Foyeto Colombia 2018 Biahe educativo di e alumnonan di ... · A scoge pa bay e ciudad di Pereira....
12
Foyeto Colombia 2018 Biahe educativo di e alumnonan di Havo 4 di Colegio Arubano
Transcript of Foyeto Colombia 2018 Biahe educativo di e alumnonan di ... · A scoge pa bay e ciudad di Pereira....
0
Foyeto Colombia 2018
Biahe educativo di e alumnonan di
Havo 4 di
Colegio Arubano
1
Contenido Introduccion 2
Ekipo organisatorio 3
Meta 4
Programa di e biahe 5
Finansa 6
Plan di proyecto 8
Palabracion, regla y obligacion 7
E reglanan di e biahe educativo 10
Cancelacion 10
Seguro 11
2
i
INTRODUCCION Orguyosamente, Colegio Arubano ta organisa e aña escolar aki su biahe educativo pa exterior, pa e alumnonan di Havo 4. E aña escolar aki, un biaha mas, ta organisa e biahe educativo pa Colombia.
A scoge pa bay e ciudad di Pereira. For di 2011 Pereira ta riba e lista mundial di UNESCO, como paisahe cultural di koffie di Colombia. Koffie, procedente di entre otro Eje Cafetero, ta un di e productonan di exportacion mas importante di e país.
Pereira ta un di e areanan di Colombia mas ‘safe’ pa haci un biahe educativo.
E buki informativo aki ta destina na mayornan di e alumnonan cu na april 2018 lo biaha pa Colombia. E intencion di e buki di informacion aki ta pa duna un idea encuanto e contenido di e biahe. Banda di informacion tocante e biahe pa Colombia, e buki ta contene e reglanan cu ta envolucra e biahe tambe.
3
E ekipo organisatorio
Naturalmente, ta hopi trabou pa organisa un biahe asina. Primeramente, ta cuminsa cu busca boluntario entusiasma pa forma un comision di guia pa e proyecto Havo 4 2018, cu ta consisti di mentor y docente di Colegio Arubano, cu ta dispuesto pa pasa nan vakantie di Pasco Grandi cu e muchanan. Despues ta fiha e metanan pa e biahe, ta haci palabracion, reparti tarea y e reunionnan necesario ta cuminsa. Seguidamente ta continua, entre otro, cu reservacion di e biahe, busca transportacion y alohamento,
actividadnan cu lo haci pa recauda fondo y ta prepara un biahe orientativo.
Na mes momento ta traha riba e proceso di recluta alumno pa e biahe y riba tur e actividadnan cu ta bin acerca, manera: anochi di informacion y inscripcion, e parti administrativo y financiero (yama y manda e-mail pa pidi oferta, controla statementnan di banco). E organisacion di e biahe educativo di Colegio Arubano ta den man di mentornan di Havo4 motiva y cu exprencia.
E lidernan di proyecto:
Juffrouw jerrelaine Goeloe (GL)
Meneer Rudolf Kelly (KL)
Meneer Danilo Curiel (DAC)
4
Banda di e lidernan di proyecto tin un team di docente cu lo acompaña e studiantenan durante e biahe: e cantidad di docente cu lo acompaña e muchanan ta depende di e cantidad di studiante cu lo participa na e proyecto Havo 4 2018.
Meta
E biahe educativo tin como meta cera conoci cu un otro pais y mustra respet pa e
pais su naturalesa y cultura, cu enfasis riba turismo sostenibel.
Ademas, e biahe tin tambe como obhetivo conbibi cu otro colega studiante y cu e guianan.
Akibou ta sigui e metanan secundario di e biahe educativo.
o Amplia percepcion di un studiante Rubiano;
o Siña carga responsabilidad;
o Siña maneha placa;
o Siña interactua den situacionnan nobo pafo di ambiente di cas; o Orientacion riba educacion superior;
5
o Engrandece nan adaptabilidad;
o Experencia responsabilidad di proceso di grupo
o Mehora interaccion entre alumno y entre alumno cu docente
o Por expresa den otro idioma
Programa di biahe
E alumnonan di HAVO 4 ta bay Pereira, Colombia e aña escolar aki, 2017-2018. E biahe educativo lo tin un duracion di 7 dia y 6 anochi.
E biahe educativo pa Colombia lo tuma luga den vakantie di Pasco Grandi (entre 29 di maart cu 05 di april 2018(tentativamente)). Asina cu e fechanan exacto ta conoci, lo informa esaki na mayornan.
Nos lo biahe cu un vuelo directo for di Aruba pa Pereira. Asina nos tin mas detaye di e charter aki, nos lo anuncia esaki mesora na bosonan.
Nos lo hospeda den un finca ecologico na Pereira, memey di naturalesa, unda tur
facilidad lo ta presente: kambernan pa drumi, veld di futbol y piscina. Nos lo sali cu
bus for di e finca, pa diferente actividad.
6
Posibel actividadnan na Pereira y cercania
o Bishita na departamentonan di enseñansa
o Bishita un pueblo antiguo
o Bishita na e plantacion di koffie
o Bishita na museum
o Bishita parke
o Dia di deporte
o Recorido den e ciudad y bishita un mall
o Actividadnan aventuroso
7
Presupuesto tentativo
Buelo inclusivo: 1650
Impuesto di salida (Aua-Col)
Transportacion di bus na Colombia
Hospedahe
Cuminda
Entrada na e parkenan
Seguro (dokter)
Guia na Colombia
Costonan organisatorio: (Rifa y Fundraising) 200
Gastonan imprevisto 50
Total Afl. 1900
Finansa
Pa e biahe aki ta presupuesta un suma di Afl. 1900,= pa alumno (mira tabel riba e siguiente pagina). Pa cubri e gastonan, lo pidi di mayornan un contribucion di Afl. 550, cu mester ta paga den 4 cuota (no mas laat cu: 28 di sept 2017/ 31 di okt ‘17/ 30 di nov ‘17/31 di jan 2018). E suma di Afl. 1350 cu ta resta ta keda cubri pa dos actividad pa recauda fondo (rifa y benta di cumida).
- Rifa: cada alumno ta haya 12 buki cu 20 ticket di Afl.5,= den cada buki; cada buki di rifa bendi lo tin un entrada di Afl. 100,=. Na total cada alumno ta stort Afl. 1200 den 3 termino, riba e cuenta di CMB bou nomber di proyecto HAVO 4.
- Benta di cuminda: cada mucha ta haya un buki cu 10 ticket na balor di Afl. 15 cada un. Esaki ta produci un suma di Afl. 150 pa cada alumno.
E tres sumanan (550+1200+150) por financia e biahe di cada alumno pa Colombia.
E prome deposito di 150 afls. (inscripcion) mester ta haci via banco no mas laat cu diahuebs, 28 di september 2017. Tur transaccion bancario mester tuma luga via CMB riba number di cuenta: 61478905, na nomber di PROYECTO HAVO 4, indicando nomber y klas di alumno y e tipo di pago (placa di inscripcion, placa gespaar, placa di rifa of benta di cuminda).
No lo debolbe placa, cu a colecta pa medio di e actividadnan pa recauda fondo, si un studiante na cualkier momento dicidi di retira su nomber di e biahe.
E fondonan recauda, pa medio di e actividadnan pa recauda fondo, tin un meta colectivo y por lo tanto no por mira nan como un trabou indiviual cu pago.
Presupuesto pa 2018
Tur suma ta den florin y ta mara na cambio: no tur gasto ta conoci di antemano. Si e buelo subi mas cu loke ta presupuesta, mester bende mas buki di rifa!
8
Pagonan:
No mas laat cu dihuebs, 28 di sep 2017 - placa di inscripcion Afl. 150
No mas laat cu diamars, 31 di oct 2017 - placa gespaar (1) Afl. 100
No mas laat cu diahuebs, 30 di nov 2017 - placa gespaar (2) Afl. 150
No mas laat cu diabierna, 15 di dec 2017 - di prome pago di rifa Afl. 400
No mas laat cu diabierna, 29 di dec 2017 - placa di ‘foodsale’ Afl. 150
(‘foodsale’ ta plania pa diasabra, 6 di jan 2018)
No mas laat cu diaranzon, 31 di jan 2018 -di dos pago di rifa Afl. 400
No mas laat cu diaranzon, 31 di jan 2018 - placa gespaar (3) Afl. 150
No mas laat cu diamars, 27 di feb 2018 - di tres pago di rifa Afl. 400
Plan di e proyecto
Durante preparacion di nos plan di proyecto, a tene mas tanto posibel cuenta cu, e planificacion anual di scol, pa loke ta trata e simannan di CP, referiendo na e actividadnan obligatorio y entregamento di e bukinan di rifa y e carchinan pa e actividadnan pa recauda fondo na tempo. Actividadnan
o Diahuebs, 28 di september 2017: anochi di inscripcion, studiante di H4 y nan mayor, pa 19.00 na Colegio Arubano.
o Diasabra, 06 di januari 2018: Foodsale Fundraising
o Den maart 2018: Servicio na comunidad “Aruba Doet”
o Diahuebs, 22 di maart 2018: Anochi di informacion (luga lo anuncia despues)
o Diaranson, 21 di maart 2018: Sorteo di e rifa (lugar: Colegio Arubano)
9
Un studiante por spaar su mesun zakgeld cu benta di maximo 3 buki di rifa. Pa cada buki di rifa adicional na balor di Afl. 100 cu e studiante bende, e ta haya na Colombia $40. E diferencia ta pa cubri gastonan di imprenta.
E alumno ta participa activamente na e dos actividadnan aki:
- ‘foodsale’, diasabra 06 di januari 2018;
- Trabou comunitario ‘ARUBA DOET’ den maart 2018.
E anochi di inscripcion ta tuma luga diaheubs, 28 di september 2017. Riba e nochi aki, mester entrega e siguiente papelnan:
Un copia di paspoort di e alumno, cual fecha di vencemento ta 6 luna despues di e fecha di regreso di e biahe.
Duplica di e copia di e contract yena y firma (lo manda esaki via e-mail)
Duplica di e copia di e carta di autorisacion di mayornan yena y firma (pa douane di Aruba y Colombia. Tambe lo manda esaki via e-mail)
Un copia di e transaccion bancario di e placa di inscripcion na balor di Afl. 150.
10
Reglanan di e biahe pa Colombia
1. Mayor y alumno ta percura pa deposita e suma di contribucion personal (placa gespaar) na tempo y e suma di e actividadnan pa recuada fondo (rifa y foodsale) manera palabra (mira descripcion di ‘pagonan’).
2. Si mayornan y alumno ta temporalmente incapas pa paga e contribucion personal (spaargeld), nan mester pone un di e lidernan di e proyecto por escrito na altura, prome cu e fecha stipula pa deposita. Esaki no por bay via e-mail. E suma di e actividadnan pa recauda fondo mester ta entrega na tempo.
3. Si e studiante no entrega e sumanan di e actividadnan pa recauda fondo na tempo, e tin chens di no participa na e biahe.
4. E lidernan di proyecto ta tuma decision di exclui un studiante di e biahe, despues di consulta cu e mentor y rectorado di scol.
Cancelacion
E informacionnan tocante cancelacion for di e proyecto merece atencion special. E placa di inscripcion, Afls 150, ta bay pa reservacion di e vuelo directamente despues di inscripcion. Por lo tanto lo no debolbe e contribucion inicial, si e studiantenan retira nan mes for di e proyecto.
Un studiante por cancela e biahe te cu diabierna, 15 di december 2017, pa 13.30. E cancelacion mester sosode por escrito of via e-mail, dirigi na e lidernan di proyecto. Si e studiante cancela despues di 15 di december 2017, lo debolbe un suma rasonabel; e lidernan di proyecto lo calcula e suma cu
ta paga bek.
11
Seguro
Cada participante ta sigura riba tereno di salud, independientemente di
un propio suscripcion di otro seguro. No lo cera seguro pa cosnan valioso.
Nos ta bay p’e!
Jerrelyne Goeloe
Rudolf Kelly Danilo Curiel
