Miau! O último berro da fábrica (GL)
-
Upload
niquelarte -
Category
Documents
-
view
228 -
download
8
description
Transcript of Miau! O último berro da fábrica (GL)
Miau! O último berro da fábrica
por Uxío Reinoso
Fotomontaxe de U. Reinoso
Miau, é o nome dunha novela do xenio realista de Pérez
Galdós publicada no ano 1888.
Miau tamén é o nome dunha liña de productos que adoptou a
Conserveira Bernardo Alfageme cando en 1931 inaugurou a
súa nova factoría en Bouzas.
Miau é agora o son do feche das portas dunha das fábricas
máis senlleiras da nosa cidade, Miau é o berro de protesta
dunha plantilla de centos de traballadores e traballadoras
enganados pola dirección da Bernado Alfageme SA; e Miau é
o clamor que lanzamos os cidadáns ante o risco de que
,unha vez máis, fiquemos sequera co desfrute e opcións de
futuro que suporía a conservación do noso patrimonio
histórico-cultural.
Imaxe: Vigoenredados
En 1995 a empresa Bernardo Alfageme S.L. (nome social que
adoptou a cuarta xeración dos Alfageme) atravesaba certas
dificultades coxunturais. Comezouse entón un proceso de
reinverisón (nese a ano o BBV compra o 40% das accións) e
reorganización productiva: primeiro féchouse a factoria de
Algeciras e a comezos de 2006 estudábase o feche da do
Grove, trasladando aos seus empregados a Ribadumia e Vigo
e, ao mesmo tempo, o traslado da factoría de Bouzas a o
novo polígono industrial en Valadares.
Xa entón, o inmoble da factoría de Bouzas formaba dunha
complexa operación urbanística: o Concello recalificaría
os 13.000 m2 da parte S do complexo cunha edificabilidade
de 45.000 m2, coa única condición de que para manter os
postos de traballo, os industriais reinvertisen tales
beneficios nunha nova factoría na futura "Cidade da Pesca
de Valadares".
De súbito, en febreiro do mesmo 2006, e a pesares de que
B.A.S.L. desmentirá recentemente a posibilidade da venda,
o grupo de Inversiones Louredo adquire a B.A.S.L.
Inversiones Louredo é unha empresa vinculada en orixe ao
mercado inmobiliario, pero que xa era propietaria dunha
atunera no Brasil e recentemente adquirira Conservas Peña
e a Thenaise-Provoté, o que lle permite presentarse ante o
Consellerio de Economía da Xunta coma a promotora dun
"grupo gallego de la conserva" baixo a denominación
Bernardo Alfageme S.A.
Mais axiña, en decembro de 2006, é outra inmobiliaria
Prolamar S.L. compra, tal grupo conserveiro B.A.S.A. Nesta
ocasión é o directivo de Prolamar, Juan Lago, o que
defende con éxito o proxecto industrial de B.A.S.A. ante a
Conselleira de Pesca e os traballadores.
Entretanto, o Concello de Vigo catalogou a fachada coma
elemento patrimonial a conservar e incluso falouse dun
"Museo da Conserva" e un xardín. E xa no 2008 é a Xunta a
que invalida aquela complexa operación urbanística.
Entón ao grupo conserveiro galego sáenlle fauces de
formigón e demanda ao Concello e a Xunta por chapucear no
seu "inmoble industrial" (1,2,3,...), e o Concello
resposta coas mesmas: vivenda sí pero protexida (..., 4 e
5). A fábrica xa está deshauciada, os traballadores non
cobran, os millóns das subvencións veñen e van, e as
máquinas apodrecen no interior da fábrica porque Prolamar
non ten cartos nin para pagar as materias primas.
En 2009 parte dos traballadores de Bernardo Alfageme S.A.
son despedidos por "cuestións obxetivas". En 2010 a
empresa quebra e entra en concurso de acreedores: neste
punto, a reurbanización da fábrica de Bouzas semella
inevitable porque, a pesares das axudas que a empresa
recibiu do Estado para manter as súas obrigacións sociais,
tan só unha operación deste tipo poderá pagar os atrasos
que se lle deben aos traballadores e proveedores.