1. Ew Testamento Chipay Tawkquiztan El Nuevo Testamento de Nuestro Seor Jesucristo en el idioma Chipaya

2. El Nuevo Testamento en Chipaya Bolivia Primera edicin, 1978 Segunda edicin, 2009 Publicado por La Liga Bblica, 2009 Licencia Creative Commons Usted es libre de copiar, distribuir y comunicar pblicamente la obra bajo las condiciones siguientes: Reconocimiento. Debe reconocer los crditos de la Liga Bblica (pero no de una manera que sugiera que tiene su apoyo o apoyan el uso que hace de su obra). No comercial. No puede utilizar esta obra para fines comerciales. Sin obras derivadas. No se puede alterar, transformar o generar una obra derivada a partir de esta obra. Al reutilizar o distribuir la obra, tiene que dejar bien claro los trminos de la licencia de esta obra. Alguna de estas condiciones puede no aplicarse si se obtiene el permiso del titular de los derechos de autor Nada en esta licencia menoscaba o restringe los derechos morales del autor. http://creativecommons.org/licenses/by-nc-nd/3.0 3. iii NDICE Pgina San Mateo.....................................................................Mat...................................... 1 San Marcos...................................................................Mrc.................................... 68 San Lucas......................................................................Luc....................................107 San Juan.......................................................................Juan.................................182 Hechos de los Apstoles...............................................Hch.................................. 236 Carta a los Romanos.....................................................Ro.................................... 305 Primera Carta a los Corintios.......................................1Co.................................. 336 Segunda Carta a los Corintios......................................2Co.................................. 367 Carta a los Glatas.......................................................Gal................................... 386 Carta a los Efesios........................................................Ef..................................... 397 Carta a los Filipenses...................................................Flp................................... 408 Carta a los Colosenses..................................................Col....................................416 Primera Carta a los Tesalonicenses..............................1Te................................... 424 Segunda Carta a los Tesalonicenses.............................2Te.................................. 431 Primera Carta a Timoteo..............................................1Ti................................... 435 Segunda Carta a Timoteo.............................................2Ti................................... 445 Carta a Tito..................................................................Tit.................................... 452 Carta a Filemn............................................................Flm.................................. 456 Carta a los Hebreos......................................................Heb.................................. 458 Carta de Santiago.........................................................Stg................................... 482 Primera Carta de San Pedro.........................................1Pe.................................. 490 Segunda Carta de San Pedro........................................2Pe.................................. 499 Primera Carta de San Juan..........................................1Jn.................................. 505 Segunda Carta de San Juan..........................................2Jn...................................513 Tercera Carta de San Juan...........................................3Jn...................................514 Carta de Judas..............................................................Jud...................................516 Apocalipsis...................................................................Ap.....................................519 4. iv 5. El Nuevo Testamento en Chipaya de Bolivia, 2da ed. 2009, La Liga Bblica 1 1 1Jesucristuqui Davidz majchmajtquiztan, nizaza Abrahamz majchmajtquiztan tjoitacha. Jesucristuz tuquita atchi ejpnacacha tinacaqui. 2Abrahamqui Isaacz ejptacha. Isaacqui Jacobz ejptacha. Jacobqui Judaz ejptacha, niiz jilanacztanpacha. 3Judaqui Fares ejptacha, Zaratanpacha. Tamarqui Fares Zara maatacha. Faresqui Esromz ejptacha. Esromqui Aramz ejptacha. 4Aramqui Aminadabz ejptacha. Aminadabqui Naasonz ejptacha. Naasonqui Salmonz ejptacha. 5Salmonqui Booz ejptacha. Rahabqui Booz maatacha. Boozqui Obedz ejptacha. Rutqui Obedz maatacha. Obedqui Isaz ejptacha. 6Isaqui David cjita chawc jilirz ejptacha. Davidqui Uras tjunatan zalzcu Salomonz ejptacha. 7Salomonqui Roboamz ejptacha. Roboamqui Abas ejptacha. Abiasqui Asaz ejptacha. 8Asaqui Josafatz ejptacha. Josafatqui Joramz ejptacha. Joramqui Uzas ejptacha. 9Uziasqui Jotamz ejptacha. Jotamqui Acaz ejptacha. Acazqui Ezequas ejptacha. 10Ezequiasqui Manass ejptacha. Manasesqui Amonz ejptacha. Amonqui Josas ejptacha. 11Josiasqui Jeconas ejptacha, niiz jilanacztanpacha. Nii timpuqui Israelit zoinacaqui preso chjitztatacha Babilonia cjita yokquin. 12Jalla nekztanaqui Jeconiasqui Salatielz ejptacha. Salatielqui Zorobabelz ejptacha. 13Zorobabelqui Abiudz ejptacha. Abiudqui Eliaquimz ejptacha. Eliaquimqui Azorz ejptacha. 14Azorqui Sadocz ejptacha. Sadocqui Aquimz ejptacha. Aquimqui Eliudz ejptacha. 15Eliudqui Eleazarz ejptacha. Eleazarqui Matanz ejptacha. Matanqui Jacobz ejptacha. 16Jacobqui Josez ejptacha. Josequi Mara lucutacha. Mariiqui Jess majtchincha. Nizaza Jesusaqui Yooz cuchanzquita Cristo cjitazakazza. 17Tunca pusin atchi ejpnacaz kamta wachquichicha Abrahamz timpuquiztan Davidz timpucama. Nizaza tsjii tunca pusin atchi ejpnacaz kamta wachquichicha Davidz timpuquiztan Israel zoinacaz Babilonia cjita yokquin preso chjichta timpucama. Nizaza tsjii tunca pusin atchi ejpnacaz kamta wachquichicha Babilonia yokquin chjichta timpuquiztan Cristuz nasta tjuicama. JESUCRISTUZ NASTA 18Jalla tuzucha Jesucristuz nastaqui. Niiz maa Mara cjitiqui Josiztan zalzjapa kazzintacha. Ima lucztan EL SANTO EVANGELIO SEGUN SAN MATEO 6. 2 El Nuevo Testamento en Chipaya de Bolivia, 2da ed. 2009, La Liga Bblica kamcan ica cjissincha Yooz Espritu Santuz cjen. 19Naaza lucu Jos cjitaqui Yooz kuzcama kamitacha. Niiz tjun Mara icaz cjen Josequi kuz turwaysi cjissicha. Nekztan jamazit jaljtis pecatcha. Kjanacama ultimu jaljtitasaz niiqui, Mariqui zoiz chjaawjkatta cjitasacha, ana honorchiz. 20Jalla nuz jaljtis pinsan, Yooz Jilirz anjilaqui wiiquin niizquiz tjonzicha, tuz cjican: Jos, Davidz majchmaati, Yooz Espritu Santuqui am maataka ticzicha. Jalla niztiquiztan ana jiwjata naatan zalzqui. 21Nizaza majttanaqui, wawz tjuuqui Jess cjitaz cjequicha. Jalla niiqui niiz wajtchiz zoinaca ujnacquiztan liwriyaquicha. Nuz cjichicha anjilaqui. 22-23Tuqui timpuquiztanpacha Yooz Jiliriqui profetzquiz chiikatchicha, tuz cjican: Tsjaa tunsill turqui icaquicha. Nekztan lucmajch wawa mataquicha. Nii wawaqui Emanuel cjitaz cjequicha. Emanuelqui tuz cjicha: uchumnacatancha Yoozqui. Nii profetz takucama cumplissicha Jesucristuz nastanaqui. 24Jalla nekztan Josequi tjaji wajtzcu, Yooz anjilaz mantitacama ojkchicha. Mariatan zalzicha. Nizaza persun tjunjapa ricujchicha. 25Naaza majtz tjuicama Josequi Maratan anapan ultimu lucutii paasicha. Jalla niztiquiztan ana zalzi cjichucatacha, pero chicapan kamitacha. Wawa majttan, Jess cjita tjuuztan tjuuzkatchicha. MAGONACA RISPITI TJONCHICHA 2 1Beln cjita wajtquiz nizaza Judea cjita yokquin Jesusaqui majttatacha. Nii nacionz chawjc jiliritacha Herodes cjitaqui. Jalla nii tuquita timpuquiz jalla tuzu watchitakalcha. Nii nacionquin Jerusaln cjita wajtquin tuwanchuctan tsjii kjaz zoinacaqui irantizquichicha. Mago cjita zoinacatacha ninacaqui, warawar puntu istutiii. 2Jerusaln wajtquiz irantizcu pewcpewczicha tuz cjican: Uzca nassicha judo zoinacz chawjc jiliriqui. Jakziquintaya? jalla nuz cjican pecunchicha. Nizaza cjichicha, Wejrnacqui tuuna zejlcan niiz nastiquiztan warawara cherchincha. Jalla niztiquiztan nii rispiti tjonchincha, jalla nuz cjican mazzicha. 3Herodes cjita jiliriqui magonacaz quintita nonzcu, ancha pinsamintu apazzicha persun kuzquiz. Nizaza Jerusaln wajtquiz kami zoinacami ancha kuzquiz pinsatcha. 4Jalla nekztanaqui nii rey jiliriqui timplu chawjc jilirinaca, nizaza lii tjaajii maestrunaca kjawzicha. Ninaczquiz pewczicha: Jakziquint Cristuqui majtta cjesaya? jalla nuz cjican pewczicha. 5Ninacaqui kjaazicha tuz cjican: Beln wajtquincha, Judea yokquin. Tsjii profetaqui cjijrchicha, tuz cjican: 6Jud yokquincha Beln watjaqui. Jalla nii watjapancha chekanaqui, parti watjanacquiztan Jud yokquin. Jalla nekztan tsjii chawc jiliriqui ulnaquicha. Jalla niiqui wejt Israel zoinacaz mantaquicha; nizaza cwitaquicha. 7Jalla nekztanaqui Herodes jiliriqui magonaca jamazit kjawzicha. Nekztanaqui zumpacha pewczicha, chjul timpuquiztan nii warawaraqui paristchaja, jalla nii. 8Jalla nekztanaqui Herodesqui magonaca cuchanchicha Beln watja, jalla tuz cjican: SAN MATEO1,2 7. 3 El Nuevo Testamento en Chipaya de Bolivia, 2da ed. 2009, La Liga Bblica Nii Beln watja oka, nizaza nii wawz puntu zumpacha pjurwiitaquicha. Wawa watzcuqui, wejtquiz mazcaquicha. Wejrmi zakal ojkz pecucha, wawa rispiti. 9Jalla nekztan Herodes jiliriz chiizinta taku nonzcu, magonacaqui ojkchicha. Jerusaln watja ulantan, nii tuuna cherta warawaraqui ninacz tucquin wilta okatcha. Jakziquin nii wawa zelatchaja, jalla nii juntu tsijtsicha warawaraqui. 10Nii warawara tsijtsi cherzcu, magonacaqui ancha wali cuntintutacha. 11Nekztanaqui kjuya luzcu, wawa cherchicha Marii maatanpacha. Jalla nekztanaqui ninacaqui quillzicha wawa rispitsjapa. Paaz caja cjetzcu, wawzquiz zuma cusasanaca onanchicha, kori, insinzu, mirra. Jalla nuz nii wawzquiz rispitichicha. 12Jalla nekztanaqui wiiquin Yoozqui magonaczquiz chiizinchicha, ana Herodes kjuti quepajo. Jalla niztiquiztan persun watja quejpchicha yekja jicz kjuti. EGIPTO YOKQUIN ATIPASSICHA 13Jalla nekztanaqui nii magonacaz ojktan tsjii Yooz Jilirz anjilaqui wiiquin Josezquiz parisisquichicha. Nekztan tuz cjichicha: Zaazna, tii wawa chjicha maatanpacha. Egipto yokquin oka, atipasjapa. Herodes jiliriqui tii wawaz kjuraquicha conzjapa. Jalla nii Egipto yokquin am zelaquicha, chjulorat wejrqui amquiz wilta chiyachaja, jalla niicama. Jalla nuz wiiquin chiichicha anjilaqui. 14Jalla nuz anjilaz chiitiquiztan Josequi nii orapacha zaazicha. Nekztan wawztan maatan chjitchicha. Nii weenpacha ulanchicha Egipto yok kjuti. 15Jalla nicju kamchicha Herodes ticzcama. Niiz tuquitanpacha Yooz Jiliriqui profetzquiz chiikatchicha, tuz cjican: Egipto yokquiztan wejt persun Maati kjawznacha. Jalla nii profetz chiita takuqui cumplissicha. HERODESQUI JESUSA CONKATZ PECATCHA 16Herodesqui kuzquiz tantiyassicha, Magonacaqui wejttanz burlaskalak cjican. Jalla niztiquiztan walja zawjzicha. Jesucristo majtta timpu tantiichicha magonacaz maztiquiztan. Jalla nuz tantiizcu mantichicha Beln wajtquin nizaza nii wajtz tjiyaran tjapa lucmajch wawanaca pizc watquiztan kozzuc conajo. 17Jalla nuz cumplissicha Jeremas cjita profetz cjijrta takuqui. 18Tuqui timpuqui Jeremiasqui cjijrchicha, tuz cjican: Ram cjita wajtquin wali chawc llaqui zelaquicha nizaza alto jorztan kaaquicha. Raquel cjitiqui ancha kaaquicha naaza maatinaczquiztan. Ana wira kuztami chuj cjequicha. Nizaza naaza maatinacaqui ticziz cjequicha. Jalla nuz cjijrchicha Jeremas cjita Yooz taku paljayi profetaqui. 19Wiruaqui Herodes cjita jiliriqui ticzicha. Jalla nekztanaqui tsjii Yooz Jiliriz anjilaqui Josezquin wilta parisisquichicha wiiquin. Nii oraqui Josequi Egiptuquin tira zelatcha. Anjilaqui cjichicha: 20Zaazna, tii am uza chjicha maatanpacha. Israel yoka quepa. Am wawa conz peci Herodes jazic ticzicha. 21Jalla nuz cjen Josequi zaazcu Israel yokquin nii uztan maatan chjitchicha. 22Israel yokquin Judea provinciquin Arquelao cjita jiliritacha mantiiqui. Jalla niicha Herodes majchqui. Niiz ejpz SAN MATEO2 8. 4 El Nuevo Testamento en Chipaya de Bolivia, 2da ed. 2009, La Liga Bblica puestuquizpacha luzzitacha. Josequi nii quintu zizcu, Judea yokquin kamz jiwjatchicha. Nekztan tsjii anjilaqui wiiquin Josezquiz paljaychicha, Judea yokquiz ana kamajo, antiz Galilea yokquin okajo. Jalla nekztan Galilea yok kjuti ojkchicha. 23Jalla nii yoka irantizcu, Nazaret cjita wajtquiz kamchicha. Tuqui timpuqui Yooz cuntiquiztan chiii profetanacaqui mazinchicha, Jesusaqui nazareno cjitazakaz cjequicha, jalla nuz cjican mazinchicha. Nazaret wajtquiz kamcan profetanacaz chiita taku cumplissicha. JUAN BAUTISTA YOOZ TAKU PALJAYI 3 1Niiz wiruaqui Juan Bautistaqui Judea provinciquin zelatcha, chekti yokquin. Yooz taku paljayatcha, 2tuz cjican: Kuznacaz campiya. Arajpach Yoozqui waj mantaquicha. Nii timpuqui zcatzinzquicha. 3Tuqui timpuqui Isaas cjita profetaqui Juanz puntuquiztan cjijrchicha, tuz cjican: Chekti yokquin tsjii zoz joraz nonzta cjequicha. Alto jorquiztan tuz cjican chiyaquicha: Tsjii chawjc Jiliriz tjonaquicha. Jaziqui zuma kama jicz tjaczna. Tsjii jicztakaz anchuca kuznaca zumpacha azquicha, nizaza zuma lijitumapanz cjee. Jalla nuz cjijrtatacha Juanz puntuquiztan. 4Juanz zquitiqui camello cjita animalz chomquiztan watstatacha. Niiz cinturonaqui zkizitacha. Nizaza langosta cjita kolta animalanaca lujlitacha. Munti misquinaca lujlizakaztacha. 5Walja zoinacaqui Juanz taku nonzi tjonitacha, Jerusaln chawc wajtquiztan, nizaza Judea yokquiztan, nizaza Jordn cjita puj zcatirantan. Walja zoinaca tjonitacha. 6Jakziltat niiz persun ujnaca mazzaja jalla ninaczquiz Juanqui bautissicha Jordn cjita pujquiz. 7Nii tama zoinacztanpacha walja fariseonacami, nizaza saduceonacami jalla nii jilirinacami Juanzquin tjonchizakazza bautista cjisjapa. Jalla ninaca cherzcu, Juanqui tuz chiizinchicha: Zkoraztakaz incalli zoinaca. Yooz Ejpqui ujchiz zoinaca wajillaz casticaquicha. Ject anchucaquiz nii mazzejo? Nii casticu atipzjapa wejtquinz tjonkaya? 8Kuz campiichinchuczlaj niiqui, zumapankaz kamaquicha, anchuca campiita kuz kjanapacha tjeezjapa. 9Anchucqui anaz mit kuzziz porapat chiyasaquicha, tuz cjican: Wejrnacqui Abrahamz majchmaatinaczquiztanpacha tjonicha, Yoozqui anaz wejrnaca casticasacha. Jalla nizta ana chiichiiz waquisicha. Yoozqui tii maznacquiztan zoiz cjiskatasacha, Abrahamz majchmaatinaca cjisjapa. 10Anchucqui tsjii frut muntiztakazza. Ana zuma fruta pooki muntiqui kaatztaz cjequicha jir achztan. Jalla nuz kaatztiquiztanaqui, ujtaz cjequicha. Jalla nizta irataz anchucaquiz wataquicha. Ana zuma kamachiz zoinaca casticta cjequicha. 11Wejrqui weraral chiyucha. Kjaztankal bautisucha, anchuca kuznaca campiitiquiztan. Tsjiiqui wejt wirquin tjoncha. Jalla niiqui Espritu Santuztanami nizaza arajpach ujztanami bautisaquicha. Jalla niicha wejtquiztan tsjan jucant poderchizqui. Niizquiz atintisjapa anal waquisucha, niiz chjata jerzcu chjojkzinimi. Inakaztcha wejrqui. SAN MATEO2,3 9. 5 El Nuevo Testamento en Chipaya de Bolivia, 2da ed. 2009, La Liga Bblica 12Anchucqui trigo zkalaztakazza. Nii tjoi jiliriqui trigonaca kjojaquicha. Nekztan itzanacami zuma trigumi pjalznaquicha. Nii zuma triguqui ricujtaz cjequicha. Niiz persun kjuyquin majctaz cjequicha. Nii itzanacazti liwj ujtaz cjequicha, ana wira tjesi ujquiz. Jalla nizta irataz anchucaquiz wataquicha. JESUSAQUI BAUTISTATACHA 13Niiz wiruaqui Jesusaqui Galilea yokquiztan Jordn cjita pujquin ojkchicha, jakziquint Juan zelatchaja, jalla nicju. Bautiskatzjapa Juanzquin ojkchicha. 14Jesusiz irantitan, Juanqui ana nii bautis pecatcha. Jalla tuz cjichicha: Amz wejr bautis waquizicha. Am wejtquiz tjonkaya? Weriz bautista cjisjapaya? Jalla nuz cjichicha Juanqui. 15Nekztan Jesusaqui kjaazicha, tuz cjican: Anzikam wejr bautisaquicha. Yooz mantitacama liwj cumplis waquizicha uchumqui. Jalla nuz kjaaztiquiztan Juanqui iyaw cjichicha. 16Nekztanaqui Juanqui Jesusa bautissicha. Kjazquiztan ulnan, nii orapacha arajpacha cjetzicha. Nekztan Jesusaqui cherzicha Yooz Espritu Santo palomaztakaz chjijwzquii. Jalla niiz juntupacha Espritu Santuqui irantizquichicha. 17Nekztanaqui arajpachquiztan tsjii jora paljayzquii nonzicha, jalla tuz cjii: Tiicha wejt ultim kayi Maatiqui. Tiiz cjen ancha cuntintutcha wejrqui. Jalla nuz cjichicha nii tsewctan chiizquii joraqui. JESUSAQUI DIABLUZ YANZTA 4 1Jalla nekztanaqui Jesusaqui Jordn cjita pujquiztan ojkchicha. Nuz okan, Espritu Santuqui Jesusa chjitchicha chekti yokquin, Satans diabluz yanzta cjisjapa. Satanasqui Jesusa ujquiz tjojtskatz pecatcha. 2Jalla nijwc zejlcan, Jesusaqui pusi tunc tjui pusi tunc arama ana chjeri lujlchicha. Jalla nii pusi tunc tjui wattiquiztan ancha chjeri eecskatchicha. 3Jalla nekztanaqui diabluqui Jesusizquiz macjatchicha ujquiz tjojtskatz yanzjapa. Jalla tuz cjichicha: Amqui ultim Yooz Maatimzlaj niiqui, tii maznacquiztan tanta tuckatalla. 4Jesusaqui kjaazicha, tuz cjican: Cjijrta Yooz takuqui tuz cjicha: Zoinacaqui anaz chjerztan alaja zetasacha. Yooz takucha chekanaqui, jalla niicha ultim chjeriztakazqui. Jalla nuz kjaazicha Jesusaqui. 5Jalla nekztanaqui diabluqui Jesusa chjitchicha Jerusaln, Yooz illzta chawjc watja. Jalla nicju timplu tsewcta pjurniguin yawkatchicha. 6Nekztan diabluqui cjichicha: Cjijrta Yooz takuqui tuz cjicha: Yooz Ejpqui niiz anjilanaca mantaquicha am cwitajo. Ninacz persun kjarztan am cwitaquicha, ana am kjojcha chjojrichta cjeyajo mazquizimi. Jazic, ultim Yooz Maatimzlaj niiqui, tsewctan kozzuc tii yokquiz layzca. Jalla nuz cjichicha nii diabluqui. 7Nekztanaqui Jesusaqui kjaazicha tuz cjican: Cjijrta Yooz takuqui zakaz cjicha: Zoiqui ultim arajpach Yooz ana inakaz nuz yanznaquicha. Jalla nuz cjijrtacha. 8Jalla nekztanaqui wilta ujquiz tjojtskatz yanzjapa, diabluqui Jesusa chjitchicha pajk cur puntiquin. Jalla niwjc chjitzcu, SAN MATEO3,4 10. 6 El Nuevo Testamento en Chipaya de Bolivia, 2da ed. 2009, La Liga Bblica diabluqui tjapa tii muntuquiz zejli nacionanaca nizaza tjapa ninacz cusasanacztanpacha, nizaza tjapa ninacz honoranacztanpacha jalla ninaca diabluqui Jesusizquiz tjeezicha. 9Nekztan nii diabluqui cjichicha: Tjapa tinaca amquiz tjaasacha, wejtquizim quillzaja, nizaza wejr rispitchaja, niiqui. 10Jalla niztiquiztan Jesusaqui kjaazicha, tuz cjican: Satans, wejtquiztan zaraka amqui. Cjijrta Yooz takuqui tuz cjicha: Yooz Jilirzquinkaz rispita, nizaza nii alaja sirwa. Niikazza am Yooz Jiliriqui. 11Jalla nuz Jesusiz chiitiquiztan diabluqui Jesusizquiztan zarakchicha. Nekztan tsjii kjaz anjilanacaqui Jesusizquin atinti tjonchicha. JESUSAQUI GALILEA YOKQUIN OJKCHICHA 12Niiz wiruaqui Jesusaqui quintu nonchicha, Juan carsilquiztacha, jalla nii. Jalla nii quintu nonzcu, Galilea yokquin ojkchicha. 13Pero Nazaret wajtquin ana kamchicha; antis Capernaum wajtquin kami ojkchicha. Capernaum watjaqui kot atquiztacha, Zabuln yokquin nizaza Neftal yokquintacha. 14Jalla nuz ojktiquiztan Isaas profetaz cjijrta taku cumplissicha. 15Jalla tuz cjijrchicha Isaas profetaqui: Zabuln, nizaza Neftal, am yokaqui kot atquizza, nizaza jiczquizza Jordanquiztan tuwanchuc. Nizaza Galilea yokquincha. Jalla nii Galiliiquinaqui yekja wajtchiz zoinacaz kamcha. 16Am yokquin zejli zoinacaqui zumchiquiz kamcha, ana zuma kamaquiz. Ninacaqui tsjii zoi cheraquicha. Nii zoiqui zuma kamaa tjeeznaquicha, zuma kjanaztakaz. Ticzi zoinacaztakaz kamcha; anaz Yooz kamaa zizza. Pero kjanapachaz Yooz zuma kamaa tjeezta cjequicha. 17Jalla nekztanaqui Jesusaqui Yooz puntu kjanzti kallantichicha, tuz cjican: Kuznaca campiya. Arajpach Yooz waj mantaquicha. Jalla nii timpuqui zcatzinzquicha. Jalla nuz paljaychicha. PAJKPIC CHIZ TANI ZOINACA JESUSIZ KJAWZTA 18Jesusaqui Galilea cjita kot at tjiyaranz okatcha. Jalla nuz ojkcan pucultan jilazullca zoinaca cherchicha. Tsjiiqui Simn cjitatacha, nizaza Pedro cjitazakaztacha. Tsjiiqui Andrs cjitatacha. Jalla ninacaqui chiz taninacatacha. Nii oraqui ninacaqui chiz tanz kjazquiz tjojtsi zelatcha. 19Jalla ninaczquiz Jesusaqui tuz cjican paljaychicha: Wejttan chica ojklayi cjee. Jaknuz chiz juntichamzlaja, jalla nizta irata anchucqui Yooztajapa zoinaca juntaquicha. 20Jalla nuz chiitiquiztan nii pucultan zoinacaqui nii orapacha chiz tanz eccu, Jesusiztan chica ojklaychicha. 21Jalla nekztanaqui tsjii koloculla najwcjapa ojkzcu Jesusaqui tsjii pucultan jilazullca zoinaca cherchizakazza. Tsjiiqui Jacobo cjitatacha. Tsjiiqui Juan cjitatacha. Zebedeoz majchtacha. Niiz ejpztanpacha warcuquiz zelatcha, chiz tanz azquichcan. Jalla nii cherzcu, Jesusaqui ninaca kjawzicha. 22Nekztan nii orapacha warcumi niiz ejpmi eccu, Jesusiztan chica ojklaychicha. SAN MATEO4 11. 7 El Nuevo Testamento en Chipaya de Bolivia, 2da ed. 2009, La Liga Bblica ZOINACA JESUSA APZA 23Tjapa nii Galilea cjita yokaran ojklaychicha, zapa ajcz kjuyquiz Yooz puntu tjaajincan. Nizaza paljaychicha, Yooziz mantita zoinacaz cjee, cjican. Nizaza tjapaman laanaca chjetinchicha. 24Jesusiz ojklayta, jalla nii quintuqui tjapa Siria yokquin ojkchicha. Jalla niztiquiztan, tjapaman conchiz zoinacami, nizaza tjapaman laa ayii zoinacami, nizaza zajraz tanta zoinacami, nizaza tucur zoinacami, nizaza ana ojklayi ati zuch zoinacami, tjapaman laanaca Jesusizquin chjitztatacha. Nekztanaqui Jesusaqui nii laanaca chjetinchicha. 25Galilea zoinacaqui niizquin walja apzquichicha, nizaza Decpolis watjanacquiztan zoinacami, nizaza Jerusaln wajtquiztan zoinacami, nizaza Judea yokanacquiztan zoinacami, nizaza Jordn pujz tuwanchuctan zoinacami. Tjapa nii zoinacami jalla nuz Jesusa apzicha. JECTNACAT CUNTINTU ZOINACA 5 1Walja tama zoinaca cherzcu, Jesusaqui tsjii kolta curulla yawchicha. Jalla nekztan nii curullquin julzicha. Nizaza niiz kjawzta zoinacaqui niiz muytata ajczicha. 2Jalla nekztan Jesusaqui ninaczquiz tjaaji kallantichicha, tuz cjican: 3Jecnacat wejrqui ujchizpancha cjican persun kuzquiz sintichaja, jalla ninacaz Yooz wajtchiz zoinaca cjequicha. Nekztanqui cuntintuz cjequicha. 4Jecnacat persun ujquiztan llaquita zejlchaja, jalla ninaczquiz Yoozqui kuznaquicha. Nekztan cuntintuz cjequicha ninacaqui. 5Jecnacat humilde kuzziz cjechaja, jalla ninaczquiz Yoozqui irinsaz tjaaquicha, ew yoka. Nekztan cuntintuz cjequicha. 6Jecnacat Yooz kuzcamakaz kamz ancha pecchaja, jalla ninaczquiz Yoozpanz zuma kamzjapa yanapaquicha. Nekztan cuntintuz cjequicha. 7Jecnacat parti zoinacztajapa oksi kuzziz cjechaja, jalla ninaczquiz Yoozqui zakaz oksnaquicha. Nekztan cuntintuz cjequicha. 8Jecnacat ancha zuma kuzziz cjechaja, jalla ninacaqui Yooz cheraquicha. Nekztan cuntintuz cjequicha. 9Jecnacat pasinsis kuzziz kami cjechaja, jalla ninacaqui Yooz maati cjitaz cjequicha. Nekztan cuntintuz cjequicha. 10Jecnacat Yooz kuzcama kamtiquiztan chjaawjta sufrachaja, jalla ninacaz Yooz wajtchiz zoinaca cjequicha. Nekztan cuntintuz cjequicha. 11Jecnacat weriz cjen zoinacaz chjaawjta cjechaja, nizaza kijchta cjechaja, nizaza tjapaman toscar tawkztan quintra chaanita cjechaja, jalla ninacami cuntintuz cjequicha. 12Jecnacat weriz cjen jalla niztanaca sufrichi cjechaja, jalla ninaczquiz Yoozqui arajpachquin wali pajk honora tjaaquicha. Jalla niztiquiztan tii muntuquiz kamcan, cuntintukaz cjee. Anchucqui cjuzna. Yooz cuntiquiztan chiii profetanacaqui nizta zakaz sufrichicha tuqui timpuquiztanpacha. CRIICHINACZ PUNTU 13Jesusaqui tjaajinchizakazza: Anchucqui tii muntuquiz kamcan yacu cuntaztakazza, parti zoinacztajapa. Pero yacuqui lakaz cjesaz niiqui, kjazpant wilta walipan cjisnasajo? Anapanz cjesacha. SAN MATEO4,5 12. 8 El Nuevo Testamento en Chipaya de Bolivia, 2da ed. 2009, La Liga Bblica Nekztan anaz chjuljapami sirwasacha; tjojttapanz cjesacha; nekztan zoinacaz tjecztaz cjequicha. 14Anchucqui tii muntuquiz kamcan, parti zoinacztajapa kjana cuntaztakaz cjesacha, zuma kamaa zizajo. Tsjii curquiz kjuyta watjaqui, ana chjojzta cjesacha. 15Tsjii lamparaqui tjeeztaz cjechaj niiqui, anapanz cajn koztan nonzta cjesacha. Lamparaqui tjeeztaz cjechaj niiqui, tsewc tsjijptapanz cjesacha, tjapa nii kjuyquiz zejli zoinacztajapa kjanajo. 16Jalla nuz anchucqui lamparaztakaz cjee, zoinacztajapaqui. Kjanapacha zuma kamachiz cjee. Nekztan zoinacaqui anchuca zuma kamaa cherzcu, anchuca arajpach Yooz Ejpzquin honora tjaaquicha. LII PUNTU 17Jesusaqui tjaajinchizakazza: Wejrqui ana tjonchincha Moiss lii tjatanskatzjapa, nizaza profetanacaz tjaajintanaca tjatanskatzjapami. Jalla nizta anaz pinsa anchucqui. Wejrqui ana tjonchincha nii tuquita Yooz tjaajintanaca tjatiqui; antis tjonchincha cumpliskatzjapa. 18Weraral chiizinucha. Tuquita Yooziz tjaata liiquiztan tjapa puntumi tjapa letrami anaz tjatanta cjequicha, tjappacha cumpliscama. Ima tii muntumi arajpachami tucuzinznan, nii liiqui anapanz tjatantaz cjequicha. 19Jalla niztiquiztan jequit tuquita Yooziz tjaata liiquiztan tsjii mantita, kolta lii cjenami, ana pajz pecchaj niiqui, nizaza yekjap zoinaczquiz niztapacha tjaajinchaja, jalla nii zoiqui arajpach Yooz wajtquin anaz chjul honorchiz cjequicha. Pero jequit nii tuquita lii mantita cazachaja, nizaza yekjap zoinaczquiz niztapacha tjaajinchaja, jalla nii zoiqui arajpach Yooz wajtquin chekan honorchiz zoiz cjequicha. 20Anchucaquiz wejr chiizinucha. Lii tjaajii maestrunacami, nizaza fariseo zoinacami zejlcha. Pero anchucqui ninaczquiztan anaz jucanti Yooz mantitacama kamachaj niiqui, anapanz arajpach Yooz wajtquin luzasacha. Yooz mantitacama kamstancha, arajpach Yooz wajtquin luzjapa. ZAWJZ PUNTU 21Jesusaqui tjaajinchizakazza: Anchucqui tuquita atchi ejpnaczquiztan tuz nonzinchuccha. Ninacaqui cjiitacha, tuz cjican: Anacha zoi conzqui. Jequit zoi conachaja, niiqui juzjitaz cjequicha. 22Pero wejr chiizinucha, jequit tsjii jilzjapa zawjwachaj niiqui, jusjitaz cjequicha. Nizaza jequit tsjii jilztan chaachaj niiqui, Junta Suprema cjita chawjc jilirinacaz jusjitaz cjequicha. Nizaza jequit tsjii jilzquiz ana zumamcha cjican chaanchaj niiqui, infiernuquin chjatkattaz cjequicha. 23Nizaza tii puntu zakal cjeecha. Jequit niiz ofrenda Yooz yujcquin chjichachaj niiqui, nizaza chjichcu niiz jilztan quintra tanasta cjusnachaj niiqui, 24jalla nekztan ima ofrenda tjaacan, nii timpluquizpacha ecla. Nekztanaqui niiz jilzquin pertuna mayiza ojkla. Niiztan jilztan walikaz cjila. Jalla nekztanaqui timpluquin quejpzcu, ofrenda Yoozquin tjaasacha. 25Jequit am quintra quijchi cjechaj niiqui, nizaza jilirz kjuya chjichachaj niiqui, jalla nii quijchi zozquiz pertunam mayizaquicha ana enenzcu, ima jilirz kjuya irantican. Pertunazta cjequiz niiqui, anam juez jilirzquin intirjita cjequicha jusjita cjisjapa. Amqui ultimpacha juez jilirzquin intirjita cjesaz niiqui, nii juez jiliriqui am tsjii SAN MATEO5 13. 9 El Nuevo Testamento en Chipaya de Bolivia, 2da ed. 2009, La Liga Bblica policiiquin zakaz intirjasacha; carsilquiz chawjcta cjesacha. 26Weraral chiizinucha. Carsilquiz chawjctam cjesaz niiqui, anam ulanasacha, liwj pacacama. ADULTERIO PUNTU 27Jesusaqui tjaajinchizakazza: Anchucqui tuquita atchi ejpnaczquiztan tuz nonzinchuccha: Anacha adulteriuquiz ojklayzqui. 28Pero wejrqui tuz chiizinucha, jakzilta luctakat yekja maataka wejt maatakaj cjejaa cjican pinsichaja, jalla niiqui persun kuzquiz niwjctanaqui adulterio paachizakazza Yooz yujcquiziqui. 29Am zew latu chjujquiqui ujquiz tjojtskatchaj niiqui, nii chjujqui leczna, nizaza nawjk tjojtta. Jalla nuz tsjii chjujquiqui pertissi cjenaqui am parti curpuqui ana infiernuquin tjojtta cjesacha. Jalla nuz waliz cjesacha. 30Nizaza am zew kjaraqui ujquiz tjojtskatchaj niiqui, nii kjara pootzna, nizaza nawjk tjojtta. Jalla nuz tsjii kjaraqui pertissi cjenaqui am parti curpuqui ana infiernuquin tjojtta cjesacha. Jalla nuz waliz cjesacha. TJUNATAN JALJTIS PUNTU 31Jesusaqui tjaajinchizakazza: Anchuca tuquita atchi ejpnacaqui tuz cjiitacha: Jecmiz niiz persun tjunatan jaljtasaz niiqui, primiruqui tsjii ultim jaljtita cjijrta papel certificado tjaasa. 32Pero wejrqui tuz chiizinucha, jakziltamiz persun tjunatan jaljtasaz niiqui, nizaza ana chjul adulterio motivo zelan, jalla nijwctanaqui naa ultimu jaljtita tjunqui adulterio cjiskatasacha. Nizaza jakziltami naa ultimu jaljtita tjunatan zalznachaj niiqui, adulterio ujpanz paacha. JURAMENTO PUNTU 33Jesusaqui tjaajinchizakazza: Nizaza anchucqui tuquita atchi ejpnaczquiztan tuz nonzinchuccha: Anacha toscar tawkztan juramento paazqui. Juramento paaquiz niiqui, tjapa nii juramentuztan compromitta takupanz cumplisnaquicha Yooz yujcquiziqui. 34Pero wejrqui tuz chiizinucha, anaz chjulquiztanami juramento paasacha, werara chiizpancha. Nizaza anacha arajpacha zizza cjican juramento paazqui. Yooztajapacha arajpachaqui. 35Nizaza anacha tii yoka zizza cjican juramento paazqui. Yooztajapacha tii yokaqui. Nizaza Jerusaln wajtz tjuu aynakcan anacha juramento paazqui. Chawjc Yooz Jilirztajapacha nii watjaqui. 36Nizaza anacha wejt persun acha zizza cjican juramento paazqui. Amqui anam zinta tsok charquiztan chiw charquin tuckatasacha. Nizaza anam zinta chiw charquiztan tsok charquin tuckatasacha. 37Jalla niztiquiztan, Jesalla cjicanaqui, Jesalla cjispancha; nizaza Anaz cjicanaqui, Anaz cjispancha. Zajra diabluz cjen juramento paazqui zejlcha. ANA WALI TJEPUNTA PUNTU 38Jesusaqui tjaajinchizakazza: Anchucqui tuquita atchi ejpnaczquiztan tuz nonzinchuccha: Tsjii zoiqui yekja zoz chjujqui pjatzinasacha, nekztan nii pjati zoz chjujqui pjatzintazakaz cjesacha. Nizaza tsjii izke chjatkatzinasaz niiqui, nii chjatkati zoz izke chjatkatzintazakaz cjesacha. 39Pero wejr chiizinucha, anacha kijtzi zoiqui niztapacha kijtzqui. Nizaza am quintra tsjii yujc latu kijchasaz niiqui, kijchta cjiskazza, tsjii yujc latuztanpachami. 40Nizaza jakziltamiz am tanzcu am almilla kjanz pecchaj SAN MATEO5 14. 10 El Nuevo Testamento en Chipaya de Bolivia, 2da ed. 2009, La Liga Bblica niiqui, kjaaj cjiskazza, irztanpachami. 41Jakziltamiz niiz kuzi tsjii tupucama, amquiz chjitskatasaz niiqui, jucanti tupucama chjichna. 42Jakziltamiz amquiztan mayasaz niiqui, tjaa amqui. Nizaza jakziltamiz amquiztan tomzi tjonasaz niiqui, onzna amqui. QUINTRA ZOINACZTANAMI ZUMA MUNAZIZA 43Jesusaqui tjaajinchizakazza: Nizaza anchucqui tuquita atchi ejpnaczquiztan tuz nonzinchuccha: Mazinacztan zuma munaziza. Nizaza am quintra zoinacztan chjaawjkata. 44Pero wejr chiizinucha, am quintra zoinacztanami zuma munaziza. Nizaza am quintra laykii zoinacztajapa zuma kuztan Yoozquiztan maynaquicha. Nizaza am quintra chjaawjkati zoinaczquin zumapan paa. Nizaza am quintra chaainaczquinami kichinaczquinami zumapan Yoozquiztan maytizina. 45Jalla nuz zuma kamcan anchucqui tjeeza, arajpach Yooz Ejpz maatichuccha, nii. Yoozqui zuma zoinaczquizimi ana zuma zoinaczquizimi liwj tsjiikaz niiz paata tjui tewkkatcha. Nizaza niiz kuzcama kaminaczquizimi nizaza ana niiz kuzcama kaminaczquizimi tjapa ninaczquiz chiji apayzquicha. 46Anchucqui persun okzi zoinaczquizkaz okznaquiz niiqui, jalla nuz paatiquiztan chjul premio Yoozquiztan tanznaquejo? Jalla niztazakaz kamcha ana wali impuesto cobriinacami. 47Nizaza anchucqui persun jilanaczquizkaz tsaanaquiz niiqui, jalla nijwctan chjul zumaz anchuc paajo? Jalla niztazakaz paacha ana Yooz pajinacami. 48Anchucqui walja zuma kuzziz kama, jaknuzt anchuc arajpach Yooz Ejp walja zuma kuzzizpanchalaja, jalla nuz. ZUMA KAMZ PUNTU 6 1Jesusaqui tjaajinchizakazza: Anchucqui anacha persunpacha honorchizkaz cjis peczqui. Anacha zoinacz yujcquiz anchuca Yooz custurumpinaca paazqui, zoinaczquiztan honorchiz cjisjapa. Anchucz jalla nuz persun honorchizkaz cjis pecaquiz niiqui, nii honorchiz kaz cjequicha. Anchuca arajpach Yooz Ejpqui ana iya honora tjaaquicha. 2Ana zum kuzziz zoinacaqui takjir zoinaczquiz onanzcu zoi zoinaczquin mazmazicha, onanchincha nuz cjicanaqui. Ajcz kjuyaranami calliranami jalla nizta paaicha, zoinacaz ninaczjapa zuma chiyajo. Pero wejrqui weraral chiizinucha. Jalla nizta paai zoinacaqui nii honorchizkaz cjequicha. Anchucqui anacha nizta iratapacha kama. 3Anchuczti takjir zoinaczquiz onanzcu, jalla nii anchuca onantaqui anaz jeczquizimi mazmaznaquicha, onanchincha, cjicanaqui. 4Nizaza takjir zoinaczquiz jamazit onaquicha. Aunquimi anchucaz jamazit paachiz cjenami, anchuca Yooz Ejpqui chercha. Jalla nuz cherzcu anchucaquiz kjanacama honora tjaaquicha, tsjii premiuztakaz. MAYIZIZ PUNTU 5Nizaza nii ana zum kuzziz zoinacaqui Yoozquin mayizican jalla tuz juztazicha. Ajcz kjuyquizimi call isquinquizimi tsijtchi Yoozquin mayiziicha, tjapa zoinaca cherajo. Wejrqui weraral chiizinucha, jalla nuz paazcu ninacaqui nii honorchizkaz cjequicha. Anchucqui anacha nizta irata mayizizqui. 6Anchuczti Yooz Ejpzquin mayizizjapaqui, kjuyquiz SAN MATEO5,6 15. 11 El Nuevo Testamento en Chipaya de Bolivia, 2da ed. 2009, La Liga Bblica luz waquizicha, nizaza kjuy chawjcz waquizicha. Jalla nekztan anchuca Yooz Ejpzquin mayizasacha. Jalla nuz zinalla mayizan anchucatan chicaz cjequicha Yooz Ejpqui. Jalla nuz jamazit mayiztiquiztan Yooz Ejpqui anchucaquiz honora tjaaquicha, tsjii premiuztakaz. 7Yoozquin mayizcan, anacha wiltan wiltan takunaca quejpzcu quejpzcu mayizizaqui. Jalla nuz mayizaquiz niiqui, inapanikazza. Jalla niztaz mayizza ana Yooz paji zoinacaqui. Jalla nuz wacchi chiican mayizitiquiztan nonznaqueeka Yoozqui cjican. 8Jalla nizta anaz anchuc cjeella. Anchuca Yooz Ejpqui zizza, chjulut anchuc pecchaja, jalla nii. Ima anchucaz mayizan, panz zizza Yooz Ejpqui. 9Jaziqui anchucqui jalla tuz mayizaquicha: Yooz Tata, amqui arajpachquin zejlcha. Am tjuu honorchiz aptitaj cjilalla. 10Nizaza am mantiz timpu tjonchej cjilalla. Nizaza tii muntuquiz zejli zoinacaqui am kuzcamaj kamlalla. Jaknuzt am kuzcama kamchaja arajpachquin zejlinaca, jalla nizta. 11Nizaza tonjiqui chjeri tjaazcalla chjerztan kamzjapa. 12Nizaza wejtnacaz paata ujnaca pertunalla, jaknuzt wejrnacqui wejtnaca quintra paai pertunuchaja, jalla nizaza. 13Nizaza anaz anawalinaczquiz tjojtskatalla, antis anawalinacquiztanz liwriyalla. Amcha wiaya jucant mantiamqui, nizaza amcha wiaya jucant azzizqui, nizaza amcha wiaya jucant honorchizqui. Jalla nuzoj cjila. Amn. 14Anchuca quintra paainaczquiz pertunaquicha. Nekztan Yooz Ejp zakaz anchuca ujnaca pertunaquicha. 15Anchuca quintra paainaczquiz ana pertunaquiz niiqui, nekztan ana zakaz Yooz Ejpqui anchuca ujnaca pertunaquicha. AYUNAS PUNTU 16Anchucqui ayunascan anaz llaquit chercherchiz cjee. Ana zum kuzziz zoinacaqui llaquit chercherchiz ayunasicha, zoinaca ninaca ayunasi cherajo. Wejrqui weraral chiizinucha, jalla nuz paatiquiztan ninacaqui inapanikaz cjequicha. 17Anchuczti ayunascanaqui zumpacha yujcmiz awjzna, nizaza zumpacha achami chjijczna, 18zoinaca anchuc ayunasi ana nayajo. Yooz Ejpqui ana cherta cjenaqui tjappacha chercha, jamazit paatami. Yooz Ejpqui anchucaquiz zuma honoraz tjaaquicha, tsjii premiuztakaz. CUSASANAC PUNTU 19Jesusaqui tjaajinchizakazza: Tii muntuquiz kamcanaqui anacha muzpa cusasanaca juntizqui. Kjurinacakaz anchuca juntita cusasanaca lulaquicha. Nizaza parti anchuca juntita cusasanaca inapankaz chjijtaquicha. Nizaza tjaiqui kjuyaz luzasacha, anchuca cusasanaca tjangzjapa. 20Nonzna, arajpachquin muzpa cusasanaca juntaquicha. Arajpachquin cusasanaca lujlimi, nizaza cusasanaca akziimi, nizaza cusasanaca tjangziimi ana zejlcha. 21Jakziquizt anchuca cusasanaca juntita zejlchaja, jalla nicjukaz anchuc kuz tjaacha. ZUMA KAMACHIZ, ANA ZUMA KAMACHIZ PUNTU 22Jesusaqui tjaajinchizakazza: SAN MATEO6 16. 12 El Nuevo Testamento en Chipaya de Bolivia, 2da ed. 2009, La Liga Bblica Zoz chjujquiqui persun curpuz lamparaztakazza. Jaziqui zoz chjujqui zuma cjequiz niiqui, zuma cheraquicha. Jalla niztazakaz zoz kuzqui zuma cjequiz niiqui, zuma kamaquicha. 23Zoz chjujquizti ana zuma cjequiz niiqui, zumchiquiztakaz ojklayaquicha. Anchuca kamaa zumchiquiz panz cjequiz niiqui, jucanti jucanti zumchiquiz cjisnaquicha. Nekztan jaknuzt zuma kamasajo? PAAZ PUNTU 24Jesusaqui tjaajinchizakazza: Anaz jakziltami pizc patruna sirwasacha. Pizc patrunchiz cjesaz niiqui, tsjii patrunzquiz ana pectaz cjesacha. Tsjii patrunzquiz pectaz cjesacha. Tsjii patrunzquizkaz zuma sirwasacha. Jalla niztiquiztan Yoozquiz sirwican anaz ancha paazquiz kuz tjaasacha. Nizaza paazquiz kuz tjaaquiz niiqui, anaz Yoozquin ancha kuzziz cjesacha. YOOZ EJPQUI NIIZ MAATINACA CWITICHA 25Jesusaqui tjaajinchizakazza: Anchucaquiz tuz chiizinucha, zejtzjapaqui kjaz liczmi lujlz chjerimi peccha. Jalla nuz cjenami anchucqui anacha kuzquizic chjerquiztan llaquita cjisqui. Nizaza curpu wali cjisjapa zquiti peccha. Jalla nuz cjenami anchucqui anacha zquitquiztan llaquita cjisqui. Chjul chjerquiztanami zoz zetiz jucanti importicha. Nizaza chjul zquitquiztanami persun curpuz jucanti importicha. 26Laylayi wezlanacaz cherzna. Jalla nii wezlanacaqui ana zkalami chjaccha, nizaza ana zkalquiztanami ricujcha, nizaza ana chjeri yaaz zquitchizza. Jalla nuz cjenami anchuca arajpach Yooz Ejpqui wezlanaczquiz chjeri tjaacha. Yooz yujcquiziqui anchucqui chjul wezlanacquiztanami jucantiz importicha. 27Anaz jec kolta zoimi persunpacha tsjan lajcha paki atasacna, llaquizii kuzziz cjenami ancha lajcha peci kuzziz cjenami. 28Kjaztiquiztan anchucqui zquitquiztankaz llaquit kuzziz cjesajo? Plantanacz pjajkjallaz cherzna, jaknuzt pajkchaja, jalla nii. Ninacaqui anaz langza, nizaza anaz kawancha. 29Jalla nuz cjenami nii pjajkjallanacaqui ancha cachjallacha. Finu zquiti cujtzcumi ricachu Salomn cjita jiliriqui anaz jucant cachja nii pjajkjallanaczquiztanami. 30Plantanacaqui tsjii upacamakaz zejlcha. Nekztanaqui jakatazu kattazu jurnuquiz tjutjunzjapa ujztacha. Jalla nizta cjenami Yooz Ejppacha nii plantanaca cwiticha. Anchucqui chjul plantaquiztanami jucantipanz importicha. Jalla niztiquiztan Yoozqui anchuc jucant cwiticha, Yoozquin ana tjapa kuzziz cjenami. 31Jalla niztiquiztan anchucqui anacha llaquita kuzziz cjisqui, chjul chjerquiztanami, nizaza kjaz liczquiztanami, nizaza chjul zquitquiztanami. 32Ana criichi zoinacaqui tii muntu cucasanaczquin kuzziz ojklaycha. Anchuczti ana nizta kuzziz cjeella. Anchucacha arajpach Yooz Ejpchizqui. Chjultakicha anchucqui pecchaj niiqui, liwj zizza Yooz Ejpqui. 33Jalla niztiquiztan Yooz Ejpzquinpankaz walja kuzziz cjee. Nizaza niiz mantita zuma kamaquiz kuzziz cjee. Jalla nekztanaqui anchucaltaqui cawalikaz cjequicha chjulumi. 34Jakatan chjulut anawalinaca watachaj niiqui, jalla nii ana juyzu paa tonjiqui. Jakaqui chjulut watachaj niiqui, jakapachaz jaknuzquinami wataquicha. Zapuru chjul anawalinacaqui zejlipancha. SAN MATEO6 17. 13 El Nuevo Testamento en Chipaya de Bolivia, 2da ed. 2009, La Liga Bblica ZOINACZTAN ZUMA KAMA 7 1Jesusaqui tjaajinchizakazza: Anchucalaqui anacha zoinacz uj chii chiizqui. Jalla nuz zoinacz uj chii chiyaquiz niiqui anchucqui jucant ujchiz cjequicha Yooz yujcquiziqui. 2Nizaza zoinaczquizimi Amqui Yooziz castictaj cjila, cjican chiyaquiz niiqui anchucqui Yooziz casticta zakaz cjequicha. Zoinacztan zuma kama. Nekztan Yooz Ejpqui anchucatan zumaz cjequicha. 3Nizaza amqui am jilz chjujcquiz tsjii cjujchilla cherasaz niiqui, kjaztiquiztan am persun chjujcquiz pajk cjujchi ana cherjo? 4Am persun chjujcquiz nii pajk cjujchi ana cherasaz niiqui, kjaztiquiztan am jilzquiz chiijo, Jila, am chjujcquiztan cjujchilla apakzinacha, cjicanajo? 5Ana zum kuzziz zoimcha amqui. Am persun chjujcquiztan pajk cjujchi apakalla. Nekztan zuma cherasacha, y nizaza am jilz chjujcquiztan cjujchilla apakasacha. 6Yoozquin criichi zoinaca, anchucqui Yooz taku anapan nonz peci zoinacztan Yooz puntu ana paljayaquicha. Ninacaqui pacunacaztakazza. Nizta zoinacaqui anchucaltan chati pacuztakaz cjesacha. Nizaza nii Yooz taku anapan nonz peci zoinacaqui cuchinacaztakazza. Yooz puntu nonzcu, kuzquizkaz zawjcha. YOOZQUIN MAYIZIZQUI 7Jesusaqui tjaajinchizakazza: Yooz Ejpzquiztan mayaquiz niiqui, Yooz Ejpqui tjaaquicha. Nizaza Yoozquin kjuraquiz niiqui, Yooz wachaquicha. Nizaza kjuy zanquiztan toc tocaquiz niiqui, cjetzintaz cjequicha. 8Jequit mayachaja, risiwaquicha. Nizaza jequit Yoozquin kjurachaja, wachaquicha. Nizaza jequit kjuy zanquiztan toc tocachaja, cjetzintaz cjequicha. Jalla nuzucha Yoozquiz mayizizqui. 9Anaz jakziltami anchuca majch tanta mayanaqui maz chjalznasacha. 10Nizaza anaz jakziltami anchuca majch chiz mayanaqui zkora chjalznasacha. 11Anchucqui ana zum kuzziz cjenami zuma cusasanaca tjayinchuccha persun maatinaczquiz. Jaziqui anchuca arajpach Yooz Ejpqui mayi maatinaczquiz jucant zumaz tjaasacha. 12Jaknuzt anchucqui parti zoinaca anchucatan zuma munaziz pecchaj niiqui, jalla niztapacha parti zoinacztan zuma munaziz waquizicha anchucqui. Jalla niipan Moiss liiquiz chiichicha, nizaza Yooz cuntiquiztan chiii profetanacaz cjijrtanacami. ZKOZ JICZ, PAL JICZ 13Jesusaqui tjaajinchizakazza: Yoozquin ojkz pecchaj niiqui, zkoz zanquiztan luzza. Infiernuquin ojki jicz palacha, nizaza pal zanchizza. Jalla nijwcchuc ojki zoinacaqui muzpacha. 14Tsjiic zakaz zejlcha. Arajpachquin ojki jicz zkozacha, nizaza zkoz zanallchizza. Nizaza cujlcullacha arajpachquin ojki jiczqui. Jalla nii jiczquinaqui koluckaz zoi ojkcha. KAMAQUIZTAN PAJTA CJESACHA ZOINACAQUI 15Jesusaqui tjaajinchizakazza: Anchucqui zumpacha cwitasaquicha toscar taku chiichiii zoinaczquiztanami. Jalla ninacaqui Yooziz tjaata taku chiyucha cjiizakazza. Ninacaqui anchucaquiz tjonza, tsjii uuzi zkizi tjutzta kitiztakaz. Ninacz kuzqui anawira zumacha. SAN MATEO7 18. 14 El Nuevo Testamento en Chipaya de Bolivia, 2da ed. 2009, La Liga Bblica 16Ninacz ana zuma kamaquiztan pajtaz cjequicha, ultimu ana zum zoinacaqui. Tsjii chap muntiqui uwas frutchiz anaz cjesacha. Nizaza tsjii chap plantaqui higo frutchiz anaz cjesacha. Jalla niztapancha ana zum kuzziz zoinaca. Zuma kamachizqui anapanz cjesacha. 17Tjapa zuma muntinacaqui zuma fruta pookicha. Nizaza tjapa ana zuma muntinacaqui ana zuma fruta pookicha. 18Zuma muntiqui anapanz ana zuma frutchiz cjesacha. Nizaza ana zuma muntiqui anapanz zuma frutchiz cjesacha. 19Jakzilta muntit zuma fruta ana pookzaja, katztaz cjequicha nizaza ujtaz cjequicha. 20Jalla niztanacquiztan anchucqui ana zum kuzziz zoinaca pajaquicha, ninacaz ana zuma kamaquiztan. ANA YOOZ WAJTQUIN OJKI ZOI 21Jesusaqui tjaajinchizakazza: Yekjap zoinacaqui wejtquiz wejt Jiliri, wejt Jiliri paljaycha. Pero nuz chiicanami, anaz wejt arajpach Ejpz mantuquiz kamaquiz niiqui, anapanz arajpach wajtquin okasacha, nizaza anapanz arajpach Yooz Ejpz mantuquiz zelasacha. 22Ultim zoi pjalz tjuquiziqui wacchi zoinacaqui wejtquiz paljayaquicha, tuz cjican: Wejt Jiliri, wejt Jiliri, am tjuu aynakcan Yooz taku paljaychincha, nizaza am tjuu chiican zajranaca chjatkatchincha, nizaza am tjuu aynakcan wacchi milajrunaca paachincha. Jalla nuz cjican wejtquiz paljayaquicha. 23Jalla nuz paljaytiquiztanami wejrqui cjeecha, Anchuc anawira pajchinla pero. Wejtquiztan zaraka. Anchuccha ana zuma paainacaqui. PIZC PUNTA ZOINACAQUI 24Jesusaqui tjaajinchizakazza: Jakziltami weriz chiita taku nonzaja, nizaza weriz chiita tawk jaru kamchaja, jalla niiqui zuma intintazi zoinacacha. Intintazi zoiqui jalla tuzucha. Tsjii maz lum juntu kjuya kjuycha. 25Nekztanaqui chiji chijinchicha. Nekztan puj kjazqui walja tsijtchicha, nizaza pjatzicha, nizaza tjamiqui walja tjamchicha nii kjuya quintra. Pero nii chijimi, tjamimi, kjazmi ana nii maz juntu kjuyta kjuyaqui pali atchicha. 26Jaziqui jakziltami weriz chiita taku nonzcanpacha ana wejt tawk jaru kamchaja, jalla niiqui zumzu zoicha. Zumzu zoiqui jalla tuzucha. Ana zuma yokallquiz pjil yok juntu kjuya kjuychicha. 27Nekztanaqui chiji chijinchicha. Jalla nekztan puj kjazqui walja tsijtchicha, nizaza pjatzicha, nizaza walja tjamchicha nii kjuya quintra. Jalla nekztanaqui nii pjil yok juntu kjuyta kjuyaqui muzpa tsucchuca pajlzicha. 28Jesusaz jalla nuz tjaaji zerztan, nonzi zoinacaqui walja ispantichicha niiz tjaajintiquiztan. 29Jesusaqui walja zizi zizi tjaajinchicha. Lii tjaajii maestrunacaqui ana nizta tjaajiitacha. MOJKCHI JANCHICHIZ LAA ZOI CHJETINTA 8 1Jalla nekztanaqui Jesusaqui curquiztan chjijwzquichicha. Nizaza muzpa zoinaca apzicha. 2Tsjii mojkchi janchichiz laa zoiqui Jesusizquiz macjatzquichicha. Jesusiz yujcquiz quillzcu, tuz cjichicha: Wejt Jiliri, tii laaquiztanz chjetnalla. Am wejr chjetinzim pecchaj niiqui, wejr chjetinzim atcha. 3Jalla nekztanaqui Jesusaqui kjarztan lanzcan, tuz cjichicha: Wejr am chjetnasachiya. Chjetintam cjissa. SAN MATEO7,8 19. 15 El Nuevo Testamento en Chipaya de Bolivia, 2da ed. 2009, La Liga Bblica Jesusaz jalla nuz chiitiquiztan, nii mojkchi janchichiz zoiqui laaquiztan zejtchi quirchicha. 4Nekztanaqui Jesusaqui niizquin chiizinchicha, tuz cjican: Wejr am tsjii cjesacha. Jalla tii chjetintiquiztanaqui anam jeczquizimi maznaquicha. Timpluquin oka. Jalla nicju timplu jilirzquin persunpacha tjeezca, zejtchi, jalla nii. Nizaza Moiss mantita ofrenda tjaaquicha, tjapa zoinaca zizajo, laaquiztan chjetinta, jalla nii. TSJII CHJETINTAQUI 5Jalla nekztanaqui Jesusaqui Capernaum cjita watja luzzicha. Jalla nuz luzan tsjii roman sultat capitn jiliriqui niizquin macjatzquichicha. Nekztanaqui roctichicha, 6tuz cjican: Wejt Jiliri, kjuyquiz wejt piyuna ajpzquiz zejlcha, ana tsijti. Nizaza walja ana wali ayicha. 7Nekztanaqui Jesusaqui cjichicha: Nii chjeti okasacha. 8Nii sultat capitn jiliriqui kjaazicha, tuz cjican: Wejt Jiliri, anal wejt kjuyquiz am tjonzca cjiyi atasacha. Wejrqui amquiztan inakaztcha. Jaziqui takukaz chiya chjetinzjapa. Nekztan wejt piyunaqui chjetinta cjequicha. 9Wejrpacha wejt pajk jilirz mantuquiz zelucha. Niiz mantitacama ojklayicha. Nizaza wejt mantuquiz sultatunaca zejlcha, chjulut wejr mantuchaja, jalla nuz cjen zultatunaca ojkcha. Nizaza zultatu kjawznuchaja, zakaz tjoncha. Nizaza wejt piyuna chjulu paajumi mantuchaja, zakaz paacha. 10Jalla nuz nonzcu, Jesusaqui nii jiliri ancha zuma kuzziz naychicha. Nekztanaqui nuz nayzcu Jesusaqui niiz apzinaczquiz cjichicha: Wejrqui weraral cjiwcha. Chekapan tii zoiqui jucant Yoozquin kuzzizza, tjapa Israel wajtchiz zoinaczquiztanami. 11Nizaza wejrqui cjiwcha, tuwantan tajatan muzpa zoinacaqui tjonaquicha, arajpach Yooz wajtquin luzjapa. Jalla nii Yooz wajtchiz zoinacaqui Abrahamztan, Isaacztan, Jacobztan, jalla ninacztan juntupacha cuntintuz cjequicha. 12Israel zoinacazti arajpach Yooz wajtquin zejlchucatacha. Pero Yooz wajt zawntan zumchiquiz chjatkattaz cjequicha. Jalla nicjuz kaaquicha, nizaza izke jojcan zelaquicha. 13Jalla nekztanaqui Jesusaqui capitn jilirzquiz tuz cjichicha: Am kjuya oka. Jaknuzt am tjapa kuztan criichaja, jalla niztapachaz cjequicha. Jalla nii orapacha niiz piyunaqui zejtchi quirchicha. ZOINACA CHJETINTA 14Nekztanaqui Jesusaqui Pedruz kjuya ojkchicha. Jalla nicju ajpzquiz Pedruz ajmuz maa cherchicha chujli conztan laa cjichi. 15Naaza kjara lanzinchicha. Nuz lanztiquiztan nii chujli conquiztan zejtchincha. Nii orapacha zaazcu, ninaca atinti kallantichincha. 16Nii chjetinta quintu nonzcu tjuiz kattan muzpa zajraz tanta zoinaca Jesusizquiz zjijctatacha. Jesusaqui tsjii taku chiizcu zajranaca chjatkatchicha. Nizaza tjapa laanaca chjetinchicha. 17Nii chjetintanacaqui Isaas profetaz chiita taku cumplissicha. Isaiasqui cjijrchicha tuz cjican: Tsjii zoiqui uchum laa curpunaca tjupi cjiskataquicha, nizaza conanacquiztan uchum chjetnaquicha. JESUCRISTUZTAN CHICA OJKLAYZ PUNTU 18Wiruaqui tsjii noojiqui muzpa zoinacaqui walja muytata Jesusizquiz ajczicha. Jalla nizta cherzcu, Jesusaqui mantichicha, kotz tsjii latuquiztan SAN MATEO8 20. 16 El Nuevo Testamento en Chipaya de Bolivia, 2da ed. 2009, La Liga Bblica okajo. 19Jalla nekztanaqui tsjii lii tjaajii maestruqui Jesusizquiz macjatzquichicha, tuz cjican: Tjaajii Maestro, jakzitchum okachaja, amtan chicapachal ojklayasacha. 20Jesusaqui niizquin kjaazicha, tuz cjican: Kitinacami kjuychizza. Nizaza wezlanacami tjurchizza. Wejrzti anal kjuychizza, tjajzjapami. 21Tsjiiqui niizquiz apzi zoinaczquiztan zakaz paljaychicha, tuz cjican: Wejt Jiliri, amtan chica ojklayasacha. Pero wejt ejpcha ticziqui. Nekztan iyal wejt ejp tjatsi okaz cjeella. 22Jesusaqui kjaazicha, tuz cjican: Wejttan chicaka am ojklaya. Ticziztakaz zoinacaqui, jalla ninacaj ticzinaca tjatzlani. JESUSAQUI TJAMIMI KJAZ LJOJKIMI MANTICHA 23Jalla nuz chiyzcu Jesusaqui warcuquiz luzzicha. Niiz tjaajinta zoinacaqui luzzizakazza. 24Ninacaz kotquiz okan, tjamiqui walja tjamchicha. Jalla nuz tjaman kjaz ljojkiqui warcu tjatanz pecatcha. Jesusazti tjajatcha. 25Nii kjaz ljojkiz cjen tjaajinta zoinacaqui Jesusa zinchicha, tuz cjican: Wejt Jiliri! Liwriyalla! Tii warcu kjazquiz julzmayacha. Ticznachani uchumqui. 26Jesusaqui kjaazicha, tuz cjican: Kjaztiquiztan anchucqui ancha tsuctsucjo? Anchucqui anacha wejtquin tjapa kuzziz. Jalla nekztan Jesusaqui zaazcu, tjamimi kjaz ljojkimi ujzicha. Jalla nuz chiitiquiztan tjamimi kjaz ljojkimi apaltichicha. 27Nii apaltii cherzcu niiztan ojklayi zoinacaqui ispantichicha, nizaza tuz cjichicha: Chjul zoit teejo? Tjamimi tii kot kjaz ljojkimiz tiiz chiita takukaz cazla. ZAJRAZ TANTA ZOINACA 28Nii kotz nawjctutan irantizcu, Jesusaqui Gadara cjita yokquin ulanchicha. Ulantan pucultan zoinacaqui campu santuquiztan tjonchicha. Nii pucultan zoinacaqui zajraz tantatacha walja ana walinacatacha, zoinacztan kichasipanikaztacha. Jalla niztiquiztan nii jiczquiz ana jecmi ojklayitacha. 29Jesusizquiz macjatzcu nii zajranacaz tanta zoinacaqui kjawchicha, tuz cjican: Kjaztiquiztan wejtnacaquiz mitisejo? Ima casticz timpu irantizcan amqui tekz tjonchamcha, wejrnaca sufriskatzjapa. Kjaztatajo? Nuz cjican kjawchicha. 30Nizaza nii nawjkchuc cuchinacaqui ojklaycha lujlcan. 31Zajranacaqui Jesusizquiz rocchicha tuz cjican: Amqui wejrnaca chjatkataquiz niiqui, nii cuchinaczquin wejrnaca luzkatalla. 32Jalla nekztanaqui Jesusaqui cjichicha: Niztaqui, oka. Cuchinaczquin luzca. Jalla nuz chiitiquiztan zajranacaqui zoinaczquiztan ulanchicha; cuchinaczquin luzzicha. Zajranacaz luztiquiztan cuchinacaqui tsjii barranc kawquin tjojtsicha, kotquizpachatacha. Jalla nuzquiz kjaztan tsamzcu, ticzicha nii cuchinacaqui. 33Jalla nii cuchi itzinacaqui ancha tsucchi zajtchicha. Watja irantizcu, nii pucultan zajraz tanta zoinacz puntuquiztan quintichicha, nizaza tjapa nizta watchinacami. 34Jalla nii SAN MATEO8 21. 17 El Nuevo Testamento en Chipaya de Bolivia, 2da ed. 2009, La Liga Bblica quintu nonzcu tjapa nii wajtquiz zejli zoinacaqui ulanchicha, jakziquin Jesusa zelatchaja, nicju. Jesusiztan zalzcu, ninacaqui rocchicha, ninacz yokquiztan okajo. ZUCH ZOI CHJETINTA 9 1Jalla niiz wirupachaqui Jesusaqui wilta warcuquiz luzzicha. Nekztan kotz tsjii latuquiztan kajkchicha. Nizaza niiz persun watja irantichicha. 2Jalla nijwc zoinacaqui Jesusizquin tsjii zuch zoi chjitchicha. Tjajz zquitinacztanpacha ajpchi chjitchicha. Ninacz tjapa kuz cjicjii cherzcu, Jesusaqui laa zozquiz paljaychicha, tuz cjican: Jila, ana llaquisa; tjup kuzziz cjee. Am ujnacac pertuntacha. 3Jalla nizta chiii nonzcu yekjap lii tjaajii maestrunacaqui kuzquiz tuz pinsichicha: Yooz quintrala; tii zoz takuqui anawalipanla. 4Pero Jesusaqui ninacz kuzquiz pinsita zizatcha. Jalla nekztan ninaczquiz cjichicha: Kjaztiquiztan anchucqui nizta ana zuma pinsamintuchiztajo? 5Jakzilta takut pjasila chiiz cjesajo? Am ujnaca pertuntacha chiiz pjasila cjesaya? Uz Tsijtsna, oka, jalla nuz chiiz pjasila cjesaj? 6Tsewctan cuchanzquita Yooz Zotcha wejrqui. Tii muntuquiz jiliritcha, ujnaca pertunzjapami. Razunal chiyucha. Nuz zizjapa, anchucqui tiiz chera. Jalla nekztanaqui nii zuch zozquiz cjichicha: Tsijtsna, am tjajz zquiti apta; nizaza am kjuya oka. 7Jalla nii orapacha tsijtsicha, nizaza niiz kjuya ojkchicha. 8Zoinaca nii cherzcu, tsucchi quirchicha, nizaza Yoozqui honorchiz cjilalla cjican chiichicha. Yoozqui zoinaczquiz nizta chjetini azi tjaachiz cjen, nuz chiichicha. MATEO KJAWZTA 9Nii kjuyquiztan ulanzcu Jesusaqui Mateo cjita zoi cherchicha. Mateoqui impuesto cobrii puestuquiz julzi zelatcha. Jesusaqui niizquiz cjichicha: Wejttan chica ojklaya. Jalla nekztan Mateoqui tsijtscu, Jesusiztan ojkchicha. 10Niiz wiru Jesusaz Mateoz kjuyquin lulan, muzpa impuesto cobriinacami nizaza ujchiz zoinacami irantichicha. Nizaza ninacaqui Jesusiztan niiz tjaajinta zoinacztan chica julzicha tsjii mizquiz. 11Fariseo zoinacazti jalla nii cherzcu, Jesusiz tjaajinta zoinaczquiz pewczicha, tuz cjican: Kjaztiquiztan anchuca tjaajii maestruqui impuesto cobriinacztan nizaza ujchiz zoinacztan chjeri lujljo? 12Jesusaqui jalla nizta pewczi nonzcu ninaczquiz cjichicha: Zuma wiw zoinacaqui anaz mdicu kullimi peccha. Antiz laa zoinacaz mdicu kullimi peccha. 13Yooz takuqui tuz cjicha: Oksi kuzziz zoinaca jucantil pecucha wilana jawki zoinaczquiztan. Tantiiya chjul puntut tii Yooz taku chiichaja, nii zumpacha intintaza. Jaziqui wejrqui Zuma kamucha cjii zoinaczquiz anal kjawsi tjonchincha. Antiz Ujchizpancha cjii zoinaczquiz kjawsi tjonchincha, ninacz kuz campiita cjisjapa. AYUNAS PUNTU 14Juan Bautistaz tjaajinta zoinacaqui Jesusizquiz macjatzquichicha. Nekztan pewczicha, tuz cjican: Wejrnacmi fariseo zoinacami walja ayunasicha. Amiz tjaajinta SAN MATEO8,9 22. 18 El Nuevo Testamento en Chipaya de Bolivia, 2da ed. 2009, La Liga Bblica zoinacazti ana ayunasipanla. Kjaztiquiztan niztajo? 15Nekztanaqui Jesusaqui kjaazicha, tuz cjican: Kjazt weriz tjaajinta zoinaca llaquit kuzziz ayunasasajo, weriz zelanpachajo? Wejrqui zalz kazzi tjowaztakaztcha. Ninacaqui zalz pjijstiquiz invittanacaztakazza. Zalz kazzi tjowaz zelan, niiz zalz pjijstiquiz invittanacaqui ana llaquit kuzziz ayunasasacha. Pero tsjii timpuz tjonaquicha. Jalla nii timpuquiz zalzi tjowa kjataz cjequicha; jalla nekztanz ayunasasacha. 16Anaz jakziltami tsjel zquiti ew rimintuztan rimintasacha. Ew rimintuqui jaljtapasacha, nizaza nii ach zquitiqui jucanti wjajrzcu tsjelanznasacha. 17Nizaza anaz jakziltami ach zkiz luuzquiz ew vinu alznasacha. Jalla niztaz alznasaz niiqui, zkiz luuz panz wjajrskatasacha ew vinuqui. Nekztan vinumi zkiz luuzmi pertisnasacha. Ew vinu ew zkiz luuzquiz panz alznasacha. Jalla nuz zumpacha cjesacha vinumi zkiz luuzmi. JESUCRISTUCHA LAA ZOI CHJETINIQUI 18Jesusaz tjaajnan, tsjii judo zoinacz jiliriqui irantichicha. Jesusiz yujcquin quillzicha, tuz cjican: Wejt majtqui ticzil jitcha. Amqui wejt kjuya okasaz niiqui, naaquiz am persun kjarztan lanznasacha. Nekztan naaqui zetaquicha. 19Nekztanaqui Jesusaqui tsijtscu nii jilirztan ojkchicha tjaajinta zoinacztanpacha. 20Jalla nuz okan, tsjaa laa maatak zonqui Jesusizquiz wirquiztan macjatzquichincha. Tunca paan wata ljok tjawksi laakaz takjiri zelintacha. Jesusizquiz macjatzcu Jesusiz zquit puntallquiz lanzincha. 21Ima macjatcan pinsichincha, Wejrqui niiz zquitilla lanzcu zetaka wejrqui cjican. 22Jalla nuz lanztiquiztan Jesusaqui jalla naaza kjuti kjutzcu naa maatak zo cherzicha. Nekztan tuz cjichicha: Cullaca, tjup kuzziz cjee. Amiz tjapa kuztan criichiz cjen, zejtchi cjissamcha. Jalla nii orapacha zejtchin cjissincha. 23Jalla nekztanaqui Jesusaqui tira ojkchicha. Nii jilirz kjuya irantican Jesusaqui cherchicha, nii jilirz majt tjatzjapa banda pjujinacaqui listutakalcha, jalla nii. Nizaza zoinacaqui anchaz kaacan aranchicha. 24Nuz cherzcu Jesusaqui ninaczquiz cjichicha: Anchucqui tekztanz ulna. Taa uzqui anacha ticzinqui, antiz tjajcha. Jalla nuz Jesusiz chiitiquiztan, zoinacaqui niizquin tjassicha. 25Nekztanaqui Jesusaqui ninaca ulanskatchipancha. Nekztan luzcu, naaza ticzi uza kjarcu tanzcu, zinzicha; zejtchinpacha. 26Jalla nekztanaqui tjapa kjuti nii yokquin nii milajru quintu ojkchicha. ZUR ZOINACA CHJETINTA 27Jalla nijwctan ulanzquitiquiztan pucultan zur zoinacaqui niizquin apzquichicha, kjawcan: Davidz majchmaatquiztan tjoi, wejrnaca okznalla, cjican. 28Nekztan Jesusaz kjuya luztan nii zur zoinacaqui niizquin macjatchicha. Nekztan Jesusaqui ninaczquiz pewczicha, tuz cjican: Wejrqui anchuc cherkatasacha, jalla nii crii anchucya? Ninacaqui kjaazicha, tuz cjican: Wejt Jiliri, criyucha. 29Jalla nekztanaqui Jesusaqui ninacz chjujqui lanlanzinchicha. Nizaza cjichicha: SAN MATEO9 23. 19 El Nuevo Testamento en Chipaya de Bolivia, 2da ed. 2009, La Liga Bblica Anchucaz tjapa kuztan criitiquiztan cheri cjisna. 30Nii orapacha ninacz chjujquiqui cheri cjissicha. Nekztanaqui Jesusaqui ninaczquiz zumpacha chiizinchicha, tuz cjican: Tii chjetintaqui anaj jecmi zizla; anchucmi anaz jeczquizimi chiichiyaquicha. 31Jesusaz nuz chiizinchiz cjenami, ninacaqui ulanzcu, tjapa yokaran nii chjetinta quintu parlichicha. ANA CHIII ZOI CHJETINTA 32Nii kjuyquiztan ulnan yekjap zoinacaqui tsjii zajraz tanta zoi zjijcchicha. Zajraz tantiquiztan ana chiii atatcha. 33Nekztanaqui Jesusaqui nii zajra chjatkatchicha. Jalla nuz chjatkattiquiztan nii ana chiii zoiqui chiyi kallantichicha. Zoinacazti jalla nii cherzcu walja ispantichi cjissicha, tuz cjican: Tii Israel yokquiz ana wira tiztanaca cheritacha wejrnacqui. 34Pero fariseo nzoinacazti tuz cjetcha: Tiiqui zajranacz jilirz aztankaz zajranaca chjatkaticha. 35Jesusaqui tjapa wajtquiztan watja nizaza jochquiztan jochi ojklaychicha, judo ajcz kjuyquizimi tjaajincan. Yooz mantuquiz kamz puntu chiizinchicha. Nizaza tjapaman laanacami nizaza jallca curpuchiznacami chjetinchicha. 36Zoinaca cherzcu, ninaca okzicha. Ana awatirchiz uuzanacaztakaz zelatcha. 37Zoinaca okzcu, Jesusaqui niiz tjaajinta zoinaczquiz paljaychicha, tuz cjican: Weraral cjiwcha. Zkalaqui walja zejlcha. Pero zkala ajzi zoinacacha upaqui. 38Yooz Ejpqui zkal Patrunacha. Jalla niztiquiztan Yooz Patrunzquiztan mayiza, zkala ajzi zoi cuchnajo. TUNCAPAN APOSTOLONACA ILLZTA 10 1Jalla nekztanaqui Jesusaqui niiz tuncapan illzta zoinaca kjawzicha. Nekztan ninaczquiz mantiz poder tjaachicha, zajranaca chjatkatzjapa, nizaza tjapaman laanacami jallca curpuchiznacami chjetnajo. 2Nii tuncapan illzta apostolonacaqui jalla tizta tjuuchiznacatacha: Primiruqui Simonatacha, nizaza niiz tsjii tjuuqui Pedro cjitazakaztacha. Nekztan niiz lajktacha, Andrs cjita. Nekztan Jacobotacha, nizaza niiz jila Juan. Nii pucultanaqui Zebedeoz majchwichtacha. 3Nekztan Felipitacha, Bartolometacha, Tomastacha, nizaza Mateotacha. Nii Mateozti impuesto cobriitacha. Nekztan Jacobotacha, Alfeoz majchtacha. Nekztan Lebeotacha nizaza niiz tsjii tjuuqui Tadeo cjitazakaztacha. 4Nekztan Simonatacha, niiqui cananista cjita partiquiztantacha. Ultimquiziqui Judas Iscariotetacha, jalla niiqui Jesusiz quintra tarasunchicha. ILLZTA ZOINACA CUCHANTA 5Jesusaqui nii tuncapan illzta zoinaca cuchanzquichicha, niiz cuntiquiztan ojklayajo. Ima cuchanzcan tuz chiizinchicha: Judo yokquinpanz ojklayaquicha, Samaria yokquin nizaza yekja yokanacquin ana ojklayaquicha. 6Israel wajtchiz zoinaczquinkaz okaquicha. Jalla ninacaqui katchi uuzinacaztakaz zejlcha. 7Arajpach Yooz mantuquiz kamz timpu zcatzinzquicha. Jalla nii paljaycan ojklayzcaquicha. 8Nizaza laanaca chjetnaquicha. Nizaza ticzinaca jacatatskataquicha. Nizaza mojkchi janchichiz zoinaca chjetnaquicha. Nizaza zajranaca SAN MATEO9,10 24. 20 El Nuevo Testamento en Chipaya de Bolivia, 2da ed. 2009, La Liga Bblica chjatkataquicha. Tii mantiz poderaqui anchucaquiz nuzukaz tjaatacha. Jalla niztiquiztan tii poderztan zoinaczquiz yanapzcu anaz chjulumi mayaquicha pacajo. 9Paaz ana chjichaquicha, kor paazmi, chiw paazmi, cobre paazmi. 10Nizaza ana chjichaquicha zak quelzmi. Tsjii almilla alaja chjichaquicha. Nizaza ana iya chjulumi chjichasacha, ana yekja chjatami, nizaza atsmi. Yooztajapa langzinaczquiziqui chjeriqui tjaata cjis waquizicha. 11Anchucqui wajtquizimi jochquizimi irantizcuqui, zuma zoipanz kjurznaquicha. Nuz zuma zoi wachcuqui, niiz kjuyquiz alujasaquicha, nii wajtquiztanami jochquiztanami ulanzcama. 12Tsjii kjuya luzcu, tsaanaquicha, Anchuc walipaj cjila, cjican. 13Nii kjuychiz zoinaca zumazlaj niiqui, jalla ninacztaqui walipanz cjequicha. Yekjapa zoinacaqui ana zumazlaj niiqui, jalla ninacztaqui chjulumi anawalikaz cjequicha. 14Jakziltat anchuc ana risiwaquiz niiqui, nizaza anchuc ana nonz pecaquiz niiqui, ninaczquiztan okaquiz anchucqui. Nii kjuyquiztan ulnaquicha nizaza nii wajtquiztanaqui. Nekztan nii wajtquiztan kjojchquiz zcatchi pulpunaca tsajt tsajtsnaquicha. Jalla nii tsajt tsajttaqui sialaz cjequicha ninacz quintra, anchuc ana risiwchiz cjen. 15Weraral cjiwcha. Casticz tjuquiziqui nii anchuc ana zuma risiwi zoinaczti jucanti castictaz cjequicha, Sodoma cjita Gomorra cjita, jalla nii wajtchiz zoinaczquiztan. CHJAAWJKATINACA ZELAQUICHA 16Jesusaqui tjaajinchizakazza: Tii weriz chiizinta taku nonzna. Wejrqui anchuc cuchnucha. Anchucqui kitinacz taypiquiz ojklayaquicha, uuzanacaztakaz. Jalla niztiquiztan anchucqui walja kuzziz cjee. Listuz cjequicha zkoraztakaz, pero zuma paazjapa. 17Anchucqui persunpachaz walja cwitazaquicha. Anchucqui jilirinaczquin intirjita cjequicha; nizaza ajcz kjuyquiz wjajttaz cjequicha. 18Nizaza anchucqui wejt puntuquiztan parlichiz cjen chjichtaz cjequicha prefectonaczquinami, nizaza tsjan chawjc jilirinaczquinami. Nekztan anchucqui wejt puntuquiztan chiyaquicha, nii jilirinacz yujcquizimi, nizaza ana judo wajtchiz zoinacz yujcquizimi. 19Jilirinaczquiz intirjitaz cjenami, ana kuz turwaysi cjequicha, chjulut anchuc kjaaznachaja, nizaza jaknuzt kjaaznachaja, jalla nii. Jilirinacz yujcquiz prisintiz ora, Yoozqui anchuca kuzquiz chiiz taku tjaaquicha, jaknuzt chiizalaj, nii. 20Anchuca persun kuzquiztan anaz chiyaquicha. Antiz anchuca Yooz Ejpz Espritu Santuqui anchuc chiikataquicha. 21Nii timpuquiziqui zoinacaqui persun jilz quintra aptjapznaquicha persun jila conkatzjapa. Nizaza ejpnacaqui persun maatinacz quintra aptjapznaquicha. Maatinacazti persun maa ejpnacz quintra zakaz aptjapznaquicha, persun ejpnaca conkatzjapa. 22Tjapa ana criichi zoinacaqui anchucaquiz chaanaquicha wejt puntu parliiz cjen. Pero jakziltat ticzcama wali tjurtii kuzziz cjechaj niiqui, liwriitaz cjequicha, Yooztan wiaya kamzjapa. 23Tsjii wajtchiz zoinacaqui anchuc chjatkataquiz niiqui, ninaczquiztan yekja wajtquin okaquicha. Weraral cjiwcha, wejrqui arajpachquiztan cuchanzquita Zotcha. Ima weriz tii muntuquiz wilta tjonan, anchucqui SAN MATEO10 25. 21 El Nuevo Testamento en Chipaya de Bolivia, 2da ed. 2009, La Liga Bblica tjapa Israel watjanaczquin anaz iranti atasacha. 24Tjaajinta zoiqui niiz tjaajiizquiztan anaz jucanti cjesacha. Nizaza piyunaqui niiz patrunzquiztan anaz jucanti cjesacha. 25Tsjii tjaajinta zoiqui niiz tjaajiiz irata, jalla nizta tjaajiiz cjisnaquiz niiqui, cuntintuz cjis waquizicha. Nizaza tsjii piyunaqui niiz patrunz irata, jalla nizta patrunaz cjisnaquiz niiqui, cuntintuz cjis waquizicha. Nonzna anchucqui, quintra zoinacaqui Beelzeb cjican zajra jilirz tjuuztan wejtquiz tjuuskataquiz niiqui, anchucaquiz jucant anawal tjuuztanz tjuuskataquicha. Wejrqui kjuychiz patrunztakaztcha, anchuczti wejt kjuy familiaztakazza. 26Jalla niztiquiztan anchucqui anaz zoi eksna. Tjapa chjojzaku tjaajintami zuma kjana ziztaz cjequicha. Nizaza tjapa jamazit tjaajintami niztazakaz zuma kjana ziztapankaz cjequicha. 27Tjapa weriz chjojzaka tjaajintanacami anchucqui zoinacz yujcquiz kjanacama paljayaquicha. Nizaza tjapa weriz jamazit tjaajintanacami anchucqui paljayaquicha, tjapa zoinaca nonzjapa. 28Nonzna anchucqui, anacha eksqui tii curpu alaja coninaczquizimi. Ninacaqui animuqui anaz conasacha. Antiz Yoozquizpan eksna. Jalla niicha curpumi animumi infiernuquin wiaya takjisiskatiqui. 29Tsjii paaztan pizc wezlanaca kjayasacha. Jalla nuz koluc valorchiz kjayzcumi anchuca Yooz Ejpqui ninaca cwiticha. Yooz Ejpz ana munan, tsjii wezlaqui anaz ticznasacha. 30Jilanaca, Yooz Ejpqui tjapa anchuca ach charanaca kanzintacha. 31Jalla niztiquiztan anaz chjulquiztanami eksna. Wezlanaczquiztan anchuccha jucant valorchizqui. Yooz Ejpqui anchuc jucanti cwitaquicha wezlanaczquiztan. 32Jakziltat parti zoz yujcquiz wejt favora cjechaj niiqui, nizazakal wejrqui wejt arajpach Yooz Ejpz yujcquiz nii zoz favora chiyacha. 33Nizaza jakziltat parti zoz yujcquiz wejr ana paji nicachaj niiqui, nizaza wejrqui wejt arajpach Yooz Ejpz yujcquiz nii zoz quintra ana paji zakal chiyacha. 34Tii taku nonzna. Weriz tjontiquiztan zoinacaqui ana zumquin cjequicha; quintrasi cjequicha. Nekztan aptjapznaquicha. Ana criichinacaqui criichi zoinacz quintra cjequicha. 35Weriz tjontiquiztan tsjii maatiqui persun ejpzjapa quintraz cjequicha. Nizaza tsjaa majtqui persun maajapa quintra cjequicha. Nizaza tsjaa wazmi persun kjan maajapa quintra cjequicha. 36Jalla nizta zapa mayni familianacaqui ninacporaz quintraz cjequicha. 37Jakziltat persun maa ejpzquizkaz kuzziz cjechaja, jalla niiqui anaz wejt partiquiz cjichuca cjesacha. Nizaza jakziltat persun ocjalzquizkaz kayaztachaja, jalla niiqui anaz wejt partiquiz cjichuca cjesacha. 38Jakziltat wejt partiquiz cjis pecchaj niiqui, tjapa kuztanz wejtquiz cjistancha. Sufrisjapaqui listoj cjila, ticzcama. Ana nizta wejtquin tjapa kuztan cjechaj niiqui, anaz wejt partiquiz cjichuca cjesacha. 39Jakziltat weriz cjen persun anazum kamaquiztan ana jaytachaja, jalla niiqui ultimquiziqui ana liwriita cjesacha. Nizaza jakziltat weriz cjen persun anazum kamaquiztan jaytachaja, jalla niiqui ultimquiziqui liwriitaz cjequicha; Yooztan wiaya zuma kamaquicha. 40Jequit anchuc risiwchaja, nizaza wejrmi zakaz risiwcha. Nizaza jequit SAN MATEO10 26. 22 El Nuevo Testamento en Chipaya de Bolivia, 2da ed. 2009, La Liga Bblica wejr risiwchaja, jalla niiqui nizazakaz wejt Yooz Ejpmi risiwcha. 41Jequit tsjii Yooziz cuchanta profeta risiwaquiz niiqui, jalla niiqui profetaztakaz honorchiz zakaz cjequicha. Nizaza jequit tsjii Yooz kuzcama kami zoi risiwachaja, jalla niiqui Yooz kuzcama kamiz premio, jalla niztazakaz honorchiz cjequicha. 42Nizaza jequit tsjii wejtquin kuzziz zozquiz yanapachaja, jalla niiqui honorchiz zakaz cjequicha. Jequit wejtquin criichi zozquiz tsjii tasa kjaz onachaja, jalla niiqui honorchiz zakaz cjequicha. Jalla nuz chiichicha Jesusaqui. JUAN BAUTISTAZ CUCHANZQUITA ZOI 11 1Niiz tuncapan illzta zoinaczquiz tjaajinz zerzcu, nekztan Jesusaqui ojkchicha, yekja watjanac kjuti. Wajtquiztan watja ojklaychicha, zoinaczquiz tjaaji, nizaza Yooz taku paljayi. 2Juanqui nii oraqui carsilquiztacha. Jalla nicju Cristuz ojklaytanaca quintu nonchicha. Nekztanaqui Juanqui tsjii kjazt mazinaca Jesusa pewczi cuchanzquichicha. Nekztan irantizcu Jesusizquiz 3pewczicha, tuz cjican: Cristuqui tjoniz cjispacha; Amj Yoozquiztan cuchanzquita Cristumkaya? Uz yekjaz tjewznasa, jaa? 4Jesusaqui ninaczquiz kjaazicha, tuz cjican: Jaknuzt cherchaja nonzaja, jalla nii tjappachaz Juanzquiz quintizcaquicha anchucqui. 5Zur zoinacac chercha, Zuch zoinacaqui ojklaycha. Mojkchi janchichiz zoinacaqui chjetintacha. Oi zoinacaqui nonza. Nizaza ticzi zoinacaqui jacatatskattacha. Nizaza pobre zoinaczquiz Yooz liwriii taku paljaytapancha. 6Jakziltat weriz paatanaca cherzcu, nizaza weriz chiitanaca nonzcu, ana kuz turwayzizlaj niiqui, walipanikaz cjequicha. JUAN BAUTISTA PUNTU 7-8Jalla ninacaz ojktan, Jesusaqui chiyi kallantichicha Juanz puntuquiztan. Zoinaczquiz tuz cjichicha: Chekti yokquin, chjulu cherzi ojkchinchuctaya? Tjamiz tjizinta caa cherzi ojkchinchuctajo? Anachay. Fino zquiti cujtchi zoi cherzi ojkchinchuctajo? Chawjc jilirz kjuyquin zuma zquiti cujtchi zoi zejlcha. Jalla nii zizza anchucqui. 9Chjulu cherzi ojkchinchuctaya? Yooz cuntiquiztan chiii profeta cherzi ojkchinchuctaya? Jesalla, ultim werara nuz ojkchinchuccha. Juanqui tuquita profetanaczquiztan jucant chekancha. 10Juanz puntuquiztan Yooz takuqui tuz cjicha: Yooz Ejpqui tsjii zoi cuchanzcaquicha ima Cristuz Yooz taku paljayi ojklayan. Nii zoiqui Israel zoinaczquiz Cristu zuma tjewskataquicha. 11Weraral cjiwcha. Juan Bautistacha parti zoz maatinaczquiztan tsjan jucantiqui. Pero chjul Yooz maatimi zoz maatiquiztan tsjan jucanticha. Arajpach Yoozquin kuzziz zoinacacha Yooz maatinacaqui. 12Juanz tjontiquiztan anzcama muzpa zoinacaqui tsacjazcan arajpach Yooz mantuquiz luz peccha; walja tjapa aztan nizaza tjapa kuztan luz peccha. 13Juanz tjonzcama, tjapa tuquita profetanacz chiitanacami nizaza Moiss liinacami arajpach Yooz cuchanzquita puntuquiztan chiicha. 14Elas cjita profetaqui wilta tjoniz cjispacha; nii Elias tjonz SAN MATEO10,11 27. 23 El Nuevo Testamento en Chipaya de Bolivia, 2da ed. 2009, La Liga Bblica cuntiquiztancha Juan Bautistaqui. Jalla niic weraracha. Nuz criiz waquizicha. 15Jakziltachalaj nonzi cjunchiz, jalla niiqui tii chiitaqui nonzna. 16Kjaztat tii timpuquiz zejli zoinacajo? Jecnaca iratat tinacajo? Jalla tizta ocjalanacaztakazza tinacaqui. Yekjap ocjalanacaqui palazquin julzi uzincha, nizaza ninacz mazinaca kjawkjawza, tuz cjican: 17Tsajtsjapa pincallu pjujchincha. Anchuczti ana tsajtchinchuccha. Nizaza kaayikaayi wirzu itzincha. Anchuczti ana kaachinchuccha. Jalla nuz cjichicha ocjalanacaqui. Jalla nizta iratacha tii timpuquiz zejli zoinacaqui. 18Juan tjonchicha. Niiqui zumanaca ana lujlicha, nizaza ana licicha. Jalla niztiquiztan anchucqui tuz cjichuccha, Juanqui zajraz tantacha cjican. 19Niiz wiruaqui wejrqui tjonchincha, arajpach Yooz Ejpz cuchanzquita Zoi. Wejrqui zumanaca lulucha, nizaza licucha. Jalla niztiquiztan anchucqui wejt puntuquiztan cjicha: Niicha ancha lujliqui, nizaza liciqui, nizaza niicha ujchiz zoinacz maziqui, nizaza anawali impuesto cobriinacz maziqui. Jalla nuz cjichuccha wejt puntuquiztan. Tuz zakal cjiwcha: Yooz puntu zuma zizi zoinacaqui Yooz tjaajintacama kamcha. ANA YOOZQUIN KUZZIZ ZOINACA 20Jalla nekztanaqui Jesusaqui chiichicha, chojru kuzziz zoinacz puntu. Tsjii watjanacquiz ancha milajrunaca paachicha. Pero nii wajtchiz zoinacazti persun uj ana pajchicha; nizaza kuznaca ana campiichicha. Jalla niztiquiztan Jesusaqui ninaczquiz ayjatchicha, tuz cjican: 21Corazn wajtchiz zoinaca, anchucaquiz ancha anawaliz wataquicha. Nizaza Betsaida wajtchiz zoinaca, anchucaquiz ancha anawalizakaz wataquicha. Anchuca watjanacquiziqui walja milajrunaca paachincha. Tiro cjita nizaza Sidn cjita watjanacquiz nii milajrunaca paataz cjitasaz niiqui, nii ortanpacha nii wajtchiz zoinacaqui Yoozquin kuzziz cjitasacha; nizaza ujchizpancha wejrnacqui, pertunalla, cjitasacha. Nizaza uj zintizcu nii wajtchiz zoinacaqui llaquita kuz kjanapacha tjeezi cjitasacha, lutu zquiti cujtzcu, nizaza achquiz kjupztan tjajlzcu. 22Jalla niztiquiztan anchucqui juyzu casticz tjuquiziqui jucanti castictaz cjequicha nii Tiro cjita nizaza Sidn cjita watjanacchiz zoinaczquiztan. 23Capernaum wajtchiz zoinaca, kjaztiquiztan anchucqui pinsejo, Yoozqui uchum honorchiz cjizkataquicha, cjicanajo? Anaz nuz cjesacha. Pero anchuczti kozzuc tjojttaz cjequicha infiernuquin sufrisjapa, ujchiz zoinacztan chica. Anchuca wajtquiziqui walja milajrunaca paachincha. Sodoma cjita wajtquiz nii milajrunaca paataz cjitasaz niiqui, nii watjaqui anz tii tjuinaca zejltasacha. 24Jalla niztiquiztan nii juyzu casticz tjuquiziqui anchucqui jucanti castictaz cjequicha, Sodoma wajtchiz zoinaczquiztan. YOOZQUIN KUZZIZ ZOINACA 25Jalla nii orazakaz Jesusaqui chiichicha: Wejt Yooz Tata, amqui honorchizam cjilalla. Arajpachquin zejlinacami tii muntuquiz zejlinacami amcha mantiamqui. Amqui humilde zoinaczquiz chjojzaka tjaajinta tjeezamcha. Zizi zoinaczquizimi intintazi zoinaczquizimi nii chjojzaka SAN MATEO11 28. 24 El Nuevo Testamento en Chipaya de Bolivia, 2da ed. 2009, La Liga Bblica tjaajintanacami ana zizkatchamcha. 26Yooz Tata, amiz muntaqui nuzucha. 27Yooz Tata, tjapa amiz ziztanacaqui wejtquiz tjaajinchamcha. Ultimquiziqui anaz jecmi wejr am Majch zumpacha pajcha. Am alaja wejr zumpacha pajcha. Nizaza anaz jecmi am Yooz Ejp zumpacha pajcha. Wejr alaja am zuma pajucha. Nizaza jakziltizquiz wejrqui zizkatz pecachaja, jalla ninacazakaz am zuma pajasacha. 28Anchucqui jakziltat ana zumanacquiztan otchizlaj niiqui, wejtquizza macjatzca. Nizaza jakziltat persun aztan Yooz watja irantiz otchizlaj niiqui, wejtquizza macjatzca. Weril anchucaquiz jeejzkatacha. 29Wejrqui pasinsis kuzziztcha, nizaza humilde kuzziztcha. Jalla niztiquiztan weriz tjaata kamaa catoka; nizaza wejt puntuquiztan zizi cjee. Nekztan persun kuz jeejz wachaquicha. 30Weriz tjaata kamaaqui anacha chama, nizaza wejt manta paazqui cjezakazza. JEEJZ TJUI QUINTU 12 1Tsjii jeejz tjuquiziqui Jesusaqui niiz tjaajinta zoinacztan chjacta zkalanac taypiranz okatcha. Tjaajinta zoinacaqui chjeri eecskatchicha. Nekztan ninacaqui tric oz chjojlunaca kjajpzcu, tricu lujlchicha. 2Fariseo zoinacaqui jalla nizta paai cherzcu, Jesusizquiz cjichicha: Chera, tii amiz tjaajinta zoinacaqui trabajla. Jeejz tjuquiziqui nizta trabajzqui uchum lii quintrala. Jalla nuz chiican ujchiz jwes pecatcha. 3Nekztanaqui Jesusaqui ninaczquiz kjaazicha, tuz cjican: Anchucqui tuz liichinchuccha, anajaa? Chjeri eecznanaqui David cjita zoiqui niiz mazinacztan tizta paachicha. 4Niiqui Yooz timpluquin luzcu Yooz yujcquin nonzta tantanaca lujlchicha. Chjul zoimi anapantacha permitta nii tantac lujlzqui. Lii quintrala niiqui. Timplu jilirinacapankaz lulasacha. Pero nii Davidzti lujlchipancha. Nizaza niiz mazinacaqui nii tanta lujlchizakazza. 5Nizaza Moiss liiquiz tizta liichinchucz, ana jaa? Jeejz tjuquiziqui timplu jilirinacaqui ana jeejzla. Jalla nuz ana jeejztiquiztanaqui, ninacztajapa anaz ujchiz cjesacha. 6Anchucaquiz cjiwcha. Tekz tsjiicha timpluquiztan jucant chekanaqui. 7Nizaza anchucqui cjijrta Yooz taku ana intintazzinchuccha. Yooz taku tuz cjicha: Wejrqui wilana jawki zoinaca anal pecucha. Okzi kuzziz zoinacapan pecucha. Tii Yooz taku intintaztasaz niiqui, anaz anchucqui tii zoinaca ujchiz jwes pectasacha. Tii zoinacaqui jaziqui anaz uj paacha. 8Wejrqui tsewctan cuchanzquita Yooz Zotcha. Wejrpanikal jeejz tjuquizimi mantasacha. KJARA KJONCHI ZOI CHJETINTA 9Jalla nekztanaqui najwcchuc ojkzcu judo ajcz kjuyquiz luzzicha. 10Jalla nicju tsjii zoi zelatcha kjara kjonchi. Tsjii quintra zoinacaqui uj jwesjapa Jesusizquiz pewczicha tuz cjican: Jeejz tjuquiziqui zoi chjetinz cjesaya, uz anapan cjesaj? nuz cjican pewczicha. 11Jesusaqui ninaczquiz kjaazicha tuz cjican: Jeejz tjuquiziqui uuzac tujquiz tjojtsiz cjesaz niiqui, kjaza anchuczti tujquiztan uuza joozi ana okasajo? 12Pero zoiqui uuzizquiztan jucantiz walcha. Jalla niztiquiztan jeejz tjuquizimi anacha lii quintra zuma paazqui. 13Jalla nekztanaqui Jesusaqui laa zozquiz cjichicha: SAN MATEO11,12 29. 25 El Nuevo Testamento en Chipaya de Bolivia, 2da ed. 2009, La Liga Bblica Am kjara zjijca. Nekztan zejtchi cjissicha, nii tsjii kjara wiwuz niztapacha. 14Jalla nekztanaqui fariseo zoinacaqui ulanzcu, Jesusiz conzjapa kazzicha. 15Jalla nii zizcu Jesusaqui najwcchuc ojkchicha. Nizaza muzpa zoinacaqui Jesusizquiz apzicha. Jesusaqui tjapa nii apzi laanaca chjetinchicha. 16Nekztan ninaczquiz mantichicha, ana jeczquizimi Jesusiz chjetini puntuquiztan parlajo, nii. PROFETAZ CHIITA TAKU CUMPLITA 17Jalla nizta ojklaycan, Jesusaqui Isaas profetaz cjijrta taku nuzquiz cumplissicha. Yoozqui Isaiasquiz tuz cjijrkatchicha: 18Jalla tiicha weriz illzta zoiqui, weriz mantitacama ojklayi zoi. Jalla niizquin kayaztucha. Niiz cjen cuntintutcha wejrqui. Jalla nuz cjicha Yoozqui. Wejt Espritu Santuqui niiz kuzquiz cjequicha. Niiqui yekja watjanacchiz zoinaczquin Yooz liwriii taku paljayaquicha. 19Zoinaczquizimi ana chaanaquicha, nizaza ana kjawaquicha. Calliran alto jorztan ana paljayaquicha. 20Tsjii tjuwanta caami anaz kjolaquicha. Nizaza chaman asi michami anaz tjesaquicha, niiz ultimpacha legal mantiz tjuicama. 21Niiz cjen yekja watjanacchiz zoinacaqui zuma liwriiz tjui tjewznaquicha. Jalla nuz Jesusiz puntuquiztan Yooz takuqui cjicha. JESUSIZ QUINTRA CHIICHA 22Jalla nekztanaqui tsjii laa zoiqui Jesusizquin chjichtatacha. Nii zoiqui zajraz tantaz cjen zuratacha, nizaza ana chiiitacha. Jesusaqui nii zoi chjetinchicha. Jalla niztiquiztan cheri chiii cjissicha. 23Jalla nuz chjetintiquiztan tjapa zoinacaqui ispantichicha tuz cjican: Tiij Davidz majchmajtquiztan tjoni cjesaya? Tiipan Cristo cjesaya? 24Nii nonzcu fariseo zoinacaqui tuz cjichicha: Tiiqui ana wal zoikalala. Zajranacz Beelzeb jilirz aztankaz yekja zajranaca chjatkatcha. 25Jesusaqui ninacz pinsitanaca zizzicha, jalla niztiquiztan ninaczquiz cjichicha: Jakzilta nacionamiz partira partira takznaquiz niiqui, nizaza taka taka kichasaquiz niiqui, kala tjatantaz cjequicha. Tsjii watjamiz nizaza tsjii kjuya familiamiz nizta taka taka cjisnaquiz niiqui, anaz tjurasacha. 26Jalla nizta irata Satans diabluqui persun partira chjatkattasaz niiqui, niipacha takztasacha. Jalla nuz takztiquiztan niiz mantiz azi anaz tjurasacha. 27Anchucqui wejt puntuquiztan cjichuccha, Beelzeb diabluz aztan zajranaca chjatkatcha. Jalla nuz cjichuccha. Jalla nuzuzlaj niiqui, ject anchuca partira zoinaczquiz azi tjaazjo, zajranaca chjatkatzjapajo? Jalla niztiquiztan kjanapachaz wejt puntuquiztan tsjii kjuti chiichinchuccha, nii. 28Wejrzti Yooz Espritu Santuz aztan zajranaca chjatkaticha. Jalla niicz cjicha, Yooz mantiz timpu anchucaquiz zcatzinzquicha, nii. 29Tsjilla cjesacha. Anaz jecmi tsjii azziz zoz kjuyquiziqui luzi atasacha; nizaza anaz niiz kinakunacami jwesi atasacha, ima chejlcanaqui. Nii chejlzcu, nekztan tjapa kinakunaca jwesi luzasacha. 30Jecchalaj ana wejt favora, niiqui wejt quintracha. Nizaza jequit wejttan SAN MATEO12 30. 26 El Nuevo Testamento en Chipaya de Bolivia, 2da ed. 2009, La Liga Bblica chica Yooz kjuti zoinaca ana macjatskatchaja, jalla niiqui zoinacaz Yoozquiztan tirkatcha. 31Jazic anchucaquiz chiyucha, tuz cjican: tjapa ujnacami nizaza tjapa ana zum takunacami pertuntaz cjesacha. Pero jakzilta zoit Yooz Espritu Santuz quintra chiyachaj niiqui, anaz pertuntaz cjesacha. Nii zoiqui wiaya ujchiz cjequicha. 32Jakzilta zoit wejt quintra chiyachaj niiqui, pertuntaz cjesacha. Pero jakzilta zoit Yooz Espritu Santuz quintra chiyachaj niiqui, anaz pertuntaz cjequicha. Nii zoiqui wiaya ujchiz cjequicha; anawira pertuntaz cjequicha. FRUTANAC PUNTU 33Nekztan Jesusaqui tjaajinchicha, tuz cjican: Zuma muntizlaj niiqui, zuma frutaz pookcha. Nizaza ana zuma muntizlaj niiqui, ana zuma frutaz pookcha. Jalla niztiquiztan muntiqui niiz frutquiztan pajza, zuma ana zuma, jalla nii. 34Zkoraztakaz anchucqui, ana zum zochuccha. Kjazza anchucqui zumanaca chiyasajo? Anchuca kuzquiz pinsitaqui ana zuma parijula. Jaziqui anchuccha anazumanacapan chiiinacaqui. 35Tsjii zuma zoiqui zuma chiicha, niiz zuma kuzquiztan. Nizaza tsjii ana zum zoizti ana zumapaz chiicha, niiz ana zuma kuzquiztan. Jaknuzt kuzquiz pinsichaja, jalla nuz chiicha zoinacami. 36Anchucaquiz cjiwcha, juyzu casticz tjuquiziqui zapa mayni cwinta tjaastancha, tjapa ana zuma chiitanacami. 37Anchucaz chiitiquiztan jama jusjitaz cjequicha, ujchiz cjechaja, ana ujchiz cjechaja, nuz. ANA CRIICHI ZOINACA 38Jalla nekztanaqui yekjap fariseo zoinacaqui lii tjaajii maestrunacztan Jesusizquiz cjichicha: Maestro, am milajru paai cherz pecucha. 39Jesusaqui ninaczquiz kjaazicha tuz cjican: Ana zum zoinacchuccha. Ana Yoozquin kuzziz zoinacchuccha. Kjazt tsjii milajru maycha, zinalaztakaz? Jonz cjita profetz zinala, niikaz anchucaquiz tjaata cjequicha. 40Jonasqui pajk chiz pjuchquiz zejlchicha chjep majztan chjep aramztan. Jalla nizta irata wejrqui tii yok koztan kamacha chjep majztan chjep aramztan. 41Juyzu tjuquiziqui, jalla nii casticz tjuquiziqui Nnive wajtchiz zoinacaqui jacatataquicha. Nekztan ninacaqui tii timpuquiz kami zoinacz uj tjeeskataquicha. Jons Yooz taku paljaytiquiztan ninacaqui Yoozquin kuzziz cjissicha. Pero wejrtcha Jonasquiztan jucant chekanaqui. Tii timpuquiz kami zoinacazti anaz Yoozquin kuz tjaacha. 42Nizaza casticz tjuquiziqui tsjaa waruta maatak jilirqui jacatataquicha. Nekztan naaqui tii timpuquiz kami zoinacz uj tjeeskataquicha. Naaqui najwkta yokquiztan tjonchincha Salomonztan zali, nizaza niiz zuma razunchiz taku nonzi. Pero tejkz wejrtcha Salomonquiztan tsjan jucant chekanaqui. Pero tii timpuquiz kami zoinacazti wejt taku anaz nonz peccha. ZAJRA PUNTU 43Tsjii zakal quintasacha. Tsjii zajraqui zozquiztan ulanzcu kjo yokaran ojklayitacha, jeejzjapa kjurcan. Ana jeejz watzcuqui, kuzquiz pinsichicha, tuz cjican: 44Jaziqui wejr quepaka jakziquiztan ulanzquituchaja, jalla nicju. Jalla nuz quejpzcu nii zoztan wilta zalchicha. Nii zoiqui pewzta kjuyaztakaztacha, cuza SAN MATEO12 31. 27 El Nuevo Testamento en Chipaya de Bolivia, 2da ed. 2009, La Liga Bblica zcayi, azquitzta, pero laachitacha. 45Jalla nuz zaltiquiztan nii zajraqui pakallak jucant anawali zajranaca zjijqui ojkchicha. Zajranaca zjijczcu, tjappacha nii zoz kuzquiz luzzicha. Jalla niztiquiztan nii zoiqui jucant ana waliz cjissicha tuquita kamzquiztan. Jalla nizta irata tii ana zum zoinaczquiz wataquicha. Jalla nuz quintichicha Jesusaqui. JESUSIZ FAMILIA 46Jesusaqui iyapanz zoninaczquiz chiyatcha. Jalla nuz chiyan niiz maaqui lajknacztan irantizquichicha. Zoinacz tjiiquin zelan, niiztan parlis pecatcha. 47Tsjii zoiqui Jesusizquiz mazzicha, tuz cjican: Am maa lajknacztanpacha tii tjiiquiz zejlcha. Am kjawz, amtanz parlis peccha. 48Jesusaqui mazi zozquiz kjaazicha, tuz cjican: Ject wejt maaya? Ject wejt jilanacaya? 49Jalla nuz chiizcu tjaajinta zoinacz kjuti kjarztan tjeezicha, nizaza cjichicha: Tinacacha wejt maami, wejt jilanacami. 50Jecnacami wejt arajpach Yooz Ejpz kuzcama kamchaja, jalla ninacacha wejt jilanacami, wejt cullaquinacami, wejt maami. ZKALA CHJACZ QUINTU 13 1Nii noojpacha Jesusaqui kjuyquiztan ulanchicha. Kot kjuti ojkzcu kot atquiz julzicha. 2Jakziquin nii zelatchaja, jalla nicju zoinacaqui walja ajczicha. Jalla niztiquiztan tjaajinzjapa tsjii warcuquiz luzzicha. Nekz julzicha. Tjappacha zoinacaqui kot at tjiiquiz zejlchicha. 3Jalla nekztanaqui Jesusaqui zoinaczquiz walja Yooz puntunaca tjaajinchicha, tjapaman quintunacztan. Jalla nuz tjaajincan tuz cjichicha: Tsjii zoiqui zkal chjaqui tewcchicha. 4Zkala chjaccan, parti simillaqui jicz latuquiz tjojtsicha. Nekztan wezlakaz nii simillac ilziqui. 5Parti simillazti maz yokaran tjojtsicha. Nekziqui anaz wacchi pjila zelatcha. Nekztan koloculla pjila zelan ratulla jeczicha. 6Jalla nuz jecztiquiztan sii kjakiqui ujchicha; koluc sepallchiztacha nekztan. Ratulla kjonchicha. 7Parti simillazti chap chap yokaran tjojtsicha. Chapinacakazza ancha pajkchiqui, nizaza atipchiqui. 8Parti simillazti zuma yokquiz tjojtsicha. Nekztan zuma pookchicha. Yekjap simillaqui patac chjerchiz zapa zkal ozquiz pookchicha; nizaza yekjap simillaqui sojta tuncan chjerchiz zapa zkal ozquiz pookchicha; yekjap simillaqui quinsa tuncan chjerchiz pookchicha. 9Jakziltazlaja nonzi cjuchiz niiqui, nonzla. 10Jalla nekztanaqui tjaajinta zoinacaqui Jesusizquiz macjatchicha, nizaza pewczicha, tuz cjican: Kjaztiquiztan am nizta quintunacztankaz zoinaczquiz tjaajinya? 11Jesusaqui kjaazicha tuz cjican: Arajpach Yooz mantuquiz kamz puntuquiztan chaman intintazzuca quintunacztan tjaajnucha. Anchucaquizkaz Yoozqui zizkatz muncha nii puntunacquiztanaqui. Parti zoinaczquiziqui Yoozqui ana zizkatz muncha. 12Jequit zizachaja, jalla niizquiziqui jucant tjaajinz tjaataz cjequicha. Nekztan zumpacha ziziz cjequicha. Jequit ana zizachaja, jalla niiz kuzquiztan kjataz cjequicha nii ana intintaztanacaqui. 13Jalla niztiquiztan wejrqui tizta SAN MATEO12,13 32. 28 El Nuevo Testamento en Chipaya de Bolivia, 2da ed. 2009, La Liga Bblica quintunacztan paljayucha. Parti zoinacaqui weriz paata cherzcumi ana cherchiztakaz cjissa. Nizaza weriz chiita taku nonzcumi, ana nonziztakaz tuccha; ana intintazi zoinacacha ninacaqui. 14Jalla nizta cjissiz cjen, Isaas profetz taku cumplissa. Jalla tuz Isaiasqui cjijrchicha: Anchucqui nonznaquicha. Nonzcu, ana intintazaquicha. Nizazaz cheraquicha. Cherzcu, anaz tantiyasaquicha. 15Tii zoinacz kuznacaqui chojru cjissicha; ana zumaz nonza. Nizaza chjujcchiz cjenami ana cherzi atcha, zur zoiztakaz. Jalla nuz cjisnaquicha, ana cherzi cjisjapa, nizaza ana nonzi cjisjapa, nizaza ana kuzquiz intintii cjisjapa, nizaza ana wejtquin macjatzjapa. Ana wejtquin tjontiquiztan, ana liwriita cjesacha. 16Anchuccha cuntintu. Anchucqui cherzi zoinacchuccha. Nizaza nonzi zoinacchuccha. Anchuccha Yooziz wintiztaqui. 17Weraral cjiwcha. Wacchi profetanacami nizaza zuma kuzziz zoinacami anchucaz chertanaca cherz zakaz pecatcha. Pero ana cherchicha. Nizaza anchucaz nonztanaca nonz zakaz pecatcha. Pero ana nonzicha. Anchuczti cherchinchuccha, nizaza nonzinchuccha. 18Jazic anchucz nonznalla. Jalla tuz cjicha nii zkala chjacz quintuqui. 19Nii jicz latuquiz tjojtsi simillaqui jalla tizta zoinacacha. Ninacaqui arajpach Yooz mantuquiz kamz puntuquiztan nonzcanpacha, ana intintazza. Diabluqui ninacz kuzquiz tjonzcu, ninacaz intintazta kjacha. 20Nizaza nii maz yokquiz tjojtsi simillaqui jalla tizta zoinacacha. Ninacaqui Yooz taku nonzcu nii ora cuntintuz nonza; cuntintuz catokcha. 21Pero ninacaqui ana tjapa kuztan catoktiquiztan zkoluc zepichiz zkalaztakazza. Jalla niztiquiztan ana tjuraquicha. Yooz taku criichiz cjen, sufraquicha; nizaza chjaawjkattaz cjequicha. Jalla nekztan orallaz quejpsnaquicha. 22Nizaza nii chap yokquiz tjojtsi simillaqui jalla tizta zoinacacha. Ninacaqui Yooz taku nonzcu, catokcha. Pero nekztan jucanti kuz tjaacha tii muntu cusasanacquiz. Wali jiru kamzpanz peccha. Persun kuzquiz pectiquiztanaqui Yooz taku tjatza ninacz kuzquiz. Jaziqui ana zuma kamcha; ana pooki zkalaztakaz kamcha. 23Nizaza nii zum yokquiz tjojtsi simillaqui jalla tizta zoinacacha. Ninacaqui Yooz taku nonzcu, zuma tjapa kuz catokcha; zuma intinticha. Jalla niztiquiztan zuma kamachiz cjissa, zuma pookchi zkalaztakaz. Nii zuma pooki zoinacaqui zuma kamachizpanz cjissa, jaknuzt tsjii simillaqui patac chjerchiz, sojta tunc chjerchiz, quinsa tunc chjerchiz pookchaja, jalla niztacha. ANA WAL PASTU QUINTU 24Tsjii quintuztan quintichicha Jesusaqui, tuz cjican: Arajpach mantii Yooz puntuqui jalla tuzucha. Tsjii zoiqui zuma similla chjacchicha zkal yokquiz. 25Tjapa niiz kjuychiz zoinacaz tjajan, tsjii quintra zoiqui tjonchicha. Nekztan zkalquiz ana wal pastunaca chjacchicha. Jalla nuz ana wal chjaczcu, ojkchicha. 26Nii tric zkala jecztan, chicapacha pajkchicha nii ana wal pastunacaqui. Nizaza pizcpacha pookchicha. 27Jalla nii cherzcu, nii piyunanacaqui patrunzquin mazi SAN MATEO13 33. 29 El Nuevo Testamento en Chipaya de Bolivia, 2da ed. 2009, La Liga Bblica ojkchicha. Niizquin mazzicha, tuz cjican: Wejt Patruna, amiz chjacta simillaqui zumazlaj niiqui, jakziquiztan tii ana wal simillanaca pajkchitaya? 28Patrunaqui kjaazicha, tuz cjican: Tsjii quintra zoiqui nizta paachani. Jalla nekztanaqui piyunanacaqui pewczicha tuz cjican: Wejrnacqui nii ana wal pastunaca kachasaya? 29Nii patrunaqui cjichicha: Ana kachaquicha. Ana wal pastu kachcan yekjap tricztanpachaz kachnasacha. 30Antiz pizcpacha pajkla, cujich timpu tjonzcama. Jalla nekztan wejt piyunacnacaqui cuchantaz cjequicha. Ninacaqui anawal pastunaca ricujaquicha. Nekztan kojchquiz chejlznaquicha ujzjapa. Jalla nekztanaqui tricuz ricujzcu, wejt tiric yaaz kjuyquiz majcznaquicha. 31Nizaza Jesusaqui tsjii puntuzakaz quintichicha, tuz cjican: Arajpach Yooz mantiz puntuqui tuzucha. Tsjii zoiqui niiz yokquiz mostas similla chjacchicha. 32Mostas simillaqui parti simillquiztan jucant zkoltallacha. Jalla nuz cjenami pajkzcuqui tjapa zkalanacquiztan tsjan pakjicha. Pajk muntiztakaz cjissa. Nekztan wezlanacaqui nii mostas munti itzquiz tjuraz tjaciz tjoncha. LIWATUR QUINTU 33Jesusaqui tsjii quintichizakazza, tuz cjican: Arajpach Yooz mantiz puntuqui jalla tuzucha. Tsjaa maatak zonqui chjep medida tupzcu nii liwatura jacuquiz utchincha; nizaza tajzincha, tjapa nii tanti maza tsijtkatzjapa. 34Tjapa tjaajintanacami quintunacztan paljaytatacha. Arajpach Yooz puntuquiztan tjaajincan, Jesusaqui quintunacztankaz tjaajinchicha. 35Jalla nuz tjaajincan, Jesusaqui tuquita profetaz chiita takuqui cumplissicha. Profetaqui jalla tuz cjijrchicha: Quintunacztankaz chiyucha. Tii muntu kallantitiquiztan weriz chiita tjaajintanaca ana intintazzucacha. Jalla nii ana intintaztanaca paljayucha. ANA WAL PASTU QUINTU INTINTAZKATTA 36Jalla nizta puntunaca chiiz zerzcu, Jesusaqui zoinaczquiztan ojkchicha; kjuyquiz luzzicha. Jalla nicju niiz tjaajinta zoinacaqui macjatchicha, tuz cjican: Nii zkal yokquiz chjacta ana wal pastu, jalla nii puntuquiztan wejtnacaquiz intintazkatalla. 37Jalla nekztanaqui Jesusaqui intintazkatchicha tuz cjican: Wejrqui tsewctan cuchanzquita Yooz Zotcha. Wejrtcha zuma similla chjacitqui. 38Nii zkal yokaqui tii muntucha. Nii zuma zkalanacaqui cjicha, arajpach Yooz mantuquiz kami zoinacacha nii. Ana zuma pastunacaqui diabluz mantuquiz kami zoinacacha. 39Nii ana wal pastu chjacimi diablupachacha. Zkala ajz timpuqui tii muntu tucuzinz timpucha. Nii zkala ajzi piyunanacaqui Yooz anjilanacacha. 40Jaknuzt nii ana wal pastunaca ricujzcu, ujquin ujzjapa tjojttaz cjechaj niiqui, jalla nizta irataz wataquicha tii muntu tucuzinzcan, ultim juyzuz nekz. 41Jalla nii oraqui wejt anjilanaca cuchanzcacha, tii muntuquiztan tjapa ana wal zoinaca ricuji. Wejt anjilanacaqui tjapa ujnaca paakati zoinacami, nizaza tjapa ana wali paainacami ricujaquicha. 42Jalla nuz ricujzcu, infiernuquin tjojttaz cjequicha kjakchi jurnuquiztakaz. SAN MATEO13 34. 30 El Nuevo Testamento en Chipaya de Bolivia, 2da ed. 2009, La Liga Bblica Jalla nekzi anchaz kaaquicha, nizaza waljaz izke kjojznaquicha. 43Yooz kuzcama kami zoinacazti arajpach Yooz wajtquiz zelaquicha, tjuiztakaz kjancan. Jakziltat nonzi cjuchizchuczlaja, nonzna. IYA QUINTUNACA 44Arajpach Yooz mantuquiz kamaaqui jalla tuzucha. Tsjii yokquiz pajk paaz chjojztatacha. Tsjii zoiqui nii chjojzta paaz wajtchicha. Nii wajtzcu, wilta chjojzicha nekzpacha. Ancha cuntintutacha. Nekztanaqui tjapa niiz cusasanaca tuyi ojkchicha. Niiz cusasanaca tjuyzcu, nii yoka kjaychicha. Jalla nuzucha arajpach Yooz kamaquiz luzqui. Nii kamaaqui chjulquiztanami jucanti valorchizza. 45Nizaza arajpach Yooz mantuquiz kamaaqui tuzucha. Tsjii tintichiz zoiqui zuma valorchiz perlanaca kjayi ojkchicha. 46Nekztan tsjii ancha zuma valorchiz perla wajtchicha. Jalla nekztanaqui tjapa niiz cusasanaca tuychicha, nii perla kjayzjapa. 47Nizaza arajpach Yooz mantiz puntuqui tuzucha. Tsjii chiz tani zoinacaqui niiz chiz tanz pajk kotquiz tjojtzicha. Jalla nuz tjojtztiquiztan tjapaman chiznaca tanchicha. 48Nekztan chiz tanz chjijpztanaqui, kot at tjiiquin jwessicha. Jalla nekztanaqui ninacaqui nijwc julzcu, chiz pjalzicha. Zuma chiznaca canastiquiz yaazicha. Ana zuma chiznacazti tjojtchicha. 49Jalla nizta irataz tii muntu tucuzinztanaqui wataquicha. Anjilanacaqui ulanzcaquicha zoinaca pjali, zuma zoinaca ana zuma zoinaca, nii. 50Nii ana zuma zoinacaqui infiernuquin tjojttaz cjequicha tsjii kjakchi jurnuquiztakaz. Jalla nekzi ancha kaaquicha, nizaza izke kjojaquicha. 51Jalla nekztanaqui Jesusaqui zoinaczquiz pewczicha, tuz cjican: Anchucqui tjapa tii weriz chiita quintunaca intintiya? Nii zejli zoinacaqui kjaazicha, tuz cjican: Wejt Jilir