Maiatza 2017UDAL BANDA TXISTU BANDA AGENDASOL GILTZANMUSIKA ESKOLA

BerriakPORTADA

Musika herrikoia hiriko bazter guztietan2004ko urtarrilean sortu zenetik Garikoitz Mendizabal, Idoia Kareaga, Gorka Zabaleta, Sabin Bikandi eta Asier Garcíak osatzen duten egungo... Gehiago irakurri >

Gaur norekin...

José Miguel Rochina Rodrigo:

Bilboko Udal Bandako tuba

Rochina, Udal Bandakoek tuba bakarlariari esaten dioten bezala, bere musika ikasketak bederatzi urterekin hasi zituen bere

sorleku Bugarrako Centro Instructivo Unión Musicalen Camilo Gómez maisuarekin, Carmelo Albeldarekin Erdi Graduko amaierako Ohorezko Saria jasoz ... Gehiago irakurri >

MUSIKA ESKOLA

SOL GILTZAN UDAL BANDA

Abian da musikaren festaGehiago irakurri >

TXISTU BANDA

AGENDAUDAL MUSIKA ESKOLAApirila: 3, 4, 5, 6, 27, 28, 29Maiatza: 2, 10 11, 13, 16, 17, 18, 20, 21, 22, 23, 24, 25, 26, 29, 31Ekaina: 1, 5 6, 7, 8, 9, 12, 13, 15, 16, 19, 20 ,21, 22 UDAL MUSIKA BANDAApirila: 7, 27Maiatza: 19, 26Ekaina: 2, 9, 16

UDAL TXISTULARIEN BANDAMaiatza: 6, 11, 20, 27Ekaina: 2, 3, 4, 9, 24, 25

Informazio gehiagoratu >

Kontzertuz beteriko hiruhilekoaBerriz ere, gure eskolako ikasleek apirilan, maiatzan eta ekainan zehar antolatutako emanaldi desberdinetan bere aurrerapenak erakusteko … Gehiago irakurri >

Onartuen zerrenda, maiatzaren 8tik aurreraMusikako munduan murgildu nahi diren eta jada eskaera ofiziala aurkeztu duten pertsonek apirilaren 24a baino lehenago.… Gehiago irakurri >

Prestakuntza espezializatua bere horretan dirauMusika Eskolak formakuntza tailerrak eskaintzen jarraituko du maiatzean… Gehiago irakurri >

Bi kontzertu ikasturtea agurtzekoBeste urte batez, Bilboko Udaleko Musika Eskolak aurtengo urte akade-mikoa agurtuko du ekainaren 5 eta 6an Campos ... Gehiago irakurri >

Ezinbestekoa… Josu Aginaga Urbieta Bilboko Udal Musika Eskolako gitarra irakaslea Gehiago irakurri >

Musika bandak eszenatokiz aldatzen duBandak agenda betea eta anitza izango du hilabete hauetan, gure musikariak hainbat agertokitara eramanez. Apirilean, gure musikari profesionalak, Bilboko Kontserbatorioko ikasle ... Gehiago irakurri >

ERREPORTAIA

ZK 32 Maiatza 2017

Maiatza 2017ERREPORTAIA

UDAL BANDAERREPORTAIA TXISTU BANDA AGENDAMUSIKA ESKOLAPORTADA

BerriakSOL GILTZAN

ZK 32 Maiatza 2017

Maiatzaren 20an kalera aterako gara Musikaldia ospatzera. Musikaldia Euskal Herriko Musika Eskolen Elkarteak bi urtez behin antolatzen duen jaia da, elkarteak osatzen duten ikasle zein irakasleen arteko topaketa, hain zuzen ere. Ekitaldi honek Araba, Bizkaia eta Gipuzkoako 46 eskoletako 3.800 ikasle Alde Zaharraren eta Areatzaren inguruan bilduko ditu, musika eskoletan egiten duten lana gizarteari erakusteko helburuarekin.

Jarduna 10:00etan hasiko da Gas Plazan antolatu den inaugurazio ekitaldiarekin. Bertan Imanol Urbieta, pedagogo eta haurrentzako abesti ugariren egile zarauztarra, EHME 2017ko ohorezko bazkide izendatuko dute. 10.30etan Musikaldia 2017ko “Abian da Festa” abestia estreinatuko da, BilbaoMusikako musika eskolako oboe-jolea eta zuzendaritza taldearen kide den Mikel Albisturrek konposatutakoa, hain zuzen ere. Jarraian, 10:45ak aldera, kalejira desberdinak irtengo dira Musikaldian goiz osoan zehar egongo diren eszenatoki desberdinetara.

La Concordia geltokiaren aurrean goiz osoan zehar Jam Sessionak egiteko eszenatoki bat jarriko da. Bidebarrieta Liburutegian ahots topaketa bat izango da eta Prim kalean, “La Burrería” eraikinaren ondoan, Bilboko eskolen lehenengo eta bigarren hezkuntzako ikasleen erakustaldia antolatu da. Abesbatzek Euskal Museoan eta Santos Juanes elizan jardungo dute, pianoaren soinua, aldiz, Donejakueko Katedralaren estalpean eta San Nikolas plazatxoan entzungo da eta egungo soinuak, berriz, Bilborock eta bestelako eszenatokietan.

Jaia, Plaza Barrian 17:00etan hasiko den erromeria batekin amaituko da. Bertan, parte hartzaileek honako errepertorioa dantzatzeko aukera izango dute, besteak beste: ingurutxo, jauzi, bralea, Axuri beltza, gabota, zortziko, mutildantza, pasodoblea, mazurka, txotisa, polka, balsa, biribilketa, foxa, habanera, jota, porrue eta larrain dantza. Herri eta hirietako plazetan dantzak dibertitzeko eta elkar ezagutzeko aukera ezin hobe zireneko antzinako giroa berriro bizitzeko aukera paregabea izango da.

Egunean zehar, 5.000 pertsona inguru bilduko dira Bilbon. Musikaldia hogeina eszenatokietan egingo da, kalean (Plaza Barria, Gas Plaza, La Concordia geltokia, Erriberako Merkatua, Prim eta Iturribide kaleen elkargunea, Unamuno plaza, Arriaga plaza, San Nikolas plaza txikia eta Arriaga Antzokiaren alboa), zein gune itxietan (Bidebarrieta liburutegia, Bilborock, Euskal Museoa, Joan Santuen eliza, Katedraleko arkupeak eta Sarrikoko Kontserbatorioa). Musikaldiak 440 pertsona aldera bilduko ditu kalejiretan, 270 pop, jazz eta rock taldeetan, 850 abesbatza taldeetan, 500 baino gehiago musika talde tradizionaletan, 1.050 formato handiko talde eta orkestretan, 250 kamera taldeetan, 150 pianista baino gehiago, 275 dantza klasiko, moderno eta tradizionaleko taldeetan eta 50 abeslari.

Edizio honetan espazioek historian zehar era guztietako musikarekin erlazionatutako emakumeen izenak daramatzate, Santa Ceciliatik hasita, Alma Mª Schindler, Clara Wieck, Katia eta Marielle Labèque, Ella Fitzgerald, María Callas, Violeta Parra, Janis Joplin, Patti Smith edota Alicia de Larrocharekin jarraituz, Inma Shara, Ainhoa Arteta, Alicia Alonso eta María Joao Piresera iritsi arte.

Abian da musikaren festa

Musikaldia

Kontzertuz beteriko hiruhilekoa

Maiatza 2017MUSIKA ESKOLA

UDAL BANDA TXISTU BANDA AGENDAMUSIKA ESKOLAPORTADA

BerriakSOL GILTZAN

ZK 32 Maiatza 2017

Berriz ere, gure eskolako ikasleek apirilan, maiatzan eta ekainan zehar antolatutako emanaldi desberdinetan bere aurrerapenak erakusteko aukera izango dute. Apirila konboko ikasleen kontzertu batekin hasi zen 3an Bilborocken. Egun berean, gure sinfoniko saila Galeran aritu izan da, non kantu ikasleak egundoko ikuskizun baten protagonista izan ziren 4an, asteartea. Halaber, 5ean Galera sinfoniko sailak emandako kontzertuaren egoitza izan zen berriro. Eta 6an, osteguna, eszenatoki aldaketa, protagonistak berdinak izan arren. Oraingoan, sinfonikoen ikasleriak Felix Serrano ikastetxean sekulako kontzertua eskaini zuen. Apirileko agenda Instrumentu Moderno Sailak antolatutako Jam Sessionarekin itxi zen apirilaren 27an Hika Ateneon, non maiatzaren 25ean eta ekainaren 22an bat-bateko musika saio gehiago izango diren gure ikasleen eskutik. Bat-bateko musika topaketa informalak dira, non gure ikasleek, bere gozamenerako, musika ez idatzi ezta entsaiatua joko duten. Eszenatoki ezin hobea blues, rock, rap jatorri folkloreko musika, eta batez ere, jazzaz gozatzeko.

Maiatzan, kontzertuen maiztasuna handitzen da, batez ere Galeran. Besteak beste, gitarra elektriko (maiatzaren 2 eta 18), gitarra (maiatzaren 10), Txistu (maiatzaren 11) eta baxuko (maiatzaren 17) ikasleriaren kontzertuak izango dira. Halaber, 13an, larunbata, gure ikasleek “Pianoaz Blai”, Bilboko Juan Crisostomo de Arriaga Kontserbatorioan ospatuko den Bizkaiko piano jole gazteen topaketaren seigarren edizioan parte hartuko dute. Bere aldetik, 16an gure helduen abesbatza, “Ahotsa” izenekoa, protagonista izango da, Portugaleteko Salazar Abesbatzarekin batera, hiribildu noblean. Eta jarraian urteko Musikaldia, 66 eskola musika

kideetako ikasleria eta irakaslegoaren topaketa gizarteari musika, dantza eta euskal kulturaren alde egiten duten lana erakusteko. Aurten, Bilbo izango da ekimen honen egoitza datorren maiatzaren 20an. Araba, Bizkaia eta Gipuzkoako 45 eskoletako 3.550 ikasle Areatza eta Alde Zaharreko gune eta barruti desberdinetan banatuko dira eguna musika eta kolorez jantziz. Dudarik gabe, gure ikastetxeetan egunero burutzen den lana kalera ateratzeko aukera aproposa. Behin festa nagusia amaitzean, Galera, protagonista bihurtuko da berriz ere bertan ospatuko baitira maila aldaketa kontzertu desberdinak. 22 (III maila), 23 eta 29an (IV maila) izango dira. Bere aldetik ikasleria 24an Portugaletera itzuliko da B.A.E.ko Udaberriko Kontzertuetan parte hartzera Santa Clarako kultur zentroan, 26an Galeran jarraituko dutelarik. Eta hilea bukatzeko, 31n, emanaldi bikoitza: Konboko ikasleak Bilborocken elkartuko dira eta akordeoikoak, Galeran.

Eta ikasturte amaiera ospatzeko, ekaina emanaldiz josita dator. Hasteko, 1ean Freaky Concert (teklatuak) Galeran eta B.A.E.ko Udaberriko Kontzertuak Erandioko merkatu zaharrean. Zikloak 5ean jarraituko du musika taldeen kontzertuarekin Campos Eliseos Arteria Antzokian. Egun bat beranduago, ekainaren 6an, emanaldi bikoitza: Galeran abesbatzen kontzertua izango da, non Portugaleteko Salazar Abesbatzak parte hartuko duen; eta Campos Eliseos Arteria Antzokian, musika taldeen kontzertua II. Ikuskizunek hurrengo egunetan jarraituko dute. 7an, Galeran 4. maila aldaketa kontzertua, 8an, osteguna, dantza eta musika tradizio sailaren kontzertua Bilbo Zahar Euskaltegiarekin Arriaga Plazan (Dantzaldia). Galera hurrengo kontzertuen egoitza izango da berriz ere. 9an pianoko ikasleek joko dute; eta 12an, bateria eta perkusiokoek. Halaber, 13, 15, eta 16an, maila aldaketa kontzertuak (III eta IV) ospatuko dira. Eta ikasturtea agurtzeko saxofoi eta pianoko ikasleriak Galeran 19an ganbera kontzertu bat eskainiko dute, 20a sinfoniko sailaren txanda izango da, 21a piano eta gitarrako ikasleena, eta amaitzeko, 22an sinfoniko saileko ikasleriaren kontzertu hirukoitza.

Maiatza 2017MUSIKA ESKOLA

UDAL BANDA TXISTU BANDA AGENDAMUSIKA ESKOLA

BerriakPORTADA SOL GILTZAN

ZK 32 Maiatza 2017

Onartuen zerrenda, maiatzaren 8tik aurrera

Musikako munduan murgildu nahi diren eta jada eskaera ofiziala aurkeztu duten pertsonek apirilaren 24a baino lehenago, onartuen zerrenda kontsultatu ahal izango dute maiatzaren 8tik aurrera. Zerrenda, eskolako iragarkien oholean eta web gunean argitaratuko da: www.bilbaomusika.eus

Honela, plaza lortu duten ikasle berriek maiatzaren 8tik 22ra arte izango dute matrikula egiteko eta ekainaren 15ean ordutegiak publikatuko dira. Ordutegi aldaketa eskatu nahi duten ikasleek, ekainaren 15 eta 23 artean egin beharko dute.

Prest erritmoz inguratuta ikasi eta gozatzeko? Duda barik esperientzia ahaztezina izango da, musikaren munduan murgiltzeko, eta eguneroko jarduna erritmoz betetzeko aukera aparta.

Honela, plaza lortu duten ikasle berriek maiatzaren 8tik 22ra arte izango dute matrikula egiteko

Maiatza 2017MUSIKA ESKOLA

UDAL BANDA TXISTU BANDA AGENDAMUSIKA ESKOLAPORTADA

BerriakSOL GILTZAN

ZK 32 Maiatza 2017

Musika Eskolak formakuntza tailerrak eskaintzen jarraituko du maiatzean eta ekainean zehar, interesatuta dauden pertsona guztiei materia espezializatuetako prestakuntza osatzeko aukera eskainiz.

Maiatzaren 5 eta 6an haizezko instrumentuen ikasleek Haizezko instrumentuei aplikatutako gorputz-teknikak Jordi Albertek zuzendutako ikastaroaren bitartez motrizitate eraginkor eta osasuntsua garatzeko baliabideak ikasiko dituzte. Maiatza bukatzeko, apirilaren 27an, larunbata, 10:00etatik 14:00etara, txalapartari eta txalaparta ikasleentzako Txalaparta digitala tailerra antolatuko da. Azken berrogei urtetan txalapartak garapen garrantzitsua izan du, jotzeko era desberdinak eta material berriak uztartuta. Eboluzio hori ezinbestekoa izan da txalaparta musika estilo desberdinetan txertatu ahal izateko. Bada, Ttotelka txalapartariek beste pauso bat proposatuko dute: pultsu

elektrikoarekin jokatzea, oholetan sentsore elektronikoak jarriz eta uhinak sintetizadoreen bidez moldatuz. Tailer honetan, prozesu osoa ulertu eta praktikatzeko aukera eskainiko da.

Eta ekainean, 2an, 3an eta 4an, Mónica Linaresek biola eta biolin ikasleei, adin mugarik gabe, Biola eta biolina mindfulness tailerrean behaketa, meditazioa eta arreta-osoa teknikak irakatsiko dizkie. Horien bitartez, automatizatutako pentsamendu, emozio eta aurreiritzietatik askatzen saiatuko da helburu argi batekin: argitasun eta kontzentrazio handiagoa izateko (musika egiteari dagokionean) aurreiritzirik gabeko jokaerak izaten ikasi. Azkenik, Pedro Estevanen txanda izango da. Ekainaren 2 eta 3an, Perkusio historikoa izeneko ikastaroa eskainiko die herri musika egiten duten perkusio-jole eta musika historikoarekiko interesa daukaten perkusio ikasle eta irakasleei. Pedro Estevan, gaur egun, ESMUCeko irakaslea da, eta perkusio historikoaren atalean eta Europa osoan dabil konferentziak eta ikastaroak eskaintzen. Erreferentzia ezinbestekoa da perkusioaren munduan, besteren artean Gulbenkian Orkresta, Camerata Iberia, Limogeseko Ensemble Barroque, Espainiako kamara Orkestra nazionala eta Glotis taldearekin kolaboratu du.

Matrikula irekita egongo da ikastaro guztien plazak bete arte. Izena eman beharko da, bai BilbaoMusika bertan, posta elektronikoaren bidez (amaiabilbao@bilbaomusika.eus) eta/edo www.bilbaomusika.eus web orrialdearen bitartez.

Prestakuntza espezializatua bere horretan dirau

Maiatza 2017MUSIKA ESKOLA

UDAL BANDA TXISTU BANDA AGENDAMUSIKA ESKOLAPORTADA

BerriakSOL GILTZAN

ZK 32 Maiatza 2017

Beste urte batez, Bilboko Udaleko Musika Eskolak aurtengo urte akademikoa agurtuko du ekainaren 5 eta 6an Campos Elíseos Arteria Antzokian eskainiko dituzten kontzertu biren bidez. Arratsaldeko 19.00etatik aurrera eskolako ikasleek, irakasleekin batera, senideen eta publikoaren aurrean bere talentua erakusteko aukera emango dieten estilo ezberdinetako konposizioekin gozaraziko digute, une oro musikarekiko duten maitasun eta errespetua transmitituz.

Sail guztietako irakasle eta ikasleak Bilboko Campos Elíseos Arteria Antzokiko eszenatokira igoko dira, estilo guztiak barne hartzen dituen musika saio bikoitz honetan. Gitarra, txistua, saxoa, klarinetea, bibolina, tronpa edota akordeoia bezalako instrumentuek, taldean joko dute bateria, tronpeta, flauta, biola, txeloa, perkusioa, pianoa edota ahotsa bezalako instrumentuekin lagunduta. Gazte eta Haur Abesbatza, Orkestra Txiki, fanfarria edo eskolako Banda entzuteko aukera ere izango da. Sarrera librea izango da baina gonbidapena behar izango da. Gonbidapenak (2 pertsonako) eskuragarri egongo dira Campos Elíseos Arteria Antzokiko txarteldegian.

Bi kontzertu ikasturtea agurtzeko

Sail guztietako irakasle eta ikasleak Bilboko Campos Elíseos Arteria Antzokiko eszenatokira igoko dira

Maiatza 2017MUSIKA ESKOLA

UDAL BANDA TXISTU BANDA AGENDAMUSIKA ESKOLAPORTADA

BerriakSOL GILTZAN

EZINBESTEKOA… Josu Aginaga Urbieta Bilboko Udal Musika Eskolako gitarra irakaslea

ZK 32 Maiatza 2017

Mutikoa nintzenean Bob Dylanen abestirik adierazgarrienak ezagutzen nituen, suposatzen dut rocka gustatzen zaion jende askok bezala. Baina urteetan zehar hura adoratzen zuten jendearekin agertoki, furgoneta eta hizketaldiak partekatzeak bere letrak eta musika ikastera sakon sartzea pentsarazi zidan. Hortaz egun baten liburu-denda batera joan nintzen eta bere letra eta itzulpen guztiak zituen liburu bat eta bere disko-sorta on bat erosi nituen, lehenengotik hasita, “Bob Dylan”, “Slow train is coming” izenekoraino (Mark Knopfler gazte batekin). Funtsean, 60 eta 70. hamarkadetan argitaratu zituenak.

Bere musika, literatura, influentzietan eta baita haren biografia eta misterioan murgildu nintzen. Momentu hartatik niretzat Bob Dylan ezinbesteko bilakatu zen, batez ere XX. mendeko bigarren erdialdetik egundainoko herri-musika ezagutu nahi badugu. Bere disko bat jarri eta haren letrak irakurtzen joatea esperientzia ezin hobea iruditzen zait eta guztiz gomendagarria.

Nire ikuspegitik Dylanek folk, pop edo rock musikaren letrak aurretik lortu ez zuten literatura mailan jarri zituen, nahiz eta benetan lehenengo bluesmanen testu apartak izan, baina agian ez ziren bere neurrian balioetsi.

Dylan garrantzitsua da, jendeak abestietan esaten ziren gauzak benetan hartzen hastea lortu zuelako. Beatlesekoek gogoan hartu zuten. Letrek, hamabost urtekoen amodioez hitz egiteko ez ezik; orain, baita borrokatu, jendea mugitu, gure mundua eta gure bizimodua deskribatzeko ere balio zuten. Honek hirurogeietan ondorio handiak izan zituen Dylanen asmoa ez izan arren, izan ere berekiko idazten zuela baieztatu baitzuen. Baina aldaketen garai hartan, hirurogeietako gazteek goratu egin zuten. Kultur iraultzaren, eskubide zibilen aldarrikapenen heroi izan zen, berak nahi ez izan arren. Horrela izan da beti, beti haizearen kontra. Folk puristak haserretu zituen elektrifikatu zenean, kritikoak harritu zituen, kristautasuna besarkatu zuen eta beti izan zen zaputza. Pertsonaia konplexua eta kontraesankorra, baina aldi berean zoragarria.

Sinplifikatuz, bere testuei dagokienez, Dylan oso kriptiko / ilun, ulergaitz ba dago, interpretazio askori lotutako baina edertasun poetikoz beteriko testuekin. “Changing of the guards”, “A hard rain’s a gonna fall”-eko Dylan. Baina irisgarriagoa den eta bereziki gustatzen zidan beste bat dago. “Girl of north country”, “Master of war”, “Don’t think twice it’s alright” edo “Hurricane”-ekoa.

Azken finean, bere talentu, misterio, nortasun eta askoz ere gehiagogatik Dylan niretzat ezinbesteko bilakatu da. Espero dut laster zuentzat ere hala izatea eta harengan sakontzera animatzen zaituztet.

Maiatza 2017SOL GILTZAN

UDAL BANDA TXISTU BANDA AGENDASOL GILTZANMUSIKA ESKOLAPORTADA

BerriakZK 32 Maiatza 2017

Rochina, Udal Bandakoek tuba bakarlariari esaten dioten bezala, bere musika ikasketak bederatzi urterekin hasi zituen bere sorleku Bugarrako Centro Instructivo Unión Musicalen Camilo Gómez maisuarekin, Carmelo Albeldarekin Erdi Graduko amaierako Ohorezko Saria jasoz Turiako Ribarrojako Kontserbatorioan gradua lortu zuen eta D. Jose Manuel Miñanarekin bukatu zituen Valentziako Joaquin Rodrigo Goi Mailako Musika Kontserbatorioan, non epaiaren ahobatezkotasunez ikasketen amaierako Sari Berezia lortu zuen. EUTERPE Saria eman zioten Goi Mailako Graduan kalifikazio onenak atera ondoren. “Tubarentzako gorputza zeukalako” instrumentua eman ziotela gogoratzen du. Hala eta guztiz ere, kalean jotzen zuenean, aitak laguntzen zuen jotzen ez zuenean tuba eusteko. Hori izan zen bere aitaren harremanik sakonena musikarekin, Rochina baita bere familiako musikari bakarra.

Besteak beste, Luis Gimeno, Lorenzo Rodrigo, Miguel Navarro, Mel Culbertson, Roger Bobo, Jens Bjorg Larsen, Sergio Finca eta David Llácerekin hobetze ikastaroak egin ditu, eta guztiengandik ikasi du bai profesional mailan baita pertsonal mailan ere.

Beste taldeekin elkarlanean aritzea oso garrantzitsua dela deritzo aberaste eta esperientziagatik pertsonalki eta talde mailan ere. Banda urte hauetatik bereziki gogoratzen du aurkeztu zen lan-poltsan lehenengo tokia lortu zuen eguna eta berarekin Euskalduna Jauregiko Auditorioan, tubarako “El Mundo de los Sueños” lana eta Eduardo Noguerolesen Euphonium lana estreinatu zituenean. Baina poz handiena ematen diona ibiltzeke daukan bidea eta Udal Bandaren proiektu berriak dira.

José Miguel Rochina Rodrigo: Bilboko Udal Bandako tuba

Beste taldeekin elkarlanean aritzea oso garrantzitsua dela deritzo aberaste eta esperientziagatik pertsonalki eta talde mailan ere.

Maiatza 2017UDAL BANDA

UDAL BANDA TXISTU BANDA AGENDAMUSIKA ESKOLAPORTADA

BerriakSOL GILTZAN

ZK 32 Maiatza 2017

Apirilean, gure musikari profesionalak, Bilboko Kontserbatorioko ikasle azpimarragarriekin batera aritu ziren Sarrikoko Juan Crisóstomo de Arriagako Kontserbatorioan eskaini dituzten bi kontzertu berezietan. Kontzertuak, Bandak zenbait ikastetxerekin, eta Kontserbatorioarekin, aurrera daraman lankidetzaren emaitza dira. BMB Ensembles zikloko (Musika historikoa Bandarentzat) lehenengo kontzertuan Pascual-Vilaplana zuzendari titularraren esanetara, Bandak, “Bi menderen arteko bidaia I” kontzertua eskaini du, bakarlari gonbidatu gisa aritu den Victor de Diego saxofoi-jolearekin eta kontserbatorioko haize-instrumentuen ikasleekin batera. Kontzertuan Manuel Palauren “Marcha burlesca”, Ronald Bingeren “Concerto for alto saxophone”, Richard Wagneren “Trauermusik WWV 73” (J. Boyden moldaketekin), Anton Dvořáken “Slavische tänze Op.46” eta Gordon Jacoben “An original suite” obra ezagunak interpretatu dira. Halaber, bandak, apirilaren 27an, osteguna, bigarren kontzertu bat eskaini du “Bi menderen arteko bidaia II” titulupean Sarrikoko Kontserbatorio berean, zikloari amaiera emanez. Berriz ere Jose R. Pascual-Vilaplanaren zuzendaritzapean musikariek honako obrak interpretatu dituzte: Felix Mendelssohnen “Overture Für Harmoniemusik” (J. Boyden moldaketekin), Darius Milhauden “Suite Française” eta Carlos Pelliceren “Menu”. Azken obraren honen estreinaldi mundiala kontzertu honetan izan zen.

Beste alde batetik, Bilboko Areatzako pasealeku enblematikoa musikaz beteko da Bilboko Udal Bandaren udaberriko kontzertuekin, maiatzean eta ekainean. José R. Pascual Vilaplana zuzendari titularra eta Iñaki Urkizu zuzendariordea txandakatuko dira aire zabaleko musika saio horien zuzendaritzan. Ostiraletan eskainiko dira, maiatzaren 19 eta 26an eta ekainaren 3, 9 eta 16an 19:00etan Areatzako Kioskoan, ehun urte baino gehiago dituen gure taldeak 1895eko ekainaren 9an bere lehenengo kontzertua eman zuen leku berean, hain zuzen ere. Ostiralean, maiatzak 19, hasiko da udaberriko zikloa, “Bidaia eszenatik” izeneko musika saioarekin eta maiatzaren 26an jarraituko du “Bidaia martxen artean” kontzertuarekin. Bilboko Udal Musika Bandako 45 musikarik baino gehiagok ekainean zehar jarraituko dute konposatzaile garaikideek eta gaur egungoek idatzitako lanez osaturiko programa berezia eskaintzen. Ekaineko kontzertuak 2an hasiko dira, “Bidaia gure konpositoreekin” emanaldiarekin, 9an jarraituko dira “Bidaia pertsona ospetsuekin” jardunarekin eta “Bidaia zazpigarren artera” kontzertuarekin bukatuko dira ekainaren 16an.

Musika bandak eszenatokiz aldatzen du

Bilboko Areatzako pasealeku enblematikoa musikaz beteko da Bilboko Udal Bandaren udaberriko kontzertuekin, maiatzean eta ekainean

Maiatza 2017TXISTU BANDA

UDAL BANDA TXISTU BANDA AGENDAMUSIKA ESKOLAPORTADA

BerriakSOL GILTZAN

ZK 32 Maiatza 2017

2004ko urtarrilean sortu zenetik Garikoitz Mendizabal, Idoia Kareaga, Gorka Zabaleta, Sabin Bikandi eta Asier Garcíak osatzen duten egungo Txistulari Bandak zeozer erakutsi badu, emanaldietan publikoa aho bete hortz uzteko eta entretenitzeko ahalmena izan da. Ez bakarrik Euskalduna Jauregiko Auditorioan, baita bestelako agertokietan ere, besteak beste: ostiraletan Alde Zaharreko kaleetatik eskaintzen dituen kalejiretara, BilbaoMusikako egoitzan ematen dituen kontzertu didaktikoak edo Bilboko Udaleko protokolo ekintzetan eta agintariei harrera emateko ekitaldietan ere. 13 urte daramatzate jada sustraiko musika hoberena, txisturako atzoko eta gaurko lan onenak zabalduz.

Aurreko martxoaren 21ean Xabier Otaolea konposatzaileak diseinatutako “Txistuak jotzen duenean…” ikuskizunarekin itxi zen Euskalduna Jauregiko kontzertu denboraldia. Baina ez da azkeneko jarduna izan, hiruhileko honetan gure txistulariek Bilboko hainbat auzotako kaleak animatuko baitituzte, errepertorio herrikoiarekin.

Maiatzaren 6an, Euskal Jaia dela eta, gure protagonistak San Frantzisko auzoan aritu ziren. Biztanleek eta bertan dabiltzanek gure txistularien zuzeneko musikaz gozatzeko aukera izan zuten, eta hala nahi dutenek, hain gureak diren kantuak dantzatu ahal izango dituzte. Maiatzaren 11n gure bandak kontzertu aparta eskainiko du Arangoitiko Arene plazan eta larunbatean, hilak 20, Buian. Hilabetea bukatzeko, maiatzaren 27an eta Kultura Kalez Kale programari esker, gure txistularien musika San Adrian auzora helduko da.

Ekaina oso modu berezian hasiko da, Bilboko auzoen kale eta plazak musikaz eta umorez betetzea helburu duen MusikAuzo programarekin, hain zuzen ere. Ekimen honen bidez, handi zein txikiek gure txistulariek eskaintzen duten musikarekin disfrutatzeko aukera paregabea izango dute. Ekainaren 2 eta 3an Doña Casilda parkean izango dira, 9an Indautxu plazan eta 25ean Abusu-La Peñan. Hau guztia gutxi izango balitz bezala, ekainaren 4an txistulariek San Martín de Agirre plazan (Bergara) jardungo dute Kantaldia ospatzeko xedez, eta egun batzuk beranduago, ekainaren 24an, aldiz, Alde zaharreko kaleak animatuko dituzte kalejira jendetsuz, musika, dantzak eta dibertsioz betez, ikasle, irakasle eta txistuzaleen laguntzarekin. Emanaldiak, 25ean, igandea, La Peñako jaietan eskainiko duten kontzertu bereziarekin bukatuko dira.

Eguraldiaren eta auzo bakoitzaren ezaugarrien arabera, gure txistulariak kalez kale ibiliko dira edo plazaren batean emanaldia eskainiko dute. Edozelan ere, mila urte baino gehiago izan arren modaz pasatzen ez den musika tresna horren, txistuaren, soinuak, auzo horien eta bertako biztanleen goizak eta/edo arratsaldeak animatuko ditu.

Kontzertu zikloez eta ikuskizun programa ugariez gain, Txistulari Banda, bere musika eskatzen duten auzo guztien esku dago. Hala nahi duenak, gure txistulariekin harremanetan jar daiteke, Sorkunde kaleko 8an dagoen BilbaoMusikaren egoitzan, 94 416 47 85 telefono zenbakian edo amaiabilbao@bilbaomusika.eus helbide elektronikoan.

Musika herrikoia hiriko bazter guztietan

UDAL BANDA TXISTU BANDA AGENDA

Maiatza 2017MUSIKA ESKOLA

ZK 32 Maiatza 2017

PORTADA

BerriakSOL GILTZAN

UDAL MUSIKA ESKOLA

Apirila:03 Sinfoniko sailaren audizioa // La Galera. 19:45etan03 Moderno sailaren audizioa // Bilborock. 19:00etan04 Kantu ikasleen audizioa // La Galera. 19:00tan05 Sinfoniko sailaren audizioa // La Galera. 19:45etan06 Sinfoniko sailaren audizioa // Félix Serrano.

19:00etan27 Jam Session // Hika Ateneo. 19:30etan 28 Duphonik Bikotearen Kontzertua (Maite Olmos,

pianoa eta Juanjo Munera, bombardinoa) // Barrainkua udaltegia. 19:30etan

29 Erromeria // Zeanuri. 18:00etan

Maiatza:02 Moderno sailaren audizioa. Gitarra

Elektrikoa // La Galera. 18:30etan10 Gitarra ikasleen audizioa // La Galera. 19:30etan11 Txistu ikasleen audizioa // La Galera. 18:30etan13 Pianoaz Blai // Bilboko Kontserbatorioa16 Abesbatzen kontzertua. Portugaleteko Salazar

Abesbatza eta BilbaoMusikako “Ahotsak” abes-batza // Portugalete. 20:00etan

17 Moderno sailaren Audizioa. Baxua // La Galera. 19:30etan

18 Moderno sailaren Audizioa. Gitarra elektrikoa // La Galera. 18:30etan

20 Musikaldia // Bilbo. 10:30etan21 BilbaoMusikako fanfarrearen Erromeria // Buia.

12:15etan22 3. Maila aldaketa audizioa // La Galera. 19:30etan23 4. Maila aldaketa audizioa // La Galera. 18:30etan24 Udaberriko Kontzertuak. B. A. E. // Portugalete,

Santa Clara Kultur Etxea. 20:00etan25 Jam Session // Hika Ateneo. 19:30etan26 Udaberriko kontzertuak. B. A. E. // La Galera.

20:00etan29 4. Maila aldaketa audizioa // La Galera. 19:30etan31 Moderno sailaren audizioa. Konboak // Bilborock.

19:00etan31 Soinu ikasleen audizioa // La Galera. 19:30etan

Ekaina:

01 Moderno sailaren audizioa. Freaky Concert (Teklatuak) // La Galera. 19:00etan

01 Udaberriko Kontzertuak. B. A. E. // Erandio, merka-tu zaharra. 20:00etan

05 Ikasturte amaierako musika taldeen kontzertua I // Campos Eliseos Arteria Antzokia. 19:00etan

06 Abesbatzen audizioa. Portugaleteko Salazar Abesbatza // La Galera. 18:30etan

06 Ikasturte amaierako musika taldeen kontzertua II // Campos Eliseos Arteria Antzokia. 19:00etan

07 4. Maila aldaketa audizioa // La Galera. 19:30etan08 Dantza eta musika tradizio sailaren kontzertua /

Audizioa. Dantzaldia - Bilbo Zahar Euskaltegiarekin // Arriaga enparantza. 19:00etan

09 Piano ikasleen audizioa // La Galera. 17:00etan12 Bateria eta perkusio ikasleen audizioa // La

Galera. 19:30etan13 3. Maila aldaketa audizioa // La Galera. 18:30etan15 4. Maila aldaketa audizioa // La Galera. 18:30etan16 3. Maila aldaketa audizioa // La Galera. 18:30etan19 Ganbera audizioa. Saxofoia eta pianoa // La

Galera. 18:30etan20 Sinfoniko sailaren audizioa // La Galera. 17:00etan20 Sinfoniko sailaren audizioa // La Galera. 18:30etan21 Piano ikasleen audizioa I // La Galera. 18:00etan21 Gitarra ikasleen audizioa // Deusto I.P. 18:30etan21 Piano ikasleen audizioa II // La Galera. 19:30etan22 Sinfoniko sailaren audizioa // La Galera. 17:00etan22 Sinfoniko sailaren audizioa // La Galera. 18:30etan22 Jam Session // Hika Ateneo. 19:30etan22 Sinfoniko sailaren audizioa // La Galera. 20:00etan

UDAL MUSIKA BANDAApirila:07 Bilboko Udal Musika Bandaren kontzertua.

Bandarekin bidaiatuz. “Bi menderen arteko bidaia I” // Zuzendaritza: José Rafael Pas-cual-Vilaplana // Sarrikoko Kontserbatorioa. 19:00etan // Dohainik.

27 Bilboko Udal Musika Bandaren kontzertua. Bandarekin bidaiatuz. “Bi menderen arteko bidaia II” // Zuzendaritza: José Rafael Pas-cual-Vilaplana // Sarrikoko Kontserbatorioa. 19:00etan // Dohainik.

Maiatza:19 Bilboko Udal Musika Bandaren kontzertua.

“Bidaia eszenatik” // Zuzendaritza: Iñaki Urkizu // Areatzako Kioskoa. 19:00etan // Dohainik.

AGENDA26 Bilboko Udal Musika Bandaren kont-

zertua. “Bidaia martxen artean” // Zuzendaritza: José Rafael Pascual-Vilaplana // Areatzako Kioskoa. 19:00etan // Dohainik.

Ekaina:2 Bilboko Udal Musika Bandaren kont-

zertua. “Bidaia konpositoreekin” // Zuzen-daritza: Iñaki Urkizu // Areatzako Kioskoa. 19:00etan // Dohainik.

9 Bilboko Udal Musika Bandaren kontzer-tua. “Bidaia pertsona ospetsuekin” // Zuzendaritza: José Rafael Pascual-Vilaplana // Areatzako Kioskoa. 19:00etan // Dohainik.

16 Bilboko Udal Musika Bandaren kont-zertua. “Bidaia zazpigarren artera” // Zuzendaritza: José Rafael Pascual-Vilaplana // Areatzako Kioskoa. 19:00etan // Dohainik.

UDAL TXISTULARIEN BANDAMaiatza:06 Euskal Jaia // San Francisco. 13:00etan //

Dohainik

11 Bilboko Udal Txistulari Bandaren Kontzertua // Arangoiti enparantza. 19:00etan // Dohainik

20 Bilboko Udal Txistulari Bandaren Kontzertua // Buia. 12:00etan // Dohainik

Ekaina:

02 MusikAuzo. BilbaoMusika Fanfarre // Doña Casilda Parkea. 19:30etan // Dohainik

03 MusikAuzo. Bilboko Udal Txistu Bandaren Kalejira // Doña Casilda Parkea. 12:00etan // Dohainik

04 Kantaldia // San Martín de Agirre enparantza. Bergara // 20:30etan // Dohainik

09 MusikAuzo. Bilboko Udal Txistu Bandaren Kalejira eta Kontzertua // Indautxu enparantza. 19:00etan // Dohainik

24 Kale animazioa jendetsua // Alde zaharra. 11:00etan // Dohainik

25 MusikAuzo. Bilboko Udal Txistu Bandaren Kontzertua // Abusu - La Peña. 12:00etan // Dohainik