Gizarte konpromisoari buruzko memoria...Dokumentu honetan, bigarren urtez jarraian, AMPOren Gizarte...

Gizarte konpromisoari buruzko memoria

AURKIBIDEA

1. SARRERA: Presidentea eta Zuzendariaren gutunak

2. 2017.URTEA AMPON, BEGIRATU BATEAN

3. MISIOA, BISIOA ETA BALIOAK

4. AMPOREN KONPROMISOAK:

4.1. Pertsonekiko Konpromisoa

4.2. Bezeroekiko Konpromisoa

4.3. Gizartearekiko Konpromisoa

4.4. Ingurumenarekiko Konpromisoa

4.5. Gure kolaboratzaileekiko Konpromisoa

5. 2017ko MUGARRI NAGUSIAK

2

4

5

6

18

26

30

38

46

2 SARRERA · AMPO

1. SARRERA

Jon Gorrotxategi, AMPOko Presidentearen gutuna

Petrolio eta gas naturalaren sektoreko ezegonkortasuna medio, urte konplexua izan da 2017 ekitaldia mundu mailan eta gure kooperatibak urteko salmenten %80 inguru sektore hauetara bideratzen duela kontuan izanik, baita AMPOrentzako ere. Hala eta guztiz ere, errealitate honi esfortzu eta egokitzeko gaitasun nabarmenarekin egin diogu aurre, etorkizuneko erronkei heltzeko helburu irmoarekin. Horretarako 16M€-tan baloraturiko inbertsio planarekin jarraitu dugu, enpresa bezala garatu, soluzio sorta zabaldu eta kultura eraldaketa estrategia berri bat bultzatzeko helburuarekin. Era berean, etapa berri bati ere ekin diogu, 2017-2020 aldirako Plan Estrategikoa definitu ostean.

Dokumentu honetan, bigarren urtez jarraian, AMPOren Gizarte Konpromisoari buruzko Memoria aurkezten dizuegu, non gure Bezeroekin, Pertsonekin, gizartearekin, ingurumenarekin eta gure kolaboratzaileekin ditugun konpromisoak nabarmentzen ditugun. Besteak beste, 2017.urteko aktibitatea, zein gure misioak zehazten duen gisan, bidezko giza-garapen jasangarriarekiko konpromisoan oinarritzen dugun.

Bestalde, 2017 urtean zehar bizi izandako gertaera nagusiak ere aurkituko dituzue memoria hontan. Horien artean aipagarrienak honako hauek direlarik; Indiako planta berriaren inaugurazioa, Idiazabalgo mekanizatuko pabilioi berriko obrak, LEAN Manufacturing kulturaren inplantazioa eta amaitzeko, kultura-antolaketa eta pertsonen lidergotza eredu berriaren diseinua.

2018an etorkizun jasangarri bat eraikitzen jarraituko dugu, gure historiako 53 urteetan zehar egin izan dugun bezalaxe, eta zeinaren oinarria gure gizarte konpromiso irmoa den.

Lerro hauetatik Bezero eta kolaboratzaile guztiei gure proiektuarekiko erakutsi duten konfidantza eskertu nahiko nieke eta era berean, merkatuko beharretara egokitu eta balio erantsi altuagoa eskaintzeko lan egiten jarraituko dugula esan. Honetarako AMPO taldea osatzen dugun Pertsona guztien esfortzu, konpromiso eta ilusioa izango dugularik.

AMPO, gu guztion proiektua.JON GORROTXATEGI

Presidentea

PABLO MENDIZABALKoordinatzaile Orokorra

Pablo Mendizabal, AMPOko Koordinatzaile Orokorraren gutuna

Etorkizuneko oinarriak ezarri eta aurrerapauso garrantzitsuak emateko urtea izan da 2017 ekitaldia. 2017-2020 aldirako definitutako Plan Estrategiko berrian oinarrituta marraztu dugu etorkizun hau, zeinaren arabera gure aktibitatearen hazkunde bat aurreikusten dugun, gure inguruan aberastasuna sortzen jarraituz.

Paraleloki LEAN Manufacturing kulturaren inplantazioari ere ekin diogu, zeinaren helburua gure Bezeroei entrega data laburragoak eta balio erantsi altuagoa eskaintzea den, bikaintasuna lortzera bideratuz.

AMPOren historiarako beste hito garrantzitsu bat AMPO INDIAko planta berriaren ekaineko inaugurazio ekitaldia izan da, zeinek herrialde honetan tamaina handiagoko balbulak ekoiztea ahalbideratuko digun, bertako ekoizpen ahalmena areagotzeaz gain. Nazioartekotzearekiko dugun konpromisoa sendoa da eta datozen urteetan gure nazioarteko presentzia indartzen jarraituko dugu. Besteak beste, ondorengo herrialde hauetan; Ekialde Hurbila, Errusia, Kaspioko herrialdeak, Afrika, etab. Baina Idiazabalgo sustraiak ere indartzen jarraituko dugu. Honen adibide da egun Idiazabalen eraikitzen ari garen mekanizaziorako pabilioi berria. Planta berri honek12.500 m2 izango ditu eta balio erantsi altuagoko osagaiak eskaintzea, mekanizazio-ahalmena areagotzea eta Bezeroei zerbitzu hobea eskaintzea ahalbideratuko digu.

2017.urtea klabea izan da baita ere, kultura-antolaketa eta pertsonen lidergotza eredu berria diseinatzerako orduan. “Aldaketa Lantzen” izena jarri diogun proiektu honetan, 80 Pertsona inguruk parte hartu dugu hasierako prozesu batean. Honen helburua kooperatibaren helburuak lortzea ahalbideratuko digun eredu baterantz eta bikaintasunean oinarrituriko kultura baterantz

aurrerapausoak emango ditugunaren bermearekin, organizazio garapeneko prozesu bat sortzea da.

Bikaintasuna AMPOren DNAren barnean egongo da, horretarako AMPOko Pertsona guztien ekarpena izango dugularik. Bestalde, gure Bezero eta kolaboratzaile ezberdinen laguntza ere beharko dugu. Tartean; hornitzaileena, zentro teknologikoena, start-up-ena, kontsortzio eta elkarteena, eta baita instituzioen laguntza ere.

Komunitate baten parte da AMPO, eta beraz, ezinbestekoa da gure inguruarekin harremanetan egon eta gure komunitatearen barneko agente aktiboa izatea.

Proiektu aktibo bat gara eta izango gara, gure Bezero, Pertsona, gizarte eta ingurumenarekin konprometituriko proiektu bat.

4 2017. URTEA AMPON · Begiratu batean

2. 2017.URTEA AMPON, BEGIRATU BATEAN:

Elektrizitatea20 MkWh

Hornitzaile kopurua: 500 baino gehiago

471.000 €, 118 proiektu sozialetara bideratuta

PROIEKTU SOZIALAK:

KONTSUMOAK:

100 Km-ko erradioan erositako €-ak: 41.340.000 €

• Idiazabal: 428 pertsona • India: 239 pertsona

• FAKTURAZIOA: 103.000.000 €• EKITALDIKO INBERTSIOA: 16.000.000 €

• SALMENTAK:

FUNDIZIOA: 5.000 Tona baino gehiago

% 6%4

% 12

%52

%26

Esportazioak: %92,70

BALBULAK sektoreka:

Produktu garapen eta ikerketa lerroen kopurua: 30

60 herrialdeetan gaude

Berrikuntzaren intentsitatea: %2tik gora

GNL

Finketa, petrokimika eta energia

Gas Naturala 60 MkWh

Ura 47.396 m3

Plantillaren % 12 emakumeak dira. Bataz besteko adina: 40 urteKooperatibistak: % 95

Plantillaren % 3 emakumeak dira. Bataz besteko adina: 32 urte

2.800.000 €

PREBENTZIOAREN ETA INGURUMENAREN HOBEKUNTZAN EGINDAKO INBERTSIOA:

LANTALDEA

Meatzaritza

Offshore

Gainerakoa

MISIOA, BISIOA ETA BALIOAK 5

3. MISIOA, BISIOA, BALIOAK ETA KONPROMISOAK:

AMPO Pertsonetan oinarritutako Proiektu bat da, non taldean lan eginez eta komunikazioan oinarrituz, Pertsona, Bezero eta kanpo laguntzaileen asebetetzea helburu duena eta honez gain, mozkinak lortuz printzipio kooperatiboen marko baten pean, Pertsonen garapena eta bidezko garapen iraunkorra bilatzen duena.

MISIOA

Fundizioa, balbulagintza eta beste jarduera batzuk merkatu globalean eskaintzea, Bezeroen beharrak asetzeko soluzioak emanez.

BISIOA

BALIOAK ETA KONPROMISOAK:

• Bezeroen astebetetzea, etorkizuneko bermea izanik, lehentasun nagusia da.

• Pertsonen konpetentzia profesional mailarik altuena lortu, sormena ahalbideratu eta sustatuz eta etengabe berritzailea den proiektu bateko protagonistak bihurtuz.

• Talde lana, zeinaren oinarrian askatasuna, erantzukizuna eta lidergotza integratzen diren eta kantitate zein kalitatearekin betetzeko konpromisoan oinarrituta, efizientzia lortuz elkarbizitzan diharduten.

• Komunikazioa, informazioa eta gardentasuna, ezagutzak, esperientziak eta trebetasunak elkarbanatzeko, bai eta ardurak onartu eta gauzatu eta hauei lotuta egon daitezkeen arriskuak nork bere gain hartzeko.

• Hornitzaile, Bezero eta gizartearekin gure proiektua elkarbanatzea, ilusioz beteriko eta oparoa den etorkizun bisio batekin.

• Kalitate, zerbitzu, koste eta segurtasun eta lan osasunarekin konpromisoa, honako hauek aktibitatearen giltzarri nagusi bezala ulertuz. Guzti hau bikaintasuna lortzeko helburuarekin.

Balore hauek AMPOk parte hartzen duen proiektu edota aktibitate oro konprometitzen ditu.

6 AMPOREN KONPROMISOAK · Pertsonekiko Konpromisoa

AMPOko Pertsonen ongizatea, gogobetetasuna eta garapen profesionala kooperatibaren lehentasun nagusienetakoak dira.

Gure misio, balore, estrategia eta kudeaketaren ardatza Pertsonak dira eta horrexegatik ematen dugu ezagutzera AMPO “Pertsonengan oinarrituriko proiektu” bezala.

4.1. PERTSONEKIKO KONPROMISOA

4. AMPOREN KONPROMISOAK

AMPOREN KONPROMISOAK · Pertsonekiko Konpromisoa 7

ENPLEGUAREN BILAKAERA ENPLEGUAREN KALITATEA

Gure talde guztiek autokudeatuta egiten dute lana eta AMPOren helburu eta estrategia ezagutzeaz gain, hauek marrazterako orduan protagonistak izan ohi dira. Helburu hauek Batzar Orokorrak definitu eta onartzen ditu beti.

AMPOko taldea, gaur egun, 700 Pertsona inguruk osatzen dugu; horien artean daudelarik Idiazabal eta Indiako langileak, eta baita gure sare komertzial zabalean dihardutenak ere. AMPOko Pertsona ororentzat, Bezeroen asebetetzea, etorkizuneko bermea izanik, lehentasun nagusia da. Honexegatik ulertzen dute kalitate, zerbitzu, koste eta segurtasun eta lan osasunarekiko konpromisoa, aktibitatearen giltzarri bezala. Guzti hau bikaintasuna lortzeko helburuarekin. Era berean AMPO pertsonen konpetentzia profesional mailarik altuena lortzen saiatzen da, sormena ahalbideratu eta sustatuz eta etengabe berritzailea den proiektu bateko protagonistak bihurtuz, proiektua konpartitzeko komunikazioa, informazioa eta gardentasuna sustatuz, etab.

Hau guztiaren erakusgarri, guri buruzko hainbat aspektu aurkituko dituzue jarraian, gure antolaketa ereduaren inguruan, gure enplegu politikaren eta pertsonen kudeaketaren inguruan, gure komunikazio ereduaren inguruan, gure formakuntza ereduaren inguruan, etab.

Petrolioaren krisia medio bizi izan dugun ezegonkortasun maila handia izan bada ere, 2017an zehar AMPOko lanpostu guztiak mantendu ditugu, inor kaleratu gabe.

Borondatezko aurre-jubilazio Plan berezi bat ere aktibatu genuen 2017an, 57 urte baino gehiagoko bazkideei baldintza onuragarriak zituen plan bat aurkeztuz, hain zuzen ere. Honenbestez, epe motzean gazte berriak kontratatzeko aukera izango dugu, gure proiektuarekin bat egiteko parada eskainiz.

Bestalde, Indiako planta berriaren martxan jartzea medio, AMPO Indiako enplegu maila ere erritmo bizian areagotzen ari da, zeinaren bidez bertako ekoizpen ahalmena areagotu dugun.

Idiazabalgo langileen %95 bazkide kooperatibistak ziren 2017aren amaieran; gainerako %5, berriz, bazkidegai izateko prozesuan kontratatutakoak. Datu honek AMPOk Pertsonekiko duen konpromisoa erakusten du, kontratazioak ez baitira egiten produkzio kargen arabera, baizik eta etorkizunean kontsolidatzea aurreikusten diren lanpostuak beteko dituzten Pertsonak soilik kontratatuz.

AMPO INDIAri dagokionez, azpimarratzekoa da Coimbatoreko gure langileek euren inguruko lan baldintza onenetakoak dituztela, enpleguaren kalitatea oso altua izanik ondorioz.


ANTOLAKUNTZA ETA KULTURA EREDUA

2003.urteaz geroztik Pertsonengan eta kudeaketa

horizontalean oinarrituriko antolakuntza eredu bat

dauka AMPOk. 2017an aldiz, lidergotza eta talde

lana indartzeko helburutik abiatuta, AMPOko kultura-

antolaketa eta Pertsonen lidergotza eredua diseinatzeko

garapen prozesuan lehenengo pausoak eman ziren.

Proiektu honi “Aldaketa lantzen” izena jarri genion

eta ondorengo helburua dauka: Kooperatibaren

helburuak lortzea ahalbideratuko digun eredu baterantz

eta bikaintasunean oinarrituriko kultura baterantz

aurrerapausoak emango ditugunaren bermearekin,

organizazio garapeneko prozesu bat sortzea.

Gauzak honela, kultura eredu berriaren oinarriak ezarri

ahal izateko lehen diagnosi bat burutu zen. Hemendik

abiatuta, beharrezkoak ziren konpetentziak trebatu eta

inplantatu ziren, bai Koordinatzaileen taldean eta baita

zerbitzuetako Pertsona batzuen kasuan ere. Guztira 80

Pertsona inguruk parte hartu zutelarik lehen fase honetan.

Trebakuntza honetan pertsonen partehartzea oso

aktiboa izan zen, honako hau erraztu zuten prozesu

kolaboratiboak erabili zirelarik eta ikaskuntza, talde lana,

lidergotza, autokudeaketa, partehartzea, komunikazioa

eta aurrerapenekiko jarrera aktiboago bat sustatu zelarik.

Trebakuntza hauek workshop eta banakako nahiz taldeko coaching saioen bidez garatu ziren.

Urte amaieran aldiz, produkzioko 20 Pertsona batu ziren proiektu honetara, lehenik eta behin lider batek zein ezaugarri izan behar dituen adostu zutelarik. 2018.urtean zehar talde honek trebakuntza berezi bat jasoko du, liderraren figurak izan beharreko konpetentziak landuz eta honenbestez, AMPOren lidergotza eredua diseinatzen jarraituz.

Antolaketa eredu berriaren definizio eta diseinuarekin organizazio bikain batean bilakatzea dugu xede, parte izatearen sentimendua eta gure pertsonen gogobetetzea areagotuz.


FORMAKUNTZA

Organizazioaren etengabeko hobekuntza prozesua kontsolidatu, gure produktu eta zerbitzuen kalitatea areagotu, organizazioak urtero ekiten dituen erronka berriei aurre egin eta Pertsonen polibalentzia maila areagotzeko ezinbestekoa da Formakuntza. Hau dela eta, AMPOk esfortzu handia dedikatzen dio egun Pertsonen formakuntzari.

Gauzak honela, bi urterako formakuntza plan bat dauka kooperatibak, non Pertsonen ezagutza, trebetasun eta jarreren garapenarekin zerikusia duen guztia barnebiltzen den.

2017an honenbestez, 2016.urtean diseinaturiko formakuntza planari jarraipena eman genion, berau urteko erronketara moldatu genuelarik, gure soluzioen konplexutasunak eta Bezeroen exijentzia mailak gora egin ostean, bai alor komertzialean eta baita ingeniaritza mailan ere.

Formakuntza plan honen inplantazioan 292.800€ inbertitu genituen 2017an, 2016.urtean baino %10 gehiago.

2017an, 8083 prestakuntza ordu jaso zituen AMPOk, 74 prestakuntza ekintzetan banatuta.

Nabarmentzeko modukoa da, gainera, prestakuntza ekintza desberdinetan 202 Pertsona prestatu zirela guztira (391 bertaratze izan ziren). (Lehenengo kopurua prestatutako Pertsona kopuruari dagokio eta bigarrena, berriz, bertaratzeen kopuruari. Pertsona bera zenbait ikastarotara ager daiteke).

Formatutako Pertsona bakoitzak 40,01 ordu sartu zituen batez beste 2017an, 2016.urtearekiko %12 bat gehiago.

Hauek izan ziren, besteak beste, emandako formakuntza saioak:

→ Hizkuntza ikastaroak: ingelesa, italiera, frantsesa, euskara, alemana, portugesa.

→ Kultura-organizazio eredu berriaren garapenerako Workshop eta coaching saioak.

→ Inspekzio bisual eta errekubrimenduen inspekzioen inguruko ikastaroa.

→ Laneko arriskuen prebentzioari eta segurtasunari buruzko ikastaroak.

→ Araudi eta egokitzapenei buruzko ikastaroak. → Dokumentu eta ziurtagirien kudeaketari buruzko

ikastaroak. → Neurketei buruzko ikastaroa. → Formakuntza kooperatiboa. → Oferta eta eskarien kudeaketari buruzko ikastaroa. → Biltegiratze, kontserbazio eta enbalaiaren

inguruko ikastaroa. → Ingurumen larrialdietarako ekintza ikastaroa. → Birfindegi eta prozesu petrokimikoen inguruko

ikastaroa. → Instalazio erradioaktiboen operadore ikastaroa. → Informatika ikastaroak. → Produkzio prozedimenduen inguruko ikastaroak.→ Hezkuntza kooperatiboari buruzko ikastaroa.→ Komunikazio trebetasunari buruzko ikastaroa. → 2.mailako ultrasoinuak burutzeko trebakuntza

ikastaroa. → Hidraulikaren inguruko ikastaroa. → Suturen inguruko tailerra.→ “Controller”-aren funtzioen inguruko ikastaroa. → Ekonomia zirkularra bultzatzeko ekimen

berritzaileei buruzko ikastaroa. → Lehen sorospenei buruzko ikastaroa.→ Plataforma jasotzaileen maneiatzeari buruzko

ikastaroa. → Etab.

Bestalde, aipatzekoa da baita ere, Idiazabalgo eta Indiako planten artean dagoen Pertsona fluxu etengabea, lankideak askotariko gaietan formatzeko helburuarekin. Gai horien artean; balbulen muntaketa, kalitatea, pintura, bidalketak, ingeniaritza, etab.


KOMUNIKAZIOA ETA KUDEAKETAN PARTE HARTZEA

Komunikazioa funtsezko faktore estrategikoa da AMPOrentzat, ezinbesteko trensa baita estrategia korporatiboari buruzko informazio guztia partekatzeko, bai AMPOko Pertsona guztiekin, bai beste interes talde batzuekin. Hala nola, Bezero, hornitzaile, gizarte, kolaboratzaile eta abarrekin.

Honenbestez, gaur egun badauzkagu bi talde; alde batetik, barne komunikazio taldea, eta bestetik, kanpo komunikazio taldea.

Kanpo komunikazio taldearen helburu nagusia zera da: urteko komunikazio estrategia eta plan bat zehaztea, zeinaren xedea baita AMPO marka nabarmentzea, hala merkatuan nola gizartean, gure egungo posizionamenduari eutsiz eta bikaintasuna, konpromisoa eta halako balioak transmitituz.

Barne komunikazioaren helburua, aldiz, bestelakoa da, hartzaileak AMPOko Pertsonak baitira. 2017

urte amaieran, eta “ALDAKETA LANTZEN” proiektu ebolutiboa medio, barne komunikazioa berrikusi eta berrantolatzea adostu zen, barne komunikazioa gure kooperatibaren eraldaketa prozesuaren beharrekin lerrokatuta egon dadin. Horretarako lan talde berri bat osatu zen, ondorengo kide hauekin: Zuzendari orokorra, Presidentea, giza baliabideen saileko Pertsonak eta komunikazio arduraduna.

Barne Komunikazio Plan berriaren barnean ondorengo barne komunikazio foro berri hauek diseinatu eta jarri ziren martxan:


Balbuletako negozioak JARRAIPEN TALDE bat izango du eta Fundizio eta Lantokiko negozioek beste JARRAIPEN TALDE bat. Talde hauek ostiralero bilduko dira eta bertan asteko helburuei jarraipena egingo zaie, besteak beste. Honez gain, hilabetean behin, hileroko aktibitate-datuak ere bertan landuko dira.

Bezeroak organizazioaren erdigunera ekarri eta eurekin dauzkagun harremanetarako puntuak aprobetxatzeko helburuarekin, hainbat dinamika diseinatuko ditugu. Besteak beste, Bezeroei bideoak grabatuko dizkiegu, euren AMPOrekiko egoera eta espektatibak Pertsona guztiekin partekatzeko.

Alor ezberdinetako tendentzien inguruan gaurkotuta egon eta AMPO proiektua garatzen jarraitzeko, hilabetean behin, enpresa, erakunde,…. ezberdinetako Pertsonekin hitzaldiak antolatuko ditugu, zeintzuk AMPOko Pertsona guztiei irekiak egongo diren.

Egun kultura eraldaketa garrantzitsu bat burutzen ari gara AMPOn, eta berau eraikitzeko “AMPO NORTASUNA” deritzon proiektua ere jarriko dugu martxan. Helburua, Pertsonak mobilizatuz, gure ondorengoei ere ondare garrantzitsu bat uztea izango delarik.

Azken hilabeteetan proiektu ezberdin ugari jarri dira martxan AMPOn. Tartean, LEAN Manufacturing-aren inguruko proiektua, organizazio eredu berria, 2017-2020 Plan Estrategikotik abiatutako ekintza planak, etab. Hauen berri modu erakargarriago batean ematea izango da helburua.

AMPOko Pertsonek dituzuen kezkak Koordinatzaile orokorrarekin partekatzeko helburuarekin, gosari-solasaldiak antolatuko ditugu. Gosari hauetan parte hartzera animatzen diren Pertsonek koordinatzaile orokorrarekin euren ideiak partekatzeko aukera izango dute.


Ekimen berri hauez gain, barne komunikazio optimoa bermatze aldera, enpresan badaude askotariko foroak eta barne komunikazioko tresnak:

KOMUNIKAZIO FOROAK

→ Batzar orokorra:

Enpresaren helburua nabarmen agertzen den organo gorena da. Kooperatibako bazkide langileek ordezkatzen dute, eta AMPOren Estatutu Sozialen bidez arautzen da. Bazkide guztiek dauzkate eskubide eta betebehar berberak (Pertsona bat, boto bat), eta erabakiak hartzen dituzte beren eskumeneko gaietan. Horien artean, Kontseilu Errektoreko, Zaintza Batzordeko eta Kontseilu Sozialeko kideen izendapena, kontuen eta balantzeen onarpena, soberakinen banaketa, kudeaketa soziala, Barne Erregimeneko Arautegian eta Estatutu Sozialetan aldaketak egitea, etab.

Maiatzean izaten den Ohiko Batzar Orokorrean, urteko kontuak aurkezten eta onartzen dira; abenduan, berriz, Ezohiko Batzar bat egiten da, non hurrengo urterako ideiak eta helburuak aurkezten eta onartzen diren. Hau da, kudeaketa plana.

Bestalde, Batzar Orokorra bildu baino egun batzuk lehenago, kolektibo osoari irekita dauden informazio bilerak egiten dira, Batzarreko edukiak xeheki azaltzeko eta hala, kolektiboaren feedbacka jasotzeko.


Kontseilu sozialean aztertutako gaiak Pertsona guztiei transmititzen zaizkie arlo eta lantalde bakoitzean biltzen diren kontseilutxoen bitartez. Lantalde bakoitzak bere ordezkari sozialak aukeratzen ditu, eta ordezkarien bitartez, Kontseilu sozialean aztertutako gaien gaineko informazioa jasotzen dute. Beraz, ordezkariek kezka eta iradokizunak eramaten dituzte Kontseilutxotik Kontseilu Sozialera, bertan aztertu eta eztabaida daitezen. Kontseilutxoak benetan dira foro garrantzitsuak, instituzio eta enpresa testuinguruari buruzko informazioa emateko eta jasotzeko baliagarriak dira eta.

→ Asteroko jarraipen bilerak:

Astean behin lantalde guztietako liderrak biltzen dira hurrengo asteko produkzioa planifikatzeko eta helburuekiko konpromisoak hartzeko. Gero, lantaldeetako liderrek beren taldekideei helarazten diete bilera horietan aztertutako informazioa.

→ Lantalde bilerak:

Lantalde gehienek egunero, astero, etab. egiten dituzte bilerak, beharren arabera.

KOMUNIKAZIO KANALAK

→ Jakintzazu:

Astean behin publikatzen den barne buletin bat da, hiru hizkuntzatan idatzia (euskaraz, gazteleraz eta ingelesez) eta zortzi bat orrialde izan ohi dituena. Buletin hau 2010ean hasi zen argitaratzen eta kooperatibako Pertsona guztiei helarazten zaie, astero, posta elektronikoz edo paper formatuan. Aldizkari honetan AMPOren gaurkotasunari buruzko artikulu eta albisteak argitaratzen dira. Bertan idazten dute koordinatzaile orokorrak, Kontseilu Errektoreak eta kooperatibako lantalde guztiek (talde komertziala, ingeniaritza, kalitatea, India, AMPO SERVICE, komunikazioa, berrikuntza, produkzioa, erosketak, informatika, prebentzioa eta ingurumena, giza baliabideen taldea, etab.), asteroko bisiten agenda eta urtebetetzeak argitaratzeaz gain.

→ Iragarki taulak eta pantailak:

Oharrak argitaratzeko, iragarki taulak erabiltzen dira, baita enpresako zenbait gunetan jarritako pantailak ere. Horietan, premiazko jakinarazpenak, asko eta askotariko informazio oharrak, bisitak, pertsonal taldearen idazkiak, egutegia, indizeen taulak, enpresako askotariko zerbitzuen ordutegiak, etab. jartzen dira.

→ Posta elektronikoak eta telefonoa:

Gaur egun AMPOko ia langile guztiek eskuragarri daukate helbide elektroniko pertsonal bat edo talde helbide bat; baita telefono bat ere.

→ Hileko bileren hedapena:

Ekipo koordinatzailearen (Zuzendaritza Batzordearen) taldean eta Kontseilu Errektorean hilero hartzen eta erabakitzen diren ekintza, erabaki eta abarrak kolektibo osoari helarazteko, organoak hilean behin biltzen dira aste berdinean. Bilera horietan, xeheki aztertzen dira hileko emaitzen kontuak eta kontuok urteko “Ideia eta helburuekiko” (Kudeaketa planarekiko) izan duten bilakaera. Honez gain, inbertsioak baloratzen dira, ekintza berriak martxan jartzen dira, etab.

Kontseilu Errektorearen bileraren ostean, arratsaldez Kontseilu Sozialaren bilera ospatu ohi izaten da. Bertan, koordinatzaile orokorrak eta presidenteak hileko erabaki, ekintza, emaitzen kontu eta abarren deskargua egiten dute. Kontseilu Sozialak lotura lanak egiten ditu Kontseilu Errektorearen, Koordinazioaren eta bazkideen artean, bazkide langileen laneko gaien inguruan, informazioaren, aholkularitzaren, kontsultaren eta iradokizunen bitartez. Kontseilu Soziala kooperatibako arlo desberdinetako ordezkariek osatzen dute, eta egon ere, kolektibo osoa dago bertan ordezkaturik.


BERDINTASUN PLANA Plan honen helburuak ondorengoak dira:

• Kooperatiban berdintasunaren printzipioa babes-tea eta printzipio horren aplikazioa sustatzea.

• Langile berriak kontratatzerakoan, aukera berdintasunaren printzipioa bermatzea.

• Pertsona guztiei aukera berberak bermatzea bai ekonomiaren alorrean bai garapen profesionalaren alorrean.

• Ahozko nahiz idatzizko adierazmoldeen berdintasunezko erabilera sustatzea.

• Lan bizitza eta familia bateragarri egiten laguntzea.

• Sexu jazarpen eta diskriminazio kasuak prebenitu eta konpontzea.

2017an emandako aurrerapausoei dagokienez, aipatzekoa da AMPOko langile guztiei luzatu zitzaien inkesta bat. Bertan ondorengo gaien inguruko euren iritzia emateko eskatu zitzaielarik: kontziliazioa eta kontziliazio planaren diseinua, berdintasun indikatzaile berrien definizioa, genero indarkeriaren biktima izan daitezkeen emakume langileentzako neurri eta baliabideen errekopilazioa, sexu jazarpen eta diskriminazio kasuak ekidin eta konpontzeko Protokolo baten garapena, etab.

Hau guztiaz gain, Gipuzkoako Foru Aldundiak diseinatu eta martxan jarritako “Berdintasuna, Kontziliazioa eta Erantzukidetasun” programan parte hartzea erabaki du AMPOk. Honen helburua bizitza familiarra kontziliatu, erantzukidetasuna sustatu eta lan esparruan berdintasun eza desagerrarazteko formula berriak martxan jartzea da.

Emakunderen (Emakumearen Euskal Erakundea) eskutik, emakumeen eta gizonen arteko berdintasunerako erakunde laguntzailea izatearen errekonozimendua du AMPOk 2015az geroztik, badaukalako Berdintasun Batzorde bat eta indarrean dagoen Berdintasun Plan bat. Batzorde hau 13 pertsonek osatzen dute egun; 8 emakume eta 5 gizonek, hain zuzen ere.

Berdintasun Plana 2014-2017 urteetarako diseinatu zen, eta azpimarratzekoa da 2017.urte amaieran plan hau %75ean inplantaturik zegoela, oraindik inplantatzeko geratzen ziren ekimen gehientsuenak iada aplikatzeko bidean zeudelarik gainera.


LANEKO ARRISKUEN PREBENTZIOA

AMPOn laneko arriskuen prebentzioarekin konpromiso irmoa dugu. Hori dela eta, etengabe ikuskatzen ditugu arrisku potentzialak, intzidenteak nahiz jokabide ez-seguruak, ikuskapen programatuak egiten ditugu, etab. Beti ere langile guztien segurtasun eta osasun baldintzak hobetzeko helburuarekin. Hori guztia, lege eskakizunak (Laneko Arriskuak Prebenitzeko Legea) bete eta OHSAS 18001 araua erreferentziatzat hartuz.

Gai honi dagokionez, kooperatibaren helburuetako bat zera da: prebentzioa AMPOren erabaki eta jarduera multzo osoan integratzea, prebentzioa gu guztion erantzukizuna dela jakitetik abiatuz. Ondorioz, parte

hartzea eta kontzientziazioa ahalik eta handienak izan daitezen, AMPOk bi lantalde dauzka martxan gaur egun:

→ Laneko Segurtasun eta Osasun Batzordea, zeina hiru hilean behin biltzen den.

→ Prebentzio taldea, zeina hilean behin biltzen den, Prebentzio Plana garatzeko eta plan horri jarraipena egiteko helburuarekin.

Hau guztiaz gain, fundizio nahiz balbuletako dibisioetan garaturiko LEAN proiektu guztietan (KAIZEN dinamikak, 5S-en inplantazioa, etab.) integratu zen segurtasuna 2017.urtean zehar.

Bestalde, mekanizatuko pabilioi berriaren diseinu eta exekuzioan nahiz balbuletako layout berriaren diseinuan, aspektu prebentiboek berebiziko garrantzia izan zuten: pasarela eta barandak instalatuz, orga kantitatea murriztuz, etab.

Lan arriskuen ebaluazioari dagokionez, lanpostuen egitura berrikusi eta eguneratu eta ekintza prebentiboak

planifikatzeko OSARTEN-en aplikazio berri bat ere inplantatu genuen.

Lanpostu hauetan ekintza prebentiboak aplikatzeaz gain, lanerako ekipo batzuk ere egokitu genituen. Esaterako, mekanizatuko makina berriak. Hauez gain, fundizioko errebelatu kabinak ere ATEX araudia betetzeko egokitu genituen.

Higienea ere kezkatzen gaituen beste gaietako bat da. Honen ondorioz, lagin estrategia berri bat diseinatu genuen 2017.urtean, formaldehidoarekiko esposizioa identifikatu, mugatu eta kontrolatzeko helburuarekin, eta era berean planifikazio higienikoa burutzeko herraminta informatiko baten inplantazioa ere analizatuz.

Bestalde, aipatzeko modukoa da, baita ere, prebentzioari buruzko prestakuntza ikastaroak ere eman zirela, hala nola:

• Indukzio labeetako segurtasun neurriei buruzko formakuntza.

• Produkzioko arduradun guztiei prebentzioaren inguruan emandako oinarrizko mailako ikastaroa.

• Indukzio bidezko galdaketarako segurtasun funtzionamenduaren inguruko ikastaroa.

• Ingurumen larrialdi kasuen jarduketaren inguruko ikastaroa.

• Produktu kimikoen kontrolerako CLP aplikazioaren inguruko formakuntza teoriko-praktikoa.

• Orgen maneiuari buruzko ikastaroa.

• ADRari buruzko ikastaroa.


LANEKO OSASUNA

Gaur egun AMPOk baditu zerbitzu mediko bat eta fisioterapia zerbitzu bat, kooperatibako langile guztien eskura daudenak.

Zerbitzu Medikoak langile guztien osasunaren zaintza egiten du. Langileen arteko interakzioa eta beraien lan baldintzak aztertu eta analizatzen ditu, eta honela, osasuna kaltetu dezaketen gaixotasunak goiz detektatzeaz gain, langileek laneko zereginak betetzeko izan litzaketen muga posibleak zehazten ditu. Hori guztia hasierako eta aldizkako azterketa medikoen bidez egiten da, aurrez zehaztutako protokolo eta proba espezifikoen arabera, bereziki sentikorrak diren langileak eta beren

zereginak betetzeko gai ez direnak identifikatuz.

Gainera nabarmendu beharra dago 2017an Osasuna sustatzeko zenbait programa egin zirela; horien artean aipagarri:

1. FIFTY – FIFTY PROGRAMA:

2017ko abenduan Valentin Fuster kardiologo ospetsuaren Fifty-Fifty programari amaiera eman genion AMPOn, zeinaren helburua AMPOko pertsonen osasun integrala hobetzea zen. Horretarako norberaren bizi ohiturak hobetzea eta arrisku kardiobaskularraren faktore nagusiak autokontrolatzea bultzatu zen: gainpisua/obesitatea, sedentarismoa, tabakismoa eta hipertentsio arteriala.

Aipatutako programa honetan AMPOko 53 Pertsonek hartu zuten parte, guztira 45ek amaitu zutelarik, eta honako hau prestakuntza eta motibazio tailerren bidez

landu zen. Hori honela, parte hartzaileek bizi ohitura osasungarriak sustatzera bideratutako 12 formakuntza saio jaso zituzten. Horretarako, honako gai hauek landu zituzten: motibazioaren garrantzia nork bere burua aldatzeko, tentsio arterialaren autokontrola, tabakoa uztea, elikadura osasungarria eta ariketa fisikoa ohikotasunez egitea. Formakuntzaz gain, talde dinamikak ere antolatu zituzten. Dinamika horien xedea barne aldaketak bultzatu eta ezagutza hutsera mugatzen ez diren eta nork bere burua hobetzen laguntzen duten gaitasunak garatzeko aukera ematea izan zen.


Orokorrean programa honek eragin onuragarriak izan dituela ondorioztatu dugu, parte hartzaileen %60ak euren jarrera eta osasun faktore nagusienak hobetu dituztelarik, programaren amaieran profil osasuntsuagoak erakutsiz.

2. FRUTA TXOKOAK:

Gero eta enpresa gehiago arduratzen dira bere langileen elikaduraz. AMPOk berak urte asko darama elikaduraren gaineko kontzientzia pizten. Duela zenbait urte, barazki ekologikoen 10 saski oparitzen zituzten langileen artean, eta 2016an enpresako gune desberdinetako txokoetan fruta jartzen hasi ziren, langileek dohainik har eta jan zezaten. Gaur egun egunean 2 fruta pieza inguru eskaintzen dizkie AMPOk bere langileei.

Adituen arabera, frutaren bitaminak eta ur ekarpena dira gorputza eta burua aktibatzeko biderik onena.

3. KAIKU BENECOL-EN 21 EGUNEKO PLANA:

AMPOko osasun zerbitzuak, Osarten eta Kaikurekin

elkarlanean, odolean kolesterol maila altua erakusten zuten perfil bolondresengan Kaiku Benecol-en kontsumoak duen eragina neurtzeko azterketa bat burutu zuen. Kaiku Benecol 21 egunetan zehar kontsumitu ostean, partehartzaileen %38aren kasuan, kolesterol maila totala gutxitu egin zen. Hala eta guztiz ere, partehartzaileen %70ak baino gehiagok LDL kolesterolaren maila gutxitzea lortu zuen eta bestalde, HDL kolesterolaren maila areagotzea.

Dislipidemiak eta prebentzio kardiobaskularrak kudeatzeko nazioarteko jarraibideen arabera, oinarrizko helburu terapeutikoa da LDL kolesterolaren kontzentrazio serikoa murriztea.

4. NORBANAKOAREN ETA KOLEKTIBOAREN OSASUN EGOERA ZEHAZTEA:

AMPOko zerbitzu medikoa etengabe ari da Pertsonen osasun kolektiboa eta banakakoa zehazten eta monitorizatzen.

5. PARTE HARTZE KOLEKTIBOA BORONDATEZKO ODOL EMATEAN:

Gipuzkoan, egunean 140 odol emate behar dira probintzian dauden behar hemoterapikoei erantzuteko. Pertsona guztiek daukate transfusio baterako eskubidea hala behar dutenean, baina eskubide indibidual horri elkartasun komunitariozko keinuez eutsi behar zaio ezinbestean. Ildo horretatik, AMPOk odola emateko egun bat antolatzen du urtero bere lantokian, non boluntarioek parte hartzen duten. 2017an 30 Pertsonek parte hartu zuten borondatezko odol emate honetan.

6. OSASUNARI BURUZKO FORMAKUNTZAK:

Nagusiki praktikoak diren ikastaroak egin dira lehen sorospenen inguruan. Ikastaro horietan honako gai hauek aztertu zirelarik: istripua izan duten Pertsonen hasierako balorazioa eta Oinarrizko Bizi Euskarria, Oinarrizko Berpizte Kardiopulmonarra eta Kanpo Desfibrilazio Automatikoa, traumatismoekin elkartutako lesioen balorazioa eta tratamendua, eta Larrialdi Plana.

Bukatzeko, nabarmentzekoa da, halaber, AMPOn integratuta dagoen fisioterapia zerbitzua, dagoeneko sendotuta dagoena eta egunean 8 orduko zerbitzua ematen diona kolektiboari bere instalazioetan bertan. Hala, zerbitzuak terapia eskaintzen du gaitz ugariren sintomak arintzeko, jarduera terapeutikoaren bidez, beroaren, hotzaren eta argiaren bidez, eskuzko tekniken bidez, etab.

18 AMPOREN KONPROMISOAK · Bezeroekiko Konpromisoa

AMPOren lehentasuna da Bezeroak fidelizatzea, etengabe euren beharretara egokituz eta balio erantsi altuagoko produktu, zerbitzu eta soluzioak eskainiz. Beti ere, fidagarritasuna, segurtasuna, zerbitzua, kalitatea, berrikuntza eta jasangarritasuna bermatuz.

4.2. BEZEROEKIKO KONPROMISOA


AMPOREN KONPROMISOAK · Bezeroekiko Konpromisoa 19

SEGURTASUNA ETA FIDAGARRITASUNA

entzat lehentasuna da bere produktuen fidagarritasuna eta proiektu berri guztien garapenean kontuan hartzen duen kontzeptu bat da.

Aipatzekoak dira gainera 2017.urtean zehar zentro teknologiko ezberdinekin sinaturiko kolaborazio akordioak. Hauen helburua merkatuko soluzio berritzaile eta fidagarrienak eskaintzen jarraitzea da, elkarlanean ikerketa eta hobekuntza lerro ezberdinak garatuz.

Presio altuetarako eta tenperatura altuko zikloetarako diseinatu eta ekoizten ditugun balbulek gainera Segurtasunaren Osotasun Mailaren arauak betetzen dituzte (SIL). Araudi honek sistemetan instalatu beharreko segurtasun funtzioen integritate betekizunak definitzen ditu.

Balbula hauek diseinu sendoa daukate gainera, zeintzuetan ingeniaritza nahiz material mailan teknologia aurreratuenak aplikatzen dituzten:

AMPOn seriotasun handiarekin hartzen dugu gure soluzioen segurtasun eta fidagarritasunarekiko gure konpromisoa, mundu mailako ingurumenari buruzko araudiak eta segurtasun publikoaren gaineko erregulazioak xeheki konplituz.

Milioika balbula eta galdaketako osagai hamarkadetan zehar jardunean izanik 5 kontinenteetako ehunka plantatan, AMPOko soluzioak erabat fidagarriak direla esan dezakegu. Horretarako berrikuntzan eta garapen teknologikoan oinarrituriko etengabeko inbertsioak burutzen ditugu, soluzioen segurtasun eta jasangarritasun mailan etengabeko hobekuntzak inplantatuz. Monitorizazio teknologia berriak, gure balbulak merkatuko kanpo- emisio maila zorrotzetara egokitzeko soluzio berriak eta plantetako hoditeria babesteko estaldura berrien aplikazioak dira AMPOk eskaintzen dituen soluzioetako batzuk. AMPO POYAM VALVES-

Ingeniaritza: Saiakuntza fluido dinamikoak, kalkulu sismikoak, analisi mekanikoak, simulazio termikoak, P & ID analisiak, elementu finitoen analisiak, pare errealen probak, enpaketaduren inguruko ikerkuntzak, etab.

Materialak: AMPOk badauka bere fundizio propioa, zerbitzu bikaina eta kalitate goreneko osagaiak eskaintzen dizkiena bai balbulen dibisioari bai Bezero guztiei, fabrikazio prozesuan integraturik lan eginez. Horretaz gain, nabarmendu behar da gaur egun berrikuntza arloa abangoardiako diseinuak lantzen ari dela higadurak ekiditeko eta estaldura berriak garatzeko, elkar ukitzen duten gainazalen arteko marruskadura saihesteko. Produkturik onenak ekidin egin dezake korrosioa, urradura, atxikidura eta erosioa, eta honela balbulen bizitza erabilgarria luzatu.


Eta AMPOren soluzio fidagarriek segurtasuna bermatu behar dute Bezeroen plantetan. Horregatik, AMPO SERVICE-ek laguntza teknikoa bermatzen du, munduko edozein bazterretan eta proiektuaren edozein fasetan; horretarako esperientzia handia daukan profesional talde zabala izanik.

Hori ala izan dadin, lankidetza estuan dihardugu balbulen erosketan, instalazioan, operazioan eta plantako mantentze lanetan inplikatuta dauden lantalde guztiekin. Helburua zera da: balbulen gainean dakiguna transmititzea eta horrekin batera, gure ekipamenduen segurtasun optimoa, errendimendua eta mantentze lana bermatzea plantan.

AMPO SERVICE-ek gainera mantenimendu prebentibo eta prediktibo integrala eskaintzen du, balbulen errendimendu eta funtzionamendu egokia bermatzeko helburuarekin. Mantentze lan prebentiboen barnean, aldizkako ikuskapen zerbitzua eskaintzen du eta mantenimendu prediktiboari dagokionez, sistema berritzaile bat garatu du munduko edozein lekutan instalatutako balbulen monitorizaziorako. Sistema honek plantan instalatutako balbuletan etorkizunean gerta daitezkeen hutsegiteak antzematen ditu eta hau dela eta, plantan ustekabean gerta daitezkeen etenaldiak aurreikustea ahalbideratzen du. Sistema honen bidez gure balbulak konektatuta egoten dira uneoro, balbulen egoera monitorizatu eta aztertzea ahalbideratuz.


ZERBITZUA

AMPOren zerbitzu filosofia gure soluzioen diseinua, ekoizpena eta mantenimendua baino haratago doa. Bezeroen behar guztiei erantzun integral bat ematean datza gure konpromisoak.

Eta badakigu gure Bezeroen behar nagusienetako bat entrega epeak murriztea dela. Hori dela eta, 2017an aurrerapauso nabarmenak eman ditugu LEAN eraldaketa proiektuari dagokionez. Honen helburu nagusia Bezeroekiko entrega datak murriztea da, balio erantsi altuagoa eskaintzearekin batera. Kudeaketa aurreratuan espezialistak diren pertsonen laguntzarekin garatzen ari gara proiektu hau, tartean ondorengo proiektuei helduz: balbuletako plantaren layout berriaren diseinua, mekanizatuko pabilioi berriaren layoutaren diseinua,

produkzio lerro ezberdinetan etengabeko hobekuntzako dinamiken inplantazioa, etab.

Gaur egun balbula eta balbula osagaien ordezkatze zerbitzuak eskaintzen ditugu, presazko kasuetan “Fast Track” zerbitzu bat ere eskainiz.

Bezeroei neurrira diseinaturiko soluzioak edukitzea ahalbideratzen die AMPOren zerbitzuak, baita aplikazio zorrotzenetarako ere. Gauzak honela, AMPOk kasu bakoitza aztertzen du, eta bere ahalmen teknologikoari esker, pertsonalizatu egin dezake balbula edo osagai bakoitza aplikazio eskakizunen arabera, horretarako behar adina espezialista inplikatzen direlarik, Bezeroarekin elkarlanean. Eskaintzen dugun atentzioa gainera gertukoa eta pertsonalizatua da, balio erreferente eta ezberdintzailea guretzako.

AMPOn gainera eskaria formalizatu aurretik ekiten zaio zerbitzuari, eskakizun guztiak ongi analizatu eta soluzio optimoa eskainiz beti ere. Soluzioak ekoizteko prozesuan zehar, Bezeroekiko komunikazioa etengabea da gainera.

Izan ere, produktuak entregatu arte, laguntza eta zerbitzu integrala eskaintzen baitzaie Bezeroei:

• Horretarako, Project Manager delakoek osatutako lantalde bat daukagu. Lantalde horrek ziurtatzen du, hain zuzen, produkzio planak betetzea.

• Bestalde, kodifikazio sistema bat ere badaukagu produkzioan, balbulen erabateko trazabilitatea denbora errealean bermatzeko. Ondorioz, balbula bakoitzari dagokion informazioa kode hauen bidez gordetzen da sisteman; egin zaizkien proba ezberdinak, osagaiei buruzko informazioa eta balbula bakoitzaren materialak, produkzio prozesuaren trazabilitatea, etab. Honela, produktu bakoitzari bere historia atxikitzeko gaitasuna daukagu, eta Pertsona guztien eskura jar dezakegu klik bakarra eginda.

Baina zerbitzua ez da Bezeroari balbulak entregatzen zaizkionean bukatzen, zeren eta balbulak entregatu eta gero, instalazioari, martxan jartzeari eta abarri buruzko ahokularitza ematen baitugu, ad hoc zerbitzuak emateaz gain. Hala nola mantentze zerbitzuak, formakuntza, osagaien birjarpena, etab.


KALITATEAespec Q1 eta 6D, eta SIL 3 arauen arabera, eta merkatuko kanpo erakunderik garrantzitsuenek ziurtatu dituzte; horien artean, Lloyd’s Register, Bureau Veritas (BV), Det

Norske Veritas (DNV) eta American Bureau (ABS). AMPOk gainera aktiboki parte hartzen du APIk antolatzen dituen

nazioarteko konbentzio ezberdinetan, non APIko arauak oil & gas sektoreko ingeniaritza, erabiltzaile final eta ekipo ezberdinen ekoizleen parte hartzearekin garatzen diren.

Gure ekoizpen arlo guztietan tarteko eta amaierako ikuskapenak egiten dira. Ikuskapen horiek dagozkien txostenekin eta ziurtagiriekin dokumentatzen dira, talde eraginkor eta oso kualifikatu batek koordinatzen ditu zuzenean, eta beti kalitatea bermatzeko barne zein kanpo prozeduren eta arauen arabera egiten dira. Fase guztiak, erosteko agindua jasotzen denetik proba ez-suntsitzaileak egiten diren arte, mekanizazioa, muntaketa, probak egitea, pintura eta enbalatzea, denak egiten dira Kalitatea Bermatzeko Eskuliburuetan xedatutako araudiekin bat etorriz.

Baina AMPOren kalitatearekiko konpromisoa ez da arau eta inspekzioak betetzera soilik murrizten; kalitatea lehentasuna den kultura korporatibo bat inplantatzean datza gure konpromisoak. Hori dela eta, Kalitate Sistemaren Plan berri baten oinarriak ezarri genituen 2017.urtean zehar eta honako hau 2018.urtean inplantatuko da. Plan hau kalitate arau zorrotzenetan oinarrituko delarik.

Bestalde, instalakuntzei dagokienez, entseguak burutzeko instalakuntza modernoenak ditugu; X izpiak, likido sarkorrak, ultrasoinuak, partikula magnetikoen instalakuntzak, PMI (Materialen Identifikazio Positiboa), inpaktuko saiakuntzak, ikuskapen bisualak, saiakuntza hidrostatikoak, saiakuntza pneumatikoak, saiakuntza kriogenikoak edo tenperatura baxukoak, isurketa iheskorrak, hutseko saiakuntzak, tenperatura altuko probak, goi presioko probak, etab.

Entsegu guzti hauek Kalitatea bermatzen duten pertsonal kualifikatuak burutzen ditu.

AMPOrentzat kalitatea funtsezkoa da eta ondorioz, gure ekoizpen prozesuak kalitatea bermatzeko sistema bat ezarriz inplementatzen eta kontrolatzen dira. Prozesu horiek 1991z geroztik daude homologatuta ISO 9001, API


BERRIKUNTZA

Berrikuntzaren aldeko apustua etengabeko jarrera bat da eta etorkizuneko erronkei aurre egiteko modu bakarra dela uste dugu.

Axial check balbulak, boien deskarga sistematarako balbulak eta jacket sistematarako balbulak garatu ditugu 2017.urtean zehar, offshore eta subsea merkatuetan intentsitate handiagoarekin sartuz. Honez gain, SHELL A maila betez, merkatuko kanpo isurketa maila zorrotzenetara egokitu ditugu gure balbulak, top entry diseinuko boladun balbula optimizatu dugu, Through Conduit konporta balbulak garatu ditugu, etab.

Bestalde, galdategiaren kasuan, CTI zentro teknologikoarekin akordio bat sinatu zuen AMPOk, zeinaren arabera Moldeaketa Zeramikoan, SCC prozesuan, aleazio altuko altzairuetan, patternless teknologian, brontzezko osagaien produkzioan, etab. ahokularitza funtzionala eskainiko zigun, hainbat hobekuntza inplementatuz.

Hau guztia aurrera eramateko ingeniaritza talde zabal bat dugu fundizio nahiz balbuletan, produktu, teknologia eta sistema berriak garatzen diharduena. Halaber, etengabe kolaboratzen dugu nazioarteko ikerketa zentroekin eta unibertsitate ospetsuekin.

2017an produktu garapeneko eta ikerketako 30 lerro izan genituen irekita AMPOn, berrikuntzaren intentsitatea %2 baino handiagoa izan zelarik.


JASANGARRITASUNA

Ingurumenarekiko dugun konpromiso irmoak gure produktuetan soluzio teknologiko berriak inplantatzera eraman gaitu, eta era berean gure instalakuntzen eraikuntza eta mantenimenduan jasangarritasun kriterioak aplikatzera.

Balbuletako dibisioan gogor lan egiten dugu balbulen errendimendua hobetu eta igorpenik gabeko balbulak garatzeko. Bestalde, Ekodiseinuan oinarrituta, ingurumen inplaktu txikia duten soluzioak bermatzen ditugu.

Hau guztiaz gain, AMPOren produktu guztiak ISO 14001 arauaren arabera fabrikatzen dira.

2017.urtean gainera mekanizatuko planta berriaren eraikuntza lanak burutu ditugu, non iraunkortasun estrategiak inplementatu ditugun, eraikuntza jasangarria sustatu eta LEED Golden (Leadership in Energy and Environmental Design akronimoa) ziurtagiria lortzeko helburuarekin. Ziurtagiri honek eraikuntza jasangarriak akreditatzen ditu. Eraikin honek, egonlekuak hobetzeko neurriak, ur eta energia aurrezpenak eta material eta baliabide iraunkorragoak kontenplatzen ditu. Honez gain, barneko giroa kalitate handiagokoa izatea ere bilatzen du.

Honelako gaiez gain, produkzioari eragiten dioten prozesu guztiak etengabe ikuskatzen ditugu eta instalakuntza berrien garapenean energia iturri berriztagarriak sartzen ditugu. Ekimen horien helburua

da ingurumenari egin dakiokeen edozein kalte kontrolatu eta minimizatuko duten ideiak eta kudeaketa sistemak garatzea eta aplikatzea.

26 AMPOREN KONPROMISOAK · Gizartearekiko Konpromisoa


4.3. GIZARTEAREKIKO KONPROMISOA

Bidezkoa eta jasangarria den giza garapena ahalbideratzea. Hauxe da AMPOk bere jarduera eremuetan gizartearekiko duen konpromiso nagusienetariko bat.

Komunitate baten parte gara eta guretzako ezinbestekoa da gure inguruarekin gertuko eta etengabeko harremanak mantentzeaz gain, gure komunitate honetan agente aktibo eta dinamiko bat izatea.

AMPOREN KONPROMISOAK · Gizartearekiko Konpromisoa 27

EGITASMO ETA JARDUERA KULTURALAK

AMPOk ingurune hurbileneko jarduera kultural eta tradizionalak babestu eta sustatzen ditu.

2017an nabarmentzekoa da, beste behin ere, “Gerriko Ikerlan Beka” lehiaketaren babesle bezala parte hartu izana. Lehiaketa honen helburua, Goierriri eta bertoko herritarrei buruzko ikerketa-lanak bildu eta argitaratzea da. Lehiaketa honetara aurkeztu ohi diren ikerketa-lanak Goierrirekin loturiko edozein arlo edo zientziari buruzkoak dira: antropologia, toponimia, literatura, osasuna, industria, nekazaritza, biologia, historia, ekonomia, medikuntza, ingeniaritza, zuzenbidea, pedagogia, psikologia, filosofia edo informatika, besteak beste. Lehiaketaren 2017ko edizio honetan irabazle suertatu zenaren ikerketa lana ikasleen sormen emozionalari buruzkoa izan zen.

Ekimen honen bidez, bailarako ikerketa zientifikoaren lanak sozializatzea du helburu AMPOk.

Hala eta guztiz ere, beste hainbat kultura egitasmo ere babesten ditu kooperatibak. Honako hauek izan dira, besteak beste, gure kolaborazioaren xede urte honetan:

• Tokiko eta bailarako kultura zentroak.

• Dantza taldeak.

• Antzerki taldeak.

• Musika eta abeslaritza sustatzen duten ikastetxe eta kolektiboak.

• Bertsolari elkarteak.

• Galzorian dauden espezieak babesten dituzten elkarteak.

• Elikadura ekologikoa sustatzen duten elkarteak.

• Euskal mitologia sustatzen duten elkarteak.

• Goierrikaria eta Aldaize bezalako lekuko aldizkariak.

• Idiazabalgo gazta kofradia.

• Alor ezberdineko ekimenak dinamizatzen dituzten lekuko talde eta elkarteak.

• Etab.

Honenbestez, eta gizartearen beharren bilakaerarekin bat etorriz, baliabide ekonomiko ugari eta gure Pertsonen dedikazioaren zati handi bat, gure inguruaren eta gizartearen egoera sozioekonomikoa hobetzen laguntzera bideratzen ditu kooperatibak.

2017an 118 egitasmo bultzatu ditugu guztira, eta 471.000€ inguru bideratu ditugu egitasmo horietara.

Beste hainbat proiekturen artean, AMPOk gizarte ekonomia eta kooperatibagintza babestu eta sustatzen ditu, baita kultura, kirola, hezkuntza eta izaera sozialeko beste hainbat ekimen ere. Alor guzti hauetan berdintasuna aintzakotzat hartuz beti ere.

28 AMPOREN KONPROMISOAK · Gizartearekiko Konpromisoa

HEZKUNTZA EGITASMO ETA JARDUERAK

Hezkuntza da gure ustez Pertsonen eta gizarteen garapenean eragin handiena duen faktoreetako bat. Hau honela izanik, inguruko ikastetxeekin eta beste erakunde batzuekin kolaboratzen dugu.

Jakintzak hornitzeaz gain, kultura, balore eta Pertsona bezala bereizten gaituzten aspektu ugari aberasten ditu hezkuntzak.

Alor honetan, beste hainbat gaien artean, egitasmo hauez arduratzen gara:

• Lurraldeko ikastola eta eskolei zuzenduriko donazioak.

• Euskaren sustapena hezkuntzaren alorrean, besteak beste, honako jarduera eta erakunde hauek babestuz:

— KILOMETROAK: Ikastolek euskararen erabilera bultzatzeko xedez antolatzen duten jaialdia.

— KORRIKA: Ikastolek euskararen erabilera bultzatzeko xedez antolatzen duten jaialdia.

• Etab.

Aipatzekoa da gainera, AMPOk betidanik sustatu izan duela ikastetxe, unibertsitate eta teknologia zentroen sorkuntza; hora hor, Goierri Eskola, LORTEK Zentro teknologikoa, etab.

AMPOk, gainera, euskararen erabilera areagotu eta normalizatzea du helburu; hori dela eta, zenbait egitasmo eta elkarte babesten ditu, hala nola:

• Goierriko Kultur Elkartea, zeinaren helburua euskararekin lotutako egitasmoak sustatzea den.

• Lanbide heziketa sustatu eta hobetzeko elkartea, euskarazko material didaktikoak lantzen ari delako, askotariko heziketa ziklotan erabiltzeko.

• Ikastaro, tertulia, irrati saio, lehiaketa,…-en bidez, herritarren artean euskararen erabilera sustatzen duten lekuko elkarteak.

• Aldizkari eta tokiko irratiak.

• Etab

Hau guztiaz gain, gizarte mailan euskararen normalizazioa bultzatu eta sustatzeko beste hainbat ekimen ere babesten ditu kooperatibak. Besteak beste, “Kilometroak” eta “Korrika” ekimenak. “Kilometroak” ekitaldiaren kasuan, zaindutako bizikleta aparkalekua babesten du AMPOk. Honako hau ibilbidearen hasieran kokatu ohi izaten da, bisitariei euren herrietatik bizikleta bidez etortzeko aukera emanez eta euren bizikletak egun osoan zehar babestuta edukitzeko parada eskainiz. Euskara babesteaz gain, mugikortasun jasangarria ere bultzatzen du AMPOk ekimen honen garapenarekin.

AMPOREN KONPROMISOAK · Gizartearekiko Konpromisoa 29

Amaitzeko, esan behar da irabaz asmorik gabeko askotariko elkarteak ere babesten ditugula. Horien artean:

• NAGUSILAN, zahartze aktiboa sustatzen duen elkartea. Nagusilan-ez gain, gure inguruko hainbat jubilatu elkarteekin ere lan egiten dugu.

• AECC, Minbiziaren aurkako Espainiako elkartea.

• Gipuzkoako Elikagai Bankua: Elikagaien Bilketa Handian bolondres gisa parte hartuz, eta AMPOn bertan elikagai bilketak antolatuz.

• Gipuzkoako haur minbizidunen guraso elkartea, ASPANOGI, zeinaren xede nagusia minbizia duten haur eta bere familiaren bizi kalitatea hobetzea den, gaixotasunaren berri izaten den unetik, beraien beharrei erantzuna emanez.

• Begisare, erretinosi pigmentarioa daukaten Pertsonen Gipuzkoako elkartea.

• Herrialde ezberdinetako Pertsonen arteko bizikidetza sustatzen duten elkarteak.

• Etab.

KIROL EGITASMO ETA JARDUERAK

IZAERA SOZIALEKO EGITASMO ETA JARDUERAK

AMPOn, halaber, inguruan proiekzio zabala daukaten kirol taldeak ere babesten ditugu, esaterako:

— AMPO ORDIZIA RUGBY TALDEA: Badira urte batzuk AMPOk AMPO ORDIZIA errugbi taldea babesten duela. Elkartea 1973an sortu zen, eta errugbia

bizitzeko aukera eman die gazte ugariri. Gaur egun, estatuan lehen mailako taldea dauka, baina baita baseko taldeak ere. AMPO ORDIZIA taldearen balioak, gainera, kooperatibaren esentziaren isla leiala dira, gure ustez: talde lana, esfortzua, buru belarri aritzea, inplikazioa, etab.

– GOIERRIKO TXIRRINDULARI TALDEA: AMPOk Goierri eskualdeko txirrindulari taldea ere babesten du. Halatan, txirrindularitza sustatzen du maila desberdinetan. Beste batzuen artean, eskola txirrindularitza, kadete eta gazte kategoriak, 23 urtetik beherako elitea eta amateurrak babesten ditu. Talde honen bidez, bizikletaz gozatzeko aukera ematen zaie eskualdeko txirrindulariei, profesionalen mailara jauzi egiteko behar den prestakuntza eskaintzeaz gain.

Hala eta guztiz ere, tokiko beste kirol komunitate batzuk ere babesten ditugu, hala nola:

• Futbol, saskibaloi, eskubaloi, igeriketa, atletismo, herri kirol, boxing, tenis,… klubak.

• Mendizale elkarteak.

• Txirrindularitza klasikoak eta probak, eta baita zikloturisten martxak ere.

• Pelota eta pala elkarteak.

• Etab.

30 AMPOREN KONPROMISOAK · Ingurumenarekiko Konpromisoa

AMPOn erabat kontziente gara ez dagoela ingurugiroa errespetatzen ez duen produkzio eredu batentzako lekurik. Hori dela eta, gure jardueraren ingurumen eraginak minimizatzera bideratutako apustu irmo eta ekonomikoki babestua egin dugu azken urteotan.

4.4. INGURUMENAREKIKO KONPROMISOA


AMPOREN KONPROMISOAK · Ingurumenarekiko Konpromisoa 31

Horretarako, aplikatzekoak diren legeen azterketa xehatua egin genuen hasiera batean, eta lege horietara egokitu ginen bai dokumentuei bai teknikari zegokienez. Horrek ekarri zuen, hain zuzen ere, 2008an Ingurumen Baimen Bateratua lortzea.

Baina AMPOren konpromisoa ez da legeak betetzera mugatzen, haratago doa. Kontuak honela, egokitzapena amaitutakoan, balbuletako dibisioan ISO 14001 ziurtagiria lortu zen 2009an. Aldi berean, lanari eutsi eta galdategirako ziurtagiri berbera lortu genuen, azkenean biak bategin zirelarik 2015ean.


Urari dagokionez, bi lan ildo nagusitzen dira AMPOn:

• Igorpen parametroen kontrol zorrotza; hori hala, errekarako igorpen parametro guztiak onartutako mugen azpitik ditugu.

• Igorpen kantitate totalaren minimizazioa. Izan ere, azken urteetan egin diren askotariko ekintzei esker, zenbait instalazioetan ur zirkuitu itxiak instalatu eta errekarako igorpen totala nabarmen jaitsi da. Besteak beste, tratamendu termikoan, likido sarkorretan, bolak hozteko prozesuan,… instalatu direlarik zirkuitu itxiak. Gerora, 2015ean, AMPOk lurrungailu bat instalatu zuen fabrikako urak tratatatzeko, eta honela, are gehiago murriztu da errekarako igorpena. Aipatutako ur tratatu hori prozesuan erabiltzen da. Hori dela eta, jarduera horiek inpaktu positibo bikoitza daukate ingurunean: ur kontsumoa murrizten dute, eta baita errekarako igorpena ere.

URAK

Industria jardueren ingurumen alderdi garrantzitsuenetako bat atmosferara egindako igorpenak dira. AMPOren ingurumen lehentasun nagusienetako bat, igorpen horien minimizazioa da, eta horren ondorio dira azken urteetan iragazpen teknologietan egindako inbertsio handiak, hala galdaketan nola pintura kabinetan; horiei esker, igorpen mugak erraz betetzen ditugularik. Horri gehitu behar zaio burutzen ditugun mantenimendu lan zorrotzak, zeinaren bidez izugarri minimizatu diren AMPOren igorpen atmosferikoak.

Azken urte honetan, mekanizatuko pabilioi berria burutzearekin batera, aspirazio eta taladrina lainoaren iragazpen sare berri bat instalatu dugu, 8 iragazpen ekipo integratu ditugularik bertan.

AMPOk 32 partikula iragazki eta olio lainoak iragazteko 10 ekipamendu dauzka gaur egun.

ATMOSFERA

3.500

3.000

2.500

2.000

1.500

1.000

500

0

Errekarako igorpenak (m3)

2015 2016 2017

3.088

808

1.162


2008an zarataren kontrako ekintza plan bati ekin genion, gure jarduerak ingurunean daukan intzidentzia ebaluatzeko xedearekin. Horren ondorioz, zarataren hasierako mapa marraztu eta hobetzeko zenbait gomendio definitu genituen, zeinak poliki-poliki inplantatuz joan garen azken urte hauetan.

Hartutako neurri garrantzitsuenen artean ondorengoak aurkitzen dira:

• Isilgailuen instalakuntza xurgapen tximinia nagusietan (indukzioko labeak, replicast, granailatzeko makina, harea berreskuratzeko makina termikoa, desmoldeatzeko makina, etab.). Gaur egun 12 isilgailu dauzkagu.

• Xurgapen motor nagusien isolamendu akustikoa (indukzioko labeak, replicast, granailatzeko makina, harea berreskuratzeko makina termikoa, desmoldeatzeko makina, etab.).

• Foku jakin batzuen orientazio aldaketa.

• Inbertsio berrien erosketa pleguan zaratarekin lotutako ingurumen irizpideak jaso dira.

Ekintza horiek guztiek aintzat hartzeko moduko hobekuntzak ekarri dituzte, zarata igorpenak nabarmen murriztu dira eta.

ZARATA


Zoruen alorrean ere aurrerapauso nabarmenak eman ditu AMPOk azken urteotan, produktu kimikoak biltegiratzeko baldintzak hobetuz, kubetoen erabilera hedatuz, etab.

2017an, mekanizatuko pabilioi berriaren proiektua medio, hondakinak biltegiratzeko markesina bat eraiki dugu bertan. Gune honen eraikuntzak txirbilen, hondakinen, txatarren, etab.-en biltegiratzean hobekuntza

garrantzitsua suposatu du. Besteak beste, ingurumen ondorio gabeko biltegiratze seguru bat bermatuz.ZORUAK

Galdaketa prozesuek hondakin inerte ugari sortzen dute. Hala ere, AMPOk badauka 2008.urtetik harea berreskuratzeko makina mekaniko bat, 20Tn/orduko ahalmena duena, eta baita 3Tn/orduko harea berreskuratzeko makina termiko bat ere. Gerora, 2012an, kromita harea berreskuratzeko makina bat instalatu zen, 5Tn/orduko ahalmena duena. Ekipamendu horien bitartez, moldekatzeko prozesuan erabilitako harearen portzentaia handi bat berreskuratzen da, eta horrek aukera ematen du hare hori berriro ere prozesuan sartzeko, helburu bikoitzarekin: materialen kontsumoa murriztea eta hondakinen kantitatea gutxitzea.

Aldi berean, beste fundizio batzuekin, Eusko Jaurlaritzarekin eta Ihoberekin lankidetzan, ekonomia zirkularreko proiektu bat lantzen ari gara 2015az geroztik. Honen helburua berreskuratu ezin daitezkeen hareentzako alternatibak topatzea da, tratatutako harea beste sektore batzuetan lehengai gisa erabili ahal izateko, zabortegira bota beharrean.

Hau guztiaz gain, ekonomia zirkularraren printzipioei jarraiki, txirbilaren tratamendurako instalakuntza bat ere badaukagu AMPOn 2010.urtetik. Honako honek gure mekanizazio prozesuetan hondakin bezala sortzen den txirbila birrindu, garbitu eta briketatzea ahalbideratzen du. Txirbil hau berriro ere gure labeetan funditu ohi izaten dugu, hondakinen sorkuntza eta lehengaien kontsumoa murriztuz

HONDAKINAK

AMPOk ingurumenaren alde egin duen apustuak babes ekonomikoa izan du.

Horri esker, inbertsio ahalegin handia egin da azken urteetan, aipatu ditugun ekipamenduetan. Hauek izan dira guztira egin ditugun ingurumen inbertsioak:

INGURUMEN INBERTSIOAK

Ingurumen eta Prebentzio Inbertsioak (M€tan)

3.000.000

2.500.000

2.000.000

1.500.000

1.000.000

500.000

02008 2009 2010 2011 2012 2013 2014 2015 2016 2017


ENERGIA

AMPOk urteak badaramatza ere eraginkortasun energetikoaren arloan jarduera ezberdinak burutzen, 2016an ikuskaritza energetiko integral bat egin zen, Aurrezki eta Eraginkortasun Energetikoko Ekintza Plan Global bat osatzeko helburuarekin. Plan honen bidez, ekintza foko nagusiak zehaztu eta 2017-2020 urte bitarterako lehentasun maila ezberdinak definitu ziren.

AMPOk badauka gainera kogenerazio planta bat, beroa eta energia modu aski eraginkorrean produzitzea ahalbidetzen duena, zeren eta gas naturalaren errekuntzan sortzen den beroa aprobetxatu egiten baita berokuntza eskatzen duten prozesuetarako.

Energia aurrezteko filosofia horren ildotik, 2014an truke geotermikorako instalazio bat ere egin zen Sormenaren Etxearen birgaitzean, berokuntza lortzeko.

Hau guztiaz gain, eraginkortasun energetikoari berebiziko garrantzia ematen ari gara proiektu berrien exekuzioan. Esaterako, mekanizatuko pabilioi berriaren eraikuntza LEED ziurtagiriaren irizpideen arabera burutu dugularik. LEED ziurtagiriak eraikuntza jasangarriak bultzatu eta zertifikatzen ditu. Pabilioi berri honetan kontuan hartu ditugun aspektu jasangarri nagusienak ondorengoak izan dira:

• Argi naturalaren sarrera maximizatu eta argiztapen mailan energia elektrikoaren kontsumoa murrizteko helburuarekin, fatxada eta estalkian panel zeharrargien instalakuntza.

• Kontsumo baxuko LED argiztapenaren instalakuntza.

• Estalki berdea, zeinek fabrikaren inpaktu bisuala minimiz-atzeaz gain, pabilioiaren isolamendu termiko hobea ahal-bideratuko duen.


Fundizioko elektrizitatearen kontsumoaren bilakaera: (kwh/kg prod)

Fundizioko gas naturalaren kontsumoaren bilakaera: (kwh/kg prod)

2013 2014 2015 2016 2017

- 6,5

+ 0,1 = + 0,8 - 0,5

- 1,4

- 0,9+ 3

2013 2014 2015 2016 2017

38 AMPOREN KONPROMISOAK · Gure kolaboratzaileekiko Konpromisoa

AMPO komunitate baten parte da eta ondorioz, kooperatibarentzat funtsezkoa da komunitate honekin etengabeko harremanean egotea eta eragile aktiboa izatea komunitate barruan. Hori guztia, hazteko helburuarekin, baita gizarteari hazten laguntzeko ere.

4.5. GURE KOLABORATZAILEEKIKO KONPROMISOA


AMPOREN KONPROMISOAK · Gure kolaboratzaileekiko Konpromisoa 39

GURE HORNITZAILEAK, GURE BALIO KATEAREN ZATI

AMPOn badakigu gure proiektuaren iraunkortasuna ez dela gure jarduera propioan soilik oinarritzen, baizik eta gure balio kate osoaren errendimenduaren araberakoa dela. Horrexegatik kontsideratzen dugu gure hornitzaile

Horretarako, gure hornitzaileen laguntza daukagu, izan ere, hornitzaileek gure balio katearen zati garrantzitsua osaten dutela uste dugu. Bestalde, aktiboki kolaboratzen dugu unibertsitate, teknologia zentro eta start-up-ekin, partzuergoetan parte hartzen dugu, eta elkarte desberdinetako kide aktiboak gara. Eta orobat, harreman estuak ditugu instituzioekin.

eta kolaboratzaileekiko harremana oinarri. Hemendik abiatuz, gure merkatuko posizioa hobetzen lagunduko diguten produktu eta zerbitzuak eskaintzen dituzten hornitzaileekin iraupen luzeko harremanak sustatzen ditugu, alde biok garatu eta haz gaitezen. Horretarako konfidantzazko harreman iraukorrak indartuz.

Gure hornikuntza katearen kudeaketa politikaren beste helburuetako bat, inguruko enpresa ehuna mantendu, babestu eta gure inguruan balioa sortzen laguntzea da. Politika honetan oinarrituz, 2017.urtean 41 milioi euro erosi genituen 100 kilometroko erradio baten barnean. Aipatzekoa da gainera, berrikuntza eta garapen proiektuen kasuan eta salmenta osteko zerbitzuen kasuan, beti lan egin ohi dugula hornitzaile lokalekin, zeintzuek kalitate eta zerbitzu maila ezinhobea eskaintzen dizkiguten.

Homologazioei dagokienez, AMPOk 250 hornitzaile baino gehiago dauzka homologaturik egun. Hornitzaileen homologazio prozesuak ondorengo helburuak ditu;

jarrera etikoak eta gure estrategiarekin lerrokaturiko jarduerak bultzatzea, arrisku finantziero, operatibo eta legalak murriztea, kalitate eta zerbitzu maila maximoa bermatzea eta kontratatzen diren zerbitzu eta materialen kostea optimizatzea.

Honez gain, gure hornitzaileen integrazio maximoa ere bilatzen dugu. Izan ere, etengabeko kolaborazio batek euren prozesuak hobetu eta gure proiektuari balio erantsi altuagoa eskaintzea ahalbideratu baitezake. Gauzak honela, integrazio maila ezberdinak eskaintzen dizkiegu gure hornitzaileei. Horietako 14ek esaterako, integrazio maila altuena daukate egun AMPOn, gure produkzioaren planifikazioan parte hartzen dutelarik.

Momentu hauetan gainera erosketa eredu berriaren diseinua lantzen ari gara, zein 2018an inplantatzea aurreikusten dugun. Eredu honek bisio globalago bat izango du eta bere helburu nagusiak zerbitzua eta kalitatea hobetzea izango dira.


Kooperatibak inguruko unibertsitateekin kolaboratzen du; horien artean, MONDRAGON UNIBERTSITATEA, TECNUN, DEUSTO eta EHU. Kolaborazioa politika eta egitasmo hauen bidez gauzatzen da:

• Praktikak eta karrera amaierako proiektuak eskaintzen ditugu unibertsitateko espezialitate desberdinetarako. MONDRAGON UNIBERTSITA-TEAren kasuan, eskola eta lan jarduera uztartzen dituen ALECOP kooperatibaren laguntza dauka-gu. Oinarri soziala duen planteamendu baten bidez, enpresekin benetako kontaktua izatea es-kaintzen zaie ikasleei, eta aldi berean, egoki pres-tatutako Pertsonak lanean izateko aukera ematen zaie enpresei.

UNIBERTSITATEEKIN ELKARLANA

• Enplegu Foroetan parte hartzen dugu, ikasleen formakuntzan eta ikasleak lan merkatuan txertatzen lagunduz.

• AMPOn bisitak eta konferentziak antolatzen ditugu, ikasleek bertatik bertara ezagutu dezaten gure industria errealitatea.

• Unibertsitateetako ingeniaritza departamentuekin lankidetzan, berrikuntza eta ingeniaritza proiektuak lantzen ditugu elkarrekin. MONDRAGON UNIBERTSITATEAren Goierriko campusaren kasuan, materialei, diseinuen ezaugarritze eta optimizazioari, produktu berritzaileen garapenari

eta abarri buruzko proiektuetan kolaboratzen dugu. Proiektuotan zuzenean parte hartzen dute bai karreraren azken urtean dabiltzan ikasleek bai gai desberdinetan eskarmentua daukaten irakasle ikertzaileek. Halako esperientziek bi abantaila dauzkate: alde batetik, campuseko ikasleek aukera daukate eskualdeko enpresen beharrei euskarria emango dieten ikerketa proiektuetan zuzenean parte hartzeko; bestetik, enpresek aukera daukate gai konkretuetan trebatzen diren ingeniari gazteak erakartzeko. Hola, eskualdeko industria egituraren harrobia aberastuz doa.


TEKNOLOGIA ZENTRO, START UP ETA PARTZUERGOEKIN

ELKARLANA

AMPOk etengabe kolaboratzen du, halaber, tokiko eta nazioarteko teknologia zentro ospetsuekin. Gure ezagutzen osagarri, Lortek, Ikerlan, CIET, Tekniker, CEIT, Azterlan, CTI, etab. aipatuko ditugu.

Bestalde, aipatzekoa da duela urte bete oinarri teknologiko espezializatuak eta negozio eredu berritzaileak dituzten zenbait start up-ekin hasi ginela kolaboratzen. Start up horiek gure beharrei erantzuteko soluzio espezifikoak ematen dizkigute, esate baterako:

• Linux aplikazioen programazioa eta zibersegurtasuna.

• PCB diseinua eta sistema txertatuak.

• Web zerbitzarien eta datu baseen aplikazioaren garapena.

• RFID komunikazioen kontsumo ultra baxuko elektronikaren garapena.

• Atmosfera leherkorretarako sistema elektronikoen garapena.

Partzuergoetan ere parte hartzen dugu, inguruko lehen mailako enpresekin kolaboratuz. Beste batzuen artean, honako hauek nabarmenduko ditugu

– HAZITEK FUNCIONA4 PARTZUERGOA: Partzuergo honen helburua da funtzio pertsonalizatua duten gainazalen akabera berriak garatzea. Horiei esker, produktuek korrosioarekiko, gainazalaren degradazio

mekanikoarekiko eta fouling-arekiko erresistenteagoak izango dira, eta balio estetiko handia hartuko dute. Testuinguru horretan, honako enpresekin batera ari gara lanean: Orbea, Maier, ABB Niessen, Cikautxo, Mugape, Irurena; baita I+G erakundeekin ere: IK4-Cidetec, Maier Technology Center, IK4-Tekniker, Cikatek R&D and innovation centre eta Mondragon Goi Eskola Politeknikoa.

– AMBAR PARTZUERGOA: Lehiakortasunean jauzi bat egin eta itsas inguruneko Oil & Gas sektorean euskal enpresek daukaten posizionamendu teknologiko eta komertziala hobetu eta sendotzeko, 2016an AMBAR partzuergoa sortu zen. Hona hemen partzuergoa osatzen dutenak: TTI Tubacex, Erreka, Aceralava,

Tubacex, eta zientzia, teknologia eta berrikuntzaren euskal sareko beste eragile batzuk, hala nola CEIT, Tecnalia, Lortek, Mondragon Unibertsitatea eta Energia Klusterraren parte hartzearekin. Horren guztiaren xedea da prestazio eta balio erantsi handiko produktuen eskaintza bat sortzea hodietan (zilbor hodiak eta Subsea Imbilicals Risers Flowlines (SURF)), balbuletan eta fijazioetan; horiek guztiak ingurune ez-konbentzionaletan petrolio nahiz gasaren esplorazio eta produkzion erabiltzeko optimizatzeko eta prestazio altuko produktu oferta bat garatzeko.

– GALDA 4.0 PARTZUERGOA: Partzuergo honen helburua da mekanizazioaren bitartez harezko moldeak produzitzea. Ondorioz, zurezko moldeak erabiltzea ekidingo litzateke eta harezko moldeak zuzenean produzituko lirateke Bezeroek bidalitako 3Dko planoetatik abiatuta. Partzuergo honetan enpresa hauek daude: Olazabal y Hugarte, Guivisa, Zubiola, Euskatfund, eta Ideko eta Azterlan teknologia zentroak.


ZENBAIT ELKARTEETAKO KIDE AKTIBOAK

AMPOk aktiboki parte hartzen du ondorengo elkarteetan. Elkarteon helburuak jarraian zehazten dira:

– GOIERRI VALLEY: Aliantza hau 33 enpresen artean sortu zen 2017ko ekainean, Goierri eskualdeko eraldaketa industrialaren motore izateko helburuarekin. Horretarako elkarteko enpresen arteko kolaborazio aktiboa sustatzen da, jakintza partekatu eta bailarako industria lehiakortasuna eta jasangarritasuna bermatzeko. Aliantza honek bailarako enpresa traktoreak barnebiltzen ditu (CAF, Irizar, AMPO, Indar, Orkli, Jaso, GH,….) eta baita enpresa txiki eta ertainak ere, zeintzuetako asko enpresa traktoreen hornitzaile diren.

– GOILAN: Goilanek Goierri eskualdeko kooperatiben hazkundea sustatzea bilatzen du, hori baita bere helburu nagusia. Hau da, eskualdean kooperatibismoa garatu nahi du; horretarako, hezkuntza eta prestakuntza teknologiko eta soziala sustatzen ditu; baita eraldaketa sozioekonomiko progresibo bat eragiten duten enpresa eta jarduerak ere.

– FUNDACIÓN GOIERRI: Fundazio honen xede soziala da prestakuntza eta Goierriko eskualdearen garapen tekniko, ekonomiko eta soziala.

– FLUIDEX: Fluidoak manipulatzeko ekipamenduen esportatzaileen Espainiako elkartea da; irabaz asmorik gabekoa da, eta jaio zenetik nazioarteko orientazio nabarmena izan du. Ikerketa, garapen eta berrikuntza estrategien garapena sustatzen duten programa eta taldeak koordinatzen ditu elkarteak, merkatuetan posizionamendu hobea lortze aldera. 2017an gainera Plan Estrategiko bat burutzeko

apustua egin zuen, etorkizuneko lan ildoak definitzeko helburuarekin eta horretarako elkarteko enpresa kideen iritzi eta hausnarketak kontuan izan ziren. Guzti hau zerbitzu hobea eta zabalagoa emateko helburuarekin. Gaur egun gainera AMPOren esku dago elkartearen lehendakaritza.

– FUNDIGEX: Fundizio esportatzaileen Espainiako elkartea da. Irabaz asmorik gabeko elkarte honen helburu nagusia hauxe da: esportazioa sustatzea eta galdaketaren sektoreko enpresak nazioartekotzea.

– NER GROUP: Zenbait erakundek osatutako elkarte bat da. Erakundeok Harreman Estilo Berriaren bitartez lotuta daude (antolaketa eredua) eta esperientziak, sinergiak eta ezagutzak partekatzen dituzte. Gainera, ahaleginak batzen ditugu hobetzeko, aurrera egiteko, efizienteagoak izateko eta emaitza hobeak lortzeko. Gizarteari buruzko kezka argia erakusten dugu, eta giza garapen bidezkoa eta jasangarria lortu nahi dugu.


AMPOn uste dugu gizarteak eta erakundeek aurrera egin dezaten ezinbestekoa dela etengabeko kolaborazio politiko-pribatua; hori dela eta, beti izaten ditugu harreman instituzionalak eragile publiko ezberdinekin; horien artean: Eusko Jaurlaritza, Gipuzkoako Foru Aldundia, Idiazabalgo Udala eta Goierriko Garapen Agentzia (Goieki).

Harreman sendo hauen adierazle da Eusko Jaurlaritzako ordezkariek (Enpresa garapeneko SPRI euskal agentziaren parte hartzearen bitartez), Gipuzkoako Foru Aldundiak eta Gipuzkoako Merkatal Ganberak AMPO INDIAren inaugurazio ekitaldian parte hartu izana Coimbatoren (Tamil Nadu, India), 2017ko ekainean. Ekitaldi honetan gure instalakuntza berriak bertatik bertara ezagutzeko parada izan zuten. Zehazki ondorengo pertsonen parte hartzearekin kontatzeko aukera izan genuen: Ainhoa Aizpuru, Sustapen Ekonomiko, Landa Ingurunea eta Lurraldearen Orekako diputatua, Alexander Arriola, SPRIko Zuzendaria, Antton Tomasena, Gipuzkoako Foru Aldundiko Ekonomia sustapeneko Zuzendaria, Miren Madinabeitia, SPRIko Nazioartekotze Zuzendaria, Hernant Agarwal, SPRI INDIAko Zuzendaria, eta Amaia Ferro, Gipuzkoako Merkatal Ganberako Industria eta Nazioartekotze Zuzendaria.

Beste alde batetik, Gipuzkoako Foru Aldundiaren “ETORKIZUNA ERAIKIZ” programan ere parte hartzen ari gara, instituzioekin bat egin dugularik Gipuzkoako

INSTITUZIOEKIKO HARREMANA


lurraldeko erronkei aurre egiteko helburuarekin. Honenbestez, Foru Aldundiak antolaturiko bi proiektuetan ari gara aktiboki parte hartzen.

Alde batetik, “Berdintasuna, Kontziliazioa eta Erantzukidetasunaren” inguruko programan. Honen xedea bizitza familiarra kontziliatzeko formula berriak martxan jarri, erantzukidetasuna sustatu eta familia eremuan genero berdintasun-eza ezabatzea da. Beste alde batetik, “Gipuzkoa Talent” foroan ere parte hartzen ari gara. Azken honen helburua lurraldeko giza kapitala bultzatu eta laguntzea da, talentua enpresekin elkarlotuz. Ekimen honen helburua enpresa alor ezberdinetako Pertsona kualifikatuak berreskuratu eta lurraldean

atxikitzea da. “Gipuzkoa Talent” foroaz gain, AMPOk “Bizkaia Talent” foroan ere parte hartu zuen 2017.urtean, zeinaren helburua Gipuzkoako programaren parekoa den.

Eskualdeari dagokionez, harreman estua daukagu Goierriko Garapen Agentzia den GOIEKIrekin. Agentzia hau eskualdea osatzen duten 18 udalek osatzen dute, eta beraiekin kolaboratzen dugu arlo industrial eta sozialarekin loturiko askotariko proiektuetan.

Eta 2017a urte klabea izan zen eskualde mailako kolaborazioari dagokionez, ekainean GOIERRI VALLEY aliantza aurkeztu zelarik. Aliantza hau 33 enpresen artean

sortu zen hasiera batean, AMPO tartean zegoelarik, eta honen helburua Goierri eskualdeko eraldaketa industrialaren motore izatea da, elkarteko enpresen arteko kolaborazio aktiboa sustatuz, jakintza partekatuz eta bailarako industria lehiakortasuna eta jasangarritasuna bermatzeko berrikuntza indartuz. Horretarako 200.000€-ko aurrekontua izan zuen aliantzak 2017.urtean. Elkarte honetan CAF, Irizar, AMPO, Indar, Orkli, Jaso, GH,… bezalako talde traktoreak daude, eta baita Arri, Ederfil Becker, Eredu, GetSubsea, Goieki, Gune, Hine, Labe-lan,…. bezalako enpresa txiki eta ertainak ere.

Paraleloki bailarako Industria Foroan ere parte hartzen jarraitzen dugu, zeinaren helburua eskualdeko industria jardueraren jasangarritasuna eta lehiakortasuna sustatzea den, enpresa eta agente hauekin batera: Orkli, Irizar, Hine, Goierri Eskola, Goierri Goi Maila Eskola, Goieki, Lortek, etab. Foro honetan etengabe hausnartzen dugu eskualdean industria garatzeko ditugun erronkei buruz eta erronka horiekin lotutako lan ildoak inplementatzeari buruz. Honen ondorioz, 2017.urtean lantzea erabaki zen lan ildoetako bat 4.0 Industria izan zen. Proiektu honen markoan big data, fabrikazio aditiboa, ikusmen artifiziala, robotika eta areagotutako errealitatearen inguruko hainbat tailer antolatu ziren, industriarako beharrezkoak izango diren profilak baloratzeaz gain. Teknologia berri hauen esperientziak gertutik ezagutzeko asmoz, hainbat enpresa bisita ere burutu ziren.

Amaitzeko, nabarmentzekoa da 2017an AMPOk instituzioen laguntza izan zuela berriz ere, zenbait diru laguntza jaso baitzuen I+G+b-ko proiektu desberdinak lantzeko.

46 2017KO MUGARRI NAGUSIAK · Bezeroak eta proiektuak

5. 2017KO MUGARRI NAGUSIAK

DAHEJ LNG PROIEKTUAREN HIRUGARREN FASEA

AMPO POYAM VALVES-ek 1000 balbula kriogeniko baino gehiago hornitu zizkion 2017.urtean DAHEJ LNG proiektuari, zeinaren Bezero finala PETRONET LNG zen. Tartean eskuzko nahiz aktuadoredun boladun balbula kriogenikoak, eta globo, konporta eta erretentzioko hainbat balbula kriogeniko.

Regasifikazioko DAHEJ LNG planta hau Indiako Gujarat estatuan dago kokatuta eta proiektuaren hirugarren fase hau medio, bere ahalmen produktiboa 10 mmtpa-tik 15 mmtpa-ra areagotzea lortuko du.

Proiektuaren aurreko faseetan 2400 balbula baino gehiago entregatu zizkion AMPOk Bezeroari. Besteak beste, 2005 eta 2014 urteetan zehar. Honenbestez,

hemendik aurrera planta honek AMPOren 3400 balbula baino gehiagorekin kontatuko du.

HIDROKARBUROEN DIBISIOAREN INDARTZEA

AMPOren balbuletako negozio unitateak, bere hidrokarburoen dibisioa indartu du, birfindegietan eta petrokimikan jakituna den eta esperientzia zabala duen aditu baten inkorporazioarekin.

AMPOk birfindegietako prozesu ezberdinetarako teknologia maila altuko balbulak diseinatu eta ekoizten ditu, industria honetarako balbula kritikoenak

hornituz. Gaur egun birfindegietarako produktu gama zabalenetariko bat eskaintzen du, tartean ondorengo produktuak aurkitzen direlarik

• Kontrolak dituzten Switch balbulak

• Ar balbulak

• Konporta balbulak

• Tenperatura altuetarako boladun balbulak

• Presio altuko bapore lineatarako Pressure Seal diseinudun balbulak

• Axial erretentzio balbulak

BALBULAK

BEZEROAK ETA PROIEKTUAK

2017KO MUGARRI NAGUSIAK · Bezeroak eta proiektuak 47

ALEMANIAKO MIRO BIRFINDEGIRAKO AKTUAZIO HIDRAULIKODUN MATXOKO BALBULAK

2017.urtean aktuadore hidraulikodun matxoko balbula ugari diseinatu eta ekoiztu zituen AMPOk, Alemaniako Mineraloelraffinerie Oberrhein GmbH (MiRO) Bezeroarentzako. Birfindegi hau MiRO eta Phillips 66-ren

arteko joint venture bat da, eta Karlsrhue-n kokatzen da, Rin ibaiaren ertzean, Alemaniako hegomendebaldean.

Ondorengo unitateak aurki daitezke instalakuntza hauetan: hiru petrolio gordin unitate, FCC unitateak, petrolioaren kokizazio eta kaltzinazio unitateak, hidro-desulfuraziorako instalakuntzak, nafta birformatzaileak, isomerizazio unitateak, EETB unitateak eta alkilazio uni-tateak, zeintzuek garraiorako erregaiak produzitzea ahalbideraten duten. Besteak beste, gasolina, diesela eta abiaziorako erregaia. Halere, beste produktu batzuk ere ekoizten dituzte planta honetan. Besteak beste, lehengai petrokimikoak, etxebizitzen berogailuetarako petrolioa,

asfaltoa, anodoa eta petrolio kokea.

Birfindegiak egunean 58,000 upel produzitzen ditu, zeintzuk nagusiki Alemaniako hegomendebaldean, Suitza iparraldean eta Austriako mendebaldean banatzen diren.

AMPOren matxoko balbula hauek planta honetako DCU unitatean instalatuko dira eta Bechtel-en hidrokarburoetarako lizentziaren pean diseinatu eta produzituak izan dira (Bechtel Hydrocarbon Technology Solutions), baita Alemaniako araudiaren arabera ere.

SAUDI ARAMCORENTZAT FBE ESTALDURADUN 750 BALBULA

Saudi Arabiako ekialde-erdialdean egoitza nagusia duen eta estatu mailako petrolio eta gas enpresa nagusiena den Saudi Aramcok, 750 balbula diseinatu eta ekoizteko eskaria luzatu dio AMPOren balbuletako dibisioari. Balbula guztiak prestazio altukoak izango dira eta Saudi

Aramco-k Saudi Arabian zehar dituen planta ezberdinetan instalatuko dira.

2017 eta 2018.urteetan zehar espezifikazio maila altuko 750 boladun eta erretentzio balbula entregatuko dizkio AMPOk Saudi Aramcori; pieza guztien barnealdeek FBE (Fusion Bonded Epoxy) deritzon estaldura izango dutelarik. Estaldura berezi hau baliagarri da plantako hoditeriak korrosiotik babesteko, eta honez gain, tenperatura altuetan burutzen diren balbula operazioetan propietate hobeak eskaintzen ditu, ekipoak kalte mekanikoen aurrean babestuz, etab. Hau guztiaz gain aipatzekoa da estaldura hau modu hobeezin batean eransten dela balbula barneko azaleretara.

Bestalde, entregatuko diren boladun balbula guztiak tamaina handikoak izango dira eta presio altuetan (1500lbs) egingo dute lan. Hau dela eta, guztiek izango dituzte asentu metalikoak.


SHELL BEZEROAREN FILIPINETAKO NMIF PLANTAN FIDAGARRITASUNA BERMATZEKO BI BOLADUN BALBULAK

AMPO POYAM VALVES-ek merkatuan Double Block and Bleed bezala ezagutzen diren aktuaturiko bi boladun balbulak diseinatu eta fabrikatu ditu Filipinetan kokatzen den eta SHELL Bezeroarena den Northern Mindanao Import Facility (NMIF) plantarako. Planta hau 2016ko uztailean inauguratu zen, 90 milioi fuel-olio litrotako ahalmena du eta Visayas eta Mindanao artxipelagoetako milioika erabiltzaileen beharrak asetzen ditu.

SHELL erabiltzaile finalak eta JGC FILIPINAS ingeniaritzak beste behin ere AMPO POYAM VALVES-engan jarri zuen konfidantza balbula hauek diseinatu eta fabrikatzeko, zeintzuk aplikazio oso kritiko baten pean lan egin beharko duten eta non ezinbestekoa den estankotasun maximoa eta linearen isolamendua bermatzea, sistemaren integritatea ziurtatuz era berean. Honenbestez, fidagarritasuna bermatzeko helburu honekin, bi boladun balbulak erabiltzen hasi dira plantetan, boladun bi balbula indibidualak seriean jarri ordez. Bi boladun balbulen soluzioa lehiakorragoa eta fidagarriagoa da egun.

DBB balbula hauen bi bolak aldi berean burutzen dute itxitura eta hau dela eta, linearen isolamendua bermatzen dute eta honez gain, kanpo emisioen arriskua murrizten dute.

PARAGOMINAS BAUXITA MEATEGIAREN MARTXAN JARTZEA

Brasilgo Iparraldeko Pará estatuan kokaturik dagoen Paragominas bauxita meategiko “Plateau Tailings Dam” proiektuaren martxan jartzean zerbitzuak eskaini ditu AMPO SERVICE-ek. Honenbestez, AMPO SERVICE saileko profesional ugari Brasilen izan dira, 65 balbula konplexuren instalakuntza egokia bermatzeko helburuarekin. Balbula guzti hauek 2016.urtean hornitu zituen AMPO POYAM VALVES-ek, eta teknikoek balbulen instalakuntza egokia bermatzeaz gain, ekipoak akzionatzen dituzten sistema hidraulikoen instalakuntza egokia ere bermatu dute.

Balbula hauek HYDRO (MINERAÇAO PARAGOMINAS S.A) Bezeroaren meategi honetako errelabeduktoan instalatu dira, zeinen funtzio nagusia bauxita minerala garraiatzea den. Hornitutako balbulak 2”tik 24” bitarteko

tamainakoak izan ziren eta guztiek presio ezberdinak jasan beharko dituzte, 150# eta 900# bitarteko presioak, hain zuzen.

Hilabeteetan zehar AMPO SERVICE-eko espezialistak Bezeroarekin elkarlanean aritu ziren, instalakuntza berrien martxan jartzea koordinatu eta lanak modu eraginkorrenean egin ahal izateko. Honez gain, aipatzekoa da baita ere Paragominas-eko operadore eta mantentze lanetako teknikariei formakuntza ere eskeini ziela AMPO SERVICE-ek. Prestakuntza programa honetan landu ziren besteak beste, balbulekin, eragingailuekin, erregulazioarekin eta beste hainbat gaiekin lotura duten alderdiak. Programa hauek prebentzioko mantentze lanetan eta balbulen gaineko ezagutzetan zentratu ziren, batik bat. Izan ere, ekipoen mantentze lan onak gauzatuz, balbulen bizitza erabilgarriak ere luzatzea lor baitaiteke.

GURU GOBIND SINGH BIRFINDEGIRAKO AXIAL CHECK BALBULAK

HMEL ingeniaritza eta erabiltzaile finalak, AMPO POYAM VALVESen alde egin zuen apustu hainbat axial check motako balbulak diseinatu eta ekoizteko, zeintzuk Indiako bosgarren birfidengi handiena den GURU GOBIND SINGH plantan instalatuko diren. Birfindegi honek Indiako birfintze ahalmena 62 milioi tonatik 213 milioi tonatara handitzea ahalbideratu du.

Axial check motako balbula hauek hidrogeno zerbitzupean egingo dute lan eta euren funtzio nagusia errotazio ekipamenduak babestea izango da, kontrako fluxua ekidin eta ariete kolpea saihestuz. Balbula hauek tenperatura altuetan jardungo dute gainera, 326ºC eta 423ºC artean. AMPOko Ingeniaritza taldeak gogor lan egin behar izan du Bezeroari soluzio teknologiko optimo bat eskaintzeko, balbulek karga galera minimoa izan dezaten.


balbularen diseinu berritzaile bat garatu du AMPO POYAM VALVESek. Diseinu honetan tximeleta balbuletan ezagunak ziren desabantailak konpondu dira eta AMPOk fidagarritasun maila gorenena bermatzea lortu du. Honen ondorioz, AMPO POYAM VALVES-ek merkatuko tximeleta balbula triple-eszentriko berritzaile eta fidagarriena garatu du aplikazio kriogenikoetarako.

Amaitzeko aipatzekoa da baita ere salmenta osteko zerbitzuak ere eskainiko dituela AMPOk terminal honetan. Hain zuzen ere, instalakuntzen eraikitze eta martxan jartzean parte hartuz, AMPO SERVICE-eko teknikoen eskutik. Gure parte hartzea ezinbestekoa izango da, besteak beste balbulak linean muntatu aurretik desmuntatzea exijitzen duelako Bezeroak. Gure teknikoek fase honetan parte hartuko dute arazoak ekidin eta balbulen funtzionamendu optimoa bermatzeko.

2500#-KO HAINBAT BALBULA KRIOGENIKO NORBEGIAKO LNG KARGAONTZI BATENTZAT

Hyundai Heavy Industries eta Knutsen OAS South Koreak AMPO POYAM VALVES-engan jarri dute konfidantza 2500#-ko hainbat boladun balbula kriogeniko diseinatu eta ekoizteko, zeintzuk Norbegiako KNUTSEN OAS SHIPPING enpresaren LNG kargaontzi berri batean instalatuko diren. Barku hau Hyundai Heavy Industries ingeniaritzaren eskutik eraikia izaten ari da Hego Korean. Hain zuzen ere, LNG-aren sarrera ahalbideratuko duten Likidoturiko Gas Naturalaren gasbideetan instalatuko dira soluzio hauek.

Kargaontzi honek ME-GI teknologiadun diesel/gas injekzioko motorrak izango ditu eta horrexegatik behar dira aplikazio honetan presio altua jasan dezaketen balbulak.

ZEEBRUGGE LNG-REN ZABALKUNDERAKO TXIMELETA BALBULA KRIOGENIKOAK

Belgikako gas naturalaren operadore den FLUXYS LNG enpresak eta FELGUERA IHI ingeniaritzak AMPO-rengan jarri zuten konfidantza beste behin ere, 1255 balbula diseinatu eta ekoizteko.Tartean, tximeleta balbulak, boladun balbulak, eta globo, konporta eta erretentzio balbulak. Teknologia maila altuko balbula hauek Belgikako ZEEBRUGGE LNG plantan instalatuko dira, bertako bosgarren LNG biltegiratze tankean hain zuzen ere, zeinek 180.000 metro kubikoko ahalmena duen.

ZEEBRUGGE LNG merkatuko gas banatzaile nagusienetako bat bezala kontsideratua izan da azken

urte hauetan, Europa Mendebaleko merkatuaren %15a hornitzen duelarik egun. Planta honen jabe FLUXYS LNG da, nork planta beraren aktibitatea ere aurrera eramaten duen.

Balbulen eskari berri honek 57 tximeleta balbula kriogeniko eta beste 1198 bola, globo, konporta eta erretentzio balbula barnebildu zituen.

Boladun eta tximeleta balbulak bira laurdeneko balbulak dira eta batez ere on/off aplikazioetarako erabiltzen dira. Historikoki AMPOk boladun balbulak eskaini izan ditu aplikazio hauetarako, baina presio maila baxu eta ertaineko balbulen tartea (900 libra bitartean) eta tamaina handiko balbulen nitxoa estaltzeko, tximeleta


METANOL PLANTA BATERAKO 36” ETA 900 LIBRAKO PRESSURE SEAL KONPORTA BALBULAK

AMPOk presio altuetarako 36” eta 900 librako hainbat aktuaturiko konporta balbula diseinatu eta ekoiztu ditu, zeintzuk 5500 MTPD-ko ahalmena duen Metanol Unitate batean instalatuko diren.

Presio altuko zerbitzuetarako balbula hauek kritikoak dira oso, euren tamaina, presioa eta materiala medio. AMPO POYAM VALVES “pressure seal” diseinua duten presio altuetarako konporta, globo eta erretentzio balbulen ekoizle nagusienetakoa da gaur egun, eta honez gain, soluzio fidagarri eta seguruak eskaintzeagatik da merkatuan ezaguna.

Presio altuetarako gure balbula guztiak ANSI, API, ASME, ASTME, BS eta MSS deritzen araudien arabera diseinatu, ekoiztu eta probatu ohi izaten dira, balbula hauen itxiera

eta operazioa bermatzeko helburuarekin. Hala eta guztiz ere, Bezeroren batek eskakizun edota beste espezifikazio batzuk izanez gero, euren beharretara moldatu ohi gara.

ORDEZKO PIEZA ETA BALBULAK BEREHALA ENTREGATZEKO ZERBITZUA

Bezeroekiko zerbitzua hobetzeko helburuarekin, AMPO SERVICE-ek “fast track replacement services” deritzen zerbitzuak eskaintzen ditu, ordezko piezen kudeaketarako zerbitzu global bat eskaintzeaz gain. AMPO SERVICE-ek esperientzia zabala dauka plantetan lan egiten duten teknikoekin elkarlanean, ordezko pieza edota balbulen disponibilitate minimoa definitzerako orduan. Honela ustekabeko edozein gertaera soluzionatzea ahalbideratzen da, plantako produkzioan gutxieneko eraginak egon daitezen.

Honen ondorioz, AMPO SERVICE-ek, gertaera ezberdinen aurrean balbula bakoitzaren beharrei erantzuteko soluzio integralak eskaintzen ditu. Ondorengo soluzioak, besteak beste:

a) Balbula ikuskatzeko kit-a

b) Kanpoko ihesen kit-a

c) Barneko pasabidea konpontzeko kit-a

d) Funtzionaltasuna konpontzeko kit-a

e) Balbulen ordezkatzea

70 ASISTENTZIA, MUNDU GUZTIKO BEZEROEI

AMPO SERVICE-ek 70 asistentzia eman zizkien Bezeroei 2017.urtean. Izan ere, plantetako teknikariei laguntza eman baizitzaien ekipamenduak instalatzean eta plantak martxan jartzean, bai eta balbulak mantentzeko lanetan ere.

AMPO SERVICEek beti bermatzen du 72 ordu baino gutxiagoan laguntza teknikoa ematea, munduko edozein tokitan eta proiektuaren edozein fasetan. Horretarako esperientzia handiko profesional talde handi bat dauka AMPOk. Gainera, lankidetza estuan lan egiten dute balbulen erosketa, instalazio, operazio eta mantentze lanetan parte hartzen duten lantalde guztiekin. Hori guztia balbulen inguruan dugun ezagutza transmititzeko, eta horren ondorioz, gure ekipamenduei plantan ahalik eta errendimendurik handiena aterako zaiela eta ahalik eta ondoen zainduko direla bermatuz.


konpaktu bat da, hautsak edota granuloak etengabe deskargatzeko erabiltzen dena eta batez ere elikagai eta farmazia aplikazioetarako erabiltzen dena, kasu honetan bezalaxe.

Aplikazio horien ezaugarri nagusienak ondorengoak izan ohi dira: fluido edo produktu adherenteak, kohesiboak, korrosiboak, gainazaletan metatzeko joera dutenak, etab. eta zeintzuk bateragarriak diren altzairu herdoilgaitzeko gainazal leundu eta ez-itsaskorrekin.

Gauzak honela, AMPO GALDATEGIAk altzairu herdoilgaitzeko osagai guztiak hornitu zizkion Bezeroari, guztiak gainazal akabera bikainekin. Produktu guzti hauek Moldeaketa Zeramikoaren bidez ekoiztu ziren, zeinen bidez AMPOk tamaina handiko eta geometria konplexuko osagaiak eskaintzeko gaitasuna duen. Teknologia honek automatizazio maila altua duenez, lehiakortasuna areagotzea ahalbideratu dio AMPOri.

OMANGO GATZGABETZE PLANTA BATERAKO 100 BONBA OSAGAI

AMPO galdategiak superduplex materialean galdaturiko100 bonba konponente hornitu zizkion BARKA DESALINATION proiektuari, SUEZ eta bere bazkideez osaturiko kontsorzioari, hain zuzen. Hauek izango dira Omango Barka hirian itsasoko uraren gatzgabetze planta finantzatu, eraiki eta operatuko dutenak.

Mundu mailan bonba ekoizle nagusienetako bat dena izan da AMPOren Bezero zuzena proiektu honetan eta guztira 100 konponente ezberdin hornitu zizkion galdategiak proiektu honetarako: impeller edo bultzatzaileak, voluta bonbatarako gorputzak, alboetako tapak, etab. Osagai guzti hauek 30 tonako pisua izan zutelarik.

Omango sultanerriko alderantzizko osmosis bidezko gatzgabetze planta hau 2018ko apirilean hasiko da edateko ura hornitzen eta eguneko 281.000m3-ko ahalmena izango du.

BALBULA ERROTATIBOEN EKOIZLE ERREFERENTE BATENTZAT ERABAT MEKANIZATURIKO ALTZAIRU HERDOILGAITZEKO OSAGAIAK

Balbula errotatiboen diseinu eta ekoizpenean munduko liderra den konpainia batek AMPOrengan jarri zuen konfidantza eta hau dela eta, altzairu herdoilgaitzeko balbula osagai guztiak entregatu zizkion erabat mekanizatuta. Balbula hauek mundu osoan zehar kokaturik dauden elikagai-aplikazio eta aplikazio farmazeutikoetan erabiliko dira.

Balbula errotatiboak garraiorako sistema pneumatikoen jariorako baliabiderik ohikoenak dira, presio nahiz hutsetako sistemak. Baina badira beste hainbat aplikazio ere, non kontrolatutako jarioaren abiadura neurtzeko soilik erabiltzen diren. Hain zuzen ere, gailu mekaniko

FUNDIZIOA


ITSAS PROPULTSIO SEKTORERAKO FUNTSEZKO OSAGAIAK

Sektorean liderrak diren ekoizleek AMPOrengan jarri dute konfidantza waterjets deritzen produktuen errendimendu kritikoko osagaiak AMPOren teknologia berritzaileenen bidez ekoizteko.

Tradizionalki Hare bidezko Moldeaketa nahiz soldatutako konstrukzioen bidez fabrikatzen ziren osagaiak teknologia berrien bidez garatzen hasi dira egun. Besteak beste, Moldeaketa Zeramiko eta SCC (Shaped Centrifugal Castings) prozesuen bidez, zeintzuek produkzio epe laburragoak eta azalera akabera hobeak lortzea ahalbideratzen duten.

Inpelerrak, karkasak eta difusoreak, itsas industriarako beste hainbat osagaiekin batera, prozesu berritzaile hauen bidez diseinatu eta produzituak izaten ari dira kalitate eta koste hobekuntzez ahalbideratzeko helburuarekin. Tartean: pisuen murrizketa, prototipoen ekoizpen azkarra, modelo beharrik gabeko moldeaketak, osagaien integritatean hobekuntzak eta gainazal akabera hobeak.

Honenbestez, munduko itsasontzi ugari (guardia ontziak, bidaiarientzako ferriak, parke eolikoetarako zerbitzu itsasontziak,…) AMPOren osagaiek bultzaraziko dituzte hemendik aurrera.

KOLONBIAKO HAINBAT ZENTRAL ELEKTRIKOETAKO HIDROTURBINETARAKO AFTER MARKET OSAGAIAK

Energia hidroelektrikoko ekipamenduen nazioarteko ekoizle nagusienetako batek, bere hidro turbinetarako altzairu herdoilgaitzeko after market osagai mekanizatu batzuk produzitzeko eskaria luzatu zion AMPO galdategiari. Ekipamendu hauek Kolonbiako La Guaca eta Paraiso zentraletan instalatuko dira.

AMPOk energia hidroelektrikodun ekipo hauetarako 20 after market osagai hornitu zizkion kasu honetan. Besteak beste; tapak, estalkiak, eraztunak eta baita serbo-motorrarentzako balazta babesak ere. Horiek guztiak mekanizatuta eta CA6NM materialean.

Kasu honetan hare bidezko moldeaketa instalakuntzak erabili zituen galdategiak proiektu honetako lote handiak ekoizteko eta aldiz, Moldeaketa Zeramikoko instalakuntza automatizatu berriak lote unitarioak produzitzeko. Prototipoak azkar ekoiztu ahal izateko, pattern-less teknologia ere erabili zuen. Hau da, modelo beharrik gabeko teknika bat. Sistema honek kaskara zeramikoak egun bakar batean ekoizteko aukera ematen dio AMPOri.

KONPRESORE OSAGAIAK

Europan egoitza nagusia duen konpresore ekoizle amerikar batek AMPOrengan jarri zuen konfidantza, erdi-amaituriko galdaketa osagai ugari ekoizteko.

Proiektu honetarako osagaiak garatu eta produzitzeko Moldeaketa zeramikoaren teknologia erabili zuen, zeinaren bidez geometria konplexuko eta tamaina handiko piezak eskaini ahal dituen.

Konpresoreetarako osagai hauek neurrira ekoiztu zituen AMPOk, Bezero amerikarraren eskakizunekin bat eginez. Honez gain aipatzekoa da proiektu honetan zerbitzuak berebiziko garrantzia zuela Bezeroarentzat, eta AMPOren “modelorik gabeko teknologia”-ren bidez, hornitzaile nahiz Bezeroak euren plazo konpromisoak bete ahal izan zituztela. Duela hilabete gutxira arte pentsaezina zen honelako entrega epeak eskaintzea.

HIRIAK BEROTZEKO SISTEMETARAKO BALBULEN OSAGAIAK

Hirietako berogailu sareetarako balbulak hornitzen dituen nazioarteko ekoizle nagusi batek (zentral termikoetatik hasi eta ponpaketa estazio nahiz eraikinetara arteko balbulak ekoizten dituen enpresa batek, hain zuzen) tamaina handiko (>DN1000) eta altzairu herdoilgaitzeko osagaiak ekoizteko eskaria luzatu zion AMPO galdategiari, pieza guztiak pre-mekanizaturik entregatu zituelarik.

Osagaien pisua 600 kg eta 1.2 tona bitartekoa izan zen.

54 2017KO MUGARRI NAGUSIAK · Inbertsioak

MEKANIZAZIOKO PLANTA BERRIAREN OBRAK IDIAZABALEN

2017.urtean zehar osagaiak mekanizatzeko pabilioi berriaren eraikuntza lanak garatu dira. Mekanizazio planta berri hau martxan jartzearen helburu nagusia zera izan da: gure Bezeroei balio erantsi handiagoko osagaiak, mekanizazio ahalmen handiagoa eta zerbitzu hobea eskaintzea.

Horretarako, egungo plantaren ondoan 12.500 m2-ko planta bat ari gara eraikitzen, zeinak mekanizazio zentro adimendun berriak izango dituen. Besteak beste:

BOST TORNU BERTIKALAK: Torno hauek ekoizpen malguko sistema bat daukate (FMS), 10 paleteko kapazitate batekin eta hauek dira euren ezaugarri nagusiak: torno bertikal batek “C” ardatz bat dauka, gehienezko torneatu diametroa 2500mm-koa da, 520 herraminta baina gehiago ditu, SMD erreal optimizatua du, etab.

5 ARDATZEKO MCM MEKANIZAZIO ZENTROA: Mekanizazio zentro honek ere ekoizpen malguko sistema bat dauka (FMS), 24 paleteko kapazitate batekin eta hauek dira bere ezaugarri nagusiak: gehienezko torneatu

diametroa 1400mm-koa da, 650 herraminta baina gehiago ditu, SMD erreal optimizatua du, etab.

Mekanizaziorako zentro berritzaile hauez gain, soldadura estaldurak burutzeko teknologia berri bat ere inplantatuko dugu. Hain zuzen ere, automatizazio maila altua duen barne estaldurak burutzeko ekipo bertikal bat. Honek estaldurak, material berezietan ere, epe labur batekin burutzea ahalbideratuko digu.

Ekipo guzti hauez gain, pabilioi berri honetan beste mekanizazio zentro batzuk ere topatuko dituzue. Tartean; tornuak, errektifikaziorako makinak, zerrak, etab. Eta baita entsegu ez suntsitzaile ezberdinak burutzeko instalakuntzak ere. Besteak beste, x-izpiak, likido sarkorrak, partikula magnetikoak, PMI, dekapatua, kontrol tridimentsionala, etab.

INBERTSIOAK

2017KO MUGARRI NAGUSIAK · Inbertsioak 55

Amaitzeko esan planta berri honen eraikuntza lanetan gainera iraunkortasun estrategiak inplantatu direla, eraikuntza jasangarria sustatu eta LEED Gold (Leadership in Energy and Environmental Design akronimoa) ziurtagiria lortzeko helburuarekin. Ziurtagiri honek eraikuntza

jasangarriak akreditatzen ditu. Eraikin honek, egonlekuak hobetzeko neurriak, ur eta energia aurrezpenak eta material eta baliabide iraunkorragoak kontenplatzen ditu. Honez gain, barneko giroa kalitate handiagokoa izatea ere bilatzen du.

LEAN MANUFACTURING KULTURAREN INPLANTAZIOA

AMPOn daukagun zerbitzu filosofia gure soluzioen diseinutik, fabrikaziotik eta mantentzetik haratago doa, 2017.urtean LEAN eraldaketa proiektuan aurrerapausoak eman genituelarik.

Proiektu honen helburu nagusienetako bat zera da: gure Bezeroentzako entrega epeak murriztea; horretarako kudeaketa aurreratuko metodoei buruzko espezialistekin batera ari gara lanean.

Proiektu hau medio, lan ildo ezberdinak dauzkagu egun martxan:

• Balbuletako layout-aren diseinua

• Mekanizazioko pabilioi berriaren layout-aren diseinua

• Etengabeko hobekuntzako dinamiken inplantazioa produkzio lerro ezberdinetan

• Etab.

56 2017KO MUGARRI NAGUSIAK · Inbertsioak

• Gomendio estrategikoak: Joseba Jayo, Director General de Desarrollo Corporativo, VELATIA.

• Sektorea etorkizunean: Juan Andrés Díez de Ulzurrun, ENAGAS-eko Ingeniaritzako Zuzendari Orokorra.

• Energia eta 4.0 Industria: Andrea Dolfi, Italy & Iberia and Balkans Digital Sales Manager, GENERAL ELECTRIC OIL & GAS.

• Sektoreko etorkizuneko bisioa: Grant Wood, Managing Director, ROTORK CONTROLS.

• Berrikuntzaren kudeaketa: Pedro Alberto Gómez, socio experto en Innovación de PwC.

• Balbula eta aktuadoreen industriako egungo erronkak: Peter France, Consejero Delegado de ROTORK.

• Negozio inguru berriak: Adolfo Ramírez, Director General de Tecnología de Santander España.

2017-2020 PLAN ESTRATEGIKOAREN DISEINUA

2017.urtean zehar 2017-2020 tarterako Plan Estrategikoa diseinatu zuen AMPOk, kooperatibako pertsonen parte hartze zabalarekin eta PwC-ko jakitunen kolaborazioarekin. Plan honen definizioa eta diseinua aurrera eramateko kooperatibak parte hartze irekiko hainbat hitzaldi ere antolatu zituen, gaurkotasuna zuten gaiak lantzeko. Jarraian ikusi ahal izango dituzue 2017.urtean zehar antolatu ziren hitzaldiak, hizlariekin batera:

• Industry 4.0 and Digital: Charles Kirby Isasi, Partner at PwC - Industry 4.0 Lead in Spain.

• 3D Printing: Charles Kirby Isasi, Partner at PwC - Industry 4.0 Lead in Spain.

• Meatzaritza sektorea: Robert Novotny, Partner at PwC.

• Oil & gas Market trends: Óscar Barrero, Head Partner of Consulting Services for the Energy & Utilities sector, PwC Spain, eta Gerardo Fernández, Senior Manager at Strategy &, part of the PwC network.

• Aldaketak eta nola kudeatzen diren: Guillermo Dorronsoro, DEUSTO BUSINESS SCHOOL-eko Dekanoa.

• Oil & gas sektorea; bisio orokorra eta “Supply Chain” tendentziak: José Luis Bernal, Executive Director Supply Chain, REPSOL.

• Gomendio estrategikoak: Pedro Esnaola, GIPUZKOAKO MERKATAL GANBERAKO Presidentea.

• Oil & gas sector; a challenging and uncertain environment: Ivan Marten, Senior Partner and Managing Vice Chairman Energy Practice, THE BOSTON CONSULTING GROUP.

2017KO MUGARRI NAGUSIAK · Garapena eta berrikuntza 57

KULTURA ANTOLAKETA ETA PERTSONEN LIDERGOTZA EREDUAREN DISEINU ETA INPLANTAZIOA: “ALDAKETA LANTZEN” PROIEKTUA.

2017an lidergotza eta talde lana indartzeko helburutik abiatuta, AMPOko kultura-antolaketa eta pertsonen lidergotza eredua diseinatzeko garapen prozesuan lehenengo pausoak eman ziren.

Proiektu honi “Aldaketa lantzen” izena jarri genion eta ondorengo helburua dauka: Kooperatibaren helburuak lortzea ahalbideratuko digun eredu baterantz eta bikaintasunean oinarrituriko kultura baterantz aurrerapausoak emango ditugunaren bermearekin, organizazio garapeneko prozesu bat sortzea. Prozesu hau talde lanaren bidez garatzen ari gara egun.

Gauzak honela, kultura eredu berriaren oinarriak ezarri ahal izateko lehen diagnosi bat burutu zen. Hemendik abiatuta, beharrezkoak ziren konpetentziak trebatu eta inplantatu ziren, bai Koordinatzaileen taldean eta baita zerbitzuetako Pertsona batzuen kasuan ere. Guztira 80 Pertsona inguruk parte hartu zutelarik lehen fase honetan.

Trebakuntza honetan pertsonen partehartzea oso aktiboa izan zen, honako hau erraztu zuten prozesu kolaboratiboak erabili zirelarik eta ikaskuntza, talde lana, lidergotza, autokudeaketa, partehartzea, komunikazioa eta aurrerapenekiko jarrera aktiboago bat sustatu zelarik.

Trebakuntza hauek workshop eta banakako nahiz taldeko coaching saioen bidez garatu ziren.

Urte amaieran aldiz, produkzioko 20 Pertsona batu ziren proiektu honetara, lehenik eta behin lider batek zein ezaugarri izan behar dituen adostu zutelarik. 2018.urtean zehar talde honek trebakuntza berezi bat jasoko du, liderraren figurak izan beharreko konpetentziak

landuz eta honenbestez, AMPOren lidergotza eredua diseinatzen jarraituz.

Antolaketa eredu berriaren definizio eta diseinuarekin organizazio bikain batean bilakatzea dugu xede, parte izatearen sentimendua eta gure pertsonen gogobetetzea areagotuz.

AXIAL CHECK BALBULAREN GARAPENA

AMPOren balbuletako dibisioak fidagarritasun maila altuko axial check balbulak diseinatu eta ekoiztu zituen lehen aldiz 2017.urtean. Balbula hauen funtzio nagusia plantako ekipoak eta errotazio sistemak babestea da.

GARAPENA ETA BERRIKUNTZA

BALBULAK

AMPOko ingeniaritza taldeak gogor lan egin du soluzio teknologiko optimo bat garatzeko, balbula hauetan karga galera minimo bat onartuz. Gure produktu berri honen abantaila nagusiak ondorengoak dira: emisiorik eza, presio galera minimoa, operazio egonkorra,

“water hammer” efektuaren ekiditea, jarrera dinamikoa, fluxuaren murrizketa ematen denean diskoaren berehalako erreakzioa, amortiguazio propioa, non-slam diseinua dela eta, mantenimendu beharrik eza, diseinu konpakto eta arina, operazio isila, pertsonalizatu daitekeen diseinua, instalakuntza malgua, etab.

BUIEN DESKARGA SISTEMETARAKO BALBULAREN GARAPENA

Aplikazio, sakonera eta itsasontzi tamaina ezberdinetarako offshore karga terminal nagusiak dira CALM buiak, operatzaile txikiez gain, petrolio gordina garraiatzen duten itsasontzi handietarako (VLCC) ere lan egiten dutelarik.

Buia hauek garrantzitsuenak dira itsasontzien atrakatze eta ontziratzeko erraztasuna medio, baina baita euren segurtasun mailagatik ere.

AMPOren balbuletako dibisioak bi balbula mota garatu ditu buia-karga sistema hauetarako. Alde batetik, “turn table” balbulak eta beste alde batetik, “center weel” balbulak.

58 2017KO MUGARRI NAGUSIAK · Garapena eta berrikuntza

JACKET SISTEMATARAKO BALBULAREN GARAPENA

Jacket sistemak itsas hondoan instalatzerako orduan, itsasoko uraren fluxua erregulatzeko erabiltzen dira jacket balbulak. Honenbestez, plataforma hauek itsas hondoan instalatzerako orduan jacket sistema hauek urez betetzen joan ohi dira plataforma honen kulunka kontrolatzeko eta amaieran itsas hondoan ongi instalatuta uzteko.

AMPOk jacket sistema hauetarako boladun balbula familia bat garatu du API araudiaren arabera eta emaitza onak izan ditu.

TENPERATURA ALTUKO ZERBITZUETARAKO SHELL A KANPO EMISIO MAILA:

Balbulak kanpo emisio maila zorrotzenetara egokitzeko ahalmena du AMPO POYAM VALVES-ek.

Zehazki tenperatura altuetarako zerbitzuen kasuan, SHELL A maila betez. Estankotasun maila hau lortzeko AMPOko ingeniaritza eta berrikuntza taldeak balbulen enpaketaduren inguruko ikerketa bat gauzatu du, balbula mota ezberdinen inguruko azterketak burutuz, simulazio termografikoak eginez, etab.

2017KO MUGARRI NAGUSIAK · Garapena eta berrikuntza 59

TOP ENTRY BOLADUN BALBULEN DISEINUAREN OPTIMIZAZIOA

AMPOren balbuletako dibisioak Top Entry boladun balbulen diseinua optimizatu du. Balbula mota hauek 1986.urtean hasi ziren ekoizten. Diseinu berriak, produktuaren fidagarritasuna areagotzeaz gain, lehiakortasuna handitzea ahalbideratuko die gure Bezeroei. AMPO POYAM VALVES boladun balbula kriogenikoen marka erreferentea da egun, kooperatibaren esperientzia, kalitatea eta Bezeroen asebetetze maila dela eta. Aipatzekoa da gainera “ihesik gabeko” kalitate maila lortu duela.

DISEINURAKO HYDRO HERRAMINTAREN INPLEMENTAZIOA

Teknologia Zentro batekin elkarlanean neurrira egindako herraminta bat garatu du AMPOk, swing check balbulen diseinu parametroen kalkuluak modu azkar eta zehatzean burutu ahal izateko. Besteak beste; kaudalaren araberako diskoaren angelua, diskoak punturik altuena lortzeko fluidoaren abiadura minimoa, angelu ezberdinetan presio galera, angelu ezberdinetarako CVa, indargetzaile edota kontrapisuaren posizioa, itxiera denborak, itxiera abiadura, indargetzailearen indarra, etab.

Herraminta hau hainbat analisi fluidodinamikoetan oinarritzen da, zeintzuen bidez emaitzak modu arin batean lortzeko formula analitikoak lortu ahal izan ditugun.

“THROUGH CONDUIT” KONPORTA BALBULAK, DBB BOLADUN BALBULEN ORDEZ

AMPO POYAM VALVES-ek zabaltze bikoitzeko eta bide jarraiko balbulak diseinatu eta ekoizten ditu, zeintzuk

merkatuan balbula kritiko bezala kontsideratzen diren. Besteak beste, ingurune gogorretan operatzeko ahalmena dutelako: itsas plataformetan, FPSO-tan, birfindegitako hoditerietan eta baita tankeetako hoditerietan ere.

Balbula hauek batez ere ondorengo aplikazioetan erabiltzen dira: metanola, eskala inhibitzaileak, deuseztatze sistemak, presio baxuko aurre berogailuak, LSFO produktua, petrolio gordinaren elikadura, ULSD produktua, tratatu gabeko gasolioa, ARDS elikadura, ATB/LSFP produktua, ATK/DPK produktua, gas erregaia (Mod Sour),…

Aplikazio hauetan bi boladun balbulak (Double Block & Bleed bezala ezagutzen direnak) erabili ohi izan dira historikoki, baina AMPOko Ingeniaritza taldeak gogor lan egin du aplikazio hauetarako soluzio fidagarri eta lehiakorrago bat eskaintzeko helburuarekin, ekipamenduen pisua murriztu eta plantan erabili beharreko espazioa ere gutxituz. Besteak beste, faktore hauek berebiziko garrantzia daukatelako ur gaineko itsas plataformetan. Honen ondorioz, AMPO POYAM VALVES-ek aplikazio zorrotz hauetarako soluzio lehiakor eta fidagarriago bat eskaintzen du: Zabaltze bikoitzeko eta bide jarraiko konporta balbulak.

Balbulen inguruan daukan ezagutza zabalak ahalbideratu dio AMPOri merkatuko zabaltze bikoitzeko eta bide jarraiko konporta balbula berritzaileena merkaturatzea, zeinaren abantaila nagusienak ondorengoak diren: bi norabidekotasuna, Blokeo eta benteo bikoitza (DBB), Isolamendu bikoitza (DIB-1), itxiera bikoitza bermatzeko AMPOren asentu bereziak, kanpo presioaren arintzea, karburo tungstenoarekin estaldutako metalezko asentudun konporta zabalgarria eta amaitzeko, beste aspektu bereizgarri bat.

60 2017KO MUGARRI NAGUSIAK · Garapena eta berrikuntza

FUNDIZIOA

AMPO ETA CTI-REN ARTEKO LANKIDETZA TEKNOLOGIKORAKO AKORDIOA

AMPO eta CTI-k (Casting Technology International) lankidetza akordio bat sinatu zuten, zeinaren arabera

CTI-k aholkularitza zerbitzu funtzionalak eskainiko zizkion AMPO galdategiari. Helburua Bezeroei balio erantsi altuagoko soluzioak eskaintzea zen.

Akordio honek merkatuko soluzio berritzaile eta fidagarrienak eskaintzen jarraitzea ahalbideratu dio AMPOri, horretarako ikerketa lerro ezberdinak garatuz CTI-rekin elkarlanean. Tartean, gai hauen ingurukoak; Moldeaketa zeramikoa, SCC prozesua, aleazio altuko

altzairuak, eredurik gabeko teknologia, brontzezko konponenteen ekoizpena, etab.

ALUMINIO BRONTZEZKO OSAGAIEN FABRIKAZIOA

2017.urtean zehar AMPOko ingeniaritza taldeak, CTIrekin elkarlanean, aluminio brontzezko osagaiak garatzeko proiektu bat landu zuen. AMPOren helburua da bere material gama handitzea, eta baliteke aurki aluminio brontzea sartzea bere portfolioan.

GALDA 4.0 PARTZUERGOAN PARTE HARTZEA

AMPO galdategiak aktiboki parte hartu du Galda 4.0 partzuergoan. Honen helburua da robot bidezko mekanizazioaren bitartez harezko moldeak produzitzea. Honela zurezko moldeak erabiltzea ekidingo litzateke eta harezko moldeak zuzenean produzituko lirateke Bezeroek bidalitako 3D planoetatik abiatuta.

2017KO MUGARRI NAGUSIAK · Ekitaldiak 61

AMPO INDIAKO PLANTA BERRIAREN INAUGURAZIO EKITALDIA

AMPOk ekainaren 6ean ospatu zuen Indiako planta berriaren inaugurazio ekitaldia Coimbatoren, Gipuzkoako Foru Aldundia, SPRI (Eusko Jaurlaritzaren izenean) eta Gipuzkoako Merkatal Ganberaren parte hartzearekin. Planta berri honen diseinu, eraikitze eta martxan jartzeak 13 milioi euroko inbertsioa suposatu dio kooperatibari eta honek bertako ahalmen produktiboa areagotzea ahalbideratu dio.

Inaugurazio ekitaldia arratsaldeko 16.00etan hasi zen, Indiako harrera tradizional batean ostean, planta berria

EKITALDIAKaurkezteko aukera izan zutelarik. Zeremonia honetan Ainhoa Aizpuru Sustapen Ekonomiko, Landa Ingurunea eta Lurraldearen Orekako diputatua, Alexander Arriola, SPRIko Zuzendaria, Antton Tomasena, Gipuzkoako Foru Aldundiko Ekonomia sustapeneko Zuzendaria, Miren Madinabeitia, SPRIko Nazioartekotze Zuzendaria, Hemant Agarwal, SPRI INDIAko Zuzendaria eta Amaia Ferro, Gipuzkoako Merkatal Ganberako Industria eta Nazioartekotze Zuzendaria izan ziren.

Ekitaldi instituzionalaren ostean, ekainaren 7an mundu mailako 20 Bezeroren bisita izan genuen. Tartean, SHELL, RELIANCE, INDIAN OIL CORPORATION, TECNICAS REUNIDAS, FLUOR, TECHNIP, etab.

Gaur egun Idiazabalgo kooperatibak 72” tamaina bitarteko balbulak ekoiztu ahal ditu Indiako lantegian, zein Idiazabalgo plantaren kopia zehatz baten den. Horretarako merkatuko ekipo aurreratuenak dauzkate;

50 tonako garabiak, 2500 librako balbulak probatzeko proba bankuak, etab. Bere osotasunean AMPOren jabetzapekoa den AMPO INDIAko planta berri honek 15.000 metro karratu inguruko azalera du eta balbulen muntaiarako instalakuntzak, proba bankuak, margoketarako instalakuntzak, bidalketak burutzeko guneak, bulegoak, etab. ditu. AMPOk 2009.urtean ekin zion Indiako ibilbideari, Bezeroei merkatuko alternatiba hoberena eskaini eta Bezeroen behar eta eskakizunei erantzuteko asmoz. 20 Pertsonako talde batekin hasi ziren bertan lanean eta gaur egun 240 Pertsona inguruk osatzen dute AMPO INDIAko lantaldea. Apirilean amaitu ziren lantegi berriko obrak eta balbulak produzitzeari ekin zioten.

62 2017KO MUGARRI NAGUSIAK · Ekitaldiak

VALVE WORLD AMERICAS AZOKA

AMPO-k erakusketari gisa parte hartu zuen ekainaren

20tik 21era bitartean, Houstonen (AEB) ospatutako VALVE

WORLD AMERICAS erakustazokan, George R.Brown konbentzio zentroko 915 stand-ean.

Industriako ekitaldi espezifiko garrantzitsuenetako bat da honako hau eta horrexegatik erabaki genuen hirugarren

urtez bertan parte hartzea. Feria honetan gure fundizio eta balbuletako produktuen lagin zabala erakutsi genuen. Alde batetik, M-35.1 eta CY-40 materialetan SCC teknologia bidez produzituriko osagai batzuk eta beste alde batetik, balio teknologiko altuko balbula bat. Ehunka Bezeroren bisitak jaso genituen bertan, egungo eta etorkizuneko proiektuez hitz eginez.

API KONBENTZIOETAN PARTE HARTZEA

API (American Petroleum Institute)-k Estatu Batuetan antolaturiko udaberri eta udazkeneko bi konbentzioetan parte hartu zuen AMPOk 2017an. Bilera hauen helburua API estandarrak garatzea izaten da, networking-a sustatu eta oil & gas sektorearen inguruko eztabaidak sortuz.

Jardunaldi hauetan, produktu eta ekipoen ekoizleen ordezkariez gain, oil & gas sektoreko ingeniaritza eta Bezero erabiltzaileek ere parte hartzen dute.

Ekipo ekoizleak ondorengo lan taldeetan banatu ohi izaten dira, API estandarren inguruan hausnartzeko helburuarekin: bero transferentzia ekipoak, ekipo mekanikoak, balbulak eta hodiak, birfindegi ekipoak, biltegiratze tankeak, materialak eta korrosioa, ekipo elektrikoak, inspekzioak eta integritate mekanikoa, eta amaitzeko, kontrol sistemak eta instrumentazioa. AMPOk “balbula eta hodiak” taldean parte hartu ohi izaten du.

Honenbestez aipatzekoa da AMPOk aktiboki parte hartzen duela API araudien definizioan eta erraz aplikatzen dituela arau hauek balbulen garapenean.

2017KO MUGARRI NAGUSIAK · Ekitaldiak 63

ARAMCOK ANTOLATURIKO BALBULA EKOIZLEEN ARTEKO SINPOSIO BATEN PARTE HARTZEA:

ARAMCOk antolaturiko balbula ekoizleen arteko sinposio batean parte hartu zuen AMPOren balbuletako dibisioak joan den azaroaren 1 eta 2an, Hagan (Herbehereak). Foro honen helburu nagusia mundu mailako balbula ekoizle ezagunenen artean informazioa konpartitu eta elkartrukatzea zen.

AMPO POYAM VALVES teknologia maila altuko balbula ekoizle esanguratsuenetako bat da egun eta ARAMCOrekin elkarlanean esperientzia luzea izanik, besteak beste hainbat proiektu eta aplikazioetarako lan eginez, gure soluzio berritzaileenak aurkeztera gonbidatu gintuzten ekitaldi honetara. Tartean, balbulen monitorizazio sistema aurkeztu genuelarik. Teknologia honek mantenimendu erreaktibo/prebentibotik, mantenimendu prediktibora salto ematea ahalbideratzen die gure Bezeroei, plantan instalaturiko balbuletan etorkizunean eman daitezkeen

erroreak antzemateko aukera ematen duelarik, aurreikusi gabeko geldialdiak ekidinez eta honen ondorioz, kostuak aurreztuz.

Bestalde, ARAMCOren gaur egungo espezifikazioen inguruko eztabaida batean ere aktiboki parte hartzeko aukera izan genuen, gure ikuspuntua eta esperientzia konpartituz, egungo espezifikazioak hobetzeko helburuarekin.

Gure lana eskertzeko, ARAMCOk esker-oneko gutun bat entregatu zigun ekitaldiaren amaieran.

“HIDROGENOA ETA INDUSTRIA” JARDUNALDIAN HITZALDIA

Otsailaren 16an gas natural eta hidrogenoaren likuefakzio eta birgasifikazioan aurki daitezkeen aukera teknologikoen inguruko jardunaldi bat ospatu zen Bilbon. SENER-ek babestu eta SuPrEn-ek antolaturiko ekitaldi hau ondorengo publiko hauetara bideratu zen: gas naturala eta hidrogenoa euren ekoizpen prozesuetan erabiltzen

duten enpresa industrialetara, gas industrialak banatzen dituzten enpresetara, generazio elektriko eta termikoen instalakuntzak kudeatzen dituzten konpainietara, ingeniaritza eta aholkularitza enpresetara eta orokorrean, energia eta ingurumenari loturik lan egiten duten teknikoetara.

AMPO POYAM VALVES-eko Berrikuntza alorreko arduraduna den Leire Colomo jardunaldi honetan parte hartzera gonbidatua izan zen eta bertan LNGko ekipoen sistema teknologikoaz hitz egin zuen eta baita euren LH2-rako adaptazioaz ere.

Gas natural eta hidrogenoaren produkzioan likuefakzio eta birgasifikazio prozesuen integrazioak, mix energetiko jasangarriago bat ekartzen du. Asoziaturiko teknologien aplikazioak bideragarri egiten du ustiapen industriala, negutegi efektuko gasen murrizketa nabarmen bat eraginez eta baita kutsadura fokoen deuseztatzea ere. Honen ondorioz, biztanleriaren osasuna eta ingurumena errespeta daitezke.

64 2017KO MUGARRI NAGUSIAK · Ekitaldiak

SALMENTA ORDEZKARIEKIN KONBENTZIOAK

Gaur egun AMPOk badauka mundu guztian hedatuta dagoen salmenta ordezkari eta agente sare zabal bat, izan ere, mundu guztiko 60 herrialde baino gehiagotan dago AMPO.

Merkatuaren egungo egoera xeheki aztertu eta batez ere 2018rako estrategia komertziala diseinatzeko helburuarekin, Idiazabalen urteroko salmenta ordezkarien konbentzioak ospatu ziren.

Jardunaldi hauetan antolakuntza eta aspektu teknikoen aurrerapenen berri eman zitzaien delegatuei, eta teknologia eta soluzio berriak aurkeztu ere. Honez gain, 2017-2020 urtetarako Plan Estrategikoa aurkeztu zitzaien, etorkizuneko proiektuen inguruko informazioa eurekin konpartituz, etab. Hau guztiaz gain, mekanizaziorako pabilioi berria bisitatzeko aukera ere izan zuten.

AMPOKO JUBILATUEN EGUNA

Urriaren 5ean, AMPOko Jubilatuen Eguna ospatu genuen, urteroko legez, 93 jubilatuen parte hartzearekin. Egun berezi honen helburu nagusia egungo bazkideen eta jubilatuen arteko lotura eustea izaten da.

Goizean goiz iritsi ziren jubilatuak AMPOra, eta lehenik eta behin, kooperatibaren egungo berri eman zieten Kontseilu Errektoreko Presidente den Jon Gorrotxategik eta AMPOko Koordinatzaile Orokorra den Pablo Mendizabalek. Besteak beste, sektorearen egoera zaila azalduz, 2017ko hito nagusienak aipatuz (tartean AMPO INDIAren inaugurazioa, Lantoki berriko obren nondik norakoak eta baita LEAN proiektua ere) eta etorkizunera

begira lantzen dihardugun gaiak ere eurekin konpartituz. Aurkezpenari amaiera emateko, Anjel Alkain umoristaren emanalditxo bat ere izan genuen.

Honen ostean, “Lantoki berria” bezala ezaguna den mekanizaturako pabilioi berria bisitatzeko aukera izan

zuten jubilatuek, Replicast-eko instalakuntza berriekin batera.

Eta egunari amaiera emateko, Lierniko Mujika Jatetxean bazkari eder bat ospatu genuen bertaratu ziren 93 jubilatuekin batera.

2017KO MUGARRI NAGUSIAK · Beste nobedade batzuk 65

URTEKO BATZARRAK

Maiatzaren 19an Idiazabalgo kooperatibaren Ohiko Batzar Orokorra ospatu zen, non urteko kontuak aurkeztu eta onartu ziren.

Bestalde, abenduaren 22an Ezohiko Batzar Orokorra bildu zen. Batzar horretan 2018.urterako Kudeaketa Plana aurkeztu zen (kooperatiban “Ideiak eta Helburuak” izenez ezagutua.

Batzar biei amaiera emateko, AMPOko pertsonek bazkaria egin zuten.

ERALDAKETA DIGITALAREN PROIEKTUA

2017.urtean AMPOk eraldaketa digitalerako plan bat diseinatu zuen 2018-2022 epealdirako. Plan honen helburua AMPOko balio katearen alor guztiak modu

BESTE NOBEDADE BATZUKezberdintzaile batean digitalizatzea da, negozioaren helburuekin erabat alineatuta.

Horretarako Bezeroen sarrera digitalerako eta eskarien kudeaketarako teknologiak inplantatzea aurreikusten da, Sourcing 4.0 teknologiak, fabrika adimentsuaren kontzeptuak, integraturiko planifikazioa, datuetan oinarrituriko logistika eta momentu oroko inbentarioaren kudeaketa, zerbitzu digitalak eta zerbitzuen kudeaketa, etab.

ETB-KO “TEKNOPOLIS” PROGRAMAN

Urtarrilean ETB-ko “Teknopolis” programak AMPOren inguruko erreportaia bat emititu zuen, non meatzaritzarako garaturiko gure balbulen berri ematen zen, gure monitorizazio sistemarekin batera.

Zientzia eta teknologiaren inguruko dibulgazio saioa da “Teknopolis”. Bertan euskal gizarteari alor ezberdinekin harremana duten berriak ezagutzera ematen dizkiete.

RTVE-REN LA2 TELEBISTA KATEKO “CONECTA CON EL MERCADO” SAIOAN PARTE HARTU DU AMPOK:

AMPOk RTVE-ren LA2 telebista katean emititu zuten “Conecta con el mercado” programan parte hartu zuen martxoan, bere Indiako inplantazioaren inguruan hitz egiteko helburuarekin.

AMPO HEADQUARTERS · 20213 IDIAZABAL · GIPUZKOA-SPAIN

www.ampo.com · [email protected]

Gizarte konpromisoari buruzko memoria...Dokumentu honetan, bigarren urtez jarraian, AMPOren Gizarte...

Documents

Transcript of Gizarte konpromisoari buruzko memoria...Dokumentu honetan, bigarren urtez jarraian, AMPOren Gizarte...