Hume a Norma Do Gusto Resume
-
Upload
francondesoto -
Category
Documents
-
view
218 -
download
3
description
Transcript of Hume a Norma Do Gusto Resume
![Page 1: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/1.jpg)
5. Hume: a norma do gusto.
David Hume (1711-1776) naceu en Edimburgo. O pai morreulle cando aínda era cativo.
Inicialmente, pensou en seguir a carreira xurídica mais, nas súas palabras, chegou a unha "aversión
total a todo o que non fose o camiño da filosofía e do ensino en xeral". A súa nai ficou asustada coa
decisión, mais Lord Kames, un parente e protector de Hume, tamén filósofo e ilustrado e protector
ademais de Adam Smith, tranquilizouna.
Adam Smith que escribiría A riqueza das nacións. Unha investigación sobre a natureza e as causas
da riqueza das nacións (1776). É un traballo de economía política no xurdir da Revolución
Industrial, e é amplamente considerado o primeiro traballo no campo da economía moderna. A obra
tamén é unha razoada defensa das políticas do mercado libre.
Con doce anos Hume estaba xa estudando na Universidade de Edimburgo, cando o normal eran
catorce.
Durante dez anos devorou canto libro de filosofía lle caía nas mans, chegando ao límite do
desequilibrio mental e da enfermidade física. Decidiu pasar a unha vida máis activa e comezou a
traballar como axente de comercio. Nunha das súas viaxes acabou en Anjou, en Francia, discutindo
cos xesuítas do Colexio de La Flèche. Neste colexio estudara Descartes uns 125 anos antes.
Proseguiu os seus estudos como autodidacta en Francia, onde redactou a súa obra Tratado da
Natureza Humana con 26 anos. A pesar de que moitos académicos consideren hoxe o Tratado como
a obra máis importante de Hume e un dos libros máis significativos da historia da filosofía, o
público británico non se entusiasmou inmediatamente. Hume esperaba un ataque ao seu libro e
preparábase para o defender apaixonadamente. Para a súa sorpresa, pasou totalmente desapercibido.
O propio Hume describiu a (falta de) reacción do público á publicación do tratado en 1739-40 coas
seguintes palabras: o libro "saíra morto da editora tralo seu nacemento".
1
![Page 2: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/2.jpg)
Como tiña moi poucos cartos decidiu que había que levar unha vida sacrificada e frugal que lle
permitira manter a súa independencia, para non perder o seu tempo gañándose o sustento e poder
entregarse así en corpo e alma á produción filosófica.
En 1744 negáronlle a Cátedra de Neumática e filosofía moral na universidade de Edimburgo. En
filosofía, neumatoloxía ou pneumática é a "ciencia" dos espíritos (pneuma) entendida como
investigación en torno a relación entre Deus e as almas. Os ministros anglicanos de Edimburgo
solicitaron que non lle deran a cátedra acusándoo de ateo.
Sábese que durante o ano 1745 tivo algún traballo nun teatro da cidade. Durante tres anos foi
secretario dun xeneral. En 1750 é acusado de herexía e case ten que ir a xuízo se non é pola
intervención dos seus amigos, especialmente o seu padriño, Lord Kames, que era avogado e xuíz.
Polo mesmo motivo de ateísmo perde unha Cátedra na universidade de Glasgow.
Hume pensou que o problema do seu primeiro libro, o Tratado era o estilo e non o contido, así que
o recortou e lle deu un estilo máis lixeiro, renovou parte do material para consumo máis popular
nun esforzo que tivo como resultado a Investigación sobre o entendemento humano (1748).
Tampouco tivo moitos lectores, aínda que funcionou mellor có Tratado. A Investigación leuna Kant,
entón un descoñecido profesor universitario en Königsberg, xa de idade avanzada e aínda sen
ningunha obra relevante. Kant dixo que este libro lle fixera espertar do seu "soño dogmático" e foi
despois de espertar do seu soño dogmático cando se puxo a escribir a Crítica da razón pura en
1781. Por certo que Kant nunca leu o Tratado da Natureza Humana.
Viviu a última década da súa vida en Edimburgo, na cidade nova.
Hume nunca casou -nin deixou fillos.
A cidade de Edimburgo
Sobre o 1550 comeza a construción da Flodden Wall, a muralla que rodea a cidade coa intención de
protexela dos ingleses, propósito que incumpriu en diversas ocasións.
2
![Page 3: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/3.jpg)
Coa muralla rodeando a cidade e unha poboación cada vez máis elevada, a única forma de facer
crecer a cidade era en altura.
Na Royal Mile -a milla real- comezaron aparecer as primeiras edificacións de pedra (lands) de entre
5, 8 e 12 alturas. Cando estes edificios quedaron curtos, empezáronse a construír casas de madeira
enriba das existentes.
Ademais das continuas loitas cos ingleses e as propias guerras civís, a densidade de poboación da
"cidade dos rañaceos" converteuse nun niño de infeccións, enfermidades, incendios e pragas.
1500. 12.000 hab.
1550. 15.000 hab.
1690. 50.000 persoas, é dicir, a cidade pasou por un crecemento esaxerado.
Daniel Defoe, autor do Robinson Crusoe escribiu: "Non existe outro lugar no mundo no que a xente
estea tan apretada como en Edimburgo".
http://maps.nls.uk/view/74400069
3
![Page 4: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/4.jpg)
No século XVIII, o inicio da New Town
A peste, o tifos e o cólera formaban parte dunha poboación que ao berro de "¡Gardy Loo!" (Auga
vai), lanzaba pola fiestra o lixo e os excrementos. Unha poboación que empregaba o Lago Norte
(actuais Xardíns de Princes Strees) como vertedoiro de augas residuais e fonte de auga potábel ao
mesmo tempo. Unha poboación tan densa que, finalmente, non podía facer nada por sobrevivir.
A unión entre Inglaterra e Escocia, firmada en 1707, deixou de facer necesarias as murallas e trouxo
algo de alivio a esta situación que non sería definitivamente remediada até a planificación da cidade
nova. Lembremos que David Hume vive entre o 1711 e o 1776) . Foi en 1767 cando comezou a
planificación da New Town (Cidade Nova). Tras un concurso público, púxose en marcha un
proxecto de grandes rúas paralelas, prazas e xardíns.
Co auxe da Cidade Nova, a capital escocesa comezou ser unha cidade atractiva para os pensadores
da época. Como exemplo de facto, entre 1768 e 1771 publicouse en Edimburgo a primeira
Enciclopedia Británica, aínda en vida de Hume.
O protector de Hume e en parte responsábel de que se dedicara á filosofía é Henry Home, Lord of
Kames (1696-1782). Avogado e xuíz do Tribunal supremo de Escocia en 1752, un dos líderes da
Ilustración escocesa. Non aristócrata de nacemento, senón un burgués que se gaña o título de Lord
polos seus servizos á coroa británica.
Hume no dejó nunca de ensalzar a Kames, de quien dijo que era el mejor amigo que jamás he
tenido, además de el hombre más grande del mundo y una mente de hierro en un cuerpo de hierro.
No obstante, Hume y Kames discutían constantemente, particularmente en materia de religión.
Hume era ateo, y Lord Kames anglicano, algo raro en Edimburgo, donde la mayoría de la
aristocracia terrateniente era calvinista (presbiteriana). Kames detestaba el ateísmo.
4
![Page 5: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/5.jpg)
Kames ten unha teoría filosófica que asegura que a humanidade foi mellorando progresivamente
pasando por catro estadios: cazadores/recolectores, pastores/gandeiros, agricultura, cidades.
Se Shaftesbury é o Platón da estética pola súa concepción aristocrática e trascendental da beleza.
Kames é o Aristóteles inglés do XVIII, por metódico e porque fai investigación sobre o concreto do
feito estético.
Kames distingue:
- beleza intrínseca (ou beleza sensíbel), de cada unha das cousas por separado. As cousas provocan
en nós emocións agradábeis.
Esta beleza está nas cousas e trátase dunha beleza do sentido externo, especialmente da vista, dos
obxectos da vista, aínda que non só. A beleza é algo obxectivo, non subxectivo. Os órganos dos
sentidos son afectados polos obxectos e entón provocan nestes unha sensación de beleza,
independentemente das peculiaridades de cada suxeito.
A beleza é complexa e resulta dunha conxunción de certos detalles e certas calidades do obxecto
(cor, figura, tamaño, movemento).
A beleza intrínseca é algo que se esgota en si mesma, que non remite a nada máis alá dela mesma, é
fin en si mesma, e a súa única ‘función’ é provocar a nosa felicidade. O conxunto que é a obra de
arte afecta o ollo, suscitando en nós dozura e alegría. Pero a captación da beleza non pode quedarse
neste mero recibir imaxes.
- hai tamén unha beleza relativa, que sen pertencer totalmente a eles, acércase máis ao ámbito do
entendemento e da reflexión.
A beleza é neste segundo sentido finalidade, utilidade.
A beleza é algo que se aparece cando se trata de algo conveniente, apropiado, axeitado á súa
finalidade.
Os animais só perciben o primeiro tipo de beleza. O segundo tipo de beleza só pode ser captada
polos humanos. É a súa facultade do gusto quen a capta.
5
![Page 6: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/6.jpg)
Existen certos detalles no gusto que non poden ser xustificados porque a facultade do gusto é o
sentimento. Porén, podemos formular uns principios xerais do gusto válidos para todos.
É posíbel establecer un estándar do gusto, unha serie de normas compartidas por todos, de acordo á
natureza, que tamén é unha soa.
Cando coinciden as dúas belezas (a beleza sensíbel e a utilidade dun corpo) trátase de algo
deleitable, do óptimo que se pode acadar.
É necesario mellorar o propio gusto, educalo, para que aumente a nosa capacidade de simpatía pola
pena e pracer alleos. A beleza relativa é un medio que tende a un ben, fin ou destino: a moderación
das paixóns, de por si tumultuosas. A arte debe darlle forma axeitada ás paixóns. Trátase finalmente
de algo que se refire á necesidade do ser humano de manter unha conduta digna da súa natureza -
axeitada aos designios do creador- e socialmente xusta. O gusto pola beleza consiste en adaptarnos
e poñernos de acordo coa natureza humana.
O gusto debe ir contra o gusto pola novidade e tamén contra a costume e os hábitos.
O criterio estético propio dos que poden decidir en cuestión de gustos é o sentido común, propio só
dos que teñen unha finura natural (beleza intrínseca) máis unha cultura refinada (beleza relativa).
Home une unha estética do agradábel (beleza intrínseca) e unha estética do digno (beleza relativa).
1. Dous tipos de beleza.
No Tratado (1739) David Hume afirma que o estético é diferente do racional e do moral. A razón
establece relacións entre as cousas, descobre a súa proporción. É curiosa esta concepción
económica da razón. A moral consiste na censura ou aprobación dunha conduta. A beleza é un gusto
ou sentimento subxectivos e indefiníbeis que provocan pracer ou satisfacción da alma. A beleza non
se pode definir, senón que simplemente é discernida mediante un gusto ou un sentimento.
6
![Page 7: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/7.jpg)
O gusto é un “sentido interno” [inner sense] e a beleza é un pracer que ten que ver con este sentido.
Hume distingue seguindo a Kames:
- beleza da forma, que ten que ver coa aparencia dos obxectos e a súa boa proporción.
- beleza da imaxinación, que ten que ver coa utilidade. Non se trata dunha utilidade real ou egoísta,
senón imaxinaria. Unha cousa é o agrado ante a vida e outra é o agrado ante a ficción, que é a que
opera na arte.
Por exemplo, nos Ensaios morais e políticos (1742), considera que o belo é tamén bo e o bo é belo,
porque ambos son útiles. A contemplación dun campo de trigo provócanos pracer debido á
imaxinación do sentimento do propietario e de todos aqueles que se benefician del. A beleza do
campo consiste na súa fertilidade, na utilidade e adecuación con respecto ao obxecto. Neste feito
pouco importa a percepción que nos chega a través dos sentidos do campo. Un obxecto que provoca
pracer ou algunha vantaxe no seu dono é un obxecto con tendencia a que o consideremos un
obxecto belo. A conveniencia dunha casa, a fertilidade dun campo.
O estético provén finalmente do sentimento de conveniencia: tras descubrir a proporción mediante a
razón, aínda hai que sentir a súa conveniencia, a súa adecuación, a súa utilidade.
2. Sobre a norma do gusto (1757).
O problema está en que se o gusto ten que ver co sentimento e o pracer, de onde sae o estándar do
gusto, a súa universalidade? Hai unha grande variedade de gustos [taste]. As obras espertan
sentimentos agradábeis. A beleza ou a deformidade son cuestión dun sentimento. Os sentimentos
acerca da beleza ou da deformidade difiren. Ao contrario que nas ciencias ou nas materias de
opinión, no gusto non hai acordo posíbel.
En moral de entrada parece que hai acordo acerca do virtuoso e do vicioso. Ben porque se trata de
sentimentos semellantes en tódalas culturas; ben porque en cada lingua existen unhas palabras fixas
coas que distinguir ambos termos. Agora ben, cando entramos a dar exemplos particulares comezan
7
![Page 8: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/8.jpg)
os problemas. Cada persoa acaba entendendo algo diferente baixo os termos de elegancia,
simplicidade, inxenio...
Un xuízo pode estar equivocado se a súa referencia non existe. Acerca dunha cousa, só hai un xuízo
correcto.
Polo contrario, parecería imposíbel establecer unha norma para o gusto. As afirmacións sobre o belo
e o feo baséanse en sentimentos e os sentimentos non poden ser verificados ou falsados, porque os
sentimentos non se refiren a nada fóra de si mesmos.
"La belleza no es una cualidad de las cosas mismas; existe sólo en la mente que las contempla, y
cada mente percibe una belleza diferente"1.
De entrada, con respecto ao belo, non se pode dicir que haxa un certo consentimento e experiencia
compartida por tódalas nacións e épocas. Semella inútil discutir sobre gustos.
Porén, ante obxectos moi desproporcionados, é dicir, un moi belo e outro moi feo, semella que hai
acordo. As obras dun verdadeiro xenio perduran na historia, como os poemas de Homero. Ademais,
parece que finalmente toda a humanidade coincide en que hai unha serie de obras que son
indiscutibelmente valiosas, co cal o problema do relativismo do gusto non pode ser tan grave. O
sentido común afirma que o gusto é algo subxectivo, pero ao mesmo tempo tamén nos di que hai
certas obras de arte que parecen obxectivamente superiores. Por iso é necesario atopar unha regra
para o gusto.
“Es natural que busquemos una norma del gusto, una regla con la cual pueden ser reconciliados los
diversos sentimientos de los hombres, o al menos una decisión que confirme un sentimiento y
condene otro”2.
Atendendo aos sentimentos dos seres humanos sans é posíbel saber en que consiste a beleza.
Hai cinco condicións para estar en condicións de identificar unha obra bela:
1 Hume, D., Sobre la norma del gusto, Museù Valenciá de la Ilustració i de la Modernitat, Valencia, 2008, 42.2 Hume, D., Sobre la norma del gusto, Museù Valenciá de la Ilustració i de la Modernitat, Valencia, 2008, 27.
8
![Page 9: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/9.jpg)
1. A delicadeza do gusto. Aínda que a beleza é fundamentalmente captada por un sentimento existen
certas calidades nos obxectos que son máis apropiadas para provocar o sentimento da beleza. Estas
calidades aparecen entremesturadas con outras. A delicadeza do gusto é aquela facultade que
posibilita distinguir estas calidades.
A razón debe ademais percibir a correspondencia, consistencia e uniformidade entre as partes e o
todo da obra. O gusto necesita tamén claridade, exactitude e vivacidade na aprehensión.
2. A práctica de xulgar obras, que mellora a delicadeza. O gusto pode ser educado mediante a
práctica dunha arte ou mediante a contemplación e valoración dela.
3. A comparación de obras de distinta calidade, que permite recoñecer a verdadeira e a falsa beleza.
A beleza non pode ser entendida atendendo a cada beleza particular senón estudando a beleza en
xeral. É necesario coñecer diferentes graos e diferentes tipos de beleza e diferentes etapas históricas
da arte para poder facer comparacións entre eles.
4. Estar libre de prexuízos que poidan corromper o gusto. O crítico debe estar libre de todo
prexuízo, de todo favoritismo cara ao autor, de todo prexuízo histórico acerca da superioridade da
súa época. A súa imaxinación debe estar libre para que poida afectar o seu sentimento.
5. O bo sentido que evita a influencia de ditos prexuízos. Aínda cando estean presentes os
prexuízos, a razón debe facer unha tarefa de control dos prexuízos.
Hume asegura que non é posíbel saber onde están en concreto tales críticos, pero que existen seres
humanos que están máis capacitados no que á delicadeza do gusto se refire. Finalmente acaban
impoñendo o seu criterio correcto na sociedade.
"Solamente pueden tenerse por tales a aquellos críticos que posean un juicio sólido, unido a un
sentimiento delicado, mejorado por la práctica, perfeccionado por la comparación y libre de todo
prejuicio y el veredicto unánime de tales jueces, dondequiera que se les encuentren, es la verdadera
norma del gusto y de la belleza"3.
3 Hume, D., Sobre la norma del gusto, Museù Valenciá de la Ilustració i de la Modernitat, Valencia, 2008, 54.
9
![Page 10: Hume a Norma Do Gusto Resume](https://reader035.fdocuments.ec/reader035/viewer/2022081203/577c7d971a28abe0549f57cf/html5/thumbnails/10.jpg)
As fontes de desacordo en arte:
- os diferentes temperamentos das persoas: as persoas novas (prefiren temas relacionados co amor)
e as persoas vellas (prefiren temas relacionados coa prudencia), os alegres e os tristes, etc.
- os hábitos e opinións, a moralidade particulares dunha época e dunha nación.
Cando aparece unha disputa o único que se pode facer é atender aos mellores argumentos.
Hai unha serie de persoas con gusto delicado que son superiores ao resto, que son capaces de ter un
sentimento xusto acerca do que é belo e do que non o é. Pode haber erro acerca de cal é o mellor
filósofo, pero é raro que haxa erro acerca da preferencia por un autor épico ou tráxico.
En definitiva, a perfección da capacidade para sentir a beleza vai en paralelo á perfección dun ser
humano en xeral. Os seres humanos máis perfectos poden sentir a verdadeira beleza de forma
axeitada. E viceversa, porque a delicadeza do gusto modera e civiliza o carácter, e mediante a
simpatía –coincidir no diagnóstico de que unha obra é bela- fomenta a amistade e amor. Pensemos
no movemento ilustrado escocés.
"Los principios generales del gusto son uniformes en la naturaleza humana"4.
Malia isto, pode haber algúns casos –poucos- nos que a diversidade de opinión entre os críticos é
inevitábel.
No que se refire ao gusto finalmente hai que ser comprensivos con outros temperamentos e épocas e
nacións. No que se refire ao moral, non. É dicir, obras que na actualidade son moralmente
inaceptábeis, deben ser aprezadas no que ao gusto se refire.
Conclusións:
Para resolver o conflito entre o gusto subxectivo e o feito de que certas obras son recoñecidas como
valiosas por case todos Hume apela a unha norma que en realidade é a que establecen aqueles
críticos que son competentes.
4 Hume, D., Sobre la norma del gusto, Museù Valenciá de la Ilustració i de la Modernitat, Valencia, 2008, 56.
10