Índice:

Edición n’Asturianu

Introducción

Historia del Vinu n'Asturies

Zones de Producción

Variedad d'Uves

Uves blanques

Uves negres

Variedaes de Vinos

Vinu tintu

Vinu Blancu

La Ellaboración

L'Oruxu

El nuestru Patrimoniu Vitivinícola

El Conseyu Regulador

Bibliografía

Webgrafía.

“El vino de marzu pal amu, el d'abril pa mí, ya'l de maiu pa'l diablu”.

“Aguas en San Xuan quitan vino yá nun dan pan.”

“Si quiés viñeu, caba temprano yá bina ceu”

“Por San Caitano1 el razimo na mano, por San Miguel 2 el vino no tonel.”

1 7 de agosto. 2 29 de setiembre.

2

Presentación:

Poques son les persones qu'asocien la nuestra tierra col vinu, pero na zona más suroccidental caltúvose,

cuasi de milagru, la tradición milenaria del cultivu de la vide y de la ellaboración familiar de vinu, presente en cuasi

toles cultures del mundu.

La viticultura nunca foi xera fácil n'Asturies, pero espolletó bien significativamente nel occidente, que ye la

zona que recibe más radiación solar. Trátase d'una zona escarpada onde los montes sirven d'amparu perfectu pa les

vides. Dende Cangas hasta Ibias xunto con Grandas de Salime, Ayande, Eilao, y dellos pueblos de Tinéu y Pezós

produxeron y producen vinu dende hai cientos d'años.

Esti pasáu vitivinícola de la zona apaez en munchos archivos y en munches cites sobre la calidá de los viñeos

que nos lleven hasta la dómina de la Desamortización y el desastre filoxéricu, que faen variar los cultivos tanto na so

formación, como na so localización. La emigración tamién foi un factor determinante nel descensu de la producción

del vinu, pero sobremanera foi la llegada de la minería la que fixo que les viñes tradicionales llegaren cuasi a

desapaecer. A partir de los años 90 entámase a recuperar delles viñes, munches d'elles cuasi abandonaes y

plantégase de nuevo'l trabayu nes cepes y la ellaboración del vinu. En febreru de 2002 constitúise'l primer Conseyu

Regulador que va ser l'órganu xestor de la Denominación, formáu por viticultores y ellaboradores.

Anguaño la viticultura d'esta contorna ye un exemplu de recuperación y de desenvolvimientu nuna zona

deprimida no económico, pero que destaca pol so paisaxe abrupto, montañoso y les sos fasteres marcaes polos

viñeos, en pronunciaes pendientes, que faen qu'el so caltenimientu y cultivu sía difícil y heroicu. Visitar esta zona ye

vivir un viaxe al pasáu y al futuru de la nuestra tierra: montes y viñeos centenarios, oficios tradicionales, pero tamién

evolución y producción, especialmente de viñeos mimaos colos que consiguir una materia prima de primer calidá.

Hai 30 años Asturies nun figuraba siquiera ente les zones vitivinícoles españoles, ye más, los sos caldos teníen mala

fama. Agora prodúcense vinos de calidá que tán siendo premiaos en certames internacionales, lo que prueba

l'interés qu'espierta esti tipu de vinos en tol mundu. Agora, el llabor principal ta en manes de les bodegues, y de los

vinos qu'ellaboren: blancos, tintos y rosaos; pero tamién ta en manes de tolos asturianos que tenemos de sofitar,

respetar y dar a conocer el nuestru vinu autóctono, que ye una más de les nuestres múltiples señes d'identidá.

GFI El Ventolín, Abril de2018

3

EDICIÓN N’ASTURIANU

Introducción:

Les zones de producción del vinu n’Asturies destaquen pol so paisaxe abrupto y montañoso, asitiándose los

viñeos nes fasteres, en pendientes pronunciaes, que faen qu'el so caltenimientu y cultivu sía difícil y heroicu. Por esti

motivu fueron incluíes como parte del territoriu calificáu como Viticultura de Monte pol CERVIM3 , una particularidá

que nel territoriu español solo tienen el Vinu de Cangas, la D. O. Ribeira Sacra y la D.O. Priorat.

Esti tipu de cultivu caracterízase por

producir viñes en zones de monte con una

altitú de 500 metros sobre'l nivel del mar, en

terrenos con más del 30% de desnivel, polo

que tamién se suelen describir como

"viticultura heroica", yá que tala orografía

torga la mecanización. Tradicionalmente

trátase de parceles de poca superficie,

normalmente distribuyíes en terraces de

cultivu, formando un paisaxe de gran

guapura.

El clima ye otru factor determinante

na producción del vinu gracies a les

característiques mediterránees d'esta

contorna dientro d'un dominiu climáticu atlánticu que, xunto con un suelu bien fértil en fasteres mui soleyeres faen

que'l cultivu de la vide tenga unes condiciones óptimes.

Les viñes, dientro d'estos terrenos relativamente secos y d'un altor ente 300 y 500 metros, asítiense

xeneralmente empobinaes al solanu, nes márxenes de los ríos, y escasamente al poniente o al avesíu. La tierra suel

ser cascayosa, de piedra mul.llar, “mollar”, piedra arenisca fino pelo que puen penerar y pegar los raigaños de les

cepes.

Gracies al trabayu d'investigación de munches persones pudieron recuperase variedaes d'uva tradicionales y

autóctones y consiguiéronse reconocencies como la Denominación de Vinos de la Tierra de Cangas, calificaos dende

finales de 2008 como Denominación d'Orixe Protexida.

De siguío, presentámosvos brevemente la hestoria, el procesu d'ellaboración y les peculiaridaes principales

del nuestru vinu representativu: El vinu de Cangas, El vinu de la tierra, El vinu de la Tierra de Cangas.

Hestoria del vinu n’Asturies:

Primeres noticies sobre’l vinu n’Asturies

L'asentamientu y la primer esplotación de la vide na nuestra tierra atribúise a los romanos, que buscaben

oru nesta zona, anque hai reseñes qu’establecen la presencia d'esti cultivu con anterioridá. De fechu, esisten datos

de la esistencia de Vitis silvestris4 que surdíen de forma espontánea y que se remonten a la dómina de los pueblos

pésicos, mentaos peles fontes clásiques grecorromanes como una de les principales tribus ente los ástures

3 Centru d’Investigación, Estudiu, Salvaguarda, Coordinación y Valorización de la Viticultura de Monte. 4 Vides silvestres. Prospección, caracterización y recolección de recursos fitoxenéticos de vide (Vitis vinifera L. ssp. sativa y sylvestris) del Principáu d’Asturies. SERIDA. Dra. M.ª Dolores Loureiro Rodríguez. (2008-2011)

4

tresmontanos. Esti pueblu ocupó dende la base oriental del Cabu Peñes, hasta la llende occidental de Valdés y pel

interior hasta les crestes del cordal Cantábricu ocupando, tamién, la marxe esquierda del Nalón. En testos de

dómines posteriores, sieglu IV y sieglu VII, fálase de los pésicos como los habitantes propios del valle del Narcea.

Sicasí, han trescurrir dellos sieglos pa que'l cultivu y la producción de vinu nesta tierra entame a tomar

forma. Tres la batalla de Guadalete, nel añu 711, produzse una fuxida de los monxos visigodos escontra'l norte y

empiecen a surdir los primeros monesterios asturianos. Estos asentamientos monacales introduxeron na rexón

nueves práctiques agrícoles y cultivos, ente ellos la vide, pa producir vinu pa les celebraciones relixoses y la vida

cotidiana. Ye nesta dómina cuando atopamos documentación escrito del monesteriu de San Vicente d'Uviéu onde se

cuantifica’l viñéu que se cultivaba nesta zona nel añu 781.

Nel sieglu siguiente, nel añu 857, el Rei Ordoño I legó a la Catedral d'Uviéu viñes en Adallón conceyu, de Les

Regueres, «in Adalione unam vineam et terram ... in Onis monasterium S. Eulaliae et unam vineam magnam», y nel

añu 889 tamién hai datos d'otra donación al monesteriu de San Esteban de Alava, nel conceyu de Salas, siendo ésta

la primer referencia de que se dispón sobre'l viñéu na cuenca del Narcea.

Los sieglos XI, XII y XIII

Dos sieglos dempués d'esta primer

referencia histórica produzse un fechu que va

marcar definitivamente'l futuru del vinu na contorna

suroccidental asturiana. A entamos del sieglu XI los

monxos benedictinos de San Xuan Bautista de Corias

implántense nesta zona y apurren la so conocencia

de la cultura del vinu, estendiendo les viñes nel valle

del Narcea y los sos afluentes a traviés de dellos

sieglos, llogrando bones colleches debío al clima

favoratible esistente nesti periodu, lo qu’ayudó a

una espansión demográfica y económica

perimportante. Paralelamente, produzse un impulsu

definitivu a la producción por cuenta la necesidá de

suministru a les villes y ciudaes que nesta dómina empezaron a surdir n'Asturies.

Caltiénense contratos del S. XIII ente la catedral d'Uviéu y distintos pueblos del conceyu de Cangas que

certifiquen el puxante desenvolvimientu de la industria vinícola de la contorna.

El sieglu XIV y XV

El final de la Edá Media traxo consigo un cambéu desfavoratible na climatoloxía, que provocó perdes grandes

nes colleches y l’abandonu consiguiente de les tierres. A mediaos del sieglu XV entamó la recuperación del viñéu

hasta tal puntu que se reconvirtieron amplies zones de cultivu de cereales en viñeos. Anque nesta dómina'l viñéu se

concentraba principalmente nos valles del Navia y del Narcea, tamién se caltién documentación que constata la so

presencia nel valle fluvial del Eo, na zona central (Candamu, Les Regueres, Grao, Pravia y Siero), nel valle de San

Pedro de Teberga y nel conceyu de Villaviciosa. Un testu de 1315 indica esplícitamente la importación de vinu a la

ciudá d'Uviéu procedente de les viñes de Cangas, Lleón y Zamora principalmente. La presencia de vides al este

d'Uviéu va menguando de manera progresiva.

Claustro del Monasterio de Corias

5

El sieglu XVI - XVII

Na Edá Moderna, los valles del Narcea siguen siendo los más productivos y los que tienen una estensión

mayor. La Xunta del Principáu d'Asturies intentó promover la plantación de viñéu, pero les difíciles condiciones pal

cultivu esistentes na mayor parte de la rexón fixeron qu'esta iniciativa nun espolletara. Ente los sieglos XVI y XVIII

arrincáronse gran cantidá de cepes y el viñéu de la parte oriental y de la zona costera prácticamente sumióse,

quedando limitáu cuasi por completo na parte occidental.

El sieglu XVIII

La producción de vinu na nuestra tierra ta yá recoyida n'estadístiques a lo llargo del sieglu XVIII. Nel Añu

1751, el Catastru del Marqués de la Ensenada cifra la producción añal n'unos 180.000 llitros y en 1796 Xovellanos

aumenta esta cifra hasta los 380.000 llitros. Nesti sieglu establezse un impuestu sobre'l viñéu, llamáu “quiñón”, que

se pagaba tanto al cleru como a particulares.

El vinu siguía produciéndose en munches zones de la nuestra comunidá, anque les referencies que se tienen

sobre los vinos d'esta dómina indiquen que yeren de baxa calidá. En Bual y Candamu describíense como ásperos,

ente otros calificativos. En Grandas de Salime yera habitual añadir frutos de madroñu al vinu pa disimular el so gustu

agriu, a diferencia del oruxu que se llograba, que yera de gran calidá.

A finales d'esti sieglu siguió intentándose potenciar el viñéu, y en Grau constituyóse un premiu pal principal

productor de vinu y una reconocencia a los ellaboradores de vinu de calidá. L’autoconsumu y les males

comunicaciones que facilitaben l'aisllamientu favorecieron la supervivencia del viñéu en munches contornes,

circunstancia que va camudar nes dómines posteriores.

El sieglu XIX

La mayor parte del vinu fabricáu n'Asturies yera p’autoconsumu o pa venta local. En 1885, el vinu de

Candamo vendíase nes villes prósimes a Grau, Pravia, Avilés y Xixón ya inclusive n'Uviéu. Ye a finales del sieglu XIX y

principios del sieglu XX cuando la producción del vinu de Cangas s’industrializa y entama inclusive la so esportación,

principalmente a América, onde lo consumíen los emigrantes asturianos.

Na Esposición Xeneral d'Agricultura en 1857, descríbese'l vinu asturiano como “ácido y áspero, consecuencia

de práctiques de cultivu y d'ellaboración bien rudimentaries, onde los ellaboradores escaecíen de conocencies

técniques”. A partir de 1870, personaxes como Nicolás Suárez Cantón o D J. Francisco de Uría dieron un gran

emburriu al vinu de Cangas. D'ente ellos destaca

la figura de D. Anselmo González Abargane y

Carvajal pol so llabor p'ameyorar la producción y

calidá del vinu cangués y la implantación de

técniques que revolucionaron los sistemes de

cultivu. Nicolás Suárez Cantón introduxo una

serie de meyores na ellaboración del vinu, tales

como'l retrasu de la vendimia, la selección de los

racimos, la eliminación del raspón, la realización

d'un bon pisáu de la uva, bonos trasiegos, etc.…

El vinu asina ellaborao llogró mención honorífica

na Esposición Nacional de 1873 y diploma de

primer clase na Provincial Asturiana de 1875,

llegándose a comparar colos Burdeos franceses.

Esta modernización y profesionalización del

sector siguió en 1897 col cosecheru cangués

6

González del Valle, quien contrató técnicos estranxeros pa la ellaboración de los sos vinos, colos que llogró medayes

de plata y oru nes esposiciones de Burdeos, Angers, Rouen y Llugo.

Sicasí, a finales de sieglu, en 1890, apaez la filoxera, una plaga provocada por un insectu hemípteru

homópteru de la familia Phylloxeridae con orixe asitiáu n'Estaos Xuníos y que s'alimenta de les fueyes y raigaños de

la vide. Los daños que produz son terribles, provocando la muerte de la planta entera. Llega a Asturies procedente

de Llugo, anque nun se tomaron midíes hasta 1894, cuando se reconoció oficialmente. La filoxera foi l'entamu del

retrocesu del viñéu asturianu, que xunto colos altos impuestos municipales aplicaos sobre'l vinu, la llegada masiva

de vinu más barato d'otres contornes de la península y l'espansión de la producción de la sidra llevaron a la

producción de vinu a les sos hores más baxes de tola so hestoria. Esti alarmante retrocesu nel cultivu de la vide vese

claramente reflexáu nos datos del Ministeriu d'Agricultura, nel que describen cómo'l viñéu asturianu pasó d'una

superficie de 5493 hectárees en 1858 a 1903 en solo 20 años. Pa la recuperación del sector, arrincáronse miles de

cepes que se sustituyeron por una selección de les meyores variedaes de la zona que s’inxertaron en patrones

americanos más resistentes a la filoxera.

El sieglu XX

A principiu del sieglu XX sigue'l terrible retrocesu de la producción de vinu autóctonu. L'eleváu costu de

caltenimientu de les parceles, la so baxa rentabilidá, la emigración de la población rural a la ciudá, la imposibilidá de

mecanización pola orografía de la contorna y sobremanera el desenvolvimientu de la industria minera fixo que la

producción quedara reservada prácticamente al ámbitu familiar. Juaco López Álvarez, nel llibru Agua, Sidra y Vinu,

Cancios pa beber, afirma qu'a entamos de sieglu'l vinu blanco yera un luxu qu'en dellos llugares namás se mercaba

para dar a les muyeres recién paríes. Este mesmu autor describe que “en 1902, nel conceyu de Tinéu yera rara la

muyer que nel puerperiu5 nun tomaba más de sesenta llitros de vinu blanco y considerábase que l'home que nun

ponía un pelleyu d'esti vinu al pie de la cama de la so muyer yera un "mal home". N'otros conceyos del oriente

d'Asturies, como Cabrales, consumíase preferentemente’l vinu tinto, na creencia, según los naturales del país, de

que produz sangre".

Col fin d'intentar recuperar la producción la Diputación Provincial instaló en Courias y L.lumés viveros de

nueves cepes nes que, con ayuda de técnicos franceses, entamaron a inxertar variedaes que se repartíen darréu

ente los viticultores. Col pasu los años la producción aumenta y en 1929 D. J. Francisco de Uría decide yá solicitar al

estáu la protección del nome Vinu de Cangas. Pa ello propunxo la redacción d'un reglamentu que prohibiera que se-y

diera al vinu un nome distintu al del sitiu nel que fuera vendimiao y ellaborao.

Desafortunadamente, el 19 de xunu de 1959 una gran pedrisca arrasó gran parte de los viñeos cangueses y

estrozó nun solo la collecha d'esi añu, sinón tamién la producción de les trés colleches siguientes. Foi l'entamu d'un

descepe progresivu y del abandonu de viñeos que s'allargaría hasta fines de sieglu.

Nos años 70 namás el 5% del vinu consumío n’Asturies yera asturiano. Sicasí, el vinu de Cangas”, como asina

se-y conoz nesta dómina, siempre tuvo una gran aceptación nesta contorna, polo que munchos bodegueros nun

teníen más remediu qu'importar uva para ellaborar y comercializar vinu. L'entamu de la crisis na minería nos años 80

fixo que la viticultura volviera alquirir interés como potencial recursu económicu qu'ocupara’l llugar dexáu pola

industria del carbón. Pa ello creóse en 1997 l'Asociación de Productores y Ellaboradores de Vinu de Cangas

(APROVICAN), asociación que s'encarga de la promoción y el fomentu de los vinos de Cangas mediante la

incorporación de tecnoloxíes nueves, tanto nel cultivu como na so ellaboración. Tamién s'encarga d'entamar cursos

y xornaes de formación y llevó a cabu la xestión énte'l Ministeriu d'Agricultura, Pesca y Alimentación de la

ellaboración del censu de viñeos pa la so inclusión nel Rexistru Vitícola Comuñal.

5 El puerperiu ye'l tiempu que pasa dende la espulsión de la placenta o allumamientu hasta que l'aparatu xenital vuelve al estáu anterior al embaranzu. Suel durar ente seis y ocho selmanes, esto ye, alredor d'unos 40 díes. Por eso, a esti periodu tamién se conoz tradicionalmente como cuarentena.

7

El sieglu XXI

El 8 de xunu de 2001, reconozse la denominación "Vinu de la Tierra de Cangas" y establécense les normes

que tienen de cumplir los vinos, faciendo que'l vinu de Cangas entre nel grupu de Vinos de Mesa con Indicación

Xeográfica. Tamién n'esti mesmu añu les esplotaciones vitícoles del suroccidente

asturianu fueron incluíes, per primer vegada, nel plan de repartu de fondos de la Unión

Europea pa la reconversión de viñeos españoles.

En febreru del añu 2002 constitúise'l primer Conseyu Regulador que va ser

l'órganu xestor de la denominación formáu por viticultores y ellaboradores, y 6 años más

tarde, reconozse la denominación "Denominación d'Orixe Protexida Cangas" y

apruébase’l so reglamentu. A partir d'esti momentu, el Vinu de Cangas ye alzáu a la

categoría de “Vinos de Calidá Producíos en Rexones Determinaes”, y entra na calificación

de vinos con D.O.P. acordies cola clasificación de la Unión Europea.

Zones de Producción

El cultivu del viñéu adaptóse a les condiciones d'un territoriu de relieve accidentáu y con escasa superficie

fértil por cuenta la gran cantidá de roques, crestes d'arenisques, pizarres negres y cuarcites. La zona de cultivu

reduzse a les zones baxes de les lladeres que son terrenos erosionaos polos ríos y formaos por suelos aluviales y

diluviales d'orixe sedimentariu nos que predominen pizarres antigües, grauvaques6 y cuarcites, componentes aptos

pal cultivu de la vide y que contienen, ente otros, sílice, feldespatu o miques. Estes fasteres empobínense a mediudía

p'aprovechar al máximu les hores de lluz, nuna

contorna protexida poles sierres de Bobia y

Rañadoiru, qu'actúen como una barrera,

provocando l'estancamientu de les nubes na fastera

norte y, na fastera sur, una zona de marcáu efectu

Föhn7, con vientos secos y calientes.

Como yá señalemos, estes zones de viñéu

quedaron reducíes a los valles fluviales del Navia y

del Narcea que, al tar protexíos poles sierres yá

mentaes, presenten un microclima más secu, con

temperatures más elevaes. Según los datos d'avientu

de 2010 de la Conseyería de Mediu Rural y Pesca,

consten rexistraes 123 hectárees como viñéu

n’Asturies, de les que 32,5 tán acoyíes a la Denominación “Vinu de Calidá de Cangas”. El 90% del viñéu alcuéntrase

nel conceyu de Cangas y el 10% restante repártese ente otros conceyos vecinos. Anguaño, los términos municipales

acoyíos a la denominación son: Ayande, Cangas, Degaña, Grandas de Salime, Ibias, Eilao, Pezós y les siguientes

parroquies del términu municipal de Tinéu: Arganza, Barca, Xenestaza, Merillés, Ponte, Rodical, Santianes de

Molenes, Sorriba y Tuña.

6 La grauvaca ye una roca formada pol afitamientu de los minerales que resulten de la disgregación del granitu. Les grauvaques consten de mica, feldespatos y otros constituyentes del granitu, incluyendo'l cuarzu. Abonden en Gales, el sur d'Escocia, Irlanda y el norte d'Inglaterra. 7 El vientu foehn o föhn (nome alemán tomáu d'un característicu vientu del norte de los Alpes) produzse en relieves montañosos cuando una masa d'aire templao y húmedu ye forzada a xubir pa salvar esa torga. Esto fai que'l vapor d'agua enfríe y sufra un procesu de condensación o sublimación inversa bastiándose nes fasteres de barloventu onde se formen nubes y agües orográfiques. Cuando esto asocede esiste un fuerte contraste climáticu ente diches fasteres, con un gran mugor y agües nes de barloventu, y les de sotaventu nes que'l tiempu ye buenu y la temperatura aumenta. Esti procesu ta motiváu porque l'aire yá seco y templo baxa rápido pela fastera, caleciendo a midida qu’aumenta la presión al baxar y con una humedá perescasa.

8

El viñéu asturianu ye mayoritariamente minifundista y la mayoría de les parceles miden ente 1.000 y 2.000

m2, en escarpaes vertientes nes fasteres de los montes, en munchos casos con pendientes mayores del 50%, lo que

dificulta la so esplotación y rentabilidá productiva. Trátase de terrenos que xustifiquen la so calificación de

"viticultura heroica", pues axunta toles característiques distintives que la definen:

• Orografía que nun permite la mecanización.

• Parceles de poca superficie, dacuando fraccionaes y organizaes davezu en terraces de cultivu.

• Esplotaciones con pequeña superficie de cultivu, nes que la so actividá agrícola nun constitúi la renta

económica principal.

• Necesidá d'inversiones económiques elevaes pa modernizar los cultivos.

• Condiciones climátiques adverses.

• Variedaes d'uva esclusives, con producciones enolóxiques que salen de los modelos mundiales.

• Les viñes atópense en zones xeográfiques con paisaxes d'elevada guapura y con calter turísticu.

Yá indiquemos que’l nuestru viñéu tamién forma parte del territoriu calificáu como Viticultura de Monte pol

CERVIM (Centru d'Investigación, Estudiu, Salvaguarda, Coordinación y Valorización de la Viticultura de Monte) una

esclusividá que nel territoriu español solo tienen el Vinu de Cangas, la D. O. Ribeira Sacra y la D.O. Priorat. El Viñéu

d'altu monte caracterízase polos indicadores siguientes:

• Cultivu de la viña nes zones de monte, con una altitú mayor de 500 metros sobre'l nivel del mar.

• Cultivu en fuerte pendiente, terrenos con más del 30% de declive.

• Viñes en terraces de cultivu.

Variedaes d’Uves:

La vide ye una planta bien adaptable que se dexa tresformar pol viticultor dando llugar a distintes variedaes

y formes de viñeos. Les uves más característiques de la zona, dada la so adaptación en decenios al so clima y suelu

son: el carrasquín, el verdeyu negro, la mencía y el alvarín negro nel casu

de les variedaes tintes y el alvarín blanco, albillo y moscatel de granu

pequeñu, nel casu de les variedaes blanques, anque non siempres foi

asina.

En 1879 atopamos una primer referencia de D. Nicolás Suárez

Cantón, que fala de les variedaes tintes alvarín negro o pata de perdiz,

carrasco, carrasquín, negrón o agudiello8 y verdeyu, y les variedaes

blanques alvarín blanco o albillo, moscatel y teta de vaca. Amás, señala

que la variedá moscatel tamién yera bien apreciao pal so consumu como

d'uva de mesa.

Yá nel sieglu XX D. Manuel Naredo publica los sos estudios sobre

les variantes locales d'uva nel Congresu Nacional de Viticultura de 1912.

Señala como variedaes asturianes clásiques, anteriores por tanto a la crisis

de la Filoxera, l’agudiello, alvarín blanco, alvarín negro, carrascón,

carrasquín, jaen-moscatel, moscatel, negrín, negrón, rondal negro y

verdeyu tinto y destaca como “les antigües variedaes del país” al alvarín

negro, carrasquín, negrín y verdeyu. Según esti mesmu autor, les variedaes alicante, cabernet, garnacha colorada,

garnacha tintorera, mencía, malbec y sumoll fueron introducíes tres la filoxera. En 1979, Antonio Vespertino

describe les variedaes alvarín blanco y arbillo como dos variedaes distintes y recueye per primer vegada les

variedaes mendó y estra. El Catastru Vitícola y Vinícola de la Provincia d'Uviéu de 1982 describe 20 variedaes,

8 De Arbas en 1897 denomina a esta variedá abudiello, en vez de agudiello.

9

destacando la mencía (67%) y verdeyu blanco (3%), que se remonten a 1940. Este mesmu estudiu afirma que les

variedaes jaén y messeguera dexen de cultivase tamién nesta dómina.

Anguaño, l'organismu regulador (IGP) tamién autoriza la introducción de variedaes nueves que puedan

añadir una meyor calidá a los vinos cangueses, como por casu les conocíes merlot, pinor noir o syrah, asina como’l

godello y la gewurztraminer.

Tradicionalmente, solíense mecese cepes de variedaes distintes n'un mesmu viñéu o parral, lo que da llugar

a vinos bien singulares y de gran orixinalidá. Sicasí, anguaño, les bodegues que s'acueyen a la IGP ellaboren los sos

vinos con uves cultivaes por separao, lo que garantiza'l mesmu grau de maduración de les uves en tola collecha.

Uves blanques:

ALVARÍN BLANCO

Ye una variedá que nada tien que ver col albariño, anque'l so nome sía asemeyáu y dacuando cree confusión.

Esta variedá caracterízase por tener una gran frescura y una peralta intensidá arumosa. Organolépticamente,

conxuga los arumes herbales y frescos de la verdeyu cola calidez y les notes tropicales del albariño, pero, amás, con

fondos amoscatelaos nel posgustu. Suárez Cantón, en 1879, denomínalo alvarín blanco o albillo y descríbelo como

“racimu medianu pocu apertáu, uva mediano y redondo, mariello dorao, pelleyu delgao, gustu azucarao”. Ye conocío

tamién como blanco verdín, sobremanera na zona d’Ibias.

ALBILLO

Ye una variedá d'uva blanco relativamente neutro y de temprana maduración, con un interesante índiz de

glicerol que confier suavidá a los vinos resultantes. Ye una variedá vigorosa y bien fértil, polo que s'adauta a podes

curties. La planta ye de maduración temprana polo que ye especialmente sensible a les xelaes de primavera, sicasí,

ye bien vigorosa y bien resistente a enfermedaes.

Los vinos producíos con esta uva son de calidá, alcohólicos, sabrosos, con cuerpu, color mariellu doráu y

arume potente, presenta un sabor llixeramente duce. En ñariz ye penetrante. Suel emplegase na ellaboración de

vinos como complementu a la variedá moscatel de granu menudo o inclusive acompañando a la garnacha, en tintos.

Ye conocío tamién como arbillo.

MOSCATEL DE GRANU MENUDO

El moscatel de granu menudo ye una uva de vinificación blanco componente de la familia moscatel (vitis

vinifera). El so nome vien del característicu pequeñu tamañu de la baya y los sos apretaos racimos. Ye conocío

tamién como moscatel morisco y como la traducción al francés de moscatel de granu menudu, muscat blanc à petits

grains. Les uves tienen forma esférica, de color verde amarillentáu, pulpa non coloriada y con sabor a moscatel. La

fueya tien forma pentagonal, con cinco lóbulos.

TETA DE VACA

Según Suárez Cantón, estrémase pol so “racimu bien fluexu, uva grande llarga y bien colgante, pelleyu duro,

y abondosu zumu. Ye uva de cuelga”.

Uves negres o tintes:

10

ALVARÍN NEGRO

L’alvarín negro ye una variedá de vide d'uva tinto autorizada como uva de vinificación n'Asturies y en

Cantabria. Suárez Cantón tamién se refier a ello como pata de perdiz y fai la siguiente descripción “racimu pequenu y

fluexu, uva redondo, pequeño, negro, de pelleyu fino, gustu duce y prestoso, abondu zumu, negro, daqué

acoloratao”. Vespertino fai referencia a la variedá alvarín francés o negro y describe la so uva como bien fino y

pequeño. Esti tipu d'uva tienen forma esférica de color azul-negru, pulpa non coloriao y ensin nengún sabor

particular. La fueya adulta tien forma pentagonal-orbicular, con cinco lóbulos, de color verde mediu-escuro. Tamién

ye conocío como alvarín negrín, alvarín francés

y na zona d’Ibias como tintu serodo.

CARRASQUÍN

Variedá descrita por Suárez Cantón

como “racimu medianu, n’abondo llenu, uva

mediano, redondo, negro, pelleyu daqué recio,

gustu daqué agrio, zumu tinto acolorato y

abondoso”. Según Naredo ye la uva de mayor

acidez. Vespertino define la uva de carrasquín

como pequeño y bien ácido. Les uves tienen

forma esférica de color azul-negru, pulpa non

coloriao y ensin nengún sabor particular. La

fueya adulto tien llimbu orbicular, con cinco

lóbulos. Ye conocío tamién como carrasco.

VERDEYU NEGRO

Descrito por Suárez Cantón como “

variedá de racimu grande y apertáu (piecho

como equí dicen), uva crecío, enllargao en forma de

güevu de páxaru, de color negro violao, carnoso, pelleyu fino, gustu fresco y prestoso, zumu claro de bien pocu

tinte”. Según esti mesmu autor ye la más apreciada. Naredo comenta que ye una variedá de bon rendimientu y que

da bon grau alcohólicu, pero que presenta mayor enclín a podrecer y ye menos resistente al oídio9 qu'el carrasquín y

l’alvarín. Vespertino fala de la variedá “berdeu”, en que la uva permanez con ciertu color verde a pesar tar madura.

La baya tien forma llixeramente elipsoidal, de color coloráu violeta escuro, pulpa non coloriao y ensin nengún sabor

particular. La fueya adulto tien forma orbicular con cinco o siete lóbulos. Trátase d'una uva de maduración temprana

que da llugar a vinos complexos, d'arumes minerales y balsámicos intensos, bona graduación alcohólica, baxa acidez

y aptos pa la crianza.

MENCÍA

Trátase d'una variedá d'uva tinto introducío y cultivado principalmente nel noroeste de la Península Ibérica

dende la dómina de l'antigua Roma. En recuperándose del desastre de la epidemia de Filoxera de finales del sieglu

XIX y que causó una grave crisis económica nes sos árees tradicionales de cultivu, emplégase para la ellaboración de

vinos arumosos y afrutaos, d'intensu color, y con posibilidaes de crianza. Caracterízase polos sos racimos pequeños y

9 Hongu parásitu, especialmente de la vide, en que l’aparatu vexetativu forma sobre les fueyes d’esta planta una rede de filamentos blanquecinos y polvorientos.

Fig. 1 – Morfoloxía de una fueya: 1 a 3, nervios principales, primeru, segundu y terceru;

4, llóbulu apical; 5 y 6, llóbulos llaterales; 7 dientes; 8, senu peciolar; 9, peciolu.

11

compactos, con bayes de tamañu mediu en forma elipsoidal, regular na so sección tresversal, de piel grueso. Los

mostios son coloráu granate y de sabor neutro, con un eleváu conteníu n'azucres, pero de baxa acidez,

especialmente nos resultantes de frutos de mayor maduración. Los tintos ellaboraos con uva mencía, destaquen

pola so capacidá d'avieyamientu, con un paladar aterciopelo característicu, ensin desdexar les óptimes condiciones

d'esta variedá na ellaboración de tintos xóvenes. Los rosaos son arumosos y afrutaos, vivos, llixeros y nidios.

Vespertino (1979) menta la esistencia de distintes subespecies: pata de perdiz (con raspón acoloratáu), machu (d'uva

gordo y suelto, de piel duro y pocu granible) y fema (d'uva con piel más fino y nidio y de menor tamañu).

Variedaes de vinos:

Los caldos, calificaos como Denominación d'Orixe Protexida Cangas, presenten les cualidaes

organoléptiques10 propies de los vinos tradicionales de la zona, tocantes a color, arume y sabor, con aspectu llimpiu,

brillosu y adecuáu equilibriu alcohol/acidez. Los tipos de vinos amparaos pola mención "Denominación d'Orixe

Protexida Cangas" van ser los siguientes:

Vinu tinto:

Son los procedentes de les variedaes d'uva carrasquín, verdeyu negru, alvarín negro y mencía.

CARACTERÍSTIQUES ANALÍTIQUES11

Graduación alcohólico volumétrico natural mínimo: 10% Vol. pa los tintos de «crianza», «reserva» y «gran

reserva» la graduación alcohólico volumétrico alquirío mínimo va ser: 11% Vol.

Acidez total (espresao en gr/l d'ácidu tartáricu): Va tar comprendío ente 4 gr/l y 8,5 gr/l. Acidez volátil

(espresao en gr/l d'ácidu acéticu): Nun va ser superior a 0,8 gr/l. Pa los tintos de «crianza», «reserva» y «gran

reserva» l'acidez volátil (espresao en gr/l d'ácidu acéticu): Máximu 1 gr/l hasta'l 11% Vol. y 0,06 gr/l per cada grau

alcohólicu qu'entepase de 11% Vol. Anhídridu sulfurosu total (espresao en mg./l): Máximu de 120 mg./l. Azucres

reductores: Máximu de 5 gr/l.

CUALIDAES ORGANOLÉPTIQUES

Tintos xovenes: Fase visual: color coloráu violáceu a coloráu cereza. Tresparencia: llimpio y brilloso. Fase olfativa:

arumes intensos con series florales, frutales, minerales y dacuando balsámiques y/o especiaes. Fase gustativa:

fresco, sabroso y d'equilibrada acidez.

Tintos de "crianza", "reserva" y "gran reserva": Fase visual: colores acolorataos acordies col períodu d'avieyamientu

en barriques de carbayu soportao pol vinu, llimpio brilloso y ensin partícules en suspensión. Fase olfativa: arumes

francos, prestosos ya intensos y ensin golores anormales. Fase gustativa: sabroso, equilibrao y con bona estructura.

Vinu Blanco:

Son los procedentes de les variedaes d'uva: alvarín blanco, albillo, moscatel granu menudo, Godello y blanca extra.

CARACTERÍSTIQUES ANALÍTIQUES

10 Toes estes cualidaes son les determinaes na “Denominación d'Orixe Protexida Cangas". 11 Les propiedaes organoléptiques son toes aquelles descripciones de les característiques físiques que tien la materia polo xeneral, según pueden percibir los sentíos, como por casu’l so sabor, testura, golor, color o temperatura. El so estudiu ye importante nes cañes de la ciencia en que ye habitual evaluar primeramente les característiques de la materia ensin l'ayuda de preseos de midida.

12

Graduación alcohólico volumétrico natural mínimo: 9,5% Vol. Acidez total (espresao en gr/l d'ácidu

tartáricu): Va tar comprendío ente 5 gr/l y 10 gr/l. Acidez volátil (espresao en gr/l d'ácidu acéticu): Nun va ser

superior a 0,8 gr/l.

Pa los blancos de «crianza», «reserva» y «gran reserva» l'Acidez volátil (espresao en gr/l d'ácidu acéticu):

Máximu 1 gr/l hasta'l 11% Vol. y 0,06 gr/l per cada grau alcohólicu qu'entepase de 11% Vol. Anhídridu sulfurosu total

(espreso en mg./l): Máximu de 150 mg./l Azucres reductores: Máximu de 5 gr/l.

Cuando les condiciones climátiques sían especialmente desfavoratibles, l'autoridá competente va poder

autorizar la elevación de los conteníos d'anhídridu sulfurosu total citaos un máximu de 40 mg/l adicionales.

CUALIDAES ORGANOLÉPTIQUES

Fase visual: color de mariellu verdosu a mariellu paya. Tresparencia: Llimpio y brilloso.

Fase olfativa: arumes intensos frutales y florales. Fase gustativa: fresco, sabroso d'equilibrada acidez.

La Ellaboración:

Antonio Vespertino Rodríguez, na so obra de 1979 “El

léxicu de la vide nel occidente d'Asturies” fai una descripción

bien detallada del procesu tradicional d'ellaboración del vinu

de Cangas. Establez una serie de fases y momentos

determinantes pa la ellaboración que vos describimos de

siguío, xuntu con otres aportaciones d’otros autores:

Plantación

Suel llevase a cabu en parada vexetativa y pue facese

desque cai la fueya hasta qu'entame a brotar, que tien de

facelo yá nel allugamientu definitivu. En cuasi tola península,

pueden llantase viñes dende avientu hasta bien entrada la

primavera. La gran mayoría plántase ente los meses d'avientu

y mayu, aunque principlamente a entamos del iviernu,

n'avientu, pa poder recibir tol agua propio d’esta estación.

Anguaño y con sistemes de riegu, puen realizase plantaciones

más tardíes, en primavera.

L’Abonu

Esti ye un llabor fundamental que tamién se conoz tradicionalmente como recebar. Consiste en meter cuitu

(cuchu), esto ye, abonar la viña con cuchu. Vespertino Rodríguez describe que “se deposita non nel raigañu de la

cepa, yá que con ello pue matase la planta, sinón nun fuexu o cuevina que se fai pa ello ente dos cepes. El tamañu de

la cuevina suel ser equivalente al conteníu d'un cestu o maniegu de cuitu. Ábrense estos fuexos con un picu o picón,

pala y garabatu -rastru de fierro con dos o trés dientes y mangu de madera-, preséu de llabranza esti postreru de

gran usu nes xeres agrícoles. En casu de qu'esista pena (piedra), ye preciso entós utilizar la barra -palanca de fierro-.

Una vegada abierta la cueva, el cuchu, qu'al traviés de la viña tien de tresportase a custiel.les, al costazu, déxase

cayer nella y cúbrese cola tierra sobrante. El tiempu pa recebar o cuitar la viña ye variable, ente setiembre y

ochobre, dempués de la vendimia, hasta marzu. Inclusive se pue facer dempués de podar. Convien alvertir que la

viña probe non recebada durante dellos años produz un vinu de meyor calidá, anque en cantidá inferior, y viceversa,

la viña fuerte, granible, bien cuitada, aumenta la producción d'un vinu de menor graduación. Esti procesu de cava del

terrén ye un trabayu duru, pues con un garduñu o fesoria de dos dientes llevántase la tierra coles mires de remover

13

y voltiar, también pa ventilalo y torgar la crecedera de males yerbes. Si'l relieve lo permitía, esti trabayu realizábase

cola ayuda d'un simple aráu tiráu por una caballería o, anguaño, con un pequeñu tractor.

La Poda

La Poda de les cepes entama en payares, anque se fai en distintes fases hasta febreru. La poda temprana

consiste n'afaitar o quitar los baratones o sarmientos vieyos cuando la cepa entá caltien delles fueyes seques. Ente

xineru y febreru faese otra poda que consiste en dexar un fiador y dellos pulgares. Cola primavera, la planta renaz y

empieza el so desenvolvimientu. Primero ábrense les yemes y crecen les fueyes, les flores y el frutu.

Nel mes de mayu faese una nueva poda en verde, que consiste n'arrincar los bravos que crecen a ras de

tierra o los sarmientos inútiles o ensin frutu que podríen debilitar la planta. Estos sarmientos estériles llámense

“mamonos” y a l'acción d'arrincalos “esmoronar”. Vespertino Rodríguez describelo perbién na obra yá citada: “Nel

mes de mayu ye preciso tamién esmamonar, xera que s'efectúa en dos fases: escepar, arrincar en primer llugar les

guíes o bravos que de la cepa broten a raente tierra con ayuda de la sada; esmamonar, quitar en redol al tueru de la

cepa los mamones o sarmientos inútiles, qu'amás de nun dar vinu debiliten y esterilicen la planta. Ye un llabor

cenciellu, que se fae comúnmente colos didus, 'deos de la mano'. Si non s' esmamona la cepa pue debilitase hasta

l'estremu de nun producir frutu. En ciertos casos, p'anovar

la planta de la vide, pue respetase un mamón pa que sía

futuru fiador n'años próximos. Un mamón, polo tanto, pue

aportar a fiador. Nestes feches, nel mes de mayu, el

racimu yá ta nacíu, ta en flor. Poro, sábese si la collecha

promete o non ser abondosa.”.

La Crecedera

Demientres la crecedera, la planta y el frutu puen

vese afectaos pol clima y les enfermedaes, especialmente

en primavera cuando'l frutu ye fráxil. Pa evitar posibles

enfermedaes como'l mildiu12 o'l oídio, los viticultores

traten los sos viñeos principalmente con dos productos:

l'azufre y el sulfatu de cobre, que se faen tradicionalmente

con piedra lipe, cal vivo apagao y agua.

Vespertino Rodríguez afirma que “esti llabor llevase a cabu a finales de mayu y nel mes de xunu, dende San

Antonio hasta San Xuan. Faíase espolvoriscando azufre sobre les plantes con un fuel.le (fuelle) o máquina

espulverizadora. De siguío, sulfatábase con sulfatu de cobre o piedra lipe añadiendo tamién cal vivo pa que l’agua col

sulfatu se pegue más fácilmente a la fueya de la vide y lo chupe. Tamién ye importante binar, remover la tierra, cavar

superficialmente para llimpiar la planta y protexela de plagues. Más tarde ye mui importante l.levantar el vinu, xera

consistente nel allugamientu d'unos forquetos o tenques de madera pa que los racimos nun toquen tierra y puedan

madurecer sanos, evitando asina que podrezan”.

La vendimia

Empecípiase una vegada que la uva algama'l puntu de madurecimientu óptimu, a finales de setiembre o

entamos d'ochobre. Solía ser unu de los díes más allegres y festivos de la vida nel pueblu. Tradicionalmente, homes y

muyeres corten los racimos que meten nes maniegues o cestes pequeñes pa trespasalos depués a los goxos o cestos,

que podíen llegar a pesar más de 70 quilos. De siguío, pásense a les bocineres, recipientes de madera que

s'adaptaben a los carros tiraos por vaques y que teníen una capacidá aprosimada d'unes 10 cuepes, equivalente a

unos 313 llitros. Les bocineres, en munches ocasiones, tamién sirvíen como recipiente pal pisao de la uva. Anguaño,

12 Conxuntu d’enfermedaes de les plantas producíes por un hongu microscópicu qu’ataca a los órganos verdes, como les fueyes, el tallu o los frutos.

14

les caxes de plásticu sustitúin les maniegues, cestes y goxos y los remolques reemplacen a los carros tiraos por

animales.

El pisáu y la fermentación

El pisáu consiste en primir y romper la uva para facilitar el contactu del mostu cola magaya, los pelleyos (la

piel) y los raspones (la parte maderiza). Tradicionalmente’l pisáu realizábase a cuerpu desnudu nes bocineres, feches

de madera que primeramente moyaben pa qu'enchieren y nun perdieren llíquidu en tol procesu. Esti primer vinu

conocíase como “vino de yema”. Anguaño faise con estrujadoras, máquines con aspes o paletes móviles que

ruempen les uves, dixebrando'l granu del raspón. Nel casu de los vinos blancos, nos que namás fermenta’l mostu, el

prensáu ye'l primer pasu de la vinificación, pues dende l'entamu del procesu se dixebra'l zumu de los elementos

solidos de la fruta.

Una vegada completáu el “estrujado”, métense les uves nos depósitos para fermentar ente dos selmanes y

un mes, según les condiciones ambientales y les de les uves. Esta fermentadura o cocíu consiste nel tresformamientu

de los azucres de la uva n'alcohol y n'anhídridu carbónico, gracies a l'activación de les llevadures pola mor del

aumentu de la temperatura natural del mostu. El magayu formienta xunto al mostu, apurriendo al vino arumes

singulares, pero fundamentalmente color nos vinos tintos. Pel contrariu, nos vinos blancos el mostu fermenta solo,

desprovistu de materies solídes que podríen modificar el so color. Tradicionalmente, esti procesu llévase a cabu en

tinas de madera, alzaes sobre tarugos de madera o grades pa aisllales del mugor del suelu. Nes bodegues modernes,

úsense depósitos d'aceru inoxidable que regulen la temperatura durante tol procesu, nos que puramente

formienten los granos col mostu ensin los raspones o tálamos.

Nel casu de los vinos tintos inda falta'l procesu d'estrayer el magayu, que se pasa a la prensa, onde se prime

fuertemente para estrayer tol líquidu qu'entá contien. A esti vinu conocíase-y como “vinu de pie”. Col magayu

resultante dábase de comer a los gochos y les pites, y tamién como abonu o para quemar como combustible. Como

yá indiquemos, nel casu de los vinos blancos, nos que namás formienta’l mostu, el prensáu ye'l primer pasu de la

vinificación, yá que dende l'entamu del procesu se dixébra'l zumu de les partes sólides de la fruta.

El caldu resultante del prensáu amiéstase colo que tamién se llogró nes tines de formentar para llograr un

conxuntu que pasa a avieyar en barriques. Ellí déxase reposar el vinu en barriques apurriendo la madera

componentes qu'ameyoren el color, arume y sabor del vinu. Esti pasu del vinu de la tina pa les barriques denomínase

la feitura. Según Vespertino Rodríguez, el tiempu ente la vendimia y la feitura ye variable; “nun tien de facer primero

de trés selmanes, pues asina’l vinu asitia y claria un tanto; dalgunos esperen hasta añu nuevu. Nun se debe dexar

trescurrir muncho tiempu, porque'l vinu garra gustu y sabor al tálamu o táramu y sulfatu del magayu; amás el

magayu seca rápido na superficie y evapórase’l vinu.”

15

En tiempos d'escasez, el magayu sacábase de la prensa, moyábase y volvía a prensase para facer el vinu de

piqueta, un caldu de poca graduación alcohólico, d'escasu color, pero bien refrescante.

Los trasiegos

Trescurríos unos meses cuando'l vinu yá ta reposáu, ye'l momentu de trasegar y clarificar pa llimpiar y

estrayer cualquier impureza que pueda tresmitir sabores o arumes nun deseyaos, pa que'l vinu quede “llabrao”. Los

trasiegos consisten en trespasar el vinu d'un recipiente a otru pa quitar la borra que queda normalmente no

fondero. El númberu de trasiegos depende del tiempu que'l vinu se tenga nel interior de la barrica.

Tradicionalmente, facíase un primer trasiegu nes fases menguantes de la lluna d'avientu y xineru; el segundu facíase

en marzu y un terceru al entamu del branu.

La espedición del vinu

La espedición del vinu varía según se trate d'un vinu xoven, de consumu inmediatu, o d'un vinu criáu o

avieyáu que tien de reposar na barrica durante un tiempu. Tradicionalmente, les primeres ventes de vinu xoven

empezaben antes de navidá. Les bodegues que yá vendíen vinu, identificábense con un ramu de lloréu qu'asitiaben

enriba la puerta. Solía vendese a granel, en recipientes de distintes capacidaes pa posteriormente usar la botella de

vidriu qu'entá pervive anguaño. Los recipientes más antiguos solíen tar fechos de madera o cerámica y avezaben

tener una mozqueta nel cantu pa marcar el nivel exactu de les midíes. Les más utilizaes na venta del vinu fueron la

cuepa, la canada o la puchera. Más tarde, nel sieglu XIX, establecióse'l sistema del llitru, el pentallitru y el decallitru,

anque les midíes tradicionales nunca llegaron a desapaecer.

Vespertino Rodríguez describe tamién estes midíes y recipientes tradicionales de manera bien detallada;

amás señala que suelen recibir el nome xenéricu de maderes, refiriéndose al material del que tán construyíos:

Recipientes

• Cachu, concu de madera d'una sola pieza y de diversos

tamaños, de nozal y zrezal principalmente. Pa

impermeabilizalos somorguiábense un tiempu na prensa.

• Xarra, vasíes de barru dende dos llitros a un cuartiyu;

cuando equival a un cuartiyu llámase Xarrina o puchera.

Fueron y son bien conocíes los fabricaes en L.lamas del Mouro.

• Garrafón, garrafa grande casi siempres de vidriu y de

diversa capacidá: 4, 8, 12 y 16 llitros.

• Duernu y bacía, emplegaos tamién pa la matanza del gochu y salazón de la carne. El duernu ye más

grande que la bacía. Úsense dambes

para recoyer el caldu y echalo a la tina.

Solíen ser de nozal fechos d'una sola

pieza de madera.

• Barril, inferior a la barrica, de 60 a

32,5 llitros (una cuepa).

• Barrica, con una capacidá de 200, 100

ó 90 llitros. Entá se caltienen dellos

feches d'una pieza entera d'un tueru de

castañal, técnica que se remonta a la

dómina prerromana.

• Bocói, cuba con una capacidá ente los

600 y 300 llitros.

• Pisón, pequeña tina de madera,

asemeyada a una pequeña bocinera,

16

que s'utiliza pa pisar la uva. Consta d'una tapa corredera o trapa con unos furacos pequeños per onde

s'elimina'l magayu y el caldu respectivamente.

• Bocinera, pequeña tina de madera que s'emplega pal tresporte d'uva, magayu y otros productos.

• Tina, gran vasía cilíndrica de madera de castañal o carbayu, de

capacidá variable, que s'emplega pa la fermentadura del vinu; la so

capacidá ye variable; conócense tines d'hasta 20.000 llitros o más.

Midíes

• Cuarterón, equival a un cuartu del cuartiyu (0,126 llitros)

• Cuartiyu, equivalente a mediu llitru escasu.

• Metadilla, midía de capacidá de 2 cuartiyos, aprosimao 1 llitru

(1.0085 l).

• Canada, midida de 4 llitros y mediu. Ye una vasía cuadrangular de

madera, d'una sola pieza, con asa y bocín. Tien una parte terminal

bien estrecha pa vertir el llíquidu. (3,912 llitros).

• Cuepa, equivalente a unos 32 llitros y mediu.

El tresporte

El tresporte del vinu a distintes partes d'Asturies siempre supunxo un retu para

los productores. Lo habitual yera l'usu de caballeríes y carros per caminos duros y

complexos. Tamién se precisaben recipientes a prueba de rotures y fáciles de mover

como los barriles o los depósitos flexibles de cueru, como pelleyos de cabra, que yeren

los más habituales. La meyora de los

medios de tresporte y de les

infraestructures, xunto col

desenvolvimientu de la industria del vidriu,

traxo les garrafes, que se protexíen con

armazones de blima o de madera pa evitar

que se rompieren. L'usu xeneralizáu de les

botelles traxo consigo les caxes a midida, primeramente de madera y

más tarde de cartón.

L’oruxu

En cualquier acercamientu a la cultura del vinu y la so

ellaboración nun pue faltar una referencia al oruxu. Trátase d'un

aguardiente llograo per destilación de les partes sólides de la vendimia

que nun tienen aprovechamientu na ellaboración previa del vinu,

perteneciendo al mesmu tipu de bebida que los marc franceses, grappas

italianes, les bayaçeiras portugueses o los tsiroupos griegos.

L'oruxu ellabórase cociendo los restos sólidos nuna “caldera”,

alquitara o alambique que permite alcanzar calor abondo para destilar

l'alcohol y evaporar l'agua. Dempués de seis a ocho hores llógrase l'oruxu, bebida d'alta graduación alcohólico y

sabor agresivu. P’ameyoralo, normalmente añadíense plantes monteses como fenoyos, manzanilles o anises; y frutes

como los madroños, guindes, cirueles o inclusive miel.

17

Alquitara o alambique para hacer orujo en Las

Escolinas, Cangas del Narcea, h. 1970. Fotografía Julio

A. Fernández Lamuño. Col. Museo del Pueblo de

Asturias.

Tradicionalmente, la ellaboración del oruxu yera doméstica, anque también hubo destiladores ambulantes

que percorríen la rexón y qu'ufiertaben tantu l'alambique como les sos conocencies técniques pa la producción

d'oruxos de calidá. En delles cases tamién se preparaba mostu cocío que producía un xarabe escuro al que se-y

añadía oruxu.

El Nuestru patrimoniu vitivinícola.

Son munchos los elementos asociaos a la vitivinicultura que pasaron a formar parte del nuestru patrimoniu

cultural. Ente ellos destaquen los siguientes:

Los emparrados

Formábense con armazones de madera a base de grande pies derechos de remate aforquilláu, en relación

directa coles estructures verticales de les construcciones arcaiques de la contorna. Sobre ellos dispónse un entramáu

de madera y cañes pa facilitar la crecedera de les vides.

Los bancales y cabañes

La producción de viñéu

concéntrase nes viñes que dispuestes nes

fasteres del monte s’adapten al terrén,

xeneralmente con técniques de

abancalamientu que confieren un matiz

distintivu al paisaxe de la contorna

occidental asturiana. Cada facienda de

viñeos dispón de cabañes pa preseos de

trabayu, que tradicionalmente siguíen

formes constructives cencielles con

materiales de la redolada.

Les bodegues

Son construcciones cencielles,

cuadraes o rectangulares y con esquines

arrondaes. Normalmente construyíense

semienterraes pa llograr les meyores

condiciones de temperatura y humedá. Distínguense poles sos muries grueses de piedra y tán cubiertes con

estructures de madera a dos o delles agües y cubrición de teya o pizarra. Pa facilitar la so ventilación suel abrise una

ventana pequeña empobinada al norte llamada “gatera”. Esisten referencies de la so esistencia dende la Edá Media

gracies al impulsu de la ilesia na espansión de la cultura vinícola nel suroccidente d'Asturies.

La bodega forma parte de l'arquitectura tradicional yá inclusive ye un espaciu que normalmente s’incorpora

a la casa. Tamién hai bodegues tradicionales non asociaes a la vivienda, anque suelen ser edificaciones pequeñes

que normalmente se construyíen alloñaes de los núcleos de población o que se configuraron como auténticos

18

barrios especializaos na ellaboración de vinu. Paralelamente, les bodegues conformense n'agrupaciones yá inclusive

llegaron a formar núcleos de población como nel casu de Santiso, Las Escolinas, Villa de Tebongo y Xavita.

Nos últimos años, construyéronse bodegues nueves que, con una arquitectura moderna, consiguen les

mesmes característiques térmiques y ameyoren descomanadamente les instalaciones destinaes a la vinificación de

los vinos.

Les prensas y llagares

La prensa ye un dispositivu

fundamental para estrayer el zumu de les

uves como parte del procesu de producción

del vinu. Esisten dellos tipos de prenses

utilizaes polos vitivinicultores, pero la so

funcionalidá ye siempres la mesma:

emplegar la presión adecuada para lliberar

el zumu de la fruta. La presión nun pue ser

escesiva, pa evitar romper les semilles y

apurrir un escesu de taninos al vinu.

Munchos fueron los modelos de

prenses usaos na nuestra tierra, pero ente

ellos tenemos de destacar el llagar o prensa

de viga, por ser una verdadera obra d'arte y

d'inxeniería popular. La Sociedá Canguesa

d'Amantes del País, Tous pa Tous, llevó a

cabu un llabor d'inventariáu y catalogación de los llagares de vinu que se caltienen nel conceyu de Cangas. Esta

asociación tien constancia de que, nel sieglu XVIII, esistíen nel conceyu 68 llagares, toos ellos inventariaos en 1752

nel Catastru del Marqués de la Ensenada. Gracies a esti documentu sábese que los llagares taben fechos

íntegramente de madera y componíense d'una sola viga. Nel estremu de la viga llevaben un contrapesu de piedra

suxetu con un fuxu o torniellu. Desconozse con exactitú los pueblos nos que s'atopaben les pieces, yá que nel

catastru solo apaez el nome de los propietarios y, en dellos casos el nome de la parroquia onde taben allugaos.

A principios del sieglu XX empezaron a ser sustituyíos por prenses de xaula, más pequenes y de bon manexu

y, poco a poco fueron destruyéndose hasta cuasi desapaicer. El trabayu del investigador David Flórez Sierra, permitió

alcontrar ocho, pero envalórase que pueden quedar, siquiera, una docena. Estos grandes llagares, de viga y

contrapesu de piedra, empezaron a usase na dómina romana, alredor del sieglu I d.C. Non tolos vinicultores

cangueses teníen unu, por cuenta del so costu y el gran tamañu que precisaba d'un espaciu ampliu. Asina que la

maquinaria arrendábase y emprestábase. Esisten pruebes documentales de la esistencia de dieciséis llagares na

parroquia de Tebongo, que yera la mayor concentración de tol conceyu, superior a la de la villa de Cangas, onde

había siete. La mayoría de los propietarios yeren señores, dueños de tierres y viñes, y llabradores acomodaos. Asina,

por exemplu, el Conde de Toreno tenía tres llagares: dos na villa de Cangas y unu, en L.lumés. Y el Monesteriu de

Courias tamién tenía otros tres. L'asociación Tous pa Tous, tamién constató la esistencia de llagares, y polo tanto de

viñeos, en parroquies onde güei nun queda rastru dalgunu de la so presencia, como Xarceley, San Martín de Sierra,

Santiago de Sierra, Maganes, San Pedro de Culiema y Carceda.

19

Vespertino Rodríguez fai una descripción pormenorizada d'estos inxenios: “Son güei poques les persones

que conocieron esti tipu de prensa, (...) Esti l.lagar constaba de trés partes esenciales: Viga, gordísimu tueru o viga

tresversal bien allargada, con un pesu superior a los 1.000 kg. Topábase articulada nunu de los sos estremos, suxetu

a la paré o a otru gran maderu o maderos verticales. Nel otru estremu de la viga taba'l fuxu, de forma cilíndrica y

fechu de madera con una rosca ensin fin que facía que la viga se moviera en sentíu vertical. El fuxu na so parte

inferior llevaba una enorme base de forma cuadrada o rectangular, de piedra xeneralmente, d'un pesu d'una

tonelada y suxeta al fuxu por unes tires de fierro. Ente esta base de piedra y la viga tresversal el fuxu taba travesáu

por una palanca de madera, volante o xugu, qu’al ser xirada en círculu por un home en cada estremu facía xubir o

baxar la viga. La cesta o pilu, pilón de madera, cuadrangular o cilíndricu que contenía'l magayu pa ser prensao, taba

asitiada so la viga y mui cerca del estremu articuláu. La cesta tenía unos furacos nes parés llaterales pa vertir el

llíquidu na base o sayu de la mesma, que tenía una ranura, morru o bocín per onde'l pía pingaba nuna duerna o tina.

Una vegada que la viga taba alzada nun estremu pol fuxu, introducíase'l magayu nel pilu y so la viga, rellenando los

vanos o buecos con ayuda d'unes garduñes o tazos de madera de forma que la viga quedara suxeta; alzábase más la

fuxa, xubía tamién la base de piedra, y dambos, viga y fuxu baxaben despacín prensando el magayu hasta dexalo

ensin llíquidu dalguno.“

Los útiles y los materiales

Tradicionalmente,

l’entornu natural apurre los

materiales colos que llograr los

preseos necesarios nel procesu

d'ellaboración del vinu.

La madera ye una

materia que siempres se

rellacionó col vinu y más nuna

tierra con abondosos montes. El

procesu y ellaboración del vinu y

el so tresporte precisa de

recipientes de distintes

capacidaes y formes,

20

fundamentalmente ellaboraos en madera de castañal y carbayu, que podíen llegar a tener grandes dimensiones. Les

tines, toneles, bocóis o barriles, utilizaos pal caltenimientu y el tresporte del vinu, facíense con madera que se

domaba con fueu y humedá. Darréu armábense y afitábense con aros de fierro, anque d'antiguo tamién s'utilizaben

aros de madera d'ablanar, alcornoque y fresnu. Les xarres de trasiegu, les midíes o los embudos tamién yeren

orixinalmente de madera, anque los materiales metálicos introduxéronse progresivamente. Inclusive pal consumu

del vinu, les xarres o los cachos facíense con gran maestría d'una sola pieza de nocéu, castañal, carbayu o zrezal.

Tamién s’utilizaron muncho los recipientes ellaboraos con fibres vexetales, especialmente útiles para

recoyer y carretar la uva yá que resultaben bien resistentes y llixeros. Trátase de cestes, maniegues, y goxos,

trenzaos con llámines fines de madera de sauce y d'ablanar.

L'alfarería tambien ye una artesanía tradicional cola que se fabricaron recipientes de distintes formes y

midíes como los botiyos, cántares, platos, xarres, pucheres o los vasos. El desenvolvimientu técnicu fixo qu'anguaño

se sustituyeren mayoritariamente por otros materiales más hixénicos y duraderos, como'l vidriu o'l plásticu. Nel

conceyu de Cangas, en L.lamas del Mouro, sigue ellaborándose en tornos de pies formes tradicionales, como les

xarres y los vasos pal vinu. Si antaño esta poblacion de tradicion alfarera apurría recipientes de color acoloratáu y

con barniz nel so interior, güei perviven los cacharros de color negru, ellaboraos al taponar la chimenea del fornu,

faciendo que se disperse’l fumu nel so interior.

El Conseyu Regulador

El Conseyu Regulador de la denominación ye l'organismu oficial acreditáu para certificar qu'un vinu se

califique como "Denominación d'Orixe Protexida Cangas". L'Órganu Xestor o Conseyu Regulador compónse d'un

máximu de 12 vocales, 6 vocales en representación del sector productor, escoyíos ente los viticultores de l’área de

producción delimitada que constitúi la denominación, que comercializaren la so producción con destín a la

ellaboración de "Denominación d'Orixe Protexida Cangas", y otros 6 vocales en representación del sector

ellaborador, escoyíos ente los ellaboradores allugaos nel territoriu que toma la indicación xeográfica. Tamién cunta

con 1 vicepresidente escoyíu d'ente los vocales y 1 presidente, designáu d'ente los vocales y a propuesta de los

mesmos.

Funciones del Conseyu Regulador

• Llevanza de los rexistros de viñeos y de bodegues.

• Proponer los requisitos mínimos de control a los que tien de sometese cada operador.

• Xestionar los gastos de funcionamientu, control y promoción de la indicación xeográfica.

• Siguimientu periódicu de los viñeos y los vinos.

• Constituyir el comité de calificación.

• Calificación de les distintes partíes de vinu.

• Espedición de contraetiquetes.

• Siguimientu de les partíes contraetiquetaes.

• Realizar actos promocionales rellacionaos cola indicación xeográfica.

• Llevar a cabu cursos y xornaes de formación y asesoramientu, en materia vitivinícola. Asina como otres

actividaes destinaes al afitamientu de la denominación Vino de Cangas que se consideren d'interés.

Anguaño formen parte de la Denominación d'Orixe Protexida Cangas, un total de 59 inscritos: 6 bodegues

ellaboradores y 53 viticultores. El conseyu regulador ríxese pel Reglamentu de Denominación d'Orixe Protexida

Cangas, la Llei de la Viña y el Vinu, un reglamentu internu y el restu de normativa específico d'ámbitu nacional y

européu.