2

  

BARNE‐ARAUTEGIA  

SANTA TERESA IKASTETXEA 

 

DONOSTIA

3

BARNE-ARAUTEGI MARKOAREN AURKIBIDEA

Orrialdea Zioen azalpena ……………………………………………………… 05 Atariko Titulua ………………………………………………………………. 06

I.Titulua. Hezkuntza Komunitatea ……………………………………………. 07 - Alderdi orokorrak - Kideak - Partaidetza

II. Titulua. Hezkuntza Jarduera ……………………………………………….. 18 - Dokumentuak

III. Titulua. Gobernu eta Kudeaketa Organoak ……………………………. 21 - Kide bakarreko organoak - Kide anitzeko organoak

IV. Titulua. Hezkuntza Koordinatzeko Organoak ……………………… 33 - Kide bakarreko organoak - Kide anitzeko organoak

V. Titulua. Eskolako elkarbizitza ………………………………………….. 37 - Eskola Teresatarreko elkarbizitza - Elkarbizitza arautzea

VI. Titulua. Kalifikazioak erreklamatzea …………………………….. 48

Xedapen gehigarriak ………………………………………………. 48

Xedapen iragankorra ………………………………………………….. 49

Xedapen indargabetzailea ………………………………………………….. 49

Azken xedapenak………………………………………………. 49

4

Eskola Teresatarraren Fundazioko Ikastetxeentzako Barne Arautegi Markoa egin da Eskola Teresatarraren Fundazioko Barne Arautegiaren 89. eta 90. artikuluei jarraituz (patronatuak onartua 2012ko urriaren 29ko batzarrean).

Testu bateratu horri Ikastetxe bakoitzak egin zizkion 2012-2013ko ikasturtean Barne

Arautegia osatzeko zehaztapenak, titulartasun-taldearekin ados jarrita. Patronatuak LOMCEra egokitzeko aldaketak gehitzea onartu du, eta Ikastetxe bakoitzak bere

Barne Arautegiari erantsiko dizkio, Eskola Kontseiluari jakinarazi ondoren.

Madrilen, 2014ko otsailaren 28an

5

ZIOEN AZALPENA Ikastetxearen Erakunde Titularra den Eskola Teresatarraren Fundazioaren xedea ebanjelioari, Eliza Katolikoaren doktrinari eta Enrique de Ossóren karisma teresatarrari jarraituz heztea da, Santa Teresa Jesusena Konpainiak eta Ikastetxeak beretzat hartutako Izaera Bereziaren bidez adierazita. Barne Arautegi honetan finkatzen da Izaera Berezi horren eta Ikastetxeko Hezkuntza Proiektuaren helburuak lortzeko egokitzat jotako antolaketa eta zuzendaritza, indarrean dagoen legeriaren eta Erakunde Titularraren antolamenduaren baitan. Erakunde Titularrak Ikastetxean bultzatzen duen Hezkuntza Komunitatearen eredua ere adierazten du, bai eta bertako kide guztien parte-hartzea ere, berezkoa baita eredu horretan. Aldeko irizpena eman dio Eskola Kontseiluak: 2013-III-19

“Hezkuntzaren antolaketak eta kudeaketak Eskola Teresatarraren

helburuei jarraitzen die. Horregatik, parte hartzeko, berritzeko eta ikasteko guneak eskaintzen dituzte, pertsona bakoitzaren duintasunean eta balioan oinarrituak. Antolaketaren eta kudeaketaren kulturak berezkoa du elkarlanean ikastea, ingurunearekin eta pertsonekin harremanean, gaitasun pertsonalak proiektuaren zerbitzura jarriz.

Hezkuntza Proiektu horren bultzatzaile dira kohesionatutako lantaldeak, ikastetxearen misioarekin identifikatuak eta konprometituak proiektuen bidez, denetarikoak eta ebaluagarriak, Ikastetxeko hezkuntza-lerroak abiarazten dituztenak”.

(Izaera Berezia, 25. or.)

6

ATARIKO TITULUA artikulua. - Barne Arautegiaren xedea Barne Arautegi (aurrerantzean, Arautegi) honen xedea da Ikastetxearen antolaketa eta funtzionamendua arautzea eta Hezkuntza Komunitateko kide guztien parte-hartzea sustatzea, Eskola Teresatarraren Fundazioaren baitan.

2. artikulua.- Esparruak 1. Arautegi hau Ikastetxearen antolaketan eta funtzionamenduan aplikatuko da.

2. Arautegiaren iraupena mugagabea da, nahiz eta Entitate Titularrak aldaketak onar ditzakeen, Eskola Kontseiluak irizpena eman ondoren.

3. Ezagutu beharra dute Fundazioko Titulartasun Taldeak, Zuzendaritza Taldeak, Irakasleen Klaustroak, Eskola Kontseiluak eta, oro har, Hezkuntza Komunitate osoak. 

3. artikulua.- Ikastetxearen izaera eta nortasuna 1. Gizarte-ekintzako ikastetxe katolikoa da, Eskola Teresatarraren Fundazioko

kidea eta Santa Teresa Jesusena Konpainiaren Izaera Berezia du.

2. Fundazioaren korporazio-irudia da bere nortasun- eta partaidetza-ikurra.

3. LODEren IV. Tituluko, LOEren IV. Tituluko eta horien garapen-arauetako itunpeko hezkuntza-erregimenaren barruan dago. 

4. artikulua.- Oinarri dinamizatzaileak Ikastetxeko antolaketak eta funtzionamenduak honako oinarri hauek ditu:

a) Ikastetxearen izaera katolikoa. b) Santa Teresa Jesusena Konpainiak Fundazioko Ikastetxeentzat duen

Izaera Bereziaren barruko hezkuntza-eskaintza oso-osorik aurrera eramatea.

c) Ikastetxea Hezkuntza Komunitate gisa eratzea. d) Indarrean dagoen legeria betetzea.

TITULUA HEZKUNTZA-KOMUNITATEA

7

LEHENENGO KAPITULUA: ALDERDI OROKORRAK

5. artikulua.- Kontzeptua 1. Ikastetxea Hezkuntza Komunitate moduan eratzen da, elkarrekin harremanak

dituzten eta hezkuntza-jardueran inplikatuak dauden pertsona guztiez osatua, Ikastetxearen helburuak partekatuz eta aberastuz.

2. Hezkuntza Komunitatearen baitan denetariko funtzioak eta ardurak daude, kontuan hartuz proiektu komunari zer-nolako ekarpen egiten dioten Erakunde Titularrak, ikasleek, irakasleek, gurasoek, administrazioko eta zerbitzuetako langileek eta bestelako laguntzaileek.

6. artikulua.- Eskubideak Hezkuntza Komunitateko kideen eskubideak dira:

a) Beren eskubideak eta osotasun eta duintasun pertsonalak errespetatuak izatea.

b) Ikastetxearen Izaera Berezia, Hezkuntza Proiektua eta Barne Arautegia ezagutzea.

c) Ikastetxearen funtzionamenduan eta bizitzan parte hartzea, Arautegi honi jarraituz.

d) Ikastetxeko estamentu bakoitzean batzarrak egitea eskola-bizitzako gaiak jorratzeko, Erakunde Titularrak baimena eman ondoren.

e) Hezkuntza Komunitateko estamentu bakoitzeko kideen Elkarteak eratzea, legeari jarraituz.

f) Idatzizko eskaerak eta kexak aurkeztea kasu bakoitzean dagokion organoari.

g) Beren eskubideak urratuak direnean, dagokion organoari erreklamazioa egitea.

h) Legeetan, Ikastetxeko Izaera Berezian eta Arautegi honetan onartutako gainerako eskubideez baliatzea.

7. artikulua.- Betebeharrak Hezkuntza Komunitateko kideen betebeharrak dira:

a) Erakunde Titularraren, ikasleen, irakasleen, gurasoen, administrazioko eta zerbitzuetako langileen eta Hezkuntza Komunitateko gainerako kideen eskubideak onartzea eta errespetatzea.

b) Izaera Berezia, Hezkuntza Proiektua, Arautegi hau eta elkarbizitza-arauak, eta Ikastetxearen eta bere jardueren eta zerbitzuen beste antolaketa- eta funtzionamendu-arauak onartzea.

c) Ikastetxearen irudia errespetatzea eta sustatzea. d) Partaide diren organoen batzarretara joatea eta parte hartzea. E) Zuzendaritza Taldearen eta irakasleen agintea eta hezkuntza-mailako

8

oharrak edo orientabideak errespetatzea. BIGARREN KAPITULUA: KIDEAK Lehenengo atala: ERAKUNDE TITULARRA 8. artikulua.- Izaera eta definizioa Eskola Teresatarraren Fundazioa da Erakunde Titularra eta Ikastetxearen azken arduraduna gizartearen, Administrazioaren eta Hezkuntza Komunitatearen aurrean. Izaera Bereziaren oinarriak bermatu eta jarraipena ematen die, eta Ikastetxeari aurrera egiten laguntzen dioten guztien kohesioa zaintzen du; Ikastetxearen kudeaketa eta funtzionamendua ere zaintzen du, hezkuntza-helburuak betetze aldera. 9. artikulua.- Eskubideak Erakunde Titularraren eskubideak dira:

a) Ikastetxearen Izaera Berezia errespetatzen dela bermatzea eta eraginkorra izan dadin dinamizatzea.

b) Erakunde-mailako eta Ikastetxeko Hezkuntza Proiektua prestatzea, Izaera Berezi eta guzti.

c) Ikastetxea zuzentzea, haren ordezkari izatea eta haren antolaketaren eta kudeaketaren azken arduradun izatea.

d) Ikastetxearen kudeaketa ekonomikoa antolatzea. e) Ikasketa berrien baimena eskatzea, eta unean uneko baimena aldatzea eta

ezeztatzea. f) Itunak, hitzarmenak eta programa-kontratuak sinatzea, laguntzak eskatzea,

bai eta haiek aldatu edo ezeztatu daitezen bultzatzea ere. g) Jarduerak eta zerbitzuak ematea eta bukatzea. h) Barne Arautegia onartzea, bai eta hura garatzeko eta betearazteko arauak

finkatzea ere. i) Kide bakarreko gobernu- eta kudeaketa-organoak eta Eskola Kontseiluko

ordezkariak izendatzea edo kentzea, Arautegi honi jarraituz. j) Hezkuntza-jarduera koordinatzeko organoak izendatzea eta kentzea,

Arautegi honi jarraituz. k) Ikastetxeko langileak hartzea, kontratatzea, izendatzea eta kentzea. l) Ikastetxean ikasleak onartzeko arautegia finkatzea, indarrean dauden

xedapenen barruan, eta horiek onartzea edo kanporatzea. m) Elkarbizitza kudeatzeko eta sustatzeko ekimena izatea. n) Arautegi honetako elkarbizitza-arauak garatzea eta zehaztea.

10. artikulua.- Betebeharrak Erakunde Titularraren betebeharrak dira:

a) Ikastetxearen izaera teresatarra bermatzea eta sustatzea. b) Ikastetxearen Izaera Berezia, Hezkuntza Proiektua eta Barne Arautegia

ezagutaraztea.

9

c) Ikastetxearen funtzionamenduaz eta kudeaketaz arduratzea Hezkuntza Komunitatearen, Gizartearen, Elizaren eta Administrazioaren aurrean.

d) Ikastetxeko baimenaren, antolamendu akademikoaren eta hezkuntza-itunen arauak betetzea.

e) Ikastetxeari aurrera egiten laguntzen dioten guztien kohesioa zaintzea.

11. artikulua.- Ordezkaritza Erakunde Titularraren Ikastetxeko ordezkari arrunta Zuzendari Orokorra/Titularra da, Arautegi honen 48. artikuluari jarraituz. Bigarren atala: IKASLEAK 12. artikulua.- Izaera eta definizioa Ikasleak dira Hezkuntza Komunitatearen erdigunea. Beren hazkundearen protagonista nagusi direnez, parte-hartze aktiboa dute eskolako bizitzan, adinaren arabera, eta beren gaitasunen araberako ardurak hartzen dituzte, Arautegi honetan agertzen den parte hartzeko sistemari eta indarrean dagoen legeriari jarraituz. 13. artikulua.- Eskubideak 6. artikuluak dioenaz gain, ikasleen eskubideak dira:

a) Hezkuntza integrala jasotzea, beren nortasuna osoki garatzen duena. b) Kontzientzia-askatasuna errespetatzea, bai eta sinesmen erlijiosoak eta

moralak ere. c) Eskolako etekina irizpide publikoen eta objektiboen arabera baloratzea. d) Eskolako eta lanbideko orientabidea jasotzea. e) Gabezia familiarrak, ekonomikoak eta soziokulturalak konpentsatzeko

laguntzei buruzko informazioa jasotzea, bai eta gizarte-babesari buruzkoak ere, istripu edo zorigaitzen bat gertatzen bada familian.

f) Osotasun fisikoa, duintasun pertsonala eta datu pertsonalen intimitatea errespetatzea.

g) Ikastetxean elkartzeko, parte hartzeko eta batzartzeko eskubideaz baliatzea, legeari jarraituz.

h) Ikastetxearekin harremanetan jarraitzea, ikasketak amaitu ondoren.

14. artikulua.- Betebeharrak 7. artikuluak dioenaz gain, ikasleen betebeharrak dira:

a) Ikastea eta bakoitzaren hezkuntza-mailan antolatutako jarduera akademiko, pastoral eta hezitzaileetan parte hartzea.

b) Irakasleen eta langileen gidalerroei jarraitzea hezkuntzari eta ikasketei dagokienez, eta haien agintea errespetatzea.

10

c) Klasera garaiz iristea eta Ikastetxeko ordutegia eta egutegia betetzea. d) Ikastetxeko elkarbizitza hobea eta ikas giroa egokia izan dadin parte

hartzea eta laguntzea, ikaskideen hezkuntza-eskubidea errespetatuz. e) Hezkuntza Komunitateko partaideen kontzientzia-askatasuna eta sinesmen

erlijiosoak eta moralak errespetatzea. f) Hezkuntza Komunitateko partaide guztien duintasuna, osotasuna eta

intimitatea errespetatzea. g) Ikastetxeko antolaketa-, elkarbizitza- eta diziplina-arauak errespetatzea. h) Ikastetxeko instalazioak eta ikas materialak zaintzea eta ongi erabiltzea.

15. artikulua.- Onarpena

1. Erakunde Titularrari dagokio ikasleak onartzea.

2. Funts publikoak jasotzen dituzten mailetan, eskatzaile guztientzako adina plazarik ez badago, indarrean dagoen legeria aplikatuko da.

Hirugarren atala: IRAKASLEAK 16. artikulua.- Izaera eta definizioa Irakasleak funtsezkoak dira Hezkuntza Komunitatean, eta erabakigarriak dira Ikastetxeko bizitzan. Irakaskuntzaren lehen arduradunak dira, zein bere etapa, arlo eta ikasgaitan, eta orientabidea eta laguntza ematen diete ikasleei heziketa-prozesuan, ikaskuntzaren eta elkarbizitzaren bitartekari gisa. Ikasleen heziketa integrala lortzen laguntzen dute, eta arreta berezia jartzen dute barnekotasunean eta harremanetan, ezaugarri teresatar moduan. Era horretan, familien heziketa osatzen dute. 17. artikulua.- Eskubideak 6. artikuluak dioenaz gain, irakasleen eskubideak dira:

a) Heziketa-lana arduraz egitea, zein bere postuko ezaugarrien arabera. b) Etengabe prestatzeko eta eguneratzeko jardueretan parte hartzea. c) Heziketa- eta pastoral-mailako programazioak egiten parte hartzea.

d) Metodologia garatzea programazioen arabera, gainerako irakasleekin

koordinatuta. e) Ebaluazio-lanak arduraz egitea, Etapako eta Ikastetxeko programazioetan

ezarritako irizpideen arabera. f) Ikastetxeko baliabide materialak eta instalazioak erabiltzea heziketa-

lanetarako, haien erabilera-arauei jarraituz. g) Klaustroari, irakaskuntza koordinatzeko organoei eta maila bera ematen

duten heziketa-taldeei dagozkien erabakietan parte hartzea.

18. artikulua.- Betebeharrak 1. 7. artikuluak dioenaz gain, irakasleen betebeharrak dira:

11

a) Beren heziketa-lanak Erakunde Titularraren hezkuntza-lerroei eta Izaera Bereziari jarraitzea.

b) Beren funtzioek indarrean dagoen legeria eta kontratuan eta/edo izendapenean ezarritako baldintzak betetzea.

c) Jarduera osagarriak sustatzea eta haietan parte hartzea, ikastetxean edo kanpoan, Urteko Programazio Orokorraren barruan.

d) Hezkuntza Proiektuko helburuak bete daitezen laguntzea, eta funtzioak betetzeko orduan Etapako eta Ikastetxeko heziketa- eta pastoral-mailako Programazioei jarraitzea.

e) Arloaren edo ematen den ikasgaiaren programazio zehatza egiten parte hartzea, kurtsoko heziketa-taldearen eta arloaren barruan.

f) Ikasgelako programazioak egitea eta garatzea esparru guztietan. g) Ikasleen ikasketa-prozesua ebaluatzea, finkatutako irizpideen arabera. h) Ikasleak arloko edo ikasgaiko lan- eta ikas teknika zehatzetan bideratzea,

bertako praktikak edo mintegiak zuzentzea, bai eta egindako probak ikasleekin aztertzea eta komentatzea ere.

i) Ordena eta diziplina mantentzen laguntzea, beren funtzioen baitan. j) Eskolako eta laneko egutegia eta ordutegia zorrotz betetzea. k) Lanbide-hobekuntza eta eguneratze pedagogikoa bilatzea, teknologia

berriak erabiliz. l) Lanbideko isiltasunari eustea eta lortutako datu pertsonalak babesteko

neurriak hartzea. 2. Irakasleen funtzioak dira: 

a) Inplikazio pertsonala, eskolako giroak oinarri teresatarretan hezteko balio dezan, testuinguruko gizarte- eta hezkuntza-egoerei erantzunez.

b) Ikastetxeko jarduerak errespetuan, parte-hartzean eta askatasunean oinarrituta gauzatu daitezen laguntzea, ikasleek konpromiso arduratsua har dezaten gizartea kristau-balioen bidez eraldatzeko.

c) Ikasleen tutoretza, haien ikasketa zuzentzea eta bideratzea, eta heziketa- eta pastoral-mailako prozesuan laguntzea, familiekin batera.

d) Ikasleak heziketa-, pastoral-, ikasketa- eta lanbide-mailan orientatzea, zerbitzu edo departamentu espezializatuekin lankidetzan, hala badagokio.

e) Irakaskuntza-jarduerak koordinatzea. f) Ikastetxeko jarduera orokorrean parte hartzea. g) Ikasteko eta irakasteko prozesuak ikertzea, esperimentatzea eta etengabe

hobetzea. h) Ikaslearen garapen intelektuala, afektiboa, fisikoa, artistikoa, soziala,

morala eta espirituala aintzat hartzea. i) Familiei laguntzea eta aldizka informatzea seme-alaben gaitasunen

hazkunde- eta garapen-prozesuari buruz. j) Hezkuntza Administrazioek edo Ikastetxeak erabakitako ebaluazio-

planetan parte hartzea.

19. artikulua.- Lanean hastea

12

1. Erakunde Titularrari dagokio irakasleen plaza hutsak betetzea.

2. Itunpeko mailetan irakasleen plaza hutsak betetzeko, aurreko atalean adierazitakoa urratu gabe, Hezkuntzarako Eskubidea arautzeko uztailaren 3ko 8/1985 Lege Organikoaren 60. artikulua aplikagarria denean, bertako prozedurari jarraituko zaio.

3. Irakasleen plaza hutsak bete ahal dira lanaldi osoan ari ez diren irakasleen ordutegia luzatuz, eszedentzian edo antzeko egoeran dauden irakasleak lanean jarriz, edo Erakunde Titularrarekin lan-legepeko harremana ez duten irakasleei buruzko legeria betez.

4. Hautaketa-prozesuak iraun bitartean, Erakunde Titularrak behin-behinean bete dezake plaza hutsa.

Laugarren atala: FAMILIAK 20. artikulua.- Izaera eta definizioa Gurasoak edo legezko tutoreak dira seme-alabak heztearen lehen arduradunak. Beren sinesmenei jarraituz eta beren eskubideak erabiliz hautatu dute Ikastetxea, seme-alaben heziketak Eskola Teresatarraren Izaera Bereziari eta Hezkuntza Proiektuari jarrai diezaion. Laguntza- eta lankidetza-harremanak dituzte Hezkuntza Komunitateko gainerako kideekin, elkarrekiko konfiantzan eta errespetuan oinarriturik. 21. artikulua.- Eskubideak 6. artikuluan adierazitakoaz gain, gurasoen eskubideak dira:

a) Ikastetxeak bere Izaera Berezian eta Hezkuntza Proiektuan adierazitako heziketa mota ematea.

b) Seme-alabek eta tutoretzapekoek ahalik eta kalitate-bermerik gehieneko heziketa jasotzea, Konstituzioan, Autonomia Estatutuan eta hezkuntza-legeetan ezarritako helburuen ildotik.

c) Seme-alaben heziketa-prozesua garatzearekin lotutako gaietan parte hartzea Ikastetxean.

d) Seme-alaben ikasketa-prozesuaz eta gizarte-heziketako integrazioaz informazioa jasotzea.

e) Seme-alaben ikasketa- eta lanbide-mailako norabideari eragiten dioten erabakiei buruz entzunak izatea.

f) Ikastetxeko irakasleekin biltzea, finkatutako orduetan. 22. artikulua.- Betebeharrak 7. artikuluan adierazitakoaz gain, gurasoen betebeharrak dira:

a) Familiaren eta Ikastetxearen arteko elkarlan egokia bultzatzea, heziketa- eta pastoral-lana eraginkorragoa izan dadin. Horretarako, beharrezkoa dute: - Zuzendaritza Taldeak, irakasleak edo tutoreak deitutako

elkarrizketetara eta batzarretara joatea, seme-alaben heziketarekin lotutako gaiak jorratzeko.

13

- Seme-alabek hezkuntzaren derrigorrezko mailak egiteko eta eskolara etortzeko neurriak hartzea.

- Agindutako ikas jarduerak egin daitezen bultzatzea, eta heziketa-lana eraginkorrago izateko egoerak bultzatzea Ikastetxetik kanpora.

- Seme-alaben heziketarako eta eskolan integratzeko garrantzitsuak diren seme-alaben nortasunari eta egoerei buruzko informazioa ematea hezitzaileei.

- Antolatutako jardueretan parte-hartze aktiboa izatea, Ikastetxeak familiarekin erabakitako hezkuntza-konpromisoen arabera.

b) Ikastetxearen Izaera Berezia eta Hezkuntza Proiektua ezagutzea eta errespetatzea.

c) Ikastetxearekin hartutako konpromisoen ondorio diren obligazioak betetzea.

d) Ikastetxeko langileen gaitasun tekniko-profesionalak errespetatzea. e) Seme-alaben ez-etortzeak eta berandu etortzeak idatziz justifikatzea. f) Ikastetxeko antolaketa- eta elkarbizitza-arauak errespetatzea, gurasoei

eragiten dieten heinean.

Bosgarren atala: ADMINISTRAZIOKO ETA ZERBITZUETAKO LANGILEAK 23. artikulua.- Izaera eta definizioa Administrazioko eta Zerbitzuetako langileek denetariko lanak eta ardurak dituzte, denak ala denak Hezkuntza Komunitatearen zerbitzura. Erakunde Titularrari, zuzendaritzari, irakasleei, ikasleei eta familiei laguntzen diete, Ikastetxearen misioa eta hezkuntza-estiloa partekatuz. 24. artikulua.- Eskubideak 6. artikuluak dioenaz gain, Administrazioko eta Zerbitzuetako langileen eskubideak dira:

a) Ikastetxeko bizitzaren parte izatea, Hezkuntza Komunitateko kide gisa. b) Ikastetxeko helburuei eta antolaketa orokorrari buruzko informazioa

jasotzea eta hori betetzen laguntzea, hala dagokien heinean. c) Etengabeko prestakuntza jasotzea.

25. artikulua.- Betebeharrak 7. artikuluak dioenaz gain, Administrazioko eta Zerbitzuetako langileen betebeharrak dira:

a) Ikastetxeko heziketa-lanetan laguntzea, hezitzaileekin eta arduradunekin koordinaturik, eta Izaera Bereziaren eta Hezkuntza Proiektuaren ildoan.

b) Beren funtzioak betetzea, beren kontratuan eta/edo izendapenean ezarritako baldintzak betez.

c) Lanbidean hobetzen saiatzea. d) Laneko egutegia eta ordutegia zorrotz betetzea. e) Lanbideko isiltasunari eustea eta lortutako datu pertsonalak babesteko

neurriak hartzea. 26. artikulua.- Lanean hastea

14

Erakunde Titularra da Administrazioko eta Zerbitzuetako langileak izendatu eta kentzen dituena. Seigarren atala: BESTE KIDE BATZUK 27. artikulua.- Izaera eta definizioa Ikasle ohiek, boluntarioek, profesionalek eta Ikastetxearekin lotutako beste pertsonek beren denbora eta lana eskainiz bultzatzen dituzte Ikastetxeko hainbat zeregin eta jarduera. Hezkuntza Komunitatea zabaltzen laguntzan dute, gizartearekiko harremanak areagotuz. Erakunde Titularrak erabakitako moduan hartzen dute parte Ikastetxeko heziketa-lanetan. 28. artikulua.- Eskubideak 1. 6. artikuluan adierazitakoaz gain, Hezkuntza Komunitateko kide horien

eskubideak dira:

a) Laguntzaileak edo boluntarioak direla jakinaraztea eskolan. b) Beren funtzioak betetzea, aplikagarri zaien legeriak eta Erakunde Titularrak

ezarritako baldintzetan.

29. artikulua.- Betebeharrak 1. 7. artikuluan adierazitakoaz gain, Hezkuntza Komunitateko kide horien

betebeharrak dira:

a) Arautegi honen 27. artikuluan aipatutako orientabideak jarraitzea. b) Ikastetxearen ohiko jarduera ez etetea.

HIRUGARREN KAPITULUA: PARTAIDETZA 30. artikulua.- Partaidetza-zentzua 1. Ikastetxearen gidalerro nagusia Hezkuntza Komunitateko estamentu guztien

partaidetza eta integrazioa bultzatzea da, Izaera Bereziaren ildotik.

2. Partaidetza areagotze aldera, garrantzi berezikoak izango dira hautaketa, harrera, alboan egotea, informazioa, prestakuntza, parte-hartzea, aitorpena eta despedida, beharrezkoak diren planak eta protokoloak ezarriz, eta Erakunde Titularrak erabakitzen dituenak onartuz.

31. artikulua.- Harrera

15

Estilo teresatarrak berezkoa du oso aintzakotzat hartzea pertsonaren duintasuna, xalotasuna eta tratu hurbila, diferentzien aitorpena eta begirunea, eta banakako eta taldeko lana babestea eta baloratzea. 32. artikulua.- Hautaketa Hautaketa-prozesuak eragiten die zuzendaritza-karguei, irakasleei, administrazioko eta zerbitzuetako langileei eta Ikastetxeko beste laguntzaileei. Hautagaiak eskatutako profilekoak izatea da helburua, kontuan hartuz Izaera Berezia, Hezkuntza Proiektua eta Fundazioaren eta Ikastetxearen beharrak. 33. artikulua.- Alboan egotea Alboan egotea beti da beharrezkoa, batik bat Ikastetxean lanean hasitako lehen urteetan. Gidatzea, laguntzea, aholkatzea eta baliabideak eskaintzea da, pertsona gisa hazteko eta autonomoa izateko, bai eta ardurak betetzeko ere, ahaztu gabe talde bateko eta komunitate bateko partaidetza, non denek duten hezkuntza-misio teresatar bat eta inplikatuak sentitu behar duten bertan. 34. artikulua.- Informazioa Hezkuntza Komunitatean sartzen diren unetik aurrera, eta bertan dauden urteetan zehar, estamentu guztietako kideek dute informazio zehatza jasotzeko eskubidea Ikastetxearen Izaera Bereziaz eta ezaugarriez; bai eta beren garapenari, integrazioari eta parte-hartze aktiboari laguntzen dien guztiaz ere. 35. artikulua.- Prestakuntza 1. Prestakuntzak –hau da, ikasketa eta hazkunde pertsonalaren eta

profesionalaren prozesu amaiezinak– ardura eta konpromiso pertsonala eskatzen du, bai eta Erakunde Titularraren, Zuzendaritza Taldearen eta Hezkuntza Komunitate osoaren bultzada eta laguntza ere.

2. Ikasle, hezitzaile, administrazioko eta zerbitzuetako langile, Zuzendaritza Talde, familia, ikasle ohi, eta Ikastetxeko beste kide eta laguntzaileentzat izaten da.

3. Hezitzaile guztiek jasoko dute karisma teresatarrari buruzko prestakuntza berezia, ezagutu eta bizi dezaten, eta Ikastetxea gure gizartearen benetako aukeratzat har dezaten. Ikasleen prestakuntza integralak bilatzen du balioak, ezagutzak, jarrerak eta trebetasunak garatzea haiengan, gizaki eta kristau gisa haz daitezen, goragoko ikasketetara eta lanaren mundura hel daitezen eta, gehienbat, gizarte-bizitzan integra daitezen haren eraldatzaile gisa.

36. artikulua.- Parte-hartzea 1. Ikastetxean parte hartzeak ezaugarri hauek ditu:

a) Ikastetxeak funtzionatu ahal izateko oinarrizko baldintza da, eta haren Izaera Berezia eta Hezkuntza Proiektua aplikatu ahal izateko tresna.

b) Hezkuntza Komunitateko kide guztien erantzunkidetasunaren adierazpena da.

c) Mota guztietakoa da, Hezkuntza Komunitateko kide bakoitzak proiektu

16

komunari egiten dion ekarpenaren araberakoa. 2. Honako hauek dira Ikastetxean parte hartzeko eremuak:

a) Banakakoa b) Kide bakarreko organoak c) Kide anitzeko organoak d) Elkarteak e) Ordezkariak.

3. Hezkuntza Komunitateko kide bakoitzak bere ekarpen bereziarekin hartzen du

parte Ikastetxeko helburuak erdiesten.

4. Hezkuntza Komunitateko partaideek kide anitzeko organoetan hartzen dute parte, Arautegi honetako Hirugarren eta Laugarren Tituluen ildotik.

5. Erakunde Titularrak kontseiluak eta batzordeak eratzea sustatuko du, Hezkuntza Komunitateko kideek parte har dezaten hark erabakitako arloetan.

6. Elkarteak.

Hezkuntza Komunitateko estamentu bakoitzak Elkarteak era ditzake, legeriari jarraiki, honako helburu hauekin:

a) Izaera Berezian eta Hezkuntza Proiektuan gauzatutako Ikastetxeko helburuak lortzen laguntzea.

b) Estamentu bakoitzeko kideen eskubideak sustatzea eta beren betebeharretan laguntzea.

Elkarteen eskubideak izango dira:

a) Helbide soziala Ikastetxean edukitzea.

b) Ikastetxeko hezkuntza-jardueretan aritzea, Zuzendaritza Taldeak ezartzen duenaren arabera.

c) Ikastetxean bilerak egitea eskolako gaiak jorratzeko, eta beren jarduerak egitea, Erakunde Titularrak baimena eman ostean. Baimen hori emateko, bilerak edo jarduerek ez dute oztopatu behar Ikastetxeko bizitzaren garapen normala, eta egon daitekeen konpentsazio ekonomikoaren kalterik gabe.

d) Bakoitzaren estamentuko hautagaiak proposatzea Eskola Kontseilurako, Arautegi honetako Hirugarren Tituluari jarraituz.

e) Eragiten dieten gaiei buruzko informazioa jasotzea Ikastetxeko organoetatik.

f) Idatzizko iradokizunak, eskaerak eta kexak aurkeztea kasu bakoitzean dagokion organoari.

g) Beren eskubideak urratuak direnean, dagokion organoari erreklamazioa egitea.

17

h) Legeetan, Ikastetxeko Izaera Berezian eta Arautegi honetan onartutako gainerako eskubideez baliatzea.

Elkarteen betebeharrak dira:

a) Arautegi honen 6. eta 7. artikuluetako betebeharrak eta eskubideak betetzea eta errespetatzea.

b) Elkarbizitza Arautegia errespetatzea. c) Estamentu bakoitzaren betebeharrak konplitzea. d) Jarduera guztiak Zuzendari Orokorrarekin koordinatuta egitea.

7. Ikasleek eta gurasoek gelako edo kurtsoko ordezkariak hautatu ahal dituzte,

Erakunde Titularrak erabakitako prozedura eta funtzioekin. 37. artikulua.- Aitorpena Ikastetxeak ahaleginak egingo ditu Hezkuntza Komunitateko kide guztiek senti dezaten hezkuntza-misioaren partaide beharrezkoak direla, beren lana baloratzen dela, proposatutako proiektuak aurrera eramateko gaitasunaren eta esperientziaren konfiantza dagoela, beren prestakuntza sustatzen eta babesten dela, funtzioak delegatzen direla eta hartutako ardurentzat pizgarriak daudela. 38. artikulua.- Despedida Adinagatik edo beste arrazoiengatik Ikastetxea uzten dutenen lana aitortzeko eta haiekiko loturei eusteko ahalegina egingo da. II. TITULUA. HEZKUNTZA-JARDUERA 39. artikulua.- Oinarriak Hezkuntza Proiektua garatzeko bidean, Ikastetxeak: 1. Bere hezkuntza-jarduera antolatzen du kontuan hartuz Izaera Berezia, legeria

aplikagarria, eragileen eta hartzaileen ezaugarriak, Ikastetxearen baliabideak eta ingurunea.

2. Programazioan aintzat hartzen ditu Eskola Teresatarraren Fundazioaren Erakunde-mailako Hezkuntza Proiektuan finkatutako helburu eta jarduera orokorrak.

3. Hezkuntza Komunitateko kideak dira hezkuntza-jardueraren protagonistak, zein bere ekarpenarekin.

4. Kalitatezko hezkuntzaren barruan sartzen du bizi osoan zehar ikastea eta irakaskuntza bikaina, etengabe hobetuz eta pedagogia eta pastorala berrituz.

5. Gizartearen, kulturaren eta erlijioaren erronkei erantzun nahi die, elkarrizketa arduratsua eta konprometitua sustatuz mundu plural honetan, non teknika eta

18

zientzia etengabe aldatzen diren.

6. Gizartea garatzeko eta eraldatzeko laguntzen du, eta ezagutza bultatzen du, bai eta elkartasun-proiektuetan eta -ekintzetan parte hartzea ere, batik bat Santa Teresa Jesusena Konpainiakoak eta FundEOkoak.

LEHENENGO KAPITULUA: DOKUMENTUAK 40. artikulua.- Izaera Berezia 1. Santa Teresa Jesusena Konpainiak onarturik, Erakunde Titularrak eta

Ikastetxeak bere egin eta, horrela, testuinguruan kokatzen du Hezkuntza Proiektu Teresatarra.

2. Ikastetxearen Izaera Bereziak definitzen du: a) Eskola Teresatarraren jatorria. b) Gizartean duen misioa. c) Hezkuntza-helburua. d) Eskola Teresatarraren hezkuntza-estiloa. e) Ikastetxeko antolaketaren oinarrizko elementuak eta Hezkuntza

Komunitatearen inguruko artikulazioa. 3. Hezkuntza Komunitateari jakinarazi behar zaio Ikastetxeko Izaera Bereziaren

edozein aldaketa. 41. artikulua.- Ikastetxeko Hezkuntza Proiektua 1. Ikastetxeko Hezkuntza Proiektuak testuinguruan kokatzen du Fundazioaren

Erakunde-mailako Hezkuntza Proiektua, curriculumeko planei eta zehaztapenei dagokienez. Izaera Berezia txertatu eta helburuak lehenesten ditu epe jakin baterako, eskakizun nagusiei erantzunez eta kontuan hartuz:

a) Hezkuntza Komunitateko kideen ezaugarriak. b) Ikastetxearen ingurune hurbila. c) Errealitate soziala, lokala, autonomikoa, nazionala eta nazioartekoa. d) Elizaren lehentasun pastoralak.

2. Dokumentu horietan biltzen dira:

- Izaera Berezia - Plangintza estrategikoa (Misioa, ikuspegia eta balioak, testuinguruaren azterketa, aukera estrategikoak, heziketa- eta pastoral-planak, garapen- eta kudeaketa-planak).

- Curriculumaren zehaztapenak. - Ikastetxeko Barne Arautegia.

3. Zuzendaritza Taldeak egiten du, eta bertan zehazten dira Hezkuntza

Administrazioak finkatutako curriculumak. Hura bultzatu eta bideratuko dute Hezkuntza Komunitateko sektore guztiek, elkarteek, eta Ikastetxeko gobernu-, kudeaketa- eta koordinazio-organoek, Erakunde Titularrak ezarritako

19

gidalerroei jarraiki.

4. Jarraitua da. Zuzendaritza Taldeak urtero egingo du haren jarraipena eta ebaluazioa, hobetzeko aldaketak edo ekintzak proposatuz.

5. Ezagutu beharra dute Zuzendaritza Taldeak, Irakasleen Klaustroak, Eskola Kontseiluak eta, oro har, Hezkuntza Komunitate osoak.

42. artikulua.-Ikastetxeko Urteko Programazio Orokorra 1. Urteko Programazio Orokorrean zehazten dira hezkuntza-, pastoral-, garapen-

eta kudeaketa-planak garatzeko ekintzak, Hezkuntza Proiektuaren eta Fundazioaren Urteko Planaren baitan.

2. Zuzendaritza Taldeak egiten du, eta Klaustroak eta Hezkuntza Komunitateko beste estamentuek hartzen dute parte.

3. Erakunde Titularrak onartzen du Urteko Programazio Orokorra.

4. Ezagutu beharra dute Zuzendaritza Taldeak eta Klaustroak, bai eta Hezkuntza Komunitateko beste kideek ere zenbait puntutan.

43. artikulua. Ikastetxeko aurrekontua 1. Zuzendaritza Taldeak egin eta Erakunde Titularrak onartzen du Ikastetxeko

aurrekontua. Aurrekontu-proposamenarekin batera joango da azalpenezko memoria ekonomiko bat ere, Urteko Programazio Orokorrarekin lotua.

2. Zuzendari Orokorrak/Titularrak Ikastetxeko aurrekontua proposatuko dio Eskola Kontseiluari, onar dezan, itunagatik jasotako funts publikoei, Administrazioak jarduera osagarrien kuotagatik baimendutakoari eta, halakorik balego, zerbitzu osagarriengatik jasotakoari dagokionez.

44. artikulua. Ikastetxearen Urteko Memoria 1. Ikastetxearen Urteko Memorian jasotzen da ikasturte bukaerari buruzko

informazio nagusia, Urteko Programazio Orokorrean ezarritako helburuen eta jardueren arabera ebaluatzen da, eta hobetzeko ekimenak eta proposamenak biltzen dira.

2. Estamentu guztiek hartzen dute parte hura egiten, Zuzendaritza Taldeak zuzenduta eta aholkatuta.

3. Klaustroak eta Hezkuntza Komunitateko beste estamentuak parte hartuta egin, eta Zuzendaritza Taldeak onartzen du.

4. Ezagutu beharra dute Zuzendaritza Taldeak eta Klaustroak, bai eta Hezkuntza Komunitateko beste kideek ere zenbait puntutan.

20

III. TITULUA. GOBERNU- ETA KUDEAKETA-ORGANOAK 45. artikulua.- Gobernuaren eta kudeaketaren oinarriak Ikastetxearen jardunak honako oinarri hauek izango ditu:

a) Pertsonaren lehentasuna eta haren duintasunaren aitorpena. b) Hezkuntza Proiektu Teresatarrean jasotako balio ebanjelikoetako oinarri

etikoak, hala nola zuzentasuna, elkarrekikotasuna, inklusioa eta elkartasuna.

c) Gardentasuna. Edozein jarduerak jakintza eta prozedura gardena izan behar du oinarrian, parte hartzen dutenen asmoa argi utziz.

d) Lankidetza. Ikastetxeak lankidetza-hitzarmenak egin ditzake beste erakundeekin, baldin eta hitzarmen horiek misioarekin bat badatoz eta Fundazioaren Izaera Bereziaren balioak urratzen ez badituzte.

e) Norberaren jardunari buruzko gogoeta, jarduera bakoitza ebaluatuz eta Izaera Bereziaren ildotik etengabe hobetzea bilatuz.

f) Hezkuntza Komunitateko estamentu guztien parte-hartzea eta inplikazioa. g) Talde-lana, ikuspegiak bateratuta, ikasten ari den komunitate gisa. h) Eskola Teresatarraren helburuak hobeto lortzeko erabakiak hartzea.

46. artikulua.- Gobernu- eta kudeaketa-organoak 1. Ikastetxeko gobernu- eta kudeaketa-organoak kide bakarrekoak eta kide

anitzekoak dira.

2. Kide bakarreko organoak dira Zuzendari Orokorra/Titularra, Etapako Zuzendari Pedagogikoak, Pastoral Koordinatzailea eta Administratzailea.

3. Kide anitzeko gobernu- eta kudeaketa-organoak dira Zuzendaritza Taldea, Eskola Kontseilua eta Irakasleen Klaustroa.

4. Gobernu- eta kudeaketa-organoek Izaera Berezia eta Ikastetxeko Hezkuntza Proiektua sustatuko dute, legeriari jarraituz.

LEHENENGO KAPITULUA: KIDE BAKARREKO ORGANOAK 47. artikulua.-Funtzioaren izaera eta iraupena 1. Hezkuntza Komunitatearen gobernuan eta kudeaketan funtzio jakin bat egiteko

izendatzen dira kide bakarreko organoak, hala nola Zuzendari Orokorra/Titularra, Etapako Zuzendari Pedagogikoa, Pastoral Koordinatzailea edo Administratzailea.

2. Denak dira Zuzendaritza Taldeko kide.

3. Erakunde Titularrak izendatzen eta kentzen ditu.

4. Izendapena 3 urterako izan ohi da, legeriak dioena kaltetu gabe, eta iraupen bereko hiru txandatan berritu daiteke gehienez, Administratzailea izan ezik. Erakunde Titularrak egoera bereziak har ditzake kontuan.

21

5. Zuzendari Pedagogikoa izendatzea eta/edo berritzea Erakunde Titularrari dagokio, Eskola Kontseilura bertaratzen diren gehienek onartu ondoren. Erakunde Titularrari dagokio Etapako Zuzendari Pedagogikoa kentzea ere haren agintaldia amaitu aurretik, arrazoi justifikatuak daudenean eta Eskola Kontseiluari haien berri emanda.

Lehenengo atala: IKASTETXEKO ZUZENDARI OROKORRA/TITULARRA 48. artikulua.- Definizioa eta eskumenak 1. Erakunde Titularrak Ikastetxean duen ordezkaria da zuzendaritza-,

partaidetza- eta kudeaketa-organoen aurrean. Ikastetxeko bizitza orokorra zuzendu eta sustatzen du, Zuzendaritza Taldearekin eta Hezkuntza Komunitatearekin lankidetzan, Erakunde Titularraren gidalerroei jarraituz. 2. Zuzendari Orokorraren/Titularraren eskumenak dira:

a) Zuzendaritza Taldearen eta zuzendaritza- eta partaidetza-organoen bilerak deitzea eta zuzentzea, legeriak dioenaz gain.

b) Ikastetxeko jarduera orokorraz arduratzea. c) Izaera Berezia, Hezkuntza Proiektu Teresatarra, Ikastetxeko Hezkuntza

Proiektua eta Pastoral Proiektua ezagutaraztea eta betearaztea. d) Ikastetxeko langileen plaza hutsak betetzeko pertsona egokiak hautatzen

parte hartzea eta haiek ebaluatzea, batik bat hasi berriak, Zuzendaritza Taldeko kideekin batera.

e) Jarraipena egitea langileen lan-kontratuei, lan-legeriari, lanaldiaren antolaketari eta banaketari –eskola-orduak, eskolaz kanpoko orduak eta lan-egutegia barne–, eta diziplina-politika aplikatzea.

f) Hezkuntza Komunitateko kideen Prestakuntza Plana sustatzea. g) Ikastetxeko kudeaketa ekonomikoa ikuskatzea (aurrekontua, sarrerak,

gastuak eta inbertsioak, kontabilitate-itxiera, etab.). h) Erakunde Titularraren izenean Eskola Kontseiluari aurkeztea legeriari

jarraituz hartu beharreko akordio-proposamenak. i) Ikastetxearen eta Erakunde Titularraren ordezkari izatea Guraso

Elkartearen batzarretan. j) Ikastetxearen ordezkari izatea Fundazioak parte hartzen duen enpresa- eta

titular-erakundeetan. k) Tokiko Elizarekiko lankidetza bultzatzea (Diozesia, Parrokia). l) Zuzendaritza Taldeko kideengan delegatzea Ikastetxeak hobeto

funtzionatu ahal izateko eskumenak, arauzko ardurei uko egin gabe. m) Higieneari eta segurtasunari buruzko xedapenak bete daitezen zaintzea. n) Hezkuntza-itunak eta kontratuak sinatzea hirugarrenekin, Patronatuaren

gidalerroei jarraituz. o) Ikasleak onartzeko prozesuaz arduratzea. p) Ikastetxeko baimenaren eta itunaren ondorio diren obligazioak bete

daitezen zaintzea. q) Hezkuntza Komunitateko kide guztien lankidetza eta parte-hartzea

sustatzea, hezkuntza-helburuak erdiesteko. r) Ikastetxea eskola teresatarren sarean inplika dadin bultzatzea. s) Etengabe hobetzeko jarduerak sustatzea, egindako jarduerak ikuskatuz

eta, haietan oinarrituta, hobekuntza-planak eginez.

22

t) Haren izendapenean eta Arautegi honetan ageri diren eskumenak, edo Erakunde Titularrak ematen dizkion gainerakoak.

Bigarren atala: ZUZENDARI PEDAGOGIKOA 49. artikulua.- Definizioa eta eskumenak 1. Zuzendari Pedagogikoak bere etapako kudeaketa eta antolaketa pedagogikoa

zuzendu, antolatu, planifikatu eta ikuskatzen du, Izaera Bereziari eta Erakunde Titularraren helburuei eta gidalerroei jarraituz.

Zuzendari Pedagogikoaren eskumenak dira bere etapan:

a) Etapako Irakasleen Klaustroko bilerak deitzea eta zuzentzea, bai eta bilera eta jarduera akademikoak ere.

b) Jarduera akademikoak zuzentzea eta koordinatzea. c) Langileen buruzagitza akademikoa eramatea. d) Irakasleen eta taldeen ordutegiak egitea, eta ez-etortzeen ordezkapenak

antolatzea. e) Ziurtagiri eta dokumentu akademikoak ontzat jotzea. f) Kide anitzeko organoen akordioak betearaztea, bere eskumenen baitan. g) Irakasleen prestakuntza sustatzea, bere arduraren baitan. h) Elkarbizitzari laguntzea eta ikasleen diziplina-arazo larriak konpontzea,

Arautegi honi jarraituz. i) Irakaslanaren alderdi metodologikoak koordinatzea eta sustatzea, kontuan

hartuz Izaera Berezia, antolaketa pedagogikoa eta Erakunde Titularraren curriculum-orientabideak.

j) Ikastetxeko berrikuntza pedagogikorako proiektuak sustatzea. k) IKTen erabilera sustatzea informazio-, komunikazio- eta ikasketa-tresna

gisa. l) Ikastetxeko hezkuntza-jarduerak Izaera Bereziaren aukera pastorala

islatzea. m) Beste etapako Zuzendari Pedagogikoarekin koordinaturik lan egitea bietan

berdinak diren alderdietan. n) Haren izendapenean eta Arautegi honetan ageri diren eskumenak, edo

Erakunde Titularrak eta/edo Zuzendari Orokorrak/Titularrak ematen dizkion gainerakoak.

50. artikulua.- Esparrua Ikastetxean Zuzendari Pedagogiko bana egongo da etapa hauetako bakoitzean:

a) Haur eta Lehen Hezkuntza. b) Derrigorrezko Bigarren Hezkuntza eta Ondokoa

Hirugarren atala. PASTORAL-KOORDINATZAILEA 51. artikulua.- Definizioa eta eskumenak

23

1. Pastoral Koordinatzaileak sustatzen du jarduera pastorala Plan Pastoral Orokorraren baitan, Erakunde Titularraren gidalerroei jarraituz, eta gainerako Zuzendaritza Taldearekin batera zaintzen du hezkuntza-jarduerak ebanjelizatzeko balio dezan, Izaera Bereziaren ildotik.

2. Pastoral Koordinatzailearen eskumenak dira:

a) Ikastetxeko plangintzetan alderdi pastorala bultzatzea. b) Hezkuntza Komunitatean eta ingurunean jarduera pastorala sustatzea, eta

Ikastetxeko jarduera pastoralak koordinatzea. c) Heziketa- eta pastoral-mailako jarduera garatzeko orientabideak eta

baliabideak eskaintzea. d) Hezkuntza Komunitatearen integrazioa sustatzea, bai eta Ikastetxeak

tokiko Elizako jarduera pastoralean parte hartzea ere, geurezko ezaugarri karismatikoetatik abiatuta.

e) Ikasteko eta irakasteko prozesuan jarduera pastorala bultzatzea, bai eta fedea – zientzia – kultura elkarrizketa ere.

f) Pastoral Taldea koordinatzea eta bilerak deitzea eta zuzentzea. g) Erlijioaren Irakaskuntza bideratzea eta ikuskatzea, Zuzendaritza

Taldearekin koordinatuta. h) Erlijio Arloaren eta Pastoral Taldearen arteko harremana eta koordinazioa

bultzatzea. i) Sakramentuak bizitzen hasteko Pastorala sustatzea, halakorik balego. j) Plan Pastoralaren programazioa, garapena eta ebaluazioa koordinatzea. k) Ikastetxeko langileen prestakuntza pastorala sustatzea. l) Ikastetxeko langileen inplikazio pastorala erraztea. m) Ikastetxearen elkartasun-jarduera koordinatzea Zuzendaritza Taldearekin,

batez ere FundEO bidez. Lankidetza-akordioak gauzatzea FundEOrekin eta MTArekin.

n) Zuzendari Pedagogikoei laguntzea Tutoretza Planarekin. o) Haren izendapenean eta Arautegi honetan ageri diren eskumenak, edo

Erakunde Titularrak eta/edo Zuzendari Orokorrak/Titularrak ematen dizkion gainerakoak.

Laugarren atala. ADMINISTRATZAILEA 52. artikulua.- Definizioa eta eskumenak 1. Administratzailea arduratzen da kudeaketa ekonomikoaz, Zuzendari

Orokorrak/Titularrak ikuskatzen duelarik eta haren mende, eta gainerako Zuzendaritza Taldearekin lankidetzan, Erakunde Titularraren gidalerroei jarraituz.

2. Administratzailearen eskumenak dira:

a) Ekitaldi ekonomiko bakoitzeko kudeaketa-txostena, kontuak ematea eta aurrekontuaren aurreproiektua egitea.

b) Ondasun suntsikorrak erosteko eta biltegiratzeko zerbitzuak, eraikinaren kontserbazioa, obrak, instalazioak eta, oro har, Ikastetxeko zerbitzuak antolatzea eta kudeatzea.

24

c) Egoki diren eskubide ekonomikoak kobratzea eta likidatzea. d) Ikastetxeari dagozkion betebehar fiskalak eta Gizarte Segurantzakoak

betetzeaz arduratzea. e) Ordainketak agintzea eta bankuko kontuak zuzentzea, eman zaizkion

ahalmenen arabera. f) Zuzendari Orokorra/Titularra eta, hala badagokio, Zuzendaritza Taldea

jakinaren gainean edukitzea Ikastetxearen egoera ekonomikoaz eta gertatzen diren gorabehera garrantzitsuez.

g) Bere eskumeneko lege-xedapen guztiak betetzen direla ikuskatzea, adibidez segurtasunari eta osasunari buruzkoak, lan-kontuak, datuen babesa, etab.

h) Ikastetxeko kontabilitatea, inbentarioa eta kontabilitate-itxiera eramatea Fundazioaren gidalerroei jarraituz, irizpideei, formari eta epeei dagokienez.

i) Administrazioko artxibategia egunean edukitzea. j) Erakunde ofizialek bere arloan eskatutako dokumentazioa prestatzea eta

aurkeztea. k) Ikastetxeko beste gobernu-organoei atxiki gabeko administrazioko eta

zerbitzuetako langileen lana koordinatzea eta ikuskatzea. l) Langileek Ikastetxearen ekonomiari eusteko erantzunkidetasuna sustatzea. m) Haren izendapenean eta Arautegi honetan ageri diren eskumenak, edo

Erakunde Titularrak eta/edo Zuzendari Orokorrak/Titularrak ematen dizkion gainerakoak.

BIGARREN KAPITULUA: KIDE ANITZEKO ORGANOAK Lehenengo atala: ZUZENDARITZA-TALDEA 53. artikulua.- Definizioa Zuzendaritza Taldea arduratzen da heziketa- eta pastoral-jarduerak zuzentzeaz eta sustatzeaz, Izaera Bereziaren ildotik, Erakunde Titularraren gidalerroei jarraituz eta haiek bere testuingurura egokituz.

54. artikulua.- Osaera Zuzendaritza Taldeko kideak dira:

a) Zuzendari Orokorra/Titularra, deialdiak egin eta zuzentzen duena. b) Haur eta Lehen Hezkuntzako Zuzendari Pedagogikoa. c) Derrigorrezko Bigarren Hezkuntzako eta Ondoko Zuzendaria. d) Pastoral Koordinatzailea. e) Administratzailea.

55. artikulua.- Izendatzea eta kentzea

25

1. Arautegi honen 47. artikuluari jarraituz, Erakunde Titularrak izendatu eta

kenduko ditu Zuzendaritza Taldeko kideak.

2. Izendapena 3 urterako izan ohi da, legeriak dioena kaltetu gabe, eta iraupen bereko hiru txandatan berrizta daiteke gehienez, Administratzailea izan ezik. Erakunde Titularrak egoera bereziak har ditzake kontuan.

3. Absentzia luzea edo aldi baterako baja balego, Zuzendaritza Taldeko kideak era honetan ordezkatuko dira:

a) Zuzendari Orokorra/Titularra eta Administratzailea ordezkatuko ditu

Erakunde Titularrak hautatutako pertsonak, Zuzendari Orokorraren/Titularraren iritzia entzun ondoren.

b) Zuzendaritza Taldeko gainerako kideak ordezkatuko ditu Zuzendari Orokorrak/Titularrak izendatutako pertsonak, Erakunde Titularraren oniritziaz.

4. Zuzendaritzako karguak indargabetzeko arrazoiak dira:

a) Heriotza. b) Ezintasuna, desgaikuntza edo bateraezintasuna. c) Agintaldia amaitzea. d) Uko egitea. e) Izendatu zuenak kentzea. f) Legean aurreikusitako gainerako arrazoiak. g) Ikastetxean lan egiteari uztea.

56. artikulua.- Eskumenak Zuzendaritza Taldearen eskumenak dira:

a) Zuzendari Orokorrari/Titularrari aholkua eta laguntza ematea bere funtzioak aurrera eramaten.

b) Ikastetxeko funtzionamendua bideratzea eta koordinatzea haren helburuak erdiesteko, gobernu-organo bakoitzaren eskumenak kaltetu gabe.

c) Ikastetxeko Hezkuntza Proiektua egitea, eta hura idazten parte hartzeko prozedura finkatzea.

d) Urteko Programazio Orokorra egitea –Prestakuntza Planaren eta Plan Pastoralaren zehaztapenak barne direlarik–, hura ebaluatzea, jarraipena egitea eta urteko Memoria egitea.

e) Barne Arautegia egitea Erakunde Titularrak onar dezan, Eskola Kontseiluari ezagutarazi ondoren.

f) Hezkuntza Proiektua eta Barne Arautegia bete daitezen zaintzea. g) Arlo bakoitzaren ikuspegitik laguntzea planifikatzen, erabakiak hartzen eta

Zuzendaritza Taldeko dokumentuak egiten, esparru bakoitza Zuzendaritza Taldearen funtzionamendu orokorrean inplikatzen dela bermatuz.

h) Urteko Aurrekontu Proposamena egitea eta haren jarraipena egitea.

26

i) Eskola Kontseiluan eta Klaustroan jorratu beharreko gaiak prestatzea. j) Zuzendari Orokorrari/Titularrari tutoreen izendapena proposatzea, bai eta

koordinatzaileena ere, hala balegokio. k) Zuzendari Orokorrari/Titularrari laguntzea laguntzaileak hautatzeko, harrera

egiteko, alboan egoteko eta ebaluatzeko prozedura aplikatzen, Erakunde Titularraren irizpideei jarraituz.

l) Ikastetxearen zentzua eta lantaldeen eta kideen arteko koordinazioa eta integrazioa sustatzea, bai eta elkarrizketa- eta parte-hartze giroa ere, komunikazioa eta elkarlana egon dadin Hezkuntza Komunitateko kideen artean.

m) Fundazioko partaidetza-zentzua sustatzea eta haren helburuak bete daitezen laguntzea eta zaintzea.

n) Erakunde Titularrak Ikastetxeen kalitateari, hobekuntzari eta ebaluazioari buruz duen politika garatzea eta abiaraztea.

o) Eskola barruko eta kanpoko jarduera guztien zentzu ebanjelizatzailea bermatzea, Izaera Bereziaren ildotik.

p) Hezkuntza Proiektu Teresatarraren eta Izaera Bereziaren ezagutza eta bizipena sustatzea.

q) Langileen prestakuntza bultzatzea, Erakunde-mailako Hezkuntza Proiektuari jarraituz.

r) Langileei laguntzea beren prestakuntza-prozesuan eta heziketa- eta pastoral-lana garatzen.

s) Heziketa- eta pastoral-helburu bera duten erakundeekiko irekitasuna eta elkarlana sustatzea.

t) Etengabe hobetzeko jarduerak sustatzea, egindako jarduerak ikuskatuz eta hobekuntza-planak eginez.  

57. artikulua.-Jarduera-araubidea 1. Zuzendaritza Taldea astero bilduko da Hezkuntza Proiektuaren jarraipena

egiteko, jarduerak koordinatzeko eta Ikastetxearen bizitzan beharrezkoak diren esku-hartzeak egiteko.

2. Zuzendari Orokorrak/Titularrak deitu eta zuzenduko ditu bilerak, eta haren

esku dago Zuzendaritza Talde osoari edo zati bati deitzea, gaien arabera.

3. Zuzendaritza Taldeko bileren akta jasoko da.

4. Zuzendari Orokorrak/Titularrak beste pertsona batzuk ere dei ditzake Zuzendaritza Taldearen bileretara gonbidatu gisa, haien eskumeneko gaiak jorratzeko.

Bigarren atala: ESKOLA-KONTSEILUA 58. artikulua.- Definizioa 1. Hezkuntza Komunitateari Ikastetxearen funtzionamenduan parte hartzeko

27

aukera ematen dion organoa da. Bere eskumena itunpeko ikasketetara zabaltzen da.

2. Interes orokorreko gaietan, itunpekoak ez diren etapetako beste kide batzuek

kontsultarako parte hartu ahal dute, Arautegi honen 62.5 artikuluari jarraituz. 59. artikulua.- Osaera 1. Eskola Kontseiluko partaideak dira:

a) Zuzendaria. b) Erakunde Titularreko hiru ordezkari.1 c) Irakasleen lau ordezkari. d) Gurasoen lau ordezkari. e) Itunpeko mailetako ikasleen bi ordezkari, Derrigorrezko Bigarren

Hezkuntzako lehenengo mailatik aurrera. f) Administrazioko eta zerbitzuetako langileen ordezkari bat.

60. artikulua.- Hautaketa, izendapenak eta plaza hutsak 1. Erakunde Titularrak hautatu eta izendatuko ditu irakasleen,

gurasoen, ikasleen eta administrazioko eta zerbitzuetako langileen ordezkariak Eskola Kontseiluan, bai eta ordezkari horien plaza hutsak behin-behinean bete ere, legeriari jarraituz. Ikastetxeko itunpeko hezkuntza-maila guztien ordezkariak egoteko orientabide egokiak emango dira.

2. Erakunde Titularrak izendatu eta kenduko ditu bere ordezkariak.

3. Guraso Elkarteak izendatuko du gurasoen ordezkarietako bat

Eskola Kontseiluan. 61. artikulua.- Eskumenak Eskola Kontseiluaren eskumenak dira:

a) Hezkuntza Proiektua egiten eta aplikatzen parte hartzea, non lerro

pedagogiko orokorra agertzen den. b) Barne Arautegiaz irizpena ematea, Erakunde Titularrak hala proposatuta. c) Zuzendaritza Taldeak egingo duen Urteko Programazio Orokorraz irizpena

ematea eta ebaluatzea. d) Erakunde Titularrak hala proposatuta, Urteko Aurrekontua onartzea, bai

administraziotik datozen funtsei dagokienez, bai baimendutako zenbatekoei dagokienez, eta urteko kontuak ematea.

e) Zuzendari Pedagogikoa/k izendatzen parte hartzea, Arautegi honen 47. artikuluari jarraituz.

f) Itunpeko mailetako irakasleak hautatzen parte hartzea, uztailaren 3ko

1 Zuzendari Orokorra eta Zuzendari Pedagogikoak Kontseiluan daude, haren buru direlako

edo Erakunde Titularreko ordezkari direlako.

28

8/1985 Legeko 60. artikuluari jarraituz. g) Itunpeko mailetan ikasleak onartzeari buruzko arau orokorrak betetzen

direla bermatzea. h) Diziplinazko gatazken konponketari buruzko informazioa jasotzea eta

arautegia betetzen dela zaintzea. Gurasoek edo tutoreek hala eskatuta, Zuzendariaren erabakiak berrikusi ahal ditu elkarbizitza larri kaltetzen duten ikasleen jarrerak daudenean, eta neurri egokiak hartzea proposatu ahal du.

i) Eskolako jarduera osagarriak, eskolaz kanpoko jarduerak eta eskolako zerbitzuak programatzeko eta garatzeko gidalerroei buruzko irizpena ematea.

j) Hala badagokio, Administrazioari baimena proposatzea gurasoei oharrak emateko itunpeko mailetan jarduera osagarriak egiteagatik.

k) Hala badagokio, Erakunde Titularrak hala proposatuta onartzea itunpeko mailetan eskolaz kanpoko jarduerak egiteko gurasoen ekarpenak, bai eta eskolako zerbitzuak ere, Hezkuntza Administrazioak eskumen hori emanez gero.

l) Ikastetxeak kultura-, kirol- jolas- eta laguntza-jardueretan parte hartzeko irizpideei buruzko irizpena ematea.

m) Lankidetza-harremanak bultzatzea beste Ikastetxeekin, kultura- eta jolas-helburuekin.

n) Ikastetxeak administrazio- eta irakaskuntza-mailan daraman ibilbidea ebaluatzen parte hartzea.

o) Neurriak eta ekimenak proposatzea ikastetxeko elkarbizitzaren alde, gizonen eta emakumeen arteko berdintasunaren alde, tratu-berdintasunaren alde eta Hezkuntzari buruzko maiatzaren 3ko 2/2006 Lege Organikoaren 84.3 artikuluak aipatzen dituen arrazoiengatik ez diskriminatzearen alde, gatazkak modu baketsuan konpontzearen alde eta genero-indarkeria prebenitzearen alde.

p) Zuzendaritza Taldeak egindako Elkarbizitza Planari buruzko irizpena ematea eta jarraipena egitea.

62. artikulua.- Jarduera-araubidea Eskolako Kontseiluaren jarduerak arau hauek izango ditu: 1. Zuzendari Orokorrak/Titularrak eta itunpeko irakaskuntzetako

Zuzendari Pedagogikoek elkarrekin deituko dituzte Eskola Kontseiluko bilerak, eta elkarrekin prestatuko dute gaien zerrenda. Gutxienez zortzi egun lehenago egingo da deialdia, eta harekin batera joango da gaien zerrenda eta dagokion dokumentazioa. Larrialdiak hala eskatzen duenean, hogeita lau ordu lehenago egin ahal da deialdia. Erakunde Titularrak izendatutako Zuzendaria izango da Kontseiluko buru.

2. Eskola Kontseilua elkartuko da, gutxienez, ikasturteko eskola-

jardueren hasieran eta hiru hilabetez behin ikasturtean zehar. Eskola Kontseilua ezohiko saioan elkartuko da Buruak egokitzat jotzen duen

29

bakoitzean, Zuzendari Nagusiak/Titularrak hala proposatuta, edo Kontseiluko kideen herenak hala proposatuta.

3. Hautapen bidezko Kontseiluko kideen erdiak bi urtez behin berrituko dira. Agintaldia amaitu aurretik sortutako plaza hutsak beteko dira bozketetan ordezko hautatutako pertsonekin. Halakoetan, ordezkatuaren agintaldiak iraun arte egongo da ordezkaria bertan.

4. Eskola Kontseilua balio osoz eratuko da partaideen erdia gehi bat gehiago agertzen direnean.

5. Kontseilu-buruak deliberazioetara dei ditzake, ahotsa bai baina botorik gabe, bere ustez irizpen edo aholku egokia eman ahal duten kide bakarreko beste organoak eta pertsonak.

6. Bertaratutakoen erdiaren gehi bat gehiagoren botoa eskatzen dute akordioek, non eta ez den bestelako gehiengorik finkatzen zenbait gaitan. Berdinketarik balego, Kontseilu-buruaren botoak erabakiko du.

7. Kide guztiek dute boto partikularra emateko eskubidea, bai eta hura jasota geratzeko ere aktetan.

8. Bozketak sekretuak izango dira pertsonei buruzkoak direnean, edo

boto-eskubidea duten bertaratuen herenak hala eskatzean.

9. Bertaratutako guztiek erreserbaz eta diskrezioz gordeko dituzte jorratutako gaiak.

10. Zuzendari Orokorrak/Titularrak izendatuko du Kontseiluko Idazkaria. Idazkariak bilera guztien akta jasoko du, eta hurrengo bileran zehaztapenak egin eta exijitu ahal dira. Akta onartutakoan Idazkariak izenpetu eta fede emango du Kontseilu-buruaren oniritziarekin.

11. Kontseilu-buruari justifikatu behar zaio Eskola Kontseiluko kideak bileretara ez joatea.

12. Erakunde Titularraren eta Kontseiluaren artean hala adostuta, Batzordeak eratu ahal dira. Sorrera-akordioan erabakiko dira haien osaera, eskumenak, iraupena eta araubidea.

Hirugarren atala: IRAKASLEEN KLAUSTROA 63. artikulua.- Definizioa Irakasleek Ikastetxeko gobernuan parte hartzeko organoa da. Bere ardura da Ikastetxeko hezkuntza-alderdiak planifikatzea, koordinatzea, haiei buruzko irizpena ematea eta, hala badagokio, erabakiak hartzea. 64. artikulua.- Osaera Bertako kide dira curriculumetako irakasle guztiak eta Orientazio Departamentuko kideak.

30

65. artikulua.- Eskumenak Irakasleen Klaustroaren eskumenak dira:

a) Ikastetxeko Hezkuntza Proiektua, Urteko Programazio Orokorra eta ebaluazioa egiten parte hartzea.

b) Eskola Kontseiluan dituen ordezkariak hautatzea, arautegi honen 60. artikuluari jarraituz.

c) Ikastetxeko elkarbizitzaren aldeko neurriak eta ekimenak proposatzea. d) Ikastetxearen jarduera orokorra, eskola-etekinaren eboluzioa eta barne- eta

kanpo-ebaluazioen emaitzak aztertzea eta baloratzea. e) Ikastetxea etengabe hobetzen laguntzea, egindako jarduerak eta

proiektuak berrikusiz eta hobekuntzak proposatuz.

66. artikulua.- Klaustroko atalak 1. Erakunde Titularrak Klaustroko Atalak eratu ditzake, maila edo etapa

bakoitzeko gai zehatzak lantzeko.

2. Klaustroko Ataletan hartuko dute parte dagokion mailan edo etapan lan egiten duten irakasle guztiek eta Orientazio Departamentuko kideek.

3. Etapako Zuzendari Pedagogikoak zuzenduko ditu Klaustroko Atalen bilerak.

67. artikulua.- Klaustroko Atalen eskumenak Klaustroko Atalen eskumenak dira bere esparruan:

a) Etapako curriculum-zehaztapenak egiten eta ebaluatzen parte hartzea, Zuzendaritza Taldearen gidalerroei jarraituz.

b) Jakintza-arloetako programazioak koordinatzea. c) Ikasleen orientabideari, tutoretzari, ebaluazioari eta berreskurapenari

buruzko irizpideak finkatzea. d) Ekimenak sustatzea ikerketa eta esperimentazio pedagogikoaren eremuan

eta irakasleen prestakuntzan. e) Ikastetxea etengabe hobetzen laguntzea, egindako jarduerak eta

proiektuak berrikusiz eta hobekuntzak proposatuz.

68. artikulua.- Jarduera-araubidea Klaustroaren jarduerak arau hauek izango ditu: 1. Zuzendari Orokorrak/Titularrak deitzen du Klaustroa eta bera da Buru.

2. Klaustroko atalak deitzen badira, etapako Zuzendari Pedagogikoak deitzen du eta bera da Buru.

3. Gutxienez astebete lehenago egingo da deialdia, eta harekin batera joango da

31

gaien zerrenda. Larrialdiak hala eskatzen duenean, hogeita lau ordu lehenago egin ahal da deialdia.

4. Zuzendari Orokorrak/Titularrak nornahi deitu ahal da Klaustroko bilerara, haren iritzia edo aholkua egokitzat jotzen badu.

5. Irakasleen Klaustroa gutxienez hiru hilabetez behin elkartuko da, Zuzendari Orokorrak egoki irizten dion bakoitzean edo gutxienez kideen herenak hala eskatzean. Bilera bat ikasturte hasieran izango da eta beste bat amaieran.

6. Klaustroa balio osoz eratua egoteko, gutxienez kideen bi herenek hartu behar dute parte.

7. Bileretan gaien zerrendari jarraituko zaio. Klaustroko kideren batek Klaustroaren eskumeneko beste gai batzuk jorratzea proposatzen badu, onartu egin behar dute Zuzendari Orokorrak/Titularrak eta, gutxienez, bertaratuen bi herenek.

8. Akordioak kontsentsuz onartuko dira.

9. Bertaratutako guztiek erreserbaz eta diskrezioz gordeko dituzte jorratutako gaiak.

10. Zuzendari Orokorrak/Titularrak izendatuko du Klaustroko Idazkaria. Idazkariak bilera guztien akta jaso eta hurrengo bileran onartuko da, dagozkion zehaztapenak egin eta exijitu ondoren. Akta onartutakoan Idazkariak izenpetuko du, Klaustro-buruaren oniritziarekin.

11. Aurreko puntuetan adierazitakoa aplikatuko zaie Klaustroko Atalei ere, baina dagokion Zuzendari Pedagogikoa izango da haien Buru.

IV. TITULUA: HEZKUNTZA KOORDINATZEKO ORGANOAK 69. artikulua.- Hezkuntza koordinatzeko organoak 1. Hezkuntza koordinatzeko organoak kide bakarrekoak eta kide anitzekoak dira. 2. Kide bakarrekoak dira Koordinatzaileak eta Tutorea. 3. Kide anitzekoak dira Irakasle Taldeak eta Pastoral Taldea.

LEHENENGO KAPITULUA: KIDE BAKARREKO KOORDINAZIO-ORGANOA Lehenengo atala: KOORDINATZAILEAK

32

70. artikulua.- Definizioa eta eskumenak 1. Beren esparruko heziketa- eta pastoral-jarduerak bultzatzeaz eta

koordinatzeaz arduratzen dira, Izaera Bereziaren eta Ikastetxeko Hezkuntza Proiektuaren ildotik.

2. Koordinatzaileen jarduera-esparrua definituko da Ikastetxeko Hezkuntza

Proiektuko beharren eta lehentasunen arabera, eta alderdi hauek guztiak edo batzuk kontuan hartuz: a) Irakaskuntzak (Ikastetxea, etapa, maila, zikloa…). b) Lan-arloak (pedagogia, Pastorala, ekonomia, prestakuntza,

komunikazioa...). c) Curriculuma (arloak, ikasgaiak, orientazioa, aniztasuna…). d) Subjektuak (ikasleak, irakasleak, administrazioko eta zerbitzuetako

langileak, gurasoak, Hezkuntza Komunitateko beste kideak, erakundeak, hirugarrenak).

e) Planen ezarpenak (kalitatea…). f) Jarduerak (curriculum barrukoak edo kanpokoak, zerbitzuak…). g) Ikastetxearen bizitzarako garrantzizkotzat jotako beste edozein

gorabehera. 3. Zuzendari Orokorrak parte hartuta eta Zuzendaritza Taldea entzunda,

Erakunde Titularrak pertsona bakarreko koordinazio-organoen egitura garatuko du, eta adieraziko du, gutxienez, haien izen zehatza, esparrua, mendekotasuna, eskumenak, izendapena eta kargugabetzea.

Bigarren atala: TUTOREA 71. artikulua.- Definizioa Ikasle-talde bati banaka eta taldean laguntzen dion irakaslea da, bai eta haietako bakoitzaren prestakuntza integralaz arduratzen dena ere, gainerako hezitzaileekin eta gurasoekin elkarlanean. Gainerako irakasleekin koordinatuta egiten ditu bere funtzioak. 72. artikulua.- Eskumenak Tutorearen eskumenak dira:

a) Bere esku jarritako taldearen eta ikasle bakoitzaren hezkuntza-garapenaren arduradun zuzena izatea.

b) Bere taldeko ikasleen ebaluazio-saioa zuzentzea eta moderatzea. c) Taldearen ibilbidea eta ikasle bakoitzaren ezaugarriak eta berezitasunak

ezagutzea. d) Taldeko irakasleen hezkuntza-jarduera eta ikasleei buruzko informazioa

koordinatzea. e) Familiekin ohiko bilerak egitea eta seme-alaben heziketa-prozesuaz

33

informatzea. f) Ikasleak banaka eta taldean artatzea, haien egoera erreala eta bizi diren

testuingurua ezagutzeko, eta haien heziketa-prozesua bideratzeko. g) Ikasleak ikasketa-prozesuan orientatzea, haien gaitasunak ezagutzen eta

mugak onartzen laguntzea. h) Ikasleen taldean kohesioa eta jarrera parte-hartzaileak sustatzea, bai eta

ingurunean txertatzea eta balioetan heztea ere, arloetan egindako lana osatuz.

i) Bere ikasleak barnekotasunean heztea, batik bat Ordu Laurdeneko Otoitzaren eta beste fede-ospakizunen bidez, gainerako irakasleekin lankidetzan.

j) Ikasle-taldearen jarduera pastoralak sustatzea eta koordinatzea, Irakasle Taldearekin lankidetzan.

k) Gainerako tutoreekin koordinatzea eta denen artean aplikatzea Ikastetxean finkatutako jarduera-lerroak.

l) Bere taldeko ikasleei buruzko dokumentazio akademikoa betetzea. m) Bere taldeko tutoretza-plana programatzea eta egitea, etaparen baitan.

73. artikulua.- Izendatzea eta kentzea Zuzendari Orokorrak izendatzen eta kentzen du tutorea, Zuzendari Pedagogikoak hala proposatuta eta dagokion Etapako Koordinatzailea entzunda. BIGARREN KAPITULUA: KIDE ANITZEKO KOORDINAZIO-ORGANOAK Lehenengo atala: IRAKASLE-TALDEAK 74. artikulua.- Definizioa eta jarduera-esparruak 1. Beren esparruko heziketa- eta pastoral-jarduerak bultzatzeaz eta

koordinatzeaz arduratzen dira, Izaera Bereziaren eta Ikastetxeko Hezkuntza Proiektuaren ildotik.

2. Irakasle Taldeetako kide izango dira, gutxienez, irakasleak eta, hala badagokio, esparruko orientatzaileak.

3. Irakasle Taldeen jarduera-esparrua definituko da Ikastetxeko Hezkuntza Proiektuko beharren eta lehentasunen arabera, eta alderdi hauek guztiak edo batzuk kontuan hartuz:

a) Irakaskuntzak (Ikastetxea, etapa, maila, zikloa, kurtsoa). b) Lan-arloak (pedagogia, Pastorala, ekonomia, prestakuntza,

komunikazioa...). c) Curriculuma (arloak, ikasgaiak, orientazioa, aniztasuna…). d) Subjektuak (ikasleak, irakasleak, administrazioko eta zerbitzuetako

langileak, gurasoak, Hezkuntza Komunitateko beste kideak, erakundeak,

34

hirugarrenak). e) Planen ezarpenak (kalitatea…). f) Jarduerak (curriculum barrukoak edo kanpokoak, zerbitzuak…). g) Ikastetxearen bizitzarako garrantzizkotzat jotako beste edozein

gorabehera.

4. Zuzendari Orokorrak/Titularrak parte hartuta eta Zuzendaritza Taldea entzunda, Erakunde Titularrak Irakasle Taldeen egitura garatuko du, eta adieraziko du, gutxienez, haien izen zehatza, definizioa, esparrua, osaera, eskumenak eta jarduera-arauak.

Bigarren atala: PASTORAL-TALDEA 75. artikulua.- Definizioa Pastoral Taldeak jarduera ebanjelizatzailea eta pastorala sustatzen eta koordinatzen du Ikastetxeak antolatutako eskola barruko eta kanpoko ekintza guztietan. 76. artikulua.- Osaera Pastoral Taldeko kide dira, gutxienez, Pastoral Koordinatzailea eta maila bakoitzeko irakasle bat –Zuzendari Orokorrak/Titularrak izendatua, Zuzendaritza Taldea eta Erakunde Titularra entzunda–, bi urterako, berritzeko aukerarekin. 77. artikulua.- Eskumenak Pastoral Taldearen eskumenak dira:

a) Eskola barruko eta kanpoko jarduera guztien zentzu ebanjelizatzailea bultzatzea, Izaera Bereziaren eta Ikastetxearen errealitatearen ildotik.

b) Plan Pastoralaren programazioaz, garapenaz eta ebaluazioaz arduratzea. c) Hezkuntza Proiektua, Urteko Plan Orokorra eta Ikastetxeko Memoria egiten

laguntzea, bere esparrutik. d) Pastoralaren eragileek beren lana egin dezaten orientatzea eta baliabide

egokiak ematea. e) Hezkuntza Komunitateko kide guztientzako jarduera pastoralak sustatzea

eta koordinatzea, parte har dezaten bultzatuz. f) Hezkuntza Komunitatearen jarduera pastoralaren parte-hartzea eta

integrazioa sustatzea tokiko Elizan, geurezko ezaugarri karismatikoetatik abiatuta.

g) Egindako lana eta helburuak zenbateraino lortu diren ebaluatzea, aldizka. h) Elkartasun-proiektuetan eta -ekintzetan parte hartzea, batik bat Familia

Teresatarrak sustatutakoetan (Santa Teresa Jesusena Konpainia, FundEO…).

i) Pastoral-eragileen irizpideak elkartzea eta haien inplikazioa eta prestakuntza bultzatzea, lan pastorala denoi dagokigula sinetsaraziz.

35

78. artikulua.- Jarduera-araubidea 1. Pastoral Taldea astero elkartuko da. Pastoral Koordinatzaileak deituko ditu

bilerak, eta bera izango da haien Buru.

2. Kideetako batek lotura-lanak egingo ditu FundEOrekin.

3. Pastoral Taldeko bileren akta jasoko da.

4. Pastoral Koordinatzaileak beste pertsona batzuk ere dei ditzake Taldearen bileretara gonbidatu gisa, haien eskumeneko gaiak jorratzeko.

V. TITULUA. ESKOLAKO ELKARBIZITZA LEHENENGO KAPITULUA. ESKOLA TERESATARREKO

ELKARBIZITZA 79. artikulua.- Elkarbizitzaren balioa 1. Lehentasunezko helburua da Hezkuntza Komunitate osoaren integrazio

harmonikoa lortzeko eta denen artean giro egokia sortzeko, eta ahalik eta baldintzarik onenak egon daitezen elkarrekiko harremanean bizitzeko.

2. Esparru horretan definitzen da jarrerak eta Ikastetxeko antolaketa zer-nolakoak izan behar diren, honako helburu hauek lortzeko:

a) Gizabanakoaren hazkunde integrala. b) Ikastetxearen hezkuntza-helburuak, Izaera Berezia eta Hezkuntza

Proiektua garatuz. c) Hezkuntza Komunitatearen garapena. d) Heziketa- eta harreman-giro ona Ikastetxean. e) Hezkuntza-jardueran parte hartzen duten pertsona guztien eskubideak eta

betebeharrak errespetatzea.

80. artikulua.- Elkarbizitzaren garapena Ikastetxean elkarbizitza garatuz lortuko da: 1. Hezkuntza Komunitateko eragile guztiek parte hartzea elkarbizitza-giro egoki

bat sortzen eta mantentzen.

2. Gatazka baten aurrean aldeen arteko komunikazioa sustatzea, eta elkarbizitzaren kontrako jarreren aurrean hezkuntza-neurriak aurreikustea.

3. Elkarbizitza Plana egitea eta abiaraztea, bai eta Plan horren zehaztapenak eta urteko memoriak ere.

4. Ikastetxean gertatutako jazarpen- eta indarkeria-egoeren aurreko jarduera

36

arautzea, eta gatazkei modu baketsuan aurre egiteko estrategiak garatzea, hainbat programa erabiliz (adibidez, bitartekaritza).

5. Irakasleei eta Hezkuntza Komunitate osoari prestakuntza ematea giza harremanetan, gatazken konponketan eta bitartekaritzan, arreta berezia jarriz adimen emozionalean.

6. Irakasleen eta familien agintea eta erantzunkidetasuna indartzea, Arautegia bete dadin lagunduz eta ikasleei hezten laguntzeko elkarlana eskainiz.

7. Ingurune garbiaz eta txukunaz gozatzea, instalazioak eta materialak zainduz. BIGARREN KAPITULUA: ELKARBIZITZA ARAUTZEA 81. artikulua.-Elkarbizitza Plana 1. Ikastetxeak Elkarbizitza Plan bat dauka, Hezkuntza Proiektuaren baitan.

2. Elkarbizitza Planean prebentzio-neurriak eta beharrezko guztiak agertzen dira,

elkarbizitza hobetzeko eta gatazkak modu baketsuan konpontzeko.

3. Elkarbizitza Plana urtero berrikusiko da, Urteko Programazio Orokorraren eta Hezkuntza Proiektuaren ebaluazioaren baitan. Prozesu horretan hartuko dute parte Hezkuntza Komunitateko eragileek.

4. Elkarbizitza Planaren jarduera-esparruan sartzen dira Ikastetxea kudeatzea eta antolatzea, Hezkuntza Komunitateko sektoreek parte hartzea, tutoretza-lana, gelako kudeaketa, ikasteko eta irakasteko curriculum-prozesuak, jarduera osagarriak eta eskolaz kanpokoak, eta Ikastetxearen beste edozein harreman-ingurune.

82. artikulua.- Ikastetxeko elkarbizitza-arauak 1. Erakunde Titularrak finkatzen eta berrikusten du elkarbizitza-arautegia, unean

uneko errealitatea kontuan hartuz. Edozein kasutan, gogoan izango dira honako elkarbizitza-arau hauek:

a) Hezkuntza Komunitateko kideen eta Ikastetxeko jardueretan eta

zerbitzuetan aritzen diren pertsonen eta erakundeen osotasun fisikoaren eta moralaren eta ondasunen errespetua.

b) Diferentzien balorazioa eta harrera ona, aniztasunaren onarpena eta diskriminaziorik eza.

c) Gizarte-harremanen zuzentasuna, batik bat hizkuntza zuzen eta gizabidetsu baten erabilera.

d) Norberaren lana eta zeregina arduraz egiteko interesa. e) Hezkuntza Komunitateko kide guztien lanarekiko eta zereginarekiko

errespetua. f) Heziketa- eta pastoral-jardueretako lankidetza. g) Fede ona eta leialtasuna eskola-bizitzaren garapenean.

37

h) Garbitasun eta irudi pertsonalaren gaineko arreta, eta Ikastetxeak gai horretaz dituen arauak betetzea.

i) Abisuen eta zuzenketen aurreko jarrera positiboa. j) Ikastetxeko eraikinaren, altzarien, instalazioen eta materialaren erabilera

egokia, arauei jarraituz, eta zenbait guneren erreserba errespetatzea. k) Ikastetxeko antolaketa-, elkarbizitza- eta diziplina-arauen errespetua. l) Oro har, Hezkuntza Komunitateko eta bertako estamentu bakoitzeko

kideen betebeharrak konplitzea, legerian eta Arautegi honetan adieraziak. HIRUGARREN KAPITULUA. ELKARBIZITZA-BATZORDEA

83. artikulua.- Definizioa eta osaera Erakunde Titularraren proposamenez eratzen da Eskola Kontseiluaren baitan, eta Ikastetxeko sektoreek abiarazitako Elkarbizitza Planeko jarduerak dinamizatu, proposamenak egin, ebaluatu eta koordinatzen ditu, koherentzia eta zentzu globala emanez. Honako hauek dira kideak: Zuzendari Orokorra/Titularra (bera izango da Buru), irakasle bat, guraso bat, administrazioko eta zerbitzuetako langile bat eta ikasle bat (Eskola Kontseilukoak), eta Orientazio Taldeko kide bat. 84. artikulua.- Eskumenak Elkarbizitza Batzordearen eskumenak dira:

a) Zuzendaritza Taldeari eta Eskola Kontseiluari aholku ematea Elkarbizitza Arautegia betetzeko.

b) Hezkuntza Komunitateko sektore guztien ekimenak bideratzea elkarbizitza, errespetua eta tolerantzia hobetzeko, bai eta gatazkak prebenitzeko eta saihesteko ere.

c) Elkarbizitzaren aldeko jarduerak proposatzea eta ebaluatzea. d) Arautegi hau eta ikasleen Eskubideei eta Betebeharrei buruzko arautegia

betetzen dela zaintzea, bai eta Elkarbizitza Planeko jarduerak proposatzea, ebaluatzea eta koordinatzea ere.

e) Hezkuntza Komunitatearen barruko gatazketan bitartekotza egitea, egindako jarduerak Eskola Kontseiluari jakinaraztea, eta haiek konpontzeko neurriei buruzko informazioa jasotzea.

f) Urteko txosten batean jasotzea tarte horretan gertatutako gorabeherak, egindako jarduerak eta lortutako emaitzak, eta Eskola Kontseiluari aurkeztea.

g) Elkarbizitzari buruzko prestakuntza bultzatzea. h) Elkarbizitza hobetzeko materialak egitea.

LAUGARREN KAPITULUA ELKARBIZITZA NAHASTEA

38

85. artikulua.- Nahastea eta zuzentzea 1. Ikastetxeko elkarbizitza nahastea da Hezkuntza Komunitateko kideek –egin

dutenagatik edo egin ez dutenagatik– legerian finkatutako ikasleen eskubideak urratzea, Arautegi honen 82. artikuluko Elkarbizitza Arauak urratzea, edo hura garatuz ezarritakoak urratzea.

2. Elkarbizitza nahasten duten pertsonak zuzendu egingo dira, legerian eta

Arautegi honetan finkatutako bideei eta prozedurei jarraituz.

3. Ikasturte bakoitzaren hasieran berariazko Elkarbizitza Arauak ezarri ahal dira –Arautegi honen 82. artikulukoak garatuz–, eta dokumentu honen Eranskin gisa gehituko dira.

Lehenengo atala: IKASLEAK 86. artikulua.- Zuzentze-irizpideak 1. Elkarbizitza nahasten duten ikasleak zuzentzeko orduan kontuan hartuko dira

irizpide hauek:

a) Ikaslearen adina, egoera pertsonala, familiarra eta soziala. b) Nahasketaren heziketa-mailako balorazioa. c) Zuzenketa hezitzailea eta onbideratzailea izatea, ez soilik zigortzailea. d) Zuzenketaren proportzionaltasuna. e) Esku-hartze minimoa. f) Nahasketak zenbateraino eragin dien Hezkuntza Proiektuaren helburu

nagusiei eta Urteko Programazio Orokorrari. g) Adostasunaren eta erreparazioaren bidez konpontzen saiatzea.

2. Zuzentze-prozedurak kontuan izango du ikaslearen intimitate-eskubidea eta

duintasuna. 87. artikulua.- Elkarbizitzako nahasketaren kalifikazioa 1. Ikastetxeko elkarbizitzaren nahasmenduak era honetan sailkatzen dira: jarrera desegokiak, elkarbizitza-arauen kontrako jarrerak eta elkarbizitzarako oso kaltegarriak diren jarrerak.

2. Jarrera desegokiak dira ikasleen betebeharren ez-betetze arinak, hezkuntza-komunitateko gainerako kideen eskubideei eta betebeharrei eragiten ez dietenak. Besteak beste:

a) Puntualtasun-falta justifikatu gabeak. b) Asistentzia-falta justifikatu gabeak. c) Ikastetxeko egoitzak, materialak edo hezkuntza-komunitateko gainerako

kideen objektuak eta ondasunak zabarkeriaz hondatzea. d) Irakasleak edo agintari akademikoak ez obeditzea –mespretxurik, irainik

edo nahitako indiziplinarik gabe–, eta ikastetxeko gainerako langileek beren funtzioen baitan egindako oharrei jaramonik ez egitea.

e) Hezkuntza-komunitateko kideen kontrako jarrera, keinu edo hitz begirunegabeak.

39

f) Ikastetxeko gobernu-organoek beren eskumenen baitan debekatutako ekipoak, materialak, arropak edo aparatuak eramatea ikastetxean.

g) Baimenik gabe edo baimenduta ez dagoenerako erabiltzea ikastetxeko ekipamendua (elektronikoa, mekanikoa, telefonikoa, informatikoa edo edozein motakoa).

h) Ikastetxeko langileei gezurra esatea edo informazio faltsua ematea, hezkuntza-komunitateko inor kaltetu gabe.

i) Kalifikatzeko balio duten azterketetan, probetan edo ariketetan kopiatzea edo beste ikasleek kopia dezaten erraztea, edo baimendu gabeko materiala edo aparatuak erabiltzea haietan.

j) Baimendu gabeko pertsonak ikastetxean sar daitezen laguntzea edo haiekin sartzea, Elkarbizitza Arauak edo Ikastetxeko gobernu-organoen aginduak urratuz.

k) Ikaskideen jabetzak haien borondatearen kontra erabiltzea, nahita. l) Norberaren beste edozein betebehar ez konplitzea, hezkuntza-

komunitateko gainerako kideen eskubideak oztopatu edo galarazi gabe, eta elkarbizitzaren kontrako jarrera edo elkarbizitza larri kaltetzen duen jarrera izan gabe.

3. Elkarbizitza-arauen kontrako jarrerak dira:

a) Kide bakarreko organoak edo irakasleak ez obeditzea –indiziplinazko adierazpen, irain, mespretxu edo mehatxuekin batera badoaz–, bai eta gainerako langileak haien eskumenen baitan ez obeditzea ere.

b) Ikaskideei edo hezkuntza-komunitateko beste kideei mehatxu edo irain egitea –elkarbizitza larri kaltetzen duen jarrera ez bada–, eta hezkuntza-komunitateko gainerako kideen kontrako keinuak edo jarrerak, eraso-ahalegin edo -mehatxu argi direnak.

c) Azterketa-ereduak edo erantzunen kopiak lapurtzea, zabaltzea, saltzea edo erostea.

d) Noten buletinak edo gurasoentzako beste edozein dokumentu edo jakinarazpen aldatzea, bai eta, ikasle adingabeen kasuan, hartzaileei ez ematea edo erantzunak aldatzea ere.

e) Ikastetxeko lokalak, altzariak, materiala edo dokumentuak nahiz hezkuntza-komunitateko gainerako kideen ondasunak gaizki erabiliz kaltetzea, elkarbizitza larri kaltetzen duen jarrera izan gabe.

f) Ikastetxeko gobernu-organoek balio osoz hartutako akordioak ez betetzea, jakinaren gainean.

g) Besteen ohore-, intimitate- eta irudi-eskubidea ez errespetatzea, haien baimenik gabe grabazio-tresnak erabiliz, edo gurasoenak erabiliz.

h) Norbaiti eskubidea duen zerbait egiten ez uztea –indarkeria fisikorik gabe–, edo borondatearen kontrako zerbait eginaraztea, indarkeria fisikorik gabe ere.

i) Autobuseko edo jangelako ordena aztoratzen duten jokabideak, banakakoak nahiz kolektiboak, elkarbizitza larri kaltetu gabe.

j) Hezkuntza-komunitateko edozein kideri zauri fisikoak eragin ahal dizkion objektuak erabiltzea, zuhurtziarik gabe.

k) Ikastetxeko langileei norberaren nortasunari buruz gezurra esatea, informazio faltsua ematea edo ezkutatzea, hezkuntza-komunitateko beste kide batzuk kaltetuz.

l) Edozein ekintzaren edo jarreraren bidez, diskriminaziorako erabiltzea inoren jaiolekua, adina, arraza, sexua, egoera zibila, sexu-joera, gaitasun fisiko edo psikikoa, osasun-egoera, kultura, erlijioa, sinesmena, ideologia edo beste edozein egoera pertsonal, ekonomiko edo sozial, elkarbizitza

40

larri kaltetu gabe. m) Aurreko artikuluko mota bereko jokabide desegokia hiru bider errepikatzea

hiru hilabetean, aurreko bietan zuzendu ondoren eta, ikasle adingabeen kasuan, gurasoei jakinarazita.

n) Ikasleen betebeharren beste edozein ez-betetze –hezkuntza-komunitateko gainerako kideen eskubideak edo betebeharrak oztopatuz–, eta elkarbizitza larri kaltetu gabe.

4. Ikastetxeko elkarbizitzarako oso kaltegarriak diren jokabideak dira:

a) Ikastetxeko gobernu-organoen edo irakasleen eskumenen baitako

indiziplina edo insubordinazio nabariak –besteak beste, ezarritako neurri zuzentzaileak ez betetzea–, bai eta hezkuntza-komunitateko kideen kontrako adierazpen iraingarri edo mingarri larriak ere, hitzez, idatziz edo baliabide informatikoz edo ikus-entzunezkoz eginak.

b) Irainen bidez diskriminaziorako erabiltzea inoren jaiolekua, adina, arraza, sexua, egoera zibila, sexu-joera, gaitasun fisikoa edo psikikoa, osasun-egoera, hizkuntza, kultura, erlijioa, sinesmena, ideologia edo beste edozein egoera pertsonal, ekonomiko edo sozial.

c) Sexu-jazarpena, hau da, Emakumeen eta Gizonen Berdintasunerako otsailaren 18ko 4/2005 Legearen arabera, inoren kontra zuzendutako nahi gabeko edozein jokabide –hitzezkoa, ez-hitzezkoa edo fisikoa–, inoren sexua dela eta, haren duintasuna urratzeko asmoz edo haren kontrako larderia, etsaitasuna, laidoa, umiliazioa edo iraina sortu asmoz.

d) Hezkuntza-komunitateko edozein kideren kontrako eraso fisikoa edo psikologikoa.

e) Hezkuntza-komunitateko kideen osasunerako eta osotasun pertsonalerako oso kaltegarriak diren jokabideak bultzatzea, adibidez tabakoa, alkohola eta drogak kontsumitzea.

f) Talde bat elkartuta edo publizitatea eman asmoz elkarbizitza urratzen duten jokabideak –ahozkoak, idatzizkoak, ikus-entzunezkoak edo informatika bidezkoak–, bai eta berdinen arteko tratu txar direnak ere.

g) Inor zauritzeko arrisku larria duten liskar edo jokabide erasokorrak eragitea edo haietan parte hartzea.

h) Ikastetxeko instalazioak edo bertako langileen, beste ikasleen edo hirugarrenen ondasunak nahita hondatzea, banaka nahiz taldean.

i) Autobuseko edo jangelako ordena apurtzen duten jokabideak, hezkuntza-komunitateko edozein kideri arriskua sortuz.

j) Inoren ohore-, intimitate- eta irudi-eskubidea ez errespetatzea, ezetz esan arren grabazio-tresnak erabiliz edo, bestela, gurasoek adierazitako borondatearen kontra.

k) Ikastetxeko ekitaldietan inoren nortasuna hartzea. l) Idatzizko edo ordenagailu bidezko eskolako dokumentu edo erregistro bat

kaltetzea edo aldatzea, eta dokumentu akademikoak ezkutatzea edo baimenik gabe hartzea.

m) Delitu edo falta penal izango litzatekeen nahita egindako edozein ekintza. n) Aurreko zenbakiko elkarbizitzaren kontrako edozein jokaera errepikatzea –

m) izan ezik– ikasturte berean hiru aldiz, aurreko bietan zuzenduta eta, hala badagokio, gurasoei jakinarazita.

o) Beste edozein jokaeraren bidez urratzea hezkuntza-komunitateko gainerako kideen edo beste edonoren osasuna, osotasun fisikoa, adierazpen-askatasuna, parte hartzeko eskubidea, bilera-eskubidea, diskriminatua ez izateko eskubidea, ohorea, intimitatea eta irudia.

41

5. Elkarbizitza Planak jokabide-kasu zehatzak esplizitatu ahal ditu aurreko zenbaki bakoitzeko azken letran. Zehaztapen horiek Arautegi honen parte bihurtuko dira. 88. artikulua.- Zuzenketen mailaketa Zuzenketen mailaketari dagokionez: 1. Aringarriak dira:

a) Jokaera okerra berez onartzea. b) Lehenago zuzenketarik jaso ez izana. c) Material edo ondasun higigarriak edo higiezinak kaltetuz gero, eskola-

ordutik kanpora konpontzea edo konpontzeko konpromisoa hartzea, prozedura ebatzi aurretik.

d) Jendaurrean barkamena eskatzea. e) Sortutakoa bezain gaitz edo kalte larria eragin nahi ez izana. f) Eraso fisikorik egon bada, kalterik edo zauririk eragin ez izana. g) Legeriak ezartzen dituenak.

2. Astungarriak dira:

a) Lehenago ere gertatu izana. b) Indarkeria, diskriminazioa, arrazakeria, edo xenofobia sortzea, edo Izaera

Bereziaren edo Hezkuntza Proiektuaren oinarriak urratzea. c) Egin denarekin edo egin ez denarekin adingabe, elbarri, fisikoki gutxiago

denari edo ikastetxean hasi berri denari kalte egitea, edo agintekeria adierazten duen beste edozein egoera.

d) Nahita egindakoa izatea. e) Premeditazioa edo aurretiazko akordioa egotea. f) Modu kolektiboan zuzendu beharreko jokabidea eragin duen ekintza edo

ekintzarik eza hauspotu izana. g) Eskolako karguaz baliatzea zuzendu beharreko jokaerak egiteko. h) Legeriak ezartzen dituenak.

89. artikulua.- Zuzentzea 1. Jokaera desegokiak neurri hauetako baten edo batzuen bidez zuzenduko dira.

a) Jokaera desegoki zehatzari eta bere ondorioei buruzko hausnarketa. b) Jokaera desegokia izan dela aitortzea kaltetuen aurrean. c) Jokaera zuzenen ereduak ikasteko eta barneratzeko ariketak egitea. d) Jokaera desegokiarekin lotutako zereginen bat egitea. e) Zuzendariaren, ikasketaburuaren edo une horretan ikastetxeaz arduratzen

den zuzendaritza-taldeko beste edozein kideren aurrean aurkeztu beharra. 2. Elkarbizitza-arauen kontrako jokaerek eragindako nahasmenduak zuzentzeko

erabil daitezke Ikastetxeak kasu horietarako prestatutako mekanismoak edo prozesuak (jarduera-protokoloak, hausnarketa-fitxak, konpromisoak, etab.) eta legeria aplikagarrian aurreikusitako neurriak.

Halaber, Ikastetxeak neurri hauek har ditzake nahasmendu horiek zuzentzeko:

42

a) Berehala joatea Ziklo Koordinatzailearen, Etapa Koordinatzailearen edo

Zuzendari Pedagogikoaren aurrera. b) Berariazko lanak egitea eskola-orduetatik kanpora. c) Ikastetxeko jarduerak hobetzeko eta garatzeko lanak egitea. d) Lanen bidez zuzentzea Ikastetxeko instalazioei edo materialari egindako

kaltea, edo Hezkuntza Komunitateko beste kideen ondasunei edo Ikastetxearekin harremanak dituzten pertsonen edo erakundeen instalazioei edo ondasunei egindakoak.

e) Elkarbizitzaren kontrako jokaera zehatzari eta haren ondorioei buruzko hausnarketa, eta hura birbideratzeko orientabideak.

f) Idatzizko ohartarazpena. g) Ikasle adingabeen kasuan, gurasoen edo legezko ordezkarien aurreko

ohartarazpena. h) Ikaslea taldez edo gelaz aldatzea, behin-behinean edo behin betiko. i) Heziketa-lanak edo ikastetxeko jarduerak hobetzeko eta garatzeko lanak

egitea, elkarbizitzaren kontrako jokaerarekin loturik, eta gehienez hiru hilabetez.

j) Ikasgai baten edo batzuen klaseetara edo ikastetxera etortzeko eskubidea etetea, ikasle adingabeen kasuan gurasoekin edo legezko ordezkariekin elkarrizketa bat egin arte, gehienez hiru egunez.

k) Eskolaz kanpoko jardueretan parte hartzeko eskubidea etetea, jokaera gertatu den hiruhileko akademikoa bukatu arte gehienez edo, hiruhileko akademikoaren azken hilabetean gertatuz gero, hurrengo hiruhilekoa amaitu arte.

l) Eskolaz kanpoko jarduera osagarrietan parte hartzeko eskubidea etetea, jokaera gertatu den hiruhileko akademikoa bukatu arte gehienez edo, hiruhileko akademikoaren azken hilabetean gertatuz gero, hurrengo hiruhilekoa amaitu arte, eta ikaslea ikastetxean artatua izango da eskola-orduetan.

m) Jangela- edo garraio-zerbitzua erabiltzeko eskubidea etetea, jokaera gertatu den hiruhileko akademikoa bukatu arte gehienez edo, hiruhileko akademikoaren azken hilabetean gertatuz gero, hurrengo hiruhilekoa amaitu arte, zerbitzu horiek erabili bitartean gertatu bada elkarbizitzaren kontrako jokaera.

3. Ikastetxeko elkarbizitza larri kaltetzen duten jokaeren aurrean legeria

aplikagarrian aurreikusitako neurriak hartuko dira. Hain zuzen ere: a) Eskola-orduetatik kanpora heziketa-lanak egitea, edo ikastetxeko jarduerak

hobetzeko eta garatzeko lanak egitea edo, hala badagokio, eragindako kalte materialak konpontzea, gehienez sei hilabetez.

b) Arlo edo ikasgai bateko edo batzuetako klaseetara joateko eskubidea etetea, hiru eta hogei eskola-egun artean, ebaluazio jarraitua galdu gabe, baldin eta eskolako lan jakinak egiten badira Ikastetxeak horretarako izendatutako irakasleen kontrolpean.

c) Ikastetxera joateko eskubidea etetea, hiru eta hogei eskola-egun artean, ebaluazio jarraitua galdu gabe, baldin eta eskolako lan jakinak egiten badira Ikastetxeak horretarako izendatutako irakasleen kontrolpean.

d) Eskolaz kanpoko jardueretan edo osagarrietan parte hartzeko eskubidea etetea, edo garraio- edo jangela-zerbitzua erabiltzeko eskubidea etetea, eta ikasturtea amaitu arte izan daiteke.

90. artikulua.- Organo eskuduna

43

1. Jokaera desegokien zuzenketak ezarriko dituzte irakasleek –ikasleak haien zaintzapean dauden bitartean– edo Zuzendari Orokorrak/Titularrak erabakitzen dituen organoek, arautegi aplikagarriaren baitan. 2. Elkarbizitza urratzen edo hura larri kaltetzen duten jokaeren aurrean, Zuzendari Pedagogikoak ezarriko ditu zuzenketak –Hezkuntzarako Eskubidea Arautzeko uztailaren 3ko 8/1985 Lege Organikoaren 54.2 artikuluari jarraituz–, edo arautegia betez hala dagokionak, kalterik egin gabe gertaeraren unean bertan zegoen irakaslearen eskumenari, organo eskudunaren aurrera joateko aginduari, eta pertsonen edo gauzen kalte posibleak saihesteko berehalako neurriak hartzeari. 91. artikulua.- Prozedura 1. Jokaera desegokiak zuzentzeko orduan Zuzendari Orokorrak/Titularrak erabakitako prozedurari jarraituko zaio, betiere ikaslea entzunda. 2. Elkarbizitza-arauen kontrako eta hura larri kaltetzen duten jokaerak zuzentzeko orduan ikasleak edo gurasoek neurriak onartzeko ahalegina egingo da eta, hori posible ez bada, Euskal Autonomia Erkidegoko unibertsitateaz kanpoko ikastetxeetako ikasleen eskubideei eta betebeharrei buruzko abenduaren 2ko 201/2008 Dekretuan ezarritako diziplina-prozedurari jarraituko zaio. Bigarren atala. GATAZKAK KONPONTZEKO PROZEDURA ADOSTUA 92. artikulua.- Konponketa adostuaren balioa Izaera Bereziaren eta Ikastetxeko Hezkuntza Proiektuaren oinarriei jarraituz, eta legeria betez, elkarbizitza urratzen eta larri kaltetzen duten jokaerak adostasunez konpontzeko saioa egingo da, ahal dela diziplina-espedienterik ez irekitzeko, zuzentze-prozesuen alderdi hezitzailea eta erreparatzailea bilatuz. 93. artikulua.- Oinarri nagusiak Konponketa adostura heltzeko, ikasleak eta bere gurasoek edo legezko ordezkariek –adingabea bada– konponketa-modu hori onartu eta neurriak betetzeko konpromisoa hartu behar dute. 94. artikulua.- Adosteko bilera Konponketa adostu batera heltzeko, aurrez deitutako bilera bat egin behar dute Zuzendari Pedagogikoak, ikaslearen irakasle-tutoreak, ikasleak eta –adingabea bada– bere gurasoek edo legezko ordezkariek. Nolanahi ere, ikaslea adingabea bada, Zuzendari Pedagogikoak eta irakasle-tutoreak aurrez entzungo dute hark gertaerei buruz ematen duen nondik norakoa. 95. artikulua.- Idatzizko akordioa Idatzizko dokumentu batean jasoko da akordioa, eta gutxienez puntu hauek agertuko dira bertan: ikasleari egotzitako gertaerak edo jokaerak, ezarritako zuzenketa, ikaslearen berariazko onarpena –adingabea bada, gurasoena edo

44

legezko ordezkariena–, zuzenketa hasteko data eta bertaratuen sinadura. Hirugarren atala: HEZKUNTZA-KOMUNITATEKO BESTE KIDEAK 96. artikulua.- Zuzentzeak Hezkuntza Komunitateko kideek Erakunde Titularrarekin duten harremanari dagokion araubide zehatzaz gain (laborala, zibila, merkataritzakoa, kanonikoa, etab.), haiek Elkarbizitzan eragindako nahasmendua zuzendu ahal du Zuzendari Orokorrak, Erakunde Titularraren izenean, era honetan:

a) Ohartarazpen pribatua. b) Ohartarazpen publikoa. c) Ikastetxeko instalazioen, jardueren eta zerbitzuen sarbidea mugatuta.

VI. TITULUA. KALIFIKAZIOAK ERREKLAMATZEA 2 97. artikulua.- Erreklamazioaren xedea Ebaluazio-prozesuaren ondoren, ziklo edo kurtso amaierako erabakien eta kalifikazioen kontrako erreklamazioak egin ahal dituzte ikasleek edo haien gurasoek edo legezko ordezkariek. 98. artikulua.- Aurkaratzeko arrazoiak Erreklamazioa arrazoi hauetako batean oinarritu behar da:

a) Ikasleari proposatutako ebaluazio-prozedura desegokiak, kontuan hartuz ebaluatutako arloaren edo ikasgaiaren helburuak edo edukiak eta programazioan aurreikusitako maila.

b) Finkatutako ebaluazio-irizpideak oker aplikatzea. c) Legeriak ezartzen dituenak.

XEDAPEN GEHIGARRIAK Lehenengoa.- Lan-harremanak Arautegi honetan adierazitakoaz gain, Erakunde Titularraren eta kontratatutako langileen arteko lan-harremanek berariazko arautegiari jarraituko diote. Enpresako langileen ordezkaritzak ere berariazko arautegiari jarraituko dio. Bigarrena.- Langile erlijiosoak

2 Ikasleen eskubide eta betebeharrei eta ikastetxeetako elkarbizitza-arauei buruzko

maiatzaren 5eko 732/1995 Errege Dekretuko 13.4 artikuluan datoz oinarriak, autonomiako hezkuntza-administrazioaren arautegiari jarraituz moldatu eta garatuko dira, eta aplikagarria izango zaie itunpeko ikastetxe pribatuei.

45

Ikastetxeko langile erlijiosoei Arautegi hau aplikatzeko orduan kontuan hartuko dira Konstituzioa, Espainiaren eta Vatikanoaren arteko Akordioak, Erlijio Askatasunari buruzko Lege Organikoa eta Erakunde Titularraren eta Santa Teresa Jesusena Konpainiaren arteko Hitzarmenak. Hirugarrena.- Hizkuntza Kargu, jarduera edo egoera bat definitzen duten Arautegi honetako eta Ikastetxeko edozein dokumentazioko adierazpen bi sexuei aplikatuz erabili da eta erabiliko da. Laugarrena.- Baliokidetza Arautegi honetan gurasoei egindako aipamenak tutoreei edo legezko ordezkariei eta, halakorik bada, abegi-familiei ere egiten zaizkie. Bosgarrena.- Legezko erreferentziak Estatuko erreferentzia nagusiak:

‐ Espainiako Konstituzioa (1978), 16. eta 27. art. ‐ Hezkuntzarako Eskubidea Arautzeko uztailaren 3ko 8/1985 Lege

Organikoa (LODE), 21.1, 54 eta 57 l art.). ‐ Hezkuntzari buruzko maiatzaren 3ko 2/2006 Lege Organikoa (LOE), 120.

art. Autonomiako erreferentzia nagusiak:

‐ Euskal Autonomia Erkidegoko unibertsitateaz kanpoko ikastetxeetako ikasleen eskubideei eta betebeharrei buruzko 201/2008 Dekretua, abenduaren 2koa.

Seigarrena.- Garapena Erakunde Titularrari dagokio Barne Arautegi hau eta bertako elkarbizitza-arauak garatzea. XEDAPEN IRAGANKORRA Arautegi honetako salbuespenak salbuespen, indarrean jarri aurretik Ikastetxean zeuden hezkuntza koordinatzeko kide bakarreko eta kide anitzeko organoei eutsiko zaie, harik eta, bertako 70.3 eta 74.4 artikuluei jarraituz, organo horien egitura berria definitu arte. XEDAPEN INDARGABETZAILEA Indargabetuta dago 2003ko urrian Erakunde Titularrak proposatu eta Eskola Kontseiluak onartutako Barne Arautegia. AZKEN XEDAPENAK Lehenengoa.- Arautegia aldatzea

46

Arautegi honen 2. artikuluak dioenaz gain, Erakunde Titularrari dagokio Arautegia aldatzea, bere ekimenez edo Zuzendaritza Taldeak hala proposaturik, Eskola Kontseiluak irizpena eman ondoren. Bigarrena.- Indarrean sartzea Arautegi hau ondorio guztiekin sartuko da indarrean 2014ko martxoaren 19an.