Hausnartzen 2011-11-24
Click here to load reader
-
Upload
ezker-abertzalea -
Category
Documents
-
view
220 -
download
3
description
Transcript of Hausnartzen 2011-11-24
1
Hausnartzen
Testuinguru berezian kokaturik iritsi dira hauteskunde hauek: Euskal Herrian aro politiko berria zabaldu den unean, ETA erakundeak borroka armatuari amaiera emateko erabakia hartu ostean eta Aieteko Konferentziak gatazkaren konponbide osorako oinarriak finkatu dituenean, hain zuzen.
Gertakari hauek guztiek sakoneko iraulketa ekarri dute, dudarik gabe, gure herriaren etorkizunari begira, baina iraulketa hau ez da egun batetik besterako jauzi gisa ulertu behar, inondik ere, ezker abertzaleak herri honetako ezkerreko indar soberanista eta independentistekin abiatu duen elkarlanaren emaitza gisa baizik, elkarlan honetatik baldintza berriak sortu baitira herri gisa aurrera egiteko, dagozkigun eskubideak defenditzeko eta eremu instituzional eta elektoralean gehiengo berriak artikulatzeko.
Maiatzaren 22ko Bilduren emaitzek lurrikara politikoa sortu zuten, eta haien ondotik Espainiako hauteskundeen emaitzak iritsi dira, duela bi urte abiatutako ibilbidean aurrera egiteko marka berria ezarriz: 333.624
boto, konponbideen mesedetan eta aldaketa politikoaren zerbitzura.
Emaitza hauen zergatia
Aurretik Bildurekin lortutakoak eta emaitza hauek ere historikoak direla esaten ohitzen hasiak bagara ere, ez da makala egindakoa! Bildurekin gailurrera iritsi ginela ematen bazuen, ibilbidean aurrera eginda gailur berriak topatzea eta igotzea soilik herri honetako ezkerreko soberanista eta independentisten esku dagoela erakusten ari gara. Horren lekuko Hego Euskal Herrian Amaiurren emaitzak, ordezkaritzari dagokionez, lehen indar bilakatu delarik.
Hainbat izan daitezke arrakasta honen zergatiak, baina zalantzarik gabe indar metaketa funtsezkoa izan da inoiz herri honetako soberanista eta independentistak iristeko gai izan ez garen herri sektore anitzetara iristeko eta gure eragin gaitasuna biderkatzeko orduan. EA, Alternatiba eta Ezker Abertzaleak jarritako oinarri komunari Aralar gehitu zaio oraingoan, Amaiur osatuz,
Ezker Abertzaleak azaroaren 20ko hauteskundeen inguruko hausnarketa
luzatu nahi dio bere oinarriari
2
eta abertzaleen arteko batasun zabalak, ezberdinen arteko adostasun eskuzabalak, herri honetako gehiengoaren nahiarekin bat egin du, alderdiok –ezker abertzalea barne herritarren beharren zerbitzura, aldaketaren zerbitzura jarriz. Hori da saritu dena.
Herri ordezkaritza osatu dugula diogu, baina ez herria soilik gu garela adierazteko asmoz, horretan datza PNV eta gure arteko ezberdintasuna, PNV alderdia Euskadiren izenean aritu delako urteotan Madrilen, ezkerreko abertzaleok ez, gure siglen gainetik jokatu dugu, programa bat adostu, Amaiur sortu eta tresna berria herritarren esku utzi dugu. Horretan asmatu dugu.
Emaitzak zenbakitan neur daitezke, 333.624 inoiz izan diren esanguratsuenak dira, baina zenbakia bera baino esanguratsuagoa da emaitza horrek berarekin daka rrena: herri honetako ezkerreko soberanista eta independentisten esku dagoela aldaketaren lidergoa, udalez udal, Espainiako gorteetan, aldaketari begira, konponbideen garaia bururaino eramaterako. Zenbaki horren atzean herri konfiantza dago, sinesgarritasuna, eta hori beste inoren gainetik guk jaso dugu, ez EAk, ez Alternatibak, ez Aralarrek, ez Ezker Abertzaleak, guztion batasunak baizik. Batasun honekin aldaketa eta e maitza hauek posible dira, Bildu eta Amaiurrekin aldaketa posible da, bestela ez.
Herrialdez herrialde
333.624 boto emaileek ez dituzte ziurrenik zazpi kongresisten izenak jakingo, zer esanik ez hiru senatariena: Amaiur izan da botoa emateko arrazoia, eta zubiaren irudia argien azaldu dugun irudia: konponbiderako zubia.
Gipuzkoan izugarrizko emaitzak lortu dira,
aurretik Bildurekin lortutakoak berretsiz. Bai Diputazioari begira, bai Donostiako Udalari begira PNV, PP eta PSE alderdiek landu duten oposizio basatiak desgastea eragitea bazuen xede, desgastea beraien gain erori da hauteskunde hauetan. Gipuzkoarren botoa ez zen beroaldia izan, hots, aldaketarako apustu argia baizik, oraingoan ere e rrepikatu dena. Kontuan hartu beharko dugu batzuk eta besteok: aldaketa bideratzea dagokigunok eta aldaketa zapuztea xede dutenek. Botoek bakoitza bere lekuan jarri dute.
Bizkaian emaitza onak dira, baina hobetu daitezke, hobetu behar ditugu, herrialdean dugun erronkari erreparatzen badiogu, batik bat hirigune handietan abertzale eta ezke rrekoen indar metaketak ez baitu lortu behar besteko hedapena. Aukeren eta e maitzen arteko desorekaren arrazoiak aztertzeko eta hurrengorako ondorioak ateratzeko tartea dugu orain.
Araba ezkerreko soberanista eta independentisten aukerarentzat oso eremu emankorra gertatu da, diputatu baten lorpenarekin eta hirugarren lekua hartuz emaitzetan. Herrialde honetan susperraldia bizi dugu eta indar metaketaren eskaintza urtetako nahi eta beharrekin erabat txertatuta dagoela azpimarratu daiteke.
Nafarroan diputatu bat eta 49.000 boto: ezkerreko soberanista eta independentistok leku nagusia hartu dugu herrialdean eta pisuzko ordezkaritza lortu Madrili begira. Hauxe da kualitatiboki baloratu behar dena. Bestalde, gure botoei Geroa Bairen 42.000ak gehituz gero – ezustekoa izan dira emaitza hauek, NABAIk hamarkada batean landutako ildoaren baitan kokatu beharrekoak, eskuinari itzal egiteko moduko aukera zabaltzen zaigu herrialdean, baldin eta asmatzen dugun elkarren artean
3
bidea egiten, orain arteko zatiketa politikotik harago. UPN alderdiak eta Barcina lehendakariak beldurrik badiote horri da: beste Nafarroa baten aldeko indarren bilketari, hain zuzen. PP alderdiarekin egin duen aliantza elektoralak ez dio ekarri gainera, nahikoa etekin Madrili begira: Nafarroaren ordezkaritzaren monopolioa akabo!
Orokorrean, ezkerreko soberanista eta independentisten lur eremua handituz doa etengabe eta UPN, PP eta PSEPSN alderdien eragin gaitasuna murrizten ari da, e maitzek erakusten dutenez, PSE alderdiaren kasuan Lopez lehendakariaren porrot politikoa hauteskundeetan ere nabaritu delarik. PNV alderdiaren emaitzek ere aipamen berezitua merezi dute: alderdi jeltzalea egoera zailean iritsi da hauteskundeetara, garai berriaren atzetik, egokitu ezinean, etorkizuneko proiektu argirik gabe eta aldapa gora egin duen kanpainatik etekin onak atera dituenik ezin uka. Baina hauteskunde aurretik zuen egoeran jarraitzen du ondotik ere, eta Madrilerako ordezkaritzari dagokionez, nagusigoa galduta, Amaiurren mesedetan. Guztiarekin, Euskal Herriaren eta Espainiaren proiektuen arteko talka, hauteskunde hauetan ere nabarmendu dena, Euskal Herriaren mesedetan desorekatzen ari da, Madril oso urduri jartzeraino.
Gure begirada zabaltzen badugu bestalde, azpimarragarriak dira Kataluniako datuak, non CIU alderdiak garaipen handia lortu duen, Estatu espainiarrak lurralde horretan duen zuloa handituz. Euskal Herria eta Kataluniak elkarrekin aritzeko premia eta aukera zabalik dute etorkizunean.
Emaitza hauek zertarako
Hauteskunde hauetatik bi argazki nagusi atera dira, bat Madrilen eta bestea Euskal Herrian. Madrilen, PP atera da garaile,
e maitza ezin bikainagoekin, krisi ekonomiko larriaren ondorioz boto emaileak PSOE zigortzea erabaki ostean. Euskal Herrian aldiz, herritarrek ezkerreko soberanista eta independentisten esku utzi dute aldaketaren lidergoa, aurretik Bilduren eskuan utzi zuen bezala.
Hauteskundeotako emaitzez harago, sakoneko joera azpimarratzea komeni da: hamarkada luzetan nagusia izan den indar korrelazio politiko eta elektoralak aldaketa sakona ezagutzearekin batera, balantza indar handiz desorekatzen ari da herri honetako abertzale eta ezkertiarron bilgunerantz. Honek egundoko garrantzia hartzen du herri honetan datozen urteetan egin beharreko urratsei begira.
Bada bigarren ondorio bat ere: azken hamarkadetan PNV eta Euskadi marka bera izan dira Madrilen, badakigu ondo zertarako. Aurrerantzean ez. Amaiurrek lortutako zazpi diputatuek gauzak beste modu batera egitera behartuko ditu jeltzaleak, eta guztiontzat aro berri bat zabalduko da Madrileko jarduerari dagokionean. Aro berri honetan, bai Euskal Herriko ordezkaritzen artean bai Espainiako gainerako herrietakoekin adostasunak eta aliantzak lortzetik aukera berriak ireki daitezke erabaki eskubidearen aurkako horma tzarra pitzatzen hasteko orduan.
Oztopoak hor egongo direlako, nolakoak gainera! 333.624 botorekin ordea, asko dugu egiteko Madrilen, gurea ez den instituzio horretan. Mandatua argia da: mandatua ez da Espainiako herriaren eraikuntzan parte hartzea, ez, hori Espainia beren herritzat dutenek egin beharko dute; gurea Euskal Herria da, eta Euskal Herriari dagozkion eskubide politiko eta ekonomikoen defentsan jardutea dagokigu. Eta zeregin honetan modu ez normalizatuan baina iraunkorki aritzea dagokigu.
4
Datozen egun eta asteetan hamaika eztabaida piztuko dituzte, Amaiurren bulegoa dela, ordezkaritza, Erregearekin bilkura … isats eta adardun deabrua, ezkerreko soberanista eta independentisten aliantza, Madrileko sukalderaino sartuko den honetan. Azken hamarkadetan landu duten diskurtsoaren eta egin duten kontakizunaren preso dira alderdiak eta komunikabideetako editorialak eta aldaketarako asmo handirik gabe ari dira gainera. Errealitateak jarriko ditu bere lekuan: galtzaileak omen garenak, gure proiektua inposatu nahi dugunak, indarkeriaren semealabak … demokraziaren aldarrikapena eskuan hartuta, urtetako gezurra agerian uzten dugunean.
Rajoy: arazo bat duzu Euskal Herriarekin
Konponbidearen garaian murgildurik dago Euskal Herria. Horretarako baldintzak eta bitartekoak jarri dira eta itzulerarik gabeko bidean aurrera goaz, behin betiko konponbide demokratikoa erdiesteko eta, ate hau zabalduta, herri hau independentziara eramateko xedez. Horra gure ibilbide orria. Ezin esan dezakegu Madril konponbideen garaian murgildurik dagoenik. Urteotako agenda berarekin jarraitzen du: ukazioarekin, hain zuzen, ez dagoela gatazkarik esanez. Murgilarazi behar ditugu, beraz. Nazioarteko ordezkariek Aieten burututako Konferentzian urratsa egin zen; ETAk bere urratsa egin du; 333.624 boto urratsa da; urratsen garaian sartuta gaude, eta guri dagokigu bereziki, ezkerreko soberanista eta independentistoi, pedalkadak etengabe ematen jarraitzea, urratsen bidean etenik ez egitea, urrats hauek guztiak eta etorkizunean burutuko ditugunak baitira baldintza berriak sortzen ari direnak eta sortuko dituztenak.
Horregatik luzatu diogu gatazkari behin betiko konponbidea emateko deia Rajoyri, Es
painiako presidente berriari. Ez da makala eskuen artean duen ardura: krisi ekonomiko latzari aurre egin beharko dio, ezbairik gabe; baina beste krisi batek ere betebetean harrapatu du presidente berria: Espainiako eredu politikoarenak. Bidegurutzean sartuta dago aspaldion Estatu espainiarra eta datozen hamarkadetako eredua dago jokoan, eta bi norabide aukeran: atzerantz bata, eredu autonomikoa estutzetik eta zentralismoaren indartzetik eratorri daitekeena; lehen trantsizioaren amaiera dakarrena bestea, Espainia osatzen duten herrien erabakitze eskubidea aitortuz.
Ez dago borondaterik, ez da egongo, izan daiteke burura datorren lehen ideia. Eta horrela da, Estatu espainiarraren borondatearen termometroari erreparatzen badiogu, ez da ezer aldatu azken hamarkada hauetan. Borondate ezan oso irmo baina egindako apustuan oso ahul geratu da ordea, gure herria asimilatzeko estrategia eta egituraketa juridiko eta instituzionalak po rrot egin ostean. Ez du balio egindako apustuak. Eta ez du balio horri gehitzen badiogu ezkerreko soberanista eta independentisten proiektua dela egun indarrez ageri dena bere herriaren aurrean, ekuazioa asmatzen erraza da: inoiz baino indartsuago gaude eta 333.624 boto horien hauspoa gatazkaren konponbiderako baldintza berriak sor tzeko, Madril mugiarazteko baliatu behar ditugu.
Horretarako dira ezkerreko abertzaleon eskaintza eta programak, hemen eta Madrilen, herri honen gehiengoaren nahiak eta beharrak gure eginez, herri honetara konponbidea, aldaketa ekartzeko, bideratzeko. Hori da mandatua, eta horren mesedetan jarri behar dugu Madrilen egin beharreko lana, borroka, konfrontazioa, konfrontazioaren parametroak errotik aldatu badira ere, konfrontazioaren ibilbideak ez baitu etenik, herri honek independentzia eskuratu artean.
5
Aitortza, erabakitze eskubidea
Nondik norakoak dira datozen hilabeteetako urratsak? Lehentasunak? Urratsak eta lehentasunak berberak dira Euskal He rrian eta Madrilen. Agenda bakarra dugu.
Euskal herritarren gehiengoak bere etorkizuna libre eta demokratikoki eraiki nahi du. Hori da hautestontziek behin eta berriz adierazten dutena eta horri erantzun behar dio Madrilek: gatazkaren muinari. Euskal Herria nazio bat da eta erabakitzeko eskubidea du, autodeterminazio eskubidea. Horra gure agendaren lerro burua, ideia nagusia.
Gauzak honela, lehenik eta behin beharrezkoa da gatazka armatuak utzi dituen ondorioei heltzea. Elkarrizketa horren subjektuak: alde batetik, Espainiako Estatua eta Frantziakoa, eta, bestetik, ETA. Hitz egin beharreko gaiak: presoak, desarmea eta desmilitarizazioa.
Bestalde, ETAren borroka armatua bukatu
denean, hemen gatazka politiko bat dago oraindik, herri honi bere etorkizuna libreki erabakitzeko eskubidea, autodeterminazio eskubidea ukatzen diotelako Espainiak eta Frantziak. Horri ekin beharko zaio elkarrizketa politikoetan, Euskal Herriko alderdi politikoen artean, guztien artean.
Hauek dira gatazkaren konponbiderako bi lan esparru nagusiak, baina hauekin batera urgentzia osoa hartzen du presoen egoera okertzeko, presoak subjektu politiko moduan aintzat ez hartzeko eta beraien eta beraien familien sufrimendua areagotzeko martxan jarri zuten eskema politiko oso bat bertan behera uzteak, batetik; eta bestetik, Sorturen legeztapenak.
Helburu handiak jarri dizkiogu beraz, gure buruari, aukerak ere halakoak direlako, ezkerreko soberanista eta independentistok guk geuk sortutakoak. Eta gure joko zelai nagusia, zalantzarik gabe, 333.624 botoen etxea da, Euskal Herria, eta bertan egiten den lanarekin eta nazioartearen bultzadaz, helburu handiak betetzeko bidean gaude. Erakutsi dugu eta erakutsiko dugu.
www.ezkerabertzalea.info
Euskal Herrian, 2011ko azaroaren 24an