TEÓN – FANA – CANAL DE SEVERIN – ORANDI – COVADONGA

Güei vamos caminar pola redolada de Cuadonga, siguiendo la tráza del GR-202, parte de la Ruta de la Reconquísta (Nel añu 718 llíbrase en Cuadonga la batalla que daría empecipió a la Reconquísta de la Península tras la invasión musulmana. Un puñáu de rebeldes cántabros y ástures venció a un exércitu numerosu d'invasores, que al tar acorrexaos fuxeron traviesando los Picos d'Europa, p'acabar soterraos en Cosgaya por un deslizamiento de tierres. La ruta de la Reconquísta recupera parte del trayectu que siguieron los musulmanes nela so huída)Empecipiamos esta salida en Teón, formosa vega y mayada asitiada debaxo de la conocida peña del Elefante; caminamos hasta la non menos formosa vega de Fana, onde naz el ríu Pelabarda. La mayada tien un monte central arrodiáu por un muriu de piedra, ta formáu por carbayos, pláganos y dalgunes fayes; alredor de les sos cabanes hai delles castañales d'indies.Equí tomamos dirección NON., pasamos por Vega Fondos remontando'l camín a la collada Les Travieses pa baxar dempués pola vega del mesmu nome, hasta travesala y llegar a la canal de Severín y salir a la mayada del mesmu nome.El senderu continua al O. bordiando'l Cantu la Pulga y les estribaciones sureñes de la Caxigosa pa llegar a la mayada La Quintana, dende la cual síguese'l cursu del ríu Mestes hasta les mayaes de: La Vega, Les Mestes, el Campu Escobio, llegando a la formosa Vega de Orandi. Una verde campera arrodiada de monte que traviesa'l ríu Mestes. Equi el riu desapaez pola cova d´Orandi pa apaecer en la Santa Cueva..Si queremos subir al picu Sienra, en Orandi garramos un senderu paralelu al ríu dirixiéndonos escontra'l lladral oriental del valle; xubimos pola vallina la Ilesia hasta empericotiase na amplia collada abarganada d'un tupíu fayeu; más palantre xirar a la derecha por una sienda qu'encara un llaberintu de peñes que remata nel cumal del Picu Sienra ( 786 m.) , qu'a pesar de la so modesta altitú amuésanos n'ampliu abanicu de montes, tantu de Picos d'Europa, como de los cordales interiores de la rexón.A la drecha de la cueva sal un camin que xube hasta'l Colladin de Orandi, onde hai una cabana a la manzorga y d'equí p'alante el camín cullebreante baxa pela fastera boscosa del monte Auseva hasta l'antigua carretera de Los Llagos (agora empedrada); siguímosla hasta llegar a la Santa Cueva de Cuadonga, onde acabase esta facil y perguapa ruta.

LA XUNTANZA MONTAÑERA LOS MENISKOS ESTA LEGALMENTE CONSTITUIDA Y REGISTRADA EN LA FEDERACIÓN DE DEPORTES DE MONTAÑA, ESCALADA Y SENDERISMO DEL PRINCIPADO DE ASTURIAS. PROPONE Y COORDINA PARA SUS ASOCIADOS, DETERMINADAS ACTIVIDADES DE MONTAÑA. EL GRUPO DE MONTAÑA NO ASUME LA RESPONSABILIDAD   DE GUIAS DE MONTAÑA, NI DE CUALQUIER OTRO TIPO, RESPECTO A LAS PERSONAS PARTICIPANTES EN LAS ACTIVIDADES PROGRAMADAS, ADVIRTIENDO QUE ESTAS ACTUAN BAJO SU EXCLUSIVA RESPONSABILIDAD Y QUE CUALQUIER GASTO QUE SE OCASIONE ANTE ALGUN ACCIDENTE O EVACUACIÓN, ES DE CARGO DEL EXCURSIONISTA. SE RECOMIENDA, EN CONSECUENCIA, A QUIENES PRACTICAN EL MONTAÑISMO Y SENDERISMO, LA POSESION DE LA LICENCIA DEPORTIVA FEDERATIVA, CUYO SEGURO DEJA CUBIERTO ESTOS RIESGOS. ESTA CLAUSULA ES VALIDA PARA CADA UNA DE LAS PROGRAMACIONES DE LA X.M. LOS MENISKOS Y PARA CONOCIMIENTO DE TODOS LOS PARTICIPANTES. EL HECHO DE PARTICIPAR EN LAS EXCURSIONES, PRESUPONE LA ACEPTACIÓN DE ESTA CLAUSULA. QUIENES NO LA ACEPTEN, SE RUEGA NO ASISTAN A LAS ACTIVIDADES PROGRAMADAS