Argazki egunkaria 10
-
Upload
haitz-munizio-zabaketa -
Category
Education
-
view
135 -
download
0
Transcript of Argazki egunkaria 10
10. ASTEA.
Aste honetan 5.mailako bi gaztetxo hauekin aritu naiz gehienbat lanean.
Izan ere, bai matematikan eta baita gizarte zientzietan ere gai berriari ekin
diote. beraz nik bi ikasle hauekin ere buru belarri jardun behar izan dut liburuak
ematen egokitzapena pixka bat moldatu eta beraientzat prestatzeko.
Honetarako honakoa egin izan dut; lehenengo eta behin beraiekin liburukoa
irakurri dugu, hau da gainontzeko gelakideek erabiltzen duten testuliburu
berbera erabili dugu. Beraien arazo handiena hizkuntza da eta orduan gauzak
ulertzea da kostatzen zaiena, gazteleraz guztia oso ondo ulertzen bai dute.
irakurri ostean, zer ulertu duten galdetzen diet eta beraiek nola ala esplikatzen
saiatzen dira, beti ere liburuko marrazkiez baliatuz edota gazteleratik eratorriak
diren hitzez baliatuz, ulertzen ez dutena neuk esplikatzen diet erdaraz zer esan
nahi duen beraiek buruan ideia bai izan dezaten . Ondoren, liburuak dakarren
egokitzapena hartu eta neuk irakurtzen diet ozen, astiro eta garbi, amaitzea zer
ulertu duten galdetzen diet eta ahal badute euskaraz esateko eskatzen diet.
Azkenik hiruon artean nolabaiteko apunte batzuk osatzen ditugu eta hau
tutoreari erakusten diot ea minimoak betetzen dituen edo ondo dagoen jakiteko.
Tutoreak ontzat emanez gero garbira pasatzen diet eta honen inguruan
jarduten gara ariketak egiten, hizketan, ikasten...
Honetaz gain aste hau ohituraz eta ospakizunez betea egon da, alde
batetik asteazkenean San Blas ospakizuna izan genuen, honen inguruan otoitz
egin genuen aurrekin eta kanta batzen abesten agon ginen aretoan, hau
amaitzean haurrek etxetik ekarritako San Blas opilak bedeinkatu eta ondoren
jan egin genituen, egun honetan, opilarekin batera haurrei lepoan jartzeko
mojen komentutik ekarritako ari bat jarri zitzaien, esatez eztarriko minak eta
gaitzak sendatzeko da. bederatzi egun pasa ostean aria erre eta urte osorako
eztarria sendo izaten omen da.
Bestalde ostegunean, Santa Ageda bezpera ospatu genuen, honetarako
haur guztiek beraien makilak eta eztarriak bero bero ekarri zituzten kantuan
jarduteko. 12ak alderako guztiak atarira jaitsi ginen abesteko. Zenbait aurrek
balkoitik mikrofonoz kopla batzuk abestu zituzten gainontzekoek ataritik
laguntzen genuelarik.
Azkenik ostiralean inauteriei hasiera eman diegu, goizean DBH eta
batxilergoko ikasleak mozorrotuta etorri dira atari denboran haurrekin jolasean
egitera, oso polita izan da adin ezberdin askoko jendea atarian jolasean batera
ikustea, hau da, gaztetxoenak eta helduenak elkarrekin ikustea. Arratsaldean
berriz, haur eta irakasleok mozorrotuta joan gara eskolara, haurrek mailaka
antolatuta dantzak zituzten prestatuak eta banan-banan dantzak eta koreografia
ezberdinak egiten jardun dira eskolako atarian. Oso arratsalde polita igaro dugu
eta guraso asko gerturatu dira bertara haurrek eman duten ikuskizunaz
gozatzera.