Lola dossierra

Ados Teatroa San Cristóbal, 4,6º-B 20012-Donostia. [email protected] 943278109

mailto:[email protected]

ADOS TEATROAKAurkezten du:

Lola ikusten baduzu, esan aberatsa dela.

IDAZLEA ETA ZUZENDARIA: GARBI LOSADA

AKTOREAK:LIERNI FRESNEDOKANDIDO URANGAAINHOA AIERBE

BERTSIOAK Euskara eta Gaztelania

IRAUPENA 90 minutu

ESTREINALDIA Donostiako Antzoki Zaharra 2008ko Urria. Egunak: 23,24,25,26

BIRA Bira egiteko aukera: 2008ko Azaroaren 1etik aurrera.

KONTRATAZIOA GAUPASA Produkzioak



SINOPSIA

Isabelek, gaueko irratsaio batetako esatariak, errealitatean jazotzen diren gertakari eta istorioak ikertu eta bere entzuleei kontatzen dizkie ondoren. Egun batean, desagertu egiten da inolako arrastorik utzi gabe. Inork ez daki non dagoen, ezta ihes egin edota norbaitek eraman duen ere. Bizirik ote dagoen ere ez daki inork.

Norbaitek, bere gauzen artean, egun batzuk lehenagoko egunkarian azaldutako iragarki bitxi baten egunkari-zatia topatuko duen arte: “Lola ikusten baduzu, esan aberatsa dela”.

Isabel, Lolaren arrastoaren atzetik abiatu ote da? Ezagutu egiten al du? Gehiegi dakielako desagertu ote da?



TRHILLERRA

Lola ikusten baduzu… trhiller moduan planteatzen da. Hainbat istorio

desberdin batzen dituen intrigazko istorio baten moduan.

Isabelen etxea, istorio guztiak beregain hartzen dituen unibertso amaigabea da.

Bizitako istorioak, amestutakoak edota irudikatutakoak. Bizirauteko istorioak.

Isabel duela hiru urte ez da bere etxetik artera. Agorafobia dauka. Baina

gaixotasunak, emakume tristea bilakatzetik urrun, bere talentua garatzera

behartu du. Bere bi talentuak: istorioak kontatu eta mundu desberdinak

sortzeko gaitasuna, eta baita, entzuteko gaitasuna ere.

Isabel irratiko esataria da. Bere gaixotasunak okerrera egin zuenetik, bere

etxean ezarritako estudiotik darama irratsaioa. Isabelek gauero bere entzuleek

kontatzen dizkioten istorioak entzun eta, besteen bizitza zatitxoekin, munduak

birsortzen ditu bere mundutik atera ere egin gabe. Bata bestearen bidez sortzen

den istorioz beteriko istorio bat ehunduaz, kutxa barruan dauden beste kutxak

bezala. Orenez kanpoko deien ehun bat. Beldur eta itxaropenezkoa. Bakardade

eta adiskidetasunezkoa.

Baina gau batean Isabel bere etxetik desagertu egiten da inolako arrastorik utzi

gabe. Non dago? Ihes egin du? Nola? Zergatik? Norbaitek eraman egin du?

Bizirik al dago?



DRAMATURGIA

Dramaturgia etengabe elkar nahastuko diren hiru plano narratiboetan mugituko

da. Kokaleku batetik beste batetara jauzi egingo dugu, orainalditik, hurrengo

momentura edota iraganeko momentu batetara.

Narrazioa orden kronologiarik gabe garatuko da. Istorioaren fokua bilatuaz beti

ere. Generoaren berezkoak diren iraungitze puntuek istorioa aurrera bultzatuko

dute, suspensea gori-gorian mantenduaz.

Isabelen desagerpena. Misterio bat.

Ikerketa, poliziaren irudiaren beharrik gabe, lagunen, bizilagunen eta lankideen

testigantzen bidez izango da.

Telefonoaren txirrinak joko du. Anak laguntza eske deituko du. Isabel, irratiko

esatari ezaguna, desagertu egin da. Ordu batzuk baino ez dira etxean ez

dagoela baina Anak badu nahikoa arrazoi urduri egoteko. Isabelek agorafobia

dauka. Ez da bere etxetik ateratzeko gai. Urteak dira ez dela etxeko atalasea

zeharkatzeko gai. Ezta eskailburura ateratzeko kapaz ere. Norbaitek

derrigorrean atera du etxetik. Norbaitek bahitu egin du. Edota zerbait

okerragoa… Une honetatik aurrera, lagunen eta bizilagunen testigantzekin,

ikerketa bati hasiera emango zaio Isabelen desagerpenaren inguruan.

Istorioak gauean. Mundu onirikoa.

Isabelek gauero bere irratsaioan kontatzen dituen istorioak. Berearekin bat

egiten duten benetako edota irudikaturiko istorioak.



Iraganerako bidaia.

Egunkarian argitaratzen den iragarki batek “Lola ikusten baduzu, esan aberatsa

dela”, hankaz gora jarriko du Isabelen bizitza, bere sekretuei aurre egitera

behartuaz.

ESPAZIO ESZENIKOA

Espazio airetikoa eta denbora gabekoa proposatzen da, eszenak ematen diren

konbentzio espazialari lagunduko diona. Tratamendu bera izango dute atrezzo

eta utilleriako elementu bakanek.

Eszenografiako hormak mugikorrak eta zeharrargitsuak izango dira, argiaren

tratamenduaren arabera moldatuko direnak, proiektatuko diren irudi finko eta

mugikorrentzat pantaila bezala ere baliagarri izanaz. Eszenografia aldakorra

izango da berehalako denbora-espazio aldaketak ahalbidetuko dituena,

narrazioaren erritmoa geldiaraziko luketen trantsizioen beharrik izan gabe.

Dramaturgiaren moduan, espazio-eszenikoa ere, hiru planotan mugituko da:

Errealitatetik kanpoko espazioa. Hau argiaren bidez definituko da soilik.

Bertan Isabelen desagerpenaren ikerketa garatuko da, lagunen eta

bizilagunen testigantzen bidez.

Gorpuzdun espazioa. Honek hainbat espazio definituko ditu: Isabelen

irratiko estudioa eta etxea, hotel batetako logela, hilerria…

Irudimenezkoa eta onirikoa den hirugarren planoa. Bertan Isabelek bere

entzuleei kontatzen dizkien istorio guztiak gertatuko dira.

Hiru plano hauek elkarren artean bat egin eta nahastu egingo dira istorioaren

beharren arabera. Pertsonaiak erraztasunez eta berehala pasako dira espazio

batetik bestera, ekintzari, generoak eskatzen duen erritmoa emanaz.



FITXA ARTISTIKO ETA TEKNIKOALola ikusten baduzu, esan aberatsa dela

Idazlea eta zuzendaria GARBI LOSADA

Aktoreak LIERNI FRESNEDOKANDIDO URANGAAINHOA AIERBE

Euskarazko bertsioa DORLETA URRETABIZKAIA

Eszenografia MARKOS TOMÁS

Argiztapena XABIER LOZANO

Audiobisualak ARIA EKOIZPEN AUDIOBISUALAK

Jantziak CRISTINA IBÁÑEZ Tailerra

Atrezzo LA GALLINA CIEGA

Eszenografiaren errealizazioa ESKENITEK

Soinua AZTARNA ESTUDIOA

Zerbitzu teknikoak LIMBO ESCENA S.L

Arduradun teknikoa RICHI ROMANOS

Erregidorea CELES GUTIERREZ

Zuzendari laguntzailea DORLETA URRETABIZKAIA

Ekoizpen zuzendaritza NAGORE PLAZAOLAKOLDO LOSADA

Ekoizpen burua JOSE ANTONIO VITORIA

Marketing SANTIAGO SUEIRAS

Banaketa GAUPASA Produkzioak



Lola dossierra

Documents

Transcript of Lola dossierra