ALKATEGAIA

Ata

unek b

atzen gaitu

EM

AN

BO

TO

A

errigintza

Oihana Mendizabal Asurabarrena

Ataundik, ataundarrekin, ataundarrentzat

errigintza

BULTZATUTURISMO BERDEA

JORRATUelkarlana

HOBETUkudeaketa

EGOKITUUdal zerbitzUak herritarren beharretara

SUSTATUEnERgIA BERRIzTAgARRIAk

LANDUNormalizazioa

aztertUigerilekua

herriaTXUKUN MANTENDU

1

2015-2

019 Egitasm

oa

errigintzaerrigintza

Agur herritar:

Maiatzaren 24ean egingo diren udal hau-teskundeetara HERRIGINTZA taldearen ize-nean, alkatetzarako hautagai bezala idaz-ten dizkizuet lerro hauek.

Hartu dudan erabaki honetan, HERRIGINTZA-ko zerrendan nirekin batera doazen pertso-nek zer ikusi handia eduki dute. Lan talde on bat osatu dugulakoan nago eta horrek ilusio handia sortzen dit datozen lau urteetan gure herriaren alde lan egiteko.

HERRIGINTZAko alkategai izatea erabaki nuenetik, galdera bat behin eta berriz datorkit burura: datozen urteetan zer nolako Ataun egin nahi dugu? Begi bistakoa da azken urteetan gure herria asko aldatu dela, azpiegitura aldetik batik bat. Kanpotik gure herrira bizitzera jende de-zente etorri da. Jaiotze tasak ere gora egin du nabarmen, momentu honetan eskolan 200 ume baino gehiago dabiltza. Datu guztiok pozgarriak dira herri baten bilakaeran, baina daukaguna-rekin ezin gara geratu, aurrera begiratu beharrean gaude. Gure herria-ren arazoetako bat, larrienetakoa agian, diru iturri falta da. Horregatik dauzkagun baliabide naturalak aprobetxatu beharrean gaudela uste dugu, besteak beste energia berriztagarrien arloa landuz. Etxebizitza gaia ere ezin dugu alde batera utzi. Eraikuntza arloa momentu txarrak pasatzen ari dela jakinik, udaletik ahalegin handia egin beharko dugu herrian dauden beharrei erantzuten. Zerbitzu arloa ere ez da garrantzi gutxiagokoa. Daukagunari eustea eta ahal bada hobetzea izan behar du gure helburua. Eta gauza bat garbi daukagu: datozen urteetan egin behar dugun bide honetan herritar guztiak garrantzitsuak garela! “Ataunek batzen gaitu” esloganak dioen bezala, hau dena herritarren parte-hartzearekin eraman nahi genuke aurrera. Denon ahaleginare-kin Ataun hobe, eroso eta atseginagoa egiten saiatu nahi genuke. Zein herri eredu nahi dugun denon artean erabaki behar dugu. Liburuxka honetan, ondorengo lau urteetan HERRIGINTZAk gure he-rrian aurrera eraman nahi duen egitasmoa doakizue. Ez da egitasmo itxia, eguneroko lanean herritarren iritziekin batera aberasten eta osa-tzen joango dena baizik.

Mila esker

OIHANA MENDIZABAL ASURABARRENA HERRIGINTZAko alkatetzarako hautagaia

Garapen sozioekonomikoaZer eratako herria egin nahi dugu? Guretzat galdera garrantzitsua da hau eta denok egin behar duguna. Gure herrian jarduera ekonomi-ko handirik ez dagoelako, udalarentzat diru iturriak ere eskasak dira. Horregatik, orain arte bezala, aurrera begira ere erakunde desber-dinetatik jasoko diren diru-laguntzak premiazkoak izango dira gure-tzat. Baina ezin dugu bakarrik kanpotik etorriko diren diru laguntzen zain egon. Herrian ditugun baliabideak aprobetxatu behar ditugu.

BiOMAsAEnergia iturri berriztagarrietan dago etorkizunaBiomasaren teknologia ez da gauza berria, Europako iparraldean urte dezen-te baitaramatzate mendietako egur hondakinak erreta energia sortuz. Azken urteetan Euskal Herrian ere zenbait esperientzia aurrera eramaten ari dira. Zo-rionez gure herriak zerbait ugari baldin badu basoak eta egurra dira. Hasiera batean diru iturri bihurtuko ez diren arren, agian energiaren eremuan udalak hein batean autonomo izatea lortu lezake eta pixkanaka-pixkanaka kostuak mu-rriztuko lirateke. Gerora atera daitezkeen irabaziak beste arlo batzuetan erabili ahal izango genituzke.

TurisMOA Bisitarientzat zerbitzuak Barandiaran museora edota Lizarrustiko parketxera datozten bisitariak geroz eta gehiago dira. Horrez gain gure natur, kultur… baliabideak ezagutarazten saiatu behar dugu, gauza asko baitaukagu eskaintzeko. Kanpotik datozenei ahal den informaziorik zabalena ematen saiatu behar dugu, bai internet bidez eta baita informazio-orrien bidez ere. Horrekin batera beste zerbitzu batzuk eskaini ahal izatea ere ondo legoke: lo egiteko lekuak, jatetxe, denda... Egoera honek aukera bat suposatzen du hortik bizi nahi duen edo errenta gehigarri bat behar duen herritarrarentzat.

NEkAzAriTzAGarai berrietara egokitzenAldaketak azkar eta ugari gertatzen diren garai hauetan, nekazaritza eta baserri munduak iraun dezan, garai berrietara egokitu beharrean aurkitzen da. Udala gertu egon beharko du aldaketa hauetan laguntzeko, antzeko interesak dituz-tenak elkartzera lagunduz, interes ezberdinak dituztenen artean elkarlan osa-garriak bultzatuz, diru-laguntzak bideratzen lagunduz…. Ez dugu ahaztu behar gure izaeran eta paisaian baserriak eta baserritarrek izan duten eta duten ga-rrantzia eta zer suposatzen duen gure herriarentzat. Horregatik gure baserrie-tan ekoizten dena, geure artean kontsumitu dadin lagundu beharko dugu. Eta era berean, herritarrek kontsumitu nahi dutena, ahal den heinean, herriko ne-kazaritza eta baserri munduak ekoiztu dezan lagundu beharko dugu.

MErkATAriTzA Erosketak herrianErosketak egitera inguruetako herrietako denda handiagoetara joaten ga-renean, ez gara kontziente herriko merkataritzari egiten diogun kalteaz. Horregatik udalaren aldetik herrian erosketak egitearen aldeko kanpainak egin beharra daude. Bestalde, euren kasa erosketak egin ezin dituztenak ere badira gure herrian, gehienetan adinean aurrera doazenak. Hauei la-gundu asmoz, udalak bitarteko lana egin dezake eta herriko merkatari eta familia hauen artean soluziobideak aurki ditzakegu.

2 3

2015-2

019 Egitasm

oa

2015-2

019 Egitasm

oa

errigintza errigintza

Udal bitartekoak

Udala eta herritarren artean beharrezkoa den gertutasuna lortzeari garrantzi handia ematen diogu. Horregatik gure antolaketa eta kudeaketa helburu horri begira egotea gus-tatuko litzaiguke. Lan horretan udal langileak eta udal or-dezkariak, denak dira garrantzitsuak. Gure artean giro ego-ki bat lortzen badugu, hori gero herritarrengana zabalduko da. Bestalde, udaleko informazioa herritarrei zabaltzeko, noizbehinka udal agiri, aldizkari edota internet bidez berri ematen saiatuko gara.

udAl BAliABidEAkAzterketa beharrezkoa daGure helburua, herritarrei ahal den zerbitzurik egokiena eta az-karrena ematea da. Zerbitzu hori nahi duenari udaletxeko bule-goetan emango zaio eta nahi izanez gero, internet bidez egiteko aukera ere egongo da. Interneta geroz eta gehiago erabiltzen dugula jakinda, garrantzi berezia dauka udaleko web orrialde desberdinak edozein kontsulta, kexa, iritzi… egiteko eta emateko erabilgarri edukitzea. Bestalde, urtean zehar herrian antolatzen diren ekitaldiak udaletik koordinatu nahi ditugu eta horretarako denon parte hartzea garrantzitsua izango da.

AurrEkONTuA ETA EkONOMiA kudEAkETA Kontuak garbiUdal ordezkariek gestionatzen duten dirua denona da eta, ahal den egokien erabiltzea euren ardura da. Garrantzi handia ema-ten diogu urtero onartzen diren aurrekontuak arduraz egiteari eta baita ondoren herritarrei kontuen berri emateari ere. Horre-tarako udal agiriak erabiliko ditugu eta baita interneta ere. Herri-tarren aurrean gauzak argi eta garbi azaldu behar dira.

BEsTE ErAkuNdEETAkO diru lAguNTzEN kudEAkETA prEsTuAErakundeetako dirulaguntzak beharAtaunek inbertsio handiei aurre egiteko ez dauka diru sarrera-rik. Hala eta guztiz herrirako beharrezkoak iruditzen zaizkigun proiektuak aurrera eramaten saiatu behar dugu. Horretarako ezinbestekoak izango dira batik bat Eusko Jaurlaritza eta Gipuz-koako Foru Aldundiaren diru laguntzak.

Hirigintza

Hirigintza arloan ere aldaketa asko izan ditu gure herriak. Azken urteetan krisiak eragina izan du gurean ere. Horrelako momentu zailetan udalaren zeregina handia da. Alde batetik, herri bezala diru iturriak aurkitzeko zer egin genezakeen pentsatu beharrean gaude. Beste aldetik, zer etorriko den zain egon beharrean, era-kunde desberdinetan atea jotzeak garrantzi berezia dauka. Eta zer esanik ez, kudeaketa on bat ezinbestekoa da, daukagunari etekinik handiena atera ahal izateko.

HErriBidEATxukun mantentzearen garrantziaEgunero jende asko ibiltzen da herribidean zehar paseatzen. Turismo aldetik ere garrantzi handiko ibilbidea da. Horregatik txukun manten-tzea garrantzitsua iruditzen zaigu. Baita hobekuntzak eta berrikuntzak egitea ere: panelak informazio iturri izan behar dira, puntu erakarga-rriak eta zerbitzuak adieraziz, pertsonai mitologikoei buruzko oharrak jarriz,... Denontzat baliagarria izango den arautegi bat ere egin eta errespetatu beharra dago. Bertan besteak beste animaliak, txirrin-duak… non eta nola ibil daitezkeen zehaztuta egon behar du. Bestalde herribidea legealdi honetan, Ergoienatik Kaxetara luzatzea posible den edo ez ere aztertuko dugu.

TrAfikO ArAzOAk kONpONTzENIbilgailua behar den lekuan aparkatuGure herrian trafiko arazoak ditugu. Sarritan ikusten dugu seinaleak ez direla errespetatzen, zenbait ibilgailuren abiadura handia, ibilgailuak gaizki aparkatuta... Horrelako portaerek dakartzaten arazo eta arris-kuak ekiditeko kontzientziazio lanak egingo ditugu. San Martingo eta Astigarragako errepideko oztopoei irtenbide egokiago bat eman die-zaiekegun ere aztertuko dugu, hainbat herritarren kexak jakinda.

sAN grEgOriON ApArkAlEkuAAuzotarren aparkaleku beharrei erantzunMomentu honetan aparkatzeko arazorik larriena San Gregorioko erdi-gunean ikusten dugu. Beraz gure asmoa San Gregorioko auzotarren iri-tzia kontuan izanda bertan arazoari soluziobidea aurkitzea da.

OzTOpO ArkiTEkTONikOAk guTxiTu HErri ErAikiN ETA urBANizAziOETANHerriko eraikinetan igogailuak jarri eta etxebizitza partiku-larrei lagundu Lehendik dauden eraikin eta urbanizazioetan oztopo arkitektonikoak kentzen joatea da gure helburua. Eta euren etxebizitzetan igogailuak jarri nahi dituzten herritarrei laguntzeko prest egongo gara. San Grego-rioko elkargunean igogailua jartzeko premia ikusten dugu. Herriko erai-kin eta urbanizazio berrietan berriz, beharrezko neurriak hartuko dira.

4 5

2015-2

019 Egitasm

oa

2015-2

019 Egitasm

oa

errigintza errigintza

ATAuNdArrON ETxEBiziTzA BEHArrEi ErANTzuNEtxebizitzak beharren arabera eraikiko diraAzken legealdietan egindako etxebizitzei esker, herriko gazteak herrian gelditzea lortu izan da eta horrekin batera kanpotar de-zentek ere gure herria aukeratu dute bizitzeko. Momentu hone-tan Ataunen etxebizitza dezente ikusten dira salgai edota aloka-tzen direla jarrita. Artzaneko gunean berriz etxebizitza eraikitzen hasi eta krisia dela eta bukatu gabe dago. San Martingo plazako etxebizitzen proiektua ere hor dago. San Gregorion udalak egini-ko promozioan bi etxebizitza eta hainbat garaje saltzeko daude. Hau ikusita, etxebizitza beharrak ondo aztertu eta gaur egungo errealitateari erantzun beharko diogu.

AiAkO plAzArEN urBANizAziOAAtaungo plazak herritarren bilgune biziak Herriko plazak herritarren bilguneak direnez gero, garrantzia handia daukate gure bizitzan. Eguraldiak laguntzen duenean, San Martingo eta San Gregorioko plazetan jende asko ikusten da eta hori pozgarria da. Azkeneko legegintzaldietan Aiako plaza erabe-rritzea Begonen etxebizitza berriak eraikitzearekin lotua egon da. Aurrera begira, auzotarren iritzia jakinda, horrek horrela segitu behar duen ala ez erabaki beharra dago.

AiAkO BidEkO ArAzOAkUdaletik adi segitu beharAzkeneko urteetan behin baino gehiagotan Aiako leku desber-dinetan arazoak egon dira eta daude. Errepide nagusian edota baserri bideetan pitzatuak, luiziak… ikusi izan ditugu. Horregatik udala beti adi egon beharko du Aian gertatzen denaz eta erakun-de desberdinekin harreman estua mantendu beharko du arazoak aurreikusiz eta sortzen direnean konponbideak emanez.

HErrikO pArkEAkParkeak berritu beharraHerrian zehar ditugun parke guztiak txukun mantendu behar di-tugu. Baina momentu honetan batez ere Astigarragako parkeak kezkatzen gaitu. Ingurune paregabean egonik lehentasunez era-berritzeko premia gehien duena dela iruditzen zaigu.

fiBrA OpTikOA ETA wifiZerbitzu berriak herritarrentzatBere momentuan gasaren ekarrerarekin batera, obra aprobetxa-tuz, Lazkaotik San Gregorioraino fibra optikoko hodiak pasatu ziren. Orain gure helburua hodi horietatik fibra optikoa sartzea izango litzateke. Hori lortzeko, kable-operadore desberdinekin udalak gestioak egin beharko ditu. Bestalde, herriko plazetan wifi sistema jartzearen aukera ere aztertuko dugu.

ur HOrNidurA ETA HErri ArgiTEriA sArEEN BErrikuNTzA Ur kontsortzioaren bidez Ataungo ur sarea berritu

Momentu honetan herriko ur eta saneamenduen kudeaketa Gipuzkoako Ur Kontsortzioaren esku dago. Arlo hauetan pre-miazkoak ikusten diren mantenu lanak eta berrikuntzak Ur Kon-tsortzioak egin ditzan udala gainean egon behar du. Baita eda-ten dugun uraren kalitatea ona izan dadin ur depuradora baten beharra ikusten bada ere.Herri argiteria ere zaindu beharreko gaia dugu. Gure herri luze eta sakabanatu honek zenbait zonalde argiztatu beharrean ditu, beti ere lehendik egoera onean daudenak mantendu behar dire-la ahaztu gabe. Argiteriaren kontsumoa aztertu beharra dauka-gu, eraginkortasun energetikoari garrantzi berezia emanez. Zer esanik ez, herriak behar duen energia elektrikoaren hornidura berriztagarria izan dadila bermatzen saiatuko gara.

igErilEkuAHerri kontsulta egingo duguBere garaian HERRIGINTZA, Gabrieleneko lur eremuan igerile-kua egitearen alde agertu zen, herritarren nahia hori zelakoan. Ondorioz udal gobernuan geundenean, zenbait pauso ere eman genituen, aldagelak egitea adibidez. Udal gobernua hartzen ba-dugu, herritarren iritzia zein den jakiteko herri kontsulta egitea proposatuko dugu. Hori egin aurretik, herritarrei azalduko diegu, igerilekua egitearen kostu ekonomikoa zenbatekoa den eta az-piegitura hori urtero mantentzea zenbat kostatuko zaigun.

AuzOETA kirOldEgiAEgokituAuzoeta kiroldegiko hezetasun arazoak ez dira berriak, baina ge-roz eta nabariago ikusten dira batez ere ezker paretan eta atzeko paretan. Hezetasun arazo horiek tratatu eta margotu bat eman beharrean dagoela uste dugu. Bestalde, orain dela urte batzuk jarri zen berogailuaren erabil-penari buruz arautegi bat onartu zuen udalak, batez ere kostuak zehaztuz. Gaur egun kiroldegiko berogailuak ia ez du erabilpen publikorik. Ezta eskola orduetan ere. Errealitate hau ikusirik, ezinbestekoa iruditzen zaigu araudia berraztertu eta daukagun berogailua herritarren zerbitzura nola jar genezakeen ikustea.

6 7

2015-2

019 Egitasm

oa

2015-2

019 Egitasm

oa

errigintza errigintza

Gizarte zerbitzuak

Azken urteetan gizarte zerbitzuen laguntza behar duten pertsonen kopuruak gora egin du nabarmen. Alde bate-tik, adinean aurrera doazen pertsonen kopurua handitzen doan heinean, euren beharrak ere handiagoak dira. Bes-te aldetik, egoera ekonomiko larrian dauden familiak ere geroz eta gehiago dira. Horregatik udalaren eginkizuneta-ko bat laguntza behar dutenei azkar eta ondo erantzuten saiatzea izan behar du.

ATsEdEN TOkiAtseden tokik bilgune bizi izan behar duAtseden Tokik erabilpen desberdinak dauzkala jakinda, ber-tara hurbiltzen direnen eginkizunak ere desberdinak dira: ba-tzuk euren denbora librea elkarrekin ondo pasatzeko erabiltzen dute, beste batzuk bilerak, juntaizoak edota askariak egiteko. Azken batean adin desberdinetako jendea elkartzeko balio du Atseden Tokik. Eta aurrerantzean ere horrela izatea aberasga-rria eta beharrezkoa dela iruditzen zaigu, elkar errespetuan oi-narritutako elkarbizitza egoki baten eredu izan behar du.

ETxEz ETxEkO lAguNTzAk Gizarte zerbitzuetan erantzun egoki eta azkarra Eguneroko bizitzan beste pertsona batzuen laguntza behar dute-nengandik gertu egon behar du udalak. Guretzat garrantzitsuak dira etxez etxeko laguntzak, larrialdietarako telealarma behar du-tenak… Udaleko gizarte laguntzailearen papera oso garrantzitsua da zerbitzu hauek behar dituztenei lehenbailehen erantzuteko eta soluzioak bideratzeko. Azken urteetan behar dutenei eroske-tak etxera eramateko aukera ere zabaltzen ari da. Gure herrian horrelako zerbitzuak zabaltzeko udalaren laguntza beharrezkoa izango da.

OsAsuN zErBiTzuAMediku eta erizain zerbitzua mantendu nahi Momentu honetan auzo desberdinetan daukagun mediku eta erizainen zerbitzua mantentzeko arazoak ditugu. Egun batzue-tan osasun zerbitzuetan murrizketak nozitu ditugu. Lehendabi-ziko helburua gutxienez lehendik daukaguna mantentzea izan behar du.

EguNEkO zENTrOAAdinekoak non herrian baino hobetoLazkaoko Txindoki zaharren zentroan gure herriko hainbat per-tsona daude, batzuk egunez bakarrik eta beste batzuk bertan biziz. Horrelako laguntzaren bat behar dutenen kopurua jakinda Ataunen eguneko zentro bat eraikitzeak merezi duen ala ez ikusi beharko da.

HAurrEskOlA ETA EskOlAUmeak dira Ataungo etorkizuna

Azkeneko urteetan jaiotza tasa asko igo da Ataunen. Geroz eta guraso gehiagok etxetik kanpo lana egiten dutela eta, Gabriele-neko Haurreskolak garrantzi handia hartu du. Aurrerantzean ere lan egingo dugu herritar guztientzat haur eskolak zerbitzu egokia eman dezan. Eta eskolarekin egin beharreko lanari ere garran-tzia eman nahi diogu. Gure herriaren etorkizuna daukagu bertan, etorkizuneko herritarrak ditugu bertan. Ikas komunitatean uda-lak bere lanak behar bezala bete behar ditu eta erantzukizunez jokatu.

HAur jOlAs gElA ETA gAzTElEkuAHaur eta nerabeen bilguneakJadanik Grazinaberri etxearen azpiko aldean 12 urte bitarteko haurrek elkartzeko lokal berriaren obrak bukatuta daude. Orain lokala erabiltzeko arautegia zehaztu beharko da. San Gregorion bezala, lan honetarako gurasoen parte hartzea ere behar beha-rrezkoa izango da.Kalostragaineko lokalean 12 eta 16 urte bitarteko gazteak elkar-tzen dira. Horretarako dinamizatzailearen laguntza daukate. Adin horretako nahi duten nerabeek bertan bildu eta hainbat aktibita-te egiteko aukera dute beraien garapenean.

BArATzAkLur sailak landu nahiBetidanik Ataun nekazal herria izan da. Azken urteetan ordea, egoera desberdinak dauzkagu herrian. Alde batetik, lur sailak di-tuen hainbat herritarrek, denbora edo sasoirik ez dutelako landu gabe ditu, eta beste aldetik, lur sailik ez duen hainbat herritar dago bere baratza izateko eta ikasteko gogoa duena. Pertsona desberdinen arteko elkarlana eta elkarbizitzarako aitzakia polita izan liteke.

zABOr BilkETA Ahal den gehiena birziklatu behar dugu 2014ko martxotik zabor bilketa sistema berria daukagu herrian. Hilero-hilero Sasietak birziklatzeari buruz jakinarazten dituen gure herriko datuak oso onak dira. Horregatik aurrerantzean bide berdinetik jarraitu nahi genuke, beti ere hobetu daitezkeen gau-zak hobetuz.

gArApEN BidEAN dAudEN HErriEkiN lANkidETzASaharar herriari lagundu egin behar dioguAzken urteetan bezala, lurralde behartsuenei laguntza es-kaintzen jarraitu behar dugu. Urteroko udal aurrekontuaren % 0,7a eurei eskaintzea, egin dezakegun gutxienekoa da. Bes-talde orain arte bezala Saharar herriarekin lankidetza berezia edukitzen jarraitu nahi genuke.

8 9

2015-2

019 Egitasm

oa

2015-2

019 Egitasm

oa

errigintza errigintza

Kultura, Kirola eta Turismoa

Herri bizia da Ataun kultur arloan eta maila handi batean kul-tur elkarteak bizirik daudelako da hori. Herriko kultur elkarte, erakunde eta udalaren artean elkarlanean aritzea eta elkarrekin proiektu berriak lantzea garrantzitsua da.

TurisMO BErdEANaturarekin gozatuzGure herriak natur arloan eskaintzen dituen baliabideak handiak eta aberatsak dira. Horregatik, bai herritarrei eta baita kanpotarrei ere, ur-tean zehar ahal den eskaintzarik zabalena ematen saiatu behar dugu. Oraindik behar hainbat landu ez ditugun aukera batzuk ere hor ditugu: mendi eta eskalada ibilbideak, kobazuloak, barrankismoa… Hauek de-nak internetez kontsulta egiteko moduan jartzeaz gain, mapa, liburux-ka eta abarrez hornituta egon beharko lukete nahi duenaren eskura. Arlo honetan Lizarrustiko parketxearekin egin beharreko elkarlanak oi-narri izan behar du.

Udako turismo bulegoaHerribidea, Barandiaran museoa eta Lizarrusti Parketxea ardatz hartuta, Ataunen turismo sektoreari bultzada eman nahi diogu. Udarako turis-mo bulego bat jartzea interesgarria iruditzen zaigu. Batik bat uda garaian ekitaldi oso desberdinak antola genitzake eta horretarako kanpotik da-torren bisitariari herriko informaziorik garrantzitsuena emango genioke.

kulTur ErAgilEAkElkarlanaren garrantziaBarandiaran museoaren papera oso garrantzitsua da gure herriaren lehena, oraina eta geroa lotzeko. Herribidea, Sara eta Bikario etxea eta museoa elkarrekin uztartu behar direla uste dugu eta horretarako gaia-rekin zerikusia daukaten elkarte, erakunde eta udalaren artean elkar-lana egon behar du.

HErrikO kulTur ONdArEA Seinaleak jarri eta txukun mantendu Ataunek sekulako ondarea du bere baitan. Udalaren lehentasuna, guz-tia biltzea eta katalogatzea izan behar du: iturriak, megalitoak, etno-grafiako elementuak... Hemendik aurrera daukagun altxor hori behar bezala markatuta eta garbituta edukitzeak garrantzi handia hartzen du.

kulTur ETA kirOl ElkArTEEi BABEsA ETA lAguNTzAHerritarren partehartzea bultzatuzKultur batzordearen zereginetako bat herriko elkarte desberdinetatik sor daitezkeen ekintzak bultzatzea da. Horretarako dirulaguntza bitar-tez babestea, ekimen ezberdinak bideratzen laguntzea eta koordina-tzea ezinbestekoa da.

udAl EkiNTzAk / kulTur EkiNTzAk Herriko kultura bizia * ZINEMA SAIOAK. Herri Antzokian herritarrei zinema saioen eskain-

tza zabala ematen jarraitu nahi genuke. Horretarako makina digitala ekartzeko aukerak ere aztertu beharko ditugu.

* ORGANO KONTZERTUAK. San Martingo elizako organoak duen histo-riko-artistiko balioa kontuan hartuz, herrian eta kanpoan ezagutzera emateko eta promozionatzeko, ahal den guztia egin beharrean gaude.

* SAN ISIDRO EGUNA. Tokatzen den eguna tokatzen dela, baserritarre-kin elkarlanean egun hau antolatzen jarraituko dugu. Azken urteetan egin ohi den bezala, urtero auzo desberdinetan txandatuz eta lehia-keta desberdinak antolatuz egingo genuke.

* ARGAZKI ETA PINTURA LEHIAKETA. Aurreko urteetan bezala, aipatu-tako lehiaketak antolatuz jarraitu nahi genuke.

* ANTZERKIAK, KONTZERTUAK... Urtean gutxienez bizpahiru antzerki saio, dantza ikuskizun eta musika kontzertu antolatzeko ardura hartzen dugu.

kulTur ETxEAKultur guneaKulturaren inguruan egiten diren ekintza desberdinak eraikuntza ba-tean biltzea garrantzitsua dela uste dugu. Azken urteetan kultur etxea-ren kokapen egoki bezala Botika Zaharra aipatu izan da. Ideia horren bideragarritasuna ere aztertzeko konpromezua hartzen dugu.

EuskArA ETA ATAuNgO EuskErEA Gure hizkuntza babestu eta zabaldu Kanpotik gure herrira bizitzera etorri eta euskara ez dakitenei euskaraz ikasteko bitartekoak jartzea ezinbestekoa da elkarbizitzarako. Bestalde, beti euskaraz hitz egin dugunon artean ere beti dago zer hobetua eta lagundua. Euskararen inguruan sortzen diren ekintzetan herritarren parte hartzea bultzatuko dugu. ATAUNgo EUSKEREA. Ataungo euskerei buruz e badeu ze eine. Gaur eunen umek geoz ta gutxigo dakie emen oainarte ibilli izan deun izke-rai buruz. Gue esku daun guzie ein bear deu ataungo izkerea itzeitteko. Beste oinbeste esan deikeu itanoi buruz, oso aguro ai baita galtzen.

HErrikO ArTxiBO HisTOrikOA ETA MulTiMEdiA ArTxiBOAkGure historia gordeUdaletxean dagoen Ataungo Artxibo Historikoaren zati bat oraindik di-gitalizatzeko dago. Hori egin ondoren, artxiboaren katalogo osoa, Eus-ko Jaurlaritzako artxibo sarearen barruan sartuaz, interneten zintzilika-tu beharko litzateke. Ataungo multimedia artxiboari dagokionez, gure herriko historiarekin lotuta zeuden dokumentuak jasotzen, ordenatzen eta digitalizatzen joan gara. Lan hau inoiz bukatzen ez denez gero, sor-tzen den materialarekin gauza bera egiten jarraitu beharko dugu.

ATAuN sArA sENidETAsuNAIparraldeko gure anaietatik gertuUrte batzuetan bi herrien arteko harremanak oso ondo funtzionatu zuen. Oraindik gogoan dauzkagu bai larrien eta baita eskolen artean egindako joan-etorriak... Interesgarria izango litzateke berriro harre-man horiek martxan jartzea.

10

2015-2

019 Egitasm

oa

errigintza 11

2015-2

019 Egitasm

oa

errigintza

1. Oihana Mendizabal Asurabarrena 2. Iker Contreras Vidal 3. Amaia Auzmendi Asurabarrena 4. Juanjo Maiza Ariztimuño 5. Tomax Erauskin Barandiaran 6. Joxe Bixente Goena Aierbe

7. Kontxi Sukia Garmendia 8. Jon Bikuña Auzmendi 9. Itziar Maioz Malkorra 10. Karmele Begiristain Aizpurua 11. Maria Jesus Imaz Insausti 12. Jexux Goikoetxea Etxeberria

MendiaBaso kudeaketak, basoaren etorkizuna eta ingurumena uztartu behar ditu. Eta bertan ekoizten den egurra ez da soilik ohol, pasta edo paper bihurtuko den zerbait, energia iturri berriztagarri bezala ere erabili daiteke. Energia iturri berriztagarrien aldeko apustua egin nahi dugu, hor ikusten baitugu gure herriaren etorkizuneko elementu garrantzitsuenetako bat. Bestalde, baserriek, inguruneari ekartzen dioten bizia eta sortzen duten aniztasuna eta aberastasuna oso garrantzitsuak dira. Bertan bizi diren he-rritarren lana eta bokazioa, behar beharrezkoak jotzen ditugu eta udaletik beharrezko duten laguntza eskaini behar diegu.

BAsOEN kudEAkETA irAuNkOrrABasoen etorkizun egokia bermatzeko AGAUNTZA eta MARUMENDI mendietako Antolamendu Plana berritzea bultzatuko da. Aldi berean, orain artekoari jarrai-tuz, Foru Aldundiko Landa Ingurunearen Garapeneko Departamentuaren esku-tik, AITZARTE mendirako Baso Kudeaketa Iraunkorrerako Plan Teknikoa egitea bultzatuko da eta Gipuzkoan dauden beste Kudeaketa Iraunkorra jasaten duten basoen Ziurtapen zerrendan sartzea ere nahiko genuke.Basoen kudeaketa iraunkorra errespetatuz, bertan jaso genezakeen biomasare-kin energia sor genezake.Baso bideetan dauden kalteak konpontzea eta bideak ahalik eta egoera hobere-nean mantentzea bultzatuko da.

MENdiETAkO BEsTE BAliABidEAkIkerkuntza kolaborazioakAtaungo basoetako baliabideekin, onuragarriak iruditzen diren ikerkuntza ekin-tzetan parte izatea bultzatuko da. Duela berrogei bat urte edo PALATAn anto-latu ziren Douglas izeiaren jatorri desberdinetako gune batzuen aldaketak, eta besteak beste, eurei esker azken hamarkadetan espezie horren hazia, jakineko jatorri leku batekoa eskatzen da. Era berean, duela hogeita bost bat urte anto-latu ziren AITZARTEn beste unadatxo batzuk, hauek ere Douglasean, bakanketa neurri desberdinak eginez tratatu direnak. Azken urteetan, egurraren ezaugarritze proiektuetan ere erabili da AITZARTEko Douglas, alertze eta larizio egurra. Pasaian eraikitzen ari diren San Juan ontziaren in-guruan ere, lanerako estalpea, besteak beste, AITZARTEko alertze egurrez egin zen. Larre soilak eta zuhaizpekoakGune guzti horien kudeaketa, Udalak onartuta dituen araudietan eta Foru Aldun-diaren zuzendaritzapean burutzea bultzatuko du gure taldeak. Bereziki, larreen ho-bekuntzaren alde egingo da lan, eta nola ez, habitat berezia osatzen duten gune horietako ustiapen iraunkorraren alde.Herri basoak ganaduaren janlekuBereziki neguko larre leku gisan erabili ahal litezken konifero baso ugari ditu Ataungo udalak. Baso horietako aprobetxamendu hori era antolatuan egin da-din bultzatuko dugu, ingurumena zein herri lurren inguruan bizi direnen intere-sak errespetatuz.

su Egur AprOBETxAMENduAkPagadien kudeaketa iraunkorrak zein Udalaren beharrak ahalbidetzen duten neurrian, pagadietako hobekuntza mozketak su egur loteetarako erabiliko dira ohitura den moduan. Halere, araudi bat antolatzea bultzatuko dugu aprobetxa-mendu hori normalizatutako era batean burutu dadin.

HErri lurrEN ETA udAlErriArEN MugA HOBETzEALehen ere, HERRIGINTZA taldea udal gobernuan egon zen garaian halako hain-beste ekintza bultzatu eta burutu bazituen ere, lan harekin jarraitzeko asmoa dugu. Ataungo udalarentzat bere jabetzako basoak oso garrantzitsuak direnez gero, batik bat, hauen muga-barrutiak ahalik eta egokien izatea lehentasunezko lana dela iruditzen zaigu. Ahalegin honetan, herri-lurrak batzen saiatuko gara lur trukaketak burutuz.

kONTrOlik gABEkO zABOrTEgiAkDesagerrarazi behar diraOraindik han eta hemen kontrolik gabeko hainbat zabortegi azaltzen dira gure herrian zehar. Guztiona den ondarea eta ingurumena behar bezala mantentze-ko, jarrera desegoki horien aurka ahalegin guztia egingo dugu.

ErrEkABElTzA ETA lArEOkO BidEEN kONpONkETAAzken urteetan hainbat herritarren aldetik Errekabeltzera eta Lareora doazen bideak konpontzeko eskaera jaso dugu. Gai korapilatsua baldin bada ere hauxe, naturaren gozamenak eta bere zaintzaren artean dagoen muga zehaztea asko-tan ez delako erraza, gure helburua gai hau herrian sakon aztertzea izango da eta egoki ikusten bada, bi bide hauek konpontzea bultzatzea.

MOTOAk gurE MENdiETANMotoen erabilpena erregulatu behar Gure herriko mendietan geroz eta sarriago hainbat moto ibiltzen direla jabeturik eta erabiltzaile guztien arteko bizikidetza bermatzeko, erabilera hori erregula-tzen duten araudiak bete daitezen bultzatuko dugu.

Bittor Oroz Bixente Dorronsoro Marikarmen Sukia Jexux Agirre Nekane Etxeberria Iñigo Goikoetxea

Joxe Luis Imaz Zelestino Agirre Miren Albizu Gontzal Torres Jon Aizpurua Garai Arruabarrena

Jexux Etxeberria Josu Olano Matias Barandiaran Jone Galparsoro Joseba Barandiaran Fermin Arrese

Patxi Arratibel Pello Agirre Pello Munduate Marta Rodriguez Santi Osoro Amaia Barandiaran

Jesus Urbiztondo Iñaki Arratibel Ixiar Eskisabel Nikolas Arratibel Maria Rosario Agirre Julian Zurutuza

Joxemari Goikoetxea Juan Mari Galparsoro Txomin Bikuña Gloria Urkola Santi Etxeberria Ainhoa Esteban

Angel Elias Klarita Zurutuza Aitor Arratibel Joxemari Mendizabal Joxe Gandarias Patxi Etxeberria

Joxe Arrondo Joxan Goikoetxea Belen Plaza Lander Imaz Pedro Galparsoro Antonio Maiza

Xeferino Auzmendi Inazio Apalategi Juan Arrondo Juan Migel Agirre Eugenia Dorronsoro Juantxo Auzmendi

Leire Agirre Joakin Goikoetxea Dionisio Etxeberria Joan Bautista Etxeberria Joxerramun Munduate Iñigo Kerejeta

Iñaki Imaz Nerea Plazaola Xabier Barandiaran Ima Aramendi Ramon Imaz Lupe Goikoetxea

Jaione Munduate Joxe Auzmendi Sabino Auzmendi Gregori Aldasoro Pello Galparsoro Josune Aldabe

Joxe Imaz Montserrat Mujika Marikarmen Telleria Pako Dorronsoro Rosa Goñi Rebeka Kaiero

Maider Auzmendi Juani Gil Nikolas Goikoetxea Iñaki Munduate Alberto Arellano Asier Etxeberria

Inazio Garmendia Ander Gorostizu Ima Arratibel Dioni Galparsoro Pedro Agirre Joxemari Bikuña

zurE AukErA

Ataunek batzen gaitu

errigintza