IKASTETXEA Lekaroz BHI IZENBURUA Gure herriaren historia MAILA 2. DBH IRAKASLEA Iñaki Arrese IKASGAIA Gizarte

DBHrako Irakurketaren Ulermenerako Hobekuntza Plana.

1. ATAZA

TESTUA

JATORRIA

EGILEA R. Castellano (gidoia) eta Stesó (marrazkiak) IZENBURUA Gure herriaren historia (Gabai komikia)

ARGITALETXEA/Webgunea LUR URTEA 1988

ORRIALDEA (K) 3tik 7ra ISBN 84-7099-273-2

TESTU-MOTA OINARRIA Inprimakia

FORMATOA Mistoa MOTA Narrazioa

ERABILERA Pribatua, Hezkuntzakoa

ESTRATEGIAK IRAKURRI BAINO LEHEN 1.-Irakurketaren helburua:

Lehenik eta behin, adierazi behar dugu komikia landuz, bereziki ikasleek informazio orokorra jasotzea nahi dugula. 2.- Komiki formatuaren inguruan aurretiko ezagutzak aktibatzea:

Testua irakurri baino lehen, klasean komikiei buruz hausnarketa bat egingo dugu, denon artean, ea historia ezagutzeko balio duten, nolako informazioa eskaini dezaketen, ea beraiek komikiak irakurtzen dituzten eta zein motatakoak... aipatu daitezke beste komiki batzuk: “Asterix”... 3.- Gaiaren inguruan aurretiko ezagutzak aktibatzea:

• Une historikoak kokatuko ditugu: erromatarrak, barbaroak, musulmanak… • Leku historikoak kokatuko ditugu: Penintsula, Nafarroa, Iruñea… • Pertsonaia historikoren bat edo beste aterako dugu: Karlomagno…

Ezagutza hauek aktibatzeko, eskola-liburua (258. orr.) eta Nafarroari buruzko eranskina erabiliko dugu (mapa). 4.- Irakurri behar dutenaz hipotesiak egitea: Komikia irakurri aitzinetik, ikasleei marrazkiak begiratzea (“irakurtzea”) eskatuko diegu eta imajinatu egin beharko dute zer den kontatzen zaiguna. IRAKURRI BITARTEAN

1.- Garrantzitsua izan daitekeen informazioa zehaztea: Pertsonaia historikoei (Gartzia Semeneitz, Eneko Haritza, Banu Qasi…), lekuei (Orreaga, Burunda, Akitania, Tutera…Leku hauek guztiak kokatu egin beharko dituzte) eta denborari (758, 824…) erreferentzia egiten dieten datuak azpimarratuz. Ulertzen ez dituzten hitz gakoak azpimarratuz; adibidez: mito, ahaide, leinu… Aipatzen diren “tribu” edo taldeak zehaztuz: mairuak, frankoak, asturiarrak, baskoiak, autrigoiak, zaraitzuarrak, erronkariarrak… 2.- Istorioa aurkeztu eta narratzeko modua identifikatzea (testu mota, berariazko testu-generoa eta berariazko egitura identifikatzeko estrategiak) Horretarako, irakurri ahala, elkarrizketaren bidez narratzailea nor den bilatuko dugu eta ikusiko dugu pertsonaia den ala ez, bere ikuspuntua objektiboa ala subjektiboa den… Bestalde, testua osorik ezagutzen ez dugunez, galdetuko diegu egitura osatzeko zein izango litzatekeen falta zaigun informazioa (bukaera edo jarraipena nolakoa izango den beraien ustez...) IRAKURRI ONDOREN 1.- Komikiaren berrirakurketa sakona 2.- Informazio garrantzitsua markatzeko estrategia materialak. Irakurri bitartean informazio garrantzitsua izan zitekeena azpimarratzeko eskatuko diegu (pertsonaiak, lekuak, hitzak…). 3.- Inferentziak egitea Orain, irakaslearen laguntzaz, azpimarratu duten informazio horretatik zenbait ondorio ateratzen saiatuko dira. Hala nola, zein ziren garai hartan Nafarroan bizi ziren herriak, Iruñeko lehenengo erregea, nafarren etsaiak, erregeak aukeratzeko metodoa, Elizaren papera.... 4.-Aurretik egindako hipotesiak baieztatzea Noraino hasieran egindako aurreikuspenak bete diren