Visita de Alicia Borrás Sanjurjo

O pasado 9 de novembro de 2012,

Alicia Borrás veu ao noso colexio.

Escritora viguesa e autora do libro que

limos os alumnos de 5º de primaria o

curso pasado, ‘Nata y chocolate’, que

nos gustou moito e que recomendamos

que leades. Alicia naceu en Vigo e da

mesma maneira que a protagonista do

libro, criouse sen nai, pero contou coa

grande fortuna de ter una familia que

coidou dela con cariño e devoción.

Cando nos dixeron que ía vir a autora,

fíxonos moita ilusión e fixemos debuxos

e mesmo preparamos preguntas para

facerlle cando viñera.

As 11:00h da mañán todos os alumnos

de 6º baixamos á Biblioteca porque

íanos dar unha charla. Contounos que

desde pequeña sempre lle gustou

moito ler e escribir, que conserva

contos de cando tiña 7 ou 8 anos,

porque escribir era unha forma máis de

divertirse. Recorda que facía versos de

humor para seus irmáns e para amigos

e logo lerllos en voz alta.

Os alumnos, cautivados polas

explicacións e relatos da autora,

tivemos a ocasión de preguntarlle

moitas cousas relacionadas co seu

oficio de escritora e polos personaxes

do libro e a historia, ás que respondeu

con moito interese. Despois das

preguntas, firmou os nosos libros e

tamén fixemos fotos con ela. A

escritora conseguiu con facilidade a

nosa admiración e a dos profesores.

Gustounos moito que viñera ao noso

colexio. Agardamos que haxa unha

segunda parte de ‘Nata y Chocolate’.