AL21en laguntzaz, Mendialdea Mankomunitateak bultzatua

DAKIENAK EZ DAKIENARI ERAKUTSI...

Sarrera

Mendialdea eta Araxes Garaiko Mankomunitateek zaborraren kudeaketara bideratzen dituzte beren indarrak eta baliabideak. Bi mankomunitateek, biak Nafarroako Hondakinen Kontsortzioan barneratuak daudenak, hiri hondakin solidoak kudeatzeko eskumena dute. Mendialdeak, dakizuen bezala, Arano, Goizueta, Areso, Leitza, Larraun eta Lekunberrin du ekite eremua. Bestalde, Araxes Garaiko Mankomunitateak Araitz eta Betelun jarduten du. Guztira, herri guztien artean, 7.480 biztanle inguru bilduko dituzte.

Kontenedoreak erosi eta banatu, zabor bilketa behar bezala egituratu, konpostajea sustatu eta horretarako guneak sortu eta mantendu, garbiguneak eraiki eta kudeatu... Hondakinak sortu ondoren kudeatzen dira eta, prebentzioan ere saiakerak egin izan badira ere, hondakinen murrizketan eta sortzen direnen berrerabilpena sustatzen modu egituratu eta iraunkor batean pausoak ematea ezinbestekoa da garai hauetan.

Bi egiteko hauek, murrizketa eta berrerabilpena indartzeko asmoz, hain zuzen ere, dinamika berriak sortu nahi dira AL21era aurkeztutako proiektu honen bidez, arazoaren aurrean jendeak izan dezakeen jarreran onerako aldaketa eragiten saiatzeko.

Proiektuan jasotako dinamika berriak; auzolana eta elkarreragitea ardatz duten TAILERRAK

Tailer parte hartzaileak proposatzen dira, “hondakinak” hondakin izan aurretik, jendearen ohiturak aldaraziz. Hau lortzeko modu asko egon daitezke, baina “dakienak ez dakienari erakusteko ohitura” berreskuratzea ardatz hartuko dute tailer hauek. Oinarrian, auzolana eta elkarreragitea izango dute, hortaz, jarduteko modua. Ondoko hauek, berriz, herri bakoitzean egiteko proposatzen diren bi tailerrak:

DAKIENAK EZ DAKIENARI ERAKUTSI...

Tailerraren egitura (bi orduko tailerrak)

~ Tailerraren koordinatzaile edo tailer emaileak hauetako bakoitzaren hasieran gaiari buruz galdetuko du eta batez ere adineko jendearen esperientzia agerrarazten saiatuko da. ~ Ideiak eta proposamenak libreki biltzen ahaleginduko da eta denen artean bildutako ideien bideragarritasunaz hitz egingo dute. ~ Tailer emaileak, proposamen batzuk egikarituak erakutsiko ditu, aurretik egindako ereduen bidez. ~ Eskulan edo tailer praktikoari eskainiko dio denbora tarte handiena.

TAILERRA (2 ORDU) AZALPENA

MURRIZKETA. Erosketa ohiturak aldatuz (data eta lekua zehaztuta zabalduko da eskuorrietan)

Erosketak plastikorik sortu gabe nola egin pentsarazteko tailerra. Nola antolatu gure erosketak, horretarako prestatuak ez dauden saltokietan ere. Zer egin daiteke plastikoa ekiditeko gure egunerokoan?

Berrerabiltze, berreskuratze nahiz zaharberritze tailer irekia. Aurrerago zabalduko da 2.tailerraren data eta lekua.

Etxean hondakin izateko zorian daukagun zerbaiti aukera berri bat ematen saiatuko gara, elkarri lagunduz eta bakoitzak duen jakintza besteekin konpartituz. Altzari txikiren bat, kartoizko, kristalezko, plastikozko zerbait, ohial zatiren bat, olio zikina... 1.tailerrean adostuko da bigarrenaren nondik norakoa.

DAKIENAK EZ DAKIENARI ERAKUTSI...

Egutegia

Espero daitekeena Irailetik azarora bitartean, jendeak proiektu honengan izan lezakeen interesa zenbaterainokoa den jakiteko balio lezake saiakera honek.

Herriak 1.tailerra 2.tailerra

Arano Urriaren 12an, larunbata, 10:00-12:00etara, Maisuenean

Areso Urriaren 17an, osteguna, 18:00-20:00etara, LEKUA?

Goizueta

Larraun

Leitza Urriaren 10ean, osteguna, 18:00-20:00etara Batzar aretoan.

Lekunberri Urriaren 16ean, asteazkena, 18:00-20:00etara, LEKUA?

Araitz (Araxes Garaia)

Urriaren 9an, asteazkena, 18:00-20:00etara, LEKUA?

Betelu (Araxes Garaia)

Urriaren 9an, asteazkena, 18:00-20:00etara, LEKUA?

DAKIENAK EZ DAKIENARI ERAKUTSI...