BALIOAK ETA DISPOSIZIOAK - UPV/EHUsortzen duen ekintzaren ezaugarria izan daiteke ela. Horra hor...
Transcript of BALIOAK ETA DISPOSIZIOAK - UPV/EHUsortzen duen ekintzaren ezaugarria izan daiteke ela. Horra hor...
1
BALIOAK ETA DISPOSIZIOAK
Agustin Arrieta Urtizberea#
Logika eta Zientziaren Filosofia Saila (EHU)
1. Sarrera
Humek honelaxe dio bere Tratatua-n:
'Horrenbestez, bizioa eta bertutea erka daitezke hots, kolore, bero eta
hotzarekin; azken horiek, filosofia modernoaren arabera, ez dira objektuetan
dauden tasunak, gogameneko hautemateak baizik.'1
Bizioaren eta bertutearen arteko bereizketa oinarrizko bereizketa morala da.
Hume bizioaren eta bertutearen arteko bereizketaz mintzatzen denean, moralki egin
dezakegun oinarrizko bereizketa eman nahi du aditzera. Nolabait esanda, bertutea dugu
balorazio moral positiboen ordezkaria; bizioa, ordea, balorazio negatiboena. Goiko
pasartearen arabera, bizioa eta bertutea, hau da, oinarrizko balio moralak kolore, hots,
bero, eta hotzaren propietateekin parekatzen ditu Humek. Kolore, hots, bero eta
hotzaren propietateak bigarren tasunak dira, Lockek egiten duen bereizketa klasikoa
gogora ekarriz.2 Lan honen bitartez bi helburu asebete nahi ditut. Batetik, parekatze hori
bera ulertu nahi dut, eta, gainera, ulertu nahi dut humear ikuspegi baten barruan.
Bestetik, parekatze horren ebaluaketa egin nahi dut, horrelako ikuspegiaren aldekoak eta
kontrakoak agerian jarriz.
# Eskerrak Ekai Txapartegiri eta Fernando Migurari.
1 Hume (1739), 469. Nagusiki Humeren Tratatua hartuko dut aintzat; batez ere, 3. liburuko 1. zatia eta 3. zatiko 1. atala. Hemendik aurrera, esaterako, Tratatuko 123. orrialdeari erreferentzia egiteko testu nagusian txertatuta adierazpide hau erabiliko dut: (T. 123). 2 Locke (1690), 2. liburua, VIII. kapitulua, 10-26.
2
2. Bigarren tasunak, disposizioak eta erantzunaren mendeko propietateak
Eman dezagun predikatuen erresuma bat badagoela: 'karratua da', 'm molekular
osaera dauka', 'gorria da', 'ona da', 'justua da', 'ederra da',... Predikatua kategoria
linguistikotzat hartuko dugu, hain zuzen ere, subjektua, izen berezia (edo propioa),
termino singularra eta aditza bezalako kategoriatzat. Filosofoek eztabaidagai izan dute
horrelako predikatuei ea zer dagokien ontologiaren mailan, eta erantzunak, jakina, mota
guztietakoak izan dira. Eztabaidak eztabaida, predikatu bati ontologian dagokionari
'propietatea' esango diot. Ez da nire helburua oinarrizko eztabaida ontologikoetan
murgiltzea. Hala eta guztiz ere, oinarrizko bereizketa bat ekarri nahiko nuke gogora
esku artean dugun gaiarekin lotura estua duelakoan. 'Sagar hau biribila da' eta 'sagar hau
gorria da' bezalako esaldien bitartez objektu bati predikatu bat aplikatzen diogu.
Predikatu horrekin lotuta guk kontzeptu (edo ideia) bat dugu, eta, kontzeptu hori
bitartekari gisa erabiliz, aztertzen dugu ea predikatu horiei propietateren bat dagokien
edo ez ontologian. Kontzeptutik propietaterako pasabidean 'biribila da' eta 'gorria da'
kasuen artean aldea badago. Alde edo desberdintasun horretan oinarriturik, Lockek
lehen eta bigarren propietateen (edo tasunen) arteko bereizketa proposatzen du. Horren
harira, biribila izatearen propietatea lehen propietate bat da, eta gorria izatearena, ordea,
bigarren propietatea. Zergatik? Zertan datza aipatu dugun alde edo desberdintasun hori?
Interpretatzaileen artean ez dago aho bateko adostasunik. Lan honetan interpretazio
posibleetako bat aurkezten saiatuko naiz, hasierako pasartean Humek egiten duen
parekatze hori ulertzera eraman gaitzakeena.
Gorria izatea zertan datzan esan nahi dugunean ezinbestekoa da adieraztea
gorria omen den objektu horrek zer nolako joera edo jokabidea izango duen baldintza
3
zehatz batzuen pean. Ildo horretan, gorria izatea bezalako bigarren propietateei
'ahalmenak' esaten zaie. Egun 'disposizio' hitza ere erabiltzen da. Esaterako, x objektua
hauskorra da, honelako eta horrelako baldintzetan x eroriko balitz, hautsi egingo
litzatekeelako. Azken buruan, hauskorra izatea hausteko joeran datza. Antzeko zerbait
esan daiteke gorria izatearen propietateari buruz: x gorria da honelako eta horrelako
baldintzetan zentzumenak ondo dituen A pertsona baten aurrean x jarriko bagenu, A-k
gorria hautemango lukeelako. Biribila izatea zertan datzan adierazi nahi baldin badugu,
ez dugu ahalmenaren edo joeraren noziora jo beharrik. Egun, biribila izatea bezalako
propietateak kategorikoak direla esaten da. Eztabaida bizia sortzen da filosofoen artean
lehen eta bigarren propietateen (edo propietate kategorikoen eta disposizionalen)
zerrenda osatu nahi orduko. Gure helburua ez da eztabaida horietan esku-hartzea. Guri
interesatzen zaiguna honako tesia da: gorria izatea, zenbait ikuspegi filosofikoren
arabera, efektu zehatz batzuk ekoizteko ahalmenean edo joeran datza.
Disposizioak (ahalmenak, bigarren tasunak), propietate gisa, susmopean izan
dira filosofo askoren artean. Susmoa hain sendoa izan da, ezen zenbait filosofok
disposizioak ontologikoki eliminatu nahi izan baitituzte. Konduktismo logikoa
aldarrikatzen dutenek (Rylek eta Wittgensteinek, besteak beste) ez dute ukatzen
predikatu disposizionalak egon badaudela, baina disposizioak propietate gisa
eliminatzen dituzte.3 Har dezagun lehen proposatutako definizioa: x objektua hauskorra
da, honelako eta horrelako baldintzetan x eroriko balitz, hautsi egingo litzatekeelako.
Aipatu ditugun filosofoek disposizio hori bi gertakari hauetan agortzen dela uste dute:
batetik, erortzea eta, bestetik, haustea. Bi gertakari horietara erreduzitzen da disposizioa,
eta disposizioa ez da ezer bi gertakari horietatik kanpo. Gogoan izan behar dugu Rylek
3 Nahasketa nabarmen dago filosofoen idazkietan. Ez dago batere garbi 'disposizio' hitza zeri aplikatzen
zaion: predikatuari, kontzeptuari edo propietateari? Sarritan arazoa ez da funtsezkoa izan, nahasketa huts-
hutsean terminologikoa izan baita. Alabaina, zenbaitetan nahasketa sakonagoa da. Arazo horri buruz,
neurri batean, Arrieta (2003)-n arduratu naiz.
4
eta Wittgensteinek gogo-egoerak ere antzera aztertzen dituztela. Gogo-egoerak
disposizioak dira haien ustez, eta, disposizio guztiak bezala, baldintzetan (edo
zirkunstantzietan) eta jokabideetan agortzen dira. Eman dezagun euria ari duela uste
dudala. Hortaz, kalera ateratzen baldin banaiz, euritakoa hartuko dut. Eliminazionistaren
ikuspegian uste hori honako gertakarietan agortzen da: kalera ateratzea eta euritakoa
hartzea. Izan ere, gizakiaren (edo beste izaki baten) gogo-egoerak (usteak eta nahiak,
besteak beste) aztertzeko ez da bilatu behar haren baitan dagoen ezer, gizakiaren
beraren inguruko baldintza (eta zirkunstantzia) zehatzak eta haren jokabideak baizik.
Horrela antolatu zuten bi filosofo horiek Descartesen aurkako erasoa. Ez da nire
helburua ikuspegi eliminazionista hori ebaluatzea, nahiz eta nire iritzian faltsua izan.
Motibazio nagusi bat eliminazionismoa aldarrikatzeko izan da 'x hauskorra da' eta
'honelako eta horrelako baldintzetan x eroriko balitz, hautsi egingo litzateke' perpausak
sinonimotzat edo baliokidetzat (zentzu hertsiren batean) hartu izan direla. Baina pentsa
daiteke bi perpaus horien arteko erlazioa ahulagoa dela.4
Arazoak arazo, une honetan azpimarratu nahi dut hauskorra izatearen eta gorria
izatearen propietate disposizionalen arteko desberdintasun bat. Dagoeneko ikusi dugu
zer duten komun: biak ahalmenak dira. Dena dela, bien artean badago alderik. Gorriaren
propietatea zertan datzan adierazi dugunean x objektu ez ezik A pertsona ere aipatu
dugu, hauskorra izatearen propietatearen kasuan ez bezala: x gorria da honelako eta
horrelako baldintzetan zentzumenak ondo dituen A pertsona baten aurrean x jarriko
bagenu, A-k gorria hautemango lukeelako. Beraz, gorriaren kasuan, x-ren joera edo
ahalmena kontuan hartzen da, hain zuzen ere, x objektua ez den A-rengan efektu bat
eragiteko joera. Parekorik ez dago hauskortasunaren kasuan. Hari horri helduz,
disposizioen artean azpitalde bat bereiz daiteke. Mota horretako disposizioari '(subjektu
4 Mumford (1998) liburuan eztabaida horien nondik-norakoa modu argian azaltzen da.
5
baten) erantzunaren mendeko disposizioa' esango diogu.5 Talde horretan dute sarrera
'Lockeren' bigarren propietate 'klasikoek': koloreak, hotsak, beroak, hotzak,...
Laburbilduz: Lockeren bereizketa klasikotik abiatu naiz. Bereizketa klasiko hori
justifikatzen duen ahalmenaren nozioaz baliatuz propietate disposizionalen eta
kategorien arteko bereizketa ekarri dut gogora. Bukaeran, lockear bigarren propietateei
erantzunaren mendeko disposizioak dagozkiela ikusi dugu. Ibilbide horren gorabeherek
agerian utzi dute bereizketa klasikotik egungo bereizketetara doazen urratsetan zenbait
arazo daudela eta erabateko parekotasunak desegokiak izan daitezkeela. Gure xedea ez
da azterketa historikoa egitea, aipatutako ibilbidean disposizioei eta, batez ere,
erantzunaren mendeko disposizioei lotzen zaizkien zenbait ezaugarri azpimarratzea
baizik. Bi ezaugarri aipatu ditugu: interesatzen zaizkigun disposizioak, disposizio
guztiak bezalaxe, ahalmenak dira eta, gainera, subjektu baten erantzunaren mendekoak
dira.
Humek, hasieran aipatu dugun pasartean, balioak eta erantzunaren mendeko
disposizioak estu erkatzen ditu. Arrazoia zera da: erantzunaren mendeko disposizioa
zertan den aditzera ematen dugunean subjektu batera jotzen dugu ('gogameneko
hautematea' dio Humek), eta, horrela, propietate horri kutsu subjektiboa ematen diogu.
Kutsu subjektibo hori duten propietateen artean balioak sartzen ditu Humek. Pasarte
hori literalki aintzat hartuz, erantzunaren mendeko disposizioak ez dira objektuetan
dauden propietateak (tasunak). Antza, ekintza bat okerra izan dela diogunean, ekintzari
egotzitako balioa ez da ekintzak duen ezaugarri bat. Alabaina, hasiera bateko irakurketa
literala, ikusiko dugun bezala, tentsioan dago Humeren testuetako beste zenbait
5 Horrela itzuli dugu 'response-dependent' terminoa. Adierazpen hori Johnstonek erabili zuen lehen aldiz.
Ik. Johnston (1989). Horrez geroztik, ohiko bihurtu da da egungo filosofian. Ik. López de Sa (2002).
Johnstonen helburua da, hain zuzen ere, balioak eta bigarren tasunak parekatzea, eta parekatze hori
noraino heltzen den aztertzea. Lehendik, McDowellek eta Wigginsek ere bide bera jorratu zuten. Ik.
McDowell (1985) eta Wiggins (1987). Terminoa berria izan arren, eta eztabaida filosofikoa termino
horren inguruan berpiztu bada ere, proiektuak, lan honetan ikusten ari garen bezala, Hume (eta beste
eskoziar filosofo ilustratuak: Hutcheson eta Adam Smith, besteak beste) dauka aitzindari.
6
baieztapenekin. Esaterako, Humek beste pasarte batean dio: bertutetik sortutako
inpresioa atsegina da (T. 470). Badirudi, beraz, bertutea guregan inpresio atsegina
sortzen duen ekintzaren ezaugarria izan daitekeela. Horra hor ebaztu behar den arazo
bat.
Lockek kontzeptuen (edo ideien) eta propietateen erresuman mailaketa bat
proposatzen du. Humek kontzeptu eta propietate moralak, hau da, balio moralak
mailaketa horretako alderdi subjektiboan lekutzen ditu. Antzeko zerbait egiten du balio
estetikoekin.6 Ordutik aurrera filosofoak eztabaidan ari dira, koloreak, propietate
moralak, estetikoak eta bestelakoak mailaketa hartan kokatzen eta berkokatzen, alderdi
objektiboagoan edo subjektiboagoan kokatzen eta berkokatzen.7 Jakina, kokapen horien
araberako ondorio filosofikoak ez dira nolanahikoak.
3. Balioak eta erantzunaren mendeko disposizioak
Orokorrean, honela defini daiteke erantzunaren mendeko disposizioa:
x P da, baldin eta x-ren aurrean B-k R erantzuna agertzen badu.8
Definizio orokor horren kasu partikular gisa, balioak honela defini daitezke.
Esaterako,
(1) x zuzena da, baldin eta x-ren aurrean B-k aldeko jarrera badu.
6 Ik. Hume (1757).
7 Oinarrizko ideia hori habe nagusi bat izan da Arrieta (2002) liburua egituratzerakoan.
8 Formulazioan 'baldin eta' erabili dut. Konektagailu horren interpretazioa zein izan daitekeen geroago
zehaztuko dut (ez guztiz!).
7
Formalki (erantzunaren mendeko) disposizio baten aurrean gaude.9 Dena dela,
zenbait xehetasun zehazteke utzi ditugu. Zer da x? Hau da, zein da balorazio moralaren
objektua? Zer edo nor edo nolakoa da B?
Definizio horretan agertzen den 'x' dela-eta, gehiegi zehaztea ez du merezi,
zehaztasun horrek ez baitu ekarriko aldaketa handirik lan honi begira. Hel diezaiegun
dauzkagun ideia intuitiboei: balio moralen objektuak ekintzak, pertsonak edo
instituzioak izan daitezke. Hasiera batean, badirudi oinarri-oinarrian moralki baloratzen
ditugunak ekintzak direla. Ondoren, modu eratorrian, pertsonak, instituzioak eta
bestelakoak ebaluatzen ditugu. Kategoria ontologiko gisa ekintza gertaldien artean
kokatuko dugu, hau da, ekintza bat gertaldi mota bat da. Ni teilatu batetik eror naiteke
edo nik neure burua bota dezaket. Bi kasu horietan niri zerbait gertatzen zait, baina
bigarren gertaldia baino ez da ekintza bat izango. Non dago aldea? Ez da erraza esaten,
baina pentsa daiteke ekintzen kasuan, ekintzak ez diren gertaldien kasuan ez bezala,
asmo edo intentzio bat badagoela azpian. Dena den, balorazio moralari dagokionez
erantzuna ez da hain nabaria, balorazio moralik merezi ez duten ekintza asko intentzio
osoz burutzen ditugulako. Esaterako, intentzioz gosaltzen dut egunero, eta, agi denez,
ekintza horri ez diogu balio moralik egokitzen. Humeren ustetan, ekintza bat moralki
baloratua izan dadin premiazkoa da ekintza hori pertsonaren izateko moduari, izaerari,
atxikita egotea (T. 575). Beraz, ekintzaren eta ekintzailearen izaeraren arteko loturaren
gainekoak dira gure balorazio moralak. Gosaltzearenak ez du betetzen ezaugarri hori,
gosaltzeak ez baitu lotura berezirik nire izaerarekin: azken buruan, gosaltzea denok
egiten dugun zerbait da. Nolabait esanda, ekintza horrek ez gaitu definitzen. Arazoak
arazo, eta arriskatu gabe, koka dezagun balorazio moralaren objektua ekintzen artean.
9 Ik. Vallentyne (1996).
8
B-ri dagokion galdera mamitsuagoa da. Besteak beste, (1) definizioak aukera
ematen du erlatibismoari ateak zabaltzeko: B Aita santua bada, orduan balio morala
modu batean ulertuko dugu; B Nazio Batuak erakundea baldin bada, orduan balio
morala beste modu batean ulertuko dugu,... Definizioak ez du biderik ematen aukera
asko horiek saihesteko, eta, horregatik, denak maila berean leudeke. Jakina, Hume ez da
erlatibista, eta geroago ikusiko dugu zer nolako proposamena egiten duen berak B-ri
dagokionez.
Esan bezala, nire lehenengo helburua Humek egiten duen bigarren tasunen eta
balioen arteko parekatzea ulertzea izan da. Orain arte hasierako pasarteari heldu diot,
baina Humek moralaren inguruan beste zenbait tesi aldarrikatzen ditu. Ikus ditzagun,
bada, horietako batzuk, eta azter dezagun tesi horien eta orain artean esandakoaren
arteko bateragarritasuna.
4. Humeren subjektibismoak
Teoria etiko-moralen sailkapenetan subjektibismoaren sortzaile eta ordezkari
nagusitzat Hume hartzen da. Haatik, ez dago batere garbi 'subjektibismo' hitzaren
bitartez zer adierazi nahi den. Aurreko atalean subjektibistatzat hartu dut hasierako
pasartetik erator daitekeen ikuspegia. Alabaina, emotibismoa ere Humeren ideiekin lotu
izan da, baita -orain zehaztuko dudan zentzuan- deskriptibismoa ere.10 Hortaz, izenez
hiru subjektibismo mota gutxienez bereiz daitezke: aurreko atalean labur azaldu dudan
disposizionalismoa, emotibismoa eta deskriptibismoa. Izenez aparte, zeintzuk dira,
10 Emotibismoaren eta Humeren ideien arteko erlazioaz, ik. Ayer (1980), 138. Stroudek ez du uste erlazio
hori zuzena denik: ik. Stroud (1977), VIII. kapitulua. Cohonek Humeren teoria moralaren gaineko
interpretazio emotibista eta deskriptibista bereizten ditu. Ik. Cohon (1997), 829 (2. oinoharra) eta 835 (11.
oinoharra). Stroudek deskriptibismoari 'psikologismoa' esaten dio. Ik. Stroud (1977), VIII. Kapitulua.
9
halakorik badago, subjektibismo horien arteko aldeak? Atal honetan, Humeren
ikuspegia argitu nahian, galdera horri helduko diot.
Humek bereizketa edo balorazio moralaren oinarrian arrazoimena egon
daitekeenik ukatzen du (T. 458). Balorazio morala ezin da justifikatu ez gertakarizko
auzien bitartez ez ideien arteko erlazioen bitartez, eta, jakina, azken bi horiek dira
arrazoimenak judizio bat justifikatzeko dituen bide bakarrak Humeren sisteman. Modu
intuitiboagoan esanda, munduari edota ideiei begira ezin da justifikatu eta oinarritu
balorazio moralik. Humek argudio nagusi bat proposatzen digu arrazoimenaren
eginkizuna, moralari dagokionez, bigarren maila batean uzteko: gertakarizko auzien
gaineko nahiz ideien arteko erlazioen gaineko ezagutzak ez gaitu ekintzara bultzatuko.
Bereizketa moralek, berriz, ahalmen hori dute. Beraz, gizakiaren alderdi grinatsura jo
beharra dago judizio moralaren justifikaziorako; alderdi adimentsua ez da nahikoa.
Tesi horrek, seguru asko, subjektibismo mota guztiak piztu ditu. Baina
subjektibismo mota horiek elkarren artean desberdinak dira. Non kokatu Humeren
ikuspegia?
4.1 Deskriptibismoa
Deskriptibismoa honela aurkez daiteke:
(D) 'x zuzena da' perpausaren esanahia 'nik x-ren aldeko sentimendua dut' da.11
Ekintza bat baloratzea ekintza horren gaineko nire sentimendua deskribatzea da.
Ikuspegi horretan judizio moralak egiazkoak edo faltsuak dira. Azken buruan judizio
11 Ik. Rachels (1986), 34-36.
10
morala pertsona batek duen sentimenduaren txostena da, eta txosten hori egiazkoa edo
faltsua izango da sentimendua egon izanaren arabera. Judizio moralek eta sentimenduek
duten lotura hori dela-eta, subjektibismoaz mintza gaitezke. Baina (D) ikuspegiak baditu
arazo gaindiezin pare bat. Batetik, txostena egiterakoan zintzo jokatzen dugula
suposatuz, judizio moral batek ezin du sekula huts egin: txostenak behar bezala jasotzen
badu x-ren aurrean izandako sentimendua, orduan egiazkoa da. Ezin naiz oker izan
judizio etikoaren egi balioaren gainean. Judizio etikoak ziurrak lirateke, eta hori judizio
moralen gaineko intuizio baten aurka doa: batzuetan, judizio moralei dagokienez, oker
egon izanaren ustea dugu. Bestetik, ez dago eztabaidatzerik judizio moralen gainean:
zuk zure txostena, nik nirea; zure txostenaren arabera x zuzena da, nirearen arabera ez.
Ez dago eztabaidatzerik, biok zintzo jokatu dugu-eta. Erlatibismo saihestezin baten
aurrean gaude. Bigarren arazoaren inguruan, Moorek gogoeta interesgarriak egiten
ditu.12 Mooreren ustez, judizio moralen gaineko beste intuizio hau ukaezina da:
batzuetan -zuk eta nik judizio moral bat egiten dugunean ekintza baten aurrean- judizio
horiek elkarren kontraesankorrak direla uste dugu. Gauza bera gertatzen da judizio
objektiboekin. Nik euria ari duela esaten baldin badut, eta zuk, ordea, ez duela ari,
bietako batek izango du arrazoia, bibaliotasunaren printzipioa onartuz gero. Mooreren
ustez judizio moralak ere, batzuetan bederen, egoera berean daude. Kontua da
deskriptibismoa ezin dela egokitu intuizio horretara. Moorek dioen legez, eztabaida
moraletan desadostasunak daude, eta desadostasun horien iturria da x ekintzari pertsona
batek 'zuzena da' predikatua egokitzen diola, eta beste batek ez. Hari horretatik, judizio
moralak judizio objektiboen antzekoak dira.13 Kontraesana sortzen da esaldi batean
objektu bati predikatu bat egokitzen zaiolako eta beste esaldi batean objektu berari
predikatu bera ez zaiolako egokitzen. Deskriptibismoaren ikuspuntutik, berriz, ez dago
12 Moore (1912), 3. kapitulua, batez ere, 53-56 (gaztelaniazko testuan).
13 Moore (1912), 54.
11
kontraesanik: x ekintzak zuregan y sentimendua eragiten du eta niregan ez du eragiten.
Jolas formal bati helduz, egoera hauxe dela esan dezakegu: R(x,zu,y) eta ez-R(x,ni,y)
(non, esaterako, 'R(x,ni,y)' formulak x-k nigan y sentimendua eragiten du adierazten
duen). Jakina, bi formula horien arteko kontraesanik ez dago, bata bestearen ukazioa ez
baita. Kritika interesgarri horren ondorioa argi eta garbi azaldu behar da.14 Kritikatzen
den teoria (D) da, hau da, 'x zuzena da' perpausaren esanahia 'nik x-ren aldeko
sentimendua dut' perpausa dela aldarrikatzen duen teoria. Bi adierazpen horien arteko
sinonimia aldarrikatzen du (D)-k. Baten batek teoria ahulago bat proposa dezake: x
zuzena dela diot x-ren aldeko sentimendua dudalako. Azken kasu horretan ez da
sinonimiarik aldarrikatzen, baizik eta beste mota bateko erlazio bat, erlazio ahulago bat:
teoria berri hori aldarrika daiteke (D) aldarrikatu gabe (gogoan izan gorago adierazi
duguna disposizioak direla-eta). Konparazio hau baliagarria izan daiteke ideia hori
argitzeko. (D) aldarrikatuz gero, balioen kasua eta minarena parekoak lirateke. Garbi
dago zenbait objektuk mina eragiten dutela guregan. Alabaina, mina guk sumatzen
dugun zerbait da, hau da, mina ez dago mina sortu duen objektuan. Mina, beraz, ez da
objektuarengan dagoen ezaugarri edo propietate bat. Balioak, berriz, ekintzen
ezaugarriak edo propietateak dira (T. 470). Balioak ez dira guregan dauden ezaugarriak,
nahiz eta guregan sumatutako sentimenduekin lotura izan. Nolabait esanda, (D)-k
muturrera eramaten du humear intuizio bat, baina beste humear intuizio batzuk
bazterrean uzten ditu. Horra hor arazoa, goiko 2. atalean jada agertu zaiguna.
Garbi dago (D) ez dela teoria zuzena, honakoa onartzen baldin badugu bederen:
judizio moralek huts egin dezakete eta objektibotasun-kutsua dute. Izan ere, judizio
moralei buruz eztabaidatzen dugu objektiboak balira bezala. Humek behintzat, ikusiko
dugun bezala, bata zein bestea onartzen ditu. Gainera, esan bezala, (D)-k balioen auzia
14 Moore (1912), 55.
12
psikologismo huts batera eramaten du, Humeren ideien aurka doan psikologismo batera,
hain zuzen ere. (D)-k dituen arazoen aurrean irtenbide subjektibista desberdinak
planteatu ohi dira.
4.2 Emotibismoa
Emotibismoaren kasuan, (D)-ren kasuan ez bezala, judizio moralak ez dira ez
egiazkoak ez faltsuak. Judizio moralak sentimenduen eta emozioen adierazpideak baino
ez dira. Judizio morala ez da, (D)-ren kasuan bezala, sentimendu bat egon izanaren
txostena, baizik eta sentimenduaren beraren adierazpidea. Hortaz, balorazio moralak
egi baliorik gabeko 'judizioak' dira. Proposizio-jarreren teoria estandar baten barruan,
judizio moralak nahiak, asmoak eta horrelako jarrerekin batera kokatuko genituzke.
Aurrez aurre geldituko lirateke usteak bezalako proposizio-jarrerak. Garbi dago
ikuspegi emotibistak aldeko argudioak badituela. Lehenik eta behin, (D)-k dituen bi
arazo horiek emotibismoak ez ditu bere gain hartzen. Emotibismoaren ikuspegitik ezin
da esan judizio moral batek ez duela huts egiterik, hau da, ezin da esan judizio moral
baten egi balioaz ziur naizenik. Arrazoia sinplea da: judizio moralak ez du egi baliorik.
Egia esateko, deskriptibismoak duen arazoa konpondu beharrean desegiten du. Bestalde,
objektibotasunari eta erlatibismoari dagokienez, emotibismoak judizio moralaren
gaineko eztabaidari ateak zabaltzen dizkio, edo zabaldu nahi dizkio.15 Ildo horretatik
interpretatu behar da geroago iruzkinduko dugun Stevensonen proposamena. Dena dela,
Ayerrek beste irtenbidea topatu nahi dio arazo horri. Ayerren iritzian, balioen gaineko
eztabaidak ez dira benetan balioen gaineko eztabaidak, usteen gaineko eztabaidak
baizik. Ayerrek azaldu nahi digu eztabaida moralak ez direla uste dugun bezain sarriak.
15 Emotibismo klasikoaren barruko bi saialdi baino ez ditut aztertuko: Ayer (1936), VI. kapitulua, 110-
112 eta Stevenson (1937), V. atala. Humeren (eta Adam Smithen) idazkietan ere oinarritutako
emotibismo eguneratuago bat Blackburn (1999)-n.
13
Adibide batez baliatuko naiz Ayerren estrategia agerian jartzeko. Hindu batek esan
dezake behi-haragia jatea ez dela zuzena. Nik, ordea, zuzena dela diot. Eztabaida hori
sarritan interpretatu izan da balioen (kulturen) arteko borroka baten aurrean bageunde
bezala. Alabaina, beste modu batez ere interpreta daiteke, eta seguru asko bide hori
hartuko luke Ayerrek. Ez dago balioen gaineko inongo eztabaidarik. Are gehiago, kasu
horretan bederen, bat egin dezakegu nik eta hinduak balioei dagokienez. Norberaren
senideak jatea zuzena ez dela onartzen dugu biok. Usteen mailan dago arazoa, hinduak
uste baitu bere senidearen arima behi batengan-edo bizi daitekeela, eta nik neuk ez.
Beraz, eztabaida horretaz da: hil eta gero, zein da gure arimaren 'ibilbidea'? Ayerrek
egiten duen proposamena ildo horretatik doa. Eskuarki, balioei buruzko eztabaidak ez
dira benetan balioei buruzkoak. Eta balioei buruzko benetako eztabaida baten aurrean
baldin bagaude, orduan ez dago irtenbiderik. Hortaz, Ayerrek kolokan jartzen du
Mooreren iritziz intuizio bat omen dena.
Ayerrek esandakoaren ildotik, Stevensonek ere desadostasun moral baten azpitik
usteen gaineko desadostasuna dagoela uste du. Baina ez beti. Zenbaitetan usteetan baino
interesetan ados ez egotea gerta daiteke, eta desadostasun hori eztabaida moralaren
iturria izan daiteke. Kasu horietan ere badago bide bat adostasunera iristeko, nahiz eta
bide hori metodikoa ez izan.16 Stevensonek honako adibidea proposatzen digu: eskale
baten aurrean daude A eta B. A eta B egoera horren inguruko usteei dagokienez bat
datoz: biek eskale hori premia larrian dagoela badakite, limosnatxo bat mesedegarria
gertatuko zaiola badakite,… Hala ere, usteetan bat etorri arren, A-k limosna ematea
zuzena dela dio, eta B-k, ordea, ez. Stevensonen iritzian desadostasunaren oinarria A-
ren eta B-ren izaeran dago (egon daiteke): A errukibera da, eta B-ren hoztasuna, ordea,
harrigarria. Dena dela, A eta B bat etortzea posible da. A saia daiteke B-ren izaera edo
16 Stevenson (1937), 284 (gaztelaniazko itzulpenean).
14
aldartea aldatzen, hau da, osa dezake diskurtso hunkigarri bat txiroen eta eskaleen
premiei buruzkoa. Horrela, A-k eta B-k bat egin dezakete sentimenduei dagokienez,
nahiz eta bidea ez den izan ez arrazionala ez enpirikoa.
Azken buruan, eta laburbilduz, Moorek proposatzen duen intuizioaren aurrean
Ayerrek eztabaida morala ez dela benetakoa esaten du: benetako eztabaida baldin bada,
orduan usteei buruzko eztabaida da, eta eztabaida benetan moralari buruzkoa baldin
bada, orduan eztabaida itxurazkoa baino ez da, irtenbidea edo adostasuna topatzerik ez
dagoelako. Esaten ari da, bada, Moorek ez duela arrazoia, ustez, intuitibotzat jo behar
dugun ezaugarri horren gainean. Stevensonen ikuspegian, eztabaida morala egon
badago, eta, nolabait esanda, filosofo horrek Moorek egindako erronkari heltzen dio.
Arazoa da eztabaida morala persuasio-ahalmenaren eskuetan geratzen dela Stevensonen
emotibismoan. Eta hori arriskutsua izan daiteke sentimenduak aldatzeko, itxura guztien
arabera, ez-moralak diren persuasiobideak erabil daitezkeelako. Eman dezagun bi
lagunek, A-k eta B-k, zinemara joateko asmoa dutela.17 Alabaina A-k x filma ikusi nahi
du eta B-k ez. A-k, orduan, jakinarazten dio B-ri film horretan judu mordo bat
akabatzen dituztela. Noski, A-k persuasiobide hori aukeratu du jakin badakielako B-k
juduei gorroto diela.18 Horrela, adostasunera heldu dira, baina persuasiobide hori urrun
dago Moorek gogoan dituen eztabaida moraletatik. Izan ere, Stevensonen
emotibismoaren ikuspegian bederen, eztabaida morala eta sentimenduen manipulazio
hutsa bateragarriak dira.
Arestiko gogoetatik ondoriozta daiteke emotibismoak ez diola irtenbide onik
ematen Moorek agerian utzitako ezaugarri horri, hain zuzen ere, eztabaida moralek
duten ezaugarri horri: edo ukatzen da ezaugarria edo desitxuratzen da.
17 Adibide honetan asmoei eta nahiei buruz ari naiz, baina emotibistak nahiak, asmoak eta balioak talde
berean sartzen ditu. 18 Rachels (1986), 40.
15
Nik, hasiera batean behintzat, Moorek proposatutako ideia onartzen dut.
Eztabaida moralak egon badaude, eta eskuarki aurkaria konbentzi dezakegula uste dugu,
eta, gainera, hura konbentzitzeko bidea sentimenduen manipulazioan ez datzala uste
dugu; arrazoiak ematen ditugu horrelako eztabaidetan. Hari horretatik, eztabaida
moralak gertakariei buruzko eztabaiden antzekoak dira. Kontua da aztertzea
zenbaterainokoa den antzekotasuna. Oraingoz, har daiteke, emotibismoak antzekotasun
minimorik ere ez du ahalbidetzen. Pasa gaitezen, beraz, beste subjektibismo batera,
disposizionalismora, hain zuzen ere.
4.3 Disposizionalismoa
Gorago azaldu dugu nola interpreta daitezkeen zenbait propietate -besteak beste,
propietate moralak- erantzunaren mendeko propietate gisa. Ikuspegi horren arabera,
koloreak eta balioak parekoak dira, nahiz eta parekotasun-gradua aztertu beharreko
kontua den. Subjektibismo mota horri 'disposizionalismoa' esango diogu.
Disposizionalismoak alderatzen ditu, propietate gisa, koloreak eta balioak. Ildo
horretan, balioek koloreek duten objektibotasun-maila bera dute. Alabaina,
disposizionalismoak ez dio uko egiten koloreen subjektibotasun-mailari. Hori da, hain
zuzen ere, disposizionalismoak duen erronka, bateratu nahi baititu objektibotasun- eta
subjektibotasun-mailak. Disposizionalismoaren barnean egoera egonkor batean bateratu
nahi dira balio etikoen gainean onartzen diren funtsezko bi ezaugarri:
(i) Eztabaida moralak zentzuzkoak eta bideragarriak dira. Horrek ematen dio
balorazio moralari kutsu objektibo bat. Pentsa, esaterako, koloreei buruzko eztabaida
batean.
16
(ii) Zerbait zuzentzat edo ontzat hartzen dugunean, balorazio moral horrek
ekintzarako bultzada edo motibazioa eman behar digu.19 Arrazoimenak ez du horrelako
ahalmenik. Horra hor balorazio moralaren alderdi subjektibista.20
Emotibismoa sendoa da (ii)-ri dagokionez, baina, ikusi bezala, ahul agertzen
zaigu (i) dela-eta. Jakina, subjektibistak ez diren teoriek ahulezia (ii)-ri dagokionez dute.
Hori da, hain zuzen ere, Humeren mezurik garrantzitsuenetako bat.21
Disposizionalismoak (i) eta (ii) asebete nahi ditu. Arriskua, berriz, ezer gabe edo esku
hutsik gelditzea da.22
Honelako bibaldintzazko perpausa dago disposizionalismoaren muinean:
(DI) x ekintza zuzena (ona, egokia,...) da baldin eta bakarrik baldin x-ren
aurrean B-k aldeko sentimendua badu.
Kontua da nola intepretatu behar den bibaldintzatzailea. Garbi dago definizio
gisa ezin dela interpretatu. Horrela izatera, balioak, koloreak eta analisi disposizionalista
onartzen duten gainerako propietateak sentsazio -hau da, minaren kasuaren pareko-
bihurtuko lirateke. Baina, gorago adierazi bezala, Humeren ustetan balioak ez dira
sentsazioak: 'bertutea amodioa edo harrotasuna sortzeko ahalmenari dagokio, eta bizioa
19 Balio moralen gaineko edozein teoriak hiru aurrebaldintza bete behar dituela gogorarazten digu
Stevensonek. Lehenengo biak dira kontuan hartu ditudanak. Stevenson (1937), 271 (gaztelaniazko
itzulpenean). 20 Humek (T. 457) 'motibazio-argudioa' proposatzen du: moralak badu eragina ekintzen gainean eta
arrazoimenak ez; beraz, arrazoimenaren bidetik ezin gara heldu balorazio moralera. Geroago (T. 458)
saiatzen da justifikatzen zergatik ez den posible arrazoimenak ekintzen gainean eragina izatea. Argudio
horietako premisek eta ondorioek piztu dituzte teoria subjektibistak. 21 Lan honetan ez dut sakon aztertuko objektibismoaren eta subjektibismoaren arteko eztabaida. Garbi
dago, neurri handi batean, Humeren argudio nagusia ontzat hartu dudala. Hortik dator, bada,
subjektibismo mota baten gaineko interesa. Ondorioetan berreskuratuko dut auzi hau. 22 Darwall-Gibbard-Railton (1992), 165.
17
umiltasuna edo gorrotoa sortzekoari' (T. 575). Hortaz, balioak sentsazioak sortzeko
ahalmenari dagozkio.
Horrenbestez, suposatuko dugu bibaldintzatzailea era ahulago batean interpreta
daitekeela, zeinean disposizionalistak lortu baitezake bere helburu nagusia, hau da,
subjektibismoari uko egin gabe nolabaiteko errealismoa 'sartu' balioen munduan.
Eman dezagun, beraz, disposizionalismoa modu koherentean formulatu
daitekeela.23 Hala ere, arazo batzuei aurre egin behar die disposizionalismoak. Hona
hemen horietako hiru:
(1) Koloreen eta balioen kasuen arteko alde nabarmena hauxe da: koloreak
hautematen ditugu, eta balioak ez -ez, bederen, zentzu berean. Arruntak dira honelako
perpausak: gorria dakusat, gorria den zerbait ikusten ari naiz, odol-tanta hau gorria dela
dakusat,... Balioen kasuan parekorik ez dago. Gertakari horrek azal dezake koloreei
atxikitzen zaien sentimenduen edo sentsazioen fenomenologia (edo mapa) argiagoa
izatea balioei atxikitzen zaiena baino, horrelakorik baldin badago. Dena dela, eman
dezagun pertsona batek baduela sentsazio moralen fenomenologia edo mapa argi bat: (i)
argi eta garbi bereizten ditu zerbaiten aldeko edo kontrako sentsazioak, (ii) sentsazio
moralen mailaketa egiteko gauza da,... Hortaz, balioen eta koloreen kasuak
elkarrengandik gertu leudeke. Hala eta guztiz ere beste arazo bat sortzen da: nola bereizi
moralari atxikitzen zaion sentsazioen maparen eta, esaterako, erlijioso-sekta bateko
partaide izatearekin lotutako sentsazioen maparen artean?24 Sekta bateko partaideak ere,
ekintza baten aurrean, sentsazioak ditu, eta, horrenbestez, balorazioak egiten ditu. Zeren
arabera esan dezakegu sentsazioen azken mapa hori ez dagokiola moralari? Jehovaren
lekuko batek odol-transfusioak egitea gaizki dagoela adierazten du. Pentsa daiteke,
23 Stroud (1999)-n agerian gelditzen dira koloreen gaineko disposizionalismoak dituen arazoak
koherenteki formulatua izateko (Stroud (1999), 7. kapitulua). Ariketa interesgarria da arazo horiek balioen
kasuan aztertzea. Ez da hori lan honetan egingo dudan ahalegina. Suposatuko dut, bada, horrelako
arazorik ez dagoela eta disposizionalismoa koherenteki formulatu daitekeela. 24 Darwall-Gibbard-Railton (1992), 157-58.
18
disposionalismoaren ildotik, balorazio hori lekukoak duen sentsazio batekin loturik
dagoela. Aitzitik, Jehovaren lekukoa ez den pertsona bat odol-transfusioak egitearen
alde ager daiteke. Azken kasu horretan ere, disposizionalismoaren ildotik berriro ere,
balorazioa sentsazio bati atxikita adierazten da. Zein da irizpidea kontrakoak diren
sentsazio horietako bigarrena moraltzat hartzeko? Nola bereizi sentsazio morala morala
ez den sentsaziotik? Irtenbide bakarra da sentsazioen mapa identifikagarria izatea modu
independente batez, hau da, sentsazioak balorazio moraletatik independenteak izatea.25
Izan ere, balorazio moralik aipatu gabe gauza al gara sentsazio moral bat
identifikatzeko? Zeren arabera?
(2) Goiko arazoarekin loturik begi bistako beste arazo bat erlatibismoarena da.
Balioak erantzunaren mendeko propietateak baldin badira, nola saihestu pertsona
batzuek tortura zuzena dela esatea? Izan ere, pertsona horiek torturaren aurrean aldeko
sentimendua dute. Koloreen kasuan, jakin badakigu egon badaudela estrategiak
koloreen gaineko judizio okerrak zuzentzeko. Estrategia horiek disposizionalismoarekin
bateragarriak direla pentsatu behar dugu. Ba al dago antzekorik balioen kasuan?
(3) Disposizionalista bati galdetuko bagenio E ekintza ea zergatik zuzena den,
haren erantzuna (arinki mintzatuz) hauxe litzateke: gustukoa dudalako. Baina, ondoren,
galde diezaiokegu ea zergatik duen gustuko. Erantzuna baldin bada 'E zuzena delako',
orduan gurpil batean barneratu gara: E zuzena da E zuzena delako. Erantzuna baldin
bada 'Z dela-eta', non Z-n ez den aipatzen ez nire burua ez E zuzena dela, orduan, Z-ren
kariaz, E zuzena dela esan dezakegu. Alabaina, Z-ren gaineko baldintzak kontuan
hartuz, teoria hori disposizionalista ez dela ondoriozta dezakegu nire erantzunak
kontuan hartzen ez direlako. Horrenbestez, badirudi disposizionalistak bi aukera dituela
25 Hori izan daiteke 1. arazo honi irtenbidea emateko aukera bat, hain zuzen ere, sentsazio moralen
fenomenologia independenteki definitu ahal izatea. Egia esateko, eszeptikoa naiz aukera horren aurrean.
Dena dela, hori posible izan arren, Stroudek erakutsi digu horrek arazo bat dakarrela (DI)
bibaldintzatzailea interpretzeko orduan. Hala, zaila litzateke bibaldintzatzailea hertsiki interpretatzea. Beraz, aukera bat gutxiago dugu bibaldintzatzailea interpretatzeko (Ik. Stroud (1999), 7. kapitulua).
19
zein baino zein txarrago: edo gurpil zoroetan murgiltzen da edo disposizionalista
izateari uzten dio. Auzia, bada, hauxe da, nola erantzun diezaioke disposizionalista
batek Spinozaren erronkari? X gustuko dudalako x ona dela juzgatzen al dut, edo x
gustuko dut ona dela juzgatzen dudalako?26
5. Hume eta disposizionalismoa
Humeren ikuspegian balorazio morala ez da gure sentimenduen adierazpide
hutsa. Balorazio moralak egiten ditugunean gure sentimenduek esku-hartze nabarmena
dute, baina balio moralak gauzetara (ekintzetara) proiektatzen ditugu.27 Bestalde,
balorazio morala ez da ulertu behar gure sentimenduen txosten gisa. Horrenbestez,
interpretazioz interpretazio,28 badirudi Hume ez dela ez emotibista ez deskriptibista.
Balio moralak erantzunaren-mendeko propietateak dira, ekintzek dituzten propietateak,
hain zuzen ere. Disposizionalistak onartzen du bi perpaus hauen artean loturarik
badagoela: 'x zuzena da' eta 'x-ren aurrean, aldeko sentimendua dut'. Haatik,
disposizionalistak ez du onartzen 'x zuzena da' perpausak 'x-ren aurrean, aldeko
sentimendua dut' esanahia duenik.
Alabaina, erantzunaren mendekotasuna bi eratan uler daiteke, bata malgua
bestea zurruna.29 Adibidez,
(i) x barregarria da, baldin eta x-k B-rengan barregura eragiten badu.
26 Spinozak berak 'Spinozaren erronka' izendatu dudan horri erantzuna ematen dio: x ona dela juzgatzen
dugu gustuko dugulako. Spinoza (1677), III. Liburua, 9. Proposizioa. 27 Beharrezkotasun kausala ere munduan paratzen dugu, baina Humerentzat ez dago benetako
beharrezkotasun kausalik munduan. Humeren proiektua izan zen, hain zuzen ere, azaltzea zergatik
gizakiok uste dugun munduan beharrezkotasun kausala egon badagoela. Interesgarria litzateke aztertzea
balio moralen eta beharrezkotasun kausalaren arteko parekotasunak. 28 Garbi dago Humeren idazkiek aukera ematen dutela aipatu ditugun hiru interpretazio horiek
onargarriak izan daitezen. Dena den, badirudi interpretazio disposizionalista beste biei gailentzen ari
zaizkiela. Hala ere, ez da ahantzi behar disposizionalismoak berak barne-arazoak dituela. 29 Terminologia Kripke (1980)-tik eratorritakoa da.
20
(ii) x beroa da, baldin eta x-k B-rengan bero-sentsazioa eragiten badu.
Erantzunaren mendekotasuna bi eratan interpreta daiteke gutxienez, eta goiko bi
adibide horiek interpretazio horien ordezkaritzat jo daitezke. Kripkeren ideiei eutsiz, (ii)
intepretatu behar da eskuineko adierazpenak ('B-rengan bero sentsazioa eragiten du')
ezker aldeko adierazpenaren ('bero') erreferentzia finkatuko balu bezala. Horrek esan
nahi du, behin 'bero' hitzaren erreferentzia finkatu eta gero, beroak B-rengan bero
sentsaziorik ez eragitea litekeena dela beste zirkunstantzietan. Eman dezagun, 'bero'
terminoaren erreferentzia energia zinetiko handia dela. Horrenbestez, litekeena da beste
zirkunstantzia posible batzuetan energia zinetiko handiak (hau da, beroak) ez eragitea
bero-sentsaziorik B-rengan. Arinki esanda, (ii)-k tratatzen du beroa erantzunaren
mendeko propietatea balitz bezala, baina erreferentzia finkatze dela-eta, azken buruan,
beroa propietate objetibo (energia zinetiko handi) bihurtzen zaigu. Beste era batean
adieraz daiteke ideia bera: (ii) perpausa bibaldintzazko perpaus gisa interpretatzen
baldin badugu (ez, ordea, 'bero' terminoaren erreferentzia finkatze gisa), eta Kripkeren
argudioak onak baldin badira, (ii) egia beharrezkoa ez dela ondoriozta daiteke.
Egoera desberdina da (i) kasuan. Eman dezagun The Philadelphia story filmak
benetan (actually) barregura sortzen duela nigan (B=ni). Hala, film hori barregarria da.
Hala eta guztiz ere, pentsa dezakegu beste zirkunstantzia posible batzuetan, non film
berak ez duen sortzen barregurarik nigan. Agi denez, intuitiboki bederen, filma
zirkunstantzia horietan barregarria ez dela esango genuke. Horra hor, beraz, aldea (i) eta
(ii) kasuen artean. Lehenengo kasuan erantzunaren mendekotasuna ez da zurruna, bai,
ordea, bigarren kasuan. Beste era batean adieraz daiteke ideia bera: (i) perpausa
21
bibaldintzazko perpaus gisa interpretatzen baldin badugu, (i) egia beharrezkoa dela
ondoriozta daiteke.30
Arinki mintzatuz, lehenengo kasuan badirudi erantzunaren mendekotasuna
benetakoa dela: ez dago zirkunstantziarik non filma barregarria den eta filmak berak
nigan barregurarik eragiten ez duen. Beroaren kasuan badago zirkunstantziaren bat non
x beroa den eta x-k nigan bero-sentsaziorik eragiten ez duen (Kripkeren ideiak onartuz
gero). Hortaz, badago erantzunaren mendekotasuna adierazteko modu bat erantzunaren
mendeko propietatea propietate objektiboetara hurbiltzen duena. Adibidez, beroaren
kasuan, beroa=energia zinetiko handia identifikazio teorikoa finkatzen dugu, eta
identifikazio hori ezinbestean egiazkoa da: berdin dio zirkunstantzia batean beroak (edo
energia zinetiko handiak) bero-sentsazioak eragiten dituen edo ez. Barregarriaren
kasuan ez dago parekorik, alegia, ez dago ezinbestean egiazkoa den identifikazio
teorikorik. Baina, orduan, zergatik eutsi erantzunaren mendekotasunari beroaren
kasuan? Erantzuna, laburra bada ere, hauxe izan daiteke: beroaren nahiz barregarriaren
kasuan, bietan, propietateari erreferentzia egiteko kontzeptu bat (eta predikatu bat)
erabiltzen dugu eta kontzeptu horrekin a priori lotzen dugu erantzunaren
mendekotasuna adierazten duen bibaldintzazko perpaus bat, (i) edo (ii) bezalako
perpaus bat, hain zuzen ere.31
30 Badago beste bide bat ideia bera adierazteko. Esaterako, (ii)-n 'B-rengan bero-sentsazioa eragiten du'
adierazpenak 'bero' adierazpenaren erreferentzia finkatzen duela esan beharrean, (ii) honela berradieraz
daiteke:
(iii) x beroa da, baldin eta benetan x-k B-rengan bero-sentsazioa eragiten badu. 'Benetan' horri esker ('actually' ingelesez) eskuin aldeko adierazpena zurruntzen dugu, eta testu nagusian egin dugun bereizketa bera adierazi daiteke. Orain, beroaren kasuan, (iii) egia beharrezkoa da. 'Bero' hitzaren ordez 'barregarri'
kontuan hartuz gero (iii)-n, berori ez da egia beharrezkoa izango. Bereizketa horiek xehetasunez garatzen
dira López de Sa (2002)-n, 3.3 atala. Beroaren azterketa jada klasikoa Kripke (1980)-n. Zurruntzeko
prozedurari buruz, ik. Davies-Humberstone (1980).
31 Irtenbide honen gainean nire zalantzak ditut. Arrazoia sinplea da: badirudi beroarekin (eta
barregarriarekin) jarraitu dudan estrategiaren antzeko bat proposa daitekeela biribila izatearen kasurako.
Adibidez, 'x biribila da, baldin eta x-k B-rengan biribila-sentsazioa eragiten badu'. Pentsa daiteke denok
lotuko genukeela a priori horrelako bibaldintzazko bat biribila izatearen kontzeptuarekin. Kontua da filosofoek -ia guztiek esango nuke- biribilaren kasua ez luketela onartuko erantzunaren mendeko
22
Laburbilduz,
Aurreko atalean ikusi dugu zer nolako arazoak eduki ditzakeen balioen gaineko
ikuspegi disposizionalistak. Nire susmoa da aipatu ditudan hiru arazo horiek mataza
batean txirikordatzen direla. Orain mataza horretan hari gehiago korapilatu ditugu,
erantzunaren mendekotasuna ulertzeko bi modu orokor, gutxienez, bereizi ditugulako:
non kokatu balioak? Beroaren propietatik gertu edo, aitzitik, barregarria izatearen
propietatik gertu? Bada garaia, beraz, mataza hori askatzeko, edo, behintzat, mataza
askatzeko humear bide bat erakusteko.
Humeren irtenbidea, mataza askatzeko aukera ahalbidetuko duena, honela labur
daiteke:
(H1) Sinpatiaren prozesua funtsezkoa da balorazio morala ulertzeko. Izan ere,
Sinpatia balorazio moralaren zergatia da, alegia, ekintzatik balorazio morala egiten duen
pertsonarenganako zubia (T. 575-578). Egia esateko, sinpatiaren prozesua funtsezkoa da
zeharkako grinak ulertzeko (harrotasuna, apaltasuna, maitasuna, gorrotoa,... (T. II.
liburua, lehenengo eta bigarren zatiak)). Geroago ikusi dugu zeharkako grinetatik
moralaren erresumara doan jauzia. Sinpatiaren bitartez minez (pozik) dagoen
pertsonaren mina (poza) suma dezaket. Dena dela, sinpatia ez da arrazoimenaren
bitartez burutzen dugun zerbait, hain zuzen ere, prozesu induktiboaren antzekoa izan
zitekeen zerbait. Sinpatia, ordea, gizakiek dugun baliabide natural bat da: horrela
jokatzen dugu, horrelakoak gara. Sinpatiaren iturria ez da arrazoimena, gure izateko era
baizik. Beste pertsona batek duen mina ‘ikustetik’ minaren inpresioa izatera igarotzen
gara. Inpresio hori grinen iturri bihurtuko da.
propietate gisa. Beraz, arazoak egon badaude. Dena dela, arazo horiek gaindi daitezkeela suposatuko dut
lan honetan. Konponbide posible bat, López de Sa (2002), 1.3 atalean.
23
(H2) Baina sinpatia aldakorra da zenbait faktoreren arabera. Esaterako pertsonen
arteko distantziaren arabera (T. 481). Ez dira berdinak nire semea minez ikustean
sumatzen dudan mina eta telebistan ume bat minez ikustean sumatzen dudana.
(H3) Aitzitik, sinpatia kausatzat duen sentimendu eta balorazio morala ez da
aldakorra (T. 472). Hori da, hain zuzen ere, sentimendu moralaren ezaugarri nagusia,
egonkortasuna.
(H4) (H2) eta (H3) baieztapenetatik ondoriozta daiteke balorazio morala ezin
dela sinpatiaren mendean egon, bata aldagaitza delako eta bestea, ordea, aldakorra (T.
581).
(H5) (H4)-n proposatutako argudioari aurre egiteko Humek bere teoria moralean
ardatz nagusia izango den tesia ezartzen du: horrelako aldaketak gerta ez daitezen eta
balorazio morala egonkorragoa izan dadin ekintzak ikuspegi tinko eta orokor (steady
and general) batetik behatu behar dira (T. 582). Ikuspegi tinko eta orokor horrek
eskaintzen digu gure bat-bateko sentimenduak zuzentzeko ahalmena. Nonbait, gure
partikulartasunetik haratago joan beharra dago balorazio morala egin ahal izateko.
Ikuspuntu tinkoaren orokortasuna bi zentzutan uler daiteke: orokorra da gure
partikulartasunaren berezko ezaugarriak bide bazterrean uzten ditugulako, edo orokorra
da pertsona guztien onura aintzat hartzen delako. Bereizketa hori errelebantea da bertute
natural/artifizial bereizketari dagokionez. Ez naiz murgilduko xehetasun horietan.
Ikuspegi partikularretatik ikuspegi orokorrerako jauzian irudimenak zeresan handia
dauka (T. 587).32
(H6) Hortaz, balio moralen erantzunaren mendekotasuna honela formula
daiteke:
32 Baillie (2000), 190-199.
24
(M) x zuzena da, baldin eta x-ren aurrean B-k, ikuspuntu tinko eta orokorrean
kokatuta, aldeko sentimendua badu.
(H1)-(H6) kontuan hartuz, hurrengo helburua da printzipio horien bitartez nola
bidera daitekeen aipatu dugun matazaren askatzea.
(1) Sentsazio moralen fenomenologia edo mapa aipatu dut.33 Justifikatu dut
sentsazio moralak identifikatzeko irizpide baten premia daukagula. Orain, (H3) aintzat
hartuz, irizpidea zehazteko aukera antzeman daiteke. Humek berak esaten digu
interesari dagozkion sentimenduak eta moralari dagozkionak nahastu izan direla
sarritan, baina, hala ere, bien artean bereizteko aukera egon badago (T. 472). Jakina,
bereizgarri hori (H5)-ean aipatu dugun ikuspegi tinko eta orokorrarekin lotuta dago.
Egonkortasuna da sentimendu moralaren ezaugarri nagusia.
(2) Erlatibismoari34 aurre egiteko antzeko erantzuna ere eman dezakegu.
Erlatibismoaren iturria sinpatiaren prozesuaren malgutasunean edo norberaren
kokapenaren partzialtasunean erro daiteke. Alabaina, ezaugarri horiek guztiak gaindi
daitezke ikuspegi tinko eta orokorrera joz gero. Pentsa dezagun hautematearen kasuan.
Beste propietate batzuen inguruan ere, erlatibismoa gainditzeko, antzeko estrategiak
jarraitzen ditugu. Objektu bat, biribila dena, eliptiko ikus dezakegu ikuspegi partikular
batetik behatuz gero, eta, hala ere, gure ikuspegi partikular hori zuzentzen dugu, eta
objektua benetan biribila dela ondorioztatzen dugu. Antzeko prozedura jarraitzen dugu,
Humeren iritziz, moralaren esparruan. Pentsa daiteke beste sentsibilitate bat duten izaki
batzuek torturaren aurrean aldeko sentimenduak dituztela. Hala eta guztiz ere,
torturatzea ez litzateke zuzena izango, torturak guri -geure burua ikuspuntu tinko eta
33 4.3 azpiatala, (1) arazoa.
34 4.3 azpiatala, (2) arazoa.
25
orokorrean kokatzen dugunean- kontrako sentimendua eragiten digulako. Baten batek
esan dezake: baina hemen bertan, gure munduan, badago jendea torturaren aurrean
pozik agertzen dena. Hori egia da, baina Humek erantzungo luke: ados, baina horrek
esan nahi du edo ez duela ikuspegi tinko eta orokorrerako jauzia eman, edo jauzi hori
egitean arazoak izan direla. Arazo horiek gaindituz gero, adostasunaren aldeko apostua
egingo luke Humek.35
(3) Hel diezaiogun Spinozaren erronkari.36 X zuzena da, ikuspuntu tinko eta
orokorretik ikusita aldeko sentimendua eragiten duelako. Baina, zergatik eragiten du
aldeko sentimendua? Humek ekartzen dizkigu gogora grina eta sentimendu guztien
erraietan dauden inpresioak: atseginak eta minak. Aldeko sentimendua dut, azken
buruan, x-k sortzen duen atsegina mina baino handia delako.37 Ildo horretatik, ez dakit
irtenbide egokia topatu diogun Spinozaren erronkari: x ona da, aldeko sentimendua
sortzen duelako, baina aldeko sentimendua sortzen du eragiten duen atsegina mina baino
handia delako. Horrenbestez, pentsa daiteke Humeren ikuspegia honako honetan
laburbil daitekeela:
(A) x ona da, baldin eta x-k sortzen duen atsegina mina baino handiagoa bada
(beti ikuspegi tinko eta orokorretik ikusita).
(A) baieztapenean erantzunaren mendekotasuna desagertu zaigu, ez baita aipatu
ere egiten aldeko edo kontrako sentimendurik. Egia esateko, (A)-k zer pentsatu ematen
digu.
35 Arazoak mota desberdinekoak izan daitezke: aurreiritziak, ezjakintasuna, sen onaren eza,… Ik. Hume
(1757) eta Baillie (2000). 36 4.3 azpiatala, (3) arazoa.
37 Bertute artifizialen kasuan, justizia kasu, mina eta atsegina gizarte mailan aztertu behar dira. Ez da
harritzekoa, beraz, bide horretatik utilitarismo batera iristea. Behin baino gehiagotan aipatua izan da
Humeren utilitarismoa. Utilitarismoa ikuspegi moral objektibista da, eta, ildo horretan,
disposizionalismoaren kontrakoa. Beraz, Humerekin lotuta agertzen zaizkigu ikuspegi objektibistak eta
subjektibistak. Ez dut aztertuko auzi hori.
26
Gorago aipatu ditut erantzunaren mendekotasuna interpretatzeko bi modu
desberdin. (A)-k, nire ustez, argi eta garbi uzten du Humeren disposizionalismoa
erantzunaren mendekotasunaren gaineko ikuspegi zurruna dela, hau da, goian ikusitako
beroaren kasuaren tankerakoa. Esan daiteke ‘x-ren aurrean B-k, ikuspuntu tinko eta
orokorrean kokatuta, aldeko sentimendua du’ deskripzioak ‘ona da’ (edo ‘zuzena da’)
predikatuaren erreferentzia finkatzeko erabiltzen dugula. Behin erreferentzia hori
finkatu eta gero, identifikazio teoriko bat lortzen dugu, hain zuzen ere, (A)-n jasotzen
den identifikazio teorikoa. Gero, beste zirkunstantzia batzuetan, nahiz eta B-k beste
sentimendu batzuk izan, ekintzak zuzena izaten jarraituko du. ‘Ikuspuntu tinko eta
orokorrean kokatuta’ adierazpena da, hain zuzen ere, zurruntzailearena egiten duena,
beroaren kasuan ‘benetan’ adierazpenak egiten duen bezalaxe.38
Ildo horretatik, egungo eztabaidetan kokatu nahiko bagenu Humeren teoria
morala, balioen erantzunaren mendekotasuna aldarrikatzen duten teorien artean kokatu
beharko genuke. Dena dela, kontuan izanik ikuspegi tinko eta orokorrerako jauzia,
erantzunaren mendekotasuna zurruna bihurtzen zaigu, eta, horrenbestez, ontologikoki
bederen, subjektibotasuna objektibotasun bilakatzen da; izan ere, balioak beroaren
propietatearen antzekoak dira. Hala, Humek subjektibotasunak dituen berezko arazoak
gaindi ditzake, batez ere, erlatibismoaren arazoa. Haatik, beste mamu batzuk agertzen
dira. (A)-k laburbiltzen duen teoriak asebete al dezake Humek balioei atxikitzen dien
ezaugaririk garrantzitsuena? Alegia, balio moralek, (A)-k dioen eran ulertuak,
ekintzarako motibaziorik eskaintzen al dute? Printzipioz zaila dirudi. Zurruntze-
prozedurak arrazoimenak eta irudimenak burutzen duten prozedura dirudi. Eta Humek
argudiatzen du arrazoimenak ez duela motibatzeko ahalmenik (T. 458).39 Hume jabetzen
da arazo horretaz, eta saiatzen da erakusten zurruntze-prozedura ez dela arrazoimenak
38 Ik.gorago (i), (ii) eta (iii) adierazpenei buruz esandakoa.
39 Esan bezala, argudio horrek teoria ez-objektibistak babesten dituela onartzen da orokorrean. Onarpen
horren gainean duda egiten du Cohonek. Ik. Cohon (1997b).
27
eta irudimenak soilik burutzen duten prozedura. Ikuspegi tinko eta orokorrean ere
sentimenduak gureganatzen ditugu -sinpatiaren prozesua kasu horretan ere abian jartzen
da-, baina sentimendu orekatuagoak, egonkorragoak, zenbaitetan gure kokapen
partikularrean ditugun sentimendu bortitzago eta desorekatuagoekin borroka egiten
dutenak. Are gehiago, sentimendu moralek bestelako sentimenduak zuzentzeko
ahalmena dute. Xehetasunak xehetasun, kontua da ikuspegi tinko eta orokorrak dakarren
zuzenketa edo aldaketa ez dela arrazoimenak eta irudimenak soilik burutzen duten
prozesu bat; sentimenduek badute zeresana, eta horren arabera balio moralek
berenganatuko dute motibatzeko ahalmena.40 Beraz, Spinozaren erronkara itzuliz, esan
daiteke x ona dela, geure burua ikuspegi tinko eta orokorrean kokatzen dugunean aldeko
sentimenduak sortzen dituelako. Sentimendu hori sortu ezean, ez dago balorazio
moralik. Pertsona batek jakin dezake ekintza batek gaitza eta mina baino atsegina ekarri
duela. Hala ere, aldeko sentimendurik ez baldin badu sumatzen, haren ustezko balorazio
moralari faltako zaio balorazio moralak berezko duen ezaugarri bat, alegia, motibatzeko
ahalmena. Beraz, Spinozak eta Humek bat egiten dute Spinozaren erronkari dagokionez.
6. Ondorioak
Humeran teoriak disposizionalista dirudi, baina zentzu zurrun batean. Hortaz,
ontologikoki balioek beste propietate objektiboen antza dute. Dena dela, semantikoki
edo kontzeptualki balioak erantzunaren mendekoak dira.41 Zurruntze-prozedura ikuspegi
tinko eta orokorraren bilaketan datza. Prozedura horretan daude Humeren teoria
moralaren giltzarriak. Prozedura horrek dakar zurruntasuna eta balioen objektibotasuna
40 Ik. Cohon (1997a). Bertan deskribatzen da xehetasunez Humeren teoria: ikuspegi tinko eta orokorrean
sortzen diren sentimenduak, sentimendu horien eta gure kokapen partikularrean sortutakoen arteko
tirabira,... 41 Ik. Vallentyne (1996), 5. atala. Bertan bereizketa hori garatzen da.
28
(balio artifizialei dagokienez Hume utilitarismotik gertu dago, eta utilitarismoa ez da
teoria subjektibista bat), baina, aldi berean, subjektibotasunari eusten zaio balorazio
morala gertatzeko sentimendu moralak -hau da, ikuspegi tinko eta orokorrean
sumatutakoak- premiazkoak direlako. Sentimendu horri esker judizio moralak
notibatzeko ahalmena eskuratzen du. Ez dakit mahai gainean jarri ditudan pieza guztiek
(pieza horiek zuzenak baldin badira) koherentea den zerbait osatzeko gaitasuna ote
duten edo ez. Beste behin baterako utziko dut lantegi hori.
Disposizionalismoak arrakasta izan du zenbait propietate mota tratatzeko: mina,
barregarria izatea, beroa, gorria izatea, ederra izatea, zuzena izatea,… Minaren kasua
berezia da, mina sentimendu bat delako. Gainerako kasu guztietan, propietateak ez dira
nahasten sentimenduekin. Haatik, gainerako kasu guztietan, propietateen eta
sentimenduen artean lotura estua dago. Hori da disposizionalismoaren giltzarria. Dena
dela, lotura horiek ere mota desberdinekoak izan daitezke. Nire interpretazioan, moralari
dagokionez, Humeren disposizionalismoa zurruna da, eta, ildo horretatik, gertuago
gaude beroaren kasutik barregarria izatearen kasutik baino. Hala ere, nire irudipena da,
neurri batean bederen, Humeren pentsamendua behartzen ari garela egungo
eztabaidetara egokitu nahian, eta ez dakit Humek berak bere testuetan baliabideak
ematen dizkigun egungo eztabaidetan haren teoriak behar bezala kokatzeko. Seguru
asko, zenbait eztabaidagai dela-eta, erantzun zehatzik ez dugu izango haren idazkietan.
Azterketa hori ere beste behin baterako utziko dut.
Amaitzeko, hona hemen paralelismo bat. Badirudi gure kokapen partikularretan
ditugun sentimenduek zentzumen-datuen antzekoak direla. Zentzumen-datuak ez dira
kontrol pean sortzen diren gauzak: sortzen dira eta kitto. Sortzen dira (g)izakiak duen
izateko eraren eta norberaren kokapenaren arabera. Baina zentzumen-datu horiek gero
findu behar dira, eta ondoriozta dezakegu eliptikoa zirudiena benetan biribila dela. Hor,
29
tartean, prozesu konplexu bat gertatu da, hasierako diagnostikoa zuzentzera eraman
gaituena. Antzeko zerbait gertatzen da ikuspegi tinko eta orokorrerako jauzi ematen
dugunean. Baten batek galde dezake, baina merezi al du jauzi hori ematea? Zergatik eta
zertarako jauzi hori? Azken buruan, zergatik jokatu behar dugu moralki? Erantzunaren
arrastoa zentzumen-datuetan oinarritutako paralelismoan topa dezakegu. Zergatik pasa
norberaren zentzumen-datuetatik (non objektuak eliptikoa dirudien) objektuaren forma
biribil horretara? Jauzi hori emango ez bagenu, gure biziraupena kolokan legoke. Jauzi
horrek inguruan dauzkagun gauzen artean bizitzeko egonkortasuna eta, halaber,
adostasuna ematen dizkigu, eta etorkizunean gauza horien jokabideak aurresateko
ahalmena ere ematen digu. Azken buruan, bizitzeko behar den egonkortasun eta
ordenamendu minimoa eskaintzen du. Horrelako jauzirik gabe zaila dirudi bizi ahal
izateak. Moralak ahalbidetzen du bizikidetzak eskatzen dituen egonkortasun eta
adostasun minimoa, eta horrek giza-biziraupena. Beraz, nigandik gureganainoko jauzia
ez da aukera dezakedan zerbait. Premiazkoa da denontzat eta norberarentzat. Norberaren
ikuspuntutik puntu tinko eta orokorrerako jauzia ematea ezinbestekoa da bizirauteko.
'Moral pribatua' adierazpenak kontraesan bat darama bere gain.
Erreferentziak
Arrieta, A. (2002), Zertaz dihardu filosofiak? Donostia: Jakin.
Arrieta, A. (2003), Idénticos, indiscernibles y duplicados. Ebaluaketa prozesuan.
Ayer, A.J. (1936), Language, Truth and Logic. Bigarren arg., 1946, New York:
Dover, 1952.
30
Ayer, A.J. (1980), Hume. Oxford: Oxford University Press. (Gaztelaniazko
itzulpena, Hume. Madril: Alianza, 1988. Itzultzailea: J.C. Armero. Orri aipuak
gaztelaniazko itzulpenari dagozkio.)
Baillie, J. (2000), Hume on morality. Londres: Routledge.
Blackburn, S. (1999), Rulling Passions. Oxford: Oxford University Press.
Cohon, R. (1997a), The Common Point of View in Hume's Ethics.
Philosophical and Phenomenological Research LVII(4), 827-851.
Cohon, R. (1997b), Is Hume a Noncognitivist in the Motivation Argument.
Philosophical Studies 85, 251-266.
Darwall, S., Gibbard, A. & Railton, P. (1997a), Toward Fin de siècle Ethics:
Some Trends. The Philosophical Review 101(1), 115-189.
Darwall, S., Gibbard, A. & Railton, P. (bil.) (1997b), Moral Discourse and
Practice. Oxford: Oxford University Press.
Davies, M., Humberstone, Ll. (1980), Two Notions of Necessity. Philosophical
Studies 38, 1-30.
Harman, G. (1986), Moral Agent and Impartial Spectator. Lindley Lecture,
University of Kansas, 1-15.
Hume, D. (1739), A Treatise of Human Nature. Oxford: Clarendon Press, 1978.
(Gaztelaniazko itzulpena, Tratado de la naturaleza humana. Madril: Alianza, 1988.
Itzultzailea: F. Duque.)
Hume, D. (1757), Of the Standard of Taste. Honako liburuan: Miller, E.F. (bil.)
(1985), Essays on Moral, Political and Literary. Indianopolis: Liberty Classics.
Johnston, M. (1989), Dispositional Theories of Value. Proceedings of the
Aristotelian Society suppl. 63, 139-174.
31
Kripke, S. (1980), Naming and Necessity. Cambridge, Mass.: Harvard
University Press. (Gaztelaniazko itzulpena, Del nombrar y la necesidad. Mexiko:
UNAM. Itzultzailea: M.M. Valdés.)
Locke, J. (1690), An Essay concerning Human Understanding. Oxford: Oxford
University Press, 1975. (Euskarazko itzulpena, Giza adimenari buruzko entseiua (I,II).
Bilbo: Pentsamenduaren klasikoak, 1998. Itzultzailea: A. Gabikagogeaskoa.)
López de Sa, D. (2002), Response-Dependencies: Colors and Values. Doktore-
tesia. Bartzelonako Unibertsitatea.
McDowell, J. (1985), Values and Secondary Qualities. Berrargitaratua Darwall-
Gibbard-Railton (1997b)-an, 201-215.
Moore, G.E. (1912), Ethics. Oxford: Oxford University Press. (Gaztelaniazko
itzulpena, Ética. Madril: Encuentro Ediciones, 2002. Itzultzailea: M. Cardenal. Orri
aipuak gaztelaniazko itzulpenari dagozkio.)
Mumford, S. (1998). Dispositions. Oxford: Clarendon Press.
Rachels, J. (1986), The Elements of Moral Philosophy. Londres: McGraw Hill.
Spinoza, B. (1677), Etika. Bilbo: Pentsamenduaren klasikoak, 1997. Itzultzailea:
P. Charritton.
Stevenson, C.L. (1937), The Emotive Meaning of Ethical Terms. Mind
46(1937), 14-31. (Gaztelaniazko itzulpena, 'El significado emotivo de los términos
éticos', liburu honetan: Ayer, A.J. (bil.) (1959), El positivismo lógico. Mexiko: F.C.E.,
1993, 269-287. Orri aipuak gaztelaniazko itzulpenari dagozkio.)
Stroud, B. (1977), Hume. Londres: Routledge.
Stroud, B. (1999), The Quest for Reality. Subjectivism and the Metaphysics of
Colour. Oxford: Oxford University Press. (Gaztelaniazko itzulpena, La búsqueda de la
realidad. Madril: Síntesis, 2002. Itzultzailea: J. Valor.)
32
Vallentyne, P. (1996), Response Dependence, Rigidification and Objectivity.
Erkenntnis 44, 101-112.
Wiggins, D. (1987), A Sensible Subjectivism. Berrargitaratua Darwall-Gibbard-
Railton (1997b)-n, 227-244.