Fikzioaren izterrak / Ur Apalategi
Click here to load reader
-
Upload
errenteriako-udal-liburutegia-liburutegia -
Category
Documents
-
view
222 -
download
2
description
Transcript of Fikzioaren izterrak / Ur Apalategi
Fikzioarenizterrak
UR APALATEGI
Literatur solasaldiak
Errenteria, 2016 / 05 / 16
http://liburutegiak.blog.euskadi.net/errenterialiburutegia/
Ur Apalategi Idirin
Paris, 1972.
Eleberri eta ipuinegilea. Bi bider jaso du Beterriko liburua
saria (1997 eta 2010) eta behin Euskadi literatur saria (2011).
Zuzenbidean eta Letra Frantsesetan lizentziaduna eta Euskal
filologian doktore. Euskal literaturako irakasle titularra Paueko
Unibertsitatean.
Besteak beste, Maiatz, Hegats, Egan, Uztaro, Euskaldunon
Egunkaria, Berria, Garaeta Argia-n argitaratu ditu idazlanak,
artikulu kritikoak nahiz iritzi zutabeak.
Arlo akademikoan, Pariseko L'Harmattan argitaletxeak
2000n argitaratutako La Naissance de l'écrivain basque (Euskal
idazlearen sorrera) ikerlanaren egilea da.
Utriusque Vasconiae argitaletxearen baitan "Kritika Literarioa"
izeneko saila sortu eta zuzentzen du eta Egunero irakurtzen delako
literatur sailaren kudeaketan ere esku hartzen du
http://www.idazleak.eus/euskara/idazleak/urapalategiidirin?q1=%20&q2=apalategi
Fikzioaren izterrak
Ez zen plan ona. Nekatuta nengoen
eta Galarreta ez nuen maite. Antipatia
zidan berak ere. Deklaratua eta
aspaldidanikoa. Esan dudanez,
zimurtzen hasitako «beti errebelde»
horietakoa zen, abenturazalearen hiru
eguneko sasi bizar kalkulatuegia
zeraman beti, «gazte» janzten zen...
Eta, oroz gainetik, gaizki idazten zuen.
Nahiko saltzen zuen arren, bere
mailan. Klasikoegitzat nindukan berak,
akademikotzat. Ez bide nintzen aski «alternatiboa» bere
gusturako. «Idazle dezimononiko»tzat jo ninduen orain dela
hamarkada pare bat ia, Susa aldizkarian atera zuen erreseina
batean. Afera da ezin eraman zezakeela ni goragoko kategorian
egotea, alegia, benetan profesionaltzea lortu duten euskal
idazleen klub hertsian. Ez nion ikusten emakume gazteak
maitemintzeko adina kalitaterik —espero nuen Katxalynek
gustu hobea izatea—, ezta asmorik ere, itxuraz. Nahiz eta, egia
esan, Katxalynengatik ez bazen, ez nuen ulertzen zergatik
zihoan Galarreta halako toki bat bisitatzera. Katxalyni behintzat
bazirudien ondo zetorkiola Galarreta ondoan edukitzea.
http://www.idazleak.eus/euskara/gureprogramak/liburufitxak?id=10
Kritikak
Fikzioaren errealitatea Juan Ramon Makuso / El Diario Vasco, 2011-04-08
Garratza da errealitatea. Aurrean daukaguna ezin da ukatu, nahiz eta askotan saiatzen garen gure eguneroko errealitatea mozorrotzen. Batzuetan ez dugu nahi izaten aurrez aurre daukagunari kosk egitea. Eta literatura fikzioa den heinean, fikzio horrek gainditzen du fikzionatzen ari garena. Ur Apalategik bere Fikzioaren izterrak, zazpi ipuinez osatutako liburuan, bere ibilbideliterarioaren hainbatetan jorratu duen gaia, berriro lantzen du: euskal literaturen, miseriak?, topikoak?, ezinak? Eta honekin bateraere, maitasunezko historiak.
Komunean ezaugarri bat dute ipuin hauek, gaia lantzerako orduan, garraztasuna eta ironia agertzen dira ia ipuin guztietan, eta honek egilearen alde jokatzen du, estilo baten hari sendo bat erakusten baitu. Baina fikzioak errealitatea oso hurbil uzten du, nahiz eta egileak berak hori ezkutatu nahi duen, batzuetan muturreko egoerak erakutsiz: “Saizarbitoria. Izen luze, ahoskagaitz eta gogoraezina (…) Gaizki saldu zatekeen Espainiako merkatuan, edo kritika txarrak izan zituzkeen. Beharbada euskal arazoa zen oztopo, autorea terroristengandik hurbilegi zegoelako edo. Auskalo”. Fikzioa eta errealitatearen arteko dialektika horretan, badira ipuinak oso ongi bideratzen dutenak bere ibilbidea, nahiz eta batzuetan, historia, tramaren taxutzeak, luze egiten den, narrazioaren kalterako. Bestalde esan behar da ez dela erraza jokatzea Apalategi jolasten ari den eremuan, eta hau bere alde dago, hitzaren bitartez ezkutatzen baitu errealitatea, jolas bat bihurtuz bere ariketa. Irakurleak aurkituko ditu, ipuin sorta hauetan, ironia bide, literaturaren eta mundu afektiboaren une dibertigarriak, pasadizo xelebreak, gizakiaren une miserableak… Eta badira ipuinak amaiera konplexua dutenak. Idazlea ongi profitatzen da honetaz, abileziaerakutsiz.
http://kritikak.armiarma.eus/?p=5131
Fikzioaren izterrak I.E. / El Diario Vasco, 2011-04-08
Fikzioaren izterrak izeneko ipuin bilduma kaleratu du Ur Apalategik. Baina horrela deitu beharrean, Fikzioaren mugak ere deitu zatekeen, mundu literarioan murgilduta ez gaudenok (irakurle hutsak garenok, alegia) ezin dugulako jakin zenbateraino den errealitate eta zenbateraino fikzio zazpi ipuin hauetan kontatzen dena. Izan ere, susmoa hartzen da guztia ere ez dela fikzio, eta literatura-argitaletxe munduko bere esperientzian eta ezagutzan oinarritu dela idazlea ipuinok idaztean. Hala ere, ia beti erabiltzen ditu irudi jostalari eta harpajoleak’ “errealitate” hori islatzeko. Eta, ondorioz, askotan azalerarazten du irria irakurlearenaurpegian.
Hauek dira Apalategik kaleratzen dituen lehen ipuinak, eta guztietan dira ardatz bi gai: idazmena orokorrean (protagonistaren idazteko, eta argitaratzeko, gogoa) eta maitasun-sexu-adiskidetasun harremanak. Batzuetan literaturak eragiten du harreman pertsonaletan eta beste batzuetan, aldiz, sentimenduek hartzen diote gaina idazmenari. Zenbait kasutan, ustekabeek ere paper polita jokatzen dute.
Finean, egileari gustatu ez arren, ondorioa ukaezina da: ipuin bilduma hau irakurterraza da. Baina ez da idazleak “mintzaira literario txiroa” duela eta liburuaren “edukiak ez duela interes zipitzik” esateko modu diplomatikoa, ez. Egia borobila da. Areago, irakurterraza izateaz gain, liburu gustagarria eta oso atsegina ere bada.
http://kritikak.armiarma.eus/?p=5050
Ur Apalategi EIPS/RLPEan
Goieaskoetxea Arronategi, Unai
Erdi guneak / Unai Goieaskoetxea Arronategi, Ur Apalategi Idirin
1995
Apalategi Idirin, Ur (1972) Gauak eta hiriak / Ur Apalategi Idirin 1997
Apalategi Idirin, Ur (1972) Gauak eta hiriak / Ur Apalategi Idirin 2000
Apalategi Idirin, Ur (1972) La naissance de l'écrivain basque : l'évolution de la problématique littéraire de Bernardo Atxaga / Ur Apalategui ; préface de Christian Manso
2000
Apalategi Idirin, Ur (1972) Las relaciones imperfectas / Ur Apalategi Idirin ; traducción, Xabier Makazaga
2001
Apalategi Idirin, Ur (1972) Gauak eta hiriak / Ur Apalategi Idirin 2002
Apalategi Idirin, Ur (1972) Gure gauzak S.A. / Ur Apalategui Idirin 2004
Apalategi Idirin, Ur (1972) Gure gauzak SA / Ur Apalategi Idirin 2004
Belaunaldi literarioak auzitan / Ur Apalategi Idirin (arg.)
2005
Egungo euskal nobela eta zinema / Jon Kortazar [zuzendaría eta alearen arduraduna] ; Ur Apalategi ... [et al.]
2009
Apalategi Idirin, Ur (1972) Fikzioaren izterrak / Ur Apalategi 2010
Apalategi Idirin, Ur (1972) Fikzioaren izterrak / Ur Apalategi 2011
Gatazken lorratzak : euskal arazoen isla narratiban1936tik gaurdaino / Jon Kortazar, Amaia Serrano Mariezkurrena (arg.) ; [egileak, Ur Apalategi ... et al.]
2012
HennebutteMillard, Amaia Himalayajavakaputadiziburrina / Amaia HennebutteMillard ; Ur Apalategi Idirinen gainbegiradarekin
2012
Irakurketa dela eta / koordinatzailea, Fito Rodriguez ; egileak, Fito Rodriguez, Ander Iturriotz, Ur Apalategi, Patxi Salaberri
2012
Apalategi Idirin, Ur (1972) La otra vida : seis relatos / Ur Apalategi ; traducidodel euskara por Angel Erro
2013
Apalategi Idirin, Ur (1972) Ramon Saizarbitoria : l'autre écrivain basque : 2013
l'élaboration d'une réponse néomoderne à la périphéricité littéraire (19952000) / Ur Apalategui
Egungo euskal saiakeraren historia / Jon Kortazar (zuzendaria) ; Fco. Javier Rojo Cobos (alearen arduraduna) ; Ur Apalategi ... [et al.]
2013
Etxepare, Bernard (fl.15161545)
Basuku Shobunshû : Basuku go saiko no shomotsu / Berunato Echepare ; [itzultzaileak, ShoHagio, Hiromi Yoshida ; hitzaurrea, Ur Apalategi]
2014
Nuestras guerras : relatos sobre los conflictos vascos / edición y prólogo de Mikel Ayerbe ; [autores] Ur Apalategi ... [et al.]
2014
Loturak
http://www.argia.eus/blogak/boligrafo
gorria/2011/10/20/fikzioarenizterrakariketa
metaliterariobat/
http://kritikak.armiarma.eus/?p=5050
http://zubitegia.armiarma.eus/?i=196
http://www.ehu.eus/ehg/literatura/idazleak/?p=80
http://kritikak.armiarma.eus/?p=5131
http://www.idazleak.eus/euskara/gure
programak/liburufitxak?id=10
http://www.idazleak.eus/euskara/idazleak/ur
apalategiidirin?q1=%20&q2=apalategi