ERREALITATEAREN AZTERKETA

Zarauzko La Salle Ikastetxea

Zarauzko La Salle Ikastetxea bi eraikinez osatua dago lehenengo eraikinean

Haur Hezkuntza kokatzen da eta bigarrenean aldiz Lehen Hezkuntza eta Derrigorrezko

Bigarren Hezkuntza. Ikastetxean ia 700 ikasle daude eta 30 irakasletik gora, Zarauzko

ikastetxe garrantzitsuenetakoa da gaur egun. Orain ikastetxeko egoera teknologikoa zein

den aztertuko dugu. Irakasleen formakuntzari dagokionez esan irakasle gazteak, hau da,

berriak modu egokian formatuta daudela, teknologia berrien inguruan ezagutza dezente

baitituzte. Baina, ikastetxean denbora gehiago daramaten irakasleek minimoa dakite, ez

dituzte guztiz menperatzen teknologia berriak, bakoitzak duen interesaren arabera

gehiago edo gutxiago daki.

Lehen esan dudan bezala ikastetxea bi eraikinetan banatua dago eta biak

azpiegitura aldetik ongi hornituak daude, nahiz eta LH eta DBH hartzen dituen

eraikuntza hobeto hornitua egon. Orain eraikin bakoitzaren azpiegiturak aztertuko

ditugu. Haur Hezkuntzako eraikinean, gela guztietan ordenagailu nahiko berri bat dago,

honez gain gela bakoitzak ere musika aparatu bat badu. Eraikinean gainera, hizkuntzen

gela bat dago, non, bideoa, dvd-a eta kañoia dauden, baita telebista eta musika aparatu

bat ere.

Beste eraikinean aldiz, LHko ikasleek erabiltzen duten ordenagailu gela bat

dago, 30 bat ordenagailuz hornitua. Beste gela bat ere badago non 35 bat ordenagailu

berriagoak dauden, honi multimedia gela deitzen diote eta hau DBHko ikasleek

erabiltzen dute, gela honek kañoia ere badu. Gainera LHko ia gela guztietan musika

aparatu bat eta gutxienez ordenagailu bat aurki dezakegu.

Gela hauez gain, aretoa edo ikus-entzunezko gela ere aurki dezakegu bertan

bideoa, dvd-a, kañoia eta ordenagailu bat aurki daitezke eta honen aldamenean

liburutegia dago non ordenagailu pare bat eta kañoia ere badauden. Gainera ikastetxean

bi karro ere badaude, bertan telebista bat, bideoa eta dvd-a daude gelaz gela eraman ahal

izateko.

Azpiegitura guzti hauez gain, bideo kamerak, argazki kamerak eta musika

aparatuak daude gela guztiak erabiltzeko moduan daudenak. Honez gain, irakasle

guztiek beren ordenagailua dute eta idazkaritza, orientatzaileak eta zuzendaritzak ere

bakoitzak bere ordenagailuak ditu. Ikastetxeko ordenagailu gehienak (Windows XP)

dute, baina badira batzuk (Windows 98) dute.

Haur Hezkuntzari dagokionez esan, haurrak jada hiru urterekin hasten direla

gelako ordenagailua erabiltzen. Lehendabizi sagua nola erabiltzen den ikasten dute, eta

ondoren hizkuntza eta matematika programa ezberdinen bidez lantzen hasten dira. Haur

Hezkuntzako adinean erabiltzen dituzten programak Clic eta Urtxintxa dira. Hauen

bidez esan dudan bezala, hizkuntza eta matematika lantzen dituzte. Bi programa hauek

Haur Hezkuntzako haurrentzat egokituta daude, ondorioz oso ongi moldatzen dira

hauekin haurrak.

Urtxintxako programaren bidez euskara lantzen dute eta baita jolaserako ere

erabiltzen dute. Euskara lantzeko, hala nola, hiztegia, ipuinak, kantuak, … entzuten

dituzte, hauen inguruko ariketak ere egiten dituzte. Aldiz Clic programaren bidez

matematika lantzen dute, hala nola, seriazioak, ,multzokatzeak,…Programa hauek

goizez denon artean erabiltzen dituzte, baina ia arratsaldero denbora librean haur

bakoitzak nahi duenean ordenagailuan ibiltzeko aukera du, beraiek nahi dutena egiteko

aukera dutelarik, hau da, libre.

Web orriari dagokionez esan, ikastetxeak baduela web orri berritu eta eguneratu

bat, non informazio eta argazki ugari bildu daitezkeen. Guraso eta ikasleek

partehartzeko inkestak ere egon ohi dira, baita irteeren argazkiak ere. Ikastetxean

haurrei ematen zaizkien zirkular guztiak ere irakurtzeko aukera dago web orrian:

www.lasalle.es/zarautz.

Informatika arduradunaren iritziz, hau da, IKTko arduradunaren iritziz,

ikastetxea azpiegitura eta baliabide teknologikoen aldetik oso ongi hornitua dago.

Baliabide asko omen ditu eta Ikastetxean teknologia berriei geroz eta garrantzi

handiagoa ematen zaiela komentatu zuen. Baina gauza bat bai ikusten duela hobetzeko

dagoena, irakasle beteranoek teknologia berrien inguruan formakuntza pixka bat jaso

beharko luketela, hauen artean ezberdintasun handiak baitaude bakoitzak teknologia

berrien inguruan duen interesaren arabera. Baina orokorrean ikastetxea teknologia

berrien gaian nahiko aurreratua dagoela uste du ikastetxeko IKTko arduradunak.

Tolosako Laskorain ikastola

Laskorain ikastolan teknologia berriak txikitatik, ikastola utzi arte izaten dituzte

hurbil, hau da, 2-3urtetatik hasi eta 17-18 urtera arte. Ikastolak hiru eraikin ditu, 2-3

urtekoen eraikina, 3-4 urtetik LH-ko laugarren maila arteko bigarren eraikina eta LH-ko

bosgarren mailatik bigarren batxilergo arteko, azken eraikina. Eraikin hauetan, bai

ordenagailuak, DVD-ak, musika aparatuak eta abar daude, beraz, hainbat baliabide

teknologiko dituzte ikastetxean.

Hala ere, hiru eraikinetako baliabideak ez dira berdinak, 2-3 urte bitarteko

haurren eraikinean, teknologia berriak ez dira asko, ez dute ordenagailurik erabiltzen,

duten teknologia bakarra bideo bat, telebista eta musika aparatuak dira, gehien bat

kasetekin funtzionatzen dutenak. Beraz, hemengo teknologia nahiko zaharkitua geratu

zaiela ikusi daiteke, teknologia berriagoak eta praktikoagoak gaur egun, eskuragarri

baitaude.

Bigarren eraikinari dagokionean, bai HH-ko gela guztietan eta baita LH-ko

geletan ordenagailu bana dituzte ( windows 98), musika aparatuak edukitzeaz gain

( batzuk CD-arekin funtzionatzen dutenak eta beste batzuk, oraindik ere, kasetekin).

Hauetaz gain, LH-koek informatika gela ere dute eraikinean, hau Windows 98

formatuko 15 mahai ordenagailuz osaturik dagoena. Ikusi daitekeen bezala, eraikin

honetako ordenagailu hauek nahiko zaharrak geratu zaizkie, baina honen arrazoia

nahiko sinplea da, ikasle asko dituenez ikastolak, guztientzako ordenagailu berriak

erosteak, gastu ekonomiko oso handia suposatzen du, beraz, zaharrenen eraikineko

ordenagailuak berritu dituzten arabera, bertako ordenagailu zaharkituak LH-ko eta HH-

ko geletara pasa dituzte. Hauetaz gain, eraikin honetako liburutegian badute telebista,

bideoa eta DVD-a, hau nahiko erabilgarria egiten zaielarik. Bestetik, idazkaritzan ere

ordenagailu bat dago, XP formatukoa, bertan lan asko egiten baitira eta Windows 98a,

nahiko eskasa geratuko baitzen lan hauetarako.

Bestetik, hirugarren eraikinean, XP formatuko mahai ordenagailuak dituzte, bi

informatika gela izanik, mota honetako 20-25 ordenagailuz osaturik. Idazkaritzan ere 5

ordenagailu dituzte, bertako langile bakoitzarentzat bana eta irakasle geletan ere,

ordenadore bat edo bi ikus daitezke, guztiak XP formatukoak. Hauetaz gain, 3 bideo

gela dituzte DVD eta bideoekin eta kamara digitala ere eskuragarri dute bertako

ikasleek. Beraz, eraikin hau dela teknologia berriei dagokionean, azpi egitura egokienak

dituena.

Hau kontutan izanik, teknologia berriak, 3-4 urtetik aurrera erabiltzen hasten

direla ondorioztatu dezakegu, gela bakoitzean ordenadore bana, CD-ak entzuteko

musika aparatu batekin batera baitituzte. Ordenagailua batez ere jolasteko erabiltzen

dute ( Urtxintxako pertsonaiekin) eta aurrerago berriz, gauza gehiago egiteko.

Ni praktiketan egon nintzen ikasgelan esaterako, ordenagailuan CD-ak

erabiltzeaz gain, word programa, internet eta argazkiak ikusteko programa bat ere

erabiltzen zuten. CD-ak beraiek bakarrik aldatzen zituzten, baita ireki ere eta hauekin

jarduera ezberdinak egiten zituzten; ipuinak entzun, marrazkiak margotu, jolasak egin,

musika entzun… Worden aldiz, oso ariketa aberasgarriak egiten zituzten. Gelakide

bakoitzak bere izenarekin sortutako karpeta bat zuen bertan bere lanak gordetzeko. Alde

batetik, kenketa eta gehiketen orri bat zuten, bakoitzak nahi zituen eragiketak idatzi eta

emaitza idazten zutena, amaitutakoan beraien karpetan (inoren laguntzarik gabe)

gordetzen zituzten. Nahi zutena idazteko aukera ere bazuten beste orri batean, hau

ondoren ere beraien karpetan gordetzen zuten, gainera, ariketa hau egiten ume batek

ipuin bat ere sortu zuen, oso xelebrea zena. Beraz, ikusi daiteke nahiko adituak direla

teknologia berriekin. Interneten ere ibiliak dira, beraien ikaskide bat eskolaz aldatu

denez, honekin emailak bidaliz komunikatzen baitira. Hala ere, jarduera hau

irakaslearen laguntzarekin egiten dute, honek egiten baitu lan gehiena, baina behintzat

nola egiten den ikasten dute, irakasleak pauso garrantzitsuenak azaltzen baitizkie.

Beraiei ateratako argazkiak ere ordenagailuan ikusten dituzte, nola pasa aurrera eta

atzera badakitelarik.

Irakasleen formakuntzari dagokionean, hauek informatika arloko ikastaroak

egitera behartuak daude urtean behin gutxienez eta aste betez. Ikastaro hauek, Partaidek

eskaintzen dizkie guztiei, irakasle eta idazkaritzako langileentzat ikastaro ezberdinak

izanik.

Bestalde, ikastetxeko adituei dagokienez, bertako arduradun gorena helduenen

eraikinean aurkitzen da, bera batxilergoko irakaslea baita eta hau, Laskorain ikastolako

teknologi arduraduna da, nahiz eta beste eraikinetan ere, arlo honetan aritzen diren beste

pertsona batzuk ere egon.

Teknologia berriekin amaitzeko, ikastolak ere badu bere web orria interneten

zintzilikatua; www.laskorainikastola.net dena. Bertan, ikastetxearen inguruko

informazioa, azken berriak, argazkiak, programaketak eta abar aurkitu daitezke.

Hernaniko Langile Ikastola

Hernaniko Langile ikastolak lau eraikin ditu, lehenengo eraikinean, Meaben, 2-4

urte bitarteko haurrak aurki ditzakegu. Hemen, geletan ez dago ordenagailurik, irakasle

gelan daude pare bat ordenagailu eta administrazio lanetarako erabiltzen dira. 2-4 urte

bitarteko haurren geletan musika aparatuak aurki ditzakegu, kasetak eta Cdak entzuteko;

honetaz gain, musika gelan telebista bat dago eta, gela honetan haurrek bideoak, nahiz

DVD-ak ikus ditzakete.

Bigarrena, Bidebieta, ez da berezko eraikin bat; Haur Hezkuntzan haur asko

zeudelako egokitutako lokal bat baizik, iaz ireki zuten. Lokal honetan, 5 urteko haurrak

egoten dira, eta, hauen geletan ordenagailuak aurki ditzakegu, baina nahiko zaharkituak

(Windows 98) Lehen Hezkuntzan zaharrak geratzen direnak direlako. Gela bakoitzean,

ordenagailu bat dago, eta beste txoko bat bezala erabiltzen da, haurrak nahi dutenean

joaten dira horra.

Hirugarren eraikinean, Laubidietan, Lehen Hezkuntzako kurtso guztiak daude, 6

urtetik, 12ra bitartean. Eraikin honetako gela guztietan daude ordenagailuak; 1. eta 4.

maila bitartean ordenagailu bat dago gela bakoitzeko eta 5 eta 6. mailan 2 ordenagailu

daude gela bakoitzeko. Honez gain, ordenagailu gela bat dago, haurrak informatikako

klaseak ematen dituzten gela, hain zuzen ere. Ikasleez gain, irakasleek eta idazkariak ere

erabiltzen dituzte ordenagailuak, eta honetarako, alde batetik irakasleek gela bat dute 4-

5 ordenagailuekin, eta, bestetik, idazkaritzakoak beste gela batean daude. Ordenagailu

hauek guztiak XP programa daukate.

Gainera, eraikin honetan bideo gela bat dago, bideo eta DVD-ak ikusteko eta

areto bat ere egokitzen dute honetarako beharrezkoa denean. Diapositibak ikusteko

kanoia ere badago.

Laugarren eraikinean, Santa Barbaran, DBHko ikasleak aurkitzen dira. Eraikin

honetan, ez daude gela bakoitzean ordenagailuak, ordenagailu gela bat dago non 20-25

ordenagailu dauden. Eraikin honetako ordenagailu guztiek XP programa dute. Irakasle

gelan eta idazkaritzan ere hainbat ordenagailu dituzte administrazio lanak egiteko edo

irakasleek beraien lanak prestatzeko.

Eraikin guztietan kamara digitalak daude, jaialdietan argazkiak ateratzeko,

geletan zerbait berezia egiten denean... Eta bideo kameraren bat ere badago ikastolan

egiten diren hainbat gauza grabatu ahal izateko.

Ikastolan informatikan aditua den pertsona bat dago, ordenagailuak konpondu,

programak sartu... egiten dituena eta horretaz gain, irakasleek ere ikastaro batzuk egiten

dituzte beraien informatika ezagutzak sakontzeko.

Langile ikastolak web orrialde bat dauka www.langile.com eta, honetan,

ikastolari buruzko informazio guztia agertzen da: Programa, hezkuntza proiektua,

jaialdiak, haurren irteeren datak, ekitaldi ezberdinetako argazkiak... Web orrialde hau

egunero berritzen dute hainbat datu eguneratuz, egunero urteak betetzen dituen ikasleen

izena, jangelako menua...

Irurako Ikastola

Irurako Ikastolak 25 urte bete zituen, 2002ko irailean. Irura herri txikia denez,

bertako ikastola ere nahiko txikia da. Egia da, urtetik urtera haur gehiago matrikulatzen

direla, herria hazten ari baita. Baina, oraindik, ikastola txiki bat dela esan daiteke.

Urtetik urtera berrikuntzak egiten ari dira, eta teknologia berrien aurrerapena ere

nabarmentzen ari da. Nahiz eta, aurrerapen hori poliki joan.

Irurako Ikastola 3 eraikinetan banatuta dago.

Lehenengo eraikinean, haurtzaindegia, 2 urtekoen gela eta jangela daude.

Bigarren eraikinean, Haur Hezkuntzako 3 zikloak daude, idazkariaren eta zuzendariaren

gelarekin batera. Eta azkenik, hirugarren eraikinean, Lehen Hezkuntzako 5 mailak

daude. Oraindik L.H.6 ez dago. Anoetako ikastolara joaten dira, L.H.5 bukatzen

dutenean.

Esan beharra dago, 2008an Kilometroak Iruran izango direla, eta bertan

irabaziko den diru guztia Ikastola berria egiteko izango dela. Jada, hasi dira eraikin

berria eraikitzen.

Lehen aipatu dudan moduan, ikastola txikia da, eta dauzkaten materialak

murritzak dira. Hala ere, teknologia berrien artean, ohikoenak badituzte. Esaterako;

kañoiak, telebista, DVDa, bideoa, musika aparatuak, argazki kamara, ordenagailuak..

Ordenagailu batzuk dvd grabatzailea dutela esan dezakegu.

Ikastola osoan, 14 ordenagailu daude. 9 ordenagailu ikasleenak dira eta beste

5ak irakasle, idazkari eta zuzendariarenak dira.

L.H-ko ikasleentzat 6 ordenagailu daude eta H.Hko geletan ordenagailu bana

dago. Beraz, H.H-an 3 ordenagailu daudela esan daiteke.

Hasieran esan dudan moduan, H.H-koak eta L.H-koak eraikin ezberdinetan

daudenez, irakasleen ordenagailuak ere banatuta daude. Eraikin batean, idazkariaren eta

zuzendariaren gela bat dago, eta bertan 3 ordenagailu daude. Ordenagailu hauek, H.Hko

irakasleek erabili ditzakete.

L.H dagoen eraikinean, 2 ordenagailu daude irakasleentzat.

Honekin esan nahi dudana, zera da; irakasleentzako ordenagailuak ez daudela

denak batera. Eraikinetan banatuta daudela baizik.

2 urteko haurrak, haurtzaindegia eta jangela dagoen eraikinean, ez dago

ordenagailurik. 2 urteko haurrak, ordenagailuekin ez dute lan handirik egiten. Oraindik

oso txikiak dira, eta ez dira teknologia berrietaz asko baliatzen.

Eraikin honetan, jangelan, telebista eta DVD bat dago. Beraz, 2 urteko haurrak,

dvd-n bat ikusi behar badute, jangelara igotzen dira.

Irurako Ikastolan, H.H-1ean hasten dira ordenagailuak erabiltzen. Hobeki

esanda, 3 urteekin hasten dira, ordenagailuak manipulatzen.

Haur Hezkuntzan, zentratuz gero, gela bakoitzean ordenagailu bana dago. 3 gela

daudenez, gela bakoitza Urtxintxako pertsonai bat da.

- H.H.1koak: ttantto

- H.H.2koak: txirritx

- H.H.3koak: xango

Urtxintxako pertsonai hauek izanda, gela bakoitzak, pertsonai hauen CD-ROMa

dituzte. Gela bakoitzak, beraz, bere CD-ROMa du, eta haurrak honekin jolasten dira;

ipuinak entzuten eta ikusten, olerkiak entzuten, abestiak abesten, Urtxintxako pertsonaia

bilatzen (ttantto, txirritx edo xango), asmakizunak asmatzen, marrazkiak margotzen…

Horrela, ordenagailuak manipulatzen ikasten dute, eta teknologia berriak ezagutzen

dituzte.

Ordenagailuetan, programa ezberdin asko erabiltzen dituzte. Esaterako;

H.H-an oraintxe esan dudan bezala, Urtxintxako CD-ak erabiltzen dituzte;

ttantto, txirritx eta xangon cd-ak.

L.H-an berriz, honako hauek;

L.H 1 eta 2;

- Birraitonaren museoa I eta II

- Urdintxo eta Pox

- Axelko, Otxoko eta Beleko

L.H.3 eta 4;

- Bazter guztiei begira I eta II

- Morgan eta Xarpa

Matematikako CD-ROMa ere erabiltzen dituzte; “Piratak” izenekoa. CD-ROM

hau, didaktikoa dela esan behar da.

L.H-koak, informatika ez dute asignatura moduan. Astean, ordu bat dute

ordenagailuekin ibiltzeko. Ikastola txikia denez, eta toki handirik ez dutenez, KZ gunera

joaten dira. Bertan, 9 ordenagailu erabiltzen dituzte. Udalarekin hitz egin ondoren, eta

ados jarri ondoren, Udalak KZ guneko 3 ordenagailu erabiltzeko aukera eman die.

Horrela, nahiko ondo moldatzen dira.

Ni, aurten 3 urtekoen gelan egon naiz praktiketan. Gelan ordenagailu bat dute,

eta egunero, ordenagailuarekin kontakturen bat izaten dute.

Goizetan, haurrak, 9tan sartzen dira gelara, eta haur guztiak iritsi bitartean,

ordenagailua piztuta egoten da, nahi duenarentzat. Haur batzuk, beti sukalde txokora

joaten dira, eta beste batzuk marrazkiak egiten hasten dira. Baina, badaude ume batzuk,

ordenagailuekin fijazioak dituztenak, eta gelara sartu orduko, ordenagailuarekin jolasten

ibiltzen direnak.

Arratsaldeko 3tan ere, berdina egiten dute. Ordenagailua piztuta egoten da, eta

ume guztiak etorri bitartean, nahi duenak ordenagailuan ibili dezake.

Beraz, denbora libre honetan, ordenagailuarekin asko ibiltzen direla esan behar

dut. Batzuetan, ipuina jartzen dute, edo abestiak, olerkiak…

Txokotan jartzen direnean ere, batzuetan, liburutegi txokoan daudenean,

ordenagailuarekin ere ibiltzen dira. Hemen ere, nahi dutenean ibiltzen dira; jolasten,

margotzen…

Beste momentu batzuetan ere, ume guztiak ordenagailuarekin izaten dute

kontaktua. Ume guztiak ordenagailu aurrean eseritzen dira, eta irakaslea ordenagailu

ondoan dagoela, zenbait ariketa ezberdin egiten dituzte.

Kasu batzuetan, irakasleak, ipuina fitxekin kontatu beharrean, ordenagailuan

jartzen du eta denak arretaz entzuten dute. Beste kasu batzuetan, olerkiak jartzen ditu,

eta denon artean abesten dute.

Ikusten den bezala, ordenagailua modu eta momentu askotan erabiltzen dute;

denbora librean (goizeko 9tan eta arratsaldeko 3tan), txokotan eta irakaslearekin,

edozein momentutan.

IKASTETXEEN ARTEKO KONPARAKETA

IKASTETXEAKZarauzko La

Salle ikastetxea

Tolosako Laskorain ikastola

Hernaniko Langile ikastola

Irurako ikastola

Ikasle kopurua 700 900 900 100Eraikin kopurua

2 3 4 3

Ordenagailu kopurua ikasleek

85 80 90 9

Ordenagailu kopurua irakasle zein idazkariek

30 inguru 20 inguru 20 inguru 5

Bideo gela edo DVD kopurua

Bi gela, 5 DVD.

5 4 Ez dago bideo gelarik. Dvd bakarra.

Argazki kamara kopurua

4 3 4 1

Kañoi kopurua 4 1 1 1Teknologia berriak noiz hasten dira lantzen

3 urterekin 3-4 urterekin 5 urterekin 3-4 urteekin

Zein programa erabiltzen dituzte HHn

Urtxintxa eta Clic.

Urtxintxa, Word eta internet

urtxintxa urtxintxa

Zertarako erabiltzen dituzte teknologia berriak

Matematika eta hizkuntza lantzeko, eta

denbora librean

jolasteko.

Denbora librean

jolasteko, hizkuntza

lantzeko eta matematika

lantzeko

Denbora librean jolasteko,

hizkuntza lantzeko eta matematika lantzeko. Beste txoko bat da.

Denbora librean

jolasteko, hizkuntza

lantzeko eta txoko bezala.

Praktiketako ikasgelan teknologiak modu librean edo gidatuan

Batez ere librean baino noizean behin gidatua ere.

Librean batez ere

Nirean ez zegoen ordenagailurik.

Baina modu librean egiten da.

Gehienetan librean.

Irakasleek prestakuntza maila

Bakoitzak ezberdin, gazteek gehiago.

Bai Bakoitzak ezberdin, interes

eta beharren arabera.

Irakasle bakoitzak ezberdin.

Ikastetxeak web orria

Bai. Bai Bai. Ez

ONDORIOAK

Taulan ikus dezakegun bezala, ikastetxe batzuk besteak baino handiagoak dira.

Esaterako, lau ikastetxeetan txikiena Irurako Ikastola da, 100 ikasle ingururekin.

Ordenagailu kopuruari dagokionez, ikus dezakegu, Zarautz, Hernani eta

Tolosako ikastetxeek 80-90 ordenagailu bitartean dituztela. Aldiz, Irurako Ikastolak

ikasle gutxiago dituenez, ordenagailu kopurua ere murritzagoa da. Irakasleen

ordenagailu kopuruekin ere berdin gertatzen da.

Lau ikastetxe hauetan, normalean erabiltzen diren teknologia berria hauek

daude; argazki kamarak, kañoiak, ordenagailuak, musika aparatuak, bideoak, dvd-ak,

inprimagailua… Baina esan behar da, kopurua ez dela guztietan berdina.

Esaterako, aipatutako 3 ikastetxe handi horietan, bideo gelak badaudela esan

behar da. Bertan, 4-5 dvd dituztelarik. Iruran berriz, ez dute bideo gelarik. Bideoa eta

dvd-a, jangelan ikusten baitute.

Kañoien kasuan, Zarautzeko ikastetxean 4 kañoi dituztela ikus dezakegu.

Gainontzeko ikastetxeetan berriz, kañoi bana dute.

Normalean, teknologia berriak erabiltzen 3- 4 urterekin hasten dira, hau da,

H.H.1ean. Hernaniko Langile ikastolan berriz, 5 urte arte ez dituzte teknologia berriak

erabiltzen.

Ikastetxe guztietan, urtxintxa programa erabiltzen dute. Nahiz eta, ikastetxe

bakoitzak bere modu eta erritmora erabiltzen duen. Honekin batera esan, ordenagailua

matematika eta hizkuntza lantzeko erabiltzen dutela. Baita denbora librean jolasteko ere.

Ordenagailuak erabiltzerako garaian, esan behar da, lau ikastetxe hauetan,

orokorrean modu librean egiten dutela. Nahiz eta, noizbehinka modu gidatuan erabili.

Orokorrean, irakasleek beren interesen eta beharren arabera prestakuntza

ezberdina dute teknologia berrien inguruan. Tolosako ikastetxean aldiz, irakasleak

teknologia berrien prestakuntza bat jasotzen dute.

Bukatzeko esan, Irurako Ikastolak ezik, beste ikastetxe guztiek web orria

badutela. Baina Irurako ikastetxearekin kontaktuan jartzeko badute emaila.

HEZKUNTZARI APLIKATURIKO TEKNOLOGIA BERRIAK:

Teknologia berrien inguruko Jarduerak:

- Haurrek argazkiak ateratzea eta ondoren argazki hauekin mural bat egitea.

Haur taldetxo bakoitzari kamara bat emango diegu, nola erabiltzen den

azaldu eta honekin herriko zuhaitzei argazkiak ateratzeko esango genieke.

Ondoren, ordenagailuan ikusi eta berezienak aukeratuko dituzte. Hauek

inprimatu, moztu eta mural bat osatuz pegatuko dituzte.

- Haurrek musika bat aukeratzea, hau gelan jarri dezakegu , haurrak dantza

eginez grabatu ondoren bideo honekin bideoklip bat osatu dezakegu. Orain

arte landutako abestietatik gogoan dutena edo gehien gustatu zaiena

aukeratzeko eskatuko genieke. Boluntario batzuk eskatuko genituzke: bat

argazkiak ateratzen egoteko eta bestea grabatzen, ondoren hau telebistan edo

ordenagailuan ikusiko genukeelarik.

- Ipuin bat antzerki baten bidez antzeztu, argazkiak atera eta argazki hauekin

liburu bat osatu dezakegu. Haurren artean Urtxintxako ipuin bat aukera

dezakete ondoren antzezteko. Antzerkiaren bitartean argazkiak aterako

dituzte txandaka (momentuan libre dagoenak). Ondoren ordenagailuan ikusi,

inprimatu eta beraiek sortuko dute ipuina.

- Haurrek beren argazki bat hautatu ondoren, ordenagailuko programa baten

bidez hauek manipulatu, koloreak aldatu… eta gelan jarri ditzakete.

- Ordenagailuan marrazkiak egin programa ezberdinen bidez (paint-ekin

adibidez) eta gero hauek inprimatu eta gelan jarri ditzakegu.

- Jadanik egina dagoen marrazki bat ere margotu dezakete, koloreak aldatu

besterik ez lukete egin behar. Honetarako lehenik eta behin eskaneatu

dezakete marrazkiren bat, beraiek nahi dutena.

- Interneten jolasak, ipuinak eta asmakizunak dauden orrialde batean sartu eta

haurrak jolastu daitezke, hauek beren kabuz egin ditzakete…

- Lantzen ari diren gaiaren inguruan informazioa bilatzea interneten (googlen

edo). Adibidez, baserria lantzen ari badira, google-n irudiak bilatu ditzakete.

- Irteeretan argazkiak atera eta ondoren, ikastetxean gaudenean, gelako

ordenagailuan ikus ditzakegu.

- Txokoetan dauden bitartean argazkiak atera (guk atera ditzakegu edo bestela

haurrek ere atera ditzakete) eta DVD batean grabatu eta telebistan edo

ordenagailuan ikusi.

- Haurrek argazkiak atera diezazkieke ikastetxeko jende ezberdinari, haurrei,

irakasleei, garbitzaileei, sukaldariari… eta ondoren kuadernotxo bat osa

dezakete.

- Email bat idatz diezaieke egun horretan etxean geratu den ikaskide bati,

egunonak emanez, zer egiten ari diren azalduz...

- Matematika lantzeko batuketak eta kenketak idatzi, ordenagailuarekin ibitzen

ohitura hartzeko balio dezake.

- Ipuina irakasleak kontatu beharrean, ordenagailuan entzun dezakete, haurrek

beraiek aukeratuta zer entzun nahi duten une horretan.

- Ipuina CD batean grabatu beren ahotsekin eta ondoren, noizbehinka gelan

entzun.

- Word-eko orri batean larriz nahi dutena idatzi dezakete mekanografia lantzen

hasteko, beraien izenak, gauzen izenak…

- Irakasleak luzatutako testu bat ere kopiatu dezakete word-en.

- Ikastetxeko web orria ere bisitatu dezakete, bertako informazioa ikusiaz.

- Beste herri bateko eskola batekin harremanetan jarri daitezke, eta

noizbehinka beraiei idatzi, erantzunak irakurri…