Diasabra 2 Februari 2013

Diasabra Februari 2 2013 - Edicion-7 Vol.192102 Sta.Cruz#110 Tel: 585-9500 Fax:585-0951 - E-mail: [email protected] 1.50

Atraco ariba RBC Bank na Palmbeach

A usa arma pisa un biaha mas

Algun chauffeur di Arubus disgusta a pone trabao abao

Mike Eman cu actuacion

bochornoso den Parlamento

SEGUN RUMOR

Hoben Leer hayá na Panama

MEP DEN GOBIERNO LO

TRECE RESPET BEK DEN

PARLAMENTOMIKE EMAN TA UN MAL

EHEMPEL PA HENTER NOS

PAIS

Relaciona cu atraco na RBC Bank: INVAL NA VARIOS CAS AYERANOCHI!

Detencionnan a cay! Un di e sospechosonan tabata envolvi den un accidente fatal

riba Belgiestraat

Pagina 2 Diasabra Februari 2 2013

STA. CRUZ -- Melvin Tromp, miembro di Parlamento pa AVP, den reunion tocante Urirama a perde cabez. Mientras cu sr. Baba Herde tabata hiba palabra, Melvin Tromp a bati boca cu hendenan den publico y a bisa nan pa nan cera nan SM..L. Na

su lugar e presidente di parlamento a para e reunion y a hala su atencion riba su vocabulario. Tur hende conoce caba cu a pidi pa usa su nomber di cariño DONKEY; tur hende conoce tambe como un persona hopi violento, cu lo ta bringa den bar. Awor riba grabacion oficial di Parlamento ta pone pa tur generacion por mira, con e Parlamentario aki ta papia palabra malo den Parlamento. Esaki sin duda ta un berguenza y un masha mal ehempel pa nos comunidad, sigur nos hobennan. Esaki mester ta un señal tambe pa doñonan di e partido pa pensa dos biaha si kier bolbe pone e persona aki riba e lista berde.

MELVIN TROMP TA PAPIA PALABRA

MALO DEN PARLAMENTO

DUNANDO ASINA UN MAL EHEMPEL! STA. CRUZ -- Durante e reunion publico di Urirama nos a keda sorprendi pa constata cu nos Minister de Meza no sa kico tin para den e MER, cual ta e documento riba e impacto social y di medio ambiente, di e parke di molina na Urirama. Esaki a sali na cla na momento cu Minister De Meza a indica cu nos no sa di kico nos ta papiando, pasobra nos ta papia di metro cuadra siendo ta square feet nan ta referi na dje den e rapport. E rapport riba pagina 24 y 25 ta indica bon cla cu pa e proyecto di Urirama lo mester destrui 44.000 metro cuadro di naturaleza pa haci e proyecto posibel. Pa e parke di 10 molina di biento bira posibel na Urirama un total di 44.000 metro cuadra di vegetacion mester wordo destrui. Asina nos por lesa riba pagina

24 y 25: For a windfarm of a total of 10 turbines this means that an area of about 30.000 m2 will need to be cleared of vegetation. Along the existing road to the wind farm, an extra strip that is of 7 m wide must be cleared of vegetacion for the movement of the crane from one location to the other. Since the total length of the new windfarm will be about 2 km, an additional area of 14.000 m2 must be cleared of vegetation. E ta un lastima cu nos Minister de Meza no

a tuma tempo pa lesa e MER, sino nunca e no por a equiboca di e manera aki entre square meter y square feet. Tristo ta cu Minister de Meza algun siman pasa a hasta manda carta pa Parlamento pidiendo mas tempo pa por pasa den e MER y e otro documentonan relevante promer cu sigui cu e reunion di Urirama. Pero haciendo e equibocacion di awe, nos Minister ta demostra nos cu esaki tabata djis un excusa fofo pa asina no laga e reunion di Urirama bira un realidad pa asina nan wordo confronta cu e rosea cayente di e Pueblo. Ta bisto cu e proyecto aki ta un ‘done deal’ y pesey Minister de Meza no tin oido mas pa e preocupacion cu Pueblo ta trece dilanti y no ta importa si 44.000 metro cuadra di naturaleza prestino mester bay perdi.

Parlamentario di MEP, mr. Xiomara Ruiz-Maduro:

Minister de Meza no sa cu ta 44.000 metro cuadra di naturaleza

ta wordo destrui na UriramaE proyecto ta un done deal

STA. CRUZ - - CENSO ta informa cu tur persona cu a laga traha cedula durante luna di December 2012 cu ya caba nan por pasa busca nan Cedula. E dianan cu por busca e cedula ta di dialuna te cu diabierna. E orario ta, parti mainta di 7:30 pa 11:30 y parti atardi di 13:00 pa 15:30.

Por pasa busca Cedula na CENSO

STA. CRUZ – Ta dos dia pasa a haci entrega di e autonan nobo di polis, y ya esaki a daña y para na caminda. Ora a

bay testnan luna atras, tabata tin fayo cu e zwaailichten cu tabata di 24 v y esaki mester ta 12 v. Mester a haci un

cambio completo riba e marca Volkswagen pa Polisnan di K9 Unit . E auto aki ta pa transporta e cachonan pa haci nan trabao. E autonan aki a ser entrega siman pasa na e Alto Comisario door di Minister. Bayendo pa atende un asistencia cu urgencia, e Volkswagen a daña riba caminda. E no por a bay ni dilanti ni patras riba e brug di Santa Cruz. Takelwagen a busca e vehiculo y hib’e bek garashi.

Prome dia auto nobo di polis riba caya y ya el’a a daña mey

mey di caminda

Testigo a gara ladron y a entregue

na polisSTA. CRUZ -- Asistencia di polis cu urgencia a wordo pidi diahuebs 11.45 na un cas den Bernhardstraat, unda e ladron ta den e cas y el’a wordo gara. Ora cu polis a yega, a resulta cu e ladron a logra core bay. Pero e testigo a bay su tras y a logra pone man riba dje den L. de Colygniestraat. Polis a tum’e over y a hib’e warda unda el'a keda cera.

Pagina 3Diasabra Februari 2 2013

STA. CRUZ -- Ariba e foto aki por observa Mike Eman, lomba dobla, gezak, cerca Marisol Lopez - Tromp y Mervin Wyatt - Ras. Parlamento ta tratando e proyecto di Urirama cu tin

efecto di salud ariba habitantenan. Sinembargo parce cu tur cos ta cla y aki Mike Eman ta conversando, mas bien, convenciendo Marisol y Mervin pa sostene su proyecto.

Mike Eman convenciendo Marisol y Mervin den

parlamento riba Urirama

STA. CRUZ -- Ta kico mas tin cu tuma lugar riba e pida baranca aki pa pueblo realiza cu e gobierno di Mike Eman no tin derecho pa keda ni un solo seconde mas den gobernacion? Mientras parlamentarionan di AVP mano a mano cu un boshi di bochinchero di AVP sinta riba tribune di Parlamento tabata comportando nan mes manera hendenan den un pelea cayehero, atracadornan tabata haci fiesta cu atraco riba banco. E proyecto di Urirama unda cu gobierno di Mike Eman cueste loke cueste kier bay hinca pueblo den debe di miyones, ta mas importante cu seguridad di pueblo. E atraco cu tuma lugar ayera riba un banco di RBC na Noord, a pone cu tur banco a dal porta cera di inmediato y lo habri bek te dialuna proximo. Pa prome biaha den historia cu algo asina impactante a tuma lugar, unda cu un atraco

cu riba su mes no tabata devastador (danki Dios!) a pone cu tur banco mester a wordo cera di inmediato. No tabata trata di un atraco unda cu tabata tin bashamento di bala y cu hende a keda herida of muri. Pero e solo hecho cu tur banco a dicidi cu ta dal porta cera, esey tabata un señal bon cla y raspa den direccion di gobierno di Mike Eman, cu banconan no ta confia gobierno mas riba tereno di seguridad en general. Banconan no por depende mas riba gobierno di Mike Eman y ministro di husticia Dowers pa seguridad di personal di banco y nan clientenan. Esey a keda demostra ayera cu e accion relampago di tur banco pa cera porta te dialuna. Si banconan mes no ta confia gobierno mas pa percura pa seguridad en general, anto ta ken si por sigui confia gobierno di Mike Eman? Den Parlamento 12

marioneta di fraccion di AVP Plus tabata ocupa pa tira un atraco riba placa di pueblo cu e proyecto di Urirama y pafor di Parlamento atracadornan tabata sigui e ehempel di gobierno. Na final di dia ta pueblo a sali atrobe malamente perhudica pasobra ta con tur hende cu tabata tin mester di placa pa cumpra cuminda durante fin di siman mester a haci? Awor mas cu nunca mester bin un accion relampago pa manda e gobierno di Mike Eman y Dowers cas pasobra asina aki cos no por sigui mas. Ayera tabata banconan cu mester a dal porta cera; mañan ta cual instancia ta na beurt? Aeropuerto di Aruba tambe lo wordo cera te dialuna si riba un diabierna un atraco wordo haci eynan? Gobierno di Mike Eman a demostra cu nan no por garantiza seguridad di e pais aki mas.

ATRACO RIBA BANCO A DEMOSTRA:

GOBIERNO NO POR GARANTIZA SEGURIDAD DI

PUEBLO MAS

STA. CRUZ -- Ayera anti-socialnan a drenta un cas na Papilon y a bay cu computer. E famia a perde tur cos cu nan a traha pe; te hasta nan a bay cu laptop y keds nobo y tambe flatcreen. E famia ta hopi decepciona.

Por mira cu cada dia nos pais ta mas insegur. Regularmente tin ladronicia y atraconan ta tuma lugar y ainda minister Dowers ta pretende cu ta percepcion di pueblo.

Na un cas na Papilon:

LADRONNAN TA HORTA COMPUTER , LAPTOP Y

FLATSCREEN!Aruba dia pa dia mas insigur!!!

Persona honesto ta entrega cartera cu placa

STA. CRUZ -- Un persona ta bay warda di polis diaranson 19.39 y ta entrega polis un cartera cu ela haya abao. Den e cartera tin algun bon y tambe placa. El’a bisa polis cu un auto Toyota Yaris a pasa bay y despues el a haya e cartera. E ta bisa cu supuestamente e cartera a cay for di e auto.Polis a pone e cartera den caha fuerte pa su doño bin reclam’e.


STA. CRUZ -- Diabierna un rato prome cu 1 ‘or di merdia, 3 persona arma a tira un atraco riba RBC Bank na Palm Beach. Nan a drenta banco y exigi placa. E anti- socialnan a logra bay cu basta placa. E suma exacto no ta conoci ainda. Tambe nan a bay cu tas di un cliente cu tabata den banco na e momento di atraco. E tres personanan a sali cu nan botin for di banco y aparentemente a lanza algun tiro, pasobra a encontra varios huls banda di Caribbean Store. E atracadornan a huy den un Daewoo Racer blanco nr. A 12989. Nan a bay direccion panort. Den e caminda di tera nan a laga e auto atras y a subi den un supuesto pickup cual marca ta desconoci. Den e Daewoo Racer blanco tabata tin varios paña di cama cu tabata baña di gasoline. Aparentemente e atracadornan tabata tin intencion di kima e auto pero pa un motibo of otro nan no a logra esaki. Polis y autoridadnan concerni a bay na e banco concerni pa haci mas investigacion. Personal di ambulance a presenta pa duna asistencia

na e personanan cu a experiencia e atraco brutal aki. E atraco arma aki ta den man di autoridadnan concerni pa mas investigacion. Aruba ta atrobe den gara di atraco. Delaster atraco tabata esun ariba e Joyeria banda di Paseo Herencia. Awor nan a bira mas profesional. Nan a atraca banco mes. Un biaha mas tambe nos por mira cu armanan pisa ta circulando ariba nos Isla. Cuerpo Policial a duna ordo pa tur agente bisti chaleco anti-bala.

Atraco ariba RBC Bank na Palmbeach A usa arma pisa un biaha mas


For more information call 582 5600 - Schotlandstraat 61

3 COURSE CARNIVAL SPECIAL

AppetizerFried Funchi w/ mozzarella cheese topping

Main CourseMachi Betti's Arroz con Pollo (Best Seller)

DessertPeacock PalletePeacock Pallete

FREE glass of wine or Balashi Beer

Only $25

* Machi Betti's Arroz con Pollo

*This offer is valid only during Carnival Season. Reservation Required.

Waka Waka Jammin' Special

-

STA. CRUZ -- Ministro Dowers tambe a toca turno pa bay haci dushi na Universidad di Harvard na Merca, mescos cu Mike Eman kende tambe a bay gaba su mes y su gobierno dilanti di un grupo di profesornan A m e r i c a n o . Gobernacion ta pasando den e momentonan mas devastador den historia di e pais anto ministronan di Aruba ta bay gaba nan mes na Universidad di Harvard na Merca. Dowers apenas a caba di tira speech pa gaba su mes y su maneho na Harvard y ata na Aruba banconan tur mester a core dal porta cera di inmediato pasobra atraco arma a pone cu banconan a bisa ta basta y cu nan no por confia gobierno di AVP mas pa seguridad

contra crimen pisa. E ta un berguenza grandi pa un ministro di husticia, kende a caba di bolbe di exterior unda cu el’a bay pa profila su mes y gaba con bon e ta maneha su cartera di husticia y enseñanza anto na ‘su mesun pais’ e no por percura pa seguridad di banconan cu ta wordo atraca. Esey nan no sa na Harvard mescos cu na Harvard nan no sa con malo Mike Eman ta gobernando cu su proyectonan di locura di Green Energy. Placa cu a wordo malgasta a bay djo djo na Merca pa bay haci dushi na Universidad di Harvard por a wordo hinca den Cuerpo Policial cu no tin ni oficina drechi y limpi di tur sorto di maleza manera na Warda di polis na Playa.

MINISTRO DOWERS A CABA DI TIRA SPEECH NA HARVARD

UNIVERSITY MIENTRASNA ARUBA MES

DOWERS NO POR PERCURA PA

SEGURIDAD DI PUEBLO

STA. CRUZ -- Despues di varios retiro of schorsing, empleadonan di Arubus masalmente a dicidi pa pone trabao abao y blokea entrada di e compania. Ta trata di 23 caso di schorsing y

retiro. E problema ta di smartcart y teller. Tin un diferencia entre e dos sistemanan aki. Na comienzo e empleadonan a puntra e hefenan. Hefenan a bisanan cu nan tin cu entrega placa a base

di e machine. Esaki a ocasiona e problema unda cu kier retira 23 mama y tata di famia. Asina Magaly Brito di Seppa a informa nos redaccion.

Arubus a pone trabao abao

Casino cu problema pa paga

ganadornan STA. CRUZ -- E muher F.P.D.M.naci na Venezuela di 53 aña, a bay warda di Noord diarazon atardi y ta bisa polis cu dia 7 di december, el’ a gana 345 dollars den un casino di un highrise hotel. Ora cu el a bay cobra e voucher, nan a bis’e cu nan no tin placa. Ora cu el a bay bek dia 8 di december, tampoco nan no por a pague, como cu no tabatin placa.. Esaki a sosode varios biaha y dia 28 di december, el a papia cu e manager, un tal C, kende a tuma su nomber .Dia 30 di december, el a bay papia cu e manager C, pero a resulta cu e manager a perde su informacionnan. Polisnan a bisa F.P.D.M. cu e mester haci un caso civil, mirando cu ta trata di un mal pagado. F.P.D.M. tambe a wordo conseha pa busca e otro hendenan tambe cu no a haya nan placa y pa nan haci un caso civil contra e casino. E tabatin e voucher cu e number di e machin riba dje.


Cu un dolor na mi curazon mi por a sigui un reunion di Parlamento di un nivel di mas abao cu Aruba por e yega den su existencia. Un Presidente di Staten, Dammers cu no ta sirbi pa nada y cu no sa unda su cara ta para, corda pa dirigi un reunion di Parlamento cu ta asina importante pa e pueblo di Noord y di Aruba. E 10 Molinanan di biento aki ta un contract y promesa di campaña cu Mike Eman a mara su mes y a priminti e desaroyadornan di e proyecto pa haya placa pa campaña y cu Mike Eman no por hala atras pa ningun hende y cu cueste lo que cueste Mike Eman mester cumpli cu e grupito di Piratanan macamba, ladron y sinberguenza cu kier bin horta Aruba placa di e pober pagadornan di belasting. Mike Eman ta consenti y permiti pa e piratanan Hulandes horta placa di pueblo di Aruba, pasobra e no ta sali for di su saco. Tristo ta cu Mike Eman a demostra cu e no tin ningun sorto di respet pa catoliconan di Alto Vista, Noord y Aruba. Alto Vista ta un pida tera sagrado pa tur hende cu ta biba aki na Aruba. E tin un inmenso trankilidad ora Bo ta den e Kapel di Alto Vista, E ta pone Bo sinti cu Bo ta den braza di e Virgen di Rosario y cu su caricianan ta kita tur bo pena y bo dolornan y cu Bo ta sali cu un curazon contento for di e Kapel di Alto Vista. Tristo ta cu ta esaki e 12 Parlamentarionan, Mike Eman y su Ministernan kier kita for di e Pueblo Catolico di Aruba. Nos tur cu ta Catolico mester condena e acto di abuso y bochornoso aki. Nos prome misa catolico na Aruba tabata Kapel di Alto Vista unda cu indiannan a haya nan bautismo y nan fe catolico. Eynan hendenan di Noord tabata bay nan misa, cu te awe Kapel di Alto Vista a keda algo sagrado pa tur esnan cu ta biba na Noord y pa Aruba henter, pasobra den e Kapel di Alto Vista Bo ta haya e trankilidad, cu Bo no ta haya na ningun otro lugar aki na Aruba y ta esaki Mike Eman kier kita for di e pueblo di Aruba y e pueblo di Noord. Si Mike Eman tabata un Catolico hamas y nunca lo E a haci esey cu e pueblo di Aruba, pero lastima E ta un hudiu; su misa ta un Sinagogo na Playa y nos no por lubida cu ta Hudiunan a mata Jesus y awor Mike Eman kier mata e trankilidad cu nos catoliconan tin ora nos bay reza den e Kapel di Alto Vista, hunto cu su 12 Parlamentarionan Hudas, Caifas, Satanas Lucifer y lo demas pa castiga y trapa ariba e pueblo di Noord, Alto Vista y tur e catoliconan cu tin aki na Aruba. Dios lo no castiga Mike Eman y su 12 Parlamentarionan, nan lo auto castiga nan mes na September den e proximo eleccion. Pueblo si lo sa di castiganan y lo no vota pa nan, pa e abuso di a mustra Noord y Alto Vista cu nan no tin derecho di reclama nada. Ta Mike Eman ta manda y Noord Alto Vista y tur e Catoliconan por wel di sigui grita manera yeye, pero e Diez monsternan di Molina di Biento ta bini toch y cu lo no tin nada

pa stroba Mike Eman di su decision di su promesa di campaña di September 2009 cu e desaroyadornan di e Proyecto di Urirama cu 10 Molina di Biento y si Mike Eman no cumpli cu su promesa, puyitonan lo cuminsa bula sali for di macuto. Pakico tanto interes den mas Molina di Biento si coriente no ta baha ni un cent preto; bisa pueblo di Aruba kende ta esun cu lo bay cobra hopi placa bao di mesa. Molinanan di Biento di Vader Piet a demostra cu coriente no a baha. Aruba su problema ta BRANDSTOF - CLAUSULE, cu ta mas halto cu coriente. Si por a baha B.B.O pa Valero, mester por baha BRANDSTOF - CLAUSULE tambe pa e pueblo di Aruba. Vader Piet no tin un Kapel cu por bisa cu ta stroba trankilidad di un misa. Vader Piet no tin 900 cas di famia cu ta biba cerca di e Molinanan Biento. E unico cu ta sali gana den e proyecto di 10 Molina di Biento na Urirama ta Mike Eman y su Piratanan Hulandes. Tristo pa Bo waak con Mike Eman tin Playa. E ta tur na werki, kibra akinan, coba ayanan. Tur trabao cu Mike Eman a laga haci na Playa y rond Aruba ta na mitad. A malgasta y a derocha placa di e pagadornan di Belasting sin ningun consideracion. San Nicolas, Mike Eman a lubida por complete, no tin nada pa nan pasobra nan ta preto. Hamas di mi bida lo mi lubida un dicho di Henny Eman (q.e.p.d) cu a bisa, si Bo primi e Negronan lep di taira di San Nicolas, bo ta haya asfalt pa traha caminda nobo pa San Nicolas. Tambe a laga pone skopet y bayonet ariba lomba di trahadornan di Lago, pa nan bay traha y a bisa tambe cu hamas un Eman por casa cu un hende color scur. Nan mester casa cu un blanco, wowo blauw. Valero a regala San Nicolas un tereno a laga cer’e cu blokki un aña y mey pasa pa San Nicolas haya su Carnival Village y Mike Eman no kier cumpli cu deseo di San Nicolas. Mi no ta lubida tampoco con Henny Eman (q.e.p.d) mester a bay cera pasobra E a abusa di un menor di edad. Henny Eman (q.e.p.d) lo a laga sa cu e mester traha hopi yiu di afor pa mañan E tin soldaat pa A.V.P.. Berdad ta E tin hopi yiu di afor tambe, pero un si a mand’e prizon. Wim Lampe (q.e.p.d) cu tabata Minister di Husticia di A.V.P e tempo ey a bandona fila di A.V.P y a drenta fila di P.P.A, pa motibo cu nan a cualifica Henny Eman (q.e.p.d) pa un pedofil y a mand’e prizon.. Ta pesey Historia di A.V.P no tin nada agradable pa conta, corda pa canta. E unico cantica cu mi ta corda di A.V.P ta: E barco di Aruba cu Henny na su timon cu kier saca tur e cachicambitonan ( macambanan) cu a laga cer’e den prizon VOZ DI PUEBLO TA VOZ DI DIOS

Hiacintha Thijsen Trimon

Remetido

MIKE EMAN HUDIU Y DICTADOR DI ARUBA Permitimi trece mi opinion pa dilanti


® Registered trademark of Royal Bank of Canada. Used under licence

RBC Royal Bank ta informa cu Noord branch lo ta cera riba dialuna 4 di februari 2013. Pa cualkier servicio bancario por pasa na nos otro branchnan (Sasaki, Mainstreet, San Nicolas).

Nos ta ofrece nos disculpa pa e inconveniencia cu esaki lo por trece.

Anuncio

STA. CRUZ -- Pa tanto cu ATIA y Camara di Comercio tabata gaba cu Dialogo Social y tabata lembe na ordo tras di tur loke cu Mike Eman y consorcio tabata dicta pa nan, ata atrobe comercio cu ATIA y Camara di Comercio mester defende ta sali malamente perhudica door di maneho di gobierno di AVP. Banconan a haya nan mes ayera den pura ta dal porta cera despues di un atraco cu a tuma lugar riba RBC na Noord. Ningun banco ta bay cera sin mas tur su oficinanan di tal forma pasobra nan mes tambe ta wordo afecta door di tal accion. Pero nan no tabata tin otro opcion pa garantiza seguridad di nan personal y nan clientenan. E accion relampago di banconan pa tur cera te dialuna

proximo tabata un otro sla mortal pa comercio en general. Tur pago, cobransa of transaccion bancario cu comercio mester a haci en persona via oficina di banconan a keda pega te dialuna. E daño financiero, economico y comercial lo ta grandi pasobra comercio mescos cu pueblo lo keda 2 dia y mey sin por atende cu asuntonan bancario via oficinanan di banconan. Ta kende ta bay para responsabel pa e dañonan aki cu por core te hasta den miyones, dependiendo kico tur mester a keda atendi na banconan diabierna ultimo?! Unda ATIA y Camara di Comercio y tur otro gremio di Dialogo Social a keda awor pa expresa nan mes riba e hecho cu gobierno di Mike Eman no por

garantiza seguridad mas en general cu te hasta tur banco mester a cera pareu diabierna ultimo? Esaki ta e resultado di e Green Energy, Europe Meets America, Wubbo cu su Bootje, Urirama, Linear Park y asina por sigui menciona tur loke cu Dialogo Social a tolera y te hasta encurasha cu nan sosten na e maneho descabeya y destructivo di e gobierno di Mike Eman. Awor comercio y pueblo en general kier waak cara di Van Trigt di ATIA, Maduro di Camara di Comercio, Magaly, Rudy y demas participante di Dialogo Social pa nan reacciona riba loke a pasa y mustra cu gobierno mester para responsabel pa e dañonan cu comercio y pueblo a sufri. Mustra cara awor!

Ceramento relampago di banconan despues di atraco

COMERCIO TA BOLBE HAYA GOLPI MORTAL DI GOBIERNO

STA. CRUZ -- Durante e ultimo tres añanan, según parlamentario Arondino Croes, nos por a tende Prome Ministro Mike Eman broma cada biaha cu e ta crea un brug entre Europa y Latino America. E siman cu a pasa ainda por a scucha di e actividad di ‘Europe meets America’. Tambe según parlamentario Arondino Croes nos por corda e protocol firma pa Aruba busca negoshi pa Hulanda. Awor e weekend cu a pasa a tuma lugar na Chile un reunion di CELAC entre paisnan di Caribe y Latino America y r e p r e s e n t a n t e n a n di Union Europeo pa estrecha y mehora lazonan di relacion comercial. Durante e reunion ta resalta e posicion unico di Chile como unico pais di Latino America cu ta cosecha di su relacion di un tipo di LGO cu Union Europeo. Manera conoci e relacion aki di LGO tambe Aruba ta conoce te awor. Mirando cu nan a constata cu loke Gabinete Eman ta haci ta puro cosmetica y cu nada tabata basa ariba e realidad di e pais aki a dicidi di laga Aruba afor y cu nos Promer Minister no ta bonbini na e cumbre di Chile. Nan a cuminsa haya sa e berdad cu Gabinete Eman ta boga constantemente pa UPG cu no tin e derecho pa tin tratado ariba e relacion nan di inversion internacionalmente.

Según Parlamentario Arondino Croes Gabinete Eman ta man na cabez y ta tur desespera awor cu nan no ta confia nan mas. Nos por constata cu ora di berdad a yega unda Promer Ministro Mike Eman y AVP no ta bon bini mas na tipo di conferencia nan asina aki pasobra ta observador so nan lo por ta y no por participa directo den decisionnan grandi cu e paisnan grandi. Te hasta comunidad internacional a haya sa cu Gabinete Eman ta laga tur cos na mitad. Nan no a cumpli cu elimina BBO y laga na mitar, Linear Park no ta cla y a baha e suma di e proyecto na mitar, Caya Libertador Betico Croes a wordo laga na mitar y ta un desaster. Según Parlamentario Arondino Croes ta bon pa pueblo tuma cuenta cu e escogencia entre LGO y UPG den e siguiente eleccion, pa Aruba por sigui busca beneficionan cu Europa sin entrega parti di su autonomia y manteniendo su moneda.

Según Parlamentario di MEP, Arondino Croes:

Promer Ministro Mike Eman no ta

bonbini na cumbre di CELAC na Chile

STA. CRUZ -- Presencia di polis a wordo pidi diahuebs 12:10 na un cas na Santa Cruz, na unda supuestamente ladronnan a drenta den un cas. Na e cas e habitante Y. a bisa polis cu su yiu muher y e alarma a lant’e for di soño.

El’a bisa cu su Harley Davidson tabata para dilanti entrada di su cas, pero ora cu e alarma a zona, e ladronnan a core bay. El’a bisa cu e no tin falta di nada. Polis a controla den vecindario, pero no a topa cu nada.

Alarma a spanta ladron


STA. CRUZ – Despues di un investigacion riguroso autoridadnan a haci inval na varios cas den Paradera y Noord. Varios detencion a cay. Un total di 11 persona a wordo deteni relaciona cu e atraco cu a tuma lugar ayera despues di merdia na RBC Bank Branch na Palm Beach. Recherche den in forma relampago a pone man riba 11 sospechoso. Esaki tin di haber cu e atraco riba RBC. A haya basta material procedente di e atraco.Detencionnan a tuma lugar na Paradera y Noord. Tur awor ta den man di autoridad y mester bay duna cuenta.

Relaciona cu atraco na RBC Bank:

INVAL NA VARIOS CAS AYERANOCHI!Detencionnan a cay


STA. CRUZ -- Riba dia di San Valentino 14 Februari News On 1100 ta regala un pasashi pa bay Curaçao. For di aña pasa News On 1100 ta regalando varios premio

na su usuarionan. Hopi ta interesa pa haya e noticia na momento algo pasa. Awor ta bo chens: sms e palabra News On y mand’e pa e number 1100 via bo Digicel of

Setar y participa pa 14 di Februari pa un pasashi pa Curaçao. Alavez kier a informa cu den proximo lunanan lo bay conoce diferente otro premio.

News On 1100 ta hibabo Curaçao riba Valentine’s Day

STA. CRUZ -- Hopi a bishita e Jump In di Kooyman Mega Store for di 7’or pa 11’or di anochi cu banda Le Groove y tambe TBS Brand cu a anima e publico. Un bar y cushina bon surti hopi a goza e anochi. Pa haya mas potret, subi www.zoomaruba.com

Jump In di Kooyman Mega Store bon

bishita y hopi anima


STA. CRUZ -- Riba diabierna 1 di Febrauri 2013, pa mas o menos 12:50 pm central di polis a wordo notifica cu un atraco arma a tuma lugar na RBC (Royal Bank of Canada) na Palm Beach branch. Patruyanan a wordo manda na e sitio unda cu nan a wordo informa cu tres hende homber, arma cu arma di candela chiquito y tambe un arma di candela largo, a drenta atraca e banco y despues huy den un auto blanco marca Daewoo. Segun informacion na e sitio, nan a los algun tiro cu arma di candela ora nan tabata pafor di e banco, durante nan huida. Patruyanan cu a cuminsa cu un buskeda den vecindario a bin haya e auto un paar di minuut despues den vecindario di Koyari. Informacion di testigo a bisa cu probablemente e atracadornan aki a huy despues den un pickup

Toyota Hilux color di oro cu tinted glass. Segun informacion di e atracadornan, ta trata di tres hende homber. Tur tres cortico (+/_ 1.60 meter) , color cla, cabey preto corta cortico. Cuerpo Policial ta pidi cualkier persona cu por sa algo of cu por a waak algo pa por fabor yama tiplijn di polis 11141 y duna informacion anonimamente of yama central di polis na 100. Atraco Team y investigadornan tecnico a bay na e sitio pa inicia e investigacion. Patruyanan riba caya ta den estado di alerta. Di parti di Korpschef sr. Richardson ta pidi pueblo pa coopera cu e investigacion pero tambe pa keda trankil y cu un confianza grandi cu e caso aki lo ser resolvi den un tempo razonabel. Asina cu tin mas informacion lo duna esaki na su debido tempo. --

Informe di Cuerpo Policial:

Atraco riba RBC Palm Beach

STA. CRUZ -- E contestacion di Ministernan den e reunion di Parlamento tocante Urirama, no a percura pa sorpresa, tabata mas bien e mesun cantaleta di semper. Mike Eman a insulta Evelyn Wever-Croes na forma masha vulgar mes. Segun Mike Eman Wever-Croes lo a goza di placa ilicito. Pues cu Wever-Croes lo a kibra ley. Riba esaki Wever-Croes a duna e siguiente reaccion. “ Mi a ripara cu minister- y parlamentarionan pa falta di argumento, kier pa ami carga tur responsabilidad di e 8 añanan di gobernacion di MEP. Si Mike Eman kier esaki, anto e mester para responsabel pa tur e mal gobernacion di gobiernonan di su ruman Henny Eman, e gobierno mas corupto cu nos a conoce. E gobierno cu a duna nos e gran berguenza di haya un minister condena, ex - lider di partido AVP. Pero pueblo mes a papia caba y nos no ta keda pega den tempo.

Nos ta waak padilanti y mi ta conseha Mike Eman pa e tambe haci’e. Y si tin un hende cu den gobierno di MEP a haci algo malo, denunci’e. Pero no keda yora 3 aña largo y keda sin haci nada. Si un hende a viola ley, bay Ministerio Publico y denunci’e. Si bo no denunci’e, keda keto! Realidad ta cu Mike Eman no tin nada contra ningun ex -gobernante di MEP, sino lo el’a bay Ministerio Publico caba. Mike Eman ta asumi un actitud hopi cobarde, pasobra e ta prefera di

sconde tras di imunidad parlamentario, caminda e por gaña kico cu e kier. Pero e no tin e curashi di ripiti e mesun palabranan pafor di Parlamento, pasobra ya un huez imparcial a pone rectifica caba. Nos pais no merece un lider asina negativo, frustra y cobarde. Nos pais merece un lider cu tin amor pa e pais aki, sin tanto odio y negativismo. Nos pais mester cambia di rumbo, cu MEP den gobierno bo lo mira e cambio aki. Den debatenan den Parlamento bo ta bay mira respet di ariba pa abao, es decir di tur e ministernan pa e parlamentarionan. Den temponan dificil, MEP lo percura pa uni e pais aki y no des-uni e pais aki. MEP den gobierno lo duna e ehempel ey pa por cambia e rumbo di nos pais. E prome minister actual Mike Eman ta un mal ehempel pa nos pais.

MR. EVELYN WEVER-CROES DI MEP:

MEP DEN GOBIERNO LO TRECE RESPET BEK DEN

PARLAMENTOMIKE EMAN TA UN MAL EHEMPEL PA HENTER NOS PAIS

STA. CRUZ -- Parlamento pa di dos dia a trata e tema di Urirama. Diabierna a toca turno na e ministernan pa contesta. E ministernan tabata masha insolente, y a tuma masha hopi tempo, pero sin bisa nada. Hopi insulto di nan parti y trocemento di berdad.Por cierto mester remarca cu Mike Eman a lanta bay saluda e publico, no na principio di e reunion, sino hopi mas despues ora camera di Canal 15

a yega. Manera un “camara-accion”! Parlamentario di MEP, mr. Xiomara Ruiz-Maduro mester a bay mustra minister Mike de Meza cu e ta papia co’i loco. Pero esun cu actuacion mas mahos di tur tabata Mike Eman. Mike Eman durante un ora largo a papia hopi pero nada di haber cu e tema di e reunion. Eman a papia di 8 aña di gobierno di MEP, di huurmento di edificio, di dump, di inhusticia social, di e salimento di hendenan di partido MEP. E publico a bira impaciente, especialmente e tantisimo coordinadornan cu tabata presente den sala. Presidente di Parlamento mester a para e situacion aki y a schors e reunion diferente biaha te alrededor di 5’or, cu a menaza publico cu lo saca nan afor. Finalmente presidente di parlamento, Chris Dammers a suspende e reunion te pa diarazon. Mike Eman su discurso a cay den masha mal tera di tur tur hende. Mike Eman tabata expresa un odio y sed di venganza masha mahos mes. Un negativismo, cu nos no mester den un lider. Ta tempo pa nos pais haya un lider cu si tin curazon pa e pueblo aki y ademas no ta asina negativo.

Mike Eman cu actuacion bochornoso den Parlamento

STA. CRUZ--Na ciere di nos redaccion a drenta un informa no-oficial cu ta bisa cu e hoben Giorino Leer cu a perde ariba lama a wordo localiza na Panama. Ta ser bisa cu a encontr’e ta drief den su boto unda e tabata tin un vest bisti. Mucho informacion nos no a

logra haya ni tampoco na ciere di nos redaccion nos no a logra confirma e noticia aki. Sinembargo e noticia aki a wordo gepost pa un ruman di Giorino Leer ariba su Facebook, dunando indicacion cu e famia a haya contacto unda e famia a confirma e noticia.

Inoficial:

Hoben Leer hayá na Panama


STA. CRUZ -- Recientemente RBC Royal Bank N.V. a join PriceSmart cu nan “Advantages Program”. E “Advantages Program” aki a wordo crea pa tur cliente cu tin un PriceSmart Diamond Card of Business P r i c e S m a r t Membership, unda cu cada cliente di PriceSmart ta sali beneficia cu d e s c u e n t o n a n super atractivo. Esaki door di simplemente mustra bo PriceSmart Membership Card na e diferente c o m p a n i a n a n participante. RBC Royal Bank mescos cu diferente otro companianan a uni na e campaña aki pa asina por brinda su clientenan un

servicio extra preferencial. Cu e programa aki, RBC lo regala e prome aña di subscripcion di pago na tur cliente cu aplica pa nan Visa Classic Credit Card. E oferta aki ta valido pa tur PriceSmart Diamond Members como tambe Business Members y solamente pa tur cliente cu aplica pa un Visa Credit Card nobo cerca RBC Royal Bank. No perde e tremendo oferta aki y bishita bo RBC branch preferi pa bo aplicacion di bo propio Visa Classic Credit Card. Pa mas informacion por tuma contacto cu RBC Royal Bank na 5880101 of por bishita nos website www. rbc.com/Caribbean.

RBC Royal Bank orguyosamente

tamba ta forma parti di PriceSmart su

“Advantages Program”

STA. CRUZ -- Diabierna merdia algun trahador di Arubus a pone trabao abao, mustrando asina nan disgusto cu loke ta pasando eynan. Segun nos por a comprende di esnan para pafor, cu algun dia caba gerencia ta mandando trahador cas . E motibo ta segun nan ta sigui conta nos , e sistema nobo cu nan a introduci lo no ta cuadra cu e caha. Dus e "teller" segun e Direkteur no ta cuadra cu loke e placa cu ta drenta den caha. Asina ey e Directeur ta acusando nan di verduistering, dus probablemente cu nan lo ta mishi cu placa.

Tin trahador cu a yega e diabierna mainta cla pa traha y nan ta wordo yama paden pa papia y bisa cu nan mester bay cas pa motibo ya menciona. Mas o menos un 20 empleado ta ser acusa di mishi cu placa. Segun e empleadonan, nan a avisa e Director cu e teller den bus ta fayo, pero aparentemente nan lo no a haci caso.

Tin empleado trahando 4 aña y otro 17 aña cu a ser manda cas. Na e sitio nos por a waak sra. Magaly Brito y tambe sr. Edmundo Marlin cu a bin pa pone nan mes na altura di loke tabata pasando eynan. Empleadonan na dado momento a blokia ambos entrada pa niun bus por sali. Presencia di Polis a ser pidi tambe. E caso aki lo bira sigur uno hopi interesante, ora tin acusacionnan serio manera esun aki contra mas o menos 20 empleado.

Algun chauffeur di Arubus disgusta a pone trabao abao

STA. CRUZ -- E homber D.V.D.V. naci na Hulanda di 61 aña, diahuebs mainta kier duna keho di ladronicia di su brommer. Segun el’a bisa polisnan cu e ladronnan a ranca e scharnier di e porta pa nan a habri’e y bay cu e brommer. Ta trata di un brommer Keeway color corra sin number. Segun e ta bisa polis, ladronan a horta e brommer dia 30 anochi pa 31 den oranan di mainta. Polis a tuma su keho.

Ladronnan a ranca porta pa bay cu

brommer


Apartamento, 2 kamber, 1 baño, cushina, sala, comedor. Full muebla, airco!

Afl. 100.00 pa dia inclui awa y coriente.Available pa December, Januari y Februari.Situa na Noord, banda di Texaco Sasaki, 2

minuut di beach y hotelnan grandi.

Tel: 567-9696

TA HUUR

STA. CRUZ -- Aruba Bank ta anuncia cu su oficina principal situa na Camacuri, pa motibo di seguridad lo ta cera mañan

diasabra dia 2 di Februari pa publico. Aruba Bank ta disculpa pa e inconveniencia aki y ta yama danki pa e comprension.

Gerencia di Aruba Bank:

Aruba Bank Camacuri ta cera diasabra dia 2 di

FebruariEsaki pa motibo di seguridad

☎ 585-9500

PUEBLO A HAÑA SU PEN BEK

Pa kualkier [email protected]

of

STA. CRUZ -- Departamento di Impuesto ta recorda su clientenan cu diasabra dia 2, 9 y 16 di Februari tambe por haci pago di impuesto di vehiculo di motor 2013. Alavez ta posibel pa haci pago di otro tipo di impuesto.

E orario di caha lo ta non-stop for di 8:00am te cu 2:00pm. Despues di haci pago e cliente por pasa busca su plachinan di number mesora durante e orario menciona. Mester remarca cu e servicio extra aki no ta conta

pa esnan cu ta desea di paga na e Oficinanan di gobierno den districto ya cu e oficinanan aki no ta habri diasabra. Departamento di Impuesto ta spera di por yuda mas tanto cliente posibel den e dianan venidero.

Servicio di Impuesto - SIAD

Awe diasabra tambe por haci pago di impuesto di vehiculo di

motor

STA. CRUZ -- Un persona a bay warda di polis diahuebs pa 7:15 y a bisa polisnan cu el’a mira un homber grandi maltrata un mucha chikito cu mokete den un pickup na haltura di e luznan di trafico

na Piet. El’a bisa cu e pickup tabata staciona riba e acera y el’a mira e homber bati e mucha cu mokete. Ora cu e otro chauffeurnan a cuminsa pita, e homber a baha for di e pickup y a coy e yabi di saca

tire y a menaza nan cune. E testigo a mustra polis tambe un video cu el’a graba. E mucha supuestamente ta di school basico, mirando cu e cos a pasa entre 1’or y 1.30 di merdia.

Homber agresivo a maltrata mucha chikito den pickup


STA. CRUZ/Den Haag – Embahador di Panama na Hulanda, sr. José Manuel Terán Sittón, a haci un bishita oficial cerca Minister P l e n i p o t e n c i a r i o sr. Edwin Abath. E bishita di embahador Terán Sittón na Cas di Aruba, tabata riba encargo di presidente di Panama sr. Ricardo Martinelli. Meta di e bishita ta pa papia ariba diferente tereno di cooperacion entre Panama y Aruba. Asina a intercambia di ideanan ariba e plan di Panama pa cera e asina yama “Scope Agreement” cu diferente pais pa stimula comercio liber. Esaki segun sr. Abath ta coresponde exactamente cu e

vision di Gobierno di Aruba pa mediante cooperacion, stimula e concepto di Gate-way entre Latino America y Europa. Tambe ariba e tereno medico ta explorando e posibilidadnan di un cooperacion mas estrecho, permitiendo asina pacientnan Arubano pa por bai Panama pa tratamento medico specializa. Durante e conversacion a toca e rol importante cu e compania di aviacion di Panama “Copa Airlines” ta desplega, na unda anualmente e ta trece ariba su vuelonan diario un total di 22 mil pasahero SurAmericano via Panama pa Aruba. Den e sentido aki e

mandatario a informa embahador Terán Sittón encuanto e desaroyonan nobo ariba e tereno di turismo na Aruba: na luna di Oktober di e aña aki Ritz Carlton hotel lo habri su portanan y e aña aki tambe lo cuminsa cu construccion di un Hard Rock Hotel & Casino. Minister Abath a informa e embahador P a n a m e ñ o ampliamente di e congreso economico “Europe meets the Americas”, cual lo tuma lugar na Aruba di 6 pa 8 di Mei di e aña aki. ‘Aruba ta boga pa atrae inversionnan ariba e tereno di tecnologia, sector financiero, turismo y logistico.’ E embahador di su banda a bisa cu Panama ta invertiendo 5 biyon di dollar den e canal di Panama y su hafnan. Sr. José Manuel Terán Sittón, desde Augustus 2012 a keda nombra como embahador di Panama na Hulanda. Sr. Terán Sittón ta medico di profesion. El’a ocupa diferente posicion gubernamental na su pais, entre otro e tabata Minister di Salubridad Publico.

Embahador di Panama a bishita Cas di Aruba

STA. CRUZ -- Aña a habri y sindicato TOPA tin algun punto cu e lo kier enfoca riba dje. Un di nan ta cu Fundacion Ambiente Feliz cu no a haya e debido atencion ainda. Presidente di TOPA, sr. Rene Bernabela a splica cu e sindicato ta trahando riba diferente tereno. T’asina cu den luna di Januari sindicato TOPA a manda un carta pa Minister Hooiboer Winklaar den cual nan a splica cu ainda e situacion no a keda drecha pa e empleadonan di Ambiente Feliz. E pensioenregeling tabata wordo kita pero no a regla e situacion pa nan manera mester ta. TOPA a reuni cu e directiva di Ambiente Feliz y nan a splica e sindicato cu ta falta di Gobierno cu e situacion no a keda regla. TOPA a manda un carta pa e Minister encarga pidiendo pa atende e situacion di pensioenregeling y aanleunwoning. Pabao di e edificio di Ambiente Feliz tin casnan cu hendenan special ta biba aden pero no sa bao di cual stichting e casnan aki ta cay. Un cos cu ta pasando ta e seguridad di e trahadornan,

s p e c i a l m e n t e den oranan di anochi. Sindicato TOPA kier pa e minister sali splica e miembronan y TOPA kico ta pasando. Awor lo tin cu bay yama un reunion cu e miembronan pa wak kico ta nan decision pa asina nan dicidi cua pasonan pa tuma. Segun TOPA, ta Minister mester percura pa tur cos keda cla pa loke ta e pensioenregeling y aanleunwoning. Segun TOPA, Minister a contesta den un forma poco agradabel cu e no ta mira e necesidad pa papia riba e topiconan aki y Minister a bisa TOPA pa papia cu e directiva di ambiente feliz.

Sindicato TOPA ta disgusta di e

contesta di Minister

Homber sin rijbewijs y sin faha di seguridad

cu actitud fresco contra polisnan

STA. CRUZ -- Polisnan motoriza diahuebs merdia 11:20, durante patruya a para e chauffeur di un Toyota Starlet blanco na haltura di Ram Muffler na Balashi. E chauffeur no tabatin faha di seguridad y tampoco tabatin rijbewijs hunto cune. Durante cu polis tabata atende, el’a bira fresco y a cuminsa insulta polisnan. Ora cu polis a bay pa detene, el’a core drenta mondi. Polis


MADURO HEAVY EQUIPMENT N.V.

ROOI BOSAL 49TEL.: 585-1708 FAX.:585-6299

Santo pa Basha, Santo pa Pleister, Crushed Sand, Piedra, Tera pa

Mata, Graniet. Tambe nos ta Rosa Tereno, Coba Pos y Fundeshi.

Pagina 19Diabierna Juli 15, 2011

STA. CRUZ -- Un ola di “loud colors” a domina e pasarelanan internacional di moda. Colornan fuerte cu ta hala atencion ta un di e tendencianan mas fuerte pa zomer 2011. “Hyper Color” ta e nomber cu expertonan di moda a duna e tendencia fascinante aki. E uso di fuxia, turqouise, berde lamoenchi, roos, corra, geel canary, oranje, blauw electrico, y tangerine ta marca e gran mayoria di coleccionnan presenta na nivel mundial. Color, color, y mas color ta e estimulo mayor di moda pa cu zomer 2011. Estampadonan exotico cu ta representa e movimiento “hippie” of “bohemian” ta sumamente na moda pa e temporada actual. Pensa ariba estampadonan “Botanical Garden” of “Paisley” combina cu un sutil uso di piedreria of “embellishments” pa asina describi e coleccion di zomer 2011. E uso di telanan cu tin hopi “flow” y ta respira ta ideal pa e clima actual. E uso di “kaftans” of

tunicas ta sumamente na moda. Esaki combina cu un paar di “leggings” cu ta un mezcla di jeans y leggings ta e ideal “look” pa zomer 2011. Sayanan cu volumen y estampado, combina cu un tank top, tambe ta crea un look fresco y versatil pa usa durante e temporada aki. Trash By Ronchi ta invita un y tur pa pasa bishita y mira e colleccion nobo cu ya caba ta den boutique.

SUMMER 2011 TA TRECE OLANAN DI ENERGIA Y ALEGRIA DEN

MODA PA HENDE MUHER!Trash By Ronchi ta presenta e ultimo gritonan di moda pa

zomer 2011 pa e ser femenino

ARUBAS TOP 20 07/16/11

1 / 3.. TODA LA VIDA – D.U.R.U2/1.. YOU NEED TO KNOW – GLORIA

TANON3 / 2.. DISTANCIA – PRESTIGE4 / 13.. BISAMI -- DELICIOUS

5 / 7.. DANCING AND GROOVING – CUBAN LINK

6 / 8.. FIND MY WAY – VANDA MAY7 / 4.. PONE COI TRAHA – EASTSIDE

RAPPERS8 / 10.. CHALALA LI – CHOCOLATE – DJ

UNICO9 / 14.. AWOR BO SA – CACHE 10 / 11.. I SWEAR – VOZ A VOZ

11 / 16.. MAMA USED TO SAY – BEVERLY KNIGHT

12 / 17.. MI TA DESEA – IMPAK 13 / 18.. I WISH – NELSON FREITAS

14 / 19.. WEPA – DUSHI BAND15 / 9.. C – NAPSTAR SAINT

16 / -- MIRA COMO BAILA – RUBBY PEREZ17 / -- EL BAILE DEL CHOQUE – LORNA-

MR.SAIKO18/ -- MI KIER BO BEK – GNS – BIGGY BOY19 / 5.. FERNANDITO MEDLEY – CLAUDIUS

Y OREO20 / 12.. CHETTO LOVE – KARL WOLF-

KARDINAL OFFISHAL

TRANSMITI PA HIT 94 – MEGA 88 FM STEREO

ARUBA’S TOP 20 ON HIT 94 – MEGA 88 FM

STEREOE-MAIL: [email protected]

Pagina 4 Diasabra Maart 26, 2011

Awe cu un programaEspecial

STA. CRUZ -- W.E.B. Aruba NV, di e forma aki, kier a informa consumidornan riba algun desaroyo global cu na e momentonan aki ta tumando lugar y cu tin un efecto grandi riba e prijs di Fuel Oil y cu lo por tin

consecuencianan severo pa WEB y pa e tarifa di awa y coriente. Desde Oktober aña pasa, gerencia ta siguiendo e desaroyo di e prijs di Fuel Oil di cerca como cu desde e tempo ey ya caba esaki a cuminsa

aumenta gradualmente. Remarcabel ta cu den ultimo tres luna e ta aumentando drasticamente. Esaki tin di haber cu e desaroyonan mas recien den Medio Oriente, principalmente na paisnan manera Libia, Egipto y Bahrain tambe incluyendo Iran, Tunisia, Oman. Esakinan a crea un desbalanza total den e region cu awor aki ta causando e efecto no desea aki. Den e grafico aki bao por mira con e prijs di Fuel Oil a desaroya desde Oktober di aña pasa y specificamente durante e ultimo cinco luna. Prome

cu Oktober e prijs tabata bastante stabil y despues di Oktober e aumento ta gradual. Durante e ultimo tres luna si tin un aumento drastico den prijs di Fuel Oil di alrededor di US$ 80 pa bari na Januari pa casi US$ 100 pa bari na Maart. E aumento aki ta sumamente alarmante y p’e motibo aki WEB ta informa pueblo riba e posibel consecuencianan severo pa WEB y consecuentemente pa tarifa di awa y coriente. Manera ta conoci, e prijs di Fuel Oil tin un relacion directo cu e prijs di awa y coriente, Fuel Oil ta

representa mas cu 70% di e gasto operacional pa produccion di awa y coriente. Cualkier aumento drastico den e prijs di Fuel Oil tin un efecto similar riba e gasto di produccion di awa y coriente. WEB ta sigui e desaroyo aki diariamente y ta spera cu e lo no persisti y cu e prijs di Fuel Oil cay bek na e nivel mas abao ariba menciona riba cual e tarifa actual di awa y coriente ta basa. Si esaki no pasa e ora WEB lo por hay’e forza pa adapta e tarifa di awa y coriente adecuadamente cu siguramente no ta desea.

Balashi 76, P.O. Box 575, Oranjestad, Aruba Tel. : (297) 525-4600 Fax: (297) 585-7681

COMUNICADO DI PRENSA WEB ta informa riba desaroyo global y efecto riba prijs di Fuel Oil

Aumento den prijs di Fuel Oil ta alarmante y lo por tin consecuencianan severo Oranjestad – W.E.B. Aruba NV, di e forma aki, kier a informa consumidornan riba algun desaroyo global cu na e momentonan aki ta tumando luga y cu tin un efecto grandi riba e prijs di Fuel Oil y cu lo por tin consecuencianan severo pa WEB y pa e tarifa di awa y coriente. Desde october aña pasa, gerencia ta siguiendo e desaroyo di e prijs di Fuel Oil di cerca como cu desde e tempo ey ya caba esaki a cuminsa aumenta gradualmente. Remarcabel ta cu den ultimo tres luna el a aumentando drasticamente. Esaki tin di haber cu e desaroyonan mas recien den Medio Oriente, principalmente na paisnan manera Libia, Egipto y Bahrain tambe incluyendo Iran, Tunisia, Oman. Esakinan a crea un desbalansa total den e region cu aworaki ta causando e efecto no desea aki. Den e grafico aki bao por mira con e prijs di Fuel Oil a desaroya desde october di aña pasa y specificamente durante e ultimo cinco luna. Prome cu october e prijs tawata bastante stabiel y despues di october e aumento ta gradual. Durante e ultimo tres luna si tin un aumento drastico den prijs di Fuel Oil di alrededor di US$ 80 pa bari na Januari pa casi US$ 100 pa bari na maart. E aumento aki ta sumamente alarmante y p’e motibo aki WEB ta informa pueblo riba e posibel consecuencianan severo pa WEB y consecuentemente pa tarifa di awa y coriente.

Manera ta conoci, e prijs di Fuel Oil tin un relacion directo cu e prijs di awa y coriente, Fuel Oil ta representa mas cu 70% di e gasto operacional pa produccion di awa y coriente. Cualkier aumento drastico den e prijs di Fuel Oil tin un efecto similar riba e gasto di produccion di awa y coriente. WEB ta sigui e desaroyo aki diariamente y ta spera cu e lo no persisti y cu e prijs di Fuel Oil cay bek na e nivel mas abou ariba menciona riba cual e tarifa actual di awa y coriente ta basa. Si esaki no pasa e ora WEB lo por hay’e forsa pa adapta e tarifa di awa y coriente adecuadamente cu siguramente no ta desea.

WATER‐ EN ENERGIEBEDRIJF ARUBA (W.E.B.) N.V. 25 di maart, 2011

Kelvin Augustin Relacionista Publico

e‐mail: [email protected] website: www.webaruba.com

cell: 592‐7794

1

WEB ta informa riba desaroyo global y efecto riba prijs di Fuel Oil Aumento den prijs di Fuel Oil ta alarmante y lo por tin consecuencianan severo

Diasabra lo ta di bishita e politico, lider di PPA, Benny Nisbet cu ultimo desaroyo

riba e politica na Aruba

Awe nos ta presenta un programa hopi varia den Interes di Pueblo

Pa 11’or am: Den prome tanda lider di MEP, sra. mr. Evelyn Wever – Croes lo elabora riba ultimo acontecimentonan riba tereno politico na Aruba. Sra. Evelyn Wever – Croes a yega di bisa cu ora cu campaña di Mep start, ta bay e ta bay! Y cu orguyo nos mester bisa cu sra. Evelyn Wever – Croes ta hayando e apoyo di e pueblo den su totalidad. Pa 12’or mr. Ady Thijsen lo hiba palabra den segunda tanda. Sigur e charla di Ady lo ta interesante. E lo papia riba e relacion Hulanda - Aruba y tambe riba desaroyo di Urirama!

STA. CRUZ -- Diabierna mainta Minister di Husticia y Enseñanza Arthur Dowers a haci un bishita na St. Anna School pa pone su mes na haltura di e progreso di renovacion di e school. St. Anna School ya pa algun

luna caba ta den un fase di remodelacion y modernizacion den su totalidad. E renovacion di e school ta canando sigun plan y e mandatario ta sumamente satisfecho cu e resultado. Ta spera cu pronto e

contratista lo entrega yabi di e school na minister Dowers pa e muchanan di e bario di Noord por bolbe nan school. Sin duda por bisa cu St. Anna School ta un joya di un school pa e bario di Noord.

Cu St. Anna school

Noord lo haya un joya di school


STA. CRUZ -- Recientemente Drs. Andy Lee, Director di Departamento di Relacionnan Exterior a haci un bishita di trabao na Hulanda. Durante su estadia el’a atende e conferencia cu Ministerio di Relacionnan Exterior di Reino ta organiza durante henter un siman na cual tur Embahador y Consul di Reino como tambe Directornan di Departamento di Relacionnan Exterior di Aruba y Corsou y Sint Maarten ta participa.

Conferencia di E m b a h a d o r n a n pa 2013: Na inicio di e conferencia aki, Minister di Relacionnan Exterior di Reino, sr. Frans Timmermans, como tambe Minister di Comercio Internacional y Cooperacion pa Desaroyo, sra. Lilianne Ploumen, a elabora riba nan visión, strategia y maneho pa e próximo añanan. Hopi topico interesante a ser trata durante e siman di e Conferencia di Embahadornan di Reino, pa cual cada participante ta ser aloca pa cierto di e topiconan aki. Pa cada dia ta pone un enfoke diferente di e topiconan cu ta ser discuti. Pa cu e promer dia e enfoke tabata ariba intercambio cu mandatarionan di Reino y di Hulanda. Meta ta pa discuti y intercambia ideanan y experiencia cu mandatarionan, den forma di Brainstormsessies. Sr. Lee a ser aloca den dos diferente Brainstorm - sessies caminda ta discuti y intercambia di idea y experiencia cu mandatarionan di Reino y di Hulanda. E promer tabata cu Minister di Asuntonan Interno y Relacionnan di Reino, sr. Ronald Plasterk, caminda a trata e topico “Desaroyonan dentro di Relacionnan den Reino. E siguiente

Brainstorm - sessie tabata cu Secretario di Estado pa Finanzas, sr. Frans Weekers, caminda a trata e topico di “E Clima Fiscal Hulandes pa cu Inversionnan for di Exterior.” Dos topico hopi actual, cu a resulta den discusionnan y intercambio di experiencia y idea interesante entre tur e participantenan. Di dos dia, e “Dia Economico”, tabata den luz di relacionan- y interesnan comercial den exterior. Sr. Bernard Wientjes, Presidente di VNO-NCW - e asociacion comercial di mas grandi di Hulanda - a duna un relato di e interesnan comercial di negoshinan Hulandes den exterior y a mustra ariba e importancia di diplomacia económico y e rol cu Embahada- y Consuladonan di Reino ta hunga den esaki pa representa y sirbi interesnan comercial di negoshinan Hulandes (y di otro paisnan den Reino) den exterior. For di e encuesta ta sali na cla cu empresanan Hulandes ta haciendo mas uso di servicionan económico di Embahadanan di Reino. Tambe tabatin un encuentro interesante cu Rabobank, cu a duna un presentacion di e posicion economico di Hulanda y a splica di e rol di banconan, e importancia di export den

economia di un pais, como tambe e problematica di financiamento y seguro di transaccion. Mas laat atardi Embahador- y Consulnan di Reino tabata tin matchmaking cu empresanan Hulandes cu tin interes economico den e respectivo paisnan cu Reino tin representacion. E di tres dia di e Conferencia di Embahadornan di Reino tabata den cuadro di encuentro cu Minister Presidente di Hulanda, sr. Mark Rutte, sigui pa diferente sesión di maneho pa cu e Ministerio pa Relacionnan Exterior. Den e sesión plenario encuanto maneho a trata e misión y visión di Ministerio pa Relacionnan Exterior, como tambe topiconan relata integridad y na reformanan y cortamento pisa di gasto cu ta tumando lugar dentro di e Ministerio pa Relacionnan Exterior. Den e workshopnan di maneho a discuti topiconan manera misión y visión di Ministerio pa Relacionnan Exterior, consecuencianan e impacto di cortamento di gasto- y reformanan pa trabaonan di Embahadanan, como tambe maneho di postnan diplomático chikito den exterior. E cortamento di gasto den Ministerio, tin su impacto ariba e cantidad di personal na Embahadanan como

tambe e capacidad pa deal cu e trabao cotidiano na Embahada. Expectativa ta cu esaki lo por afecta e nivel di servicio cu Embahadanan di Reino ta duna na clientenan. Dia cuater a cuminsa cu un paneldiscussie plenario cu Minister Timmermans encuanto di futuro y inzet di e postennet di Reino, cu e meta pa yega na un forma mas eficiente y eficaz pa realiza e misión di Ministerio pa Relacionnan Exterior. Pregunta clave tabata den ki forma lo por sirbi nos cliente- y stakeholders lo mihor posibel, teniendo cuenta cu reforma- y cortamentonan di gasto cu ta tumando lugar. Miembronan di Panel tabata e.o. sr. Arthur Doctors van Leeuwen, Presidente di Adviescommissie M o d e r n i s e r i n g Diplomatie, sr. Hans Biesheuvel, Presidente di MKB Hulanda y sra. Meiny Prins, Director General di Priva y Zakenvrouw di Aña 2009. E programa a sigui cu Themadiscussies den gruponan mas chikito caminda a trata 8 diferente topico, manera entre otro: Imagen di Hulanda, Seguridad, Hulanda como Cultural Hotspot, Hulanda den Europa, Diplomacia Economico.

Presentacion encuanto Tendencianan mundial

encuanto Energia y Continente Americano y Region Caribe: Directie Westelijk Halfrond di Ministerio di Relacionnan Exterior a organiza ariba e di cinco dia di e conferencia un presentacion encuanto di Tendencianan Mundial ariba tereno di Energía & Continente Americano y Region Caribe. Dr. Fatih Birol, Chief Economist di International Energy Agency, a duna un splicacion na Embahadornan Hulandes di Reino di Hemisferio Occidental di e cambionan den e sistema mundial di energía y implicacionnan geopolítico. Locual a resalta ta cu e aumento den producción Norte Americano di petróleo y gas ta stimulando actividad economico y cuponan di trabao den regio y lo tin efectonan significativo pa cu e posición di concurencia di Norte America. Participacion Estadounidense den Medio Oriente lo disminui c o n s i d e r a b l e m e n t e a consecuencia di e independencia energética di Merca. Pa 2035 mas di 90% di export di petróleo di Medio Oriente lo ta pa paisnan Asiatico, manera China y India. Ya caba por observa crecimiento den presencia Chino y di otro paisnan Asiatico den Medio Oriente y den Latino America.

Europe meets The Americas na Aruba: Durante henter e Conferencia di Embahadornan na Den Haag sr. Lee a haci promocion pa e actividad di Europe Meets The Americas bao di Embahadornan di Reino den Hemisferio Occidental. Tambe a probecha di encuentro cu Embahadornan di Paisnan di Hemisferio Occidental na Den Haag pa trece e evenemento aki bao di nan atención.

DIRECTOR DI DEPARTAMENTO DI RELACIONNAN EXTERIOR DRS. ANDY LEE A ATENDE CONFERENCIA

DI EMBAHADOR


STA. CRUZ -- Durante e weekend di Januari 12 y 13, 2013 JCI Aruba tabata e host di e prome actividad nacional di JCI Dutch Caribbean. Riba e dos dianan aki diferente miembro di JCI Dutch Caribbean cu ta consisti di miembronan di JCI IOBA Curaçao, JCI Willemstad, JCI UC, JCI Curaçao Wayaca, JCI St. Maarten, JCI YALA y JCI Aruba a bin hunto pa asina atende diferente reunion, training y disfruta di actividadnan social. Algo nobo pa e biaha aki tabata cu a organiza un proyecto pa comunidad. E evento aki a tuma lugar na Enseñanza pa Empleo caminda mas di 20 miembro a reuni atendiendo reunionnan unda e plan di accion di JCI Dutch Caribbean a wordo presenta y aproba door di e presidentenan local di e islanan Aruba, Curaçao y St. Maarten. E apertura di e evento aki a tuma lugar den e meeting room di Casa Del Mar, caminda señora Helen Guda tabata e oradora invita y a papia tocante Pasion. Despues di e parti oficial, esnan presente por a pasa un rato ameno cu otro. Riba e di dos dia di e ‘January Turnover Meeting’, miembronan por a atende dos training cu ta “360 degrees of Leadership” presenta pa 2011 JCI Vice President, Dave Martinus y “How to attract professional members” presenta pa senador Candice Henriquez. Atardi tur miembro presente a uni pa yuda cu e prome “United Nations Millenium Development Goals” project cu a wordo ehecuta na school Duna un Man. Aki tur miembro di JCI

Dutch Caribbean a yuda planta e bunita matanan di Jasmin y dorna e bakinan cu piedranan chikito. Tambe a planta tres mata di fruta. Pa e proyecto aki JCI Aruba a acerca schol Duna un Man pa por haya sa kico nan necesidadnan ta y aki e directora di

school, sra. Sharline Geerman a informa JCI Aruba cu nan tin den mente pa drecha nan jardin y planta algun mata di fruta. Mesora JCI Aruba a acerca Santa Rosa pa matanan di fruta, Kooyman pa potgrond, Fantastic Gardens cu a coopera hopi bon pa nos por a

haya e matanan bunita y un compania priva cu a haci donacion di 6 yarda di piedra blanco chikito. Despues di dos ora a finaliza pryecto aki cu hopi exito. E directora a keda contento y seguramente e muchanan lo bira hopi contento ora nan mira e cambionan cu a wordo haci na nan school. Ehecutando e proyecto aki JCI Aruba y tur miembro presente di e otro islanan a yuda contribui na tres meta di “United Nations Millenium Development Goals”, esta: Elemina pobreza y hamber, Educaccion y Medio ambiente. Pa finaliza e weekend exitoso di e ‘January Turnover Meeting’ a organiza

un actividad social den fantasia di “Neon shirts”. Esaki a tuma lugar rond di pool na Coconut Inn caminda miembro- y invitadonan por a disfruta di un dushi cuminda y baila riba e notanan di nos musica carnavalesco. Riba e anochi aki tambe a eligi di un forma hopi creativo e reina y prins y pancho di JCI Dutch Caribbean. E reina a bira Roslyn Croes y prome finalista Marianela; Gerard, Prins Maharo Isenia y Pancho Denis Williams. Directiva di JCI Aruba kier a gradeci primeramente e directora di evento Lizmarie Flanegin y su asistente Omira Abath cu a traha hopi duro pa organiza un tremendo evento. Tambe kier a gradici Enseñanza pa Empleo cu a brinda JCI Aruba nan localidad, Coconut Inn y tur miembro di JCI Dutch Caribbean cu a viaha pa Aruba pa atende e prome actividad nacional. JCI Aruba ta un organizacion cu ta brinda hobennan entre 18 y 40 aña e oportunidad pa desaroya nan mes riba tereno di liderazgo door di sigui training y haci proyectonan comunitario. Pa mas informacion por bishita www.jci.cc/aruba of e pagina di Facebook/JCIAruba.

JCI Aruba a organiza un tremendo ‘January Turnover Meeting 2013’

Diasabra Febuari 2 2013 Pagina 17Diasabra Febuari 2 2013 Diasabra Febuari 2 2013

Hiep hiep hoeraaa! Awe ta cumpli un aña mas di bida señora

Maria Dirksz. Felicitacion ta bini di su dos

prinsesnan Neff y Naya. Tambe di tur amiga y amigonan na Aruba y Corsou y demas familiarnan. Nos ta desea Maria tur cos bn riba e

dia awe y cu Dios bendiciona bo y proteh’e bo cu bo salud.

Pagina 18 Diasabra Febuari 2 2013Diasabra Febuari 2 2013

SuCeSo awe24.Comauto a paga y para dilanti

Hato

STA. CRUZ -- Diabierna madruga durante patruya polisnan atento a bin encontra cu un auto para memey di caminda entre Pos Abao y Tanki Flip, net poco mas pariba di Elmar na Hato. Mesora e agentenan a baha bay papia cu e chauffeur cu a bisa cu e auto a keinta y e auto no por move ni dilanti ni patras. Polis a yuda nan cu e number di Papito Towing Services cu a bini mesora pa hala e auto for di e caminda peligroso durante e oranan basta vulnerabel.

Ladronnan hoben a kibra bentana di auto y a core bay ora a tende hende ta

sali

STA. CRUZ -- Diabierna madruga a drenta informe cu tin 2 hoben cu a destrui bentana di un auto den Dominicanessenstraat y cu nan lo a core bay den direccion di Texaco Seroe Blanco. Mesora a dirigi un patruya na e sitio y na yegada di patruya a tuma nota cu 2 hoben a destrui bentana di un auto, pero a core bay direccion di Texaco. E 2 hobennan lo tabata lomba sunu y un di nan tabata tin flanel riba su lomba. Polis a rondea den vecindario, pero no a topa cu e malhechornan.

Hobencitanan laat riba caya a kere cu polis ta

taxi

STA. CRUZ -- Diabierna madruga a drenta informe cu tin 2 damita hoben den un di e cayanan na Madiki. Mesora a dirigi un patruya na e sitio unda e patruya a bin encontra e hobennan y un di nan a bisa cu e mester bay su cas na Seroe Patrishi. Pero na e momento ey a drenta peticion pa otro asistencia cu polis mester a bay atende urgente.

Polis mester a interveni den pleito entre famia den

oranan di madruga

STA. CRUZ -- Diabierna madruga a drenta informe cu tin un pleito formal den un di e cayanan na Madiki. Mesora a dirigi 2 patruya na e sitio y a bin comprende cu aki ta trata di un pleito familiar. Polis a papia cu e famia pa tranquiliza e situacion.


STA. CRUZ -- Ministerio di Husticia, Cuerpo Policial y sector di turismo a cuminsa un joint venture varios aña pasa cu Aruba Hospitality and Security Foundation (AH&SF) pa cual turismo ta provee fondo y husticia ta provee experticio y personal profesional pa prevencion di crimen den areanan cu conoce concentracion grandi di turista. Particularmente durante e ultimo tres añanan, e joint venture aki a crece y haya mas contenido, unda cu Ministerio di Turismo y su partnernan den turismo ta provee materialnan adicional pa Cuerpo Policial. Esaki ta posibel pa medio di e asina yama TPEF, Tourism Product Enhancement Fund, cual ta traha hunto cu e proyecto di Cuerpo Policial yama "Project Enhancement Police

& Tourism". Diahuebs atardi representantenan di TPEF, Ministerio di Turismo Otmar Oduber, Cuerpo Policial y Minister di Husticia Arthur Dowers a reuni na Garage Central pa entrega di cuater vehiculo destina pa e Unidad K-9 di Cuerpo Policial. E Unidad K-9 tin su vehiculonan special caba y e cuater vehiculonan nobo lo yuda apoya e team den su funcionamento. Minister Dowers a expresa cu e ta sumamente contento cu e joint venture entre Cuerpo Policial y e sector y ministerio di turismo. Ta tuma e compromiso di no solamente turismo, pero tur ministerio y henter comunidad pa garantiza siguridad na Pais Aruba, el a añadi. El’a comenta cu, manera su colega minister a bisa, Aruba ta un pais unda cu turistanan no ta concentra den un

solo area, pero ta bay tur caminda. Nos ta kere den e concepto aki y kier mantene e concepto aki tambe, Minister Dowers a subraya. E mandatario a comenta cu ta tuma henter e comunidad pa garantiza siguridad, como tambe pa combati criminalidad. Minister Dowers a splica cu unda e habitante ta sinti su mes sigur y ta participa na e proceso pa garantiza siguridad, e bishitante

tambe ta sinti su mes sigur y e por conta cu su siguridad tambe ta garantiza. E Unidad K-9 ta un di e teamnan nobo di Cuerpo Policial cual ta dunando bon resultado, specialmente pa loke ta trata e aspecto di prevencion. Ta bisto cu nan ta planta respet unda cu nan yega. Minister Dowers a expresa cu e ta spera cu e joint venture valioso cu turismo lo ta uno duradero y cu

Cuerpo Policial por sigui conta cu turismo como un partner. E yabinan di e cuater vehiculonan Volkswagen a wordo entrega pa representante di Garage Central na Minister Oduber, kende na su turno a entrega esakinan na Minister Dowers. Finalmente, Alto Comisario Dolfi Richardson a ricibi e yabinan di Minister Dowers.

Unidad K-9 ta ricibi cuater auto di TPEF

Minister Dowers ta considera joint venture cu turismo un partnership hopi importante


ATRACO NA RBC BANK NA PALM BEACH:

11 DETENCION A CAY AYERA NOCHI NA PARADERA Y NOORD!!!


Hopi ta e lagrimanan, cu a yega di cai, ariba e piso di e Bendito Kapel chiquito aki di Alto Vista.

Pa anyanan largo y te cu awe ainda, miles y miles di hende ta sigi yega na e Kapel. Sea ta Arubano of hendenan di otro pais, ma tambe otronan, pasobra nan a yega di tende di e Bendicion y Milagronan cu ta sosode na Kapel di Alto Vista.

Mayoria ta yega c o m p l e t a m e n t e destrosa, desespera, traumatisa, tristo, sin ningun speransa mas, paloke nan a hayanan aden. Y sin por confia mas ariba e ayudo humano. Pesei nan ta bin na e Kapel bendiciona aki. Full entrega y completamente bao di e amparo di Dios, pa bin busca e ayudo necesario y urgente serca Mama Maria, pa e por pidi e fabor na Dios pa nan. Hasta tin hende cu nisikiera ta kere mes den e cosnan aki, pero toch ta bini, pasobra otronan ta conseha nan pa purba nan ultimo chens akinan.

E poder sobrenatural cu Kapel di Alto Vista tin, ta muestra, cu Dios mes ta Esun cu a escoge, pa e ta e lugar apropia na Aruba, cu ta separa for di tur desordo di mundo, cu solamente e naturalesa rond di dje, pa nos tur por comunica trankilamente cu e ser Supremo, dene brasa di e Mama y e Yiu parew. Y busca forsa Dibino.

Ningun hende no por imagina e curasonnan kibra na sanger, ora e hendenan aki, kana kibra na Kapel. Tur pura, yen di ansha, cu bela of sin bela pa cende, pero yen di dolor y sufrimentonan, cu almanankibra, y bao di lagrimanan, sclamando pa ayudo.

Pesei mes mi ta bisa tambe, cu si e murayanan aki por a papia...

Y ta hopi testimonionantin di e Kapel di Alto Vista. E bendicion cu e lugar aki ta ofrece nos, nos no por imagina con grandi e bendicion ta.

Alaves nos por mira e rikesa di union, cu nos tin den e Kapel aki, pasobra no tin distincion di rasa di hende ni religion, nada, pasobra tur hende ta bonbini. Y hasta si bo por resa of no, djis bo ta yega, sinta y keda fija riba e imagen di Birgen di Alto Vistay papia cu bo curason. Mesora bo ta sinti cu bo ta na e luga apropia y e ta duna bo mane un paz, un forsa, un speransa. Pesei tin hende cu ta keda un rato so yotronan pa oranan largo.

E luga aki “Kapel di Alto Vista”, ta un luga Sagrado, Bendiciona pa Dios mes y yen di Milagro. Nos mester conserve asina tambe pa semper. Y corda bon, si bo kier tin victoria: “Duna Dios loke ta di Dios!”

Si e murayanan di KAPEL DI

ALTO VISTA por a papia.....!

Remitido

Arubus

Awe mainta mi a bay cu mi señor di 75 aña na Arubus pa busca un smart cart p’e.

Pasobra tur aña nos ta busca nos kaarchi. Prome ta ticket o.k. Nos a yena papel y paga 15 florin pa saca potret.

E mucha muher ta bisa mi cu mi señor no ta haya su smart cart, pasobra e ta Mericano. Mi di cune cu nos ta casa mas di 25 aña y ta biba na Aruba pa 20 aña y tur aña e ta haya su ticket pa 10 aña caba. El’a bisa cu no ta no. E ora el’a manda mi un hefe cu no por splica. Ta pakico e no ta papia ingles e no sa. Mi ta haya cu esaki ta un abuso cu nan ta haci cu nos hende die dad. Nos a traha duro pa yuda Aruba den turismo y awor nos a bira grandi, nan ta laga nos un banda, pasobra nos ta grandi caba. Awor nos tin problema pasobra nos ta grandi y no por core auto y ta biba leu, caminda casi bus no ta pasa y awornos tin di paga Afl. 4,- pa Afl. 4,50 pa bus tambe. Mi a puntra pa un shegel di bus y nan a bisa pa bay busca e shegel den boeki di telefon, pasobra nan no ta traha shegel pa hende, o.k. juffrouw!! A habri e shegel check caminda nos ta biba. Ta bisa cu bus ta pasa si, pero ki ora!!

STA. CRUZ -- Departamento di Impuesto ta recorda su clientenan cu diasabra dia 2, 9 y 16

di Februari tambe por haci pago di impuesto di vehiculo di motor 2013. Alavez ta posibel pa haci pago di otro tipo

di impuesto. E orario di caha lo ta non-stop for di 8:00 am te cu 2:00pm. Despues di haci pago e cliente por pasa busca su plachinan di number mesora durante e orario menciona. Mester remarca cu e servicio extra aki no ta conta pa esnan cu ta desea di

paga na e oficinanan di gobierno den districto ya cu e oficinanan aki no ta habri diasabra. Departamento di Impuesto ta spera di por yuda mas tanto cliente posibel den e dianan venidero.

Servicio di Impuesto ta informa cu diasabra tambe por haci

pago di impuesto di vehiculo di motor


TA BUSCA“Buscando casnan entre

Awg 200,000.00 – Awg 250,000.00 pa cumpra.

Yama na 733-3398”

TA HUURAPARTAMENTO -STUDIO

MUEBLE NA CUMANA - DAKOTA PARIBA DI

CONDEMSA PA 1 OF 2 PERSONA TA INCLUI CABLE , INTERNET + GAS

TELEFON : 6620248.

☎ 585-9500

PUEBLO A HAÑA SU PEN BEK

Pa kualkier [email protected]

of

Desde November pasa habitante nan di e pueblo di Noord a bin ta sinti presencia di un figura berde ta rondona nan bario manera un bestia berde. El’a ser mira na varios parti di Noord. Entre otro na Boegoeroei, Alto Vista, Cas di Pueblo di Noord, Koyari, Tanki Leendeert y ultimo hasta algun turista a waak e hulk ta cana rond di e high rise hotelnan. E ta ser mira hopi rond di veld di Bubali. Specialmente marduga testigonan a waak e ta kibra un T-shrit corra cu berde. Rumornan ta bisa cu e ta un fanatico di Bubali, cu ora e rabia e ta bira berde. Hendenan cu a waak e, ta bisa cu e tin un parecido di un bestia berde of manera HULK. Esaki a trece basta preocupacion cerca un grupo di ciudadano cu a dicidi di traha un plan pa gara HULK (The Green Beast). E pandia

aki a ser encabeza pa un sr. Hancho. Nan a laga traha Buraco hundo y hancho, y nan a laga tapa e buraco cu hopi pluma riba e buraco y nan a laga Mama haci hopi Hot-Dog, hasa preto preto pa gara HULK. Hasta un Mini man a ser busca pa stand by pa atrapa HULK, pa para banda di e buraco grandi hundo y hancho cu patapata di Pluma riba dje, pero sin mucho suerte. Tin algun siman caba cu ningun hende no a tende ni mira HULK. Algun hende ta pensa cu e lo sali atrobe dialuna awor 4 di Februari. E ta keto y ningun hende sa kico HULK ta preparando pa ora cu e Orguyonan di Noord, S.V. Bubali topa cu e muchanan di Alto Vista, Nacional/ Washington “Nac/

Wash” den otro clash di e clasico di Noord. Aparentemente HULK tin e hendenan di Nac/Wash spanta. Hasta pidi nan a pidi pa cancela e wega te despues di carnaval. Pero aki no tin awa pa laba. Dialuna awor 4 di Februari,

Bubali ta topa Nacional/ Washington den Compleho Deportivo Frans Figaroa na NOORD. Un invitacion ta bay na tur e fanaticada di Bubali pa bin duna apoyo na e orguyonan di Noord y bin bisti na BERDE, pasobra abo

tambe lo ta den e famia di HULK dialuna nochi hahahah…den e wega importante aki. Bala ta cuminsa lora pa 8’or di anochi. Sigui HULK riba facebook SV Bubali. Yega..awor tin co !!

HULK A SER MIRA DEN BUBALI


STA. CRUZ -- Diabierna den oranan tempran di mainta, pa 9’or e parade di nos grandinan di Noord a sali for di Giselle Department Store y atermina na Centro di Bario Noord. Nos grandinan a ser acompaña pa musica di Caha di Orgel y musica di carnaval pa a eligi e reina di nos grandinan cu a keda den persona di Annie Kock, kende a ser corona como Reina Flor

di Bini Bini.

Reina Flor di Trinitaria a bay pa Mena Kelly, Reina Boluntario a bay pa Maria Giel, Señora Carnaval di Bini Bini a bay pa Rita Dake. Prins y Pancho a bay pa Mmimi Fingal y Carlo Dake. Mientras cu sra. Mena Fingal a ser eligi como e coordinadora pa 25 aña. Pabien di parti Solo di Pueblo na tur esnan cu a ser eligi como Reina.

Parada nos Grandinan


STA. CRUZ -- Cuerpo di Aduaneronan di Aruba a inicia cu e celebracion di e dia Internacional di Aduana cu un Santo Sacrificio di Misa na Iglesia Inmaculata na Santa Cruz. Despues di Misa e Douane Peloton a marcha pa Club San Martino. Den Club San Martino e presentenan por a saborea algun snacks y softdrinks cu

e miembronan di SADA a zorg pe. Diasabra tabata un dia deportivo cu varios wega di softbol ariba tereno na Kudawecha for di traimerdia te anochi laat. E celebracion grandi mes lo ta na Mei. Nos ta felicita e Cuerpo di Aduana ariba nan dia y lo spera tur mehoracion den e cuerpo awor cu e lo bira independiente.

DOUANE ARUBA A RECORDA DIA INTERNACIONAL DI DOUANE


CLASIFICADO [email protected]

TA FURAOrange Matras Fabricta fura y traha matras y box

spring den tur midi , ta fura set di sala, tv chair y pa auto pa mas info bishita nos

olijfistraat 23d of por yama na 588-7468 / 569-8053.

TA BENDEUN TOYOTA AVENSIS VERSO

DIESELL 2002 STANDARD;“ AS IS WHERE IS” AFL: 4500.00

TEL: 5621127.

Boutique Keyla tin un coleccion grandi di paña pa diferente ocasion den size small te cu 3XL.

Nos ta habri di dialuna pa diasabra, di 9.00 AM pa 6.30 PM

Desde 4 Januari 2013 lo tin 50% di descuento

Nos tin un parkeerplaats amplio. Boutique Keyla

Paradera 84 tel: 582-1164 cel: 593-1189 website:boutiquekeyla.com facebook:Boutique Keyla

1. Nos ta un compania Arubiano 2. Nos ta investiga tur cos cu bo por duda aden? 1. caso di divorcio 2. caso di maltrato 3. caso di duda aden??? 4. caso di corupcion 5. caso di ladronicia 6. caso di atraco 7. nos ta filma tambe videonan 8. nos ta graba tape di combersacionnan 9. nos ta rond mundo completo den e trabao aki 10. nos ta traha rapport tambe di tur clase 11. nos ta keda den nos sistema priva 12. nos ta saca potret tambe 13. abogadonan por contact nos tambe pa facilita nan trabao tambe

Yama nos na tel: 5684160 24 ora pa dia

Private Center Investigation Aruba

Un generator Denyo di 15 KVA riba su

garoshi cu wiel. Ta start y traha den

perfecto condicion. Afl. 16.000.00 negociabel.

Haci bo oferta.

Call: 739-0101

TA BENDE

TA HUURapartamento full

mueblapa 1 persona na cumana(italo

arubano)awg. 675.00 pa luna(incl. cable tv)+ un luna deposito excl. awa y coriente y gas

5926952

TA HUURun kamber na macuarima pa 1 persona cu su banjo priva. Afl. 350.00 pa luna

y un luna di deposito.Kamber ta separa cu

propio entrada. Awa cu coriente ta apart

Telf: 7469309

TA HUUR

Apartamento, 2 kamber, 1 baño, cushina, sala, comedor. Full muebla,

airco! Afl. 100.00 pa dia inclui awa y coriente.

Available pa December, Januari y Febuari.

Situa na Noord, banda di Texaco Sasaki, 2 minuut di beach y hotelnan grandi. Tel: 567-9696

TA BENDE1 FRIGIDAIRE 6 LUNA

BIEU PA AFL 750

PA MAS INFO YAMA : 5837636 OF CELL:

7444633.

Ta bende diferente lot di 390 m2 eigendomsgrond na Tanki Leendert. Vraagprijs Afl. 75.000,-.

Negociabel. Pa mas informacion yama tel: 739-0101.

Ta bende cas di 2 piso na Tanki Leendert 3 kamber – 3 baño pluz 4 appartment pa Afl. 550.000,-. Pa

mas informacion yama Tel. 739-0101.

Ta bende un tereno na Mahuma di +- 5.000 m2 pa 275.000 florin, bon pa warehouse of tayer. Pa mas

informacion yama Tel. 739-0101.

Ta bende un cas hopi bunita na Piedra Plat banda di caminda, di 3 kamber, 2 baño pa Afl. 400.000,-.

Pa mas informacion yama tel. 739-0101.

Ta bende cas na Paradijswijk di 3 kamber, 3 baño, cu 4 appartment. Pa Afl. 390.000,-. Pa mas

informacion yama tel. 739-0101.

TA BENDE

TA HUURTa busca un interesado

pa huur un espacio of un bunita lugar cu lo ta bon pa un kapsalon of un bon

negoshi, segun e smaak di e comerciante. For di awor

caba por yega na un acuerdo cu doño di e lugar. Si bo ta interesa, contact: email:

[email protected]

KAWASAKI 2X 1400

PERFORMANCE CUSTOMIZATION STYLE AIR RIDE

ETC.

TELL: 7488832 OF USA .

6175711244.


Dokter y Botica na Warda pa bao di Brug:

Dokter y Botica na Warda pa riba di Brug:

Telefonnan importante:

BOTICANAN:Maria 585-8145 Di Servicio Noord 586-4606Seroe Preto 584-4833 Fergusonstraat 583-0620 Kibrahacha NV 582-2007 Oduber NV 582-1780 Paradera 588-6638 Santa Cruz 585-6890 San Lucas 584-4830 San Nicolas 584-5712 Santa Anna 586-0027 Trupial 582-8671 Eagle 587-9011 4 Centro Medico 584-5779 Aloe 584-4606 Central NV 585-1965 Dakota NV 588-7364 Del Pueblo 582-1253 POLIS:Oranjestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222

Fundacion:Cas 584-2050 Fada 583-2999 F A V I 582-5051 Famia Planea 588-9591 Autismo Aruba 588-1179 Pa Hende Muherr 583-5400Pa Hubentud 588-6138 Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Yama na Centro Medico

524-8833

Yama pa informacion na Horacio Oduber Hospital:

527-4000

4347

6327

9813 9178

0311

1900

3875 5823 4464

3733

4981 6957 1054

2491 8662 1563

7665 347154130538

5516

9432 Virgo

19 - 20 - 26 - 08

04 - 08 - 17 - 25 - 28

Febuari 1

13

con

dorito

Bijles Santa Cruz, Piedra Plat y vecindario ta conta cu un centro educativo nobo: Aruba Study Center.

Educacion di bo yui ta na promer lugar. Ta ofrece servicio di bijles pa muchanan di basis despues di

school y weganan educativo di dialuna pa diabierna na un prijs na alcance di tur cartera. Cada mucha tin derecho di wordo yuda den su educacion.... Tambe ta

duna les di Papiamento, Hulandes y Ingles basico. Yama aworaki mes 6412944 y ricibi e prijs

promocional!

FOR SALEPA BO MATANAN TA

BERDE Y BUNITA GORDURA DI BON

CALIDAD CU COMPRA DI 10 SACO NOS TA

DELIVER GRATIS F7,- PA SACO 50 LB JAMA NOS

NA TELL: 5926209.


IRAN TA REMARCABLEMENTE POSITIVO TOCANTE

NOMBRAMENTO DI JOHN KERRY

TEHERAN -- Iran remarcablemente positivo a yama bon bini na e nombramento di John Kerry como Secretario di Relacion Exterior di Estados Unidos ayera. Mi ta dese’e un bon conocemento di e berdad y e hechonan y tambe hopi suerte, e ministro di Relacion Exterior Irani, Ali Akbar Salehi a bisa un agencia di prensa Irani. John Kerry ta un homber respeta den politica exterior di Estados Unidos y ta

goza di confianza den Medio Oriente. Mi ta carga e speranza cu por lo menos e ta cambia algun cos den e politica (di Estados Unidos) dirigi contra Iran, Salaehi a bisa. Iran y Estados Unidos a kibra e relacion diplomatico na 1980. Estados Unidos ta e pilar di sosten di Israel ya caba pa un mitad siglo mientras Iran ta emergiendo su mes desde e Revolucion Islamista di 1979 como e potencial principal cu kier yuda libera Palestina di e sionistanan. John Kerry ta sucesor di Hillary Clinton, kende a keha den su ultimo entrevista como Secretario ampliamente tocante Iran.

JACKIE CHAN TA BIRA CONSEHERO POLITICO

CHINESAMSTERDAM -- Actor Jackie Chan a ser nombra den un organo di conseho Chines cu mester promove diversidad politico, segun medio di comunicacion Chines a skirbi. Chan ta bira diputado na nomber di su ciudad natal Hong Kong y a ser nombra door di e Gobierno Chines. Segun criticonan e organo di conseho en realidad ta wordo domina di e Partido Comunista. E actor a ultimamente tabata den noticia cu su proposicion pa frena e

derecho pa protesta cu firmeza. E declaracion no a ser aprecia na Hong Kong. Segun expertonan no ta un sorpresa cu China represivo a nombra Chan di 58 aña di edad como consehero. Di otro banda na China ta reacciona scepticamente riba e nombramento di Chan. Mi no ta kere cu Chan por logra nada di importancia, e organizacion ey no ta nada mas cu un tertulia, un comentarista politico Chung Kim-wah a bisa. Pero esaki ta un decision inteligente, pasobra asina aki e por probecha mihor di e mercado di pelicula Chines. Tambe ta duda publicamente na e deseo di Chan pa realiza su tarea cu seriedad. Actor colega Stephen Chow Shing-Shi, famoso Kun Fu Hustle, tin un funcion similar y no ta atende casi ningun reunion debi na su causa di actuacion ocupa. E riesgo tambe ta exsisti cu Chan na varios ocasion lo ta incapaz pa funciona.

VARIOS CONTROL DI ANTIDROGA DI UNION

CICILISTA (UCI) A DISMINUY

HOOFDDORP -- Union di Ciclista (UCI) a ehecuta den transcurso di e ultimo aña hopi menos control antidroga cu or iginalmente e tabata tin planea. Nos a apodera di un documento di UCI den cual ta evidente cu e motibonan f i n a n c i e r o t a b a t a subyacente di esaki. Segun e

documento ey lo a dicidi medio Juni 2010 den un reunion di e Union di Ciclista Internacional cu e presupuesto pa control lo a retrocede di 8,4 miyon Frank Swisa (equivalente na 6,3 miyon euro) pa 4,1 miyon (3 miyon euro). Debi na esaki e cantidad di control di sanger “out-of-control-competition a baha, unda coredornan pafor di e competencia mester cede pa sanger, di 6.711 na 2009 pa 2.947 na 2010. Na aña 2011, tres mil diescuatro (3.014) control a ser ehecuta.

HILLARY CLINTON A RENUNCIA COMO

SECRETARIO DI ESTADOS UNIDOS

AMSTERDAM -- Hilary Clinton ayera a entrega formalmente su renuncia como Secretario di Relacion Exterior Americano. Durante su cuatro aña como Secretario di Relacion Exterior Hilary Clinton a bishita un cantidad drecord di paisnan. Den un carta el’a gradici president Barack Obama pa e oportunidad cu el’a brind’e na 2008. El’a bisa cu e tabata un honor pa forma parti di gobierno di

Obama. Durante su ultimo dia di trabao na e ministerio di Relacion Exterior Hilary Clinton a pidi su empleadonan pa traha cu e mesun tanto di entusiamo pa John Kerry manera nan a traha cune.


ADUANA A COMPROBA INTERCESION DI CHEQUE

DI 54 MIYONDUSSELDORF -- Aduana na aeropuerto di Dusseldorf a detene un Irani cu demasiado placa den su maletin. E homber a indica di tin menos di 10 mil euro, pero esey pare di no tabata e caso. Autoridadnan a encontra un check den su tas di Banco di Venezuela na balor di 300 miyon bolivar, 54 miyon euro. E homber di 59 aña di edad no por a divulga pa kende

e check tabata destina y na kico e placa lo ser usa, aduana a informa. E papelnan a ser confisca. Pa e hecho aki e homber tin un multa di 1 miyon euro ta colga riba su cabez.

EXPLOSION NA EMBAHADA AMERICANO

DEN ANKARAAMSTERDAM -- Dilanti di e embahada Americano den e capital Turco, Ankara, ayera un explosion a tuma lugar. Debi na esaki dos persona a perde nan bida. Un di e mortonan ta un trahador di e embahada, segun e embahador Americano. Ta trata

di un atake di suicidio, asina e Prome Ministro di Turkia, Erdogan a anuncia. E bom a haci daño na un parti di e fachada. Escombronan a bula riba caya den cual e embahada ta situa. E demas daño na e edificio por pasa. Diferente servicio di emergencia tabata presente na e sitio di e tragedia. Tin ademas di dos morto siguramente dos persona herida. Polis a cera e caminda completamente y autoridadnan Americano a pidi ayera pa no acudi na e Consuladonan di Estados Unidos na Turkia por lo pronto. Nan ta teme mas atake. E atake ta ser considera como uno terorista cual ta wordo investiga door di instancianan Americano y Turco. E agresor tabata segun e ministro di Relacion Interior Turco, Muammar Guler, cu ta un miembro di e grupo extremo izquierda. E ministerio di Relacion Exterior Americano ayera a alerta Americanonan residencia na Turkia pa ta cauteloso y evita pa acudi na lugarnan intrankil unda disturbionan y reunion di gruponan grandi of manifestacion ta tumando lugar.

CANDIDATO PRESIDENCIAL ARMENIO

ASESINAAMSTERDAM -- Un candidato presidencial Armenio Paruir Airikian diahuebs a ser asesina den e capital Armenio, Jerevan. E politico di 63 aña di edad no ta core peliger di bida y morto, segun varios medio di comunicacion a anuncia, entre nan Al Jazeera. E politico a ser dispara dos biaha door di un persona cu ta ainda desconoci den e patio di su propio hogar, den e centro di e capital. E bisiñanan a tende e disparo, y a

alerta polis y ambulans. Airikian ta un di e ocho candidatonan pa e elecionnan cu ta planea pa tuma lugar riba 18 di Februari. E ta lider di un partido modesto chikito y no ta ser mira como un gran rival di e actual presidente, segun e planta di television a informa. Probablemente lo pospone e eleccionan.

ESTADOS UNIDOS Y RUSIA TA DELIBERANDO

CU OPOSICION SIRIOAMMAN -- Alto funcionarionan di Estados Unidos, Rusia, Nacionan Uni y e oposicion di Siria a reuni diasabra ultimo na Munchen e ciudad Aleman, pa delibera tocante cambionan politico na Siria. Lider Mouaz al-Khatib di e Coalision Nacional, e copula di e oposicion na Siria, lo bay na mesa cu e vice president Americano

Joe Biden, e ministro di Relacion Exterior Ruso Sergej Lavrov y e enviado di Nacionan Uni LakhdarBrahimi. E encuentro den e macro di un reunion di e Organizacion pa Seguridad y Cooperacion na Europa, ta sigui despues cu al-Khatib a bisa na principio cu e ta dispuesto pa papia cu funcionarionan gubernamental Sirio, sin cu president Bashar al-Assad a renuncia prome. Asina el’a tuma e riesgo, pasobra te cu awor e consenso dentro di oposicion ta cu Assad mester renuncia prome cu por papia di un dialogo tocante e futuro di Siria.


Mensahe di Divino Niño na Reginald DanjeBendicion mi yiunan stima di mi paraiso chikito y henter mundo. Ami Divino Niño Hesus tin hopi milager na caminda pa mundo

di mi Tata y mi Mama y di tur Santo y Angelnan den cielo. Mi fiel sirbidornan no spanta ora boso mire e milagernan cu ta bay pasa, no spanta. Reza hopi. Esnan cu tin miedo di mi

furianan, no tin fe y ta cobarde y nan ta stima nan mes y lubida cu mi Tata Dios ta existi cu ta duna y ta kita. Manera Mi ta

escoge mi escogidonan cu ta chiktio y grandi. Pero tin hopi di mi escogidonan tin miedo di hiba mi mensahenan rond mundo pa motibo di blasfemia cu ta ataca nan dip lama mi mensahe.

Mi sirbirdornan mira boso dilanti y sigui cu boso trabao pa Tata Cristo Hesus, no laga nada strobe boso den boso mision cu Dios a duna boso. No tene berguenza di adora Mi y alaba Mi. Reza hopi. Busca refugio cerca Mi, pasobra manera mi ta mira Gobernantenan ta bringa cu otro pa maneha cada pais

riba mundo y nan ta lubida cu ta Mi ta e Unico cu ta Goberna henter mundo na mi manera y ta duna poder pa esnan cu ta

lubida cu ta Mi ta e Dios riba boso cabez, cu por duna e poder pa yuda boso paisnan den mundo, y stop cu ofendemento di otro, pasobra tur loke cu tin riba mundo ta MI poder y boso ta

haci obra y prepara pa loke ta bin. No warda malo bati na boso porta, pa boso busca MI cu ta boso Dios Tata y boso refugio

y cu Spirito Santo lo bula riba mundo y hopi lo mire y pidi hopi pordon, y alaba sea Señor na cielo manera pa loke cu ta bin. Mi kier mira boso den e bon caminda Religioso y siña boso

criaturanan reza e Santo Rosario tur dia pa yuda proha e mundo di maldad di tur cos malo cu ta bin di malisia, di engaño di

banda robez, pero boso tin Mi Tata na man drechi cu ta proteha mundo. Pesey reza hopi y adora y canta Gloria na su Santo .

INVITACION PA ORACIONThe Voice of Jesus ta extende un cordial invitacion na henter e pueblo di Aruba pa atende tur Diasabra di 8pm – 10pm, un anochi di Oracion na Koyari den fresco di naturalesa y bao di cielo lumbra pa streanan. Cada Diasabra, durante henter aña, nos ta reza e Santo Rosario, Salmonan, e Santo Evangelio y hunto nos ta canta for di e Misal di Pueblo. Tambe nos ta duna informacion riba bida di Santonan y haci oracionnan bunita y profundo pa refresca almanan cu un aire puro y precioso di oracion y spiritualidad. Keda pendiente pa nos actividadnan manera devocionnan na Santonan, Angelnan pa medio di Nobena y Triduonan, pa henter e aña 2013. E aña aki nos lo celebra 15 aña di Aparicionnan aki na Aruba.

Boso tur ta cordialmente invita.


ORACION DILANTI DI UN CRUCIFIHO

SEÑOR DIOS TODOPODEROSO, CU A SUFRI TE MORTO RIBA CRUZ PA NOS PICANAN,

COMPAÑA MI .

SANTO CRUZ DI HESU - CRISTO, TENE PIEDAD DI MI.

SANTO CRUZ DI HESU - CRISTO, KITA TUR MALO FOR DI MI.

SANTO CRUZ DI HESU - CRISTO, COLMA MI CU TUR LOKE TA BON.

SANTO CRUZ DI HESU - CRISTO, LIBRA MI DI TUR ACCIDENTE.

SANTO CRUZ DI HESU - CRISTO, TENE PIEDAD DI MI Y HACI CU SPIRITO MALO HUY FOR DI MI. SANTO CRUZ DI HESU - CRISTO, HACI PA

ALCANZA E CAMINDA DI SALUD . SANTO CRUZ DI HESU - CRISTO, ALEHA DI MI TUR PELIGER DI PICA MORTAL. CU SEMPER MI ADORA BO,

RIBA BO SANTO CRUZ AMEN.

HESU - CRISTO, NOS SEÑOR, BO A STIMA SIN MIDI E CRUZ SANTO. HENTER BO BIDA LARGO,

DEN BO BIDA SCONDI, BO A CARGA E CRUZ DI HUMIYACION.

DURANTE DI BO BIDA PUBLICO BO A CARGA E CRUZ DI CRUELDAD Y CONTRATEMPO.

ULTIMO DIANAN DI BO MORTO BO A TUMA CU ALEGRIA A BALKI PISA RIBA BO SCHOUDER TUR NA HERIDA. Y POR ULTIMO CLABA NA

UN CRUZ BO A DUNA NA TATA CELESTIAL BO SPIRITO PA SALBACION DI NOS TUR. AMABEL MAESTRO, MI KIER TA BO DISCIPEL, MI KIER TUMA MI CRUZ Y SIGUI BO RIBA E CAMINDA DOLOROSO, CU E FIN CU ESAKI POR SIRBI PA SALBACION DI NOS ALMA. CRUZ SANTO CU A CARGA CRUZ DI NOS SENJOR HESU

CRISTO , SANTIFICA HUSTONAN Y COMBERTI PECADORNAN. TATA, TENE MISERICORDIA CU

MI POBER PECADOR. AMEN.

Ayúdame, oh Señor, a que mis ojos sean

misericordiosos, para que yo jamás recele o juzgue según las apariencias,

sino que busque lo bello en el’alma de mi prójimo

y acuda a ayudarle. Ayúdame, oh Señor, a que mis oídos sean misericordiosos, para

que tome en cuenta las necesidades de mi prójimo y no sea indiferente a sus

penas y gemidos. Ayúdame, oh Señor, a que mi lengua sea misericordiosa, para

que jamás hable negativamente de mi

prójimo, sino que tenga una palabra de consuelo y

de perdón para todos. Ayúdame, oh Señor, a

que mis manos sean misericordiosas y llenas de buenas obras, para

que sepa hacer sólo el bien a mi prójimo y

cargar sobre mí las tareas más difíciles y penosas.

Ayúdame, oh Señor, a que mis pies sean

misericordiosos, para que siempre me apresure a socorrer a mi prójimo,

dominando mi propia fatiga y mi cansancio. Mi reposo verdadero está en el servicio a mi prójimo.

Ayúdame, oh Señor, a que mi corazón sea

misericordioso, para que yo sienta todos los

sufrimientos de mi prójimo. A nadie le rehusaré mi corazón. Seré sincera

incluzo con aquellos de los cuales sé que abusarán

de mi bondad. Y yo misma me encerraré en

el misericordiosísimo Corazón de Jesús.

Soportaré mis propios sufrimientos en silencio.

Que tu misericordia, oh Señor, repose dentro de

mí.

Santa Faustina

Oracion pa reza tur dia

Pa Dios cuida nos dushi pais Aruba. Den nomber d Cristo Hesus, nos ta acerca bo Tata y nos ta pidi Bo,

pa tene misericordia cu nos y cu nos Pais Aruba.

Awe nos ta pidi Bo Señor, pa pone un biaha mas bo bista amoroso riba Aruba. Purifica nos Pais Aruba di tur mancha di maldad. Libera Aruba di tur acto di scuridad y di tur acto diabolico. Laga bo Angelnan campa rond di Aruba. Cubri Aruba cu Bo sanger

precioso. Spirito Santo, guia y proteha cu bo luz divino tur cu ta y cu tabata biba na Aruba, pa un dia nos por

topa atrobe den Bo Reino Celestial. Amen

Mensahe di Dibini Niño na Reginaldo Danje

Bendicion mi rumanan stima. Bendicion di awacero mi a basha ariba diferente pais di mundo pa ricibi un siglo

nobo na tur mi rumanan stima. Ay cu amor y alegria y paz pa mundo. Cu dolor y tristeza mi a mira hopi

sufrimento den casnan di famia di mi rumanan. Mi ta pidi boso biba den union cu otro y persevera cu loke

Tata a pone den boso caminda stima boso prohimonan y boso criaturanan y cuidanan di tur maldad. Corda

bon mi rumanan Ami ta boso sombra, Ami ta boso guia y boso refugio. Mi ta pidi boso drenta mi casnan cu ta iglesianan di Dios y haci hopi oracion y pidi pordon y renoba boso alma. No biba den rikesa y luho y lubida

ariba Dios y haci menos caso di Dios y biba yen di descordia cu boso prohimonan, pero boso corda mi

palabranan pidi pordon y reza e santo Rosario y canta mi cu alabanza y stima Dios Tata y su yiu, pasobra dia boso biba cu bondad y amor npa otro y sigui mi escohidonan y yudanan plama mi mensahe rond

mundo y cumpli cu mi pidimentonan cu hopi oracion y pasa cas pa cas y hiba palabra di Dios Tata cu boso

sombra.

No lubida Mi ta stima boso tur dia y pa semper. Amen Peregrinacion 2013Di 7 pa 24 di Mei 2013 lo bay tin un peregrinacion pa kapel Vrouwe van alle Volkeren(Amsterdam), Fatima

(Portugal), Santiago de Compostela (Spaña), Lourdes (Francia), Nevers

- Bernadette (Francia) y Rue du Bac - La BirgenMilagrosa (Francia). E peregrinacion aki ta bao di guia

di Stichting Limburgse Bedevaarten (unfundacion Hulandes) y lo wordo dirigi

spiritualmente pa Pater P. Canisius di KapelVrouwe van alleVolkeren y Pater J. Bouman. A bin algun lugar liber pa

esnaninteresa. Persona di contacto: Tessa Toré Cel 747-4700 y Ica Croes Tel 585-8546 y

Cel 734-8585.

Oracion di San Francisco pa esnan cu no tin confianza pa cu otro.

Señor, haci mi un instrumento di Bo Paz. Laga mi trece amor caminda tin odio. Laga mi trece pordon caminda tin pleito. Laga mi trece union, caminda tin desunion. Laga mi trece berdad, caminda tin eror.Laga mi trece speranza, caminda tin desesperacion. Laga mi trece claridad, caminda tin scuridad. Laga mi trece legria, caminda tin tristeza. Señor: haci mi busca mas tanto pa consola cu pa ser consola; mas tanto pa comprende, cu pa ser comprendi; mas tanto pa stima, cu pa ser stima……………….,pasobra ta dunando cu nos ta ricibi, ta pordonando cu nos ta haya pordon y ta muriendo cu nos lo nace pa bida eterno. AMEN


STA.CRUZ -- Siman pasa diasabra famia a organiza un Baby-Shower sorpresa pa e hoben Ismenia Carolina kende pa luna di Februari ta sperando su prome yiu.

Famia y amiga(o)nan di school scondi den cushina a logra sorprende Carolina ora cu el’a yega pa

un supuesto bishita na cas di su wela y welo, Ismenia y Pedro Webb.

E anochi tabata uno agradabel unda cu weganan popular a wordo hunga cu e futuro mayornan, Arvin y Carolina y mira si nan ta prepara pa e bunita rol di mayor cu ta spera nan.

Babyshower pa Carolina

Diasabra 2 Februari 2013

Documents

Transcript of Diasabra 2 Februari 2013