LAUDIOKO LANBIDE HEZIKETA UDAL IKASTETXEA … eusk.pdf · 2020. 8. 29. · Laudioko Lanbide...

Laudioko Lanbide Heziketa Udal Ikastetxea Antolatzeko eta Funtzionatzeko Erregelamendua 1

Lanbide Heziketa Udal

Ikastetxea

Centro Municipal F.P.

Laudio - Llodio

LAUDIOKO LANBIDE HEZIKETA

UDAL IKASTETXEA ANTOLATZEKO

ETA FUNTZIONATZEKO

ERREGELAMENDUA



Ikastetxea


Laudio - Llodio

AURKIBIDEA

Aurre-titulua. Xedapen orokorrak ... 3

I. titulua. LHUIko antolamenduaren definizioa ... 6

I. kapitulua. Xedapen orokorrak ... 6

II. kapitulua. Kide anitzeko gobernu-organoak ... 8

I. atala. LHUIko OOG ... 8

II. atala. Irakasleen klaustroa ... 12

III. atala. Zuzendaritza ... 13

III. kapitulua. Kide bakarreko gobernu-organoak ... 14

IV. kapitulua. Koordinazio didaktikorako organoak ... 18

I. atala. Orientabide-departamentua ... 19

II. atala. Didaktika-departamentuak

(Kudeaketarako oinarrizko taldeak) ... 20

III. atala. Koordinazio pedagogikorako batzordea ... 21

IV. atala. Tutoretzak eta irakasle-taldeak ... 23

V. kapitulua. Parte hartzeko organo bereziak ... 24

I. atala. Ikasleek parte hartzeko organo berezia ... 24

II. atala. Gurasoen batzarra, ikasleen gurasoen elkarteak

eta ikasleen elkarteak ... 27

II. titulua. Bizikidetzaren arauak ... 30

I. kapitulua. Printzipio orokorrak ... 30

II. kapitulua. Ikasleen eskubideak egikaritzeko bermea ... 31

III. kapitulua. Eginbeharrak betetzeko bermea ... 35

III. titulua. Eskola-errendimenduaren ebaluazio objektiboa ... 37



Ikastetxea


Laudio - Llodio

AURRE-TITULUA: XEDAPEN OROKORRAK

1. artikulua. Lanbide Heziketa Udal Ikastetxearen izendapena, irakaskuntza eta

izaera.

1.- Lanbide Heziketa Udal Ikastetxea (LHUI) irakaskuntzako zentro publikoa

da eta bertan Lanbide Heziketako hasierako programak eta Batxilergoa irakasten dira;

horretarako, ikasturterik ikasturtera Eusko Jaurlaritzaren Hezkuntza, Unibertsitate eta

Ikerketa Sailak egindako planifikazioa betetzen du. Erakunde titularra Laudio Udala

da.

Irakaskuntzako ikastetxe publikoa den aldetik, honako izendapen orokorra izango du:

Laudioko Lanbide Heziketa Udal Ikastetxea.

Centro Municipal de Formación Profesional de Laudio/Llodio.

Erakunde titularrak xedatutakoarekin bat, ikastetxearen izendapen espezifikoa hauxe

izango da:

LANBIDE HEZIKETA UDAL IKASTETXEA.

CENTRO MUNICIPAL F.P.

LAUDIO/LLODIO

Erakunde titularrak berak onartutako egungo izendapen espezifikoa alda dezake,

zentroak berak zein erakunde titularrak hala eskatuta.

Halaber, erakunde titularrak bere egunean onartutako ondorengo irudi korporatiboa

izango du eta haren azpian, “papyrus” deritzon letra-motaz eta ondoren zehaztutako

moduan, ikastetxearen izena idatziko da.

Ikastetxearen dokumentazio guztian, posta ofizialean eta publizitatean ezin izango da

izendapen orokorra edota espezifikoa baino erabili.

Halaber, ez da arestian deskribatutakoa ez den beste enpresa-irudirik erabiliko.

LANBIDE HEZIKETA UDAL IKASTETXEA

CENTRO MUNICIPAL F.P. LAUDIO - LLODIO



Ikastetxea


Laudio - Llodio

2.- Euskal Autonomia Erkidegoko ikastetxe publikoa denez, plurala, elebiduna

eta demokratikoa da, euskal gizartearen zerbitzura, gizartean eta inguruko kulturan

sustraituta, baita parte-hartze handikoa ere, desberdintasunak orekatzeko eta

aniztasuna integratzeko.

3.- Lanbide Heziketa Udal Ikastetxeak (LHUI) lagundu egingo du Euskal

Eskola Publikoari buruzko Legearen 3.2. artikuluak xedatutako helburuak lortzen:

a) Konstituzioak aitortutako hezkuntzarako eskubidea benetan baliatu ahal

izatea bermatzea, hori galarazten duten ekonomi eta gizarte oztopoak edo

beste edonolakoak ezabatuta.

b) Elkarbizitza demokratikoa ahalbideratzen duten balioetan oinarriturik,

ikasleen nortasuna askatasunean garatzea eta heziketa osatua bultzatzea,

besteak beste, gaitasun eta jokaera kritikoa, berdintasuna, zuzentasuna,

partaidetza, aniztasunarekiko eta kontzientzi askatasunarekiko begirunea,

elkartasuna, gizartearekiko kezka, elkarrekiko eramankortasuna eta

elkarrenganako begirunea sustatuko dituela, baita giza eskubideen aldeko

jarrera ere.

c) Irakasleek, gurasoek eta ikasleek ikastetxe publikoen kudeaketan

demokrazia-legez parte hartzeko duten eskubidea gauza dadin sustatzea

eta bermatzea.

d) Irakasleen katedra-askatasuna eta, Euskal Eskola Publikoari buruzko

Legeak definitutako esparruan guraso nahiz tutoreek seme-alabentzako

ikastetxea, eta, hala badagokio, legez xedatutako baldintzetan, seme-

alabentzatzako erlijio-irakaskuntza aukeratzeko eskubidea benetan

gauzatuko direla bermatzea.

e) Kalitatezko irakaskuntza emango dela ziurtatzea; horretarako, arreta

berezia eskainiko zaie irakatsi beharreko edukien balio pedagogikoari eta

erabiliko diren metodoen eraginkortasunari, gure inguruko aurrerabideak

kontuan hartzen dituzten metodologia aktibo eta malguak sartuta,

irakasleak behar bezala birziklatuta eta ikasleentzako orientabide

psikologikoa, eskolakoa eta lanbidekoa ziurtatuta.

f) Maila, etapa, ziklo eta gradu guztietan jardutea, ikasleen jatorri-

desberdintasunak berdintzearren.



Ikastetxea


Laudio - Llodio

g) Ikasle guztiei bermatzea, egoera berean, nahitaezko irakaskuntza-aldia

bukatutakoan, bi hizkuntza ofizialen ezagutza praktikoa izango dutela,

euskararen erabilera bultzatuta eta normalkuntzan lagunduta.

h) Euskal Herriko kide diren aldetik, ikasleek duten kultur nortasuna

mamitzen laguntzea; horretarako, ikasleek beren historia eta gizartea

ezagututa eta inguru geografikoan, sozioekonomikoan eta kulturan errotzea

bultzatuta.

i) Ikasleengan ohitura intelektualak, lan-teknikak eta jakintzak garatzea,

jakintza-gai guztiak batera biltzeko moduan.

j) Bakerako, askatasunerako heztea eta herrien arteko lankidetzarako eta

elkartasunerako ideiak sustatzea.

k) Emandako irakaskuntzaren hezkidetza ziurtatzea.

l) Irakaskuntzako edukietako manipulazioak eta doktrinatze ideologikora

zuzendutako ezagutzak baztertzea.

4.- Lanbide Heziketa Udal Ikastetxeak (LHUI) bere gain hartu ditu berezko

eskubideen gauzatze arduratsua eta gainerakoen eskubideekiko errespetua,

ikastetxeko bizikidetzarako oinarri gisa.



Ikastetxea


Laudio - Llodio

I. TITULUA. LANBIDE HEZIKETA UDAL IKASTETXEKO

ANTOLAMENDUAREN DEFINIZIOA

I. KAPITULUA. XEDAPEN OROKORRAK

2. artikulua.- Lanbide Heziketa Udal Ikastetxeko gobernu-organoak

Lanbide Heziketa Udal Ikastetxeak (LHUI), gutxienez, honako organo hauek izango

ditu:

- Kide anitzekoak:

* Ordezkaritza organo gorena (OOG).

* Klaustroa.

* Zuzendaritza.

* Ikasleen ordezkarien batzarra.

* Gurasoen batzarra.

- Kide bakarrekoak:

* Zuzendaria.

* Zuzendariordea.

* Ikasketaburua.

* Idazkaria.

* Idazkariordea.

Lanbide Heziketa Udal Ikastetxeak (LHUI), horietaz gain, EEPLaren 30.2. artikuluak

aitortzen dion autonomiaren jardun askean, honako organo hauek ere izango ditu:

* Kudeaketarako oinarrizko taldeak (KOT).

* Enplegurako prestakuntzaren koordinatzailea.

* Lantokiko prestakuntzaren koordinatzailea.

* Hasierako prestakuntzaren koordinatzaileak: Batxilergoko

koordinatzailea, HLKPko koordinatzailea, Mekanika/Mantentze-lan arloko heziketa

zikloen koordinatzailea, Elektrizitate/Elektronika arloko heziketa zikloen

koordinatzailea, Administrazio arloko heziketa zikloen koordinatzailea.

3. artikulua.- Hezkuntza-komunitateko partaidetza



Ikastetxea


Laudio - Llodio

1. Ikasleek, gurasoek, irakasleek, administrazio- eta zerbitzu-langileek eta

Udalak OOGaren bidez hartuko dute parte Lanbide Heziketa Udal

Ikastetxeko (LHUI) gobernuan.

2. Horietaz gain, gurasoen batzarra eta ikasleek parte hartzeko organoa ere

izango dira Lanbide Heziketa Udal Ikastetxeko (LHUI) jardueretan parte

hartzeko berariazko organoak, Euskal Eskola Publikoari buruzko Legeak

xedatutakoarekin bat.

3. Lanbide Heziketa Udal Ikastetxea (LHUI) bertako ikasleen eta gurasoen

elkarteen egoitza izango da eta bertako lokalak utziko dizkie, elkarteko

jarduerak egiteko, eta ikastetxeko bizimoduan parte har dezaten lagunduko

du, horretarako, hezkuntza, kultur eta kirol ekitaldiak sustatuta.

4. artikulua.- Koordinazio didaktikorako organoak.

Lanbide Heziketa Udal Ikastetxeko (LHUI) koordinazio didaktikorako organoak,

klaustroaren zuzendaritzapean, honako hauek izango dira: koordinazio

pedagogikorako batzordea, kudeaketarako oinarrizko taldeak (KOT) eta

orientabidekoa, tutoretzak eta irakasle-taldeak (taldekoak, etapakoak eta ziklokoak).

5. artikulua.- Gobernu-organoek jarduteko, parte hartzeko eta koordinazio didaktikoa

egiteko printzipioak.

1. Ikastetxeko gobernu-organoek, partaidetzakoek eta koordinazio

didaktikakoek zainduko dute, bertako jarduerak garatzeko orduan, Euskal

Eskola Publikoari buruzko Legeak xedatutako printzipioak eta balioak

betetzen direla, Legeak berak eta indarreko gainerako xedapenek

adierazitako hezkuntza-helburuak benetan lortzearren, eta irakaskuntzaren

kalitatea lortzearren.

2. Horretaz gain, gobernu-organoek, partaidetzakoek eta koordinazio

didaktikokoek bermatuko dute, zeinek bere eskumenen esparruan, ikasleei,

irakasleei, gurasoei eta administrazio- eta zerbitzu-langileei aitortutako

eskubideen jarduna, eta nork bere eginbeharrak betetzen dituela zainduko

dute.

3. Halaber, ikastetxeko hezkuntza-komunitateko kide guztiek benetan parte

har dezaten erraztuko da, bai kudeaketan, bai ebaluazioan.



Ikastetxea


Laudio - Llodio

II. KAPITULUA. KIDE ANITZEKO GOBERNU-ORGANOAK

I. ATALA. LANBIDE HEZIKETA UDAL IKASTETXEKO ORDEZKARITZA ORGANO

GORENA (O.O.G.)

6. artikulua.- Lanbide Heziketa Udal Ikastetxeko ordezkaritza organo gorenaren

(OOG) izaera eta osaera.

1. Lanbide Heziketa Udal Ikastetxeko OOG hezkuntza-komunitateko kideek

Lanbide Heziketa Udal Ikastetxeko gobernuan parte hartzeko organoa da

eta eskola bizimoduan eragina duten funtsezko erabakiak hartzeko

eginkizuna du, eta bera da ikastetxearen autonomiaren esparruan

funtzionamenduaren azken erantzulea. Eskola Kontseilua erabiliko da bera

izendatzeko.

2. OOGaren eskumenak. Lanbide Heziketa Udal Ikastetxeko (LHUI) OOGaren

edo Eskola Kontseiluak EEPLaren 31. artikuluak aitortutako eskumenak

ditu:

a) Ikastetxearen hezkuntza-proiektua (IHP), antolakuntza- eta jarduera-

araudia (AJA) eta kudeaketa-proiektua onartzea, bete daitezen begiratzea

eta EEPLaren 28.3. artikuluak xedatutakoaren araberako ebaluazioa egitea.

b) Ikastetxearen urteko plana onartzea, EEPLaren 35.2.a) artikuluan

xedatutakoa kaltetu gabe.

c) Prestakuntza-jardueren, eskolaz kanpoko jardueren eta jarduera osagarrien

egitaraua eta urteko kudeaketa-egitaraua onartzea, horien aldizkako

jarraipena eta ebaluazioa bere gain hartuta.

d) Ikastetxearen urteko txostena onartzea.

e) Ikastetxearen zuzendaria aukeratzeko prozesuan parte hartzea. Aldez

aurretik kideen bi hereneko gehiengoak hartutako erabakia izanik,

zuzendariaren izendapena ezeztatzea proposatzea, lanpostuaren berezko

eginkizunen ez-betetze larririk izanez gero.

f) Ikasleen onarpena erabakitzea, indarreko arauek xedatutakoari estu-estu

lotuta.



Ikastetxea


Laudio - Llodio

g) Ikastetxeetan bizikidetza arloko neurri zuzentzaileak ezagutzea eta

berrikustea, ikasleen eskubideak eta betebeharrak arautzen dituzten

arauekin bat.

h) Beste erakunde batzuekiko lankidetza-harremanak ezartzea, kultura eta

hezkuntza helburuetarako.

i) Eskola-instalazioak eta ekipamenduak berritzea sustatzea, baita euren

zainketa zaintzea ere.

j) Ikastetxearen jarduera orokorra gainbegiratzea, administrazioari eta

irakaskuntzari begira.

k) Lege horrek edo beste arau batzuek, edo ikastetxearen antolakuntza- eta

jarduera-araudiak (AJA), emandako beste edozein eskumen.

3. Lanbide Heziketa Udal Ikastetxeko OOG edo Eskola Kontseilua honako

hauek osatuko dute:

a) Ikastetxearen zuzendaria, eta aldi berean kontseiluburua izango da.

b) Ikasketaburua.

c) Laudio Udalaren ordezkaria edo zinegotzia, Udalak berak izendatuta.

b) Klaustroak aukeratutako hamar irakasle.

d) Ikasleen gurasoetariko sei.

e) Bederatzi ikasle.

f) Administrazioko eta zerbitzuetako langileen ordezkaria.

g) Ikastetxeko idazkaria, ahotsa bai, baina botorik gabe, eta aldi berean

kontseiluko idazkaria izango da.

7. artikulua.- Eskola Kontseilua aukeratzea, berritzea eta hutsuneak.

OOG edo Eskola Kontseiluko kideak berritzeko orduan, txandaka erdiz erdi

egingo da bi urterik behin, bera arautzen duen dekretuak xedatutakoarekin bat eta

Hezkuntza, Unibertsitate eta Ikerketa Sailak argitaratutako deialdiekin bat.



Ikastetxea


Laudio - Llodio

Hutsuneei dagokienez, berritzea dagokien baino lehenago Lanbide Heziketa

Udal Ikastetxeko OOGaren edo Eskola Kontseiluaren kide izateko behar diren

eskakizunak betetzeari uzten dioten ordezkariek hutsunea eragingo dute eta hutsune

hori ondorengo hautagaiek beteko dute, lortutako boto kopuruaren arabera. Sortzen

diren hutsuneak betetzeko, azken berritze partzialeko aktetako zerrendak erabiliko

dira, alde batera utzita hutsune hori aurreko berritze partzialari dagokion ala ez.

Hutsunea betetzeko hautagai nahiko izan ezean, bete barik geratuko da, ikastetxeko

OOG edo Eskola Kontseilua berritu behar den hurrengora arte, baldin eta gurasoen eta

irakasleen sektoreetan bada; hala ere, ikasleen ordezkarien batzarrera joko da, ikasleen

hutsuneak betetzeko, lehendabizi borondatez eta ordena alfabetikoaz eta, bigarrenez,

zozketa bidez.

8. artikulua.- Zuzendaria eta ordezkaria ordezkatzea.

1. Zuzendaria egon ezean, zuzendariordea izango da ikastetxeko burua.

2. Idazkaria idazkariordeak ordezkatuko du eta, bera egon ezean, ikastetxeko

OOGeko edo Eskola Kontseiluko irakasle kide berrienak ordezkatuko du eta

bozkatzeko eskubidea izango du.

9. artikulua.- OOGaren funtzionamendua.

1. OOGaren edo Eskola Kontseiluaren bilerak kide guztien asistentzia

ahalbideratzen duten egunean eta orduan egingo dira. Ohiko bileretarako,

zuzendariak OOGaren edo Eskola Kontseiluaren kideei deialdiarekin batera

bilerarako gaien zerrenda eta eztabaidatu edo, hala badagokio, onartu

beharreko dokumentazioa bidaliko dizkie, bilera izan baino astebete

lehenago jasotzeko moduan.

2. Horretaz gain, ezohiko deialdiak egin daitezke berrogeita zortzi orduko

gutxieneko aurretiaz, landu beharreko gaien izaerak edo premiak horrela

eskatzen badu.

3. OOG edo Eskola Kontseiluaren bilerak, gutxienez, hiruhilean behin egingo

dira; eta zuzendariak horretara deitzen duen guztietan edo kideen herenek,

gutxienez, eskatzen badute. Edozein kasutan ere, horietaz gain,

nahitaezkoak izango dira beste bi bilera, bata ikasturtearen hasieran eta

bestea amaieran. OOGaren edo Eskola Kontseiluaren bileretara joatea

nahitaezkoa izango zaie kide guztiei.

4. OOG edo Eskola Kontseiluak gehiengo soilaz har ditzake erabakiak, honako

kasu hauetan izan ezik:



Ikastetxea


Laudio - Llodio

a) Hezkuntza-proiektua, urteko plana eta antolakuntza- eta jarduera-araudia

(AJA) onartzea, baita aldaketak ere, eta gehiengo osoaz egin behar da.

b) Zuzendariaren izendapena ezeztatzeko proposamena, eta bi hereneko

gehiengoa behar da.

5. Erregelamendu honetan eta Hezkuntzako legerian xedatuta egon ezean,

OOGaren edo Eskola Kontseiluaren funtzionamendua Herri

Administrazioen Araubide Juridikoaren eta Administrazio Prozedura

Erkideari buruzko Legearen II. tituluko 2. kapituluan xedatutakoari lotuko

zaio.

10. artikulua.- OOGaren batzordeak.

1. OOGak edo Eskola Kontseiluak batzorde iraunkor bat sortuko du,

EEPLaren 36.3. artikuluan xedatutako eginkizunetarako, eta Osokoak

eskuesten dion beste edozeinetarako. Haren parte izango dira zuzendaria,

irakasle bat, udal ordezkari bat, gurasoetariko bat eta sektore bakoitzak

aukeratutako ikasle bat. Erabakiak gehiengoaz hartuko dira eta boto

haztatuaren sistema erabiliko da.

2. Kide berberez eta boto haztatuko sistema berberaz, bizikidetzarako

batzordea sortuko da, ikastetxeko bizikidetza giroa iraunarazteari loturiko

eginkizunak gauzatzeko xedeaz eta bizikidetzaren aurkako jarrerak eta

bizikidetzarako oso jarrera kaltegarriak zuzentzeko neurriak ezagutu, ezarri

eta berrikusteko xedeaz.

3. OOGak edo Eskola Kontseiluak gai zehatzetarako beste batzorde batzuk sor

ditzake, beroriek sortzeko erabakian eta behar den moduan eskuordetzen

zaizkien eskumenak izanik. Sortzen diren batzorde guztiek, artikulu

honetako aurreko hiru ataletan adierazitakoek barne, zeinek bere

eskumeneko gaiei buruzko ikerketak, txostenak eta proposamenak egitea

dute. Erabakiak hartzeko, indarreko arauak betetzeko artikulu honetako 1.

eta 2. ataletan adierazitako gaiei dagozkien arauetan berariaz xedatutako

kasuetan izan ezik, beharrezkoa izango da berariazko eskuordetza eta

OOGaren edo Eskola Kontseiluaren osaerarekiko proportzionala den

osaera, iraunkorrerako eta bizikidetzarako adierazitako moduan, eta

gehiengo soila eskatzen duten erabakiak baino ezin izango dira eskuordetu.



Ikastetxea


Laudio - Llodio

II. ATALA. IRAKASLEEN KLAUSTROA

11. artikulua.- Irakasleen klaustroaren izaera eta osaera.

1. Klaustroa da irakasleek parte hartzeko berezko organoa eta ikastetxeko

koordinazio didaktikorako organo gorena, beraz, bertako hezkuntza-alderdi

guztiak planifikatzeko, koordinatzeko, erabakitzeko eta informatzeko

erantzukizuna izango du

2. Klaustroburua zuzendaria izango da eta klaustroa ikastetxean zerbitzua

ematen duten irakasle guztiek osatuko dute. Klaustroko idazkaria Lanbide

Heziketa Udal Ikastetxeko bera izango da.

3. Zuzendaria egon ezean, klaustroburua zuzendariordea izango da eta, bien

faltan, antzinatasun handiena duen irakaslea izango da. Idazkaria irakasle

berrienak ordezkatuko du.

12. artikulua.- Klaustroaren funtzionamendua.

1. Klaustroaren bilerak, gutxienez, hiruhilean behin egingo dira; eta

zuzendariak horretara deitzen duen guztietan edo kideen herenek,

gutxienez, eskatzen badute. Horietaz gain, nahitaezkoak izango dira beste

bi bilera, bata ikasturtearen hasieran eta bestea amaieran.

2. Klaustroaren bileretara joatea nahitaezkoa izango zaie kide guztiei.

3. Ohiko bileretarako deialdia gutxieneko astebeteko aurretiaz egingo da.

Ezohikoa izanik, landu beharreko gaien izaerak edo premiak hala eskatuta,

ezohiko bileretarako deialdia 48 orduko gutxieneko aurretiaz egin daiteke.

4. Erregelamendu honetan eta Hezkuntzako legerian xedatuta egon ezean,

klaustroaren funtzionamendua Herri Administrazioen Araubide

Juridikoaren eta Administrazio Prozedura Erkideari buruzko Legearen II.

tituluko 2. kapituluan xedatutakoari lotuko zaio.

13. artikulua.- Klaustroaren eskumenak.

Irakasleen klaustroari EEPLaren 35. artikuluan eta indarreko gainerako xedapenetan

adierazitako eginkizunak dagozkio.



Ikastetxea


Laudio - Llodio

III. ATALA. ZUZENDARITZA

14. artikulua.- Zuzendaritza.

1. Kide bakarreko gobernu-organoak dira Lanbide Heziketa Udal Ikastetxeko

Zuzendaritza eta modu koordinatuan lan egingo dute eginkizunen

jardunean.

2. Zuzendaritzak EEPLaren 36. artikuluak egotzitako eginkizunak izango ditu,

baita OOGak edo Eskola Kontseiluak eskuordetzen dizkionak ere, zeinek

bere eskumenen esparruan. Eginkizun horiek hauexek dira:

a) Zuzendariari laguntzea ikastetxea zuzentzen eta koordinatzeko irizpideak

hartzen, baita funtzionamendurako garrantzitsuenak diren erabakiak hartzen

ere.

b) Kudeaketa-egitaraua, prestakuntza-jardueren, eskolaz kanpoko jardueren eta

jarduera osagarrien egitaraua egitea, baita urteko kudeaketa-egitaraua ere,

horiek guztiak ordezkaritza organo gorenak onar ditzan.

c) Aurreko atalean aipatutako egitarauak egin daitezen koordinatzea eta

gainbegiratzea, baita horien berri ordezkaritza organo gorenari ematea ere,

berak urteko txostena onar dezan.

d) Urteko txostenaren zirriborroa egitea, ordezkaritza organo gorenak eztabaida

dezan.

e) Ordezkaritza organo gorenari proposatzea euskal eskola publikoko beste

ikastetxe batzuekiko lankidetza harremanak ezar ditzala, baita organo horrek,

egoki iritziz gero, Hezkuntzako Administraziora eramateko proposamenak

egitea ere, beste erakunde batzuekiko hitzarmenak izenpetzera zuzenduta,

kultur eta hezkuntza helburuak izanik.

f) Irakasle taldeak antolatzea eta, ikasturte bakoitzaren hasieran, irakasleei

jarduerak atxikitzeko irizpideak erabakitzea, gaia araupetzen duten arauei

jarraiki.

3. Zuzendaritzak bere bileretara hezkuntza-komunitatetik egoki iritzitako

edozein kide gonbida dezake, aholku-emaile gisa. Halaber, ikastetxeko

irakasleei eskuorde diezaieke eta, bereziki, zikloko edo etapako

koordinatzaileei edo proiektuen ardura duten irakasleei, egoki iritzitako

edozein eginkizun.



Ikastetxea


Laudio - Llodio

4. Lanbide Heziketa Udal Ikastetxean Zuzendaritza kide bakarreko ondorengo

organoek osatuko dute:

Zuzendaria.

Zuzendariordea.

Ikasketaburua.

Ikastetxeko idazkaria.

Ikastetxeko idazkariordea.

5. Halaber, Lanbide Heziketa Udal Ikastetxeak honako irudi hauek izango

ditu:

Batxilergoko koordinatzailea.

Hasierako lanbide-kualifikaziorako programako koordinatzailea.

Administrazioko koordinatzailea.

Elektrizitate/Automatizazioko eta Errobotika/Elektronikako koordinatzailea.

Mekanika/Mantentze-lanetako koordinatzailea.

Lantokiko prestakuntzako koordinatzailea.

Alternantzia dualeko prestakuntza eta kalitateko arduraduna.

Eta, kasuan kasu, Hezkuntza Ordezkaritzak ikasturtearen hasieran

ebatzitakoan xedatutako bestelako karguak.

III. KAPITULUA KIDE BAKARREKO GOBERNU-ORGANOAK

15. artikulua.- Zuzendaria.

1. Lanbide Heziketa Udal Ikastetxearen zuzendaria ikastetxearen ordezkaria

izango da ondore guztietarako, Hezkuntza Administrazioaren berezko

ordezkaria izango da ikastetxean eta kide anitzeko gobernu-organoen burua

izango da.

2. Haren eginkizunak eta eskumenak EEPLaren 34. artikuluan xedatutakoak

dira:

a) Ikastetxearen ordezkaritza izatea, ikastetxean Hezkuntza Administrazioa

ordezkatzea, eta administrazio horri hezkuntza-komunitatearen

planteamenduak, asmoak eta premiak helaraztea.

b) Ikastetxearen jarduera guztiak zuzentzea eta koordinatzea, irakasleen

klaustroari eta ordezkaritza organo gorenari esleitutako eskumenak kaltetu

barik.



Ikastetxea


Laudio - Llodio

c) Zuzendaritza pedagogikoa gauzatzea, hezkuntza-berrikuntza sustatzea eta

ikastetxearen heziketa-proiektuaren helburuak lortzeko planak bultzatzea.

d) Legeen eta indarrean dauden gainerako xedapenak betetzen direla bermatzea.

e) Ikastetxeari atxikitako langile guztien buru izatea.

f) Ikastetxeko elkarbizitza hobetzea, gatazkak konpontzeko bitartekotza

bermatzea eta ikasleei dagozkien neurri zuzentzaileak ezartzea, indarrean

dagoen araudia beteta, gai honetan ordezkaritza organo gorenari esleitutako

eskumenak aparte utzi gabe. Horretarako, ikastetxeetan gatazkak konpontzeko

prozedurak bizkortzea sustatuko da.

g) Ikastetxearen eta ingurunearen arteko harremana sendotzeko, familiekiko,

erakundeekiko eta organismoekiko lankidetza bultzatzea, eta eskola-giroa

sustatzea, ikasleek jakintzetan eta balioetan prestakuntza integrala jasotzeko eta

ikasketa-ohiturak sustatzeko lagungarri izan daitezkeen jardun guztiak garatze

aldera.

h) Ikastetxearen barneko ebaluazioak bultzatzea eta kanpoko ebaluazioetan eta

irakasleen ebaluazioan laguntzea.

i) Ikastetxeko ordezkaritza organo gorenaren eta irakasleen klaustroaren egintza

akademikoetarako eta bileretarako deialdia egitea eta beroriek zuzentzea, eta

aipatutako erakundeek beren eskumenen eremuan hartutako erabakiak

betearaztea eta betetzen diren zaintzea.

j) Administrazio organo eskudunari beharrezko kontratazioak egiteko eskatzea,

ikastetxearen urteko kudeaketa-programarekin bat etorritako ordainketak

agintzea eta ikastetxearen ziurtagiriei eta dokumentuei oniritzia ematea, hori

guztia erregelamendu bidez ezarritako prozedurari jarraiki.

k) Hezkuntza gaietan eskumena duen sailak esleitzen dizkion beste guztiak, beste

arau batzuek esleitzen dizkiotenak eta ikastetxearen antolaketa eta

jardunbiderako erregelamenduak ezartzen dizkionak.

Agiri honetan zuzendariordearen irudia jaso nahi dugu, Zuzendaritzako kidea izanda

ikastetxearen ordezkaria den aldetik.



Ikastetxea


Laudio - Llodio

Zuzendariordearen eginkizunak izango dira Euskal Eskola Publikoari buruzko

otsailaren 19ko 1/1993 Legea aldatzen duen ekainaren 13ko 3/2008 Legearen 34.

artikuluak aipatutakoak, a), b), c), f), g) eta h) atalei dagokienez.

Halaber, Euskal Eskola Publikoari buruzko otsailaren 19ko 1/1993 Legearen 41.

artikuluan zerrendatutakoak, a), b) eta d) atalei dagokienez.

Horiei guztiei gehitu behar zaizkie zuzendariordeak dituen beste ordezkaritza

eginkizun bi hauek:

Erakunde titularrarekiko bitartekaritza, ikastetxeak behar duen ekipamenduari

dagokionez.

Lanerako prestakuntzako ikastaroen kudeaketa.

3. Zuzendaria izendatzea.

Zuzendaria aukeratzeko, aipatu beharrekoa da Hezkuntza, Unibertsitate eta Ikerketa

Sailaren mendeko eta Euskal Autonomia Erkidegoko ikastetxeetako zuzendariak

aukeratzeko eta kide bakarreko organoak izendatzeko eta kargua uzteko prozedurari

buruz otsailaren 3ko 22/2009 Dekretuak xedatutakoa.

Eta horrekin batera, maiatzaren 8ko 61/2012 Dekretua, Hezkuntza, Unibertsitate eta

Ikerketa Sailaren mendeko eta Euskal Autonomia Erkidegoko unibertsitateaz kanpoko

ikastetxeetako zuzendariak aukeratzeko eta kide bakarreko organoak izendatzeko eta

kargua uzteko prozedurari buruzkoa.

16. artikulua.- Ikasketaburua.

Ikasketaburuak, Zuzendaritzako kidea izateagatik dagozkion eskumenez gain,

EEPLaren 41. artikuluak egotzitakoak ere izango ditu. Ikasketaburua, zuzendariaren

ordezkaritzaz eta haren aginpidean, irakasleen nagusia izango da, erregimen

akademikoari dagokion guztian, eta departamentuetako buruen eta tutoreen jarduerak

koordinatuko ditu.

Haren eskumenak honako hauek dira:

a) Irakaskuntzako jarduerak koordinatzea.

b) Eskolako ordutegiak egitea eta betetzen direla zaintzea.

c) Irakasle bakoitzari ikastetxeko gela bat edo gehiago esleitzea, 36.2.f) artikuluak

xedatutakoarekin bat.



Ikastetxea


Laudio - Llodio

d) Arauek eta ikastetxearen antolakuntza- eta jarduera-araudiak aitortzen

dizkioten gainerako egitekoak.

17. artikulua.- Idazkaria.

Idazkariak, Zuzendaritzako kidea izateagatik dagozkion eskumenez gain, EEPLaren

42. artikuluak egotzitakoak ere izango ditu. Zuzendariaren ordezkaritzaz eta haren

aginpidean, administrazio- eta zerbitzu-langileen nagusia izango da.

Honako eginkizunak izango ditu:

a) Ikastetxeko ordezkaritza organo gorenaren, Zuzendaritzaren eta klaustroaren

bileretarako gaien zerrendan sartu beharreko gaiak prestatzea, organo

horietako buruak ezarritakoaren arabera. Eta organo horien bileren aktak

egitea.

b) Ikastetxearen beraren aktak, espedienteak eta dokumentazioa zaintzea, eta

bertako organoen eskueran izatea. Ikastetxearen irakaskuntza-materialak

zaintzea.

c) Zuzendaritzaren oniritziaz, ikastetxeko ekintza edo ebazpen eta erabaki guztiak

egiaztatzea, baita ikastetxearen aurrerakinak, liburuak eta agiriak ere.

d) Arauek eta ikastetxearen antolakuntza- eta jarduera-araudiak aitortzen

dizkioten gainerako egitekoak.

18. artikulua.- Kide bakarreko gobernu-organoak izendatzeko eta kargua uzteko

proposamenak.

Kide bakarreko organoak izendatzeko eta kargua uzteko proposamenak EEPLak eta

erregelamenduko xedapenek xedatutakoaren arabera egingo dira.

19. artikulua.- Zuzendaritzako kideak ordezkatzea.

1. Zuzendaria izan ezean edo gaixorik egonez gero (zuzendariorderik izan

ezean), ikasketaburuak behin-behinean hartuko du haren egitekoen ardura.

2. Ikasketaburua izan ezean edo gaixorik izanez gero (zuzendariorderik izan

ezean), haren egitekoen ardura behin-behinean zuzendariak izendatutako

irakasleak hartuko du, eta erabaki horren berri OOGari edo Eskola

Kontseiluari emango dio.



Ikastetxea


Laudio - Llodio

3. Halaber, idazkaria izan ezean edo gaixorik egonez gero, idazkariorderik

izan ezean, haren egitekoen ardura zuzendariak izendatutako irakasleak

hartuko du, eta horren berri OOGari edo Eskola Kontseiluari emango dio.

4. Zuzendaria ez egoteagatik edo gaixorik egoteagatik, zuzendariordeak edo

ikasketaburuak haren jardunean zuzendariaren eskumen guztiak

bereganatuko ditu, artikulu honetako 2. eta 3. ataletakoak barne.

IV. KAPITULUA. KOORDINAZIO DIDAKTIKORAKO ORGANOAK

20. artikulua. Lanbide Heziketa Udal Ikastetxeko koordinazio-organoak

Lanbide Heziketa Udal Ikastetxean irakaskuntza koordinatzeko honako organo hauek

izango dira:

a) Orientabide-departamentua

b) Kudeaketarako oinarrizko taldeak (KOT), urterik urtera sortuak, Hezkuntzako

sailburuordearen ebazpenak ikasturtearen antolamenduaz ebatzitakoarekin

bat.

c) Koordinazio pedagogikorako taldea edo koordinatzaileen bilkura.

d) Tutoreak.

e) Taldeetako, zikloetako edo etapetako irakasle-taldeak.



Ikastetxea


Laudio - Llodio

I. ATALA.ORIENTABIDE-DEPARTAMENTUA

21. artikulua. Orientabide-departamentuaren osaera.

Lanbide Heziketa Udal Ikastetxeko orientabide-departamentuak, ikastetxearen

izaerarekin bat, lanbide-orientabidea izango du eta honako hauek osatuko dute:

a) Psikologia eta Pedagogia espezialitateko irakasleak.

b) Batxilergoko koordinatzailea.

c) HLKPko koordinatzailea.

d) Ikasketaburua.

22. artikulua. Orientabide-departamentuaren egitekoak.

1. Orientabide-departamentuak bere gain hartuko ditu indarreko legeek

egozten dizkioten eginkizun guztiak eta, zehatzago, ikasturte bakoitzerako

Hezkuntzako sailburuordeak ebazpenaz ikasturtearen antolamenduari

buruz xedatutakoak. Kideetariko bakoitzak, departamentuko eginkizun

amankomunak partekatzeaz gain, ebazpen berarekin bat etorrita berari ez

beste inori dagozkion eginkizunak bereganatuko ditu.

2. Egiteko horiek, aldatzen ez diren bitartean, 2008/2009ko ebazpenaren VIII.

eranskinean jasotakoak dira.

23. artikulua. Orientabide-departamenduaren burua izendatzea.

1. Lanbide Heziketa Udal Ikastetxeak (LHUI) ez du orientabide-

departamentuko bururik. Beraz, ikasketaburuak bereganatuko du

eginkizun hori, Batxilergoko koordinatzailearekin, HLKPko

koordinatzailearekin eta Psikologia eta Pedagogia espezialitateko

irakaslearekin batera.

2. Departamentuko kideek beraiek beren jarduerak zuzendu eta koordinatuko

dituzte, beren bileretarako deialdiak egingo dituzte eta beren egitekoak

betetzeaz arduratuko dira.



Ikastetxea


Laudio - Llodio

II. ATALA. DIDAKTIKA-DEPARTAMENTUAK (KUDEAKETARAKO OINARRIZKO

TALDEAK).

24. artikulua. Kudeaketarako oinarrizko taldeen izaera eta osaera.

1. Kudeaketarako oinarrizko taldeak (KOT) euren ardurapeko arloen, gaien

edo moduluen berezko irakaskuntza antolatzeko eta garatzeko ardura

duten organoak dira. Departamentuko buruaren zuzendaritzapean,

helburua izango da arlo edo gai bera irakasten duten irakasleen arteko

koordinazioa bermatzea edo, kasuan kasu, antzeko arloen edo gaien

irakasleen artekoa. Talde hauen lana kide guztien ardura da.

2. Irakasle guztiek eman beharko dute astean ordubete departamentuko

bileretarako, ohiko izaeraz; departamentuko buruak egoki irizten duenean

deitutako ezohiko bilerak edo, kasuan kasu, kideen herenek eskatutakoak

kaltetu barik.

3. Irakasle guztiak egongo dira kudeaketarako oinarrizko talderen batean

sartuta (KOT), asteko ordutegiari begira ordu gehien batzen duen arlo, gai

edo moduluko lanen arabera. Irakasleren batek kudeaketako oinarrizko

talde bateko baino gehiagoko gaiak emanez gero, ordu gehien hartzen

dioten gaiei dagokienen taldean hartuko du parte, hala ere, irakasten dituen

beste gaien ardura duten kudeaketako oinarrizko beste talde batzuen

lanetan eta erabakietan parte hartu eta bileretara joatea izango du.

4. Moduluak, arloak edo gaiak departamentu zehatz bati egotzi ez bazaizkio,

edo kudeaketako oinarrizko talde bateko baino gehiagoko (KOT) irakasleek

ematea badago eta indarreko arauek lehentasunik xedatu ez badute;

zuzendariak, departamentuetako buruek proposatuta, irakaskuntza horiek

aipatutako kudeaketako oinarrizko talderen bati atxikiko dizkio.

Departamentu horretako buruaren aginpidean, modulu, arlo edo gai horiei

dagokienez, departamentu hori izango da ondorengo artikuluan aipatutako

lanak egiteko eta kontu horiek guztiak ebazteko arduraduna.

25. artikulua. Kudeaketako oinarrizko taldeen (KOT) eta departamentuetako buruen

egitekoak eta eskumenak.

Kudeaketako oinarrizko taldeek (KOT) eta taldeburuek beren gain hartuko dute

urterik urtera Hezkuntzako sailburuordeak ebazpenez ikasturtearen antolamenduan

egotzitako lanak, baita indarreko arauek egotzitakoak ere.



Ikastetxea


Laudio - Llodio

26. artikulua. Lanbide Heziketa Udal Ikastetxearen kudeaketako oinarrizko taldeen

(KOT) kopurua eta izendapena.

Lanbide Heziketa Udal Ikastetxean (LHUI), Hezkuntzako sailburuordeak ikasturtearen

antolamenduaz emandako ebazpenarekin bat, kudeaketako honako oinarrizko talde

hauek (KOT) izango dira:

Administrazioaren kudeaketako oinarrizko taldea.

Elektrizitate/Automatizazio eta Errobotika/Elektronikaren kudeaketako

oinarrizko taldea.

Mekanika/Mantentze-lanen kudeaketako oinarrizko taldea.

HLKPren kudeaketako oinarrizko taldea.

Batxilergoaren kudeaketako oinarrizko taldea.

27. artikulua. Kudeaketako oinarrizko taldeburuen izendapena (KOT).

1. Kudeaketako oinarrizko taldeburuak (KOT) taldeok osatzen dituzten kideek

izendatuko dituzte, taldeko irakasleen artean, eta karguan zenbat denbora

emango duten.

2. Salbuespen gisa, inoiz ezin izango da Zuzendaritzako kiderik

departamentuko burua izateko izendatu , nahiz eta maila akademiko

goragokoa izan.

3. Departamentuko buruak departamentuko jarduerak zuzendu eta

koordinatuko ditu, bileretarako deialdiak egingo ditu, bileraburua izango

da eta eginkizun guztiak betetzeko ardura izango du.

III. ATALA. KOORDINAZIO PEDAGOGIKORAKO BATZORDEA

28. artikulua. Koordinazio pedagogikorako taldearen edo koordinatzaileen bilkuraren

osaera.

Lanbide Heziketa Udal Ikastegian (LHUI) koordinazio pedagogikorako talde bat edo

koordinatzaileen bilkura egongo da eta bertan izango dira zuzendaria, burua izanik,

ikasketaburua eta departamentuetako koordinatzaileak. Idazkari lana

departamentuetako buru gazteenak egingo du.



Ikastetxea


Laudio - Llodio

29. artikulua. Koordinazio pedagogikorako batzordearen eskumenak.

1. Koordinazio pedagogikorako batzordea irakasleen klaustroaren batzordea

da. Haren funtsezko eginkizuna curriculum-proiektua koordinatzea izango

da, baita egin litezkeen aldaketak ere.

2. Eginkizun hori betetzeko, irakasleen klaustroaren begiradapean, honako

eskumen hauek izango ditu:

a) Etapetako curriculum-proiektuak egiteko eta berrikusteko gidalerro nagusiak

ezartzea.

b) Nola egiten eta berrikusten den gainbegiratzea, halaber, etapetako curriculum-

proiektuak eta aldaketak idazteko ardura hartzea eta koordinatzea, eta

ikastetxearen hezkuntza-proiektuarekiko koherentzia bermatzea.

c) Kudeaketako oinarrizko taldeetako (KOT) programazio didaktikoak, lanbide-

eta ikasketa-orientabideko plana eta tutoretza-plana egiteko eta berrikusteko

gidalerro nagusiak ezartzea, etapako curriculum-proiektua barne.

d) Klaustroaren curriculum-proiektuak proposatzea, onar ditzan.

e) Etapako curriculum-proiektuak betetzen direla eta ondorengo ebaluazioa

egiten dela zaintzea.

f) Ikasketaburuak proposatutakoa berrestea, ebaluazio- eta kalifikazio-bileren

planifikazio orokorrari dagokionez, baita azterketen edo ezohiko proben

egutegia ere, ikasketaburuarekin bat.

g) Irakasleen klaustroari ebaluazio-plana proposatzea, etapako curriculum-

proiektuari, hezkuntza-proiektuaren eta urteko programazio orokorraren

irakas-alderdiei, ikastetxe barruko eskola-errendimenduaren eta irakaskuntza-

prozesuaren garapenari dagokienez.

h) Ikastetxeko jarduera eta proiektu guztien ebaluazioa sustatzea, gobernu-

organoen edo hezkuntza-administrazioaren ekimenaz egiten diren

ebaluazioetan laguntzea eta, egoki iritziz gero, hobetzeko planak sustatzea,

aipatutako ebaluazioen ondorio gisa.



Ikastetxea


Laudio - Llodio

IV. ATALA. TUTORETZAK ETA IRAKASLE-TALDEAK.

30. artikulua. Tutoretza eta tutoreen izendapena.

1. Tutoretza eta ikasleak orientatzea irakasle-funtzioaren parte da.

2. Lanbide Heziketa Udal Ikastetxean (LHUI) ikasle-talde bakoitzeko tutore

bat izango da.

3. Tutorea zuzendariak izendatuko ditu, ikasketaburuak proposatuta, taldeari

eskolak ematen dizkioten irakasleen artean, urterik urtera Hezkuntzako

sailburuordeak ikasturtearen antolamenduaz ebazpenez emandako

jarraibideak beteta.

4. Ikasketaburuak tutoreen lana koordinatuko du eta aldian-aldian beharrezko

bilerak antolatuko ditu, tutoretzek behar bezain ondo funtziona dezaten.

31. artikulua. Tutoreen egitekoak.

Tutoreek ikasturterik ikasturtera ikasturtearen antolamenduari buruzko ebazpenaren

bidez egotzitako eginkizunak eta lanak bereganatuko dituzte.

32. artikulua. Taldeko irakasle-taldeen osaera eta erregimena.

1. Taldeko irakasle-taldean taldeko ikasleei eskolak ematen dizkieten irakasle

guztiak egongo dira eta koordinatzailea taldeko tutorea izango da.

2. Taldeko irakasle-taldeak ebaluazioari buruzko arauek ezarritako bilerak

izango ditu, baita ikasketaburuak deitutakoak ere, kasurako, taldeko

tutoreak proposaturik.

33. artikulua. Taldeko irakasle taldearen egitekoak.

Taldeko irakasle taldearen egitekoak honako hauek izango dira:

a) Taldeko ikasleak ebaluatzea eta jarraipen orokorra egitea, ikaskuntza hobetzeko

beharrezko neurrien bidez, ebaluazioari buruzko lege zehatzek ezarritako

terminoetan.

b) Taldeko bizikidetza-giroa hobetzeko beharrezko jarduerak egitea.



Ikastetxea


Laudio - Llodio

c) Talde barruan sortutako gatazkak era koordinatuan hartzea, beroriek

konpontzeko neurri egokien bidez.

d) Irakaskuntza eta ikasleei proposatutako ikaskuntza-jarduerak koordinatzen

saiatzea.

e) Taldeko ikasle bakoitzari buruz gurasoek edo tutoreek emandako informazioa,

kasuan kasu, jakiteko eta bera jasotzeko parte izatea.

f) Ikastetxearen barne erregelamenduak xedatutako beste edozein.

V. KAPITULUA. PARTE HARTZEKO ORGANO BEREZIAK.

I. ATALA. IKASLEEK PARTE HARTZEKO ORGANO BEREZIAK.

34. artikulua. Parte hartzeko organo bereziak.

Hezkuntza-komunitateak OOGaren edo Eskola Kontseiluaren bidez parte hartzeko

duen aukeraz gain, ikasleek eta gurasoek organo berezien eta elkarteen bidez parte

hartzeko aukera ere izango dute.

35. artikulua. Ikasleek parte hartzeko organo bereziak.

Lanbide Heziketa Udal Ikastetxeko (LHUI) ikasleek parte hartzeko organo bereziak

taldeko ordezkariak eta ordezkarien batzarra izango dira.

36. artikulua. Taldeko ordezkariak.

1. Ikasle-talde bakoitzak, zuzeneko eta isilpeko sufragioaren bidez, ikasturteko

lehen hilean zehar eta ikasturte osorako, ordezkari bat aukeratuko du eta

hori ikasleen ordezkarien batzarraren parte izango da. Ordezkariordea ere

aukeratuko dute, ordezkaria egon ezean edo gaixorik egonez gero,

eginkizunetan laguntzeko.

2. Taldeko ordezkariak aukeratzeko hauteskundeak ikasketaburuak antolatu

eta deituko ditu, eta berak ezarriko ditu bozkatzeko arauak, artikulu

honetako 3. atalak xedatutakoarekin bat, eta ikasleek OOGean edo Eskola

Kontseiluan dituzten ordezkariek eta taldeko tutoreek lagunduta.

3. Edozein kasutan ere, ikasle guztiak izango dira hautesle eta hautagarri,

zerrendarik aurkeztu beharrik gabe. Bozkatzeko orduan, ikasle bakoitzak

boto-paperean bi izen jartzeko aukera izango du. Ordezkaria boto gehien



Ikastetxea


Laudio - Llodio

jaso duen ikaslea izango da, eta ordezkariordea boto-kopuruan hurrengoa.

Lortutako boto-kopuruan berdinduz gero, taldeko ordezkari hautatua ikasle

zaharrena izango da, eta ordezkariordea hurrengoa.

4. Ordezkariak eta ordezkariordeak ezeztatzeko aukera izango da, aldez

aurretik beroriek aukeratu zituzten ikasleen gehiengo osoak tutoreari

zuzendutako txosten arrazoitu bat eginda. Kasu horretan, beste

hauteskunde baterako deialdia egingo da, hamabost eguneko epean eta

aurreko atalean xedatutakoarekin bat. Berdin egingo da onartutako

dimisioen kasuan.

5. Ordezkariei ezin izango zaie zigorrik ezarri, erregelamendu honek

egotzitako eginkizunen jardueren ondorioz.

37. artikulua. Taldeko ordezkarien egitekoak.

Honako hauek dira:

a) Ordezkarien batzarrera joatea eta eztabaidetan parte hartzea.

b) Gobernu-organoei eta koordinazio didaktikorako organoei ordezkatzen duten

taldearen iradokizunak eta erreklamazioak azaltzea.

c) Taldeko ikasleen arteko bizikidetza sustatzea.

d) Tutorearekin eta gainerako irakasleekin batera lan egitea, ordezkatzen duten

taldearen funtzionamendua ukitzen duten gaietan.

e) Ikastetxeko irakasleekin eta gobernu-organoekin batera lan egitea, ikastetxearen

funtzionamendu onerako.

f) Ikastetxeko materiala eta instalazioak egokiro erabiltzen direla zaintzea.

g) Ikastetxeko gobernu-organoek agintzen edo eskuordetzen dizkieten gainerako

egitekoak, euren eskumenen esparruan.

38. artikulua. Ordezkarien batzarraren osaera eta funtzionamendua.

1. Ikastetxeko kudeaketan ikasleek berariaz parte hartzeko organoari,

EEPLaren 30. artikuluan aipatuta, ikasleen ordezkarien batzarra deituko

zaio.



Ikastetxea


Laudio - Llodio

2. Lanbide Heziketa Udal Ikastetxeak (LHUI) ikasleen ordezkarien batzarra

izango du, eta haren parte izango dira ikasleek era askean taldeetan

aukeratutako ordezkariak eta, horiekin batera, ikasleek OOGean edo Eskola

Kontseiluan dituzten ordezkariak.

3. Ordezkarien batzarrak funtzionamendurako bere arauak ezarriko ditu.

Arauok indarrean jarriko dira, ikasketaburuak onartu ostean, eta

horietarako baimena kendu baino ezin izango zaie egin, baldin eta legezko

arauren baten aurka egiten badute, edota erregelamendu honen manatuen

aurka, edota ikasleen eta hezkuntza-komunitateko gainerako kideen

eskubideen eta betebeharren aurka.

4. Edozein kasutan ere, ikastetxeko ikasleen arteko eta ordezkarien

batzarraren beraren operatibitatearen arteko pluraltasuna babestu beharko

da.

5. Ikasketaburuak ordezkarien batzarrari bilerak egiteko gune egokia eta ondo

funtzionatzeko beharrezko baliabideak utziko dizkie.

6. Ordezkarien batzarreko kideek, eginkizunen jardunean, OOGaren edo

Eskola Kontseiluaren bileren aktak jakin eta kontsultatzeko eskubidea

izango dute, baita ikastetxeko beste edozein administrazio-agiri ere,

pertsonen intimitaterako eskubidea uki dezakeen zerbait jakiteko edo

zabaltzekoa izan ezik.

7. Ikasturtearen hasieran, ordezkarien batzarra ikasketaburuarekin bilduko da

hainbat gai lantzeko, honako hauek, besteak beste: hizkuntza normalkuntza,

21eko agenda, lanbideratzea, jarduera osagarriak eta ikastetxearen

antolamendua.

39. artikulua. Ordezkarien batzarraren egitekoak.

Honako hauek dira:

a) Zuzendaritzari proposamenak egitea, ikastetxearen hezkuntza proiektua (IHP),

urteko plana eta urteko memoria egin ditzan, baita eskola-aldia antola dezan

ere.

b) OOGean edo Eskola Kontseiluan ikasleen ordezkariei aholkuak eta laguntza

ematea, baita talde bakoitzaren arazoei buruzko informazioa ere.



Ikastetxea


Laudio - Llodio

c) OOGean edo Eskola Kontseiluan ikasleek ordezkatzen dituztenen aldetiko

informazioa jasotzea, eguneko gaien zerrendei buruz, benetan landutako gaiei

buruz eta hartutako erabakiei buruz.

d) OOGerako edo Eskola Kontseilurako txostenak egitea, euren kabuz zein berak

eskatuta.

e) Antolakuntza- eta jarduera-araudia (AJA) aldatzeko proposamenak egitea,

euren eskumenen esparruan.

f) Ikasleei batzarrak egiten dituen jardueren berri ematea.

g) Ikastetxean jarduera osagarriak eta eskolaz kanpokoak egiteko proposamenak

egitea.

h) Informazioa jasotzea, halakorik badago, enpresetan praktikak egiteko

hitzarmenez, eta haien jarraipenean parte hartzea.

i) Ikasleak berariaz ukitzen duen beste edozein jarduera edo erabaki.

II. ATALA. GURASOEN BATZARRA, IKASLEEN GURASOEN ELKARTEAK ETA

IKASLEEN ELKARTEAK.

40. artikulua. Gurasoen batzarra.

1. Lanbide Heziketa Udal Ikastetxeko (LHUI) gurasoen batzarra gurasoek

ikastetxearen kudeaketan berariaz parte hartzeko organoa da.

Ikasleen gurasoek edo tutoreek osatuko dute. Ikastetxearen zuzendariak egingo du

deialdia, behin, gutxienez, ikasturte bakoitzaren hasieran; eta bera izango da burua, ez

bada bestelako prozedurarik erabakitzen, artikulu honetako 2. atalean xedatutako

ahalmena oinarritzat hartuta.

2. Gurasoen batzarrak zuzeneko eta isilpeko botoaz barneko organo bat

aukera dezake, euren batzarrak prestatu eta euren erabakiak betetzen direla

ikuskatzeko.

3. Gurasoen batzarraren egitekoak honako hauek izango dira:

a) Ikastetxeko gainerako organoei egoki iritzitako proposamenak bidaltzea, euren

eskumeneko gaiei dagokienez, barne hartuta irakaskuntza-jardueren, eskolaz



Ikastetxea


Laudio - Llodio

kanpoko jardueren eta jarduera osagarrien programaren eta urteko kudeaketa-

programaren gaineko balorazioa.

b) Zuzendaritzarekin eta klaustroarekin harremanetan izatea, ikastetxearen

hezkuntza-programa garatzeko lankidetzarik handiena lortzearren.

c) Gurasoen ekimena suspertzea, ikastetxearen bizimoduan modu aktiboan parte

har dezaten.

d) Euren bileretarako kide anitzeko organoetako gurasoen ordezkariei deitzea,

egindako kudeaketaz informa dezaten.

e) Beraiek funtzionatzeko arauak onartzea.

41. artikulua. Ikasleen gurasoen elkarteak eta ikasleen elkarteak.

1. Lanbide Heziketa Udal Ikastetxeak (LHUI) eskubidea aitortu, sozietatearen

helbidea eman eta ikastetxearen funtzionamenduan parte hartzeko

erraztasuna emango die ikasleen gurasoen elkarteei, Euskal Autonomia

Erkidegoko ikasleen gurasoen elkarteak arautzen dituen indarreko

otsailaren 10eko 66/1987 Dekretuak xedatutakoaren arabera eratuta.

Halaber, legez eratutako ikasleen elkarteei ere sozietatearen helbidea eta

ikastetxearen funtzionamenduan parte hartzeko erraztasuna emango die.

2. Ikasketaburuari dagokio zehaztea zein lokal jarriko diren legez eratutako

elkarteek modu iraunkorrean erabiltzeko, baita behin-behinean gune

komunak erabiltzeko baimena ematea, elkarteen ordezkariek eskatuz gero.

3. Inoiz ez da legez eratutako elkarterik baztertuko, erregelamenduan

xedatutakoa kaltetu barik, hau da, gurasoen elkarteen artean

ordezkaritzarik handiena duena izango da OOGerako edo Eskola

Kontseilurako ordezkarietariko bat zuzenean proposatuko duena.

4. Ikastetxeko gobernu-organoek ez dute inolako ekintzarik egingo, ezta

egiteari utziko, baldin eta horrek presioa eragiten badie ikasleen gurasoei,

ikastetxeko ikasleei, eratutako elkarteetan izena eman zein eman ez dezaten,

edota mantentze ekonomikoan lagun dezaten.



Ikastetxea


Laudio - Llodio

42. artikulua. Legez eratutako elkarteen bidezko parte-hartzea.

Ikastetxean eratutako ikasleen gurasoen eta ikasleen elkarteek honako hauek egin

ditzakete:

a) OOGera edo Eskola Kontseilura proposamenak igortzea, hezkuntza proiektua

(IHP) egin edota alda dezaten.

b) OOGari edo Eskola Kontseiluari informazioa ematea, ikastetxearen ibileran

egoki iritzitako alderdiez.

c) Hezkuntza-komunitateko kide guztiei euren jardueren berri ematea.

d) OOGaren edo Eskola Kontseiluaren aldetiko informazioa jasotzea, bertan

landutako gaiez, baita kontseilua egin aurretik horretarako gai-zerrenda

jasotzea ere, proposamenak egin ahal izateko.

e) OOGerako edo Eskola Kontseilurako txostenak egitea, euren kabuz zein berak

eskatuta.

f) AJA aldatzek proposamenak egitea.

g) Jarduera osagarriak egiteko proposamenak egitea.

h) Emaitza akademiko orokorren eta ikastetxeak horietaz egindako balorazioaren

berri izatea.

i) Hezkuntza-plana eta ikastetxeko curriculum-proiektuak eskuratzeko aukera

izatea, horri dagokion tresna informatikoaren bidez, kasurako, Gureskola

plataformaren bidez.

j) Ikastetxeak hartutako eskola-liburuei eta material didaktikoei buruzko

informazioa jasotzea.

k) Hezkuntza-komunitateko kide guztien lankidetza sustatzea.

l) Ikastetxearen instalazioak zuzendariak ezarritako terminoei jarriki erabiltzea.



Ikastetxea


Laudio - Llodio

II. TITULUA. BIZIKIDETZAREN ARAUAK

I. KAPITULUA. PRINTZIPIO OROKORRAK

43. artikulua. Bizikidetzaren oinarria.

Lanbide Heziketa Udal Ikastetxeak (LHUI) beretzat hartuko ditu, bizikidetzaren

oinarri gisa, hezkuntza-komunitate osoak ikasleen eskubideak babestea eta

errespetatzea; baita eskubide horien jardute arduratsua eta ikasleek betebehar

korrelatiboak betetzea ere, titulu honek xedatutakoarekin bat.

44. artikulua. Bizikidetzarako plana.

Lanbide Heziketa Udal Ikastetxeak (LHUI) bizikidetzarako plana idatziko du,

Hezkuntza, Unibertsitate eta Ikerketa Sailak xedatutakoaren arabera. Bertako

lehentasunezko helburua izango da bizikidetzako gatazken sorrera saihestea eta,

sortuz gero, beroriek ebaztea, adostutako ekintzen eta neurrien bitartez, abenduaren

2ko 201/2008 Dekretuak xedatutako aukerako bideez, eta, beharrezkoa bada,

bitartekaritzako prozeduren bidez.

45. artikulua. Eskubideen berehalako babesa.

Ikasleen eskubideak abenduaren 2ko 201/2008 Dekretuaren 6. artikulutik 21. artikulura

xedatutakoak izango dira. Edozein irakaslek ikusiko balu ikasleren baten jarrerak

eskubide horien jarduna eragozten duela edo eskubideen kontrako jarrera dela,

berehala hartu beharko du parte, jarrera horren arduradunari ahoz ohartarazita eta

ikasketaburuarengana joateko aginduta.

46. artikulua. Eginbeharrak betetzeko bermea.

Ikasleen betebeharrak abenduaren 2ko 201/2008 Dekretuaren 21. artikulutik 27.

artikulura xedatutakoak izango dira. Betebehar horietariko baten bat bete ezean, hori

ikusten duen irakasleak berehala zuzendu beharko du, kaltetu barik ikasle horri

ikasketaburuarengana jotzeko agintzea, baldin eta ez-betetze horrek hezkuntza-

komunitateko beste kideen eskubideen jarduna eragozten badu edo zuzenean euren

aurka egiten badu.



Ikastetxea


Laudio - Llodio

II. KAPITULUA: IKASLEEN ESKUBIDEAK EGIKARITZEKO BERMEA

47. artikulua. Irakasleen inplikazioa ikasleen eskubideak babesteko.

Lanbide Heziketa Udal Ikastetxeko (LHUI) irakasle orok lagunduko du abenduaren

2ko 201/2008 Dekretuak ikasleei aitortzen dizkien eskubideak babesten, erregelamendu

honek xedatutakoari eta gobernu-organoen jarraibideei jarraiki.

48. artikulua. Segurtasunari loturiko eskubideetarako arreta.

1. Tutoreek eta gainerako irakasleek ikasketaburuari edo zuzendariari emango

diote tratu txarren edozein aztarnaren berri, eskubide eta betebeharrei

buruzko dekretuaren 7.2. eta 7.3. artikuluak xedatutako ondorioetarako.

2. Irakasle ororen egitekoa da aurrea hartzea edo, kasurako, berdinen arteko

tratu txarrak eragin ditzaketen egoerak ahalik eta arinena antzematea.

Antzemandako edozein aztarna Zuzendaritzari berehala jakinarazi beharko

zaio, protokolo egokiak bete ditzan.

49. artikulua. Ohorea, intimitatea eta irudi propioa izateko eskubidearen babesa.

1. Lanbide Heziketa Udal Ikastetxeko gobernu-organoek, tutoreek eta

irakasleek babestu beharko dute ikasleek eta hezkuntza-komunitateko

gainerako kideek ohorea, intimitatea eta irudi propioa izateko eskubidea.

Zuzendaritzak OOGari eta Eskola Kontseiluari proposatuko dizkio, onar

ditzan, grabatzeko tresnak, eskuko telefonoak eta, oro har, teknologia

berriak erabiltzeko arauak. Arau horiek ezin izango dute inoiz baimendu

ikasgelen barruko grabaziorik, argazkirik edota eskuko telefonoak

erabiltzerik.

2. Eraikinetik kanpo edota eskola-eremutik kanpo erabiltzea baimenduz gero,

egoki iritzitako mugak proposatu beharko dira eta, kasu guztietan,

hezkuntza-komunitateko kideei argazkiak ateratzea edota grabatzea

debekatuko da, beraiek horretarako emandako berariazko baimenik gabe,

baita baimendutako grabazioak edota argazkiak berariaz baimendu gabeko

moduan erabiltzea ere.

50. artikulua. Biltzeko eskubidea

Lanbide Heziketa Udal Ikastetxeko (LHUI) gobernu-organoek biltzeko eskubidea

bermatuko dute, modu efektiboan, ikasleei legeek aitortuta, eta eskubide horri loturiko

alderdi guztiak zainduko dituzte, haren helburuak hezkuntza-helburua ere bete eta



Ikastetxea


Laudio - Llodio

adingabeak babesteari buruzko Legeak xedatutako aginduak bete ditzan. Horretarako,

kide bakarreko gobernu-organoek kontuan hartuko dute honako atal hauetan

xedatutakoa:

a) Taldeak zein bere gelan bil daiteke, tutoreak badaki eta, kasurako, bertan

badago, gai akademikoez hitz egiteko, egoki iritzi bezain bestetan, eskolarik

galdu gabe. Aldez aurretik irakasle tutoreari gaien zerrenda jakinaraziz gero,

bildu ahal izango dira, hilean gehienez behin, eskola ordu batek dirauen

bitartean. Bilera horietan ezin izango da talde horretatik kanpoko ikaslerik

egon. Irakasle-tutorea egon ezean, taldeko ikasle ordezkaria izango da bileraren

burua eta moderatzailea.

b) Ikasketaburuak ordezkarien batzarraren bilera egiteko tokia adieraziko die,

erregelamendu honetako 38.2. artikuluak aipatutako funtzionamendu-arauetan

xedatutako bilera-erregimenari jarraiki.

c) Ordezkarien batzarrak, egoki iritziz gero, ordezkatutako ikasleei kontsulta

egitea erabaki dezake. Horretarako, ordezkarien batzarrak ikasketaburuari

eskatuko dio eta honek baietza ala ezetza emango du, gai-zerrenda ikusita,

ordezkarien batzarraren eskumenerako aurkeztutako gaien egokitasun

mailaren arabera. Baimena ezeztatzea dago, baldin eta aurreko edo lehengo

bileretan gai-zerrendari lotu ez bazaizkio. Ikasketaburuaren aurka egiteko,

erreklamazioa zuzendariari egin behar zaio.

d) Bilera horietarako deialdiaren ohartarazpena egin behar zaie, bezperan, ikasle

guzti-guztiei, ikasleen ordezkarien bidez, eta gai-zerrendarekin batera.

Bertaratzea ez da inoiz nahitaezkoa izango.

e) Bilera horiek jolastorduetako ordutegietan egingo dira. Ondorio horietarako,

ikasketaburuak eskolen ordutegia egoki dezake, iraupenak murriztu barik.

f) Hala ere, OOGak edo Eskola Kontseiluak hiru sektoreen, hau da, ikasleen,

gurasoen eta irakasleen gehiengo soilaz onartuko balu, ikasketaburuak, landu

beharreko gaien kopuruak eta izaerak hala eskatuko balu, eskolen iraupena

ezinbestekoa den neurrian murriztu lezake, bileran eman beharreko denbora

ordubetekoa izan arte. Murriztapen hori eskola guztien artean banatuko da,

erabakia irakasle guztiek jakiteko moduan, bezperan, hartu bada; bestela,

egunean bertan erabaki bada, bilerarako jolastorduaren aurre-aurreko eta

ondorengo eskolak baino ez dira murriztuko.



Ikastetxea


Laudio - Llodio

51. artikulua. Talde absentziak arautzea.

Bilerak izateko eskubidea gauzatzea errazteko helburua izanik, eskolarako edo

nahitaezko bestelako jardueratarako talde absentziak, eskubide horren jardunaren

ondoriozkoak, DBHko hirugarren mailatik aurrera, ez dira jarrera desegokitzat

hartuko eta ezin izango dira zuzendu beharrekotzat hartu, baldin eta ondoren

xedatutakoa betetzen bada:

a) Eskola-absentziarako proposamena, hasiera batez, ikastetxeko ordezkarien

batzarrak onartu behar du, bere ekimenaz edo, gutxienez, ikastetxean

matrikulatutako ikasle guztien edo legez eratutako ikasleen elkarteen,

federazioen edo konfederazioen % 5ek hala eskatuta, aldez aurretiko eztabaida

bat eginda, non honako alderdi hauek aztertu beharko dituzten.

Deialdiaren hezkuntza- edo prestakuntza-helburua.

Deialdiak ikastetxearekin duen lotura.

Ikasle guztiek bera hausnartzeko duten denbora.

Aurretiko beste deialdiekiko hurbiltasuna edo ondorengo deialdien

aurreikuspena.

b) Ordezkarien batzarrak proposamena onartzen badu, deialdia idatziko da eta

artikulu honetako a) puntuan adierazitako alderdiei loturiko arrazoiak emango

dira; horretan bertan deialdi-egileak, datak, orduak eta programatutako

jarduerak adieraziko dira, bi egun balioduneko gutxieneko aurretiaz;

salbuespenez, ikasketaburuari deialdia egin izanaren premiazko arrazoi

justifikatuak izan ezik.

c) Horrela erredaktatutako deialdia Zuzendaritzari jakinaraziko zaio eta, 52.

artikuluko 1. atalean xedatutakoarekin bat, horretarako jarritako gune eta

tokietan jarriko da. Jendaurrean egon beharko da, goian adierazitako tokietan,

bozkatzen amaitu arte.

d) Ordezkari bakoitzak bere taldeko ikasleei jakinaraziko die deialdia dagoela eta

non dagoen jarrita, eta ezin izango da geletan jarri, eta ezin izango da

askatasunez horren berri izatea aukeratu ez duen ikaslerik behartu. Halaber,

bozkatze-lekuaren eta –unearen berri emango du.

e) Ikasketaburuak bozkaketarako jolastorduaren aurre-aurreko eta atze-atzeko

eskola murriztea erabaki dezake.

f) Jolastordua hasitakoan hasiko da bozkatzen, talde bakoitzeko mahai bat jarrita,

ikasketaburuaren edo bera eskuordetutako irakasleren baten zaintzape



Ikastetxea


Laudio - Llodio

orokorrean. Mahai bakoitzean, gutxienez, bi talde ordezkari egongo dira; batak,

NANaren bidez edo ikastetxeko agiriaren bidez, ikasleen nortasuna eta mailako

taldeetan sartuta dagoen kontrolatuko du, eta besteak ikasleen boto-paperak

jasoko ditu.

g) Erabili beharreko boto-paperetan inprimatuta ageriko dira (BAI/SÍ) baiezko

aukera eta (EZ/NO) ezezko aukera, zein dagokion laukiaren gainean. Boto-

emaileek gurutzez markatuko dute aukera bietariko bat, tintaz edo bolalumaz.

Baliogabetutako bototzat hartuko dira lauki biak gurutzez markatuta ageri

badira, edo inprimaki berean gurutze bakarra baina idazkera autograforik

gabea ageri bada, edo aipatutakoa ez den bestelako adierazpenik ageri bada.

Lauki bat bera ere markatu gabekoak, bestelako adierazpenik ageri ezean, boto

zuritzat hartuko dira.

h) Bozkatzen amaituta, mahai bakoitzak bertan emandako botoak zenbatuko ditu.

Emandako botoen baturak, boto baliogabeak eta zuriak barne, ez badu lortzen

ikastetxeko ikasle guztien kopuruaren erdia gehi bat, bozkaketak ez du baliorik

izango eta ezin izango da bozkaketa bera errepikatu, beste barik, ezeztatuta

geratuko litzateke.

i) Emaitza baliozkoa izateko, erdia gehi bat egin osteko quoruma egon behar izan

da. Quoruma nahikoa izanik, emaitza ikasketaburuaren proposamenaren

aldekoa bada, jendaurrean azaldu eta deialdiarekin batera agerraraziko du.

Emaitza ez da inoiz ikasleentzako loteslea izango, eurek banaka duten eskolara

joateko eskubideaz baliatzea dute; baina, onartutako deialdiarekin bat egiten

dutenen eskola-absentzia ezin izango da jarrera desegokitzat hartu eta ezin

izango zaio neurri zuzentzailerik ezarri.

j) Edozein kasutan ere, ikastetxeak eskolak ematea bermatuko du, bertaratzen

den ikasle-kopurua edozein izanda ere.

52. artikulua. Idatziz adierazteko eskubidea egikaritzea.

1. Abenduaren 2ko 201/2008 Dekretuko 14. artikuluak ikasleei aitortzen dien

adierazpen-askatasunaren eskubidea egikaritzeko:

a) Zuzendariak edo, ordezkaritzaz, ikasketaburuak ezarriko du zein modutan,

gunetan eta tokitan egikari daitekeen eskubide hori; edozein kasutan ere,

instituzioek eta hezkuntza-komunitateko kideek merezi duten errespetuari

erreparatu beharko zaio.



Ikastetxea


Laudio - Llodio

b) Edonola ere, horretarako jarritako tokietan eta guneetan ageri den informazio

guztiak argi adierazita izan beharko du informazioa emateko ardura izan duen

pertsonaren, erakundearen, elkartearen edo taldearen identifikazio argia.

c) Ikasgelen barruan eskola-jarduerei buruzko informazioa baino ezin izango da

ageri.

2. Arau horiek betetzen ez dituen informazio oro kendu egingo da,

zuzendariak edota ikasketaburuaren aginduz.

III. KAPITULUA EGINBEHARRAK BETETZEKO BERMEA

53. artikulua. Printzipio orokorra.

1. Betebeharrak ez betetzea, abenduaren 2ko 201/2008 Dekretuak ikasleei

ezarrita, beti izango da jokabide desegokia, behintzat, eta bizikidetzaren

aurkako jokabidetzat zein bizikidetzaren aurkako jokabide larritzat har

daiteke, baldin eta hezkuntza-komunitateko gainerako kideen eskubideen

jarduna oztopatzen badu edo zuzenean eurak erasotzen baditu.

2. Aipatutako betebeharrak betetzen ez direla ikusten duen irakasle orok

nahitaez esku hartu beharko du, bizikidetzarekin bat egiten ez duen

jokabidea zuzentzeko xedeaz, aipatutako dekretuan eta erregelamendu

honetan xedatutakoaren arabera.

54. artikulua. Zuzendu beharreko jokabideak.

Ahal eta eperik laburrenean zuzendu beharko dira 201/2008 Dekretuak desegokitzat jo

dituen jokabide guztiak, bizikidetzaren aukakoak zein bizikidetzarako oso

kaltegarriak. Neurri zuzentzaileek zuzendu beharreko jokabidearekin zerikusia izan

dezaten saiatuko da, zuzendu nahi den jokabidearen beharrezko ondoriotzat hartzeko

moduan.

55. artikulua. Jokabide desegokiak.

1. Jokabide desegokiak dira lehen aipatutako dekretuaren 30. artikuluan

zerrendatutakoak.

2. Lanbide Heziketa Udal Ikastetxean (LHUI), aipatutako dekretuan

xedatutakoarekin bat, ikaslea zaintzapean duen irakasleak zuzenduko ditu

jokabide desegokiak.



Ikastetxea


Laudio - Llodio

3. Ikasketaburuak bete beharreko prozedura ezarriko du, beti arauekin bat, eta

kontuan hartuko du neurria tutoreari jakinarazi behar zaiola, ahozko

ohartarazpen hutsa ez bada.

56. artikulua. Bizikidetzaren aurkako jokabideak.

1. Bizikidetzaren aurkako jokabideak eskubide eta betebeharrei buruzko

dekretuaren 31. artikuluan zerrendatutakoak dira.

2. Bizikidetzaren aurkako jokabidea ikusten duen edozein irakaslek

jokabidearen erantzukizuna duen ikasleari ahoz ohartaraziko dio,

ikasketaburuarengana edo honen ordezkariarengana jotzeko aginduko dio,

eta gertaeren eta berehalako zuzenketarako esku-hartzearen berri emango

du, ikasketaburuak zuzendariarekin batera ezarritako prozeduraren

arabera.

57. artikulua. Bizikidetzan kalte larriak eragiten dituzten jokabideak.

1. Bizikidetzan kalte larriak eragiten dituzten jokabideak eskubide eta

betebeharrei buruzko dekretuaren 32. artikuluan zerrendatutakoak dira.

2. Bizikidetzan kalte larririk eragiten duen jokabidea ikusten duen edozein

irakaslek jokabidearen erantzukizuna duen ikasleari ahoz ohartaraziko dio,

ikasketaburuarengana edo honen ordezkariarengana jotzeko aginduko dio,

eta gertaeren eta berehalako zuzenketarako esku-hartzearen berri emango

du, ikasketaburuak zuzendariarekin batera ezarritako prozeduraren

arabera.

58. artikulua. Bizikidetzaren aurkako jokabideak eta kalte larriak eragiten dituztenak

zuzentzeko prozedura.

Bizikidetzaren aurkako jokabideak edo kalte larriak eragiten dituztenak zuzentzeko,

abenduaren 2ko 201/2008 Dekretuak xedatutako terminoak ezarriko dira, betiere

gatazka ebazteko ahalegina eginda dekretu bereko III. kapituluan xedatutako aukerako

bideen bitartez.



Ikastetxea


Laudio - Llodio

III. TITULUA ESKOLA-ERRENDIMENDUAREN EBALUAZIO OBJEKTIBOA.

59. artikulua. Printzipio orokorrak.

Euskal Eskola Publikoari buruzko Legearen 16. artikuluan xedatutakoa betetzeko

xedeaz eta ikasleei beren eskola-errendimenduaren ebaluazio objektiboa izateko

eskubidea behar beste bermatzeko xedeaz, titulu honetan ezarritako berme-sistema

hartuko da, publizitate-, informazio- eta gardentasun-printzipioetan oinarrituta eta

azken emaitzei erreklamazioa egiteko aukera bermatuta.

Lanbide Heziketako, Batxilergoko eta HLKPko ikasleen ikaskuntzaren ebaluazioa

etengabea izango da, beraz, ezinbestekoa izango da eskoletara eta programatutako

jardueretara erregulartasunez joatea, irakaskuntza bakoitzeko ikasgaietan eta

moduluetan.

Ikastetxean onetsitako ebaluazio etengaberako metodoak eta irizpideak ezartzea

ezinezkoa denean, ikasleren batek hutsegite ugari egin izanagatik, ebaluazioa egiteko,

ikasturte amaierako lehen ebaluazioan beharrezko probetara aurkeztu beharko da.

Absentziaren arrazoiak justifikaziotzat har daitezke, honako hauek badira:

- Ikaslearen gaixotasun luzea.

- Lanposturen batean hastea, horrek ikasketetako ohiko dedikazioa eragozten

badu.

- Betebehar pertsonalak edo familiarrak, ikasketetako ohiko dedikazioa

eragozten badute.

- Bestelako inguruabar bereziak, ikastetxearen zuzendariak balioetsita, eskaera

berari zuzendu behar baitzaio.

Ebaluazio etengabea izateko eskubideari eusteko, asistentzia erregularra ezin izango

da % 80tik beherakoa izan.

60. artikulua. Publizitatea.

1. Ikasketaburuak bermatu beharko du bai ikasleek, bai haien legezko

ordezkariek, ikasturtearen programazio laburtua eskura izatea, bertan arlo

edo gai bakoitzean lortu beharreko helburuak, edukiak eta oinarrizko

gaitasunak adierazita.

2. Halaber, kudeaketarako oinarrizko taldeen (KOT) eta irakasleetariko

bakoitzaren aldetiko publizitatea bermatu beharko du, arloak eta gaiak

gainditzeko eskatutako gutxieneko edukiei buruz, ebaluazioan



Ikastetxea


Laudio - Llodio

aplikagarriak diren prozedurei eta irizpideei buruz eta errekuperazio- eta

laguntza-prozedurei buruz.

3. Ikasketaburuak bermatuko du publizitate hori adingabeen gurasoengana

edo legezko ordezkariengana heltzea.

61. artikulua. Ikasleentzako eta gurasoentzako informazioa.

1. Ikasketaburuak bermatu behar du komunikabide biziak eta egonkorrak

egotea, irakasleen eta gurasoen edo ikasleen legezko ordezkarien artean,

irakaskuntzako eta ikaskuntzako jarduerekin zerikusia duen informazio

guztia eskuragarri izan dezaten, eta, batez ere, eskola-errendimenduarekin

zerikusia duena.

2. Tutorearen betebeharrak kaltetu barik, irakasleek ezin izango diote uko egin

ikasleei edo legezko ordezkariei banaka aurreko atalean adierazitako

alderdiei buruzko informazioa emateari. Ikasketaburuaren ardura da

irakasle guztiek betebehar hori betetzen dutela bermatzea.

3. Ikasketaburuak bermatu behar du irakasle-tutoreek zeinek bere taldeko

gurasoekin bilerak egitea, hiruhilean behin, gutxienez, eta betiere gurasoen

herenetik gora eskatuta. Bilera horietan goian adierazitako alderdiak

emango dira jakitera eta, horretaz gain, horri loturik, ikasle taldearen egoera

zein den.

4. Alde batera utzita aurreko ataletako prozeduran igorritako informazioa,

tutoreek idatziz jakinaraziko diete ikasleen gurasoei edota legezko

ordezkariei, IIPan ebaluazio-saioetarako ezarritako gutxieneko

aldizkakotasunaz, aipatutako saioetan adostutako informazioa; eta

jasotzaileek informazio hori benetan jasotzen dutela bermatzeko beharrezko

neurriak hartuko dituzte.

5. Modu berean igorriko dute zikloen eta ikasturtearen amaierako saioen

emaitzen informazioa, kalifikazio gisa.

62. artikulua. Zuzendutako lanak, probak eta ariketak berrikustea.

1. Ikasleek eta, kasuan kasu, gurasoek eta legezko ordezkoek eskuragarri

izango dituzte errendimenduaren ebaluazioan eragina duten lan, proba,

azterketa eta ariketa guztiak eta, aldez aurretik eskatuta, haien kopia

eskuratzeko eskubidea izango dute, behin zuzenduta eta kalifikatuta.



Ikastetxea


Laudio - Llodio

2. Ikasketaburuak kopiak eskatzeko bete beharreko prozedura ezarriko du,

kontuan hartuta, arau gisa, ahozko eskaerei ahozko erantzuna emango

zaiela, eta eskaera idatziei erantzun idatzia.

3. Zuzenketa ez da mugatuko kalifikazio kualitatibo edo kuantitatibo hutsa

adieraztera, egindako faltak edo akatsak ere adieraziko dira, edo

kalifikazioaren azalpen arrazoitua.

63. artikulua. Ariketa zehatzetako kalifikazioak erreklamatzea.

Ikasleek edo legezko ordezkariek ahoz alega edo eska dezakete egindako lanak edo

probak berrikusteko, kalifikazioa jaso eta bi irakasteguneko epean. Alegazioak edo

eskaerak irakasleari egingo zaizkio eta berak ebatziko du, egoki iritziz gero,

kudeaketarako oinarrizko taldeen (KOT) aholkularitza izanik. Horretarako, kontuan

hartuko da kasu guztietan, curriculum ofizialak eta IIPak ez ezik, kudeaketarako

oinarrizko taldeen programazioek, gelako programazioek eta argitaratutako

kalifikazio-irizpideek ere duten izaera loteslea.

64. artikulua. Ebaluazio partzialak erreklamatzea.

1. Ikasleek irakasleari, zuzenean edo irakasle-tutorearen bitartez, ahoz zein

idatziz erreklama ditzakete ebaluazioaldi bakoitzari dagozkion

kalifikazioak. Irakasle bakoitzak berari dagozkion erreklamazioak

erantzungo ditu, modu berean, ahoz zein idatziz, erreklamazioa egin den

moduaren arabera, kontuan hartuta aurreko artikuluko azken paragrafoan

adierazitakoa.

2. Ikasleek egindako erreklamazioa ezetsiz gero, kudeaketarako oinarrizko

taldeek (KOT) parte hartzeko eskatzea dute, zuzenean zein irakasle-

tutorearen bitartez, ahoz zein idatziz. Kudeaketarako oinarrizko taldeak

(KOT) begiratuko du ea proposatutako azterketa hartutako

programaziorako egokia den eta ea departamentuan adostutako irizpideak

egokiro ezarri diren, hori egin ostean, erreklamazioa egin duenari

erantzungo dio, ahoz zein idatziz, erreklamazioa egin den modu berean.

3. Ebaluazio partziala izapide hutsa dela kontuan hartuta, ez da horren osteko

kalifikazioaren aurkako errekurtsorik izango, nahiz eta irakasleak

departamentuaren irizpidearen aurkakoari eutsi. Hala ere, irizpide hori

kontuan hartu beharko da azken ebaluazioaren aurkako balizko

erreklamazioa ebazteko orduan.



Ikastetxea


Laudio - Llodio

65. artikulua. Kalifikazioak justifikatzeko agiriak gordetzea.

1. Ikasturte osoan zehar probak, lanak eta ariketak eskuragarri egoteko

xedeaz, irakasleek eskolek dirauten bitartean ikastetxean gorde beharko

dituzte, baita ikasturteko azken ebaluazioaren osteko erreklamazio-epea

amaitu eta hiru hilera ere, gutxienez.

2. Epe hori amaituta, suntsi daitezke edo ikasleei eman dakizkieke, ez bada

horiek ebazpenen baterako kontuan hartu behar izateko inolako

erreklamaziorik izan. Ondorio horietarako, kontuan hartu behar dira

erreklamazioak aipatutako ariketak ez ezik, kalifikazio bera izan duten

beste ikasleenak ere, ikaslearen erreklamaziokoak edo ikasleak eskatzen

duen kalifikazioa izan dutenak.

3. Edozein kasutan ere, erreklamazioa ebazteko kontuan hartu beharreko

ariketak edo agiriak gorde egin beharko dira administrazio-ebazpenik edo

ekintza judizialik izateko aukera dagoen bitartean.

66. artikulua. Azken kalifikazioak erreklamatzea.

1. Azken kalifikazioak argitara eman aurretik, irakasle bakoitzak,

ikasketaburuak onetsitako ordutegi batean, berrikusketa-saio baterako

deialdia egingo du; bertan, ikasle bakoitzari irakaslearen iritzik merezi duen

kalifikazioaren berri eman ostean, adostasun zein desadostasun

adierazpenak jasoko ditu eta, bere irizpideari jarraiki, aldez aurretiko

kalifikazioa berretsi edo berrikusi egingo du.

2. Aurreko paragrafoan aipatutako saioan ados ez daudela adierazi duten

ikasleek, kasu egin ez bazaie, kalifikazioen entrega formala egin eta 48

orduko epea izango dute erreklamazioa egiteko, Idazkaritzan emandako eta

ikasketaburuari zuzendutako idatzi baten bidez. Aipatutako idatzi horretan

argi adieraziko da zein kalifikazioren aurkako erreklamazioa den, ikasleak

zein kalifikazio eman behar zaiola uste duen eta bere ustez zergatik dagoen

justifikatuta erreklamatzea.

Ikasleak horrekin batera aurkez ditzake ariketa zehatzetako edo ebaluazio

partzialetako kalifikazioei egindako alegazioak edo erreklamazioak, unean

aldeko ebazpena izan barik, baldin eta horiek azken ebaluazioaren emaitza

baldintzatu badute.

3. Ikasketaburuak dagokion kudeaketarako oinarrizko taldeari (KOT)

helaraziko dio, eztabaida dezan, eta kudeaketarako oinarrizko taldeak



Ikastetxea


Laudio - Llodio

(KOT) begiratuko du ea proposatutako proba ikasgairako onetsitako

programaziorako egokia den eta ea adostutako irizpideak egokiro ezarri

diren. Ebazteko orduan, irakasleak emandako kalifikazioaren alde zein

haren aurka, kontuan hartu beharko dira, kasuan kasu, ebaluazio partzialei

egindako erreklamazioen kasuan egindako txostenak.

Halaber, kontuan hartuko dira antzeko egoera izan dezaketen gainerako

ikasleei emandako kalifikazioak.

4. Ezin izango zaio azken kalifikazio negatibo bati eutsi, azken emaitzen

aurkako erreklamazioaren kasuan, baldin eta horretarako oinarri bakarra

ikasgelako ahozko parte-hartzeak izan badira, parte-hartze horiek nahiko

dokumentaturik ez badaude.

5. Departamentuak erreklamazioa egin eta bi eguneko gehienezko epean

erabaki beharko du.

67. artikulua. Kudeaketarako oinarrizko taldearen (KOT) erabakiaren ondorioak.

1. Kudeaketarako oinarrizko taldeak (KOT) ikasketaburuari erabakia

jakinaraziko dio eta horrek interesatuari helaraziko dio.

2. Ikaslearen erreklamazioa onetsiz gero, ikasketaburuak zuzendariari

jakinaraziko dio, dokumentazio akademikoan zuzen dezan.

3. Erreklamazioa ezetsiz gero, ikasleak, ados egon barik segituz gero, beste

erreklamazio bat egin diezaioke idatziz zuzendariari, eta horrek Hezkuntza

Administraziora helaraziko du, bertan ebatzi dezaten.

LAUDIOKO LANBIDE HEZIKETA UDAL IKASTETXEA … eusk.pdf · 2020. 8. 29. · Laudioko Lanbide...

Documents

Transcript of LAUDIOKO LANBIDE HEZIKETA UDAL IKASTETXEA … eusk.pdf · 2020. 8. 29. · Laudioko Lanbide...