacan, oc ye ippa techpa xitlachiac, ma oc ye xiq^mmamacacan xiquimilhuican in cententli in cencamatl in nanyotl, in tayotl, inic huel

[f. 30r.=]

ihcazque inic huel nemizque in tlalticpac inic ahmo itzinco yc pactinco nemizque in Totecuiyo, inic ahmo iquatla itzontlan quiazque, yhuan inic ahmo teixco teycpac nemizque, inic ahmo amechpinauhtizque.

Yequene ma oc ye amechonmauhti in tlacoyotl in tequiyotl inic tepaltzinco amcate, in tleyn quizque yhuan in tleyn quiquazque in anquimizcaltia in anquinhuapahua, yequene in tleyn intech pilcaz.

Yhuan itechpa xitlachie in cueyc in huipile in tleyn iquezpan iquechtlan ompilcaz, yhuan in tleyn yc tlatotoniaz yc tlayamaniaz immonextitlantzinco immotlecuillantzinco, inic achitzin tiquintotoniliz tiquinyamaniliz in inyollotzin in innacayotzin immonahuan immottahuan immohuayolque: ahoo aca tlaciauhquetzalitzintli tlatlapalolitzintli quichihuaq^uh mchtzco mocalihtictzco inic tmotenamiq^liz in cana achitz ycnotlatete

[f. 31v.]

molitzintli, inic quichocazque quitlaocoyazque immocococatzin, immoteteptzin immacoltzin in itzopelica in iahuiyaca in chiltzintli in iztatzintli, in quauhtzintli, in quiltzintli, in nopaltzintli in ipatiuhtzin inic mitzontimalotiazque mitzchamauhtiazque in ipoaltzinco in Totecuiyo Dios.

Yhuan ximotetlaotili ximotetlatlauhtili, ma teixco ma teycpa tinen, an motolol, an momalcoch xicchiuhtinemi in teixpantzinco in tenahuactiznco in tepaltzinco, yc titlaotlaloz yc titlacamachoz. Ma ticteehualti ma ticmotocti immoma immocxi, intla cenca ye huel ticmuchihuilia in tlacayotl in tequiyotl. Ma mixco ma mocopac ticman, yc ticaamanaz yc ticmocihuiz in Dios, yc iomaltzin iqualantzin in ip tiaz in ipalnemohuani, yc huel quihualmotlaxiliz in teuh in iquauh, in iomal in iqualan in itlahuel. Ca huel yc tonixpopoyotiz, tonq^znecuilihuiz tommatzincolihuiz, tla oc in nepa, in atepan ca ye otontlatlaca miccatic otonnepoliuh, omitzmocuilili

[f. 31r.=]

in Totecuiyo in omitzaatlamachtiaya in omitzcuecuenotiliaya: an ye qualli an ye yectli xiquintlacamati immonahu immottahuan in tequitica in tlacoyotica immitzmoyacananilia. Ca ahmo no ahuiya ahmo no paqui, ca no tonehuatinemi chichinacatinemi in in yollotzin in nacayotz intla ihquac ahmo tiquimmotlacamachitiz, in tla an imixco tehuaz, intla an tiq^nnanaquilia, intla an tiquinquauqatihuetzi, ca oc hualaqui in intonehuiz, in inchichinaquiz, in inneamanaliz, in innetequipachol in inemocihuiliz, in ipampa in ahmo motetlacamachiliz moteixconemiliz. Auh intla otitlaellelaxitica ahmo tetlan tenahuac tinemiz, ca niman titotocoz tiquixtiloz, yc tiquintochtiliz tiquimmaatiliz immocihuauh immopilhuan, aca mochan acan mocal ihtic tiquittaz, vmpa onquiaz in ycnoyotl in tetoneuh

[f. 31v.]

in techichinatz, acan monopal acan monecuh tiquitztiaz intla yuh ticchihuaz intla yuh tinemiz, monehuiyan ticmottitiz in tecoco n tetoneuh in techichinatz, an monehuiyan itlan timocalaquiz in tzotzomatli immaxtlaolli, an monehuiy ticmocuiliz in ahmo qualli in ahmo yectli in tlahuelilocayotl, in teahuilquixti in tetlahuelilocatili, in ahmo tetlacamachiliztli in tzonteyotl.

Ye qualli ye yecytli in ihquac itla titequiuhtiloz, niman yocoxca xiccaqui niman yocoxca titenquiliz, in cuix huel ticchihuaz, in cuix noo ahmo hueli. Ahmo titeiztlacahuiz an melahuac an nelli in quihtoz, intlacamo hueli in ahnoo huel ticchihuaz, ahmo ticnemamatcaihtoz inic aocce tlacatl tequimacoz. Intla muchipa yuh ticchihuaz cca titlaotlaloz.

Macamo an ye yuhquin xitlapixca ye huel ximotlali, huel xitlaana huel xitlatzinco, huel ximonelhuayoti, huel xontlatequitepehua immomilpan immocuenpan. Ximeteca, xinopaltoca, huel ximocalti inic oncan tepaltzinco tenahuactzinco tiquimoncauhtiaz immotlacazcaltihuan immotlacahuapahualhuan yhuan in cueye

[f. 32r.=]

que in huipilique immuztla in huptla in ciahuiz in tlatzihuiz immacoche in teputze in ipalnemohuani immitziyanaz mitztlatiz inic huel onyetiaz, ye huel ompachiuhtiaz immitzin moyollotzin, ahmo inca tmaamantiaz, ahmo inca tmotequipachotiaz in ippa in tleyn concuizque, ca huel yuhqui mattiaz immoyollotzin in huel otiquintetzontitehuac, inic yolizque inic tlacatizque inic nemizque in tlalticpac. Auh in axcan ye ixquitzin inic nicpachohua immomatzin immocxitzin, immelchiquiuhtzin immotzontecontzin, immoyollotzin immonacayotzin, ma ximehuititie notelputze.

RESPUESTA QVE HAZE EL HIJO al Padre, o el menor al mayor, algo metaphorica.

Tlananquililiztli in tepiltzin yc q^nq^lia in itlahtol in ttatzin, achi machiotlahtolli.

Otlacauhqui immoyollotzin ma tlaltitech ximotlalitzino ximohuetzititzino nopiltzintzine, auh in axcan ca ohual

[f. 32v.]

quiz ca ohualhuetz in cententli in cencamatl immotlaocoltzin mmochoquitz mixayotzin, ca oninocuiltono ca oninotlamachti ipaltzinco in Totecuiyo, auh immonyotzin, immottayotzin, ma a nimiticuili ma a nimitzani immotlacazcaltiayatzin immotlacahuapahuayatzin. Tle ninochihua tle nimomati, ca an axixpan ca an cuitlapan nochan nihcayan nonemian noquiayan, can ahaztli ca icuitlapilli, ca xamitl ca pololli nitecuicauh niteancauh, ca nimacehualli ca nitlapalihui ca niquiauhqui ca nelmicqui can icnotlacatl ca inicchocti, ca onictlaocolti, ca ixtlpa ca inacaztitlampa onechmottili in notecuiyo in ipalnemohuani, yuhquiin in onoconcac in onoconmahuio. C ca can xiccuican xiccaqui in nanyotl in tayotl, in ahmo mach yuhqui in chalchihuitl in teoxihuitl in yuhqui toptentoc petlacaltentoc immoxillantzinco immotozcatlantzinco in otlnechhuallapolhui, in oncan otinechontlachialti, intla ohuican intla ohuimamani, in

[f. 33r.=]

yuh otoc, in yuh mtoc in yuh huipantoc in yuh nehuihuixtoc, in cozcatl in quetzalli in nepapan ihuitl. Auh ca nicnotlacatl ca nimacehualli, ma an nicchoca ma an nictlaocoya, maca nican, maca niccui, ma an cana axixpan cuitlapan nimitzontlaxili nimitzonmayahuili, immochoquitzin immixayotzin, ca oninocuiltono ca oninotlamachti ipaltzinco in Totecuiyo, yhuan in tehuatzin otinechmocnelilitzino, Ma tlaltitech ximohuetzititzino oc xicmocehuili immoyollotzin immonacayotzin.

PLATICA QVE HAZE EL MARIDO a la Muger.

Tenonotzaliztli inic quinonotza in toquichti in teoyotica in amic in icichuauh.

Nonamictzine tlaxicmocaquiti, ma ticcuiz ma ticanaz in nimitznolhuiliz in an teonetlaotlaliztica, in ticpaccaceliz, in axcan ca otechmocnelili in tlacatl in te

[f. 33v.]

umahuiztli in tlamache in yocoxqui in ipalnemohuani, ca oyuhtlama iyollotzin ca otechmolpilli, cuix an tontocahuaz huel ixquich mihiyo motlahpal, aco ximolpi ma an tontlacuecuetlaxo, itlan xmaq^lti in ilacatziuhca in imalinca ycnoyotl ycnotlacayotl, ma cuel yehuatl ma ontimalihui inic ticocoq^ inic titeopuhq^: ma cuelehuatl motozq^ malini mocuitlaxcol ompitzahua. Cuix an top temoz huetziz in totoncayotl in yamancayotl: auh inin quenami yc techmapanilia yc techmicuiyelia in tlacatl in Totecuiyo Dios ixquich ihuelitzin, ittetzinco xommotlaa xommomayahui, ca huel yehuatzin toyeliznelhuayo muchihuaz, ca huel yuh muchihuaz in yuh itlahtoltzin yc techmotolinia techmolpilia, xocommattiuh nohuiyan xoconaxititiuh immix immoyollotzin xoconcuecueptiuh xoconiitztiuh i catlehuatl motech mocuiz in tlalticpac. In yuhq^ tlaixtotocp tlacuilolpan in achi toco in achi nenemohua xoconyeyeco

[f. 34r.=]

tiuh in catlehuatl in ahtle onquializtli in nepohualiztli an nentlacayotl, in teixco teycpac ehualiztli, macamo yuh tonnemiz ma an mayolic monemachtica, tommoyacantiaz inic ahmo no tinechonellelpopoahualtiz, ma an nematca, an yocoxca inic tommonemitiz an yeixquich notlaonamictzine xicmocnelilmachiti in Totecuiyo Iesu-Christo.

RESPVESTAS DE LA MVGER al Marido.

Tlananquililiztli in cihuatl yc quicuepilia in tlahtol yoquichhui.

Noconetzin notecuiyoquichtli nimitzcocoz nimitztlaaz, nimitztlalcahualtiz, miec motlacoyo moteq^uh ticmomachitia, otlacauhq^ immoyollotz, ca niccui ca nicana ca niccaq^, a ycnotlamatz iyollotzin in tlacatl in Totecuiyo, in ao nicnocnotlamachtiliz acanoomo, yhu acaomo yehuatl i toco melahualo in nimitzonnotoltiliz, ma ipaltzco titlahueyyecoc.

[f. 34v.]

Cuix tahuiyaz, cuix tihuellamatiz, ahmocuitlaxcol motechommotetecaz ahtocommihuyohuiltiz inic tomacehualti, ca a achitzin mayaooltzin yetinemiz tommototoneuhtinemiz oquichpilli notecuiyo, nimitztlaaz nimitzixnecuiloz, aoncan nimitzonnenemitiz ahye nimitzzontoctiz in nemohuani in yelohuani, in neconi in elehuiloni: quenel ahnel nimitzonnopinauhtiliz in quenman teixpan in ahmo ninimatiz. Cuix ticcocolchihuaz toconnecahualiztlamatiz in quemman, inic noo ontlaotiz immoyollotzin monacayotzin Totecuiyo oquichpilli. Ca ixquich yc ompopohui onixtlahui, oncuepi in ctentli in ccamatl, in oquiz immocnotlahtoltzin, ac nel noo ipan tinechmocahuilia, ca ye nimonacayo, ye nimonio ninochihua, cuix nel tinechchontlatlattaz tinechoniiztlacoz, ca nimopial niez notecuiyoquichtli, nicnotenehuilia in totepantlahtocatzin in tlateochihualyectztli in teoichpachtli, muchipa cenquizca pepetlacati

[f. 35r.=]

cac in itlantzinco in itlaoconetzin Totecuiyo Iesu-Christo.

PLATICA DE SALVTACION que algun Seor, o Caique haze algun principal.

Tetlapaloliztlahtolli in aca tlahtohuani yc quitlapalohua, quinonotza in pilli tecuhtli.

Nopiltzintzine ma ximehuititie, at on canin in cuel achiztzinca in cemilhuitzintli in itzcactzinco in iopuchtzinco in tloque in nahuaque, in chane in cale in icellahtohuani in Dios, in tiquitzcactia in ticopochtia, in ticmonanamiquilia, in ticmopalehuilia in tipatca in tixiptla in tixtelolo, ticamachal, in tix, in tinacaz tommuchiuhtica, ca ticnahuatlatalhuiya tictlatenq^xtilia tictlahtolquixtilia in ahn yauh in ahnen huetzi in xotlatiuh in pepetzcatiuh in tleyotiuh, immahuizotiuh in ihiyotzin in itlahtoltzin Totecuiyo immottetzco immomactzinco oquimotialili, immihtic

[f. 35v.]

tzinco in mocuitlaxcoltzinco, immoxillantzinco immotozcatlantzinco in oq^motoptemili in oquimopetlacaltemili in amuxtli in tlacuilolli, in huel tlilantoc in huel tlapalantoc in ipan temi in quauhhmitl, in ocelomitl, inic tocontlatlaztica inic toconpopouhtica.

Yhuan oncan mani in coyahuac tezcatl, in necoc xapouhqui, immictian tlaneci, in ilhuicac tlaneci inic oncan tontlachixtica in quenamic immictlan in ilhuicac, inic tonitztica in nohuiyan cemanahuac, yhuan oncan ihcac in tomahuac ocopilli, in ahmo pocyo, in ahmo ayauhyo inic nohuiyan tlaneztimani in cemanahuac inic hualittalo in itlahuizcallo in itonameyo immauh immotepeuh. Auh yhu omitzmati omitzycxiti omitzatlapalti in Dios, omitzcuitlapilti in ipan onoc in ipan momoyahuatoc cecenmantoc immatzin immotepetzn, in ticyanaca in tiquizcaltia, in ticnenequiltia inic omitzihcuilo inic omitzpoyauh in Totecuiyo

[f. 36r.=]

yhuan omitztenti omitztlanti, omitztleyoti, omitzmahuizoti, inic omitztetzilo, inic omitzapan, inic omitztiahui inic omitzpotoni, inic omitzpanti, inic omitzteteuhti in itecuhyotzin in itlahtocayotzin, in tocommotimalhuililia in tocommochamahuililia, inic ye ipan tmtequitilia, timotlaotilia, inic tocommopachilhuiya in iquappetlatzin in iocelopetlatzin, yc onoc in cuetlachtli muchiuhtoc, in ahmo tlaca onoc in ouhtoc, in patlahuatoc, in itlan actoc in izti, in itlan, in iteyya in itequaya, in teacoquiaya in totemoya in tzonhuaztli in mecatl, in tlaxapochtli, in itztli in tetl quahuitl inic quixamania inic quipoztequi in huel chalchihuitl, in huel teoxihuitl.

Auh in patlahuac in quetzalli in huel cenciacatl, in huitoliuhqui in huel xopalehuac, in huel pepetzca: auh yhuan in huel quauhtli in huel ocelotl inic quiana inic quitlatia, inic itzmolintoc inic xotlatoc

[f. 36v.]

inic cuepontoc, inic tleyotoc, in yc mahuizotoc, inic tonehuatoc chichinacatoc, inic tlaalahuatoc, inic tlapetzcahui immixpantiznco immonahuactzinco inic oncan in tommehuititica, in toconmatentica in choquztli in in ixayotl in ontonehuatica in onchichinacatica, immitzin immoyollotzin, immotlactzin immonacayotzin, in aocmo ihuiyan in aocmo icemele in tihualmixitia, in tihualmeuhtzinohua, in aocmo ihuiyan in cochiztli in netequiztli in ticmchihuilia in a tommotzonteconacoctoc, in a tmmomamauhtitoc, in aocmo ihuiyan tihualtona, tihualathui, in quenin tocommotlaxiliz in cemilhuitl in ceyohual. Auh in a yuhqui toccuicuitica immitonaltzin in immecahuillotzin, in a ommiahuitica in a onatotocotica mitzin, moyollotzin in a tmotlacmamauhtitzinotica in a tmoteputzmamauhtitzinotica aocmo pa yauh tocmanilia tocmocuilia intocmitia, tocmoqualtia in atztli atolatzitli, in tlapancatzintli, in a yuhq^ motentzinco

[f. 37r.=]

mocamactzco pilcatica, in a yuhqui momactzinco catqui immoyollotzin inic ayaxcan inic aihuyan in tecuhyotl, in tlahtocayotl in tocommuchihuilia, inic ticmopalehuilia in iatzin in itepetzin, in ipetlatzin in icpaltzin Dios. Auh in axc ma xicmochicahuili immoyollotzin immonacayotzin, ac nel ipan ticmocahuiliz ac nel ticmottilia, ca ye titenantzin, ca ye titettatzin, ca ye titlacazcaltica, ca ye titlacahuapahua, ca timalcoche ca titeputze, huey immocuex, huey immomamalhuaz, ca tipochotl, ca tehuehuetl, ca ticenhuallo, ca tecauhyo, tizcallo, timalacayo, ticeuhtli tipahtli. Motloctzinco monahuactzinco mocalaquia immomacehualhuan immezohuan immotlapallohuan, immahuayohu, immohuitzyohuan immochamolohuan, immotlapalcayohuan, immotzicuehallohuan immotlapancayohu, immixquamolhuan moztihu, motentzonhu, ihu mitzitzcactia, immitzopuchtia monahu mottahuan, yhuan in momoyahuatoc in cecen

[f. 37v.]

mantoc immaaz immocuitlapil, in ixquichtin immomahuan immoxcihu, in ixquichtin immocehuallotitlantzinco immecauhyotitlantzinco mocalaquia.

Ca yuhqui in tinepapan xochiquahuitl timuchchiuhticac, titzopelixticac, tahuiyaxticac immottetzinco tlachichina in nepapan totome, in huitzitziltzin, in aquan, in quechol, in tzinitzcan, in quetzaltototl immomactzinco mocehualhuiya mecalhuiya. Yhuan ca momactzinco mani in chalchiuhxicalli in oncanca in toxpalatl immatlalatl, in ipan temi in acatl ahuachyo inic tepan tictzetzelohua, inic titealtia, inic titepapaca, ihu momactzinco onoc in tomahuac xelhuaztli in patlahuac tziquahuaztli inic titeyectia inic titepepepetla, yhuan ca momac onoc in colotl in tzitzicaztli in cecec atl, in pitzahuac tlacotl in tictequaqualtia inic titlacazcaltia titlacahuapahua, yhuan momactzinco onoc in tzineacatl

[f. 38r.=]

in teoxalli in quetzalotlatl inic titlchiqui inic titlacanahua inic titlapetlahua yhuan ticcenquixtia ticnenehuilia in acatic in huel ololiuh in huel xictic in huel malacachiuhqui in chalchihuitl impatlahuac in teoxihuitl in huellachictli in huellacanahualli in chalchihuitl in huel cenquizqui in huel cuecueyoca in tico in tichuipana in cozcatl in quetzalli in huel tzine in huel yaque, in huel cenciacatl in huitoliuhqui in huel xopalehuac, in pepetztoliuhqui in huel xopalehuac in pepetz ca, yhuan ticcenquixtia tichuipana in nepapantlaolli, in nepapan tlaoihuitl, in xiuhtototl, in tlauhquechol, in tzinitzcan, in aquan, in tictoptema in ticpetlacaltema, in huel iyeyeyan tictlalia in huel itetenca tictema, in huel immamayan ticmana, ca tictlapalaquia in amuxtli in tlacuilolli ca tictlalia in tlilli in tlapalli immachiotl in octacatl, in xiyotl, in quatzontli in nezcayotl: yuhquin tetl qua

[f. 38v.]

huitl timocuicui timihcuilohua, ayc ilcahuiz ayc polihuiz immotenyo immihtauhca. Yhuan momactzinco mani in coyahuac tezcatl, in tomahuac ocopilli, inic tihualitztotica in atl ip in tepetl ipan, inic tihualihtolo tihualtenehualo, inic titlatqui inic titlamama inic titlahuica, inic titlaohtlatoctia, inic tinti inic tittati. Omitzmocnelili in tlalticpaque in Dios, xoconchamahuili xocontimalhuili in inyotzin in itayotzin in itlatquiatzin in itlamamayatz in itecuhyotzin in itlahtocayotz, in itleyotzin in imahuizotzin, huel yc ximotetzilo, huel yc ximapana, huel yc ximochicauhtzino, huel yc ximohuapauhtzino, huel yc ximochoquili, huel yc xitlaocoya, huel yc ximozcali, huel yc xitlachia, ca ohui ca etic immpantzinco oquimuchihuili Totecuiyo. Ma timihiyocahualtitzino ma timoteputzcauhtzino, ma timixquapeuhtzino, ma timixquapeuhtzino, ma timoteputzalauhtzino, ma timatoyahuitzino ma timotepexihui ma timoootlauhtzino, ma timo

[f. 39r.=]

cuetlaxotzino.

Yequene ma teca timoquahuitec, ma tema timotzotzon, in ipan in itecuhyotzin in itlahtocayotzin Dios, in omitzmomaquili in ocuelachitzinca in ocemilhuitzintli oquipiaco in iatzin in itepetzin. In ye huacauh tetecuhtin in tlahtoque in quitzintitiaque in quipehualtitiaque in tecuhyotl tlahtocayotl, in aocmo huallachia in aochuallamati in imicantla in niteputztla, aocmo quiaquihui, in aocmo moquetzaquihui im muztla huiptla in conchicahuaquihui immoyollotzin, immonacayotzin immitzommomaquiliquihui in cententli in cencamatl, in choquiztli in ixayotl inic tommellaquahuaz inic tommochicahuaz in tinocozqui in tinoquetzal. Ca yehuatl inic chocatiaque inic tlaocoxtiaque, inic oquimatentiaque in inchoquiz, in imixayo, in petlapan in yc palpan, in ahmo an otlahuelmattiaque in nohuiyan ontlantia in imix in inyollo inic otlatquico inic otlamamaco, in ahmo oquixcahuitiaque in

[f. 39v.]

mauh inin tepeuh in impetl in imicpal, an oipampa tonehuatia ochichinacatia in inyollotzin in cemilhuitl in ceyohual in ayaxcanyo, in ahihiyanyo in cochiztli in netequiztli in oquimuchihuilitiaque, in octacatl immachiotl, in xiyotl in quatzontli in nezcayotl, in tlilli, in tlapalli in amoxtli in tlacuilolli, in oquitlilanitiaque in oquitlapalaquitiaque in ayc ilcahui in ayc polihui in intenyo in imihtauhca in intoca in tlahtollo, yuhquin tetl quahuitl omocuicuitiaque omihcuilotehuaque in oquicauhtiaque in tlahuilli ocotl in tezcatl, in nohuiyan otlachictiaque otlapetlauhtiaque in otlaotiaque in inotlahuipantique, in ihuiyan in icemele in yocoxca otlatlatlalitiaque in topco in petlacalco, in huey in cehuallo imecauhyo in omuchiuhtiaque in oquiquetztiaque in tomahuac in pochotl, in ahuehuetl in itzcalloticac immalacayoticac, in ahmo tlacochcauhtiaque, in ahmo tlacochpachotiaque in ahmo tlatencopintin

[f. 40r.=]

hui in ihuiy yocoxca in icemele in imetzpan in imacochco in iteputzco in oquitlalitiaque immoquequetza immohuilana, in tlalmahuiltia in tapalcamahuiltia in chitaco in quahuic onoc.

Yhuan in huehuentzin in ilamatzin, yhu in ycnotlacatl in nentlacatl in ahmo ahuiya in ahmo huellamati, in itech ommotecatinemi in icuitlaxcoltzin, in vmpa onquitztinemi in tecoco in tetoneuh techichanatz, in ahhualnecini in ichochca in ineuhca, yhuan in imixtlan ommotecatinemi, in imixcayotz quimatentinemi, in imiztitzin quitlanquatinemi, in immatzin quimocozcatitinemi, in tequatla in techinantitlan, in tecaltech in ycnopillotl in ycnotlacayotl in q^muchihuilitinemi, in acatitlan in quahtitlan quimociahuiltitinemi in quimihiyohuiltitinemi, in chiltzintli, in iztatzintli, in quiltzintli, in nopaltzintli, in quauhtzintli, in atzintli in quimotemolia in quimocuilia, yhuan in quimonen

[f. 40v.]

tlamachtilia in tianquiztla in nanahuiztla in tonehuatinemi in chichinacatinemi in iyollotzin in inacayotzinb, in itentzin huahuactinemi, in vmpa onquiztinemi in ycnopillotl in ycnotlacayotl, in quitztinemi in cococ in teopouhqui, in itech ehuatinemi in tecoco in temamauhti, in itechpa omuchiuhtia in tloque nahuaque: at ye no tehuatzin mopantzinco oquicauhtiaque in tetecuhtin in tlahtoque, tlatquiliztli in tlamamaliztli, in tlacazcaltiloni in tlacahuapahualonil, ma motlantzinco ticmaquili immomatzin immocxitzin, ma timacochtlatziuh, ma titeputztlatziuh, ma tiquinxiccauh, ma tiquinteputzcauh immatzin immotepetzin, ma xocommocnelilitzino, ma cocoliztli nimitznocuitilitzino, ma temoxtli ma ehecatl nimitznocuitili nimitznecahuiltili, ca timotlacotilia ca timotequitilia, ca miec immotecuhtequitz in immotlahtocatequitzin, in ticmomachtia inic ticmotquilia inic ticmomamalia immatzin immotepetzin. Ca ye ixquich in centetzin in

[f. 41r.=]

cencamatzin in yc nicpachohua immomatzin immocxitzin, immelchiquiuhtzin immotzontecontzin. Ma ximehuititie nopiltzintzine.

RESPVESTA, O PLATICA QVE el Caique haze al principal que le saluda, &c.

Tlananquililiztli in tecuhtli yc quinanquilia in Tlahtohuani in oquitlapalo.

Niccauhtzine oticmihiyohuilti, ma tlatitech ximohuetziti, otlacauhqui immoyollotz oticmocnelili in ipetlatzin in icpaltzin in Totecuiyo Dios, ma nehuatl nicnolhuiltoca nicnomactoca in cententli in ccamatl in ohualquiz, in ohualhuetz immoxilllantzinco, immotzocatlantzinco in otoconcecenman in otocmomoyauh in huel chalchihuitl in huel teoxihuitl, in huel malacachiuhqui in huel ololiuhqui in huellachichtli, in huellacanahualli, in huel xictic, in huel cenquizqui in cuecueyoca

[f. 41v.]

in vmpa ontlaneci. Yequene in patlahuac quetzalli in huel cenciacatl in huitoliuhqui in oc ye itzin in oc ye iyac, inquihtoznequi macamo iyeyeyan in nictlali, ma an ipetlayoc nicten, macamo itemian nicten, macana axixpan, cuitlapan nicmayauh nictepeuh in tecuhyotl in tlahtocayotl, immochoquitzin immixayotzin inic tinechtetzilohua inic tinechapana inic acohuix tinechmolpilia. Ma an nichuetzcan ma can niccamanalma, intla nichocani in tlanitlaocoyani, intla nitlamahuiohuani, intla ninocnelilmatini, intla ninozcaliani, ca huel nicnanilizquia ca huel nicnocuilizquia ca huel noxillan notozcatlan nicnaquilizquia, nicnopachilhuizquia. Can ca can xiccui, can ticcaqui in tecuayotl in tlahtocayotl, in tlatquihualoni in tlamamiloni, in nanyotl in tayotl, quen quitonequiltia in Totecuiyo ca ye otiq^xtlauh ca ye oticpopouh in ixpantzinco in Totecuiyo yhuan ixpantzinco in iatzin in itepetzin in ipetlatzin in icpaltzin. Auh in ax

[f. 42r.=]

can an ixquich in ctentli in cencamatl inic niccuepa immihiyotzin immotlahtoltzin, otincchmocuelili otlaocox immoyollotzin ma xicmocehuili immonacayotzin ma tlaltitech ximohuetziti niccauhtame.

PLATICA QVE VNA SEORA haxe visitando a otra, o la que visita a la principal Seora.

Tetlapaloliztlahtolli in aca cihuapilli yc quitlapalohua quinonotza in aca can no cihuapilli.

Noconetzin nocihuapiltzin ma ximehuititie, at oncanin in cuelachitzinca in cemilhuiztzintli in timotlacotilia in timotequitilla in itloctzco in inahuactzco in Totecuiyo ipalnemohuani Dios, in ticmotlachpanilia, in ticmotlacuicuililia, in cuelachitzca in cemilhuitzintli in ticochitlehua in titemictlamati in ipaltzinco in chane in cale immacoche in tepotze, ao vmpa yauh immochoquitzin immixayo

[f. 42v.]

tzin immelcicihuitzin immotlaocoyalitzin, inic telcicihui inic titlaocoya in ixpantzinco in Totecuiyo in Tloque in Nahuaque. Tieticmomachitia nocihuapiltzin, ma xicmochicahuilitzino immoyollotzin immonacayotzin itechcopatzinco in icelteutl ipalnemohuani, ma timoootlauhtzino ma ixquich motlahpaltzin yc xicmotlayecoltili, ma xicmochicahuilitzino immoyollotzin timotolinicatzintli. Ac nel ticmottilitzinohua, ac nel itech ticmocahuilitz inohua in atl in tepetl, in petlatl in ycpalli, auh in tetecuhtin in tlahtoque in pipiltin in cocone, auh in tenanhuan in tettahuan, auh in atlapalli in cuitlapilli, auh in ycnotlacatl in nentlacatl in imixayotzin quimatentinemi, in imiztitzin quimotlqualtitinemi, in techinantitlan, in texomolla, in tecaltech in quimihiyohuiltia in quimociahuiltia ca muchintin motlacazcaltilhuan, motlacahuapahualhuan, omitzimmomaquili omitzinnopialtili in Totecuiyo inic tiquimmozcaltiliz inic tiquim

[f. 43r.=]

mohuapahuiliz. Im ma an yuhqui tiaquan, tiquetzaltototl, huiyan immatlapaltzin immocuitlapiltzin in omitzmomaquili in Totecuiyo, inic timotlacazcaltilia inic timotlacahuapahuilia inic motloctzinco monahuactzinco mocalaquiquihui immopilhuantzitzin inic tiquinmmozcaltilitica inic tiquincehuilia inic tiquinpahtilia in inyollotzin in innacayotzin. Ma ce ma vme ticmoxiccahuili ticmoteputzcahuili, ca tihuey timacoche, ca tihuey immocuexan immomamalhuaz, ca ticeuhtli ca tipahtli, ca momactzinco quia in tzopelic in ahuiyac.

Ma ihuiyan ma icemele in inttzinco in incamacpatzinco in xiq^mmotlalilili, in xiq^mmonenequiltili in c achitzin immociahuitzin immotlapalihuitzin, in texamoyahualtzintli, in tlamatzohualtzintli. Ma tlaolli ma teuhtli, yhuan tiquimiti, tiquimonqualti, inic ahmo tiquimmococolizcuitiliz immotlacazcaltihuan immotlacahuapahualhuan. Ma ihuiyan icemele in

[f. 43v.]

xiquimmmozcaltili in xiquimmohuapahuili, ma tiquimmotencopinili, ma tiq^monmocochopachilhui, ma timixquapeuhtzino, ma timotepatzalauhtzino, ma motlantzinco tocommaquili immomatzin immocxitzin immotlatquiatzin immotlamamayatzin, ma huel xocommocoyahuili, ma huel xocommopatlahuili immocuexantzin immomamalhuaz. Auh yh immatlapaltzin immocuitlapiltz, ma tocommotoctitzino ma motetzinco tocommohuiquilitzino, ma huel xicmooohuili xicmoyeyectili, inic motloctzinco monahuactzinco, mocehualhuizque mecalhuizque immopilhuantzitzin, inic ahmo tonehuaz ahmo chichinacaz in imitzin in inyollotz, in intlactz in innacayotz, inic huel mooohuazque papatlanizque immonahuactzinco inic ahtle q^ntoliniz, inic ihuiy mozcaltizque mohuapahuazq^, inic no huel onyaz in imitzin in inyollotzin in inpaltzinco in ahuaq^in tepehuaq^, inic huel no cca mahuizictoz mopetlatz mocpaltzin inic huel no

[f. 44r.=]

mixptzinco tolozq^, mopechtecazq^, mitzmocnelilmachitizq^, mitzmotlaocamachitizq^ in tntz in ttepalehuicatz.

Inic huel no ticmomacehuiz in ichoq^z in ixayo in atl in tepetl in c achitzin in xochicahualtzintli in iyecahualtztli, in potoncatztli, in texamoyahualtztli, in tlamatzohualtzintli inic huel tocmaniliz tocmitiz tocmoqualtiz motlacazcaltiayatzin, motlacahuapahuayatz, inic ahmo timomamatiz timixtilq^tzaz in teixp, inic huel q^az inic huel huetziz in cttli in ccamatl in mihiyotz motlahtoltz in tleyn ticmoneq^ltiz, ca q^chihuazq^ mopilhutzitz, yehica ca huel tiq^mizcaltia, tiq^nhuapahua, ihu quauht, in oocelo, huel ticmomacehuiz in immolictz in teteptz, in imacoltz, in cuitlaptz, c ce huictz, c huictz, inic tlapalehuizq^ mocutlatzinco, in ahnoo can achitz xtztli pololtztli, ahnoo ca na cetz tlacopaoltztli, ahnoo cana tlachpanaltztli, tlacuicuilitztli q^chihuazq^.

[f. 44v.]

Yhu in cueyeque in huipileque inic huel no ticmomahcehuiz in immacpatzinco huitz in immacpatzinco quia in can cenmmalacatzintli ommalacatzintli, ahnoo atzintli metlatzintli, immatzmopalehuilique inic no huel quichihuazque, ahnoo quemmania monantemozque, mottatemozque, no mixpantzinco quitlalizque in inichoquiz in imixayo in imicnopillo in imicnotlacayo, ahnoo cana achitzin intlaxeloltzin, intlatemoltzin immolictzin in tetepontzin in itzopelica in imahuiyaca, in chiltzintli in iztatzintli in quiltzintli in nopaltzintli ipatiuh, in tetlaililli in tequahuililli, yhuan immalacapatiyotl, in tzotzopazpaztiyotl, in cueyeque in huipileque, anoo onchoquizyotiaz, onixayoyoticaz immotentzinco immocamactzinco immitzonmotlalililizque in atoilatzintli, in tlamatzohualtzintli in quiltzintli in nopaltzintli, anoo ihuiyan icemele immtzonmanilizque, immitzommocuililizque in tinnantzin in tintepalehuicatzi

[f. 45r.=]

yehica in cca tiquimmotlaotilia tiquimmopalehuilia, in tinteyacancatzin, in tintecuiyotzin. Auh in iquin in quemman in ciahuiz in tlatzihuiz in tlacatl Totecuiyo in tlalticpaque in ipalnemohuani, immitzmaniliz immitzmotlatiliz, ca cca mopampatzinco chocazque tlaocoyazque nentlamatizque, quilnamiquizque immotetlaotlalitzin immotepalehuilitzin immotetlaocolilitzin immotetlaocolilitzin immoteycnoittalitzin, inic ahmo timacochtlatziuh inic ahmo titeputztlatziuh, inic ayac ixco ycpac otinen, inic ahmo tiquiolotehuac ticcatzauhtehuac immopetlatzin immocpaltzin, immatzin immotepetzin, inic ahmo titeoquimotlatiuh, inic ahmo titetlatzilhuitiuh, inic ahmo titlaxixitinitiuh titlamomoyauhtiuh, in ahmo timoolotiuh in ahmo timocatzauhtiuh, in an ihuiyan in an icemmel in tictlalcahuiya immatzin immotepetzin, immopetlatzin immocpaltzin, an yuhcan, an yuh

[f. 45v.]

tlamamani, an yuh tlacaca, an yuh tlaonoc inic timotlacahuilitehuac inic ahtle mahualoca, mochicoihtoloca yez, in an ihuiyan in an icemele in timiyana in timotlalia in timocuelpachohua in itlalticpactzinco Totecuiyo.

Onocnetzin nocihuapiltzin intla huel yuh xicmuchihuilitzino tlatquihualoni in tlamamaloni, in nanyotl in tayotl, ca huey tenyotl huey mahuizotl ticmotlalilitehuaz, ayc ilcahuiz ayc polihuiz motenyotzin immihtauhcayotzin in yuh qui titetl tiquahuitl timihcuilotehuaz in tlalticpac.

Auh intlacamo xicchoca xictlaocoya in omitzilhuilti in omitzmahcehualti in Totecuiyo in tlatq^hualoni in tlamamaloni, yhuan in ixquich in itenemactzin immotech oquimotlalili inic omitztleyoti inic omitzmahuioti, ca a mixcoyan ca a monehuiyan in tocommocahuiliz in tlalticpac, ca a monehuiyan timatoyahuiz timotepexihuiz timomayahuiz in tlexoch

[f. 46r.=]

co, in tlacomalco. Auh intlacamo intla oticchocti intla otictlaocolti in Totecuiyo, intla huel itlantzinco otac in itlatquiatzin in itlamayatzin, yhuan in ixquich in q^monequiltia, ca yc timotimalotiaz, timochamauhtiaz ipaltzinco, ca ipan tiaz ca ipan titlecoz in ichantzinco in ilhuicac, ca vmpa mitzhualmaniliz. Auh ma temoxtli ma ehecatl nimitznocuitili nimitznecahuiltilli ca timotlacotilia timotequitilia, in mitzontlalcahualtiliz nimitzonnotlapololtiliz, ca ye ixquich in cententli in cencamatl in yc nicpachohua immomatzin immocxitzin, immelchiquiuhtzin, immotztecontzin ma ximehuititie nochputzin.

RESPVESTA, O PLATICA QVE Haze la Seorala Seora visitada a la q^ la visito.

Tlananquililiztli inic tlananquilia cihuapilli in otlapaloloc.

Otlacauhq^ immoyollotzin noconetz, otinechmocnelilitzino ipaltzco Totecuiyo, oninocuiltono oninotlamachti, yhuan ipaltzinco in iatzin

[f. 46v.]

in itepetzin in ipeltlatzin in ycpaltzin, yhuan impaltzinco in ahuaque in tepehuaque, nican oniccac in choquiztli in ixayotl. Tleyn ninochihua tle ninomati, ca nicueelli, ca nihuipilolli, ma an axixpan ma an tlaolpan cuitlapan nictlaz nicmayauh immochoquitzin immixayotzin, inic tinechtetzilohua, inic acohuic otinechilpi, ma a nicchoca ma a nnictlaocoyan immonanyotzin immottayotzin, otinechmocnelili. Ma ximehuititie nopiticatzin.

PLATICA QVE HAZIAN LOS princiales de Tetzcuco a la gente en su tipo passado: aplicada al tiempo que vino la Doctrina de Christo nuestro Seor.

In tenonotzaliztlatol in pipiltin in tlahtoque Tetzcuco, yc quinnonotzaya in vmpa chaneque in oc ye nepa: auh in tlahtolli itech tlachialtilo inic ohualmohuicac Totecuiyo Iesu-Christo.

[f. 47r.=]

Nican tonoc in ticuitlapilli in tatlapalli in ticana in chalchihuitl in teoxihuitl, in tahua in titepehua, tleyca in ahticana in ahticcui in itechpa huitz in imahuizotzin in itleyotzin, in inahuatlahtocatzin in ipaltillotzin Totecuiyo, omittlapolhui in itop in ipetlacatl, ye quixixitinia, ye quicecemmana in ipan hualmolpitia, immonan immotta in Padre, in huey pochotl in huey ahuehuetl immalacayoticac in itlan timocehualhuiya timocehualhuiya in timecalhuiya in titenanti in titettati in ticnoquauhtli in ticnoocelotl.

Auh in ticnotepiltzin aocmo titlaocoya aocmo tintlamati, in canin acatla ihquauhtla in tichoca in tinentlamati in tictemohua immocemilhuitica, auh immotemoya immacoquiaya.

Auh in ticueytl in tihupilli in ihquac timotlalia in teycopapan in tetzotzopazp, in oncan tiquizcaltia in tichuapahua in tlalmahuiltia in tapalcanechicohua, in tetl ihuinti in quahuitl ihuinti, yehuatl tocon

[f. 47v.]

cuiz in aquique itla mitzittitia immihtic mitzcalaquilia immitzyollotia in chalchihuitl in huel tlapetlahualli in teocuitlatl in huellapitzalli, in quetzalli in patlahuac in xopalehuac immotech conilpia immotozcatlan contlalia.

In canin ahuacan tepehuacan in ticnentlamachtia in topilli in cacaxtli, in atlauhtli in tictemohuiya, in tepetl tiqueco immixayotzin ticmatentiuh in timociauhpouhtiuh, auh in canin oticnamiquito in huey tlalli inepantla immitonaltzin ticmacuicuitiuh in ticnotlacatl, in otacito in canin techinantitlan in tecaltech in timehuititica in oncan moztitzin tictoponitica, in anoo cana tihualnenochuililo, chilpoztectztli in itztatlaltztli ticntlamachtia inic tmochicauhtiaz inic tmohuapauhtiaz in ihiyotz teuhtl in Dios in techmochihuili, ca nel ahticcui, ahticana in qum ciahuiz tlatzihuiz in techmotquilia in techmomamalia, in tehuatl mopan motemohuiz mihticmocalaquiz in Totecuiyo.

[f. 48r.=]

Cuix tetic titlaquahuac temomati, cuix tetl quahuitl timocuepaznequi, cuix tetl coyonqui ihtic ticalaquz, cuix atl ihtic, ticalaquiz, cuix atl ihtic, tepetl ihtic, oztoc ticalaquiz, in aciyauh in oqualan in omonenec, an pepehualtilo in Totecuiyo: tiuhque in timacehualtin in tioquime techonpachoz, ca yehuatzin quimomachitia, ye xoconcui immtemoya immocoquiaya, campa tiaz in tiquauhqui in tellimicqui, in tihuictli in timecapalli. Auh in timalacatl in titzotzopaztli, auh in titetzon in titeizti, oncan yc tihualmellaquahuaz in cpa pololp.

Yhuantzin in Dios icuexanco imamalhuazco in tietiuh, izcallo imalacayo tl ximocalaq^ yehuatzin quihtoz in q^n omotlatzihuiti, ycxitlantzinco mitzmocalaquiz, ahmo tetique ahmo titlaquahuaque. Xontlachia in aco in topan in lhuicatlihtic in vmpa ca in inetlamachtiltzin Totecuiyo in tlaopilli Iesu-Christo in nelli oquichtli, in ycniuhtzin i tlao in quimaca in ipan quitlalia, quitemohuiya.

[f. 48v.]

Auh i tehuatl in titconi in timamaloni, huel xoconcaqui huel xocommoyolloti, ma toconilcauh in tlatiloni immitzonmaca mmitzonitia, in pan nimitzontlalilia xocmapiqui, immihtic mitzontlalilia in huilohualoni in acoquialoni.

Auh intlaca huel xiccui, ca mitzittititiuh in vmpa itetlaayantzinco itemayahuiyantzinco in itechichinatzayantzinco, in vmpa onoc in teuhtli in tlaolli, auh in tetl quahuitl in vmpa quimocpaltitoq^ in tzopachpopul in cuitlanexpopul inin ca omitzonmotlac in inhuicpa omitzontopeuh, inihquac vmpa ye motonehuayan mochichinacayan, tiquihtoz. Ca a nelli in yuhqui quihtohuaya in nonantzin in nottatzin, ma niccuini ma nicanani, omuchiuh onotlahueliltic, auh in axcan ye nimitzonitia, in ahmo quitztiaque in amonahuan in amottahu: in axcan yc xommotlamachti yc xommocuiltono.

Auh xommocuepa immicampa immoteputzco, xoconilhui immoyollo in ah

[f. 49r.=]

mo ticmatia in axcan ye mitzhualmaca ye mitztlapolhuiya in toptli in petlaacalli, xicmocemittili xicmocenmacatzino in Totecuiyo Dios, ao cententli cencamatl oticanili oticcuili in ihuiyotzin in itlahtoltzin. Xocommoyollotican ma amechihuinti ma amechxocomicti, ma yc amaatlamattin, yc moomaz monenequiz in Totecuiyo Dios. Auh in itleyotzin in imahuizotzin Totecuiyo in an yc huellamachtilo an yc pactilo oncan commotemaquiliz commoteyollotiliz teihtic commotlaliliz.

Can xiccemittac in amotecuiyo yuhquin yectli tototl muchiuhticac, icuitlapiltitlatzinco iatlapaltitlantzinco necalaquilo in tonantzin in tottatzin, in techmopachihuiya in techmocennapalhuiya in nohuiyan tonoque cemanahuac, ye tocmottiliz in aca itla ahcaxcacahua in Totecuiyo Iesu-Christo in ichalchiuh in imatlalauh in ichalchiuhtecomatica mop cmoteq^liz inic cmaltiliz commopapaq^liz moyolia monenca, yehuatl inic onchipa

[f. 49v.]

huaz inic huel itlantzinco tommonemitiz in cuelachic in cemilhuitl in tocmotlanehuiz in Totecuiyo. Itlantzco xcalaq^ xocmocemittili in moteouh immotlahtocatzin immotecuiyo, cocoyatiuh tlatzihuitiuh in quemman ticyolihtlacoz oquimocuapili immoyollo oquimocentetilili.

Oc xocommotlamachti in icococatzin immoteyectiliani immotepapaquiliani, intlanel quenami macehualli quimochipahuiliz imactzinco tonotiuh in Totecuiyo Iesu-Christo, auh in axcan mitzmotlaocoliliz, oc mihtic xchoca, oc mihtic xontlaocoya ma ticmoxict, ma itla mihtic tiquihtotia, ma timotlanectitia, ma tiquihto. Cuix nelli in techipahuani in teyectiliani? Ma yuh tie ximotlaocoltitiuh in ixptzinco Totecuiyo. Xontolotiuh, yhu motlanqua yc xommoquetza xommopechtecatiuh xommocxiyeyecotiuh, tlaalahua tlapetzcahui in ixpantzinco Totecuiyo, intla itla yc tonhuetziz, tmotlahuiteq^z, onquiauhtiz ontetiz immonemiliz, an

[f. 50r.=]

xontolotiuh, an xommocnotlamachtitiuh, ihuiyan mitzhualmaniliz in Totecuiyo in teooquichtli Iesu-Christo: auh in axcan ao mitzmotlaocoliliz immop comotequiliz in itlateochihualmatzin in Totecuiyo, &c.

Auh in axcan ao yc tichipahuaz, ao ye huel tinemiz in tlalticpac ye itech tonaci ycococauh in itechopatzco huitz, ahoo occeppa ticmotlatlacalhuiliz inic tictliloz ticcatzahuaz immoyolia immanima, auh in iquin in canin tiquilnamiquitiuh in Totecuiyo in occeppa ixpantzinco tichipahuatiuh ixpantzinco tictlaliz immotliltica immocatzahuaca, oceppa mitzmotlaocoliliz mitzmocnoittiliz.

In teutl in Tlahtohuani yehuatzin quimochitia yehuatzin quimoyocelilia in amotechmonequi, yehuatl in aquin quichihuilia in itenahuatiltzin in Dios; in huel cyectia cchipahua in iyolia yanima, yehuatl q^maca inic huel mocmitiz

[f. 50v.]

inic ommotlamachtitinemiz in ixpantzinco in Totecuiyo inic huel muchihuaz in cuelachic in cemilhuitl in connotztinemiz, inic huel contlatlauhtitinemiz, inic ahmo huel itech acizque in tlatlacatecolo.

Auh in axcan oc xocommotlamachtican oc yc xommocuiltonocan in icococatzin in itechpatzinto huitz in Totecuiyo, ca otechmochipahuilili, ca otechmoyectilili, ca oticcacque ca otiquiximazque in ihiyotzin itlahtoltzin, yectli chipahuac impani quinextia impani quimotlalilia, in ahmo quinenequi in Tottatzin in Padre immuchi quihtohua immuchi quitenehua in ixquich yc quimonahuatili in Totecuiyo Iesu-Christo, inic quimmocmachtili in itemachticatztzihuan in nihuiyan techmomachtilia immihtoz in teoyotica iatzin in cemanahuac, inic teyectiz techipahuaz, in tepan quimotequiliz in Totecuiyo in itetlaocolilitzin in itemaquixtilitzin. Xiccaquic in ammacehualtin in yuh motechipahuilia huel xicmo

[f. 51r.=]

yollotican huel xiquittacan yc ximozcalican yc xitlachiac, ca iteizcaliayatzin in Totecuiyo ca yc