Prentsa Oharra Nota de Prensaarabapress.eus/ficheros/np cjo 13-2 eus.pdf · ARABAKO FORU ALDUNDIA /...

Prentsa Oharra Nota de Prensa

ARABAKO FORU ALDUNDIA / DIPUTACIÓN FORAL DE ÁLAVA – Probintzia plaza z/g 01001 Vitoria-Gasteiz Tel: 945 18 18 94 Fax: 945 18 17 62 Elena Ferreira www.araba.eus – [email protected] 1

Foru Aldundiak Arabako Domina emango die Euskaltzaindiari eta Eusko Ikaskuntzari. Foru erakundeak ezagutza agertu nahi die mende oso batean zehar Arabaren eta Euskal Herriaren hizkuntza, gizarte eta kultur ondarea sustatzen egindako ibilbidearengatik Gasteiz, 2018ko otsailaren 13a. Arabako Foru Aldundiak, 2018ko Arabako Domina emango die Euskaltzaindiari eta Eusko Ikaskuntzari, bi erakunde horiek sortu zireneko 100. urteurrenean. Halaxe onetsi du gaur Gobernu Kontseiluak, aitortzearren Foru Aldundiak ematen duen saririk handienarekin bi erakunde horiek Arabaren eta Euskal Herriaren hizkuntza, gizarte eta kultur ondarearen sustatzaile eta eragile moduan egindako lan itzel eta goresgarria.

Diputatu nagusiak gogorarazi du gaur betetzen direla ehun urte Eusko

Ikaskuntzen lehen Biltzarra egin zela Oñatin, hura izan zela bi erakundeen abiapuntua, eta Bizkaiko, Arabako, Gipuzkoako eta Nafarroako aldundiek lagundu eta babestu zutela. Hain zuzen ere, Dionisio Aldama, orduan Arabako Foru Aldundiko presidente zena, han izan zen aita Raimundo Olabide Euskaltzaindiko kide oso izendatu zutenean eta Ángel Apraiz, Salamancako Unibertsitateko katedratikoa, Eusko Ikaskuntzako idazkari nagusi.

Eusko Ikaskuntza eta Euskaltzaindia Euskal Herri osoan sortu, ezarri eta

finkatu izanari esker, hainbat eta hainbat proiektu sustatu ahal izan dira 1918az geroztik, lurraldean bertan nahiz lurraldetik kanpora irismen eta garrantzi handia izan dutenak. Hor dira, adibide gisa, euskara batzeko prozesua, Euskaltzaindiak hasi eta burutua, edo Eusko Ikaskuntzak 1931n Pirinioen hegoaldeko bizitza politikorako egindako ekarpena, autonomia estatutu bat proposatu zuelarik, zeinari, aldaketa batzuen ostean, Lizarrako Estatutua deitu baitzitzaion.

“Nahiz eta ez duten ibilbide erraza izan, Eusko Ikaskuntzak eta

Euskaltzaindiak jakin dute bizirik irauten. Are eta gehiago, jakin dute beren inguruan jatorri geografiko, akademiko eta ideologiko ezberdinetako emakume eta gizonak biltzen, egiteko zehatz baten inguruan: Euskal Herriaren oraina, iragana eta etorkizuna, haren hizkuntza eta kultura ikertzea. Erakunde biak izan dira



funtsezkoak Euskal Herriarentzat, oro har, bai eta Arabako Lurralde Historikoarentzat ere, bereziki”, adierazi du Gonzálezek, “eta, hori dela eta, Arabako Foru Aldundiak ezagutza eta esker ona agertu nahi dizkie Eusko Ikaskuntzari eta Euskaltzaindiari, aintzat harturik zer bide eta lan berebizikoa egin duten lurralde historiko honetan bizi izan diren eta bizi diren pertsonek arabar eta euskal herritar diren aldetik dauzkaten alderdi, berezitasun eta ezaugarri berezko, nabarmen eta bereizgarriak defendatzen, sustatzen eta eguneratzen.”



Arabako Foru Aldundiak 713.000 euro bideratuko ditu aurten enplegurako prestakuntzako ikastaroetara

Langabetuen lanbide birziklapena eta laneratzea errazteko

Arabako Foru Aldundiko Enplegu, Merkataritza eta Turismo Sustapenaren Sailak 713.000 euro erabiliko ditu aurten enpresek eskatzen dituzten gaiei buruzko prestakuntza ikastaroak finantzatzeko. Ikastaroak biztanleria aktiboarentzat eta, bereziki, langabetuentzat izango dira. Izan ere, langabetuen lanbide birziklatzea eta laneratzea erraztea da ikastaro horien helburua.

Arabako Foru Gobernuak, gaur, enplegurako prestakuntza ikastaroak antolatzeko dirulaguntzen urteko deialdia onartu du. Dirulaguntzen onuradunak lanbide heziketako zentroak, fakultate eta unibertsitate eskolak eta fundazio/elkarteak izango dira, eta aurten, 713.000 euroko aurrekontua egongo da, hots, 2017ko deialdiak izan zuena baino % 32,5 handiagoa.

2017ko deialdiari esker 79 ikastaro antolatu eta 875 plaza eskaini ziren, eta

aurrekontu gehikuntzak aukera emango du eskaintza zabaltzeko.

Arabako enpresek beren langile beharrak bete ahal izateko eskatzen dituzten lanbide arloei buruzkoak izango dira ikastaroak, eta, hain zuzen, deialdian lehentasuna emango zaie espezifikoki, beren ikastaroek betekizun hori betetzen dutela idatziz ziurtatzen duten zentroei. Oinarrietan jasotakoaren arabera, balio handiagoa emango zaie Arabako ekoizpen sektorearekin zerikusia duten eta arlo hauei loturiko prestakuntza sustatzen duten gaiei: industria sektorea (ekoizpena, muntaketa, logistika eta abar), energia eraginkortasuna eta ingurumena.

Arabako Foru Aldundiak ahalegina egin du prestakuntza eskaintza hori

Gasteiztik kanpo eramateko, iritzita prestakuntza arautuaren eta ez arautuaren eskaintza Arabako hiriburuan biltzen dela eta prestakuntza lurraldeko gainerako herri eta eskualdeetara ere eraman beharra dagoela. Xede hori betetzeko, aurrekontuaren erdia (356.000 euro) lanbide prestakuntzako ikastaroak Gasteiztik kanpo antolatzeko gorde da.



Politika horri esker, iaz hogei bat ikastaro eman ziren zenbait udalerritan,

besteak beste, Laudio, Agurain, Amurrio, Iruña Oka, Ozeta, Zuia eta Oionen. Berritasunak

2018ko deialdiak berritasunak dakartza. Nabarmentzekoak dira, batetik, kuadrillek txostena egin dutela eskualde bakoitzeko enpresen beharretara ondoen egokitzen diren ikastaroen gaiei buruz, aintzat hartu daitezen Gasteiztik kanpo zein ikastaro antolatuko den erabakitzeko orduan; eta, bestetik, balorazio irizpidetzat hartuko dela ikastaroek langabetuen partaidetza sustatzen duten ala ez.

Era berean, emakumezkoak ikastaroetako irakasle izan daitezen ere

sustatuko da, aurreko urteetan irakasleen % 80 baino gehiago gizonezkoak izan baitziren. Hortaz, deialdi horren oinarrietan, balorazio irizpidetzat ezarri da emakumeak izatea irakasleetako batzuk, eta lehentasuna emango zaie irakasleen artean gizonen eta emakumeen bidezko proportzioa duten prestakuntza zentroei.

Enplegu, Merkataritza eta Turismo Sustapenaren Sailak enplegua sustatzeko

darabilen estrategiaren barruan sartzen da deialdi hori. Estrategia horrek hiru ardatz ditu: biztanleria aktiboari eta, bereziki, langabetuei prestakuntza ematea, laneratzeko aukera handiagoa izan dezaten; kontratu mugagabeak sustatzea, enpleguaren kalitatea hobetzeko; eta Enplegu Programa Berezia, langabezia tasarik handiena duten eskualde eta udalerrietan.



Foru Gobernuak lehiaketara aterako du Gasteiz-Miranda eta Gasteiz-Durango lineen kontzesioa

Maiztasunak hobetuko dituzte eta BAT txartela onartuko dute

Foru Gobernuak onartu du gaur errepidezko bidaiari garraioko Gasteiz-Miranda de Ebro eta Gasteiz-Durango lineen kontzesioa batera lehiaketara ateratzea, Arabako Mugikortasun Plan Zuzentzailearen garapenaren esparruan. Linea berriek garrantzizko hobekuntzak izango dituzte, hala nola maiztasun handiagoa, BAT txartela eta autobus berriak, erosoago eta modernoagoak.

Bi linea horien baterako kontzesioak hamar urteko iraunaldia izango du eta diruz lagundua izango da.

Bi linea horien berritzeak zerbitzuaren garrantzizko hobekuntzak ekarriko

ditu, hala nola BAT txartela onartzea ordainketa bide moduan, autobus berriak, erosoago eta modernoagoak, WIFIz hornituak, tiketak aldez aurretik saltzeko online sistema, eta maiztasun handiagoa, bai lanegunetan bai asteburuetan. BAT txartela erabiltzen dutenei, gainera, orain baino pixka bat merkeago aterako zaizkie tiketak.

Gasteiz-Miranda lineak egunero zentzu bakoitzean 14 bidaiarekin lotuko

ditu bi herri horiek ikasturtean zehar, astelehenetik ostiralera, eta egunero zentzu bakoitzean 5/6 bidaiarekin asteburuetan, eta zerbitzua emango die Argantzungo eta Rivabellosako biztanleei: lanegunetan, zentzu bakoitzeko eguneroko14 zerbitzuetatik 9 sartuko dira Rivabellosan, eta 7 Argantzunen. Maiztasun horiek gutxieneko izaera dute, eta hobetu ahal izango dira.

Beste aldetik, Gasteiz-Durango lineak egunero zentzu bakoitzean 10

bidaiarekin lotuko ditu bi herri horiek ikasturtean zehar, astelehenetik ostiralera (ostiraletan 11rekin), eta egunero zentzu bakoitzean 5/6 bidaiarekin, asteburuetan. Gainera, bitarteko geldialdiak egingo ditu eta horien bidez zerbitzua emango die Legutioko, Lukoko eta Urbinako biztanleei (5 bidaia egunero zentzu bakoitzean) eta Gojaingo industrialdean lan egiten dutenei.



Baita ere, zentzu bakoitzeko bidaia bat Duranan geldituko da, herri

horretako ikastolara errazago heltzeko modua emateko ikastegi horretan matrikulatuta dauden Legutio aldeko ikasleei.

Halaber, geldialdiak egingo ditu Bizkaiko Otxandio, Mañaria, Izurtza eta Iurreta herrietan, Urkiolako mendatean gelditzeaz gainera.



Aldundiak 360.000 euro inbertituko ditu Arabako bide berdeen 1.078 kilometroak mantentzeko Belarra mozteko lanak, inausketa selektiboa, zerbizu ekipamenduen hobekuntza edo zoruaren konponketa egingo dira lurraldeko 18 bide berde garrantzitsuenetan 2019ra arte aurreikusitako inbertsioa izango da, urtero 180.000 euroko esleipenarekin Arabako Foru Aldundiaren Gobernu Kontseiluak oniritzia eman dio 2019ra arte egingo den 359.370 euroko inbertsioari, lurraldeko ibilbide berdeak mantentzeko.

Askotariko mantentze lanak dira, hala nola belarra moztea, inaustea, sasiak kentzea edo inausketa selektiboak bide ertzetan eta informazio eta balizamendu zonetan, belarra moztea atsedenguneetan, ekipamendua mantentzea edo zorua konpontzea, besteak beste.

Arabako ibilbide berdeen sareak denetara 1.078 kilometro ditu. Sare horrek

hegoaldetik iparraldera eta mendebaldetik ekialdera egituratzen du lurraldea eta, gainera, elkarrekin lotzen ditu naturguneak, baita herriak eta lantokiak ere. Halaber, apustu estrategiko bat da garraio iraunkorraren alde, ibilgailu motordunen hautabide gisa, bai aisialdietarako, bai egunero herrigune batetik bestera joateko, batzuetan.

Zehazkiago, gaur goizean Gobernu Kontseiluan onartutako lizitazioan

mantentze gai den bide sarean, ondoko hauek daude:

- Uribarri-Ganboako urtegiaren inguruko bide berdea (44,5 Km.)

- Arabako Mendialdeko bide zirkularra (30,90 Km.)

- Vasco-Navarro trenbide zaharraren bide berdea (62,25 km.)

- Betoño haitzeko eta Aguilloko bidea (11,00 km.)



- Opakuako abelbidea (6,80 km.)

- Gatz Haraneko eta Añanako bide perimetrala (2 km.)

- Berantevillako abelbidea (3,20 km.)

- GR-38 Ardoaren eta arrainaren bidea (85,40 km.)

- GR-1 Bidezidor Historikoa (146,50 km.)

- GR-65 Donejakue Bidearen Arabako zatia (77,20 km.)

- GR-25 Lautadako Bira mendien behealdetik (175,20 km.)

- Nerbioiko parke linealeko bide berdea (10,50 km.)

- GR-284 Sopeñako Errege Bidea (43,50 km.)

- GR-99 Ebroko bidea (77,80 km.)

- GR-282 Artzantzaren bidea (208 km.)

- GR-120 Inaziotar Bidearen Arabako zatia (83,5 km.).

- Gesaltza Añana – Caicedo Yuso-Arreoko aintzira – Peña la Uña bide berdea

(5,9 km.).

- Zadorrako bide berdea (4,750 km.)



Kirolaraba Fundazioak 367.000 euro banatuko dizkie klubei eta kirolariei

Gobernu Kontseiluak 367.000 euro esleitu ditu Kirolaraba Fundazioaretzat. Kopuru hori lurraldeko hainbat klub eta kirolarien artean banatuko da. Kirolaraba Fundazioaren bidez Arabako Foru Aldundiak goi-mailako errendimenduko kirol ez-profesionalari laguntzen dio eta hura 2015ean abian jarri zenetik, gero eta enpresa gehiagok kirol babesa egiteko aukeratzen duten bidea bilakatzea lortu da.

Era berdinean, Kontseiluak onartu du partida hori ondoko deialdi hauen

bidez banatzea:

1. Goi-mailako klubei laguntzak emateko deialdia, 212.000,00 euroko zenbatekoaz.

2. Klubei beren kirol arrakastagatik laguntzak emateko deialdia, 90.000,00 euroko zenbatekoaz.

3. Goi-mailako kirolariei bekak emateko deialdia, 18.000,00 euroko zenbatekoaz.

4. Kirolariei beren kirol arrakastagatik bekak emateko deialdia, 18.000,00 euroko zenbatekoaz.



Kontseiluak onetsi du Arte eta Lanbide Eskolari 250.000 euroko ekarpena egitea

Gaurko Gobernu Kontseiluak Gasteizko Arte eta Lanbide Eskolarako 2018rako aurrekontu esleipena onetsi du. Arabako Foru Aldundiak 250.000 euro ordainduko ditu, urtero bere ikasgeletan mila ikasle inguru jasotzen dituen zetroaren funtzionamendurako.

Arabako Foru Aldundiak, Gasteizko Udalak, Merkataritza Ganberak eta

Euskal Herriaren Adiskideen Elkarteak osatzen dute patronatua, eta ahalegin handia egin du berriz zuzentzeko eskolaren funtzionamendua. 2016an, gabeziak identifikatu eta konpontzeko bideragarritasun plana aurkeztu zuen eta, orduz geroztik, zenbait neurri ezarri ditu eskolaren funtzionamendua optimizatzeko, arabar guztiei zerbitzu bermeduna eskaintzeko helburuarekin.
















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:




















(5,9 km.).







bidez banatzea:





Prentsa Oharra Nota de Prensaarabapress.eus/ficheros/np cjo 13-2 eus.pdf · ARABAKO FORU ALDUNDIA /...

Documents

Transcript of Prentsa Oharra Nota de Prensaarabapress.eus/ficheros/np cjo 13-2 eus.pdf · ARABAKO FORU ALDUNDIA /...