Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea...

16
Irungo euskarazko hamabostekaria Irunero 297. zk. Bigarren aroa Martxoak 15 2017 3- Erreportajea Txingudi Bertso Eskola 6- Erreportajea Bidasoaldeko Elkarte Feminista eta I-Romi 7- Publirreportajea Bertako igogailuak 8- Kirolak Erreleboen lasterketa 11- Haurren Lanak Belaskoenea HH 12- Gazteen lanak Belaskoenea LH3 14- Gazte infor 15- Agenda Kirolak Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia Oca. Anaka 15 urte Egonaldi iraunkorrak - Aldi baterako egonaldiak - Familiaren atsedenerako egonaldiak - Errehabilitazioa, operazioen eta gaixotasunen ondokoak - Alzheimerra eta bestelako dementziak dituzten gaixo- entzako egonaldiak. - Eguneko zentroak, 365 egunetan irekita, garraioarekin - Babespeko apartamentuak

Transcript of Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea...

Page 1: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Irungo euskarazko

hamabostekaria I runero297. zk.Bigarren aroa

Martxoak 152017

3- Erreportajea Txingudi Bertso Eskola6- Erreportajea Bidasoaldeko Elkarte Feminista eta I-Romi7- Publirreportajea Bertako igogailuak8- Kirolak Erreleboen lasterketa11- Haurren Lanak Belaskoenea HH12- Gazteen lanak Belaskoenea LH314- Gazte infor15- Agenda

KirolakGimnasia Erritmikoa. IrunHiria txapelketa

9. orrialdea

ErreportajeaTrenaren norabidea Irunen4-5. orrialdeetan

Errefuxiatuen egoera, irundarren

begietatik

Argazkia: Amaia Oca.

Anaka

15 urteEgonaldi iraunkorrak

- Aldi baterako egonaldiak- Familiaren atsedenerako egonaldiak- Errehabilitazioa, operazioen eta gaixotasunen ondokoak- Alzheimerra eta bestelako dementziak dituzten gaixo-entzako egonaldiak.- Eguneko zentroak, 365 egunetan irekita, garraioarekin

- Babespeko apartamentuak

Page 2: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

2

Hezkuntza, Hizkuntza Politika eta Kultura Sailak (Hizkuntza Politikarako

Sailburuordetzak) diruz lagunduaErakunde honek Irunero diruz laguntzen duErakunde honek Irunero diruz laguntzen du

Joseba Arozena etaUnai Oiartzun

Unai Oiartzun

Sonia Garcia Olazabal, Amaia Terrazas amaiaterrazasruiz@gmai l .com

Ion Otxoaion@943sansebast ian.com

837 comunicación y publicidad S.L.ISSN: 1134-0606Lege gordailua:SS-230-94.Tel: 693 828 099

I runero

1924ko urriaren 25eko Osoko Bilkuran Bat-zorde Iraunkorraren proposamenez jarrizuten Ignacio Zuloaga kalearen izena. Men-dibilen dago eta Juan de Albisu eta Zuberoakaleen perpendikularra da.Eibarren jaio zen Ignacio Zuloaga, 1870ean.Familian bertan hasi zen bere formazio artis-tikoa, zizelkariak eta armagileak baitzitueninguruan. Prado museoan ere ikasi zuen,bertan aztertu zituelarik Greco, Velazquezeta Uranga. 19 urte urte zituela Erromarajoan zen, eta gero Parisera. Bertan, Rusiñol,Uranga eta beste zenbait margolariekin biziizan zen.

Mende hasieran ospea lortu zuen, eta horre-kin lasaitasun ekonomikoa etorri zitzaion,bere artea garatzen jarraitu ahal izateko.Iruni dagokionez, esan beharra dago1925eko abuztuaren 21ean, Zuloaga Gipuz-koako Seme Kuttun izendatzeko proposame-nari atxekitzea erabaki zuela Udalak.“Mujeres de Sepúlveda” margolana, IrungoUdalari oparitu zion.

Iturria: José Monje.Irungo kaleen izenak.

Irun atzo Irun gaur

Ign

ac

io Z

ulo

ag

a K

ale

a

Argazki lehiaketaIUA: 43515

Argazki lehiaketan edonor izan daiteke parte hartzaile. Ezdago adinari edo bizitokiari dagokion mugarik.Gaia bakarra izango da: Irun. Irungo jendea, lekuak, natura,etab. Saria: urtearen bukaeran, argitaratu ditugun argazkien egileenartean sari bat zozkatuko dugu.Bete beharrekoak: argazkiak kalitate ona behar du izan. Ar-gazkiarekin batera, deskribapen txiki bat bidali beharko duegileak. Argazkiak bidaltzeko: [email protected]

Alejandro LopezSan Miguel Anakako etxe zahar bat.

Page 3: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Bertso eskolek antolatu dute GipuzkoakoHerriartekoa, Bertsozale Elkartearen babe-sarekin. Banakako txapelketarekin aldera-tuta, diferentzia handiena da, azkenfasean izan ezik, bertso eskolek beraiekantolatzen dituztela saioak. Elkarteak,saioetan burutu be-harreko ariketakeman dizkie, bainagainerakoa, bertsoeskolek kudeatzendute. “Guk aukerat-zen dugu lokal ba-tean edo elkartebatean egin, afariaantolatu, edo ez... Formatua librea da”,azaldu du Manu Goiogana Txingudi II tal-deko kideak. Beste izaera bat du, gainera, beste dina-mika bat. Taldeka egiten delako alde bate-

tik. Bestetik, giroa “lasaiagoa” eta “ludiko-agoa” dela ere zehaztu du Goioganak:“Txapelketa hitza kendu diote”. Herriarte-koa, beraz, bakarkako txapelketa osatzeradator: “Txapelketa aukera ona da bertso-lariontzat. Baina lau urteko epea, luzeegia

zen guretzat”.Behar horretatiksortua da herriar-tekoa, bainabadu beste hel-buru bat: bertsoeskolak elikatzea,jendea bertsomundura hur-

bildu araztea. Ikusle moduan, jakina, edotaldeetako partaide, baita ere. Izan ere,herriartekoko taldeetan, lau figura daude:bertsolaria, gai jartzailea, epailea eta or-dezkaria.

Txingudiko taldeetan, adibidez, badaudepartaide batzuk, kantatzen hasi bainolehen, gai jartzaile edo epaile lanean ari di-renak. “Ez nuke esango bide naturaladenik. Baina egiada gai jartzaile iza-tea, errazagoaizan daitekeela,etxean prestatud e z a ke z u l a ko .Kezka bat gut-xiago duzu jende-ren aurrean”,argitu du ManuGoioganak: “Bert-solari oro anima-tuko nuke noizbait gai jartzaile aritzera.Epaileekin berdin, oso erraza baita haienlana kritikatzea. Edozein modutan, osoondo datoz biak, bertso saioen funtziona-mendua ezagutzeko”. Gipuzkoako herriar-tekoko lehen fasean, talde bakoitzak bisaio egingo ditu, etxean bat, eta kanpoanbestea. Multzo bakoitzeko onena pasakoda hurrengo fasera. Hamabi geldituko dirabigarren fasean, eta lau onenek finalerdiakjokatuko dituzte. Sasoiko dago bertso eskolaAukera ona izan da herriartekoa TxingudiBertso Eskolarentzat. Erronka ere bai, bitalde osatu dituelako. Dena den, helbu-ruak bete dituela aitortu du Manu Goioga-nak: “Erakutsi dugu ez garela lau lagun.Jende multzo handi bat dugu, gogotsu eta

indartsu dabilena”. 2008an sortu zen Iru-nabar Irungo Bertsoaren Bilgunea. “Or-duan, gehien-gehienak irundarrak ginen”.Gaur egun, bailara mailako Txingudi Bertso

Eskola kudeatzendu elkarteak. Hel-duen bertso eskola,hasiberriak direnhelduena, gaztet-xoena eta bertsotailerra antolatzenditu. H e r r i a r t e k o a nparte hartzeaz gai-nera, Bertsotruk

bertso eskolen arteko topaketetan ere arida Txingudi Bertso Eskola. Gainera, hileanbehin bertso saioa antolatzen du Kabigorriateneoan. “Beste hainbat saio izaten di-tugu urtean zehar, Euskararen Egunak di-rela, Korrika dela... Bestalde, ikusten dugupixkanaka gero eta gehiago kontuan hart-zen gaituztela herriko ekimenetan: EuskalJiran edo Santo Tomas egunean, adibidez”.Bertso eskolaren martxaren balorazio bai-korra egin du Goioganak. Badu kezka bat,alabaina: “Zaila da gazteak erakartzea,hain da zabala eskolaz kanpoko jarduereneskaintza”. Ari dira, pixkanaka, gazteak ger-turatzen, baina hurrengo urteetan jarrai-tuko ote duten da Goioganaren zalantza.Horretarako, garrantzitsua izango da elkar-teak jardueren kopuruari eta bizitasunarieustea.

3

Gipuzkoako herriartekoan parte hartzen ari da Txingudi Bertso Eskola

Horixe izan da Txingudi I taldearen agurreko leloa,Ereñotzuko taldearen aurkako lehian. GipuzkoakoHerriartekoko saioa izan da, martxoaren 3an,Hazia Kultur Elkartean. 40 lagun inguru bildu diraafarian eta ondorengo bertso saioan. Bi talde aur-keztu ditu Txingudi Bertso Eskolak, eta bina saioegingo ditu bakoitzak, herriartekoko lehen fasean.

“Bertsolari oro animatukonuke noizbait gai jartzaile

aritzera”Manu Goiogana, bertsolaria

“Erakutsi dugu ez garela laulagun. Jende multzo handibat dugu, gogotsu eta in-

dartsu dabilena”Manu Goiogana, bertsolaria

Eskualdeko hogei lagun daude lehian, bi taldetan banatuta

“Hitza jolas, bertsoketan

Bidasoako lurretan

Txinguditarren erronka

Txirritakumeen kontra”

Page 4: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Proiektu bereiziak dira, baina harremanadute. AHTaren iritsierak, trenbidearekin lo-tutako espazioaren eraberritzeari bultzadaeman diezaiokeela uste du alkateak. Au-kera ez baliatzea “akats historikoa” litzate-keela adierazi du. Izan ere, Euskal Y-ariburuzko harremanak berreskuratu dituzteEspainiako Gobernuko Sustapen Ministe-rioak eta Eusko Jaurlaritzako Ekonomia Ga-rapen eta Azpiegituren Sailak. EAEkohiriburuetarako sarrera adosteko laneanari dira jada. Gainera, azken aurreikuspe-nen arabera, Astigarragaren eta Irunen ar-teko tartea 2019rako egon daiteke prest.“Hegoaldera, trenak ezin izango du au-rrera jarraitu. Iparraldera begira, ordea,

joko handia emango du, orduan”, aipatudu Santanok. Frantziako TGVk Donostiarai-noko bidea izango du, hortik aurrera: “Ko-nexio horrekin, BAB(Baiona, Angelu,Biarritz)rekin lehiatu ahal izango dugu, arloaskotan”.AHTaren iritsiera “gehiegi” berandutzen aridela salatu du Marisol Garmendia Gipuz-koako Foru Aldundiko Mugikortasun ahal-dunak (PSE-EE): “Atzean gelditzekoarriskua dugu, errepidezko garraioarekikomendekotasun handiarekin. AHTa ezinbes-tekoa da, lehiakorrak izaten jarraitu ahalizateko”. Trenak inbertsio berriak, negozioaukerak, eta turistak erakartzeko ahal-

mena izango duela uste du Garmendiak.Ez hori bakarrik, Gipuzkoako garraiobideenardatz izan behar duela adierazi du Mugi-kortasun ahaldunak. Etorkizuneko trenakoordinatuagoa, eraginkorragoa eta iraun-korragoa izango dela azpimarratu du.Iraunkortasun hori zalantzan jartzen due-nik ere bada, hala ere. Bea Arana irunda-rrak urteak daramatza AHT GeldituElkarlana dinamikan parte hartzen. Gar-mendiaren hitzen aurkako argudioakeman ditu: “Gasen isurketak edo kutsa-dura elektromagnetikoa aipa ditzakegu”.Aranarentzat, ordea, larriena da AHTa he-datzearekin batera, basoak eta nekazarit-

zako lurrak galtzen direla: “Basoek, gasenisurketen kaltea murrizten dute, gure biri-kak dira. Nekazaritza lurrak galtzeak, epeluzeko ondorio larriak dakartza, ezinizango baitugu elikadura burujabetza gau-zatu”. Izan ere, globalizazio ekonomikoa-ren ereduarekin lotu du Aranak AHTarenproiektua. Garraiobideen garapenak“mendeko” sistema sortzen duela adierazidu: “Milaka kilometrotatik ekartzen dizki-guten elikagaien mende gaude. Distantzialuzeak zeharkatzen dituzte salgaiek, etahorretarako, energia kopuru itzelak kont-sumitzen dituzten garraiobideak behar di-tugu”.

4

BAKAILAOA DASTA EZAZU

Irun hiriaren etorkizuna markatukoduten bi proiektu handi ditu udalakagendan, burdinbidearekin lotuta

Trenari estu lotuta dago Irun hiriaren historia garaiki-dea. 1863.urtean iritsi zen burdinbidea, eta eraldatzeitzela ekarri zuen, arlo sozialean, demografikoan etaekonomikoan, baita hirigintzari dagokionean ere. On-dorio zuzenak eduki zituen hiriaren hedapenean, on-dorengo hamarkadetan zehar. “Iraganak bezala, Irunenetorkizunak ere harreman zuzena du trenarekin”,baieztatu du José Antonio Santano Irungo alkateak,Trenbideari Buruzko VIII. Informazio Jardunaldietan.Irungo Hiritar Foroak antolatu du, martxoaren 2an,Ficoban. Irun hiriarekin lotutako bi proiektu aztertudituzte: trenbideen espazioaren erabilera, eta AbiaduraHandiko Trenaren iritsiera. Aldaketa handiak eraginditzakete hirian, epe ertainean.

“Nekazaritza lurrak galtzeak, epe luzeko ondoriolarriak dakartza, ezin izango baitugu elikadura bu-

rujabetza gauzatu”Bea Arana, AHT Gelditu Elkarlana taldeko kidea

“Atzean gelditzeko arriskua dugu, errepidezko ga-rraioarekiko mendekotasun handiarekin”

Marisol Garmendia, Gipuzkoako Foru AldundikoMugikortasun ahalduna

Page 5: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Trenbideen espazioaren erabilera berriakAHTaren iritsiera baliatuta, trenbidearekinlotutako espazioa eraberritzeko proiektuaberreskuratu nahi luke Irungo Udalak. Sus-tapen Ministerioarekin eta ADIF trenbideazpiegituren administratzaile den enpresapublikoarekin elkarrizketak eduki ditu da-goeneko. Proiektuan, Gipuzkoako Foru Al-dundiak eta Eusko Jaurlaritzak ere partehartu behar luketela uste du José AntonioSantanok. “Gipuzkoako hiri eraberritzehandiena izango da”, baieztatu du alka-teak. Bere garaian, Bilbo industrialaren bir-sortzerako helburuarekin eratu zutenBilbao Ria 2.000 proiektuarekin konparatudu. 53 hektarea hartzen dituzte trenbi-deek Irunen (100 futbol zelai). Hiriaren er-dian daude, gainera. ADIF da lursailgehienen jabea, Espainiako Zerga Adminis-trazioko Agentziarekin batera. Lehen fasean, Aduana kalearen ondoandagoen eremua berreskuratu eta erabe-rritu nahi luke Irungo Udalak. “Gehien-ge-hiena, aspaldi abandonatutako trenbideaketa pabiloiak”, zehaztu du Santanok. Biga-rrenean, barianteko zubira arteko eremuaestaltzea aurreikusten du, eta bide batez,tren eta autobus geltoki berria eraikitzea.Hirugarren fasean, CAF enpresaren on-doko trenbideak berreskuratu nahi lituzkeudalak (Beste 100.000 metro karratu dira).

Laugarrenean, barianteko zubitik Bidasoaibairainoko eremuan jarri nahi luke arreta(15 hektarea) merkantziarekin lotutakogunea eratzeko. Egitasmo horrek loturaizango luke Lezo-Gaintxurizketan eraikinahi duten plataforma logistikoarekin. It-saso eta trenbide bidezko merkantzien ko-nexioa egingo luke plataformak. Kasuhorretan ere, Gaintxurizketako lur eman-korrak galduko liratekeela salatu du BeaAranak: “Zentzugabekeria izugarria irudit-zen zaigu. Gaur egun, nekazaritza ekologi-korako erabiltzen ari dira lur horietakoasko. Agintarien aldetik, inteligenteena lit-zateke horrelako jarduerak bultzatzea. Ho-riek baitira gure etorkizunaren berme”. Aduanako eremuaren etorkizunaSantanok aipatu du urtea amaitu aurretikeman nahi lituzkeela lehen urratsak. Ho-rretarako, ADIFen eta Espainiako Zerga Ad-ministrazioko Agentziaren lurren permutalortu beharko du. Eremuari erabilera “mis-toa” eman nahi diotela nabarmendu duSantanok: “Etxebizitzak egongo dira, bainaaukera ekonomiko berrietarako guneaizango da, batez ere, berrikuntzari lotua”.Merkataritza gunea eraikitzea ere aurrei-kusten du udalak. Gogor kritikatu duasmoa, Bea Aranak: “Espazio hori ez daeremu libre bat izango, hiritarren topa-gune bat. Kapital pribatuaren eskuetara jo-

ango da. Ikusten ari gara horixe dela uda-laren joera, hirigintzari dagokionez”. 2023rako bukatu nahi luke lehen faseaIrungo Udalak. Ordurako, Euskal Y amai-tuta egon daitekeela aurreikusten duEusko Jaurlaritzak. Horretarako, besteakbeste, Bergarako korapiloa askatzeko ne-goziazioak burutu beharko ditu Iñigo Ur-kulluren gobernuak. Bergarara hurbiltzekodeialdia luzatu du, hain zuzen ere, Bea Ara-nak, martxoaren 19rako. Zuhaitz landaketa

egingo du AHTaren aurkako dinamikak.“Bergarako korapiloko lurretan 1.200 zu-haitz landatuko ditugu”. Aranak azaldu du12:30etan egin dutela hitzordua, Berga-rako Angiozarren, erakundeen politika “ga-rapenzaleen” aurka. Halako salaketei aurreegiteko baieztapena egin du Marisol Gar-mendia Mugikortasun ahaldunak: “Ez daalferreko kapritxo bat. Nahitaezkoa da, le-hiakorrak izaten jarraitzeko”. Luze joko du,oraindik, AHTaren inguruko eztabaidak.

55

Trenaren norabidea

“Etxebizitzak egongo dira, baina aukera ekonomiko be-rrietarako gunea izango da, batez ere,

berrikuntzari lotua”José Antonio Santano, Irungo alkatea

Page 6: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

6

Indarrak batu dituzte I-Romik eta Bidasoaldeko Elkarte Feministak, martxoaren 8an

Oiasso Museoan egin dute aurkezpena, eta bi elkarteenarteko elkar ezagutzan sakontzeko baliatu dute aukera.Emakume orotarikoak baina berdinak. Elkarrekin askozgehiago goiburua jarri diote. “Denbora generaman elkar-lanean, baina interesgarria iruditu zitzaigun beste pausobat ematea, eta esperientziak elkarbanatzea”, adierazi duEsther Martinez I-Romi elkarteko presidenteak. 2009an sortu zen I-Romi Irungo emakume ijitoen elkar-tea. Martinezek azaldu du, elkartea eratu zuten emaku-meek Cáritasen josketa tailer batean elkar ezagutu zutela.Helburu argi batekin erabaki zuten I-Romi sortzea: “Ema-kume ijitoek formazioa jaso eta lan egin dezaketela era-kutsi nahi genuen”. Emakume ijitoen ahalduntzean lan

egin izan dute aurrerantzean, hezkuntzan, lan arloan, osa-sunean eta kulturan, besteak beste. Formazioari ematendiote garrantzia, bereziki, askatasunerako bide izangodela uste dutelako.Ideia horrekin bat egiten du Bidasoaldeko Elkarte Femi-nistak. Zenbait tailer antolatzen ditu, urte osoan zehar:autodefentsa, ekonomia feminista, ahalduntzea, batu-kada. Ekarpen txikiak diren arren, balio handia dutela ustedu Maritxu San Pedro elkarteko presidenteak: “Berdinta-sunaren aldeko borroka olibondo bat landatzea bezalakoada. Badakizu bilobek jasoko dituztela fruituak”. Hemendik aurrera elkarlanean ariko dira I-Romi eta Bida-soaldeko Elkarte Feminista. Bigarreneko kide den Charo

Arribasek baieztatu du helburu komunak dituztela: “Gurejatorria edozein izanik ere, behar berdinak ditugu denok”. Arratsaldean, elkarretaratzeaOiassoko topaketaren ondoren, ikastetxeetako haurrekflashmob bat egin dute Zabaltza plazan, 11:00etan. Arrat-saldean 18:45ean, emakumeen elkarteek eta hainbat hi-ritarrek parte hartu dute flashmob-ean. Aurora BeltránNafarraren Emakume abestia hautatu dute aurten. Kore-ografia, berriz, Toki-Alai eskolako neska-mutilek prestatudute. 19:00etan elkarretaratzea egin dute Zabaltza plazan,Irungo Udalak eta hiriko emakumeen elkarteek deituta.‘Egunero behar luke martxoaren 8a izan’ leloa zeramanpankarta zabaldu dute bertaratutakoek. Martxoaren8arekin lotutako jarduerak hilabete osoan zehar luzatukodira. Bestalde, adierazpen instituzionala adostu du udalak,martxoaren 8aren harira, eta zortzi konpromiso hartuditu, Europako Batasuneko Berdintasuneko Europako Gu-tunaren, nahiz emakume eta gizonen berdintasunerako4/2005 legean ezarrita dauden betebeharren arabera-koak. Udalak baieztatu du martxoaren 8a baino haragojoan nahi duela, eta emakumeen berdintasunaren aldemodu iraunkorrean lanean aritzeko konpromisoa hartuduela.

Elkarlan egitasmoaren aurkezpena egin dute I-Romi emakume ijitoen el-karteak eta Bidasoaldeko Elkarte Feministak, martxoaren 8an, EmakumeenNazioarteko Egunaren harira. Izan ere, zenbait jarduera elkarrekin aurreraeramateko bat egin dute bi elkarteek. Momentuz, aldizkako zineforum batantolatzen hasi dira. “Lehenengo urratsa baino ez da”, aurreratu du, halaere, Maritxu San Pedro Bidasoaldeko Elkarte Feministako presidenteak.

Martxoaren 8arekinlotutako hurrengohitzorduak:Martxoak 16, osteguna19.00: Hitzaldia, María MoralesCarson idazlearekin, PalmeraMontero zentroa, 2. aretoa(Gaurko Andreak elkartea).

Martxoak 17, ostirala19.30: Hitzaldia, "Emakume fa-tala, patriarkatuaren gizartearenaurkaritza gisa" Naroa Gonzale-zen eskutik, Palmera Monterozentroa, 5. aretoa (BidasoaldekoElkarte Feminista).

Martxoak 22, asteazkena17.00h: "Gogoratzen nauzuene-tan" liburuaren aurkezpena; AsunCasasola sariaren ipuin bildumada, Bertsolari Uztapide, 6 (Ar-goiak Elkartea eta Bilgune Femi-nista).

Martxoak 23, osteguna 19.00: Mahai ingurua, EstefaníaBeltrán de Heredia Eusko Jaurla-ritzako Segurtasun Sailburuare-kin, Palmera Montero zentroa, 2.aretoa (Gaurko Andreak Elkar-tea).

Page 7: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Enpresa multinazionaletan aritutako inge-niariek eta teknikariek osatu zuten koope-ratiba, 2015eko irailean. “Sektoreakzeraman bidea kontuan hartuta, gurekabuz hastea erabaki genuen”, azaldu duIbai Salazar Bertakoko ingeniari irunda-rrak. Hamar urteko ibilbidea dute sekto-rean, batez beste. Esperientzia horibaliatuta, igogailuen mantenuan alterna-tiba bat eskaintzeko asmoz batu zituztenindarrak. Instalazio berriak eta mantenuaegiten dituzte. Urte beteko eta penaliza-ziorik gabeko kontratuak eskaintzan dituz-tela azpimarratu du Salazarrek: “Ez duguinor derrigortu nahi gurekin gelditzera”.Urteko ehun eurotik aurrera kontrata dai-tezke Bertakoren zerbitzuak. Bertako hautatzen duten komunitate etaenpresa guztietako igogailuetan, azterketa

energetikoak egiten dituzte, ahal izanezgero, kontratatuta dagoen potentzia jaitsiahal izateko. Bestalde, doako emergentziatelefonoa instalatzen dute, baita igogailuzaharrenetan ere. Izan ere, 2000.urtetikaurreko igogailuek ez dute telefonorik.Kontsumo gutxiko LED argiztapena erejartzen diete, itzaltze automatikoarekin.Mugimendu sentsoreen bidez funtzionat-zen dute. “Igogailu askok fluoreszenteakdituzte, egun osoan zehar. Hori alferrekogastua da”, adierazi du Ibai Salazarrek. Ber-takok egun osoan zehar, 24 orduz eskaint-zen duena, mantenua da. Zerbitzua“erreala” dela azpimarratu du Salazarrek:“Gainerako enpresa gehienek eskaintzendute, baina erreskateetarako bakarrik. Gukmatxuretarako ere 24 orduko zerbitzuadugu, urteko 365 egunetan”.

Kalitatea eta gertutasunaBaliabide berrien aldeko apustua egitendu Bertakok. Azpimarratzeko modukoa daPasarela deritzon sistema. Horri esker, be-zeroek igogailua gelditu dela antzemanbaino lehen, abisua jasotzen dute Bertakoenpresako langileek. “Igogailua gelditudela jakiten dugu, eta matxuraren arrazoiaere bai. Horrek asko arintzen ditu denboraeta kostuak”, argitu du Salazarrek. Gaine-rakoan, prebentzio lana egiten dute, etaigogailu guztiak hilabetean behin ikuskat-zen dituzte. “Gure betebehar nagusia dasegurtasuna bermatzea”, nabarmendu duSalazarrek. Lan bolumenaren emendatzeak zerbitzua-ren kalitatea murriztea ekarri du hainbatenpresatan. Bertakon, teknikari batekbehar bezain besteko denbora har dezakeigogailuaren konponketan. “Enpresak ezindu zehaztu zenbat igogailu mantendu dit-zakeen langile bakoitzak, eta bakoitzarekinzenbat denbora eman behar duen langi-leak”. Langilearen baldintzak eta eskubi-deak bermatzen ditu, beraz, Bertakok. Etabezeroarenak ere bai. Hizkuntzari dagokio-nez, nahi izanez gero, bezeroak euskarazizan dezake harreman osoa Bertakorekin.Bai aurrez-aurrekoan, baita aurrekontue-tan, kontratuetan, albaranetan eta gaine-rako dokumentazioan ere. Gertutasuna ezbaitago kalitatearekin lehian.

Enpresa txikietan handienaAukera gehiago dauden arren, azken ur-tean Gipuzkoan egin izan diren mantenualdaketa gahienak Bertakok egin ditu. En-presa txikia izanik ere, handiagoek ematendituzten zerbitzu guztiak eta berritzaileakdiren beste batzuk ere eskaintzen ditu.Merkatuan agertzen diren aurrerapenakeskaintzen dizkie bezeroei. Horregatik, al-datzerako orduan, Bertako hautatzen dutegipuzkoar gehienek.kontaktua: 943 90 34 50 eta [email protected]

7

Azken urtean, igogailuen mantenuaren sektorean ge-hien hazi den enpresa da Gipuzkoan. 300 bezeroenmuga gainditu du Bertako Igogailuak kooperatibak,2017ko otsailean. Bezeroen eta langileen eskubideakdira Bertakoren lanaren oinarri.

Igogailuen mantenua eraberritu du Bertakok24 orduko zerbitzua eskaintzen du enpresak, iraupen konpromisorik gabeko kontratuekin

Argazkia: Gover

BERTAKO IGOGAILUAK

1. 24 orduko zerbitzuaabixu guztientzat

2. Pieza originalak

3. Euskerazko zerbitzua

4. Iraupen konpromisurikgabeko kontratuak

5. Orotariko zerbitzua 100 €tatik aurrera

Page 8: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Goiz oso hartuko du Errelebo Lasterketa izena hartu duen ekimenak. Atletismoaz haragojoango da, gainera. Hori dela eta, asko dira, babesleez gainera, antolaketan parte hartuduten erakunde eta eragileak: Irungo Udala, Gipuzkoako Foru Aldundia, Eusko Jaurla-ritza, Adegi Gipuzkoako Enpresarien elkartea, Aspegi Gi-puzkoako Emakume Profesional eta Enpresarien Elkartea,Gipuzkoako Kirol Egokituen Federazioa eta Kemen pert-sona ezinduen kirol kluba. 9:30etan izango da lehen hitzordua. Ttipi-ttapa adinekoibiltarien taldeak ibilbidea egingo du, lasterketen zirkui-tuan abiatuta. Eusko Jaurlaritzako Osasun Publikoa arloakantolatzen du, eta 60 urtetik gorako gizon-emakumeei zu-zendua da. Super Amara BATek, bitartean, egun horretakoIgande Sasoi prestatuko du. Hilean behin, igande batezColon Ibilbidea ixten du Irungo Udalak, haurrei zuzendu-tako kirol jarduerak eskaintzeko. Martxoaren 26an atletis-moa izango da protagonista, BATek antolatuta. Altuerajauzia, xabalina jaurtiketa edota hesietako probak eginahal izango dituzte bertaratzen diren haurrek.Lehen lasterketa 10:15ean izango da, iazko berdina: 4xmi-lia. Lauko taldeek parte hartuko dute, eta kide bakoitzakmilia bat (1.609m) osatu beharko du, lagunari lekukoapasa aurretik. Gizonezkoen taldeak, emakumezkoenak etamistoak egongo dira. Talde arruntek parte hartu ahalizango dute, eta enpresetan osatutakoek ere bai. Enpresenparte hartzearen balorazio positiboa egin du Iñaki Iturrioz

Gipuzkoako Foru Aldundiko kirol teknikariak: “Pixkanaka ikusten ari gara enpresetangero eta garrantzi handiagoa duela kirolak, langileen osasunean duen eraginagatik”. Berritasun nagusiakIaz lasterketan parte hartu zutenetako batzuek, distantzia luzatzeko eskatu zieten anto-latzaileei. Eskaerei erantzuteko asmoz, 2x2x3miliako lasterketa asmatu du BATek.11:30etan izango da. Lauko taldeek parte hartuko dute, baina bikoteka eramango dutelekukoa. 3 milia osatu beharko ditu bikote bakoitzak (5 kilometro inguru), lekukoa tal-dekideei pasa baino lehen. Zirkuitutik atera gabe egingo dute korrika, eta kategoriakere, 4xmilia lasterketako berdinak izango dira. Bi lasterketetan, aniztasun funtzionala duten gizon-emakumeek parte hartu ahal izangodute aurten. “Gainerako parte hartzaileek bezala korrika egin ahal izango dute. Probainklusiboa eskaini nahi dugu”, adierazi du Ibon Muñoz Super Amara BATeko kirol zuzen-dariak. Asmo horren balorazio baikorra egin du Igor Otaegi Gipuzkoako Kirol EgokituenFederazioko presidenteak: “Aniztasun funtzionala duen jendeak herri lasterketa batenberoa sentitu ahal izateak balio handia du”. Lasterketen artean, beste bi proba egongo dira. Alde batetik, kirol egokituko milia egingodute, 11:00etan. Handbike-ean eta gurpil-aulkian aritzen direnen arteko lehia izangoda. Muñozek azaldu du kasu horretan inklusiorik ez dagoela, segurtasun neurriengatik.“Ikusgarria izango da lasterketa”, aurreratu du, dena den, Otaegik. Haren ondotik, milia

erdia egin ahal izango dute adimen urritasuna duten hau-rrek. Lagunak gonbida ditzaten eskatu du Otaegik, inklu-sioa “benetakoa” izan dadin. Sariak eta izen-emateakSari banaketarekin amaituko da ekimena. Aurten, katego-ria bakoitzeko irabazleek soilik jasoko dute. “Bestela, sari-banaketa amaigabea izango genuke”, argudiatu du IbonMuñozek. Izen-emateak kirolprobak.com web guneanegin daitezke jada. Antolatzaileek nabarmendu dute ko-rrikalarien poltsa bat osatuko dutela aurten, parte hartunahi duen, baina talderik ez duen jendearentzat. “Iaz era

inprobisatuan elkartu genituen zenbait lagun. Aurtenmodu antolatuagoan egin nahi dugu”, argitu du Muño-zek.Korrikalari bakoitzeko 7 euro balio du 4xmilia lasterke-tako izen-emateak, eta 10 euro 2x2x3miliakoak. Bietanparte hartu nahi duenak, 14 euro ordaindu beharko du.Barnean daude asegurua, dortsala, kamiseta, lekukoatxip-arekin, janaria eta edaria, kontsigna eta dutxak.Dortsalak egunean berean jaso ahal izango dira Zabaltzaplazan, edo bezperan bestela, 10:30etatik 13:00era, Pal-mera Montero gizarte zentroan.

k i r o l a k8

Iazko atletismo agendako berritasun nagusiari jarraipenaematea erabaki du Super Amara Bidasoa Atletiko Taldeak.Bigarren edizioa izango du aurten Errelebo Lasterketak.BATen ez dira, hala ere, funtzionatzen duenarekin konfor-matzekoak. Alde batetik, 2x2x3 miliako lasterketa gehitudiote iazkoari (4xmilia). Bestalde, atletismo egokituari lekuzabala egin diote aurten. Martxoaren 26ko goizean zeharegingo dituzte lasterketak, Colon Ibilbideko zirkuituan.

Indarberrituta dator Erreleboen LasterketaInklusibitatearen alde egin du aurten Super Amara Bidasoa Atletiko Taldeak

“Aniztasun funtzionala duen jendeakherri lasterketa baten beroa sentituahal izateak balio handia du”

Igor Otaegi, Gipuzkoako Kirol Ego-kituen Federazioko presidentea

“Enpresetan gero eta garrantzi han-diagoa du kirolak, langileen osasu-

nean duen eraginagatik”Iñaki Iturrioz, Gipuzkoako ForuAldundiko kirol teknikaria

Page 9: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Zein balio izan du zuentzat Irun Hiria Txa-pelketa antolatu ahal izateak?NAIARA VILLANUEVA: Ikaragarria. Orainarte ezin izan dugu lehiaketarik antolatu,azpiegitura arazoengatik. Haurren gura-soek kanpora joan behar izan dute beti,haiek lehiatzen ikustera. Txikienen guraso-entzat, batez ere, ikaragarria izan da. Hirueta sei urte arteko 40 neska ditugu, etahaien gurasoek ikasturte amaierako jaial-dian soilik ikusten zituzten, orain arte.Lehen aldiz gozatu ahal izan dute, zuze-nean, gimnasia erritmikoko lehiaketa ba-tekin. NEREA BADIOLA: Maila handiko jendeaekarri dugu, gainera. Saioa Garcia Espai-niako txapeldunak erakustaldia eman du.Eta Espainia mailan lehiatzen dabiltzan bimutil ere eduki ditugu, gimnasia erritmi-koa gizonezkoentzat ere zabalik dagoelaazpimarratzeko. Orain arte lehiaketarik antolatu ezin izanbadu ere, A.D.Irunesak urteak daramatzalanean.

NAIARA VILLANUEVA: Ibilbide luzea duklubak, 1994an sortu baitzen. Beti egonizan gara Irunen, nahiz eta leku batetikbestera mugitu izan garen, gure beharrenarabera. Gaur egun Artalekuko frontoiangaude, baina trinketea ere alokatu beharizaten dugu, ez garelako sartzen. Gure era-gozpenik handiena altuerarena da, apara-tuak jaurti egin behar direlako. AzkenPortun saiatu ginen, adibidez, baina sa-baian jotzen genuen.Zenbat neska-mutil dituzue?NEREA BADIOLA: 220 inguru. Mutil batdugu, bederatzi urte ditu, eta oso gusturaari da. Gimnasta gehienak 16 urtetik go-rako neskak dira, eta hori da, hain zuzenere, inguruko klubek gehien baloratzendutena. Hori ez da ohikoa beste elkarte as-kotan, neskek kirola alde batera uzten du-telako lehenago.Guretzat oso atsegina da. Azkenean hau-rrak ondo pasatzera joaten dira, edo asko-tan, gurasoek bidalita. Adin nagusikoakdirenak, berriz, benetan gustuko dutelako

etortzen dira. Ikasketekin edo lanarekinuztartzen dute gimnasia, eta ahalegin han-diak egiten dituzte entrenatzeko. Naiaraadibide ona da, entrenatzaile izateaz gai-nera, gimnasta ere badelako oraindik. Zergatik jarraitzen duzu gimnasia erritmi-koan entrenatzen?NAIARA VILLANUEVA: Estetikoki, kirol era-kargarria da: maillotak, makillajea etab.Bestalde, ikaragarri gustatzen zait talde-kako lehia. Urtetan zehar elkarrekin entre-natuta, sortzen diren harremanak oso-osoestuak dira. Gaur egun taldean dugungiroa eta batasuna izango ez banitu, be-harbada, ez nuke entrenatzen jarraituko. NEREA BADIOLA: Klubarentzat ere ona da,helduenak erreferente direlako haurrent-zako. Debozioz ikusten dute lanean ari di-rela, eta aldi berean entrenatzen, edoepaile lanetan. Ahalegin handia eskatzen du gimnasiaerritmikoak?NEREA BADIOLA: Eskolarteko mailan, edo

amateurretan, ez dituzte ordu asko sart-zen. Federatuta daudenek askoz gehiago.Hala ere, egia da oso errepikakorrak direlaentrenamenduak, ariketa berdina behineta berriro egin behar delako. Gero, lehia-ketan, egindako lan guztia bi minutuko ari-keta batean dago jokoan. Kontzentrazioakats txiki batean, dena hankaz gora joandaiteke.Nabarmenduko nuke, baita ere, fisikokigogorra dela, lesio asko izaten direla. Mal-gutasun handia behar da, baina indarraere bai. NAIARA VILLANUEVA: Kirolaz harago, bi-zitzarako baliagarriak diren irakaspenakematen ditu gimnasia erritmikoak: den-bora antolatzea, esfortzurako gaitasuna...Gimnasia erritmikoan, Espainiako selek-zioan dagoen jende askok medikuntza, in-geniaritza eta bestelako unibertsitateikasketak egiten ditu. Hori, beste kirol bat-zuetan, ez da horren ohikoa.

k i r o l a k 9

Ez ohiko lehiaketa hartu du Artalekuk martxoaren4ko arratsaldean. Gimnasia Erritmikoko IrunHiria Txapelketaren lehen edizioa antolatu duA.D.Irunesa elkarteak. Hamabi urtetik gorako 200haur eta gazte baino gehiago bildu dira kiroldegian.Etxeko klubaz gainera, Euskal Herriko leku ezber-dinetako hamazazpi elkarte ere bertaratu dira.

Ilusioz hartu dute A.D.Irunesan, orain arte, hiritikkanpo lehiatu behar izan baitute ia beti. Nerea Ba-diola (1982) eta Naiara Villanueva (1992) entre-natzaileek bi hamarkada daramatzate elkartean.Haientzat, denbora guzti horretan, bigarren lehia-keta izan da Irunen.

Argitara atera dute urtetan egindako lanaGimnasia Erritmikoko Irun Hiria Txapelketa antolatu du A.D.Irunesak, lehen aldiz

“Malgutasun handia behar da,baina indarra ere bai”

Nerea Badiola, entrenatzailea

“Kirolaz harago, bizitzarako baliagarriak izan daitezkeenirakaspenak ematen ditu gimnasia erritmikoak”Naiara Villanueva, entrenatzailea eta gimnasta

Page 10: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

��

Page 11: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

��h a u r r e n l e i h o a

Belaskoenea HH

Page 12: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

gaztea�2

Belaskoenea LH3

S.R.A. andereari jasoa (1959ko ekaina). (El Bi-dasoa, 1959-VII-17)

Konparaziyuak eta

TXURIYA: «Elurra biñon txuriyagua»GORRIYA: «Infernuko diarruan adarrak biñongorriyua»«Begi´zan orren sugurra: piper morrua»BELTZA: «Pikia biño beltzagua»BERDEA: «Itsasoko belarran koloria»

Iturria: Nikolas Alzola GerdiagaEuskaraz, Irunen barrena.

Euskaraz,

Irunen

barrena

Page 13: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

Hiru aste besterik ez zituzten pasa lehenegonaldian. Sekulako talka eragin zien,ordea. Irunera bueltan, kosta zitzaienhaien bizimodu arruntera egokitzea. Epelaburrean itzuli dira, gainera, eta hurrengobidaian pentsatzen ari dira, dagoeneko.“Hogei urte barru, dokumentalak eta peli-kulak egingo dituzte, eta historia liburue-tan agertuko da egun bizi dugun migraziomasiboa. Gure buruari galdetuko diogu,nola izan zen posible? Nola ez zen egonerantzun irmoago bat?”, iradoki du JaioneBerridik. Errefuxiatuen krisiaren arrazoinagusia “pasibotasuna” dela salatu du:“Hona, azkenean, produktuak soilik helt-zen zaizkigu: argazki bat, bideo bat. Bainabenetan gertatzen ari da. Jendea hiltzenari da, denon utzikeriagatik. Nor da horrenarduradun? Gobernuak bakarrik?”.Berridik eta Ocak ere, komunikabideetanikusitakoa, eta lagunen batek kontatuta-

koa besterik ez zuten ezagutzen, Greziakoirletako errealitateari buruz. Kiosera irit-sita, harrituta gelditu ziren bizitzaren iro-nia krudelekin. Uharte ederra baita,urtetan turista mordoa erakarri izanduena. Egeo itsasoaren ekialdean dago,Turkiako kostaldetik oso gertu. Horregatik,Ekialde Hurbileko migratzaileen ohiko jo-muga bilakatu da azken hilabeteetan, Les-bos uhartea bezala, adibidez. Irlan, jendeaskok eta askok bizimodu arrunta dara-mala azaldu du Jaione Berridik: “Ez baduzuenteratu nahi, ez dakizu errefuxiatu espa-rru bat dagoenik ere. Burbuila moduko batda”. Salbuespenak-salbuespen, greziarrakgainditu egin ditu egoerak. Horrek “arris-kua” dakarrela uste du Amaia Ocak: “Gre-ziako egoera ekonomikoa ez da batereona. Gainera, errefuxiatuen krisia etorrizaie, eta azkenean, horrelako testuingurubatean, eskuin muturraren diskurtsoakindar handia hartzen du”.

Burbuila bat da Souda errefuxiatuen espa-rrua. Baina burbuila hauskorra, babesga-bea. Neguan euri asko egin du Kiosen, etakanpamentua putzu bihurtu da aldiro.Plastikozko dendetan bizi dira errefuxia-tuak. Neguan hotz ikaragarria pasatzendute, eta udaran, sekulako beroa. Iritsi be-rriak direnek, hondartzan dituzte dendak.“Uretatik oso-oso gertu”, zehaztu du Ocak.Kanpamentuak sarrera-irteerak kontrolat-zeko segurtasun neurriak dituela ere ai-patu du: “Akreditaziorik gabe, ezin duzusartu”. Ziurgabetasun egoeran bizi diraEsparruko errefuxiatuentzako bazkariakprestatzen lan egin zuten Ocak eta Berri-dik, udazkenean, Zaporeak proiektuarekin.Urtebete egin du Zaporeak-ek, Kiosen la-nean. Bertako sukaldea utzi du martxoa-ren hasieran, Euskal Herritik laguntzaematen jarraitzeko. Hasieran, janariarenbanaketan, errefuxiatu batzuek aurpegirabegiratzen ez zietela gogoratu du AmaiaOcak: “Inori ez zaio gustatzen janaria lort-zeko ilara egin behar izatea. Limosna es-katzearen sentsazioa dute. Ikaragarripobreak dirudite, eta haietako asko ez dirainoiz pobreak izan”. Lanaldia amaituta,errefuxiatuen esparrura hurbiltzen ziren,jendearekin hitz egiteko, haien egoerakezagutzeko, eta babesa eskaintzekoasmoz. Kanpamentua gizarte txiki bat dela aipatudu Ocak. Haiek Kiosen egon ziren garaian,21 herrialde ezberdinetako jendea zegoen,800 lagun inguruko eremu batean. “Hain-besteko ezberdintasunak daude haien ar-tean, edozein momentutan eztanda egitenduela egoerak. Iskanbilak sortzen dira, la-purretak daude etab.”, azaldu du JaioneBerridik. Esparruan tentsioa nabaria delabaieztatu dute biek. Kontuan hartu beharda errefuxiatuek bizi duten ziurgabeta-suna. Elkarrizketetarako datak ematen diz-kiete, haien egoerak aztertzeko. Hilabete

batzuez elkarrizketa prestatzen egotendira, eta askotan, azken momentuan atze-ratu egiten dizkiete. Elkarrizketak egin on-doren ere, bizpahiru hilabetez egon beharizaten dute erantzunaren zain. “Gu erotuegiten gara lana galdu dugulako, adibidez.Imajinatu dena galdu duzula, eta zureetorkizuna elkarrizketa baten mende da-goela”, nabarmendu du Berridik.Harreman estuak egin dituzteHalako egoera batean, errefuxiatuek ma-fiekin duten harreman naturala ulertzendutela adierazi dute emakumeek. “Bide le-galak funtzionatzen ez baldin badu, mafiakbihurtzen dira haien irtenbide”, argitu duAmaia Ocak: “Atzera egiteko aukerarik ezdute. Aurrera egin behar dute, halabeha-rrez”. Bigarren bidaian, Kiosen ezagutu-tako zenbait errefuxiaturekin elkartu diraAtenasen. Bide legaletik, edo ez, bainapauso txikiak eman ahal izan dituzten sei-nale. Denbora laburrean, oso harremanestua egin dute haietako batzuekin. “Sort-zen diren konexioak puruak dira. Ez daegoera normala, eta harremanak, ondo-rioz, ohi baino biziagoak dira”, baieztatu duBerridik. “Gu geu izan gaitezke”, errepikatu dutebehin eta berriro. Izan ere, Grezian eza-gutu duten jende askok bizimodu arruntazuen haren herrialdean. Unibertsitateanikasketak burutzen ari ziren gazteak, edohaiek bukatuta, lanean ari zirenak ezagutudituzte. “Haien Facebook profila ikustenduzu, eta duela bi urte, kafea hartzen zeu-den terraza batean, gu bezalaxe”, aipatudu Berridik, ingurura atsekabez begiratuta:“Momentu honetan oso babestuta sentit-zen gara, baina gauzak okertu daitezke, etaberdina gerta dakiguke”. Errefuxiatuekinenpatizatzeko eskatu dute Berridik etaOcak, eta bakoitzaren ahalmenaren ara-bera, ekarpenak egiteko. Ez baitute itxaro-pen handirik, gobernuen esku hartzeareninguruan.

�3

Standby amaiezina

gaztea

Errefuxiatuei buruzko albiste erauntsia eten izanak ezdu esan nahi arazoa amaitu egin denik. Milaka dira Gre-zian eta Balkanetan, betez ere, harrapatuta dauden erre-fuxiatuak. Ez atzera eta ez aurrera. Gerratik edo egoerajasanezinetatik ihesi, eta amestutako Europara ailegat-zeko modua ezin topatu. Milaka dira, baina ez dira zen-baki hutsak. Izen-abizenak dituzte, eta istoriozirraragarriak ere bai. Horietako batzuk ezagutu dituzteAmaia Oca eta Jaione Berridi irundarrek. Kios irlanegon ziren udazkenean, Donostiako ItxaurrondokoGastronomia Elkarteak martxan jarritako Zaporeakproiektuko sukaldean lanean. Otsailean berriro egondira Kiosen, baita Atenasen eta Tesalonikan ere.

Greziako errefuxiatuen egoera ezagutu dute, bertatik bertara, Amaia Ocak eta Jaione Berridik

Argazkiak: Amaia Oca.

Page 14: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

�4

ERREPORTARI BEZALA DOANBIDAIATU NAHI AL DUZU?Europatik bidaiatzeko 550 €irabazi erreportaje bat egitenduzun bitartean!

Zure ibilibidea aukeratu eta bi-daia antolatu. Erreportaje bategin argazkien bidez, bideoenbitartez, bloga, edo idatzita?gai bat ikertzeko helburuarekin(alemanez edo ingelesez).

Non? Europako herrialdeakaukeran.

Zenbat denborarako? 3-6aste.

Noiz? 2017an (iraila bainolehen).

Zenbatekoa: 550 €

Baldintzak: 18-27 urte bitarte-koa izan.

Epea: Martxoak 19

Informazio gehiago:h t t p : / / s c h w a r z k o p f -

s t i f t ung .de/en/awa rds / re i se s -

t ipend ien/

#IINSTANT1EAN INSTAGRA-MEKO LEHIAKETA, II. EDIZIOAInstagrameko irudien lehiaketada. Irudi baten bitartez, zure bi-zitzeko instant bat azaltzea dagaia: zer duzun gustuko, mu-sika, kirola... nola bizi zarenedo zure eguneroko une esan-guratsuak zein diren. Erakutsiezazu zuk ere sarean ondoibiltzen dakizula!

Nork har dezake parte?13-17 urte bitarteko Gipuzkoa-rrak. Parte-hartzaile bakoitzaknahi adina argazki edo bideoaurkez ditzake.

Nola parte hartu?Norberaren profilaren bidez,@gipuzkoangazte erabiltzaile-ari jarraitu eta h t tp : / /www.g i -

puzkoangazte.eus/eu/web/gi

p u z ko a n g a z t e / g u r e - p r o g r a -

mak/ in s tan t1ean

Argazkia atera edo bideoaegin, eta 2 modu daude:1. #Instant1ean + #sarea-nONdo traolak jarri.2. "Ni ere #sareanONdo! EtaZu?" esaldia txertatu + #Ins-tant1ean traola gehitu.Zure gaztelekuaren aipamenaere txertatu dezakezu.

Epea: maiatzak 7 (barne).

Parte hartu, Instant1ean:Parte hartu Instagramen irudibaten bitartez zure bizitzakoinstant ba azalduz: zer duzungustuko, musika, kirola... nolabizi zaren, edo zure egunerokoune esanguratsuak zein direnazalduz.

Igo zure argazkia eta erakutsizure RolloOna, sarean:Erakutsi ezazu sare sozialetanere zerbait egin dezakezulazure ingurunea eta zure lagu-nena hobetzeko. Sormena era-

biliz, argazkia igo eta erakutsisarean badakizula segurta-suna zaindu eta zure identita-tearen kudeaketa egokiaegiten. Argazkia edo bideoaigotzean, aldi berean, esaldihoni erantzun beharko diozu.Ni ere #sareanONdo! eta zu?

ERREPORTARI BEZALA DOANBIDAIATU NAHI AL DUZU?Europatik bidaiatzeko 550 €irabazi erreportaje bat egitenduzun bitartean!

Zure ibilibidea aukeratu eta bi-daia antolatu. Erreportaje bategin argazkien bidez, bideoenbitartez, bloga, edo idatzita?gai bat ikertzeko helburuarekin(alemanez edo ingelesez).

PAPER BIRZIKLATUA ETA AZA-LEZTAPENA, HURRENGO TAILE-RRA !!!Jakingo dugu zer material etabaliabide behar ditugun paperbirziklatua fabrikatzeko, eta,pausoz pauso, prozesua au-rrera eramango dugu, ematendizkigun aukerak esperimenta-tuz: koloreak, testurak, formak.

Data: martxoak 21 Ordua: 18:00 - 19:30Izen emate lekua: IGazte,Martindozenea Gaztelekua Adina: 16 - 22 urteKopurua: 15 lagun Bocabeats Comedia bikotea (Ivan Ivenian, Aitor Vi-

daurreta) berdingabea da beatboxa eta bakarrizketakomikoak konbinatzen. Zazpi urtean, 400 agertokitanbaino gehiagotan izan da, eta jo eta ke segitzen du.Orain Irunen!!!!!!

BAKARRIZKETA + Beatbox komedia

Eguna: martxoak 17, ostirala

Ordua: 20:00

Lekua: Martindozenea Gaztelekua

Kolaboratzailea: gazteARTEan eta Lady RED Pro-duction & Management

BOCABEATS. BAKARRIZKETA + BEATBOX KOMEDIA

- Aurrez aurre: Irungo CBA liburutegi berrian- Telefonoz: 943 50 54 44 / 943 50 54 40 - Posta elektronikoz: igaz te@i run .o rg

- Webean: www. i r un .o rg/ igaz te

- WhatsApp bidez: 607 771 173

Page 15: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia

a i s i aa

Martxoak 16Zer? Feminismo o Barbariedokumentala. Dokumentalabikotearen esparruan ematenden bortizkeria psikologikoariburuzkoa da. Irantzu VarelaUrrestiazala bere zuzendariakazetaria da eta berdintasu-naren gaineko lantegietan, fe-minismoan, maitasunerromantikoan, lidergoan etakomunikazioan hezitzailea

Non? Kabigorrin.

Ordua? 19:00.

Prezioa: Doan.

Martxoaren 17tik19raZer? “Vida” Italiako Zirkua.

Non? Ficoban.

Ordutegia? - Ostirala, martxoak 17, es-treinaldia 19:00etan. - Larunbata, martxoak 18:17:00 eta 19:30. - Igandea, martxoak 19:12:00 eta 17:00

Webgunea:i l c i rco i ta l iano.com

Martxoaren 17tik19raZer? Antzinako objektuei bu-ruzko VII. Azoka.

Non? Ficoban.

Ordutegia? Ostirala 17:00-21:00 / Larunbata eta igan-dea: 11:00-20:00.

Prezioa: 3 euro.

Telefonoa: 696364704 /696198759.

Martxoak 18Zer? Andra Mari Abesbatza-ren 50. urtemugaren ospaki-zuna. Programannabarmentzen da Fauré-renRequiem obra, organoan jot-zeko bertsioan.

Zuzendaria: Andoni Sierra.Alize Mendizabal (organoa),Lucía Gómez Aizpurua,Jesús García Aréjula (ahot-sak)

Réquiem (G. Fauré)

Non? Junkal Parrokian.

Ordua? 20:00etan.

Prezioa: Doan

Martxoak 19Zer? Etapa Baztandik: Ariz-kun - Arizkun Irungo Mendi-zaleak antolatuta.

Prezioa? Doan

Webgunea? h t tp : / / i r ungo-

mend iza leak .com/

Martxoak 27 eta 28Zer? Gipuzkoako turismo en-pleguaren I. Azoka Turislan.Azoka lan bila dabiltzan pert-sonen eta sektore turistikokoenpresen arteko elkargunea.

Prezioa? Doan

Non? Ficoban.

Noiz? Martoxak 30.

Ordutegia? 09:00-20:00

Non? Ficoban.

Prezioa? Doan.

Aurtengo topaketarenleloa DNA BERRITZAI-LEA izango da.

Aurreko edizioetan be-zala, pertsona ekintzai-leek, enpresek etabestelako organismo pu-bliko eta pribatuek partehartuko dute, tailer eta jar-duera programa zaba-lean. Parte hartzaileek

kontaktuak egin, negozioaukerak identifikatu, eza-gutzak zabaldu, eta besteesperientziak, joerakedota arrakasta kasuakezagutu ahal izango di-tuzte.

W e b g u n e a ?h t t p : / / w w w. b i d a s o a - a c -

t i va.com/

IX KREA BIDASOA2017

�5

Page 16: Irunero · Gimnasia Erritmikoa. Irun Hiria txapelketa 9. orrialdea Erreportajea Trenaren norabidea Irunen 4-5. orrialdeetan Errefuxiatuen egoera, irundarren begietatik Argazkia: Amaia