OSHETURA

OSHE TURA LODAFUN UNBATINLO LEAYA BENIFO TETE NI NISHO INBAOYINI AFERE WEWE. AYABA DIDE AFERE WEWE OSHE TURA EMI UNSORO ATIE ASHE OLODDUMARE EBO OMO IRE ODARA.

OYEKUN NILOGBE

YEKUN NILOBE BABA AMALU KOMA ARUGBO NISHE EKUN BAYE AVALO BOGBO NISHE AYALO OUN BISYE OMODE BAYA OMA ARUGBO NITU AYE SHE OBIFIN OBIFA KONINIBO.

IWORI BOFUN

IWORI BOFUN ABAKUI*A OMA ALASOBERIRE ADAGA YOKO OMO TONDOKO BERI AUNGUIBE SOKO ORI BIBE EGUN GUABIDI KURUBURU LODA YEYE ONGURA NIFE AYA OLOFIN.

OSHE PAURE

OSHE PAURE OWARA AWO BABA AFEFE AWEYE IFA BABA SHERE KODEFUN YEYE, BABA SHIRE KODEFUN EBO. BABA SHIRE KODEFUN ORUNMILA. BABA SHIRE KODEFUN OLOFIN, GBOGBO

TENUNYEN ELEBO.

OBARA BOGBE

OBARA BOGBE LANTOSI OMODU OMI KE EBOADA FELEBO, OKILANFIRU EKU, OKILANFIRU EYA, OKILANFIRU JIO JIO TO IBAN ESHU SOKOBONI ESTERA ELEBO.

OGBE BARA

OGBE BARA ADIFAFUN OBATALA ORIKOSUN ORE OBORISA EYELE ETU ELEGBA OGGUN OSHOSIS EKINI ORISHA FUN FUN BABA KAFEREFUN OLUFON.

OGBE YONO

OGBE YONO AYE ADE MOWAYE ERE*I LAYE ADIFAFUN ODUDUWA WANEMI OFA OWAYE ODUDUWA IKU SEGUERE, ARUN SEGUERE, OFE SEGUERE, EYE SEGUERE, OGU SEGUERE, EYU ARAYE SEGUERE ELEMU SEGUERE.

OGUNDA BIODE

REZO: OGUNDA BIODE UMBO NI ILE OLOFIN OYU MEDILOGUN AWO IFA BATISHE ATEFA AYO OMODE OLOFIN OMO LAYE LOWI OMO OLUO INTORI KEKERE ODDUN

OKANA YEKUN

TEKIRE AWO NIODE TEKATA AWALAWA KOKATE AWASAFUN LODIDE TORIKI TORIKI OGGUN AWASAFUN LODIDE TORIKI BUENE LEKE LEKE DUNDUN LEKE FUN FUN TEKITE BONEBOADIFAFUN ARUFIN ADIFAFUN ORUNLA.

OGBE SA

Ogbe Sa Yeye Matero Afefelao Salu Ay Afefelao Salu Olorun, Adifafun Ew Bana

Awayeni awo orumila Oba

OSALA FOBEYO

OSALO FOBEYO PIRITI PIRITI PIRITI AMENE LLAGADA LABE LABE TORILLAOMU BERE OKANSHOKO EGUIDITI COHETE ALARA OKANSHO- CHO EDIDILAMPE SHANGO.

OGBE TUANILARA

OGBE TUANILARA MOFOU SESI ONIBARABANIRE AYEGUE OLUWO- POPO FUYERE ADDE KUE BAYAMI ARAGBA KALEKUN ABEKUN MOFOU SESI AYERE NI IFA OLOFIN ADIFAFUN OLUWO-POPO.

OTURA NIKO

BABA OTURA NIKO ADIFAFUN SHANGO OLADABA ESHIN OFOYUDE OMO BURUKUYULE OKUNI ARUGBO OMO KANKURU OMO ODARA ELEGBA ELADAFA ORUBO LODAFUN ORUNMILA.

OTRO REZO

OTURA NIKO LIKO IKOREWA LIKO IKOBIE KOSI ADIFAFUN DADURO ABO ATI OTI ELEBO.

OJUANI BOKA

OJUANI BOKA IKA IKALE KALAKAYE EYENI OLOFIN YEWELE YEWELEYE OZAIN AWANIYU KUEKUESE KON MUELESE MEYI WANWAN OGUERE LAGORI OBAYDE NI ORISHAOKO.

OGUNDA TETURA

OGUNDA TETURA AWO MADDI AWO NAREKO AWO NAMARE SODDO OBARA YENIFA NOMINI YEKUN ADIFAFUN OBA DEYOKE BARABANNIREGUN ODUPOS OBA LERI ADIFAFUN OGGUN.

OGBE DI

Ogbe Di Kaka, Ogbedi Lele Adifafun Borotita. Oba niregun Oba lade, Ifa echu un tefa Odara adifafun obini ogbesa yeyematero

OGUNDA MASA

OGUNDA MASA AWARA WARA SOKONDE AWARA WARA LOYERE AWARA WARA OLORUN AYO ADIFAFUN GUNUGUN NI AUNDI EBO KEREE.

OGUNDA FUN

OGUNDA FUN IFA KAFEREFUN OLOKUN OMO WEWE WEWE OMO LOWO WEWE OMO AYEGUI OJUANI BOKA OLOFIN NISHOGBO KASHETO KASHE MINI. "

ODI KA

ODI KA OKOLOYU OPUA ADIFAFUN ORISAYE TINSHOMO AYALORUN OBA NIFA TINSHOMO OLOFIN OBA ORISAYE ADIFAFUN EGUN OYIBA ORUN MAFEREFUN SHANGO ORISAYE OBAYE ADIFAFUN ODUDUWA.

OTURA SA

OTURA SA IMPOYAMPO GUEGUERE NIFA IMPOYAMPO OYE ADDE OMO LAMPE SHANGO, LAMPE OLORUN, OTURA SA OWO EPO OKOYORI.

OTURA TIYU

OTURA TIYU TIYA LAPE LOBOMINI YEWU KUYORIO ESHU LAROYE ADIFAFUN ESHU LARIO KAFEREFUN ORUNMILA.

OTURA SHE

OTURA SHE BABA YEGUE IDA KUDA IRU KURU ISE KUTE OBERE KETA O*I BABALAWO TO IBAN ESHU. ASHE OLOFIN IDA KUDA IRU KURU ISE KUTE OBERE KETA O*I BABALAWO. LODAFUN

ORUNMILA ISE KUTE OYERE NIFA TO IBAN ESHU.

OSA FUN

OSA FUN OBRO YIGUIMORO ERO OLOFIN YEYE ORDUO ERU OLOFIN TETEBERU OMO OLOYA EYI ELE OMO OLOFIN KUKURU OYI ILE AKUKO META ELEBO.

OFUN SA

OFUN SA ALE NISHE OMO IKU OYIHA OMO ORUNMILA ALE OYINA LOLE OSOWURUN OYINA LORUBO. AWO FUN FUN ILE OZAIN, EKU, EYA, OWO LAMEFA ELEBO.

OSHE BILE

REZO: OSHE BILE BOROBORO MOFA IRETE MOKURE IRETE YAMA YAMASA ADIFA FUN BEMI LOLA TINSHOMO OKUNI ARA ODA.

IRETE SUKANKOLA

IRETE SUKA APEKANKOLA ADIFAFUN AKUPERU OGUERE ODE OBINI KUAYE OBINI AWA NIFA OBARABANIREGUN MOYORE AYEBE IFA ORUNMILA LORUGBO. KUKUTE KUKU ADIFAFUN NAYIDA LILE TINSO- MA ORUNMILA FATINDAEBO FUN AKUKO KAFEREFUN OSHOSI Y

YALORDE. IFA IRETE OTUA ESEKAN OPENKAKOLA ADIFAFA AKOPELA EBBO NO KOBINE OBUKO AGUEGUE OTA EBEFA OWO. ESHU MAFEREFUN OBATALA MAFEREFUN.

IKA DI

IKA DI OLOFIN OLOWA OLORUN SIMIFUN EYE MAKUE INTORI TIWO TISHE EYI AFI WOBE NIMI BOGBO ERAN ATI NI NU BOGBO ERAN EGBEMURENIWO OUNYEN LEYO AIYARE BOGBO.

OYEKUN TEKUNDA

OYEKUN OGUNDA INTORI ARAYE KAFEREFUN OSHUN OLOFIN ESHU AKATA BOMI OMI AMUOKOTE MOSU SOYO OSHE LOTI LOSE AUN OTA ORUNMILA OLOFIN DIRE LOFA ORUNMILA.

IRETE ANSA

IRETE ANSA IRE NIFA IFA FORE AYE ADIFAFUN YOKO OSHA.MAFEREFUN SHANGO LODAFUN IFA ABARABA NIREGUN.

IKA BEMI

IKA BEMI AWO ENI IFA AYANIALU LOYE ELEGUA AWANI LOYE EGGUN ONI LOYE EWE LANI, AYE EGGUN OMO AYALA UN LOYE ORI WAYENIFA AWO BANICHE AWANI LORUN ELEGUA

TORI BAWA ORUNMILA BANI OBATALA JEKUA EGGUN AWANILORUN FILEKUN WEWE LEKUN OBANI TINSHE OTI BABA OBASHE EGGUN ORUN BAYE.

IWORI JUANI

IFA IWORI JUANI IFA WARA WARA NI MORO KASHEITA KASHEMINE WARA WARA BABASONA ELAROYE LAROYE KASHEITA KASHEMINI WARA WARA MORO ORUNMILA O LORUGBO.

OTRO REZO

BALE ARIKU ARUKU LAYE KOYIWO ILU BALENDI IFA KOYIWO ILU BALEMBERE ABO MEYI OZAIN EGUNGUN DE*IGU AYA INA OKAKA FIWO TIKU EGGUN TOTO BITAN LAWAYI ODO FUN KAWA

GERI ODO ADUSHU ISHU WAYUWO KODIDE KAWOKO TOKESO JORO JORO OYUTO IWORI JUANI LODAFUN ORUNMILA KAFEREFUN ESHU.

IROSO UMBO

IROSO UMBO SHOREGUN SHORU KOMASHE KOTUSHE ARESHENLE ADIFAFUN ORUNMILA TIO FA MARO AKOFA ELEBO, AIKORDIE ELEBO.

OGBE ROSO

OGBE ROSO, ADIKANKUN, OBININ, OSHISHA UMBO, ALE ODARA, ORUNMILA PELURE, OYA ATI, OSHUN OBIRIN. ODARA LODAFUN OLOFIN.

IRETE YERO

IRETE YERO ORUNMILA LORUBO TO IBAN ESHU. TELEBO IBO KIBO BAB OLORUN, BAB DUPUE TO IBAN ESHU.

MORUNYO MORUNYA ASHE IYALOSHA.

" " " BABALOSHA.

" " " OLUWO.

" " " OYUGBONA.

" " " IY GONGOLAYE LAYERERE.

" " " EGUN.

" " " IRETE YERO.

GUNGUN EYE LEBO EBE AD FELEBO EBO FELEBO.

OSHE NILOGBE

OLOFIN OKO OSHE OJAJUMO ONJE EKRUAYEFOYU OLOFIN FESFOWU KAYOSHE AWO, ADIFAFUN OLOFIN, LODAFUN OSHE NILOGBE OYU OLOFIN ERE, KAFEREFUN ELEGWA Y ORUNMILA.

OJUANI SHOBE

OJUANI SHOBI TABAKOYU BAIN BAIN IKU BAIN BAIN LOBATI ADIFAFUN O UN BABLAWO MEDILOGUN TINLODIFA ILE OLOFIN.

OJUANI FOLOKO KANA

REZO: AKUARI APORUN ANIMARI EBBO AUN BABALAWO LODAFUN ERI LOWO LE EYEKUO ARARA PADAN NI ANSERE LODO ORUNLO KUKUYE KUREN ADIFAFUN AUMBI EYELE AKUKO LEBO MORORA ENDE ABE AURE EYELE OLBO.

OKANA SA

OKANA SA MOKISA BILARI IKU BILARI, ARUN, EYO, OFO, GBOGBO ARAYE NI IFA LODAFUN ORUNMILA.

ODI FUMBO

ODI FUMBO ODI FUMBO ARA, ARA OSHANLA. ARA INLE AYE MOYERANI.OSHANLA ODOGUN AGBA OGO ARA.

OTRO REZO

ODI FUMBO KARIDEFUN KARAWE DENDEFUN KARKO ELEGBA ESHU BAIKU NIWE INLE MOWANILE ELEGBA ESHU ODARA OFUNDI ADIFAFUN ETBA AUN BATON LONI OBINI LELE EBEYI AWO ADIFAFUN AYE EYELE LEBO IDIFUN ADIFAFUN ESHU ANIRE LAWO OTAYEIBE ADIE KOYOKO EYELE BABALAYIKI AWO TENIYI AWO ELEGBARA SOKUN SOKUN LAYE OBUNDI OFOJUDE ABURE ALODE EBBO OBALU OGGUN ODARABI AWO TENIYI OMO ELEGBARA ODI FUMBO.

OSA JUANI

OSA LONI OJUANI ONI EGGUN OSA NI OYE OMO BEBENIYO.IFA OMO ONI SHANGO AWO ONI OJUANI OGGUN AWANI IFA OMO ALARA.

BABA EJIOGBE

BABA EJIOGBE ALALOKUN MONI LEKUN OKO, AYA LALA OMODU ABOSHUN OMO ONIKOSHE OISHE KAMU ILEKE OMO LERI ADIFAFUN ALADESHE IMAPAPORO TIMBALORDI AGOGO.

SUYERE: BABA EJIOGBE ORUNMILA NIODERE LEYERI ERAN

" " " " " EKU

" " " " " EYA

" " " " " EPO

" " " " " ADIE

" " " " " EURE

NIODRE LEYERI ASHANA IKU

" " " ARUN

" " " OFO

" " " EYO, ONA, OGU, ETC.

OYEKUN MEYI

OKUNI KIAGE KEKO MAMU OMI LOWO INLE SHISHE MANU OMO INSHE ILE LODAFUN ORUNMILA ADIFAFUN OKUNI KAFEREFUN OSHEDA.

IWORI MEYI

IWORI MEYI YIGUI YIGUI MAYO MAYO ADIFAFUN KOKOLO YEBEIFA TIROKEYA LAMPE SHANGO ARONI YEO ELEREPIN ORUNMILA LORUBO.

ODI MEYI

ODI MEYI ASHAMA ARUMA KODIMA IKU, KODIMA SHUKURU KURU KIELE BITI BITI KOGOBALE NI ABITI ADIFAFUN AYO OMO O*I YEGAN AIKORDIE LEBO

SUYERE: ODI MODI IYE, ODI MODI IRE, MAMA YE KIO, MAMA YE KIO. OSOBO MONDABALE MONDABALE ASHIRI BABA. MONDABALE MONDABALE ASHIRI BABA.

IROSO MEYI

ADIFAFUN OYU APON MASHASHA ADIFAFUN ARA ADIFAFUN EKO ADIFAFUN OLARA OKO IROSO MEYI KAFEREFUN OLOKUN KAFE REFUN OLOFIN

OJUANI MEYI

OJUANI MEYI BABA OROGUN NI MOUN ORI YEKO ADIFAFUN AKITIFA, ADIFAFUN ARONI, MAMA FOROSILE AKITIFA, ADIE SINKENA ELEBO.

OBARA MEYI

OBARA MEYI ONIBARA OLABARA EYEBARA KIKATE AWO KOMAKATO ARAYE KOMAKATE ARA ORUN ADAFUN BOGBE EYEOKO OROFO LORUBO BOGBO TENUYEN KOKORO.

OKANA MEYI

OKANA MEYI O*I KANE OKANA NI OKUTE OKAPA MEYI NI ESHU BI EBOADA ESHU BI ADIE PAKIKO, ADIE ONADERE OKANA MEYI.

OGUNDA MEYI

OGUNDA TETEYI FARA LEYI LOSUO EYO ALANIBAWA ADIFAFUN AYAKORE BI OPA OTORUN BOYE, ADIFAFUN AYAREWA OMINIWA ADUDUWA OKETE KETE BI ORUN OMO ASHO KUENI KUENIA ADIFAFUN AGBANI.

OSA MEYI

ADA OSHE ADIFAFUN ORUNMILA, LORDAFUN TALABI OMODE OSHAYAN ASHEGUN AYE UMBO WASIYE ORUNMILA PINADO IYASI MIMO KAFEREFUN OGGUN.

SUYERE: "IFA ODARA, EMI ODARA MOYUKAYO MAMA WANKEREPO, MODUKAY MANNEREPO".

IKA MEYI

IKA MEYI ARO IKA IJOJA OLOFIN IKA KIJAGBO EJENU IKA KI JURUKU ELERI IKA MEYI EGBEDE LERI AJA NIGBAKINO NOWALE ENI KAMOGUN OKAWO OFA OFI OMI EBANLE IWA IKU DENDE KINWOKA KERIN DILOGUN NOWA BA ONI KAMOGUN OKAWO EFA OFI LERI OFASHO AYA BARA POKA META LEJEKO ONI KIMOGUN MO AKA META OSA NIRITA OSORDE IGBA AKA META MO IDI AKA META KAFEREFUN ORUNMILA.

OTRUPO MEYI

OBORO NI SHORO OLOGUON NIFEDERE NISHORO OWO ONI FEDERE AUN BABALAWO LODIFAFUN TOCUTU KUTU NISHORO OGGUN.

OTURA MEYI

ORUNMILA ASOKUN DIFA IMALE NI AWO ORUNMILA NI INLE NI IBO BAYEKUN AUN LOSILE OMO BABANIREGGUN ORUNMILA AWO OBA BARA NIFE ADIFAFUN OLOFIN ADIFAFUN SHANGO ADIFAFUN ORUNMILA.

IRETE MEYI

EYELEMERE AKOLEMERE POROYE OMO NI OSHUN ONIBARABA- NIREGUN ORUNMILA MO IFA ONI AWO AKOLEMERE. ORUNMILA LORUBO.

OTRO REZO

INSO RO EBO EI ASHE WADIPOLA ASHE WADIPOLA ODO LE FUN ALABEO ASHE WADIPOLA.

OSHE MEYI

OSHE ALADASHE ONIBARA BANIREGUN IFA MOLOKU FISHE, SHENSHE MOLOKU ADIFAFUN OSHUN.

OFUN MEYI

IRE NISHE IYA ELEGBA IRE NISHE IYA OGGUN, IRE NISHE IYA OSHOSI, IRE NISHE IYA OSUN, IRE NISHE IYA GBOGBO ORUNMALE AYOKOTUN GBOGBO ORUMALE YOKOSI BARABA NIGERUN ADIFAFUN ORUNMILA.