AUZOKONPOSTARAKO GIDA

12
Etxean konpostatzeko gida

description

ETXEAN KONPOSTA EGITEKO GIDA

Transcript of AUZOKONPOSTARAKO GIDA

Page 1: AUZOKONPOSTARAKO GIDA

Etxean konpostatzeko gida

Page 2: AUZOKONPOSTARAKO GIDA

Zalantzak argitzeko:i [email protected]

943 147 010

ZESTOAKO UDALAINGURUMEN SAILA

Page 3: AUZOKONPOSTARAKO GIDA
Page 4: AUZOKONPOSTARAKO GIDA

Oinarrizko 4 arauak

1. Konpostagailua zuzeneanlurzoruaren gainean jarriMateria organikoa desegitean sortzen denzukua lurrera isurtzen da eta ingurukolandarediak baliatu egiten du. Konpostagailua ez dugu inoiz zementuaren edo adreiluen gainean jarriko.

2. Materia hezea eta lehorrabolumen berdinetan nahastuSukaldeko hondakinak, soropila eta landareen atal samurrak materia hezea dira, eta nitrogeno asko dute. Hostoak, belar lehorra, inausketahondarrak,lastoa, txirbilak eta zerrautsa atallehorrak dira, eta karbono asko dute.

ETXEAN KoNposTATZEKo GIDA

3. Metatutakoa nahastuNahasten dugunean, goiko geruza irauli behar dugu. Horrela, aireztatu egiten da eta hondakin organikoen geruzak ez dira trinkotzen. Ez da konpostagailu barruko meta guztia irauli behar.

4. Hezetasuna kontrolatuMeta ez da lehortu behar. Ureztatzen dugunean hedatzailearekin egin behar dugu, ura ondo banatuko dela ziurtatzeko. Konpostagailua itzalean badago, ez dugu ia inoiz ureztatu beharko. Eguzkitan badago, uztailean eta abuztuan, behin edo bitan ureztatu beharko dugu.

Page 5: AUZOKONPOSTARAKO GIDA

Konpostagailua

Termo-konpostagailuak konpostatze-prozesua egiteko ontziak dira. Ontziek espazio bertikala baliatzen dute eta konposatua txukun gordetzen dute (orain arte, konposta lurzoruan bertan edo zulo batean egiten zen, guztien begi-bistan).

%100 plastiko birziklatuarekin eta birziklagarriarekin eginak daude. Beren diseinuak hondakin organikoa ongarri bihurtzen duten mikroorganismoentzako aireztatze egokia bermatzen dute. Gainera, airearen zirkulazio onak, metaren barruan, hezetasun eta tenperatura egokia mantentzen laguntzen du. Horrela, usainik eta eltxorik gabeko deskonposizio lasterra lortzen da, urtaroaren arabera, gutxigorabehera, 4-6 hilabete bitartean. Horma termikoek luze irauten dute eta, barruan, klima ezin hobea mantentzea bermatzen dute. Gainera, izpi ultramoreak egonkortzen ditu eta, horrela, denbora luzean, ez da hormetan pitzadurarik sortzen. Konpostagailu-modelo horrek txiki geratu daitekeen kasuetarako irtenbide erraza eskaintzen du; “handitzeko kit-ak” erantsi behar zaizkio, eta ez da konpostagailua bera aldatu behar.

Muntaia eta kokapena

Konpostagailua, lorategian eta sukaldetik gertu jartzea da egokiena. Sukaldeko hondakinak eta landarediak nahastuta egindako konposta askoz ongarri aberatsagoa da eta, gainera, lasterrago lortzen da. Konpostagailua leku urrun eta ilunean jarriz gero, neguan, goiz ilundu eta hotz egiten duenean, zailago egingo zaizu konpostagailua dagoen lekuraino joatea.

Gainera, konpostagailua estimatzen duzun zuhaitz edo zuhaixka baten ondoan muntatu badezakezu, inoiz baino lore edo fruitu gehiago emanez eskertuko dizu.

Ondoko marrazkian konpostagailua muntatzeko argibideak dituzu, konpostagailu berarekin batera ere badatoz ohar hauek.

Page 6: AUZOKONPOSTARAKO GIDA

Nola lortu materia?

Materiahezea

Sukaldetik eta lorategitik nahikoa materiaheze jasoko dugu. Sukaldeko hondakinak osoekarpen ona dira eta lorategiko edo baratzekobeste zenbait material baino lasterragodesegiten dira. Udan, materia heze gehiagoizaten da lorategian landaredi gehiago izatendelako eta fruitu eta barazki gehiago izaten dengaraia delako.

Fruitu-hondarrak. Oso ekarpen ona dira lasterdesegiten baitira. Udan, zuku gehiago izan ohidute eta ekartzen duten gehiegizko hezetasunamateria lehorrarekin orekatu beharko dugu.

Materialehorra

Materia lehor gisa hainbat material erabil dezakegu. Guztiak dira landare-jatorrikoak. Normalean, neguan behar adina izango dugu (inausketa-hondarrak eta hosto lehorrak) baina,udan, posible da falta izatea. Ondorengo aholkuak jarraitzea gomendatzen da, Konpostatzeko Oinarrizko Lau Arauetakobigarrena ondo egiten dugula bermatzeko.

Inausitako adaxkak birrindu. Adaxkak birrindu egin behar dira konpostagailutik errazago atera ahal izateko. Adarrak konpostagailura oso-osorik botaz gero, oso zaila izango da nahastea eta konposta ondo egitea. Hau da irizpide nagusia: konpostagailura botatzen dugun inausitako adaxka ez da behatza baino askoz luzeagoa etalodiagoa izango.

Hosto lehorrak. Edozein hosto lehorrek balio dezake. Batzuek hostoa zuzenean botatzen dute konpostagailura, baina komeni da behar izango ditugunerako poltsetan gordetzea. Olibondo, ereinotz, altzifre edo pinu hostoak deskonposatzea zailagoa da osorik botatzen badira. Hala ere, denborarekin, konpost bihurtzen dira.

ETXEAN KoNp

ZosTATZEKo GIDA

Page 7: AUZOKONPOSTARAKO GIDA

Zer bota konpostagailura?

Barazki-hondarrak. Oso ekarpen ona dira.

Janari- eta ogi-hondarrak. Botatzen ditugunean meta ondo nahastu beharko da eta konpostagailuan nahikoa materia egon beharko da, karraskariak ez erakartzeko, lurretik gertuegi egon ez daitezen.

Haragi- eta arrain-hondarrak. Hezurrek denbora gehixeago behar dute desegiteko, baina ekarpen ona dira.

Arrautz-oskolak, mariskoa eta fruitu lehorrak. Txikitzea komeni da desegiteko denbora behar baitute.

Sukaldeko paper zikina. Sukaldeko papera ere konpostatu daiteke, baina kontuz ibili behar da papera ez dadin detergenteekin eta sukaldean erabili ohi diren beste substantzia kimikoekin zikindu.

Kafe eta infusio-hondarrak. Oso ekarpen ona dira.

Lorategiko landare-hondakinak. Luzeegiak badira komeni da moztea, batez ere, adar lodiak izanez gero. Zenbat eta txikiago moztu, errazago desegiten dira eta konpostatzea errazten dute. Oso ekarpen ona dira.

Zerrautsa eta txirbila. Aroztegiko hondakinak oso onak dira konposta egiteko. Konposta egiten duten askok baloratzen dituzte konpost fina egiten delako, baina beste batzuen iritzizkonpostagailuak hobeto funtzionatzen duinausitako adaxka birrinduekin eta lastoarekin.Edozein moduz, zerrautsak balio du konposta egiteko eta aroztegiek arazo gabe eman ohi dute.

Hondakin horiek erabiltzeko orduan, kontuan izan behar da zerrautsak konpostatze-prozesua mantsotu egiten duela. Hori saihesteko zerrautsa konpostagailuaren ondoan gorde dezakegu, taparik gabeko ontzi batean, erabili aurretik busti dadin.

Lastoa. Ez da beti erraza lastoa eskuratzea baina, jakin, hori dela konposta egiteko landare-material onenetakoa. Dentsitate baxua du eta, horri esker, metatutako nahasketak tenperatura oso altuak hartzen ditu.

Lastorik onena euritik babestu gabekoa da eta, hain zuzen ere, konposta-egile askok erabili baino aste batzuk lehenago ureztatu egiten dute deskonposatzen has dadin.

Belar lehorra. Belar lehorra lastoa bezalakoa da. Kolore berdexkarekin bereizten da. Garrantzitsua da lehorra egotea, horrela ezean, materia hezea izango bailitzateke eta beste materia lehor batekin konpentsatu beharko litzateke.

Udan, oso laster lehortu dezakegu, moztu ostean, adreiluen edo zimentuaren gainean eguzkitan hedatuta. Ondo lehortzeko, belarra ez dugu bi zentimetro baino geruza lodiagoetan jarriko.

Konposta-egile batzuek belarra mozteko orduan makinak biltzeko poltsarik gabe mozten dute, eta ordu batzuk geroago, makinari poltsa jarri eta berriz pasatzen dute. Horrela, belarra erraz jasotzen da, eta ia-ia erabat lehor.

.ETXEAN K

Page 8: AUZOKONPOSTARAKO GIDA

Konpostatze-faseak

Konposta bi fase nagusitan egiten da:

Lehen fasea deskonposizio-fase bezala ezagutzen da, nahiz batzuek “fermentazioaz” hitz egiten duten. Fase hori mikrobiojardueraaltuagatik ezagutzen da. Onddoek eta bakteriek gogor lan egiten dute metatutako materiala transformatzen eta beraien jarduerak 20ºC eta 70ºC arteko tenperatura altuak sortzen ditu. Prozesu horrek, konpost-metan dagoen materialaren arabera, hiru eta lau egun eta sei aste bitarteko iraupena izan dezake. Agente patogeno eta euli-larbak tenperatua altuan luzaz egoteak ziurtatu egiten du lortzen den konposatua erabat higienizatua izatea.

Deskonposizio-fasea beti gertatzen da konpostagailuaren goiko partean, gutxi gorabehera, lehen bi arra bete lurretan.

Bigarren fasea heltze-fasea da. Zenbait autorek hirugarren fase bat ere aipatzen dute “azken fasea”, baina, praktikan, laborategiko azterketarik gabe, ezin da antzeman. Heltze fasearen ezaugarria da ez duela berotasunik sortzen. Fase horretan, hainbat zomorrotxo egoten da begi-bistan. Berenfuntzioa metatutako materia organikoa egonkortzea da. Kasu askotan, intsektu horiek dira azken hondarrak txikitzen dituztenak, eta beste intsektu batzuek onddoen eta bakterienlana luzatzeko baldintza egokiak mantentzen dituzte edo aurreko guztiez elikatzen dira. Heltze-fasearen iraupena girotenperaturarenaraberakoa da. Horregatik, udako hilabeteetan asko laburtzen da eta neguko hilabeteetan, berriz, luzatu.

Iraupena: Arau orokor bezala, esan dezakegu konpost-meta bat materia desberdinez osatua dagoela eta Konpostatzeko Oinarrizko Lau Arauak betetzen baditugu konposta, udan, hiru hilabete eta erdi barru jaso dezakegula eta, neguan, sei hilabete barru.

ETXEAN KoNposTATZEKo GIDA

Page 9: AUZOKONPOSTARAKO GIDA

Konpostagailuan bizi diren insektuen garrantziaKonpost-metan bizitza indarrarekin agertzen da. Gertaera hori konpostaren osasun onaren adierazle da eta, konpostagailurik eduki ezean, agian, egongo ez liratekeen intsektuek on egiten diote baratzeari eta landareen osasunari. Gainera, landare-zorrien eta bestelako zomorroen izurriei aurre egiten lagundu dezakete.

Konpostagailuan ez dugu inoiz baratze gehienetan aurkitzen ez den intsekturik aurkituko. Gainera, ez dira konpostagailutik ateratzen, bertan bizitzeko tenperatura- eta hezetasun-baldintza egokiak aurkitzen baitituzte.

Oro har, konpostaren kalitate ona bertan dagoen bizitzaren araberakoa da.

Inurriak: Seguru asko, habia egingo dute. Hezetasun-faltaren adierazleak dira. Konposta jasotzean, habia egiteko beste leku baten bila abiatuko dira. Gainetik kendu nahi baditugu, nahikoa da konpostari irakitan dagoen kazola bete ur botatzea

Euliak: Euliak desagertarazteko, jarraitu gertakari eta anomaliei buruzko informazio-taula.

Bareak: Materia berdeak erakartzen ditu hori jaten baitute. Horrela, lorategiko gainerako landareak jatea sahiesten da.

Kukurutxak: Bi eratakoak daude. Batzuk ikutu orduko kiribildu egiten dira eta horiek konposta egina dagoela adierazten dute. Kolore argiagokoak, ostera, ez dira inoiz kiribiltzen. Bi motatakoak badaude konposta jasotzeko beste aste batzuk itxoin behar dugu.

Iputsardeak: Beste intsektu guztien harrapariak dira. Konpostagailuaren barruko eta kanpoko intsektu-biztanleriamantentzen laguntzen dute. Beren presentzia onuragarria da.

Baratzeko kakalardoa: Konpostagailuaren osasuna ezin hobea dela adierazten dute. Kakalardoak baratze guztietan daude eta landareen zati hilak kendu eta osasuntsu mantentzen dituzte.

Euli-larbak: Euli-larbak egoteak esan nahi du nahasketa ez dela orekatua izan. Ez dira kaltegarriak.Desagertarazteko jarraitu gertakari eta anomaliei buruzko informazio-taula. Asko egonez gero, konpostari irakitan dagoen kazola bete ur bota.

Page 10: AUZOKONPOSTARAKO GIDA

Gertakari eta anomaliakKonpostatzeko oinarrizko lau arauak jarraituz gero, konpostagailuak beti funtzionatuko du ongi, ezohiko gertakaririk gabe. Materia hezea eta materia lehorra neurri berdinean botata eta nahasita, (konpostatzeko oinarrizko 2. eta 3. arauak) konpost-metaren tenperatura asko igotzen da, kasu batzuetan, kea dariola jarri arte.

Horregatik, konpostagailuak ez du inoiz usain txarrik botatzen eta ez du eulirik erakartzen. Gainera, tenperatura horiek asteetan zehar mantentzen direnez, egon litezkeen organismo patogenoak desagertu egiten dira.

Gertakaria Esanahia Irtenbidea

Amoniako-usaina Belar gehiegi eta hosto gutxi.Oxigeno falta.

Materia lehorra gehitu eta ondo nahastu.

Ustel-usaina Hezeegia. Materia berde gehiegi. Materia lehorra gehitu eta ondo nahastu.

Katuak, txakurrak etaarratoiak

Ez dugu behar beste materialehor bota.

Materia lehorra gehitu eta ondo nahastu. Ordu gutxi batzuk barru konpost-metaren tenperatura igo egiten da eta animaliak ez dira usainarekin erakarriak sentitzen.

Konpost hotza Nahasketa ez da egokia. Giro-tenperatura jaitsi egiten da.

Sukaldeko hondakinak bota eta nahastu.

Konpost lehorraHezetasuna falta da. Ur gehiegi lurruntzen da.

Minutu batzuez ureztatu, ur zabaltzailea erabilita. Beheko partea oso lehorra badago, kendu eta materia lehor gisa erabili genezake

Eltxoak eta eulitxoakSukaldeko hondakinak konpostaren gainaldean geratzen dira, agerian.

Konpostagailuaren tapa itxi aurretik, materia lehorra geratu behar da agerian (inausitako adaxkak, hosto lehorrak, lastoa, zerrautsa...).

Euli-larbak

Nagusiki sandia eta meloi-hondarrekerakartzen dituzte.

Konpostagailuaren tapa itxi aurretik, materia lehorra geratu behar da agerian (inausitako adaxkak, hosto lehorrak, lastoa, zerrautsa...).

Hauts itxurako konposta

Belarra gaizki nahastua dagoeta konpostaren eraginez uralurrundu egin da.

Minutu batzuez ureztatu, ur zabaltzailea erabilita. Hurrengoan, belarra eta materia lehorra bolumen berdinean nahastuko ditugu.

Konposta jasotzeragoazenean, ez dagooraindik egina

Konposta beti lehortzen dakonpostagailuaren gainaldean

Metaren kanpoko aldea harraskatu eta, barruan, eginda dagoen konposta aurkituko dugu.

Page 11: AUZOKONPOSTARAKO GIDA

Noiz, non eta nola erabili konposta

Konpostagailutik kalitatezko konposta ateratzea bezain garrantzitsua da egoki erabiltzea. Konposta urteko zein sasoitanerabili, zertarako erabili eta nola erabili jakitea funtsezkoa da emaitza onak lortzeko eta konpostagailuan egindako lana ez alferrik galtzeko.

Zertarako Noiz Kantitatea

Baratzea Bilketaren ostean

1 Kg/m2. Ximaurra balitz bezala. Erabili baino aste bete lehenago ureztatzea komeni da, belar-txarren haziak ernamuindu daitezen.

Fruitu-zuhaitzak Udaberri hasieran edo udazkenean 1,25 Kg/m2 (2 cm-ko geruzan)

BelardiaUdaberrian, belarra moztu ostean urzurrustarekin ureztatu beharko dugu, ondo sar dadin.

0,5-1 Kg/m2Aldez aurretik, galbahe fin batekin bahetu behar da.

Zuhaitzapaingarriak

Udazkenean. Koparen itzalaren azaleran, 2 cm-ko geruza.

Landareak etaloreak

Udaberrian Enborraren inguruan, 2 cm-ko geruza.

Lekuz aldatzea Landarea lekuz aldatzeko unean. Konposta lurrarekin nahastu behar da, bolumen berdinean.

Parterreak Eraikitzean.

Konposta zuzenean erabil dezakegu kontuan izanda, aste gutxi barru bolumena galduko duela, edo, lekuz aldatzeen kasuan bezala, nahastu genezake.

Zapaldak Egitean.

Erabili baino aste bete lehenago landatuta balego bezala ureztatu behar da, bertan egon daitezkeenbelar-txarren haziak ernamuindu daitezen. Ondoren, nahastu eta normal erabiliko dugu.

BonsaiakLur-masa berreraikitzean edolandarea lekuz aldatzean.

Konposta hareazko lurrarekin eta buztin gris edo gorriarekin nahastu behar da, bolumen berdinean.

Page 12: AUZOKONPOSTARAKO GIDA

Ohiko galderak

Euliak erakartzen ditu edo usain txarra du? Ez. Konposta beti da esker oneko jarduera atsegina. Egin behar den gauza bakarra oinarrizko lau arauak jarraitzea da.

Lan asko ematen du? Jende asko harritu egiten da konposta egiteak belarra edo landare-hesia zaintzeak baino lan gutxiago eskatzen duela ikusita.

Ur asko behar du? Ez, batez ere konpostagailua itzalean jartzen bada. Noizean behin ureztatu behar izanez gero, ez duzu inoiz belarra ureztatzeko erabiltzen duzun baino ur gehiago beharko.

Haragi eta arrain-hondarrak bota ditzakegu? Haragi-, arrain-, ogi- eta sukaldatutako hondakinak bota ditzakegu konpostagailua erdi betea badago, behintzat. Bestela, hobe da itxarotea. Konpostatzeko Oinarrizko Arauak betetzen baditugu hondakin horiek arazo gabe kudeatuko ditugu.

Denbora asko behar du egiteko? Konpostatzeko Oinarrizko Lau Arauak betetzen baditugu konposta lau hilabeteren buruan jaso dezakegu, udan, eta sei hilabeteren buruan, neguan.

Meta guztia nahastu behar da ala zati bat soilik? Meta guztia 2m3 baino bolumen handiagoko nekazalkonpost metetan soilik nahastu behar da. Etxeko konpostagailuan, nahikoa da azkena botatakoa soilik nahastea.

Edozein motatako inausketa-hondarrak bota ditzakegu? Bai, palmera-hostoen oinarria ezik (ziztatu egiten du eta asko kostatzen zaio konpost bihurtzen). Kontuan izan konpostagailura botatzen ditugun inausitako adaxkak ez direla behatza baino sendoago eta luzeagoak izan behar. Bestela, moztu edo txikitu egin behar da.

Inausitako arrosak bota ditzakegu? Bai, baina arrosa edo arantzadun beste landareen kasuan, lehenik arantzak kendu behar dira.

Lekuz aldatu daiteke? Bai. Egin beharreko bakarra hasieratik konpostatzeko oinarrizko lau arauak betetzea da.

Nola dakigu konposta egina dagoela? Beheko partean aurkituko dugu heldutako konposta. Marroi ilun edo beltz-kolorekoa da eta oihaneko lurraren usaina du. Eskuarekin hartu eta gogor estutuz gero, eskua ez zaigu zikin geratuko. Kasurik gehienetan labezomorroak ikusiko ditugu.

Zertarako erabiltzen da konposta? Kalitate handiko ongarri naturala denez gero, lurraren ongarri gisa erabiliko dugu eta/edo landare-substratu gisa.