1

Gabinete Schotte su trabou pa AQUALECTRA

2011 - 2012

3. AKSHONAN PENDIENTE PA SER TUMA

1. KON A BIN HAÑA E KOMPANIA AQUALECTRA

2. AKSHONAN KU GOBIERNO i HUNTA DI

KOMISARIO A TUMA KABA

Aqualectra mester bira un pilar pa desaroyo sosial

i ekonomiko di

Kòrsou

Awor mas ku nunka mester sigui ku kambionan

positivo den Aqualectra

2

Produkshon di koriente

• A bin haña tur e 4 plantanan, e planta di MAN, di Wärtsillä, Mundu Nobo i BOO den estado di mantenshon atrasá ku menasa pa mas ekipo kai afó. Peligrando suminis-tro.

• Pa kubri e produkshon di e ekiponan ku ya a kai afó Aqualectra tabata hür 44 uni-dat di 1 MW kada un na un kosto adisho-nal pa Aqualectra entre hür i kombustibel di mas ku 50 mion florin pa aña.

• Tambe ta asina ku Aqualectra a stòp ku mantenshon i a stòp ku operashon di 2 planta di 25 MW kada un (Boiler 8 i 9) ku por a ser usa te ora medionan di produk-shon mas efisiente wòrdu atkirí.

• En total, for di 2008 te ku 2012, Aqua-lectra a gasta mas ku 200 mion na hür i kosto di kombustibel adishonal ku hürmentu di aggrekonan. Straño ku aki si no a manda SOAB bai hasi ningun Quick scan, sino a keda ketu pa ningun hende sa kon serio e situashon ta. A skonde kos pa aparentá ku e maneho tabata bon.

• A bin haña plantanan ku ta usa muchu mas fuel pa traha pa 1 KWH di koriente en bes di MAN i Wärtsillä, operando na Mun-du Nobo ku un kosto adishonal di desenas di mion florin pa aña.

• Proyekto molina di bientu tabata stanka pa mas ku un aña kaba. Koriente di mulina di bientu no ta mara na preis di petroli ora e subi òf baha.

Distribushon di koriente

• Mantenshon i invershonnan atrasá peligran-do suministro i trahadónan. Solamente un sub-stashon di 66 KV ta pone suministro di koriente den peliger si esaki mester kai afó.

Produkshon di awa

• Mantenshon i invershonnan atrasá di e plan-ta di reverse osmosis (RO) na Fuik.

• Produkshon kostosisimo ku sea water disti-llers, dor ku esakinan mester di stom di boiler-nan i su produkshon ta kostoso.

• Falta di un proyekto pa sustituí e kumpra-mentu di awa for di General Electric (GE) ora ku e kontrakt kaba na 2013 ya ku e planta ta bieu i su operashon ta kostoso. Un planta nobo lo a baha Aqualectra su kosto ku Nafl. 5 mion pa aña.

• Falta di un proyekto konkreto pa sustituí e produkshon di tur sea water distillers ku plan-tanan di RO bahando kosto i kreando espasio pa baha tarifa sustantialmente.

Distribushon di awa

• Mantenshon i invershonnan atrasá peligran-do suministro i trahadónan.

• 77% di e red di distribushon ta mas ku 35 aña bieu i ku pipa di 2 dùim galvanisá ku ta putriendo den tera pa motibu di koroshon.

• Hopi pèrdida dor di lekage dor di pipa bieu den tera.

1.1. Medionan di produkshon i distribushon di koriente i awa

1. KON A BIN HAÑA E KOMPANIA

3

...A bin haña tur e 4 plantanan, (MAN, Wärtsillä, Mundu Nobo i BOO) den estado di mantenshon atrasá ku menasa pa mas ekipo kai afó...

PELIGRANDO SUMINISTRO!

4

- Trahadónan kontratá pa hopi aña via Uitzendbureau ku kondishonnan di trabou bou di norma. A trata e trahadónan manera ser humano di segunda klase i a tapa e kos pa ningun hende haña sa.- Mes un situashon ku trahadónan di kontratista.- 3 CAO atrasá for di desèmber 2010.- Trahadónan sin bon guia.- No tabata kumpli ku stipulashon di evaluashon tur aña manera CAO ta preskribí. I mester a paga tur trahadó daño i perhuisio pa esei.- Kompania sin un sistema pa trahadó na tur nivel di duna keho sin peliger di represaya.- Kompania sin un plan konkreto di redukshon di personal atraves di hubileo aselerá.- Na USBZ a deskubrí mal uso di plakanan di e kompania dor di e Direktor di Rekurso Humano. E tabata privilegiá amigunan i famianan ku trato médiko sin ku nan ta tin derechi riba dje. Amigunan a laga debe di mas ku 150 mil florin na trato médiko sin paga.

Si e hendenan aki tabata bisa ku tur buki i sifra di e kompania tabata bon. Wèl bo mes saka afó dikon SOAB no tabata bai kontrolá einan si. Nan ku nan. Esaki ta skonde kos pa pueblo i trahadónan di Aqualectra.Sierto sindikalistanan a haña trato spesial ku nan miembronan no tabata haña na USBZ. Tin lider sindikal ku awor ta bringa gobièrnu i Hunta di Komisario.

1.2 Sistemanan (software) di informátika pa ehekutá operashon, atministrashon i produsí estadonan

finansiero di e kompania den un situashon:

1.3 Rekurso Humano

- Di alto riesgo di fayo ya ku e hardware ta antikuá.- Di alto riesgo di ser manipulá, o sea kambia òf kita informas-hon. Por ehèmpel kita e meters-tand di un kliente i no faktura òf baha su konsumo.- Kompletamente antikuá ku

chèns grandi ku si e sistema faya e lo no por ser restablesé den korto tempu.- Ku un kosto di operashon i mantenshon muchu mas haltu di lo ke mester ta.- Ku peliger total di seguridat o sea ku otronan por drenta den

e sistema sin outorisashon i por kometé froude òf daño na e ope-rashon.- A detektá falta di mas ku 500 meter di awa i 69 di koriente den un konteo. Mester a hasi denun-sia na OM, i OM a disidí ku tin base pa investigá e diferensha.

5

1.5 Tarifanan

Kombustibel

1.4 Kosto i gastunan

Kostonan di kombustibel muchu mas haltu di lo ke mester tabata pa falta di mantenshon i uso di medionan di produkshon ku no ta esnan di mas efisiente dor di usa steam turbines, boilers, aggreko’s, seawater distillers na lugá di duel fuel reciprocating engines i reverse osmosis.

Mashinnan di diesel no tabata operá optimal ku un averahe di 3 mashin Diesel di Wärtsillä ku ta-bata konstantemente for di servisio i 1 di MAN.A preferá di sub-utilisá e plantanan di Diesel i huza mas e Agrekkonan ku ta usa un fuel mas karu.

Tur sobra kosto i gastu A bin haña esaki nan no hustifiká i òf for di con-trol manera: hürmentu i kombustibel mas haltu di aggreko-nan, hired services, repair and maintenance distorshona, general expenses ku ta inkluí ko-munikashon i PR, consultancy, housing and car fleet, office expenses etc, debenan ku ta keda sin wòrdu kobra y ta wòrdu kanselá, pèrdidanan di koriente i awa.

- Tarifanan di koriente i awa muchu mas haltu ku nos region ku menasa pa sigui subi esakinan. Asina mes gobièrnu tabata supsidiá e preisnan aki via di un rekargo èkstra riba gasolin i gasoil (Kruissubsidie). Pero e èkstra sèn no a ser bon usa pa Aqualec-tra.

- E supsidio aki tabata nifiká ku e tarifanan real ku komunidat tabata paga tabata muchu mas haltu dor di paga gasolin y gasoil mas haltu di lo ke mester tabata ta.

E supsidio aki tabata kosta komunidat 40 mion florin mas pa aña kreando un kosto di bida i di hasi negoshi muchu mas haltu, kreando fa-mianan i negoshinan suak ekonómikamente, limitando proyektonan nobo, limitando gene-rashon di divisa i limitando kreashon di kupo-nan do trabou.

I pa kolmo no kier a introdusí mulina di bientu ku su koriente produsí no ta mara na preis di petroli. A stanka e negoshashon pa mas ku un aña sin ta tin nodi.

61.6 Edifisionan nobo

Kompromiso pa konstruí edifisionan nobo muchu mas kostoso ku lo ke ta nesesario pa muda e kompania for di Mundu Nobo, lo a kosta mas ku 250 mion florin den 15 aña na luga di ménos ku 50 mion florin den 15 aña, pa konstruí lo ke ta estrikta-mente nesesario i na kostonan real.

Pa kolmo esnan ku a firma e kontratonan ta sinta na tur dos banda di mesa. Esta esun ku ta hür i esun ku ta verhuur. Si esaki no ta kon-flikto di interes anto no tin pika riba mundu aki. Atrobe esaki si SOAB no ta bai investigá. Nan ta keda ketu.

Esaki lo a nifiká ku atrobe lo ta tin e nese-sidat di subi e tarifanan di koriente i awa riba lomba di pueblo. Esaki si ta skonde-mentu di kos.

1.7 Préstamo di Banko Sentral

A emití 300 mion florin na bono ku a wòrdu bende na Banko Sentral pa 240 mion kreando un pèrdida inmedia-to pa Aqualectra di 60 mion florin i kreando un gastu di interes riba 300 mion ku ta 25% mas haltu.

E 240 mion a bai pa paga entre otro debenan na Curoil, kum-pramentu bek di akshonnan di Marubeni ku tabata un deal di pasado ku a perhudiká e kom-pania i komunidat inmensa-mente i ku a bira insostenibel. Aqualectra ku e entradanan di tarifanan haltu no mester a krea e debenan aki i mas bien mester a operá sin e debenan aki i ku tarifanan muchu mas abou.

Ainda no tin klaridat kon e deal aki a ser outorisá ya ku no tin pèrmit pa fia 300 mion sino so-lamente 240 mion. Atrobe esa-ki tambe SOAB no a investigá den desèmber 2009. Nan a keda leu for di e kos aki.Awor hasta e tres miembronan di Hunta di Komisario di Banko

Sentral a pèrdè konfiansa den e Direktor di Banko Sentral pa entre otro e bononan di Aqua-lectra. Pero VBC ta keda ketu pa uni i tapa e bèrdat, nan kier sigui regla kos pa nan ku nan.

E emishon di e bononan aki a krea un debe di mas ku 550 mion florin den 30 aña ku e ta kuri. Bo tabata sa di esei òf nan a skonde esei tambe p’abo. Unda VBC i otronan ku ta bisa ku e situashon awor ta malu tabata e tempu ei. Ata sòri nan tabata den Stip ku a laga e fechorianan aki pasa i awor ta sinta tira piedra.

Si e mesun Stip ku a laga hen-de ilegal sinta tuma desishon den Stip pa despues Hues mester a bisa nan ku nan ta-bata ilegal. Si nan awor ta sin-ta bin ku tur sorto di eksperto ku manteka riba nan kabes i bisa ku situashon di Aqualec-tra ta malu. Mas ku tres biaha último 7 añanan ta tin debe astronómiko na Curoil dor di Aqualectra. Pero no ta papia di esei.

7

1.8 Mekanismo di tarifa i konseshon

• Falta di un mekanismo transparente pa kalkulo di tarifa di tantu e parti di kombustibel komo di tur otro kosto i gastu. Esaki BTP ta trahando pa bini kuné moda ku Aqualectra ta keda bou di preshon pa bira mas efisiente ku su gastunan di operashon i den su maneho diario.

• Aqualectra a premirá pa kobra komunidat te ku 2010 100 mion florin pa supues-

to tarifanan ku no a wòrdu ahustá na tempu.

Te dia di awe no por a kon-firmá e ponensha aki ku he-chos i sifras i ta bin aserka ku 45 mion florin ku a ser saka for di RdK den aña-nan pasa i hinka den fondo di energia supuestamente tabata pa kubri esaki. Aki tambe SOAB no ta investi-gá i splika nada. Ta ki sor-to di kuchú un hende tin na nan garganta pa nan keda

poeslief asina? Hmmmm... Puntra bo mes si no tin kos di skonde?.

• Tantu e komponente di kombustibel i di gastunan fiho den e tarifanan tabata mas haltu di lo ke mester tabata tumando en kuen-ta tambe ku e kombustibel nan di Aqualectra tabata ser supsidiá pa gasolin i gasoil i tumando en kuenta tambe kosto i gastunan no estriktamente nesesario òf

hustifiká ku e kompania a bin ta hasi.

• Pagatinu ku mester a yuda e aspekto sosial ta enserá ku miéntras bo ta paga bo sèn for di tempran tòg bo no ta haña un tari-fa mas abou i sosial. Bo ta paga meskos ku esun ku ta paga òf keda sin paga fin di luna. Esnan ku no paga òf haña eksonerashon ta resultá ku abo tin ku paga mas pa awa i koriente.

1.9 Servisio• Nesesidat pa konekshonnan nobo tantu di bibienda komo di negoshi-nan keda realisá den un tempu pre establesí kòrtiku. Awor aki spotlight pa iluminá propaganda polítiko ta ser pega mas lihé ku abo su petis-hon pa haña awa i koriente. Di esa-ki si no por papia di dje pa so e ta molestiá esnan skondí ku ta spòn-ser tur e propagandanan aki.• Nesesidat pa proyektonan nobo keda atendé den un tempu pre es-tablesí kòrtiku i ku un bon maneho pre establesí i transparente pa de-finí kuantu e desaroyadó di e pro-yekto i kuantu Aqualectra mester kubri. Ainda tin desaroyadó di pro-yekto ku ta debe Aqualectra un par di mion, pero si nan a haña nan ins-talashon kaba. Abo no ta meresé un trato hustu i mihó? Abo no ta konta.• Nesesidat pa un bon maneho pre

establesí, relashoná ku kòrtamentu di koriente i awa i butamentu bek di koriente i awa despues di ser paga. Kasonan sosial ta ser kòrtá i hen-denan VIP ta keda añanan sin paga i hasta ta haña eksonerashon di debe. Esaki tambe tin ku keda tapa paso aparentemente awor so kos ta malu ku Aqualectra.• Nesesidat pa un bon maneho pre establesí ku ta evitá ku debe di nin-gun kas òf negoshi ta subi mas ku e tèrminonan di pago promé ku stòp ku suministro.Esaki pa no sigui krea debe ku des-pues mester ser kanselá (keda sin kobra) kreando pèrdidanan grandi pa Aqualectra.• Nesesidat pa un bon maneho pre establesí ora ku un kas òf negos-hi sufri pèrdida di awa despues di e meter. Awor ta wak ken bo ta

promé ku disidí ku ta eksonerá bo debe. Por ta bo tambe mester tin un wikènthùis na Banda Abou pa bo haña trato preferenshal òf por ta bo mester ta un Direktor pa bo wòrdu yuda? Ta e hendenan aki ta hen-de drechi ku ta bin drecha Kòrsou i skreen tur hende den futuro. Wèl.Tur e falta di maneho konkreto aki a bin ta kosta Aqualectra un prome-dio di mas ku 10 mion pa aña i na e mes un momentu kreando un servi-sio defisiente i malestar den komu-nidat. Tambe esaki ta enserá ku sierto hende òf empresa por a keda privi-legiá i ku hopi espasio pa froude a kosto di e kompania i pueblo. Porta esaki ta waarborgfunctie? Esta sòru pa nan brothernan sali bon para riba lomba di komunidat ku trato prefe-renshal?

81.10 Kontrol

• Aqualectra a bin ta konosé diferenshanannegativo grandi den su inventarionan manera pipa, kabel, meternan di koriente i awa, etc.

• Aqualectra por tin un kantidat signifikativo di kas i negoshi ku meter ku e kompania no tin re-gistrá o sea ku e kompania no ta faktura regu-larmente. Esaki ya ku tin vários meter pèrdí i a hasié denunsia na OM. OM a kuminsá investi-gá, pero ta kon grandi e konspirashon aki ta i ta ken ta aden? Ban buska pe investigashon duna resultado maske tin bigfishnan metí.

• Aqualectra a bin ta konosé falta di un kontròl di presupuesto i di gastu pa garantisá ku esa-kinan ta esnan estriktamente nesesario, i na e kantidat i na e montantenan nesesario i korekto. Esaki tambe pa ku estudionan i proyektonan.

• Plannan 2020 i 2030 ku no ta maksimisá uso di energia renovabel i teknologianan bèrdè tantu den produk-shon komo distribushon di koriente i awa. Tur dos plan tin falta di kalkulo di gastu real pa ehekutánan. No a hasi un estudio detayá di kuantu ehekushon di e plan aki ta bai kosta ni ken lo bai page.

• Plannan 2020 i 2030 ku no ta alinea, harmonisá i komplementá ku e sobra faktornan di un maneho energétiko total di Kòrsou tumando en kuenta futuro di e Refineria, Terminal Pe-

trolero, Curoil i oportunidat-nan di uso di gas natural.

• Plannan 2020 i 2030 ku di salida ta mustra ku kostonan i gastunan lo no a ser optimisá i konse-kuentemente tarifanan lo a sigui bai laga tarifanan den nos region hasiendo nos isla kada bes ménos kompetitivo i kreando un situashon eksplosivo di kolapso ekonómiko i so-sial kaminda ningun hen-de i kompania lo por kum-pli ku nan obligashonnan i Aqualectra finalmente tampoko lo tabata soste-nibel.

1.11 Planifikashon stratégiko a largu plaso

91.12 Estadonan finansiero

i situashon finansiero

E realidat ta ku di 2010 bai atras, Aqualectra a aku-mulá masha mantenshon atrasá kier men ku e pèrdi-da di 2010 tabata mas hal-tu y e ganashi di 2009 no tabata real ku mantenshon atrasá. Esaki ta nifiká ku kosto di mantenshon den 2011 i 2012 lo mester taba-ta ménos o sea ku ménos pèrdida ainda.

Na 2010 Aqualectra mester a schrijf af e akshonnan den BOO ya ku esakinan no ta-bata bal nada mas.

Aqualectra a presta di no mantené BOO i buta ku BOO na 2010 tabata for di operashon kasi henter aña butando kontinuidat di Re-fineria na peliger. Ku esaki Aqualectra no únikamente a sòru pa su akshonnan pèrdè tur balor, ya ku ta RdK mester a bai invertí kasi 80 mion US$, pa eli-miná mantenshon atrasá di BOO, pero tambe a sòru

pa pèrdè produkshon di koriente na un kosto mas-ha abou mes i na su lugá mester a hür aggreko, kreando kostonan muchu mas haltu pa Aqualectra. Si pro-áktivamente a kuida BOO, Aqualectra lo a spar masha hopi sèn i tarifanan awe lo por tabata muchu mas abou.

E pèrdidanan di 2011 i 2012 mester wòrdu koregí ku e diferensia den e kosto di kombustibel ku Aqualec-tra atraves di e mekanismo transparente di kalkulo ku e gobièrnu demisionario a in-trodusí ta rekobrando den e tarifanan aktual kaba.

Mester apuntá ku pa 2011 por tin 15.2 mion mas pa re-kobrá den kuyo kaso e pèr-dida pa 2011 lo ta (2.5 mion).

Tur esaki despues di a kita un peso for di komunidat di 35 mion florin den 2011 i di 70 mion den henter aña di 2012, bahando e tarifa ku 5 sèn i eliminando e re-kargo di gasolin i gasoil pa supsidiá kombustibel nan di Aqualectra.E Kapital di e kompania te ku mei 2012, teniendo en kuenta e ahuste di tarifa pa kubri e kosto di kom-bustibel ta 203 mion florin.Tin indikashon ku e kapital lo mester wòrdu koregí ne-

gativamente relashoná ku 2010 bai atras segun nor-manan kontabel pa reflehá e realidat di e kompania ku 60 mion florin kedando e kapital na 143 mion florin te ku mei 2012.

Tur esaki ku tarifanan alti-simo, supsidio di gasolin y gasoil, fondo di energia ku a pèrkurá pa entrada-nan altisimo no hustifiká den e kompania kaminda tòg e kompania no a bin ta kumpli ku su invershon-nan i mantenshon básiko kreando pèrdidanan kuan-tioso dor di no hasi uso óptimo di tur rekurso, i sin krea tarifanan muchu mas pagabel pa komunidat.

Fuente di informashon:

• FTI rapòrt.• Estadonan finansiero di Aqualectra.• Breakdown di presupuesto di Aqualectra.

Aqualectra no ta produsí estadonan finansiero na tempu i konfiabel. Ta bisto ku a traves di añanan ta hopi transak-shonnan dudoso/gesjoe-mel tabata tin pa tapa kos i pa laga e resultadonan i e balansa mustra mas di lo ke realmente e realidat ta.

Esaki ta a kaso entre otro:

- Pe hecho ku a mantené e akshonnan di BOO ku nan balor original di 60 mion florin den buki nan siendo ku esakinan no tabata bal nada mas.

- Pe hecho ku a bin ta sup-sidiá kosto di Aqualectra su kombustibel nan ku un re-kargo riba gasolin i gasoil, siendo ku e tarifanan taba-ta supuestamente kalkulá riba Aqualectra su kosto-nan di kombustibel sin sup-sidio.

- Pe hecho ku a saka for di RdK 45 mion florin hinka

den fondo di energia pa su-puestamente no tin do subi tarifanan di Aqualectra. Pa otro un banda Aqualectra den su buki nan te ku 2010 tin 100 mion florin ku e ke kobra di tarifanan atrasá. Kon Aqualectra por husti-fiká esaki?

- Pe hecho ku e pèrdida di 60 mion florin ku benta di

bono na Banko Sentral ta wòrdu depresiá den buki nan den 35 aña atrobe kreando un situashon fi-nansiero fiktisio di e kom-pania.

- Pe hecho ku tin mas ahuste ku mester hasi na e sifranan di Aqualectra pa reflehá e situashon real di e kompania.

2011 2012 (43.9) (35.1)

Ganashi òf (pèrdida)

E resultado ta bira:

Ahuste di tarifa 26.2 35.6Resultado nobo (17.7) .5

2009 2010 2011 2012 te ku mei

22.8 (82.4) (43.9) (35.1)

Ganashi òf (pèrdida)

E estado di ganashi òf pèrdida ta mustra e siguiente resultado den miónes di florin:

10

• A pone repetidamente rekursonan humano i finansiero pa optimisá e ope-rashon presente i futuro. Sinembargo no tabata tuma e inisiativanan nesesa-rio pa trese e kambionan nesesario pa e kompania, su trahadónan i komuni-dat sali dilanti i mas bien tabata mante-né e situashon igual i stroba e proseso di kambio positivo.

- A laga MAN i Wärtsillä bin drecha e plantanan ku tabata fo’i di operashon. Asina a bin logra manda 22 aggreko bek na final di 2011. Esaki a kuminsá spar mas ku 25 mion florin pa aña na hürmentu i kosto adishonal di kombus-tibel.

- A koregí e konsepto di negoshi ku lo a bolbe krea riesgo finansiero pa Aqualectra i a buta e proyekto kana ku tabata stanka relashoná ku e proyekto di mulinanan di bientu. Instansha finansiero internashonal konfiando den e akshonnan ku nos tabata tumando den Aqualectra a fi-nansiá e proyekto sin ku Aqualectra mester a duna garantia. E proyekto a wòrdu inougurá eksitasamente na yüli 2012.

- A tuma trahadónan di Uitzendbureu-au i kontratista den servisio, a kaba ku tur CAO nobo, a intervení USBZ i ta trahando pa drecha tur su operashon.

• Wetando e oportunidatnan real pa optimisá e operashon, wetando ku e reguladó (BTP) a kalkulá ku Aqualec-tra a bin ta kobra 5 sèn demas den su tarifanan y tambe risibiendo un sup-sidio via preis di gasolin y gasoil no hustifiká, i wetando e peso no husti-fiká ku esakinan tabata buta riba kos-to di bida i di hasi negoshi na Kòrsou, a baha tarifanan do koriente ku 5 sèn i a eliminá e supsidio di Aqualectra su kosto di kombustibel eliminando e re-kargo riba gasolin i gasoil.

Tur esaki a kita un peso riba komu-nidat di 70 mion florin pa aña.

2. AKSHONAN KU GOBIERNU I HUNTA DI KOMISARIO A TUMA KABA

11

• A sigui ku e proseso di optimisas-hon y pa haña mas klaridat rápido, a buska e kompania FTI pa hasi un ouditoria forensiko. E ouditoria di FTI a revelá tur tipo di mal maneho, mal gastamentu, espasio pa froude i riesgonan entre otro di suministro i di sistema di informátika i control. E ouditoria di FTI tambe a konfirmá tur tipo di oportunidat pa:

- Solidifiká e kompania finansiera-mente.

- Mehorá e sistemanan atministra-tivo di saka resibu i kobra debenan riba kaya ku na e momentonan ei tabata mas di 125 mion florin.

- Solidifiká Aqualectra su medionan di produkshon i distribushon di ko-riente i awa i solidifiká suministro.

- Koregí dealnan robes, manera edi-fisionan nobo y bono di Banko Sen-tral.

- Eliminá tur kosto i gastu ku no ta estriktamente nesesario i krea fon-do pa lo ke si ta vital manera invers-hon i mantenshon.

- Oportunidat pa gradualmente sigui baha tarifanan i sigui kita peso no hustifiká riba komunidat.

• Seguidamente pa aselerá e logro di e oportunidatnan aki, a kontratá Booz & Co. pa traha un proyekto di mehorá den tur e áreanan di ope-rashon di e kompania.

• Susesivamente komo parti di trata-mentu di e presupuesto 2012, hunta di komisario a kuminsá implementá FTI rapòrt i rekomendashonnan, i Booz & Co. Proyekto, ku e direktor i Aqualectra su gerentenan.• Asina a bin yega na e resolushon di mart 8, 2012, ku ta inkluí IUH di-rekshon nobo den linianan gran-

di, presupuesto 2012 i proyekshon 2013.

E presupuesto tabata enserá inver-shonnan di 100 mion florin na 2012, inkluyendo entre otro ekspanshon di e planta di Wärtsillä na Dokweg i instalashon di un planta di awa RO. Esaki lo a permití pa fin di 2012 stòp kompletamente ku produkshon di koriente i awa na Mundu Nobo, bahando kosto i gastunan i manda e 22 aggrekonan bek i spar mas ku 25 mion florin pa aña.

A trata pa e proyektonan aki keda harmá i implementá den e tempu stipulá sin embargo e proyekto di e planta di Wärtsillä ta awor e ta den su fase final pa ser harma i esun di awa no tin bista ainda riba dje.

E presupuesto di 2012 lo mester a sera ku un pèrdida di 20.3 mion i 2013 lo mester a sera ku ganashi di 2.3 mion. Esaki despues di a kita un peso di 70 mion florin pa aña for lomba di komunidat.

Denter di 2012 i e promé mitar di 2013, lo a kaba di hasi Aqualectra su planifikashon stratégiko pa tèr-mino largu.

E retraso aki ta kostando Aqua-lectra miónes i tin di haber ku tur e forsanan negativo interno i eksterno di e kompania ku no tabata ke pa komunidat, e kom-pania i su trahadónan, i Gabine-te Schotte skor. Pero tambe pa kosnan robes no sigui sali na kla i tambe pa mantené negoshinan propio perhudisial pe kompania.

• A laga e kompania Aleman MVV Decon revisá i yuda aselerá e pro-yekto di Wärtsillä.

• No opstante Aqualectra su ak-shonnan den BOO no tabata bal

nada mas, RdK ku a tuma e ak-shonnan den BOO di Marubeni i Mitsubishi pa 1 US$ a disidí (riba intervenshon di hunta komisario di Aqualectra, RdK i di akshonista) sin ningun kompromiso i te ku nue-vo aviso, komo kompania ruman di Aqualectra di apsorbé for di yanüa-ri 2011 e extension element di e IUH Agreement entre Aqualectra i Refineria ku ta representá 8.3 mion florin pa aña pa Aqualectra.

• A stop ku konstrukshon di edifisio nobo i a kumpra ku e tereno na un kosto di 18 mion florin. A yega na un akuerdo ku gobièrnu pa tras-pasá e tereno pa konstrukshon di hospital nobo. Gobièrnu a kompro-meté pa Aqualectra haña un tereno pa su proyektonan den erfpacht, ku lo kosta muchu ménos sèn. (Foto pag. 13)

E proyekto di hospital nobo lo paga e kostonan di estudio di e tereno kaminda Aqualectra su kosto final di e tereno lo ta hopi ménos ku 18 mion florin.

E paso aki a evitá ku Aqualec-tra lo mester a subi su tarifanan hopi mas pa kubri e gastunan astronómiko di mas ku 250 mion florin den 15 aña pe edifisionan luhoso aki.

• A buska pa reguladó traha ku Aqualectra diligentemente den un mekanismo transparente pa kalku-lo di tarifa relashoná ku e kompo-nente di kombustibel i awe en dia tur luna ta publiká e tarifanan di forma transparente den korantnan lokal.

• A buska pa mehorá servisio en general i a buska pa e kompania yega na un areglo di pago sosial pa ku debenan atrasá ku komuni-dat en general.

12

1. Gobièrnu/akshonista, ku a bira demisionario, tabata den proseso di stipulá e propósito (vishon i mis-hon) di Aqualectra ku mester kuadra ku e siguiente premisanan:

• E kompania mester yega na drai ku kostanan i gastunan mas efisiente po-sibel i ku tarifanan di koriente i awa mas abou posibel i kontribuí na kasi Kòrsou mas kompetitivo posibel, hasiendo un ganashi mínimo nesesario ku ta garan-tisá e kontinuidat di e kompania.

• Aqualectra mester desaroyá e traha-dónan altamente kalifiká i produktivo na tur nivel di presente i futuro.

• Esaki mester resultá den un kom-pania sólido i ku tarifanan di koriente i awa mas abou posibel i kontribuí na

kasi Kòrsou mas kompetitivo posibel.

• Aqualectra mester promové mas tan-tu ku ta posibel konservashon di ko-riente i awa sin ku esaki ta nifiká ku ora konsumo di koriente i awa baha Aqua-lectra ta subi su tarifanan pa kompen-sá e pèrdida di entrada aki.

• Aqualectra por logra kompensá esaki dor di sigui bira kada bes mas efisien-te i dor di logra bende mas dor di a kontribuí na hasi Kòrsou mas kompe-titivo posibel atraves di su tarifanan i servisio i konsekuentemente dor di a kontribuí na krea kada bes mas de-saroyo sosial i ekonómiko atraves di tempu.

• Aqualectra mester bira un kompania altamente servisial i efektivo tantu pa

ku proyektonan nobo, konsumidó-nan i empresanan en general.

• Aqualectra mester mas tantu ku ta posibel i kumbiniente pa su kostonan i medio ambiente hasi uso di energia renovabel i teknologianan bèrdè den tur su proseso di produkshon i distri-bushon di koriente i awa.

• Aqualectra mester sinkronisá su planifikashon stratégiko a largu pla-so ku e totalidat energétiko straté-giko di Kòrsou manera uso di gas natural.

• Mester sera e planta di Mundo Nobo i pone planta nobo di diesel i planta nobo di reverse osmosis ku ta hopi mas efisiente den produkshon di koriente i awa.

3. AKSHONAN PENDIENTE PA SER TUMA

13

Kada unidat di negoshi mester ta sub-dividí pa un sentro di invers-hon i operashon di produkshon i un sentro di invershon i operas-hon di distribushon.

E unidat di negoshi i su 2 sentro-nan di invershon tur mester tin

nan propio presupuesto di ope-rashon i invershon, i produsí nan propio estadonan finansiero.Esaki ta permití establesé e me-kanismo di tarifanan transparente i nesesario huntu ku e reguladó i ser kontrolá pa e reguladó.Esaki ta permití tambe pa tur e

sentronan di invershon wòrdu ma-nehá manera mester ta, tantu den operashon i invershon i no generá por ehèmpel mantenshon atrasá i invershon atrasá.

Tur esaki ta e asina yamá “unbun-delling”.

2. Aqualectra mester krea finansieramente, operashonal i atministrativamente

dos unidat di negoshi esta koriente i awa

3. Struktura organisashonal general

4. Atministrashon, presupuesto i estadonan finansiero

• Aqualectra mester aktualisá su regla-mentu di maneho basa riba 3 direktor i apuntá e 2 direktornan vakante mas pron-to ku ta posibel. Miéntras tantu mester apuntá inmediatamente 2 direktor interino spesialisá den utilidat.

• Aqualectra mester inmediatamente mehorá su atministrashon, produsí estadonan finansiero mensualmente korekto i den menor tempu posi-bel, kompará e resultadonan ku e presupuesto i dokumentá ku hechonan i sifranan e diferensia-nan. Esaki tambe pa kue avanse di invershonnan planifiká.

Imagen pagina 11(Proyekto Hospital Nobo)

14

• Aqualectra mester por harma pro-yektonan di invershon di forma mas konkreto, kompleto i rápido, habien-do evaluá e opshonnan mas kum-biniente i mester por implementá e proyektonan aki segun presupuesto i ku e kalidat i kontròl nesesario na tempu.

Pa logra esaki Aqualectra mester harma e organisashon di ingenieria i planifikashon nesesario ku sosten di ingenieronan internashonal den utili-dat.

Kosto i gastunan

• Aqualectra mester sigui e prose-so fuerte inisiá pa gobièrnu i hunta di komisario di presupuesto ku base sero, pa optimisá kosto i gastunan ya ku ainda tin hopi kosto i gastunan ku mester ser eliminá i òf redusí na lo

ke realmente nan mester ta (elimi-nashon di desperdisio/waste) pe bon funshonamentu di e kompania.

Di e forma aki no únikamente ta krea espasio pa fondonan ser buta disponibel pa invershonnan, kos-to i gastunan ku si ta produktivo i benefisioso pe kompania i komu-nidat, pero tambe pa tardi òf tem-pran por sigui redusí tarifanan i òf evitá ku esakinan mester subi, òf subi ora ta estriktamente nesesa-rio lo ménos posibel.

• Den e sentido aki, ku yudansa ek-sterno di ekspertonan den utilidat, mester analisá estudionan eksis-tente, ehekutá estudionan adisho-nal nesesario pa traha un proyekto konkreto pa redusí supstansialmen-te a korto, mediano i largu plaso pè-rdidanan tékniko den produkshon i

distribushon di koriente i awa ku ta muchu mas haltu ku stándartnan di e industria internashonalmente.E redukshon aki lo nifiká ménos kon-sumo i kostonan di kombustibel, mé-nos kosto di mantenshon etc., i ku gradualmente por suma vários des-ena di miónes di florin pa aña i paga e invershonan nesesario pa aktualisá Aqualectra su informashon.

Mes un kos ta konta pa ku redukshon di pèrdidanan operashonal, komer-sial i atministrativo, manera pèrdida-nan di material di inventario manera pipa, kabel etc., konsumo di koriente i awa no registrá, kanselashon di de-benan ku no òf si por ser kobra dor di a laga nan subi kreando espasio pa froude etc. Redukshon di e pèrdidanan aki por suma gradualmente mas ku 10 mion florin pa aña.

5. Optimalisashon konstante di invershonnan, kosto i gastunan.

6. Medionan di produkshon i distribushon di koriente i awa, efekto den konfiabilidat

di suministro i efekto riba kosto i gastunanAqualectra mester urgentemente sigui presisá ku yu-dansa di MAN, Wärtsillä i otro fabrikante di ekiponan di Aqualectra, e mantenshon atrasá di produkshon i dis-tribushon di koriente i awa, traha e proyektonan i pre-supuesto pa eliminá e retraso aki i garantisá suministro na kostonan optimal.

Tambe mester kaba di harma urgentemente, ku yudan-sa di ekspertonan internashonal den utilidat, e proye-ktonan kompleto di ekspanshon di e planta di Wärtsillä (dual fuel) i instalashon di un planta di awa di RO.

Ámbos proyekto ta nifiká mas konfiabilidat di sumi-nistro, ku ta stòp ku produkshon di koriente i awa na Mundu Nobo i ta kuminsá produsí esakinan ku kosto i gastunan muchu mas abou i permití pa stòp ku e hür-mentu di e 22 aggrekonan restante i ku nan kosto di kombustibel haltu.E proyektonan aki ta saka nan invershon totalmente den ménos ku 2 aña i huntu ku tur otro medida a korto plaso (denter di e próksimo 9 luna) Aqualectra mester a kuminsá logra su ganashi mínimo nesesario.

Invershonnan

15

8. Otro akshonnan klave Aqualectra, ku yudansa di ekspertonan internashonal

den utilidat:

7. Mekanismo di tarifa i konseshon

• Aqualectra mester urgentemente, huntu ku reguladó (BTP), kaba di konsolidá e mekanismo pa kalkulo di tarifa pa lo ke ta e kom-ponente di kombustibel y kaba di usa e mekanismo aki pa kaba di kalkulá e retraso den tarifa di 2011 pendiente (tur esaki mester keda kla denter di 3 luna).

• Retraso den tarifa di 2012 i parsialmente di 2011, a ser kalkulá i aprobá kaba

• Aqualectra, despues di a implementá e unidatnan di negoshi (unbundelling) i di dokumentá na plaka chikí su presupuesto en base sero, e por kaba di establesé huntu ku e reguladó e meka-nismo pa kalkulo di tarifa pa lo ke ta e komponente di gastunan fiho (tur esaki mester keda kla denter di 9 luna).

• Mester urgentemente en paralelo ku e operashon aktual implementá un sistema total nobo di informátika.

• Mester urgentemente definí i implemen-tá tur e mehorá nan nesesario den servisio (weta punto 1.9).

• Mester urgentemente implementá tur me-kanismo di kontròl (weta punto 1.10).

9. Planifikashon stratégiko a largu plaso i finansiamentu a largu plaso

Aqualectra, ku yudansa di ekspertonan internashonal di utilidat, mester finalisá su planifikashon stratégiko a lar-gu plaso pe próksimo 20 aña, ku mester ta kompletamente alinea ku e premisanan di Aqualectra su propósito ma-nera a ser deskribí den punto 1.

Esaki ta enserá ku:

• Aqualectra mester usa es-tudionan eksistente, i kondu-sí estudionan adishonal rá-

pidamente relashoná ku uso optimal di energia renovabel i teknologianan bèrdè.

• Tambe kondusí e estudio-nan korespondiente pa por proyektá tur e invershonnan nesesario den e 2 unidat di negoshi i nan korespon-diente sentro di operashon i invershon menshoná. Inver-shonnan altamente atrasá i ku mester wòrdu hasi ku te-knologianan avansá i bèrdè, tantu den produkshon komo distribushon di koriente i awa i kaminda mester keda solus-

honá e nesesidat di awa pa irrigashon.• Basa riba Aqualectra su po-sishon finansiero, su invers-honnan stratégiko nesesario proyektá i su proyekshon di resultadonan operashonal entre otro basa riba e inver-shonnan aki, sertifiká pa ek-spertonan internashonal di utilidat. Aqualectra lo por bini ku e solushonnan pa finansia-mentu di e invershonnan stra-tégiko atraves di oumento di su kapital (gobièrnu i komuni-dat en general) i finansiamen-tu eksterno (bankario).

16

Aqualectra rápidamente mester tuma tur e akshonnan pen-diente menshoná, pa e mesun kompania i instanshanan fi-nansiero por tin e konfiansa i finansiá:

• Kaba di eliminá e mantenshon atrasá den produkshon i distribushon di koriente i awa (fluho di kaya di e mes un kompania).

• Kaba di buta al dia tur suplidor di produkto i servisio (fluho di kaya di e mes un kompania).

• Ekspanshon di e planta na Dokweg ku Wärtsillä i planta

nobo di awa RO (e mes un suplidornan i òf bankonan lokal).

Debe na CuroilAqualectra rápidamente hasiendo uso di e mekanismo di kalkulo di tarifa transparente pa loke ta e komponente di kombustibel, ku a ser introdusí pa mi gobièrnu i ku ya a ser aprobá pa mi gobièrnu pa rekobrá tarifa atrasá, por hasi e préstamo nesesario ya sea direktamente for di Cu-roil òf di bankonan lokal pa paga e debe atrasá na Curoil, ku a akumulá den e proseso di yega na e mekanismo transparente ku a ser introdusí pa mi gobièrnu.

10. Akshonnan a korto plaso, debe na Curoil i finansiamentu a korto plaso

Un Gabinete Schotte nobo, ku bo voto, Hunta di Komisa-rio, tur trahadó na tur nivel di Aqualectra i komunidat en general, no por permití ku interesnan ku no ta kuadra ku interes di Kòrsou, Aqualectra i su trahadónan sigui stroba di tur forma posibel un bon maneho i tumamentu di tur akshonnan pendiente ku e gobièrnu demisionario i hunta di komisario a preskribí i a kuminsá tuma, pero ku a keda retrasá.

Ta bisto i kla pa henter komunidat i tur trahadó di Aqua-lectra, ku tur e strobamentu aki ta sin fundamentu i ta únikamente destiná pa stroba e kambio positivo nesesario ku ta stroba e interesnan meskiña ku semper a perhudiká komunidat, Aqualectra i su trahadónan.

Ta kiko e interesnan meskiña ta pretendé? Ku mester sigui laga e komunidat karga ku tarifanan kada bes mas impa-gabel pa nan por sigui benefisiá nan mes malamente, mal manehando, desperdisiando i kabando ku e kompania?

Komunidat di Kòrsou en general por konta ku un Gabine-te Schotte nobo i ku e Hunta di Komisario di Aqualectra nombra pa e gobièrnu demisionario lo no bek, lo no slèk, mas bien lo tuma tur akshon i tur medida nesesario pa salbaguardiá interesnan di Kòrsou, Aqualectra i su traha-dónan.

Atentamente...

Sr. Gerrit SchottePartido Movementu Futuro Kòrsou (MFK)