Diaranson 31 Augustus 2011

Pagina 1Diarazon Augustus 31, 2011

Diarazon Augustus 31, 2011 - Edicion 5 Vol. 1661 - Sta. Cruz # 110 Tel: 585-9500

Fax:585-0951 - E-mail: [email protected] 1.50

Atraco na oficina di number na Savaneta

E atracador a usa un machete

Mike de Meza no merece confianza di pueblo mas

Lotto pa Deporte na rudia prestando placa

atrobe pa paga premio Mientras tin un DONKEY ta grita den desierto

Durante Congreso 2011 di partido MEP a aproba resolucion

Sr. Nelson Orlando Oduber nombra como

Lider Honorario di partido MEP

Congreso di MEP a cera boca di varios periodista chupado di AVP!

Periodistanan di ATV 15 y 24 Ora.com ta haci nan mes

ridiculoBay averigua cuanto hende a eligi Obama como lider di partido

Democrat y cuanto a eligi lider di CDA na Hulanda

Juan David Yrausquin di AVP: Despues di un discusion largo den prensa sin

resultado

Debate final riba klasnan modular den Parlamento

Marmot Marlon, e ladron di Jeans y Whiskey

Awe parlamentario “Dormis” papiando riba Lotto pa deporte

Directiva nobo di Sindicato di

maestro di Aruba SIMAR

Pagina 2 Diarazon Augustus 31, 2011

ANUNCIO – BLBA/150/11

Mediador di Gobierno na Aruba ta anuncia a base di articulo 1, inciso 2 di “Arbeidsvredebesluit III” cu e siguiente peticion a ser ricibi, pa tene un referendum bou di e empleadonan di e empresa menciona aki bao:

Nomber di peticionario: - Forsa Laboral Organisa di Aeropuerto (FLOA)

Nomber di empresa: - Aruba Airport Authority N.V. (AAA N.V.) Atencion ta wordo poni riba posibilidad pa sindicatonan interesa pa dentro di 14 dia despues di fecha di e anuncio aki, trece nan deseo pa participa na dicho referendum na conocemento di Mediador.

Durante Congreso 2011 di partido MEP a aproba resolucion Sr. Nelson Orlando Oduber nombra

como Lider Honorario di partido MEPSTA. CRUZ – Diadomingo ultimo dia 28 di Augustus den Congreso 2011 di partido MEP na Westin Hotel, lidernan di bario y militancia di MEP a aproba varios resolucion. Un di nan ta di nombra e lider saliente sr. Nelson Orlando Oduber como lider honorario di e partido. A tuma e decision aki basa riba varios merito di e lider saliente, considerando cu desde Maart 1975 te cu awe, esta durante 36 aña largo sr. Nelson Oduber a aparece riba lista di e partido prestigioso MEP; tambe cu desde Januari 1986 te cu Maart 1987 sr. Nelson Oduber a fungi como lider interino di MEP y desde 8 di Maart 1987 a ser eligi y a fungi como lider politico di e partido geel. Tambe den e resolucion a ser treci dilanti cu sr. Nelson Oduber a ser re-eligi na

1991, 1995, 2000 y 2005 como lider di e partido geel y cu desde 1975 te cu 1985 sr. Nelson Oduber a fungi como diputado di Teritorio Insular di Aruba pa partido MEP. Ademas cu sr. Oduber tabata Ministro Presidente na 4 ocasion. Hecho tambe ta tur e logronan di sr. Nelson Oduber pa e partido geel,

e.o. e victoria aplastante na 1989 cu 10 asiento, e victorianan record den Reino Hulandes, tanto den e eleccion di 2001 cu 12 asiento como e eleccion di 2005 cu 11 asiento y alavez e logro di mas importante, esta mantene e nucleo di MEP solido. Como mandatario e logronan di sr. Nelson Oduber pa nos pais Aruba ta bastante, e.o. e logro di Status Aparte, re-apertura di e refineria, solucion pa e problemanan di garantia, schrapmento di e fecha di Independencia, e lucha tenaz pa logra haya e placa di Plant NV etc. Basa riba tur e punto- y hechonan menciona Congreso di Partido a dicidi di nombra sr. Nelson Orlando Oduber como LIDER HONORARIO di partido MEP y cual resolucion a pasa pa orden di dia.

STA. CRUZ -- Diamars atardi a drenta informe di cu patras di Codemsa un homber a baha un mucha muher for di auto y tabata maltrat’e cu scop y despues a bay lague atras. Mesora a dirigi un patruya pa e sitio. Na yegada di e patruya,

nan a bin comprende cu un homber coriendo un Mercedes Benz cual ta un ex- di e mucha muher a para ta insulta y maltrata e mucha muher. Despues el’a core bay. Polis ta en busca di e homber cu a maltrata e mucha muher.

Na Meiveld:

Homber a baha muher for di auto Mercedes Benz y

ta maltrat’e cu scop

Economia a recupera pero noa crece

STA. CRUZ -- Banco Central na un manera basta straño a pinta e cifranan economico masha bunita. Ta papia di crecimento, pero cu no ta sinti esaki ningun caminda den pueblo. Por ta trata un crecemento

economico saliendo di e punto di bista di e re-start financiero, pero nada otro. Pueblo ta bashi y comerciantenan por lo general ta den corra na banconan local. Banco Central ta sigur di su cifranan ?


STA. CRUZ -- Periodistanan di Canal 15 ATV y di 24ora.com no por a haci nada otro pa chupa ‘chupa-bebe’ diadomingo ultimo, ora cu nan wordo sorprendi cu un acogida grandi di e Congreso di MEP. Mesora a cuminza un serie di cuestionamento y un serie di calculacion pa asina purba na tur manera pa defende nan partido AVP y nan saco. Ken no sa cu e periodistanan aki ta cobra den tur skina di Gobierno? Envez di nan para keto un rato y simplemente felicita MEP cu un accion democratico y historico,

nan kier calcula cuanto voto Evelyn a haya y cuanto hende a bay vota. Si nan ta periodistanan inteligente, nan lo a haci nan mes e pregunta: Cuanto hende a registra na Congreso di AVP di aña 2009? Ken a asisti na e Congreso di AVP? 26 mil votador? Of ta un sala chikito nan a

yena di ballroom cu 500 hende? E periodistanan aki, defensor di maldad y cu semper ta manipula pueblo kier purba na manipula cu e Congreso di MEP. Dicon e periodista no ta bay averigua ta cuanto hende a escoge lider di CDA? E periodsita sa cuanto voto CDA tin na Hulanda? Y ta

cuanto hende a scoge y vota pa su lider? Nos ta lamenta cu tin periodista enfermiso kendenan mas bien ta purba na draai tur sorto di storia pa asina ainda elogia na forma indirecto nan partido fracasa AVP. E congreso di MEP tabata un exito rotundo y no a keda nan nada otro pa cuminza haci calculacion di voto pa compara cu Congreso. Den cualkier Congreso di un partido, ta esnan cu ta e fundeshi, e base, ta esunnan cu ta asisti. Esnan cu bay Congreso ta esnan determina cu no ta importa di wordo

persigui y no ta importa pa wordo señala riba nan pensamento politico. Hecho ta cu MEP a sacudi pueblo atrobe cu un magno evento cu apesar di a pasa den varios golpi e ultimo temponan e partido a sa di keda hunto y pasa door di e proceso di re-juvenecimento. Un MEP re-juvenece cu ta cla pa restructura y asina para cla pa ta e unico alternativa pa e proximo eleccion aki na Aruba. E periodista di ATV y 24ora.com a cuminza sinti e cayente for di tempran pasobra nan sa cu nan dianan ta conta.

Congreso di MEP a cera boca di varios periodista chupado di AVP!

Periodistanan di ATV 15 y 24 Ora.com ta haci nan mes ridiculo

Bay averigua cuanto hende a eligi Obama como lider di partido Democrat y cuanto a eligi lider di CDA na Hulanda


STA. CRUZ -- Pa mas di 6 siman caba tin un discusion tumando lugar den prensa riba e asunto di klasnan modular. E argumentonan ‘pro’ e proceso di duna un compania local e contract di 16.8 miyon florin sin pidi ún otro oferta a wordo treci pa e Minister di Husticia y Enseñanza y tambe den e editorial di un matutino cu ta involucra cu e compania. E argumentonan ‘contra’ e proceso a wordo treci pa practicamente tur fraccion den Parlamento (AVP, PDR, MEP) . E discusion cu a wordo hiba den prensa no tabata tin un resultado final. Minister a keda cu su opinion y no a actua basa riba e opinion di e diferente fraccionnan den Parlamento. Como cu dos fraccion den Parlamento a pidi un reunion publico cu e Minister en cuestion ta di spera cu dentro di poco e reunion aki lo tuma lugar. Mientras cu e debate den prensa a sirbi pa informa riba opinion y pensamento di un of e otro, e debate

den Parlamento lo tin un resultado final. Pueblo a vota na 2009 pa Parlamentarionan cu e confianza cu nan lo wordo representa dignamente. Cada Parlamentario a huramenta cu nan lo defende nos Constitucion. Manera e mesun Constitucion ey ta prescirbi cada Parlamentario ta evalua pa nan mes kico esaki ta significa (zonder last en ruggespraak). Despues di e debate aki e di 8 Parlamento di Aruba cu pueblo a eligi, lo tuma e decision final riba e proyecto aki di klasnan modular.

Juan David Yrausquin di AVP: Despues di un discusion largo den

prensa sin resultado

Debate final riba klasnan modular den

Parlamento


Limpia e filter di bo airco regularmente. Drumi asina den un temperatura agradabel y alaves aporta na un medioambiente limpi.

Cuida nos naturalesa! Spaar energia FILTER Airco

Abo tin un pa Aruba?www.curasonberde.aw

STA. CRUZ -- Kenneth Chong, un ex-studiante di Colegio Arubano, a gradua na “Edinburgh Napier University (Schotland)” y a haal su MSc diploma den “Advanced Networking” despues di a caba su Electrotechniek opleiding na “Technische Hogeschool Rijswijk” na Hulanda. Mayor nan di Kenneth a bay hunto cu Kenneth na Edinburgh pa participa na e ceremonia di graduacion. Pronto Kenneth lo bay traha na e compania “Accenture” como “Junior Technology Consultant” y lo sigui studia na banda pa un siguiente MSc den “Information Security”. Kenneth ta haya felicitacion di su tata (Yock Pin Chong), mama (Shirley Chong) y ruman (Gideon Chong).

Kenneth Chong a

gradua na Edinburgh


Atraco na oficina di number na Savaneta E atracador a usa un machete y a bay

laga esaki atras

STA. CRUZ -- Dialuna anochi a drenta informe di un caso di atraco na un oficina di number na Savaneta. Mesora a dirigi patruyanan pa e sitio. Na yegada di e prome patruya a bin comprende

cu un persona di mas of menos 1.65 pa 1.70 meter, cara tapa, bisti full na preto a cana drenta e lugar cu un machete y a purba comete e atraco. El’a core bay lagando e machete atras.

Marmot Marlon, e ladron di Jeans y Whiskey

Awe parlamentario “Dormis” papiando riba Lotto pa deporte

STA. CRUZ -- Cu hopi asombro por a nota Marmot Marlon ladron di Jeans y Whiskey awor tambe a cuminsa reaciona riba Lotto pa Deporte.

Tristo pa mira e knowhow di e ladron aki. Ora bo kier bay prensa percura pa bo ta bon informa y por argumenta y para pa locual bo ta papia. Asina Marmot Marlon Ladron di Jeans y Whiskey a trata na splica cu Lotto apenas a gana 2.7 miyon den 2010 mientras cu na mantencion di stadionnan so pa pasa un verf aki y un verf aya ta costa 3 miyon pa aña. Sistematicamente

Marmot Marlon Ladron di Jeans y Whiskey kier purba splica algo cu e no ta comprende y despues a cuminsa critica cu ta pa core campaña MEP a traha e stadionnan aki . Marmot Marlon, ladron di Jeans y Whiskey a lubida cu su propio partido a vota PRO e mocion 2 di April 2009 pa asina Lotto pa deporte presta 17 miyon di Plant NV un placa destina pa schuldsanering en projecten unda apenas 20 di Juli 2020 Lotto lo paga su promer aflossing. Pues actual esaki no tin ningun afecto ni influencia riba Lotto. Aunke AVP ta inclui e suma aki den nan

desesperacion den e debenan total di Lotto pa aparenta algo cu no ta. Marmot Marlon ladron di Jeans y Whiskey mester prepara su mes mihor si e kier papia di Lotto y no papia disparate den aire mescos cu baca ta basha.

Lotto pa Deporte bao di gobierno di AVP y maneho di Mike de Meza ta sangrando y awor tan a rudia cerca CBN ( Canada) pa tuma Lotto over. Si esaki mester pasa esaki, lo ta un bofta den cara di Arubianonan balente y pueblo lo mester lanta pa para tipo di abusonan asina.


STA. CRUZ -- Varios yamada a drenta na redaccion di Solo ayera pa keha riba e recibonan nobo di awa y coriente. Algun persona a yama WEB cu ELMAR pa asina averigua ta cuanto nan tin cu paga pa e uso di luna di Augustus. Pa sorpresa a bin resulta cu un cas cu no a cambia ningun custumber, ni rutina a

haya 400 florin extra pa paga. Unda pueblo ta bay?

Esaki ta danki na Mike Eman cu a haci fanfaria cu a aumenta e tarifanan cu 12.5 % so, creando impresion cu e ta un ‘gran salavador’ di pueblo. Tin tur indicacion cu pueblo ta cla pa manifesta y cla pa baha Gobierno!

Recibo di awa y coriente ta astronomic o

Ladronicia for di cas naPos Chikito

STA. CRUZ --Dialuna polis a bay na un cas na Pos Chikito pa un caso di ladronicia. Na yegada polis a papia cu e homber W.M. kende a bisa polis cu ladronnan a drenta den su cas. E slot di su sala parti panort a wordo forza. El’a bisa cu e sospechoso a drenta y saca cos for di frigidaire y for di comedor. El’a bay cu un cartera den cual tabatin 500 florin di su casa A.D.D.M. E homber a bisa polis cu nan a bay cu e yabi di su Honda Accord blanco A-34681,cu tabata riba mesa den comedor. Tambe nan a bay cu su auto. Polis a tuma su keho.

Mama a laga dos criatura chikito so den cas

STA. CRUZ -- Dialuna 23:07 polis a bay na un cas na Kust Batterij, unda dos mucha chikito so a keda den cas. Na yegada polis a papia cu e doño di cas, kende a bisa polis cu e muher F.J.P.M. kende ta doño di e cas. El’a bisa cu el’a huur un kamber cu e muher C. kende ta mama di e muchanan. El’a bisa cu diferente biaha C. ta sali bay y laga un mucha di un aña y mey atras, hunto cu uno di tres aña.E muchanan tabata tur sushi na poeiro di laba paña y tabata tin hamber. E doño a bisa polis cu ora cu el’a yega cas, el’a tende e muchanan yora. Ora cu el’a habri e porta, el’a nota cu e muchanan tabata so na cas. Polis a hiba e muchanan warda, pa e mama bay buscanan. Polis a yama e mama, pero e no a coy telefon. Polisnan lo pone Voogdijraad na haltura. E mama despues a bay warda banda di 1:25 di madruga. Despues cu polis a dune un bon scual, polisnan a dune e dos muchanan. Nan a bis’e pa e bay Voogdijraad den oranan di mainta.

STA. CRUZ -- E temporada di Miss Aruba 2011 ta start September y te ainda tin chens pa cualkier dama di edad di 17 pa 23 aña cu ta sinti cu nan tin tur e rekesito pa por ta e digno representante di Aruba y pa representa Aruba den diferente Certamen di Beyesa rond di mundo pa aplica.

Durante e 3 luna, na unda tur e participantenan lo ricibi diferente curso cu lo yuda nan na desaroya nan mes den diferent area. Tur e cursonan lo tin entrega di certificado na final cu lo ta cursonan cu lo yuda nan den futuro cu nan estudio, trabao of cualkier meta cu un participante di Miss Aruba ta

pone su mes su dilanti. Cada participante lo haya training den curso intensivo den cuido di Cara y Make-Up. Tambe lo ricibi guia den cuido di cabey y styling, pasarela, curso di personal development pa asina por siña nan conoce nan mes mihor y con pa ta prepara pa cualkier presentacion den publico, etiquette, fashion y tur otro curso necesario pa por conquista e titulo di Miss Aruba. E certamen di Miss Aruba lo mester waak e mas cu un eleccion di beyeza, Miss Aruba ta un certamen na unda cada participante ta sali transforma y prepara como dama elegante y prepara, unda cu nan ta siña bira dama independiente cu ta respeta nan mes y otro, cu a expande nan conocimento di nan mes mas profundo. Ta haya mas confianza den nan mes y

ta haci cu den futuro nan lo ta candidatanan fuerte pa posicion clave den nos comunidad. Si tin un yiu, famia, amiga of cualkier conoci cu ta pensa cu por ta un candidata ideal pa Miss Aruba por pasa e

informacion cu por inscribi ainda. Mayornan of dama cu kier mas informacion tambe por yama Susanita 731-3377 of Marvel 732-0352, pasa na DressCode na Ponton of email na [email protected].

E di 42 Certamen Annual di Miss Aruba ta start den SeptemberTe ainda tin chens pa cualkier dama di edad entre 17 pa 23 aña pa participa


STA. CRUZ -- Diarazon anochi dia 24 di Augustus RBTT Bank a tene un recepcion riba catamaran pa tur e agencianan di auto di Aruba. Meta di e evento aki tabata pa gradici e agencianan di auto pa

e bon cooperacion di e aña cu a pasa. Riba e potretnan nos ta aprecia personal di tanto e agencianan di auto como di RBTT Bank Aruba N.V. disfrutando di un tremendo ambiente riba e anochi aki.

RBTT BANK A GRADICI E AGENCIANAN DI AUTOCu un tremendo trip riba catamaran

Diarazon Augustus 31, 2011 Pagina 9

STA. CRUZ -- RBTT Bank durante un conferencia di prensa na su oficina principal na Italiëstraat, a anuncia dos tremendo campaña; uno pa prestamo pa auto y e otro pa prestamo personal. RBTT su oferta pa auto ta encera un interes di solamente 9.5% APR, chens pa gana Afl. 3,000 di downpayment riba e auto nobo, mas 30% di descuento riba e seguro di auto. Un oferta sigur hopi bon, cu ta lagabo spaar bo placa. E oferta aki ta valido te cu dia 23 di September 2011. Pa esnan cu mester di un prestamo personal, tambe RBTT tin un tremendo oferta na unda cu tur cu aplica prome cu dia 28 di Oktober lo haya chens pa gana un vakantie riba Cruiseship pa dos persona! Dos tremendo campaña cu ta dunabo e oportunidad di haci bo soñonan realidad cu un

suma mensual hopi abao, descuento riba seguro cu ta lagabo spaar placa y cu chens di gana premionan super atractivo. Sin lubida tambe ta RBTT

su dedicacion na su clientenan pa asina por ofrece un y tur un servicio optimal. Pues pa tur hende cu sea kier un auto nobo of

mester di un prestamo personal, por pasa na su RBTT branch preferi pa mas informacion. E profesionalnan di RBTT lo tey pa guia bo den

cada etapa di bo bida. Ora di aplica corda trece bo ID valido (rijbewijs), dos ultimo payslip y carta di referencia di trabao.

RBTT Bank ta lanza su campaña di prestamo pa auto y prestamo personal “E mihor deal”!

Cu interes super atractivo, descuento riba seguro di auto y chens pa gana premionan grandi!


STA. CRUZ -- Departamento di Asunto Social ta dirigi su mes na tur esnan cu a experiencia e ‘downdraft’ diahuebs ultimo. E daño material tabata basta grandi pero no obstante por descarta e consecuencia riba tereno emocional. Personanan cu a experiencia esaki por encontra diferente kehonan entre otro: 1: Problema pa pega soño y/of drumi bon. 2: Bo por sinti bo mes irita of haya momentonan di rabia. 3: Problema pa concentra. 4: Constantemente den un estado di alerta. 5: Bo por spanta ‘exageradamente’ of fuera di loke ta ser considera normal pa bo persona. 6: E sucedido ta keda ripiti den bo mente (soño) (vooral cerca mucha)7: Bo ta evita tur pensamento, sentimento y conversacionnan cu tin

di e haber cu e sucedido. Loke tambe bo pasa ta cu un trauma asina aki por lanta sentimentonan di otro traumanan di pasado bek. E ariba menciona ta solamente cierto puntonan cu persona por tene cuenta cune. Cada persona (tanto adulto como mucha) ta anda cu situacion den un forma diferente y p’esey ta importante pa pone hopi atencion na bo sentimentonan. Si acaso bo persona tin keho di un (of mas) di e puntonan ariba menciona (y di cual e kehonan aki no tawata existi prome cu e calamidad) ta consehabel pa acerca un profesional pa haya un guia. Tuma contacto cu Departamento di Asunto Social, Oficina Pa Comunidad Noord, situa na Tanki Flip 53A of yama 5870657 pa un cita.

Conseho na tur esnan cu a pasa den e

calamidad na Noord

STA. CRUZ –- Departamento di Asunto Social ta recorda tur su clientenan di bijstand cu tin yiu(nan) of yiu(nan) di crianza cu ta bayendo school cu diarazon 31 di Augustus ta e ultimo dia pa entrega e formularionan di school. Mayornan cu tin yiu(nan) of yiu(nan) di crianza mester busca e formulario na e school na unda e yiu(nan) ta inscribi entrante 16-08-2011. Riba e formulario ey, cu Departamento pa Asunto Social a diseña specialmente pa e ocasion aki, tin un parti cu e mayor tambe tin

cu yena corectamente y firma. E formulario aki por ser entrega na OPC ORANJESTAD : te cu 31 di Augustus 2011, di 7:30 am pa 11:45 am y 1’or pa 4:15 pm, situa na Lagoenweg 11, telefon 5281100.

Ademas mester trece e carnet di cobra bijstand. Por fabor tene na cuenta cu esnan cu no entrega formulario di school prome cu e fecha menciona, entrante September 2011, lo NO ricibi e ayudo mensual di Afl. 200,00 pa yiu cu ta bay school.

Diarazon 31 di Augustus 2011

Ta ultimo dia pa entrega e formulario

di schoolSTA. CRUZ -- Despues di un exitoso premier den Cas di Cultura , Mundo Infantil ta invita tur esnan cu no a busca nan kaarchi pa e show ta special aki , cu nan no por perde e ultimo oportunidad di por waaknan di cerca, saca potret cu nan, papia cu nan y goza di un tremendo show produci pa nos hendenan y cu presentacion di nos artistanan local, nos muchanan di Aruba! Tanchi Esme & Tio George a laga sa cu e muchanan tabata fascina di por a mira nan Superheroënan di cerca y tambe di tur e premionan cu e programa a parti y tambe na final tur loke e comerciantenan a duna e muchanan como regalo pa nan bay cas cune! E kaarchinan pa diahuebs

ta obtenibel na porta di Cas di Cultura , na Cd & More na Cumana , na Angelo’s Photography na Tanki Leendert , Na Tanki Flip 20B of yamando 7409163. Prijs pa kaarchi ta unicamente Afl. 15,00 y tur mucha ta haña un saco di Mangel como regalo ora di bay cas di nomber di Mundo Infantil . Mayornan nos sa cu na Aruba no tin mucho cos

pa nos muchanan y pesey mes ata bo oportunidad pa hiba bo muchanan bai mira un show di calidad. Unda e famia completo por pasa y goza hunto cu e muchanan! Bin mira Spiderman, Wonder Woman, Catwoman , Sheera , Captain America , Batman & Robin, Mr. Incredible y mucho mas superheroe !

Ata bo ultimo oportunidad ! SUPERHEROES ta den Cas di Cultura Diahuebs 1 di September 2011 Ata e regalo pa nos muchanan


Homber sospechoso na nightclubSTA. CRUZ -- Dialuna madruga pa 1:45, polis a bay na Chino Latino, pa un homber sospechoso cu supuestamente lo tin un arma di candela. Na yegada polis a haya e porta cera y e lugar tabata yen di hende. Polis a papia cu e manager di e lugar, O.A.N. naci na Colombia di 31 aña, kende a bisa cu un cliente a paga pa nan por keda habri. Mirando cu e permiso ta permiti solamente pa e keda te 1’or habri, polis a duna e manager un boet y a cera e lugar. Den e lugar tabata tin un cantidad di hubentud turista.

Ladronnan a bay cu auto di lugae di parkeer di hotel

STA. CRUZ -- Dialuna 5’or di madruga, e muher D.R.R B. a bay warda di polis y haci denuncia di ladronicia di su auto. El’a bisa cu el’a para e auto 22’or riba e lugar di parkeer di Marriott y pa 1:30 e auto a disparce. Ta trata di un Nissan Centra color shinishi A-24617. Den e auto tabata tin e blackberry di su ruman homber. El’a haci basta intento pa yama e telefon y na ultimo momento el’a haya contesta di e sospechoso, kende a bise cu el’a laga su auto den mondi na Noord. Polis a tuma su keho.

Directiva nobo di Sindicato di maestro di Aruba SIMAR

STA. CRUZ -- SIMAR tin e grato placer di introduci e miembronan di e directiva nobo di SIMAR. Diabierna pasa, esta dia 26 di Augustus, miembronan di SIMAR a eligi un directiva nobo cu lo fungi como tal te cu fin di April 2012. Diadomingo

e directiva a reuni y unanimamente a dicidi cu ta apunta e miembronan cu e siguiente tareanan: * Sra. Robin-Ann Didder: Presidente. * Sra. Maroeschka Cornelie: V i c e - p r e s i d e n t e , secretaria y segundo tesorero. * Sr. Egberto

Werleman: Tesorero y comisario relaciona cu asuntonan huridico y di enseñanza. * Sr. Roland Tromp: Comisario relaciona cu enseñanza y formacion di docente* Sr. Nelson Petronia: Comisario relaciona cu infrastructura. Mester acentua cu ta prome biaha den historia di SIMAR cu dos dama ta na cabez di e sindicato. Pronto directiva lo tene un rueda di prensa y tambe lo yama un reunion general pa asina presenta e resultado aki oficialmente na su miembronan. Tambe e directiva nobo lo presenta su plan di maneho, cual lo ta uno colegial, transparente y habri, dirigi riba miembronan di e sindicato y cu bista riba un SIMAR riba un nivel mas halto. Un danki ta bay na e presidente saliente, sr. Ireno “Ivo” Valdes y na e dos miembronan di directiva saliente, sra. Aquannette Gunn y sr. Anthony Figaroa pa nan bon trabao cu nan a eherce durante nan temporada den directiva di SIMAR.

Directora di SKOA Ta gradici De Wit Store cu a yuda cu un edificio

pa alumnonan di St. Anna SchoolSTA. CRUZ -- Den un entrevista cu sra. Josette Daal , directora di SKOA a puntr’e e desaroyo pa cu e Sta. Anna School . A punter con lo para cu e studiantenan y na cual school nan ta bay. Sra. Josette Daal a trece un noticia hopi positive dilanti. “ Nos a haya un lugar ofreci na SKOA. Un espacio cu ta carga den careda di 290 alumno”. Sra. Josette Daal kier a gradici De Wit Store cu a yama y ofrece SKOA un lugar pa e alumnonan

por haya les. Ta bezig cu parti di mudamento di e school . Despues di esaki ta bay waak con pa regla e transporte pa e alumnonan. Pa otro siman lo kere cu school habri bek, segun directora di SKOA, sra.Daal. Sra. Josette Daal a comenta cu e edificio cu nan a haya ta un edificio unda antes tabatin oficina di SKOA. Mester bay traha un tiki compact si pero e ta un lugar comodo. Loke ta bon ta cu e edificio no ta den un bario cu mucho trafico.

Desconoci a tira veneno pa cacho na Weg Fontein

STA. CRUZ -- E muher L. a bay warda di polis na San Nicolas y a bisa polis cu desconocirnan a pone veneno pa su dos cachonan. El’a bisa cu dia 25 di Augustus, dos di su cachonan a wordo venena y e mesun dia, el’a mira mas cacho den vecindario, morto. El’a declara cu banda di su cas el’a mira un tayo geel cu algo straño den dje. Despues di algun dia nan a bolbe yena e tayo. E ta pensa cu e tayo a wordo yena cu cuminda y veneno, pa mata e cachonan cu ta cana den vecindario.

Rumannan Felicia ta busca problema cu alumnonan di school

STA. CRUZ -- Dialuna polis a bay na EPB Santa Cruz, pa atende un pelea. Na yegada tur cos tabata trankil. E concierge di e school a bisa polis cu e rumannan Felicia a bin na e lugar y busca problema cu algun alumno di e school. Segun e, den e dianan cu ta sigui, por spera mas problema cu e rumannan Felicia.


Cordia tambe presente na e Mega Fast 5 di Aruba Bank Cu Mega Descuento

STA. CRUZ -- Garage Cordia cual ta un representante di vehiculonan di calidad aki na Aruba, tambe lo ta presente na e grandioso Mega Fast 5 di Aruba Bank na Camacuri diasabra awor 3 di September 2011 for di 5:00 pm pa 9:00 pm. Manera nos comunidad sa e ultimo 7 aña Aruba

Bank a bin ta realiza “Mega Car Sales” y naturalmente Cordia tambe lo ta presente cu su Mega vehiculonan y Mega descuentonan.

Cordia ta e representante exclusivo di vehiculonan di marca Toyota, BYD, Daihatsu y JMC, cual ta wordo bendi door di Cordia cu ta brinda

solamente Mega Calidad. Pasa awe mes na Garage Cordia, aprecia e variedad grandi di vehiculo, escoge esun di bo agrado, pasa na Aruba Bank pa bo pre-aprobacion y core bay cu bo Mega Auto. Probecha di e Mega descuento, calidad y garantia cu solamente Cordia ta dunabo.

STA. CRUZ -- Digital Latin America (DLA) a actualiza e plan di Pay-Per-View (PPV) pa mehora e servicio pa clientenan di Cable Digital. E plan nobo aki ta duna un mihor calidad na e programanan cu mas exito, ofrece mas oportunidad di compra y un mihor experiencia di PPV na su clientenan. E plan ta parti den 4 etapa cual a cuminsa desde di promer di Juli. E plan aki ta encera pa cuminsa na transmiti e programanan riba pantaya hancho, Widescreen (16:9 aspect), y surround audio (Dolby 5.1). Esaki ta significa cu lo transmiti e peliculanan di PPV den e formato destina pa ser transmiti y ta ahusta na cada pantaya di TV di clientenan. Pa motibo

cu canalnan ta birando widescreen y surround audio, DLA mester elimina algun canal pa por haya lugar riba e señal di satelite. Esaki kier meen cu canalnan 101 te cu 114 destina pa PPV lo cambia awor pa 101 te cu 111 entrante promer di September proximo. Desde e siman aki caba clientenan di cable digital por disfruta di e mihor peliculanan transmiti riba e 11 canalnan, manera por ehempel: The Adjustment Bureau, Gulliver’s Travel, Black Swan, Love & Other Drugs, y Justin Bieber: Never Say Never. Pa mas informacion por tuma contacto cu SETAR na 5251700 of bishita cualkier Teleshop di SETAR of SETAR Cable Services.

SETAR conhuntamente cu DLA trahando pa

mehora e experiencia di Pay-Per-View pa cu clientenan di Cable Digital


STA. CRUZ -- Recientemente cu ASF a haci entrega di beca. Tabata tin dos candidato cu no a ricibi nan check. Vanesa Fang Chu tabata na Corsou pa busca su visa di studiante pa Merca. Chelsea Ng

tabata na summer school na Valencia. Como cu e Chelsea tabata falta un papel mas; no a mencione cu e otro becadonan. Chelsea, entretanto, a gradua di Valencia y a drenta UCF pa studia Biology.

Chelsea y Vanesa ya tabata ricibi beca di ASF. Vanesa ta trahando riba su B.Sc. Business na FIU, Florida International University. Su GPA ta casi perfecto, un asombroso 3.92. Aruba Scholarship Foundation

ta spera cu Chelsea y Vanesa sigi cosecha hopi exito den nan estudio. Si bo kier sa mas di Aruba Scholarship Foundation contact [email protected]. Adhunto: Chelsea cu sonrisa grandi di contento cu su

beca y Vanesa ta firma e Scholarship Agreement pa ricibi su check na cas di president di ASF.

Aruba Scholarship Foundation:

Vanesa Fang Chu y Chelsea Ng tambe a ricibi becapa 2011 - 2012

Parokia Santa Anna Noord:

URGENTE!Parokia di Noord, ta adverti urgentemente tur mayor pa tene cuenta cu e situacion peligroso, cu actualmente tin na e Misa di Santa Anna, pa motibo di e cantidad di panchi los cu tin riba e dak. Mientras cu esakinan no ser baha, e peliger ta grandi cu e panchinan aki cu ta completamente los, por cay y herida muchanan di school of daña vehiculonan cu pasa ey banda. Pa e motibo aki Parokia Santa Anna, ta avisa tur mayor y studiante cu ta bay school St. Aloysius y e kleuterschool, cu a cuminsa cu lesnan atrobe, pa no pasa via e cura di misa, pa baha e studiantenan na school. Por fabor usa e entradanan pariba di e school, cu por ser alcanza patras di e school y asina por baha e muchanan cu seguridad pa ora di school mainta y buscamento den oranan di merdia.

NO USA E CURA DI MISA Y NO PASA

BANDA DI E MISA. ESAKI TA PELIGROSO,

PA MOTIBO CU E PANCHINAN POR CAY

FOR DI E DAK.


Santo pa Basha, Santo pa Pleister, Crushed Sand, Piedra, Tera pa Mata,

Graniet. Tambe nos ta Rosa Tereno, Coba Pos y Fundeshi.

ROOI BOSAL 49TEL.: 585-1708 FAX.:585-6299

MADURO HEAVY EQUIPMENT N.V.

STA. CRUZ -- Na tur manera Donkey Melvin riba opdracht di Mike de Meza ta keda purba insulta Husticia na Aruba pa di un manera despropocional pruba pone presion riba Landsrecherche. Melvin kier guia investigacion meintras su caliber ta mescos cu Boracho Zwemdiploma. Donkey Melvin a caba apenas LTS. Awor cu el’a drenta di cabey boto den Staten e kier play touch gay. Un mente chiquito sin estudio cu awor kier purba fit den un zapato grandi. Pesey corectamente e bijnaam DONKEY Melvin ta pas pa su persona. Donkey na Papiamento crioyo ta un BURICO. Pues un Burico bo por sake for di mondi pero mondi BO no por saca for di su cabez. Mike de Meza sinembargo mescos otro ministernan NO mag di critica nada y mester keda papia bunita. Esey ta e afspraak despues cu nan a bira minister. Pueblo mes ta corda con Mike Eman ora e ta den oposicion a yama Eduardi De Veer cu Eduardo ta PUTRI te den su HIGRA. Awor como minister mester papia bunita so. Anto segun un miembro di e team cu ta plantea strategia den AVP a splica cu Mike ta pone algun BURICO rond den Parlamento kendenan toch NO ta

sinti e diferencia di pasa berguenza ora nan papia spectakel. Asina a pone entre otro Donkey Melvin y tambe un tal Velasquez. Un ta grita saca su gal riba Lotto y e otro ta target KIA yamando nan pa appel putri. Adhunto nos ta pone un potret di tata di e famoso Velasquez aki, esta Tico Velasques, coordinador di Mike Eman kende 3 siman pasa a entrega premio na veld di Monserat den un Copa Mike Eman cu e mes a organiza. Waak cu bo propio wowo, tata di parlamentario, Velasquez TUR PISHI ta hole stinki ta parti premio Copa Mike Eman. Mike mes a hala leu di dje e dia ey. Esaki ta e educacion cu e parlamentarionan aki tin. Asina Mike de Meza kende a laga Lotto na

werki den 2 aña ta pone DONKEY Melvin bay pasa berguenza pasobra e no ta comprende toch. Ki ora nan puntre algo Mike de Meza a siñe pa sconde tras di e rapport E&Y. Shonnan, No canta victoria pasobra e cos aki No a caba. Boso a haya un Lotto cu un venta di 42.4 miyon na 2009. Nunca Donkey Melvin No kier menciona e venta di Lotto den 2010 cual por cierto a cay cu casi 50%. Laga tur hende traha y laga Landsrecherche aunke bao presion politico manera PG mes a bisa presion di dos banda di Parlamento y di Ministers. Ora tur cos caba nos lo kier tende boso. Unda e HONDERDEN DUIZENDEN en MILJOENEN cu Mike

de Meza a grita na Juni 2010 den entrevista cu su amo speed a keda? Rumannan Croes tampoco directiva anterior NO a forma parti di Lotto mas desde e tempo cu Mike de Meza a grita esaki asina contento. Dicon Subsidie Commissie NO a ricibi ni un pago mas desde Februari 2011? Tanto Mike a grita cu tin hopi? M&M Mike cu Melvin a lubida di conta pueblo cu Ernst en Young y abogado

Kloes y Luci Herde a tira para riba TUR e honderden duizenden en miljoenen di Lotto? Esaki ta e maneho real. Lotto actualmente NO merece Bo confianza mas. Mike mester baha na awa!!!! E lo bay den historia pa un minister cu a desgracia deporte na Aruba. Awor e ta na rudia prestando placa pa paga premio. Tambe e ta diep diep den e caha di FDA pa purba scapa su imagen. Time will tell!!!!

Mike de Meza no merece confianza di pueblo mas

Lotto pa Deporte na rudia prestando placaatrobe pa paga premio Mientras tin un DONKEY ta grita den desierto


STA. -- Despues cu Santa Rosa a tuma e iniciativa pa cuminsa organiza mercado producto local, esaki a bira un exito y hopi ta e yamadanan cu ta drenta pa puntra ki dia tin e proximo. E biaha aki e Mercado di Santa Rosa lo tuma lugar Diadomingo dia 4 di September, esta proximo Diadomingo. For di comienzo Minister di Turismo, Labor y Transporte su Excelencia, sr. Otmar Oduber a mira e necesidad pa e pueblo di Aruba por tin e oportunidad pa por yega na productonan local facil y mas ainda na un prijs alcanzabel pa su cartera. Esaki a bin ta tumando lugar for di lunanan atras caba y mester menciona

cu tur luna esaki ta bin ta creciendo mas y mas den tanto esnan cu ta participa pa venta di nan producto y como e cantidad di bishitante. Durante e Mercado di Santa Rosa, e pueblo di Aruba por escoge entre un variedad di diferente producto

produci netamente na Aruba. Si papia di cosechanan recien cu tin na Aruba ta entre otro, komkomber di salada, tomati fresco, pinda, batata dushi, Promento, Promente pica, diferente fruta y hopi mas. E carni fresconan cu no ta falta manera Carni Porco,

Cabrito, Carné como tambe pisca fresco. Otro productonan cu tambe ta masha popular ta e diferente boca dushinan manera entre otro, drigidek, Pan Boyo, Bolo di diferente sambor, koeki lerchi cu semper mester tey y hopi otro producto mas, tur traha fresco pa nos bishitantenan por por disfruta. Nos no por laga afor e dushi juice di frutanan fresco cu a bira asina gusta pa nos bishitantenan. Pa esnan cu nos kier cushina e dia aki, lo bay tin standsnan cu cuminda crioyo manera e cabez cu higra, cabrito stoba, filet di pisca, porkchop hasa, sanger yena, kool stoba, Johnny cake cu diferente reyeno. Mayornan y no

mester lubida riba nos chikitinnan paso Santa Rosa tin un lugar cu ta �Cunuco Chabelito� pa nan por bishita y pasa dia mirando tur e bestianan cu tin. Den nomber di Ministerio di Turismo, Labor y Transporte pa medio di su excelencia Sr. Otmar Oduber conhuntamente cu Management Team Santa Rosa ta invita Aruba henter pa haci nos un bishita na Santa Rosa diadomingo awo 4 di September cuminsando for di 9�or di mainta te cu 1�or di merdia pa e afamado �Mercado Santa Rosa” y haya diferente producto local obtenibel. “Sostene nos cultura, practica cria, pesca y agricultura”

Bin bishita nos Mercado Santa RosaDiadomingo awor: 4 di September


STA. CRUZ -- KOMA MODELS ta conoci pa e tremendo proyectonan di moda cu e agencia semper a sa di presenta na Aruba y tambe ariba tereno di modelahe internacional. E agencia ta dedica su mes na descubri y desaroya hobennan local pa asina converti nan den e proximo top modelonan di nos isla. KOMA MODELS ta un agencia di modelahe cu ta entrena e hobennan

cu e selecciona den casting completamente gratis. “Nos agencia ta dedica su mes na descubri, desaroya, entrena y prepara hobennan di Aruba pa asina converti nan den top modelonan di nos isla” ta locual Ronchi De Cuba a duna di conoce. E agencia awor ta buscando hobennan femenino di estatura minimo di 5’ 7” (1.70 Mtrs) cu tin un curpa admirabel, un aspecto fisico atractivo y

un personalidad electrificante. “Modelahe awor no solamente ta conta cu beyeza fisico...mas importante ainda ta e personalidad y actitud di e modelo. Ta pa e motibo aki nos agencia ta pone hopi atencion na e personalidad di e futuro modelonan tambe” ta comentario di Paris Ramsijn di KOMA MODELS. Hobennan femenino cuminsando na edad di 15 aña por pasa libremente

na TRASH BY RONCHI pa registra y asina forma parti di e casting cu lo tuma lugar dia 16 di September proximo. Participacion na e casting ta completamente gratis. KOMA MODELS tin diferente proyecto grandi planea pa 2012 y ta pa e motibo aki ta realizando un busqueda di modelonan pa asina trece mas variacion den e modelonan cu actualmente e agencia ta representa. KOMA MODELS ta representa e modelonan mas espectacular di Aruba y ta goza di contactonan internacional sin igual. E agencia tin amistad profesional cu otro agencianan di renombre mundial manera e.o. Wilhelmina Model Management (New York), Elite Models (New York), Ford Models (New York), Next Model Management (Miami), Angels Model Management (Paris), ProMod (Alemania), Premiere Model Management (London), Soul Model Management (New York), Megga Models (Miami), MC2 Model Management (Miami), Marilyn Models (New York), Joy Model Management (Sao Paolo), Sight Model Management (Barcelona) y hopi mas. Ta invita tur hoben femenino cu ta cay den e categoria di requisitonan menciona pa nan pasa inscribi awe mes na TRASH BY RONCHI. Pa mas informacion por yama 582-6632 y cu gusto lo contesta cualquier pregunta.

KOMA MODELS TA BUSCANDO MODELO NOBO !E agencia ta buscando Hobennan femenino cu kier bira top models


CONGRESO DI MEP 2011

Pagina 18 Diarazon Augustus 31, 2011Pagina 11Diamars Augustus 30, 2011

Gerencia di “Hyatt Regency Aruba” awor kier trata na intimida Sindicato tambe

NO POR !!!!!!!!!!!!!!STA. CRUZ -- Awor cu e dia di “referendum” ta cerca, esta 1 di September 2011 gerencia di “Hyatt Aruba” ta trata na intimida e Sindicato S.T.A. Despues cu S.T.A. a publica un articulo den corant caminda e sindicato a trece solamente algun di e abusonan cu ta pasando na dicho hotel, gerencia di Hyatt kier prohibi directiva y delegadonan di S.T.A. entrada den dicho hotel lubidando cu ya S.T.A. a gana e referendum pa e departamentonan di cushina y mantenimento. Gerencia di Hyatt ta violando acuerdo- y reglanan di “International Labor Organization”. Locual cu gerencia di dicho hotel no sa ta cu e actual presidente di S.T.A. tambe a traha den hotel y tempo cu el’a cuminsa na aña 1977 na “Aruba Caribbean Hotel” ni e actual hefe di recursonan humano cu ta

papiando malo di dje no tabata ni naci pior ainda e gerente general cu tambe ta hibando un campaña di mentira tampoco no tabata ni conoce Aruba. E actual presidente e tempo ey a drenta como “Receiving clerk” pa despues tuma amplio experencia den “F&B” y sigui pa “Accounting”. Asina ta e sa bon kico ta come cu bebe den un hotel y no manera sra. Tromp ni manera sr. Hoffman ta pretende cu e no sa nada di hotel. Pa cu e referendum di dia 1di September 2011 hefe di departamento di recursonan humano a haci palabracion cu presidente di S.T.A. pa topa cune dialuna 22 di Augustus 2011 pa ricibi y reparti e invitacion nan pa e empleadonan cu tin derecho pa bay vota dia promer di September. Lamentablemente S.T.A. ta ricibi un carta for di sra. Tromp den cual e ta bin cu e storia cu directiva

di S.T.A. lo tin intencion di crea un problema den dicho hotel, riba e fecha ey locual ta un mentira flagrante y ta miedo e tin pa laga e sindicato enfrenta e trahadornan conhuntamente cu nan cara cara pa e ora ey tur empleado haya sa kende ta e gañado y ta kende tin cos di sconde.Gerencia di Hyatt no por priva e sindicato di tin acceso na dicho hotel pasobra si nan haci’e nan lo haya problema serio cu “International Labor Organization”. Si S.T.A. a publica cu tin trahador ganando 7,12 florin pa ora cu 20 aña di servicio pasobra S.T.A. tin prueba. Ora S.T.A. a sinta cu gerencia di Hyatt na mesa conhuntamente cu mediador di gobierno directiva di S.T.A. a propone pa laga mediador traha un protocol na cual ambos partido lo mester a atene nan mes. Lamentablemente gerencia di Hyatt a

nenga rotundamente pa mediador haci esey. PAKICO????? Simpel pasobra cu un protocol bo no por intimida ningun trahador mas y esey ta hustamente locual ta haci nan dolor, nan kier sigui intimida y trapa e derechonan di e humilde trahador. Otro cos cu e hotel ta haciendo daño cune ta e dia nan di pago pa quincena cual nan mester ta dia 5 y dia 20 di cada luna. Nan a bira cambi’e esaki prehudicando e trahador. Extra off sin consulta perhudicando entrado di e trahador nan y tin mas cos cu ta perhudicando e trahador. Cu e trahadornan ta perde nan derecho nan actual esta “derechonan adquiri”(verkregen recht). Si e sindicato drenta tambe ta un mentira di marca mayor. Un derecho adquiri no por wordo kita sin mas. E empleadonan cu a traha bao di palapanan

den e santo blanco for di mey 2007 te cu November 2007 tambe a wordo lubida. Nan a wordo usa manera esclavo y kico tabata nan danki ????????????? S.T.A. ta haci un apelacion na tur e empleado nan cu tin derecho di voto dia 1 di September 2011 pa haci uso di dje. No laga ningun gerencia intimidabo y lo bo mira e diferencia.Na tur cu ta traha na e departamento nan di “Palms”, Recreation” y “Landscaping” corda cu bo mester tin un I.D. valido sea Cedula Paspoort of Rijbewijs. No tene miedo bay vota despues di boso nan lo sigui e otro departamento nan cu ya ta yenando formulario di miembrecia. Ban gana atrobe pa mustra gerencia cu e trahador tambe tin derecho. Corda “BAY VOTA” !!!!!!!!!!!!!!!!!!!!!!!

Den nomber di directiva S.T.A.

Grupo di hoben a maltrata Chines

STA. CRUZ -- Diabierrna 1’or di madruga, polis durante patruya den B.v.d Veen Zeppenfeldstraat, ta wordo para pa un homber, Q.L di 37 aña. E tabata fuertemente bao influencia di alcohol y hunto cu e homber Z.Z. El’a declara cu el’a wordo ataca y maltrata pa un grupo di hoben. Segun su declaracion e hobennan ta color scur y bisti na preto. L. no por a duna ningun otro declaracion, debi cu e tabata bao influencia y no por papia of compronde ningun otro indioma. Polis a core cune den caya, pa e por mustra e sospecosonan, pero sin resultado. Tur dos a wordo hiba nan cas y a hiba su pickup su cas. E famia a bisa cu den oranan di mainta nan lo bay dune keho.

STA. CRUZ -- Den otro medio di comunicacion ta para cu menos di 10% di votadornan di MEP a eligi e lider. Nos di Solo di Pueblo kier bisa lo siguiente. Mike Eman di AVP a wordo eligi door di ,000000000000 00000 00000000000 0 0 0 0 0 0 0 0 0 0 0 0 0 0 0 01% p r o c e n t di e votador y/of sostenedor nan di AVP. Mike a wordo eligi door un persona o sea su ruman homber Henny. Con hende nan di AVP tin corahe di bisa cu 10% so a vota pa Evelyn, siendo cu den AVP ta famia Eman ta dicidi ken ta bira lider. Cu nos sa den historia

di AVP nunca tabata tin eleccion di lider na unda tur persona por vota. Semper ta famia Eman ta dicidi. Tempo cu Tico Croes a bira Lider di AVP - e ex- ministro corupto di Aruba - esey a wordo orquestra pa e faya pa asina su ruman chiquito Mike (mihor conoci como pinochio) tuma timon y sigui destroza e pais aki. Esaki a bay

via eleccion? No! AVP ta e partido na unda e ruman pa ruman ta dicidi ken ta bira lider. Den MEP tin competencia, bo por ta Giel, Croes, Wever y Thijsen etc. Nos di Solo di Pueblo por conclui a base di e entrevistanan cu mi a haci cu esaki tabata e congreso di mas exitoso cu MEP tabata tin den su historia.

Ni tempo cu Nel a competi cu Rudy tabata tin asina tanto hende manera diadomingo cu a pasa, esaki ta evidente un refleho cuanto hende ta rabia cu e gobierno di AVP aki.

STA. CRUZ -- E topico di e siman aki ta e lider nobo di MEP, sra. Evelyn Wever-Croes. Tur caminda por tende di reaccionnan positivo pa e lider y e partido. Un congreso cu a kibra tur espectativa pa e asistencia masal di e lidernan di bario y militancia geel. Tur medio a trece dilanti cu e congreso tabata uno hopi grandi. Tin medio a skirbi cu mas di 4000 persona a asisti na e evento magno aki di partido MEP. Mester bisa acerca cu despues di 9’or di mainta cu e portanan di e ballroom a habri, e lidernan di bario y miltancia geel a cuminsa yega na e

congreso. Un programa bon hinca den otro unda a cuminsa cu e parti di apertura, discursonan, parti administrativo, presentacion di candidatonan y eleccion, presentacion vision di partido, motivacion, homenahe na Lider Fundador Betico Croes q.e.p.d y Lider saliente sr. Nelson Orlando Oduber, documentarionan y presentacion Grupo di Betico. E programa a dura casi 8 ora y e sala a keda completamente yen henter dia. Desde oranan tempran tabata tin rijnan largo di hendenan pa por drenta e congreso y haci uso di nan derecho di voto. Tanto na radio como den pueblo por a tuma nota di un cantidad di felicitacion y reaccionnan expresando nan satisfaccion y reconocimiento pa sra. Evelyn Wever-Croes. Tur caminda ta ser bisa cu e lider nobo a trece un aire fresco den e partido geel. Por sinti un dinamismo y positivismo ta reina den e partido como tambe den e militancia di e partido geel. E lider nobo di partido MEP, mr. Evelyn Wever-Croes ta un comienso di un era nobo den politica Arubano, como tambe ta crea speranza pa un mihor future pa henter e pueblo Arubano.

Hopi reaccion positivo y di speranza pa e lider nobo di MEP:

POR SINTI UN DINAMISMO Y POSITIVISMO DEN E PARTIDO GEEL Y DEN

PUEBLOLider nobo mr. Evelyn Wever-Croes:

Comienzo di un era nobo den politica Arubano!

MIKE A WORDO ELIGI LIDER DI AVP DOOR UN SOLO PERSONA: SU RUMAN HOMBER HENNY!!!!!

Den MEP si tin democracia


STA. CRUZ -- Dr. Horacio E. Oduber Hospital conhuntamente cu nan Team di calamidad, mihor conoci como HVT’ers, ta organiza “Aruba’s 1st Safety and Security Conference”den cuadro di celebracion di nan prome lustro di existencia. E conferencia aki lo tuma lugar dia 13 y 14 di Oktober proximo na Aruba Renaissance Convention Center. Desde 2006 Hospital tin un Team di Calamidad cu por actua den casonan di calamidad. E team di calamidad aki por yuda paga candela chikito, y por duna ayudo di prome auxilio. Tambe nan t’ey presente na momento di evacua pashent y duna instruccion na

personanan cu por ta den e edificio ainda. A selecta e miembronan for di diferente sector di Hospital cu e meta pa 24 ora pa dia, 7 dia pa siman, tin miembro di e Team di calamidad presente den e edificio. E miembronan di HVT ta entrena riba tereno di prevencion, represion y situacionnan di calamidad. Mirando cu dia pa dia e atencion y necesidad pa siguridad den organizacionnan na Aruba ta subiendo, Hospital conhuntamente cu e team di Calamidad a tuma e iniciativa pa organiza e “Aruba’s 1st Safety and Security Conference” akinan na Aruba. Lo tin oradornan di Aruba, Corsou y tambe di Hulanda.

Nan lo toca temanan manera siguridad den bo ambiente di trabao y tambe den areanan publico. Tambe lo papia tocante e responsabilidad y debernan di un Team di calamidad y kico e ta significa pa ta un voluntario di un Team asina. No por keda sin menciona cu lo pone atencion riba con pa coordina e plan di emergencia di bo organizacion cu e plan di emergencia di Aruba. Asina ta no perde e gran oportunidad aki y inscribi pa e “Aruba’s 1st Safety and Security Conference”. Inscripcion ta solamente $100,= si inscribi prome cu 30 di September proximo. Durante e siguiente simannan lo anuncia e nombernan di e diferente oradornan cu lo t’ey presente. Pa mas informacion acudi e website di Hospital www.arubahospital.com na unda por “download” e formulario di inscripcion, of yama Hospital y pidi pa Rachelle Roos of manda un e-mail na [email protected].

Celebrando 5 aña di existencia cu oradornan internacional

Team di Calamidad di Hospital cu “Aruba’s 1st Safety and

Security Conference”

☎ 585-9500

PUEBLO A HAÑA SU PEN BEK

Pa kualkier [email protected]

of

STA. CRUZ -- Diadomingo cu a pasa, esta Augustus 28, e campeonato di tur aña a continua na Aruba Jrs. Ballpark. E marduga aki un awecero formal a cai na Playa cu lamper y strena. E sector di Aruba Jrs. L.G. cu ta cuida y mantene e tereno ya cu salida di solo a traha riba e veld y hacie hugable aunque e weganan a cuminsa un poco mas laat cu custumber. Tur team a mustra comprencion pa naturaleza y tur 5 wega por a continua. Den e prome partido Astros Balashi Chill a gana La Moderna Sluggers 10 pa 5. Den di dos partido Aruba Jrs. General Store-L.G. a triunfa riba Budlight Braves cu e score di 5 pa 2. San Nicolaas Movers a knock-out Marine Dolphins 12 pa 5. Den un wega hopi preta Infinity Classics ta gana di Racqueters m.n.o. Vervat 2 pa 1. Den e ultimo partido di dia Surprise Home Sweet Home Real

Estate ta gana di Old Parr Boomerang cu e score di 10 pa 2. Diadomingo awor e campeonato ta continua cu e siguiente partidonan: 9.30 am. Aruba Jrs. General Store-L.G. ta subi tereno contra di Infinity Classics. 11.00 am. Racqueteers m.n.o. Vervat vs. Old Parr Boomerang. 12.30 Astros Balashi Chill vs. San Nicolaas Movers. 2.00 pm. La Moderna Sluggers ta enfrenta Surprise Home Sweet Home Real Estate y pa 4.00 p.m. Budlight Braves vs. di Kenro Jewelers Vets. Nada no ta dicidi ainda ta cua teamnan lo bay final y bay cu e trofeo “Clasico Luis Swaen 2011. Tur cos ta posibel ainda y esey ta haci e torneo aki mas interesante ainda. Tur hende ta bon bini na Aruba Jrs. Ballpark Diadomingo pa presencia bon partidonan di softball y disfruta di bon musica y bar y cushina a la Aruba Jrs.

Resultado “Copa Clasico Don Luis Swaen 2011” y weganan pa

diadomingo awor

Pagina 4 Diasabra Maart 26, 2011

Awe cu un programaEspecial

STA. CRUZ -- W.E.B. Aruba NV, di e forma aki, kier a informa consumidornan riba algun desaroyo global cu na e momentonan aki ta tumando lugar y cu tin un efecto grandi riba e prijs di Fuel Oil y cu lo por tin

consecuencianan severo pa WEB y pa e tarifa di awa y coriente. Desde Oktober aña pasa, gerencia ta siguiendo e desaroyo di e prijs di Fuel Oil di cerca como cu desde e tempo ey ya caba esaki a cuminsa

aumenta gradualmente. Remarcabel ta cu den ultimo tres luna e ta aumentando drasticamente. Esaki tin di haber cu e desaroyonan mas recien den Medio Oriente, principalmente na paisnan manera Libia, Egipto y Bahrain tambe incluyendo Iran, Tunisia, Oman. Esakinan a crea un desbalanza total den e region cu awor aki ta causando e efecto no desea aki. Den e grafico aki bao por mira con e prijs di Fuel Oil a desaroya desde Oktober di aña pasa y specificamente durante e ultimo cinco luna. Prome

cu Oktober e prijs tabata bastante stabil y despues di Oktober e aumento ta gradual. Durante e ultimo tres luna si tin un aumento drastico den prijs di Fuel Oil di alrededor di US$ 80 pa bari na Januari pa casi US$ 100 pa bari na Maart. E aumento aki ta sumamente alarmante y p’e motibo aki WEB ta informa pueblo riba e posibel consecuencianan severo pa WEB y consecuentemente pa tarifa di awa y coriente. Manera ta conoci, e prijs di Fuel Oil tin un relacion directo cu e prijs di awa y coriente, Fuel Oil ta

representa mas cu 70% di e gasto operacional pa produccion di awa y coriente. Cualkier aumento drastico den e prijs di Fuel Oil tin un efecto similar riba e gasto di produccion di awa y coriente. WEB ta sigui e desaroyo aki diariamente y ta spera cu e lo no persisti y cu e prijs di Fuel Oil cay bek na e nivel mas abao ariba menciona riba cual e tarifa actual di awa y coriente ta basa. Si esaki no pasa e ora WEB lo por hay’e forza pa adapta e tarifa di awa y coriente adecuadamente cu siguramente no ta desea.

Balashi 76, P.O. Box 575, Oranjestad, Aruba Tel. : (297) 525-4600 Fax: (297) 585-7681

COMUNICADO DI PRENSA WEB ta informa riba desaroyo global y efecto riba prijs di Fuel Oil

Aumento den prijs di Fuel Oil ta alarmante y lo por tin consecuencianan severo Oranjestad – W.E.B. Aruba NV, di e forma aki, kier a informa consumidornan riba algun desaroyo global cu na e momentonan aki ta tumando luga y cu tin un efecto grandi riba e prijs di Fuel Oil y cu lo por tin consecuencianan severo pa WEB y pa e tarifa di awa y coriente. Desde october aña pasa, gerencia ta siguiendo e desaroyo di e prijs di Fuel Oil di cerca como cu desde e tempo ey ya caba esaki a cuminsa aumenta gradualmente. Remarcabel ta cu den ultimo tres luna el a aumentando drasticamente. Esaki tin di haber cu e desaroyonan mas recien den Medio Oriente, principalmente na paisnan manera Libia, Egipto y Bahrain tambe incluyendo Iran, Tunisia, Oman. Esakinan a crea un desbalansa total den e region cu aworaki ta causando e efecto no desea aki. Den e grafico aki bao por mira con e prijs di Fuel Oil a desaroya desde october di aña pasa y specificamente durante e ultimo cinco luna. Prome cu october e prijs tawata bastante stabiel y despues di october e aumento ta gradual. Durante e ultimo tres luna si tin un aumento drastico den prijs di Fuel Oil di alrededor di US$ 80 pa bari na Januari pa casi US$ 100 pa bari na maart. E aumento aki ta sumamente alarmante y p’e motibo aki WEB ta informa pueblo riba e posibel consecuencianan severo pa WEB y consecuentemente pa tarifa di awa y coriente.

Manera ta conoci, e prijs di Fuel Oil tin un relacion directo cu e prijs di awa y coriente, Fuel Oil ta representa mas cu 70% di e gasto operacional pa produccion di awa y coriente. Cualkier aumento drastico den e prijs di Fuel Oil tin un efecto similar riba e gasto di produccion di awa y coriente. WEB ta sigui e desaroyo aki diariamente y ta spera cu e lo no persisti y cu e prijs di Fuel Oil cay bek na e nivel mas abou ariba menciona riba cual e tarifa actual di awa y coriente ta basa. Si esaki no pasa e ora WEB lo por hay’e forsa pa adapta e tarifa di awa y coriente adecuadamente cu siguramente no ta desea.

WATER‐ EN ENERGIEBEDRIJF ARUBA (W.E.B.) N.V. 25 di maart, 2011

Kelvin Augustin Relacionista Publico

e‐mail: [email protected] website: www.webaruba.com

cell: 592‐7794

1

WEB ta informa riba desaroyo global y efecto riba prijs di Fuel Oil Aumento den prijs di Fuel Oil ta alarmante y lo por tin consecuencianan severo

Diasabra awor Interes di Pueblo ta sali ranca cu su lider nobo di MEP, sra. mr. Evelyn Wever Croes den un forma agresivo y asina e lo keda tambe durante e proximo añanan venidero. Lider di MEP, sra. mr Evelyn Wever - Croes lo splica di e Congreso 2011 y su prome siman di trabao como lider di partido MEP..

Den 2a tanda docente di school, sr. Ruben Werleman, ex-director di Augustinus College Mavo lo elabora ariba su experiencia- y desaroyonan den enseñanza y su reto nobo. Pues un programa sumamente interesante.


STA. CRUZ -- Fundacion Movimento ta Bida ta trece na conocemento di amantenan di deporte y movecion cu dianan 12 pa 18 di September lo bay organisa e di dos Weganan Nacional pa Hende Grandi 60+ dedica na un baluarte di nos deporte Jani Brokke.Nos meta primordial ta pa brinda tur hende – y teamnan deportivo e oportunidad pa participa na un torneo deportivo y di e manera aki promove y stimula pa keda activo pa bida pa asina tin un mihor calidad di bida.Ademas di ta un actividad fysico e torneo deportivo tin un caracter social y ta sirbi como un fuente pa topa cu otro hende grandi. Di e forma aki Fundacion Movimento ta bida ta concientisa personanan di 60 aña y mas tocante e posibilidadnan deportivo

cu Aruba tin pa ofrece y alaves stimula nan pa move. E intencion ta pa traha den cooperacion cu otro gruponan deportivo.E proyecto deportivo aki ta ensera weganan deportivo durante un siman den ramonan manera Softball cu 4 team, Futbol cu 4 team, Volleyball cu 2 team, Badminton cu 12 inscripcion, Tennis cu 60 participante, Bowling cu 30 participante, Biljart inscripcion ta continua , Atletismo 2000m canamento lihe of coremento den categoria 60-64 aña; 65-69 aña; 70-74aña y 75+ y Domino pa pareha. E meta principal di e proyecto ta pa stimula participantenan pa sigui practica deporte teniendo na cuenta tur e disciplinanan deportivo accesibel pa hendenan di 60 aña y mas. Aña pasa

a cuminsa cu 5 deporte pero mirando e interes grandi a amplia esaki cu 4 deporte mas cualnan ta Altetismo, Volleyball, Badminton y Domino.E coordinador di e proyecto aki ta señor Rudy Leysner di Fundacion Movimento ta Bida. E ta encarga pa organisa e torneo desde su inicio te fin, ehecuta y termina e plan, cu colaboracion di liganan deportivo y tambe cu coordinadornan individual y demas partidonan interesa. Ayudo di voluntarionan tambe ta hopi importante. Pa participacion na e torneo deportivo aki of pa mas informacion, instructornan individual of personanan interesa por tuma contacto cu señor Rudy Leysner na 5942546 of email [email protected].

II Weganan Nacional 60+Jani Brokke Memorial

☎ 585-9500

PUEBLO A HAÑA SU PEN BEK

Pa kualkier [email protected]

of


STA. CRUZ -- Infinity Sport Baseball Team 5/6 - Giants rumbo pa Intercambio di Baseball na Curacao.E team di e chikitin nan cu ta nos futuro grandes liga nan ta trahando duro pa recauda fondonan necesario pa bai hunga baseball na hermana isla Curacao. E organisacion di The Giants Baseball Organization ta sigi kere den e chikitin nan aki y ta percura pa tur cos cana bon. Infinity Sport Baseball Team di edad 5-6 ta organisa un rifa di solamente 5,00 pa

ticket cu cada mucha por jega asina na cubri ticket di avion, airport tax, y estadia nan Curacao durante e weekend di 30 di september pa 2 di october benidero. Na Curacao nan lo ta hungando varios partido cu organisacion di Trai Seru bao di guia di Sr. Lando Chirino y tambe lo ta hungando contra St. Maria Baseball Organization bao di guia di Frank Curiel y Vernon Isabela. Esaki lo ta e prome salida cu e team aki lo ta sirbi nan como experencia pa cuminsa

bai den direccion di Travel Team Infinity Stars 6U. Un danki ta bay pa tur e sponsorsnan cu a aporta manera Radisson, Crown, TGI Friday’s, Kristie’s Jewels, I- zone internet café y Interprint. Pueblo di Aruba semper a juda tur organisacion y e muchanan aki tambe merece boso cooperacion pa nan cuminsa y sigi tene nomber di Aruba na halto den exterior. Pa mas informacion por jama oficina di Giants na 588-0578.

PR Infinity Sport 5-6 rumbo pa Curaçao

STA. CRUZ -- Directiva di AVB ta jama tur e hungadornan di seleccion nacional di Aruba pa inicia cu training di seleccion pa prepara pa COPA ABCS cual lo tuma lugar na Suriname dianan 22 – 24 september 2011. E trainingnan lo tuma

lugar tur diaranson cuminsando 7:30 PM na Stadion Frans Figaroa. Directiva di AVB ta conta riba presencia di tur e hungadornan pa sina e seleccion bai bon prepara pa e compromiso na Suriname.

YAMADA NA TUR HUNGADOR DI

SELECCION NACIONAL

STA. CRUZ -- Diadomingo 4 di september 2011, ta tuma lugar e grandioso careda di Turibana 10-k.Un careda cu durante añanan a sa di haya su popularidad den pueblo di Aruba.Pa tur esnan cu ta desea di participa na e grandioso evento aki, esaki ta bira e ultimo siman cu por inscribi.Inscripcion ta costa 15 florin pa persona.Premiacion pa coremento: masculino 14-19 aña, 20-29 aña, 30-34 aña, 35-39 aña, 40-44 aña, 45-49 aña, 50-54 aña, 55-59 aña y 60 aña pariba.Femenino: 14-19 aña, 20-29 aña, 30-39 aña y 40 aña pariba.Premiacion pa canamento: tanto

masculino y femenino tin premio pa e prome cinco lugarnan.Ruta di e careda: salida lo ta na ex Panaderia Del Campo na Turibana, bay direccion zuid pa Boegoeroei te na e rotonde di Tanki Flip, Aki ta lora na man robez y ta sigui riba e caminda principal di Tanki Leendert pa rotonde di Paradera sigui pa Piedra Plat direccion luz di trafico na Santa Cruz y termina na Centro Deportivo Betico Croes.Pa mas informacion tocante e grandioso evento aki, por tuma contacto cu Sr. Tico Luidens na telefoon 582-4987 durante oranan di oficina.

“Turibana 10-K ta priminti di ta grandi

un biaha mas”

STA. CRUZ -- Skol di Natacion Ban Progresa ta participa na tur su alumnonan y nan mayornan y tambe na tur interesadonan ( hoben y adulto ) cu Diasabra awor dia 3 di september 2011 lesnan di landamento pa e aňa escolar nobo ta cuminsa. Manera ta custumber e lesnan ta tuma lugar na Piscina Olimpico Roly Bisslik na Savaneta. Orario di lesnan ta lo siguiente:

• 9:30 am – 10:15

am : Adulto, Diploma E y F .

• 10:20 am – 11:05 am : Diploma A, B, C, y D .

• 11:10am – 11:55 am : Principiante, Avansado.

Tur esnan cu ta interesa pa cuminsa of continua cu zwemles ta cordialmente bon bini na Piscina Olimpico Diasabra awor, dia 3 di september 2011 desde 9:30 am.Nos email adres ta: [email protected]

Les di landamento


STA. CRUZ -- Diadomingo ultimo tabata tin ariba tereno di Flatstone e apertura di e torneo di Softball “Copa di Bario Santa Cruz” cual a wordo dedica na e legendario Crismo Angela. Tur esaki como muestra di aprecio pa tur loke Crismo a haci pa e deporte. For di mannan di sr Tico Loopstok sr Crismo a ricibi un plakaat como recuerdo den compania di John

Laurence y Rock Angela. E resultadonan ariba e prome dia ta como lo siguiente:. 1e wega: Macuarima 4- Ayo/Daimari 0; 2do wega: SeroPavia 11- Piedra Hooi 9; 3er wega Papi Grandi 12- Rooi Bosal 1, 4rto wega: Bali Jan 7, Jamasa 0 (default) 5to wega, Wara bo pica 4- Paradera 3. Diadomingo dia 4 september e weganan ta continua ariba

tereno di Flatstone na Piedra Plat: 10:00 am Papi Grandi vs Sero Pavia, 11:45 am Wara bo Pica vs Sta.Casura, 1:15 pm Macuarima vs Bali Jan. 2:45 pm Ayo/ Daimari vs Jamasa y por ultimo pa 4:15 pm Rooi Bosal vs Piedra Hooi. Tur amantenan di softball ta keda cordialmente invita pa bin presencia y apoya bo ekipo preferi.

APERTURA COPA DI BARIO SANTA CRUZ DEN SOFTBALL


STA. CRUZ -- Specialmente nos hobennan pa un evento, na Caminda pa Youth Explosion Aruba 2011. Esaki ta tuma lugar diasabra 3 di September 2011, na Centro (club) Caiquetio na Paradera y lo ta di 7:30 – 10 p.m. E anochi aki lo ta uno di canto, goso, dinamica y baile, pa trece tur hoben y hoben-adulto den e ambiente di e 19 conferencia di Youth Explosion. Tema di e anochi aki ta: “Mi tin un chance?! Durante e anochi aki lo tin na benta e carchi di entrada pa e conferencia di Youth Explosion, cu lo tuma lugar dianan 16, 17 y 18 di September 2011. Tambe tin oportunidad pa tur participante por inscribi di antemano, pa asina haci e registracion dia 16 di September, bai

mas liher. E anochi aki tambe nos lo anuncia ken ta nos invitado special pa e conferencia di Youth Explosion cu e aña aki tin como tema: “P’esey comberti y keda na bida.” – Ezekiel 18:32. Pa e anochi aki, bar y cushina lo ta bon surti cu Aros con pollo, Johnny Cake cu Bakalow, Sopi, pastechi, croquette, softdrink, juice y mucho mas. Pa yuda cu e gastonan di e conferencia. E entrada pa e anochi aki ta gratis, djis yega cu un curason habri y un sonrisa. Manera tur aña na e conferencia, diabierna anochi ta habri cu un “play”. Pa e biaha aki nos ta cuminsa cu e prome parti di e play diasabra awor, 3 di September, na Centro Caiquetio y e di dos parti e participantenan ta wak diabierna dia 16 di

September na e apertura di e conferencia. Pues nos ta anima tur hoben y hoben-adulto cu kier participa na e conferencia pa yega diasabra awor na Club Caiquetio pa nan inscribi di antemano, pa nan wak e prome parti di e “play” y pa haya sa ken ta nos invitado special pa e conferencia. Pa mas informacion por manda nos un e-mail: [email protected] of por comunica cu nos via facebook: Mhca Aruba. Pues tur hende ta keda cordialmente invita pa bin y gosa den Señor, pasobra e legria di Dios, ta nos fortalesa. Dios bendiciona boso y nos ta warda boso, diasabra 3 di September 2011, 7:30 p.m. @ Centro Caiquetio, na Paradera. HOBEN DIOS TA YAMA BO, BO TA CLA PA SU AMOR?

Stichting Ministerio di Hoben Catolico di Aruba, ta invita e pueblo di Aruba

en general

STA. CRUZ -- Despues di un tremendo presentacion na Arubadag 2011 y tocanan rond Hulanda, e banda di Arubianonan residencia na Hulanda esta Furia no a para keto e zomer aki. Ademas di ta druk bezig den studio cu grabacion di nan single, e integrantenan a sigui cu nan training pa loke ta trata tocanan grandi cu ta na caminda. Diahuebs 1 September tin e concierto na unda cultuurbureau ACKU ta welcome e studiantenan nobo di Den Haag. Riba escenario principal e atardi aki e banda Arubano Furia lo ta presente. E evento ki ta un concierto publico. Na Den Haag ta biba mas di 30.000 studiante. Sigur lo ta di spera un atardi basta druk den centro di Den Haag y sigur cu bon musica di e banda Furia y otro artistanan invita. Arubianonan residencia na Hulanda ta wordo invita pa tey na Lange Voorhout Den Haag. Pa 5’or di atardi Furia lo ta riba e mainstage pa delita tur e studiante nan presente cu nan varacion musical manera ta nan custumber. E evento aki mes lo cuminsa 3’or di atardi y termina pa 11’or di anochi. Di

parti e management di Furia por a comprende cu e preparacion pa e presentacion na e magno evento aki ta den full swing. Integrantenan ta trahando duro pa duna nan maximo riba escenario y demostra cu for di Aruba tambe tin hopi talento. Furia lo bin cu un set bon varia. Manera semper ora di concierto nan grandi Furia lo feature un artista conoci den su frontline. Mane por a mira na Arubadag nan tabata tin como gueststars ‘Pugistix’ di K liber y tambe e conocido cantante ‘Z-Qo’. E biaha aki no ta un excepcion. Sigur Furia lo bin cu un artista conoci atrobe den su frontline. No ta keda otro di invita e comunidad Arubano, specialmente e studiantenan residencia na Hulanda pa bin presencia e concierto aki. Pa 5’or di atardi Furia lo ta riba escenario principal. Pa mas informacion di e evento aki por waak e website http://www.acku.nl/index.php

Furia lo welcome e studiantenan di

Den Haag


STA. CRUZ -- Dialuna

22 y diamars 23 di Augustus ultimo Instituto Pedagogico Arubano (IPA) a tene su Mercado di Mihor Practica y Idea. E mercado aki ta brinda e personal di IPA e oportunidad pa comparti e productonan innovativo cu nan a

desaroya durante e aña academico anterior cu nan coleganan y cu e futuro maestronan. Un total di 18 docente y personal di sosten a participa na e mercado aki. Algun di e productonan y ideanan cu tabata presente ta: 1. Literatura infantil y

hubenil, Lesamento inicial, Promocion di lesamento (area di formacion Idioma y Comunicacion), 2. Proyecto Coaching pa maestronan, 3. Curso Remedial Teaching Voortgezet Onderwijs ( D e p a r t a m e n t o Nascholing), 4. Proyecto Scol di mañan, 5. Esencia di un charla comunitario, Con pa publica y presenta dilanti un conferencia internacional, Con pa documenta y registra na un manera consciente (Centro di Investigacion y Desaroyo di Enseñanza), 6. Mercancia y material di informacion di IPA (Bureau Voorlichting), 7. IPAMoodle: online leren en informatievoorziening, 8. IPABILIDAD y Arte Visual (sector Arte). Durante e mercado henter e comunidad di IPA por a haya informacion tocante e producto- y actividadnan ariba menciona. Tambe tabatin oportunidad pa intercambia idea encuanto renovacion, cambio y mehoracion na IPA.

IPA su mercado di Mihor Practica y Idea tabata un exito


STA. CRUZ -- Centro Barber di Curaçao a subi pa Prome Division cu ta e division mas halto na Curaçao na aña 2000 y a keda ariba te cu awor. Equipo aki a participa den Concacaf na añanan 2002 - 2003 -2004 - 2005 - 2006 - 2007 - 2008 - 2009. Centro Barber a sali 5 biaha campeon di Corsou, 5 biaha sub- campeon y 8 biaha campeon Antiano. No tin duda cu Centro Barber lo ta un fuerte contender pa bay cu e promer titulo di Copa Don Elias Mansur International.

Fanaticonan di Centro Barber residencia na Aruba ta invita pa bay topa cu e equipo cu lo ta yegando Aruba diabierna mainta 7:30. Na otro banda ta Racing Club Rincon di Bonaire, un equipo cu a lanta nobo y mas bien ta un seleccion di e mihor hungadornan di Bonaire specialemente di e bario di Rincon. Nan hungadornan ta milita den Real Rincon, Vespo y Real Juventus. Aki nan ta algun di nombernan bon conoci den Mundo di futbol na Bonaire, Rilove Janga, Igmard Gijsbertha,

Lacey Pauletta, Deebro Trinidad, Ilfred Piar, Seth Nieuwkerk, Vurney Agostien y Gibert Seraus. Fanatico di e equipo Boneriano ta invita diabierna pa 4’or di atardi na Aeropuerto pa ricibi nan equipo. Tur fanatico di futbol ta ser recorda cu e wega nan ta start diabierna pa 7’or di anochi y continua tur dia cu dos wega te diadomingo anochi ora e final start pa 6’or di atardi.

CENTRO BARBER Y RACING CLUB RINCON LO BISHITA ARUBA

Hiep Hiep Hiep Hoeraaaaa! Awe nos Little Mermaid

Laura Boekhoudt ta haci 3 aña. Papi, Mami y bo ruman chikito

Nohely ta deseabo un dushi dia hunto cu henter famia. Nos ta stima bo masha hopi mes. Cu Papa Dios drama su bendicion riba bo y regala bo hopi aña mas yena cu dicha, alegria, felicidad, salud y

hopi amor. Love you a lot Pops!

Awe 31 di Augustus ta cumpli su di 3 añitos nos dushi little mermaid di Papaya 24:

Laura BoekhoudtBo ta haya hopi Pabien, Brasa y Sunchi di Mama

Nydia, Pepe Della y Robert y di bo Primo Jeandre y primanan Nydie y Richdienne. Laura, pasa un dushi

dia awe, cu Papa Dios drama su bendicion awe, mañan y semper riba bo y yena bo yen di dicha,

amor, felicidad y cu hopi salud. Un djis nos ta bay have fun hunto aya na Orlando. Nos ta stima bo un

mundo!!!


PANAMA 03-10 oct 2011 Ticket Copa Air incl taxes, Hotel, Breakfast,Transfer, City and

Shopping Tour, Panama Canal, Gamboa Tour, Colon Free Zone.

Dbl Afl.2250.00 / Trpl Afl.2195.00 / Quad Afl.2095.00 Child Afl.1350.00

Pa mas info. Yama nos na 582 0074 email: [email protected]

cCLASIFICADO

Ta busca un peluquera estilista

cu experiencia.

Pasa personalmente na Centro Comercial Noord # 82of yama 5867272 /7303327 pa un afspraak.

TA BUSCAPA HUUR UN APARTAMENTO OF CAS DI 2 OF 3 KAMBER

NA UN BON PRIJS DEN AREA DI SANTA CRUZ – PARADERA

– NOORD ENTRANTE 1 SEPTEMBER 2011

CELL: 660-5756

TA BENDEYamaha DT 175 cc Scrambler den bon condicion pa motibo di viahe mester

wordo bendi Afl. 2000.00 O.B.O.

tel. 7390101

TA BUSCALOOKING FOR

WATCH REPAIR

PLEASE CALL

583-1786 FOR

TWO CONTINENTS N.V.

GoldsmithGOLDSMITH

FOR JAY MATA DI N.V.PLEASE CALL FOR

APPOINTMENT583-1786

TA BENDEGordura na 6 florin

pa saco di 50lb. Bon gordura pa bo matanan crece rapido y bunita.

Yama nos na telefoon: 582-0436,

of pasa cerca nos na Bloemond 6A

TA BENDETERENO EIGENDOM

NA STA CRUZ

659 m2

Yama 7488280 of 561-0010

TA BENDEUn Daihatsu

Charade 2005 pa pieza pa mas info

TEL 741-4497

TA BENDEChihuawa na bon

prijs pasa libremente na Macuarima 107C

of yama: 741-3884 of 5662933


NOTICIA INTERNACIONALIran ta libera dokter di HIV/AIDS

Teheran -- Arash Alaei, un dokter pionero di HIV/AIDS, a ser libera for di prison na Iran, asina su famia a bisa diadomingo. Tanto Arash y su ruman homber Kamiar, kende tambe ta dokter, a ser aresta na 2008. Nan a ser acusa cu comunicacion cu un gobierno enemigo y pa a purba na deroca e gobierno, segun Kamiar kende a sirbi mayoria di su sentencia di 3 aňa y a haya su libertad na October di 2010. Arash a ser libera despues di a pasa 1.160 dia den prison. E rumannan a ser jama pioneronan di nan comunidad, basa riba e acercamento na HIV y AIDS na Iran.

Yiu muher di Gaddafi ta duna luz na Algeria

Algeria -- E yiu muher di Gaddafi, un ex embahador di bon voluntad na Nacionnan Uni, kende a tene un perfil hopi abao durante e revolucion violento di Libia, a duna luz na Algeria, asina fuentenan di su famia a bisa CNN. E baby, kende nan no a bisa si ta muher of homber, a nace poco tempo despues cu Aisha a drenta Algeria. E fuentenan a bisa cu e unico yiu muher di Gaddafi ta bon di salud. E miembronan di famia a jega Algeria, via e frontera Libio,segun media di estado a cita ministerio. Hopi observadornan a spera cu Aisha lo a mustra mas apoyo pa e regime di su tata, specialmente ora cu NATO a ataca na April, matando su ruman homber, Saif al-Araba Gaddafi y su mesun yiu muher, un di e diferente nietonan di Gaddafi kendenan a muri den e atake.

Comandante rebelde: Khamis Gaddafi, yiu homber di Moammar, a ser mata

Tripoli -- Siete luna despues cu el’a bay gira na Merca y algun dia despues cu su forzanan a ser acusa di a tira mata 150 civil cu nan a captura, cu a ser bisa cu nan lo ser libera, Khamis Gaddafi ta morto, asina un comandante rebelde a bisa. Khamis a encabeza e notorio 32 brigada, cu basta tempo a ser acusa cu proteccion di e famia di Gaddafi y tabata central, di acuerdo cu Merca, cu proteccion di e famia di Gaddafi, y notorio den e conflicto di Libia. Khamil aparentemente a ser mata den un bataya cu rebeldenan, entre e pueblo nan di Taruhah y Bani Walid. E bataja a tuma luga den northwest di Libia, banda di Misrata. Khamis a ser hiba hospital, na unda el’a muri di e heridanan cu el’a haya y a ser dera den e area di e forzanan rebelde, di acuerdo cu al-Harati.

Nacionnan Uni ta adverti riba virus mutante di griep di parha

New York -- Nacionnan Uni a adverti dialuna di re-surgencia di un mutante di e virus di griep di Parha, bisando cu e indicacionnan ta mustra cu e por plama na Asia. E tipo variante di e virus H5N1, aparentemente por evita e defensanan di e actual vacuna cu risiconan imprecindibel pa humanonan a aparece na China y Vietnam, segun FAO. Circulacion di e virus na Vietnam ta menaza Thailandia, Malaysia, Cambodia, Japon y e peninsula Koreano. E griep di parha, tambe a mata directamente o a rekeri pa mata mas di 400 miyon parha y a causa perdidanan economico, calcula na 20 miyon dollar, prome di a ser elimina for di mayoria di e 63 nacionnan infecta na e punto mas halto na 2006. E virus ta presente ainda na China, Bangladesh, India, Indonesia, Vietnam y Egipto, mientras cu areanan recientemente afecta ta inclui, Mongolia, Romania, Bulgaria, Israel y e teritorionan Palestino.


NOTICIA INTERNACIONALOficialnan Europeo ta acusa Lagarde

Eurozone -- Oficialnan Europeo a critica Christine Lagarde, acusando e director gerente di IMF di a haci un atake confuso y mal dirigi riba e salud di banconan Europeo. Lagarde, e ex minister di finanzas Frances, kende a reemplaza Dominique Strauss-Kahn, como hefe di IMF na Juli, a usa su discurso na Jackson Hole, Wyoming pa pidi pa recapitalizacion urgente di e fiadornan mas debil, bisando cu drechamente di e sistema bancario, tabata e clave pa corta cadenanan di contagio, rond e region.

Inundacionnan di Irene: Vermont y New Yrok ta sperando ayudo di Fema

New York -- Esfuerzonan di rescate ta intensificando den partinan di e area inunda den nor-este di Merca, na momento cu e cantidad di mortonan ta sigui subi despues di un tormenta di dos dia.

Autoridadnan a lucha pa hiba articulonan pa Vermont y pueblonan di New York, cu tabata isola despues cu careteranan a ser destrui door di awa. Tormenta Tropical Irene a mata 40 persona na Merca y a causa biyones di dollar na daňo.

Polygamista Warren Jeffs, den coma induci medicamente

Palestine,Texas -- E lider di e secta polygamista, Warren Jeffs ta den un condicion critico pero stabil, den un prison na Merca. Jeffs di 55 aňa ta den un coma induci medicamente despues di a nenga di come of bebe, pa tres siman, despues di a ricibi sentencia di prison pa bida largo, pa asalto di su seguidornan bao di edad. No ta mucho cla, pakico el’a stop di come of con largo e lo keda den coma. Jeffs ta líder di e Iglesia Fundamenalista di Hesu Cristo di Santonan di Ultimo Dia, un secta cu ta kere cu poligamia ta e caminda pa cielo. Durante e huicio, fiscalnan a presenta evidencia di DNA, cu ta mustra cu Jeffs ta tata di un mucha cu un mucha muher di 15 aňa y un grabacion di audio di dje cu sexualmente ta asalta un mucha muher di 12 aňa.

Drumi malo tin risico pa presion di sanger

London -- Hombernan di edad kendenan ta pasa poco tempo den soňo profundo tin risico di haya presion halto di sanger, di acuerdo cu un estudio Mericano. Investigadonan a bisa cu nan ta spera un efecto similar den hende muher.

E Fundacion di Curazon Britanico a bisa cu ta importante pa tur hende tin prioridad pa soňo. Presion halto, tambe conoci como hipertension ta aumenta e risico di atake di curazon y atake cerebral y otro problemanan di salud.

Investigadornan a midi e calidad di soño di 784 homber riba edad di 65 aña, entre 2007 y 2009. Na cuminsamento, ningun hende no tabatatin presion halto, mientras cu 243 tabata tin e condicion aki na fin di e estudio.


“Señor ta mi wardador, mi n’tin falta di nadaDen cunucu di yerba berde e ta pone mi

sosega.E ta hiba mi na awa tranquil.

Pa mi bolbe haya forza”.Salmo: 23

Cu inmenso tristeza na nos curazon, pero conforme cu Voluntad di Dios, nos ta anuncia cu a fayece

inesperadamente:

Philomeno Ciriaco AngelaMihor conoci como: “Ciro”

*28-07-1947 †27-08-2011

Na nomber di su:Rumannan: Augustina “Chichi” Angela Vda. Maria “Marie” Angela-Bislip Lino Angela Thomas “Padu” y Catharina “Chichi” Angela-Maduro Vda. Jeannie Trimon-Angela Velia Angela Vilma Angela

Sobrinonan: Danilo Angela Marcel Angela y Liliana y famia Giannino Trimon

Omo: Esteban Angela y famia

Tanta: Alcida Thodé-Wester y famia

Madrina: Olinda Albertsz-Kock y famia

Ta invita tur famia, primo y primanan, amigonan, bisiña y conocirnan pa e acto di entiero cual lo

tuma lugar diarazon 31 Augustus 2011 di 2’or pa 4’or na Misa Inmaculada Concepcion na Santa

Cruz y despues lo sali pa santana catolico na Sta. Cruz.

Adres pa condolencia: Aurora Funeral Home, Cumana # 76,

diamars 30 di Augustus 2011 di 7’or pa 9’or pm.

"Señor ta mi wardador, mi n’tin falta di nada; Den cunucu di yerba berde, E ta ponemi sosega.

E ta hiba mi na awa tranquil, pa mi bolbe haya forza." Ps. 23:1,2,3

Cu inmenso tristeza na nos curazon, nos ta participa fayecimento inespera di mi esposa, nos mama, wela, bisawela y ruman stima:

Margarita Filomena Hellement-Flaneginmihor conoci como: "Margo"

*29 Jan.1948 - + 21 Aug 2011

Na nomber di su:

estimado esposo: Ruben Hellement

yiunan: Maikel Flanegin Rocky Hellement y Zaira Lilian Hellement y Mario Maurien Hellement Lisette Hellement +Rubencito Hellement

nieta y nietonan: Lionell Emerenciana Samantha Hellement Marverick Hellement Lakeesha Hellement Alstar Semeleer Patrick Hill Zayrene Croes Zarina Croes Jay Flanegin Kelvin Molina

bisanieto: Layomar Valies

rumannan: Rafael Flanegin y yiu Reynaldo y Silvia Flanegin y fam Robby Flanegin y Mena y fam Antonieta y Dolfi Kock y fam Freddy y Aida Flanegin y fam Glenda y Ety Werleman y fam Joy y Glenda Flanegin y fam Theo y Alba Flanegin y fam Tto y Carmem Flanegin y fam Juan y Susanne Flanegin y fam Lourdes Flanegin Nagda Flanegin y yiunan Hubert Flanegin y yiunan Roland Flanegin y yiunan Ety Semerel

swa y cuñanan na Aruba, Hulada y Merca.

iha: Vanesca Hellement y famia na Hulanda

madrina: + Petra Heide

sobrino y sobrinanan, primo y primanan, comer y compernan,

amiganan di cas masha stima: Gloria, Debby Semeleer, Vilma y Miguel Zievinger grupo di oracion,

famia: Helleent, Flanegin, Tromp, Kock, Werleman, Wernet, Semerel, Dijkhoff, Kelly, Gomez, Petrochi, Thiel, Ruiz, Semeleer, Croes, Emerenciana, Orman, Martinus, Lin, Suttle, Carson, Nava, Pimienta, Hoek y demas famia ta invita tur amigo, bisiña y conoci pa asisti na e acto di entiero cual ta tuma lugar diabierna 26 di Augustus 2011 pa 4'or di atardi saliendo for di Misa San Francisco pa santana catolico den Caya Ernesto Petronia. E resto mortal lo ta reposa for di 2'or di atardi den Misa San Francisco na Playa. Na lugar di flor of krans un donacion pa "UN BON Causa "lo ta altamente aprecia. Lo tin un box disponibel den Misa pa e bunita gesto aki. Adres pa condolencia: Madiki 129 riba diarazon 24 y diahuebs 25 di Augustus 2011di 7'or pa 9'or di anochi diarazon 24 di Augustus 2011 lo tin un rosario na cas. Nos ta lamenta cu despues di entiero nos no por ricibi bishita di condolencia na cas. Nos kier a pidi nos disculpa si nos por a lubida un of otro famia den nos tristeza.


Invitacion pa MisaAwe nos ta recorda e fecha tristo cu 10 aña pasa

nos ruman

“Agnes Inez Maduro” A bay laga nos inesperadamente. Lo bay tin un Santo Sacrificio di Misa pa descanso di su alma

y tambe pa su ruman “Jose Maduro“ na misa Inmaculada Concepcion na Santa Cruz

dia 31 Aug 2011 pa 7pm.

Awe nos ta recorda e fecha tristo cu 10 aña pasa nos ruman “Agnes Inez Maduro a bay laga nos

inesperadamente.

Lo bay tin un Santo Sacrificio di Misa pa descanso di su alma y tambe pa su ruman Jose Maduro na misa

Inmaculada Concepcion na Santa Cruz dia 31 Aug 2011 pa 7:00 pm.

INVITACIONGRUPO DI ORACION

Carismatico“SHALOM”

Cu e Amor di Cristo Hesus,ta invita e Pueblo di Tanki Leendert y

Aruba henter, cordialmente pa asisti na un anochi di:

“ALABANZA Y ADORACION”Na: KAPEL MONTE CALVARIO

(Tanki Leendert)Bin buska bo gozo den

“E Palabra di Dios” DIA: Diarazon 31 AUGUSTUS, 2011

ORA: 7:30 PM - 9:30 PMNos ta cuminsa cu e Santo Rosario. Nos ta warda bo sin falta!

“Busca bo gozo den Señor y l’o E duna bo tur loke bo curazon por desea.” Salmo 37, 4

GRADICIMENTO Y INVITACIONDen nomber di yiu, rumannan y demas famia ta gradici un y tur di curazon cu di un of otro manera a mustra nan atencion y sosten durante fayecimento di nos

ser tan stima

Rosinda MaduroMihor conoci como “Rosenda”

Gradicimento special ta bay na tur famia, amigo, bisiña y conocirnan, tur esnan cu a manda flor, krans, telegram, yamadanan ricibi, nan tabata un consuelo pa

nos dolor. Alavez nos ta invita tur famia, amigo y conocirnan pa 3 santo sacrificio di Misa

Diahuebs 1 di September 2011 pa 7’or pm na Misa Sagrado Curazon de Hesus Diasabra 3 di September 2011 pa 7’or pm na Misa Sagrado Curazon de Hesus

Diadomingo 4 di September 2011 pa 8’or am na Capilla Pos Chikito. Diadomingo anochi 7’or pm lo tin un Rosario na cas di Bertha Pos Chikito 46-C

Boso presencia ta altamente aprecia

Gradicimento y Invitacion

Michael Stanislao KellyNos ta hopi agradecido, pa rumannan Gei, Maria,

Cecilia, Richard y Efraim pa nan bunita gesto.

Pa Aurora Funeral Home pa nan bon servicio.

Pa Julian Kelly y famia y tur esnan cu di un of otro manera a yuda nos den nos tristeza.

Alavez nos ta invita boso pa 2 santo sacrificio di misa riba:

y diabierna 2 di September, diasabra 3 di September 2011 na misa Monte Calvario

pa 7’or di anochi.


STA. CRUZ -- E compania di celular cu e red mas grandi y mihor, awor tin e red mas liher na Aruba tambe, despues di tabata e prome pa lanza un red 4G. Diasabra ultimo nan a organiza un evento grandi na South Beach Center, evento cu a carga e nomber di “Bigger, Better, Faster 4G Launch Party” cu presentacion di Youth Extreme, Basic One y DJ 101. Mayron Kock a bay cu e premio grandi e anochi ey, cu tabata un iPad pa su

kostuum di 4G cu el’a bin bisti cune. Separa di e iPad, tambe a rifa Blackberry, USB Modem Stick y kaarchinan di celular cu credito na yamada. E equipo di promocion di Digicel a parti un cantidad di T-Shirt, Frisbees, yabero, sunscreens y hopi mas. Digicel ta contento cu e multitud grandi cu a celebra nan lanzamento hunto cu nan, clientenan cu awor ta disfruta di e red mas grandi, mas mihor y mas liher.

Cu hopi premio y regalo“Bigger, Better, Faster 4G Launch Party” di Digicel a

causa masha furor

Diaranson 31 Augustus 2011

Documents

Transcript of Diaranson 31 Augustus 2011