Post on 23-Jun-2020
1
ARLOA: MATEMATIKAK
2
LEHEN HEZKUNTZA
3
ETAPARI BURUZKO SARRERA
Matematikak zer diren azaltzeko modu egokia izan daiteke kopuruak,
espazioa eta itxurak, aldaketak, harremanak eta zalantza azaltzeaz eta
analizatzeaz arduratzen den zientzia dela esatea. Ingurura begiratuz gero, ikus
dezakegu osagai horiek pertsonen, lanaren, eguneroko zereginen,
hedabideen... eguneroko aspektuetan daudela, dena zenbakia dela uste duen
ideia horretara iritsi gabe; izan ere, zaila da matematiken beharra ez duen
jardueraren bat aurkitzea.
Matematikak, funtsean, errealitate sozialak, naturalak edota abstraktuak
deskribatzen dituen hizkuntza da, zenbakien, grafikoen, espresio aljebraikoen,
harreman estatistikoen, fenomeno aleatorioen, eta abarren bidez. Matematikak
ulertzeko eta nola aplikatu jakiteko nabarmendu beharreko ezaugarri batzuk
ezagutu behar dira.
Matematikak unibertsalak dira: Lortutako emaitzak nazioarteko
komunitate osoak onartzen ditu. Horrek ez du esan nahi historikoki erabilitako
metodoak berdinak izan direnik: unibertsalak direnak jarduerak dira; horietako
asko herrietako kulturari lotuak daude, eta ezagutza matematikoa sustatu dute.
Horrela, honelakoez hitz egin dezakegu: zenbatzea, lokalizatzea, neurtzea,
azaltzea, jolastea, etab.
Matematikak bizirik dauden zientzia dira. Matematiken ezagutza ez
dago fosilizatua, jasotako oinordekoaz gain, eraiki beharreko zientzia da.
Erronka interesgarri bat aurkeztutako erronka berriak modu egokian
testuinguruan sartzea da.
Matematikak erabilgarriak dira. Edozer lekutara begiratuta ere,
matematikak hor daude, ikusi ala ez. Zientzian, teknologian, komunikazioan,
ekonomian eta beste hainbat eremutan erabiltzen dira. Matematikak
erabilgarriak dira eguneroko bizitzan agertzen diren arazoak errekonozitzeko,
interpretatzeko eta konpontzeko balio dutelako. Gainera, zehaztasun osoarekin
komunikatzeko hizkuntza indartsua ematen digute. Erabilera horien barruan
4
beharrezkoa da daukan garrantzia nabarmentzea, era guztietako informazioan
etengabe agertzen diren analisi kuantitatiboak (datu estatistikoak, prezioak,
hainbat indize, hipotekak, etab.) dituzten komunikazio bideei dagokienean
Matematikak patroien eta harremanen zientzia dira. Patroi horiek
ulertzea eta erabiltzea trebetasun edota gaitasun matematikoaren zati handi bat
dira. Ideia matematikoak eta eguneroko esperientziak zein benetako munduko
egoerak lotzen diren heinean, ideia horiek benetan erabilgarriak eta indartsuak
direla ikusiko dugu.
Matematikak eta arazoak. Arazoak konpontzea garrantzi handikoa da
matematiken aurrerapenerako eta horiek ulertzeko zein ikasteko.
Matematiketan egiten jakiteak zerikusi handia dauka arazoak konpontzeko,
probak aurkitzeko, argumentuak kritikatzeko, hizkuntza matematikoa erraz
erabiltzeko, egoera jakinetan kontzeptu matematikoak errekonozitzeko,
antsietate dosi jakin bat jasateko eta abarretarako gaitasunarekin, baita
aukeratutako bideaz gozatzeko prest egotearekin ere. Arazoak konpontzeko
trebetasunak ikasleek bizitza osoan beharko duten oinarrizko trebetasunetako
bat da, eta eskola utzitakoan maiz erabili beharko dute.
Matematikak eta teknologia berriak. Ikerketak eta esperientziak
kalkulagailuen eta ordenagailuen erabilera egokiak eta inteligenteak duen
garrantzia nabarmentzen dute. Erabilerak ondokoak biltzen dituen garapen
kognitiboa hobetzen du: zenbakien zentzua, garapen kontzeptuala, arazoak
konpontzea eta bistaratzea. Azken finean, matematikak irakasteko erreminta
erabilgarriak dira..
Gainera, arrazoizko pentsamendua sortzerakoan oso garrantzitsua da;
izan ere, arrazonamendua garatzeko ondoen prestatutako ezagutza-arloa dago
edozer jarduera matematikoren oinarrian. Edukiak eta matematikako estrategia
propioak ikasteko prozesurako beharrezkoa da, eta funtsezkoa ikasteko
estrategia orokorrak eskuratzeko eta garatzeko. Estrategia horiek bizitza osoko
ikaskuntza ziurtatzen dute, jarduera profesionala aldatu behar denean edota
ezagutza berriak hartu behar direnean. Bizitza osorako estrategia horien
5
barruan, garrantzia gehien dutenak Arazoak Konpontzeari erreferentzia egiten
dietenak dira.
Matematikek zeregin instrumentala edota aplikatiboa eta hezitzailea
daukate. Instrumentala beste ikasgaiekin duen harremanagatik; izan ere,
matematiken beharra daukate aztertzen dituzten fenomenoen modelo
esplikatiboak sortzeko, interpretatzeko edota analizatzeko. Beraz, beharrezko
instrumentua da etengabe eboluzionatzen eta gero eta teknikoagoa den mundu
honetako informazioak eskuratzeko (zenbakizkoa, grafikoa, estatistikoa,
geometrikoa, zoriarekin zerikusia dutenak, etab.). Hezitzailea ikasleen garapen
intelektuala lortzen laguntzen duelako, abstrakzioa, orokortasuna, pentsamendu
gogoetatsua, arrazonamendu logikoa, etab. bezalako gaitasunak sustatuta. Ez
dira ahaztu behar domeinu algoritmikoa eta emaitzen zein oinarrizko
prozeduren memorizazioa. Hala, norabide honetako lan egokiak buruko
egiturak eta lan-ohiturak sortzen laguntzen du, eta dauzkan erabilgarritasuna
zein garrantzia ez dira matematiken arlora bakarrik mugatzen
Matematikak Lehen Hezkuntzara zehazteko, horien garapenerako
interesgarriak diren zenbait ezaugarri agertzea komeni da:
Intuizioaren nagusitasuna abstrakzioaren eta formalizazioaren
aurrean; horrekin batera, estrategia pertsonalak nagusitzen
dira "akademikoagoak" diren estrategien aurrean.
Ikasleen esperientziaren hainbat eremu erabiltzea,
matematikako ariketen iturri gisa.
Maneia daitezkeen materialak eta neurrira egindako tresnak
erabiltzea.
Kalkulagailua eta ordenagailua arrazionalki erabiltzea.
Lan-taldearen garrantzia ikaskuntzarako oinarri gisa.
Eduki guztien garapena lehen ikasturtetik hasita. Bereziki
Problemen Ebazketa eta eduki geometrikoak, zentzumenen
garapenarekin batera.
Hizkuntza argi eta egoki batekiko joera eta beharra sustatzea
ideiak, arrazoibideak, argudioak eta abar komunikatzeko.
6
Matematikaren arloa garatzeko, modu jakin batean taldekatzen ditugun
eduki batzuk aukeratu behar ditugu. Hala, edukien blokeak sortuko ditugu.
Bloke horiek ez dute gai-zerrenda osatzen edota ez dira zentzua duten
tokibanatutako unitateak. Horietan hiru eduki mota bereziten dituzte:
kontzeptuzkoak, prozedurazkoak eta jarrerazkoak. Aukeratutako blokeak
ondokoak dira:
1. Zenbakiak eta eragiketak
2. Neurria
3. Geometria
4. Informazioaren tratamendua, Zoria eta Probabilitatea
5. Problemen ebazpena
ARLOKO GAITASUNAK
Arlo honi lotutako gaitasun nagusietako batzuk deskribatuko ditugu labur-
labur. Gaitasun matematikoari dagokionean, horren ekarpenak hainbat
alderditan adieraz daitezke:
7
– Zenbaki mota desberdinak eta horien operazioak ulertzeari eta hainbat
testuingurutan erabiltzeari dagokionean, matematika-ezagutza berriak
eraikitzeko.
– Arrazonamenduak garatzeko ahalmenari, kontzeptuak eraikita eta
adierazitako ideien egiatasuna ebaluatuta.
– Arazo baten atzean dauden matematika-elementuak identifikatzeko
ahalmenari, arazoa konpontzen lagunduko diguten ezagutza egokiak
aurkitzea, eta matematika-jardueraren emaitzak komunikatzeko
bitartekoak erabiltzea.
– Beharrezkoa gertatzen den egoeretan ezagutza zein trebetasun
matematikoak erabiltzea sustatzeko jarrera positiboa sortzen eta
erabakiak konfiantzarekin hartzen lagunduko duten ondorioak lortzen.
Matematikak ere lagungarriak dira hizkuntz komunikazioari lotutako
gaitasunak garatzeko. Ez da ahaztu behar matematikak hizkuntza bat direla.
Erabili beharreko hizkuntza da. Mintzakera eta idazkera etengabe agertzen dira
gure ideien komunikazioan.
Matematika-hizkuntza unibertsala da, eta terminoen zehaztasunagatik
eta arrazoizko esposizioen laburtasunagatik nabarmentzen da . Gainera, ideiak
transmititzeko gaitasun handia ematen dieten beste ezaugarri batzuk ere
badauzkate; hala nola, hizkuntza sintetikoa, sinbolikoa eta abstraktua izatea.
Pentsamendu geometrikoaren garapenak mundu fisikoa ezagutzen eta
mundu horrekin eragiteko gaitasunean laguntzen du, itxuren eta egitura
geometrikoen apreziazioaren eta ikaskuntzaren bidez. Bistaratzea garatuta
(kontzeptu espaziala), ikasleak modeloak egiteko eta planoak zein espazioan
figurak mentalki manipulatzeko gaitasuna hobetzen du. Gaitasun hori mapak
erabiltzerakoan, ibilbideak antolatzerakoan, planoak diseinatzerakoan,
marrazkiak eta zirriborroak egiterakoan, eta, oro har, sortze artistikoan oso
lagungarri egingo zaio.
8
Errealitatea ezagutzeko modu matematikoetako bat bertara gerturatzea
da, neurtzea, tamainari buruzko estimazioak egitea; oro har, errealitatearen
handitasunaren apreziazioa lortzea, horri buruzko informazioa aurkezteko eta
neurtu ostean lortutako datuak (kalkulatu) berriro elaboratzeko, datu berriak
eskuratzeko helburuarekin.
Matematikek informazioa tratatzeko gaitasuna eta gaitasun digitala
lortzen laguntzen dute. Egunero hedabideen bidez iristen zaigun informazioaren
zati handi bat zenbaki, taula zein grafiko itxuran aurkezten zaigu. Beharrezkoa
egiten da horiek interpretatzea, jasotako mezuen aurrean jarrera kritikoa
azalduta.
Egun, ohikoa da Matematiketan erreminta teknologiko ugari erabiltzea,
batez ere, kalkulagailuak eta ordenagailuak. Kalkulu numerikoa, aljebra-
kalkulua eta kalkulu analitikoa egiteko hainbat eta hainbat programa daude,
baita geometria dinanimorako eta analisi estatistikorako ere. Horrez gain, badira
neurrietarako softwareak eta gailuak hainbat simulazio eta proba egiteko.
Hainbat egoera konpontzeko erabiltzeaz gain, ikasleek beren ezagutza
matematikoa osatzeko erabili ahal izango dituzten baliabide horiek guztiak,
teknologiak eskaintzen dizkigun aukerez baliatuz. Trebetasun berri horrek
egoera hobeto ulertzen eta, informazioaren transmisioan, gaitasuna handitzen
lagunduko digu.
Matematikek, geometriarekin batera, espresio kulturalean eta
artistikoan gaitasuna lortzen laguntzen dute; izan ere, inguratzen gaituen
mundua deskribatzen zein ulertzen, eta mundu horren egituren edertasuna
hautematen laguntzen digute. Harreman geometrikoek artistek konposizio
askotan erabiltzen dituzten prozedurak justifikatzen dituzte, batez ere, patroien
erabileran (simetria-taldeak, mosaikoak), proportzioetan (konposizioa) eta
perspektiba-marrazkian.
Matematika-ezagutza bera garrantzia handiko espresio kulturala da, eta
giza garapenean ekarpen handiak egiten dihardu. Lehenengo ezagutza
9
geometrikoetatik hasita, zenbakiaren eraikuntzatik eta zenbakikuntza-
sistemetatik, eta denbora zein espazioa neurtzetik igarota, egungo
matematikaren garapen modernoetara iritsi arte, matematikak etengabe
eraldatzen ari diren ezagutza da. Matematika-ezagutzei esker jakin daiteke
denboran eta espazioan aldendutako kulturek zer eragin izan duten ezagutza-
talde baten sortzean. Ezagutza horiek eremu zientifiko guztietan eta bizitzako
alderdi gehienetan erabiltzen dituzte. Matematikak gure kulturaren zati dira eta
eguneroko bizitzaren alderdi askotan erabiltzen dira: barra-kodeetan,
arkitekturan, kode zifratuetan. Alderdi horiek gogorarazten digute matematikak
giza espirituaren sorkuntza direla, eta garbi dago ikasleei gizartearen antolaketa
ulertzen eta bertan mugitzen irakasten dietela. Azken finean, matematika-
ezagutza lehenengo ordenako ezagutza da.
Gaitasun sozialaren eta herritarraren ekarpena matematiken
erabileratik dator, batez ere, estatistikoa den informazioaren antolaketatik.
Helburua gizarte fenomenoak deskribatzea da, interpretazioak eta aurresanak
egiteko zein irizpide zientifikoetan oinarritutako zalantzazko egoeretan
erabakiak hartzeko.
Matematiketan gainerakoen ikuspuntuak kontuan izaten ikasten da; izan
ere, sarri beste pertsonek arazoak konpontzerako garaian beste ikuspuntu
batzuk ematen dizkigute. Kasu batzuetan, gure bidea okerra dela ikusarazten
digute, edota egoerari aurre egiteko bide hori bezain onak edota hobeak
badaudela erakusten digute. Garrantzitsua da matematiketako eskoletan
akatsak espiritu eraikitzaile batetik fokatzea, eta horien atzetik egon ohi diren
eta ezkutuan gera daitezkeen beste akatsen batzuk agerrarazteko arrazoi gisa
erabiltzea. Matematiketan akatsek ezagutza berriak sortzen laguntzen digute.
Ez da ahaztu behar matematiken ardatza Arazoak Konpontzea dela, eta
aurretik aipatutako gaitasun guztietan eragiten duela: matematika-
gaitasunerako konpontzeko estrategia heuristikoak garatzen dituzte; eta
gaitasun linguistikorako, berriz, esfortzu handia egiten dute enuntziatuen analisi
zehaztuan eta egindako lanetatik abiatutako txostenen elaborazioan.
10
Modelizazio lanaren araberako mundu fisikoa ezagutzeko. Gainera, arazoak
konpontzeak oinarrizko bi gaitasunetan eragiten du:
11
MATEMATIKA ARLOKO TREBETASUN OROKORRAK LEHEN HEZKUNTZAN
Lehen Hezkuntzako matematiken arloko helburua ikasleengan honako trebetasun hauek garatzen laguntzea da: 1.- Ohiko bizitzatik edo matematiketatik ateratako problemak agertzea eta ebaztea, bakarka nahiz taldeka, hainbat estrategia hautatuz eta erabiliz, ebazpen-prozesua arrazoituz, emaitzak interpretatuz eta horiek egoera berrietara aplikatuz gizartean eraginkortasun handiagoz jardun ahal izateko. 2.- Egunerokotasunean dagoen ezagutza matematikoa erabiltzea eguneroko bizitzako egoeren eta gertakarien mezuak eta informazioak ulertzeko, baloratzeko eta sortzeko eta horiek beste ezagutza alorretarako duten izaera instrumentala hautemateko. 3.- Lengoaia eta adierazpen matematikoari dagozkion tresnak (zenbakiak, taulak, grafikoak, irudiak, etab.) autonomoki erabiltzea norberaren pentsamenduak argi eta koherente agertu ahal izateko, baliabide teknologiko egokienak erabiliz. 4.- Natur eta kultur inguruneko forma geografikoak hautematea, horien elementuen ezagutza, horien arteko loturak eta horietako bakoitzaren ezaugarriak errealitatea deskribatzeko eta jarduteko aukera berriak garatzeko erabiliz, ezagutza geometrikoak inguratzen gaituen mundu fisikoa ulertzeko eta aztertzeko eta harekin lotutako problemak ulertzeko eta aztertzeko aplikatuz. 5.- Kalkuluak (numerikoak, metrikoak, etab.) segurtasunez eta konfiantzaz egitea egoera bakoitzaren araberako prozedurak erabiliz (buruko kalkulua, kalkulu idatzia, kalkulagailua...), eguneroko bizitzako egoerak interpretatzeko eta baloratzeko, emaitzak sistematikoki berrikusiz. 6.-Ikasleen adinaren araberako ohiko hizkuntza eta matematikako hizkuntza erabiliz arrazoitzea eta argudioak ematea, emaitzak eta ondorioak justifikatzeko eta aurkezteko. 7.-IKTak (kalkulagailuak, ordenagailuak, etab.) modu egokian erabiltzea, bai kalkuluetarako, bai informazioa bilatzeko, tratatzeko eta irudikatzeko, baita matematikak ikasten laguntzeko ere. 8.-Matematikek eguneroko bizitzan duten egitekoa, erabilgarritasuna eta aplikazioa aintzakotzat hartzea, horiek erabiltzeaz gozatzea eta jarduera matematikoaren jarreren balioa hautematea: esaterako, alternatiben azterketa eta zehaztasunaren egokitasuna ebazpenak bilatzen jarraitzeko.
12
MATEMATIKEN EDUKIA LEHEN HEZKUNTZAN
1. blokea: Zenbakiak eta eragiketak
KONTZEPTUZKOAK PROZEDURAZKOAK
1.- Zenbaki naturalak, Osoak, Zatikiarrak eta Hamartarrak.
Beharra eta funtzioak: zenbatzea, neurtzea, ordenatzea, kopuruak edo zatikiak adieraztea, informazioak kodetzea, objektuak eta elementuak bereiztea, etab.
Zenbakien arteko loturak (handiagoa, txikiagoa, berdina, desberdina, handiagoa edo berdina, txikiagoa edo berdina, ia berdina) eta horiek adierazteko sinboloak.
Zenbaki positiboak eta negatiboak. Zenbaki kardinalak eta ordinalak.
Zatiki soilen eta horien baliokide hamartarren arteko elkarrekikotasuna.
Hitzezko hizkuntzaren, irudikatze grafikoen eta zenbaki-notazioaren arteko elkarrekikotasuna.
2.- Numerazio Hamartarraren Sistema
Zenbakien grafia
Posizio-balioa
Beste numerazio-sistema batzuk: sistema erromatarra 3.- Eragiketak: Batuketa, kenketa, biderketa eta zatiketa.
Eragiketa horiek erabiltzen diren egoerak: Batuketa gehikuntza gisa; kenketa txikiagotze, konparazio edo osagarri gisa; biderketa batuketa laburtu gisa, errepikapen gisa eta proportzionaltasun (bikoitza, hirukoitza) gisa; zatiketa, banaketa eta proportzionaltasun gisa (erdia, herena)
Alderantzizko eragiketen identifikazioa (batuketa eta kenketa, biderketa eta zatiketa)
Kopuru baten ehunekoa ((%)
Anizkoitza eta zatitzailea.
Berretura. Koadroak eta kuboak
1. Zenbakien konposiziorako eta deskonposiziorako estrategiak.
2. Zenbaki osoak, hamartarrak eta zatikiar soilak zuzen batean irudikatzeko jarraibideak.
3. Zenbakiak konparatzeko, sailkatzeko eta ordenatzeko metodoak.
4. Zenbakiak osatzeko arauak
5. Zenbaki naturalekin eta hamartar soilekin egiteko lau eragiketen algoritmoak.
6. Izendatzaile komuna duten zatikiekin batuketak eta kenketak egiteko arauak.
7. Lau eragiketen hierarkia ezartzeko eta parentesia erabiltzeko arauak.
8. Kalkulagailua erabiltzeko jarraibideak eta hori erabiltzeko egokitasunari buruzko ziurtasuna, kalkuluen konplexutasunaren arabera eta lortu nahi den zehaztasunaren arabera.
9. Kalkulu mentala garatzeko eta aplikatzeko estrategiak (batuketa, kenketa, biderketa, zatiketa eta kasu errazen ehunekoak) eta egindako prozesuaren ahozko azalpena.
10. Kalkulu baten emaitza estimatzeko estrategiak eta arrazoizko erantzunen balorazioa.
11. Zenbakien segida batek jarraitzen duen eredua zehazteko metodoak eta segiden osaketa, eredu bat oinarri hartuta.
13
14
2. blokea: Neurria
KONTZEPTUZKOAK PROZEDURAZKOAK
1.- Neurketaren beharra eta horren funtzioak
Magnitudeen ezagutza eta identifikazioa
Magnitudeen konparaketa
Gorputz-unitateak 2.- Neurketa-unitateak Sistema Metriko Hamartarrean: luzera, azalera, bolumena, edukiera eta masa
Unitateen sinboloak
Funtsezko unitateen anizkoitzak eta azpianizkoitzak 3.- Tokiko mailan erabiltzen diren neurketa-unitateak 4.- Neurketa-tresnarik ohikoenak 5.- Denbora neurtzeko neurketa-unitateak. 6.- Moneta-sistema 7.- Angeluak neurtzeko neurketa-unitateak. Gradua.
1. Neurketen estimazioak eta hurbilketak egiteko estrategiak. 2. Luzera, denbora, angeluak, edukiera eta abar neurtzeko
hainbat tresna erabiltzeko eta sortzeko jarraibideak. 3. Unitate desberdinetan egindako neurketak bihurtzeko eta
konparatzeko algoritmoak, bakoitzari dagokion elkarrekikotasuna aplikatuz (luzera, azalera, edukiera, denbora).
4. Denboraren neurketari lotutako problemak ebazteko arauak, bai analogikoki, bai digitalki.
5. Ordainketa bat moneta eta billete desberdinekin egiteko jarraibidea, bakoitzarekin dagokion elkarrekikotasuna erabiliz.
6. Neurketarako erabili den prozesua eta estrategia ahoz eta idatziz deskribatzeko jarraibideak.
7. Neurketa bat adierazteko unitaterik egokiena aukeratzeko irizpideak.
8. Angeluak neurtzeko ohiko tresnak erabiltzeko arauak. 9. Monetari buruzko gaiekin lotutako eguneroko bizitzako
arazoak ebazteko metodoak.
15
3. blokea: Geometria
KONTZEPTUZKOAK PROZEDURAZKOAK
1.- Elementu geometrikoak eta horien arteko loturak.
Puntua, zuzena, planoa eta espazioa.
Lerro zuzenak eta kurbak.
Angeluak. Sailkapena
Paralelismoa eta perpendikulartasuna, ebaketa eta zuzenen arteko gurutzaketa
2.- Irudikapen- eta erreferentzia-sistemak
Objektuen kokapena espazioan.
Irudikapen-modu desberdinak. Koordenatu Cartesiarren Sistema.
Erreferentziazko elementuak: desplazamenduak, distantziak, angeluak eta biraketak.
Eskalak: Numerikoak eta grafikoak 3.- Forma lauak. Poligonoak: elementuak (aldeak, erpinak, angeluak...) eta horien sailkapena.
Zirkunferentzia eta zirkulua: elementuak
Perimetroa eta azalera
Irudi baten elementuen arteko loturak. 4.- Forma espazialak
Gorputz geometrikoak: Poliedroak (kubo, prisma, piramidea) konoa, zilindroa, esfera
Elementuak erpinak, ertzak, aldeak...
Bolumena 5.- Erregulartasunak eta Simetriak
Neurketari lotutako bilakaerak: biraketak, translazioak eta simetriak Irudien arteko loturak: berdintasuna eta antzekotasuna
1. Egoera deskribatzeko jarraibideak eta objektuaren kokapena
espazioan norberarekiko eta erreferentziazko beste puntu batzuekiko.
2. Irudi baten forma eta ezaugarri nagusienak deskribatzeko
jarraibideak, oinarrizko hiztegi geometrikoa behar bezala erabiliz. 3. Planoak, mapak eta maketak interpretatzeko, osatzeko eta
kopiatzeko jarraibidea, eskalak erabiliz. 4. Irudi geometriko lauak datuetan oinarrituz eraikitzeko jarraibideak
eta gorputz geometrikoak garapen batean onarrituz eraikitzeko jarraibideak.
5. Irudi lau simetriko bat simetria-puntu edo -ardatz batekiko sortzeko
metodoa. 6. Marrazki-tresnak erabiltzeko metodoa (erregela, konpasa,
eskuaria, kartaboia eta zirkulu graduatua), forma geometrikoak sortzeko eta aztertzeko.
7. Irudi geometrikoen perimetroak, azalerak eta bolumenak
kalkulatzeko metodoak. 8. Arlo geometrikoari lotutako eguneroko bizitzako problemak
ebazteko metodoak.
16
4. blokea: Informazioaren tratamendua, Zoria eta Probabilitatea
KONTZEPTUZKOAK
PROZEDURAZKOAK
1.- Grafiko eta parametro estatistikoak
Informazioa biltzea eta antolatzea: Sarrera bikoitzeko taulak
eta maiztasun-taulak.
Grafiko estatistiko motak: barra-diagrama, sektore-diagrama.
Parametro estatistikoak: Batezbesteko aritmetikoa, moda,
erdibidekoa eta heina.
2.- Ausazko gertakari soilak
Ausazko egoerak eta esperientziak deskribatzeko hizkuntza
egokia.
Probabilitatearen intuiziozko ideia.
1. Datuak zenbatzeko estrategiak.
2. Eguneroko egoerei buruzko taulak eta grafikoak
egiteko eta interpretatzeko jarraibideak.
3. Parametro estatistikoak interpretatzeko
jarraibideak.
4. Eguneroko gertakari baten probabilitate-gradua
estimatzeko metodoak
17
5. blokea: Problemen ebazpena
PROZEDURAZKO EDUKIAK
1. Problemak ebazteko jarraibideak:
- Problema ulertzea eta adieraztea
- Datuen analisia: datu esanguratsuak, azalekoak...
- Ebazpen-prozesuaren planifikazioa
- Plana egitea
- Emaitzaren koherentzia egiaztatzea
- Garatutako prozesua ahoz eta/edo idatziz azaltzea.
2. Problemak ebazteko estrategiak
- Entsegua eta errorea ebazpen-jarraibideak aurkitzeko
- Ebazpenaren estimazioa
- Grafikoak eta eskemak egitea
- Erregulartasunak aurkitzea
- Antzeko egoerekiko lotura
- Problemak adieraztea
- Balizko alternatibak bilatzea
18
LEHEN HEZKUNTZAKO MATEMATIKA ARLOKO JARRERARI BURUZKO EDUKIAK
1.- Eguneroko bizitzako arazoak eta egoerak konpontzeko jakin-mina eta interesa.
2.- Hainbat metodo matematiko malgutasunez eta irmotasunez erabiltzeko prestasuna.
3.- Etengabeko espiritu kritikoa, bai arrazonamendu logikoa erabiltzeko eta norberaren ondorio arrazoituak erabiltzeko, baita
besteek emandako argudioak eta justifikazioak aztertzeko ere.
4.- Teknologiak matematikak ikasteko eta problemak ebazteko ematen dituen aukerak aintzakotzat hartzea eta kritikoki baloratzea.
5.- Erabilitako prozesuak eta lortutako emaitzak etengabe berrikustea horien baliogarritasuna egiaztatuz.
6.- Komunikazio matematikoan zehaztasunarekiko eta argitasunarekiko zaletasuna, baita kalkuluak eta emaitzak aurkezteko
ordenarekiko eta garbitasunarekiko zaletasuna ere.
7.- Talde-lanerako prestasuna zenbait problema ebazteko bide eraginkor gisa, eginkizunen banaketan elkartasunez parte hartuz
eta besteen iritziak errespetatuz.
8.- Norberaren gaitasunekiko konfiantza autonomia pertsonala garatzeko, erronka txikiak gainditzeko eta autoestimua sendotzeko.
19
LEHEN HEZKUNTZAKO MATEMATIKETARAKO EBALUAZIO IRIZPIDEAK
GAITASUNAK EBALUAZIO IRIZPIDEAK
1. Lau eragiketekin (batuketa, kenketa, biderketa eta zatiketa) lotutako kalkulu numerikoak egitea, zenbaki naturalak, zatikiarrak eta hamartarrak erabiliz, kasuan kasuko prozedurarik egokiena erabiliz eta baliabide komenigarriena hautatuz.
1.1.- Estimazioak egiten ditu eta lortutako emaitzak arrazoizkoak diren ala ez epaitzen du. 1.2.- Aukeratu operazioa egiteko modurik egokiena. 1.3.- Kalkuluak modu eraginkorrean egin, buruz kalkulatuta, arkatz eta paper bidezko algoritmoekin edota kalkulagailuarekin. 1.4.-Kalkulu mentalerako estrategiak identifikatu eta justifikatu egiten ditu hainbat eragiketetan. 1.5.- Lortutako emaitzei buruzko hurbilketak egin eta zehaztasunez jakinarazten ditu.
2. Zenbaki naturala eta hamartarrak (ehunenetara arte) irakurtzea, idaztea eta ordenatzea, zenbaki bakoitzeko zifren posizio-balioa interpretatuz.
2.1- Segurtasunez eta erraztasunez irakurtzen ditu zenbaki naturalak. 2.2.- Segurtasunez idazten ditu zenbaki naturalak. 2.3.- Segurtasunez eta erraztasunez irakurtzen ditu zenbaki hamartarrak (ehunenetara arte). 2.4.- Segurtasunez idazten ditu zenbaki hamartarrak (ehunenetara arte). 2.5.- Zenbaki naturalak eta hamartarrak zuzen numerikoan ordenatzen ditu. 2.6.-Digituen posizio-balioa behar bezala interpretatzen du.
3. Ikasleen inguruko problema errazak ebaztea, zenbaki naturalek parte hartzen duten lau eragiketak aplikatuz eta ebazpenerako estrategia pertsonalak erabiliz.
3.1-Problemaren enuntziatua irakurri eta ulertu egiten du. 3.2.- Ulertu zer eskatzen duten. 3.3.- Errekonozitu arazoko datuak. 3.3.- Konponbidera eramango zaituen bide mentala planteatu. 3.4.-Problema bakoitza dagozkion eragiketekin lotzen du. 3.5.- Segurtasunez egiten ditu beharrezko eragiketak. 3.6.- Problemaren erantzuna bere erara egiaztatzen du.
4. Hainbat problema ebaztea estrategia desberdinak erabiliz, ebazpenak egiaztatuz eta jarraitutako prozesuari buruzko hausnarketa eginez.
4.1.- -Problemaren enuntziatua irakurri eta ulertu egiten du. 4.2.- Ulertu zer eskatzen duten. 4.3.- Errekonozitu arazoko datuak. 4.3.- Konponbidera eramango zaituen bide mentala planteatu. 4.4.- Hainbat estrategia aplikatzen ditu problema ebazteko. 4.5. Segurtasunez egiten ditu beharrezko eragiketak. 4.5. Problemaren erantzuna bere erara egiaztatzen du. 4.6.- Erantzunari eta jarraitutako metodoari buruz hausnartzen du.
20
4.7.- Txukuna da lanak aurkezteko orduan.
5. Luzerarekin, azalerarekin, bolumenarekin, edukierarekin, masarekin, denborarekin eta egungo moneta-sistemarekin zerikusia duten neurriak erraz eta zehaztasunez adieraztea, anizkoitzak eta azpianizkoitzak erabiliz eta unitate batzuk beste batzuetan bihurtuz, kasuaren arabera.
5.1.- Sistema Metriko Hamartarraren funtsezko magnitudeak ezagutzen ditu. 5.2.- Funtsezko magnitudeen anizkoitz eta azpianizkoitz garrantzitsuenak ezagutzen ditu. 5.3.- Aitortu magnitudeen neurriak antzekoak direla. 5.4.- Funtsezko magnitudeak zehaztasunez adierazten ditu (bai ahoz, bai idatziz), baita deribatu batzuk ere. 5.5.-Zenbait unitate beste batzuetan bihurtzen ditu 5.6.-Euskal Herriko betiko neurri batzuk ezagutzen ditu. 5.7.-Ordua irakurtzen eta interpretatzen du, bai modu analogikoan, baita modu digitalean ere, eta horiek elkarren artean lotzen ditu. 5.8.- Egungo moneta-sistema erraztasunez erabiltzen du.
6. Estimazioak eta neurriak egiten ditu, unitate eta tresna egokienak hautatuz eta neurtu nahi den magnitudearen zenbatekoaren eta ordenaren arabera.
6.1.-Neurketa-tresnarik egokiena aukeratzen du. 6.2.-Bere inguruko gauzen neurrien estimazioak egiten ditu. 6.3.-Zenbait neurketa egiten ditu neurri-eredu egokiarekin konparatuz. 6.4.- Neurriari lotutako problemak ebazten ditu. 6.5.- Inguruko objektuen neurria ezagutzeko interesa agertzen du.
7. Irudi eta gorputz geometrikoak hautematea eta deskribatzea, baita horien oinarrizko elementuak ere. Sailkapenak egitea, hainbat irizpideren arabera.
7.1.- Bi edo hiru dimentsiotako objektu geometrikoen oinarrizko elementuak ezagutzen ditu. 7.2.- Zenbait irudi eta gorputz geometriko bere adinaren araberako hizkuntzarekin deskribatzen ditu. 7.3.-Irudik batzuen (triangeluak, laukiak) oinarrizko propietate batzuk ezagutzen ditu. 7.4.- Zenbait irudi hainbat irizpideren arabera sailkatzen ditu, batez ere askatasunez hautatutakoak.
8. Oinarrizko ideia geometrikoak erabiltzea (paralelismoa, perpendikulartasuna, simetria, antzekotasuna, perimetroa, azalera, etab.) eguneroko bizitzako hainbat egoera ulertzeko.
8.1.-Paralelismoaren eta perpendikulartasunaren ideiak ezagutzen ditu eguneroko bizitzako hainbat testuingurutan. 8.2.- Konturatu egiten da bi irudi elkarren artean antzekoak direnean. 8.3.- Antzekotasun geometrikoaren kontzeptuak funtsezko problemak ebazteko aplikatzen ditu. 8.4.-Irudi eta gorputz geometrikoak osatzen ditu. 8.5.-Ezagutza geometrikoak bere inguruko hurbileko problemak ebazteko erabiltzen ditu.
9. Gorputz eta irudi geometrikoen neurriaren kalkuluak egitea 9.1.- Irudien eta gorputz geometrikoen neurriari buruzko estimazioak
21
(perimetroa, azalerak eta bolumenak) prozedura egokienak erabiliz.
egiten ditu, bere adinaren arabera. 9.2.-Objektuak neurtzeko tresna egokiak erabiltzen ditu (erregela, zinta metrikoa, etab.). 9.3.- Formularik egokienak erabiltzen ditu ohiko irudien perimetroak, azalerak eta bolumenak neurtzeko. 9.4.- Irudi lauen azalerak eta prismen bolumenak kalkulatzen ditu, horiek irudi eta gorputz soilagotan deskonposatuz.
10. Inguruko datuei buruzko taulak eta grafikoak egitea, irakurtzea eta interpretatzea.
10.1.-Datuak taula estatistikoen bidez irudikatzen ditu. 10.2. Datuak grafiko estatistiko egokienean irudikatzen ditu. 10.3.- Taula eta grafiko estatistikotan agertzen diren datuak interpretatzen ditu. 10.4.- Ezagutza estatistikoak komunikabideetako informazioak behar bezala interpretatzeko erabiltzen ditu.
11. Esperientzian oinarritutako estimazioak egitea, ausazko joko errazen emaitzaren inguruan (posiblea, ezinezkoa, segurua, nahiko segurua...), lortutako emaitzari buruz hausnartuz.
11.1.-Ausazko egoerak identifikatzen ditu. 11.2.- Ausazko zenbait gertakariri buruzko estimazioak egiten ditu. 11.3.- Zoriaren terminologia erabiltzen du, bere adinaren arabera eta nolabaiteko zehaztasunez.
12. Konponbideak aurkitzeko irmotasuna eta iraunkortasuna agertzea eta egindako kalkuluak argi eta txukun aurkeztea.
12.1.- Lanak txukun, garbi eta argi aurkezten ditu. 12.2.-Arazoei aurre egiteko irmo eta jasankor agertzen da.
22
DERRIGORREZKO BIGARREN HEZKUNTZA
23
ETAPARI BURUZKO SARRERA
Matematikak zer diren azaltzeko modu egokia izan daiteke kopuruak,
espazioa eta itxurak, aldaketak, harremanak eta zalantza azaltzeaz eta
analizatzeaz arduratzen den zientzia dela esatea. Ingurura begiratuz gero, ikus
dezakegu osagai horiek pertsonen, lanaren, eguneroko zereginen,
hedabideen... eguneroko aspektuetan daudela, dena zenbakia dela uste duen
ideia horretara iritsi gabe; izan ere, zaila da matematiken beharra ez duen
jardueraren bat aurkitzea.
Matematikak, funtsean, errealitate sozialak, naturalak edota abstraktuak
deskribatzen dituen hizkuntza da, zenbakien, grafikoen, espresio aljebraikoen,
harreman estatistikoen, fenomeno aleatorioen, eta abarren bidez. Matematikak
ulertzeko eta nola aplikatu jakiteko nabarmendu beharreko ezaugarri batzuk
ezagutu behar dira.
Matematikak unibertsalak dira: Lortutako emaitzak nazioarteko
komunitate osoak onartzen ditu. Horrek ez du esan nahi historikoki erabilitako
metodoak berdinak izan direnik: unibertsalak direnak jarduerak dira; horietako
asko herrietako kulturari lotuak daude, eta ezagutza matematikoa sustatu dute.
Horrela, honelakoez hitz egin dezakegu: zenbatzea, lokalizatzea, neurtzea,
azaltzea, jolastea, etab.
Matematikak bizirik dauden zientzia dira. Matematiken ezagutza ez
dago fosilizatua, jasotako oinordekoaz gain, eraiki beharreko zientzia da.
Erronka interesgarri bat aurkeztutako erronka berriak modu egokian
testuinguruan sartzea da.
Matematikak erabilgarriak dira. Edozer lekutara begiratuta ere,
matematikak hor daude, ikusi ala ez. Zientzian, teknologian, komunikazioan,
ekonomian eta beste hainbat eremutan erabiltzen dira. Matematikak
erabilgarriak dira eguneroko bizitzan agertzen diren arazoak errekonozitzeko,
interpretatzeko eta konpontzeko balio dutelako. Gainera, zehaztasun osoarekin
komunikatzeko hizkuntza indartsua ematen digute. Erabilera horien barruan
24
beharrezkoa da daukan garrantzia nabarmentzea, era guztietako informazioan
etengabe agertzen diren analisi kuantitatiboak (datu estatistikoak, prezioak,
hainbat indize, hipotekak, etab.) dituzten komunikazio bideei dagokienean
Matematikak patroien eta harremanen zientzia dira. Patroi horiek
ulertzea eta erabiltzea trebetasun edota gaitasun matematikoaren zati handi bat
dira. Ideia matematikoak eta eguneroko esperientziak zein benetako munduko
egoerak lotzen diren heinean, ideia horiek benetan erabilgarriak eta indartsuak
direla ikusiko dugu.
Matematikak eta arazoak. Arazoak konpontzea garrantzi handikoa da
matematiken aurrerapenerako eta horiek ulertzeko zein ikasteko.
Matematiketan egiten jakiteak zerikusi handia dauka arazoak konpontzeko,
probak aurkitzeko, argumentuak kritikatzeko, hizkuntza matematikoa erraz
erabiltzeko, egoera jakinetan kontzeptu matematikoak errekonozitzeko,
antsietate dosi jakin bat jasateko eta abarretarako gaitasunarekin, baita
aukeratutako bideaz gozatzeko prest egotearekin ere. Arazoak konpontzeko
trebetasunak ikasleek bizitza osoan beharko duten oinarrizko trebetasunetako
bat da, eta eskola utzitakoan maiz erabili beharko dute.
Matematikak eta teknologia berriak. Ikerketak eta esperientziak
kalkulagailuen eta ordenagailuen erabilera egokiak eta inteligenteak duen
garrantzia nabarmentzen dute. Erabilerak ondokoak biltzen dituen garapen
kognitiboa hobetzen du: zenbakien zentzua, garapen kontzeptuala, arazoak
konpontzea eta bistaratzea. Azken finean, matematikak irakasteko erreminta
erabilgarriak dira..
Gainera, arrazoizko pentsamendua sortzerakoan oso garrantzitsua da;
izan ere, arrazonamendua garatzeko ondoen prestatutako ezagutza-arloa dago
edozer jarduera matematikoren oinarrian. Edukiak eta matematikako estrategia
propioak ikasteko prozesurako beharrezkoa da, eta funtsezkoa ikasteko
estrategia orokorrak eskuratzeko eta garatzeko. Estrategia horiek bizitza osoko
ikaskuntza ziurtatzen dute, jarduera profesionala aldatu behar denean edota
ezagutza berriak hartu behar direnean. Bizitza osorako estrategia horien
25
barruan, garrantzia gehien dutenak Arazoak Konpontzeari erreferentzia egiten
dietenak dira.
Matematikek zeregin instrumentala edota aplikatiboa eta hezitzailea
daukate. Instrumentala beste ikasgaiekin duen harremanagatik; izan ere,
matematiken beharra daukate aztertzen dituzten fenomenoen modelo
esplikatiboak sortzeko, interpretatzeko edota analizatzeko. Beraz, beharrezko
instrumentua da etengabe eboluzionatzen eta gero eta teknikoagoa den mundu
honetako informazioak eskuratzeko (zenbakizkoa, grafikoa, estatistikoa,
geometrikoa, zoriarekin zerikusia dutenak, etab.). Hezitzailea ikasleen garapen
intelektuala lortzen laguntzen duelako, abstrakzioa, orokortasuna, pentsamendu
gogoetatsua, arrazonamendu logikoa, etab. bezalako gaitasunak sustatuta. Ez
dira ahaztu behar domeinu algoritmikoa eta emaitzen zein oinarrizko
prozeduren memorizazioa. Hala, norabide honetako lan egokiak buruko
egiturak eta lan-ohiturak sortzen laguntzen du, eta dauzkan erabilgarritasuna
zein garrantzia ez dira matematiken arlora bakarrik mugatzen
Matematikak Derrigorrezko Bigarren Hezkuntzara zehazteko, horien
garapenerako interesgarriak diren zenbait ezaugarri agertzea komeni
da:
Intuizioaz gain -horixe da lehen pausoa matematika-jardueran-
abstrakzio- eta formalizaio-prozesuei heltzen hasten zaie,
zorroztasun matematikora iritsi gabe.
Ikasleen esperientziaren hainbat eremu erabiltzea,
matematikako ariketen iturri gisa.
Kalkulagailu zientifikoa eta berariazko softwarea (laguntzaile
matematikoak) arrazionalki erabiltzea.
Lan-taldearen jarraipena ikaskuntzarako oinarri gisa.
Problemen Ebazpenean lanean jarraitzea lengoaia aljebraikoa
erabiliz.
Hizkuntza argi eta egoki batekiko joera eta beharra sustatzea
ideiak, arrazoibideak, argudioak eta abar komunikatzeko.
26
Eduki-bloke guztia lehen ikasturtetik garatzea.
Matematikaren arloa garatzeko, modu jakin batean taldekatzen ditugun
eduki batzuk aukeratu behar ditugu. Hala, edukien blokeak sortuko ditugu.
Bloke horiek ez dute gai-zerrenda osatzen edota ez dira zentzua duten
tokibanatutako unitateak. Horietan hiru eduki mota bereziten dituzte:
kontzeptuzkoak, prozedurazkoak eta jarrerazkoak. Aukeratutako blokeak
ondokoak dira:
1. Zenbakiak eta Aljebra
2. Neurria eta Geometria
3. Funtzioak eta Grafikoak
4. Estatistika eta Probabilitatea
5. Problemen Ebazpena eta Arrazonamendua.
ARLOKO GAITASUNAK
Gaitasun matematikoari dagokionean, horren ekarpenak hainbat alderditan
adieraz daitezke:
27
– Zenbaki mota desberdinak eta horien operazioak ulertzeari eta hainbat
testuingurutan erabiltzeari dagokionean, matematika-ezagutza berriak
eraikitzeko.
– Arrazonamenduak garatzeko ahalmenari, kontzeptuak eraikita eta
adierazitako ideien egiatasuna ebaluatuta.
– Arazo baten atzean dauden matematika-elementuak identifikatzeko
ahalmenari, arazoa konpontzen lagunduko diguten ezagutza egokiak
aurkitzea, eta matematika-jardueraren emaitzak komunikatzeko
bitartekoak erabiltzea.
– Beharrezkoa gertatzen den egoeretan ezagutza zein trebetasun
matematikoak erabiltzea sustatzeko jarrera positiboa sortzen eta
erabakiak konfiantzarekin hartzen lagunduko duten ondorioak lortzen.
Matematikak ere lagungarriak dira hizkuntz komunikazioari lotutako
gaitasunak garatzeko. Ez da ahaztu behar matematikak hizkuntza bat direla.
Erabili beharreko hizkuntza da. Mintzaera eta idazkera etengabe agertzen dira
gure ideien komunikazioan.
Matematika-hizkuntza unibertsala da, eta terminoen zehaztasunagatik
eta arrazoizko esposizioen laburtasunagatik nabarmentzen da . Gainera, ideiak
transmititzeko gaitasun handia ematen dieten beste ezaugarri batzuk ere
badauzkate; hala nola, hizkuntza sintetikoa, sinbolikoa eta abstraktua izatea.
Pentsamendu geometrikoaren garapenak mundu fisikoa ezagutzen eta
mundu horrekin eragiteko gaitasunean laguntzen du, itxuren eta egitura
geometrikoen apreziazioaren eta ikaskuntzaren bidez. Bistaratzea garatuta
(kontzeptu espaziala), ikasleak modeloak egiteko eta planoak zein espazioan
figurak mentalki manipulatzeko gaitasuna hobetzen du. Gaitasun hori mapak
erabiltzerakoan, ibilbideak antolatzerakoan, planoak diseinatzerakoan,
marrazkiak eta zirriborroak egiterakoan, eta, oro har, sortze artistikoan oso
lagungarri egingo zaio.
28
Errealitatea ezagutzeko modu matematikoetako bat bertara gerturatzea
da, neurtzea, tamainari buruzko estimazioak egitea; oro har, errealitatearen
handitasunaren apreziazioa lortzea, horri buruzko informazioa aurkezteko eta
neurtu ostean lortutako datuak (kalkulatu) berriro elaboratzeko, datu berriak
eskuratzeko helburuarekin.
Matematikek informazioa tratatzeko gaitasuna eta gaitasun digitala
lortzen laguntzen dute. Egunero hedabideen bidez iristen zaigun informazioaren
zati handi bat zenbaki, taula zein grafiko itxuran aurkezten zaigu. Beharrezkoa
egiten da horiek interpretatzea, jasotako mezuen aurrean jarrera kritikoa
azalduta.
Egun, ohikoa da Matematiketan erreminta teknologiko ugari erabiltzea,
batez ere, kalkulagailuak eta ordenagailuak. Kalkulu numerikoa, aljebra-
kalkulua eta kalkulu analitikoa egiteko hainbat eta hainbat programa daude,
baita geometria dinamikorako eta analisi estatistikorako ere. Horrez gain, badira
neurrietarako softwareak eta gailuak hainbat simulazio eta proba egiteko.
Hainbat egoera konpontzeko erabiltzeaz gain, ikasleek beren ezagutza
matematikoa osatzeko erabili ahal izango dituzten baliabide horiek guztiak,
teknologiak eskaintzen dizkigun aukerez baliatuz. Trebetasun berri horrek
egoera hobeto ulertzen eta, informazioaren transmisioan, gaitasuna handitzen
lagunduko digu.
Matematikek, geometriarekin batera, espresio kulturalean eta
artistikoan gaitasuna lortzen laguntzen dute; izan ere, inguratzen gaituen
mundua deskribatzen zein ulertzen, eta mundu horren egituren edertasuna
apreziatzen laguntzen digute. Harreman geometrikoek artistek konposizio
askotan erabiltzen dituzten prozedurak justifikatzen dituzte, batez ere, patroien
erabileran (simetria-taldeak, mosaikoak), proportzioetan (konposizioa) eta
perspektiba-marrazkian.
Matematika-ezagutza bera garrantzia handiko espresio kulturala da, eta
giza garapenean ekarpen handiak egiten dihardu. Lehenengo ezagutza
29
geometrikoetatik hasita, zenbakiaren eraikuntzatik eta zenbakikuntza-
sistemetatik, eta denbora zein espazioa neurtzetik igarota, egungo
matematikaren garapen modernoetara iritsi arte, matematikak etengabe
eraldatzen ari diren ezagutza da. Matematika-ezagutzei esker jakin daiteke
denboran eta espazioan aldendutako kulturek zer eragin izan duten ezagutza-
talde baten sortzean. Ezagutza horiek eremu zientifiko guztietan eta bizitzako
alderdi gehienetan erabiltzen dituzte. Matematikak gure kulturaren zati dira eta
eguneroko bizitzaren alderdi askotan erabiltzen dira: barra-kodeetan,
arkitekturan, kode zifratuetan. Alderdi horiek gogorarazten digute matematikak
giza espirituaren sorkuntza direla, eta garbi dago ikasleei gizartearen antolaketa
ulertzen eta bertan mugitzen irakasten dietela. Azken finean, matematika-
ezagutza lehenengo ordenako ezagutza da.
gaitasun sozialaren eta herritarraren ekarpena matematiken
erabileratik dator, batez ere, estatistikoa den informazioaren antolaketatik.
Helburua gizarte fenomenoak deskribatzea da, interpretazioak eta aurresanak
egiteko zein irizpide zientifikoetan oinarritutako zalantzazko egoeretan
erabakiak hartzeko.
Matematiketan gainerakoen ikuspuntuak kontuan izaten ikasten da; izan
ere, sarri beste pertsonek arazoak konpontzerako garaian beste ikuspuntu
batzuk ematen dizkigute. Kasu batzuetan, gure bidea okerra dela ikusarazten
digute, edota egoerari aurre egiteko bide hori bezain onak edota hobeak
badaudela erakusten digute. Garrantzitsua da matematiketako eskoletan
akatsak espiritu eraikitzaile batetik fokatzea, eta horien atzetik egon ohi diren
eta ezkutuan gera daitezkeen beste akatsen batzuk agerrarazteko arrazoi gisa
erabiltzea. Matematiketan akatsek ezagutza berriak sortzen laguntzen digute.
Ez da ahaztu behar matematiken ardatza Arazoak Konpontzea dela, eta
aurretik aipatutako gaitasun guztietan eragiten duela: matematika-
gaitasunerako konpontzeko estrategia heuristikoak garatzen dituzte; eta
gaitasun linguistikorako, berriz, esfortzu handia egiten dute enuntziatuen analisi
zehaztuan eta egindako lanetatik abiatutako txostenen elaborazioan.
30
Modelizazio lanaren araberako mundu fisikoa ezagutzeko. Gainera, arazoak
konpontzeak oinarrizko bi gaitasunetan eragiten du:
Ekimena eta espiritu ekintzailea bultzatzen da. Problemen
Ebazpenean ikasleak emandako egoera aztertu eta ebaluatu egin behar du
plan bat osatzeko. Horrek egin beharreko lanari buruzko erabakiak hartzea
eskatzen du, baita planteamendu horien arabera jardutea eta lana aldizka
kontrolatzea ere, bidea egokia den ala alternatiba berriak aztertu behar diren
erabakitzeko.
Ikasten Ikastera ere bultzatzen da, lana planifikatzeko ohiturak eta
baliabideak ematen dituelako. Problema matematikoen ebazpenean ezagutzak
testuinguru berrietara aplikatu eta hainbat gaitasun eskuratzen laguntzen da;
esaterako, autonomia, iraunkortasuna, sistematizazioa, hausnarketa kritikoa eta
egindako lanaren emaitzak eraginkortasunez jakinarazteko gaitasuna.
31
MATEMATIKA ARLOKO TREBETASUN OROKORRAK DERRIGORREKO BIGARREN HEZKUNTZAN
Derrigorrezko Bigarren Hezkuntzako matematiken arloko helburua ikasleengan honako trebetasun hauek garatzen laguntzea da:
1. Ohiko bizitzatik edo matematiketatik ateratako problemak agertzea eta ebaztea, bakarka nahiz taldeka, hainbat estrategia hautatuz eta erabiliz, ebazpen-prozesua arrazoituz, emaitzak interpretatuz eta horiek egoera berrietara aplikatuz, gizartean eraginkortasun handiagoz jardun ahal izateko. 2.- Gizartean (albisteak, iritziak, publizitatea...) eta mundu zientifikoan dauden elementu matematikoak identifikatzea, lotzea, deskribatzea eta irudikatzea, jasotako informazioa hobeto ulertzeko horien baliogarritasuna kritikoki aztertuz. 3.- Lengoaia eta adierazpen matematikoari dagozkion tresnak (zenbakiak, taulak, grafikoak, irudiak, ohiko nomenklaturak, etab.) autonomoki erabiltzea norberaren pentsamenduak argi eta koherente agertu ahal izateko, baliabide teknologiko egokienak erabiliz. 4.- Objektuak, egoera matematikoak eta espazio-konposizioak irudikatzea eta deskribatzea informazio jakin batean edo inguruan oinarrituz, beharrezko ezagutza geometrikoa aplikatuz inguratzen gaituen mundu fisikoa ulertzeko eta aztertzeko eta horiei lotutako problemak ebazteko. 5.- Kalkuluak (numerikoak, metrikoak, aljebraikoak, etab.) segurtasunez eta konfiantzaz egitea egoera bakoitzaren araberako prozedurak erabiliz (buruko kalkulua, kalkulu idatzia, kalkulagailua, ordenagailua...), eguneroko bizitzako egoerak interpretatzeko eta baloratzeko, emaitzak sistematikoki berrikusiz. 6.-Ohiko hizkuntza eta hizkuntza matematikoa erabiliz arrazoitzea eta argudioak ematea emaitzak eta ondorioak justifikatzeko eta aurkezteko eta, horrela, beste argudio batzuei aurka egiteko edo egoera berrietara aplikatzeko. 7.-IKTak (kalkulagailuak, ordenagailuak, etab.) modu egokian erabiltzea, bai kalkuluetarako, bai informazioa bilatzeko, tratatzeko eta irudikatzeko, baita matematikak ikasten laguntzeko ere.
8.-Matematikek eguneroko bizitzan duten egitekoa, erabilgarritasuna eta aplikazioa aintzakotzat hartzea, horiek erabiltzeaz gozatzea eta jarduera matematikoaren jarreren balioa hautematea: esaterako, alternatiben azterketa eta zehaztasunaren egokitasuna ebazpenak bilatzen jarraitzeko.
32
MATEMATIKEN EDUKIAK DBH-N
1. blokea. Zenbakiak eta Aljebra
KONTZEPTUZKOAK PROZEDURAZKOAK
1. Zenbaki naturalak, osoak, hamartarrak, zatikiarrak eta irrazionalak
Zenbaki-mota desberdinak: zenbatzeko, neurtzeko, ordenatzeko, kodifikatzeko edo kopuruak, zatikiak edo magnitudeen arteko erlazioak adierazteko.
Numerazio Hamartarraren Sistema
Ehunekoak.
Notazio zientifikoa 2. Eragiketak:
Batuketa, kenketa, biderketa eta zatiketa hainbat testuingurutan, zenbaki naturalekin, osoekin, hamartarrekin eta zatikiarrekin.
Berreturak eta erroak. Propietateak.
Eragiketen hierarkia. Parentesiak.
Eragiketen propietateak (trukakorra, elkarkorra eta banakorra). 3. Zenbakien arteko erlazioak:
Zatigarritasuna: irizpideak, zenbaki lehenak eta bi zenbaki naturalen IKH eta IKT
Segida numerikoak Progresio aritmetikoei eta geometrikoei buruzko hastapena.
Zenbakiak zuzenean ordenatzea eta irudikatzea. Zuzen erreala. 4. Kopuruen hurbilketa eta estimazioa
Biribilketak eta erroreak. Magnitude proportzionalak
Magnitude proportzionalak Proportzionaltasunaren ohiko adierazpenak: “kopuru bat bider zerbait”.
Magnitude zuzenki proportzionalak eta alderantziz proportzionalak.
Magnitudeen proportzionaltasuna testuinguru desberdinetan.
Merkataritza-matematika. 6. Lengoaia aljebraikoa.
Zenbakiak irudikatzeko letrak (zenbaki ezezaguna, edozein zenbaki, multzo numerikoen arteko erlazioa...).
Formulak: balio numerikoa eta baliokidetasunak.
Lehen eta bigarren graduko ekuazioak.
Bi ezezagun dituzten bi ekuazio linealen sistemak. Polinomioak.
1. Kalkuluak zenbaki naturalekin eta osoekin egiteko arauak.
2. Kalkuluak zenbaki zatikiarrekin eta hamartarrekin egiteko arauak.
3. Zenbaki-mota desberdinak bereizteko, ordenatzeko eta
sailkatzeko jarraibideak.
4. Kalkulagailua erabiltzeko arauak, zenbaki-mota desberdinekin
kalkuluak egiteko.
5. Bi edo zenbaki gehiagoren IKH eta IKT kalkulatzeko algoritmoak.
6. Zenbakiak eta emaitzak hurbiltzeko eta estimatzeko jarraibideak.
7. Kalkulu mentalerako estrategiak hainbat eragiketekin.
8. Proportzionaltasun-kalkuluak egiteko metodo horiek eguneroko
bizitzan duten erabilgarritasuna identifikatuz eta egoera
bakoitzean erabiltzen den terminologia ezagutuz (ehunekoak,
bateko zenbait, beherapenak, hiruko erregelak, etab.)
9. Problemak ebazteko metodoak (proportzionaltasuna, nahasketak,
mugikorrak, etab.)
10. Lehen eta bigarren graduko ekuazioak ebazteko arauak.
11. Bi ezezagun dituzten ekuazioen sistemak ebazteko arauak.
12. Polinomioekin eragiketak egiteko arauak.
33
2. blokea. Neurria eta Geometria
KONTZEPTUZKOAK PROZEDURAZKOAK
1. Magnitudeen neurketa:
Funtsezko magnitudeak: luzera, azalera, masa, denbora, angeluak, informazioa
Magnitude deribatuak: abiadura, dentsitatea... 2. Neurketa-sistemak
Sistema Metriko Hamartarra. Funtsezko unitateen multiploak eta azpimultiploak luzeretan, azaleretan, bolumenetan eta masetan.
3. Denboraren eta angeluen neurketa. Sistema hirurogeitarra.
4. Informazioaren neurketak: bita, bytea eta horien multiploak 5. Gutxi gorabeherako neurriak.
Neurrien zehaztapena eta estimazioa. Errore-marjinak. 6. Zeharkako neurketak:
Gorputz eta irudi geometrikoen perimetroak, azalerak eta bolumenak kalkulatzeko formulak.
Pitagorasen teorema
Oinarrizko kontzeptu trigonometrikoak (sinua, kosinua eta tangentea) eta horien arteko loturak. Triangelu angeluzuzenen ebazpena.
7. Elementu geometrikoak planoan eta espazioan.
Espazioa deskribatzeko eta antolatzeko oinarrizko elementuak: puntuak, zuzenak eta planoak.
Espazioa deskribatzeko eta antolatzeko oinarrizko loturak: paralelismoa, elkarzutasuna, eragina.
Erreferentziazko sistemak: Koordenatu cartesiarrak planoan eta espazioan.
Bektoreak: irudikapena eta koordenatuak. 8. Irudi, gorputz eta konposizio geometrikoak.
Poligonoen, poliedroen eta gorputz biribilen elementu esanguratsuak.
Irudien propietate geometrikoak: erregulartasunak, simetriak, etab.
Irudien eta gorputzen sailkapena, hainbat irizpideren arabera.
Poligonoak: Laukiak eta triangeluak.
Poliedro erregularrak.
Esfera, zilindroa eta konoa. 9. Antzeko irudiak: eskalazko irudikapena.
Antzekotasun-arrazoia. Eskalak:
Planoak, mapak eta maketak: errealitatearen irudikapen erabilgarriak.
Azaleren eta bolumenen arteko arrazoiak.
Antzeko bi irudien ezaugarriak: angeluen berdintasuna eta aldeen proportzionaltasuna.
Thalesen teorema 10. Eraldaketa geometrikoak.
Translazioak, biraketak eta simetriak planoan. Karakterizazioa.
1. Neurketa zuzenak hainbat tresnekin egiteko eta
estimatzeko metodoak eta estrategiak
2. Zeharkako neurketak kalkulatzeko arauak eta metodoak.
3. Irudi geometrikoak bereizteko, ordenatzeko eta
sailkatzeko jarraibideak. 4. Eskalazko irudiak irudikatzeko metodoak (mapak,
maketak, zirriborroak, etab.).
5. Arazo geometrikoak irudien erregulartasunetan, loturetan edo ezaugarrietan oinarriturik ebazteko metodoak.
6. Kalkulagailua erabiltzeko arauak kalkulu trigonometrikoak egiteko.
34
3. blokea. Funtzioak eta Grafikoak
KONTZEPTUZKOAK PROZEDURAZKOAK
1. Funtzioa, batera aldatzen diren bi magnituderen arteko lotura gisa. 2. Erlazio funtzionalak. Funtzio bat adierazteko modu desberdinak:
ahozkoa, grafikoa, tabularra eta aljebraikoa. 3. Grafikoaren ezaugarri globalak: hazkundea, simetria,
aldizkakotasuna, joerak, maximoak eta minimoak. 4. Geometria analitiko lauari buruzko hastapena 5. Funtzioen azterketa grafikoa eta aljebraikoa.
Konstanteak, linealak eta antzekoak. Maldaren kontzeptua eta interpretazioa.
Koadratikoak: Alderantzizko funtzioak.
Esponentziala.
1. Grafiko bat formetan oinarrituz irudikatzeko arauak: tabularra eta
hitzezkoa 2. Grafikoak formulazio aljebraikoan oinarrituz egiteko arauak eta
metodoak. 3. Funtzio linealak eta koadratikoak irudikatzeko jarraibideak. 4. Funtzio lineal baten malda kalkulatzeko metodoak. 5. Grafiko baten ezaugarri esanguratsuenak (jarraitasuna, joera,
maximoak eta minimoak, etab.) aztertzeko metodoak.
35
4. blokea. Estatistika eta Probabilitatea
KONTZEPTUZKOAK PROZEDURAZKOAK
1. Fenomeno estatistikoei buruzko informazioa.
Datu-bilketa. Laginak eta horien adierazgarritasuna.
Maiztasun-taulak: absolutuak, erlatiboak eta portzentajezkoak.
2. Grafiko estatistikoak.
Komunikabideetako grafiko estatistiko ohikoenak: piktogramak, sektore-diagramak, barra-diagramak, histogramak, maiztasun-poligonoak.
3. Parametroak
Zentralizazio-parametroak (batezbesteko aritmetikoa) eta sakabanatze-parametroak (desbideratze tipikoa)
4. Bi dimentsiozko banaketak.
Korrelazioa eta erregresio-zuzena. 5. Ausazko fenomenoak eta horiek deskribatzeko terminologia.
Ausazko esperimentuak eta ausazko gertakariak. 6. Gertakariei probabilitateak egokitzea:
Gertakari baten maiztasuna eta probabilitatea
Zenbaketa: Konbinatoria.
Probabilitateen kalkulua Laplaceren Legearen bidez. 7. Probabilitateak egokitzea esperimentu konposatuetan.
Mendeko esperimentuak eta esperimentu independenteak.
Baldintzatutako probabilitatea.
1. Datu estatistikoak biltzeko, antolatzeko eta aztertzeko metodoak. 2. Hainbat grafiko estatistiko osatzeko arauak (histogramak, sektore-
diagramak, barra-diagramak, etab.). 3. Parametro estatistikoak kalkulatzeko algoritmoak: batezbesteko
aritmetikoa eta desbideratze tipikoa. 4. Zenbaketa-teknikak eta kalkulu konbinatorioa. 5. Ausazko gertakari soilen probabilitateak kalkulatzeko metodoak. 6. Informazio estatistikoan gezurrak hautemateko metodoak.
36
5. blokea: Problemen Ebazpena eta Arrazonamendua.
KONTZEPTUZKOAK PROZEDURAZKOAK
1. Problema matematikoa egoera ireki gisa. 2. Arrazonamendua
Indukziozko arrazonamendua. Jarraibideak eta ereduak.
Dedukziozko arrazonamendua.
Beharrezko baldintza. Baldintza askia. Beharrezko baldintza askia.
Erakusketa eta proba.
1. Metodo analitikoa problemen ebazpenean: elementu ezezaguna identifikatzea, horri
dagozkion ekuazioak idaztea, horiek ebaztea eta emaitza egiaztatzea. 2. Problemak ebazteko metodo orokorrak (Polya, Ideal, etab.)
Problemaren ulermena.
Jarduteko plan bat egitea.
Plana egitea
Emaitzak egiaztatzea, halakorik egonez gero.
3. Problemak ebazteko heuristiko ohikoenak:
Entsegua eta errorea.
Zehaztea.
Problemaren ebazpena suposatzea edo amaieratik hastea.
Problema berriz formulatzea.
Taulak erabiltzea eta jarraibideak bilatzea.
Arazo analogoak aztertzea.
Diagrama, marrazki edo irudikapen bat egitea.
Hizkuntza egokia erabiltzea.
37
DBH-KO MATEMATIKETARAKO EBALUAZIO IRIZPIDEAK
GAITASUNAK EBALUAZIO IRIZPIDEAK
1. Zenbaki-mota desberdinak (naturalak, osoak, zatikiarrak, hamartarrak, etab.) dituzten hainbat testuinguruetako informazioa kritikoki interpretatzea; zenbakiak erlazionatzea eta erabiltzea, kasu bakoitzean irudikapenik egokiena erabiliz.
1.1.- Zenbaki-mota desberdinak identifikatu eta erabili egiten ditu informazio kuantitatiboa behar bezala irudikatzeko eta interpretatzeko. 1.2.- Zenbaki-mota desberdinak konparatu, ordenatu, sailkatu eta irudikatzen ditu. 1.3.- Zenbaki zatikiarrak hamarrenekin eta ehunekoekin erlazionatzen ditu, kalkulu horiek segurtasunez eginez. 1.4.- Notazio zientifikoa erabiltzen du oso kopuru handiak edo oso kopuru txikiak irudikatzeko.
2. Zenbakiekin (naturalak, osoak, arrazionalak eta irrazionalak) egindako oinarrizko eragiketen emaitza ezagutzea eta kalkulatzea, erantzun zehatza ala gutxi gorabeherako erantzuna behar den erabakiz eta kalkulu-modu egokiena (mentala, arkatzezko eta paperezko algoritmoak, kalkulagailua) segurtasunez aplikatuz.
2.1.- Estimazioak behar bezala egiten ditu eta lortutako emaitzak arrazoizkoak diren ala ez epaitzen du. 2.2.- Aukeratu operazioa egiteko modurik egokiena. 2.3.- Kalkuluak modu eraginkorrean egin, buruz kalkulatuta, arkatz eta paper bidezko algoritmoekin edota kalkulagailuarekin. 2.4.-Kalkulu mentalerako estrategiak identifikatu eta justifikatu egiten ditu hainbat eragiketetan. 2.5.- Hurbilketak egiten ditu, emaitzak eskatutako zehaztasunera hurbildu arte biribilduz.
3. Hizkuntza aljebraikoa hainbat problema adierazteko erabiltzea eta adierazpen-modu hori beste batzuekin lotzea: tabularra, grafikoa, deskribapenezkoa..
3.1.- Hizkuntza aljebraikoa hainbat problema-egoeretan erabiltzen du. 3.2.- Hizkuntza aljebraiko zehatza erabiltzen du: elementu ezezaguna, ebazpena, etab. 3.3.- Adierazpen aljebraikoak interpretatzen ditu, konfigurazio geometrikoak edo balio-taulak oinarri hartuta.
4. Zenbakien arteko erlazioak eta zenbaki-ereduak irudikatzea, adierazpen aljebraiko errazak trebeziaz proposatuz, erabiliz eta maneiatuz.
4.1.- Zenbakien arteko erlazioak eta zenbaki-ereduak deskribatzen ditu. 4.2.- Zenbakien jarraibideak deskribatzen eta orokortzen dituzten adierazpen aljebraikoak proposatzen ditu. 4.3.- Adierazpen aljebraikoari lotutako hainbat modu erlazionatzen eta interpretatzen ditu. 4.4- Adierazpen aljebraiko errazak sinplifikatzen ditu, arkatzez
38
eta paperez edo ordenagailuan. 4.5.-Erlazio binomial erabilgarrienak identifikatzen eta aplikatzen ditu.
5. Problema ebazteko metodo analitikoa modu arrazoituan eta ekuazioen bidez erabiltzea eta 1. eta 2. graduko ekuazioak ebazteko algoritmoak eta ekuazio-sistemen algoritmoak trebeziak aplikatzea.
5.1.- Problemaren baitako ekuazioak agertu eta elementu ezezagunak identifikatzen ditu. 5.2.- 1. eta 2. graduko ekuazioak segurtasunez eta trebeziaz sinplifikatzen eta ebazten ditu, baita bi elementu ezezagun dituzten bi ekuazioz osatutako sistemak ere. 5.3.- Problemaren testuinguruan lortutako emaitzak interpretatzen ditu, horien egokitasuna baloratuz.
6. Problemak eta problema-tipoak ebazteko estrategiak autonomiaz eta modu arrazoituan erabiltzea, ebazpen-prozesua behar bezala planifikatuz, prozesu hori argi eta txukun garatuz eta norberaren gaitasunekiko konfiantza agertuz.
6.1.- Ebazpen-prozesuari heltzeko pausoak ematen ditu. 6.2.- Eskema eta irudikatze egokiak egiten ditu. 6.3.- Problema bat azpiproblemetan deskonposatzeko gauza da. 6.4.- Saiakuntzak egiten ditu kasu partikularrekin. 6.5.- Notazio egokia erabiltzen du. 6.6.-Problema-tipoak ebazteko metodoak erabiltzen ditu. 6.7.- Problemak ebazteko ezagutza aljebraikoak aplikatzen ditu. 6.8.- Hainbat alternatiba aztertu eta ebaluatzen ditu, eta horiek aldatu egin ditzake prozesuan zehar. 6.9.- Emaitza egiaztatu eta beste bide batzuetatik lortzen saiatzen da. 6.10.- Jarraitutako prozesuari buruz hausnartzen du eta beste problema batzuk ebazteko lagungarriak izan daitezkeen ondorioak ateratzen saiatzen da.
7. Informazio estatistikoa tauletan, grafikoetan eta parametro estatistikoetan oinarrituz intepretatzea eta aurkeztea eta oinarrizko parametro estatistikoak kalkulatzea, kasu bakoitzean egokienak diren bitartekoak (arkatza eta papera, kalkulagailua edo ordenagailua) erabiliz.
7.1.- Taulen datuak eta grafiko estatistikoak kritikoki interpretatzen ditu. 7.2.- Taula eta grafiko estatistikoen bidez irudikatzen ditu datuak. 7.3.- Behar bezala kalkulatu eta interpretatzen ditu datu-banaketa baten batezbestekoa eta desbideratzea, beharrezkoa denean kalkulagailua erabiliz.
8. Probabilitateari eta zoriari lotutako egoerak eta fenomenoak ezagutzea, horiei 8.1.- Ausazko egoerak identifikatzen ditu.
39
lotutako problemak ebatziz. 8.2.-Terminologia egokia erabiltzen du ausazko gertakariak deskribatzeko. 8.3.- Ausazko gertakariei probabilitateak egokitzen dizkie esperimentu errazetan. 8.4.- Laplaceren araua aplikatzen ditu, zenbaketa-estrategia errazak erabiliz. 8.5.- Gertakari konposatu soilen probabilitatea kalkulatzen du, zuhaitz-diagramak bereziki erabiliz. 8.6.- Esperimentuei eta simulazioei buruzko aburuak formulatzen eta egiaztatzen ditu.
9. Gizartean nahiz naturan dauden gorputz geometrikoak eta irudi lauak zehaztasunez eta trebeziaz identifikatzea, aztertzea, deskribatzea eta eraikitzea eta horiekin lotutako propietate geometrikoak beharrezko egoeretan erabiltzea.
9.1.- Objektuen oinarrizko elementuak (bi edo hiru dimentsiotan) deskribatzen ditu, baita erlazio geometrikoak ere (paralelismoa, elkarzutasuna, antzekotasuna, etab.). 9.2.- Simetriak ezagutzen ditu irudi lauetan, baita biraketen eta translazioen ondorioak ere. 9.3.- Bi eta hiru dimentsioko formak eraikitzen ditu errealitatearen alderdi espazialak modelatzeko edo termino geometrikoetan emandako informazio bat oinarri hartuta. 9.4.- Trebeziaz eta zehaztasunez erabiltzen ditu eguneroko bizitzan aurkitzen diren baliabide eta tresna geometrikoak. 9.5.- Geometriaren bidez adieraz daitezkeen alderdiak hautematen ditu, bai naturan, bai artean, bai zientzietan, bai teknologian, baita eguneroko bizitzan ere. 9.6.- Geometria analitikoari lotutako ezagutzak erabiltzen ditu hainbat egoera geometriko ebazteko.
10. Hiru dimentsioko objektu geometriko soilak bistaratzea eta irudikatzea, irudikapen lauak lortuz eta trebeziaz eta sormenez jokatuz.
10.1- Trebeziaz erabiltzen ditu irudiak planoan irudikatzeko tresnak. 10.2.- Irudi eta gorputz geometrikoen marrazkiak egiten ditu, tresna egokienak erabiliz (erregela, kartaboia eta konpasa), horiek argi eta txukun irudikatzeko interesa agertuz. 10.3.- Hiru dimentsioko objektuen zirriborroak eta eskemak egiten ditu, azaleren eta bolumenen problemak ebazteko. 10.4.- Hiru dimentsioko irudikapena bi dimentsioko perspektiba desberdinetatik lortzen du.
11. Zenbaki-proportzionaltasunaren (mota guztietan) erlazioak identifikatzea eta 11.1.- Bi magnitude numeriko zuzenki edo alderantziz
40
erlazio horiek erabiltzen dituzten problemak ebaztea, erlazio horiekin lotutako problema-tipoak bereziki azpimarratuz.
proportzionalak diren bereizten ditu. 11.2.- Hiruko erregelako ariketak eta problemak ebazten ditu bi magnituderen artean.
11.3.- Antzeko irudiak identifikatu eta antzekotasunaren arrazoia kalkulatzen du. 11.4.- Thalesen teorema aplikatu eta triangeluen antzekotasuna aplikatzen du problema geometrikoak ebazteko. 11.5.- Eskala-faktoreekin lotutako problemak ebazten ditu, arrazoiak eta proportzioak erabiliz. 11.6.-Antzeko irudien azalerak eta bolumenak kalkulatzen ditu, arrazoian eta antzekotasunean oinarrituz.
12. Magnitudeak erabiltzea eskatzen duten problema-egoerak banaka eta taldeka ebaztea, unitateak magnitute-ordena egokian erabiliz.
12.1.- Aitortu magnitudeen neurriak antzekoak direla. 12.2.- Egindako neurketak eskatutako zehaztasunez egiten ditu, egindako errorea mugatuz. 12.3.- Neurketak irudikatzeko unitaterik egokienak hautatzen ditu. 12.4.- Sistema metriko hamartarra erraz erabiltzen du eta unitateen arteko bihurketak egiten ditu. 12.5.- .-Euskal Herriko betiko neurri batzuk ezagutzen ditu.
13. Gorputz eta irudi geometrikoen luzerak, angeluak, azalerak eta bolumenak bakarka nahiz taldeka neurtzeko tresnak, teknikak eta formulak erabiltzea.
13.1.- Estimazio egokiak egiten ditu, horretarako hurbileko erreferentziak erabiliz. 13.2.- Irudi eta gorputz geometrikoen angeluak, azalera eta bolumenak neurtzeko tresna egokiak erabiltzen ditu. 13.3.- Irudi eta gorputz nagusien (triangelua, laukizuzena, zirkulua, prisma, piramidea, zilindroa, konoa eta esfera) azalerak eta bolumenak kalkulatzeko formula egokiak erabiltzen ditu. 13.4.- Pitagorasen teorema eta trigonometriako oinarrizko ezagutzak distantziak kalkulatzeko aplikatzen ditu. 13.5.- Irudi eta gorputz geometrikoen azalerak eta prismen bolumenak kalkulatzen ditu horiek oinarrizko iruditan eta gorputzetan deskonposatuz.
14. Hainbat modutan (ahozkoa, tabularra, grafikoa eta algebraikoa) adierazitako erlazio funtzionalak identifikatzea eta interpretatzea, irudikapen-forma
14.1.-Aldagaien arteko mendekotasun funtzionaleko erlazioak ezartzen ditu.
41
desberdinen arteko beharrezko transferentziak eginez. 14.2.- Funtzio baten grafiko balioen taula batean edo adierazpen aljebraiko batean oinarrituz irudikatzen du. 14.3.- Funtzio baten balio numerikoak kalkulatzen ditu eta horiekin taula esanguratsu bat egiteko gauza da. 14.4.- Hitzezko adierazpen bat dagokion grafikoarekin lotzen du, baita alderantziz ere. 14.5.-Bi aldagairen arteko balizko erlazioa aztertzen du eta erlazio hori modelizatu lezakeen funtzioa egokitzen du. 14.6.-Alderdi funtzionalei lotutako problemak ebazten ditu.
15. Erlazio funtzional soilak (funtzio lineal koadratikoa, alderantzizkoa, etab.) irudikatzea eta aztertzea, bai arkatzez eta paperez, bai kalkulagailuz, bai ordenagailuz.
15.1.-Ardatz koordenatu baten gainean honako funtzio hauek irudikatzen ditu: kidekoa, lineala eta koadratikoa. 15.2.-Linealak eta ez linealak diren funtzioak identifikatzen ditu balio numerikoetan, grafikoetan eta adierazpen aljebraikoetan oinarrituz. 15.3.- Funtzio soilei lotutako problema grafikoak ebazten ditu. 15.4.- Grafiko bat gorakorra ala beherakorra den sumatzen badaki. 15.5.-Funtzio linealen hazkundea maldaren kontzeptuan oinarrituz konparatzen du. 15.6.- Grafiko iraunkor bat zer den sumatzen badaki. 15.7.- Grafiko bateko funtzio nabarmenenak (maximoak, minimoak, ardatzarekin bat egiten dute puntuak, etab.) identifikatzen ditu. 15.8.-Funtzio konplexuagoen grafiko batzuk identifikatzen ditu: esponentziala, trigonometrikoa, erroa, polinomikoa, etab. 15.9.- Hainbat funtzio irudikatzen ditu, kalkulagailua edo ordenagailua erabiliz, horien adierazpen aljebraikoa oinarri hartuta.
16. Deduziozko eta indukziozko arrazonamendua testuinguru numerikotan, alfanumerikotan eta geometrikotan aplikatzea.
16.1.- Jarraibide alfanumerikoak edo geometrikoak deskribatzen ditu emandako informazioan oinarrituz. 16.2.- Argudio logiko zuzenak erabiltzen ditu ondorioak lortzeko. 16.3.- Besteen argudioak ulertzen eta aintzakotzat hartzen ditu. 16.4.- Erakustaldi geometriko errazak egiten ditu problemen
42
ebazpenaren barruan. 16.5.- Egindako aburuen baliagarritasuna ikertzen du.
17. Jarduera matematikoari lotutako jokabideak sistematikoki ezagutzea, baloratzea eta erabiltzea: esaterako, ordena, kontrastea, zehaztapena, berrikuspen sistematikoa eta emaitzen kritika.
17.1.- Emaitzak txukun, garbi eta argi aurkezten ditu. 17.2.- Arrazoiak emanez justifikatzen ditu prozesua eta lortutako emaitzak. 17.3.- Irmotasuna eta zehaztasuna agertzen du kalkuluetan eta arrazonamenduetan. 17.4.- Jasotako ezagutzak egoera berrietara aplikatzen ditu.
18. Lan-taldean parte hartzea hainbat motatako ekintzak egiteko ikaskuntza matematikoaren, autoestimuaren osaketaren eta gure gizarteko baloreen oinarri gisa.
18.1.- Sexuarekin, kulturarekin edo bestelako arrazoiekin lotutako jokabide baztertzaileak saihesten ditu. 18.2.- Talde-lanean jarduteko jarrera positiboa agertzen du eta bere gain hartzen ditu dagozkion ardurak. 18.3.- Talde-lanak ikasteko eta gizartean aurrera egiteko duen garrantziaz jabetzen da.