Download - servidorJabi - David01 Urbanismo2 Planeamiento2 … Aurrerapena... · 2014. 5. 13. · David Gutiérrez-Solana Journoud Ingurumen-zientzietan lizentziatua Sergio Gallego Mazarías

Z A L D I B A R K O H A P O P G O U D E Z A L D I B A R dokumentua/documento

A U R R E R A K I N A / A V A N C E

1

AURKIBIDEA

SARRERA

A. HELBURU ETA IRIZPIDE OROKORRAK

TESTUINGURUA ETA GARAPEN SOZIO-EKONOMIKOAREN ARDATZAK

HAPO-REN HELBURU ETA IRIZPIDE OROKORRAK

(HERRI HELBURUAK - PROZESU PARTE-HARTZAILETIK ERATORRITAKO HERRI HELBURUAK BILTZEN DITU)

HIRIGINTZA-EREDUAREN DEFINIZIOA

B. HELBURU ETA IRIZPIDE ZEHATZAK

PROPOSAMENEN ETA ALTERNATIBEN HASIERAKO DEFINIZIOA

UDALAZ GAINDIKO ESKUMENEKO PROPOSAMENAK

UDALAREN ESKUMENEKO PROPOSAMENAK

SALLABENTE ETA OLARREAGA AUZOAK

ZALDUAKO HERRIGUNEA

ALTERNATIBEN BALIOESPENA

ONDORIOZKO EGITURA OROKORRA

LURZORU URBANIZAEZINAREN KATEGORIZAZIOA

ANTOLAMENDU-EREMUEN DEFINIZIOA

HIRI-LURZORUAREN ONDORIOZKO EGITURA OROKORRA

BIZITEGIEN ESKAINTZA KUANTIFIKATZEA



3

SARRERA

BERRIKUSKETAREN IZAERA ETA EDUKIA

HIRI ANTOLAMENDURAKO PLAN OROKORRA AASS-EN BERRIKUSKETAREN IRUDIA

Hiri Antolamendurako Plan Orokorra udalerriko lurralde guztiaren plangintza integralerako tresna da, eta bere funtsezko helburua udalerria bere osotasunean antolatzea da. Bere xedea lurraldeko egitura orokorra eta organikoa definitzea eta zehaztea da. Horretarako, udalerriaren ezaugarrietara eta lurralde antolamenduko tresnak ezartzen dituzten erreferentziazko esparrura moldatzen den lurralde antolamendu eredua ezarriko du. Beti ere, EAEko Lurzoru eta Hirigintza, ekaineko 30ko, 2/2006 Araudiaren xedapen tekniko eta legalak kontutan hartuta.

Plan Orokorra udalerri bat antolatzeko gaitasuna duen tresna da, lurzoruaren hirigintza ezaugarrien determinazioak antolatuz bere espazio eta denbora dimentsioan, adostutako hirigintza eredua lortzeko balio du. Lurzoru eta Hirigintza 2/2006 Araudiaren arabera, plan orokorrek hirigintza antolamendua bere bi mailetan ezartzen dute, egiturazko antolamendua eta antolamendu xehatua.

LHA 61. artikuluaren arabera, Plan Orokorraren funtsezko edukiak honako antolamendu determinazioak bildu behar ditu:

• Izaera minimoarekin, udalerri osoaren egiturazko antolamendua eta hiri-lurzoru finkatuaren antolamendu xehatua.

• Hautazko izaerarekin, lurzoru urbanizagarri sektorizatuaren eta hiri-lurzoru finkatuaren kategoria ez duen hiri-lurzoruaren antolamendu xehatua.

Berrikuste prozesua bere fase bakoitzean ingurumen ebaluazio dokumentuez osatuta joango da.



4

METODOLOGIA OROKORRA ETA AURREIKUSITAKO FASEAK

Ondoren planteatutako metodologia orokorra zehaztuko da, 9 faseetan banatzen dena. Hauetako fase bakoitza ataletan banatzen da, ikerketa tekniko desberdinetako lan ildoekin eta tailer ziklo edo parte-hartze herrikoiaren lan prozesuekin bat etorriz. Atal bakoitza agiri independenteetan eta lan prozesu eta parte-hartze tailerren antolakuntzan oinarritzen da.

Plan Orokorraren berrikusketan garatuko diren proposatutako faseak honakoak dira:

a. AURREDIAGNOSTIKO TEKNIKOA

b. PARTE-HARTZE DIAGNOSTIKOA

c. HERRI IRIZPIDE ETA HELBURUAK Aurrerakinaren agiria idazteko lehenengo urratsa udalerriaren garapen sozio-ekonomikorako herri helburuak modu parte-hartzailean zehazteko tailer bat antolatu zen (Herri Helburuak), parte-hartze diagnostikoko ondorioetan oinarrituta. Helburu hauek aurkezten den aurrerakinaren agiri honen neurri zuzentzaile moduan sartu dira.

d. PROPOSAMEN ETA ALTERNATIBEN PARTE-HARTZE DETERMINAZIOA ETA AURRERAKINAREN AURKEZPENA Fase hau aurkezten den agiriari dagokio. Fase honetan HAPOren irizpide eta helburuak, hirigintza eredua eta proposamenak (irizpide zehatzak) definitzen dira, aurretik definitutako herri helburuak oinarritzat hartuta. Ingurumen-inpaktu esanguratsuak dituzten proposamenen kasuetan hainbat alternatiba planteatu dira eta IJTrekin bat aztertu dira.

e. IRADOKIZUNEN ERANTZUNA

f. PLANGINTZAKO IRIZPIDE ETA HELBURU OROKORREN ONARPENA

g. HASIERAKO ONARPEN AGIRIA

h. BEHIN-BEHINEKO ONARPEN AGIRIA

i. BEHIN-BETIKO ONARPEN AGIRI BATEGINA



5

PARTE-HARTZEA Agiri hau idazterako orduan paraleloki hainbat tailer garatu dira, egindako proposamenak adosteko eta garatzeko aukera eskaini dutenak. Hauek dira egindako tailer eta lan saioak:

1. Lan saioa: ZALDIBARKO HAPO-REN HELBURU ETA IRIZPIDE OROKORRAK (HERRI HELBURUAK).

2. Lan saioa: MUGIKORTASUNA ETA EGUNEROKO ERABILERAK.

3. Lan saioa: ETXEBIZITZA ETA EKIPAMENDUAK. HIRI BILBEA.

4. Lan saioa: BASO-KUDEAKETA ETA ELIKADURA BURUJABETZA.

5. Gidatutako erakusketa: HAPO-REN PROZESU PARTE-HARTZAILEAREN AZALPENA ETA MUGIKORTASUNAREN INGURUKO ANALISI ZEHATZA.

6. Tailer-festa: PROZESUAREN AMAIERAKO AZALPENA ETA SANTA ISABEL KALEAREN BEHIN-BEHINEKO OINEZKOTZEAREN HERRI EKINTZA.

Tailer hauek, Zaldibar Eitten izenburua duten eta planaren prozesu parte-hartzaileari buruzko informazioa zabaltzea helburu duten, aldizkariekin eta www.zaldibareitten.com Web orrialdearekin batera osatu dira. Aurrerakinaren onarpen publikoaren ondoren hirugarren argitalpen bat egingo da, aurrerakinaren erakusketa eta informazio publikoaren fasearekin bat egingo duena.



6

SUSTATZAILEA ETA IDAZLE TALDEA Aurrerakinaren agiri hau Zaldibarko Udalak sustatuta egin da. Idazle taldea honela dago antolatuta:

Arkitekto zuzendaria

David Gutiérrez-Solana Journoud

Ingurumen-zientzietan lizentziatua

Sergio Gallego Mazarías

Zuzenbidean lizentziatua

Fulgencio Carlos Gutiérrez-Solana Sainz de la Maza

Parte-hartzean espezializatutako arkitektoak

Amaia Albeniz Goikoetxea

Koldo Telleria Andueza

Saioa Zuazubiskar Ardanza

Arkitektoak

Olatz Fresneda Landa

Jabier Blanco Diez

Geografian eta Ekonomi-zientzietan lizentziatua

Juan Requejo Liberal

Ekonomi eta Enpresa-zientzietan lizentziatua

Antonio Cano Orellana

Antropoligian lizentziatua

Flor Savanti

Bide ingeniaria

Kimetz Etxebarria Munitxa

Kartografia eta Geografia informazio sistema

Imanol Goñi Aranburu

Arte Ederretan lizentziatua

Alejandro Carrascosa Vacas

Kontsulta eta landa-lanen burutzea

Ixone Zurikarai



7

A. HELBURU ETA IRIZPIDE OROKORRAK

TESTUINGURUA ETA GARAPEN SOZIO-EKONOMIKOAREN ARDATZAK

Diagnostikoaren dokumentua lantzean, ahalegin berezi bat egin zen Zaldibarko eredu sozio-ekonomikoaren alderdi giltzarriak, ahulguneak eta indarguneak hautemateko. Horrela, une honetan idazten ari den plangintza orokorreko dokumentuaren (HAPO) helburuak herria garatzeko epe luzeko estrategia sozio-ekonomiko batean kokatuko dira. Bestela esanda, HAPOk proposatutako planteamenduek parte-hartze prozesuan adierazitako herriaren ideia lortzeko bidean aurrera egiteko helburua izan behar dute.

Ezaugarri nagusia Zaldibarko berezko baliabideei (natura, eraikin, gizarte, pertsona eta irudiari lotutako kapitala) etekina ateratzea izango da, autonomia handiagoa eta gertaera ekonomiko globalekiko mendekotasun txikiagoa izango duen egitura sozio-ekonomiko bat sortzeko.

Jarraian, diagnostikoaren dokumentuan jasotako eredu sozio-ekonomikoaren diagnostiko-ondorio nagusiak gogoratuko ditugu:

ARAZOAK

EGITURAZKOAK

• Ekonomiaren zati handi bat kanpoko baliabideetan eta kanpoko erosleetan oinarritzen da.

• Baliabide endogenoak geldirik daude, abandonatuta eta agortutako eredu bati lotuta.

• Elikagaien ekoizpenari eta lehen mailako ekoizpenari lotutako lurralde-aktiboak behar baino gutxiago erabiltzen dira, eta ez dute gizarte-baliorik.

• Automozio-sektorearen industriarekiko mendekotasun arriskutsua.

• Merkataritza azalera handitan kokatu da. Herriko komertzio txikiek zailtasunak dituzte bizirauteko.

• Azpiegitura linealen ardatzek banaketa larriak eragiten dituzte herrigunean, eta udalerria zatitzen dute.



8

EPE ERTAIN ETA LUZEKO JOERAK

• Durangaldeko ekonomia hirugarren sektorera aldatzen ari da, eta ahalmena galtzen ari da esportazioetan eta ekonomia autonomo gisa.

• Baso-kudeaketaren dibertsifikazio urria kaltegarria da mendiaren kontserbaziorako.

• Udalerria ez da oso erakargarria, bizileku gisa.

• Udalerrian lanpostuak galdu dira sektore guztietan: lehen sektorea, industria, eraikuntza eta zerbitzuak.

• Lehen sektoreko lanpostu batzuk (mintegiak) Magrebeko etorkinek betetzen dituzte.

• Metalaren industrian eta industria mekanikoan lanpostuen kopurua gutxitu da, barne-prozesuen eraginez.

• Zaldibartarrek gero eta gehiago egiten dute lana udalerritik kanpo. Gehienek zerbitzuen sektorean dihardute.

• Herrigunean ez daude gizarte-kohesioa ahalbidetzen duten harremanetarako guneak.

• Zaintza-lanen gizarte-aitortza falta da.

EPE LABURREKO JOERA

• Durangaldean 3.000 lanpostu galduko dira, aro ekonomiko honen testuinguruan.

• Zaldibarko langabezia maila biztanleria aktiboaren % 10etik gorakoa da.

• Merkataritza- eta ostalaritza-establezimenduak nabarmen murriztu dira udalerrian.

• Merkataritza-etxabe eta industria-nabe asko ez dira erabiltzen.



9

AUKERAK

EGITURAZKOAK

• Lurzoru kuaternarioei eta ura eskuratzeko aukera handiari etekina ateratzea baratzeetan elikagaiak ekoizteko.

• Basoak osotasun-irizpideen arabera kudeatzea.

• Lurraldeko aktiboak udalaz gaindiko eskalan txertatzea, lurraldea erakargarriagoa egiteko.

• Bainuetxe zaharraren inguruko ur-baliabideak eta landa-eremua bateratzea.

• Zaldibar geografikoki kokatzea Ibaizabal-Deba korridorean eta EAEn.

• Gizarte-kapital handia eta lankidetzarako espiritu bikaina herritarren askorengan.

EPE ERTAIN ETA LUZEKO JOERAK

• Udalerriko biztanleen gaitasun profesionala eta instrukzio maila nabarmen hobetzea.

• Janariaren eta lehen mailako produktuen auto-hornikuntza hobetzea.

• Lurralde-aktiboetan eta enpresa-ekimenetan txertatutako kudeaketa kolektiboko formuletatik eratorritako ahalmena.

EPE LABURREKO JOERA

• Energia berriztagarriei etekina ateratzeko gaitasuna, banakako eta taldeko kontsumo-zentroetan.

• Jarduera ekonomikoak areagotzeko gaitasuna, kontsumoa murrizteari eta energia-eraginkortasunari dagokienez.

• Ekologia industrialeko zirkuituak txertatzeko gaitasuna. Jarduera baten hondakinak beste baten imput gisa erabiltzen dira.



10

• Komunitate osoaren konponbidea, arreta eta zaintza pertsonaleko beharrei erantzuteko.

• Lankidetza bidezko konponbidea, pertsonen mugikortasunaren arloan.

• Elkarri laguntzeko ekimenen gaitasuna.

Parte-hartze prozesuan landutako herri-helburuetan kezka eta aukera ugari jasotzen dira, askotan Hiri Antolakuntzako Plan Orokor baten edukiarekin lotura zuzena ez dutenak. Hori dela-eta, Plan Orokorraren eginkizunak, ahal den neurrian, erraztasunak eta tresnak ematea izan behar du, bere eskumenen esparruan, planteatutako eredu sozio-ekonomikoaren bilakaeran aurrera pausoak eman daitezen udal politiken bitartez.

Hala ere, egindako hausnarketa kolektiboan, udalerriko errealitateari lotutako hainbat alderdiri buruzko ondorioak atera dira, soilik hirigintza-politiken bidez landu ezin daitezkeenak. Beraz, horiek lortzeko jarduerak eta politikak gizarte, zerga, ekonomia eta ingurumen arloak koordinatuta egin beharko dira.

Gauzak horrela, beharrezkoa dirudi proposamen horiek oso azaletik jasotzea, Garapen sozio-ekonomikoaren ardatzak deitu ditugun horietan, egindako azterketa-prozesu trinkoa are erabilgarriagoa izan dadin udalerriarentzat, udal-politikaren arloetan.

Bi ardatz estrategiko hautatu dira aztertutako arlo bakoitzerako, kontuan hartuta lana modu koordinatuan egitea komeni dela eta epe labur eta luzeko jarduerak bateragarriak izatea garrantzitsua dela.

SOZIO-EKONOMIKOA

1. ARDATZA - INDUSTRIA BIRMOLDATZEKO UDAL-PLANA

Lehen aipatutako adierazle sozio-ekonomikoek argi azaltzen dute jarduera industriala berriro aktibatzeko prozesu bat abiatu behar dela, hautemandako jardueraren galerari aurre egiteko. Azaldu dugun bezala, Zaldibar egoera egokian dago jarduera ekonomikoa sortzeko barne-prozesuak sustatzeko, bere baliabideetatik abiatuta; izan ere, aktibo garrantzitsuak ditu lurraldean (bere egoera korridorean), eraikinetan (erabili gabeko eraikin industrialak), pertsonetan (jarduera industrialean esperientzia handia duten langabe ugari) eta gizartean (herriko elkarteen gaitasun handia). Hortaz, planak sustatutako industriaguneen hobekuntzarekin batera, ekimen publikoko dinamikak sortzeko xedea izango duen prozesu bat abiatu behar da, jarduera berriak sortze aldera.



11

2. ARDATZA – MERKATARITZA-EHUNA BIZIBERRITZEKO ETA ZAINTZA-LANEN KOMUNITATEAREN KONPONBIDERAKO PLANA

Bigarrenez, azpimarratu behar dugu zer-nolako garrantzia duen herrigunearen hiri-jarduera mantentzea eta gizarte-kohesioa indartzea, ekoizpen-lana (merkataritza txikia eta zerbitzuak) eta erreprodukzio-lana (zaintza-lanak) sustatuz. Merkataritza txikia mantentzea eta/edo indartzea, eta herritarren arretarako ordaindu gabeko lanak kontuan hartzea giltzarria izango da Zaldibarrek herri bizia eta segurua izaten jarrai dezan, lotarako herri bat izateko arriskua saihestuta. Hori lortzeko, beharrezkoa izango da merkataritza txikia berpizteko eta laguntza osagarriak emateko plan publiko bat edukitzea, eta plan horren bidez bideratuko dira krisi ekonomikoak herritarrengan sortutako behar gero eta handiagoei erantzuteko komunitate-jarduerak.

INGURUNE FISIKOA ETA LANDA-INGURUNEA

3. ARDATZA - LEHEN SEKTOREA BIZIBERRITZEKO ETA ELIKADURA-BURUJABETZA SUSTATZEKO PLANA

Balio agrologiko handiko eremuak identifikatzearekin eta jarduera horri lotutako ekipamendu publikoak proposatzearekin batera, planak politika publikoak proposatu behar ditu herriko produktuen kontsumoa bultzatzeko eta nekazari berrientzako lurzoruaren eskaintza areagotzeko. Herritarren beharrei erantzungo dion elikaduren burujabetza handiago batera iritsi nahi badugu, erronka integral bat egin behar dugu.

4. ARDATZA - BASOGINTZA MODERNIZATZEKO PLANA

Diagnostikoaren dokumentuan xehetasunez identifikatzen dira udalerriaren berezko balioak, eta hori abiapuntu bat izan daiteke basoaren ustiapen-eredu berri bat planteatzeko. Eredu berri hori dibertsoagoa (oraingo monolaborantzaren aurrean) eta iraunkorragoa izango da, eta herriko eredu sozio-ekonomikoari lotuta egongo da (esate baterako, hirigunerako biomasa sortzen). Horrek egurraren prezioen aldaketei eusteko gaitasun handiagoa izango duen ustiapen-eredu bat ezartzea ahalbidetuko du, eta sortutako aberastasuna gehiago banatuko da, herrian lanpostuak sortuko diren neurrian. Horretarako, beharrezkoa izango litzateke, lehen pauso gisa, Zaldibarko mendiak antolatzeko eta ustiatzeko plan bat garatzea.

HIRIGINTZA

5. ARDATZA - ETXEBIZITZA HUTSAK ERABILTZEKO ETXEBIZITZA-POLITIKA PUBLIKOA

Etxebizitzari dagokionez, HAPOren planteamenduak eraikitako ondarearen optimizazioan eta etxebizitza hutsen erabileran oinarritzen dira. Horrekin batera, alderdi horietaz arduratuko diren politika publikoak egin beharko dira, non etxebizitzen eraberritzeak sustatuko diren, zerga-pizgarriak eskainiko diren edo udalaren bitartekaritza planteatuko den, etxebizitza hutsen erabilera bermatzeko.



12

6. ARDATZA - HERRIGUNEAREN BARNE-MUGIKORTASUNA BERRANTOLATZEKO POLITIKA AKTIBOA

Diagnostikoaren parte-hartze prozesuan ikusi dugun moduan, oinezkoentzako komunikazio-eremuen gabeziak eragindako barneko mugikortasun-arazoa udal-plangintzak lehentasunez konpondu beharreko alderdietako bat zen. Horregatik, uztartu egin beharko dira herrigunearen barruan komunikazioak berriro egituratzeko HAPOren epe luzeko ekimenak eta berehala konpondu beharreko arazoak, hala nola kamioien igarotzea Euskal Herria kaletik edo espaloien gabezia eskolen eremura joateko.



13

HAPO-REN HELBURU ETA IRIZPIDE OROKORRAK

PRINTZIPIO GIDARIAK

HERRI-HELBURUAK

HIRIGINTZA-EREDUA

INGURUNE FISIKOA ETA PAISAIA

LANDA- ETA BASO-INGURUNEA

ONDARE HISTORIKOA, ARTISTIKOA ETA KULTURALA

MUGIKORTASUNA ETA GARRAIOA

INDUSTRIA ETA ZERBITZUEN SEKTOREA

ENERGIA, ZERBITZU-SAREAK ETA HONDAKINAK

LANDA-AUZOAK (EITZAGA, GOIERRI, URIZAR, GAZAGA ETA ARANGUREN)

SALLABENTE ETA OLARREAGA

HIRIGUNEA



14

PRINTZIPIO GIDARIAK

1H HELBURUA

Plangintza orokorra idazteko prozesua Zaldibarko estrategia sozio-ekonomikoa berriro definitzeko aukera gisa planteatzea, eta horren baitan behetik gora pentsatutako hirigintza-eredu berri bat proposatzea, non lana modu irekian egingo den eta erabakiak eztabaiden bidez hartuko diren.

1.1I IRIZPIDEA

HAPO idazteko oinarrietan honako printzipio gidari hauek txertatzea:

1. Plangintzaren bidez lankidetzan jardutea, gaur egungo sistemaren krisiak gizarte gisa planteatzen dizkigun erronkei erantzuteko, gizarte-justiziaren eta baliabideen banaketa egokiaren ikuspegitik.

2. Lana egiteko ingurunea sakon ezagutzea, udalerriaren mugak kontuan hartuta eta horren gaitasunak sustatuta.

3. Paisaia-faktorea, modu integralean ulertuta, txertatzea, eta HAPOren idazketan gizarte- eta natura-balioak jasotzea.

4. Idazketa-prozesuari ekitea, genero-berdintasuna prozesuaren oinarrizko ildotzat hartuta.

5. Irisgarritasun unibertsalaren helburua prozesuaren oinarrizko ildo gisa jasotzeko konpromisoa hartzea.

1.2I IRIZPIDEA

HAPOren idazketan diagnostikoaren parte-hartze prozesuan ateratako ondorioak txertatzea, eta, zehazki, Herri Helburuak izeneko dokumentua, aipatutako prozesuaren amaiera gisa adostu eta idatzi zena.

1.3I IRIZPIDEA

HAPOren idazkeratik eratorritako proposamenak lurraldearen baloraziora egokitzea. Balorazioa irizpide zientifiko eta objektiboen bidez egin da, eta Lurzoruaren Erabileren Egokitasuna izeneko dokumentuan jasota dago.



15

1.4I IRIZPIDEA

HAPO dokumentuan kontrol-adierazleak eta -bitartekoak txertatzea, helburuen betetze maila eta planteatutako proposamenen eraginkortasuna ebaluatzeko. Adierazle horiek Udal Tokiko Agenda 21ean sartuko dira, eta oinarritzat hartuko dira dokumentuaren hurrengo berrikuspenak egiteko.

HERRI-HELBURUAK

2H HELBURUA INGURUNE FISIKOA

Udalerriaren ingurumen-egoera eta naturarako sarbidea hobetzea, naturaguneak eta bertako basoak berreskuratuz.

2.1I IRIZPIDEA

Dibertsitate handiagoko (ez soilik pinua) baso-kudeaketa sustatzea, haren errendimendu ekonomikoa (produktu eta espezie berriak, biomasa, etab.) eta herriari egindako ekarpena (ingurumena, paisaia, enplegua, etab.) hobetzeko.

2.2I IRIZPIDEA

Lurzoru emankorrenak kontserbatzea eta berreskuratzea, erabilera desegokiak alde batera utzita (urbanizazioak, basogintza, azpiegiturak), lehen sektorea pixkanaka berreskuratzen joateko. Balio handieneko lurzoruen suntsiketaren bidez lurzoruaren erabilera ez hipotekatzea etorkizuneko belaunaldientzat.

2.3I IRIZPIDEA

Uraren kalitatea eta ibai-ibilguen kontserbazioa hobetzea, baso-landaketen okupazioak saihestuz, eta hirigunetan lurperatutako ibaiak azaleratzea.

2.4I IRIZPIDEA

Aixolaren urertzak berreskuratzea.

2.5I IRIZPIDEA

Hesi modura ageri diren azpiegiturek (A8, N-634, Euskotren) udalerrian eragindako zatiketa gainditzeko moduak bilatzea, bai hirigunean bai mendian. Goierriren garrantzia nabarmentzea, Bizkaian A8 autopistaren gainetik dagoen igarobide bakarra den neurrian.



16

2.6I IRIZPIDEA

Zaldibarko landa-paisaia eta kultura-ondarea babestea eta horren balioa nabarmentzea, gizarte- eta kultura-eredurako herriko nortasunaren funtsezko elementuak diren neurrian: errotak, karobiak, gaztainadi eta pagadi motzak.

2.7I IRIZPIDEA

Espezie Exotiko Inbaditzaileen hedapena geratzea, eta harekin amaitzeko neurriak hartzea.

2.8I IRIZPIDEA

Herriko energia-baliabideen erabilera sustatzea: biomasa, eguzki-energia eta energia eolikoa.

2.9I IRIZPIDEA

Hainbat materiaren zikloa ixtea (hala nola inausketak, zabor organikoak, zurgindegien hondakinak, etab.), eta horiek herrian berrerabiltzeko metodoak erabiltzea.

2.10I IRIZPIDEA

Ibai Parke bat sortzea Ego ibaiaren urertzaren inguruan, Sallabente eta Olarreaga auzoen erosotasunerako.

3H HELBURUA SOZIO-EKONOMIA

Eredu sozio-ekonomiko bat sustatzea, autonomia handiagoa ekarriko duena (elikadura, energia, lehengaiak, ezagutza teknikoak eta tradizionalak, elkartzeko gaitasuna, etab.) eta gertaera ekonomiko globalei hobe eutsiko diena. Eredu hori berezko baliabideetan (lurraldekoak eta gizartekoak) oinarrituko da, askotan gutxi erabilita edo abandonatuta baitaude.

3.1I IRIZPIDEA

Denon artean Zaldibarko irudi/identitatea berreraikitzea, autopista bazterreko herri baten itxurak lausotzen baitu gaur egun. Hortaz, herriaren nortasunari lotutako elementuak berreskuratu behar dira. Ur sufretsuen iturburuaren eta haren landa-paisaiaren ahalmen handia.



17

3.2I IRIZPIDEA

Elikadura-burujabetza lortzeko aurrera pausoak ematea, eta horretarako landatutako eremuak eta elikagaien tokiko ekoizpena areagotzea. Horrez gain, modu horretan ekonomiaren aniztasuna lortuko dugu, ekoizteko modu tradizionalen bidez bertan sortutako kalitatezko elikagaien eta produktuen eskaeraren igoeraz baliatuta.

3.3I IRIZPIDEA

Natura-, kultura- eta gizarte-ondarearen berreskurapenaren bidez udalerriaren irudia hobetzea, turismoaren garapena eta bertako produktuen balioa sustatuz.

3.4I IRIZPIDEA

Energia berriztagarriari eta ingurumenari lotutako industriaren gorakadaz baliatuta ekonomia dibertsifikatzea, zaldibartarren prestakuntza teknikoa kontuan hartuta.

3.5I IRIZPIDEA

Industrien produktibitatea hobetzea, eta horretarako energia berriztagarrien sarrera, energiaren ekoizpen bateratua edo industria batzuetan soberan diren produktuak beste batzuetan erabiltzeko aukera bultzatzea. Haren irudia eta zerbitzuak hobetzea.

3.6I IRIZPIDEA

Pertsonen eta enpresen energia-autonomia areagotzea, energia berriztagarrien bidez herriko energia-ekoizpena sustatuz eta eraikitako ondarearen isolamendua hobetuz.

3.7I IRIZPIDEA

Herritarren prestakuntzaz eta jarduera jakin batzuei buruzko ezagutza maila handiaz (giza kapitala) baliatzea, ezagutza teknikoak edo tradizionalak gal ez daitezen.

3.8I IRIZPIDEA

Elkarteen sareak eta tradizio biziek —hala nola, auzolana— duten indarraz baliatzea, zaintza pertsonalari, mendekotasunari edo elkarren arteko laguntzari lotutako herritarren arazoei erantzun kolektibo bat emateko.



18

3.9I IRIZPIDEA

Zaintza pertsonaleko eta mendeko taldeen arretako lanak erraztea eta horien balioa nabarmentzea, bizikidetza-ereduaren eta gizarte-kohesioaren oinarri gisa ulertuta.

04 HELBURUA HIRIGINTZA

Jarduera eta lana Zaldibarren mantentzea eta sustatzea (merkataritza txikia eta industria), herritarrek beren premiak bertan asetzeko aukera izan dezaten beste inora joan gabe. Lohiri batean eraldatzea saihestea.

4.1I IRIZPIDEA

Azpiegiturek isolatutako herrigunearen, gainerako lurraldearen eta landa-auzoen (Goierri, Urizar, Gazaga, Eitzaga…) arteko erlazioa areagotzea, horien jarduera areagotuz. Erlazioetarako estrategiak.

4.2I IRIZPIDEA

Zalduako gune nagusiaren eta ondoko auzoen arteko lotura hobetzea, hirigintza-hesiak gaindituz. Lotura Artia, San Andres eta Arangurenekin.

4.3I IRIZPIDEA

Herriarentzat erreferentziako plaza bat edo espazio publiko bat sortzea. Horretarako, aukera nagusitzat hartzen da Euskal Herria kalea eta ospitale psikiatrikoaren parkea espazio publiko bihurtzea; izan ere, parkea berreskuratu daiteke, zaldibartarrek erabil dezaten.

4.4I IRIZPIDEA

Herrigunearen kaleak eta plazak sakonki birmoldatzea, autoaren inbasioa (baita trafiko astunarena ere) konpontzeko eta oinezkoentzako eta txirrindularientzako ibilbide seguruak bermatzeko. Sarbide segurua bermatu behar da oinarrizko ekipamenduetara, hala nola eskolak, bainuetxearen parkea eta Euskal Herria kalea.

4.5I IRIZPIDEA

Tokiko ekipamenduen sarea hobetzea, osasun (zentro medikoa) eta kultura (kultura-etxea) arloko ekipamenduen beharra azpimarratuz. Erabiltzen ez diren psikiatrikoaren eraikin batzuk erabiltzeko aukera (Las Hermanas eraikina).



19

4.6I IRIZPIDEA

Berdeguneak eta egoteko espazioak zabaltzea eta hobetzea (espazio estalien beharra, iturriak eta ibilbide tradizionalak mantentzea, errekak berreskuratzea, etab.). Herrigunearen hiri-baratzeak mantentzea eta horien balioa nabarmentzea.

4.7I IRIZPIDEA

Baliabide gutxiago dituzten herritarrei etxebizitza eskuratzeko aukera bermatzea, etxebizitza hutsen kopuru handiaren erabilera sustatuz eta jabetzaz bestelako kudeaketa-moduak sustatuz (alokairua, azalera eskubidea, kooperatibak lagapen-erabilerarekin, etab.).

4.8I IRIZPIDEA

Etxebizitzen eraberritzea sustatzea, haien irisgarritasun-baldintzak eta energia-eraginkortasuna hobetuz.

4.9I IRIZPIDEA

Hutsik dauden lonjak erabiltzeko ekimenak sustatzea, udalerriko merkataritza txikia babesteari begira.

4.10I IRIZPIDEA

Okupatu gabeko industria-nabeen eta -lurzoruen erabilera sustatzea, eta horietako batzuetan dauden sarbide- eta urbanizazio-arazoak konpontzea.

4.11I IRIZPIDEA

Sallabente, Olarreaga eta Eitzaga auzoetan dauden arazo zehatzak konpontzea edo gutxitzea. Arazo horiek industrialdeetako trafikoak, hondakindegiak eta programatutako azpiegitura berriek (Ermuko saihesbidea) eragiten dituzte.



20

HIRIGINTZA-EREDUA

5H HELBURUA

Lurraldea antolatzeko eredu iraunkor bat diseinatzea, Zaldibarko berezko balioen eta baliabideen ustiapenean eta horiei balioa ematean oinarrituko dena (natura, eraikuntza, gizartea, gizakia eta irudiari lotutako kapitala). Horren bidez, gizarte-kohesioa areagotuko da, eta autonomia handiagoa eta gertaera ekonomiko globalekiko menpekotasun txikiagoa izango duen egitura sozio-ekonomiko bat sortuko da.

5.1I IRIZPIDEA

HAPOren idazkeran Garapen Iraunkorraren Euskal Ingurumen Estrategiaren helburuak eta xedeak jasotzea.

1. Aire, ur eta lurzoru garbiak eta osasungarriak bermatzea.

2. Natura-baliabideen eta hondakinen kudeaketa arduratsua bilatzea.

3. Naturaren eta biodibertsitatearen babesa indartu beharreko balio bakar gisa identifikatzea.

4. Lurraldeko oreka eta mugikortasuna ikuspegi komun batetik planteatzea.

5. Klima-aldaketaren eragina murriztea.

5.2I IRIZPIDEA

EAEko Landa Garapenerako Programaren ardatzak eta neurriak jasotzea.

1. Nekazaritza- eta baso-sektorearen produktibitatea areagotzeko modua bilatzea.

2. Ingurumenaren eta landa-inguruaren hobekuntza ahalbidetzea.

3. Bizi-kalitatea hobetzea landa-eremuetan eta tokiko ekonomia dibertsifikatzea.



21

5.3I IRIZPIDEA

HAPOren irizpide gisa jasotzea aldez aurreko Kontsulten Txostenean zehaztutako iraunkortasun-irizpideak. Txosten hori Bizkaiko Foru Aldundiaren Ingurumen sailak igorri du.

Biodibertsitatean eragina duten iraunkortasun-irizpideak.

Natura-baliabideen zaintzarekin bateragarria den HAPO batek honako irizpide hauek bete beharko ditu:

1. Plangintzaren erabaki berriak justifikatzeko, haiek ingurumenean dituzten eraginei erreparatzea.

2. Hautemandako premiak asetzeko, azaleran izandako eragina ahal bezain txikia izan dela justifikatzea.

3. Lurzoruaren artifizializazioa eta demografia-hazkundea bereiztea. Biztanle bakoitzeko artifizializatutako lurzoru-tasa gutxitzea.

4. Lurzoru artifizializaduak modu intentsiboan erabiltzea, lurzoru berriak okupatu baino lehen.

5. Sailkatutako lurzoruen okupazioa agortzea, lurzoru berria sailkatu baino lehen. Sailkatutako lurzoruak desegokiak izateagatik ordezkatu behar direnean, haien desklasifikatzea bultzatuko da, plangintzako tresnan bertan.

6. Biodibertsitateko elementu berezien gaineko erasanak saihestea (bertako landareak, mehatxatutako espezieen habitatak, Europar Batasunaren intereseko habitatak, ibaiak eta errekak, padurak, heskaiak…).

7. Hainbaten artean hautatutako alternatiba ingurumen-terminoetan justifikatzea, hori bera ere aztertuta.

8. Biodibertsitatearen egoera globala mantentzea edo hobetzea, baita ingurumen-zerbitzuak emateko haren gaitasuna ere. Ingurumen-kalteen prebentzioari lehentasuna ematea, kalteen konpentsazioaren aurrean.

9. Saihestezintzat jotzen denean, gertatuko diren natura-ondasunaren galerak konpentsatzea. Plangintza-tresnan honako hauek definitu behar dira:

9.1. Konpentsazioa non egingo den, lehentasunak oinarri hauen arabera zehaztuko dituen azterketa batetik abiatuta:

9.1.1. Berreskuratu beharreko guneak.

9.1.2. Tokiko korridoreen sarea.



22

9.1.3. Aukerak.

9.2. Konpentsazio-jarduerak hartuko dituzten lurren lorpena sailkatutako lurrari lotuta geratuko da; esate baterako, atxikitako sistema orokor baten bidez edo zuzkidura publikoak lortzeko jarduera baten bidez.

9.3. Konpentsazio-neurrien kostua sektore berriaren urbanizazio-gastu bat da.

9.4. Konpentsazio-neurriek eginak egon behar dute, eraikitze-lizentziak eman baino lehen.

9.5. Bigarren mailako eraginak dituzten garapenak eta urruneko urbanizazioak saihestu behar dira.

10. Erauzketatik ateratako materialen trataera egokia bultzatzea, urbanizazioak edo azpiegituren garapenak aldatutako lurretan partekatu daitezen.

5.4.I IRIZPIDEA

HAPOren irizpide gisa sartzea Bizkaiko Foru Aldundiaren ingurumen-dokumentuak igorritako Erreferentzia Dokumentuan jasotako printzipioak, helburuak eta ingurumen-irizpide zehatzak.

Ingurumen-helburuak:

HAPOren berrikuspenari honako ingurumen-helburu hauek aplika dakizkioke:

1. Lurraldearen erabilera orekatua lortzea.

2. Lurraren kudeaketa ezin hobea lortzea, kutsadura historikoa lehentasunez berreskuratuz eta bestelako kutsadura motak prebenituz.

3. Pertsonen mugikortasun-eskaria kudeatzea, garraio-moduak beste bide batzuetara bideratuta, hala nola oinez ibiltzera, bizikletaz ibiltzera eta garraio kolektiboa erabiltzera.

4. Energia-aurrezkia, energia-eraginkortasuna eta energia berriztagarrien erabilera sustatzea.

5. Dibertsitate biologikoaren galera gelditzea; horretarako, habitat eta ekosistemen funtzionamendu iraunkorra babestu eta berrezarri beharko da. Natura baliabideen kontsumo arduratsua sustatzea.

6. Paisaiak babesten eta lurraldean planteatutako edo egindako azpiegiturak, eraikinak edo instalazioak bisualki ongi integratzen laguntzea. HAPOren ingurumen-ebaluazio estrategikoak ingurumen-aldagai hori kontuan hartu beharko luke, udalerriaren oraingo paisaiaren kalitatea kontserbatzeko edo hobetzeko.

7. Natura-baliabideen kontsumo arduratsua sustzatzea.



23

8. Hondakin gutxiago sortzea eta hondakinen kudeaketa hobetzea, tratatu gabeko hondakinik batere ez isurtzea lortu arte.

9. Ur-masen ekologia-egoera egokia lortzea eta hondamena eragoztea, modu ezin hobean pertsonen garapen eta bizi-kalitaterako eta ekosistemen egoerarako laguntza emateko.

10. Lurralde osoko airearen kalitatea hobetzea, bereziki eragiten baitie pertsonen osasunari eta bizi-kalitateari, hiriguneetan arreta berezia jarrita.

11. Kutsadura akustikoa prebenitu, ikuskatu eta gutxitzea, giza osasun, ondasun edo ingurumenerako ondoriozta daitezkeen kalteak saihestu eta gutxitzeko.

12. Arrisku naturalak eta teknologikoak ez eragin edo, hala denean, ezabatzea.

13. Berotegi-efektuko gasen emisioa mugatzea.

14. Klima-aldaketarako egokitzapena kudeatzea; horretarako, aurreikusitako eraginen gaineko urrakortasuna gutxitzea.

Ingurumen-irizpide estrategikoak.

1. Zorroztasunez aztertu eta justifikatzea plangintzak erantzun beharreko beharrak.

2. Lehentasuna ematea jadanik artifizialduta dauden lurzoruen erabilerari, batez ere, nekazaritza-lurzorua eta lurzoru naturala gordeta.

3. Herriko jatorrizko eremuetan eraiki eta urbanizatutako ondarea lehengoratzea eta etxebizitza hutsak erabiltzea lehenestea.

4. Bigarren egoitzako edo hutsak diren etxebizitzen ugaritzea saihestea.

5. Hiri-banaketa eta -barreiatzea saihestea, erabilera edo jardueren kohesio espaziala eta integrazio egokia ahalbidetzeko, mugikortasun-beharren sorrera murrizte aldera.

6. Udalerrian hainbat auzune badaude, banaka aztertu beharko dira, eta 2/2006 Legean zehazturiko baldintzak betetzen direla egiaztatuko da landako biztanle-gune gisa kalifikatzeko.

7. Hiri-egitura trinkoak eta konplexuak sustatzea, planteatutako premiei erantzuteko. Etxebizitzen dentsitatea areagotzea hiri-lurzoruan.

8. Lurzoruaren erabilerak modu misto eta malguan planifikatzea.

9. Egon daitezkeen garapenak garraio publikoa eta/edo ibilgailu pribatua ez den beste garraio mota batzuk eskura dauden lurzoruetan kokatuta egotea.

Zaldibarko aireko ikuspegia.

Sallabenteko aireko ikuspegia.



24

10. Egon daitezkeen garapenak kokatzea, iturri berriztagarrien ondoriozko energia-oinarri duten energia-horniduraren sistema deszentralizatuen bidez, hornidura energetikoa bideragarria eta erraza den lurzoruetan.

11. Egon daitezkeen garapenak energia-eraginkortasun pasiboko baldintza egokiak dituzten lurzoruetan kokatzea.

12. Deszentralizatutako instalazioen ezarpena erraztea, iturri berriztagarrien ondoriozko energia-oinarri duen energia hornitzeko.

13. Balizko garapenak lurzoru egokietan kokatzea, ur ingurunea eta bertako zerbitzuak eta ingurua kontserbatu ahal izateko, urari eta kostaldeei buruzko arautegian ezarritako atzeraemanguneak eta zortasunak errespetatuz. Ur-masen ekologia-egoera egokia mantentzea edo lortzen laguntzea.

14. Egon daitezkeen garapenak Uraren Euskal Agentziaren “Lurzorua uholde-arriskua kontuan izandako erabiltzeko irizpideei” jarraiki egin beharko dira. Ibaien lurraldearen arloko planaren lehen aldaketan jasotako eskakizunak aintzat hartuko dira (2012ko uztailaren 19ko Agindua, E-2 atala: Uholdeen aurkako zaintzari buruzko araudia eta E-4 atala: urbanizatu beharreko alde berrien drainaketari buruzko araudi espezifikoa), uholde-arriskuan dauden zonakatze berria ezartzen dutenak (Herri Jabari Hidraulikoaren Arautegiaren Aldaketari buruzko 9/2008 Errege Dekretuaren eta Uholde Arriskuen Ebaluazioari eta Kudeaketari buruzko 903/2010 Errege Dekretuaren arabera). Horretarako, lehentasunezko fluxuko aldeak eta urbanizatu beharreko alde berrien drainaketei buruzko irizpideak sartuko dira.

15. Egon daitezkeen garapenak uren hornidura eta saneamenduaren sareak eskuragarri dituzten lurzoruetan kokatutako dira, eta, horrela, garapen horien zerbitzu egokia bermatuko dute.

16. Batasunaren intereseko habitatak hondatzea eragoztea.

17. Garapen berriak aplikatzekoak diren soinuaren kalitatearen helburuak aurreikusita betetzen diren gune akustikoetan jarriko dira, lurraldearen ezaugarrien araberako erabilerak esleitzea sustatuz.

18. Euskal Autonomia Erkidegoko Kutsadura Akustikoari buruzko urriaren 16ko 213/2012 Dekretuan ezarritako kalitate akustikoko helburuak betetzen direla ziurtatzea. Garapen berriak aplikatzekoak diren soinuaren kalitatearen helburuak aurreikusita betetzen diren gune akustikoetan jarriko dira. Horri dagokionez esan beharra dago azaroaren 28ko 5799/2013 Foru Agindua argitaratu zela Bizkaiko Aldizkari Ofizialean 2013ko abenduaren 11n. Horren bidez, jendaurreko izapidetzea ebatzi eta Bizkaiko foru errepideen zarata mapak behin betiko onetsi dira.

19. Plan Orokorraren berrikuspenak ematen duen aukera baliatzea pasealekuen eta ibilbideen sare bat emateko herriari, ingurunea errespetatuz, herritarrek horiek guztiak goza ditzaten eta aire zabaleko kirola egin dezaten.



25

20. Ibai inguruetan edo ur-masen inguruetan eginiko jarduketetan, lehentasunezko helburutzat hartu beharko da kontuan espazioak mantentzea edo hobetzea, horiek ingurumenaren aldetik lehengoratzea sustatuz.

21. HAPOren araudiak bermatu egin beharko du plangintza honen ingurumen ebaluazio estrategikorako eginiko azterlanetan ikusi den eta arriskuan den flora babesten eta artatzen dela. Baldin eta IITren bidez zaurgarri edo galzorian dauden espezien kategoriako taxon multzoren bat ikusten bada, babes hori emango duen hirigintza kalifikazioa aplikatuz babestu beharko du multzoa HAPOk.

Azken urteetan inoiz urubi arrunten eta hontz zuriaren habiak ikusi dira udalerriko hainbat tokitan. Bi espezieak babes bereziko araubidearen barneko espezieen zerrendan daudenez gero, komenigarria da espezie horien habitata egokiro babestea HAPOren bidez.

1. Espezie exotikoen eta inbaditzaileen Espainiako katalogoa arautzeari buruzko abuztuaren 2ko 630/2013 Errege Dekretuko flora inbaditzaileen espezieen gune berrien sorrera gutxitu beharko da.

2. Europako intereseko habitatak babestu beharko dira, batez ere lehentasunezkotzat jotakoak. Aurreikusitako garapenek ez dituzte ukituko lehentasunezko intereseko habitatak, eta egokia da haien artapena sustatzeko baldintzatzaile gainjarria ezartzea haientzat.

3. Planak aurreikusitako helburuak lortzeko hautabideen identifikazioan, deskribapenean eta ebaluazioan sartuko dira ingurumen irizpide estrategiko hauek. Horiek sartuko dira, ondorio-zuzenketaren aurrean, prebentziorako printzipioan eragina izateko; horretarako, garapen iraunkorra sustatuko da, aldi berean, zuzenketa- eta/edo konpentsazio-neurriak.

Aisialdiko ibilbideen seinaleztapena.

Santa Marina baseliza.



26

5.5I IRIZPIDEA

Ildo estrategikoak eta ekintza-plana Zaldibarko iraunkortasunerako (Tokiko Agenda 21).

1. Garapen ekonomiko orekatu, dibertsifikatu eta iraunkor bat lortzeko pausoak ematea.

1.1. Tokiko merkataritza sustatzeko programa.

1.2. Udalerrian industriaren dibertsifikazioa sustatzeko programa.

1.3. Udalerrian lehen mailako sektoreari eusteko programa.

2. Udalerriaren gizarte-garapena sustatzea.

2.1. Udalerriaren gizarte-garapena sustatzeko programa, iraunkortasun-irizpideei erreparatuta.

2.2. Udalerriko ekipamenduak hobetzeko programa.

2.3. Udalerriko kudeaketan parte-hartzea bultzatzeko programa.

2.4. Tokiko Agenda 21 prozesuari jarraipena egiteko programa.

3. Hirigintza orekatu baten alde egitea; hiri-espazioaren kalitatea hobetzea.

3.1. Hiri-espazioaren kalitatea hobetzeko programa.

3.2. Udalerriko ondare historikoa eta artistikoa zaintzeko programa.

4. Naturaren eta paisaiaren balioak babestea eta hobetzea.

4.1. Natura-ingurunea zaintzeko programa.

5. Udalerriaren ingurumen-kalitatea hobetzea.

5.1. Mugikortasun iraunkorra sustatzeko programa.

5.2. Kalitate akustikoa hobetzeko programa.

5.3. Hiri-hondakinen kudeaketan iraunkortasun-irizpideak txertatzeko programa.

5.4. Ibaiaren ingurumen-kalitatea hobetzeko programa.

5.5. Uraren kudeaketa hobetzeko programa.

5.6. Energia-eraginkortasuna eta energia berriztagarrien ezarpena hobetzeko programa.



27

6H HELBURUA

Lurralde osorako hirigintza-eredu bat bultzatzea, landa-ingurunearen (landa-auzoak) eta hiri-ingurunearen aukerak eta beharrak jasoko dituena, bi errealitate horien arteko erlazioak ezarriz.

6.1I IRIZPIDEA

Landa-ingurunearen oinarri ekonomikoa mantentzea eta zabaltzea. Horretarako, jarduera tradizionalak zaindu, eta ekonomia dibertsifikatuko da, garapen iraunkorrarekin bateragarriak diren jarduera berriak txertatuz.

6.2I IRIZPIDEA

Landa- eta hiri-inguruneko herritarren ongizate maila mantentzea eta hobetzea, eta horretarako gutxieneko oinarrizko zerbitzu publiko egokiak ziurtatzea, non aukeren berdintasuna eta bazterkeriarik eza bermatuko diren, bereziki bazterkeria-arriskuan dauden edo kalteberagoak diren pertsonen artean.

6.3I IRIZPIDEA

Landa-ingurunearen baliabide eta ondare naturalak eta kulturalak kontserbatzea eta berreskuratzea, haien izaerari eutsiko dioten eta garapen iraunkorrarekin bateragarria den erabilera ahalbidetuko duten jardueren bidez.

7H HELBURUA

Hirigintza-eredu berri bat diseinatzea, Zaldibarko herrigunearen eginkizuna bultzatuko duena, udalerriko jardueren bilgune gisa. Bertan kokatuko dira, beraz, herritarren dinamikak eta jarduera, eta udalerriaren gainerako eremuetan hirigintza-presioa arindu, eta nahitaezko mugikortasuna gutxituko da.

7.1I IRIZPIDEA

Zaldibarko herrigunean eta gainerako eremuetan eginiko jardueren eta erabileren arteko elkarrekintzaren bitartez, herrian eginiko jarduerek herrirako onura ekartzea bultzatuko da, herrigunearen bizimodua elikatuz.



28

7.2I IRIZPIDEA

Herriko bizitza publikoa, soziala eta ekonomikoa bultzatuko da, Zaldibarko herrigunearen ekipamenduak eta jarduerak bilduz eta dibertsifikatuz, eta lurraldea babestuko da egokiak ez diren erabileren aurrean.

7.3I IRIZPIDEA

Lurzorua okupatzeko eredu trinkoa planteatuko da, erdiguneetako bilbean dauden hutsuneak betez, bai biziguneetan bai jarduera ekonomikoaren guneetan.

7.4I IRIZPIDEA

Nahitaezko mugikortasuna murriztuko duen hirigintza-eredu trinkoa planteatuko da, beharrezkoak ez diren bizileku-lana edo bizileku-aisia lekualdaketak saihesteko.

7.5I IRIZPIDEA

Garraio publikoan oinarritutako mugikortasun-estrategia berri bat bultzatuko da, mugikortasun moteleko alternatibak ezarriko dituena eta herrigunea lotuko duena landa-auzoekin eta gainerako eremuekin.

7.6I IRIZPIDEA

Eitzaga, Sallabente eta Olarreaga auzoei dagokienez, Zaldibarko herrigunearekin duten erlazioa sendotzeko eginahalak egingo dira, eta hobetuko dira, aldi berean, horien loturak Ermuko eta Eibarko hiri-bilbeekin.

8H HELBURUA

Hirigintza-eredu berri bat diseinatzea, eraikitako ondarearen erabilera, bereizketa eta eraberritzea sustatuko duena, eta, beharrezkoa ez bada, lurzoru berriaren okupazioa saihestuko duena.

8.1I IRIZPIDEA

Edonola ere, bizitegiei edo jarduera ekonomikoari lotutako hazkunde berriak saihestuko dira, lurzoru urbanizaezinen kokaleku isolatuetan.



29

8.2I IRIZPIDEA

Lehentasuna emango zaio oraingo hiri-bilbeak betetzeari, etxebizitzak edo jarduera ekonomikokoak izan, lurzoru urbanizagarrien sailkapenaren aurrean.

8.3I IRIZPIDEA

Udalerriko bigarren etxebizitzen eta etxebizitza hutsen kopuru handia kontuan hartuta, etxebizitza hutsak berrerabiltzea eta eraikin tradizionalak eraberritzea lehenetsiko da (hala behar izanez gero hainbat etxebizitzatan banatuta), etxebizitza berriak eraikitzearen aurrean.

8.4I IRIZPIDEA

Pabilioi huts eta partzialki garatutako jarduera ekonomikorako lurzoru asko daudenez, horien okupazioa lehenetsiko da, lurzoru berrien okupazioaren aurrean.

8.5I IRIZPIDEA

Indarrean dagoen hirigintza-legediak ezarritakoaren arabera, familia bateko edo biko etxebizitzetan oinarritutako dentsitate gutxiko ereduak saihestuko dira; izan ere, lurzorua bizkor kontsumitzen dute, mantentze-lanen kostu handia dute, eta derrigorrezko mugikortasuna areagotzen dute.

9H HELBURUA

Hautemandako joera sozio-ekonomikoak hirigintza-ereduaren programazioan eta kuantifikazioan txertatzea.

9.1I IRIZPIDEA

Hirigintza-ereduaren egiturazko alderdiak Zaldibarko lurraldearen berezko ezaugarriek ematen dituzten arren, plangintzaren berrikuspenaren proposamenen kuantifikazioa eta programazioa legezko epeak kontuan hartuta egingo dira, gutxitan asmatzen duten epe luzeko prospekzioak saihestuz.

9.2I IRIZPIDEA

HAPO honen programazioa eta kuantifikazioa gaur egungo errealitate sozio-ekonomikora egokituko da, non baldintzatzaile nagusiak diren higiezinen burbuilaren eztanda eta krisi ekonomikoaren eta ekologikoaren testuinguru orokorra.



30

9.3I IRIZPIDEA

Etxebizitza-politikak etxebizitza babestuen eraikuntza bultzatuko du nagusiki (ahal bada, jabetzaz bestelako erregimenetan), eta, horrez gain, aurreikusiko du, arretazko printzipio gisa, herritarren egoera ekonomikoak okerrera egin dezakeela.

9.4I IRIZPIDEA

Gaur egungo langabezia maila kontuan hartuta, HAPOren programazioa biztanleriaren balizko igoera bat lotzen saiatuko da sektore ekonomiko kaltetuenen laguntzarekin eta egitura ekonomikoaren dibertsifikazioarekin.

INGURUNE FISIKOA ETA PAISAIA

10. HELBURUA

Ingurune fisikoaren lurralde-antolamendu bat planteatzea, eta horren oinarriak izatea natura-ingurunearen balioa nabarmentzea eta EAEk hartutako ingurumen-konpromisoak hartzea.

10.1I IRIZPIDEA

Herriko plangintza egokitzea, EAEk eta Bizkaiko Diputazioak onartutako ingurumen-konpromisoak, ekintza-jarduerak eta kudeaketa-planak txertatuz.

10.2I IRIZPIDEA

Katalogatutako basa-fauna eta -florari eta katalogatutako espezie inbaditzaileei buruzko araudia jasotzea.

10.3I IRIZPIDEA

Habitaten Zuzentarauaren araudia eta mugaketa jasotzea, eta horretan ezarritako habitatak identifikatzea eta babestea.

10.4I IRIZPIDEA

Eremuan dauden interes handieneko baliabideak, ekosistemak, habitatak eta espezieak babesteko lehentasunak zehaztea.

Goierriko ikuspegia Arangurenetik.

Zaldibarko ikuspegia Goierritik.



31

10.5I IRIZPIDEA

EAErako onartutako espezie babestuen kudeaketa-planak baldintza gainjarri gisa ezartzea, hala nola bisoi europarraren kasua.

11. HELBURUA

Ingurune fisikoaren diagnostikoa oinarri hartuta, ingurumena babesteko eta hobetzeko neurriak proposatzen dira, lurraldearen ahalmenen arabera. Neurri horien bidez, bertako dibertsitate biologikoa, paisajistikoa eta funtzionala areagotuko da, baita ekosistemen zerbitzuak ere.

11.1I IRIZPIDEA

Udalerriko biodibertsitatearen, baliabide naturalen, interesguneen eta oinarrizko ziklo ekologikoen inbentarioa egitea.

11.2I IRIZPIDEA

Udalerriko interes handieneko paisaiak, baliabideak eta ekosistemak, habitatak eta espezieak babesteko, berreskuratzeko eta kontserbatzeko lehentasunak zehaztea.

11.3I IRIZPIDEA

Erreken eta urertzen egoera babestea eta hobetzea, diagnostikoaren QBR-ren (ibaiertzeko basoko kalitatearen indizea) azterketatik abiatuta. Horrela, baso-landaketen urertzetako okupazioa kontrolatuko da.

11.4I IRIZPIDEA

Bertako masak babestea; bereziki, arroken azaleratzeei lotutako artadiak Urizar eta Aranguren auzoetan. Goierriko pagadi-orbanak, Garraizko lizardia, Urizarko gaztainadia edo Goierriko sahastia.

11.5I IRIZPIDEA

Neurriak ezartzea erreken, Aixola urtegiaren eta bertako orbanen arteko lotura ahalbidetzeko.

11.6I IRIZPIDEA

Goierri auzoaren lotura-gaitasuna bultzatuko duten neurriak ezartzea, azpiegituren (A8, N-634, industrialdeak eta trenbidea) ardatzen gainetik eskualdean dagoen igarobide bakarra den neurrian.

11.7I IRIZPIDEA



32

Paisaiaren kalitatea eta dibertsitatea areagotzea, pinudien aurrean, eta horretarako bultzatzea, besteak beste, hostozabalen heskaien landaketa, pinuen artean; belardiak, landaketen artean; etab.

11.8I IRIZPIDEA

Belardi atlantikoak, bailara hondoen eta hegalen habitat nagusi gisa, ez okupatzea eraikin edo eraikuntza berrien bidez eta beste erabilerarik ez ematea.

11.9I IRIZPIDEA

Sastraken eta txilardien orbanak babestea eta kontserbatzea.

11.10I IRIZPIDEA

Higadura-prozesuak eta gerta daitezkeen uholdeak kontrolatzea. Arraseko mozketetan oinarritutako baso-kudeaketaren eraginez sortzen dira, eredu horrek ez baitu uholdeak kontrolatzeko aukerarik ematen eta lurzoruaren galera nabarmenak ekartzen baititu.

11.11I IRIZPIDEA

Espezie exotiko inbaditzaileak kontrolatzea eta horiekin amaitzea, estatuko legedian edo Flora Exotiko Inbaditzailearen Bizkaiko katalogoan jasota dauden fauna-espezieen haztegiak eta flora-espezieen mintegiak debekatuta.

11.12I IRIZPIDEA

Robinia sasiakazien masak kontrolatzea eta horiekin amaitzea, indarrez ari baitira errotzen udalerriaren mendebaldean.

11.13I IRIZPIDEA

Hondakindegien eta eraberritu gabeko harrobien ingurumen-birgaitzea.

11.14I IRIZPIDEA

Mintegien isurketak eta fitosanitarioen aplikazioak kontrolatzea, azaleko eta lurrazpiko uren kontserbazioa ziurtatzeko.

Eitzaga auzoko aireko ikuspegia.



33

12. HELBURUA

Haien kokalekua edo erlazioak direla-eta, interes berezia edo urrakortasun paisajistikoa duten eremuak identifikatzea, babestea eta lurraldeko oinarrizko elementu gisa aintzat hartzea.

12.1I IRIZPIDEA

Durangoko LZPen Miñota auzoa eta haren ingurua izenez interes bereziko paisaia gisa sartutako eremuaren babesa bultzatzea, bertan kokatzen baita Gazaga landa-auzoa.

12.2I IRIZPIDEA

Diagnostikoaren dokumentuan udalerrian hautemandako balio paisajistiko handiko eremuak identifikatzea eta babestea.

12.3I IRIZPIDEA

Baserri-landazabala konplexuaren balioa nabarmentzea, ondare natural eta paisajistikoaren elementu gisa.

12.4I IRIZPIDEA.

Paisaia kontuan hartzea, HAPOk garatu beharreko proposamenen eta alternatiben ingurumen-ebaluazioan.

13. HELBURUA

Balio ekologiko handiko guneen arteko lotura sustatzea, ingurune naturalaren zatiketa murrizten duten korridore ekologikoen sorreraren bitartez.

13.1I IRIZPIDEA

Goierri auzoan EAEren korridoreen sarean sartzeko proposatutako eskualde-loturako korridorearen mugaketa, babesa eta araudia jasotzea, baldintza gainjarri gisa.

13.2I IRIZPIDEA

Udalerrian korridore ekologikoak sortzea, aipatutako dokumentuaren garapen modura.

13.3I IRIZPIDEA.

Lotura-funtzioa betetzen duten bertako elementu txikiak babestea, hala nola heskaiak, hostozabalen unadak, tamaina handiko zuhaizti isolatuak, putzuak edo ur-laster txikiak.

Goierriko Uriortua baserria.

Eitzagaetxebarria baserria Eitzagan.



34

14. HELBURUA

Lurzoru urbanizaezina antolatzeko kategoriak ezartzea, ingurune fisikoaren diagnostikoan hautemandako gabeziak, aukerak, urrakortasuna eta erabilera gaitasunak kontuan hartuta.

14.1I IRIZPIDEA

Udalerriko lurraldean sektoreen araberako banaketa eguneratu bat egitea, LAGen, Nekazaritzako eta Basogintzako LAPen eta Durangoko LZPen zehaztutako kategoriak eta azpikategoriak erabiliz.

14.2I IRIZPIDEA

Baldintza gainjarri gisa, honako kategoria hauek sartzea: higadura-arriskua, akuiferoen urrakortasuna, erabilera publikoko mendiak, balio paisajistiko handiko guneak eta loturako korridore ekologikoak.

14.3I IRIZPIDEA

HAPOn behar adina zuzentze-neurriak eta, hala behar bada, azpikategoriak sartzea, Ingurumen Iraunkortasunaren Txostenean (IIT) hautemandako ingurumen-arriskuei eta biodibertsitatearen balizko galerei aurre egiteko.

14.4I IRIZPIDEA

LAGek ezarritakoaren arabera, LAGek finkatutako lurzoru-kategoriak azpikategoriatan banatzea, udalerriaren behar espezifikoetara egokituta.

15. HELBURUA

Uraren zikloa eta ibai-ekosistemak babestea.

15.1I IRIZPIDEA

Ibai-ibilguak identifikatzea eta babestea, Ibaiak eta Errekak Antolatzeko LAPen eta Plan Hidrologikoan zehazten den moduan.

15.2I IRIZPIDEA

Uraren Europako Esparru Zuzentarua betetzea; bereziki, goi-ibilguetan biodibertsitatearen galerak eta eragin negatiboak saihesteari dagokienez.

Baldintzatzaile gainjarriak.

Urertzeko zuhaiztia Garraiz errekan.



35

15.3I IRIZPIDEA

Planteatutako proposamenak eta jarduerak udalerriaren baliabide hidrikoen eskuragarritasunera egokitzen direla bermatzea, gehiegizko ustiapena saiheste aldera.

15.4I IRIZPIDEA

Ur-lasterren kalitatea bermatzea, eta horretarako kontrolik gabeko isurketak saihestea, landa-auzoetako saneamenduak arazketa-kolektoreetara lotzea edo auzo horietan auto-arazketako sistemak proposatzea.

15.5I IRIZPIDEA

Lurrazpiko akuiferoen kalitatea bermatzea, kontrolik gabeko isurketak saihestuz eremu urrakorretan. Iturburuen eta hartuneen inguruak identifikatzea, zedarritzea eta horien erabilera arautzea.

15.6I IRIZPIDEA

Ibai-sistemen emari ekologikoa bermatzea, ibilguetan kontrolik gabeko bilketak eta oztopoak saihestuz.

15.7I IRIZPIDEA

Ongi kontserbatutako ibaiertzeko basoak identifikatzea eta babestea, ekosistema-funtzioak osorik betetzen direla bermatuz. Diagnostikoaren dokumentuan zehaztutako QBR (ibaiertzeko basoko kalitatearen indizea) indizeei egokitutako babes-zerrendak ezartzea.

15.8I IRIZPIDEA

Ibaiertza babesten duten basoak berreskuratzeko ekimenak sustatzea gune degradatuetan, eta berezko landareak berreskuratzea.

15.9I IRIZPIDEA

Ibaiertzeko bertako basoaren eginkizuna sustatzea, balio ekologiko handiko eremuen arteko lotura ekologiko gisa.

15.10I IRIZPIDEA

Artifizialki lurperatuta dauden eremuetan, jatorrizko ibilguak berreskuratzeko ekimenak sustatzea, biodibertsitatea babesteko eta uholdeak prebenitzeko neurri gisa.

Gatika erreka lurperatuta eta bideratuta.

Garraiz erreka Egañan eta mintegien ondoan.



36

15.11I IRIZPIDEA

Uholde-arriskua duten eremuak identifikatzea eta babestea, babes-neurriak ezarriz uholdeei aurre egiteko eta biodibertsitatea zaintzeko. Landa-guneak edo lurzoru urbanizagarriak zedarritzea saihestuko da, baldin eta okupatzen badira azaleko uren babes-eremuak edo uholde-arriskua duten eremuak.

15.12I IRIZPIDEA

Ibilguari lotutako ondare-balioa duten eraikinak identifikatzea eta horien eraberritzea proposatzea, hala nola errotak eta burdinolak.

16. HELBURUA

Udalerriko Hezeguneek eratutako ekosistemak identifikatzea eta babestea.

16.1I IRIZPIDEA

Udalerriko hezeguneak identifikatzea eta babestea, ur-ekosistemek biodibertsitatean zer-nolako garrantzia duten kontuan hartuta. Horien balio ekologikoak, paisajistikoak, zientifikoak eta kulturalak babesteko bitartekoak ezarriko dira.

16.2I IRIZPIDEA

Plangintzan hezegune hauek sartzea: Aixola urtegiak eratutakoa, EAEko Hezeguneen LAPen (III. TALDEA) sartutakoak eta gerora identifikatu daitezkeenak.

16.3I IRIZPIDEA

Aixola urtegiarekin muga egiten duten paisaien eta ekosistemen zaintza bermatzea, balio naturaleko beste eremu batzuekiko lotura ziurtatuz.

17. HELBURUA

Neurriak txertatzea, biztanleria eta ingurumena zaratez babesteko modu eraginkorrean.

17.1I IRIZPIDEA

HAPOren esparruan alternatibak hautatzean eta erabakiak hartzean, zaratak pertsonengan eta ingurune naturalean zer-nolako eragina duen baloratzea eta kontuan hartzea.

Aixolako urtegia.



37

17.2I IRIZPIDEA

Udalerri osoaren zonakatze akustikoa egitea, plangintzaren aurrerakinak aurreikusitako erabileren arabera.

17.3I IRIZPIDEA

Udalerriko lurraldearen erabilera bakoitzari egokitutako kalitate akustikoak eraginkortasunez lortzen direla ziurtatzea, beharrezkoak diren zuzentze-neurriak ezarriz.

18. HELBURUA

Lurzoruaren kutsadura prebenitzeko eta zuzentzeko neurriak txertatzea.

18.1I IRIZPIDEA

Legezko prozedurak eta neurriak txertatzea, lurzoruaren kutsadura prebenitzeko eta kutsatuta egon daitezkeen lurzoruen kalitatea lehengoratzeko.

18.2I IRIZPIDEA

Kutsatuta egon daitezkeen lurzoruen inbentarioa HAPOren hirigintza-informazioan txertatzea, HAPOren jarraipenerako tresna gisa.

18.3I IRIZPIDEA

Ustez kutsatzen ari diren lurzoruak identifikatzea, eta horien mugaketa HAPOren hirigintza-informazioan txertatzea.

Kontrolatu gabeko obra-hondakin eta teila isuriak baso-bideetan.



38

LANDA- ETA BASO-INGURUNEA

19. HELBURUA

Udalerrian elikadura-burujabetza babestea, eta ustiapenen iraunkortasuna hobetzea.

19.1I IRIZPIDEA

Udal-plangintzaren bidez elikadura-burujabetza areagotzeko ekimenak sustatuko dira, udalerrian bertan oinarrizko elikagaien ekoizpena eta kontsumoa bultzatuz.

19.2I IRIZPIDEA

Ordenantzetan, nekazaritza-ustiapen berrietarako irizpideak txertatuko dira, egokitzapen paisajistikoari eta iraunkortasunari dagokienez, eta kontrolik gabeko hartuneak edo isurketak aztertuko dira.

19.3I IRIZPIDEA

Plangintzak sustatuko ditu, halaber, nekazaritza-erabileren dibertsifikazioa, produktu ekologikoen sarrera, nekazaritza transgenikoen debekua eta, Txakolinarena bezala, goraka ari diren herriko sektoreen babesa.

20. HELBURUA

Balio agrologiko handiko lurzoruak identifikatzea eta babestea, eta erabilera desegokietarako ez okupatzea.

20.1I IRIZPIDEA

Balio agrologiko handieneko lurzoruak babesteko neurriak ezarriko dira, nekazaritzari lotuta ez dauden erabileren aurrean, hala nola bizitegiak eta azpiegitura berriak.

20.2I IRIZPIDEA

Nekazaritza eta abeltzaintzarako lurzoruak sailkatuko dira, Nekazaritzako eta Basogintzako LAPen Trantsizioko Landa Paisaia eta Balio Estrategiko Handiko Nekazaritza Lurzorua azpikategorien arabera. Azterketa zehatzago bat egin ondoren, ezarritako azpi-guneen mugak egokituko dira.

20.3I IRIZPIDEA

Plangintzak ekoizpen-eremuen eta horiei lotutako ondare-elementuen arteko loturak bultzatu eta babestuko ditu. Plangintzaren bidez, baserriari lotutako nekazaritza-erabilerak babestu nahi dira; bereziki, Goierri eta Arangurengo hegaletan.



39

20.4I IRIZPIDEA

Plangintza orokorraren hirigintza-araudian Nekazaritzako eta Basogintzako LAPek nekazaritza-eremuetan paisaiari eta lotura ekologikoari buruz ezarritako irizpideak txertatuko dira.

21. HELBURUA

Nekazaritza-ustiapenen errentagarritasuna eta produktibitatea areagotzeko ekimenak bultzatuko dira, jarduera publikoen bidez.

21.1I IRIZPIDEA

Udal-plangintzak auto-enpleguaren sorrera sustatuko du, nekazari berriei lurra eskuratzeko erraztasunak emanez.

21.2I IRIZPIDEA

Lurzorua erreserbatzeari buruzko lan arloa ezarriko da, diagnostikoaren dokumenturako egindako azterketa zehatzean oinarrituta, eta horren helburua udal-lurren banku bat sortzea izango da. Horrela, laborerako egokia den lurra eskuratzeko herritarren eskaera hautematen denean, abandonatutako edo erabili gabeko lurrak erabili ahal izango dira, indarrean dagoen legediak ezartzen duen bezala.

21.3I IRIZPIDEA

Udal-plangintzaren bidez, banku horretan lehen sektorearen zerbitzurako ekipamendu publikoak edukitzea bultzatuko da, eta horrela taldeko funtzionamendua ahalbidetuko da materiala erosteko eta biltzeko, produktuak garatzeko, eta, hala behar izanez gero, kontsumitzaileei zuzenean saltzeko.

21.4I IRIZPIDEA

Ekipamendu horiek hiriko eta landako eremuen arteko mugan kokatuko dira, ahal bada eraikita dauden eraikinetan; horrela, alde batetik, herrigunearen jarduera areagotuko da, eta, bestetik, landa-lurzoruan eraikin berriak egitea saihestuko da.

21.5I IRIZPIDEA

Nekazaritza-lurzoruen eta herrigunearen arteko hurbiltasunak lehen sektorean diharduten herritarren etxebizitza premiak herrigunean asetzea ahalbidetzen duenez, nekazaritza- edo paisaia-intereseko eremuetan etxebizitzak eraikitzea saihestuko da, lur emankorrenak lehen jarduerarako erabiliko direla bermatze aldera.



40

21.6I IRIZPIDEA

Udal-ordenantzetan lehentasunak ezartzeko aukera aztertuko da, nekazari berriek herrigunean etxebizitza babestua eskuratzeko aukera izan dezaten.

21.7I IRIZPIDEA

Ordenantzetan irizpide teknikoak jasoko dira, eredu estentsiboen araberako nekazaritza- eta abeltzaintza-jardueren ezarpena bultzatzeko eta errazteko.

22. HELBURUA

Basogintza-sektorea modernizatzeko ekimenak bultzatzea, kudeaketa iraunkorrago eta dibertsifikatuago baten alde eginez.

22.1I IRIZPIDEA

Ekoizpen-gune gisa mantentzea erabilera horretarako benetako bokazioa duten espazio guztiak. Udalerrian sektoreen araberako banaketa eguneratu bat egitea, Nekazaritzako eta Basogintzako LAPen eta Durangoko LZPen zehaztutako kategoriak eta azpikategoriak erabiliz.

22.2I IRIZPIDEA

Basoen erabilera iraunkorrago bat sustatzea, horri lotutako ingurumen-eraginak gutxituz eta basoen kudeaketa iraunkorra egiaztatzeko zigiluak txertatuz (PEFC/FSC).

22.3I IRIZPIDEA

Basogintza-sektorearen dibertsifikazioa sustatzea, eta horretarako bakantzeetan biomasarako egurra eskuratzeko ekimenak bultzatzea edo nekazaritza-abeltzaintzako erabilerarekin bateragarriak diren landaketa mistoak (hostozabalak eta fruta-arbolak) egitea.

22.4I IRIZPIDEA

Nekazaritzako eta Basogintzako LAPen baso-eremuen paisaiari eta lotura ekologikoari buruz ezarritako irizpideak plangintza orokorrean txertatzea.

22.5I IRIZPIDEA

Ordenantzetan irizpideak txertatzea, egiaztatutako egurraren —ahal bada herrikoa— erabilera sustatzeko eta/edo lehenesteko.



41

23. HELBURUA

Landa-guneetan turismoa sustatzea, eta horretarako udalerriko aktiboen balioa nabarmentzea eta jarduera ekonomikoa hobetzeko ekimenak sustatzea, landa-auzoetan eta herrigunean.

23.1I IRIZPIDEA

Zaldibarko dorretxeari lotutako bainuetxe zaharraren parkeko ur sufretsuen iturburua berreskuratzea, Zaldibarko irudia berreskuratzeko baliagarria den elementu bat den neurrian; izan ere, gaur egun autopista bazterreko herri baten itxurak lausotzen du herriaren benetako irudia.

23.2I IRIZPIDEA

Turismoa sustatze aldera, herriaren irudia zaintzea eta bultzatzea, eta nekazaritza-ustiapenak eta paisaia tradizionala mantentzea.

23.3I IRIZPIDEA

Plangintzaren bidez, landa-etxeen eta intentsitate gutxiko beste eskaintza batzuen sorrera bultzatzea, balio paisajistiko handiko lurzoruetan dauden eraikinetan.

23.4I IRIZPIDEA

Plangintzaren bidez, landa-turismoa pizteko baliagarriak diren eta lurraldeari lotuta dauden jarduera-motak edo ekipamendu publikoak bultzatzea, bisitariak udalerrira erakartzeko.

23.5I IRIZPIDEA

Proposatu beharreko jarduera-mota edo ekipamendu publiko guztiak herrigunearen edo landa-auzoen ondoan kokatu beharko dira, eta kokaleku isolatuak saihestuko dira, udalerrian trafikoa areagotzen dutelako, jarduera ekonomikoa pizten lagundu gabe.

23.6I IRIZPIDEA

Edonola ere, herrigunea baino lehen kokatuko dira, trafikoa bertatik igaro ez dadin, eta, ahal bada, garraio publikoko linea baten ondoan.

23.7I IRIZPIDEA

Zaldibarko herrigunean autokarabanentzako aparkaleku bat egitea proposatuko da, horretarako kokaleku egokiena hautatuz.



42

23.8I IRIZPIDEA

Baserri-kanpin bat kokatzeko gune egokiak sortzea proposatuko da.

MUGIKORTASUNA ETA GARRAIOA

24. HELBURUA

Mugikortasun iraunkorreko eredu bat definitzea eskualde mailan, eta gaur egungo mugikortasun-ereduaren gabeziak konpontzeko garraio publikoa sustatuko duten neurriak planteatzea.

24.1I IRIZPIDEA

Garraio publikoaren erabilera bultzatzea, ete haren funtzionamendua auzo txikiek osatutako lurralde-egiturara egokitzeko beharra planteatzea. Garraio publikoan ibilgailu txikiagoak erabili behar direla planteatuko da maiztasuna areagotzeko, geltokien sistema malguago bat izateko eta landa-auzoak komunikatzeko.

24.2I IRIZPIDEA

Bizikletaren erabilera sustatzea, gaur-gaurkoz gutxi erabiltzen baita. Hala, eskualdeko bizikleta sarea osatzeko eta herrigunean bizikleta-sare bat sortzeko laguntza emango da.

24.3I IRIZPIDEA

Zaldibar inguruan N-634 errepidea, A8 autopista edo trenbidea bezalako azpiegiturek mugikortasunean eta bide-segurtasunean sortutako arazoei konponbideak bilatzea.

24.4I IRIZPIDEA

Herrigunearen sarreran aldirietako aparkaleku bat jartzea, udalerriko bisitariek bertan aparkatu dezaten, herrigunetik zirkulatu gabe.

24.5I IRIZPIDEA

N-634 errepidearen trafikoa moteltzea eta hirian txertatzea, herrigunean eta San Andres, Sallabente eta Olarreaga auzoetan. Errepide beretik sarbide berri bat egiteko eskatzea, eskualdeko Ibur-erreka industrialdera eta hondakindegira.



43

24.6I IRIZPIDEA

Trenbideak Aranguren eta Artia artean eta San Andres eta erdialdearen artean eragindako zatiketa gainditzeko aukerak bilatzea. Epe motz eta ertaineko egoerak landuko dira (trenbidea lurperatzea planteatzen da).

24.7I IRIZPIDEA

Neurriak ezartzea, A8 autopistak Zaldibarko herrigunean eta Eitzaga auzoan sortutako kalte akustikoak murrizteko.

25. HELBURUA

Oinez, bizikletaz eta astiro joateko mugikortasun-sare alternatibo bat trazatzea, udalerri osoan eguneroko mugikortasuna berregituratzea ahalbidetuko duena, herrigunea eta landa-auzoak lotuz.

25.1I IRIZPIDEA

Plangintzan txertatzea, batetik, Berriz-Zaldibar-Ermua artean etorkizunean egongo den bizikleta-ibilbidearen trazaketa (Zalbidar eta Berrizen artean martxan da dagoeneko), eta, bestetik, Durangoko LZPek proposatutako ibai-ibilbidea. Mugikortasun iraunkorreko eredu berri baten ardatzak izango dira, eta udalerrian motorrik gabeko lekualdaketak ahalbidetuko dituzte.

25.2I IRIZPIDEA

Plangintzan bizikleta-sare baten trazaketa txertatzea, Ego ibaiaren Parke Linealaren jarraipen gisa. Sareak Sallabente eta Olarreaga auzoak Eibar eta Ermuarekin lotuko ditu.

25.3I IRIZPIDEA

Egunero erabiliko den oinezko eta bizikletentzako mugikortasun-sare bat definitzea eta seinaleztatzea, herrigunea eta landa-auzoak elkartzeko aukera emango duena.

25.4I IRIZPIDEA

Goierri eta Sallabente auzoak eta Aixola urtegia lotuko dituzten aisialdi-ibilbideak definitzea eta seinaleztatzea.



44

INDUSTRIA ETA ZERBITZUEN SEKTOREA

26. HELBURUA

Hirigintza-baldintza egokiak sortzea, industriaguneen funtzionamendua hobetzeko eta horien balioa areagotzeko.

26.1I IRIZPIDEA

Iburerreka eta Sallabente industriaguneen sarbideak eta urbanizazioa hobetzea, eta, sarbideei dagokienez, saihesbiderako lotura egokia ziurtatzea trafiko astunerako.

26.2I IRIZPIDEA

San Andreseko industriaguneen sarbideak eta urbanizazioa hobetzea, N-634 errepiderako sarbide segurua sortuz.

26.3I IRIZPIDEA

Oinezkoentzako eta bizikletentzako loturak ezartzea, industriaguneen eta hiriguneen artean.

26.4I IRIZPIDEA

Industrialdeen ingurua eta ibai-ibilguekiko haien lotura hobetzeko irizpideak txertatzea, industrialdeen irudia eta haien merkataritza-balioa areagotzeko.

26.5I IRIZPIDEA

Eraikinen irudia hobetzea eta industriaguneetan energia berriztagarriak ezartzea sustatuko duten irizpideak txertatzea ordenantzetan.

27. HELBURUA

Hirigintza-baldintza egokiak sortzea, zerbitzuen sektoreko funtzionamendu eraginkorragoa lortzeko eta jarduera osagarriak erakartzeko.

27.1I IRIZPIDEA

Zerbitzuen sektorea hobetzeko, bide-egitura, irudia eta hiriguneen kalitate paisajistikoa hobetzea, enpresa berriak ezartzeko ingurune erakargarria sortzeari begira.

Iburerreka industrialderako sarrera.

San Andres industrialderako sarrera.



45

27.2I IRIZPIDEA

Bizitegien eta industriaguneen artean tarteko guneen ezarpena sustatzea, goraka ari diren arloei lotutako jarduerak kokatzeko, hala nola energia-eraginkortasuna eta energia berriztagarriak.

27.3I IRIZPIDEA

Tamaina handiko ekipamendu publiko bat sortzea, herrigunearen inguruan, enpleguaren sorrerari edo enpresen mintegi bat egiteari lotuta egongo den funtzio anitzeko ekipamendu gisa funtzionatuko duena.

27.4I IRIZPIDEA

Herrigunean merkataritza txikia sustatzea, gainerako jarduerei lotuta, gizarte-kohesioa eta bizi-kalitatea hobetzeko faktore gisa.

27.5I IRIZPIDEA

Herriguneko zerbitzuen sektorearen eta herriko lehen sektoretik eskuratutako produktuen arteko erlazioa sustatzea.

27.6I IRIZPIDEA

Tokiko sektorea ahul dezaketen merkatalguneak edo aisialdi-zentro handiak eskualdean ez jartzeko ahaleginak egitea, udal-eskumenen esparruan.

27.7I IRIZPIDEA

Jarduera ekonomikoen LAPa betetze aldera, hiriguneen merkataritza kaltetzen duten merkataritza-erabilerak ez jartzea isolatutako industrialdeetan.



46

ENERGIA, ZERBITZU-SAREAK ETA HONDAKINAK

28. HELBURUA

Udal-autonomia energetikoan aurrera egitea, eta Fackinga saihestea.

28.1 I IRIZPIDEA

Fracking gabeko udalerri gisa, plangintza orokorraren eskumenaren barruan beharrezkoak diren neurriak ezartzea, lurzorua, ura eta airea kutsatzen duen jarduera hori saihesteko.

28.2I IRIZPIDEA

Energia berriztagarrien ekoizpena sustatzea eraldatutako lurzoruetan, hala nola eguzki-energia edo energia minieolikoa jartzeko egokiak diren urbanizazioak edo industria-lurzoruak.

28.3I IRIZPIDEA

Biomasaren bidez, energia ekoizteko proiektuak ezartzeko aukera sustatzea, maila txikian.

28.4I IRIZPIDEA

Energia-kontsumoa eta igorpenak murritzeko neurriak ezartzea.

28.5I IRIZPIDEA

Argiteria publikoko sareen diseinu iraunkorra eta eraginkorra sustatzea, energiaren xahuketari eta argi-kutsadurari lotutako arazoak saiheste aldera.

29. HELBURUA

Udal-autonomia areagotzea, hondakinen kudeaketan.

29.1I IRIZPIDEA

Ahal den neurrian, materia- eta energia-ziklo itxietan oinarritutako eredu sozio-ekonomiko bat sortzeko pausoak ematea, zirkuituak ezarriz jarduera baten hondakinak beste batzuetan erabil daitezkeenean.



47

29.2I IRIZPIDEA

Udalerriko zerbitzuei lotutako balio anitzeko ekipamendu publiko bat sortuko da, eta bertan konpostajeko udal-planta bat kokatuko da, hondakinen kudeaketari eta, hala badagokio, herri-mendietatik aterako egurraren ezpal-zatitzeari lotuta. Nolanahi ere, biziguneetan kamioien igarobidea saihestuko da.

30. HELBURUA

Dauden zerbitzu-sareak hobetzea, eta auto-arazketa sustatzea.

30.1I IRIZPIDEA

Ur-hornidurarako sarea hobetzea, Urkitzeko eta Azkorrako biltegien artean dagoen hoditeria berrituz.

30.2I IRIZPIDEA

Hirigintza-ordenantzan euri-uren saretik euri-ura hartzeko sistemak ezartzeko beharra adieraztea, gero ureztatzeetan edo garbiketan erabiltzeko.

30.3I IRIZPIDEA

Landa-auzoen saneamendua kolektoreetara lotzeko edo auto-arazketarako instalazioak sortzeko eginahalak egitea.

30.4I IRIZPIDEA

Aireko lineak arian-arian lurperatzeko erraztasunak ematea.

Euri-urak biltzeko sistema.



48

ONDARE HISTORIKOA, ARTISTIKOA ETA KULTURALA

31. HELBURUA

Interes historiko, artistiko eta kulturaleko elementuak babestea eta horien balioa nabarmentzea.

31.1I IRIZPIDEA

Udalerriko intereseko elementu guztiak jasoko dituen katalogo bat osatzea. Bertan jasoko dira bai legez babestutako elementuak bai kontserbaziorako arreta berezia eskatzen dutenak, hala nola babesik ez duten baserri batzuk.

31.2I IRIZPIDEA

Babesteko unean, arreta jartzea elementuetan bertan, horien artean sortutako erlazioetan, multzoetan edo ibilbideetan, eta eratzen duten paisaian.

31.3I IRIZPIDEA

Berriki egindako indusketa arkeologikoetan aurkitutako elementuak katalogoan sartzea eta/edo ustezko gune arkeologikoak eguneratzea.

31.4I IRIZPIDEA

Arkitektura txikiko elementuak katalogoan sartzea, hala nola iturriak, karobiak, labeak, bordak, garaiak edo aletegiak.

31.5I IRIZPIDEA

Katalogoa plangintza orokorraren dokumentuaren ondoren eginez gero, oso kontserbazio-egoera txarrean egoteagatik premiazko eraberritzea behar duten elementuen zerrenda sartuko da plangintzaren dokumentuan.

31.6I IRIZPIDEA

Ingurumen arloko gogoetak txertatzea, ondare historikoaren kontserbazioan.

Zeartza baserria Goierrin.

Gazaga onandia baserria Gazagan.

Aldatza kalea – Antzinako bidea.



49

LANDA-AUZOAK (EITZAGA, GOIERRI, URIZAR, GAZAGA ETA ARANGUREN)

32. HELBURUA

Landa-auzoen bizi-kalitatea hobetzea, sarbideak eta zerbitzuak hobetuz.

32.1I IRIZPIDEA

Udalerrira sartzeko eta auzoak lotzeko erabiltzen diren herri-bideen sarea berreskuratzea edo berritzea planteatuko da.

32.2I IRIZPIDEA

Landa-auzoetatik igarotzen diren azpiegitura linealen eraginak arintzeko ahaleginak egingo dira, trafikoa moteltzeko jardueren bidez, oinezkoen ibilbide alternatiboen bidez edo babes akustikoen bidez.

32.3I IRIZPIDEA

Erdiguneetako espazio publikoen egokitzapena sustatuko da, orain dauden ekipamendu publikoei lehentasuna emanez.

32.4I IRIZPIDEA

Saneamendu-sareak Durangaldeko eta Debabarreneko kolektoreetara lotzeko ekimenak bultzatuko dira.

32.5I IRIZPIDEA

Kontsumoa murrizteko argiteria-instalazioak berritzea, aireko sareak lurperatzea eta telekomunikazio-sareetarako loturak bultzatuko dira.

32.6I IRIZPIDEA

Bizigune txikietara egokitutako garraio publikoko sare baten sorrera sustatuko da.

33. HELBURUA

Auzoetako jarduera ekonomikoa indartzea, haien landa-izaerari eta kokatzen diren eremuaren ingurumen-kalitateari nahiz kalitate bisualari eutsiz. Horrela, haien hedapen neurrigabea saihestuko da.

33.1I IRIZPIDEA

Lehen sektoreko jarduera bultzatuko da, landa-auzoetako jarduera nagusi gisa.

Urizar eta Gazaga auzoekin lotzeko oinezkoentzako jarraitasun falta.

Eitzagako espazio publiko nagusia.



50

33.2I IRIZPIDEA

Tokiko ekonomiaren dibertsifikazioa sustatuko da, ingurunearen ondare natural, kultural eta paisajistikoari lotutako turismo iraunkorraren aldeko apustuaren bidez.

33.3I IRIZPIDEA

Maila apaleko hirugarren sektoreko erabilerak ezartzeko baldintzak malgutuko dira, herriko ekonomiaren dibertsifikazioa ahalbidetze aldera.

33.4I IRIZPIDEA

Eraikin tradizional hutsak eta bigarren etxebizitza gisa erabilitako etxebizitzak daudela kontuan hartuz, horien eraberritzeak eta herritarrak horietan kokatzeko ekimenak lehenetsiko dira, bereizketa egiteko aukera malguagoak ezarriz.

33.5I IRIZPIDEA

Hainbat landa-auzo kokatzen dira balio paisajistiko handia duten eta lurraldearen leku askotatik ikus daitezkeen lekuetan; hortaz, paisaia-egokitzeko irizpideak txertatuko dira, horien irudi tradizionalak bere horretan iraun dezan.

33.6I IRIZPIDEA

Hainbat landa-auzo balio ekologikoa duten lekuetan daudenez, biodibertsitatearen eta lotura ekologikoaren aldeko neurriak proposatuko dira.

33.7I IRIZPIDEA

Ondarea eraberritu, eta horren balioa nabarmenduko da. Horretarako, ondare-elementuen arteko erlazioak ezarri, eta intereseko ibilbideak sortuko dira auzoetan.

33.8I IRIZPIDEA

Udalerriko landa-auzoak egokitu egin beharko dira, Lurzoruari eta Hirigintzari buruzko 2/2006 Legearen eta Bizkaiko Landaguneen Inbentarioaren arabera.



51

SALLABENTE ETA OLARREAGA

34. HELBURUA

Sallabente eta Olarreaga auzoetako hiri-baldintzak hobetzea. Horretarako, Eibarko eta Ermuko hiri-bilbeekiko lotura egokia ziurtatu; Zaldibarko gainerako eremuekiko komunikazioa hobetu; eta, herrigune horietatik igarotzen diren azpiegitura linealen eragina gutxituko da, ahal den neurrian.

34.1I IRIZPIDEA

Auzo horien hiri-baldintzak hobetzea. Horretarako, eraikitako ondarea optimizatzeko erraztasunak emango dira, eraberritzeak egiteko eta herritarrak etxebizitza hutsetan kokatzeko ekimenak sustatuz, etxebizitza horiek banatzeko aukerak malgututa.

34.2I IRIZPIDEA

Eibarko eta Ermuko hiri-bilbearekiko integrazio egokia erraztea. Horretarako, oinezkoentzako komunikazioak hobetuko dira, eta Ego ibaiaren parke lineala eta bi auzoak lotzeko egindako Ibai Parkearen aurreproiektua garatuko dira.

34.3I IRIZPIDEA

Zaldibarko gainerako eremuekiko komunikazio egokia sustatzea, Sallabentetik Eitzagara joateko sarbide zuzen bat egitea proposatuz, Ermutik igaro gabe.

34.4I IRIZPIDEA

N-634 errepidearen trafikoa moteltzea, auzo horietatik igarotzean, eta Ibur-Erreka eskualdeko industrialdera sartzeko bide berri bat egitea.

34.5I IRIZPIDEA

Tokiko espazio publikoak eta ekipamenduak hobetzea, baita hiri-sareen arteko lotura ere.

34.6I IRIZPIDEA

Ondarea erreberritzea eta horren balioa nabarmentzea, hiri-ingurunean hobeto txerta dadin.



52

HIRIGUNEA

35. HELBURUA

Zaldibarko hirigunea hiri-jardueraren erdigune gisa finkatzeko ekimenak sustatzea. Horretarako, haren hiri-bilbea beteko da; erabilera eta ekipamendu berriak ezarriko dira; eta, bertako espazio publikoen sarea eta mugikortasun-moduak berriz definituko dira osorik.

35.1I IRIZPIDEA

Lehenik eta behin, oraingo barne-ehunen harrera-ahalmena eta etxebizitza hutsen berrerabilpena aztertuko da, eraldatu gabeko lurzoruak okupatu baino lehen. Horretarako, HAPOk Lehentasunez Eraberritzeko Eremuak finkatuko ditu, eraikinen egoera dela-eta ahalegin berezia eskatzen duten gune edo auzoetan.

35.2I IRIZPIDEA

Etxebizitzen premia eta jarduera ekonomikoa herrigunea indartzera eta hiri-bilbea trinkotzera bideratuko dira. Hala, bilbean dauden eraiki gabeko lursailak beteko dira, lurzoru urbanizagarriko sektoreei jarraipena ematea edo horien zedarritzea saihestuz.

35.3I IRIZPIDEA

Lursail horietako parametroak definituko dira berriro, inguruko unitateetan daudenen antzeko dentsitate-jarduerak zehaztuz. Horrela, gabezia oso nabarmenak dituen hirigintza-ingurunea hobetu ahal izango da.

35.4I IRIZPIDEA

Hirigintza-jarduerak garatu gabeko edo partzialki garatutako hiri-lurzoruetan egin beharreko hiri-berrikuntzako ekimenak izango dira, eta honela banatuko dira: bizitegietarako hiri-berrikuntza, hiri-berrikuntza mistoa eta industriala.

35.5I IRIZPIDEA

Aipatutako jardueretako batzuek egiturazko helburuak dituzte, hala nola bainuetxearen parkea espazio publikoan sartzea, mugikortasun-eredua berriro definitzea, eta herrigunearen eta Artiaren, Arangurenen eta San Andresen artean dauden hesiak gainditzea.



53

35.6I IRIZPIDEA

Aztertuko da, halaber, hirigunean eraikita dauden eremu batzuei dentsitate berria emateko egokitasuna, kokatuta dauden ingurunearen dentsitateak gainditu gabe.

35.7I IRIZPIDEA

Ordenantzetan etxebizitzen bereizketa errazteko irizpideak txertatuko dira, biztanleak oraingo ehunean finka daitezen.

35.8I IRIZPIDEA

Oraingo bilbe industrialak betetzea sustatuko da, eraldatutako lurzoruaren erabilera optimizatuz eta bizitegien eta industriaguneen arteko erlazioa hobetuz.

36. HELBURUA

Zaldibarko herrigunearen barne-mugikortasuna berregituratzea. Horretarako, mugikortasun-modu ahulenak (oinezkoak eta bizikletak) kontuan hartuko dituen eredu bat planteatuko da, eta erlazio egokiago bat bilatuko da, mugikortasun horietara bideratutako espazioen eta ibilgailuentzako espazioen artean.

36.1I IRIZPIDEA

Trafikoa moteltzea, eta N-634 errepidea herrian txertatzea, herrigunetik igarotzen den lekuan, eta auzoen arteko lotura egitea, oinezkoentzako komunikazioen bidez.

36.2I IRIZPIDEA

Trafiko astuna saihesbidetik egiten dela ziurtatzea, biziguneetatik igaro ez dadin.

36.3I IRIZPIDEA

Euskal Herria kaletik abiatuta, oinezkoek lehentasuna izango duten espazio publikoen sare bat sortzea, espazio eta ekipamendu publikoak lotuko dituena.

36.4I IRIZPIDEA

Landa-auzoetara eta herrigunera daramaten bideen jarraikortasuna sustatzea.



54

36.5I IRIZPIDEA

Barne-bideak berrantolatzeko planteatzea, oinezkoentzako espazioak areagotuz eta aparkaleku publikoak beste era batera kokatuz edo antolatuz.

36.6I IRIZPIDEA

Berriz-Zaldibar-Ermua bidegorriaren hiri-lurzoruari jarraipena ematea.

36.7I IRIZPIDEA

Urbanizazio-ordenantza bat sortzea, urbanizazio motak kale edo espazio bakoitzerako zehaztutako erabileretara egokituko dituena.

37. HELBURUA

Hiri-egitura orekatu bat lortzea, hiri-ehunen, espazio libreen eta ekipamendu publikoen arteko erlazio egokia izateko.

37.1I IRIZPIDEA

Euskal Herria kalearen lehen zatia eraldatuko da, Zaldibarrerako erreferentziako espazio publiko bat izan dadin, eta bainuetxe zaharraren parkea Zaldibarko espazio publikoan sartzea bultzatuko da.

37.2I IRIZPIDEA

Espazio libreen eta ekipamenduen sare bat garatuko da. Horren bidez, horien irisgarritasuna eta hurbiltasuna sustatuko dira; mendekotasun handiagoa duten taldeek erabiltzeko egokituko dira; eta, segurtasunik eza izatearen sentsazioa eman dezaketen lekuak saihestuko dira, generoaren ikuspegitik azterketa bat eginda.

37.3I IRIZPIDEA

Olazar kalea zuzkidura-ardatz gisa berreskuratzea sustatuko da, Zaldibarko dorretxearen ondoan kokatzen den balio anitzeko espazio publiko handi bati lotuta.

37.4I IRIZPIDEA

Alde Zaharreko espazio publikoa berreskuratzea sustatuko da.

37.5I IRIZPIDEA

Proposatutako espazio libreen barruan, lurperatutako erreken ibilguak berreskuratzea eta hiri-baratzeak babestea edo leku egokiagoetan kokatzea sustatuko da.



55

37.6I IRIZPIDEA

Las Hermanas eraikina ekipamendu publiko gisa txertatzea bilatuko da, eta San Juangoko ekipamendua birgaituko da, kultura, osasun eta laguntza arloko ekipamenduetan hautemandako gabeziak arintzeko.

38. HELBURUA

Herrigunean biztanleak eta enplegua finkatzea eta gizarte-kohesioa areagotzea, etxebizitzak neurrizko preziotan eskainiz eta erabilerak eta jarduera dibertsifikatuz.

38.1I IRIZPIDEA

Nagusiki etxebizitza babestuen eraikuntzan oinarrituko diren unitateak sortzea; horrela, etxebizitzen prezioa neurrizkoa izango da herriko gazteentzat. Familia bakarreko edo bigarren egoitza izateko etxebizitza berriak egitea baztertuko da.

38.2I IRIZPIDEA

Jabetzaz bestelako erregimena duten etxebizitza babestuei buruzko politikak garatzeko irizpideak txertatzea, alokairuzko etxebizitzak eta zuzkidurazko osatuen eraikuntza sustatzeko.

38.3I IRIZPIDEA

Erabileren nahasketan oinarritutako unitateak sortzea, bizitegirako ez diren erabileren gutxieneko ehuneko bat finkatuz beheko solairuetan. Horren bidez, ekonomia eta gizarte-jarduerak indartu, eta beharrak asetzeko beste udalerrietara joateko lekualdatzeak murriztuko dira.

38.4I IRIZPIDEA

Jarduera ekonomikoen LAPek ezartzen duen moduan, hirugarren sektoreko jarduerak murriztuko dira herriguneko bizitza indartzen ez duten eta derrigorrezko mugikortasuna dakarten industrialde isolatuetan.



56

HIRIGINTZA-EREDUAREN DEFINIZIOA

Lehen nabarmendu dugun moduan, hautemandako beharrak eta aukerak jasotzen dituen diagnostikoaren dokumentuaren ondorioak berrikuspen honen helburu (herri-helburuak) eta horren idazketa gidatu behar duten irizpide bihurtu dira, ia-ia zuzenean. Parte-hartzearen bidez egindako diagnostiko xehe bat edukitzeak lortu nahi diren helburuak eta horiek lortzeko egin beharreko jarduerak zehaztasun handiz idazteko aukera ematen digu.

Behin helburuak finkatuta, beharrezkoa da hirigintza-eredua egokitzea. Hala, plangintzak helburu horiek modu antolatuan lortzea ahalbidetuko ditu. Horretarako, hainbat parametro zedarritu eta kuantifikatu beharko dira, eta plangintza-dokumentuari beharrezkoak diren tresnak emango zaizkio, indarrean dagoen legediari egokituta.

LURRALDE-EREMUA ETA TESTUINGURU SOZIO-EKONOMIKOA Begien bistakoa denez, hirigintza-eredua diagnostikoan hautemandako faktore eta joera sozio-ekonomikoen arabera ezarri behar da, eta epe jakin batean gauzatzeko pentsatu behar da.

Gauzak horrela, HAPO honen programazioa eta kuantifikazioa gaur egungo errealitate sozio-ekonomikora egokituko dira, non higiezinen burbuilak eztanda egin duen eta krisi ekonomiko eta ekologikoaren testuinguru orokor batean kokatzen garen. Egindako azterketa sozio-ekonomikoaren arabera, hirigintza-eredua definitzeko garrantzi handia duten hainbat ezaugarri ditugu Zaldibarren:

1. Ekonomiaren zati handi bat kanpoko baliabideetan eta erosleetan oinarritzen da, eta herriaren berezko baliabideak, ordea, abandonatuta daude edo behar baino gutxiago erabiltzen dira.

2. Elikagaien ekoizpenean eta lehen sektoreko jardueretan behar baino gutxiago erabiltzen da natura- eta lurralde-kapitala; izan ere, lurzoru urbanizaezinaren zatirik handiena koniferoen monolaborantzarako erabiltzen da.

3. Gizartea eta ekonomia garatzeko ahalmen nabarmena dago, lurraldeko aktiboei lotuta.

4. Industria-sektorearekiko mendekotasuna gehiegizkoa da, batik bat, automozioaren sektorean, hor biltzen baitira lanpostu gehienak (nagusiki zerbitzuen sektorean diharduen eskualdean ez bezala).

5. Langabezia areagotu da sektore guztietan, eta, bereziki zerbitzuetan; dena den, lurraldearen batezbestekoaren azpitik dago. Biztanleen banaketari erreparatuta, emakumeak nagusi dira adin-tarte guztietan.

6. Lurralde-ardatz gisa duen kokalekuari lotuta, jarduera ekonomikorako eta enplegurako ahalmena du udalerriak gaurko jardueren osagarri diren arlo berrietan, hala nola energia eraginkortasuna.



57

7. Herrigunean eta auzoetan jardueraren galera gertatu da; lana-bizilekua lekualdaketak areagotu dira; eta, merkataritza txikia nabarmen gutxitu da, azalera handien eraginez (lohiri bat izateko bidean egotearen sintomak).

8. Azpiegitura handiek eragin handia dute, eta herrigunean kalitatezko espazio publikoak falta dira, bertako jarduera eta gizarte-kohesioa berreskuratzeari begira.

9. Biztanleriaren bilakaera demografikoa egonkorra da. Hazteko joera txikia hautematen da, eta zahartzeko joera, berriz, txikiagoa da, eskualdeko eta lurraldeko gainerako eremuekin alderatuta. Datozen urteetan, egoerari erreparatu beharko zaio, aipatutako alderdietan ziklo-aldaketak gerta baitaitezke krisiaren eraginez.

10. Etxebizitzen batezbesteko tamaina (2,57 pertsona etxeko) txikiagoa da probintziako eta EAEko batezbestekoa baino, eta hori dela-eta ez du adierazten etxebizitza berri askoren beharra dagoenik; izan ere, krisi ekonomikoak gurasoen etxera itzulitako gazteek eragindako ziklo-aldaketa ekar dezake.

11. Etxebizitza huts ugari daude (batik bat landa-ingurunean), eta eraikitako ehunak gaitasun handia du etxebizitza beharrei erantzuteko (lonjak, solairuarteak, ekipamendu publiko handiak, etab.). Etxebizitzak eta jarduera berriak hartzeko ahalmen handia duten hiri-orubeak eta hiri-lurzoruak daude garatu gabe.

12. Ekipamendu publikoen, erabilerarik gabeko eraikinen eta garatu gabeko hiri-lurzoruen eskuragarritasunak udalerriari ahalbidetuko lioke biztanle gehiago, jarduera ekonomiko berriak eta goraka ari diren sektoretan prestakuntza-ziklo berriak hartzea, urbanizazioa hedatzeko eta horri lotutako mantentze-gastuak areagotzeko beharra izan gabe.

13. Kalkuluen arabera, Zaldibarrek gaur-gaurkoz etxebizitza babestuaren udalerriko eskaerari erantzuteko gaitasuna izango luke, baita eskualdeko eskaeraren zati bati ere, baina ez luke gaitasunik edukiko alokairuzko etxebizitzen, etxebizitza sozialen edo beste etxebizitza-eredu batzuen eskaerari aurre egiteko.



58

PROPOSATUTAKO EREDUAREN EZAUGARRI NAGUSIAK Lehen ikusi dugun moduan, planteatzen den aldaketaren helburu nagusia da berezko baliabideak berreskuratzea eta berriro erabiltzen hastea, herritarren lanaren laguntzaz behetik gora eraikiko den herri-eredu bat sortu ahal izateko. Horrek eusteko gaitasun handiagoa emango dio Zaldibarri, udalerrirako ondorio negatiboak dituzten eta maila globalean geratzen diren lurralde-prozesuen aurrean (azpiegiturek eragindako lurralde-zatiketa, industrialdeen ordenarik gabeko kokalekua, merkatalgune handiek eragindako jarduera galerak, krisi ekonomikoak, etab.).

Hori dela-eta, Plan Orokor honetan planteatutako eredu-aldaketaren oinarria ez dira proiektu handiak, jarduera txikien batuketa baizik. Jarduera horiek guztiak modu koordinatuan garatuz gero, nabarmen hobe daiteke herritarren bizi-kalitatea.

Plangintza orokorrak ez ditu aldaketa handiak aurreikusten udalerriaren egitura orokorrean, azpiegitura berriak egiteari edo hiriguneen hedapenari dagokienez. Haatik, mugikortasun-sarea eta eraikitako ehunak sakonki aztertu nahi dira, haien erabilera hobetzeko eta gizarte- eta funtzio-erlazio berriak sortzeko. Funtsezkoa da, bestalde, Zaldibarko lurralde urbanizaezinari arreta eta xehetasun handiz erreparatzea (gaur egun koniferoen monolaboreak hartutako ia lurralde osoaren erabilera gaindituta), eta lurraldeko erabileren berrantolaketa bat planteatzea, irizpide zientifikoen bidez aztertutako gune bakoitzaren berezko ezaugarrien arabera.

Azpimarratzekoa da zer-nolako eragina izango duten prozesu horretan hirigintza iraunkor eta neurrizkoa proposatzen duten maila handiagoko hirigintza baldintzatzaileek. HAPOren hainbat alderdi egokitu beharko dira honako esparru hauetara: maila handiagoko plangintza, indarrean dagoen arlokako legedia, eta EAEren lurralde osoan landa-garapenerako eta ingurumenerako onartutako estrategia.

Hirigintza-, ingurumen-, gizarte- eta ekonomia-datuak aztertu ondoren, nabarmendu behar da Zaldibar bere behar funtzionalei erantzuteko gai dela oraingo hiri-lurzoruetan eta ez dagoela justifikatuta urbanizazioa hedatzea hiri-lurzoruetan, bizitegikoak nahiz industrialak izan.

Biztanleriaren dinamika kontuan hartuta, etxebizitzen eskaintza apur bat areagotzea justifikatuta dago, baldin eta jarduera ekonomikoaren indartzeari eta dibertsifikazioari eta merkataritza txikiaren babesari lotuta gertatzen bada, lohiri izateko bilakaera baztertuta. Etxebizitza kopuruaren igoerak mugatuta egon behar du eraikitako ondarera eta hiri- eta bizitegi-bilbeetan eraiki gabe dauden lurzoruetara. Igoera horrekin batera nahitaez hobetu behar dira zuzkidurak, mugikortasuna eta espazio publikoen baldintzak, gaur-gaurkoz gabezia nabarmenak baitituzte.

Gogoratu behar dugu etxebizitzen eskaintza EAEren Lurralde Antolamendurako Batzordeak berrikuspen honetarako ezarritako mugen barruan egin behar dela. Muga-tarte horretan, etxebizitza berrien gutxieneko kopurua 196 da, eta gehienekoa, berriz, 391. Kontuan hartu behar da partziali garatutako (SR1) orubeak eta lursailak betetze hutsarekin 122 etxebizitza berri eraiki daitezkeela. Horri gaur egungo eraikinen harrera-gaitasun handia batzen badiogu, herriko etxebizitzen premiak ase daitezke aipatutako muga-tartearen beheko mailan.



59

Kontu publikoen ikuspegitik, herrigunean biztanleen kopurua apur bat igotzea lagungarria izango litzateke oraingo ekipamenduen mailari eusteko eta hautemandako gabeziei erantzuteko (batez ere osasunean, kulturan eta hirugarren adinekoen arretan). Nolanahi den, etxebizitza-politikak etxebizitza babestuak eraikitzeko xedea izango du nagusiki (jabetzaz bestelako erregimenak lehenetsita), eta aurreikusiko du, arretazko printzipio gisa, herritarren egoera ekonomikoak okerrera egin dezakeela eta hipotekei lotutako kaleratzeak areagotu daitezkeela.

Adierazitako guztia laburtuta, planteatutako ereduaren ezaugarri nagusiak honako hauek dira:

1. Udalerriko berezko baliabideetan oinarritutako hirigintza-eredu iraunkorra.

2. Zaldibarko lurraldearen berrantolaketa osoa proposatzea, gune bakoitzaren ezaugarrien arabera, honako hauek bultzatuz: elikadura-burujabetza, lehen sektorearen berreskurapena, basogintza-sektorearen dibertsifikazioa, landa-turismoa eta naturarako sarbidea.

3. Zaldibarko irudi/nortasun kolektiboa berreskuratzea, autopista bazterreko herri baten itxurak lausotzen baitu gaur egun. Horretarako, herriaren nortasunari lotutako elementuak eta espazioak berreskuratu beharko dira, hala nola kalitatezko landa-paisaia eta ur sufretsuen iturburuaren inguruan dagoen bainuetxe zaharraren parkea.

4. Herrigunearen, lurraldearen eta landa-auzoen arteko erlazioa (gizartekoa, funtzionala eta ekonomikoa) berreskuratzea.

5. Herrigunearen eginkizuna indartzea, bizilekua, hiri-jarduera eta merkataritza txikia biltzen dituen gune misto gisa, lohiri bat izateko bilakaera eten dadin.

6. Herrigunean biztanle kopuruaren igoera txiki bat planteatzea, jarduera ekonomikoaren dibertsifikazioarekin eta merkataritza txikiaren babesarekin batera. Biztanleriaren igoera horretan, bereziki zainduko da gizarte-klase guztiek etxebizitza bat eskuratzeko aukera izatea, eta, horri begira, etxebizitza babestuak eraikiko dira nagusiki eta etxebizitzaren jabetzaz bestelako aukeren alde egingo da.

7. Herrigunea berriro antolatzea eta hornitzea, espazio publikoan dauden gabezia larriak (oinezkoentzako espazioen gabezia eta erreferentziako espazio publiko bat ez izatea), zuzkiduren gabeziak eta azpiegiturek sortutako kalte larriak konpontzeko.

8. Hirigintzari, bizitegiei eta industriari lotutako arazoak konpontzea, eraikitako ondarea eta hiri-eremuetan eraiki gabeko lurzoruak optimizatuz.

9. Herrigunearen eta auzo mugakideen artean dauden mugikortasun-arazoak konpontzea (Artia, Aranguren, Urizar eta San Andres).



60

LURRALDEAREN EGITURA OROKORRA

MUGIKORTASUNA ETA LURRALDEKO EKIPAMENDUAK

Plan Orokor honen helburu nagusia hirigintza-eredu iraunkorrago bat definitzea da, lurraldeko balio espezifikoei balioa ematean oinarrituko dena. Helburu hori lortze aldera, garrantzi nabarmena izango dute mugikortasun-moduen hobekuntzak, hondakinen tokiko kudeaketak eta energia-mendekotasunaren murrizketak.

Udalerriaren egitura orokorrean zer-nolako eragina duten kontuan hartuta, nabarmendu behar dugu azpiegiturek lurraldean eragiten duten zatiketa, funtsezkoa baita Zaldibarko hirigintza-eredurako horien eragina gutxitzea lurraldean (N-634 errepidea herrigunetik eta San Andresetik igarotzea, Ermuko saihesbidea eta trenbidearen zabaltzea, A8aren eragin akustikoa, etab.).

Udalerriaren ikuspegitik, landa-auzoen, herrigunearen eta Berriz-Zalbidar-Ermua bizikleta-bidearen arteko komunikazioak hobetzeko proposamena nabarmentzen da. Garrantzitsua da, halaber, saihesbidearen sarreran aldirietako aparkaleku bat jartzea, herrigunean zehar trafikoa saihesteko. Horrez gain, Debagoieneko isurialdean, Ego ibaiaren Parke Lineala garatzea proposatzen da.

Bestalde, udalerriko zerbitzuen ekipamenduak sortzea proposatzen da (konpostaje-planta, hondakinen kudeaketa, zuraren ezpal-zatitzea, etab.). Horien bidez,funtsezko hiri-arazo batzuk kudeatu ahal izango dira herrian bertan, hala nola hondakinen tratamendua eta birziklatzea.

Ereduaren beste alderdi garrantzitsu bat da lehen sektorea bultzatzeko eta landa-turismoa indartzeko borondatea, hainbat gunetan jarduera horiek indartzeko ekipamenduak jarriz (tokiko produktuen salmentarako ekipamendua, lurren bankua, baserri-kanpina, autokarabanentzako aparkalekua, etab.).

HERRIGUNEAK

Nola Zaldibarrek zein eskualdeak izan duten demografia-bilakaerak, hala higiezinen burbuila-leherketaren osteko egoera ekonomiko orokorrak, ez dute aholkatzen hirigintza-garapen garrantzitsuak aurreikusten dituen plangintza gauzatzea datozen urteotan. Hori nabarmenagoa da, gainera, kontuan hartzen badugu udalerrian hutsik dauden etxebizitzen kopurua handi samarra dela; eta beraz, plangintzaren lehentasunak izan beharko luke horien erabilera sustatzea, eta ez lurzoru gehiago okupatzea (Lurzoruari buruzko 2/06 Legearen 3. artikulua).

Nolanahi ere den, biztanle kopurua handitzeari begira proposatutakoaren helburuak izan behar du herritar guztien bizi-kalitatea hobetzea. Horregatik, ezinbestean joan behar du lanpostuak sortzeko estrategiekin lotuta. Lurralde-antolamendurako aipatutako tresna batzuek finkatzen duten bezala, eta diagnostikoan ere agerian geratu zen bezala, Zaldibarrek herrigunean jarduera ekonomikoa sortu eta finkatzearen aldeko apustua egin behar du, derrigorrezko



61

mugikortasuna murriztuta (hautemandako hirigintza-arazo garrantzitsuenetako bat da hori) eta hirigintza-ereduaren ingurumen- zein ekonomia-iraunkortasuna hobetuta.

Beraz, beharrezkoa da hirigintza-eredu orekatua bilatzea, hiri- zein landa-munduko premiei erantzungo diena. Hala, herrigunearen (hortxe metatuko dira etxebizitzak eta jarduera ekonomikoa) eta landa-auzoen arteko oreka bilatu beharko da. Azken horiei begira, bertako jarduera eta bizi-kalitatea hobetzen lagunduko duten proposamenak egingo dira; betiere, euren landa-izaerari eutsita.

Landa-auzoetako tokiko ekonomia dibertsifikatzea ere proposatu da, hirugarren sektoreko erabilerak azalerazita eta ondare-, paisaia- eta kultura-elementuen balioak aintzat hartzearekin lotutako landa-turismoa sustatuta.

Bertan eraikitako ondarean hutsik dauden ezin konta ahala etxebizitza eta baserri daude metatuta; herrigunean baino askoz gehiago. Eta horiei erabilera bat emateak dauka lehentasuna.

Hasierako datu horietatik abiatuta, argi ikusten da hutsik dauden etxebizitzak betetzea sustatzeko eta malgutzeko neurriak behar-beharrezkoak direla; hartara, landa-auzoetako bizitegi-premiak aseko dira, eta arkitektura tradizionaleko elementuak desagerraraztea saihestuko da. Bestalde, arreta berezia eskaini behar zaio Gazagako landa-auzoari, Bizkaiko Landa Herriguneen Inbentarioaren zirriborroan txertatuta baitago. Egoera hori finko bihurtuz gero, auzo horren hirigintza-egoera Lurzoruari eta Hirigintzari buruzko 2/2006 Legera egokitu beharko da, plangintza orokorraren hasierako onespen-fasean berori mugatuta.

Arestian aipatutako dinamikei Zaldibarko herriguneak hurbileko landa-eremuetan (Urizar, Aranguren, Goierri eta Gazaga) duen eragin integratzailea gehitu beharko zaie. Argi dago herrigunean euren premietako batzuk asetzeko gaitasuna badutela (horren lekuko ditugu: Eitzaga, Sallabente eta Olarreaga, lotura baitute Ermua eta Eibarrekin).

Landa-guneetan egin beharreko jardueren helburua, halaber, horien espazio publikoa hobetzea, ekipamendu publiko txikiak egokitzea eta horiei erabilera ematea eta lehendik dagoen ondarea birgaitzea izango da.



62

LURZORU URBANIZAEZINA Arestian azaldu dugun bezala, aurrerakin honek, lurzoru urbanizaezinaren erabileren kategorizazioari dagokionez, diagnostikoaren dokumentuan gauzatutako lana dauka oinarrian, ingurune fisikoaren eta haren ingurumen-baldintzen azterketa zehaztua proposatuta. Diagnostiko horren oinarrian, beraz, landa-lan zehatza dago, eta baita informazio geografikorako sistemen kudeaketarako tresnen bidez udalerri bakoitzeko ezaugarri espezifiko eta egokitasunei buruz egindako balioespena ere. Lana ispilatuta ageri da Lurzoruaren Erabileren Egokitasunari buruzko dokumentuan, Ingurumen Iraunkortasunaren txostenari (IIT) erantsita aurkezten den horretan.

Aldez aurretiko lan horri esker, lurraldearen antolamendu egoki baterako helburuak eta lehentasunak finkatu dira, lursail bakoitzari erabilera egokia emanda. Informazio horren analisi paralelotik, eta Maila Handiagoko tresnek finkatutako irizpideekin (LAG, Nekazaritzako eta Basogintzako LAP, Durangoko LZP, etab.), lurzoru urbanizaezina sailkatzeko proposamen bat sortu da. Proposatutako kategorizazioari Ingurumen Iraunkortasunaren Txostenaren (IIT) analisia egin beharko zaio, eta hartara, ondoriozko kategorizazioak gutxitu egingo ditu hautemandako ingurumen-eragin eta -arriskuak.

Informazio horren analisi paralelotik, eta Maila Handiagoko tresnek finkatutako irizpideekin (LAG, Nekazaritzako eta Basogintzako LAP, Durangoko LZP, Korridore Ekologikoen Sarea, etab.), lurzoru urbanizaezina sailkatzeko proposamen bat sortu da, honako kategoria hauekin:

BABESA

• Babes bereziko gunea.

• Ingurumen-hobekuntzarako gunea.

• Azaleko urak babesteko gunea.

BASOKOA ETA NEKAZARITZA ZEIN ABELTZAINTZAKOA

• Baso-ekoizpeneko gunea.

• Nekazaritza- eta abeltzaintza-gunea eta trantsizioko landazabala.

• Nekazaritza- eta abeltzaintza-gunea eta balio estrategiko handiko landazabala.



63

LURZORU URBANIZAEZINAREN SISTEMA OROKORRAK

• Komunikazioetarako sistema orokorreko gunea (bideak, trenbidea eta oinezkoen zein bizikleten bidea).

• Espazio libreen sistema orokorreko gunea (Ego Ibaiaren Ibai Parkea).

• Zerbitzu-azpiegituren sistema orokorreko gunea (azpiestazio elektrikoa, zabortegia).

Puntu honetan, aipamen berezia merezi du aurrerakin honen bitartez Goierriko gaina EAEko Korridore Ekologikoen Sarera txertatzeko egindako eskaerak. Izan ere, A8 gainetik igaro daitekeen bakarra da, eta hartara, eskualde mailako korridore ekologikoa sortzeko aukera izango litzateke. Udal plangintzara txertatuko da, baldintza gainjarri baten bitartez.

SALLABENTE ETA OLARREAGA Arestian aurreratu dugun bezala, Sallabente eta Olarreaga auzoek Eibarrekin eta Ermuarekin duten harremanean finkatzen dute euren hiri- eta gizarte-jarduera, eta euren zuzkidura-premietako batzuk ere udalerri horietan asetzen dituzte. Bi auzoen hirigintza-errealitateak lotura hertsia dauka alderik aldeko lurralde-azpiegituren eraginarekin.

Hala, bi auzoen hirigintza-garapenari dagokionez, benetan egokia dirudi Erriberako Ibai Parke bat sortzea, eskualdeko Debegesa bulegoak Uraren Euskal Agentziarekin (URA) elkarlanean proposatutakoa. Parke hori sortuz gero, bi auzoak elkarrekin lotuko lirateke, errepide nagusitik pasatu behar izan gabe. Alabaina, kontuan izan behar dugu eskualdeko azpiegitura bat dela, eta zerbitzua emango diela, halaber, Eibarri eta Ermuari. Berori egikaritzeko kostuak modu partekatuan onartzeko formulak bilatu beharko dira; izan ere, tamaina horretako sistema orokorreko egikaritzeak erabat desoreka lezake Zaldibarko HAPOren balantze ekonomikoa.

Parke hori Ego Ibaiaren Parke Lineal izenekoaren egikaritzean txertatu beharko da; alegia, auzo horiek aipatutako ibaiaren luzeran komunikatzea proposatzen duena. Horrekin lotuta, aipatzekoa da Sallabente auzoarentzat zer aldaketa ekarriko duen Ermuko ordainlekua kentzeak. Hala eginez gero, plan horretan aurreikusitakoa egikaritu ahal izango da, Ermutik igaro gabe Eitzagarekin zuzenean komunikatzeko moduan.

Bide beretik, Olarreaga auzoaren egoera zaila aipatu beharrean gaude; izan ere, kamioi-zirkulazio handia dago bertan. Hala, beharrezkoa da plangintzan puntu hori Errepideen Sailetik Iburerrekako eskualde-industrialderako eta zabortegirako sarbiderako proposatutako bide-konponbidera egokitzea. Alternatiben azterlanean puntu horretarako hainbat konponbide aztertuko dira.



64

HERRIGUNEA

EGITURA OROKORRA

Aipatu dugun moduan, aurrerakinak hirigintza neurritsu baten aldeko apustua egin du, espazio publikoan eta lehendik eraikita dagoen egituran jarduera txikiak eginda. Halere, proposatutako jardueren multzoak herrigunearen eraldatze sakon bat proposatzen du; bai, behintzat, honako alderdi hauei dagokienez:

1. Barne-mugikortasuna erabat eraldatzea, oinezkoentzako eta txirrindularientzako espazio publikoa berreskuratuta, gune nagusien eta erabilera publikoko eraikuntzen artean komunikazio seguruak finkatuta eta bizitegi-gunetik kamioi-zirkulazioa kenduta.

2. Euskal Herria kalean erreferentziazko espazio publikoa sortzea eta espazio publikoan garai bateko bainuetxeko parkea gehitzea (gaur egun ospitale psikiatrikoa dena).

3. Las Hermanas eraikina hornidura publikoen sarean txertatzea, erabilera anitzeko zuzkidura-elementu handi bezala, herritarren hainbat premia asetzeko balioko baitu.

4. N-634 errepidearen eragina eta horrek eragindako gunearen zatidura murriztea. Horretarako, Bizkaiko Foru Aldundiarekin elkarlanean, zirkulazioa arintzeko eta hiri-integraziorako neurriak proposatuko dira (nola erdigunean, hala San Andresen), igarobide-errepide izan beharrean, hiri-zeharbide izan dadin. Eraldaketa horren helburu nagusia, hain zuzen, Aranguren eta Artia auzoen eta erdigunearen arteko komunikazio segurua bermatzea izango da.

5. San Andres auzoaren eta irakaskuntza-hornidurarako gunearen arteko komunikazioa; hirigintza- eta zuzkidura-gabezia handiak dituen auzo horren eta erdigunearen artean lotura zuzena eta segurua egon dadin. Horrekin, era berean, saihestuko da hornidura-gunea beti azken tokian geratzea, orain gertatzen den bezala.

Proposatutako jarduerei esker, izugarri aldatuko da erdiguneko egitura; izan ere, espazio libreen sare osotua sortuko da eta erdigunearen eta auzoen arteko harremana hobetuko da.

Horretaz guztiaz gainera, proposatu da espazio publikoan egingo diren jarduera guztiek, ahal duten neurrian, lurpeko ibai-ubideak gainazalera ateratzen eta berreskuratzen lagundu dezatela, eta baita gaur egun dauden hiri-baratzeen guneak babesten lagundu dezatela ere (edo orain duten kokapena desegokia bada, beste tokiren batean kokatzen).



65

EGITURA ERAIKIA ETA ETXEBIZITZA

Hiri-egiturari dagokionez, lurzorua okupatzeko proposatzen den estrategiak lehentasuna emango die, lehenik eta behin, lehendik dagoen ondare eraikiaren optimizazioari (bizitegiak zein industriala) eta garatutako hiri-lurzoruak osatzeari.

Bigarrenik, hiri-bilbean eraiki gabeko hiri-lurzoruen garapenari helduko zaio. Horretarako, hiri-berrikuntzarako jarduerak gauzatuko dira, eta horien helburua izango da arestian aipatutako espazio eta hornidura publikoen hobekuntza sustatzea eta dauden premiak asetzea.

Testuinguru honetan, ondare eraikia eraberritzeak berebiziko garrantzia izango du. Horretarako, Lehentasunezko bi Eraberritze Eremu sortzea proposatu da; bat, Erdigune Historikoan, eta bestea, San Andres auzoan. Hala, lehentasuna izango da gune horien lehengoratze integralari ekitea. Erdigune Historikoari dagokionez, eraikinen eta espazio publikoen ondare historikoa lehengoratu ahal izango da, eta horiek Zaldibarko hiri-jardueran berriz txertatzeko dagoen aukera handituko da.

Herrigunean Zaldibarko bizitegietarako hiri-bilbe barneko lursailak egon badaudenez, eta horiek garatu gabe daudenez, barne-espazio horiek garatuz gero, etxebizitza-premiak ase ahal izango lirateke, lurzoruari okupazio gehiago eman behar izan gabe. Bizitegietarako hiri-berrikuntzako eta hiri-berrikuntza mistoko jarduerak proposatu dira, horietako bakoitzak Durangoko LZPn finkatutako erabilerak gutxien-gutxienean nahastuko direla bermatzeari kalterik eragin gabe.

Azkenik, aipatzekoa da bizitegi-bilbea handitzeko aukera, hornidura-gunea eta San Andres auzoa lotuko dituen sektorearen bitartez, eta hala, bi eremuen batura bermatuko da. Alternatiben azterketan, San Andres auzoa herrigunearekin lotzeko aukera aztertu da, oraingo eszenatokia zein etorkizunekoa (litekeena da puntu horretan trenbidea lurpera eramatea) aintzat hartuta.

Etxebizitza-politikari dagokionez, aipatzekoa da orubeetan eta garatutako eremuetan eraikitzeko dauden 112 etxebizitzetatik 71 etxebizitza libreak izango direla. Aztertutako parametro sozio-ekonomikoak aintzat hartuta eta etxebizitza-premia nagusiak etxebizitza babestuekin lotura zuela ikusita (batik bat jabetzako etxebizitza ez beste zeinahi erregimenetakoak), kontuan hartu beharko da kopuru hori nahikoa dela era horretako etxebizitzari begira dagoen eskaera asetzeko. Horrenbestez, proposatzen da aurreikusitako gainerako etxebizitza berri guztiak babes publikoko etxebizitzen zeinahi kategoriatan ezartzea; alegia, gizarte-babeseko etxebizitza, babes ofizialeko etxebizitza edo udal etxebizitza tasatua. Proposamen horretarako ezinbestekoa da, HAPO onartu ostean, udal etxebizitza tasatuari buruzko ordenantza garatzea, era honetako etxebizitzentzat hainbat prezio finkatzeko, garapen-eremu bakoitzeko premiak edo kostuak aintzat hartuta. Proposamen horiek lehendik dauden hornidura-eraikinetako zuzkidura-ostatuen proposamenarekin osatuko dira.



66

JARDUERA INDUSTRIALA Diagnostikoan ikusi dugun moduan, jarduera ekonomiko industrialaren egoeraren ezaugarri nagusia udalerriko biztanle bakoitzeko dagoen lurzoru industrial kopuru handia da, eta baita dagoen jardueraren dibertsifikazio eskasa ere, automobilgintzaren sektorearen mendekoegia, inondik ere. Industria-guneen okupazioari buruz egindako azterketa espezifikotik ondorioztatu daiteke eremu horietan hutsik dauden lurzoru eta etxepe kopuru handiak daudela. Dokumentu hau idatzi bitartean, bestalde, ikusten da gorantz doala euren jarduera eten duten enpresen kopurua ere. Ondorioz, agerikoa da udalerrian jarduera industriala sustatzeko aurreikuspenen barnean jarduera lehengoratzea eta hirigintza-baldintzak eta guneen irudia hobetzea txertatu behar direla, jarduera ekonomikorako gune berriak sortzea saihestuta.

LEHENDIK DAUDEN ERAIKINETAKO BETE GABEKO ETXEPEAK

ANTOLAMENDU XEHATUA DUTEN EREMUETAN BETE

GABEKO LURZORUA

m2 m2

(solairuarteak zenbatu gabe) %

AZALERA GARBIA %

20.658 m2c % 18,7 37.460 m2 % 28,4

Zaldibarri begira, ondorio berberak ateratzen dira Durangoko LZPren zehaztapenetatik. Hark ere lurzoru okupatu finkatuak hobetzeko premia xedatzen du, eta baita zaharkitutako eremu industrialak onera ekartzeko premia eta lehendik daudenen osagarriak izango diren tipologia berriekin eraiki gabeko lurzoru finkatuak osatzeko premia ere, beharrezkoa izanez gero, ingurumenarekin lotutako zuzentze-neurriak finkatuta. Ez da zehazten Zaldibarrerako lurzoru berriak aurreikusteko premiarik.

Arau horiei jarraituta, HAPOk lehendik dauden industria-bilbeak osatzea sustatuko du, eraldatutako lurzoruaren erabilera optimizatuta, eta herriguneari dagokionez, bizitegi-bilbearen eta industria-bilbearen arteko harremana hobetuta. Horrek esan nahi du lurzoru industrial osoa lehendik dauden hiri-lurzoruetan garatuko litzatekeela, eta ondorioz, 15 EUren desklasifikazioa ekarriko lukeela, ez baitago justifikatuta oraingo testuinguruan tamaina handiko industrialde berri bat sortzea. Era beran, HAPOk ahaleginak egin beharko ditu hirigintza-baldintza egokiak sortzeko, funtzionamendua hobetzeko eta Iburerreka, San Andres eta Sallabente auzoetan hirigintza- eta zerbitzu-baldintza urriak dauzkaten industria-guneen balioa handitzeko. Horretarako, bide-egitura eta mugikortasun mantsoaren sarea hobetu beharko dira; baita eraikuntzak eta horien inguruaren irudia hobetu ere.

Horretaz gainera, proposatzen da komenigarria litzatekeela lehendik dauden industria-guneetan ekologia industrialeko zirkuituak eta energia-kontsumoaren hobekuntzak txertatzea eta modu kolektiboan energia berriztagarria sortzeko

Zaldibar industrialdea.

Zaldibar industrialdea.



67

aukera aintzat hartzea. Bide beretik, jarduerarik ez duen industria-egitura birmoldatzeko aukera ere proposatzen da, kontsumoa murriztearekin eta energia-eraginkortasunarekin zerikusia duten jarduera ekonomiko berriak sustatuta.

Iburerreka industrialdea.

Solozabal industrialdea.



69

B. HELBURU ETA IRIZPIDE ZEHATZAK

PROPOSAMENEN ETA ALTERNATIBEN HASIERAKO DEFINIZIOA

Arestian deskribatutako irizpideak eta helburuak aintzat hartuta, hona hemen mahai gainean jarri diren proposamenak. Indarrean dagoen legediak aurreikusten duen bezala, hainbat alternatiba hartu dira aintzat proposamen garrantzitsuenei begira. Ingurumenean eragin nabarmenak dituzten proposamenak dira guztiak, eta horregatik, Ingurumen Iraunkortasunaren Txostenak baliozkotuko ditu, plangintza orokorreko dokumentuan garatu ahal izateko.

Batetik, udal izaeratik edo eskumenetik gaindiko proposamenak daude txertatuta, honako aurrerakin honetan egindako azterketan udalerriaren garapen egokirako beharrezkotzat jo direnak (PS1-PS9). Proposamen horiek garatu egingo dira, dagokion administrazioari igorri ahal izateko.

Bestalde, soil-soilik udal izaerakoak diren jarduerak txertatu dira; alegia, plangintza orokorra behin betiko onartzen denean indarrean jarriko direnak. Honako atal hauetan daude banatuta:

• Udalerriaren eta landa-auzoen egitura orokorra (P1-P6).

• Sallabente eta Olarreaga auzoak (P7).

• Herrigunea (P8-P12).



70

UDALAZ GAINDIKO ESKUMENEKO PROPOSAMENAK

PS1 Goierriko lurralde-korridore ekologikoa.

Goierriko gaina EAEko Korridore Ekologikoen Sarean txertatzeko eskatu da. Goierriko gaina dugu eskualdean A8 gainetik igarotzeko modu bakarra; hala, Oiz mendigunearen (iparraldean) eta Udalaitz eta Anboto mendiguneek osatzen dituzten mendizerren (hegoaldean) arteko eskualdeko korridore ekologikoa sortu ahal izango da. Ingurumen Saileko Erreferentziazko Dokumentuak adierazten duen moduan, baldintza gainjarri gisa jasoko da alderdi hori.

PS2 N-634 hiri-errepidearen zirkulazioa moteltzea, Zaldibartik igarotzen denean.

Bizkaiko Foru Aldundiaren Obra eta Zerbitzuen Sailari aipatutako hiri-errepideari hiri-tratamendua emango dioten bideko neurriak eskatu zaizkio. Eusko Jaurlaritzako Trafiko Zuzendaritzak 2012ko uztailean bide-segurtasunari buruz egindako azterlanean oinarritutako eskaera da. Bertan aipatzen da, hautemandako bide-segurtasunerako arazoa dela tarteko, komenigarria dela herrigunearen hasieran eta amaieran bi biribilgune jartzea, ezkerrerako txertatzeak saihesteko eta abiadura murrizteko. Gainera, aipatutako azterlanean proposatzen da abiadura murriztea behartuko duen erdibitzaile bat eraikitzea erdian.

Zirkulazioa arintzeko aipatutako elementu horiek bidearen hiri-integraziorako neurriekin batera ezarriko dira, Artiaren eta erdigunearen eta Arangurenen eta Alde Zaharraren arteko dimentsio handiko oinezkoen komunikazio seguruak bideratuta.

PS3 N-634 errepiderako sarbide berria, Olarreagan.

Bizkaiko eta Gipuzkoako Foru Aldundietako Obra eta Zerbitzuen Sailari N-634 errepiderako sarbide berria eskatzea, Ibur-Erreka Udalaz gaindiko industrialdeari (Eibar, Zaldibar eta Elgeta) eta eskualdeko zabortegiari zerbitzu emango diena.

PS4 Ospitale psikiatrikoko lorategia parke publiko bihurtzea (Espazio Libreen Sistema Orokorrak).

Ondasunari eragina konpondu ostean, Osakidetzari eskatzea Zaldibarko espazio publikoen sarean txertatzeko, eremu berde gisa.



71

PS5 Ego ibaiaren parke lineala (Eibar-Ermua ibai-eremuaren ingurumena birgaitzeko aurreproiektua).

Ego ibaiaren Parke Linealaren garapenean, eskualdeko Debegesa bulegoak, Uraren Euskal Agentziarekin batera (URA), aurreproiektu bat gauzatu du, Erriberako Ibai Parke bat sortzeko, Sallabente eta Olarreaga auzoak elkarrekin lotzeko, errepide nagusitik igaro behar izan gabe.

IITn aurreproiektu hori gauzatzeko komenigarritasuna aztertzen da. Kontuan eduki behar da paisaia-balio handiko gunea dela (nekazaritza- eta paisaia-balio handiko lurzoruak dira), baita balio natural (uholde-arriskua duen ordoki alubiala eta ibarbasoa) eta balio kultural eta arkeologiko (errota eta Olarreagako ubidea) handiko gunea ere. Eskualdeko azpiegitura denez, eta beraz, Eibarri eta Ermuari ere zerbitzua ematen dienez, egikaritze-kostuak eta kudeaketa-lana modu partekatuan banatzeko formulak bilatu beharko dira.

Bestalde, aipatutako planak xedatzen duen moduan, ondare industrialaren irudia hobetu beharko da.

PS6 Ermuko saihesbidea eta trenbidea erdibitzea – Eitzagan eta Sallabenten zuzentze-neurriak eskatzea.

Azpiegitura horiek egikaritzearekin batera, Eitzaga auzoan izaten diren eraginak murrizteko zuzentze-neurriak eskatu beharko dira; esaterako, auzotik igarotzen den zirkulazioa arintzea, ingurunea berriz urbanizatuta. Era berean, Eitzaga eta Sallabente artean oinezkoentzako sarbide berri bat egitea proposatu beharko da, Ermutik igaro gabe Eitzagarekiko zuzeneko komunikazioa ahalbidetzeko.

Gainera, Ego Ibaiaren Plan Bereziak Sallabente auzorako proposatutako hobekuntzak egikaritzeko eskatu beharko da, A8ko ordainlekua kendu ostean (alegia, Ego eta Beko ibaien ubideak eta urertzak lehengoratzea eta espazio libre berriak sortzea).

PS7 A-8 eta N-634 errepideetako zaratari aurre egiteko babes-neurri akustikoak.

Nola Zaldibarko herriguneak, hala Eitzaga eta Sallabente auzoek zarata-arazo larria dute. Beraz, premiazkoa da bide horietan dagoen zaratari aurre egiteko babes-neurriak eskatzea.

PS8 N-634 errepideak San Andresen eta Goierrin duen eragina murriztea eta sarbide-hobekuntzak ezartzea.

N-634 errepidetik San Andres auzorako dauden sarbide-baldintza oso kaskarrak konpondu beharko dira; izan ere, auzo horretan bizi diren herritarren kopurua aintzat hartuta, bide-segurtasunarekin lotutako arazo larria dagoela ikus daiteke. Gaur egungo egoeran, sarri askotan, foru-errepidean bertan maniobrak egiten dituzte, eta aintzat hartzekoa da malda-eremu batean dagoela eta aurretik bihurgunea daukala.

Hori guztia konpontzeko, ezinbestekoa da foru-errepidearekiko paraleloan zerbitzugune bat egitea, auzora erabateko segurtasunez sartu ahal izateko. Aukera horrek garrantzia hartuko luke, baldin eta berriro heltzen bazaio Areitiorako igoeran hirugarren bidea ezartzeko proposamenari.



72

Aukera horrekin lotuta, beharrezkoa da aipatzea, halaber, Goierri auzoaren bi zatiak oinezkoentzat komunikatzeko premia dagoela; izan ere, komunikazio hori, gaur egun, errepide-bazterretik egiten da, horrek dakarren arriskuarekin. Arazo hori konpontzeko, foru-errepidearekiko paraleloan, oinezkoentzako bidetxo bat egin beharko da, puntu horretan.

PS9 Udalerria jarduera kutsatzaileetatik babestea (esaterako, Frackingetik).

Zaldibar Franckingetik libre dagoen udalerria denez, pentsatzen da jarduera hori ez litzatekeela udalerrian ezarri behar, ondorio negatiboak baitakartza bai herritarrei begira, bai udalerriari berari begira. Bada adostasun orokor bat esaten duena 'Fracking' bidez 'shale gas'-a ateratzea intrusio-jarduera dela, zulaketa-dorreak eta pisu handiko kamioi-zirkulazioa eskatzen dituena nekazaritza- eta baso-eremuetan, ur ugari behar duena eta sismizitate-arriskuak eta urak kutsatzeko arriskuak dakartzana, gas hori duten arrokak produktu kimikoekin nahastutako eta presio bidez botatako urarekin txikitzen baitira. Gainera, osasun publikoari begira ere ondorioak ditu, herritarrengan izandako eraginak oraindik aztertzen ari badira ere.

Egindako ingurumen-azterketatik ondorioztatzen da jarduera hori bereziki kaltegarria dela Zaldibar udalerrian, Aixolako urtegiaren arroan duen eraginagatik. Hain zuzen, hortik hornitzen zaio edateko ura Debabarrena eskualdeari, 45.000tik gora biztanle dituen guneari.

Bide beretik, bateraezintasuna hautematen da teknika horren eta orografia nabarmeneko eta paisaia- zein nekazaritza-balio handiko lurraldearen artean. Bertan, gainera, aipatzekoak dira Ibaizabalen buruak bisoi europarrarentzat (desagertze-bidean dagoen espeziea) Interes Bereziko Gunetzat hautemateko. IITk, horrenbestez, eragin horiek guztiak hauteman beharko ditu, eta udalerria bera zein herritarrak horietatik babesteko beharrezko neurri guztiak ezarri beharko ditu.



73

UDALAREN ESKUMENEKO PROPOSAMENAK Jarraian, Udalari dagozkion jarduerak definituko ditugu. Ingurumenean duten eragina aztertu ostean eta zuzentze-neurriak txertatu ostean, plan orokorraren testu arau-emailean gehitu beharko dira.

UDALERRIAREN ETA LANDA-AUZOEN EGITURA OROKORRA

P1 Lurzoru urbanizaezinaren kategorizazioa.

Arestian Diagnostikoa dokumentuan azaldu bezalaxe, IITren dokumentuaren eranskinean lurzoruaren erabilera-egokitasunari buruzko dokumentu bat gehitu da. Lan horren ondorioz, lurzoru urbanizaezinaren erabileren kategorizazio bat gauzatu da, lurzoruaren berezko erabileren arabera (2. alternatiba). IITk baliozkotu dezan, Arau Subsidiarioen gaur egungo kategorizazioarekin eta Nekazaritzako eta Basogintzako LAPrekin alderatutako azterketa bat egin da.

• 0. alternatiba: Gaur egungo Arau Subsidiarioetako kategorizazioa (ikusi A02a PLANOA – P1 0. alternatiba).

• 1. alternatiba: Nekazaritzako eta Basogintzako LAPen kategorizazioa (ikusi A02c PLANOA – P1 1. alternatiba).

• 2. alternatiba: Nekazaritzako eta Basogintzako LAPen kategorizazioa, lurzoruaren erabilera-egokitasunari buruzko dokumentuarekin eta landa-lanarekin gauzatutakoa (ikusi A02c PLANOA – P1 2. alternatiba).

Hirigintza-ereduan zehaztutako lurzoru-kategoriak sortzea proposatzen du.

MUGIKORTASUNA

P2.1 Aparkaleku gomendatua, Zaldibarko sarreran.

Zaldibarko sarreran aparkaleku gomendatua ezartzeko, inolako zalantzarik gabe, Olazar biribilgunearen alboko lursaila dugu eremu egokiena. Kokagune horri esker, udalerriaz kanpoko pertsonek bertan dauden ekipamenduen alboan edo bertan gauzatzen diren jardueretatik hurbil (pilotalekua, Gaztetxea, arku-tiroa, boulderra, garai bateko futbol-zelaiaren alboko erabilera anitzeko eremua, erretiratuen etxea, etab.) aparkatu ahal izango dute, autoarekin herrigunera sartu behar izan gabe. Egokia litzateke, halaber, Ospitale Psikiatrikorako sarbidea atzealdetik bideratzea. Era horretan, erdigunean zirkulazioa murriztuko litzateke.



74

P2.2 Bizikleten Plan Zuzentzailean jasotako Berriz-Zaldibar-Ermua bizikleta-pista.

Bizikleten ibilbide horren zati bat hiri-lurzoruan ezartzea adostu beharko litzateke, hiri-egiturari eta Zaldibarko espazio libreen sareari egokituta. Era horretan, modu osotuan funtzionatuko du, ondorio kaltegarririk eragin gabe.

P2.3 Landa-auzoen eta herrigunearen arteko oinezkoentzako komunikazioak.

Hainbat auzoren eta herrigunearen arteko oinezkoentzako irisgarritasun-baldintzak hobetzea proposatu da, lehendik dauden bideak hobetuta eta seinaleak ezarrita. Zati berriak proposatu dira soil-soilik Eitzaga eta Sallabente artean eta Goierrin (N-634 errepidearen alboan). Bide hauetan honako jarduera hauek proposatu dira:

Urizar–Zaldua: Bide partekatua dela adierazten duten seinaleak ezartzea.

Aranguren-Zaldua: Bide partekatua dela adierazten duten seinaleak ezartzea eta N-634 errepidea igarotzeko toki arriskutsua hobetzea.

Goierri-Zaldua: Bide partekatua dela adierazten duten seinaleak ezartzea. Areitiorako igoeran, N-634 alboan zati berria proposatzea, auzoaren bi guneak lotzeko.

Gazaga-Zaldua: Bide partekatua dela adierazten duten seinaleak ezartzea eta zirkulazio astunari igoera-bideetako bat mugatzea.

Eizaga-Sallabente: Bide partekatua dela adierazten duten seinaleak ezartzea, Eitzagan zirkulazioa arintzea eta Ego ibaiaren alboan bide berri bat proposatzea, Olaetxetik Sallabentera.

Olarreaga-Sallabente: Ego ibaiaren ibai-ibilbide berriaren bitartez lotura ezartzea (IITn aztertu beharko da).

P2.4 Aisiarako ibilbideak.

Arestian aipatutako bideez gainera (horien erabilera egunerokoa izan daitekeela aurreikusten da), beharrezkoa da horiei bestelako bide batzuk gehitzea. Azken horien erabilera aisiarako ibilbide gisakoa izango da, baina udalerriaren bi zatiak elkarren artean lotzeko balioko du (Durangaldea eta Debabarrena), baita horiek Aixolako urtegiarekin lotzeko ere. Autoek eta oinezkoek partekatzeko bide-zati horiei tratamendu egokia eman eta beharrezko seinaleak jarriz gero, ibilbide horiek foru-errepideen bestelako aukeratzat erabiltzea saihestuko da.

Goierri-Eitzaga: Bide partekatua dela adierazten duten seinaleak ezartzea.

Goierri-Aixola: Bide partekatua dela adierazten duten seinaleak ezartzea.

Eitzaga-Aixola: Bide partekatua dela adierazten duten seinaleak ezartzea.



75

NEKAZARITZA-JARDUERA SUSTATZEA ETA ELIKADURA-BURUJABETZA.

P3.1 Udal lur-gunea, nekazari gehiagok erabil dezaten.

Plangintzan udal lur-gune bat ezartzeko lurzorua gordetzeko eremua xedatuko da, diagnostikoko dokumentuan gauzatutako elikadura-burujabetzari buruzko azterketa zehatzean oinarrituta. Azterlan horrek, hain zuzen, nekazaritza-balioa duten eta erabilera okerra eman zaien eremuak hautemango ditu, lurzoruaren berezko ezaugarriak aintzat hartuta.

Horri esker, Zaldibarko Udalak, lehen sektorea sustatzeko politikak garatzean, lurzoru hori gordetzeko joera mugatu dezake, etorkizunean, herritarrek landatzeko moduko lurrak eskuratzeko eskaera egiten dutela ikustean. Indarrean dagoen legediak xedatzen duen bezala (Nekazaritza eta Elikadura Politikarako Legea), utzitako lursailak, erabiltzen ez direnak edo diren lurzoru motaren arabera erabilera desegokiak dituzten lursailak gure nekazarien eskura jarri ahal izango dira, landatu edo erabili ditzaten.

P3.2 Bertako produktuak saltzeko hornidura sortzea.

Lehen sektoreko jarduera sustatze aldera, herriguneko ekipamendu publikoren batean salmenta-guneren bat jartzea proposatu da, bertako produktuak sustatu eta saltzeko. Las Hermanas eraikinak dituen eta Euskal Herria kalera ematen duten beheko solairuak proposatu dira erabilera horretarako.

UDALERRIKO ZERBITZUAK

P4.1 Konposta egiteko, zura ezpalkatzeko edo beste erabilera batzuetarako erabilera anitzeko lursaila.

Udalerriko zerbitzuetarako erabilera anitzeko hornidurako lursaila sortzeko, herriguneko industria-gunean kokatuta dagoen 2.400 m2-ko lursail publiko bat aukeratu da. Erdialdean dago, baina ez du eragiten bizitegietatik zirkulazio handirik igarotzea; beraz, egokitzat jo da erabilera horretarako.

P4.2 Ura hornitzeko instalazioa egokitzea.

Ur Partzuergoak ur-hornidurarako sarea hobetzeko egindako eskaera aztertuko da. Horretarako, Urkitze eta Azkorrako gordailuen arteko hoditeriak berritu beharko dira.



76

TURISMOA ETA EKOTURISMOA SUSTATZEKO PROPOSAMENAK

P5.1 Ur sulfurosoen iturburua (Urgazi) lehengoratzea.

Arestian aipatu bezala, garai bateko bainuetxeko ur sulfurosoen iturburua (Urgazi) lehengoratzea funtsezkoa da udalerriari eman nahi zaion irudi-aldaketarako; izan ere, Zaldibar herriaren nortasun-elementua da. Alabaina, iturburuaren bi kokagune tradizionalak Ospitalearen eraikinaren alboan daude; ez oso ondo zainduta. Inguruko urak sulfurosoak direnez, egokia litzateke parkean iturburua lehengoratzea eta aisiarako gune bihurtzea, Euskal Herria kalearekin eta Zaldibarko Dorretxearekin lotuta. Horretarako, beharrezkoa izango da proposamen honen bideragarritasuna eta kokaleku egokiak finkatuko dituzten azterlan geologikoak egitea.

P5.2 Zaldibarren, autokarabanentzako aparkaleku publiko bat sortzea.

Bainuetxeko parkea berdegune publiko gisa lehengoratzea eta aisialdirako gune gisa prestatzea proposatu ostean (iturburua lehengoratzea eta ubideak berreskuratzea, dorretxea birgaitzea, Euskal Herria kalea berriz urbanizatzea, etab.), zentzuzkoa dirudi espazio horren erakargarritasunari etekina aterako dion autokarabanentzako aparkalekua ezartzea. Proposatzen den erakargunerako espazioa egokia izango litzateke era horretako jarduera bat gauzatzeko. Eta komenigarria da gogoratzea era horretako hornidurak ezartzea bereziki onuragarria dela saltoki txikientzat; izan ere, bezeroak saltokietara joango dira, baita denboraldiz kanpoko sasoietan eta jaiegunak ez diren egunetan ere.

Horregatik, herriguneko merkataritza-gunetik gertu egon behar du, baina betiere, autokarabanak herrigunetik ibili daitezen saihestuta. Horrenbestez, proposatu da Olazar biribilgunearen alboan ezartzea.

P5.3 Baserrietan, baserri-campinga sustatzea.

Landa-auzoetan, laguntza ekonomiko osagarri gisa, baserriekin lotutako campingak ezartzea proposatu da. Alegia, baserrietan kanpatzeko eremu txikiak prestatu beharko lirateke (4-6 kanpin-denda inguru), baserriekin lotuta, eta erabiltzaileentzat bainugela batzuekin. Erabilera honen mugak hirigintza-araudian edo horretarako sortutako ordenantza berezi batean definitu beharko lirateke.



77

LANDA-AUZOAK

P6.1 Espazio publikoa hobetzea.

Auzoetako espazio publiko nagusien hornidura eta urbanizazioa hobetzea proposatu da. Era berean, horien balioa aintzat hartzeko lan egingo da; batik bat, baserrien aurrealdeko espazioen eta espazio publikoaren arteko harremanak landuta, eta harreman horiek babestuta. Nabarmentzekoak dira honako jarduera hauek:

Eitzaga: Erdiguneko espazio publikoko urbanizazioa hobetzea, zirkulazioa arintzea, aparkalekua berriz antolatzea eta errekaren estaldura murriztea.

Gazaga: Garai bateko plaza publikoa lehengoratzea eta erdiguneko espazio publikoaren balioa eta hark baserrien aurrealdeko espazioekin duen harremana aintzat hartzea.

Goierri: Zirkulazioa arintzea, oinezkoentzako ibilbideak finkatuta, eta Hirugurutzetako espazio publikoaren balioa aintzat hartzea.

P6.2 Lehendik dauden ekipamenduak egokitzea.

P6.3 Etxebizitza tradizionalak birgaitzea sustatzea, etxebizitza hutsen erabilera bultzatzea eta bereizteko duten aukera malgutzea.

P6.4 Lehendik dagoen ondarea birgaitzea eta haren balioa aintzat hartzea sustatzea.

Ondare-balioa duten eraikuntzez eta horien eranskinez gainera (etxolak, labeak, etab.), barne hartuko dira espazio publikoak edo ondare-multzoak ere; esaterako, Gazaga edo Hirugurutzeta.

P6.5 Erabilerak malgutzea, hirugarren sektoreko erabilerei eta tailer txikiei toki eginda.

P6.6 Aireko sareak lurperatzea eta udal saneamendu-sarera lotzea.

P6.7 Bide zaharrak eta aisiarako bestelako bide batzuk lehengoratzea eta horietan seinaleak ezartzea.

P6.8 Gazagako landa-gunea mugatzea eta indarrean dagoen araudira egokitzea.

Espazio publikoa Eitzagan.

Gazagako antzinako plaza.

Santa Marina baselizaren ingurua.



78


P7.1 Sallabenteko espazio publikoa eta Ego ibaiarekin duen lotura hobetzea.

Auzoko erdiguneko espazio publikoko urbanizazioa eta ekipamendua hobetzea proposatzen da, honako alderdi hauek nabarmenduta:

• Erdiko espazio publikoko urbanizazioa hobetzea eta aparkalekua berriz antolatzea.

• Ego ibaiarekiko harremana hobetzea (Ego ibaiaren Parke Lineala - ikusi PS5).

• Eibar eta Ermuarekiko oinezkoentzako komunikazioak hobetzea (Ego ibaiaren Parke Lineala - ikusi PS5).

• N-634 errepideko zirkulazioa arintzea, auzotik igarotzen denean, eta auzoaren bi aldeen arteko komunikazioa hobetzea.

• Eitzagara zuzenean iristeko proposamena, Ermutik igaro behar izan gabe (ikusi P2.6).

P7.2 Lehendik dauden ekipamenduak egokitzea.

P7.3. Bizitegi-ondare eraikia optimizatzea eta etxebizitza hutsei erabileraren bat ematea.

P7.4 Aireko sareak lurperatzea eta saneamendua Udalaz gaindiko hodi-biltzailera lotzea.

P7.5 Sallabenteko hiri-berrikuntza industriala.

HAPOren bitartez, Sallabenteko industria-gunearen hiri-berrikuntza gauzatzeko premia proposatu da; izan ere, oraingo eraikuntzak EAEko Ibai eta Errekak Antolatzeko LZPn jasotako baldintzak bete gabe daude kokatuta, eta horrenbestez, horietako batzuk ez datoz bat plangintzarekin.

Proposatutako hiri-berrikuntzaren bitartez, eremua berregituratu beharko da, eta hala, eraikuntzen lerrokatzeak aipatutako Lurraldearen Zatiko Planean xedatutakoari eta uholde-arriskua duten eremuetako erabilera-mugei buruz Kantauri Ekialdeko Plan Hidrologikoan xedatutakoari egokitu.

Antolamendu berri horrek, era berean, honako gidalerro hauek izan behar ditu oinarrian:

• Urbanizazio-baldintzak eta N-634 errepiderako sarbidea hobetzea.

• Industria-gunearen irudia hobetzea (Ego ibaiaren Parke Linealean xedatuta dagoen bezala - ikusi PS5) eta ibaiertza lehengoratzea.



79

P7.6 Ibur-Erreka Sektorearen hirigintza-baldintzak hobetzea.

Hein batean garatuta dagoen Ibur-Erreka sektorea pixkanaka hobetzea proposatzen da. Horretarako, Eibarrekin eta Elgetarekin adostasunean hainbat jarduera eraman beharko dira aurrera; izan ere, Udalaz gaindiko industrialdea da:

• Kudeaketa-baldintzak hobetzea, Eibarrekin eta Elgetarekin hitzarmenak gauzatuta, bi udalerrien arteko joan-etorrietako elementu edo eremuak garatzeko eta horiei erabilera emateko.

• Urbanizazio-baldintzak hobetzea (hein batean egikaritutakoak).

• Eraiki gabeko lursailak osatzea eta pabiloi hutsei erabileraren bat ematea.

• N-634 errepidetik dauden sarbideak hobetzea (ikusi P7.8).

P7.7 Sallabente-Olarreaga lurzorua okupatzeko estrategia.

Arestian aipatu bezalaxe, Plan Orokorraren proposamenak ahalmena dauka lehendik dauden hiri-lurzoruen eremuan jarduera ekonomikorako dituen helburuak gauzatzeko. Horixe da, halaber, Sallabente-Olarreaga eremuaren kasua; besteak beste, Udalaz gaindiko Ibur-Erreka sektoretik hurbil dagoena, eta oraindik ere garatzeko ahalmen handia duena.

Bestalde, bestelako hirigintza-arazo batzuei irtenbidea emateko premia sumatzen da. Besteak beste, honako hauek dira aipatzeko modukoak:

• Sallabente eta Olarreaga auzoak elkarrekin komunikatzeko premia, oinezkoentzako bideak ezarrita eta N-634 errepidea ez beste komunikazio-aukeraren bat bilatuta.

• Auzo horiei kalitatezko espazio publikoak emateko eta ubideen egoera hobetzeko premia.

• N-634 errepidetik Ibur-Erreka industrialderako eta zabortegirako sarbide berria ezartzeko premia, lehendik dauden eraikuntzei konponbidea emanda (batzu-batzuk, gainera, ondare-balio handikoak).

Lurzorua okupatzeko hainbat alternatiba aztertu dira, hirigintza- eta ingurumen-alderdi guztiak zehaztasun handiagoz aztertu ahal izateko. Honako alternatiba hauek proposatu dira:

0. alternatiba: Oraingo egoera (15 EU hiri-lurzoru industriala).

0 alternatibak proposatzen du industria-gunea oraingo sailkapenarekin uztea (15-EU hiri-lurzorua). Muga horrek, hain zuzen, Ego ibaiaren bi aldeak, Olarreagaren eskuin urertza eta mendi-mazela zabal handia, Ipar aldean malda handia duena, ukitzen ditu. Barnetik, berriz, Ego ibaiaren gainean eraiki gabe dagoen zubi batetik antolatzen da.

1. alternatiba: Ezkerraldeko urertza lurzoru urbanizaezin gisa berriz sailkatzea + Olarreaga auzoko eskuinaldeko urertza hiri-lurzoru gisa sailkatzea.



80

Ego ibaiaren ezkerraldea desklasifikatzea proposatzen du, eta Balio Estrategiko Handiko Nekazaritza eta Abeltzaintzako lurzoru-kategorian txertatzea. Olarreaga auzoaren eskuinaldeko urertzerako, berriz, hiri-lurzoruaren eremuaren bitartez proposatzen du garapena (0,6 ha), bere antolamendua beharrezkoa den sarbide berrira egokitu ahal izateko, Eibarrekin zein unibertsitatearekin duen harremana sustatuta.

2. alternatiba: Ezkerraldeko urertza lurzoru urbanizaezin gisa berriz sailkatzea + Olarreaga auzoko eskuinaldeko urertza hiri-lurzoru gisa sailkatzea + Erriberako Ibai Parkea gauzatzea.

Lehenengoaren oso antzeko alternatiba, baina Lurzoru Urbanizaezinean Espazio Libreen Sistema Orokorra sortzea proposatuta, Ego ibaiaren Parke Linealean aurreikusitako Erriberako Ibai Parkea egikaritu ahal izateko (ikus PS5).

P7.8 Hiri-berrikuntzarako eremua, Olarreagan.

Sektore berri bat sortu, eta Olarreagako bilbea zabaltzeko proposamena arreta handiagoz aztertu ahal izateko, honako alternatiba hauek proposatu dira:

0 alternatiba: Oraingo egoera.

Lehendik dauden bizitegi-eraikuntzei orain dauden bezala eustea, hazkunde gehiago proposatu gabe.

1. alternatiba: Arau Subsidiarioen oraingo egoera – Industria-bilbea sarbide berriarekin zabaltzea.

Oraingo Arau Subsidiarioek proposatutako Ibur-Errekarako sarbideari eta mugari eustea proposatzen du, lehendik dauden eraikuntzak botata.

2. alternatiba: Bizitegietarako hiri-berrikuntzarako eremua, sarbide berriarekin.

Aurrekoaren antzekoa, baina honako aldaketa hauekin:

• Muga zabaltzea, Ibur errekaren formari egokituta, urertzeko espazio librea sortzeko helburuarekin, eta hala, ubidearen egoera hobetzeko asmoz.

• Eibarko unibertsitate-gunearekiko harremana areagotzea proposatzea, hiri-harremana sustatuta.

• Proposatutako sarbidea aldatzea, lehendik dauden eraikuntzetan duen eragina murriztuta.

3. alternatiba: Jarduera ekonomikorako hiri-berrikuntzarako eremua, sarbide berriarekin.

Aurrekoaren antzekoa, baina jarduera ekonomikoak baliatuta.



81

ZALDUAKO HERRIGUNEA

P8 Lurzorua okupatzeko estrategia.

Jarduera ekonomikoarekin gertatzen zen bezala, Zaldibarren hirigintza-eredua definitzean argi ikusi genuen herriak badaukala, herrigunean dauden hiri-lurzoruen eremuan, etxebizitzarekin lotutako helburuak eta eskaerak garatzeko gaitasuna.

Alabaina, herrigunearen hiri-bilbea zabaltzeko alternatiben analisi zehatzago bat egin da, eta era horretan, hirigintzarekin eta ingurumenarekin lotutako esku-hartze nagusiak aztertu dira.

0. aukera: Bilbea osatzea.

Herrigunea dagoen-dagoenen uztea izango litzateke asmoa, eta soil-soilik garatzea herrigunean hein batean baino garatuta ez dauden eremuak.

1. aukera: Arau Subsidiarioak + DURANGOKO LZP.

Oraingo Arau Subsidiarioetako lurzoruaren sailkapen-proposamenak eta Durangoko LZPk proposatutako gehieneko hazkunde-eremuak barne hartzen ditu. Bi lurzoru urbanizagarri berriren sailkapena proposatzen du:

SAN ANDRES BS (0,5 HA): Sektore honen helburu nagusia, hain zuzen, San Andres auzoa udalerriaren erdigunearekin lotzea izango da, trenak eragindako oztopoa gaindituta eta auzoko barne-eremuen hobekuntza orokorra bermatuta.

ARANGUREN BS (1,4 HA): Sektore honen helburu nagusia, berriz, auzogunearen bizitegi-ahalmena handitzea izango litzateke, bertan dagoen etxebizitza-eskaerari erantzun ahal izateko; izan ere, erdigunetik urrun dagoen hazkundea baita.

2. aukera: Hiri-berrikuntza.

Hiri-lurzoruaren oraingo mugarriztatzeari eutsiko dio, baina barnean hiri-berrikuntzarako zenbait lan proposatuta, herrigunerako finkatutako hirigintza-helburuak erdieste aldera.



82

MUGIKORTASUNA

P9.1 N-634 errepideko zirkulazioa arintzea eta oinezko komunikazioa finkatzea Artia, Aranguren eta erdigunearen artean (ikusi PS2).

P9.1A Bi biribilgune egitea eta bidegurutze arriskutsuak desagerraraztea (ezkerrerako txertatzeak).

P9.1B Oinezko komunikazioko eremuak (Erdigunea-Artia eta Alde Zaharra-Aranguren).

P9.2 Kamioien sarrera-irteerak, saihesbidetik.

P9.3 Euskal Herria kalea erreferentziazko espazio publiko bihurtzea.

Arestian adierazi dugun moduan, Euskal Herria kalearen lehen zatia dugu herrigunearen barne-egituraketarako eremu giltzarria.

Batetik, erreferentziazko espazio publikoaren premia aseko du, herriguneko plaza gisa, bainuetxeko parkearekin harremanetan. Eta bestetik, parte-hartzearen bidez egindako diagnostikoan hauteman ziren oinezkoen lehentasunezko espazioak batzeko elementu nagusia izango da, eta herrigunearen erabilera publiko nagusiak lotuko ditu.

Funtzio horiei erantzuteko, espazio hori berriz antolatu beharko da, gaur egungo premiak ase ahal izateko (egoiliarrak, negozioak, garajeak, etab.). Alabaina, kasu guztietan, saihestu egin beharko da errepideko zirkulazioa bertatik igarotzea.

P9.4 Oinezkoen lehentasunezko ibilbideak sortzea.

Euskal Herria kaletik abiatuta, oinezkoen lehentasunezko hainbat eremu garatuko dira, oinezkoentzako ibilbide seguruen bitartez herrigunean giltzarriak diren espazioak eta bestelako auzoak lotuta. Urbanizazio-ordenantzak hainbat oinarrizko ezaugarri finkatuko ditu espazio horiek berriz urbanizatzeko.

P9.4A Artia, Euskal Herria, ikastetxe-eremua eta San Andres.

P9. 4B Geltokia, Alde Zaharra eta Olazar ekipamendu-gunea.

P9. 5 Auzoak eta herrigunea batzen dituzten bideen jarraipena.

P9. 6 Sarreran, aparkaleku gomendatua, ekipamendu-gunera lotuta (ikusi P2.1).



83

P9.7 Barruko bideak berriz antolatzea eta aparkalekuak berregituratzea.

Proposatutako mugikortasun-egitura berriaren azken osagarri gisa, Zaldibarko bideria berriz egituratzea proposatu da; izan ere, bideen % 75 errepideko zirkulaziora bideratzen dira, eta soilik % 25 dira oinezkoentzat. Proposatutako norabide bakarreko kale-zabalera aldatuta, posible litzateke oinezkoentzako guneetarako azalera handitzea edo zenbait eremutan aparkatzeko guneak ugaltzea. Irizpide horien arabera, bideria berriz egituratzea proposatu da, honako ezaugarri hauek aintzat hartuta:

• Herriguneko bizitegi-guneetako hirigintza-kalitatea hobetzea, oinezkoentzako eremuak eta espaloiak ugalduta.

• Bide-sistema honela banatzea: oinezkoen lehentasunezko espazioak, partekatutako guneak, bigarren mailako tokiko bideak (batik bat, norabide bakarrekoa) eta tokiko bider nagusiak.

• Eremu giltzarrietan (esaterako, Artia, Olazar edo ikastetxe-eremuaren atzeko aldea) aparkaleku-plazen dentsitatea ugaltzea sustatzea.

• Orain dagoen plaza kopuruari eustea eta etxebizitzetatik aparkalekurako joan-etorriak minututik gorakoak ez izatea ahalegintzea.

• Alde Zaharrekoak ez beste aparkaleku batzuk bilatzea, Alde Zaharrekoak pixka bat arintzeko.

P9.8 Berriz-Zaldibar-Ermua bidegorriaren jarraipena, hiri-lurzoruan (ikusi P2.2).

ESPAZIO LIBREAK ETA EKIPAMENDUAK

P10.1 Euskal Herria kalean, erreferentziazko espazio publikoa (ikusi P9.3).

Plaza baten funtzioak egikaritu ditzan, Euskal Herria kaleko lehen zatia erreferentziazko espazio publiko bihurtzeko, ezinbestekoa da kalea berriz urbanizatzea. Hala, oinezkoei lehentasuna eman beharko zaie, eta errepideko zirkulazioa saihestu. Jarduera horrek Las Hermanas eraikinerako sarbidean dauden arazoak konpondu beharko ditu, eta Bainuetxeko parkearekin lotura egokia finkatu.

P10.2 Bainuetxe zaharreko parkea lehengoratzea.

Jarduera honen ondorioz, Zaldibarko herriak parke berde bat izango du, eta era horretan, udalerriak berez daukan gabezia nagusietako bati erantzungo zaio. Euskal Herria kalearen eraldaketarekin batera, elementu hori lehengoratuz gero, kalitatezko espazio publiko bat izango genuke, erdigunean. Parke hori osatzeko lanek lotura izango lukete ur sulfurosoen iturburua berreskuratzearekin (ikusi P5.1), Zaldibarko Dorretxea birgaitzearekin eta lurpeko erreken ubideak lehengoratzearekin (ikusi P10.9).



84

P10.3 Oinezkoen lehentasunezko espazio publikoa sortzea (ikusi P9.4).

P10.4 Olazar herritarren ardatzaren balioa aintzat hartzea.

Zaldibarko hiri-bilbeko hirugarren espazio publiko garrantzitsuena Olazar kalearen ingurunea da; izan ere, ekipamendu publiko ugari metatzen dira bertan: erretiratuen etxea, pilotalekua, arku-tirorako lokala eta Boulderra eta Gaztetxea. Kalitatezko urbanizazio-lana egin nahi da gune horretan, oinezkoen guneei lehentasuna emanda eta bizitegi-bilbearen eta parkearen arteko lotura gauzatuta.

P10.5 Zaldibarko Dorretxearen alboan, erabilera anitzeko espazio publikoa sortzea.

Aipatutako herritarren ardatzarekin lotuta, garai bateko futbol-zelaiaren eremua birmoldatzea proposatu da, berez zeukan erabilera anitzeko espazio publikoaren izaerari eutsita, baina hirigintza-baldintzak hobetuta. Ondorioz, asko hobetuko litzateke parkearekin zein pilotalekuarekin duen lotura, eta balioa erantsiko litzaioke Zaldibarko Dorretxeari.

P10.6 Alde Zaharreko espazio publikoa lehengoratzea (ikusi P11.3).

P10.7 Artia-Geltokia eremuko espazio libreei jarraipena ematea.

Geltokia eta Artiako beheko zatia lotuko dituen barruko espazio librea egikaritzea proposatu da, N-634 errepidearen albotik pasatu behar ez izateko.

P10.8 1. BS sektorea urbanizatzea.

Sektoreko gainerako urbanizazio-lanak egingo dira, honako hauei lehentasuna emanda:

P10.8A Ertzeko parkea sortzea, ikastetxeetan.

P10.8B Oinezkoen lehentasunezko gunea sortzea.

P10.8B San Andresekin oinezko lotura ezartzea, Gatikene aldetik.

P10.9 Lurpeko erreken ubideak lehengoratzea.

Oro har, lurpean dauden ubideak lehengoratzea sustatuko da. Bide-zabaleragatik erabat lehengoratzea ezinezkoa den kasuetan, berriz, kontrolpeko emaria duten ubide txikiak atonduko dira gainazalean, zerrenda berde txiki batzuei lotuta.



85

P10.10 Hiri-baratzeak babestea edo/eta birkokatzea.

Hiri-jarduera guztietan, oro har, lehendik dauden hiri-baratzeak babestea sustatuko da, edo toki desegokietan badaude (zirkulazio handiko errepideen alboan, etab.), beste tokiren batean birkokatzea.

P10.11 Las Hermanas eraikinean, erabilera anitzeko ekipamendu publikoa sortzea.

Aipatutako eraikineko beheko solairuan, osasun-zentro handiagoa eraiki nahi da (Osakidetzarekin aldez aurretik hitzarmena eginda), eta hartara, hautemandako zuzkidura-gabeziak aseko dira.

P10.12 Sanjuangoa eraikina birgaitzea eta eraikinari erabilera ematea.

Sanjuangoa eta Las Hermanas eraikinak modu koordinatuan ustiatzea eta erabiltzea proposatu da, hornidura publikoei begira hautemandako eskaerak asetzeko.

P10.13 Lehendik dagoen aparkalekuaren gainean, ekipamendu publikoa sortzea.

Bekoetxe kalearen alboko aparkaleku publikoaren gaineko espazio publikoari ematen zaion erabilera eskasa dela tarteko, dauden estalkiak beste espazio publikoren batera lekualdatzea proposatu da. Horri esker, etekina atera ahal izango zaie egiturari eta igogailuari, eta eraikinaren azalera eraikia handitu ahal izango da, bestelako zuzkidura-erabilera batzuetarako. Erabilera egokitzat proposatu da zuzkidura-ostatuak eraikitzea.

P10.14 Udalerriko zerbitzuen erabilera anitzeko ekipamendua (ikusi P4.1).

HIRI-EGITURA ETA ETXEBIZITZA

P11.1 Bizitegi-ondare eraikia optimizatzea eta etxebizitza hutsei erabileraren bat ematea. Hutsik dauden eraikinei erabileraren bat emateko eta lehendik dauden eraikinei erabilera eraginkorragoa emateko, plangintza orokorretik honako tresna hauek bideratzea proposatu da:

• Beheko Solairuetako lokalen erabilera aldatzea.

• Teilatupe eta solairuarteen erabilera aldatzea.

• Mehelinetan hutsarteak irekitzea.

• Eraikin publikoetan zuzkidura-ostatuak eraikitzea.



86

P11.2 Ondare industrial eraikia optimizatzea eta pabiloi hutsei erabileraren bat ematea. Era berean, lehendik dauden eraikin industrialei erabilera egokia ematea sustatu beharko da. Horretarako, ezinbestekoa izango da horietarako sarbidea hobetzea, komunikazioen hierarkia egokia finkatzea eta urbanizazioan hobekuntza orokorrak gauzatzea, industria-gunearen irudia hobetzeko helburuarekin.

P11.3 Alde Zaharraren Hiri Birgaitze Integrala. Alde Zaharra Lehentasunez Birgaitu Beharreko Eremu definitzea proposatu da, auzo hori lehengoratzeko eta bere balioa aintzat hartzeko ahaleginak metatzeko asmoz. Hartara, honako helburu hauek lortuko dira:

• Alde Zaharreko eraikinak birgaitzea sustatzea (batik bat, ondare-balioa dutenak), eta horien erabilera bultzatzea.

• Aspaldian nahiko geldi dagoen Alde Zaharreko hiri-jarduera piztea (ekonomiari zein herritarrei dagokienez).

• Espazio publikoa hobetzea, plaza eta bestelako ibilbide edo espazio historikoak lehengoratuta (Gatikene, Aldatzako Harmailak, etab.).

• Auzoko eraikinen isolatze- eta irisgarritasun-baldintzak hobetzea.

• Alde Zaharraren irudia hobetzea, egokiak ez diren eraikin lotuak desagerrarazita eta alboko eraikinetan hutsarteak irekita.

P11.4 San Andres auzoaren Hiri Birgaitze Integrala.

San Andres inguruan, lehentasunezkoa da auzoaren hiri-baldintza orokorren hobekuntza integralari heltzea, honako helburu hauek aintzat hartuta:

• Aspaldian oso eskasa den auzoko espazio publikoa hobetzea (ibilgailuentzako bideak baino ez daude).

• Sarbide- eta segurtasun-baldintzak hobetzea, N-634 errepideari dagokionez.

• Auzoko eraikinen birgaitzea sustatzea, eta horien erabilera bultzatzea.

• Erabilerarik gabeko lokal eta solairuarteen erabilera sustatzea.

• Auzoko eraikinen isolatze- eta irisgarritasun-baldintzak hobetzea.



87

P11.5 Bizitegi-bilbea osatzea.

Eraiki gabeko lursailen eraikuntza eta hein batean garatutako eremuen garapena sustatuko dira (1. BS).

P11.6 Industria-bilbea osatzea.

Eraiki gabeko lursailen eraikuntza sustatuko da (11.S).

P11.7 Bainuetxeko parkeko bizitegietarako hiri-berrikuntza.

Jarduera honen helburua da bainuetxeko parkea espazio publikoan txertatzea, haren mugan alokairuan egongo diren etxebizitzak eraikita, jabetzaz bestelako erregimen batean dagoen etxebizitza-eskaera asetzeko. Olazar kalearen bueltan eraikitzea proposatu da, Ospitale Psikiatrikoaren alboko eraikina (eraikin gorria) ere horretarako erabiltzeko aukerarekin.

P11.8 Artia-Geltokiko bizitegietarako hiri-berrikuntza.

Hiri-berrikuntzarako jarduera honekin, Artia auzoaren hiri-bilbea amaituko da, eta lotura egokia finkatuko da tren-geltokiarekin eta Aranguren auzoarekin. Era berean, udalerriko etxebizitza babestuen eskaintza handituko da.

P11.9 Aldatzako bizitegietarako hiri-berrikuntza.

Bizitegi-jarduera txiki bat gauzatzea da asmoa, Aldatzarako igoeran bilbea osatzeko, eta etxebizitza babestuen sorkuntza sustatzeko.

P11.10 Olazar-Armasko hiri-berrikuntza mistoa.

Hiri-berrikuntzarako jarduera proposatzen da hemen, Olazarko herritarren ardatzaren eta industria-bilbearen arteko hiri-harremana behar bezala finkatzeko. Gune honi irtenbide egokia ematea da asmoa, etxebizitza babestuen sorkuntza bultzatuta, baina herriguneko jarduera ekonomikoaren azaleraren galera eragin gabe. Horregatik, jarduera mistoa da proposatu dena.

P11.11 San Andresko hiri-berrikuntza industriala.

HAPOren bitartez, San Andresko industria-eremuan hiri-berrikuntza finkatzeko premia proposatu da; izan ere, oraingo eraikuntzak zuzenean ubide gainean daude kokatuta, eta beraz, ez dira betetzen EAEko Ibai eta Erreken Antolamendurako LZPren erabakitasunak.

Proposatutako hiri-berrikuntzaren bitartez, eremua berregituratu beharko da, eta hala, eraikuntzen lerrokatzeak aipatutako Lurraldearen Zatiko Planean xedatutakoari eta uholde-arriskua duten eremuetako erabilera-mugei buruz Kantauri Ekialdeko Plan Hidrologikoak xedatutakoari egokitu.



88

Antolamendu berri horrek, era berean, honako gidalerro hauek izan behar ditu oinarrian:

• Hirigintza-baldintzak hobetzea eta N-634 errepiderako sarbide egokia finkatzea, bizitegi-gunean errepideko zirkulazioa saihestuta.

• Industria-gunearen irudia hobetzea eta ibaiertza lehengoratzea.

P11.12 Zuzkidura-ostatuak, aparkaleku publikoaren gainean (ikusi P10.14).

ONDARE KULTURAL, HISTORIKO ETA ARKITEKTONIKOA

P12.1 Eraikin eta elementu bereziak babestea eta horien balioa aintzat hartzea. Intereseko ondare-elementuen balioa aitzat hartzea eta horiek hautematea sustatuko da, horiek guztiak babestutako eraikuntzen Katalogoan txertatuta.

P12.2 Espazio publiko bereziak eta bide historikoak babestea eta horien balioa aintzat hartzea.

• Bainuetxeko parkea eta Urgazi iturburua.

• Alde zaharreko plaza, Aldatzako harmailak eta Gatikene iturria.

P12.3 Ondare-multzoak babestea eta horien balioa aintzat hartzea.

• Alde zaharra.

• San Martin baselizaren ingurunea.

• Hirugurutzeta.

P12.4 Bide historikoak lehengoratzea eta horien balioa aintzat hartzea.

P12.5 Hiri-ikuspegi garrantzitsuenak babestea.

Era berean, hiri-ikuspegi batzuk babesteko joera sustatuko da, eta saihestuko da horiek galaraziko dituzten eraikinak edo bestelako elementuak bertan jartzea (ikusi A09d PLANOA).



89

ALTERNATIBEN BALIOESPENA

Jarraian, aztertutako aukera guztiak balioetsiko dira. Ingurumenean duten eragina aztertu ostean eta zuzentze-neurriak txertatu ostean, plan orokorraren testu arau-emailean gehitu beharko dira.

P1 proposamenaren balioespena - Lurzoru Urbanizaezinaren kategorizazioa.

Hautatutako aukera: 2. aukera, Ingurumen Iraunkortasunari buruzko Txostenetik (IIT) eratorritako irizpideak gehituta.

IITk egindako azterketaren arabera, 0 kategoriak ez ditu behar besteko zehaztasunez aztertzen baso-eremuak, eta ez ditu aintzat hartzen baso-ustiapen intentsiboak lurrari eta biodibertsitateari ekartzen dizkien ondorioak, eta ia udalerri osoan erabilera hori da nagusi. 2. aukera, berriz, Nekazaritzako eta Basogintzako LAPek proposatutako 1. aukeraren bertsio hobetua da; izan ere, kategoria berberetatik abiatuta egindako azterketa proposatzen du, baina dokumentuak berak zehazten duen bezala, tokiko analisi sakonago bat eginda, landa-lan garrantzitsua gauzatuta. Horri esker, babes berezia kategorizazioa merezi duten bertako baso-masa txiki batzuk hauteman ahal izan dira, besteak beste.

Horrenbestez, 2. aukeran proposatutako kategorizazioa hautatuko da, baina IITk zehaztutako hainbat neurrirekin. Batetik, baso-erabilera hiru zatitan banatzea proposatzen da, baso bakaneko sasiartea azpikategoria gehituta eta beste azpikategoria bat sortuta: eragin txikiko basoa. Azken hori, hain zuzen, gaur egungo baso-ereduak ibai-ubide edo -buruetan sortutako eraginak murrizteko premiak ekarri du; izan ere, higadura-arazoak, monotonia biologikoko arazoak eta erresilientzia txikiko arazoak sortzen ditu. Hala, kategoria berri bat sortzea proposatu da, txoko ahulenetan edo ahalmen ekologiko handieneko bazterretan aipatutako eraginak saihesteko helburuarekin.

Bestalde, baldintza gainjarri batzuk txertatzeko premia ere proposatu da, indarrean dagoen legediak eta jasotako txosten sektorialek xedatzen duten moduan. Kasu batzuetan, hainbat dokumentu sektorialetan xedatuta dagoen moduan, aipatutako baldintzak toki-tokiko zehaztasunez definitu dira. Esate baterako, paisaia-balio handiko lurzorua, Durangoko LZPk definitutako lurzorua barne hartzen duena (Miñota auzoa eta ingurua), eta horri lurzoruaren erabilera-egokitasunari buruzko dokumentuan hautemandako guneak gehituko zaizkio. Eta gauza bera gertatzen da korridore ekologikoen kategoriarekin. Lurraldeko (Goierri) korridore ekologikoen proposamenari landaresiak eta tokiko korridore txikiak gehitu zaizkio. Eta, halaber, Ingurumen Sailaren erreferentziazko dokumentuan eta URA Uraren Euskal Agentziaren txostenean proposatutako bestelako baldintza batzuk ere gehitu zaizkio. Horren adibide ditugu Kantauri Ekialdeko Plan Hidrologikoak eguneratutako uholde-arriskua duten eremuen kasua edo Aixolako urtegia zein ibai eta erreken LZPk xedatutako gainerako iturburu eta ur-biltzeak babestearekin lotutako kasua. Eta, bidenabar, bisoi europarra babesteko eremuen kasua ere bada, horiek ere baldintzen zerrendara gehitu baitira.



90

7.7. proposamena – Sallabente-Olarreaga lurzorua okupatzeko estrategia.

Hautatutako aukera: 2. alternatiba/ Ego Ibaiaren Ibai Parkea.

Lehenik eta behin, ikus dezakegu Ingurumen Iraunkortasunaren Txostenaren (IIT) arabera, 0 aukerak (oraingo 15 EUri eutsi behar zaiola dioena) ERAGIN LARRIA duela ingurunean, eta ez zukeela zuzentze-neurririk onartuko; batik bat, balio handikoak diren eta artifizializatu gabe dauden lurzoruak zuzenean suntsitzen dituelako. URA Uraren Euskal Agentziak, era berean, jakinarazi du proposamen hori ez dela egokia. Adierazi du uholde-arriskua duten eremuen gainean daudela batzuk, UBAE gunean; alegia, uholde-arrisku handia izan dezakeen eremuan. Jarduera horrek, hain zuzen, balio estrategiko handiko lurzoruei eragiten die (ordoki alubial bat eratzen duenez, nekazaritza-balio handia dutenei) eta baita landaredi eta habitat babestuei ere. Ego ibaiaren meandroa, gainera, puntu horretan, Bisoi Europarraren Lehentasunezko Banaketa Gunean dago txertatuta (Mustela lutreola). Gune hori, bestalde, Ustezko Gune Arkeologiko izendatu du Eusko Jaurlaritzako Kultur Ondarearen Zerbitzuak. Eta ondorioz, areagotu egingo litzateke eragin maila.

Hirigintza-ikuspegitik, ez da justifikatzen tamaina horretako lurzoru industriala sailkatzeko premia; beraz, baztertu egin behar da 0 alternatiba. Aukera hori alde batera utzita, lurzoru urbanizaezinerako proposatutako beste bi aukeretako bat hautatu beharko da, bi horietako bakar batek ere ez baitu ondorio nabarmenik eragingo ingurunean, IITren arabera. 2. alternatibari dagokionez, Ego ibaiaren ibai-eremuaren ingurumen-ezaugarriak birgaitzeko eta hobetzeko proiektua denez, eta ingurumen- zein gizarte-hobekuntzak dakartzanez, ERAGIN POSITIBOA duela erabaki da, eta 1. aukeraren baldintzak hobetzen dituela.

Hirigintza-ikuspegitik ere 2. alternatibak dirudi egokiena, hobekuntza nabarmena ekarriko bailieke Sallabente eta Olarreaga auzoei. Horrenbestez, 2. alternatiba hautatu da, eta era horretan, espazio libreen sistema orokorra sortuko da lurzoru urbanizaezinean. Alabaina, aipatutako Ibai Parkea egikaritzeko lana, eskualdeari eragiten dionez, zerikusia duten hiru udalen erabakiz egin beharko da.

7.8. proposamena – Hiri-berrikuntzarako eremua, Olarreagan.

Hautatutako aukera: 3. alternatiba/ Jarduera ekonomikorako eremua, sarbide berriarekin.

Ingurumen-ikuspegitik, IITn jasota dago alternatiba guztiek antzeko okupazioa proposatzen dutela lurzorurako. Lurzoru hori dagoeneko dezente artifizializatuta dago; beraz, ez dute eragin nabarmenik ingurunean. Nolanahi ere, argi dago egikaritzeko kontuan eduki beharko liratekeela Ego ibaian eta Ibur errekan izango dituzten ondorioak. Kontuan hartu beharko da, halaber, Bizkaiko Lurralde Historikoari begira Bisoi Europarraren Kudeaketa Planean xedatutakoa.

Hirigintza-ikuspegitik, alde batera utzi behar da 0 alternatiba; izan ere, begien bistakoa da gune hori berrantolatzeko eta auzoa zirkulazio astunetik babestuko duen sarbide berri bat sortzeko dagoen premia. Era berean, alde batera utzi behar da 2. ere; alegia, bizitegietarako hiri-eremu bat sortzea proposatzen duena. Izan ere, azpiegiturek eragindako ondorioak eta hiri-bilbetik urrun egoteak era horretako erabilerak baztertzea aholkatzen dute (arrazoi horregatik geratu



91

dira etxebizitzak hutsik). Ondorioz, 3. alternatiba da hautatutakoa: unibertsitatearekin lotuta, jarduera ekonomikorako eremu bat proposatzen duena. Alternatiba hau 1. aukeraren nahiko antzekoa da, baina lehendik dauden eraikuntzetatik sarbide bakartuago bat proposatzen du (eraikuntza batzuek ondare-balioa dute), horiek ere eremuan txertatzeko aukerarekin. Era berean, azalera handiagoa proposatzen du, Ibur errekarekiko mugara hurbilduta. Hartara, urertza hobetzea izango da helburua, berdegune txiki bat sortuta.

8. proposamena – Herriguneko lurzorua okupatzeko estrategia.

Hautatutako aukera: 2. alternatiba / Hiri-berrikuntza.

Lehenik eta behin, 1. alternatiba aztertuko dugu; lurzoru urbanizaezinean hazkundeak proposatzen baititu.

Aranguren BS: IITren arabera, jarduera honek ERAGIN LARRIA izango luke, eta ez lituzke onartuko zuzentze-neurriak. Izan ere, nekazaritza-balioa duten eta artifizializatu gabe dauden lurzoruak zuzenean suntsitzea ekarriko luke; baita Batasunaren intereseko habitat bat suntsitzea eta errekekin lotura duen eremu bati eragitea ere. Bide beretik, ikus dezakegu guneko lurzoruaren erabileren egokitasunari buruzko dokumentuan, nekazaritza-erabileretarako eta Aranguren errekaren alboko eremua zaintzeko benetan egokia den gunetzat jo dutela. Alabaina, lehendik dagoen eraikuntza industriala berrantolatzeko premia dagoela jaso dute, eta horretarako, lurzoruak duen kutsadura desagerrarazi beharko litzatekeela.

Horrenbestez, baztertu egin da hazkunde hori bultzatzea. Hirigintza-ikuspegitik, bestalde, handitze horrek ez dio erantzuten inolako estrategia-interesi. Hiri-lurzoruan ere ase daitezke dauden bizitegi-premiak, eta beraz, ez dago inola ere justifikatuta.

San Andres BS: IITren arabera, jarduera honek eragin BATERAGARRIA izango luke; betiere, KONPENTSAZIO-NEURRI egokiak hartuz gero, urbanizatu beharreko gainazal batzuetan eragindako gorabeherengatik (baratze-gunea). Oso gune egokia da nekazaritza-erabileretarako; horregatik, gainazala galtzeak nekazaritzarekin lotutako konpentsazio-neurriak izan beharko lituzke.

Hirigintza-ikuspegitik argi dago San Andres auzoa erdigunearekin lotzea, zalantzarik gabe, alderdi estrategikoa dela honako HAPO honetan. Nolanahi ere den, ohartu gara trenbideak jartzen duen oztopoa oso zaila dela gainditzeko hirigintza-proposamen integratzaile batekin. Trenbide gainetik igarobidea jartzeak hirigintza maila ezegokiak eta egikaritze-kostu benetan garestia dakartza berarekin; batik bat kontuan izanda bide-zati hori aurki desagertu egingo dela. Igarobidea azpitik jarriz gero, berriz, gune arriskutsua sortuko litzateke espazio publikoan; izan ere, jende gutxi igarotzen den tokian joango litzateke, eta mailari begira, auzotik oso behera.

Aintzat hartu behar da aipatutako sarbideek ere ez luketela konponduko auzoarekiko lotura; izan ere, gaur egun bi industria-habearte daude, auzoko barneko espazioekin zuzeneko lotura eragozten dutenak.

Horregatik, erabaki da oraingo baldintzetan, aipatutako hazkundeak ez lituzkeela konponduko auzoak dituen arazoak. Horrenbestez, proposatu da proposamen hau aurreragorako uztea, bidea azkenean zertarako erabiliko den erabaki arte, eta hartara, auzoarentzat plangintza orokorra egin ahal izateko, plaza publikoraino. Proposamen honekin batera,



92

errekako estaldurak desagerrarazi beharko lirateke eta Ibai Parke bat osatu, San Andresko plaza ikastetxe-eremuarekin lotzeko. Espazio horrekin lotuta, eraikuntzen egikaritzeak ukitutako hiri-baratzeak birkokatu ahal izango dira.

Horregatik, ingurumen- eta hiri-baldintzak direla tarteko, 1. alternatiba baztertu egin da. Geratzen diren beste bi alternatiben artean, antzeko eragin negatiboak baitituzte biek, 2. alternatiba hautatu da; izan ere, arestian azaldutako proposamenen bitartez ingurumen- eta gizarte-eragin positiboak ekarriko ditu.

ONDORIOZKO EGITURA OROKORRA

LURZORU URBANIZAEZINAREN KATEGORIZAZIOA Behin IITn jasotako zehaztapenak aintzat hartuta, lurzoru urbanizaezinaren honako kategoria hauek sortu dira (ikusi A10a PLANOA):

Babesa.

• Babes bereziko gunea.

• Ingurumen-hobekuntzarako gunea.

• Azaleko urak babesteko gunea.

Basokoa eta nekazaritza zein abeltzaintzakoa.

• Basogunea.

• Eragin txikiko basogunea.

• Baso bakaneko sasiartearen basogunea.

• Nekazaritza- eta abeltzaintza-gunea eta trantsizioko landazabala.

• Nekazaritza- eta abeltzaintza-gunea eta balio estrategiko handiko landazabala.

Lurzoru urbanizaezinaren sistema orokorrak.

• Espazio libreen sistema orokorreko gunea (Ego Ibaiaren Ibai Parkea).

• Komunikazioetarako sistema orokorreko gunea (bideria, trenbidea eta oinezkoen zein bizikleten bidea).

• Zerbitzu-azpiegituren sistema orokorreko gunea (azpiestazio elektrikoa, zabortegia).



93

Kategoria hauei honako baldintza gainjarri hauek gehitu behar zaizkie:

• Higa daitezkeen eremuak.

• Uholde-arriskua duten eremuak.

• Ur-biltzeak, iturburuak eta Aixolako urtegia babestea.

• Lurraldeko korridore ekologikoa.

• Tokiko korridore ekologikoa.

• Paisaia-balio handiko eremuak.

• Bisoi europarra babesteko eremuak.

ANTOLAMENDU-EREMUEN DEFINIZIOA Jarraian, diagnostiko-dokumentu honen emaitza diren antolamendu-eremuak definituko ditugu. Nolanahi ere, garrantzitsua da nabarmentzea proposatutako mugak gutxi gorabeherakoak direla, eta HAPOren hasierako onarpen-dokumentuak definitu beharko dituela, zehatz-mehatz, horien mugak. Bestalde, komenigarria da aipatzea honako dokumentu honek, oraingoz, ez dituela definitzen kudeaketa-eremuak.

LURZORU URBANIZAEZINA

Gazagako landa-gunearen muga.


Hiri-lurzoru finkatua.

SALLABENTE BHLF.

Helburuak: PS5, PS6, PS7, P2.2, P7.1, P7.2, P7.3 eta P7.4.

Kudeaketa: Finkatua.

Hiri-lurzoru finkatugabea.

Areitioko hiri-berrikuntza industrialerako eremua (Areitio IBE).

Helburuak: PS5, P7.1, P7.4 eta P7.5.

Kudeaketa: Jarduera integratua. HAPOn definitu beharrekoa.



94

Olarreagako jarduera ekonomikoko hiri-berrikuntzarako eremua (Olarreaga IBE).

Proposamenak: PS3, PS5, PS7, P7.7 (2. aukera) eta P7.8 (3. aukera).


Lurzoru urbanizagarria.

IBURERREKA IS SEKTOREA.

Helburuak: P.7.6.

Kudeaketa: Hein batean garatua.

ZALDUAKO HERRIGUNEA

Hiri-lurzoru finkatua.

Herriguneko Bizitegietarako Hiri Lurzoru Finkatua (HERRIGUNEA BHLF).

Helburuak: PS2, PS7, P2.1, P8, P9, P10, P11.1, P11.5, P11.11 eta P12.

Kudeaketa: Jarduera isolatua.

Herriguneko Hiri Lurzoru Finkatu Industriala (HERRIGUNEA HLFI).

Helburuak: PS7, P4.1, P9.2, P9.6, P9.7, P10.14, P11.2 eta P11.6.

Kudeaketa: Jarduera isolatua.

Alde Zaharreko Lehentasunezko Birgaitze Eremua (ALDE ZAHARRA LBE).

Helburuak: PS2, PS7, P9.1, P9.4, P9.5, P9.7, P10.3, P10.6, P10.10, P11.3 eta P12.


San Andresko Lehentasunezko Birgaitze Eremua (SAN ANDRES LBE).

Helburuak: PS7, PS8, P9.4, P9.7, P10.3, P10.8, P10.10 eta P11.4.


Hiri-lurzoru finkatugabea.

Bainuetxeko parkeko bizitegietarako hiri-berrikuntza eremua (Bainuetxeko Parkea HBE).

Helburuak: PS2, PS4, PS7, P2.2, P3.2, P5.1, P5.2, P9.1, P9.3, P9.4, P9.7, P9.8, P10.1, P10.2, P10.3, P10.4, P10.5, P10.9, P10.10, P10.11, P11.7 eta P12.



95


Artia-Geltokiko bizitegietarako hiri-berrikuntza eremua (Artia-Geltoki HBE).

Helburuak: PS2, PS7, P9.1, P9.7, P10.7 eta P11.8.


Aldatzako bizitegietarako hiri-berrikuntza eremua (Aldatza HBE).

Helburuak: P10.3, P10.6, P11.9 eta P12.


Olazar-Armasko hiri-berrikuntzarako eremu mistoa (Olazar-Armas HBE).

Helburuak: PS7, P2.1, P9.4, P9.5, P9.6, P9.7, P10.3, P10.4, P10.9 eta P11.10.


San Andresko hiri-berrikuntzarako eremu industriala (San Andres HBE).

Helburuak: PS8, P10.9 eta P11.11.


Lurzoru urbanizagarria.

1. bizitegi-sektorea (1. BS).

Helburuak: PS7, P9.4, P9.7, P9.8, P10.8, P10.9, P10.11 eta P11.5.

Kudeaketa: Hein batean garatua.



96

HIRI-LURZORUAREN ONDORIOZKO EGITURA OROKORRA Hautatutako aukeren ondorioz, oraingo hiri-lurzoruaren mugei eusten dien lurzoru-okupaziorako estrategia proposatu da, oraingo 15 EUren hein bateko desklasifikazioaren salbuespenarekin (gaizki sailkatuta baitago, hiri-lurzoru gisa). Aldatu egingo da, honetara: SGEC1-Sallabente Ibai Parkeko lurzoru urbanizaezinaren sistema orokorrera. Beraz, ez da proposatzen lurzoru urbanizagarriaren beste inolako hazkunderik, nahiz eta eutsi egingo zaien 1. BS eta IS Ibur-Erreka sektoreei dagozkien lurzoru urbanizagarriei, hein batean baino ez baitaude garatuta. Aipatutako estrategiaren ondorioz, hiri-lurzorutzat jotako lurzoruaren hedapena 5,13 ha murriztuko da. Era berean, lurzoru urbanizaezinen sistema orokorrean txertatuko da Berriz-Zaldibar-Ermua bidegorria (SGC1).

Jarraian, proposamen guztiak kontuan hartu ostean lortutako ondoriozko egitura orokorraren eskema definituko dugu (ikusi A11 PLANOA). Proposatutako gainerako guztiak, berriz, hiri-lurzoruen antolamendu xehatuarekin eta HAPOren garapenean zehaztu beharreko hiri-araudia idaztean definituko dira.

BIZITEGIEN ESKAINTZA KUANTIFIKATZEA Arestian adierazitako irizpideen eta hautatutako aukeren ondorioz, hona hemen HAPOren bizitegi-eskaintzaren kuantifikaziorako lehen proposamena. Balioespen hori gauzatzeko, hiri-lurzoruaren hainbat eremuren eraikuntza-aukerak, kokatuta dauden inguruneko batez besteko garaieretara eta eraikigarritasunetara egokitutakoak, hartu dira kontuan. Lehenengo kuantifikazioa da, dokumentuaren hasierako onespenerako zehaztu beharreko aurrerakin-dokumentu baten zehaztasun maila daukana. Hala, komenigarritzat jo da planaren eremu bakoitzerako muga-tarteak definitzea.

HAPO dokumentua bere horretan idaztean, kudeaketa-eremu bakoitzaren muga zehatzak ezarriko dira. Beraz, ezinbestekoa izango da zerikusia duten urbanizazio-kargen azterketa zehatza egitea, horien bideragarritasun ekonomikoa bermatuta.

EAEko Lurralde Antolamendurako Batzordeak berrikuspen honetarako finkatutako gutxieneko 196 eta gehieneko 391 etxebizitza berriren muga dugu proposatutako kuantifikazioa. Hiri-lurzoruaren barne-eragiketetan soilik oinarritutakoa da, eta etxebizitzaren kuantifikazioa muga-tarte horren beheko zatian finkatzen du. Kontuan eduki behar dugu hein batean soilik garatutako orube eta lursailak (1. BS) osatze hutsarekin, 122 etxebizitza berrira arte eraiki daitezkeela. Eta horri gehitzen badiogu lehendik dauden eraikuntzek duten harrera-ahalmen handia eta ondoriozko familia-tamaina, aise ase daitezke herriaren etxebizitza-premiak.

Hona hemen, zehaztuta, ondoriozko bizitegi-kuantifikazioaren koadroak, 215 eta 265 etxebizitza berriren muga-tartean finkatutakoa. Bestalde, ikusi dugu nola 122 etxebizitza berri libreren kuantifikazioa nahikoa den era horretako etxebizitzen eskaera asetzeko, eta beraz, proposatzen da gainerakoak etxebizitza babestuak ez baizik eta bestelako kategorietan eraikitzea. Horri esker, HAPOk % 50 eta % 60 arteko etxebizitza babestuen ehunekoa izango du, unitate



97

bakoitzaren bideragarritasun ekonomikoaren arabera. Alderdi hori, alabaina, zehaztasunez garatuko da hasierako onespen-dokumentuan.

BIZITEGIEN KUANTIFIKAZIORAKO PROPOSAMENA

HIRI-LURZORU FINKATUETAKO ORUBEAK 12 etx.

1. BS SEKTOREKO LURSAIL ERAIKI GABEAK 110 etx.

BAINUETXEKO PARKEKO HIRI-BERRIKUNTZARAKO 35-45 etx.

ARTIA-GELTOKIKO HIRI-BERRIKUNTZARAKO EREMUA 40-55 etx.

ALDATZAKO HIRI-BERRIKUNTZARAKO EREMUA 3 etx.

OLAZAR-ARMASKO HIRI-BERRIKUNTZARAKO EREMUA 15-40 etx.

ZUZKIDURA-JARDUERAK 0 etx.

GUZTIRA 215-265 etx.