Palabra de VidaPalabra de Vida

Xuño 2012Xuño 2012

«Traballade non polo pan que se acaba,senón polo que dura ata a vida eterna. Este é o pan que vos

dará o Fillo do Home». (Xn 6, 27).

Xesús, despois de dar de comer á multitude coa multiplicación dos pans xunto ao lago Tiberíades,

cruzou á outra banda ás agachadas, á zona de Cafarnaún,

para escapar da multitude que quería facelo rei.

Non obstante, moitos se puxeron a buscalo e deron con el. Con todo, El non acepta o seu

entusiasmo demasiado interesado.

Comeron o pan milagroso, pero quedaron na pura vantaxe material sen captar o significado profundo dese pan, que amosa que Xesús é o enviado do Pai

para dar a verdadeira vida ao mundo.

Ven nel soamente un taumaturgo, un Mesías terreal, capaz de darlles o alimento material en

abundanciae a bo prezo. Xesús neste contexto

diríxelles as palabras:

«Traballade non polo pan que se acaba, senón polo que dura ata a vida eterna. Este é o pan que vos dará o Fillo do

Home».

O “alimento que non perece” é a mesma persoa de Xesús

e é tamén a súa ensinanza, xa que oque Xesús ensina e a súa persoa son unha soa

cousa.

Lendo a seguir, máis

adiante, outras

palabras de Xesús,

vese que este

“pan que non perece”

se identifica tamén

co corpo eucarístico

de Xesús.

Polo tanto, pódese dicir que o “pan que non perece” é Xesús en persoa que se nos dá na súa Palabra e na

Eucaristía.

«Traballade non polo pan que se acaba, senón polo que dura ata a vida eterna. Este é o pan que vos dará o Fillo do

Home».

A imaxe do pan aparece a miúdo na Biblia, omesmo que a da auga. O pan e a auga representan os

alimentos primarios, indispensables para a vida do home.

Xesús, aplicando a si mesmo a imaxe do pan,quere dicir que a súa persoa e a súa ensinanza

son indispensables para a vida espiritual do home,

así como o é o pan para a vida do corpo.

Sen dúbida, o pan material é necesario. Xesús mesmo procuroullo milagrosamente á

multitude. Pero por si só non abonda.

O home lleva en si mesmo – tal vez sen darse perfectamente conta disto – unha fame de verdade, de

xustiza, de bondade, de amor, de pureza, de luz, de paz, de alegría, de infinito,

de eternidade, que nada no mundo pode ateigar.

Xesús proponse a si mesmo como o único capaz de saciar a fame interior do home.

«Traballade non polo pan que se acaba, senón polo que dura ata a vida eterna. Este é o pan que vos dará o Fillo do

Home».

Non obstante, ao presentarse como o “pan de vida”, Xesús non se limita a afirmar a necesidade de nutrirse del, é dicir, de que é necesario crer nas súas palabras

para ter a vida eterna,senón que quere inducirnos a facer a experiencia del.

De feito, coa palabra «traballade non polo pan que se acaba», fainos unha invitación apremante; di que é

necesario poñer en práctica todos os medios posiblespara procurarse este alimento. Xesús non se impón,

senón que quere ser descuberto, quere ser experimentado.

Certamente, o home coas súas soas forzas non é capaz

de alcanzar a Xesús. Pode facelo por un don de Deus.

Porén, Xesús invita continuamente o home a dispoñerse a acoller o don de si mesmo, que Xesús

lle quere dar.

E xustamente esforzándose en poner en práctica a súa Palabra, o home chega á fe plena nel,saborea a súa Palabra como se saborea

un pan recente e saboroso.

«Traballade non polo pan que se acaba, senón polo que dura ata a vida eterna. Este é o pan que vos dará o Fillo do

Home».

A Palabra deste mes non ten por obxecto un punto particular da ensinanza de Xesús (por exemplo: o

perdón das ofensas, o desapego das riquezas, etc.), senón que nos volve levar á mesma raíz da vida cristiá que é a nosa relación persoal con Xesús.

Eu penso que o que comezou a comprometerse a vivir a súa Palabra e sobre todo o mandamento do amor ao

próximo,síntese de todas as palabras de Deus e de todos os

mandamentos,advirte dalgún modo que Xesús é o “pan” da súa vida,

capaz de ateigar os desexos do seu corazón,a fonte da súa ledicia, da súa luz.

Poñéndoa en práctica chegou a gustar a Palabra, polo menos un pouco, como a verdadeira resposta aos

problemas do home e do mundo. E, dado que Xesús, “pan de vida”, fai don supremo de si mesmo na

Eucaristía, acode espontaneamente a recibir con amor a Eucaristía e esta ocupa

un lugar importante na súa vida.

Entón, é necesario que quen de nós teña

feito esta estupenda

experiencia, coa mesma premura coa que Xesús impulsa

a procurar o “pan da vida”,non garde para si

o seu descubrimento,senón que o

comunique a outros para que moitos

encontren en Xesústodo o que o seu

corazónbusca desde sempre.

É un enorme acto de amor que fará aos seus próximos

para que eles tamén coñezan a verdadeira vidaxa desde esta terra e teñan a vida que non morre.

Que máis se pode desexar?

«Traballade non polo pan que se acabas, senón polo que dura ata a vida eterna. Este é o pan que vos

dará o Fillo do Home».

(Xn 6, 27).

““Palabra de Vida”,Palabra de Vida”, Texto de: Chiara Lubich, escrito en agosto 1985.

Este comentario da Palabra de Vida tradúcese a 96 linguas e idiomas,

incluído o galego, e chega a varios millóns de persoas en todo o mundo

a través da prensa, radio, televisión e internet.

““Palabra de Vida”,Palabra de Vida”, Texto de: Chiara Lubich, escrito en agosto 1985.

Este comentario da Palabra de Vida tradúcese a 96 linguas e idiomas,

incluído o galego, e chega a varios millóns de persoas en todo o mundo

a través da prensa, radio, televisión e internet.

Nota do Secretariado de Catequese de Santiago de Compostela para o curso 2011-12, cuxo lema do proxecto,

uníndose á diocese, é

“A PALABRA DE DEUS, CORAZÓN DA CATEQUESE”:

“Temos comprendido que a nosa diocese e o mundo necesita unha cura de Evanxeo porque só a Boa Nova pode devolverlle a vida que lle falta. Por iso invítasenos a vivir a Palabra de Vida, ou de calquera outro modo a Palabra de Deus, por exemplo a que se proclama cada domingo na

celebración da Eucaristía”. Sexamos evanxeos vivos, palabras de vida, outro Xesús! e así imitaremos a María Santísima, a Nai da Luz, do Verbo: a

palabra viva.“A nós non nos abonda con vivila cada un pola súa conta; é necesario ademais que

nos comuniquemos mutuamente as nosas experiencias sobre ela. Así nos evanxelizaremos como individuos e como comunidade: somos Xesús cada vez máis,

individualmente e colectivamente” (C.L.).

Comunicádenos a luz que recibides desde a Palabra e a vida que se vai construíndo en vós desde ela (podedes facelo por correo

electrónico: catequese@planalfa.es). GRAZAS.