UEM L A BS E NO EZ DD IA CTG N DA AM SI WH AST

16 June 1946 - 02 February 1990

Moapostola wa bophelo

Thapelo ya Novena

DIOCESE of TZANEENPO Box 261

TZANEEN 0850SOUTH AFRICA

TEL: (015) 307 5244FAX: (015) 307 3078

bendaswa@mweb.co.za

-1-

Ge abe a gwalela Kereke ya Afrika, Mopapa Benedict XVI o ile a dira boipiletšo bja gore go oketšwe bakgethwa mo Afrika. “Ke hlohleletsa badiši ba diphuthego go lemoga gare ga badiredi ba Ebangedi mo Afrika bao bakago kgethwa go ya ka taelo ya kereke, e seng fela go oketsa palo ya bakgethwa ba Afrika, eupša le go hweletsa kereke bahumedi ba baswa kua legodimong bao ba kago etetša Kereke leetong la yona la tumelo, le go humelela kontinente pele ga Modimo. Ke gafela Mohumagadi wa Afrika le go bakgethwa ba rategago ba kontinente Kereke yeo e humanegago moo”(AM No.114).

Go tloga mathomong a Kereke, Afrika e šegofaditšwe ka bakgethwa ba bantšhi ba tumo e kgolo, go balwa boraro bja Botate ba Tumelo ba mathomo ba Kereke, Bakgethwa Augustine, Cyril wa Alexandria le Cyprian. Go bile gape le bakgethwa ba basadi ba nako eo, gare ga bona re bala Monica yo mokgethwa, Mmago Mokgethwa Augustine, gammogo le bahwela tumelo ba sebete, bao gare ga bona re hwetšago Pepertua le Felicity. Mengwageng ya bjale Africa e file Kereke ka bophara bakgethwa ba bangwe ba bagolo le bahwela -tumelo bjale ka Joshephine Bakhita, mosetsana wa lekgoba wa kua Sudan, Bakgethwa ba Uganda, Mokgethwa Charles Lwanga le batswalle ba gagwe ba masome pedi-pedi.

Bakhatholike ba tšea bakgethwa le bahwela- tumelo bjalo ka badimo ba bona tumelong. Ba mo boteeng bjo bjo phethagetšego le Modimo e bile ba tšwela pele goba maloko a lelapa la batho bao ba itapišago ka dinyakwa tša rena. Ka lebaka leo re ka batamelana le bona ka tshepo ye kgolo ya gore batla fihliša dinyakwa le dipelaelo tša rena Modimong.

Mohlala wa maphelo a bona o na le maatla ebile ke mothopo wa sebete le šušumetšo go rena mo leetong la rena la tumelo. Le rena bjale ka barutiwa ba Kriste re swanetše go ba le lethabo la go abelana tumelo y arena le ba bangwe re sa tshoge go e emela, le ele gore seo se ka re tlišetša sehlabelo goba lona lehu.

-2-

Go bohlokwa gore Kereke ye Khatholiki ya Afrika e arabe kgoeletšo ya Mopapa ya gore palo ba bakkgethwa mo Afrika e oketšege. Mo diosesing ya Tzaneen, Benedict Daswa o ile a lemogwa a sa phela bjalo ka Mokhatholiki wa mohlala, Monna wa lelapa le ntate wa boineelo, morutiši wa maitemogelo le hlogo ya sekolo, yo abego a raloka karolo ye kgolo ye bohlokwa mo bephelong bja Kereke le mo setšhabeng ka kakaretšo. E be le monna wa therešo, seriti, le botho bjo bogolo. Benedict o ile a kgahla batho bangwe ka lebaka la mohlala wa gagwe wa tumelo ge a be lebane le ditšo tse dingwe, tumelo le mediro tša tšona ye bego ele kgahlanong le tumelo ya gagwe. Ka morago ga lehu la gagwe le lešiisang phuthego ya Makhatholiki e ile ya tswela pele go mo gopola ka mokgwa wa go etela lebitla la gagwe kgafetša le ka go rapela moo.

Nyakišišo semmušo ya Diocese ka ga bophelo le lehu la Modiredi wa Modimo , Tshimangadzo Samuel Benedict Daswa e fihlile mafelelong ka 2009. Yona ile ya amogela ke lekgotla leo le ikarabelang hlatlušong ya bakgethwa ba Kereke ya Khatholiki kua Roma (Sacred Congregation for the causes of saints) ka Dibatsela 2010, e le ge go tiisetšwa gore nyakišišo ye e sepetše goya ka melao le ditshwanelo tša maleba tša kereke mabakeng a. Tumelelo ye e tšwago kua Roma e bile hlohleletšo e kgolo go Diocese ya Tzaneen, ka ge ile ya re bulela tsela ya go tšweletša lebaka la gore Benedict Daswa a dire Mohwela-Tumelo le Mokgethwa wa kereke, eseng fela mo Afrika Borwa eupša le kontinenteng ya Afrika le lefase ka bophara.

Re hlohleletša batho gore ba ithute ka ga bophelo bja mogale yoo wa tumelo le gore ba tutuetšwe ke mohlala wa gagwe ge ba emela tumelo ya bona. Go Benedict bophelo e be ele bjo bokgethwa bo swanetšwe go hlompša le go šireletšwa. Bjale ka moapostola wa bophelo, ke wa maleba go tšweletša kgodišo ya Setšo sa go hlompha bophelo lefaseng la lehono. Ka lebake leo re hlohleletša batho gore ba rapelele gore a dirwe Mošegofatšwa wa tumelo gore re tle re hwetše mahlatse ka khumelo ya gagwe.

Novena ye ineelang go Benedict Daswa ke tsela e maatla ya thapelo yeo e kago go diriswa ke motho o mo tee go ba dihlophana. Re na le tshepo ya gore ge Novena ye e ka rapelwa ka tumelo go Kriste le go Moya wa gagwe o Mokgethwa modimo o tla go šegofatša ka dimpho tše dintšhi ka khumelo ya Benedict Daswa. Re kgopela bao ba hweditšego mashutu ka khumelo ya gagwe go abelana le bangwe le rena ditaba tše di botse tša mohlolo wa tumelo.

Re leboga Fr. Herman Van Dijck MSC motšweletši wa thapelo ye ya Novena.

Mobishopo Joao Noe Rodrigues, Diocese ya Tzaneen

Mobishopo Hugh Slattery MSC, Mobishopo wa pele wa Tzaneen.

ABBREVIATIONS

AM Africae Munus – Africa's Commitment

Post-Synodal Apostolic Exhortation – Pope Benedict XVI, 2011

CCC Catechism of the Catholic Church

Promulgated by Pope John Paul II, 1992

CIC Codex Iuris Canonici – Code of Canon Law

Promulgated by Pope John Paul II, 1983

CL Christifideles Laici – On the Vocation & Mission of the Laity

Apostolic Exhortation – Pope John Paul II, 1988

EV Evangelium Vitae – The Gospel of Life

Encyclical – Pope John Paul II, 1995

FC Familiaris Consortio – The Family in the Modern World

Apostolic Exhortation – Pope John Paul II, 1981

GS Gaudium et Spes – The Church in the Modern World

Pastoral Constitution – Vatican Council II, 1965

LG Lumen Gentium – Light of the Nations

Dogmatic Constitution – Vatican Council II, 1964

NMI Novo Millennio Ineunte – Entering the New Millenium

Apostolic Letter – Pope John Paul II, 2001

-3-

Novena ke eng?

Novena ke thapelo ya kgopelo yeo e akaretšwago ke dithapelo tšeo di dirwago matšatšing a senyane ao a latelanago, go kgopela thušo le digarasia go Modimo. Go tloga kgale novena e be ele mokgwa wa thapelo woo o tlwaelegilego ka kerekeng ye Katholike. E tšea mohlala go tšwa go matšatši a senyane; ka morago ga thotogelo go fihla ka letšatši la Pentekosete ao ka wona Baapostola le Maria Mmago Jesu ba bilego thapelong, ba letetše go tla ga Moyamokgethwa (cf. Ditiro 1:14).

Go rapela novena go laetša kgotlelelo thapelong, ka go kgopela thušo lebakeng la matšatši a senyane a go latelana. Ke go phethagatša thuto ya Morena wa rena ya gore re swanetše go tswela pele go rapela re sa lahlegelwe he tshepo gare re sa fele pelo. Gape se se gatelela mantšu a Morena wa rena ge are: “kgopelang, le tla fiwa; nyakang, le tla hwetša; kokotang, le tla bulelwa. Gobane mang le mang yo a kgopelago o a fiwa, yo a nyakago o a hwetša, le yo a kokotago o a bulelwa.” (Luka 11:9-10)

-4-

Moapostola wa bophelo

-5-

THAPELO

Ya Bokgethwafatši bja Mohlanka wa ModimoT.S. Benedict Daswa

Oho Boraro bjo bokgethwa,ka kolobetšo ya ka, ke a dumela gore o dula ka mo gonna.Ke a go rata, ke a go khunamela ebile ke a go rapela.Ke go leboga ka Mohlanka wa gago, Benedict,Yoo o mo kgethilego gore ka lehu a hlatsele tumelo ya gagwe go Jesu Kriste, Morena le Mophološi wa ka.

Tate yo maatla ka moka, o tladitše pelo ya Mohlanka wa gago, Benedict, ka lerato le legolo, gape le ka boikgafo bja go aga mmušo wa gago.O mo hlohleleditše gape wa mofa maatlaA go hlatsela tumelo ya gagwe ntle le poifo, gape le sebete sa go se boife le lehu.

Modimo wa lerato, ntokolle medirong ya leswiswi.Ntšhireletše meboyeng e mebe le maatleng a sebe.Intire mohlankedi wa nnete wa bophelo lapeng laka le setšhabeng.A nke seetša sa gago, oho Morena, se kganye gonna le ka go nna.

Morena Jesu, ka dithapelo tša Mohlanka wa gago, Benedict,Ke go kgopela gore ke latele mohlala wa gagweKe dule ke ikemišeditše go lebalela ka moya wa seKriste.

O tseba mathata le matshwenyego a kagape o tseba le tšohle tšeo ke di boifago ka bokamoso bja ka.Ke hwetša maatla le hlohleletšo ka bophelo bja Mohlanka wa gago.Ga bjale ke tla go wena, Morena, mme ka dithapelo tša BenedictKe kgopela thušo ya gago…go ya ka thato ya gago.

Nthuše ka mehla go latela mehlala ya Benedict.Ka dithapelo tša ka mehla le go tla Kerekeng,Nthuše go go rata, Oho Morena, go fetiša tšohleLe go rata ba bangwe bjalo ka ge o nthata. Amen.

-6-

Tshimangadzo Samuel Benedict Daswa o belegwe ka la 16 June 1946, motsaneng wa ga Mbahe kgauswinyane ga Thohoyandou. Ke wa mathomo go bana ba gabo ba bahlano. O godišitšwe tumelong ya setšo sa se Afrika, moenong wa Bakali wa morafe wa ba Lemba, bao ba tsebegago ba na le tswalano le setšhaba sa Bajuda. Bontši bja bona ba phela magareng ga morafo wa baVenda, gape ba hwetšwa go Bapedi le baTsonga Profenseng ya Limpopo ya Afrika Borwa. Nakong ya ge e be ele morutwana sekolong se se phagamego, Tshimangadzo o ile a hwetša thuto ya tumelo ya seKatholike go tšwa go moKatekise wa gagwe, mohu Father Benedict Risimati. O ile a hwetša huetšo e ntši go tšwa go Father Risimati yoo a bego a na le tumelo yeo e tseneletšego gomme o ile ikgethela leina la Benedict ge a be a kolobetšwa. O ile a amogela morero wa Benedict yo Mokgethwa (“Pray and Work”) wa go rapela le go šoma. Mme morero wo o ile wa huetša bophelo bja gagwe ka moka bjalo ka moKriste. Ka la 21 April 1963, o ile a kolobetšwa ke Father Augustine O'Brien MSC mme a amogela selalelo la mathomo. Ka morago ga dikgwedi tše tharo o ile a tiišetšwa ke Rt. Rev Abbot/Bishop F C Van Hoek OSB, Mopišopo wa Seletemopišopo sa Pietersburg. Ka morago ga go fetsa dithuto tša gagwe sekolong se se phagameng, Benedict o ile a ya go ithutela tša borutiši bja sekolo sa fase.

Lentšu la ModimoMola re kolobetšwa e bile setšha re ehwa mme re bolokwa le yena, gore bjalo ka ge a ile a tsošwa bahung ka maatla a a makatšago a Tatagwe, le rena re tle re Phele bophelobjo bofsa. Gobane ka ge re bile ba tee le yena ka go hwa lehu la go swana le la gagwe, re tla ba batee le yena le ka go tsoga tsogo ya go swana le ya gagwe (Baroma 6:4-5).

Tiišetšo ya Tumelo…ka ge kolobetšo e le mathomo a go tsenela bokgethweng bja Modimo ka go ba batee le Kriste le go amogela Moya wa gagwe, e ka ba go ipušetša morago ge re ka tlwaela le phela maphelo a maemo a fase, a mekgwa yeo e tšwilego tseleng gape ya tumelo yeo e sa bjalegago. Ge baKatekumene ba botšišwa: “Naa le rata go amogela kolobetšo?” go swana le go ba botšiša gore: “Naa le rata go tla go ba babakgethwa?” Ke go ba beela thuto ya Kriste thabeng ya gore: “Ebang baloki bao ba feletšego, bjalo ka ge Tatagolena wa legodimong e le moloki yo a feletšego (Mateo 5:48). (NMI 3)

Kgopodišišo Naa kolobetšo yeo ke e amogetšego e ra go reng go nna? Ke a rata ka nnete go ba moloki bjalo ka ge Modimo e le moloki?

ThapeloO ntshepediša ka tsela tše di lokilego ka baka la leina la gagwe.Le ge nka sepela molapong wo o šiišago,Nka se boife selo, gobane wena, Morena, o na le nna;O ntšhireletša ka molamo wa gago, ka lepara la gago wa ntlhahla.Ke tla dula ka ngwakong wa gago ge ke sa phela. (Pesalome 23:2b-4.6)

Thapelo ya Bokgethwafatši bja Benedict Daswa

LETŠATŠI LA MATHOMO: KOLOBETŠO GO KRISTE

-7-

LETŠATŠI LA BOBEDI: MONNA WA MOŠOMI

Benedict o ile a botegela morero wa Benedict yo Mokgethwa wa thapelo le bošomi (Pray and Work). Ka bošomi bja botshepegi o be a dumela gore o tla tumiša Modimo gape a thuša setšhaba sa gabo. Bjalo ka Hlogo ya sekolo sa fase sa Nweli, Benedict o ile a ikgafela ka botlalo mošomong wa gagwe wa borutiši. Ka letšatši le lengwe o mongwe wa barutiši o ile a leka go tšhabela maikarabelo a gagwe a go itukišetša dithuto tša beke ya go latela, mme a ya bobolokela-mašeleng kua Sibasa go ya go ntšha tšhelete ya gagwe ya mogolo. Morago ga go lemoga gore ga a gona sekolong, Benedict o ile a tsena sefatanageng sa gagwe a mo šala morago, a emiša senamelwa seo morutiši yoo a bego a le ka go sona. O ile a dira gore morutiši yoo a boele le yena morago lesemetseng go ya sekolong go dira mošomo wa gagwe. Morago ga gore morutiši a fetše go dira mošomo wa gagwe, Benedict o ile a tšea sefatanaga sa gagwe a mo iša gona bobolokela-mašeleng kua Sibasa.

Tswalanong ya gagwe le barutwana, ka mehla Benedict o be a bontšha moya wa lerato. O be a ba hlohleletša go ba le mafolofolo, go ikemela le go itirela. Bao ba bego ba palelwa ke go lefelela dithuto tša bona o be a ba mema go ya go šoma tšhengwaneng ya gagwe go hwetša moputso woo ka wona ba tlago lefelela dithuto tša bona. Ge a be a bona morutwana a se a tla sekolong, Benedict o be a etela lapa la gabo go nyakišiša le go fa thušo mo go hlokegago. O be a šoma le bana ba gagwe tšhengwaneng ya gagwe, ba bjala le mehlare, enngwe ya tšeo di sa tlwaelegago ka barutiši, baetapele le dirutegi ka kakaretšo.

Benedict o be a bontšha tlhokomelo e kgolo mme a šomiša tšhelete ya gagwe gabotse gape le ka bohlale. O bile wa mathomo motsaneng wa gabo go aga ntlo ya ditena ka tšhelete yeo a bego a e boloka le yeo a bego a e hwetša ka go rekiša merogo le dienywa gotšwa tshengwaneng ya gagwe. Ka go kgona go beakanyetša tšhelete ya gagwe, o ile a reka sefatanaga, telebišene le mogala. Ka lebaka la mona le go duma tše dibotse tšeo a bego a na le tšona, ba bangwe ba motse ba ile ba thoma go mo gonanela gore o šomiša tikoloshe go hwetša tšeo a bego a na le tšona.

Lentšu la ModimoMehleng yeo mmušo wa Modimo o tla swantšhwa ka monna yo a bego a nyaka go tšea leeto. A bitša bahlanka ba gagwe gomme a ba bea bahlokomedi ba thoto ya gagwe; Mongwe a mo fa dipapetlana tše hlano tša gauta, mongwe a mo fa tše pedi, mongwe a mo fa e tee. A fa yo mongwe le yo mongwe wa bona ka moo yena a mo tsebago a kgona ka gona. (Mateo 25:14-15)

-8-

Tiišetšo ya TumeloNasaretha, ntlo ya “Morwa wa Mmetli,” ke gona moo re ratago go kwešiša le go keteka bohloko le phološo ya bošomi bja motho; re thuše go lemoga seriti sa mošomo; gopola mo gore mošomo ga se bofelo ka bo wona, empa ke tokologo gape o tšweletša seriti, leruo le boiphedišo, tšeo di lego bolang bja mošomo; gape mo re tla rata go amogela bašsomi bohle lefaseng ka bophara le go ba bontšha mohlala o mobotse, mogwera le mogolwane wa bona, Moporofeta wa tše dibotse, Kriste Morena wa rena. (Mopapa Paul VI, Address in Nazareth, 5 January 1964)

Kgopodišišo Naa ke dira mošomo waka ka mo nkago kgona? Naa ke jewa ke dihlong ge ke dira mošomo wa diatla?

ThapeloYa ba gona batho ba yago medirong ya bona, ba hwa ba šoma go fihlela mantšiboa. Morena, tše o di dirilego ga se ka bontši! Tšohle o di dirile ka bohlale; lefase le tletše dibopiwa tša gago. (Pesalome 104:23-24)

Thapelo ya Bokgethwafatši bja Benedict Daswa

-9-

Ka ngwaga wa 1980, Benedict o ile a nyalana le Shadi Eveline Monyai, yoo e bego e le Molutere gomme a tla a amogelwa ka Kerekeng ye Katholike. Ba ile ba šegofatšwa ka bana ba seswai, gomme wa bofelo o belegwe kgwedi tše nne morago ga lehu la Benedict. O be a dumela gore ka go thuša mosadi wa gagwe go hlokomela bana le go dira emengwe ya mešongwana ya ka gae e be ele karolo e bohlokwa ya dikano tša lenyalo la bona. O be a fela a botša ba bangwe gore: “Le swanetše go thuša basadi ba lena ka e mengwe ya mešongwana ya ka gae,” mme bana ba gagwe bona o tlogile a ba ruta go thuša ka gae. O be a ba ruta go šoma ka kudu mešomong ya bona ya sekolo le mošomong wa diatla tšhengwaneng ya ka kae.

Ka lapeng go be go rapelwa mantšiboa a mangwe le a mangwe. Nako ye ya thapelo, yeo e bego e akaretša dipalo tša mangwalo a makgethwa le dithapelo tše dingwe tša lapa, e be e tloga e le mohlala o mobotse wa gore Kereke e thoma ka gae. Bjalo ka lapa, ka Lamorena ba be ba tsena Kereke ba keteka ditirela-modimo. Benedict o ile a hloma letšatši leo le bego le bitšwa “Daswa Day” ka nako ya matšatši a mokete wa matswalo a Morena. Meloko le metswalle e be e gahlana ba keteka letšatši mmogo, ba fana ka dimpho tša matswalo a Morena, mme ngwana yo mongwe le yo mongwe a amogela ditlabakelo tša sekolo go lokišetša ngwaga wo o latelago.

Lentšu la Modimo“Ka baka leo monna o tla tlogela tatagwe le mmagwe a kopana le mosadi wa gagwe, gomme bobedi bja bona ya ba mmele o tee.” Temana ye e utulla sephiri se segolo, seo ke kwešišago gore se ra Kriste le Kereke; Fela se ra le lena: Monna yo mongwe le yo mongwe o swanetše go rata mosadi wa gagwe blajo ka ge a ithata, le mosadi o swanetše go hlompha monna wa gagwe. Lena botatagobana, le se galefiše bana ba lena. Sa lena e be go ba godiša ka kgalemo le thuto ya Morena. (Baefeso 5:31-32; 6:1-4)

Tiišetšo ya TumeloBomme, naa le ruta bana ba lena dithapelo tša Sekriste? Le thuša Baprista ba lena go ba lokišetša go amogela disakramente tšeo ba di hwetšago ge e sa le ba banyenyane: Maipolelo, Kamogelo le Tiišetšo? Ge ba bjabja le a ba hlohleletša go gopodišiša ka mahloko a Kriste sefapanong, go kgopela thušo ya dithapelo go Karebe ye Kgethwa le bakgethwa? Naa le rapela rosary mmogo bjalo ka lapa? Lena boTate, naa le rapela le bana ba lena, malapa a lena le malapa a mangwe ka dinako tše dingwe? Mohlala wa go botega ga lena megopolong le mantšung, go akaretša le dithapelo tša ka mehla, ke thuto ya bophelo, mokgwa wa go rapela wa bohlokwa. Ka yona tsela ye le tliša khutšo magaeng a lena. (FC 60)

LETŠATŠI LA BORARO: MONNA WA NNETE WA LAPA

-10-

KgopodišišoNaa ke phela bjang le molekane wa ka le bana ba ka?Naa re rapela mmogo bjalo ka lapa? Ga kae?

ThapeloGo lehlogonolo bohle ba ba boifago Morena, ba ba sepelago ka tsela tša gagwe.Mosadi wa gago o tla etša morara wo o enywago ka lapeng la gago; Bana ba gago ba tla swana le mahlogedi a mohlware ge ba potapotile tafola ya gago.Ruri, motho yo a boifago Morena o tla šegofatšwa ka tsela yeo. (Pesalome 128:1. 3-4)

Thapelo ya Bokgethwafatši bja Benedict Daswa

-11-

LETŠATŠI LA BONE: MONNA YO A INEETŠEGO GAPE A BOTEGETŠEGO SETŠHABA

Benedict o be a na le seriti gomme a hlomphega motseng wa gabo. O be a le moetapele ka hlago gape a tshepilwe kudu ke Mongmabu wa motse wa gabo yoo a ilego a mo kgetha go ba mongwaledi lekgotleng la gagwe. Ka go eletša ke metheo ya Sekriste ka mehla, Benedict o be a sa boife go tšweletša sa mafahleng goba go bolela seo se lego kgopolong ya gagwe. O be a tshepegile ka lebaka la go botega le seriti, boikokobetšo gape le bonnete bja gagwe. Ka letšatši le lengwe o ile a tlengwa ka maaka a gore o šomišitše mašeleng a sekolo go aga ntlo ya gagwe, eupša go hloka molato le go hlokomela ga gagwe di ile tša tšwelela morago ga gore Mongmabu a laele gore go dirwe dinyakišišo.

Benedict o be a dumela gore dipapadi di bopa semelo sa motho, kudu go bana, gomme o ile thoma sehlopa sa papadi ya kgwele ya maoto ya baswa. O be a rata ge ba ka phela ba dira se sengwe, ba na le maitshwaro, gape ba sa tlale le naga.

Ka mengwaga ya bo 1980 go kile gwa ba le komelelo nageng ya Venda, gomme Benedict o ile a šomiša dikgwerano tša gagwe le maano a phegeledišo gore bana ba sekolo sa gagwe ba tlišetšwe dijo.

Lentšu la ModimoLena le letswai la lefase. Eupša ge letswai le ka tapa, le tla tswailošwa ka eng? Ga le sa na mohola; sa lona ke go lahlelwa ntle, batho ba le gata ka maoto. Lena le seetša sa lefase. Motse wo o agilwego thabeng o ka se fihlege. Le gona motho ga a re go gotetša lebone a le ribega ka seroto, eupša o le hloma sehlomong sa lona, la bonegela bohle ka ngwakong. Le sa lena seetša a se bonegele batho ka tsela yeo, gore ba tle ba bone mediro ya lena ye mebotse, gomme ba tumiše Tatagolena wa legodimong. (Mateo 5:13-16)

Tiišetšo ya TumeloGo tsweletša mešomo ya bona yeo e lebantšhitšwego le Sekriste le gore go be le toka lefaseng, ka go direla batho le setšhaba, badumedi ga ba swanela go nyefiša go tšeeng karolo go merero ya naga, e ra gore, ba swanetše go tšea karolo e kgolo go tša moruo, tša setshaba, tša se molao, tša tshepedišo ya ditirelo tša setšhaba le tša setšo, tšeo beilwego ka maikemišetšo a go hola naga le setšhaba ka kakaretšo. (CL 42)

KgopodišišoNaa ke thuša bjang go aga setšhaba sa gešo?Naa ke rwala maikarabelo a ka setšhabeng ka maikemišetšo?

ThapeloEupša wena, Modimo, o a di bona; matshwenyego le mahlomola;O di ela hloko, wa a fediša.Mohlokamahlatse o bota wena;Ka mehla Mothuši wa ditšhiwana ke wena. (Pesalome 10:14)

Thapelo ya Bokgethwafatši bja Benedict Daswa

-12-

LETŠATŠI LA BOHLANO: MONNA YO A INEETŠEGO GAPE A BOTEGETŠEGO KEREKE

Bjalo ka mokatekisi wa boithaopi, Benedict Daswa o ile a thuša go aga phuthego ya gabo, gigolo ka go hlahla bao ba bego ba itokišetša go amogela sakramente ya kolobetšo. O bile moleloko la lekgotla la phuthego ya parishe gomme o be a tsebega ka go swara nako dikopanong. O bile moetapele ka ditirelamodimo ka Lamorena ge Moprista goba modiredi a be a se gona, gape o be a hlahla le baswa, mme a ba hlohleletša go phela maphelo Mabotse a go tliša dienywa le gore ba be motlotlo ka tumelo ya bona.

Benedict o ile a tshepiša mosadi wa gagwe gore o tla aga ntlo ya bona morago ga go agwa le go fetšišwa ga kereke e mphša ya Nweli. Leano la go aga kereke ya mathomo ye Katholike mo motseng wa gabo o be a lerata kudu, go iša gore a be a Thuse Moprista wa gagwe ka sefatanaga sa gagwe go rwala ditlabakelo tša moago, le go šoma a sa kgaotše ebile a hlohloletša le ba bangwe do dira go swana le yena. Morago ga gore kereke e agwe, o ile a botegela tshepišo ya gagwe ka go thoma go aga ntlo ya lapa la gagwe.

Lentšu la ModimoKa wona mokgwa woo, le rena le ge re le ba bantši, re mmele o tee ka Kriste, gomme mongwe le mongwe ke setho sa mongwekayena. Re na le Dimpho tše di fapafapanego tše Modimo a re babaletšego ka tšona go ya ka Kgaugelo ya gagwe. Ge motho a filwe mpho ya go bega molaetša wa Modimo, a o bege go ya ka tumelo ye a nago le yona; ge e le bodiredi, a direle ba bangwe; ge e le go ruta, a rute; ge e le go kgothatša, a kgothatše; yo a abelago ba bangwe, a ba abele ka pelo ye tšhweu; yo a etago ba bangwe pele, a ba ete ka mafolofolo; yo a kwelago ba bangwe bohloko, a ba kwele a thabile. (Baroma 12:5-8)

Tiišetšo ya TumeloKa baka la tswalolefsa go Kriste, Bakriste ka moka ba na le seriti sa go lekana, ba na le maikarabelo le mešomo ya go lekana, mme ba swanetše go šomišana mmogo go aga mmele wa Kriste go ya ka maemo le maikarabelo a o mongwe le o mongwe wa bona. (CCC 872. Bona gape CIC, Can. 208; Cf. LG 32)

KgopodišišoNaa ke direla Kereke eng, le gona ke maikarabelo afe ao ke a rwalago ka Kerekeng?Naa ke thuša ka eng go aga le go hlokomela Kereke le ditirelo tša yona?

Thapelo

Nka se tsene ka ntlong ya ka goba ka robala malaong a ka,Ke tla itima boroko, ešita le gona go potuma,Go fihlela ke hweletša Morena bodulo,Moago wa yena Ramaatla wa Jacobo. (Pesalome 132:3-5)

Thapelo ya Bokgethwafatši bja Benedict Daswa

-13-

LETŠATŠI LA BO SELELA: MONNA WA THAPELO LE THEKOLOGELO GO IŠA BOFELONG

Bao ba bego ba tseba Benedict ba hlatsela gore e be e le motho wa thapelo bophelong bja gagwe, ka lapeng la gagwe le ka kerekeng. O be a na le kgwerano ye e tseneletšego le Kriste mme o be a eletšwa le go tiišwa ke tumelo ya gagwe dikarolong ka moka tša bophelo bja gagwe. O be a na le lerato le tshwenyego ka balwetši, digole le bagolegwa mme a rata go ba etela. O be a neela ka tšeo a bego ana le tšona go thuša bahloki le badiidi motsaneng wa gabo, gape le barutwana ba sekolo sa fase sa Nweli.

Mosegareng wa di 2 February 1990, Benedict o be sepela ka tšhengwaneng ya gagwe ge mogadibo wa gagwe a kgopela gore a phakišetše ngwana wa gagwe yoo abego a bjabja kudu go ya ngakeng kua Makwarela (Sibasa). Pele a ka sepetša sefatanaga o itše go yena: “A re rapele pele.” Tseleng ge a boela Mbahe, o ile a nametša monna wa go dula motsaneng wa kgauswi le wa gabo. Monna eo o be a rwele mokotla wa bupi gomme a sa kgone go ka hwetša dinamelwa ka ge go be go na le dikgohlagohlano motsaneng woo.

Lentšu la ModimoGobane ke ile ka re ke swerwe ke tlala, la mpha dijo; ka re ke nyorilwe, la mpha sa go nwa; ka re ke le mošele, la nkamogela ka malapeng a lena; ka re ke hloka diaparo, la mpha tšona; ka re ke babja, la tla la mpona; ke le kgolegong, la nketela. Baloki ba tla mmotšiša ba re: 'Morena, ke neng mo re ilego ra go bona o swere ke tlala mm era go fa dijo, goba o nyorilwe, ra go fa sa go nwa? Ke neng mo re ilego ra go bona o le mošele, gomme ra go amogela ka malapeng a rena, goba o hloka diaparo, ra go fa tšona? Ke neng mo re ilego ra go bona o babja goba o le kgolegong, mm era go etela? Kgoši o tla ba fetola a re: 'Ruri, ke a le botša gore ge le be le direla yo mongwe wa banabešo ba ba nyatšegago ba, le be le direla nna!'(Mateo 25:35-40)

Tiišetšo ya Tumelo…Kereke ka moka e biletšwa lerato le hlokomelano: “Mengwageng ya mathomo kereke e be e šomiša lentšu le “agape,” e lego lerato magareng ga rena le Modimo, go Matena a Selalelo, go bontšha gore kereke ka moka e kopantšwe go Kriste ka lerato. Ka gona, mengwageng ka moka, kereke e bile seka sa lerato, mme le ge e hlalalela tše ntši, e tšea mediro ya lerato bjalo ka e mengwe ya mešomo, maikarabelo le tokelo ya yona. Ka baka leo, kgaugelo go badiidi le balwetši, mediro ya lerato le hlokomelano go thuša bahloki ka go fapafapana, ke tšona di tlišago tlotlo ka Kerekeng.” (CL 41)

Kgopodišišo

Naa ke thuša le go thega bao ba hlokago thušo ya ka?Naa ke ela hloko bahloki le badiidi setšhabeng sa gešo?

-14-

Thapelo

Lerato la ka ba le lefa ka go ntlhoya, le ge nna ke ba rapelela.Ba mpušetša botse ka bobe, lerato ba mpušetša lona ka lehloyo. (Pesalome 109:4-5)

Thapelo ya Bokgethwafatši bja Benedict Daswa

-15-

LETŠATŠI LA BO ŠUPA: HLATSE YA NNETE YA SEBETE

Ka la 25 January 1990, ka nako ya dipula tše kgolo tša madimo, magadima a ile a fiša dintlo tše mmalwa tša go agwa ka bjang mo motseng. Ka setšo tiragalo e bjalo ga e bonwe e le ya hlago, mme e bonwa e le mediro ya o mongwe wa baloyi. Mongmabu o ile a dira kgothekgothe, a bitša lekgotla le ba motse go tla go boledišana ka tiragalo e, ka maikemišetšo a go nyakišiša gore modiri wa bobe bjo ke mang. Go ile gwa kwana gore ngaka ya setšo e bitšwe go tla go laole gomme modiri wa tiragalo ye a tsebjwe. Ba ile ba dira mokolokotwane, gomme o mongwe le o mongwe a swanelwa ke go ntšha diranta tše hlano (5 rands) go fihla tšhelete yeo e tlago lefela ngaka.

Ka letšatši leo Benedict o fihlile kopanong ka morago ga go tšewa ga sephetho seo. O ile a leka go hlatholla gore legadima ke selo sa hlago, eupša hlathollo ya gagwe ya se elwe hloko. O lekile go bega gore ga go hlokagale go phara motho molato ge legadima le bethile. Ge a bone gore sephetho se šetše se tšerwe, Benedict o ile a gana go kolokotela tefelo ya ngaka ya setšo, a bega gore tumelo ya gagwe ya Sekatholike ga e mo dumelele go tšea karolo go tšeo di amanago le boloyi.

Lentšu la Modimo

Ke le botša gore mang le mang o a ipegago phatlalatša gore ke wa ka, le nna, Morwamotho, ke tla begela barongwa ba Modimo gore ke wa ka. Eupša yo a ntatolago phatlalatša, le nna, Morwamotho, ke tla mo latola go barongwa ba Modimo. (Luka 12:8-9)

Tiišetšo ya Tumelo

Boloi, bjoo bo amanago le ditumelo tša setšo, bo thomile bo a tsošološwa. Dipoifo tšela tša kgale di a buša di a iponagatša gomme di golofatša ba bantši. Matshwenyego ka baka la malwetši, phodišo, bana, boemo bja legodimo le tšhireletšo kgahlanong le meboya e mebe ka dinako tše dingwe di dira gore batho ba boele ba sekamele go ditumelo tša setšo tša seAfrica tšeo di sa sepelelanego le thuto ya Sekriste. Bothata ba go ba Mokriste wa buša wa nyaka go tšwela pele ka ditumelo tša setšo e ba tlhotlo e kgolo. Ka katekisema yeo e tseneletšego le kopantšho ya Sekriste le tše dingwe tša setšo tšeo di sepelelanago le Sekriste, Kereke mo Aforika e hloka gore e thuše batho go kwešiša le go amogela meeno ya Sekriste. Go bohlokwa go bontšha bošoro bjoo bo tlišago ke mediro ye ya boloyi. (AM 93)

-16-

Kgopodišišo

Naa ke a boifa go hlatsela tumelo ya ka ya seKriste ke ba bangwe ba nkwera ba nhlomara ka baka la ditumelo tša bona tša setšo?Naa ke dumela boloi? Naa nkile ka dira tša boloi?

Thapelo

Ntote ke se rate go dira tše mpe, Ka dira bošaedi ka boomo le badirakgopo;Ke se je menyanyeng ya bona.Go otlwa le go kgalwa ke moloki ka lerato ga ke go gane;Eupša go hlomphša ke bakgopo gona ke go gana nnako;Ke tla no ba rapelela le ge ba ntira gampe. (Pesalome 141:4-5b)

Thapelo ya Bokgethwafatši bja Benedict Daswa

LETŠATŠI LA BO SESWAI: MOAPOSTOLA WA NNETE WA BOPHELO

Ka morago ga gore a eme kgahlanong le boloyi kopanong ka Lamorena la 28 January 1990, batho ba ile ba thoma popoduma ba re: “Bjalo ka moetapele, ke yena a huetšago batho. O reng gana go fiša baloyi? Ga a dumelelane le rena.”

Ba bangwe ba ile ba ngongorega gore o nyenyefatša ditumelo le mekgwa ya setšo sa bona ka ge a be a tšwela pele go ba kgahlanong le boloyi. Ka ge Benedict e be ele hlatse ya nnete ya Jesu Kriste, mme a emela tumelo ya gagwe ya Sekatholike, ba bangwe ba ile ba re: “Go kaone re mmolaye!” Ba thoma go rerišana go mmolaya.

Lentšu la ModimoGe le gorogile nageng ye Morena Modimo wa lena a le fago yona, le se ke la latela mekgwa ya bohlola ya ditšhaba tše di lego fao. Go se be le yo a dirago sehlabelo ka morwagwe goba morwediagwe mollong, goba yo a dirišago ditaola, goba bodupe, goba bonoge, goba boloi, goba meupo, goba malapo, goba wa badimo. Morena Modimo wa lena o hloile batho ba ba dirago dilo tše tša bohlola, mme ke ka baka leo a lelekago ditšhaba tšeo nageng yeo ge le goroga. Le botegeleng Morena Modimo wa lena ka dipelo tša lena ka moka. Ditšhaba tše le tlago di raka nageng ya tšona di latela dikeletšo tša didupe le bao ba dirišago ditaola, eupša lena Morena Modimo wa lena ga a le dumelele go dira tše bjalo. (Detironomio 18:9-14)

Tiišetšo ya TumeloRe rutwa go rata le go hlompha bophelo bja motho o mongwe le o mongwe, le go ba le phegelelo le sebete gore mabaka ao re phelago go ona, ao a tletšego ka lehu le polao, a fedišwe, a bone setšo se seswa sa bophelo, dienywa tša setšo sa therešo le sa lerato. (EV 77)

KgopodišišoNaa ke hlompha maphelo a babangwe, le bao ba sa kgonego go ikarabela, gagolo bana bao ba sešogo ba belegwa?Naa ke phela bophelo bjo bo hlwekilego bja maikarabelo?

ThapeloMorena ke seetša sa ka le go phologa ga ka; nka se boife motho.Morena ke botšhabelo bja ka, nka se tšhoge motho.Ge batho ba babe ba ntlhasela gore ba mpolaye,E lego bona batlaiši le manaba a ka, go thetšwa bona ba wa. (Pesalome 27;1-3;12-14)

Thapelo ya Bokgethwafatši bja Benedict Daswa

-17-

LETŠATŠI LA BO SENYANE: HLATSE YA NNETE YA TUMELO

Ka la 2 February 1990, ka morago ga go fološa monna wa mokotla wa bupi, Benedict o hweditše tsela ya gagwe ya go boela gae e tswaletšwe ka dithata. O ile a tšwa sefatanageng go tloša dithata tšeo, gomme sehlopha sa bašemane le banna sa tšwelela ba tšwa ka mehlareng mme ba thoma go mo foša ka maswika. Mola a šetše a ela madi a gobetše, o ile a tlogela sefatanaga a tshela lepatlelo la kgwele ya maoto a nyake lefelo la botšhabelo lefelong leo go bego go rekišwa madila. O ile a bona mojako wa morale o butšwe gomme a tšhabela ka go yona.

Mogobo woo wa banna le bašemane o ile wa mo šala morago, ba botšiša mosadi wa ka lapeng leo gore Benedict o iphihlile kae, mme ba tshepiša go mmolaya ge a sa bolele nnete. Ka letšhogo o ile a šupa morale mme a ba kgopela a re: “Le se ke la mpolaya, o ka gare.” Ba babedi ba bona ba tsena mme ba mo gogela ka ntle. O ile a gokara o mongwe wa bona gomme a ba kgopela ka boikokobetšo, “hle, se mpolayeng!” eupša o mongwe wa bašemane bao a fetola a re, “Go lokile, ke a sepela, re ka se go bolaye.” Ka go tshepa seo a bego a se bolela, Benedict o ile a tšwela ka ntle.

Gatee ke ge mogobo ola o rareditše ntlwana yela, go le molaleng gore Benedict a ka se phonyokge, mme o itše ge a lebelela a bona o mongwe wa bona a tšwelelea ka thoka, mme a khunama a rapela. Tšohle di direlige ka bjako. Gomme monna yoo a betha Benedict hlogong ka thoka yela a phsatla lerapo la hlogo. Benedict a wela fase. Ba ile ba tšwela pele ba tšhela ka meetse a go bela hlogong, ditsebe, dinko, mme ba mo ntšha le dikgobadi tše dingwe tše šoro.

Sehlabelo se Sekgethwa sa poloko ya Benedict se ketekilwe ka la 10 February 1990. Baprista ka moka bao ba bilego gona go keteka Sehlabelo seo ba be ba apere ditolo (stoles) tše di hwibidu ka ge ba be ba dumela gore Benedict o hwetše tumelo ya gagwe. Lehu la gagwe le tlišitšwe ke go ema ga gagwe kgahlanong le boloyi.

Lentšu la ModimoBalehlogonolo ke ba ba hlomarwago ka ge ba dira tše di nyakwago ke Modimo, gobane mmušo wa Modimo ke wa bobona. Ba lehlogonolo ke lena ge le rogwa, le hlomarwa, le pharwa ka bobe bja mehutahuta ka baka la ka. Thabang le hlalale, ka gore moputso wa lena ke wo mogolo legoimong. Etse le baprofeta ba ba bilego gona pele ga lena ba be ba hlomarwa ka yona tsela yeo. (Mateo 5:10-12)

Tiišetšo ya TumeloKe maikarabelo a Kereke, e etwa pele ke MoyaMokgethwa yoo a e mphsafatšago gape a e hlatswago, go bonagatša go ba gona ga Modimo Tate le Morwa. Se se tlišwa

-18-

fela ke bohlatse bja tumelo yeo e phelago gape e medilego, ya go bona ditšhitišo gabotse le go di efoga ga bonolo. Ba bantši ba bahwelatumelo ba hlatsetše tumelo ye gomme ba tšwela pele go dira bjalo. Ka mehlala ya bona ba re bontšhitše, ba re kgonthišišetša gore go a kgonagala, ka mantšu a mangwe, ba butše ditsela go re leeto la bona le rena ka moso re ka le sepela. Gomme se se šetšeng ke gore rena, ka grasia ya Modimo, re latele mehlala ya bona. (GS 21. Bona gape NNI 41)

Kgopodišišo Naa sebete sa bahwelatumelo ba go swana le Benedict se ka nthuša bjang go pela bophelo bja ka?Naa nka hlatsela le go emela bjang tumelo ya ka ka sephiring le phatlalatša?

ThapeloPelong ya ka ke reta Morena;Moyeng wa ka ke hlalalela Modimo, Mophološi wa ka, Gobane o ntšheditše, nna mohlanka wa gagwe yo a nyatšegago.Go tloga bjale batho bohle ba tla re ke nna yo lehlogonolo;Ka ge Ramaatla a ntiretše tše kgolo,Mme leina la gagwe e le le lekgethwa.O gaugela ba ba mmoifagoGo tloga molokong wo mongwe go ya go wo mongwe.O dirile tše maatla ka letsogo la gagwe,A ba a šwalalanya baikgogomoši ba ba ipotago.O wišitše babuši ditulong tša bona,A godiša ba ba nyatšegago;Ba ba swerego ke tlala o ba khorišitše ka dijo tše dibotse,Mme bahumi a ba gomiša ba le fela.O babaletše bahlanka ba gagwe Baisraele,A tla a ba šokela, ka gona o ba thušitše,Ke sona se a se tshepišitšego borakgolokhukhu ba rena,Abrahama le ditlogolo tša gagwe, gore yeo ke tshepišo ya go ya go ile. (Luka 1:46-55- The Magnificat)

Thapelo ya Bokgethwafatši bja Benedict Daswa

“Morena, ke gafela moya wa ka diatleng tša gago.”

-19-

"Kereke. Lefase, le nyaka dihlatsi tša go botega tšeo di bolelago ka mantšu a

madi ao a elelago Sedibeng se makatšago sa lerato la pele."

(Bernard Oliviera, Abbot of the Trappist Monks, 1997)