Autora: Mar Pavón

Ilustrador: Vitali Konstantinov

Editorial OQO. Colección O

Con axuda das ilustracións, que evolucionan dunha ambientación escura e inquedante cara a imaxes coloristas

e alegres, a autora dá unha lección do enganosas que poden ser as aparencias e de como estas crean

prexuízos inxustos.

Pretende que os pequenos se conciencien de que, por norma xeral, non é bo deixarse levar por primeiras

impresións, sobre todo cando están supeditadas ao politicamente correcto.

Autora: Celia Viñas

Ilustradora: Montse Ginesta

Ediciones de la Torre

Unha selección de poemas que evocan o mundo da infancia. Versos de gran musicalidade compoñen imaxes

moi tenras, acompañadas de divertidas ilustracións que parecen querer xogar cos textos.

Trátase dunha coidada edición que aporta información sobre esta escritora catalana e deixa unha páxina en

branco ao final para que se exprese o lector.

Autora: Mª José Ferrada

Ilustradora: Sole Poirot

Tradutor: Xosé Ballesteros

Editorial Kalandraka

Un texto poético que destaca pola súa sonoridade e o protagonismo do campo e da natureza, a través dos

insectos que van desfilando polas súas páxinas, caracterizados con moita orixinalidade mediante a técnica do

collage: a araña, a avespa, a formiga, a couza...

A partir dunha estrutura repetitiva que potencia o efecto lírico da obra, constrúense composicións dunha gran

calidade literaria: unha linguaxe metafórica e evocadora, que esperta os sentidos e mais a curiosidade dos

lectores sobre un sorprendente mundo de seres minúsculos que soen pasarnos desapercibidos

Autor: Joel Franz Rosell

Ilustradora: Constance V. Kitzing

Tradutor: Xosé Ballesteros

Editorial Kalandraka

...Brancos coma a neve, negros coma o carbón. A amizade entre Gatiño e Coella é o paradigma da

integración entre dúas especies que, coma as persoas, poden ser iguais pero diferentes.

Autor: David Ezra Stein

Ilustrador: David Ezra Stein

Tradutora: Teresa Farran Vert

Editorial Juventud

Un libro con humor e sentido do ritmo narrativo. Cando o papá galo de Kika disponse a lerlle un conto pola

noite, faino coa condición de que non lle interrompan o relato, pero Kika non pode conterse cando chegan os

momentos máis emocionantes.

Ilustracións con moita forza e materia conducen un álbum moi alegre para lelo a dúo.

Autor: Darabuc

Ilustradora: Lina Zutauté

Editorial OQO

Este conto popular ofrece un esquema acumulativo e repetitivo que permite captar a atención do oínte e retelo

na memoria. Catro personaxes moi especiais vanse reunindo ao longo dun camiño e xuntos serán capaces de

afrontar as probas dun rei moi cruel. Un final feliz no que os débiles triunfan.

Os contos tradicionais renóvanse nas voces dos narradores e con ilustracións actuais.

Autor: David Daniel Álvarez Hernández

Ilustradora: María Julia Díaz Garrido

Tradutora: Manuela Rodríguez

Editorial Kalandraka

A obra gañadora do V Premio Internacional Compostela de Álbum Ilustrado, maxistral dende o punto de vista

da técnica artística, é unha fermosa metáfora sobre a historia da humanidade. As aves representan as ambicións

das persoas; as boas intencións que se tornan perversas. Aínda que un fulgor de esperanza resplandece no

horizonte...

Autor: Xosé Lois García Fernández

Ilustrador: Jesús Blanco Cubeiro

Editorial Everest Galicia

Os animais vístense de verso nestes poemas dirixidos aos lectores máis novos. Trátase dunha viaxe cara un dos

lugares que máis debemos coidar e respectar: a Natureza. Un canto que convida a que todos os seres vivos

camiñemos da man durante a nosa existencia.

Sen dúbida, este Animalario infantil espertará sentimentos que, ás veces, semellan adormecidos e precisan da

literatura para aflorar.

Autor: Dan Waddell

Ilustrador: Jim Smith

Editorial Edebé

Ser detective seguindo os consellos de Sherlock Holmes no é tan difícil. Este libro é un completo e divertido

manual para aprender o oficio. Cada capítulo incide nun aspecto a ter en conta se queremos descubrir ao

culpable: observación, recollida de probas, tomar as pegadas dactilares, seguir as pistas, espiar. Todo nun libro

con solapas que garda moitas sorpresas e ilustrado con moito humor.

Autor: Raúl Vacas Polo

Ilustradora: Elena Queralt

Editorial Edelvives

Un conxunto de palabras fermosas constrúen o universo infantil en forma de poemas. Da A á Z, organizado a

modo de abecedario, este poemario ilustrado polo que desfilan animais e outros personaxes próximos aos nenos

e nenas, invita a xogar coa linguaxe e a descubrir a sonoridade das palabras na primeira etapa lectora.

Suxestións, emoción e moito humor son os ingredientes deste novo traballo dun autor empeñado en facilitar o

encontro coa poesía a lectores e mediadores.

Autor: Anthony Browne

Ilustrador: Anthony Browne

Tradutor: José María Heras

Editorial Kalandraka . Colección: Tras os montes

Tras unha noite de pesadelo, un neno comproba, tristeiro, que o seu pai marchou. Ao día seguinte a súa nai

mándao a casa da súa avoa que está enferma para levarlle un pastel, pero advírtelle de que non vaia polo

bosque porque resulta perigoso. Pero o neno decide intentalo e comeza a súa aventura entre as árbores. Polo

camiño atopa con varios nenos que lle piden o pastel, pero o neno ten présa porque desexa regresar canto

antes a casa para encontrarse co seu pai. Cando, por fin, chega a casa da avoa, na cama...

Autora: Adela Turín

Ilustradora: Nella Bosnia

Tradutora: Eva Almazán

Editorial Kalandraka

Da sonada colección "A favor das nenas", unha historia fabulada que reivindica o rol feminino na sociedade,

combate os estereotipos sexistas e denuncia a discriminación. Porque aínda se necesitan obras sobre

coeducación e igualdade.

Autores: Pere Tobaruela Martínez e Ledicia Costas Álvarez

Ilustrador: Andrés Meixide

Editorial Everest Galicia

Velakí a portada do xornal máis importante de Abecedaria: MISTERIOSA DESAPARICIÓN DUNHA LETRA O

"ke" esfumouse e ninguén sabe do seu paradoiro. ¿Esta será a última desaparición? ¿Algunha letra máis

correrá a mesma sorte? ¿E se chegan a desaparecer todas? Abecedaria está en perigo. Dakela, o máis

experimentado e desleixado policía de Abecedaria, o detective Peirot, recibe unha orde prioritaria: remexer

onde faga falta. El é un tipo peculiar ke sempre garda un ás na manga. E, ao seu xeito, intentará desenfiar este

enigmático caso. O futuro de Abecedaria está nas súas mans.

Autor: Charles Dickens

Ilustrador: Albert Asensio

Tradutora: Almudena Lería

Editorial Anaya

Un gardavía vixía unha solitaria estación e recibe a visita dun espectro que lle anuncia terribles acontecementos

que sucederán na vía do tren: accidentes e mortes repentinas. Cando aparece, sempre lle repite as mesmas

palabras, e o gardavía espera os feitos con ansia e medo.

Autora: Virginie Aladjidi

Ilustradora: Emmanuelle Tchoukriel

Tradutor: Pedro Ángel Almeida de Ocampo

Editorial Faktoría K de Libros

Descobre un completo catálogo de máis de cen especies animais de todas as clases: aves, peixes, réptiles,

anfibios, mamíferos terrestres e mariños, insectos... e todos eles cunha descrición moi curta que inclúe algunhas

curiosidades sobre a vida, o aspecto o comportamento de cada unha delas.

Ademais, cada animal se ilustra cun debuxo enorme, detallado e cheo de cor, para que se poidan recoñecer

deseguida, e incluso aprender a debuxalos un mesmo.

Autor: Roald Dahl

Ilustrador: Quentin Blake

Tradutoras: Xela Arias y Lidia Iglesias

Editorial Xerais

Narra a historia dun rapaz e maila súa avoa que se enfrontan á terrible Asociación de Bruxas de Inglaterra,

mentres estas celebran a súa convención anual. Ninguén cre nas bruxas, pero habelas hainas, e posúen

poderosísimos nenicidas.

As Bruxas é un libro onde o lector atopará moito humor e gozará coa maneira que ten o autor de manter a súa

atención. Unha historia contada en frases curtas e secuencias claras onde a acción envolve todo o discurso

narrativo. Unha voráxine de situacións, de anécdotas e de aventuras.

Autora: Heliane Bernard

Ilustrador: Olivier Charpentier

Tradutora: Emma Lázare Rodríguez

Editorial Kalandraka

Picasso legounos unha das obras mestras da Pintura Contemporánea, un berro de dor e rexeitamento á guerra;

esta obra achéganos á personalidade do artista e ás circunstancias históricas que rodearon o proceso creativo.

Autora:Jutta Richter

Ilustradora: Hildegard Müller

Lóguez Ediciones

Antón, o protagonista, é un can cun pasado inmigratorio ao que non lle resulta sinxelo esquecer a súa patria. E

iso que Antón tivo sorte porque atopou un novo fogar con Friedbert, Emily e a súa pequena filla.

De forma brillante, con gran fluidez e ritmo narrativo, a autora narra como e por que case calquera cachorro

pode catapultarse nos corazóns das persoas, permitindo intuír canta felicidade significa ter consigo a un

vagabundo como Antón.

Ilustrador: David Merveille

Editorial Kalandraka

Despregando as páxinas deste álbum visual, recorremos París en compañía dun personaxe patoso e despistado,

divertido e enxeñoso, que foi levado á gran pantalla polo cineasta francés Jacques Tati.

Trátase dun libro sen texto, dinámico, de páxinas despregables, que acentúan o carácter humorístico e poético

da historia, repleta de gags que o lector descobre a medida que avanza no seu paseo visual, na que “cada

escena é o teatro para unha sorpresa”, segundo o propio Merveille.

Autora: Àngels Navarro Simón

Editorial Edelvives

Para xogar a investigar, esta autora experta en xogos, propón aos lectores unha batería de pasatempos e

actividades para desenvolver a memoria, a observación, a capacidade de descifrar mensaxes segredos e de

construílos.

Un libro para sacarlle moito partido, xa que non se trata tanto de aprender a ser detective senón de divertirse

coas propostas que ofrece.

A maquetación e a ilustración resólvense en estéticas composicións entoadas en cores escuros e elegantes que o

converten nun bonito obxecto.

Ilustrador: Taro Gomi

Editorial Coco Books

Unha excelente proposta creativa do ilustrador xaponés, que invita aos nenos a garabatear, pintar, trazar..., en

definitiva a crear un universo artístico propio, guiados con intelixencia e humor.

Este non é un libro de actividades máis, senón unha aventura no terreo da intervención gráfica que, a partir de

máis de trescentas ilustracións, regala sorpresas e emoción.

Moi interesante para divertirse en familia.

Autora: Elsa Santaolalla Pascual

Ilustrador: Julio Serrano

Editorial S.M.

Un libro miscelánea a proba de todos os que queren saber canto saben ou o pouco que saben. Para facerse

todo tipo de preguntas sobre todos os temas imaxinables.

As preguntas sempre formulan tres respostas posibles e solo unha verdadeira e ao pasar a páxina unha

explicación sobre a resposta.

Os debuxos... cun punto gamberro, na líña deste humorista, capaces de tinguir de humor as cuestións máis

sesudas.

Autora: Libby Hamilton

Ilustradores: Johnny Duddle y Aleksei Bitskoff

Tradutor: María Dolores Ábalos Vázquez

Editorial S.M.

Poderíamos dicir que é un libro algo sucio, con moitos monstros noxentos que habitan en lugares pouco

recomendables.

Xogo e diversión. Ilustracións sorprendentes con moitas solapas para levantar.

Baixo a aparencia dun libro informativo, abórdase a fantasía de poder converterse nun experto en monstros de

todas as formas e cores.

Ollos de Mel

Autores: Pirilampo

Editorial AS-PG

Con Xosé Lois Seixo ao fronte do proxecto Pirilampo, chega o terceiro disco e DVD do grupo musical.

Nove cancións coa participación de nenos e nenas de nove colexios da Coruña.

Bicos de Música

Autores: Mamá Cabra

Editorial Galaxia

Un novo LIBRO - CD – DVD do grupo Mamá Cabra, para gozar de moitas horas de diversión.

É música para bailar, para choutar, para cantar, para aprender a cruzar, para viaxar con Simbad, para

chuchar mel...

Música para Niños

Autores: VV.AA.

Editorial Parramón

Singular libro - CD para coñecer mellor a música e a súa historia, con informacións precisas, curiosidades,

minibiografías, táboas ilustradas, numerosas fotografías e ilustracións, así como actividades moi sinxelas e

entretidas.

Un percorrido pola música, desde os seus orixes ata a actualidade.

Autora: Silvia Dubovoy

Ilustradora: María Isabel Suárez

Editorial Everest

Un peixiño curioso voa sobre o océano. A toda costa quere saber de que cor é o mar. Por iso, preguntando

aquí e acolá, descobre que pode ser dourado, cheo de chispiñas, negro, prateado... e transparente como o

cristal.

Texto moi sinxelo no que se descobren as diferentes cores e o mundo mariño.

A tradución en lingua inglesa acompaña ao texto en español en cada unha das páxinas.

Autor: Satoshi Kitamura

Ilustrador: Satoshi Kitamura

Editorial Anaya

Un ovni pérdese no espazo ata que atopa un estraño planeta azul. Ao achegarse para velo, o ovni descobre

que unha curiosa criatura estao observando. Os dous fanse amigos deseguida e exploran xuntos a terra e os

ceos durante una noite inesquecible.

Autora: Herbert Friedmann

Editorial Langenscheidt

Seis historias de suspense español - inglés para nenos e nenas con coñecementos previos do idioma.

Incorporan progresivamente diálogos en inglés no texto en español.

Relatos moi interesantes, escritos por autores de libros infantís, que motivan a lectura convertendo aos lectores en

detectives que pasarán por unha e mil aventuras ata descubrir o misterio.

Autora: Beatriz Montero y Geeta Ramanujam

Ilustradora: Tea Bendix y Swetha Prakash

Editorial CCS

Son catorce contos da India e de España, en español e inglés, escritos para os niños máis pequenos co

obxectivo de achegalos desde idades temperás a outro idioma, dunha forma lúdica e chea de imaxinación.

Os contos están coidadosamente traballados, e o seu vocabulario e temática perfectamente adaptada para que

resulte atractiva.