Na claridad del luna, tiene

un diutay huevo largaw

na un ojas.

Un aga, dia de Domingo, cuando ya subi el

sol… POP!---ya sale na huevo un diutay

gusano que bien cun hambre.

Ya prinsipia le busca comida.

Na dia de Lunes, ya hace le cagud na

medyo de un mansana.

Pero cun hambre le syempre.

Na dia de Martes, ya come le

na medyo de doz abocado.

Pero cun hambre le syempre.

Na dia de Miyercoles, ya come

le na medyo de tres lomboy.

Pero cun hambre le syempre.

Na dia de Huebes, ya come le na

medyo de cuatro strawberry.

Pero cun hambre le syempre.

Na dia de Biyernes, ya come le

na medyo de cinco kahel.

Pero cun hambre le syempre.

Na dia de Sabado, ya come le na medyo de un pedaso de

chocolate cake, un apa de ice-cream, un achara, un pedaso

de queso, un pedaso de churizo, un lollipop, un pedaso de

cherry pie, un sausage, un cupcake, y un pedaso de melon.

Aquel noche, ya dwele su bariga.

Ala mañana, Domingo ya tamen. El

gusano ya come na medyo de un ojas.

Y despues de akel, ya cinti le bueno.

Pero ara, hinde na ele cun hambre. Y

hinde na le un diutay gusano.

Un grande y gordo gusano ya le.

Ya enbolbe le su cuerpo na un diutay casa,

que ta llama kita cocoon,

Y mas de doz semana le ya esta

adentro de este.

Ya hace le aguhero con el

cocoon, y hinay hinay ya sale...

Ahora un bunito mariposa ya le !...