Familiae Linguarum
-
Upload
alfonso-blanco -
Category
Education
-
view
807 -
download
6
description
Transcript of Familiae Linguarum
Ata que as teorías evolucionistas de Darwin empezaron a ser aceptadas e aplicadas ás linguas humanas, a explicación da
diversidade lingüística baseábase no mito bíblico da Torre de Babel: todos os idiomas apareceran á vez nun pasado remoto e
permaneceran invariables desde entón. Por iso, as semellanzas como as que se daban entre as palabras que vemos na imaxe da dereita
atribuíanse á pura casualidade
A partir de entón, igual que nas especies
animais, as semellanzas entre
linguas comezaron a atribuírse tamén á
evolución. Na segunda metade do s. XIX
houbo moitos filólogos que realizaron multitude de
comparacións entre diferentes linguas, coa intención de atopar as
orixes das linguas actuais: William Jones, Friedrich von Schlegel,
Rasmus Rask, Franz Bopp e os irmáns
Grimm, entre outros, deron inicio ó que
chamamos Lingüística Comparativa
padre pare père pater
Se unha das linguas incluída no grupo das que mantiña semellanzas era máis antiga que as demais, cabía a posibilidade de que fora a
antecesora, ou “nai”, das demais
padre(galego-
portugués, castelán, italiano)
pare
(catalán)
père
(francés)
pater
(latín)
Así, pódese establecer unha especie de árbore xenealóxica:
LATÍN
Galego-portugués
Castelán Italiano Catalán Francés
father
(inglés)
Vater
(alemán)
vader
(holandés)
far
(noruego)
A comparación permite mesmo supoñer con seguridade unha lingua anterior a outras actuais, pero que xa non se conserve nin sequera
en textos escritos:
Proto-xermánico
Inglés Alemán Holandés Noruego
Unha vez dados estes pasos, a investigación lingüística permite remontarse máis aló no tempo, sempre que existan linguas antigas
conservadas. Por exemplo, é lícito supoñer que o latín, o protoxermánico e outras linguas de similar antigüidade que se lles
parezan teñan á súa vez unha orixe común
Na comparación o máis importante para poder extraer conclusións válidas é observar se as diferencias, cando as haxa, obedecen a un
patrón. Polo tanto, á hora de establecer relacións de parentesco entre diferentes linguas é preciso basealas na regularidade do cambio
fonético. Así, na táboa superior atópanse as seguintes correspondencias:
cor καρδία širdis heart
canis κύων šuo hound
septem ΄επτά septynetas seven
sal ΄αλς surus salt
LATÍN GREGO LITUANO INGLÉS
[k-] en grego e latín [∫-] en lituano [h-] en inglés
[s-] en latín, lituano e inglés
[h-] en grego
Cos datos que se teñen, está establecido que o latín e as linguas que proceden del pertencen a unha familia lingüística cuxos extremos
actuais se atopan en Europa e o subcontinente indio. Por iso, desde principios do s. XX o termo empregado para referirse a ela é o de
INDOEUROPEO ou FAMILIA INDOEUROPEA. Nas seguintes diapositivas citaremos os seus subgrupos e linguas máis importantes, ben atendendo ó seu número de falantes, ben á importancia histórica dos pobos que as
falan
As linguas célticas estaban bastante extendidas na Antigüidade, sobre todo en zonas da actual Francia, España e Italia. O éxito das linguas
romances e, máis tarde, do inglés, fixo que chegasen case a desaparecer, cousa á que axudou o feito de que case non tiveron cultivo
escrito, nin sequera na época no que o seu número de falantes.
Hoxe falan linguas célticas uns tres millóns de persoas na República de Irlanda, nas rexións autónomas británicas de Gales e Escocia, e tamén
na Bretaña francesa
Uns 400 millóns de persoas falan linguas eslavas, mentres as dúas linguas bálticas non chegan a seis. A máis estendida é, con moito o ruso,
seguido polo polaco, ucraniano e checo. Ocupan case toda Europa oriental, coa excepción dalgunhas illas de idiomas pertencentes a outras
familias, como o rumano, o húngaro ou o estonio
As diversas linguas indoiranias son faladas hoxe por máis de 800 millóns de persoas no subcontinente indio e na área do Golfo Pérsico. Ademais, pertencen a este grupo unha lingua xa extinguida nas que se escribiron
textos relixiosos moi importantes en Oriente: o sánscrito (lingua dos Vedas, libros sagrados dos hindús). O sánscrito evolucionou cara o actual
hindi (chamado urdu en Pakistán), falado por máis de 450 millóns de persoas na India e Pakistán
O grego moderno fálano 12 millóns de persoas en Grecia e Chipre. Procede do grego antigo, idioma no que se escribiron obras
importantísimas para a Cultura Occidental
Máis de 450 millóns de persoas falan linguas xermánicas, entre as que destaca por número de falantes o inglés, con máis de 300. Ademais, é a segunda lingua de 200 millóns máis e está recoñecida como a primeira
lingua de relación internacional.
Como ves, a lista de linguas emparentadas coas nosas é
moi grande. Ademais, as indoeuropeas son as linguas que máis viaxaron, ata moi lonxe da súa orixe. Pensa
agora en todas as demais que hai no mundo, e decataraste
de que a diversidade lingüística é un rasgo básico
da especie humana: se houbo unha única lingua orixinaria, hoxe non queda nin rastro
dela, e é moi improbable que se xamais se atope. O que non se pode negar é que
quen sinta curiosidade polas linguas ten diante un campo
enorme