HAUR ETA GAZTE LIBURUTEGI BERRIRAKO PROPOSAMENA

14
GERNIKA-LUMOKO HAUR ETA GAZTE LIBURUTEGIA BERRITZEKO PROPOSAMENA

description

PAsilekuan liburutegi berria egiteko lehenengo pausuaren proposamena

Transcript of HAUR ETA GAZTE LIBURUTEGI BERRIRAKO PROPOSAMENA

Page 1: HAUR ETA GAZTE LIBURUTEGI BERRIRAKO PROPOSAMENA

GERNIKA-LUMOKO

HAUR ETA GAZTE LIBURUTEGIA BERRITZEKO PROPOSAMENA

Page 2: HAUR ETA GAZTE LIBURUTEGI BERRIRAKO PROPOSAMENA

2

Aurkibidea

0. Sarrera …………..………………………………………………………………………….…………… 3

1. Testuingurua …..………………………………………………………………………….…………… 4

1.1. Gernikako liburutegiaren egoera 1.1.1. Azpiegituraren hutsune nagusia: leku falta 1.1.2. Eskari eta eskaintzaren arteko desoreka 1.1.3. Liburutegi berria egiteko proiektua

1.2. Kultur ekipamendu berrien eskaintza

2. Beharra ………………………………………………………………………………...………………… 7

2.1. Haur eta gazteen artean, kulturara sarbidea ziurtatzeko eta sustatzeko zerbitzuaren beharra 2.2. Adinaren arabera egokitutako zerbitzua eskaintzeko beharra 2.3. Haur eta gazteek eurena sentituko duten espazio baten beharra 2.4. Guraso eta eskolei zuzendutako zerbitzua martxan jartzeko beharra

3. Proiektua ……..……………………………………………………………………………..…………. 8

3.1. Adinaren arabera antolatutako espazioa 3.1.1. Txiki libu: 0-5 urte bitartekoentzat 3.1.2. Haur libu: 6-12 urte bitartekoentzat 3.1.3. Gazte libu: 13-17 urte bitartekoentzat

3.2. Baliabideak 4.2.1. Giza baliabideak 4.2.2. Baliabide materialak

4. Bukatzeko ……..………………………………………………………………………………………. 14

Page 3: HAUR ETA GAZTE LIBURUTEGI BERRIRAKO PROPOSAMENA

3

0. Sarrera

1987ko apirilan sortu zen egun ezagutzen dugun udal liburutegia. Ordutik hona, gizarteak izan duen aldaketa nabarmena da eta, baita ere, liburutegi publikoetan emandako eraldaketa. Liburutegi publikoa ikasleentzako eta ikertzaileentzako espazio gisa hartu izan da tradizioz, edo liburu biltegi soil gisa. Gaur egun, ordea, liburutegiaren kontzeptu berri bat sortu da. Liburutegi publikoa tokiko informazio zentro nagusia da; teknologiek eskaintzen duten informaziorako ataria; kultura ekintzen zentroa; identitatearen espazioa, kulturartekotasuna, solidaritatea eta parte-hartzea sustatzen dituena; topalekua eta elkarbizitzaren gunea. Hau bideratu eta egi bihurtzeko, odea, azpiegitura eta baliabide minimo batzuk behar ditugu. Egungo liburutegiak, ordea, ez ditu gutxieneko minimo hauek betetzen, are gehiago, gero eta txikiago geratzen ari da. Liburutegiko erabiltzaileek egunero pairatzen dute egoera hau eta ez dira gutxi jaso izan ditugun kexa eta erreklamazioak. Honi erantzuna emateko, eta herri honek behar eta merezi duen zerbitzua eskaintzeko, haur eta gazte liburutegi berri bat zabaltzeko proposamena luzatu nahi dugu liburutegi eta kultur etxetik. Beharra egunero ikusten dugulako, gero eta nabarmenagoa delako, eta aukera oso ona ikusten dugulako, ume eta gazte liburutegi berria herriari eskaintzeko.

Page 4: HAUR ETA GAZTE LIBURUTEGI BERRIRAKO PROPOSAMENA

4

1. Testuingurua

1.1. Gernikako liburutegiaren egoera

1.1.1. Azpiegituraren hutsune nagusia: leku falta

Hauxe da liburutegiak duen arazo larriena: ez dago lekurik. Aspalditik dugun arazoa da eta herri osoan jakina, baina azken urteetan bereziki larria bihurtu da. Ez dago liburu berriak jartzeko apal librerik, ikasleak ateak ireki orduko kalean itxaroten egoten dira lekua hartzeko…

Egoeraz jabetzeko, eta haurren gelari dagokionez, Eusko Jaurlaritzaren Liburutegi Zerbitzual Gernikako liburutegiari egindako gomendio batzuk aipatu nahi ditugu:

* 100 haur biztanleko, 4,5 m² beharrezkoak dira:

• Gernikan 2.646 haur-gazte biztanle daude

• Espazio gomendatua 119,07 m² …………. egun dugun espazioa 30 m² Beraz, gomendatutako espazioaren laurdena dugu. Haurren gelako espazio mugatu dela eta ezinezkoa zaigu adinen arabera banaketarik egitea eta 5 urtetik beherakoek ez dute gune egokirik. Gainera haurrei bideratutako ekimenak burutzeko zailtasunak ditugu leku faltagatik. * 1.000 biztanleko haurrentzako 4/5 eserleku beharrezkoak dira

• Gernikan 16.420 biztanle daude

• Eserleku gomendatuak 72 inguru …………. egun ditugun eserlekuak 20

Beraz, gomendatutako eserlekuen herenera ere, ez gara heltzen. Dena dela, datu hau ez da erreala aulki kopuru hau dagoen arren ez delako hauen arteko tarte minimoa errespetatzen. Hau dela eta, erabiltzaileek ez dituzten inoiz aulki guztiak betetzen, espazio fisikorik ez dagoelako euren gauzak mahaian jarri ahal izateko.

Page 5: HAUR ETA GAZTE LIBURUTEGI BERRIRAKO PROPOSAMENA

5

1.1.2. Eskari eta eskaintzaren arteko desoreka Eskari eta eskaintzaren arteko desoreka nahiko nabarmena dela baieztatzeko, datuetan oinarritzea besterik ez dugu:

* 0tik 17 urte bitarteko gernikarren ia %50ª liburutegiko bazkidea da:

• 0-17 urte bitarteko gernikarrak ……………….2.646

• Liburutegiko bazkideak ………………………..1.206

* Azken 3 urteetan haurrek egindako mailegu kopurua

• 2007ko maileguak ……………….…...………….759

• 2008ko maileguak ……………….…………….2.600

• 2009ko maileguak ……………….…………….3.829 Bazkideak, maileguak eta erabilpena, oro har, gorantza doazen bitartean, liburutegiak, orain 23 urte eskaintzen zituen baliabideak bere horretan mantentzen dira.

1.1.3. Liburutegi berria egiteko proiektua

Legealdi honen hasieran, liburutegiaren egoera konponduko zela zirudien baina denok ezagutzen ditugun arazoak direla eta, proiektu berria geldirik dago. Bere momentuan, liburutegi berriaren proposamena landu zen eta, planoan, pasealekuko beheko solairuan haur eta gazte liburutegia kokatzen zen. Ideia hori berraztertuz, eta Txiki Park-aren kontratua martxoa inguruan amaitzen dela kontutan hartuz, Gernikako liburutegi berriaren lehengo pausua ematea proposatzen dugu: beheko solairuan haur eta gazte liburutegia irekitzea. Badakigu proiektu osoa martxan jartzeko arazo bat konpondu beharra dagoela Hezkuntza Sailarekin, baina zergatik ez eman lehengo pausu bat?

Page 6: HAUR ETA GAZTE LIBURUTEGI BERRIRAKO PROPOSAMENA

6

1.2. Kultur ekipamendu berrien eskaintza Testuinguru honetan, inguruko herrietan eskaintzen diren zerbitzuen azterketa bat egitea ere komeni dela uste dugu. Azken urteetan, kultur mailako ekipamenduen berritzea nabarmena da Euskal Herri osoan, eta baita gure zonaldean ere. Zornotza, Durango, Arrasate Apata, Leioa eta beste hainbat herrietan egindako azpiegitura berriak azpimarratzekoak dira. Inguruko beste herri batzuetan, aldiz, baliabide gehiago dituztela ezaguna da, gure erabiltzaileen artean, eta ez dira gutxi Bermeo eta Zornotzako liburutegietara doazenak ikastera eta antolatzen dituzten ekimenetan parte hartzera. Bakoitzak behar eta ahal duen neurrian eskaini behar duela jakina da baina, kasu honetan, azken hauteskunde guztietan herriko talde politiko gehienek (guztiak ez badira) aipatu izan dute liburutegia: zerbaitengatik izango da. Ez da beraz, eguneroko erabiltzaileek bakarrik dakiten zerbait. Gure herriko liburutegia –eta are gehiago inguruko herriekin konparatuta- berrikuntza behar du: inbertsioa behar du.

Page 7: HAUR ETA GAZTE LIBURUTEGI BERRIRAKO PROPOSAMENA

7

2. Beharra Orain arte beharrizanak agerian geratu badira ere, beste arrazoi hauek aipatu nahi ditugu:

2.1. Haur-gazteen artean, kulturara sarbidea ziurtatzeko eta sustatzeko zerbitzuaren beharra Haurrak eta gazteak liburutegietara erakarri nahi baditugu, irakurzaletasunean eta kulturan murgiltzea nahi badu, aurei egokitutako espazioak eta materialak ezinbestekoak dira. Egun dugun espazioa, txikia izateaz gain, ez da bat ere erosoa. Erakarri baino, eurentzako lekurik ez dagoela islatzen du egungo zerbitzuak. Gainera, leku faltagatik DVD eta musika hartzeko nagusien aurretik pasa behar izaten dira, hauen kexak entzunez. Ezinezkoa da balditza hauetan ume bat liburutegian eroso sentitzea liburutegian. Hau dela eta, gurasoak ekartzen dituzten bitartean hurbiltzen badira ere, eurek bakarrik ibiltzen hasten diren momentutik galdu egiten ditugu: ez dugu eurentzako lekurik. Hau aldatzeko, haur eta gazteei zuzenduta espazio berezia behar dugu.

2.2. Adinaren arabera egokitutako zerbitzua eskaintzeko beharra Aurreko ideiarekin guztiz lotutako ideia da honako hau. Orain, 1, 4, 8, 11 urtekoak batera daude eta honek arazoak sortzen ditu: 3 urtekoari aitak ipuina irakurtzen dion bitartean, 5 urtekoa ikasten dago eta altu irakurtzen du eta 11 urtekoak etxeko lanak egin nahi ditu. Ez aipatzearren 15, 16, 17 urtekoak: hauek liburutegian ikusi ere ez ditugu egiten. Gure eginbeharra, adin tarte bakoitzari egokitutako espazioa eskaintzea da, material eta altzari egokiekin. Gaurko haur eta gazteak heziz, geroko heldu arduratsu eta herri kultuagoa lortuko dugulako.

2.3. Haur eta gazteek eurena sentituko duten espazio baten beharra Lehengo ideien ildotik, haur eta gazteak eroso sentitu behar dira. Orain, gizon nagusia egunkaria irakurtzen dago, unibertsitateko ikaslea azterketak prestatzen eta umeek molestatu besterik ez dutela egiten dirudi. Eroso sentitzen ez badira, ezin izango ditugu liburutegira erakarri.

2.4. Guraso eta eskolei zuzendutako zerbitzua martxan jartzeko beharra Haur eta gazte liburtegiak guraso eta irakasleei zuzendutako informazio eta aholku zerbitzua eskaini beharko luke. Ez bakarrik haurrei bideratutako materialak, baizik eta honen heziketara bideratutakoa ere.

Page 8: HAUR ETA GAZTE LIBURUTEGI BERRIRAKO PROPOSAMENA

8

3. Proiektua Proiektuaren nondik-norakoak eskematikoki aipatuko ditugu.

3.1. Adinaren araberako guneak:

a. Txiki-Libu: 0-5 urte bitartekoentzat i. Ipuinak, jolasak, alfonbra eta kojinak, mahai eta aulki txikiak… ii. Kolorez jantzitako gunea, fantasiaz betea. iii. Haurrak gurasoekin egotea ezinbestekoa.

Page 9: HAUR ETA GAZTE LIBURUTEGI BERRIRAKO PROPOSAMENA

9

b. Haur-Libu: 6-12 urte bitartekoentzat i. Komikiak, ipuinak, jolas didaktikoak, aldizkariak, … ii. Ordenagailuak, musika, cd-rom-ak…

Page 10: HAUR ETA GAZTE LIBURUTEGI BERRIRAKO PROPOSAMENA

10

c. Gazte-Libu: 13-17 urte bitartekoentzat i. Komikiak, eleberriak, aldizkariak… ii. Ordenagailuak, musika, cd-rom-ak… iii. Eurentzako jarduera erakargarriak antolatu: elkarbizitza eta errespetua sustatu.

Page 11: HAUR ETA GAZTE LIBURUTEGI BERRIRAKO PROPOSAMENA

11

Ipuin kontalariak

Biblio mate

Page 12: HAUR ETA GAZTE LIBURUTEGI BERRIRAKO PROPOSAMENA

12

Gazteentzako gau beltzak liburutegian

Kale kultura liburutegira

Page 13: HAUR ETA GAZTE LIBURUTEGI BERRIRAKO PROPOSAMENA

13

d. Guraso eta hezitzaileentzako zerbitzua: Heziketa eta irakaskuntzarekin loturiko

liburu eta aldizkariak.

e. Klaseko lanak egiteko informazio baliabideak

Ordutegia:

f. Astelehenetik-barikura: 17:00-20:00 g. Zapatuetan: 10:00-13:30

Eskola oporretan: h. Astelehenetik-barikura: 10:00-13:30 / 17:00-20:00 i. Zapatuetan: 10:00-13:30

3.2. Baliabideak:

Obra egina dagoenez, ez litzateke inbertsio handirik egin beharko. Altzariak erosi beharko liratezke: aulkiak, mahaiak eta apalategiak. Ordenagailuak ere beharko liratezke. Giza baliabideei dagokionez, bi langile kontratatu beharko liratezke: bat lanaldi osoan eta beste bat erdian.

Page 14: HAUR ETA GAZTE LIBURUTEGI BERRIRAKO PROPOSAMENA

14

4. Bukatzeko

- Herriak behar duen zerbitzua martxan jarriko genuke. - Liburutegi berria sortzeko akuilua izan liteke: gaiari bultzada bat eman ahalko genioke. - Ordaindu beharreko zerbitzu pribatutik, zerbitzu publikoa eskaintzera pasatuko ginateke. - Umeak jolasteko lekutik, jolasteko, formatzeko eta irakurtzeko lekura. - Umeak “aparkatzeko” lekutik, guraso eta umeek elkarrekin gozatzeko eremua. - Pasealekua. gune bizia udan zein neguan: barruan eta kanpoan antolatutako jarduerak bideratuko genituzke.