Ajuntament de Vielha e MijaranAjuntament de Vielha e Mijaran Sarriulèra,2 – 25.530VIELHA – Tel...

Ajuntament de Vielha e Mijaran

Sarriulèra,2 – 25.530 VIELHA – Tel . 973640018 – Fax 973640537 – E-mail [email protected]

1

ACTA DERA SESSION EXTRAORDINÀRIA DETH PLEN Identificacion dera session Numerò: 07/11 Caràcter: Extraordinari Data: 28 de junh de 2011 Orari: de 18:00 a 19:15 ores Lòc: Sala d’actes der Ajuntament de Vielha e Mijaran Assistents President: Alejandro Moga Vidal Còssos: Grop Municipau de CDA-PNA: Joan Pau Perdices Pla, Mª Luisa Estevez Sans, Agustin Calbetó Escrig, Rosa Mª Broto Moga e Carlos Nart Bardaji. Grop Municipau deth PP: Joaquin Puente Feixa.. Grop Municipau d’UA-PM-PSC: Juan Riu Llonch, Marc Cuny Moron, María Verges Pérez e Alex Sirat Tarrau. Desencusen era sua assisténcia es Còssos deth Grop Municipau d’UA-PM-PSC: Rufino Martínez Cau e Susana Linde Tellosa. Tanben assistís eth president dera EMD de Vilac, José Rella Artiga. Assistidi pera Secretària dera Corporacion Municipau, Pilar Hervada Vidal, ar objècte de celèbrar session extraordinària en prumèra convocatòria. Orden deth dia:

1. Establir era periodicitat des sessions ordinàries deth Plen e dera Junta de Govèrn Locau.

2. Aprovar era creacion e compausacion des Comissions Informatives permanents. 3. Nomenament des representants dera Corporacion enes òrgans collegiadi. 4. Balhar compde deth Decrèt d’Alcaldia de nomenament des membres dera Junta de

Govèrn Locau e delegacion de competéncies ena madeisha. 5. Balhar compde deth Decrèt d’Alcaldia de nomenament de Tinents d’Alcalde. 6. Creacion des Grops Municipaus. 7. Nomenament de representants municipaus ena societat “Vielha Gestión,S.A.”. 8. Nomenament des membres dera Comission Especiau de Compdes. 9. Nomenament des membres dera Comission entara vialitat de “Tuca”. 10. Nomenament deth Dipositari. 11. Aprobacion dera dedicacion exclusiua der Alcalde. 12. Aprobacion dera dedicacion exclusiua deth Prumèr Tinent d’Alcalde. 13. Aprobacion dera delegacion de competéncies deth Plen ena Junta de Govèrn

Locau.



2

Er Alcalde, Alejandro Moga Vidal, ditz qu’aué començam un trebalh que se harà pendent es pròplèu quate ans, se harà damb dignitat, responsabilitat e coeréncia damb es nòsti plantejaments. Maugrat que i age prepauses e/o disparières opinions, tostemp se harà damb responsabilitat. En prumèr lòc arregraïr era sua actitud as membres d’UA-PM-PSC, ath Còsso deth PP e as mèns companhs de CDA. Quinsevolh error que pogue comete serà pera manca d’experiéncia e demani desencuses. Desenvolupament dera session Dubèrta era session peth Sr.President e un còp comprovat pera Secretària era existéncia deth quòrum de besonh entà poder èster començada, se procedís a coneisher des ahèrs que seguissen inclodidi ena Orden deth Dia. 1.- ESTABLIR ERA PERIODICITAT DES SESSION ORDINÀRIES DETH PLEN E DERA JUNTA DE GOVÈRN LOCAU.- Er Alcalde, Alejandro Moga Vidal, explique era prepausa e destaque eth cambi der orari des Plens, en compdes de hèr-les pera tarde se haràn peth maitin, ja qu’un còp consultades es fòrces politiques, semble mès eficaz, e possibilite era assiténcia de toti es membres. Celebrades eth passat dia 22 de mai de 2011 es Eleccions Locaus convocades per Reiau Decrèt 424/2011 de 28 de març, e constituida era naua Corporacion Municipau en session extraordinària celebrada eth passat dia 11 de junh, ei de besonh procedir, d’acòrd damb era legislacion vigent, a determinar era periodicitat des sessions deth Ple e dera Junta de Govèrn Locau. Auent en compde que cossent damb çò que dispausen era Lei 7/1985, Reguladora des Bases de Règim Locau e eth Decrèt Legislatiu 2/2003, de 28 d’abriu, peth quau s’apròve eth Text Rehonot dera Lei Municipau e de Règim Locau de Catalunha, eth Plen e era Junta de Gòvern Locau pòden celebrar sessions ordinàries e extraordinàries, auent de celebrar-se es sessions ordinàries deth Plen damb ua periodicitat d’ua cada dus mesi, per imperatiu de çò qu’establis er article 46.2 a) dera Lei 7/1985, Reguladora des Bases de Règim Locau, ena sua redaccion actuau e er article 98 deth Decrèt Legislatiu 2/2003, de 28 d’abriu, peth quau s’apròve eth Texte Rehonot dera Lei Municipau e de Règim Locau de Catalunha, e es dera Junta de Gòvern Locau damb ua periodicitat mensual, en virtud de çò que prevé er article 99 deth Texte Rehonot catalan abantes mencionat. Per tot çò, aguesta Alcaldía, d’acòrd damb er article 38 delth Reglamento de Organización, Funcionamiento y Régimen Jurídico de las Entidades locales, aprovat peth Reiau Decrèt 2568/1986, deth 28 de noveme, en execucion des previsions contemplades enes leis nomentades,



3

Se prepause as presenti era aprobacion dera periodicitat des sessions deth Plen e dera Junta de Govèrn Locau, e per unanimitat, damb eth vòt a favor des onze (11) membres presenti des tretze (13) que de dret formen era corporacion municipau, acòrden: Prumèr.- Establir qu’es sessions ordinàries deth Plen dera Corporacion Municipau, que se convocaràn damb caràcter ordinari, auràn lòc es darrers dimèrcles, non festius, des mesi disparions, entas 10:30 ores, en Salon de Sessions der Ajuntament, o lòc abilitat ar efècte. Dusau.- Establir qu’es sessions ordinàries dera Junta de Gòvern Locau, que se convocaràn damb caràcter ordinari, auràn lòc eth dusau e quatau dijaus de cada mes, que non sigue festiu, entàs 17:00 ores. Tresau.- Facultar ath Sr. Alcalde entà endarrerir o auançar era celebracion des sessions deth Plen e dera Junta de Gòvern Locau, en prumèr cas laguens deth madeish mes dera sua celebracion e en dusau laguens dera madeisha setmana, quan eth dia fixat sigue festiu o sigue inclodit en un periòde vacacionau. 2.- APROVAR ERA CREACION E COMPAUSACION DES COMISSIONS INFORMATIUES PERMANENTS.- Er Alcalde explique era prepausa d’acòrd: Vista era normatiua autonomica que regule es Comissions Informatiues e qu'actuaument obligue as municipis cap-lòcs de comarca a creà-les. Er artícle deth Decret Legislatiu 2/2003, de 28 d'abriu, peth quau s'apròve eth Tèxte rehonut dera Lei municipau e de regim locau de Catalonha, establís qu'en quinsevolh cas enes municipis que son cap-lòcs de comarca s'an de constituir comissions d'estudi, d'informe o de consulta, damb independéncia deth nombre d'abitants deth municipi. Ad aguestes Comissions les conrrespon er estudi e eth dictamen prèvi des ahèrs que s'an de méter ara decision deth plen o dera Junta de Govèrn Locau quan actue per delegacion deth Plen. Se prepause ath Plen era creacion des següentes comissions informatives: 1.- Comission permanent entath desenvolupament sociau e responsable deth Municipi. 2.- Urbanisme, gobernacion, òbres e servicis e Entitats Municipaus Descentralizades. (Urbanisme, Servicis d’abastament e sanejament d’aigües, accesi, enlumenat, cementèri, viadèr public, proteccion e seguretat ciutadana, circulacion). 3.- Finances, personau, pressupòsti, patrimòni e contractacions



4

4.- Politiques actives, sociaues e economiques. (Cultura, espòrts joenessa, naues tecnologies, accion sociau, medi ambient, ensenhament, comèrc e torisme). Er Alcalde, Alejandro Moga Vidal, explique més detalhadament era Comission Permanent entath desenvolupament sociau e responsable deth Municipi, qu’a coma objectiu er estudi e redaccion d’ordenances e reglaments sobre tenencia de animaus companhia, terraces, publicitat, convivéncia ciutadana, eca….. Eth Pòrtavotz deth Grop Municipau d’UA-PM-PSC, ditz que se cree ua comission dera quau non auiem pogut parlar e sollicite que se pòstpause era sua creacion. Se retire der acòrd per unanimitat e se passarà en pròplèu plen. Se prepause as presenti era aprobacion dera creacion des Comissions Informatives, e per unanimitat, damb eth vòt a favor des onze (11) membres presenti des tretze (13) que de dret formen era corporacion municipau, acòrden: PRUMÈR.- Crear es Comissions Informatiues següentes: 1.- Urbanisme, gobernacion, òbres e servicis e Entitats Municipaus Descentralizades. (Urbanisme, Servicis d’abastament e sanejament d’aigües, accesi, enlumenat, cementèri, viadèr public, proteccion e seguretat ciutadana, circulacion). 2.- Finances, personau, pressupòsti, patrimòni e contractacions. 3.- Politiques actives, sociaues e economiques. (Cultura, espòrts joenessa, naues tecnologies, accion sociau, medi ambient, ensenhament, comèrc e torisme). DUSAU.- Cada Comission Informatiua estarà formada per dus membres de cada grop politic que forme era corporacion, eth vòt deth quau serà ponderat 2 membres deth Grop Municipau de CDA-PNA 2 membres deth Grop Municipau d’UA-PM-PSC 1 membre deth PP Cad'un des grops auràn un plaç de cinc dies a compdar d'aué entà comunicar ena Secretaria Municipau eth nòm des Còssos que representaràn ath sòn Grop e es corresponents suplents. TRESAU.- Es Comissions Informatiues celebraràn session ordinària era semana abantes ath Plen ordinari en eth mes que correspongue era sua celebracion.



5

3.- NOMENAMENT DES REPRESENTANTS DERA CORPORACION ENES ÒRGANS COLLEGIADI.- Peth Sr. Alcalde se da compde des membres deth consistòri que se prepausen entà representar ar Ajuntament de Vielha e Mijaran enes diuèrsi òrgans collegiadi a on a d'èster representat. Manifieste qu’ei ua prepausa coërent damb eth titolar que representarà ar Ajuntament. Balhe era paraula as grops municipaus. Juan Riu, Pòrtavotz deth Grop Municipau d’UA-PM-PSC, ditz qu’ei ua opcion de govèrn e s’a metut era gent qu’an creigut convenient; respetam e mos abstieram. Damb es vòts a favor de sèt Còssos, sies de Convergència Democratica Aranesa-Partit Nacionalista Aranés e un deth Partit Popular e era abstencion des quate Còssos d’Unitat d’Aran- Progrés Municipal-Partit Socialista de Catalunya, per majoria absòluta, s’acòrde: PRUMÈR.- Nomenar coma representants der Ajuntament de Vielha e Mijaran enes òrgans collegiadi qu'a contunhacion s'especifiquen as Còssos que s'indique:

• Conselh Escolar deth Collegi Públic Garona : Rosa Mari Broto Moga. Suplent: J. Pau Perdices Pla

• Conselh Escolar der Institut d’Estudis Secundaris d’Aran (IES d’Aran): J. Pau Perdices Pla. Suplent: Joaquín Puente Feixa • Conselh Escolar Municipau J. Pau Perdices Pla Rufino Martínez Cau Joaquín Puente Feixa • CEIP Eth Roser d’Aubèrt J.Pau Perdices Pla Suplent: Rosa Mª Broto Moga • Patronat d'ensenhament dera Val d'Aran: Rosa Mari Broto Moga

• Casau deth Jubilat: Rosa Maria Broto Moga. Suplent: Joaquín Puente Feixa

• Conselh d'Espòrts dera Val d’Aran: Agustín Calbetó Escrig • ADF VAL D'ARAN: Joaquín Puente Feixa



6

• Comité Programa Sanitario Val d'Aran (Servei Aranes dera Salud): Rosa Maria Broto Moga

• Patronat Parc Nacional d'Aiguestortes: Joaquín Puente Feixa Suplent: Alejandro Moga Vidal

• Patronat Centre Investigacion de Alta Montanha: Joaquín Puente Feixa Suplent: J. Pau Perdices Pla • Patronat deth Museu Etnologic dera Val d’Aran Alejandro Moga Vidal Rosa Mari Broto Moga • Associació d' Ens Locals de Montanya del Pirineu (AMPI): Alejandro Moga Vidal Suplent: J. Pau Perdices Pla

• IDAPA –Institut per al Desenvolupament i la Promoció de l’Alt Pirineu i

Aran. Alejandro Moga Vidal Suplent: J. Pau Perdices Pla

• Associació d’Ens Locals Propietaris Forestals de Catalunya (ELFOCAT) Joaquin Puente Feixa Suplent: Alejandro Moga Vidal

• LOCALRET: Alejandro Moga Vidal Joaquín Puente Feixa

• Junta de Compensació de la Unitat d’Actuació nº 4-A de Vielha, UA 1 de

Vielha e UA 1 de Vilac. J. Pau Perdices Pla. Suplent: Alejandro Moga Vidal

• Escola Mairau Era Cunhèra

Rosa Mª Broto Moga, Suplent: J. Pau Perdices Pla.

• ZER Val d’Aran J. Pau Perdices Pla. Suplent: Alejandro Moga Vidal.



7

• CENTRE DE FORMACION DE PERSONES ADULTES VAL D’ARAN Rosa Mari Broto. Suplent: J. Pau Perdices Pla • Plans de Formacion de Zòna – Centre Recursi Pedagogics J. Pau Perdices Pla

• Consorci Television Digitau Locau d’Aran - CONSORCI TELEDIGITAL

ARAN

Ajuntament de Vielha e Mijaran: Alejandro Moga Vidal, Alcalde - PRESIDENT Joaquín Puente Feixa, 1èr Tinent d’Alcalde. J. Pau Perdices Pla, 2au, Tinent d’Alcalde.

Ajuntament de Bossòst

Ajuntament de Naut Aran Cesar Ruiz-Canela Nieto Casimir Vilo Arnalot

DUSAU.- Notificar aguest acòrd a totes es institucions interessades. 4.-BALHAR COMPDE DETH DECRÈT D’ALCALDIA DE NOMENAMENT DES MEMBRES DERA JUNTA DE GOVÈRN LOCAU E DELEGACION DE COMPETÉNCIES ENA MADEISHA.- Er Alcalde lieg eth Decrèt d’Alcaldia deth dia 22 de junh de 2011, número 148/2011, de nomenament dera Junta de Govèrn Locau, que se transcriu ara seguida: “ALEJANDRO MOGA VIDAL, ALCALDE DER AJUNTAMENT DE VIELHA E MIJARAN Auent estat elegit entath càrrec d’Alcalde en session extraordinària celebrada peth Plen dera Corporacion Municipau en data 11 de junh de 2011, ei de besonh procedir ar establiment des membres dera Junta de Govèrn Locau, e en exercici dera potestat d’autoorganizacion qu’er article 4.1 a) dera Lei 7/1985, Reguladora des Bases de Règim Locau, reconeish ad aguesta Entitat. Auent en compde que cossent damb çò que dispausen es articles 20.1 b) e 23 dera nomentada Lei, ena sua naua redaccion dada pera Lei 11/1999, de 21 d’abriu, en concordància damb es articles 48.1 b) e 54 deth Decrèt Legislatiu 2/2003, de 28 d'abriu, peth quau s'apròve eth Tèxt Rehonot dera Lei Municipau e de Règim Locau de Catalunha, e auta legislacion complementària, en aguest Municipi ei de besonh constituir era naua Junta de Govèrn Locau.



8

Per tot çò, aguesta Alcaldia, en usatge des atribucions que me conferíssen es articles 41.3 e 52 deth Reglament d’Organizacion, Foncionament e Regim Jurídic des Entitats Locaus, aprovat peth Real Decret 2568/1986, de 28 de novembre RESÒLVI: Prumèr.- Aprovar era nau configuracion dera Junta de Govèrn Locau, òrgan collegiat municipau de caràcter resolutòri, que quedarà integrada pes següents membres: President: Sr. Alejandro Moga Vidal Vocaus: Sr. Joaquin Puente Feixa, Joan Pau Perdices Pla, Agustin Calbetó Escrig e Carlos Nart Bardaji, Assistiràn as sues sessions, damb votz mès sense vòt, es Còssos: Sra. Mª Luisa Estevez Sans e Rosa Mª Broto Moga. Dusau.- Era Junta de Govèrn Locau celebrarà es sues sessions ordinàries prealabla convocatòria ar efecte realizada per aguesta Alcaldia e d’acòrd damb era periodicitat establida peth Plen dera Corporacion, cossent damb çò que dispause actuaument er article 99 deth Decrèt Legislatiu 2/2003, de 28 d’abriu, peth quau s’apròve eth Tèxt Rehonot dera Lei Municipau de de Règim Locau de Catalunha. Tresau.- Era Junta de Govèrn Locau, era competéncia basica dera quau ei balhar assisténcia e assessorament ad aguesta Alcaldia en exercici des sues atribucions, aurà, per delegacion d’aguesta, es següents competéncies: EN MATÈRIA D’URBANISME 1.- Formulacion e aprovacion iniciau des insturments de planejament urbanistic derivat següents: Es Plans Especiaus urbanístics.

Es Plans de Mielhora Urbana.

Es Plans Parciaus urbanistics.

Es Plans Parciaus urbanistics de delimitacion.

Es Estudis de Detalh que se poguen aprovar per Ajuntament cossent damb çò que dispause era Dispausacion Transitòria Novena deth Tèxt rohonut dera Lei d’urbanisme, aprovat peth Decrèt Legislatiu 1/2005, 26 de junhsèga.



9

2.- Aprovacion iniciau e definitiua des insturments de gestion urbanistica e des projèctes d’urbanitzacion complementaris. 3.- En generau, era aprovacion de quinsevolh aute insturment de planejament o gestion urbanistica que desenvolupe o execute eth planejament generau, era competéncia deth quau non age estat atribuïda expressament ath Plen dera Corporacion. 4.- Concedir, denegar, modificar o prorrogar, es licéncies urbanistiques d’òbres, as que hè referéncia er article 187 deth Text Refós de la Llei d'Urbanisme de Catalunya, exceptat era letra e) der apartat 2. 5.- Aprovacion des projèctes d’òbres e de servicis enes supòsits previsti en article 21.1 o) dera Lei 7/1985, Reguladora des Bases de Règim Locau, ena sua redaccion actuau. EN MATERIA DE CONTRACTACION E PATRIMÒNI 1.- Aprovar es expedientes relatius as contractacions e concessions de tota classe, quan eth sòn impòrt non excedisque deth 10% des recursi ordinari deth pressupòst e non excedisque de 6.010.121,04 Euros, inclodint aguesta competéncia era aprobacion de tot er expedient de contractacion, des deth sòn inici enquia’ra resolucion o finalizacion definitiua, includida era sua modificacion, interpretacion o revision de prètzi, atau coma es actes d’autorizacion e dispausacion de despenes. 2.- Aquisicion de bens e drets, quan eth sòn valor sigue superior a 6.000 € e non excedisque deth 10% des recursi ordinaris deth pressupòst ne es 3.005.060,52 Éuros. 3.- Véner, gravar o cedir, per quinsevolh títol, bens patrimoniaus de propietat municipau, quan eth sòn valor non supere eth 10% des recursi ordinaris deth pressupòst, ne es 3.005.060,52 Éuros, tostemp qu’aguesta, respecte des bens immòbles e respecte as bens immòbles declaradi de valor istoric artistic, se trapre prevista en pressupòst. EN MATÈRIA D’ACTIVITATS 1.- Emete, enes expedients d’activitats subjectes as prescripcions dera Llei 3/1998, de 26 der hereuèr, dera intervencion integrau dera administracion ambientau, er informe a que hè referéncia er article 13.1 c) dera madeisha. 2.- Autrejar es licéncies e autorizacions sus modificacions posteriors, des activitats subjectes ara Lei 3/1998, de 26 der hereuèr, dera intervencion integrau dera administracion ambientau, inclodides en annex II deth Reglament que la desenvolupe, aprovat per Decrèt 136/1999, de 18 de mai; atau coma de totes es activitats non subjectes ara nomentada Lei.



10

3.- Autrejar es autorizacions entara prestacion de servicis funeraris en tèrme municipau a que hè referéncia era Lei 2/1997, de 3 d’abriu. EN MATÈRIA DE PERSONAU 1.- Aprovar era auferta publica de trebalh, d’acòrd damb eth pressupòst e era plantilha aprovadi peth Plen dera Corporacion. 2.- Aprovar es Bases des pròves entara seleccion deth personau, fixe e temporau, e entas concursi de provision de places de trebalh, atau coma es sues corresponents convocatòries, sense perjudici de çò que dispause er article 99.1 dera Lei 7/1985, Reguladora des Bases de Règim Locau, ena sua redaccion actuau. 3.- Aprovar era permuta de cargues des funcionaris que les aucupen en propietat. 4.- Impausar sancions ath personau ath sercici dera Corporacion. EN MATÈRIA D’ISENDA 1.- Aprovar era autorizacion e dispausacion des despenes e eth reconeishement des obligacions enes tèrmes fixadi entà cada exercici enes Basses d’Execucion deth Pressupost, tostemp e quant era autorizacion e dispausacion sigue superior a 6.000 €. 2.- Aprovar er autrejament de subvencions enes tèrmes fixadi entà cada exercici enes Basses particulars reguladores des corresponents convocatòries, que requeríssen concurréncia publica. Quatau.- Es atribucions delegades s’auràn d’exercitar pera Junta de Govèrn Locau, d’acòrd damb çò que preven es articles 43.2 e 114 deth Reglament d’Organizacion, Funcionament e Règim Jurídic des Entitats Locaus, e enes tèrme e laguens des límits d’aguesta delegacion, non estant susceptibles d’èster delegades en cap aute òrgan. En tèxt des acòrds adoptadi pera Junta de Govèrn Locau, en virtud d’aguesta delegacion, s’aurà de hèr constar aguesta circonstància per miei dera inclosion, ena part expausativa, deth tèxt següent: “Auent en compde qu’era adopcion d’aguest acòrd ei competéncia d’aguesta Junta de Govèrn Locau, en virtud des delegacions efectuades per Alcalde d’aguest Ajuntament per miei de Decrèt num …… de data …..” Es acòrds que s’adòpten per delegacion, s’enteneràn dictadi per aguesta Alcaldia coma titolar dera competéncia originària, ara quau s’aurà de mantier informada der exercici dera delegacion, e seràn immediatament executius e pressumptament legítims.



11

Cincau.- Aguestes delegacions, de conformitat damb çò que dispause er article 44.2 deth Reglament d’Organizacion, Funcionament e Règim Juridic des Entitats locaus, aurà efecte des deth dia següent ath dera adopcion d’aguesta resolucion, sense perjudici dera sua publicacion en Butletín Oficiau dera Província, e auràn carácter indefinit, sense perjudici dera facultat d’advocacion d’aguesta Alcaldia. Siesau.- Comunicar aguesta resolucion a toti es Còssos afectadi e ordenar era sua publicacion en Butletín Oficiau dera Província. Setau.- Balhar compde ath Plen dera Corporacion, ena proxima session ordinèria que se convoque entà balhar compliment ad açò que preve er article 38 deth Reglament d’organización, Funcionament e Règim Jurídic des Entitats locaus. Es presenti se dan per assabentadi. 5.- BALHAR COMPDE DETH DECRÈT D’ALCALDIA DE NOMENAMENT DE TINENTS D’ALCALDE.- Per part der Alcalde se balhe compde ath Plen deth Decrèt d’Alcaldia deth dia 22 de junh de 2011, número 149/2011, que se transcriu ara seguida: “ALEJANDRO MOGA VIDAL, ALCALDE DER AJUNTAMENT DE VIELHA E MIJARAN Auent en compde que d’acòrd damb çò que dispause er article 23.3 dera Lei 7/1985, Reguladora des Bases de Règim Locau, en relacion damb es articles 48.1 a) e 55 deth Decrèt Legislatiu 2/2003, de 28 d’abriu peth quau s’apròve eth Text Rehonot dera Lei Municipau e de Règim Locau de Catalunya, era designacion des Tinents d’Alcalde ei competéncia d’aguesta Alcaldia, qu’a de procedir ath sòn nomenament per miei de Decrèt d’entre es membres dera Junta de Govèrn Locau. Aguesta Alcaldía, hènt usatge des competéncies que li conferís er article 53.2 deth Decrèt Legislatiu 2/2003, de 28 d’abriu peth quau s’apròve eth Tèxt Rehonot dera Lei Municipau e de Règim Locau de Catalunya e er article 21.2 dera Lei 7/1985, Reguladora des Bases de Règim Locau, en aguesta madeisha data, 22 de junh de 2011, s’a procedit ara designacion des membres dera Junta de Govèrn Locau per Decrèt num. 148/2011. RESÒLVI: PRUMÈR .- Nomenar Tinents d’Alcalde d’aguest Ajuntament damb efectes des deth dia d’aué as Còssos membres dera Junta de Govèrn Locau que seguidament se relacionen, eth prumèr des quaus substituirà a aguesta Alcaldia enes casi de vacants, abséncia, enfermetat o quinsevolh auta impossibilitat: Prumèr Tinent d’Alcalde: Sr. JOAQUIN PUENTE FEIXA



12

Dusau Tinent d’Alcalde: Sr. JOAN PAU PERDICES PLA DUSAU.- Ad aguesti efectes, quand aguesta Alcaldia age d’absentar-se deth tèrme municipau, establirà per miei de decrèt, era durada dera sua abséncia, designant eth Tinent d’Alcalde qu’age d’assumir es sues competéncies. De non efectuar-se aguesta designacion expresament, aguesta Alcaldia serà substituida peth Prumèr Tinent d’Alcalde e, en sòn defecte peth Dusau Tinent d’Alcalde. TRESAU. - Dera presenta resolucion s’en darà compde ath Plen ena pròplèu session ordinària que se celèbre, en compliment de çò que preve er article 38 deth Reglament d’ Organizacion, Foncionament e Regimen Juridic des Entitats Locaus, notificant-la a mès a mès, personaument, as designadi, e se publicarà en Butletín Oficiau dera Província, sense perjudici dera sua efectivitat des deth dia següent ara signatura d’aguesta resolucion.” Es presenti se dan per assabentadi. 6.- CREACION DES GROPS MUNICIPAUS.- Er Alcalde lieg era prepausa d’acòrd: Er article 50.2 deth Decret Legislatiu 2/2003, de 28 d'abriu, peth quau s'apròve eth Tèxte rehonut dera Lei Municipau e de Regim Locau de Catalonha, establís que cada lista electorau qu’obtengue representacion en Ajuntament pòt formar grop municipau. Se met a votacion era prepausa e per unanimitat, damb eth vòt a favor des onze (11) membres presenti des tretze (13) que de dret formen era corporacion municipau, acòrden: PRUMÈR.- Balhar eth visteplatz ara creacion des Grops Municipaus prepausadi, un grop per cada lista electorau qu'a obtengut representacion en Ajuntament. Per çò qu'ena corporacion actuau i aurà tres Grops Municipaus, que son: Grop Municipau de C.D.A.-P.N.A. Grop Municipau d’U.A-P.M-P.S.C Grop Municipau deth P.P. DUSAU.- En tèrme de cinc dies a compdar dera data ena que s'apròve aguest acòrd cada Còsso a de presentar ena alcaldia ua declaracion signada a on a d'expresar eth Grop Municipau ath que vò èster adscrit. Atau madeish cada Grop Municipau aurà de designar un Pòrtavotz deth madeish. 7.- NOMENAMENT DE REPRESENTANTS MUNICIPAUS ENA SOCIETAT “VIELHA GESTIÓN, SA”.- Er Alcalde lieg era prepausa d’acòrd:



13

Cau hèr era designacion des representants des diferents Grops Municipaus der Ajuntament de Vielha e Mijaran en Conselh d'Administracion dera societat VIELHA GESTION S.A. Se prepuase as presenti, que per unanimitat, damb eth vòt a favor des onze (11) membres presenti des tretze (13) que de dret formen era corporacion municipau, acòrden PRUMÈR.- Designar representants der Ajuntament de Vielha e Mijaran en Conselh d'Administracion dera societat VIELHA GESTION S.A., seguntes s’indique ara seguida e a prepausa de cada grop: Grop Municiapu de CDA-PNA Alejandro Moga Vidal Joan Pau Perdices Pla Agustín Calbetò Escrig Rosa Maria Broto Moga Grop Municipau d’UA-PM-PSC Juan Riu Llonch Marc Cuny Morón María Verges Pérez Susana Linde Tellosa Grop Municipau deth P.P. Joaquín Puente Feixa DUSAU.- Notificar aguest acòrd ath Conselh d'Administracion dera societat e sollicitar era celebracion d'ua Junta Generau Universala d'accionistes entara renovacion des membres deth Conselh d'Administracion. 8.- NOMENAMENT DES MEMBRES DERA COMISSION ESPECIAU DE COMPDES.- Eth Sr. Alcalde expause qu'en vertud de çò qu'establís er article 127 deth Reglament d'Organizacion, Foncionament e Regim Jurídic des Entitats Locaus, ei de besonh crear era Comission especiau de compdes. Se prepause as presenti que per unanimitat, damb eth vòt a favor des onze (11) membres presenti des tretze (13) que de dret formen era corporacion municipau, acòrden: PRUMÈR.- Crear era Comission especiau de Compdes integrada per un Còsso per cada Grop Municipau damb eth vòt ponderat. Era Comission aurà es atribucions que li conferís era legislacion vigenta . DUSAU.- Es representants des Grops Municipaus en aguesta comission seràn:



14

Grop Municipau de CDA-PNA Joan Pau Perdices Pla Suplent: Alejandro Moga Vidal Grop Municipau deth P.P.: Joaquín Puente Feixa Grop Municipau d’UA-PM-PSC: Alex Sirat Tarrau Suplent: Juan Riu Llonch 9.- NOMENAMENT DES MEMBRES DERA COMISSION ENTARA VIALITAT DE “TUCA”.- Eth Sr. Alcalde expause qu'en vertud de çò qu'establís er article 127 deth Reglament d'Organizacion, Foncionament e Regim Jurídic des Entitats Locaus, ei de besonh crear ua Comission entara vialitat dera estacion d’esqui TUCA. Se prepause as presenti que per unanimitat, damb eth vòt a favor des onze (11) membres presenti des tretze (13) que de dret formen era corporacion municipau, acòrden: Prumèr.- Crear era “Comission entara vialitat dera estacion d'esqui TUCA” integrada per un Còsso per cada Grop Municipau damb eth vòt ponderat e damb era invitacion expresa entà totes es amassades as Alcaldes Pedàneos de Betren e Escunhau e Casarilh.. Es membres desigandi entad aguesta Comission són: Grop Municipau de CDA-PNA: Alejandro Moga Vidal Suplent: Joan Pau Perdices Pla Grop Municipau deth P.P.: Joaquín Puente Feixa Grop Municipau d’UA-PM-PSC Rufino Martínez Cau Suplent: Juan Riu Llonch. Convidadi PRESIDENT DERA EMD DE BETREN Francisco Faure Martin PRESIDENT DERA EMD D’ESCUNHAU-CASARILH



15

José Maria Verges Moga 2AU. TINENT D’ALCALDE Sr. Joan Pau Perdices Pla 10.- NOMENAMENT DETH DIPOSITARI.- Eth Sr. Alcalde expause eth besonh de realizar eth nomenament deth Depositari de Hons dera Corporacion que se harà cargue des foncions de tresaureria e prepasuse ath Plen eth nomenament entà aguest cargue deth Sr. Joan Pau Perdices Pla. Eth Pòrtavotz deth Grop Municipau d’ UA-PM-PSC, Juan Riu Llonch, ditz qu’ei ua opcion de govèrn e qu’eth sòn grop s’abstierà. Es presenti per majoria absoluta, damb eth vòt a favor des sies (6) membres deth Grop Municipau de CDA-PNA e eth vòt deth còsso deth PP e era abstencion des quate (4) membres presenti deth Grop Municipau d’UA-PM-PSC, acòrden: PRUMÈR.- Nomenar ath Còsso Sr. Joan Pau Perdices Pla, Depositari de Hons, damb es foncions pròpries de Tresaureria e eth quau, prèviament ara presa de possession deth cargue, aurà de constituir ua fiança ena forma prevista enes dispausacions vigentes, coma establís er article 164.2 deth Real Decret Lehgislatiu 781/1986, de 16 d'abriu. DUSAU.- Publicar er anterior acòrd en eth Botletín Oficiau dera Província. 11.- APROBACION DERA DEDICACION EXCLUSIUA DER ALCALDE.- Er Alcalde lieg era prepausa d’acòrd: Vist er informe dera Secretària-Interventora dera Corporacion, en base a çò preceptuat enes articles 151 dera Lei 8/1987, de 15 d'abriu e 75 dera Lei Reguladora des Bases deth Regim Locau, atau coma era Orden deth 12 de març de 1986, per çò que tanh ara dedicacion exclusiua der Alcalde ath sòn cargue. Pren era paraula eth pòrtavotz deth Grop Municipau d’UA-PM-PSC, Juan Riu, que ditz que non podem èster mès qu’a favor en coëréncia damb çò que s’aprovèc en an 1999, er alcalde a d’auer dedicacion exclusiua. Se met era prepausa a votacion e per majoria absòluta, damb eth vòt a favor des cinc (5) membres deth Grop Municipau de CDA-PNA, eth vòt deth còsso deth Partit Popular e eth vòt des quate (4) membres presenti deth Grop Municipau d’UA-PM-PSC e era abstencion der alcalde, Sr. Alejandro Moga Vidal, s’acòrde: PRUMÈR.- Aprovar qu'eth Sr. Alejandro Moga Vidal, elegit Alcalde d’aguest Ajuntament en Plen celebrat eth dia 11 de junh de 2011, desvoloparà er exercici deth sòn cargue damb dedicacion exclusiua.



16

DUSAU.- Aprovar entàd aguest cargue ua retribucion annau bruta de 40.505,92 éuros, inclodides dues pagues extraordinàires ar an. TRESAU.- Sollicitar ath dauant dera Tresaureria Territoriau Generau dera Seguretat Sociau era nauta deth Sr.Alejandro Moga Vidal, damb cargue coma d’Alcalde, assumint er Ajuntament es obligacions qu'es nòrmes de regim Generau dera Seguretat Sociau impòsen as empreses en relacion damb es trebalhadors ath sòn servici. 12.- APROBACION DERA DEDICACION EXCLUSIUA DETH PRUMÈR TINENT D’ALCALDE.- Er Alcalde lieg era prepausa d’acòrd: Per part deth Sr. Alcalde s’expause qu’ei de besonh era aprobacion dera dedicacion exclusiua deth Prumèr Tinent d’Alcalde e mercar era sua retribucion. Vist er informe dera Secretària-Interventora dera Corporacion, en base a çò preceptuat enes articles 151 dera Lei 8/1987, de 15 d'abriu e 75 dera Lei Reguladora des Bases deth Regim Locau, atau coma era Orden deth 12 de març de 1986, se met ara consideracion deth Plen era aprobacion d’aguest acòrd. Juan Riu, pòrtavotz deth Grup Municipau d’UA-PM-PSC, damb era madeisha coëréncia de què creiguem qu’er Alcalde a de crobar, me hè rebrembat que en dates anteriors ara eleccion li manifesté ath Sr. Moga qu’aguest sòu ei innecessari, qu’eth sòn grop garantizarie que siguesse alcalde, que respetariem era lista mès votada, non ère de besonh gastar aguest sòu (sou mès seguretat sociau), aguesti sòs les calerie destinar a ues autes despenes, aguest municipi non se pòt perméter gastar aguest sòu; quand jo siguí 1er Tinent d’Alcalde damb er Alcalde Pau Perdices, enes ans 1999-2003, non recibí retribucion per aguest cargue, non se considerau necessari. Entà garantizar un pacte de govèrn non ere necessari. Respeti eth cargue mès non eth sòu. Abstencion perquè eth nomenament mos semble correcte e non viuer unicament e exclusiuament der Ajuntament, cau diferenciar eth cargue e eth sòu. Er Alcalde, Sr. Moga, li ditz que non compartis era opinion, qu’en an 2009 s’incorporèc ar organigrama municipau damb sou a cargue der Ajuntament, a còps se mos escape era despena e un sòu coma aguest entar Ajuntament de Vielha e Mijaran que de ja a ua certa dimension important non ei çò que represente; en an 2009 se hèc un dusau pas entà deuant i ei important entara gestion que s’a de portar damb es servicis municipaus. Se portarà damb rigurosidad pressupostària, damb reduccion de despenes corrents e inversiones extrictamente necessarias. Non ei unicament ua cagira entà aucupar; serà ua jornada completa que se dedicarà totaument ar Ajuntament. Enteni tanben que non vau a entrar enes negociacions anteriors ara investidura deth cargue der Alcalde; non negare es paraules que Juan Riu m’a dit e mantenem es raonaments deth mes de gèr de 2009 tanben damb era abstencion deth sòn



17

grup UA; se hèc ua reinversion deth trebalh d’aquera dusau persona, eth Sr. Puente ac harà enes madeishi tèrmes que s’a vengut hènt en aguesti dus darreri ans, contunhant damb era estructura qu’existis ja en aguest Ajuntament. Non s’a tocat era aportacion economica deth pressupòst, d’acòrd damb critèris de govèrn. Juan Riu ditz que non qüestionen era capacitat e validesa dera persona qu’aucuparà aguest cargue. Repetisqui que pensi, reafirmi, qu’era mielhor legislarura democratica a estat 1999-2003, non se crobèc per jo cap de sòu. Era situacion economica der an 1999, sabem com estaue, e coma s’a tirat entà deuant eth servici public; s’ajudèc ar Alcalde en çò que hèc falta; jamès è damanat arren. Ara non èm ena madeisha situacion, Ua 3au persona que s’anat pagant aguesti darreri ans non podem perméter qu’eth 1èr Tinent d’Alcalde vengue a mès a mès damb “regalo”; coma s’a vengut pagant factures aguesti darreri quate ans a ua empresa d’un Còsso per impòrts de 1.592€, 27.601€, 26.792€, 11.948€ e 31.779€; mos pregumtam coma a compdar d’ara se pòt crobar per persones que non son arren en aguest Ajuntament. Pregunte se non ei cert; se i a uns auti concèptes que se pòden apariar, e que li costarà ar Ajuntament, encara que sigue sense remuneracion qu’aguest Ajuntament age de suportar. Eth 2au Tinent d’Alcalde, Joan Pau Perdices Pla, li arregraís ath Sr. Riu era confiança depositada en eth e manifeste que se tracte deth madeish organigrama qu’eth sòn partit li prepausèc ath Partit Popular abantes dera investidura der Alcalde. Juan Riu li respont qu’es Actes de Còsso son personaus de cada un. Alcalde, dirimis era discusion; çò anterior ar 11 de junh de 2011 quede ena istòria de cada un; met a votacion era prepausa d’acòrd e eth debate non procedís tal i com demori que es paraules de Juan Riu se poguen rectificar; sollicitaram informe ara Secretària-Interventora respecte ad acò que Juan Riu a insinuat. Se met era prepausa a votacion e per majoria, damb eth vòt a favor des sies (6) membres deth Grop Municipau de CDA-PNA, era abstencion deth còsso deth Partit Popular, Sr. Joaquin Puente Feixa, e era abstencion des quate (4) membres presenti deth Grop Municipau d’UA-PM-PSC, s’acòrde: PRUMÈR.- Aprovar qu'eth Sr. Joaquin Puente Feixa nomenat Prumèr Tinent d’Alcalde per Decrèt d’Alcaldia deth dia 22 de junh de 2011, desvoloparà er exercici deth sòn cargue damb dedicacion exclusiua. DUSAU.- Aprovar entàd aguest cargue ua retribucion bruta annau de 26.160,54 èuros, inclodides dues pagues extraordinàires ar an. TRESAU.- Sollictar ath dauant dera Tesoreria Territorial General dera Seguretat Sociau era nauta deth Sr. Joaquin Puente Feixa, damb cargue coma Tinent d’Alcalde, assumint



18

dit Ajuntament es obligacions qu'es nòrmes de regim Generau dera Seguritat Sociau impòsen as empreses en relacion damb es trebalhadors ath sòn servici. 13.- APROBACION DERA DELEGACION DE COMPETÉNCIES DETH PLEN ENA JUNTA DE GOVÈRN LOCAU.- Celebrades eth passat dia 22 de mai de 2011 es Eleccions Locaus convocades per Reiau Decrèt 424/2011, de 28 de març, e constituïda era naua Corporacion Municipau en session extrordinària eth passat dia 11 de junh, e damb er objècte de balhar ua major celeridad e eficacia ara actuacion municipau, aguesta Alcaldia considere de besonh, en usatge des facultats que conferis ar Ajuntament er article 23 dera Lei 7/1985, Reguladora des Bases de Règim Locau, ena sua redaccionn actuau, en concordància damb er article 52 deth Decrèt Legislatiu 2/2003, de 28 d'abriu, peth quau s'apròve eth Tèxt Rehonot dera Lei Municipau e de Règim Locau de Catalunha, procedir a establir un règim de delegacions de matèries, era competéncia des quaus les ostente eth Plen en virtud dera Lei, a favor dera Junta de Gòvern Locau. Auent en compde que cossent damb era legislacion nomentada, eth Plen der Ajuntament pòt delegar er exercici des sues atribucions a favor dera Junta de Gòvern Locau o der Alcalde, tostemp e quan non se trape laguens des supòsits previsti en article 22.4 dera Lei Reguladora des Bases de Règim Locau, ena naua redaccion dada pera Lei 11/99, de 21 d’abriu, e er article 52.4 deth Decrèt Legislatiu 2/2003, de 28 d'abriu, peth quau s'apròve eth Tèxt Rehonot dera Lei Municipau e de Règim Locau de Catalunha e 13 dera Lei 30/1992, de 26 de noveme, de Règim Jurídic des Administracions Publiques i del procediment administratiu comú, enes que se regulen es competéncies plenàries qu’an caràcter indelegable. Per tot çò, aguesta Alcaldia, en usatge des atribucions que legaument a conferides, prepause ath Plen dera Corporacion Municipau era delegacion de diuerses competéncies. Eth pòrtavotz deth Grop Municipau d’UA-PM-PSC, Sr. Riu, comente que non auíem parlat d’aguest punt, volia explicar que quan abantes se referic ara creacion dera naua Comission non volia debatir-la per’mor qu’a relacion damb es competéncies qu’aurà era Junta de Govèrn Locau. Que s’agen de decidir entre toti ahèrs que non s’an de decidir per un òrgan collegiat. Quan de ja estàn regulades moltes cause que Vd. vò debatir ena Comission Informatiua coma ruidos, caques de gossets, aucupacion de terraces, eca. Tostemp auem estat a dispausacion, demoram qu’ara eth temps nos sigue mes favorable. Er Ajuntament ei deth pòble, nosati èm es sòns representans, en aguesti darreri quate ans vustè a sajat de què nosati participèssem en ahèrs municipaus; cada còp que mos cride i seram. Eth pòble de Vielha e Mijaran ei per deuant de quinsevolh decision partidista. Era delegacion de competències le semblen ben, çò que non li semble ben ei que totes es competéncies les age era Junta de Govèrn Locau.



19

Er alcalde, Alejandro Moga Vidal, arregraís eth tò des paraules, era dispausacion de collaboracion; ratifique eth pròpi tarannà de participacion; pera pròpia inesperiéncia a còps se cometen errors; eth clima a d’èster bon e que queden per deuant es paraules dera sua investidura, èm tretze en servici deth pòble, eth grop de govèrn mantieram aguesta volentat, ath marge des delegacions de competéncies, pera eficacia, operativitat, contunharma damb era madeisha linha de trebalh d’aguesti darreri quate ans; compartiram era responsabilitat e era participacion que i a d’auer en aguest Ajuntament. Era Comission Informatiua cre qu’ei positiua qu’existisque, ath margen que se non se cree contunharam actuant igual. Era responsabilitat deth govèrn serà trebalhar entà esvitar problemes, adequar es ordenances as besonh deth territòri, hèr zònes adaptades, era configuracion d’un municipi damb eth pare des tretze membres, damb volentat de hèr causes, damb volentat de dialòg de toti es membres. Agrais era predisposicion ara collaboracion e dialòg damb er Alcalde. Juan Riu, ditz que s’aguest gèst sonque se hè de cara as caques des gossets, non mereish era pena. Dilheu es competéncies que s’assumíssen pera Junta de Govèrn Locau aurien de deishar-les-ac ath Plen. + a favor des sies (6) membres deth Grop Municipau de CDA-PNA e eth vòt a favor deth còsso deth Partit Popular e, era abastencion des quate (4) membres presenti deth Grop Municipau d’UA-PM-PSC, s’acòrde: PRUMÈR.- Delegar ena Junta de Gòvern Locau es competéncies plenaries que se relacionen ara seguida: EN MATÈRIA DE CONTRATACION E PATRIMÒNI: 1.- Aprovar es expedients de contractacion e concession de tota classe quan eth són impòrt supere eth 10 per 100 des recursi ordinaris deth pressupòst e, en quinsevolh cas, es 6.010.121,04 èuros, atau coma es contractes e concessions pluriannaus quan era sua duracion sigue superior a quate ans e es pluriannaus de mens duracion quan er impòrt acomulat de totes es sues annualitats supere eth percentatge indicat, referit as recorsi ordinaris deth pressupòst deth prumèr exercici e, en tot cas, quan sigue superior ara quantia abantes indicada. 2.- Aprovar es Estudis de Seguretat e Salud, era conformitat des Plan de Seguretat e Salud e es nomenament de Director Tècnic des òbres e de Coordinacion en matèria de seguretat e salud, en toti es expedients d’òbres de competéncia deth Plen. 3.- Acordar era modificacion des contractes o concessions, quan, aislada o conjuntament, non implique ua alteracion deth prètz primitiu deth contracte superior per exès o per defecte, ath 20 %. 4.- Aprovar es recepcions e es devolucions de garanties.



20

5.- Declarar es resolucions des contractes o concessions, quan non se formule oposicion per part deth contractista. 6.- Aprovar es revisions de prètzi des contractes e concessions. 7.- Era imposicion de sancions as contracties e concessionaris que non impliquen era resolucion deth contracte o concession, sense perjudici de çò que dispause er apartat 4 anterior. 8.- Autorizar era transmission a tresaus des contractes e concessions. 9.- Véner, gravar o cedir, per quinsevolh títol, bèns patrimoniaus de propietat municipau, tostemp qu’eth sòn valor excedisque deth 10% des recorsi ordinaris deth pressupòst e, en tot cas, sigue superior a 3.005.060,52 èuros, enes supòsits de bèns immobles o bèns mòbles declaradi de valor istoric o artístic, quan non sigue previst en pressupòst. 10.- Adqueriment de bèns e drèts quan eth sòn valor sigue superior ath 10% des recorsi ordinaris deth pressupòst o a 3.005.060,52 èuros. 11.- Aprovar iniciaument e ordenar era expausacion publica des Plècs de Clausules Generaus e es sòns modificacions. 12.- Acceptar bèns damb cargues o gravaments onerosi. 13.- Acordar mutacions de domeni public per cambi de destin des bèns. EN MATÈRIA DE POBLACION: 1.- Aprovar era rectificacion annual deth Padròn Municipau d’Abitants e resòler es reclamacions que se meteguen contra eth madeish. 2.- Era adopcion d’acòrds relatius ara formacion des Meses Electoraus. EN MATÈRIA DE PERSONAU: 1.- Acordar era superacion des límits retributius a què hè referéncia er article 327.2 deth reglament de Personau ath servici des Entitats Locaus de Catalunha. 2.- Reabilitar as foncionaris dera Corporacion. 3.- Autorizar ath personau er exercici d’activitats d’investigacion de carácter non permanent o d’assessorament entà lòcs concreti.



21

4.- Declarar es incompatibilitats deth personau e autorizar o denegar es sollicituds sus compatibilitats. EN MATÈRIA DE PLANIFICACION, ECONOMICA E ACIENDA: 1.- Aqueres competéncies que se deleguen peth Plen ena Junta de Gòvern Locau entà cada exercici, a trauers des Bases d’Execucion deth Pressupòst. 2.- Aprovar eth reconeishement extrajudiciau de deutes. 3.- Sollicitar e acceptar subvencions quand era dispausacion qu’apròve era convocatòria establisque qu’eth Plen sigue er òrgan municipau competent. 4.- Dictar es nòrmes entath seguiment e eth desvolupament dera comptabilitat finacera e pressupostària municipau. 5.- Resoler es discrepancies que se produísquen damb relacion a objeccions dera foncion interventora, enes supòssits establits en article 217. 2ª) dera Lei Reguladora des Isendes Locau, aprovada per Real Decrèt Legislatiu 2/2004, de 5 de març. 6.- Establiment, fixacion, regulacion e modifiacion des Prètzi Públics. 7.- Era declaracion de nullidad de plen drèt e era revison d’ofici des actes dictadi en via de gestion tributària, enes casi e d’acòrd damb eth procediment establit enes articles 153 e 154 dera Lei Generau Tributària. 8.- Era concertacion d’operacions de tresaureria, quan er impòrt acomulat des operacions viues en cada moment supere eth 15% des ingrèssi corrents liquidadi en exercicis anteriors. EN MATÈRIA D’ÒBRES E URBANISME: 1.- Ordenar era demolicion des edificacions illegaus. EN MATÈRIA D’INFORMACION E PARTICIPACION CIUDADANA: 1.- Determinar es mieis de besonh entà balhar publicitat as acòrds adoptadi pera Corporacion e as convocatòries des òrgans, es sessions des quaus non siguen publiques. EN MATÈRIA PROCESAU: 1.- Era declaracion de nullidad de plen drèt e era revision d’ofici, des actes administratius dictadi per Alcalde, directament o a trauèrs des Còssos qu’agen delegacions, e pera Junta de Gòvern Locau.



22

2.- Acordar la declaracionn de lesivitat des actes administratius dictadi per Alcalde, directament o a trauèr des Còssos qu’agen delegacions, e pera Junta de Gòvern Locau. 3.- Acordar era comparecéncia dera Corporacion en tot tipe de procesi judiciaus que, afectant directa o indirectament ar Ajuntament, se seguísquen per o contra autes Administracions o particulars. 4.- Er exercici d’accions judiciaus e administratives e era defensa dera Corporacion en matèria de competéncia plenària. 5.- Autrejar era representacion der Ajuntament entar exercici de tot tipe d’accions administratives e judiciaus. 6.- Era resolucion, en via administrativa, des accions, reclamacions o recursi de quinsevolh tipe, que se meteguen contra es acòrds dictadi pera Junta de Gòvern Locau en usatge des atribucions delegades en virtud d’aguest acòrd. EN MATÈRIA DE RELACIONS INTERADMINISTRATIVES: 1.- Acordar era subscripcion de convènis de collaboracion damb autes Adminsitracions, atau coma damb entitats e particulars, tostemp que deth sòn contengut non resulten compromisi a cargue dera Corporacion enes matèries qu’er article 22 dera Lei 7/1985, Reguladora des Bases de Règim Locau, ena sua redaccion actual, considere de caràcter indelegable. EN MATÈRIA SANCIONADORA: 1.- Er exercici des atribucions qu’er article 13.2 b) dera Lei 10/1999, de 30 de junhsèga, sus tenéncia de cans potenciaument perilhossi, atribuis ath Plen entara impausacion de sancions pera comission de fautes tipificades coma de greus en aguesta nòrma. DUSAU.- Es atribucions delegades s’auràn d’exercitar pera Junta de Govèrn Locau laguens des límits d’aguesta delegacion, non estant susceptible d’èster delegades en cap aute òrgan. En tèxt des acòrds adoptadi pera Junta de Govèrn Locau, en virtud d’aguesta delegacion, s’aurà de hèr constar aguesta circonstància per miei dera inclosion, ena part expausativa, deth tèxt següent: “Auent en compde qu’era adopcion d’aguest acòrd ei competéncia d’aguesta Junta de Govèrn Locau, en virtud des delegacions efectuades peth Ple d’aguest Ajuntament en session de data …..”



23

Es acòrds que s’adòpten per delegacion, s’enteneràn dictadi peth Ple dera Corporacion Municipau, coma titolar dera competéncia originaria, ath quau s’aurà de mantier informat der exercici dera delegacion, per miei dera remission des brolhons des actes dera Junta de Gòvern Locau a toti es Còssos dera Corporación, e seràn immediatament executius e pressumptament legítims. TRESAU.- Aguetes delegacions, de conformitat damb çò que dispause er article 51.2 deth Reglament d’organización, Funcionament e Règim Jurídic des Entitats Locaus, aurà efecte des deth dia següent ara adopcion d’aguest acòrd, sense perjudici dera sua publicacion en Butletín Oficiau dera Província e aurà caràcter indefinit, sense perjudici dera potestat d’evocacion peth Plen. QUATAU.- Comunicar aguest acòrd a toti es Servicis e Departaments Municipaus, as Còssos, entath sòn coneishement e efectes de besonh, hènt-les a constar qu’en compliment der article 123 deth Reglament d’organización, Funcionament e Règim Jurídic des Entitats Locaus, damb caràcter previ ara adopcion des acòrds pera Junta de Govèrn Locau, auràn d’èster dictaminadi pes Comission Informatives corresponents, exceptat qu’agen estat declaradi d’urgéncia, en aguest cas s’aurà de balhar compde posteriorment d’aguest ara Comission Informativa competent. CINCAU.- Publicar aguest acòrd en Butletín Oficiau dera Provincia. Er Alcalde arregraís un aute còp eth tò des paraules deth Grop d’UA-PM-PSC. Er Alcalde lhèue era session, dera quau coma Secretària, extengui aguesta acta. Era secretària Er alcalde

Ajuntament de Vielha e MijaranAjuntament de Vielha e Mijaran Sarriulèra,2 – 25.530VIELHA – Tel...

Documents

Transcript of Ajuntament de Vielha e MijaranAjuntament de Vielha e Mijaran Sarriulèra,2 – 25.530VIELHA – Tel...