gmail tutoriala

55
1 IKT-KO KAPSULA LANTEGIA Web-postaren erabilera: pertsonala eta ikasgelari aplikatua... Gmail bidez testu-bertsioa

description

gmail tutoriala

Transcript of gmail tutoriala

Page 1: gmail tutoriala

1

IKT-KO KAPSULA LANTEGIA Web-postaren erabilera: pertsonala eta ikasgelari

aplikatua...

Gmail bidez

testu-bertsioa

Page 2: gmail tutoriala

2

WEB POSTAREN ERABILERA: PERTSONALA ETA IKASGELARI APLIKATUA... GMAIL BIDEZ

IBILBIDEA

Zer egingo dugu?

Kapsula-lantegi honetan, web bidez posta elektronikoko doako kontu bat nola lor daitekeen azalduko dugu. Komunikazio pertsonalen eta lan-jardunaren esparruan kontu horri etekina nola atera dakiokeen ikusiko dugu. Horretarako, aipatutako tresna ikasleekin ikaskuntza-testuinguruetan sartuko dugu. Horretarako, Googleren Gmail erabiliko dugu: Interneteko web-posta garrantzitsu eta sendoena une honetan.

Zein urrats emango ditugu?

1. Hasteko, Gmail eta horren funtzionalitate nagusiak aurkeztuko ditugu ikuspegi panoramikotik.

2. Tresna ezagutzen jarraitzeko, kasu praktiko bat garatuko dugu Gmailekin, urratsez urrats azalduta: Posta kontu pertsonal bat sortzea eta erabilgarritasun handieneko funtzionalitateak arakatzea.

3. Praktika modu autonomoan sakontzeko, ariketa bat planteatuko dugu Gmailekin egiteko, ikasgelako testuinguru bati aplikatuta: Ikasgelarako jarduerak posta elektronikoa erabilita.

4. Amaitzeko, kapsula-lantegiko zenbait autoebaluazio-jarduera proposatzen ditugu, jorratutako kontzeptuen eta prozeduren inguruko gogoeta bultzatzeko, eta horiek errazago ulertzeko.

Nola aurkezten dizkizuegu materialak?

Hainbat formatu konbinatuta, kapsula-lantegiaren edukiekin lan egiteko dauden aukerak eskaintzearren.

1. Material osoaren bertsio inprimagarria PDF formatuan eta WEB formatuko bertsio elektronikoan, Interneteko konexioaren beharrik gabe kontsultatzeko.

2. 1. eta 2. urratsen edukia azaltzeko bertsio bideo-tutoriala. 3. 3. urratsaren inguruko bertsio bideo-tutorial elkarreragilea.

Eta, gehiago luzatu gabe... aurrera!

Page 3: gmail tutoriala

3

IKT PROGRAMAZIOA: GMAIL ETA POSTA ELEKTRONIKOA

IKT gaitasunak* *Esparruak: M. Metodologikoa P. Profesionala T. Teknologikoa J. Jarrerazkoa

M. Gmail erabiltzea jarduera pedagogikoetan laguntza emateko material didaktikoa prestatzean, etorkizuneko lan-jarduna hobetzeko.

P. Administrazio- eta irakaskuntza-zereginetan laguntzeko materialak garatzea. P. Gmail erabiltzea eskola-elkartearen baitan komunikatu eta lankidetzan aritzeko. T. Interneten berezko kontzeptuak eta tresnak (esaterako, Gmail) erabiltzea, informazioa hedatzeko eta urrutiko komunikazioak ezartzeko asmoz. T. Gmail bidez mezuak bidali eta jasotzea ikasgelako jardueren esparruan, baliabide horren erabilera egokia eta eraginkorra lortzeko. J. Ekarpen teknologikoen aurrean jarrera irekia, arduratsua eta kritikoa garatzea. J. Ikaskuntzaren eta garapenaren aurrean jarrera positiboa izatea. J. Teknologien aurrean jarrera irekia, arduratsua eta kritikoa erakustea.

IKTarekin lotutako berariazko helburuak

• Gmail posta elektronikoko kontu bat sortzea. • Gmailen oinarrizko funtzioak erabiltzea: mezuak irakurri,

idatzi, bidali eta ezabatzea. • Etiketen eta iragazkien bidez posta antolatzea. • Gmailen txatarekin praktikatzea. • Google Taldeak-en aritzea Gmail kontu baten bitartez.

IKT edukiak

• Gmail posta elektronikoko kontu bat sortzea. • Gmailen oinarrizko funtzioak erabiltzea. Zaborrontzia eta Spam

ontzia erabiltzea. • Helbide-liburua. • Mezuak katalogatu eta kudeatzeko etiketak eta iragazkiak. • Gmailen txata komunikazio sinkronorako elementu gisa. • Google Taldeak aukerarekin ikasgelan taldeko jarduerari

ekitea.

Gutxieneko eskakizunak

• Informatika-ekipoei eta sistema eragileari buruzko oinarrizko kontzeptuak.

• Internet bidezko nabigazioari buruzko oinarrizko kontzeptuak. • Testu-prozesadoreen inguruko oinarrizko ezagupenak.

Autoebaluaziorako irizpideak

• Gmailen posta elektronikoko kontu bat behar bezala sortzea. • Gmailen oinarrizko funtzioak eta funtzio aurreratuak irizpidez

erabiltzea. • Ikasgelarako heziketa-jarduerak diseinatzea Gmail eta Google

Taldeak erabilita.

Page 4: gmail tutoriala

4

1. ZER DA GMAIL?

Posta elektronikoa edo e-mail sareko zerbitzu bat da, idatzizko mezuak ia berehala bidali eta jasotzeko aukera ematen diguna, beste baliabide batzuk (argazkiak soinuak, bideoak, etab.) erantsita ere. Ohiko postarekin duen antzekotasunagatik deitzen zaio posta elektroniko.

Interneten gehien erabiltzen diren posta elektronikoko doako aplikazioetakoa da Gmail, eta Google da horren jabea. Googleren tresna ezagunena bilatzailea da.

Gmail web-postako zerbitzua da, erabili ahal izateko Interneterako konexioa behar baitu nahitaez. Ezaugarri horrek baditu zenbait abantaila, adibidez: alde batetik, konektatuta dagoen munduko edozein ordenagailutatik sar zaitezke zure postan eta, bestetik, zure mezu guztiak gune berean (Gmailen web-orrian) dituzu eskuragarri beti, eta ez zenbait ordenagailutan sakabanatuta. Izan ere, hori sarritan gertatu ohi da ordenagailu batekin baina gehiagorekin (eskolakoa, etxekoa, eramangarria...) lan egitean eta posta lineaz edo mahaigainez kanpoko programetan deskargatzean.

Gmailek, Googleren tresna guztiek bezala, oso interfaze intuitiboa du. Kontutik web-orrian sartuta, itxura hau du:

1. Googleren tresnetan sartzeko botoiak, hala nola, bilatzailea, GCalendar, GDocs… (zerbitzu horiek beste kapsula-lantegi batean jorratzen dira).

2. Bilaketa-eremua, mezuetan jasotako informazioa edo postak aurkitzeko eta/edo bertatik Googleren bilatzailean zuzenean sartzeko.

3. Identifikazio-eremua eta konfigurazio-botoiak (kontua pertsonalizatzeko aukerak) eta laguntza (tresnaren funtzionalitateen inguruan laguntzeko edukiak).

4. Kontuaren panela: posta kudeatzeko sarrera-ontzia, irteera-ontzia, etiketak, kontaktuak, etab.

Page 5: gmail tutoriala

5

5. Lotutako beste komunikazio-tresna batzuk: txata, bideo-txata… unean Gmailera konektatuta dauden beste erabiltzaile batzuekin on line erabiltzeko.

6. Posta-panel nagusia: bertatik, mezuak irakurri eta idazten dira.

Sakondu dezagun pixka bat gehiago puntu horietan, Gmailekin oro har zer egin daitekeen jakiteko:

1. Googleren tresnen artean nabigatzea

Zure Gmail kontuan sartu ondoren, klik bakarraren bidez Googleren tresna guztien artean nabigatzeko aukera duzu. Besteak beste, Google Calendar, Google Docs eta Google Maps bisita ditzakezu. Identifikatzea eskatzen duten tresna guztietan, Googlek, betiere, zure Gmail kontuaren datuak hartuko ditu bakarrik. Hori bai integrazioa! Ez da hala?

2. Bilaketak

Egin bilaketa azkarrak zure postan mezu bat edo eduki bat aurkitu behar duzunean, hitzen edo esaldien bidez (halakoetan, bilatzen ari garen esaldia komatxo artean jartzea gomendatzen dugu). Gmailen abantailetako bat da web-postaren ahalmen osoa Googleren bilaketa-tresnarekin konbinatzen duela. Horrek izugarri areagotzen du aplikazioaren eraginkortasuna.

Page 6: gmail tutoriala

6

Page 7: gmail tutoriala

7

3. Konfigurazioko eta laguntzako botoiak

Ezarpenak menutik, besteak beste, honako aukera hauek hautatu ahal izango dituzu: bistaratze-hizkuntza, mezuak bidaltzeko aukerak, testuen edizioan pertsonalizatzeko aukerak (adibidez, letraren kolorea edo tipoa), etab. Aukera ugari ditu eta kapsula-lantegi honetan zehar erakutsiko dizkizugu. Argitu beharra dago, Gmail web-posta bada ere, aukera ematen dizula idazmahaiko posta-programetan (Outlook, Eudora, Netscape Mail, etab.) mezuak deskargatzeko eta lineaz kanpo nahiz konexiorik gabe lan egiteko. Aukera hori interesatzen bazaizu, arakatu Desbideratzeak eta POP/IMAP fitxa.

4. Kontuaren panela: zure sarrera-ontzian, irteera-ontzian, kontaktuetan, etab. sartzea.

Panel horretatik, kontuaren egoera argi eta garbi bistaratuko duzu, adibidez: Sarrera ontzian zenbat mezu dituzun irakurri gabe edo Zirriborroak ontzian erdizka edo bidaltzeko zenbat dituzun. Era berean, mezuak Etiketen arabera sailkatzea lagungarria izango duzu. Karpeten arabera sailkatzearen antzeko kontzeptua da, baina askoz ere sendoagoa, web 2.0 tresna gehienek erabiltzen baitituzte. Mezuak sailkatzeko beste aukera bat da mezu garrantzitsuak markatzeko Izardunak erabiltzea.

Eta, lehen begi-bistan agertzen ez bada ere, bertatik Zaborrontzira eta Spamera sartzen da. Gmailek automatikoki Spamean jartze ditu bere spamaren aurkako iragazki sendoaren irizpidean oinarrituta nahi ez diren fitxategiak. Aukera horiek eskuragarri daude zerrendako Ekintza gehiago aukeran.

Page 8: gmail tutoriala

8

5. Komunikazioa ahalbidetzen duten postaren beste tresna batzuk: txata edo bideo-txata

Gmail web-postako zerbitzu bat baino gehiago denez, erabiltzaileen artean modu atseginean eta oso erraz komunikatzeko aukera gehiago biltzen ditu; esaterako, Txata –testu-mezuen bidez on line solasean aritzeko– edo Bideo txata –ahotsaren eta irudiaren bitartez komunikatzeko Internet bidez–. Aurrerago izango dugu aukera zerbitzu hori xehetasun handiagoaz azaltzeko.

Page 9: gmail tutoriala

9

6. Posta-panel nagusia

Menu honetatik, erabiltzen ari zaren Gmail aukerak bistaratzeko eta horiekin lan egiteko aukera izango duzu. Irudian, Sarrera posta-ontziaren ikuspegian gaude.

Orain, Gmail zertxobait gehiago ezagutzen duzunez, goaz kasu praktikora!

Page 10: gmail tutoriala

10

2. KASU PRAKTIKOA: POSTA KONTU PERTSONAL BAT SORTZEA ETA ERABILGARRITASUN HANDIENEKO FUNTZIONALITATEAK ARAKATZEA

Jarraian, Gmail posta-kontu bat nola sortu eta funtzionalitate nabarienak zuzen nola erabili azalduko dugu urratsez urrats. Honako ibilbide hau egingo dugu elkarrekin:

A) Gmailen posta-kontu bat sortzea, oraindik erabiltzaile ez bazara. B) Gmailen sartzea, eta mezuak irakurri, idatzi eta bidaltzea. Zaborrontzia eta Spam ontzia

ezagutzea. C) Kontuaren panelarekin praktikatzea: etiketak sortzea, mezuak antolatzea eta kontaktuen

liburuarekin lan egitea. D) Nire kontua pertsonalizatzea, Ezarpenak panelean sartuta eta horren aukera batzuk

ezagututa. E) Iragazkiak erabiltzeko posta-arauak sortzea.

Prest? Has gaitezen...

A) Gmail posta-kontua

1. Konektatu http://www.gmail.com helbidera eta egin klik Sortu kontu bat aukeran.

2. Agertuko den formularioa bete beharko dugu gure posta-kontua lortzeko. Atal hauek

osatzen dute:

• Erabiltzaile izena: gure kontuan izango dugun erabiltzaile izena da. Klik eginda check availability (egiaztatu Gmail eskuragarritasuna) botoian, eskuragarri dagoen ala ez adieraziko digu. Eskuragarri egongo ez balitz, hautabideren bat emango liguke.

Page 11: gmail tutoriala

11

• Pasahitza: kontuan sartzeko gure pasahitza bitan tekleatuko dugu. 8 karaktere baino gehiago izan behar ditu (“maisu” ez da baliagarria), eta letrak eta zenbakiak izan ditzan komeni da. Pasahitzaren ezaugarrien arabera, Gmailek haren sendotasun-maila erakusten digu Pasahitzaren eragina, hau da, hirugarrenak bidegabe sartzen saiatuko balira izango genukeen erresistentzia-maila. Pasahitzaren eragina estekan, pasahitza konfiguratzeko oso aholku erabilgarriak ditugu.

• Security Question (segurtasun-galdera): eremu honek gure pasahitza gogoratzeko balio du. Galdera orokorrak badaude ere, pertsonalizatuak ere idatz ditzakegu. Gainera, hautabidezko posta-helbide bat erants dezakezu (baldin badaukazu), zure sarbidea automatikoki lehengoratzeko.

• Hitz egiaztatzea eta Zerbitzu- baldintzak: karaktere horiek idatzaraztea Gmailen beste segurtasun-neurri bat da, eta horren helburua da datuak arakatzen dituzten Interneteko zenbait programa automatikok aukera ez izatea zure kontuan sartzeko, azaltzen den testu distortsionatu horren edukia irakurri eta transkribatzeko gai ez baitira. Eta, azkenik, kontua sortzeko beharrezkoa da zerbitzuaren baldintzak onartzea.

Page 12: gmail tutoriala

12

Page 13: gmail tutoriala

13

B) Gmailen sartzea, eta mezuak irakurri, idatzi eta bidaltzea. Zaborrontzia eta

Spam ontzia ezagutzea

1. Itzuli Gmailera (http://www.gmail.com) eta sartu zure kontu berriaren datuak (erabiltzaile

izena eta pasahitza):

2. Mezuak irakurtzeko, nahikoa da Sarrera ontzian sartu eta mezuaren gainean klik egitea. Ikusiko duzunez, ontzi horretan jasotako mezu kopurua ere adierazten dizu (lehenengo irudian). Gmailen lehen aldiz alta ematean, ongietorri-mezu pare bat bidaliko dizu automatikoki. Hala bada, horiekin praktika dezakezu.

Page 14: gmail tutoriala

14

3. Behin irekita, horiek erantzuteko Erantzun edo beste kontaktu bati birbidaltzeko Birbidali

aukera izango duzu.

4. Mezu bat idazteko, sartu Idatzi mezua ontzian, eta idatzi hartzailearen posta-helbidea, mezuaren gaia eta testua dagozkien eremuetan.

Page 15: gmail tutoriala

15

5. Idazteko eremuan, formatu-tresnabarraz lagunduta, aukera dago letra-tipoa eta -kolorea hautatzeko, bai eta mezua bidali aurretik ortografia egiaztatzeko ere, Egiaztatu ortografia aukeraren bidez. Agerian denez, mezuak editatzea oso gauza erraza da.

Page 16: gmail tutoriala

16

6. Mezua idatzi ondoren, fitxategi bat erantsi, bidali, gorde –zirriborroak ontzian– edota baztertu ahal izango duzu:

7. Gmailen erakargarrietako bat memoria-edukiera da: 7.000 MB, hau da, 7 GB baino gehiago. Edukiera izugarria badu ere, noizbehinka Zabarrontzia erabili behar da mezu gehiegi ez metatzeko. Alboko menuan, egin klik Zabarrontzia aukeran. Aurkitzen ez baduzu, 3 gehiago zabalgarrian egon ohi da.

Page 17: gmail tutoriala

17

Page 18: gmail tutoriala

18

8. Sarrera-ontzia menutik ezabatu dituzun mezuak agertuko dira Zaborrontzian, 30 egunetik

behin automatikoki husten dela (geuk husten ez badugu) gogorarazten digun mezuaz gain.

9. Mezu jakin bat zeuk ezabatzeko, dagokion kutxan klik eginda aukeratu ezazu eta hautatu Ezabatu betiko aukera.

Page 19: gmail tutoriala

19

10. Halaber, aukera duzu spam gisa markatzeko Markatu spam gisa halakotzat identifikatu nahi

dituzun mezuak. Spama zabor-postatzat hartzen da, eskatua ez delako eta publizitatekoa izan ohi delako. Gmailen aldeko beste arrazoi bat da spamaren aurkako Interneteko iragazkirik onenetakoa duela. Horregatik, geuk ezer egin gabe, Gmailek mezu asko karpeta horretara bidaltzen ditu eta, ondorioz, horiek ez dituzu Sarrera ontzian ikusiko. Tarteka, sar zaitez karpeta horretan eta hezi iragazkia baliozkotzat jotzen dituzun mezuak bertatik berreskuratuz. Horretarako, arrastatu eta utz itzazu Recibidos (jasoak) ontzian. Gmailek ekintza hori ikasiko du eta ez ditu spam gisa berriro sailkatuko.

11. Zoaz alboko paneleko Spam ontzira. Bistaratzen ez baduzu, egin klik 4 gehiago aukeran eta arrastatu ezazu goiko menura, bertan ager dadin. Hori Ezarpenak aukeratik ere egin daiteke, zehaztutako argibideei jarraituz.

Page 20: gmail tutoriala

20

12. Spam alboko panelean agertzen da jadanik:

Page 21: gmail tutoriala

21

13. Zorionez, oraingoz ez dugu Spam mezurik biltegiratu gure postan, kontua sortu berria baita.

Esan dugunez, eta berriro esango dugu, atal horretan begiratzea erabilgarria da; sistemak, errorez, identifikatu gabeko igorleen mezuak bertara bidaliko balitu ere. Halakoetan, dagokion mezua hautatu eta Ez da spam aukera markatuko genuke hura normaltasunez jasotzeko.

Page 22: gmail tutoriala

22

C) Kontuaren panelarekin praktikatzea: etiketak sortzea eta mezuak antolatzea.

Kontaktuen liburua Posta oraindik hobeto antolatzeko, Gmailek aukera ematen du mezuak etiketatzeko. Aukera horrek malgutasun handia eskaintzen du posta antolatzeko garaian. Etiketen bidez, mezuei gako-hitz bat edo gehiago eslei diezaiekegu. Funtzio horrek ordezkatu egiten du karpeten ohiko kontzeptua, eta abantaila handiak ditu haiekiko. Izan ere, zenbait etiketa eslei daitezkeenez, mezu bera hainbat irizpideren arabera sailka daiteke, eta hori ezinezkoa da karpetak erabilita, lekua alferrik hartuko luketen mezuaren kopiak sortzen ez baditugu behintzat. Esaterako, “Trabajo” (lana) etiketa sortuko dugu.

1. Egin klik ezkerreko menuan, Sortu etiketa aukeran.

Page 23: gmail tutoriala

23

2. Gainera, Ezarpenak aukerara jo dezakezu, eta Etiketak menutik lan egin.

Page 24: gmail tutoriala

24

3. Bertan zaudela, lehenik eta behin, Sistemaren etiketak ikusiko dituzu. Ohartuko zarenez, letra lodiz erakutsi markatuta dutenak alboko panelean agertzen dira. Beste edozein agertzea nahi badugu, egin klik erakutsi aukeran.

Orain, idatzi etiketa berriaren izena beheko testu-eremuan (gure adibidean, “Lana” ) eta sakatu Sortu.

Page 25: gmail tutoriala

25

4. Automatikoki, gure etiketa alboko menuan ikusi ahal izango da.

5. Etiketaren ikono zabalgarrian klik eginda aukerak bistara ditzakezu. Bertan, etiketaren kolorea eta izena aldatzeko, eta hura ezkutatu edo ezabatzeko aukera ere baduzu. Kasu honetan, kolore gorria markatuko dugu.

Page 26: gmail tutoriala

26

6. Zure mezuak etiketatzeko, aukeratu itzazu Sarrera ontzian eta markatu Lana Etiketak botoian.

7. Gmailek sarrerako ontzian esleitzen du etiketaren kolorea. Gainera, alboko menutik zuzenean sar zaitezke:

Aurrerantzean, “Lana” etiketan bildutako mezu guztiak ikusteko, nahikoa izango duzu bertan klik egitea. 8. Izardunak aukerak mezuei egoera berezia ematen die eta, era berean, horiek aurkitzea errazten du. Garrantzitsutzat jotzen ditugun mezuak, presazkoak edo berehala aurkitu behar ditugunak adierazteko erabiltzen da. Egin klik mezuaren ondoan dagoen izar urdinean eta nabarmendu nahi dituzun mezuak. Orain, izarra hori bihurtuko da.

Page 27: gmail tutoriala

27

Ikusiko zenuenez, Gmailen berezitasunetako bat da (interesgarria ere) mezuak hizketalditan biltzen direla. Hizketaldi bat da erabiltzaile baten eta solaskide baten edo gehiagoren arteko mezu-trukea. Bada, mezu bat izardun gisa hautatzen dugunean, hori bera egiten dugu mezuaren hizketaldiarekin. Oso praktikoa da mezu eta hizketaldi zaharrak ez galtzeko edo erreferentzia jakin batzuk non dauden jakiteko. Mezuak izardun izateari uztea nahi badugu, nahikoa da izarraren gainean berriro klik egitea.

Page 28: gmail tutoriala

28

9. Kontaktuen agenda on bat izateak gauzak are gehiago erraztuko dizkizu. Azaldu dezagun kontaktu bat nola sortu edo beste posta-kontu batetik nola inportatu. Alboko paneletik, sartu Kontaktuak aukeran:

10. Kontaktu bat sortzeko egin klik irudian agertzen den avatar-aren botoian (“panpinatxoan”):

Page 29: gmail tutoriala

29

Page 30: gmail tutoriala

30

11. Bete formularioko eremuak eta erregistra itzazu Gorde aukeran klik eginda.

12. Beste kontu batean jadanik gordeta dituzun kontaktuak inportatu behar badituzu, zoaz Inportatu aukerara eta kargatu dagokion fitxategia. Ziurtatu Gmail hori egiteko gai dela, programa bateragarrien zerrenda kontsultatuta.

Page 31: gmail tutoriala

31

D) Nire kontua pertsonalizatzea: Ezarpenak panela

Ezarpenak atalean, kontua pertsonalizatu ahal izango duzu. Adibidez, aukera hauek dituzu: Gmailen hizkuntza konfiguratzea, zure burua identifikatzeko irudi bat txertatzea, sinadura estandar bat ezartzea edota jaiegunetarako edo oporretarako erantzun automatikoak sortzea.

1. Beraz, sar gaitezen Ezarpenak barruan aukera horiek ikusteko. Egin klik Orokorra fitxaren gainean.

Page 32: gmail tutoriala

32

2. Lehenik, Hizkuntza ikusten dugu. Hizkuntza lehenetsi gisa gaztelania utziko badugu ere,

badira beste aukera batzuk eskuragarri, adibidez, euskara edo katalana.

Page 33: gmail tutoriala

33

3. Orain, Nire argazkia aukeran kokatu eta zure profilari lotu nahi diozun irudia hautatu.

4. Irudi bat kargatzeko aukera bat baino gehiago duzu: zure PCan, Picasan (argazkiak on line

argitaratzeko Googleren beste zerbitzu bat) edo web batean aurkitzea. Bestela, irudirik gabe jarrai dezakezu. Egin klik Bertan behera utzi botoian fitxategia beste une batean igo nahi baduzu.

Page 34: gmail tutoriala

34

5. Sinadura bat sortzeko, Sinadura testu-eremuan nahi duzuna idatzi eta gorde ezazu. Hainbat aukera dituzu, adibidez: zure izenarekin sinatu; datuak babesteko Legearen inguruko edota lege-ohar bat, ingurumena zaintzeari buruzko mezu bat (behar-beharrezkoa ez bada, mezua ez inprimatzea iradokiz), zeure edo hirugarren baten esaldi edo aipamen bat idatzi, etab. Kontuan izan aukera hori gaitzen duzun unetik aurrera, zure mezu guztiek amaieran jasoko dutela.

6. Une jakin batzuetarako beste aukera interesgarri bat da erantzungailu automatiko edo

erantzun automatikoarena. Aktibo dagoenean (jaiegunak, oporrak edo bestelakoak direla eta), Gmailek zure ordez erantzungo die zure kontuan sartzen diren mezu guztiei. Zerbitzu hori erabiltzeko, hautatu gaitutako Erantzun automatikoa aukera, eta sistemak erantzun gisa bidal ditzan nahi duzun gaia eta mezua idatzi:

7. Mezu hori nire kontaktuek besterik jaso ez dezaten, hautatu beste aukera hau:

Page 35: gmail tutoriala

35

8. Amaitzeko, gorde egindako aldaketa guztiak Gorde aldaketak aukeran klik eginda.

E) Posta-arauak edo iragazkiak sortzea

Automatikoki jasotzen diren mezuak antolatzeko era bat iragazki bat sortzea da. Baliabide horrekin, lan eta denbora asko aurrez daitezke. Iragazkien bidez, zure mezua etiketatzeko, artxibatzeko, ezabatzeko, nabarmentzeko edo beste kontu batzuetara automatikoki birbidaltzeko aukera duzu. Ikastetxeko pertsonalaren mezuetarako iragazki bat nola sortu ikusiko dugu.

1. Lehen urratsa izango da postaren konfigurazioan Ezarpenak eta Iragazkiak atalean sartzea. Bertan, zoaz Sortu iragazkia aukerara.

2. Gure kasurako, gure lankideen helbideak idatziko ditugu Igorlea eremuan:

- Hartzailea: e-mailaren helburuan bilatzen du. - Gaia: mezuen izenburuan edo subjectean agertzen den testua arakatzen du.

Page 36: gmail tutoriala

36

- Hitz hauek ditu: mezuaren edukia miatzen du, hura iragazteko. - Ez ditu hitz hauek: gako-hitzen bat ez duten mezuak pasa daitezen uzten du (aurreko

eremuan NOT jartzea bezala da). - Eranskina dauka: iragazi beharreko mezuak nahitaez fitxategi erantsiak izan behar dituela

zehazten du. - Eremu hutsak ez dira kontuan hartzen.

3. Hautatu iruditzen zaizkizun iragazkiaren aukerak, eta hautatu ere Iragazki hauek sarrerako mezu guztiei aplikatzen zaizkie aukera, dagoeneko jasotako mezuei iragazkia aplikatzeko. Horrela, eskolako lankideen mezu guztiak bilduko dituzu. Egin klik Frogazko bilaketa aukeran, iragazkiak funtzionatzen duela egiaztatzeko.

Azkenik, egin klik Sortu iragazkia aukeran.

Page 37: gmail tutoriala

37

3. ARIKETA: IKASGELARAKO JARDUERAK POSTA ELEKTRONIKOA ERABILITA

Aurreko puntuetan ikusi dugu Gmail kontu bat nola erabili posta elektroniko pertsonaleko eta/edo profesionaleko zerbitzu gisa alderdi batzuetan. Atal honetan, zuretzako ariketa gisa, ikasgelan ikasleekin egin litezkeen jarduera batzuk proposatuko ditugu. Jarduera horiek tresna gisa, oro har, posta elektronikoa erabilita egitekoak dira; zehazki, Gmail erabilita, Google Grupos (Google Taldeak) aplikazioarekin batera. Ariketa egiteko urratsak honako hauek dira:

A) Gmail posta-kontuak sortzea: bat posta misteriotsurako eta beste bat ikasle bakoitzarentzako. Kontaktuen liburuan, ikasgelaren helbide taldea sortzea.

B) El correo misterioso (posta misteriotsua) jarduera aurkeztea. Jarduera horrek ikasleen eta irakaslearen artean mezuak bidaltzen eta jasotzen trabatzea du helburu.

C) Jarduera misteriotsuaren ondoren, taldeari Gmailen txataren bidez egin beharreko curriculum-edukiaren inguruko ideia-jasa planteatzea eta proposamenak aztertzea.

D) Google Gruposen gela osoaren lan-taldea sortzea, gaia ikertzen jarraitzearren, eta edukiak argitaratzeko, partekatzeko eta komunikatzeko guneak sortzearren (tresna hori sakonean azaltzen da beste kapsula-lantegi batean).

Abiapuntuko hipotesia Ikasleekin Los climas y paisajes de España (Espainiako klimak eta paisaiak) gaiari ekiteko kasua planteatuko dugu, Ingurunearen ezagueraren barruan. Hura lantzeko, posta elektronikoa (Gmail) eta talde-lanerako tresnak (Google Grupos) erabiliko ditugu. Horretarako, pertsonaia misteriotsuaren kontua eta ikasleen kontuak sortu ondoren (ikasleak taldeka antolatuko dira, jardunbidea errazteko eta, aldi berean, talde-lana bultzatzeko), irakasleak hiru e-mail bidaliko dizkie: lehenengoa gaiaren (aztarnen jokoa) inguruan motibatzeko, bigarrena txata erabiltzeko, eta hirugarrena Google Gruposen sartu eta gaiarekin lanean jarraitzeko. Aurrera!

A) Gmailekin posta-kontuak sortzea

1. Gmailen kontuei alta ematea Ariketaren lehen urrats honetan iradoki dugunez, kontua sortu beharra dago (adibidez, [email protected]). Kontu horretatik, ikasleei mezuen bidez aztarnak bidaliko zaizkie Espainiako klimei eta gidei buruzko gaiaren inguruan (aurrerago, mezuaren adibide bat erakutsiko dugu). Jakina, era berean, Gmailen ikasle talde guztien kontuak sortu beharko dira. Prozedura hori irakasleak egin dezake edo jarduera gisa plantea dezake, ikasleek egin dezaten.

Page 38: gmail tutoriala

38

Ez dugu prozeduraren inguruko azalpenik emango, praktikaren 2. atalean zabal jorratu baita.

2. Kontaktuen liburuan helbide talde bat sortzea Jarduerari ekin aurretik, interesgarria izan daiteke ikasle taldeen posta-helbide guztiak talde batean biltzea kontaktuen liburuaren barruan, hura prestatu ondoren mezuak modu masiboan bidaltzeko klik bakarraren bidez. Taldeen posta-helbideak jasotzeko, ikasleei gure Gmail helbidera mezu bat bidaltzeko eska diezaiekegu. Hasteko, Gmaileko alboko paneleko Nire kontaktuak aukeran klik egingo dugu. Pantaila hau agertuko zaigu:

Page 39: gmail tutoriala

39

Talde berria hautatuko dugu bi panpinatxo dituen + irudiaren gainean klik eginda.

Irekiko zaigun leihoan, taldearen izena idatzi beharko dugu. Gure adibidean, 5. A Ingurune arloa izena eman diogu. Onartu botoian klik eginez gero, ikasgelako taldea automatikoki sortuko da.

Taldeak kontakturik ez duenez, hau da, posta elektronikoko helbiderik ez duenez, +avatarra ikonoan klik eginda horiek banan-banan eransteko prozedura erabil dezakegu (praktikaren 2. atalean azaldu dugu hori). Beste aukera bat izan daiteke ikasle talde guztiei kontaktu gisa alta ematea. Ondoren taldea sortuko dugu eta, azkenik, kontaktu guztien zerrendan, taldekide izatea nahi dugun kontaktuak markatuko ditugu eta Taldeak ikonoan klik egingo dugu, haiek aldi berean talde berari esleitzeko.

Page 40: gmail tutoriala

40

Ikasle taldeekin aurreko jardueraren batean aldez aurretik kontakturen bat ezarri baldin badugu, hura Nire kontaktuak aukeratik aurki genezake.

Aurkitutako kontaktuak markatu eta dagokion taldera pasatuko ditugu Taldeak fitxatik. Bertan etiketa azalduko da sortutako izenarekin.

Page 41: gmail tutoriala

41

Aurreko urratsa eman ondoren, mezua talde osoari bidal diezaiokegu, taldekide bakoitzaren helbideak tekleatu behar izan gabe, Gmail posta elektronikoan aukeran klik eginda.

B) Posta misteriotsua bidaltzea

1. Ondoren, mezua jasotzean oraindik jakin-min handiagoa eragiteko, kopiatu ikasle taldeen helbide guztiak Bcc (ezkutuko kopia) eremuan eta idatzi edukia.

Page 42: gmail tutoriala

42

2. Idatzi posta, dinamika azaltzetik hasita: Espainiako klimei eta paisaiei buruzko aztarna

batzuk postaz bidaliko dituzu eta ikasleek, taldean antolatuta, lurraldearen zein tokitan zauden asmatu beharko dute.

Bidali klimen eta paisaien inguruko mezu gehiago, gaiarekiko interesa piztearren. Jarduera osagarri gisa, ikasleei proposa diezaiekezu, taldeen dinamikari jarraituz, mezu misteriotsu bat sor dezaten eta beraiek pertsonaiari bidal diezaioten. Ondoren, irakasleak mezu horiek irakurri edo proiektatuta erakuts ditzake, horiek egin ez dituzten taldeek enigma ebatz dezaten.

C) Ideia-jasa Gmailen txatean

Curriculum-gaiaren inguruan interes eta jakin-mineko giroa sortu ondoren, une egokia izan daiteke ikasleen aurretiazko ezagupenak gogora ekarriko dituen jarduera egiteko. Hala, galdera hauen inguruan gogoeta egin dezaten proposa diezaiekegu: gaiari buruz zer dakiten, zeren inguruan gehiago jakin edo ikertu nahiko luketen eta aukera hori zergatik egin duten. Aztergai dugun kasuan, Espainiako klimei eta paisaiei buruz zer dakiten galde geniezaieke: klima atlantikoa edo ozeanikoa, klima kontinentala, klima mediterraneoa, klima subtropikala eta goi-mendiko klima. Jarduera horri ekiteko, irakasleak ikasleei azalduko die, ikasgelan gaiaren inguruan ozenki hitz egin beharrean, pertsonaia misteriotsuak (hau da, irakasleak) proposatutako gaiaren inguruko zenbait alderdiri buruz galdetuko duela eta haiek Gmailetik txat bidez erantzun beharko dutela aurretik sortutako taldeetan. Jarduera amaitzean, guztiek txateko erantzunak azalduko dituzte hizketaldia jasotzeko sortutako fitxategia irakurrita. Horretarako, hura arbel digital elkarreragilean (ADE) proiektatuko da.

Page 43: gmail tutoriala

43

1. Txata Gmailen konfiguratzea Jarduerari ekin aurreko lehen urratsa da Gmailek txaterako berez eskaintzen duen konfigurazioak berdin dirauela egiaztatzea. Horretarako, Ezarpenak aukerara joan eta Txata fitxa hautatu behar da.

Gorde txataren historia eta irudian agertzen diren gainerako aukerak oraindik hautatuta daudela egiaztatuko dugu.

2. Txataren panelean sartuko gara eta beste erabiltzaile bat(zu)ekin hizketaldia aktibatuko dugu, haren edo haien izenaren gainean klik eginda. Horretarako, parte-hartzaile guztiek aldez aurretik Gmailen aldi berean konektatuta egon behar dute.

3. Hizketaldia aktibatuko dugu eta mezuak trukatzen hasiko gara. Oso erraza da. Idatzi eta, bidaltzeko, sakatu intro teklatua.

Page 44: gmail tutoriala

44

4. Hizketaldia amaitu ondoren, sartu alboko menuko Txatak aukeran hizketaldia berreskuratzeko. E-mail batean bezala azalduko da.

5. Berreskuratu txata eta aztertu haren edukia. Beste edozein mezu bezala birbidali, kopiatu, etab. egiteko aukera duzu.

Page 45: gmail tutoriala

45

D) Google Gruposen lan-talde bat sortzea

Kapsula-lantegi honetan Googleren beste zerbitzu hau ikusi ez badugu ere, gune hau aurkeztearen arrazoia da gaitu ahal izateko posta behar duela eta ikasleekin egiteko aurkeztutako jarduera-dinamikaren berezko bilakaera dela. Beste tutorial batean, zerbitzu hau xehetasunez azalduko dugu.

1. Hasteko, Gmailen goiko paneleko todavía más aukera hautatu eta egin klik Grupos gainean.

Page 46: gmail tutoriala

46

2. Hautatu Crear un grupo (sortu talde bat).

Page 47: gmail tutoriala

47

3. Bete zehazten diren formularioko eremuak. Kasu honetan, sartu taldearentzako izen bat eta haren deskribapena. Talderako sarrera Restringido (murriztua) izatea gomendatzen dugu, zeuk gonbidatutako lagunak besterik sar ez daitezen. Amaitzeko, egin klik Crear mi grupo (sortu nire taldea) botoian.

Page 48: gmail tutoriala

48

4. Egiaztapena. Idatzi irudian ikusten diren karaktereak eta egin klik berriro Crear mi grupo botoian, prozesuarekin jarraitzeko:

5. Erantsi zure taldeko kideak.

Horretarako, ikasleen posta elektronikoko helbideak eta deskribapen labur bat sartu, eta egin klik Invitar a miembros (kideak gonbidatu) botoian.

Page 49: gmail tutoriala

49

6. Baieztapena. Sistemak zure taldea behar bezala sortu dela jakinaraziko dizu:

7. E-mail bidezko jakinarazpena.

Zure postan, zure taldea sortu izanaren jakinarazpena eta sartzeko datuak jasoko dituzu:

Google Gruposekin aukera izango duzu parte har dezaten kide gehiago gonbidatzeko, laneko fitxategiak igotzeko, etab.; eta, jarduerarekin jarraitzeko, besteak beste, klimaren eta paisaien inguruko gaiari edo beste edozeini buruz ikasleentzako ikerlanak presta daitezke.

Page 50: gmail tutoriala

50

Page 51: gmail tutoriala

51

4. AUTOEBALUAZIO JARDUERA

Sinetsita gaude tutorialaren autoebaluazio hoberena gauza berriak ikasi izanaren eta proposatutako edukiekin praktikatu izanaren emaitza dela. Hala eta guztiz ere, Gmail web-postaren kontzeptuari, funtzionalitateari eta izan ditzakeen erabilerei buruzko zalantzaren bat geratu bazaizue, zuen autoebaluazio pertsonalagorako honako jarduera hauek proposatzen dizkizuegu:

A) Zerbait gehiago... B) Labur-labur gogoeta egiteko proposamena C) Galdeketa

Erabilgarriak izan ditzazuen espero dugu.

A) Zerbait gehiago...

Posta elektronikoak goitik behera aldatu du gure lan egiteko eta komunikatzeko modua. Gaizki erabilita, posta elektronikoa denbora-lapur handiena bilakatzen zaigu. Hala, sarritan, postak gure lan-erritmoa ezartzen digu, hura eraginkortasunez kudeatzeko bidea emango duen erabilera sistematikoa aplikatzen jakin ez dugulako. Irakasleek, posta elektronikoa erabiltzen dutenean, etsai bati egiten diote aurre, etsai bitxi bati. Etsai hori ez da, ez, zabor-posta (spama), pentsa litekeenez. Egiaz, bere burua da irakaslearen etsaia. Bakoitzak bere buruarekin aurka egiten du borroka. Postaren erabiltzailea bera setatzen da denbora galtzen. Nahikoa litzateke egunero ahalegin bat egitea ematen den denbora murrizteko eta emaitzak hobetzeko teknikak eta ohiturak hobetzen saiatzearren. Hona oinarrizko iradokizun batzuk (badira gehiago):

• Lehentasunak ezartzea. Erabili etiketak Sortaka hobeto lan egiten da banaka baino. Adibidez, hiru mezuk programa jakin bat kontsultatzea eskatzen badute (esaterako, ikasleen fitxak edo campus birtuala), hobe da horiekin aldi berean lan egitea. Horretarako, etiketak erabil ditzakezu, ondoren mezu horiek batera kudeatzeko aukera emango baitizu. Gaian, igorlean edo paragrafo baten irakurketa azkarrean oinarrituta, dagoeneko etiketa bat eslei dezakegu kudeaketa-lana geroago egiteko. Etiketen adibideak:

- Internet bisitatu: Mezu batzuek Interneteko helbide bat dute. Hobe konexio azkarra dugunean egitea eta zenbait mezu aldi berean irekitzeko aprobetxatzea: orri bat irekitzen den bitartean beste mezu bat irakur dezakegu eta beste helbide bat irekitzen has gaitezke, zenbait leiho irekita ditugun arte. Ordurako, dagoeneko lehen orria kargatuta egongo da eta ez dugu hura noiz deskargatuko pazientziaz zain egon behar izan.

- Telefonoz deitu: Telefonotik eskura ez badugu. Zenbaitetan ezinezkoa da telefono-komunikaziorik ezartzea: etiketak gogoraraziko digu egiteko deiak daudela.

- Proiektua (edo adierazi proiektu mota): Proiektu mota berari dagozkion mezuak sailkatzen baditugu, ondoren haien tratamendua optimiza daiteke, etiketak ziur aski zerikusia duten mezuak elkartuko baititu.

- Ikasleak: Antzeko igorle taldeei dagozkien mezuak biltzean, ziur aski antzekoak izango diren zereginak edota antzeko dokumentuak kontsultatzea edo antzeko materialetan sartzea eskatuko duten zereginak ere bilduko dira.

Page 52: gmail tutoriala

52

- Gorria: Presa handikoa. Mezuaren lehentasuna adierazteko aukera baldin badago ere, etiketak askoz ere deigarriagoak dira eta lehenbailehen heldu beharreko mezuak gogorarazten dituzte.

- Horia: Presazkoa. Ez oharkabetzea komeni bada ere, ez du lehendabizi kudeatzeko beharrik. - Gerorako: Mezu batzuk ez dira presazkoak. Horrek adierazten du mezu hori denbora

dagoenerako uzten dela.

• Zereginak automatizatzea Zereginak automatizatzeko oinarrizko baliabideak:

- Iragazkiak: Automatikoki edo eskuz aplika daitezke. Horien bidez, mezuak beste karpeta batzuetara birbideratzen dira haiek irakurri behar izan gabe. Zuhurtasunez aplikatu behar badira ere, erabilera-adibide bat litzateke ikasleengandik datozen mezuak “Ikasleak” karpetan automatikoki kokatzea.

- Txantiloiak: Mezu-txantiloiak dira, erantzun osoa idatzi behar ez izateko. Askotan txantiloia erabiltzen da, baina lerro bat edo bi eransten dira, erantzuna pertsonalizatu edo zehazteko.

Laburbilduz, asmoa ez da posta “irakurtzean” edo “idaztean” pentsatzea, baizik eta posta elektronikoa “kudeatzea”, kudeaketa hori optimizatzeko teknikak erabilita. (Iturria: Antonio Bartolomé-ren “El profesor cibernauta” –irakasle zibernauta– liburutik ateratako testua).

B) Labur-labur gogoeta egiteko proposamena

Urrutira joan gabe kapsula-lantegi honetan aipatu ditugun erreferentzia ugarien ondorioz antzeman daitekeenez, Google faktoriak jende guztiari zuzendutako web 2.0 soluzioak garatu eta hedatzeko ildoari jarraitzen dio argiro.

Horretaz guztiz jabetuta, Google enpresei, eskolei (bai, ondo irakurri duzu) eta irabazi-asmorik gabeko erakundeei tresnen pakete zabala eskaintzen ari zaie (Gmail, Google Docs, Google Calendar, Google Sites…), are eta modu integratuagoan elkarlanean aritzeko, eta eskolen kasuan kosturik gabe (doan). Tresnen pakete horrek Google Apps du izena.

Googlek honela planteatzen die paketea eskolei: Googleren inbertsioa. Soluzio eraginkorrak. Inbertsiorik gabe Pentsa zer izango litzatekeen campus-elkarte osoak (ikasleak, irakasleak eta pertsonala) informazioa eta ideiak errazago partekatzeko aukera izango balu. Hezkuntzaren arloko Google Apps edición educaciónen argitalpen, lankidetza eta komunikazioko tresnen bidez, hori egia izan daiteke. Zure ikastetxearen domeinuko posta elektronikoko kontuak sortzeko aukera ematen dizute (adibidez, [email protected]). Eskuragarri dauden tresnak eta zerbitzuak nahieran konbina ditzakezu, eta horiek ikastetxearen logotipoarekin, koloreekin eta edukiarekin pertsonalizatu ere. Webean oinarritutako kontrol-panel baten bidez erabiltzaileak administratu edo APIak erabili Google Apps uneko sistemetan integratzeko. Eta, hobe oraindik, Googleren baitan hartutako soluzioak direnez, ez duzu inolako hardware edo softwarerik deskargatu, instalatu edo mantendu beharko. ITko pertsonalaren ia laguntzarik gabe berehala erabiltzen hasi zaitezke.

Page 53: gmail tutoriala

53

Zu eta zure ikastetxeak planteatu al duzue, adibidez, ikasle bakoitzari posta elektronikoko kontu pertsonalizatu bana eta eskola-elkarteari antzeko zerbitzua, esaterako, Google Apps, eskaintzea? Itxura ona du, ezta?

C) Galdeketa Hautatu aukera zuzena. Galdera bakoitzerako bakarra dago.

1. Nola definituko zenuke Gmail?

- Mezuak bidali eta jasotzeko aukera ematen duen zerbitzua.

– Erantsitako fitxategiekin batera (adibidez, argazkiak, soinuak edo bideoak), mezuak bidali eta jasotzeko aukera ematen duen zerbitzua. Interneterako konexioa behar da.

– Interneten lan-taldeak osatzeko zerbitzua.

2. Gmailen bilaketak egin al daitezke?

– Bai, posible da. Mezua bidalia nahiz jasoa izan, Gmailek bilaketa-eremutik behar duzun mezua aurkitzen du, Googlek bezala.

– Bai, posible da, baina mezuen arabera bilatzen du soilik, ez, ordea, horien edukien arabera.

– Bai, posible da, pertsonak bilatzeko bakarrik.

3. Zure Gmail posta konfiguratzeko panelaren bidez, posible da:

– Zure sinadura eranstea, iragazki bat sortzea edo erantzun automatikoak bidaltzea (postan sartu ezin baduzu, adibidez).

– Gmailen pantaila-konfigurazioa aldatzea soilik. – Posta elektronikoak bidaltzea.

4. Teknikoki, Gmail kontu bat lortzeak dakar:

– Googleren beste tresna batzuetan (adibidez, Google Calendar, Google Docs edo Taldeak) sartzeko oinarrizko tresna eskuratzea.

– Denbora galtzea.

– Maila pertsonaleko eta laneko komunikazio-tresna erabilgarria izateaz gain, Googleren

Page 54: gmail tutoriala

54

beste aplikazio batzuetan sartu ahal izango naiz (Calendar, Taldeak, Docs edo Mapak, adibidez).

5. Zer aukera eskaintzen ditu Gmailek mezuak kudeatzeko?

– Batez ere, etiketen eta nabarmenduen aukera, eta, modu osagarrian, iragazkiak ere erabil ditzaket.

– Karpeten eta iragazkien aukera.

– Mezuak bilatzeko funtzionalitatea.

6. Nola kudeatzen du Gmailek zabor-posta edo spama?

– Automatikoki spamaren aurkako oso iragazki sendoa aplikatuta. Gainera, erabiltzaileak iragazkia sarrera-ontzian molda dezake...

– Spamaren aurkako iragazkiaren arabera arriskutsuak diren mezu guztiak zaborrontzira bidalita.

– Zure PCan biruskontrako programa bat instalatuta.

7. Gmailen bidez beste erabiltzaile batzuekin txatea al daiteke?

– Bai, posible da, Gmail kontua duten erabiltzaileentzat. Gainera, Gmailek aukera ematen du txat bidez izandako elkarrizketa guztiak gordetzeko eta mezuak izango balira bezala berreskuratzeko.

– Bai, posible da, Gmailen kontua duen edo ez duen edozein erabiltzailerentzat.

– Bai, posible da, baina testu formatuan soilik.

8. Google Gruposekin lan-talde bat sortzeko garaian, komeni da sarbidea:

Page 55: gmail tutoriala

55

– Publikoa izatea; horrela Googleren bidez aurkitzen erraza da eta edonork parte har dezake.

– Iragarkia soilik izatea, parte hartzeko aukerarekin, baina administratzaileak besterik ez ditu eztabaidaguneak irekiko.

– Murriztua izatea: kide guztiek aukera dute mezuak bidaltzeko, fitxategiak irakurtzeko,

kideen zerrenda kontsultatzeko, orriak sortzeko eta fitxategiak igotzeko. Talde hori ez da agertzen ez Googleren bilaketetan, ez eta direktorioan ere.

Formularioaren hasiera