ZURRIOLA IKASTOLA GURASO BILERA LH 4 2018- 2019 · o Informatika hastapenak: Word testu...

2018/19 ikasturtea LH 4. maila

ZURRIOLA IKASTOLA

GURASO BILERA

LH 4

2018- 2019


1. ARLOAK, IRAKASLEAK ETA ORDUTEGIA

2. METODOLOGIA ETA ARLOEN INGURUKO OHARRAK

3. ETXETIK LAGUNDUZ

4. IRTEERAK ETA JARDUERA OSAGARRIAK

5. ZENBAIT BARNE-ARAU ETA OHAR

6. LIBURUEN MAILEGUA

7. OSASUN ARRETA

8. EUSKARAZ BIZI PROIEKTUA

9. GURASOEKIN HARREMANA

10. GURASOEN PARTAIDETZA IKASTOLAN

11. GELAKO GURASO ORDEZKARIAK

AURKIBIDEA


1. ARLOAK, IRAKASLEAK ETA ORDUTEGIA

Ikasgaia Irakasleak Irakasleak Irakasleak

4 A 4 B 4 C

Tutoretza Unai Jone A. Beñat

Txanela Unai Jone A. Beñat

Irakurketa Unai Jone A. Beñat

Gaztelania Unai Jone A. Beñat

Matematika Unai Jone A. Beñat

Ingelera Sara Sara Sara

Gorputz Hezkuntza Unai Jon Jon

Plastika Unai Jone A. Beñat

Musika Igor Igor Igor

Antzerkia Jone Regla Jone Regla Jone Regla

4 A

ASTELEHENA ASTEARTEA ASTEAZKENA OSTEGUNA OSTIRALA

9:00-10:00 TXANELA MATEMATIKA TXANELA MATEMATIKA MUSIKA

10:00-11:00 GAZTELANIA MUSIKA INGELESA TXANELA TXANELA

11:00-11:30

11:30-12:30 GORPUTZ

HEZKUNTZA TXANELA MATEMATIKA GAZTELANIA MATEMATIKA

12:30-14:50

15:00-15:55 TXANELA INGELESA IRAKURKETA/

ORDENAGAILU ANTZERKIA PLASTIKA

15:55-16:50 MATEMATIKA

GAZTELANIA

IRAKURKETA/

ORDENAGAILU INGELESA TUTORETZA


4 B


9:00-10:00 TXANELA MUSIKA MATEMATIKA MATEMATIKA MATEMATIKA

10:00-11:00 INGELESA MATEMATIKA GAZTELANIA TXANELA IRAKURKETA/ORD

ENAGAILU

11:00-11:30

11:30-12:30 MATEMATIKA TXANELA TXANELA INGLESA IRAKURKETA/ORD

ENAGAILU

12:30-14:50

15:00-15:55 GORPUTZ

HEZKUNTZA GAZTELANIA INGELESA MUSIKA PLASTIKA

15:55-16:50 ANTZEKIA TXANELA TXANELA GAZTELANIA TUTORETZA

4. C


9:00-10:00 TXANELA MATEMATIKA MATEMATIKA TXANELA TXANELA

10:00-11:00 MATEMATIKA IRAKURKETA/

ORDENAGAILU GAZTELANIA MUSIKA MATEMATIKA

11:00-11:30

11:30-12:30 MUSIKA IRAKURKETA/

ORDENAGAILU INGELESA GAZTELANIA

GORPUTZ

HEZKUNTZA

12:30-14:50

14:50-15:50 INGELESA GAZTELANIA TXANELA INGELESA PLASTIKA

15:50-16:50 TXANELA TXANELA ANTZERKIA MATEMATIKA TUTORETZA


2. METODOLOGIA ETA ARLOEN INGURUKO OHARRAK

HELBURUAK

Arloetako helburu didaktikoen txostena helarazi zitzaizuen iaz. Txosten

horretan adierazitako helburuak zikloari dagozkio.

IKASKUNTZA KOOPERATIBOA

Ikaskuntza Kooperatiboan talde txikitan lan egiten da ondorengo helburuak lortzeko:

o Berdintasunezko parte-hartzea ahalik eta gehien ziurtatzea.

o Aldibereko elkarreragina indartzea.

Hau kontuan izanik ondorengo alderdiak nabarmendu daitezke:

1. Ikaskuntza Kooperatiboko taldeko kideek erantzukizun bikoitza dute:

irakasleak irakatsitakoa ikastea eta taldekideekin kooperatzea.

2. Irakasleak bi helburu ditu: ikasleek eskolako edukiak ikastea, eta aldi

berean, taldean lan egiten eta solidario izaten ikastea.

3. Helburua geroz eta maizago elkarlanean aritzea izango da .

4. Ikaskuntza kooperatiboa ikasleek ikasi beharreko curriculum eduki bat

gehiago izango da.

IRAKURKETA:

Irakurketak duen garrantzia kontutan izanik, arlo hau ezin da ikastolan

bakarrik landu. Etxean ere landu beharrekoa bada, eta egunero 10-15

minutu irakurtzea komeni zaie. Horretarako, gurasoen partaidetza

beharrezkoa da: animatuz, elkarrekin irakurriz...

Irakurketa etengabe lantzen da euskaraz zein gazteleraz, mekanika eta

ulermena garatzeko asmoz.

BIKOTEKA IRAKURTZEN. Aurten ere proiektuarekin jarraituko dugu LH3, LH4

eta LH5 mailetan. Programa honen helburua irakurketa eta, bereziki,

irakurketaren ulermena hobetzea da eta parekoen arteko tutoretzan

oinarrituta dago.

Astean ordubete eskainiko diogu irakurketa modu honetara lantzeari gela

erdiarekin, beste erdia ordenagailuekin lanean arituko delarik. Saio


hauetan bikotekide batek tutore (irakasle) papera beteko du eta bestea

tutoratua (ikasle) izango da. Ikasle guztiek beteko dituzte tutore zein

tutoratu paperak ikasturtean zehar.

Tutoreak landu beharreko testua etxera eramango du aldez aurretik

prestaketa bat egiteko, irakurketa saioan irakasle papera ongi bete ahal

izateko. Horrela, irakurketa esanguratsua eta motibagarriagoa bihurtuko

da tutorearentzat eta tutoratuaren beharretara hobeto egokituko da.

Horretaz gain, parekoen tutoretzaren bidez lan egitea giza trebetasunen

garapenerako eta ikasleen inplikazio eta ardura areagotzeko metodo

egokia da.

Irakurketa erregistroa aste egitarauan egingo du ikasle bakoitzak.

Bertan hartutako liburuaren izenburua, data eta iritzia apuntatuko ditu.

MATEMATIKA

Pentsamendu logikoari eta problemen ebazpenari garrantzi handia

emango diegu eta tarteka matematika manipulatiboa erabiliko dugu.

Ez dugu ahaztu behar buruzko kalkulua eta biderketa taulak aurten ere

ezinbestekoak direla.

Aurten kalkulagailuaren oinarrizko funtzioak erabiltzen ikasiko dute.

Astean ordubete eskainiko diegu jolas matematikoei.

TXANELA

Metodo globalizatzailearekin jarraitzen dugu, unitateen inguruan eduki eta

prozedurak lantzen ditugu. Honela Ingurunea eta Euskara dira oinarrian

dauden ikasgaiak baina lotura zuzena du Gaztelania, Plastika, Musika,

Antzerkia eta bestelako ikasgaiekin ere.

GAZTELANIA

Ahozko ulermena eta adierazpenak garrantzi handia duten arren, geroz

eta ariketa gehiago landuko ditugu idazketaren ulermena eta

adierazpena indartzeko.

INGELESA

Gurasoen laguntza ezinbestekoa da etxerako lanen jarraipena egiteko.

Etxean bete beharreko lanak “Register Book”-ean zehaztuko ditugu eta

gurasoen sinadura eskatuko dugu.

INFORMATIKA

Astean 2 orduz erabiliko dugu:

o Euskaran: “Bazter guztiei begira - II”

o Matematikan: “Morgan eta Xarpa”

o Ingeleran: “Space Search”


o Informatika hastapenak: Word testu prozesatzailea eta interneten

informazio bilaketa.

Ezinbestekoa da kaskoak gelan edukitzea eta xagua ekartzeko aukera

ere badute.

GORPUTZ HEZKUNTZA

Egun horretan kirol arropa ekarri beharko dute.

Ikasleren batek soinketa egiterik ez balu, idatziz justifikatu beharko da aste-

egitarauan.

MUSIKA

Iaz hasitako metodologiari jarraipena emanez, tarteka txokotan arituko

dira beraien kabuz gaitasun ezberdinak landuz: mugimendua, sormena,

irakurketa, interpretazioa eta entzumena. Horretarako Vivace eta

Txanelako materiala erabiliko da.

ANTZERKIA

Talde osoarekin landuko da batzuetan, talde txikietan besteetan, eta

helburuak betetzeko jarduera desberdinak izango dituzte.

Helburuak: Bizitzarako konpetentziak lantzea antzerkia tresna bezala

erabiliz: emozioak, auto-kontzeptua, hizkuntza adierazpena, gorputz

adierazpena, parte-hartzea, talde lana eta talde kohesioa.

Antzerki-lan batean parte hartzen duten eragile desberdinen rolak poliki-

poliki landuko diren arren, helburua ez da izango antzerki-lan baten

erakustaldia.

ERREFORTZU SAIOAK

Ikas-prozesuan zailtasun puntualak agertzen dituzten hainbat ikasleei

errefortzu saioak eskainiko zaizkie talde txikitan (irakurketa/idazketa eta

matematika).

Astean 4 eguerditan 30 minutuko saioak izango dira, 12:30tatik 13:00etara.

Kurtsoan zehar errefortzuko taldea alda daiteke, ikasleen zailtasun eta

aurrerapenen arabera.

ASTE-EGITARAUA

Ikasleak bere lanak antolatzeko tresna izaten jarraitzen du, eta gurasoek

horren jarraipena egitea behar-beharrezkoa da oraindik ere.

GELAKO MATERIALA

Zorrotxoa: barruan arkatza, gorri-urdina, borragoma eta txorroskiloa soilik

izan behar dute.

Guraizeak, erregela eta kola ere ekarri behar dute, baina hauek, gelan

jasoak izango ditugu beraien eskura.

Margoak: ikastolak eskaintzen ditu, hala ere, norberak bereak ekar

ditzake, baina beste zorrotxo batean gordeta.


3. ETXETIK LAGUNDUZ

Jakina den bezala gurasoen laguntza ezinbestekoa dugu ikasleen hezkuntzan

eta, hain zuzen ere, gure zikloari dagokionez, lan-aztura egokiak eta jarrera

baikorrak garatzea oinarrizkoa deritzogu. Horregatik, honako puntu hauetan arreta

berezia jartzea eskatzen dizuegu:

Etxerako lanak:

o Aste-egitarauaren jarraipena egin behar da, seme-alabei lanak

egin behar dituztela gogorarazi eta egin dituztela ziurtatu.

o Bertan idatzita eramango dituzte etxerako lanak. Idatzita dagoen

egunerako egin behar da lana. (EGIN/BUKATU)

o Ahal dela, toki eta ordu berean egin ditzatela.

o Ez utzi azken unerako/bezperarako.

o Ardura ikaslearena da eta autonomia garatzen lagunduko dio.

Irakurketak ikasketa prozesuan duen garrantzia kontutan izanik, ikasleek

etxean irakurketari egunero tarte bat eskaintzea beharrezkotzat jotzen dugu

(10-15min.).

Materialaren antolaketa:

o Ordenaren jarraipena: Koadernoak, liburuak, zorrotxoa, motxila...

Motibazioa:

o Gelan lantzen diren gaiekiko interesa erakutsi.

Euskaraz bizi:

o Euskal komunikabideak kontsumitzera eta aisialdian euskarazko

jarduerak egitera animatu.

Eskolaz kanpoko jarduerak:

o Ikasle bakoitzaren beharrak desberdinak direla kontutan hartu.

o Jarduera kopurua hausnartu eta baloratu.

o Lehentasunak gurasoek markatu.


4. IRTEERAK ETA JARDUERA OSAGARRIAK

Irteerak eskola-jarduerak dira eta ikasle guztiek hartuko dute parte. Norbaitek

etortzerik izango ez balu, edozein asistentzia hutsa bezala justifikatu beharko lukete

gurasoek, eta jakin bezain laster adierazi, taldearen antolaketa oztopa ez dezan.

Egingo diren irteeretan ikastolako eremutik atera ahal izateko bidali dizuegun

baimen idatzia bete eta ematea eskatzen dizuegu.

Ikasturte honetan egingo ditugun jarduera osagarriak eta irteerak hauek izango

dira :

4. mailan aurreikusten ditugun irteerak hauek izango dira:

Txanela proiektuarekin lotutakoak: 1.hiruhilekoan : Usurbil (urriaren 18an),

Albaola (azaroan); 2.hiruhilekoan: Ordiziako azoka (Urtarrilaren 16an), UBIK

(otsailean eta martxoan) Uliako ur biltegiak (martxoan).

EOS eskola kontzertua: urtarrilaren 22an.

3 eguneko irteera: Lizarrara (ekainarenen 3, 4, 5-a)

Bestelakoak: Antzerki emanaldiak, parkea...

Zinema euskaraz: TINKO-ren eskutik martxoaren 26a

Zinemaldia : irailaren 26a

Antolatutako beste jarduera, ekitaldi eta ospakizunak:

Ikastolaren 50. Urteurrena: urrian.

Euskararen eguna: abenduaren 3an.

San Tomas: abenduaren 20an.

Olentzero: abenduaren 24a.

Danborrada: urtarrilaren 18an.

Kaldereroak: otsailaren 1ean.

Inauteriak: martxoaren 1ean.

Ikastolaren eguna: maiatzean.

Bide Heziketa (martxoaren 25tik 29ra)

Igeriketa ikastaroa

Bigarren zikloko ikasle guztiek ikasturtean zehar 15 bat egunez igeriketako

ikastaroa izango dute ondoko datetan:

Abenduaren 10, 11, 17, 18 eta 19.

Otsailaren 4tik 7ra.

Apirilaren 8tik 12ra.


Bertan haurrek, segurtasunez eta beldurrik gabe, uretan mugitzeko eta

gozatzeko gaitasuna eskuratzen dute.

Igeriketaren ikasketa, ikasle zaharragoen eskutik egiten dute gainera. Kiroletako

begirale izateko lanbide heziketako ikasketak (GKAI) egiten ari diren Zurriolako

ikasleen eskutik egiten dute. Honek hainbat abantaila eskaintzen ditu:

Ariketak eta ebaluazio adierazleak, lanbide heziketako igeriketa

ikasgaiaren proiektuan landuta egongo dira.

Irakasle ratioa ohikoa baina handiagoa da, 10-12 haurrentzako 2 begirale

egongo dira.

Hurbiltasun handia eta irakaskuntza pertsonalizatua eskaintzen dute

begiraleek.

Haurrek bere mailara egokitutako ariketak egingo ditu.

Ariketa analitikoak erabili beharrean, jolasean oinarritutako ariketa

globalen bidez ikasiko dute.

5. ZENBAIT BARNE-ARAU

Ondoren aipatuko ditugun arauak ikastolaren eguneroko funtzionamendurako

ipinitakoak dira. Arau horiek elkarbizitza eta ikastolako helburuen lorpenera

bideratuta daude. Ondorioz, guztiok errespetatu eta errespetarazi behar ditugu.

Euskara: Ikastolan eta ikastolako jarduera guztietan euskaraz hitz egingo dugu,

eta gure ingurukoei ere euskaraz hitz egin dezaten eskatuko diegu.

Puntualitatea: gelara garaiz iritsi behar da, saioa bere orduan hasteko .

Asistentzia-hutsak: ahal den guztietan aste egitarauan aurrez idaztea eskatzen

dizuegu. Asistentzia huts horiek ebaluazio amaierako informeetan adieraziko

dira.

Autobus zerbitzua erabiltzen duten ikasleentzat: aldaketaren bat dagoenean

irakasleak edo autobusaren arduradunak jakinaren gainean egon beharko du.

Autobus geltokian haur baten arduraduna ez badago, haur hori ikastolara

bueltan eramango dugu.

Arropetan izena: ikasleen arropetan izena ipintzea beharrezkoa da. Izenik gabe

aurkitutako arropa atariko apaletan eskuragarri egongo da.

Jolaserako atariko materiala: aurten, arrazoi pedagogikoei so eginez, atarian

(goizeko zaintzan, hamaiketako garaian eta eguerdian) ikasleak jolasean

aritzeko materiala Ikastolak eskainiko du. Beraz, eskatzen dizuegu, urritik aurrera

zuen seme-alabek ikastolara jostailurik ez ekartzea (kromoak, baloiak, zibak,

errubik kuboak, panpinatxoak …). Jostailuren bat ekarri beharko balute

arratsaldeko 5etatik aurrera jolasean aritzeko, beraien motxiletan gordeta izan

beharko dute ikastola-eguna amaitu arte.


Patineteak, bizikletak eta bestelakoak: hauetako edozein ibilgailu ikastola

barnean erabiltzea debekatua dago.

Ikasleen irteeren antolaketa: gogorarazi nahi dizuegu Ategorrietako eraikuntzan

arratsaldez ordutegi desberdina dugula eta arratsaldez 16:50ean amaitzen

dugula. Horregatik, zuen seme alabak ordu horretan jaso behar dituzue.

17:00etatik aurrera ikasleren baten bila inor etorri ez bada, idazkaritzan egongo

da zain. Gurasoren batek bere seme edo alabari bakarrik irteteko baimena

eman nahiko balio, lehenbailehen baimen-eskaera orria betetzea eskertuko

genuke. Irteteko baimena duten ikasleek idazkaritza ondoko atetik aterako dira

egunero.

Atariaren irekiera eta itxiera:

o Atea 8:45, 12:30, 14:45 eta 16:50ean irekiko da.

o 18:00etan atea itxiko da.

6. LIBURUEN MAILEGUA

Aurten mailegu sisteman ditugun liburuak hauek dira:

o Lengua Castellanako 6 liburuxkak.

Liburu hauen zaintza ikasleen ardura da, ikastolan geldituko baitira datozen

urteetan erabili ahal izateko.

7. OSASUN ARRETA

Aurretik osasun-fitxaren bitartez adierazi zenigutena aplikatuko dugu aurten

ere ikasleei botika eman eta dagokien osasun arreta eskaintzeko garaian. Orduz

geroztik aldaketaren bat eman bada (ikaslearen osasun egoera, har ditzakeen

botikak…) lehenbailehen tutoreari adierazi, dagokion informazio-orria bete eta

medikuaren agiria ekarri beharko duzue.

8.EUSKARAZ BIZI PROIEKTUA

Zurriola Ikastolako sorrera-helburua euskara eta euskal kulturaren transmisioa eta

sustapena dira. Bikain ziurtagiria lortu berri, Ikasturte honetan gure Hizkuntz Plan

Estrategiko berria jarriko dugu martxan. Euskaraldia-ren sustatzaileak gara, aurten

Korrika badator eta, hori gutxi balitz, urriaren 8an Zurriolak 50 urte beteko ditu...

Proiektu honen helburu nagusia ikastolako partaide guztiengan, ikasle, langile

eta gurasoengan euskararen erabilera sustatu eta eragitea da. Helburua partaide

guztien artean euskara normaltasunez erabiltzea da. Horretarako plangintza

zehatzak bultzatzen ditu proiektu honek.


Irakasle eta langile guztiok konpromiso argia hartzen dugu proiektu honen alde

eragiteko, baita dagozkigun arloetan formazioa hobetzen jarraitzeko ere.

Gurasoen kasuan, ikasleen hizkuntza erabileran familiak duen garrantzia bereziki

azpimarratu nahi dugu. Horren harira, Ikastolako Gurasoen Euskara Batzordeak

prestatutako dekalogoa ikastolako webgunean duzuela gogorarazten dizuegu

(Olarrizu atalean). [email protected].

Guraso euskaldunek beren artean euskara erabiliz modurik eraginkorrena dute

seme-alabengan ahalik eta hizkuntza erabilera eta gaitasun onena ziurtatzeko.

Zaindu hizkuntza ikastolako atarian, mesedez.

Guraso erdaldunek ere, euskararekiko interesa erakutsiz eta seme-alaben arteko

euskarazko erabilerak oro har sustatuz (euskarazko komunikabideak adibidez),

seme-alaben euskararen erabileran modu positibo batean eragin dezakete. Zer

esanik ez euskara ikastera animatzen badira.

9.GURASOEKIN HARREMANAK

Gela osoko bi bilera egingo ditugu : Bat kurtso hasieran eta bukaeran bestea.

Banakako bilerak bi egingo ditugu : 1. hiruhilekoan edo 2. hiruhilekoaren hasieran

bat eta kurtso bukaeran bestea .

Bilera osagarririk behar izanez gero, aste-egitaraua erabiliko dugu hitzorduak

jartzeko edo adosteko.

Presazkoak ez diren oharretarako irakasleen e-posta erabili dezakezue:

Unai Arregi: [email protected]

Jone Arrizabalaga: [email protected]

Beñat Apalategi: [email protected]

Bestalde, aholkularitza eta koordinazio zerbitzua erabil dezakezue bestelako

kontsultak egiteko:

- Aholkularia: Eider Beraza [email protected]

- LH-ko koordinatzailea: Esther Amondarain [email protected]

10. GURASOEN PARTAIDETZA IKASTOLAN

Gurasoak Zurriola IKE kooperatibako partaide nagusiak izanik, Ikastolaren

norabide estrategikoaren ardatza dira, besteak beste, Batzarra edota Artezkaritza

Kontseiluaren bidez. Aldi berean, gurasoek partaidetza hori areagotzeko aukera

dute Olarrizuren bidez. Olarrrizu IGE, Zurriola Ikastolako ikasleen guraso-elkartea da.

mailto:[email protected]






Ikastolaren kooperatiba-izaera bultzatu nahian, bazkide guztion partaidetza sustatu

nahi du, bi helbururekin: ikastola osatzen dugun kolektibo guztien arteko harremana

sendotzea eta, auzolana bultzatuz, gure seme-alabentzat eredu izatea.

Horretarako, ikasturtean zehar, hainbat lan banatzen dira maila ezberdinetako

gurasoen artean: San Tomaseko txosna jartzea, maiatzeko festa antolatzea...

Bestalde, gurasoek seme-alabekin gozatzeko beste hainbat jarduera ere antolatzen

dira: Zurrimendi mendi taldea, Danborrada… edota euskara bultzatzeko Guraso

Euskara Batzordea.

Lan horiek guztiak koordinatzeko, batzordeak osatu dira. Batzorde horietan

gurasoak dabiltza, jo eta su, ahal den neurrian jarduera hauek antolatu eta hobetu

nahian. Batzordeak proposamenak egin eta lantzeko prest dauden guraso

guztientzat daude irekita, ikastola GUZTIOK, GUZTIONA, GUZTIONTZAT baita.

[email protected] [email protected]

Bestalde, aurtengo ikasturtean ere gurasoentzat hainbat ikastaro eskaintzeko

asmoa dugu. Gaiak eta datak jakin bezain laster haien berri emango dizuegu.

Urtero bezala, aurten ere Gurasoentzat euskara ikastaroa eskainiko da.

11.GELAKO GURASO ORDEZKARIAK

Gurasoen partaidetzarekin jarraituz, gela bakoitzean guraso ordezkari bana

eta ordezko bat aukeratuko da. Ordezkari horiek bitartekari lanak egingo dituzte

ikastola eta gurasoen artean ikasturteko harremanak ahalik eta egokienak izan

daitezen. Hori dela eta, ikastolarekin eta ikastolarentzat lan egiteko prest dauden

guraso dinamikoak eta boluntarioak behar dira. Guraso hauek beste gurasoak

dinamizatu, koordinatu, proposamenak jaso, bideratu eta tutore, kudeaketa talde,

zuzendaritza pedagogiko eta Artezkaritza Kontseiluko kide eta Batzordeen arteko

harremana sustatu eta zainduko dute.

Urterokoak diren ikastolako ekintzetan ere beste mailetako gurasoekin

laguntza bideratzeko zubi-lanak egin ditzakete ordezkari hauek, Artezkaritzatik eta

batzorde desberdinetatik bideratuko den sare baten bidez, (Santomasak,

Danborrada, Ikastolaren Jaia, Olarrizu guraso elkarteak antolatu ohi dituena…).

Guraso boluntariorik ez balego, ikasturte hasierako guraso bileran zozketaz

aukeratuko dira guraso ordezkariak eta ordezkoak. Zozketatik salbuetsiko dira

lehendik ordezkari izandakoak.



ZURRIOLA IKASTOLA GURASO BILERA LH 4 2018- 2019 · o Informatika hastapenak: Word testu...

Documents

Transcript of ZURRIOLA IKASTOLA GURASO BILERA LH 4 2018- 2019 · o Informatika hastapenak: Word testu...