Zurekin TOLOSA garafiskalki arduratsua eta ezinbestean inguruarekiko jasangarria. Baliabide eta...

1

2019-2023Programa

ZurekinTOLOSA gara

Tolosa

2

ZurekinTOLOSA gara

3

2019-2023Programa

Gizarte politika

Sozioekonomia

Hirigintza

Kultura

Berdintasuna

Osasungintza

Gazteria

Ingurumena

Hizkuntza politika

Kirola

Hezkuntza

Aniztasuna eta migrazioa

Bizikidetza

Parte hartzea

I01

I02

I03

I04

I05

I06

I07

I08

I09

I10

I11

I12

I13

I14

04

06

08

10

12

14

16

18

20

22

24

26

28

30

4

ZurekinTOLOSA gara

Gizarte politika | 01

Diagnostikoa eta kokapena

Tolosar guztientzat nahi dugu herria, duintasun eta aukera berdinekin kolore, gaitasun, jatorri eta edozein desberdintasun tarteko delarik ere; hitz batean, gizarteko desoreken eta berdintasunik ezaren aurka joateaz haratago, herri inklusibo eta demokratikoa izatea bilatzen dugu ehuneko ehunean. Pertsonen garapen integrala ahalbideratuko duena, kohesio soziala eta elkarbizitza positiboa oinarri izanik.Horrek, askotan botere publikoen aldetik erronka bat suposatzen du eta EH Bilduren asmoa pertsonen bizitza duin bat bermatuko duten neurriak sustatzea da. Gizarte politika egonkorrak ezarri, aintzakotzat hartuz bizitzaren garai bakoitzean pertsonen beharrak maila eta ikuspegi ezberdinekoak direla (ekonomikoak, osasunezkoak, babes sareetakoak, autonomia pertsonalekoak, harreman sozialena, etab.). Herritar osoak, herri anitz eta abegikor batean.

Helburu orokorra

Gizarte politikak eskubide unibertsal eta subjetibo gisa ulerturik, desorekak ezabatzeaz gain, persona , tolosar guztien duintasunezko bizi kalitatea bermatzea du helburu EH Bilduk. Aniztasuna eta dibertsitateak, pertsonen garapenean oztopo ez baino, aurre egiteko aukera berrien ataka gisa ulerturik. Erdigunean pertsona eta kontestua herria. Bitartekoak, udaletik eta erakundeetatik harturiko neurriak eta politikak izango dira.

Ildo orokorrak eta neurriak

- Tolosaren diagnostiko soziala egin. Tolosarron egoera zehazki ezagutu hartu beharreko neurriak modu eraginkorrean hartu ahal izateko.

- Tolosar guztien duintasunezko bizi kalitatea bermatze aldera udal laguntzak herritar gehiagorengana iristea.

- Gizarte Zerbitzuetako Legediaren ondorioz Udalak dituen eskumenak kalitatez eman daitezen bermatu:

• Abegi etxearen egokitzea, eta eguneko eta gaueko zerbitzuak.• Menpekotasun arina dutenentzat eguneko arreta zerbitzua.

- Erakunde eta eragile ezberdinekin harremanak saretu.- Tolosa “etxegabetzerik gabeko” herri izendatu.- Tolosa “Herri inklusibo” bat dela ulertu eta ikuspegi

hori, ekintza guztien ardatz bilakatu. Pertsona ezberdinek osaturiko gizartearen balioa sustatu. Mendekotasun edo dibertsitate funtzionala, edota bestelako berezitasunik duen pertsona guztiengana iristen saiatu eta beren errealitateari erantzuteko prestutasuna izan.

- Zaintzaile ez-profesionalei beren premiei buruzko balioespen bat jasotzeko eskubidea aitortzea, erabiltzailearen premiak edozein izanik ere, eta herritar horiei laguntzeko zerbitzuak garatzea: laguntza psikologiko eta teknikoa, prestakuntza, atseden hartzeko programak, etab.

- Kalitatezko zerbitzu publikoen aldeko apustu garbia egin, 3. sektorearekin batera elkarlan estua sustatuz.

- “Boluntarioari” bere garrantzia aitortu publikoki, horretarako bereziki antolaturiko ekintzen bidez. Boluntarioen astea.

- Arreta zerbitzuen kalitate ona bermatu. Larritasunean datozen pertsonen lehen aukera udala izanik, garrantzi handikoa da lehen kontaktua.

- “Zurrumurruei stop” bezalako aurrerapausoak balioan jarri eta sentsibilizazio kanpainak egin.

- Elikagai banku eta bestelako behar sozialei erantzuten dien herriko taldeekin elkarlana sustatu eta babesa eman.

- Nazioarteko lankidetza helburu hartu, elkartasunetik eta mundu globalizatuaren ikuspegi batetik.

6

ZurekinTOLOSA gara

Sozioekonomia | 02

Diagnostikoa, kokapena

Industria, Elikadura burujabetza, Ekonomia zirkularra eta tokiko merkataritza oinarrizko zutabeak dira guretzat. Tokiko ekonomia bultzatzeko arloarteko estrategiak garatzeko konpromezua hartzen dugu. Teknologikoki aurreratua eta produktiboki espezializazioan dibertsifikatua izango den ehun industriala izatea da gure helburua, sozialki bidezkoa, fiskalki arduratsua eta ezinbestean inguruarekiko jasangarria. Baliabide eta materialak galduko ez diren ekonomia zirkularrerantz joan nahi dugu eta erregai fosilak berandu baino lehen atzean utzi nahi ditugu. Ahal den neurrian, ez dugu inongo baliabide berriztagarririk erabiliko bere berritze tasaren gainetik eta bide berean, ez dugu inongo baliabide ez berriztagarririk erabiliko baldin eta ezin badugu erabat berrerabili edo berziklatu. Etengabeko hazkundean oinarritzen den ekonomiatik urrundu eta hazkunde jasangarrirantz joko dugu.

Bestaldetik, Tolosaldean, tokiko elikadura sistema garatzeko egiturak sortzeko apustua egingo dugu eta bertako merkataritza eraberritzeko eta bultzatzeko plan estrategikoa burutuko dugu. Herriko dendak funtsezkoak dira dugun herri eredu biziarentzat. Horiek gabe kaleak hustu eta herri izaera galduko genuke. Horregatik, herrian eta bertako produktuak erosteko kontzientziazio ekimenak bultzatuko ditugu eta ikastetxeetan kontsumo ereduak lantzeko unitate didaktikoak sortzeko prozesua abian jarriko dugu ( hurbileko kontsumitzaile arduratsua bultzatuko dugu). Txanpon lokalak herriko merkataritza suspertzeko oso tresna baliagarriak direla esperientzia ugaritan egiaztatu da. Tolosan holakoak sortzeko aukera aztertuko dugu.

Tolosako ikastetxeetan egunero 1.000 otordu baino gehiago zerbitzatzen dira. Eskola jantokiak bertako elikagaiz hornituko balira, landa-guneetako ekonomia biziberritu eta gure gazteen osasuna hobetuko litzateke. Ikastetxeei zein inguruko ekoizleei ideia hau egia bihur dadin behar duten laguntza emango diegu.

Helburu orokorraTokiko ekonomia bultzatzeko arloarteko estrategiak garatzea, Lehen Sektorea, industria, merkataritza lokala, ekintzailetasuna eta turismoa sustatuz, eskualdeko agenteekin batera.

Ildo orokorrak eta neurriakLehen sektoreaLehen sektorea zaindu eta indartzea funtsezkoa da. Lehen sektorea, garapen ekonomikoaren zati izatetik harago, gure kultur nortasunaren oinarri izaki, mantendu eta indartzea ezinbestekoa da. Bide horretan hauek dira EH Bilduk proposatzen dituen esku hartze zehatzak:

• Eragile guztiekin elkarlanean, lehen sektorea sustatzeko plan integrala egin.

• Tolosako (eta Tolosaldeko) ekoizleen zentsoa egin. Kopurua, tamaina, adina, erreleborako egoera.

• Emakumeak zein gazteak sektorean sartzeko programak abiarazi. Fraisororekin elkarlana indartu.

• Nekazaritzarako lur egokienen aurreikuspena egiteko, lurren sailkapena egin (GIS).

• EJk eskola jantokiak zuzenean kudeatzea onartu berri du. Honek aukera berriak irekitzen dizkie bertako ekoizleei. Bertako produktuekin hornitutako eskola jantokien ametsa errealitatea izan dadin, Tolosako ikastetxeei zein inguruko ekoizleei egokitzapenerako behar duten laguntza ematea. Gainontzeko jantoki kolektiboetan bertako produktuak erabiltzeko aukerak aztertu.

• Aurreko puntuarekin lotuta eta ekoizleei begira, sor daitekeen merkatu berrira egokitzeko eraldaketarako aholkularitza eta laguntzak aztertu.

• Basoen egoera aztertu eta pinuak bertako espezieekin ordezkatzeko erraztasunak eta diru laguntzak eman.

• Biomasaren erabileraren aukerak aztertu.• Hiltegi berriaren bideragarritasuna aztertu, beti

ere, bertako abeltzaineen beharrei zerbitzu egokia emateko helburuarekin. Bertan hazi, bertan hil eta bertan kontsumitu.

• Nekazaritza eta abeltzaintza jansangarria eta ekonomikoki bideragarria izan dadin behar diren baldintzak aztertu.

• Araudi sanitarioak ekoizle txikien errealitatera egokitzeko aukerak aztertu. Hau udaletik harago doa, zaila da hemen ezer egitea.

• Gainontzeko arrisku eta aukeren azterketa sakona egin.

• Tolosako Zerkausia indartu. Produktu berriak sortzen lagundu, bertan erostea sustatu, produktuen jatorria zehaztu… Tolosako bizia eta merkataritza sektorearen motorretako bat delako.

• Bideak baldintza egokietan mantendu.• Egun, garraio publikora, arreta medikura, gizarte

zerbitzuetara… iristeko dauden zailtasunak aztertu eta balizko hobekuntzak ezarri.

• Gure ume eta gazteek lehen sektoreko produktuen

7

ibilbide osoa ezagutzeko aukera izan dezaten, baserria zein baserritarren gainean ditugun estereotipoak gainditu eta jendarteari egiten dioten ekarpena bere neurrian baloratu dezagun, baserrira gerturatzeko ibilbide pedagogikoak martxan jarri, Udak egin...

Garapen ekonomikoa

Garapen ekonomikoa sustatzeko erreferentziazko tresna Tolosaldea Garatzen izan behar du. Egun eskaintzen dituen zerbitzuak indartu eta lerro berriak irekitzeko aukerak aztertzeko Tolosako Udalaren inplikazioa handituko dugu.

• Enpleguaren inguruan:• Lan bilaketetarako zentro aktiboa.• Langabeen orientaziorako zentroa.• Lan eskaintzen bideratze zentroa.• Langabeen ezaugarrien azterketak egin eta

irtenbideak proposatuko dituen zentroa.• Enpresa munduan:• Merkatuen etorkizunaren gaineko azterketak egin

gure lantegiei aholkularitza emateko.• Dibertsifikaziorako aukerak aztertu. Lantegiei lan

lerro berriak irekitzeko aukeraz aholkularitza eman.• Gure inguruko enpresen artean elkar ezagutza

bultzatu eta sinergiak sortzeko programak garatu. Enpresen sarea sortu.

• Langileen formakuntzan gainontzeko eragileekin elkarlana bultzatu.

• Unibertsitateekin eta Lanbide heziketako ikastetxeekin elkarlana bultzatu ikasleek praktikak gure enpresetan egin ditzaten.

• Ekintzailetasuna/Autoenplegua:• Proiektu eta ideia berrien azterketak eta

bideragarritasun planak egin.• Finantziaziorako aholkularitza.• Hasierako urtetarako espazio fisikoa eskaini.• Turismoa:• Turismo bulegoa birkokatu.• Eskualdean proiektu turistiko berriak sustatu.• Turismo eragileen formakuntza indartzea.• Eskualdearen sustapen turistikoa eta sareko

sustapena indartu.

Merkataritza

• Erdigunetik kanpoko aparkalekuetan aparkatzen dutenak nolabait saritu.

• Erosketak etxeetara edo/eta kotxetara eramateko sistemak aztertu.

• Gazteen erosketa ohituren gaineko azterketa egin eta kontzientziazioa sortzeko kanpainak abian jarri. Ikastetxeetan lantzeko Unitate Didaktiko bat sortu “gertuko merkataritzaren garrantzia gure herri ereduan. Zer nolako herriak izango ditugu denok azalera handiko saltokietan eta on-line erosten badugu?”. Kontsumo ereduen gaineko hausnarketa.

• Herriko merkatarien plataforma digitala sortzeak izan ditzakeen abantailak eta desabantailak aztertu. Egin diren esperientzia arrakastatsuetan oinarritu.

• Gabonetako feria berezia astebete lehenago egin. Orokorrean feria bereziak egiten direnean salmenta baxuagoak izaten dituzte merkatariek.

• Feria bereziak igandetan egiteko aukera aztertu.• Feria berezien inpaktu sozioekonomikoaren gaineko

azterketa egin.• Tolosa gastronomiarekin identifikatzen den bezala,

bere komertzioaren kalitateagatik ezaguna izan dadin zabaltze lana egin.

• Saltokien mapa eta egoeraren azterketa egin. Erreleboa emateko erraztasunak eman. Une honetan, Gipuzkoako Ganberak, Udalak eta Toolsa&Cok “Berriz” enpresaren bitartez egiten dute. Badirudi diru-laguntzak jasotzeko Ganberaren bidez egin behar dela.

• Txanpon lokal digitala ezartzeko proiektua burutu.

8

ZurekinTOLOSA gara

Hirigintza | 03


EH Bildutik herri eredu bizigarriagoa bultzatu nahi dugu, herritarrak herriko kaleetatik lasai ibiltzea nahi dugu; kalea jolas leku, pasealeku eta bizileku izatea nahi dugu. Alde zaharrera gazteak erakarri nahi ditugu eta bertako kaleak, patioak eta beste espazioak adin guztietako jendez bete nahi ditugu.

Tonuccik dioen bezala, umeak kalean jolasean ikusi nahi ditugu, hori baita herri baten osasunaren adierazle indartsuenetakoa.Horretarako, automobilei ematen diegun espazioa eta indarra berrikusi beharko genuke, helduei umeek kalean beste umeekin jolasteko duten beharraz ohartarazten saiatu beharko ginateke, komunitate izaera berreskuratu beharko genuke non denok denon zaintzaz arduratzen garen eta bereziko ume eta nagusien ardura hartzen dugun.

Helburu orokorra

Oinezkoek protagonismo handiagoa izango duen herria irudikatzea, ume, gazte, heldu zein adinekoentzat erosoagoa izango den Tolosa eginez. Alde Zaharra eta herriko auzo zein landa auzoak zaharberritzen jarraitzea dituzten beharrei erantzunez eta herritarrekin adostuz.


Alde zaharra:

1.- Alde zaharra deskargatu, aisialdirako guneak sortu hondamen egoeran dauden blokeak eskuratuz: Frontoi txiki bat egin, parketxoak, plazatxoak… Alde Zaharra argitzeko helburua.

2.- Udala alde zaharreko eraikinak erosten joan etxebizitza politika publikoak garatzen joateko. Alokairu soziala bultzatu, bereziki gazteentzat.

3.- Zumardi Txikia berreskuratu eta aparkalekuei irtenbidea eman. Mugikortasuna izugarrizko aldaketak izaten ari da eta ondorioz 20 urteko mobilizazioari begira egin beharko genuke lan.

4.- Rondilla kalea bizigarriagoa egin eta oinezkoei protagonismo gehiago eman.

5.- Alde zaharreko barruko patioak berreskuratu eta ireki.

6.- RC2 (Laborde-Labayen) gunea berreskuratu: Erreka ondotik paseoa eraiki Santa Maria bitarte.

7.- Apeaderoa irisgarri bilakatu: Segurtasun eta oinarrizko irisgarritasuna bermatu.

Auzoak:

Parte hartze dinamiken bidetik beraien eguneroko eta mantenu zein inbertsio txikiak egiteko dinamikak sustatu.

- Amarotz:

1.- Hitzartutako konpromisoak burutu, auzo elkartearen eskutik.

2.- Bertako komertzio eta negozioak sustatzeko hobariak ezarri.

- San Esteban:

1.- Orube libreetan aisialdiko eremu berdeak egin.

Landa auzoak:

- Bedaio:

1.- Auzoko azterketa soziologikoa egin.

2.- Frontoira ibilgailuekin sartzeko arazoei erantzuna eman bizilagunekin adostu ondoren.

3.- Ur horniduraren gaia argitu.

4.- ‘Abaetxe’ko ganbarari erabileraren bat eman bizilagunekin adostuz.

5.- Beste landa eremu auzoetako baldintza berdinak egokitu garraioan.

- Montesku, Aldaba, Urkizu eta Ugane:

• Auzotarrekin auzo bakoitzean dauden beharrak aztertu eta interbentzio planak diseinatu. Urtero aurrekontuetan gutxieneko partida bat esleituko da eta hobekuntza plana diseinatuko dugu.

9

Besteak:

1.-Txakurrentzako parke bat egin.

2.- Olarrainen biribilgunea egitea, zubian oinezkoen segurtasuna bermatuz.

3.-Zabalarreta eraberritu: Joku ez egituratuen parke bat egin.

4.-Joku ez egituratuen (egurra, harriak, hondarra, ura) eta kirola egiteko eremu berriak sortzeko azterketa egin.

5.- Urbanizazioak jasangarritasun irizpideekin diseinatu. Hormigoia eta baldosa Tolosanaren ordez, zuhaitzak, ingurune berdeak, lurzoru iragazkorrak, erabili.

6.- Ordenantza fiskala berraztertu. Obra Baimen tasetan irizpide sozialak (erabileraren araberakoak, jabegoaren araberakoak, eta abar.) kontuan hartzeko neurriak aztertu. Eraginkortasun energetikoa bilatzen duten obreei hobari fiskalak eman.

7.- Gazteen lokalen erabilera eta beharrezko dituzten ezaugarri teknikoak arautu.

8.- Joko, apustu negozioei bidea itxi, arautegi urbanistikoan mugak jarriaz.

9.- Etxebizitzetan obra txikiak egiteko “obra baimena azkarra” moduko bat sortzeko aukera aztertu.

10

ZurekinTOLOSA gara

Kultura | 04

Diagnostikoa, kokapenaDatozen urteotako kultur politikak ekosistema osatzen dugunon artean diseinatzeko bilguneak sortu behar ditugula uste dugu. Bilgune horietan herri honetan kulturgintzan ari diren eragile guztiek izan beharko lukete parte hartzeko aukera, inor baztertu gabe. EH Bilduk Euskal Herriak bizi duen aniztasun kulturala aldarrikatzen du, ekosistema bizi gisa. Kulturak egunerokoan osatzen eta eguneratzen doazen egitura sozialak diren neurrian, inguruarekin harremanduta eta inguruarekin solaskidetzan ulertzen ditugu. Horren baitan, euskal kultura eta euskarazko kultura ditugu aniztasun guzti horren kohesionatzaile eta ardatz.Halaber, kultura gizarte eraldatzaile ere badela uste dugu. Izan ere, kulturaren bidez jendartea eraiki eta eraldatu egiten da balio ezberdinen sustapenaren bidez. Horien artean bereziki azpimarratzen ditugu: feminismoa, aniztasuna, elkartasuna, internazionalismoa, ekologismoa, parte-hartzea, etb.Kultura, entretenimendu edo aisialdi soila baina askoz gehiago da; kultura gizarte baten garapenerako ezinbesteko elementu bat da; herri baten oinarri sinbolikoa elikatzen duen lehengaia.Gizarte batean kultura mota ezberdinak elkar bizi dira, baina ezinbestekoa izan behar da guztiak lotu, kohesionatu, aglutinatuko dituen bat izatea; herri honen bizinahia elikatuko duena; kasu honetan, euskal kultura ekarriko genuke lehen plano horretara.

Helburu orokorra

Gaur egungo kultur politikaren protagonista jendarte anitz eta orotariko agentez osaturikoak (kultur kolektiboaren subjektu) behar du izan. Kultura partekatu bat behar dugu, sorkuntza prestigiatuko duen politika bat, lanpostuak sortuko dituena eta daudenak mantentzen lagunduko duena, ekoizpen kultur propioaren bitartez sortze eta ekoizpen prozesuetan bizitasuna txertatuko duena.

Komunitatearen eraikuntzaren prozesu gisa ulertua, barne aniztasuna errespetatuko duen kultura, euskal kultura eta euskara indartzeko eta biziberritzeko giltza izango duena, aniztasuna oinarri izango duena, elkartrukera zabalik egingo dena, geruza, adin, genero, jatorri...guztiek sarbidea izango dutena.Herritarren autoeraketa eta enpoderamendua bilatuko duen kultur ereduaren alde egiten dugu; herritarrak sortzaile eta parte hartzaile izango dituena. Horretarako auzolana oinarri izango duen herritik sortutako eta herriarentzako kultura bultzatuko dugu, administrazioa laguntzaile izango delarik.

Kultur kudeaketaren gobernantza demokratikoa eta ekimen autogestionatuen garapena bateragarri izango dituen kultur politika bat, finean.


Kultur Etxea berritu:

• Tolosako liburutegi, erabilera anitzeko gela, behar bezalako ikasgela eta konferentzia zein hitzaldi aurkezpenetarako gelak biltzeko berritu beharra dago eraikina. Gune ireki, dinamiko eta tolosar zein Tolosako eragileen behar eta gogoei erantzun behar die eraikin berrituak.

Kultur ekitaldiak (“kontsumorako”)

• Udalak sustatutakoak:- Hautaketarako irizpideak zehaztu. Euskarazko eta

bertako ekoizpenei lehentasuna eman eta kanpoko ekoizpenei muga bat jarri. Oreka bat lortu musika, antzerkia, dantza eta beste ekitaldien artean. Generoan ere oreka bilatu.

- Bertako taldeei gutxieneko gastuak kobratu (Leidorrek duen gastua).

- Zinearen kudeaketa.

• Beste erakundeekin elkarlanean bultzatutakoak.- CIT/TOPIC- Abesbatzak, txotxongiloak, Amalur…- Bidaiarien txokoa, elkarteak…

• Autokudeaketaren eredutik bultzatutakoak: Bonberenea…• Kanpoko taldeak egiten dituzten proposamenetan, jarritako irizpideen barruan sartzen ez badira (etekin ekonomiko pertsonala helburu duten ekoizpen komertzial potenteak), antolatzeak sortzen dituen gastuak baino gehiago kobratu (baliabideen amortizazioa bilatuz).

Neurri zehatzak:• Gazte, langabetu eta pentsionisteei kultur kontsumorako erraztasunak eman.• Artearen adierazpen ezberdinekiko zaletasuna handitzeko ekimenak bultzatu eta artea denon eskuragarri izan dadin baldintzak jarri.• Kultur bonoak.• Emakumeen sorkuntza lanak ikustarazteko bideak jarri. Ziklo, mintegi, jardunaldi bereziak antolatu.• …

11

Kultur adierazpen ezberdinen formakuntzarako eta sormenerako eskaintza herritarrentzat.• Udalaren eskaintza (langileen baldintzak hobetzeko premia)

- Tailerrak, dantza…- Musika eskola:

• Instrumentuen eskaintza osatu.• Instrumentuak dituzten genero estereotipoak gainditzeko lanketa egin.

• Beste erakunde eta elkarteen eskaintza.• Gune autogestionatuen eskaintza:

- Musika taldeentzako entsegu lokalak…

Agendaren koordinazio ahalik eta egokiena izan dadin hausnarketa prozesu bat bideratu (edozein ekimen kulturala programatzerakoan udalean horren berri emateko bide bakarra zabaldu eta data egokienak lotzen saiatu).

Herriko kultur taldeei laguntzak:

• Dantza, antzerki, musika, literatur taldeeak, erraldoiak, abesbatzak, bertso elkartea…• Herriko kulturgintzan eta sorkuntzan dabiltzan norbanako eta taldeei laguntzak eta beraien lana publikoan aurkeztu ahal izateko baldintzak jarri.

Herritarrengandik eta elkarte edo talde ezberdinengandik sortzen diren ekimenak laguntzeko estrukturak sortu.

Kultur eragileen mahaia eratu.

12

ZurekinTOLOSA gara

Berdintasuna | 05


Emakume eta gizonen arteko eskubideetan aurrerapausoak eman direla ezin da ukatu. Dena den, ez dago dena eginda. Asko dago hobetzeko. Oraindik emakumeak bigarren maila batean gaude, lana soberan baina enplegu duina falta zaigu, langabezian kualifikazio gehien duen kolektiboaren gehiengoa gara, zaintzaren karga daukagu, pribatua egozten zaigu eta publikoko eskaparatean egonagatik eragile aktibo eta protagonista izatea ukatzen zaigu. Egoera larrienean jarraitzen dute zaurgarrienak diren kolektiboak: emakume etorkinak, adinekoak, gazteak, etxeko langileak, baserritarrak, sexu langileak, lesbianak, presoak, transak, pentsiodunak, aniztasun funtziona dutenak, alargunak…

Dena den, borroka feministari esker, hainbat eskubide lortu dira. Azken urteotan, ordea, eskubideetan izandako lorpen horietako asko kolokan daude. Hauek, genero rolak indartzeko eta gizon eta emakumeen arteko zapalkuntza ereduan sakontzeko helburua dute.

Guk, kontrara, bizitza erdigunera ekarri eta pertsonen askatasuna eta ongizatea bermatuko duten politika publiko eraginkorrak egitea dugu helburu.

Helburu orokorra

Emakumeak eta beren bizitzak erdigunera ekarriko dituen politika publikoa egitea eta ikuspegi feminista duten herritarrak eta herria sortzea. Emakume eta gizonen arteko berdintasun formaletik errealera pasatzera joateko neurriak hartzea eta politika publikoak martxan jartzea horretarako eta indarkeria matxista oinarri-oinarritik eta bere osotasunean gainditzeko.


Aipatutakoa lortzeko feminismoa zeharkakotasunez landuko dugu. Esparru guztietan txertatuko dugu ikuspegi feminista, besteak beste:

1. Zerbitzu publikoak, Gobernantza eta Partaidetza

Mugimendu feministak eta emakume-elkarteek politika publikoen diseinuan, egikaritzean eta jarraipenean parte har dezatela bultzatzea, haien premietara egokitutako mekanismo eta gune egonkor eta malguen bitartez.

2. Enplegua

Prestakuntza- eta enplegu-planak garatzea prekarizazio eta diskriminazio handieneko egoeran dauden emakumeentzat bereziki, autonomia ekonomikorik ez dutenentzat edo guraso bakarreko familietako emakumeentzat, besteak beste.

3.- Politika Sozialak - Zaintzaren inguruko diagnostikoa egin, bai familia

eremuetan, baita esparru profesional-instituzionalean ere. Honela, menpeko diren herritarrek edo zaintzaileek, arreta duina eta kalitatezkoa izatea bermatuko da.

- Genero biolentzia edo agresio sexualak sufritu dituzten emakumeei arreta zerbitzua eskainiko zaie, ahalduntze ikuspegitik, duintasuna eta autonomia bueltatzeko, eta merezi duten sendatze-eskubidea izateko.

4- Aurrekontuak eta zerga politikak

- Esparru politiko-teknikoko lan taldeari zuzendutako formakuntza plana garatu, herriko aurrekontuak genero prespektibatik analizatu eta landu ahal izateko. Egun indarrean dagoen sistema fiskala ere ikuspuntu horretatik ikertzeko formatu, beharrezkoak diren neurri zuzentzaileak hartzeko.

- Berdintasuna bermatu, nola barne-kontratazioetan, hala kanpokoetan. Esparrua edozein dela ere, ezinbestekoa izango da berdintasuna modu tranbertsalean lantzea proiektu guztietan.

5.- Kultura feminismotik Euskal kultura-sorkuntzaren historia osoan emakumeek egindako sorkuntzak ahanzturatik ateratzea, eta garrantzi berezia ematea gaur egungo emakume sortzaileek, eta bereziki Tolosako emakume sortzaileek egindako obrei.

6.- Kirola - Osasunari lotutako kirol anitzeko praktikak bultzatu,

presio lehiakorra saihestuata, berdinzaletasuna eta kultura-aniztasuna kontuan izanik.

- Ikusgarritasuna eman eta balioan jarri herriko emakume kirolariak, kirol taldeak eta kirol praktikak.

13

- Kirolei genero etiketak kendu eta edonork edozein kirol praktikatzea bultzatu.

7.- Hezkuntza

- Hezkuntza proiektua eskola komunitatetik harago zabaldu: eragile sozialetara, kulturaletara, auzoetako elkarteetara, talde feministetara eta emakume taldeetara. Honela, herri hezitzaile, berdinzale, kalitatezko, gertuko, anitz, parte-hartzaile eta inklusiboa eraikiko dugu.

- Hezkuntza zentroekin elkarlanean aritu berdintasuna oinarritik lantzeko eta berdintasunean oinarritzen den etorkizuneko gizartea sortzeko.

8.- Feminismoa - Tolosaldeko Emakumearen Etxe baten alde egiten

dugu, formakuntzarako eta ahalduntzeko tresna gisa. Espazio eraldatzailea izango da, aliantzak eta sareak, erresistentziak eta konplizitateak sortzeko segurua. Emakumeak norbere buru eta bizien jabe izateko eta gure herrietako bizitza sozio-politikoan subjektu aktibo izateko giltza izango da Emakumeen Etxea.

- Espazioak behar diren baliabide material, ekonomiko eta pertsonalez hornituko ditugu, beharrei erantzungo dien zerbitzua eman ahal izateko.

9.- Etxebizitza, Hirigintza eta Mugikortasuna

- Emakumeen ahotsa, esperientzia eta parte hartzea bermatzea etxebizitzen arautegiaren/baldintzen gaineko udal batzordeetan, betiere gazteen, pertsona helduen eta aniztasun funtzionala dutenen beharrak kontuan izanik.

- Ikuspegi feminista hirigintzan txertatutako proiektuan jasotzen diren neurri eta hobekuntzak aurrera eramango direla ziurtatzea.

- Genero ikuspegitik landutako “Mugikortasun iraunkorreko Udal Planean” aipatzen diren neurriak bermatzea.

10.- Sexu aniztasuna - Urratsak ematen jarraitu aniztasun eta askatasun

sexuala jendartearen esparru orotan gauzatua izan dadin, eta paradigma sexuala (hetero-araua) aldatzeko.

14

ZurekinTOLOSA gara

Osasungintza | 06

Diagnostikoa , kokapenaOsasuna gure bizitzen zutabetako bat da, oinarrizko giza eskubidea eta ongizatearen funtsezko elementua. Osasunik gabe gure bizi-helburuak aurrera eramatea ezinezkoa egingo litzaiguke. Kalitatezko osasun zerbitzu publikoak izatea justizia sozialean eta ekitatean sakontzea da. Horregatik, osasunaren sustapena, prebentzioa eta zaintza gure egitekoaren ardatzetako bat izango dira.Tolosan eta Tolosaldean arazo handi bat dugu osasun arretarekin. Azken 40 urteetan Eusko Jaurlaritzak ospitale publikoak eraiki eta martxan jarri ditu Gipuzkoako eskualde guztietan gurean izan ezik. Honek esan nahi du, Tolosaldean Eusko Jaurlaritzak azken 40 urteetan, ez duela inbertsiorik egin azpiegituretan, mantenuan, ezta pertsonalean.TOPAk (Tolosaldea Osasun Publikoaren Alde) azken hilabeteetan egin duen lanaren datuak plazaratu ditu berriki eta komunikabideetan ez dute inongo oihartzunik izan. Toparen arabera, Asuncionek, biztanle kopuru berdina artatuko lukeen ospitale publiko batek baino pertsonal gutxiago du, heren bat gutxiago, hain zuzen. Bestaldetik, hainbat iturrietatik jasotako datuak erabilita ondorioztatu du Eusko Jaurlaritzak, urtero, Gipuzkoako beste eskualdetan baino 169€ gutxiago inbertitzen dituela Tolosaldeko biztanle bakoitzeko. Honek esan nahi du, urtero ia 11 milioi euro gutxiago inbertitzen dituela gure osasun arretarako. Eta gogoratu, hasieran esan bezala, Tolosaldean ez direla beste eskualdeetan egin diren inbertsioak egin!Urteak dira Tolosaldeko herritarrok egoera hau salatu eta ospitale publikoaren beharra aldarrikatzen hasi ginela. EH Bildurentzat, epe motzean gure eskualdeak behar duen ospitalea errealitatea izan dadin, premiazkoa da gaiari behar duen seriotasunarekin heltzea. Egun, Lehen mailako arreta zentroekin batera, Asuncion klinika eskualdeko osasun asistentziarako erreferente garrantzitsuena da eta ez du herritarrok merezi dugun zerbitzua bermatzen. Arrazoi nagusien artean honako hauek azpimarratuko genituzke:• Eraikina zaharkitua dago eta ez ditu beste ospitaleen

kalitate maila eskaintzen.• Langileen lan baldintzak (ordutegiak, soldatak…) eta

langile kopurua ez dira egokiak.• Osasungintzan, gaur egun, medikuen azpi-

espezializazioa oso handia da eta ondorioz, prozedura mediku ezberdinen arrakasta indizea asko handitu da. Asuncion klinikan hau ez da gertatzen.

• Asuncion klinika ez dago Osakidetzaren informazio sistemaren barruan. Osakidetzako beste zerbitzuetara goazenean (lehen mailako arretan eta osakidetzako ospitaletan) gure txostenak ez daude eskuragarri.

• Euskarazko arreta ez dago bermatua.Aipatutako arrazoi hauek eragin negatibo oso nabarmena dute herritarroi eskaintzen zaigun osasun zerbitzuaren kalitatean.

Helburu orokorra• Osasunaren sustapenean eta prebentzioan sakontzeko

proposamen integral garatzea.• Eusko Jaurlaritzak epe motz-ertainean Tolosan ospitale

publiko berria eraiki dezan Udalaren esku dagoen guztia egitea.

- Zer nolako ospitalea behar dugun definitzeko pausoak emango ditugu. Eragileen artean (herritarrak, profesionalak eta administratiboak) beharrak aztertu ondoren, behar horietara egokituko den osasun sistema eta honi erantzun egokia emango dion ospitale proposamen berri bat egin beharko luke aditu talde batek. Gure ustez, ospitalearen ezaugarriak zehazterakoan honako ideia hauek kontuan hartu beharko lirateke:

• Tolosa, Donostiako ospitaletatik 20 minutura dago. Espezializazio handia eskatzen duten prozedurak (minbiziaren ebakuntzak adibidez) Tolosan egiteak kalitatean eragin ezkorra izango luke.

• Eskualdeko herri batzuk Tolosatik Donostiara bidean daude. Tolosara joatea atzera bidea egitea litzateke.

• Lehen mailako arretaren berrazterketa ospitalaren ezaugarriekin batera eman behar da. Gure ustez, Tolosan, Lehen mailako arreta zerbitzua eta etxeko mediku zerbitzua indartu beharko lirateke.

• Asuncion klinikako langileen etorkizuna ondo aztertu behar da. Gai hau bideratzeko Tolosaldeko EH Bilduk “Osasun publiko berri baten aldeko proposamena” txostenean jasota dago.

• Gure eskualdeko adineko herritarren kopurua handia da. Honek gaixo kroniko-ahulen kopurua areagotzen du eta ondorioz, geriatriako espezialistak egotea zein zerbitzu multifuntzionalak sortzearen aukera ondo aztertu beharko lirateke.

Ospitale publiko berri batek honako hauek bermatuko lituzke:

• Kudeaketa ekonomikoaren gardentasuna (Osasun sailetik egiten diren inbertsioak, horien kudeaketa eta kontrola).

• Zerbitzu guztien integrazio eta koordinazioa ( Lehen mailako arreta, Espezialitateak, Etengabeko Arreta Guneak, Emergentziak eta etxerako erizain eta medikuena).

15

• Gaixo bakoitzari behar duen hizkuntzan artatua izatea.• Osasunaren sustapena eta prebentzioan sakontzea.• Eskualdeko herritarren beharretara egokitutako

zerbitzuak eskaintzea.• Ondorioz, kalitatezko osasun arreta integrala izatea.• Behar diren azterketa guztiak egin ondoren, ospitale

publiko berria eraikitzeko oruberik egokiena eskaintzeko konpromezua hartzen dugu.


Osasuna ezin da mugatu ohiko osasun zerbitzuetara. Horregatik sinisten dugu, Tolosako udalak lan handia egin dezakeela osasunaren sustapenean eta prebentzioan. Guk aldarrikatzen dugun osasun eredu integralean, orain arte azaldutakoaz gain, honako konpromezu hauek hartuko genituzke:

1. Osasuna denon ardura dela ulertaraztea.2. Osasuna mugatzen duten egoeren aurrean (osasunaren mugatzaileak) neurriak hartzea. Osasunaren mugatzaileetaz ari garenean, pertsonak zer baldintzatan jaio, hazi, bizi, lan egin, zahartu eta elkarrekin erlazionatzen diren; azken finean, beren bizi-baldintzez eta beren osasunean eragina duten baldintzez ari gara. Mugatzaileek (besteak beste, bizitokiak, heziketa-mailak, gizarte-harremanek, lan motak, diru-sarrera mailak, zerbitzuen eskuragarritasunak, politika ekonomiko, kultural eta ingurumenekoek, eta merkatuko legeek) osasunean daukaten pisua askoz ere handiagoa da osasun-sistemarena berarena baino.3. Osasunaren sustapena indartzea. Osasuna sustatzea gizarte eta politika prozesu global bat da, eta prozesu horren baitan herritarron trebetasun eta gaitasunak indartzeko ekintzak ez ezik, gizarte, ingurumen eta ekonomiako baldintzak aldatzeko ekintzak ere sartzen dira, osasun publikoan eta indibidualean duten eragina murrizte aldera. Osasuna sustatzeko prozesuak bide ematen die pertsonei osasunaren mugatzaileak gehiago eta hobeto kontrolatzeko. Parte-hartzea funtsezkoa da osasunaren sustapenaren arloan lan egin ahal izateko.4. Eragile desberdinekin elkarlanean modu errealean aritzea eta Osakidetza, Osasun Publikoa eta Udalaren arteko elkarlanerako baldintzak sortzea. Herritarren beharrak identifikatu eta prozesu eraginkorragoak egin ahal izateko.Konpromezu hau, Osasun Sarea edo mahaia sortuz gorpuztuko litzateke, beti ere osasun saila eta Osasun Publikoaren laguntzarekin (osasunaren ikuspegia politika lerro guztietan txertatzen lagundu dezakeena).Mugatzaileak ezagutu eta horien aurrean neurriak

hartzeaz gain, osasuna hobetzeko aktiboetan indarra jarri nahi genuke. Osasun aktiboak, mugatzaile horiengan eragin positiboa edukiko luketen hainbat norbanako, elkarte zein talde ezberdinek osatuko lituzkete, hala nola:

• Gizabanako aktiboak. Herritarrak, arlo guztiakHerritar aktiboak, “saltsan” dabiltzanak, beste pertsona batzuekin hitz egin eta hauek mugitzeko gaitasuna dutenak, lan komunitarioa, boluntarioa egiten dutenak ...

• Elkarteen aktiboak. Gizarte zerbitzuak, kirola, kultura, berdintasuna, hizkuntza, hezkuntza, bizikidetza, migrazioa...Helburu eta jarduera ezberdinak aurrera eramateko eratuta dauden elkarteak eta bere partaideak, entrenatzaileak, begiraleak, irakasleak...

• Erakundeen aktiboak. Administrazioaren (udaleko) edozein saila

Udalak, osasun etxeak, administrazioek antolatutako ekintzak

• Aktibo fisikoak. Ingurumena, kirola, hirigintza, kultura, hezkuntza, ...

Espazio berdeak, kirola egiteko guneak (irekiak eta itxiak), kaleak, plazak, eraikin publikoak jolastokiak, kultura sortu eta “kontsumitzekoak”, elkarguneak...

• Aktibo ekonomikoak. Enplegua, azokak, merkataritza, industria, hezkuntza, kultura, ogasuna, Landa garapena...

Enplegu sorkuntzan lagungarri direnak, lehen sektorea, industria, enpresa, herriko merkataritza... (bertako langileen baldintzak zaintzen dituztenak)

• Aktibo kulturalak. kultura, gazteria, festak, azokak, turismoa, Landa garapena...Ekimen kultural aniztasuna, arlo desberdinen aukera, sormenez adierazteko eta bizitzeko aukera ematen dutenak, tokiko talentuak, inspirazioa sortzen dutenak…

Aktibo mota bakoitzetik asko ditugu herrian, osasunerako zein lagungarri izan daitezkeen ohartu gabe. Udaletik eta Osasun zerbitzuetatik hauen erabilera zein ekintzak sustatu, komunikatu eta gomendatuz osasunerako lagungarri diren aktibo horien arteko ezagutza eta harremanak indartzeaz gain osasunean duten eraginkortasuna handitzea lortuko genuke .

5. Planteamendu integral honekin, osasun ikuspegia, zeharkako gai moduan, ekimen politiko guztietan txertatuko genuke.

16

ZurekinTOLOSA gara

Gazteria | 07


Bizitza politiko, sozial eta ekonomikoaren garapenak bete betean eragiten ditu gazteak. Tolosako gazteekin elkar harturik, bere nahi eta beharrak aztertuta, gazteen oraina eta geroa bermatuko dituzten politikak proposatu eta aurrera eraman nahi ditugu arlo guztietan. Egungo eredu kapitalista heteropatriarkala gainditzeko pausuak emango ditugu. Guru bizi eredua elkartasunean, pertsonen arteko berdintasunean eta aberastasuna zein lanaren banaketan oinarrituta egongo da.

Helburu orokorraGazteok gure bizi proiektuak garatu ahal izateko baliabideak bermatuta (heziketa, enplegua, etxebizitza, zerbitzuak, mugikortasuna…) izatea. Helburu hau, berandu baino lehen, errealitatea izan dadin lan egiteko konpromezua hartzen dugu.

Ildo oro korrak eta neurriak• Etxebizitza: Gazteek etxebizitza batera lehen aldiz joateko zailtasun handiak dituzte egun, horregatik, gazteentzako alokairu sozialeko etxebizitza gehiago egokituko ditugu. Alde zaharra birgaitzeko udalak bereganatu eta birgaituko dituen etxebizitzak gazteei zuzenduak egongo dira, herriko bihotza gaztetzea suspertuz. Etxebizitza hutsen zerrenda egin eta hauek alokairu sozialean jartzeko neurriak hartuko ditugu.

• Kultura: Kultur programazioan proposamenak burutzeko aukera izan behar dugu gazteok eta kultur proposamen horien baitan programazioak (zati batean behintzat) osatzea egokia litzateke. Programazio hauetan gazteon parte hartzeak bermatuta egon behar du. Kultur kontsumoa errazteko aukerak guztiak aztertuko ditugu (deskontuak, bonoak…).

• Hezkuntza:

- Ikasleok dituzten ikasketa beharretara udal ekipamenduen ordutegien egokitzapena aztertu eta egokitzea.

• Gazteek eskolaz aparteko formazio erakargarri bat jasotzeko aukera izatea bermatzea. Gazteen formakuntza beharrak aztertu eta ikastaroak antolatzea (berdintasuna, sexualitatea, adikzioak, kultur aniztasuna, adimen emozionala…).

• Gizarte mugimenduak: Gazte mugimendu eta gazte eragileekin herrian sortzen diren proiektuen inguruan elkarlanerako jarrera irekia izatea. Eragileei, proiektuen bideragarritasuna aztertzeko erraztasunak eman eta egingarri diren kasuetan laguntza bideak aztertuko dira.

• Gazte harremanak: Gazteez osaturiko mahai bat eratzeko aukera aztertuko da, Tolosako gazte eragile, norbanako nahiz udalaren arteko elkarlana sustatu asmoz.

18

ZurekinTOLOSA gara

Ingurumena/Hondakinak | 08

Ingurumena/Basogintza

Diagnostikoa, kokapenaHiri-hondakin solidoen kudeaketa eta tratamendu egokia, ekonomia zirkularrean aurrera egiteko bultzada sendoa izango litzateke.Gure jendartea erabili eta botatzeko ohituratan hazi da azkeneko hamarkadatan, baina eredu horretatik aldendu eta berria eratu behar dugu, non herritarrek jatorritik lagunduko duten zero zabor helburua lortzen. Horretarako abiapuntua, ezinbestean, kontsumo ohitura arduratsuak lantzea eta zabaltzea litzateke.Abiapuntu horretatik errazago izango da sortzen ditugun hondakinak berrerabili eta, ezinezkoa denean, sailkatu eta birziklatzea. Ezinbestean sortzen diren hondakinak berriz, sorlekutik ahalik eta hurbilen tratatu behar dira. Udalek dute hor zeregin nagusia, beraiena baita herritarrek sortzen zituzten hondakinak tratatzeko ardura.

Helburu orokorraHiri hondakinen kudeaketa arduratsua garatuko duen herri batean bilakatzea Tolosa. Europar Batasunetik datozen gomendio eta helburuak betetzeko asmoz, herritarroi arduraz jokatzeko erraztasunak eta tresnak eskainiko dituen herria.

Ildo orokorrak eta neurriakPrebentzioaAuzo konposta sustatu: Horretarako, lehenik eta behin, dauden guneak txukundu (parte hartzaile kopurua, mantenua...), baldintzak betetzen dituzten beste auzoetan ere inplementatu eta hitzaldi/ikastaroen bitartez norbanako bakoitzak bere organikoa ondo kudeatzen lagundu.

BerrerabilpenaAltzariak, etxetresna elektrikoak... etxetik erretiratzeko zerbitzua: Botatzekoak diren altzariak etxez-etxe jasotzeko zerbitzua eskaini, edozein erabiltzaile “organo konpetentearekin” harremanetan jarriz. Berrerabilpena sustatzen da, herritarrentzat komodoa den sistema batekin.

Birziklapena- Gaikako bilketa “merkatariei”: Merkatariek sortzen

dituzten hondakinen gaikako bilketa integrala haiekin adostu.

- Lanketa pedagogikoa: Gaikako bilketa txukun egiteko, alde batetik, tailerrak, ikastaroak antolatu auzo eta ikastetxeetan. Eta bestetik, kontzientziazio kanpainak burutu, buzoneoen, zabor-ontzi ondoko aholkularien... bitartez.

Diagnostikoa, kokapenaBaso ekosistema osasuntsu eta sendoak ezinbestekoak dira guztion bizi-kalitate egokia bermatzeko.Uraren eta lurraren kalitatea hobetzen eta bermatzen laguntzen dute basoek, oxigenoa sortu eta CO2 gas kutsatzailea xurgatzen dute, negutegi efektua murriztuz eta gainera, bertan bizi diren landare eta animalia espezie guztien babesleku dira. Baso zenbat eta anitzago eta osasuntsuagoak izan, dakartzaten onurak are handiagoak izango dira.Horrela izanik, kanpoko zuhaitz espezieen monokultibo intentsiboa oinarri duen eredutik beste eredu berri baterako bideari ekin behar zaio, bertako espezie ezberdinen berreskurapenerako urrats sendoak eginaz eta basoari begirako epe laburreko ikuspegi ekonomizistatik aldenduta.

Helburu orokorraEpe luzerako baso politikak bultzatzea dugu helburu,

bertako espezie, baso eta ekosistemetan oinarritutako basogintzara heltzeko. Azken finean, gure herriko basoak ingurumenarentzat eta Tolosar ororentzat, onuragarriak izan daitezen bermatzen saiatuko gara.

Ildo orokorra eta neurriakErabilpen publikoko parkeak

- Basoen gaineko kudeaketa eskumenak berreskuratuz eta lursail pribatuak erosiaz, dagoeneko udalarenak diren basoak osatu, erabilpen publikorako basoak sortzeko.

Bertako espezien berreskurapena- Udalarenak diren baso-lurretan, bertakoak diren

espezieak birlandu.- Pribatuak diren baso-lurretan, bertakoak diren

espezieak birlandatzea sustatuko duten politikak bultzatu.

19

Ingurumena/EnergiaDiagnostikoa, kokapena

Herri burujabea izan nahi badugu, energia burujabetzaren norabidean aurrerapausoak egitea ezinbestekoa da. Energia eredu honen kudeaketa egiten duten oligopolio eta multinazionalek beraien interes ekonomikoei begirako kudeaketa eredua inposatu dute azken hamarkadetan, botere politikoa izan duten alderdien laguntzarekin.

Energiak gure sistema sozioekonomikoa mugitzen du. Gaur egungo sistema, xahuketan oinarritzen da. Urtez urte ekoizpenak eta kontsumoak gora egin behar dute sistema honek, ondo funtzionatu dezan.

EH Bilduk sistema burujabe eta jasangarrirako trantsizioa burutu nahi du. Erronka oso handia da eta pausuz pausu baina sendo egin behar da.

Helburu orokorraAldaketa klimatikoaren aurkako Parisko protokoloa ardatz eta burujabetza energetikorantz pausuak emateko asmoz, Tolosan datozen urteetan, kontsumo energetikoa gutxitzeko eta energia garbia sortzeko urratsak emango dira. Zentzu horretan, ingurumen ikuspegi batetik zein bideragarritasun ekonomiko eta sozialaren ikuspegitik, energia berriztagarrien aldeko neurriak abian jarriko dira.

Ildo orokorra eta neurriakKontsumo energetikoa jaitsi

- Herriko argiterian eta eraikin publikoetan energia kontsumoa gutxitzeko plana egin eta garatu.

- Tolargiren bitartez, norbanako pribatuei, etxeko energia kontsumoa gutxitzeko auditoria pertsonalizatuak eskaini.

Energia berriztagarria sortu- Eraikin publikoetan, eguzki-plakak instalatzeko

baldintzan dituzten aztertu eta horrela den kasuetan plakak jarri.

- Baldintzak betetzen dituzten etxebizitza bloke pribatuetan, eguzki plakak jartzeko diru laguntzak sortu eta laguntza teknikoa eskaini.

- Mikro sarea sortu: Urkizuko ur depositua baliatu, egunez ura igoz eta gauez ur saltoa eraginez, udal eraikinetarako energia sortzeko.

CO2 isuria gutxitu

- Autobus zerbitzua publifikatu eta indartu, autobus elektrikoak jarriz etorkizunean.

- Udalaren ibilgailuak elektrikoak izateko inbertsioa egin.

- Udal eraikinen efizientzia energetikoa hobetzeko neurriak aztertu eta CO2 isurketak gutxitzeko plan bat egin.

- Auto elektrikoak kargatzeko puntu/parking publikoa jarri herrian zehar.

- Bide gorrien sarea, industria gune guztietaraino zabaldu. Eta haien egoera eta mantenua hobetu.

- Bizikletentzat parking gehiago ezarri, haien erabilpena sustatzeko.

20

ZurekinTOLOSA gara

Hizkuntza politika | 09

Diagnostikoa , kokapena

Gure eskualdea Euskal Herriko zonalderik euskaldunena da eta Tolosako hiriburu izaera du bertan. Inguruan ditugun arnasguneekin etengabeko kontaktuan dago gure herria eta horrek, eskualde mailako hizkuntza politika baten beharra erakusten du.

Tolosan euskara dakiten herritarren kopuruak eta kaleko erabilerak gora egin du azken hamarkadetan, gaitasunak erabileraren aldean igoera nabarmenago izan badu ere. Tolosarren %71 euskalduna da eta beste %11 bat euskara ulertzeko gai da, hitz egiteko gaitasuna ez badu ere. Horrenbestez, gure herriko biztanleen %82 euskara ulertzeko gai da eta horrek, eta eskualdeko egoera soziolinguistikoak, hizkuntza politika aurrerakoi eta ausartak egiteko leku paregabea bilakatzen du Tolosa.

Helburu orokorra

Tolosan eta Tolosaldean, euskara indarberritu eta bere erabilera normalizatzea, berdintasun eta aniztasun balioen oinarrietatik, komunikazio eta kohesio hizkuntza nagusia izan dadin (Tolosaldeko Euskararen Mahaiaren misio konpartitua). Horretarako, behar den udal aurrekontua bideratzea, egin beharreko egitasmo guztiak martxan jarri daitezen.


1. Normalizazioa

- Euskararen erabileraren normalizazioa udal osoaren eginbeharra da. Tolosako Udalak hizkuntza politika eraginkorra eta sendoa bultzatuko du, betiere, hizkuntza alorreko eragileekin elkarlanean eta esparru guztietan, zeharkako tratamendua emanez. Udalak, Tolosar guztion hizkuntza eskubideak modu eraginkorrean defendatuko ditu.

- Udalaren eta herriaren beharrei erreparatuz, udaleko Euskara Zerbitzuaren helburuak eta eginbeharrak birpentsatzea eta definitzea.

- Udalean eta menpeko erakundeetan euskara, zerbitzu-hizkuntza izateaz gain, lan-hizkuntza ere izan dadin lortzea. Tolosan kokaturik dauden gainontzeko administrazio-guneetan ere horrela izan dadin behar diren neurriak hartuko ditu.

- Udal legeak hizkuntza normalizazioaren alorrean emandako eskumenak aztertu eta garatzea.

Udalarekin harremana euskara hutsez izan nahi duten herritarren errolda garatu eta harremanak euskara hutsez burutzea.

- Enpresa (Lantegien) munduan euskararen erabilera bereziki lantzea sektoreko eragileekin elkarlanean, alor horretako hizkuntzaren normalizazioa giltzarria baita euskarak arnas har dezan. Bereziki landu beharko dira lanbiderako ikastaroetan euskararen erabilera eta funtzioak, bai Lanbiderekin eta baita eskualdeko eragileekin ere.

- Euskara integrazio hizkuntza izateko baldintzak jarri nahi ditugu. Euskara gure hizkuntza komun izatea nahi dugu, bizitza publikoaren edo bizitza sozialaren hizkuntza izan dadin behar diren neurriak bultzatuko ditugu.

2. Elkarlana

- Tolosaldeko Euskararen Mahaia ekimenarekin bat egiten dugu eta bere helburuak gure egiten ditugu, hala nola:

• Eragile instituzional, sozial eta kultural guztien arteko elkarlana zaindu eta indartu, egiten diren plangintzak eraginkorragoak izan daitezen.• Tolosaldeko hizkuntza politika elkarlanean definitu.• Gizarte esparru guztietako eragileekin elkarlana bermatu, euskara beren eguneroko jardunean hizkuntza nagusia izan dadin.• Bizitza sozio-kulturala euskaraz izan dadin ahalbidetu.• Denon artean, aktibazio soziala indartzeko estrategiak sustatu.• Mahaiaren bileretan hartuko diren erabakiak aintzat hartuko ditugu eta beharrezkoak diren baliabideak jartzeko konpromisoa hartzen dugu.

- UEMAko kide eraginkor izaten jarraituko dugu.- Euskal Herri mailako euskararen aldeko erakundeak

babestu eta elkarlanean aritu egitasmoak bideratzen, Euskaraldiarekin egin den bezala.

- Galtzaundi Euskara Taldeak eskualdeko izaera hartu duen honetan, taldearen proiektuak egonkortzeko, sendotzeko eta berriei ekiteko indarrean dagoen hitzarmena berritzea. Tolosaldeko gainontzeko udalek ere gauza bera egin dezaten lan egitea.

- Tolosaldeko euskarazko hedabideekin udalak duen elkarlanean zein babesa emate lanetan sakontzea eta Tolosaldeko gainontzeko udal guztiak ere babesle zein bidelagun izan daitezen ahalegintzea.

21

3. Erabilera sustatzea

- Herriko arnasgune sozio-funtzionalen edo izateko baldintzak betetzen dituzten guneen diagnostikoa egin eta gune horiek babestu eta zabaltzeko plangintza egitea.

- Tolosarren artean euskararen erabilera hizkuntzaren lau trebetasunetan (ahozkoa, irakurtzekoa, entzutezkoa eta idatzizkoa) indarberritzea. Gazte eta guraso gazteen kasuan bereziki.

- 18 urtetik beherako gazteei zuzendutako kirol, aisi eta kultur eskaintza oro euskaraz izan dadin bermatzeko baldintzak jarriko ditugu. Kiroldegiko ikastaroetan erabiliko den hizkuntza nagusia euskara izan dadin neurriak hartuko ditugu. Gainontzeko adin-taldeentzat euskarazko eskaintza kalitatezkoa eta egokia bermatzea ahalbidetuko dugu.

- Euskara ikasteko doakotasun benetakoa bermatzea. Euskara ikasteko programa berezituak etorkinentzat.

- Tolosako udalak ematen dituen diru-laguntzetan, egiten dituen kontratuetan eta, oro har, hirugarren bati hizkuntza-baldintzak jarri dizkionean, horien jarraipena zehatza egitea eta bete ezean dagozkion neurriak hartzea.

- Tolosako hizkuntza eta kultur aniztasuna ikusarazi, egungo harrera plana babestu eta ahal den neurrian hobetu. Orain dela urte batzuk etorri eta beren buruak euskaldundu dituztenei, eginkizun horretan aktiboak izan diren eragileei eta ikastetxeei aitortza publikoa egin eta beraiekin dugun elkarlana indartu.

4. Informazio eta komunikazio teknologiak

- Sare sozialetan euskararen presentzia areagotzeko estrategiak landu eta abian jarriko ditugu. Tolosa eta Tolosaldeko sortzaileen ikusgarritasuna zabaldu eta euskarazko kanalak sortu eta indartu. Gazteak sare sozialetan euskara erabil dezaten sustaketa-lana eginez.

- Sare sozial eta komunikazio erreminta berrien aurrean, euskara lehentasunezko hizkuntza izateko irizpideak eta estrategiak garatzea.

- Udalean eta menpeko erakundeetan euskarazko IKTen erabilera indartzea. Tolosa mailan euskarazko Wikipedia eta antzeko bitartekoak sustatzeko elkarguneak eta auzolana sustatzea.

- Bideo-jokoen munduan euskararen erabilera sustatzeko Gipuzkoa Encourter-ekin hitzarmena bideratzea.

22

ZurekinTOLOSA gara

Kirola | 10

Diagnostikoa , kokapenaAriketa fisikoak eta kirolak, adin guztietan,

pertsonaren ongizatean duen garrantzia eta gure osasun integralean duen eragina azpimarratu nahi dugu, ludikotasuna, adiskidetasuna, joko garbia, aurkarienganako eta arauekiko errespetua bezalako ideia eta baloreak sustatuz.

Formakuntzan dauden gaztetxoekin berriz, hauez gain, partehartzea eta inklusibitatea bermatzen saiatuko gara, irabazten eta galtzen irakatsi; apaltasunez irabazi eta duintasunez galdu.

Kirola egiteko ohitura osasuntsua pizten eta ohitura bihurtu dadin behar den ahalegin guztia egingo dugu.

Helburu orokorraTolosan, kirola, hezitzailea, parekidea, euskalduna,

osasuntsua eta gizarte kohesiorako tresna izatea nahi dugu.

Ildo orokorrak eta neurriak1. Kirol taldeak lagundu

Tolosan Kirola eta ariketa fisikoaren inguruan talde ugari ari dira lanean. Egiten duten lanak garrantzi handia du pertsonen garapenean. Alde batetik, arlo fisiko, tekniko zein taktikoa lantzen dute, baino geroz eta garrantzia handiagoa ematen diote alderdi sozio-emozionalei. Ekarpen oso handia egiten diote pertsonen heziketa integralari. Bide horretan, EH Bilduk gure esku dagoen guztia egingo du denok partekatzen ditugun balore horiek ahalik eta hobeto landu eta zabaldu ditzagun.

Nahiz eta kirol elkarte gehienak kirola errendimenduaren ikuspegi batetik landu, garrantzitsua iruditzen zaigu aurreko ideiak oso presente izatea kirolariekin lanean ari garenean, azken finean, gure taldeetan kirola egiten ari diren ume, gazte eta heldu oso gutxi iritsiko dira profesionaltasunera, baino denak izan daitezke (eta hala nahi genukeen) kirolari eta kirolzale bere bizitza osoan zehar. Hau dela eta, kirola, osasunarekin, aisiarekin, ondo pasatzearekin, lagunartearekin eta norbera bere burua gainditzearen kontzeptuarekin, lotu nahi genuke.

Hori dela eta, laguntza emango zaie herriko kirol talde guztiei:

- Elkarlana sustatuz, harremanak garatuz eta hitzarmen ezberdinak egiteko aukerak aztertuz.

- Aholkularitza eta administrazio zerbitzu bat garatuz, tramitazio eta kezka guztietan laguntzeko. 2. Eskola kirola

Sarreran aipatutako balore eta ideiak eskola kirolaren oinarri izan behar dute. Adin hauetan, kirola, bizitzarako eskolarik hoberena izan behar du. Garapen motorra, teknikoa eta taktikoari bere tokia egin behar diegula ez dugu zalantzan jartzen, baino ume zein gaztetxoen garapen sozio-emozionalari protagonismo handia emango diogu.

3. Jarduera fisikoaren sustapena

Jarduera fisikoak eragin nabarmena du gure ongizate eta osasunean. Mugimendua, jolasa eta jokoa ez dira bakarrik ume eta gazteen jarduerak, horregatik, heldu, adineko, menpeko, emakume zein gizon, hau da, pertsona guztientzako mugimendurako aukerak eskaintzea, gure erronketako bat izango da.

- Adin guztietako herritarrok aktiboak izateko aukera izan dezaten baldintzak jarri.

- Kirol mahaia eratu (eragile ezberdin, herritar, osasun zein udal baliabidez osatua).

- Kirol ezberdinetako herri mailako txapelketak antolatu edota sustatu.

4. Kirol instalakuntzak

- Instalakuntzen mantenu egokia bermatzeko baliabideak jarri.

- Berazubi estadioko lanak amaitu, biltegia eta bulegoak berrituz.

- Usabalgo hirugarren fasea. Azken urteetan egoera aldatu da eta egungo beharren berrazterketa egin behar da.

- Usabal zein Berazubiko ordutegiak berraztertu dagoen eskaerari erantzun egokia emateko.

- Kanpoko igerilekuan udarako egunik beroenetan ematen den arazoari irtenbidea emateko dauden aukera egingarriak aztertzeko lan talde bat osatu.

- Amarozko frontoia estali.- Santa Luziako kirol egituren azterketa.- Herriko hainbat tokietan kaleko kirol tresneria

jartzeko aukerak aztertu.

24

ZurekinTOLOSA gara

Hezkuntza | 11

Diagnostikoa , kokapena

Hezkuntzak berebiziko garrantzia du eta EH Bildutik ere, halaxe eman nahi diogu. Alde batetik, etorkizuneko herritarren formazioan duen garrantziagatik. Bestetik, kohesio soziala, ekitatea eta elkarbizitza positiboa bultzatzeko tresna paregabea izan daitekeelako, horretarako, ikastetxe guztien arteko ikasleen banaketa orekatua egin behar da derrigorrez. Aniztasuna errealitate orekatua izan behar du eskola guztietan eta segregazioa gainditzeko gure esku dagoen guztia egingo dugu.

Azkenik, bizi dugun informazio erauntsiaren aurrean, edo agian desinformazioa esan beharko genuke, defentsarako dugun tresna bakarra geure burua janztea eta gaitasun kritikoa ahalik eta zorrotzen mantentzea da. Manipulazioa, korrupzioa eta injustiziei aurre egiteko heziketaren beharra dugu. Gure eskubideak eta askatasuna defendatzeko dugun tresnarik indartsuena izpirituko kritikoa landuko duen hezkuntza sistema da. Gazte teknikoki prestatuak nahi ditugu, dudarik ez izan, baino baita ere gizarte kezkak dituztenak, mundu hobe baten alde lan egin nahi dutenak eta injustizien aurrean ahotsa altxatuko dutenak.

Helburu orokorra

Hezkuntza eredu herritar sendo baten aldeko apustua egingo du EH Bilduk, herriko ikastetxeekin eta hezkuntza eragileekin batera. Aniztasuna ardatz hartuta, ezberdintasunean berdinak garela irudikatuz eta aniztasunaren errealitatea ikuspegi inklusibo eta aberats batetik abiatuta.


• Herriko ikastetxeetan ikasleen banaketa orekatua egin dadin behar diren neurriak bultzatuko ditugu.

• Kultur-arteko hezkuntzaren lanketan sakontzea, elkarbizitzaren aldeko hausnarketak burutuz eta aniztasuna jarduera ezberdinen erdigunean kokatuz.

• Ikastetxe bakoitzaren Hezkuntza proiektuak errespetatuz eta aintzat hartuta, Tolosako Hezkuntza proiektua sortzeko ahalegina egingo dugu. Bertan, begirada guztiak aintzat hartu eta partekatzen ditugun oinarrizko balioak zehazten saiatuko ginateke, hala nola, anitzen arteko bizikidetza positiboa, berdintasuna, jasangarritasuna, osasuna eta euskara.

• Herri kohesionatu eta inklusiboa eraikitze bidean, ikastetxeen arteko zubiak sortzea ezinbestekoa da; ikasleak euren artean ezagutzeko, esperientzien trukerako eta espazio berak partekatzen hasteko. Bide honetan, ikastetxeen arteko topaketa ezberdinak bultzatuko ditugu.

26

ZurekinTOLOSA gara

Aniztasuna eta migrazioa | 12

Diagnostikoa, kokapenaAniztasun kulturalaren kudeaketa eredu demokratikoen arabera bideratu behar da, multikulturala den gure jendartea osatzen duten pertsona eta errealitate anitzen elkarbizitza bermatuko duen moduan.

Eskubide guztiak pertsona guztientzat bermatuko duen harrera herria izan nahi dugu, jatorri aniztasunarekin eta kulturarekin erlazionatutako errealitate guztietan (pertsona migratzaileak, euskal jatorria duten pertsonak, jatorri-estatu desberdinetako pertsonak, herri ijito), kolektibo eta komunitate bakoitzeko izaera propioa kontuan hartuz.

Ikuspegi horren printzipioak, nolanahi ere, Migrazioa eragiten duten arrazoiak anitzak dira: kulturalak, sozialak, politikoak eta, gehienetan, ekonomikoak. Arrazoi horiek eragindako beharrek barreiatu dituzte euskal herritar ugari munduan zehar eta, alderantziz, jatorri anitzetako pertsona ugari Euskal Herriratu.

Jatorri eta kultura aniztasunaren kudeaketa, beraz, gai konplexua da eta arduraz hartu beharrekoa. Hori horrela izanik, eta Europatik zein estatuetatik inposatu dizkiguten migrazio lege eta araudi eskubide- urratzaileek bestelakorik badiote ere, EH Bildutik argi daukagu pertsona guztiok daukagula duintasunez bizitzeko eskubidea eta, edonon jaioak izanik ere, bizitza duin horren bila edonora joateko askatasun osoa. Hori dela eta, EH Bildurentzat, norberaren identitatea erabat errespetatuz, herri honetan bizitzea erabaki duen pertsona oro euskal herritarra da, edonon jaioa dela ere; eta euskal herritar guztioi bermatu behar zaizkigu eskubide, erantzukizun, betebehar eta aukera berberak, gure jatorria, sexua, sinesmena, etnia, identitatea, sorlekua edo jatorria edozein dela ere. Eta hori erakunde publikoen lana da

Helburu orokorraPertsona guztientzat eskubide guztiak eta aukera berdintasuna aldarrikatzen ditu EH Bilduk. Eta aldarri hori errealitate izan dadin behar besteko neurriak abian jartzeko konpromisoa hartua dugu. Horren bermerako, administrazio publikoak herritarrei erabat irekiak egon behar dira, bertatik kudeatuko diren baliabide eta zerbitzu publiko guztietara iristeko aukera erraztuz. Elkarbizitza da gakoa. Horretarako, elkar ezagutzea, elkar ulertzea eta elkar aitortzea ezinbestekoak dira. Elkarren ezagutza eta ulertzea ahalbidetuko duten dinamikak eta jarduerak beharrezkoak ditugu, elkar aitortzaren eta, ondorioz, elkarbizitzaren oinarri baitira. Hori dela

eta, alor honen dimentsio anitzak aintzakotzat hartuz, administrazio publikoetan aurrera eramaten diren politika orotan zehar-lerro gisa lantzea ezinbestekoa da eta beharrezko dugu mota anitzetako harrera, elkar ezagutza eta bizikidetza planak diseinatu eta martxan jartzea, instituzio-arteko elkarlanean oinarrituz.

Bestetik, EH Bildun jendarte feminista eraikitzeko dugun konpromisotik abiatuta, ezin ahantz dezakegu emakume etorkinek bizi duten egoera. Sektore jakin batzuetara bideratze diren fluxu migratzaileen feminizazioa, gure herrian bizi dugun errealitatea da, batez ere jatorri jakin batzuei dagokionean (Latinoamerikatik iritsitakoak batez ere, zaintzarekin lotutako eremuetan lan egiteko).Duela urte batzuetara arte komunitatetik kanpoko pertsona iritsi berrien profila gaztea eta gizonezkoa bazen ere, gaur egun emakume eta gizonen arteko portzentajea bertsua da. Horregatik emakume etorkinen inbisibilizazio argiaren aurrean gaude, non genero bazterkeriari, jatorri zein kultura bazterkeria eransten zaien.

Emakume etorkinek bizi duten bazterkeria bikoitz horri aurre egiteko beraz, erakundeetatik burutu beharreko lanean genero ikuspegia garatzea ezinbestekoa izango dugu. Eta ekimenen artean, emakume etorkin hauen aitortza, bisibilizazioa eta prekarietate egoerei aurre egitearekin batera, beraien ahalduntze prozesuak ere babestu beharko ditugu.Gure kultura eta hizkuntzaren parte egin nahi ditugu.

Ildo orokorrak eta neurriak• Egungo jatorri eta kultura-aniztasuna kohesio-

elementu bihurtzea. Elkarbizitza sustatzea.• Arau, ekimen eta politika publiko guztiek pertsona

guztientzako eskubide guztien inplementazioa ziurtatzen dutela bermatzea.

• Herritartasuna: euskal herritartasun efektiboa sustatzea, jatorria edozein izanik ere.

• Xenofobiaren eta arrazakeriaren aurkako borroka, bereziki lege eta neurri arrazista instituzionalei aurre egiteko.

• Euskara ikasteko doakotasun benetakoa bermatzea. Euskara ikasteko programa berezituak etorkinentzat.

28

ZurekinTOLOSA gara

Bizikidetza | 13


Euskal Herrian orokorrean eta baita Tolosan ere kultura demokratikoan, elkarbizitza osasuntsuan eta giza eskubide guztien aldarrikapenean sakontzen jarraitu behar dugu. Urtetan eman diren giza eskubide urraketa guztien ondorioz egon izan diren biktimak trataera berdina jaso behar dute eta egia eta erreparazioan oinarritutako justizia baten alde egin behar du.Funtsezko eskubideen urraketa jasan dituzten guztientzat errekonozimendu, erreparazio eta memoria lortu nahi dugu. Egia, justizia eta memoriaren printzipioen inguruan adostasun politiko eta sozial ahalik eta handiena lortzea nahitaezkoa da. Bakean eta elkarbizitzan oinarritutako etorkizunera egiten ari garen bide honetan, mendekuan oinarritzen den espetxe-politika gainditu nahi dugu.

Helburu orokorra

Pertsona guztien eskubideak errespetatzea, elkarbizitza demokratikoa bultzatzea, memoria historikoa berreskuratzeko lana, bake-prozesuarekiko konpromezu irmoa, gatazkaren sorburu eta ondorio diren arazoei buruzko elkarrizketa, desberdinen arteko adostasuna eta euskal jendartearen gehiengoak erabakitzen duena errespetatzea. Memoriari buruz egiten ari den lanketa ezberdinetan, bidelagun izan behar du Tolosako udalak eta giza urraketak jasan izan dituzten edota une honetan jasaten ari diren pertsona guztien aldeko aldarria egin eta neurriak hartuko ditu.Dispertsioa amaitzea, larriki gaixorik dauden presoen kaleratzea, lehen graduarekin bukatzea eta euskal presoei aplikatzen zaien salbuespen legeri guztiak bertan behera uztea.


1. Elkarbizitza bultzatzeko ekimenak martxan jarri.

2.- Tolosako biktima ezberdinen behar eta eskaerak aztertu eta ahal den neurrian erantzuna ematea.

3.- Egia ezagutzea, horretarako lanketan ari diren bizikidetza taldeen lana babestuz, edota berariaz sortu beharreko beste lanketa eta ikerketak eginez.

4.- Presoen giza eskubideen defentsan aurrerantz egitea: Dispertsioarekin amaitu eta gaixorik dauden presoak gizatasun-arrazoiengatik espetxetik ateratzeko eskatzea.

30

ZurekinTOLOSA gara

Parte hartzea | 14

Diagnostikoa, kokapenaBoterearen egitura politikoak, dinamika instituzional eta kudeaketa burokratikoa, erabat zurrunak dira, eta herritarrei arrotzak zaizkie. Erabakiguneak herritarren egunerokotik kanpo geratzen dira, eta gauzak eurak kontuan hartu gabe egiten denaren ustea erabatekoa da.Herritarrek erabaki egin behar dute, beren buruaren jabe izateko tresnak behar dituzte eta erabakien subjektu izan behar dute. Horretarako, parte hartzea eta gardentasuna ezinbesteko printzipioa, filosofia eta lanabesa dira.

Ordezkaritza-botere publikoen jardunaren kontrolaren inguruan, herritarren erantzukizuna berreskuratu behar da. “Arlo publikoan” parte hartzeaz harro egon behar dugu eta atsegin handiz gauzatu, alderdi publikoei dagokienez ere (gure ongizatea horien mende dago), gure bizitzen eraikitzaile zuzen eta arduratsuak izatea lortzeko.

Sozialki oso barneratua dugu autoeraketa, ekimen soziala eta elkarrekin egindako lanaren bidez herrigintza egitea, “auzolana” eredu garbia delarik. Mugimendu eta elkarte sare handi, errotu eta biziak ditugu. Gure benetako indarra, lanerako balore eta praktika hauen baitan kokatzen da, herri proiektu batek jaso zein sakondu beharreko eguneroko demokrazia sare horietan.

Helburu orokorraHerritarren partaidetza aktiboa, kalitatekoa, erabakigarria, benetakoa, eraikitzailea eta eraldatzailea lortu behar dugu.

Berdintasunaren ikuspegitik, egiturari dagokionez diskriminazio egoeran dauden sektoreen hitzari lehentasuna emanez.

EH Bilduren parte hartze politika proposamena gaur egungo errealitatetik abiatuko da. Halaber, egingarria, bideragarria eta pragmatikoa izango da herritarrak boteretzea ardatz harturik.

Administrazio publikoek hizkuntza zuzena eta erraza erabili behar dute, teknizismorik gabekoa, herritarrek, arazo erantsirik gabe, administrazioarekin elkar eragiteko aukera izan dezaten. Gainera, sortzen den informazioa unean-unean eta modu eskuragarrian eskaini beharko da, herritarrek informazio egokia izan dezaten, egiten diren kudeaketa eta inbertsioen inguruan.

Ildo orokorrak eta neurriak• Herritarrek politika publikoetan parte har dezaten

sustatzea.

• Herritarrei egindako kontsultak sustatzen jarraitzea, parte-hartze sozialerako esparru berri baterako funtsezko elementu gisa.

• Aurrekontu partehartzaileen prozesuak garatzea, gure ereduari jarraikiz.

• Arlo publikoaren kudeaketa-eredu kalitatezkoa, gertukoa, herritarren parte-hartzean, lankidetzan, gardentasunean eta kontu-ematean oinarritzen dena sustatzea.

32

ZurekinTOLOSA gara

U D A L H A U T E S K U N D E A K F O R U H A U T E S K U N D E A K E U R O P A K O H A U T E S K U N D E A K

@EHBilduTolosa EH Bildu Tolosa [email protected]

Zurekin Zurekin

Orain

Zurekin TOLOSA garafiskalki arduratsua eta ezinbestean inguruarekiko jasangarria. Baliabide eta...

Documents

Transcript of Zurekin TOLOSA garafiskalki arduratsua eta ezinbestean inguruarekiko jasangarria. Baliabide eta...