ZALDIBARRERA ETORRI BERRIEN HARRERA PROTOKOLOA...Zaldibar: Harrera Protokoloa 6 4. JUSTIFIKAZIOA...

ZALDIBARRERA ETORRI BERRIEN HARRERA PROTOKOLOA

: Harrera Protokoloa

Zaldibar: Harrera Protokoloa

2

Aurkibidea

LEHENENGO ATALA

1. SARRERA .......................................................................................................................... 3

2. HELBURUAK ..................................................................................................................... 4

3. PRINTZIPIOAK .................................................................................................................. 5

5. AURREKARIAK ................................................................................................................ 10

BIGARREN ATALA: ZALDIBARRERA ETORRI BERRIENTZAKO HARRERA PROTOKOLOA

1. HARRERAREN LEHEN PAUSOA: ERROLDA, HERRI HARRERA ETA ONGI ETORRIA ......... 14

2. HARRERAREN BIGARREN PAUSOA: BEHARRIZANAK ASETZEA ...................................... 16

3. FORMAZIOA ................................................................................................................... 18

4. SENTSIBILIZAZIOA ETA ELKAR EZAGUTZA ..................................................................... 18

5. HARRERAGILEEN FUNTZIOAK ........................................................................................ 20

7. KOORDINAZIOA ............................................................................................................. 23

8. MATERIALA ETA BALIABIDEAK ...................................................................................... 24

9. ONDORIOAK ETA ERRONKAK ........................................................................................ 26

10. HARRERA PROTOKOLOAREN ESKEMA ……………………………………………………………………. 28

ERANSKINAK


3

1. SARRERA

Gizakiaren historiaren ezaugarrietariko bat mugikortasuna izan da. Historian zehar giza

mugimenduak etengabekoak eta dimentsio handikoak izan dira; egun mugikortasun horrek jarraitu

egiten du. Azken hamarkadetan eta globalizazioaren ondorioz, mugimendu horiek geografikoki

zabaldu egin dira. Gipuzkoa ere horren adierazgarri da, izan ere, pertsona ugari atera ziren

Gipuzkoatik munduko beste tokietara bizitzera eta, egun ere, gazte asko badoaz munduko beste

herrietara.

Aldi berean, munduko beste hainbat lagun gurera etorri dira; ez bakarrik azken urteetan

egondako migrazio mugimenduen ondorioz etorritakoak, baizik eta Euskal Herria helmuga bezala

zuten 60. eta 70. hamarkadetan estatu espainoletik etorritako pertsonak.

Zaldibarko kasuan egun, errolda berriak daude hilero: bai Euskal Herriko beste herrietatik

etorritako jendea, bai estatutik etorritakoa edo beste herrialdeetatik etorritakoak ere. Txosten honek

egun ailegatzen den pertsona hauei zein motatako harrera egingo zaien jasotzen du.

Herri batera heltzearen lehenengo uneak berebiziko garrantzia du herrian txertatzeko garaian,

are eta gehiago herrira etorri denak sare sozial propiorik ez badu. Beraz, etorri berriak herria

ezagutzeko eta herrira egokitzeko egiten diren ekintzak, hau da, etorri berriari egiten zaion harrera,

oso garrantzitsua da. Gizarteratzea bi norabideko prozesua da eta gizarte hartzaileak etorri berriei

harrera egiten dienean eta aukerak eskaintzen dizkienean, gizarteratze positibo bat egiteko aukera

gehiago dago.

Harreraren esparru naturala, herria da. Herrian egingo dira lehendabiziko harremanak eta

nagusienak izango direnak, bai erakundeekin (udala, herriko eskola, osasun etxea…), bai herriko

elkarte eta herritarrekin ere. Harrera protokolo honetan, Zaldibarko udalak ardura berezia du, izan

ere, herritarrengandik gertuen dagoen erakundea izanik, berau eraginkorra izateko aukera handienak

ditu. Horrez gain, bere eginbeharren artean herritarren beharrak asebetetzea baitago hainbat

esparru garrantzitsuetan. Baina benetan eraginkorra izatea nahi badugu, harrera herriko eragileekin

eta herritarrekin batera egin beharko dugu. Elkarteak erreferente izatea garrantzitsua da, izan ere,

herritarren partaidetzarako, beharrak asetzeko eta komunitatea ehuntzeko tresnak ere badira. Hori

guztia kontuan hartuta, Harrera protokolo honek, bi esparru hauek kontuan hartzen ditu: batetik,


4

Udala; HARRERA INSTITUZIONALA, deituko dioguna eta bestetik herritarrak eta elkarteak, HERRI

HARRERA deituko dioguna.

Hurrengo orriotan, Zaldibarko Udalaren eskariz, Euskaltzaleen Topaguneak metodologia parte-

hartzaile baten bitartez egindako, Zaldibarrera Etorri berrientzako Harrera Protokoloa jasotzen da.

Hasteko, protokoloaren helburuak eta printzipioak jasotzen dira; ostean erabilitako metodologiaren

inguruko atal bat dago; ondoren harrerari dagokionean interesgarri diren datu demografiko batzuk

aztertzen dira eta harreraren esparruan aurretik egindako lana jasotzen da modu laburrean.

Txostenaren mamia Zaldibarko Etorri berrientzako Harrera protokoloa titulupean jasotzen da,

protokoloaren zehaztapenak, pausoak, beharrezko koordinazioa eta bestelakoak jasotzen dituena.

Bukatzeko, ondorio nagusiak, erabilitako bibliografia eta eranskin atal bat dago.

2. HELBURUAK

Helburu orokorra

a) Zaldibarrera bizitzera etorriko diren herritarrei harrera egin, prozesua modu

partekatuan eta koordinatuan sistematizatuz.

Helburu zehatzak

b) Zaldibarko harrera protokoloa osatzea.

c) Etorri berriei herriko/herrialdeko baliabideak ezagutaraztea eta baliabideetara

bideratzea modu pertsonalizatu eta zuzenean.

Zaldibarrera etorri diren eta etorriko diren herritarrek herriko dinamika eta

egituretan parte har dezatela bultzatzea.

d) Herritarrak harrera duin eta integral baten garrantziaz sentsibilizatzea.

e) Euskara harreraren erdigunean kokatzea, hizkuntza aniztasuna aintzat hartuz.


5

3. PRINTZIPIOAK

Osotasuna: Harrera protokoloa etorri berri orori bideratua dago, edozein dela bere jatorria

edo azken errolda tokia; hau da, herrian erroldatzen den edonor izango du kabida protokoloan, nahiz

eta gero protokoloan egingo den ibilbidea beharren arabera ezberdina izango den.

Zehar-lerrokotasuna: harrera protokoloko pausoak modu zuzenean egingo dituzten eragile

batzuk aipatzen diren arren, Udal osoa eta herriaren ardura izango da harrera on bat egitea.

Garrantzitsua da Udaleko arlo guztien parte-hartzea, izan ere harreraren helburuetariko bat herriko

baliabide eta zerbitzuetarako sarbidea erraztea baita. Horregatik, metodologia atalean ikusiko

dugunez, zerbitzu ia guztiei egin zitzaien protokoloa osatzeko saioetan parte hartzeko gonbita eta

gaia martxan jartzen denean arlo guztietan lantzeko proposamena, bakoitzaren funtzioak zehaztuz.

Horrez gain, eta sarreran aipatu moduan, harrera on bat egin nahi badugu garrantzitsua da herriko

eragileen eta norbanakoen parte-hartzea. Protokolo hau osatzerakoan eragileak ere kontuan hartu

dira eta saio parte-hartzaileak antolatu dira beraiekin.

Kultura eta jatorri aniztasuna: Zaldibarko kultura eta jatorri aniztasuna onartu eta balorean

jarri, gizartearen elementu positibo eta aberasgarri bezala.

Bizikidetza/ elkarbizitza: Harrera, behar sozio-ekonomikoak asetzeko tresna izateaz gain,

modu zabalago batean ulertzen da, horregatik herritarrei bideratutako sentsibilizazioa eta herritarren

arteko elkar ezagutzarako gune eta uneak sustatzea aurreikusten da; azken finean, harreman sare on

bat izatea gizakien oinarrizko behar bat delako ere.

Aukera berdintasuna: herritar guztiek eskubide eta betebehar berdinak izan beharko lituzkete;

baina badakigunez, eta Atzerritartasun legearen ondorioengatik, herritar batzuek ez dituzte eskubide

berberak. Harrera protokolo honen bitartez, hori kontuan hartuz, Zaldibarko herritar guztiei aukera

berdintasuna bermatzen saiatuko da.

Euskara oinarrizko elementu: Euskara bertako eta berezko hizkuntza izanik eta egoera

gutxiagotu batean egonik, euskarara hizkuntza harrera egiteko baliabide bereziak jartzeko ahaleginak

egingo dira, etorri berriei euskararen inguruko informazioa emanez, hizkuntzara gerturatzeko

proiektuen bitartez, hizkuntza ikasteko diru-laguntza lerroak sustatuz eta hauen inguruko

informazioa emanez. Hala ere, Zaldibarrek duen hizkuntza aniztasuna aitortuko da eta balorean

jarriko da, herriko aberastasun moduan islatuz.


6

4. JUSTIFIKAZIOA

Zaldibarrek 2016an, EUSTATen datuen arabera, 3.060 biztanle zituen. Horien artean % 72,9a

Euskal Autonomi Erkidegoan jaiotakoa da, %19,7 beste lurraldeetan, eta atzerritik etorritako

biztanleriaren portzentaia %7,4 da.

ZALDIBARKO BIZTANLERIAREN BILAKAERA (2006-20016)

ZALDIBAR 2006 2011 2016

Araba 23 22 17

Bizkaia 1.757 1.883 1.938

Gipuzkoa 262 266 276

Beste lurraldeak 697 640 602

Atzerria 125 230 227

OSOTARA 2.862 3.041 3.060

Euskal Estatistika Erakundearen datuekin Topaguneak osatutako taula.

Azken 10 urteetako populazioaren bilakaera aztertuta esan dezakegu, igoera egon bada ere,

nahiko egonkor mantendu dela Zaldibarreko biztanle kopurua. Txoenten honen gai nagusiari

dagokionez, harrera alegia, bereziki interesgarria da, Araba, Gipuzkoa, beste lurralde eta atzerritik

etorritako biztanleriaren bilakaera. Beste lurraldeetatik etorritako populazioa jaisten joan den

bitartean eta Gipuzkoatik eta Arabatik etorritako biztanleria nahiko egonkor mantendu den

bitartean, atzerritik etorritakoek (2006 eta 2011 urteen artean batez ere) kopuru igoera handia izan

dute, azken urteetan egonkor mantenduz. 2006an Zaldibarreko herritarren %4.3a izatetik, 2016an

den %7,4ra heldu arte. Bizkaian dagoen atzerritar kopurutik (% 8,3a) puntu bat beherago dagoelarik .


7

ATZERRITAR JATORRIKO BIZTANLERIA: SEXUA ETA JATORRIAREN ARABERA (2017)


Atzerritarren jatorri eta sexuari erreparatua, ikus dezakegu emakume eta gizonezkoen kopuruak

nahiko orekatuak dauden arren, 99 emakume (%43a) eta 112 gizonezko (%53);sexuen arteko alde

handiak daudela gero jatorriko kontinenteei begira jartzen bagara. Europar jatorriko biztanleen

artean emakume eta gizon kopuruak berdinak diren arren, Afrikan, gizonezkoek %62a dira, eta

Amerikako jatorrikoen artean, emakumeak %70a dira. Esan beharra dago, ezaugarri hori orokortua

dagoela Euskal Autonomi Erkidegoan.

Jatorriko kontinenteei begira, Afrikatik etorritakoak dira Zaldibarren dagoen antzeko jatorriaren

biztanleriaren kopururik altuena, erdia baino gehiago direlarik (%53), ostean Europar jatorrikoak

datoz (%33a) eta azkenik Amerikatik etorritakoak (%14a). Asia jatorriko herritarrik ez dago.

Atzerritar jatorriko biztanleen nazionalitateei erreparatzen badiegu, 2017an Zaldibarren 27

nazionalitate ezberdin zeuden. Hurrengo taulan nazionalitate nagusiak agertzen dira. Ikus dezakegun

moduan, Marokoko nazionalitateko biztanleak dira nagusi, osotara 58; ostean Errumaniar

nazionalitatekoak, 36; ostean Portugal eta Senegaleko nazionalitateko herritarrak kopuru antzekoan

(26 eta 24 urrenez urren) eta azkenik Nikaraguar nazionalitatekoak, 13 biztanle. Sexuari dagokionez,

Marokoko biztanleria maskulinizatutako kolektiboa dela esan dezakegu, Errumania eta Nikaraguakoa

feminizatutakoa den bitartean eta Portugal eta Senegalekoa orekatutakoak direlarik.

34

69

9

35

43

21

0

10

20

30

40

50

60

70

80

Europa Afrika Amerika

Gizon

Emakumeak


8

NAZIONALITATE NAGUSIAK ZALDIBARREN (2017)


Txosten honen helbururako, errolda berriak dira daturik garrantzitsuenak; izan ere datu hauek

protokoloaren hartzaileen kopurua eta ezaugarriak jasotzen dituztelako. Erroldako datuei

erreparatuta beraz, 2017 urtean 113 errolda berri egon ziren, hau da, hilean ia 10 errolda berri egon

ziren.

Horietariko gehienak, Euskal herriko beste herri bat dute azken errolda tokia, (%74,3), Bizkaitik

etorritakoak dira nagusi (66 pertsona) ostean Gipuzkoatik etorritakoak (15 pertsona). Gainera

0

10

20

30

40

50

60

Emakumeak

Gizonak

84

1410

5

0

10

20

30

40

50

60

70

80

90

Euskal Herria Espainiar estatua Amerika Afrika

2017KO ERROLDAK ZALBIBARREN


9

ohikoena da gertu dauden herrietatik etortzea; kopururik esanguratsuena Durango, Bilbo, Berriz eta

Ermua izan dira urrenez urren.

Espainiar Estatua azken errolda tokia izan dutenak daude (%12,4a), ostean Amerikatik zuzenean

etorritakoak (%8,9a) eta azkenik Afrikatik etorritakoa (%4,4). Ameriketatik datozenen artean

Nikaragua eta Venezuelako herritarrak dira nagusi eta azkenik, Afrikatik zuzenean etorritakoak,

Maroko, Mali eta Senegaletik etorritakoak dira.

Hala ere, analisiak egiterakoan oso kontuan hartu beharreko datua da ezin izan ditugula

alderatu, errolda berriak eta nazionalitateak. Hau da, Durango bere azken errolda tokia izan duen

herritar bat Errumaniar jatorria izan dezake, adibidez. Amerikatik eta Afrikatik etorritakoen kopuru

txikiak horregatik agertzen dira, horietan bakarrik jasotzen baita zuzenean jatorrizko herrialdetik

Zaldibarrera etorri diren pertsonen kopuruak.

Datu hauetatik ondorioztatu genezakeena zera da: etorrera kopuruak mantentzen ari dira azken

urteetan eta kopuru esanguratsu batean, beraz, Harrera Protokoloa lantzeak garrantzia du herritar

berri hauek ongi artatzeko. Bigarrenik, herritar berrien ezaugarriak oso ezberdinak dira: Euskal

Herriko beste herrietatik etorritako jendea; estatu espainoleko beste lurraldeetatik etorritako

jendea; estatu espainoletik edo atzerritik etorritako jendea baina jada Euskal Herriko herriren batean

bizi izan direnak; eta, azkenik, Zaldibarrera beraien jaioterritik zuzenean datorren jendea. Aurreikusi

dezakegu beraz, beharrak oso ezberdinak izango direla, batzuk euskararen inguruko informazioa

izango dute jada, baina beste batzuk ez; batzuek Gipuzkoan dauden baliabideak ezagutuko dituzte,

beste batzuk ez, etab.

Herritar berrien aniztasuna kontuan hartuz osatu da protokolo hau, guztiontzat erabilgarri izan

nahi duena, ez duena inor kanpoan uzten baina, harrera modu pertsonalizatuan bideratzen lagundu

nahi duena guztion beharrak ahalik eta hoberen ase ahal izateko.


10

5. AURREKARIAK

Zaldibarrek harrera egitasmo protokolizaturik ez bazuen ere, harrera esparruan lanketak eta

hausnarketak eginak ziren esku artean dugun Protokoloa landu aurretik. Udal guztietan herritarrei

arreta egiten zaie eta herritar hauen artean etorri berriak badaude; beraz, informazio, deribazio eta

koordinazio lan bat egiten zen (eta egiten da) udalean; modu protokolizatu batean ez bazen ere.

Praktikan egiten den lanaz gain, aniztasuna eta harreraren inguruan hausnarketak egin dira

azken urteotan. Horren adierazgarri Zaldibar Udaleko Euskararen Plan Estrategikoan (2015-2017)

aipatutako ekintzen artean honakoa: 2.6. Ikasle etorkinak euskarara hurbiltzeko programak diseinatu

eta garatzea. Eta Zaldibarko Emakumeen eta Gizonen arteko II. Berdintasun Plana. 2016-2019;

erronken artean bi hauen aipamena:

Emakume atzerritarren eta bertakoen artean komunikazio bideak zabaldu eta elkarrekintza

sustatzea

Kolektibo ezberdinen eta batez ere emakume etorkinen beharrak ezagutzea

Eta ekintzen artean honakoa:

1.4.2. Emakume migratzaileen eta bertako emakumeen arteko lankidetza bultzatu. Batak

bestearengandik ikasteko tailerrak, hitzaldiak, kulturartekotasun topaketak…

Horrez gain, aipatu behar da ere Zaldibarko eskolak baduela ikasle etorri berrientzat harrera

protokolo bat. Txosten honek jasotzen duen protokoloa eraikitzen ari zen bitartean, eskolako

protokoloa berritzeko prozesuan zegoen.

Sentsibilizazio esparruan, Zaldibarko Jendeak 2015etik urtero egiten duten kulturarteko Jaialdia

azpimarratzeko modukoa da, halako jaiek herritarren arteko elkar ezagutzarako guneak eta uneak

eskaintzen dituztenez, harrerarako ere garrantzitsuak dira.

Bukatzeko, Udalak 8 hizkuntzetara itzulita dagoen Ongi Etorri Zaldibarrera Baliabideen Gida

osatu du aurten, 2018an. Bertan herriko informazio anitz jasotzen da: herriko historia, erroldatze eta

erregulazioaren inguruko informazioa, herriko zerbitzu eta baliabideak, euskara, jaiak eta ohiturak

eta elkarteak, besteren artean. Gida hau, protokolo honetan txertatua dago, harrerarako tresna bat

izango da protokoloaren zehaztapenak jasotzen dituen atalean islatzen den bezala.

Ziur Harrera eta aniztasun esparruan lanketa gehiago egin izan direla azken urteotan, baina

hemen zertzelada batzuk ekarri nahi genituen besterik ez.


11

6. METODOLOGIA ETA PROZESUA

Ondorengo lerroetan Harrera Egitasmoa sortzeko emandako urrats ezberdinak eta urrats

bakoitzean ateratako ondorio nagusiak jasotzen dira. Informazio gehigarrirako eranskinen atalean

saio bakoitzaren akta jasotzen da.

HARRERA INSTITUZIONALA (1): Udaleko teknikariekin

Otsailaren 27an egin zen Zaldibarko Udalean. Udaleko Euskara teknikariak deituta hurrengo

zerrendan jasotzen dira parte hartzaileak: Udal ordezkariak (4), Gizarte Zerbitzuetako eta

Berdintasuneko teknikariak, Arreta Bulegoko langilea, Kultura eta Liburutegiko administraria,

Eskolako Ikasketa burua eta Euskara teknikaria. 2 orduko iraupena izan zuen saioak. Hasteko,

Harreraren inguruko informazio teorikoa eman zen: zer da, zein helburu dituen, printzipioak, etab.

Horren ostean bi atal ezberdin jorratu ziren. Ordura arte Udaletik zein harrera egiten zen jaso eta

aurrera begirako pausoak proposatu.

Harrerarako egiten denaren inguruko informazio nagusia honakoa izan zen:

Udaletxean egun egiten dena:

Errolda: Beharren arabera ematen da informazioa. Orain arte ez da egon euskarririk

informazioa emateko. Informazioa batez ere Gizarte Zerbitzuak eta Eskolaren inguruan

eskatzen dute erroldatu berriek.

Lehen hitza euskaraz egiten da, beste hizkuntzetako hiztunak daudenean ahal den bezala

egiten da, baina moldatzen dira.

Liburutegira doazenak gaztelaniaz badakite, hizkuntza arazoak ez dituzte orokorrean.

Gizonezkoak internet erabiltzera doaz batez ere, eta emakumezkoak haurrekin txartela

egitera (oso erraza da eta ez dago arazorik) eta liburuak etab irakurtzera. Emakume

Marokoar talde bat liburutegiko ekintzetara badoaz.

Eskolan badago harrera plana, berritzen ari dira. Komenigarria Herriko harrera

protokoloarekin koordinazioan edo elkarlana bilatu. Eskolan paper asko ez erabiltzeko,

liburutegira bideratzen dituzte ordenagailuan dokumentuak deskargatzeko.


12

Euskaratik ez da harreran egun ezer egiten, 2 urteetan AISA taldeak egon ziren, gero

jaitsiera izan zuen eta bertan behera utzi zen.

Zaldibarko Jendea: Sahara, Senegal, Nigeria; Mali, Kolonbia, Portugesak, euskaldunak,

Kubatarrak, Arabiarrak, etab. Zinegotzi bat egon da parte hartzen baina ez dute baldintzatu

nahi. Jai Batzordean eta bestelakoetan parte hartzen dute modu aktiboan batzuk. Talde

informala da, ez dago eratua elkarte bezala. Urtean behin kulturarteko jaialdi bat egiten

dute.

Euskarriak: hiztegitxoak jaian banatu zituzten, gizarte langileak baditu batzuk eta banatzen

ditu batzuetan.

Udaletxeko teknikarien arteko koordinazio gunerik ez dago, izan ere, Udaletxe txikia izanez

ez da beharrezkoa ikusi, berez elkartrukatzen da informazioa eta koordinazioa ematen da.

Saioaren bigarren zatian, hurrengo atalean lantzen den Harrera protokoloa definitzeko lehendabiziko

pausoak eman ziren.

HERRI HARRERA (1): Herriko eragile zein norbanakoei bideratutakoa

Euskara teknikariak eragileen zerrenda osatu zuen eta deialdi zabala egin zen, mailez eta

telefonoz .

Martxoaren 22an egin zen bi orduko iraupena izan zuen saioa, bertara honako eragileak

gerturatu ziren: Hogar del Jubilado, Zaldibarko Jendeak, Gaztelekua, Guraso Elkartea eta Gimnasia

Erritmikoko Klub-a. Topaguneko teknikariak proiektuaren nondik norakoak azaldu ostean, bakoitzak

bere buruaren edo taldearen izena aurkeztu zuen eta aniztasun edo harrera gairekin zuen

harremana, ostean bi galdera hauei erantzun zitzaion: herrian jorratzen al da aniztasunaren gaia?

Nola jorratu beharko litzateke? Ideia interesgarriak atera ziren, batez ere herri harrera egiteko gogoa

eta indarra erakutsi zen.

HARRERA INSTITUZIONALA (2): Udaleko teknikariekin

Apirilaren 24an egin zen saio honetara aurrekoan parte hartu zuten guztiak agertu ziren. Lan saio

bat izan zen, teknikari eta udal ordezkarien lehendabiziko saioan eta eragileekin lehendabiziko saioan


13

adostutakoarekin Topaguneak protokolo proposamen bat aurkeztu zuen. Protokoloa pauso

batzuetan zehaztasun gehiagora heltzea izan zen helburua.

HERRI HARRERA (2): Herriko eragile zein norbanakoei bideratutakoa

Apirilaren 24an egin zen, eragileekin prozesuaren bigarren eta azkeneko bilera. Parte hartzaileak

honakoak izan ziren: Zaldibarko Jendeak, Gaztetxea, Guraso Elkartea, Caritas eta Euskara

batzordeburua. Bertan, udal langile eta ordezkariekin landutako proposamena aurkeztu zitzaien eta

herri harrera egiteko aukerak eta proposamenak landu ziren.

HARRERA PROTOKOLOA OSATU ETA BERRETSI

Saioetan landutako eta adostutakoarekin Topaguneak Harrera Protokolo txostena osatu eta

prozesuan zehar parte hartzen egon diren pertsonei bidali zaie ekarpenak egiteko. Behin ekarpenak

txertatua behin betiko protokoloa osatuko da


14

ZALDIBARRERA ETORRI BERRIENTZAKO HARRERA

PROTOKOLOA

1. HARRERAREN LEHEN PAUSOA: ERROLDA, HERRI HARRERA ETA ONGI ETORRIA

Errolda

Harrera protokolo instituzionala aktibatzeko lehen pausua errolda izango da. Erroldatzea

garrantzia handiko momentua da, alde batetik, etorri berriak Zaldibarren bizitzeko intentzioa

adierazten duelako; bestetik, guztietan ez bada ere, askotan administrazioarekin duen lehendabiziko

kontaktua delako eta, azkenik, erroldatuta egotea, osasun txartela eskuratzeko, Gizarte Zerbitzuen

laguntzak eskatzeko eta bestelakoentzako beharrezkoa den tramitea badelako.

Udaleko beste edozein zerbitzutik zein herriko eragileren batetik erroldatu gabeko norbait

pasako balitz, erroldara bideratuko da, harrera instituzionala martxan jarri ahal izateko. Herri

harreran parte hartzen duten eragile guztiekin adostu den pausoa da.

Errolda Zaldibarko Udalaren Herritarrentzako arreta bulegoan egingo da.

Ongi Etorri Baliabideen Gida

Harreraren helburuetariko bat zerbitzu publikoetara sarrera erraztea eta zerbitzu hauen

erabilera sustatzea izanik, pertsonen oinarrizko beharrak asetzeko zerbitzuen inguruko INFORMAZIO

on eta argi bat eman beharko da. Horretarako arreta bulegoko langileek, behin errolda eginda,

erroldatu berriei Ongi Etorri Zaldibarrera Baliabide Gida emango die.

Gida zazpi hizkuntzetan dago: euskara, gaztelania, frantsesa, ingelesa, portugesa, errumaniera

eta arabiera. Bertan, herriko historiaren, euskararen, herriko jai eta ohituren eta herriko baliabide

eta zerbitzuen informazioa dago; edozein erroldatu berrirentzat baliagarria den informazioa, alegia.


15

Gida banatzeko irizpideak honakoak dira:

- Pertsona bat baino gehiago helbide berean erroldatuko balira gida bat emango zaie, hau

da, etxe bakoitzerako bat banatzea izango da irizpide orokorra. Kasu bereziak erroldako

langileak aztertuko ditu eta erabakiko du bat baino gehiago eman, etxe berean erroldatuta

daudenak baino beraien artean harreman gutxi dagoela antzematen bada, adibidez.

- Gida udaleko web gunean zintzilikatuko da, norbaitek bitan eskatuko balu web gunera

bideratuko zaio.

- Gidak bukatzerakoan, gidaren errepasoa egingo da (datuak, telefonoak, etab. ondo

dauden) eta horren ostean ale gehiago inprimatuko dira.

Ongi Etorri Gutuna

Harrera protokoloen helburu ohikoenen artean etorri berriari ONGI ETORRIA ematea dago.

Udalaren aldetik egindako ongietorri bat, herriaren izenean egiten den aitortza bat da, herritar

berriak herriaren parte direla sentiarazteko keinu bat; jarrera positibo bat erakusten du eta gizarte

kohesiorako borondatea islatzen du.

Gidarekin bat (Gidaren barnean sartuko da) Ongietorri Gutun bat banatuko zaie erroldatu berri

orori. Alkateak sinatuta, edukiak honako hauek izatea gomendatzen dugu: herrira ongietorria eman,

herritar berri bezala aitortu, herriaren izaerari dagokionez azpimarratu nahi diren ideiak azaldu

(Zaldibarren kasuan euskarari zentralidadea ematea adostu da) eta azkenik, Herri harreraren berri

eman.

Gutunaren hizkuntzaren inguruan aukera ezberdinak aztertu dira: ongi etorri esaldia hizkuntza

ezberdinetan jartzea eta edukia euskaraz eta gaztelaniaz edo eduki guztia gidan agertzen diren

hizkuntza berdinetara itzultzea.

Harrera herritarraren informazioa

Gida banatzerakoan erroldako langileak, herrian harrera egiteko talde bat dagoela aipatuko du

eta nahi izatekotan, bere telefonoa utzi dezakeela talde honetatik berarekin harremanetan jartzeko.

Horretarako erroldatu berriari Harrera herritarraren inguruko informazio laburra jasotzen duen


16

dokumentua emango dio erroldatu berriari, argi utziz egitasmoa Zaldibarko Udaleko Harrera

Protokoloaren baitan dagoela eta dokumentua betetzea ez dela nahitaezkoa, hautazkoa dela.

Erroldako langileak betetako dokumentuak euskara sailari pasako dizkio. Euskara teknikariak,

hilean behin Herri Harrerako ordezkariari pasako dizkio erroldatu berriekin harremanetan jartzeko.

Dokumentua hainbat hizkuntzetan itzulia egotea proposatzen dugu: euskara eta gaztelaniaz gain,

beste bi hizkuntzetara behintzat. Hizkuntzak aukeratzeko, Zaldibarko azken urteetako erroldak

aztertzea gomendatzen dugu, eta horren arabera itzulpenetarako hizkuntzen aukeraketa egitea.

Dokumentuaren zirriborroa material atalean jasota dago.

2. HARRERAREN BIGARREN PAUSOA: BEHARRIZANAK ASETZEA

Harrera protokolo honen lehendabiziko pausoak, INFORMAZIO eta ONGIETORRI helburuak

dituzte eta izaera orokorra dute, hau da, arestian aipatu bezala, erroldatu orori harrera modu berean

egingo zaio: erroldatu, guztiontzako erabilgarria izango den informazio orokor berdina (Gida),

gutunaren bitarteko Ongietorri ofiziala eta Herri Harreraren berri eman. Harrera instituzionalari

dagozkien pausuak dira. Bigarren hau, ordea, pertsona bakoitzaren beharrei eta interesei

erantzuteko pausoa izango da. Behar eta interes hauek askotarikoak izan daitezke: etxebizitza, lana,

hizkuntza, aisialdia, kirola, etab. eta izaeraren arabera HARRERA INSTITUZIONALETIK edo HERRI

HARRERATIK erantzungo zaio.

HARRERA INSTITUZIONALA

Esan bezala, etorri berrien beharrizanak asetzeko bideratutako pausua izango da honakoa, orain

sailek egiten duten lana egiten jarraitzea da, azken finean.

Eskaera edo beharra izaera anitzekoa izan daiteke: etxebizitza, laguntzak, lana, kultura, kirola,

etab. behar horri momentuan erantzun ahalko zaio, dagokion sailean egiten badu edo bideraketa lan

bat egin beharko da, izan ere edozein zerbitzutan beste zerbitzu edo sail baten inguruko informazio

galdetu dezakete etorri berriek, askotan Arreta Bulegoan gertatzen den bezala. Kasu horietan,

garrantzitsua da pertsona horren beharra asetzeko dagokion zerbitzu, sail edo baliabidera bideratzen


17

jakitea. Horretan laguntzeko Udalak sortu duen Ongi Etorri baliabideen gida erabili daiteke. Gida

horretan beharrak arloka sailkatzen dira eta horiei erantzun egokia emateko pertsona interesatua

zein sail edo zerbitzuetara bideratu behar dugun jasotzen da. Gida hau Udaleko zerbitzuen eskuetan

jarriko da, eta harreran inplikatu nahi duten eragile guztien eskuetan, halako beharrak dituzten

herritar berriak modu egoki batean bideratzeko lagungarri izateko.

HERRI HARRERA

Sarreran esan bezala, Harrera on bat egin nahi badugu, udal harrera egiteaz gain, harrera

herriko eragileekin eta herritarrekin batera egin beharko dugu. Elkarteak eta norbanakoak

erreferente izatea garrantzitsua da, izan ere, herritarren partaidetzarako, beharrak asetzeko eta

komunitatea ehuntzeko tresnak ere badira. Herritar talde bat, prest dago funtzio hauek betetzeko.

- Lehendabiziko pausuan adostu bezala, Euskara zerbitzutik interesa adierazi duten

herritarren kontaktuak pasako zaizkio Herri Harreraren ordezkariari eta herritar berri

hauekin kontaktuan jarriko dira.

- Etorri berriarekin bildu eta elkarrizketa informalaren bitartez, Herri Harreratik eskaintzen

dela azaldu eta artatua izan den pertsonaren behar edo interesez galdetuko zaio.

- Interes edo beharren arabera esku-hartze ezberdinak egin ahalko dira: dagokion sail edo

zerbitzura bideratu (Gida) edo Herri Harreratik beharrak ase.

Herri Harrera sortu gabe dagoenez, oraindik ez dira beteko dituen funtzio guztiak definitu,

baina prozesuan zehar batzuk proposatu dira epe laburrean egingarritzat eta eraginkortzat hartu

direnak:

- Harrera familiak: gurasoentzako ekimena da, bertan eskolako guraso batzuk eskolara

etorri berri diren familiak eskolako funtzionamendura egokitzeko eta harremanak egiteko

laguntza emango dute. Donostiako Udalean antzeko egitasmoa bat dute martxan Familia

laguna proiektua: Donostia.

- Hizkuntza laguntza: euskarara eta gaztelaniara hurbiltzeko egitasmoak.

Horrez gain beste egitasmo batzuk aipatu dira hauek ere definitu gabeak, epe luzeago batean

egin daitezkeenak, taldearen martxaren arabera:

https://www.donostia.eus/info/ciudadano/aniztasuna_kanpainak.nsf/voWebContenidosId/NT00000952?OpenDocument&idioma=eus&id=A390667418971&cat=Ongi%20etorri%20eskolara!%20Convivenia%20intercultural%20en%20la%20comunidad%20escolar&doc=D

https://www.donostia.eus/info/ciudadano/aniztasuna_kanpainak.nsf/voWebContenidosId/NT00000952?OpenDocument&idioma=eus&id=A390667418971&cat=Ongi%20etorri%20eskolara!%20Convivenia%20intercultural%20en%20la%20comunidad%20escolar&doc=D


18

- Elkarteen informazioa ematea

- Leku bakoitzaren funtzionamendua ezagutzeko ekimenak: liburutegia, eskola, kiroldegia…

3. FORMAZIOA

Harreran formazio beharrak topa ditzakegu eta hauek kontuan hartzea eta erantzuna ematea

garrantzitsua da. Formazio beharrak bi zentzuetan aurki ditzakegu: harrera hartzaileen formazio

beharrak edota harrera protokoloan parte hartzen duten pertsonen formazio beharrak.

Lehendabiziko kasuan, hau da, etorri berriek dituzten formazio beharrak, anitzak izan

daitezke: oinarrizko hizkuntza ezagutzak, lege orientazioa, berriz elkartzeko prozesurako laguntza

(psikologikoa…), parekidetasunarekin harremana duten formazioak, etab. Behar hauek detektatzea

eta erantzuna emateko definizioa Harrera Protokoloaren koordinazio mahaiaren funtzioetariko bat

izango litzateke. Beherago, koordinazio atalean jorratuko ditugu modu sakonago batean mahai honi

dagozkion funtzio guztiak.

Bestalde, Harrera egiten duten pertsonek, izan teknikari, izan elkartekide, formazio beharrak

izan ahal dituzte beraien funtzioak ondo bete ahal izateko. Teknikariekin egindako saioetan ez da

oraingoz formazio behar zehatzik antzeman; baina interesgarria da jakitea Eusko Jaurlaritzako

Enplegu eta Gizarte Politiketako Sailetik, Biltzenen (Gizarteratze eta Kulturarteko Bizikidetzaren

Euskal Zerbitzuak) bitartez, teknikarientzako eta eragileentzako formazio saioak eskaintzen dituztela.

Eskaintza oso zabala da eta arlo desberdinak jorratzen ditu: soziodemografikoa, sozio-juridikoa,

sozio-sanitarioa, gazteria, parte-hartzea, tratu berdintasuna, lana, etab. Beharra izanez gero, tokiko

erakundeek saio hauek eskatu ahal dituzte.

4. SENTSIBILIZAZIOA ETA ELKAR EZAGUTZA

Harrera on bat egiten duen gizartea sustatzeko ekintzak dira sentsibilizazioa eta elkar ezagutza.

Harreraren beharrak ez dira mugatzen baliabide publikoetara sarrera eta gizarte hartzailearen

inguruko informazioa izaten, baizik eta guretzat oso garrantzitsua dena, gizarte dimentsio bat

badago, herriko eguneroko bizitzan eta gizarte mugimenduan parte hartzea da. Harrera barnebiltzen


19

du, baina harreratik haratago doa. Parte-hartzea, elkar ezagutza eta gizartearen sentsibilizazio

jarduerak oso garrantzitsuak dira, bai harrera on bat egiteko, eta baita gizarte kohesiorako eta

elkarbizitzarako ere. Esan dugun bezala, gizarteratzea bi norabideko prozesu bat da eta elkar

ezagutza ezinbestekoa da elkar aitortza lortzeko. Askotan baina, ez daude nahiko espazio elkar

ezagutza hori emateko; beraz garrantzitsua da hauek sustatzea.

Gizarte hartzaileari begira sentsibilizazio jarduerak egitea garrantzitsua da baita ere:

migrazioen errealitatea erakustea, aniztasunaren ikuspegi positiboa zabaltzea, estereotipoak eta

aurreiritziak apurtzeko helburu duten jarduerak, etab. antolatu daitezke.

Elkar ezagutza eta sentsibilizaziorako jarduerak antolatu eta sustatzeko orduan elkarteek

berebiziko garrantzia hartzen dute. Zaldibarren bide honetan hasiak daude (Kulturarteko jaia) eta

Herri Harrerak hartuko duen beste funtzioetariko bat da. Hala ere, honek ez du esan nahi Udalak

halako ekimenak egin behar ez dituenik, izan ere, gizarte kohesioa mantentzea Udalaren ardura ere

baita, zentzu honetan elkarteek antolatzen dituzten jarduerak baliabideak jarriz lagundu ahal ditu

udalak edo zuzenean Udaletik antolatu.

Halako jarduerak sustatzea gomendagarria da betiere, gaian interesa duten erakunde, eragile

eta norbanakoen artean sinergiak bilatuz eta ahalik eta modu koordinatuenean lan egitea, ikuspegiak

trukatzeko eta aberasteko, eta eraginkortasunean irabazteko.


20

5. HARRERAGILEEN FUNTZIOAK

6. HARRERAGILEEN FUNTZIOAK

HERRITARRENTZAKO ARRETA BULEGOA

Errolda egin: bizilagun berriek ohiko bizitokitzat izango duten udalerriko erroldan izena

emateko tramitea egitea.

Erroldatu berriei etxe bakoitzeko Ongi Etorri baliabide Gida bat eman. Kasu berezietan

bat baino gehiago

Erroldatu berriei Ongi Etorri Gutuna eman

Herri harreraren inguruko informazioa jasotzen duen dokumentua azaldu eta eman.

Betetzen diren dokumentuak Euskara Teknikariari pasa

Jarraipenerako erroldaren datuak pasa (errolda anonimoa). Hilero erroldatu berrien

datuak pasa; koordinazio bileretan (3 hilean behin)

Harrerako koordinazio mahaian parte hartu

EUSKARA SAILA

Erroldatik Herri harreran interesa duten herritarren telefonoa jasotzen duten

dokumentuak Herri harrerako ordezkariari pasa gutxienez hilean behin.

Etorri berriei euskara ikasteak duen garrantzia transmititu.

OROKORRAK (UDALEKO SAIL GUZTIAK)

Udaletxera hurbiltzen den orori, jatorria edozein dela ere, lehen hitza euskaraz egin.

Enpatia eta sinpatiaz zuzendu etorri berriari. Ahal den neurrian eroso sentiaraziz eta

ongi etorriak direla adieraziz.

Artatzen den pertsona erroldatu gabe badago, erroldara bideratu.

Beharrizanen araberako bideratzea egin.

Etorri berri bati harrera egiten zaionean datu hauek apuntatu: sexua, jatorria,

eskaera, bideratzea. Datu hauek koordinazio mahaian partekatuko dira.


21

Euskara ikasteko baliabideen informazioa eman eta berauekin harremana erraztu:

Euskaltegia.

Euskara ikasteko diru-laguntzen berri ematen jarraitu

Euskaratik urrun dauden herritarrak euskarara gerturatu edo ikasi ahal izateko aukerak

aztertu: talde txikiagoak onartu (gurasoen kasuan egiten da), euskarara gerturatzeko ekimen

ez formalak bultzatu, etab.

Etorri berriendako euskararen inguruko informazio saioak egiteko edo sentsibilizaziorako

materialak sortzeko aukera aztertu: euskararen egoera, euskara ikastearen garrantzia…

Koordinazio mahaia deitu eta dinamizatu.

KULTURA

Aniztasunaren gaiaren inguruan sentsibilizazioa lantzeko kultur jarduerak antolatu


ESKOLA

Ikasle berrientzako harrera protokolo berria landu eta martxan jarri

Herri harreratik eta gurasoei bideratutako ekimenak lagundu eta koordinazioa landu


GIZARTE ZERBITZUAK

Beharrizan bereziak dituzten biztanleen beharrak asetzen jarraitu

Enplegurako baliabideen informazioa eman eta dagokion zerbitzura bideratzen jarraitu.


BERDINTASUNA

Berdintasun ataleko etorri berrien beharrei erantzun


22

Harrerarekin harremana duten ekintza eta lanketan genero ikuspegia txertatzeko

baliabideak eta aholkularitza eskaini.


UDAL ORDEZKARIAK

Harrera protokoloa martxan jartzeko eta garatzeko adostasun politikoa bultzatu

Harrera protokoloa martxan jarri eta garatzeko baliabide material eta pertsonalen beharra

aztertu

Euskara zinegotzia Udaleko harrera erreferentea izan

Koordinazio mahaian parte hartu

HERRI HARRERA ERAGILEAK

Harrera protokoloaren inguruko informazioa izatea eta behar denean pertsonak Arreta

Bulegora bideratu.

Herri harrera sareko bilerak deitu

Herri harrera sareko diskurtsoa eta ekimenak definitu

Koordinazio eta ebaluazio mahaia sortu eta bildu

Ordezkariaren bitartez udalarekin koordinazioa landu

Kultura eta Hizkuntza aniztasunaren gaiaren inguruko sentsibilizazio ekimenak egin


23

7. KOORDINAZIOA Harrera Protokoloaren eraginkortasuna bermatzeko, garrantzitsua da Zaldibarko teknikari, udal

ordezkari eta herri eragileen arteko koordinazioa lantzea eta aniztasunaren kudeaketan elkarlanean

aritzea.

Bestalde, Harrera Protokoloaren ebaluazioa eta berrikuspena egin beharko da, eskaintzen

den harreraren kalitatea eta eraginkortasuna bermatze aldera. Protokoloa ebaluatzerako orduan,

hainbat irizpide kontuan hartu beharko dira: errolda berrien azterketa, etorri berrien beharren asetze

maila, erroldatu berrietatik herri harrerara bideratutako pertsonen ezaugarriak eta beharrak,

egindako ekimenen arrakasta eta eraginkortasuna, etab.

Hori guztia egin ahal izateko Koordinazio mahai baten osaera proposatzen da, ondorengo

lerroetan Mahaiaren partaideak, funtzioak eta maiztasun proposamena jasotzen da.

• Partaideak:

Harrera instituzionaletik: udal ordezkaria (euskara zinegotzia), udal teknikariak (euskara

teknikaria behintzat. Gomendagarria:Gizarte Zerbitzutako eta Berdintasuneko teknikariak) eta

eskolako ordezkari bat

Herri Harrerarik: Herri harrerako ordezkaria.

• Koordinazio bileren edukiak:

• Taldea martxan jarri eta lehendabiziko ekimenak definitu

• Tarteko ebaluazioa eta ekimen proposamen berriak, baleude

• Azken ebaluazioa, protokoloan beharrezkoak ikusten diren moldaketak eta hurrengo

faserako proposamenak

• Maiztasuna: Hiru hilean behin

Herri Harrera taldeak, bere koordinazio gune propioa izan beharko du. Protokolo hau

osatzerakoan talde honek ez zuen oraindik bileren izaera definituta.


24

8. MATERIALA ETA BALIABIDEAK

Atal honetan, harrera protokoloan erabiliko diren baliabideen eta materialen inguruko

informazioa biltzen da

8.1. HERRI HARRERAREN INGURUKO INFORMAZIO DOKUMENTUA ETA DATUAK

Txosten honetan jaso den bezala, Arreta Bulegoan erroldatzen den orori eskainiko zaio

dokumentu hau betetzeko aukera. Saioetan adostu zenez, dokumentuaren helburua erroldatu berriei

Harrera egitasmoaren berri ematea eta berarekin kontaktuan jartzeko baimena eskatzea da.

Arestian esan bezala galdetegia hainbat hizkuntzetan itzulita egongo da. Esan gabe doa, Datu

Babes Legearen inguruko aipamena txertatu beharko dela galdetegian eta lege hori bete ere jasotzen

diren datuekin.

PROPOSAMENA

Ongi etorri Zaldibarrera,

Herri berri batera heltzeko lehendabiziko garaia ez da erreza izaten askotan, batez ere harreman

sarerik ez dugunean. Zaldibarko herriak horren jakitun izanik eta herrira bizitzera etortzen den edonor

Zaldibartarra dela ulertuta, lehendabiziko garai honetan bidea erraztu nahi dizu. Horretarako Harrera

protokolo bat landu da Udal mailan, zerbitzuen eta baliabideen inguruko informazioa emateko,

izapideetan laguntzeko, etab.

Horrez gain, herriko eragile eta norbanakoek ere etorri berrien herriratzea errazteko Herri

Harrera Sarea osatu dute, bertan hizkuntza laguntza, herri eragileen inguruko informazioa eman

ahalko dizute, etab.

Eskuartean duzun dokumentu hau, Zaldibarko Udalak sustatzen duen Harrera Protokoloaren

baitan dago kokatua. Dokumentu hau betetzea guztiz hautazkoa da. Betetzekotan Harrera sareko

kideek zurekin jarriko dira harremanetan eta behar duzun horretan laguntzen saiatuko dira.


25

Datu pertsonalak

Izen-abizenak:

*E-maila edo telefono zenbakia:

Jatorria:

Adina: Sexua:

*Jatorrizko hizkuntza/k:

Testu honi datu babes legeak eskatzen duen testua atxikituko zaio eta datuak jasotzeko baimena

ematen duen herritarraren sinadura jaso beharko da

8.2. ONGI ETORRI GUTUNA

Aipatu bezala erroldatu orori emango zaie, Ongi Etorri Baliabide Gidarekin batera,

Alkateak sinatutako ongietorri gutun bat, ongietorria emateaz gain, azpimarratu nahi diren

herriko ezaugarri batzuk aukeratuko dira gutunan txertatzeko.

8.3. GIDA

Erroldan banatuko da Udalak sortu duen eta 7 hizkuntzetara itzulita dagoen ONGI ETORRI

ZALDIBARRERA. BALIABIDE GIDA.

Udaleko zerbitzu bakoitzean bat egongo da gutxienez deribazio egin beharra badago baliatzeko.

Udaleko web gunean ere egongo da.

8.4. HIZTEGITXOAK

Harrera linguistikoa egiteko baliatzen diren euskaratik beste hizkuntza anitzetara itzuliak dauden

hiztegitxoak erabiltzea proposatzen da. Hiztegitxo hauek Arreta bulegoan egon daitezke eta

galdetegia osatzerakoan eskaini daitezke harrera hartzailearen hizkuntzan. Behar dugun hizkuntza

paperean ez balego jakin beharra dago www.hiztegitxoak.eu, web gunean deskargatu daitezkeela,

www.hiztegitxoak.eu


26

inprimatu eta eskura eman. Euskara Zerbitzuek eta Herri Harrerako kideek ere izango dituzte

hiztegitxoen aleak.

9. ONDORIOAK ETA ERRONKAK

Sarreran aipatu bezala, herri batera heltzearen lehenengo uneak berebiziko garrantzia du herrian

txertatzeko garaian. Etorri berriak herria ezagutzeko eta herrira egokitzeko egiten diren ekintzak, hau

da, etorri berriari egiten zaion harrera, oso garrantzitsua da. Gizarteratzea bi norabideko prozesua da

eta gizarte hartzaileak etorri berriei harrera egiten dienean eta aukerak eskaintzen dizkienean,

gizarteratze positibo bat egiteko aukera gehiago dago. Batez ere prozesu hau modu koordinatu eta

partekatu batean egiten denean. Protokolo hau norabide horretan lan egiteko sortua da. Udalaren

aldetik eta eragileen aldetik egon den parte hartze aktiboa eta protokoloa aurrera eramateko

adierazi den prestutasuna, etorri berriei Harrera on bat egiteko bidean jartzen gaitu. Hala ere,

prozesuan zehar aurre egin beharko zaien erronka batzuk ere azaleratu dira.

Lehendabiziko erronka hizkuntza harreraren ingurukoa da. Prozesuaren hasieratik, euskara

erdigunean jartzea adostu zen, zehaztutako helburuetariko bat da, izan ere, protokoloaren

helburuetariko bat da. Harrera protokolo integral eta sistematizatuen barruan hizkuntzaren ikuspegia

txertatzea ezinbestekoa ikusten dugu. Izan ere, hizkuntzak, komunikaziorako tresna moduan

ulertuta, garrantzia berezia du pertsonen sozializazioan eta, herri baten berezko identitatearen

elementu gisa ulertuta, herritarren arteko elkar aitortzan oro har du garrantzia. Gero eta hizkuntza

aniztasun gehiago duten gure herrietan, aniztasun horren kudeaketa egin behar da, hizkuntzekiko eta

hizkuntzen arteko errespetua bultzatuz eta, aldi berean, euskararen normalizazioan aurrerapausoak

ematen jarraituz. Etorri berriei harrera egiterakoan, bertako egoera soziolinguistikoaren berri eman

eta euskarara gerturatzeko edota ikasteko aukera eskaini behar zaie, iritsi berriei jatorrizko kulturari

eta hizkuntzari uko egiterik eskatu gabe inondik inora.

Zaldibarren kasuan, ez dago euskaltegirik herrian (Durangon bai) eta honek zailtzen du euskara

gerturatu nahi dutenen prozesua. Beste herri batera mugitzeko euskara ikasteko motibazio oso altua

eskatzen du, izan ere, esfortzu ekonomikoa eta denbora gehiago izatea eskatzen duelako.


27

Teknikari eta ordezkari politikoekin eta eragileekin egindako saioetan zailtasun hau mahai

gainean jarri da eta irtenbideak bilatzeko gogoa azaleratu baita ere. Beraz, hizkuntza harrera egiteko

pausuak ematea izango da dagoen erronka bat.

Herri harrera egiteko azaldu den prestutasuna aukera handiak ematen ditu protokolo hau

benetan harrera integral bat egiteko baliagarria izateko. Talde hau sortu gabe dago protokoloa

idazten den bitartean. Eragileen bigarren saioan aipatu zen bezala, taldea definitu beharko da eta

erabiliko diren diskurtsoak adostu. Ze motatako Zaldibar nahi dugun galderari erantzun beharko zaio

azken finean. Galdera handia da, baina aukera ezin hobea, herriaren izaera eta herri kohesioaren

inguruko elkarrizketa bat abiatzeko.

Atal hau bukatzeko aipatu behar da Harrera Protokolo hau, gutuna eta telefonoa jasotzeko

dokumentuak prest daudenean hastea aurreikusten dela. Behin protokoloa martxan eta koordinazio

mahaiaren bitartez, praktikan beharrezkoak ikusten diren moldaketak txertatu beharko zaizkio.

Txosten hau abiapuntu bat da, garrantzitsuena hastea da eta, ikasitakoarekin, gero eta Harrera hobe

bat egiteko bideari ekitea. Protokolo guztia martxan jartzen denean zabalpenerako ekimenak egitea

gomendatzen da prozesu honetan herriaren inplikazioa bilatzeko helburuarekin.

10. HARRERA PROTOKOLOAREN ESKEMA

KOORDINAZIOA , JARRAIPENA eta EBALUAZIOA: - 3 hilean behineko bilera. - Parte hartzaileak: udal ordezkaria (euskara zinegotzia), udal teknikariak (euskara teknikaria behintzat. Gomendagarria:Gizarte Zerbitzutako eta Berdintasuneko teknikariak), eskolako ordezkari bat eta Herri Harrera sareko kide bat

LEHENENGO KONTAKTUA: ERROLDATIK PASA

PROTOKOLOAREN HASIERA BEHARRAK ASETU

ERROLDA

BESTELAKOAK: Udaleko beste

zerbitzuak; herriko eragile edo elkarteak,

norbanakoak…

ZERBITZUAK: - Lana - Etxebizitza - Laguntzak - Hizkuntza - Hezkuntza…

HARRERA SAREA

- Euskara Zerbitzutik pasatako herritarrekin jarriko dira harremanetan. Beharren arabera beraiek ase edo bideratuko dituzte - Funtzioak: Hizkuntza, Harremanak, Parte hartzea…

-



HERRI HARRERA

1) Herritarraren errolda egin ostean, Ongi etorri Zaldibarrera Gida bat banatuko zaie

2) Gidaren barruan Ongi etorri gutuna sartuko da.

3) Harrera sarearekin kontaktuan jartzeko baimena emango zaie. Sinatu behar dute

4) Sinatutako baimenak Euskara Teknikariari pasako zaizkio

5) Bestelako beharrak balituzte dagokion zerbitzura bideratuko dituzte

EUSKARA ZERBITZUA

- Erroldatik jasotako baimenak, hilean behin Harrera sareko kideei pasako dizkie


29

ZALDIBARRERA ETORRI BERRIEN HARRERA PROTOKOLOA...Zaldibar: Harrera Protokoloa 6 4. JUSTIFIKAZIOA...

Documents

Transcript of ZALDIBARRERA ETORRI BERRIEN HARRERA PROTOKOLOA...Zaldibar: Harrera Protokoloa 6 4. JUSTIFIKAZIOA...