AKTA

OHIKO OSOKO BILKURA

2016-01-29

Bilera: Ohiko Osoko Bilkura

Bilera-zenbakia: Lehenengo deialdia

Eguna: 2016-01-29 (barikua)

Ordua: 17:30-19:00

Tokia: Dimako udaletxeko batzar aretoa

Bertaratuak:

Nekane Intxaurtza Etxebarria, Alkatea

Ibon Iza Totorika, zinegotzia.

Jose Maria Atutxa Olabarri , zinegotzia .

Francisco De Borja Ruiz Huerta, zinegotzia.

Maria Yolanda Palacios Palacios, zinegotzia.

Iurdana Acasuso Atutxa, zinegotzia.

Josune Gorospe Elezkano, zinegotzia.

Francisco Javier Arteaga Plaza, zinegotzia.

Jose Antonio Aurrekoetxea Olabarria, zinegotzia.

Felix Perez Santirso, idazkaria

Diman, udaletxeko batzar aretoan, bi mila ta hamaseiko urtarrilaren

hogeitabederatziko arrastiko bost t´erdiak diranean, goian aipatutako zinegotzi

jaun-andreak bildu dira Nekane Intxaurtza Etxebarria alkate buru dala eta Felix

Perez Santirso idazkariaren laguntzaz.

Jarraian Alkateak, Udalbatzak 15-12-21eko aktaren onarpena hurrengo osoko

bilkurarako itxi ondoren, gai zerrenda aztertzeari ekin dautso.

GAIAK

1. EAJ/PNVko udal taldeak 2016ko udal aurrekontuen proiektuari aurkeztutako alegazio sorta.

2. 2016.rako udal aurrekontuen behin betiko onarpena.

3. 2016.rako Udal langilegoaren behin betiko onarpena.

4. UEMAN sartu eta estatutoak onartzeko akordioa.

5. Udal Lokalen ordenantzaren aldaketaren ganeko akordioa.

6. Eusko Jaurlaritzakoei Dimako bake epaile barriaren izendapena proposatzeko akordioa.

7. Arrano libre elkartearen mozioaren ganeko akordioa.

8. Sahararako bidaia instituzionalaren ganeko akordioa.

9. Arratiako Udalen Mankomunitatearen 2016ko aurrekontuari buruzko akordioa.

10. Diputazinoko Ogasun Sailekoek aurreratutako katastro balioaren barriztatzeko asmoaren barri

emotea.

11. EUDELek bialdutako Udalhitz lan hitzarmenaren ganeko zirkularraren barri emotea.

12. Udal batzordeetan jorratutako gaien barri emotea.

13. Dekretuen barri emotea.

14. Eskari eta galderak.

EAJ/PNVKO UDAL TALDEAK 2016KO UDAL AURREKONTUEN

PROIEKTUARI AURKEZTUTAKO ALEGAZIO SORTARI BURUZKO

AKORDIOA

EAJ/PNVko udal taldeak 2016ko udal aurrekontuen proiektuari aurkeztutako

alegazio sortaren barri Udal Osoko Bilkurari emon jako.

Udal talde honek aurkeztutako alegazio-sortaren edukina ondorengoa da:

Iurdana Acasuso Atutxa and. EAJ/PNVko bozeraemoilea dan horrek berba

hartu dau azaltzeko bere taldearen alegazio sorta. Euren ustez, alegazio honeik

propositiboak dira bai sarreren bai gastuen aldetik. Sarrerei jagokenez, bat datoz

aurreko agintalditik eurek finkatutako irizpide batzuekaz, ordenantzen

onarpenean, besteak beste, agerian geratu diranak: hau da sarreretan KPIren

muga eukitea zergen igoera ezartzerakoan eta familia-unitatearen ondarea be

kontuan eukitea hobariak onartzerakoan. Bestalde gastu korronten aldetik euren

proposamenean adierazo dabe non gastatu gehiago eta non murriztu edo kendu.

Inbertsioei begira, azken urteotan bere taldeak egin dauan lez, aurten be bere

biziko garrantzia emon dautsie herriko plaza egokitzeari oinezkoentzako leku

horren berreskurapena estrategikotzat joten dabelako eta horregaitik planteatu

dabe lan horretarako aurreikusitako zenbatekoaren igoera.

Francisco De Borja Ruiz Huerta EH BILDUko talde politikoaren zinegotzi jn.k

galdetu dautso alegazio guztiak, egoera sozio-ekonomikoaren diagnosiaren

ganeko partidaren murrizketa barne, mantentzen daben.

Iurdana Acasuso Atutxa and.k erantzun dautso baietz: euren ustetan onak

diralako eta era berean esan dau ulergarria dala talde bakotxak zenbait arlotan

ikuspegi desberdinak eduki ta mantentzea, eta oraingoan euren alegazioetatik bat

be onartua ez dala izan ikusita, egoki erizten dautsie euren alegazioak

mantentzeari. Dana dala gehitu dau jarrera propositiboa mantenduz ez doazela

kontrako botorik emoten eta horregaitik euren botoa abstentzioa izango dala.

Josune Gorospe Elezkano EAJ/PNVko zinegotzi and.k ganeratu dau egoera

sozio-ekonomikoaren diagnosiaren aldetik, holango ekimenak eskualde mailan

bideratzearen alde dagozala eta aurreko legealdian be holan egitea proposatu

ebela. Are gehiago orain Arratiako Udalen Mankomunitateak aho batez

onartutako aurrekontu barrietan asmo hori horrela bideratu gura da eta ondorioz

logikotzat joten dabe partida horren murrizketa. Azken batean adierazo dau,

hobariak ezartzeari begira, badagoala ondarea aintzat hartzearen adibide

interesgarria mankomunitateko gizarte zerbitzuetan: onuradunaren ondareagaz

zer ikusia daukien baremo batzuek apliketan diralako laguntzak banatzerakoan.

Kudeaketa eta prozedura gatxagoak badira be, justizia sozialaren aldetik

justuagoa da.

Francisco De Borja Ruiz Huerta zinegotzi jn.k esan dau edozein laguntza edo

hobaria emoteko ondarea aintzat hartzea egokiagoa eta zorrotzagoa dala onartu

arren, bere taldeak beti esan dau udalak ez daukala baliabiderik herritarren

ondareetan holango ikuskapenak edo kontrolak egiteko.

Nekane Intxaurtza Etxebarria Alkate buruak ganeratu dau askotan ondareak ez

dauala erakusten ondo herritarren aberastunaren maila gure artean basoak izaten

diralako begibistako ondare ohikoena eta danok dakigu baso baten

mantenimenduak dakarren zama zelangoa dan. Edozelan be galdetu dau

EAJ/PNVko taldea ondarea irizpide lez onartu ezean hobariak kentzearen alde

dagoan.

Josune Gorospe Elezkano EAJ/PNVko zinegotzi and.k erantzun dautso ezetz:

hobarien alde dagozala baia euren ustetan ondarea kontuan eukitea hobea dala.

Nekane Intxaurtza Etxebarria Alkate buruak esan dau, hurrengo urteei begira,

hobariak ezartzeko irizpideen artean ondarea barrusartzea aztertzeko prest

dagozala. Jarraian alegazio sorta ez onartzeko arrazoiak emon dauz:

Bulego materialen aldetik, ohiko jarduerak egiteaz gain, udaletatik bertatik

egiten diran gauza asko inprenten bitartez ez egitearren eta merkeago izan daiten,

eta ondorioz diru horren murrizketak beste gastu batzuek ekarriko leukez.

Ordezkapen arretarako jarritako diru kopurua oso bajua da eta zeozer

ipintearren izan dala. Bestalde, artxiboaren antolaketarako jarritako dirua lehen

urratsa izan da artxiboa antolatu eta digitalizetan hasteko.

Talde politikoentzako ekarpen ekonomikoak aurreko agintaldian 18.000,-€tik

12.000,-€tara bajatu ziran eta bere taldea ez da orain be atzera jaistearen aldekoa.

Era berean egoera sozio-ekonomikoaren diagnosirako diru mantentzearen alde

dagoz.

Ibon Iza Totorika EH BILDIko zinegotzi jn.k hartu dau berba Ingurumen

hezkuntzarako diruaren beharrizana justifiketako. Euren ustez, funtseskoa da

bertako kurrikuluma abian jartzeko. Izan be, belaunaldi barriei gure ingurua, eta

ondarearen memoria eta edukina transmititako ezinbestekoa da.

Bestalde, EAJ/PNVko udal taldeak proposatutako gastuak handitzearen aldetik,

Dimako plazarako uste izan da jarritako diruagaz aurten egin gura danerako,

herritarren artean partehartze prozedura bat bidean jartzea, nahikoa dala.

Josune Gorospe Elezkano EAJ/PNVko udal taldearen zinegotzi and.k esan dau

eurek prozedura horri arintasuna emoteko asmoz, beharrezkotzat joten dabe diru

gehiago jartzea azken urteotako etenalditik urtetako.

Azken batean eta herriko kultur alkarte eta taldeen artean 5.000,-€ gehiago

banatzearen aldetik, Francisco De Borja Ruiz Huerta EH BILDUko talde

politikoaren zinegotzi jn.k uste dau udalak ahalegin handia egin dauala kapitulu

honetan proposatutako igoera %11 baino altuagoa izan dalako.

Jarraian EAJ/PNVko udal taldeak 2016ko udal aurrekontuen proiektuari

aurkeztutako alegazio sorta onartzeko proposamena botutara jarri da ondorengo

emoitzagaz:

Botoak guztira: 9, aldekoak: 4; ezezkoak: 5.

Aldeko botoak: Iurdana Acasuso Atutxa and. (EAJ/PNV), Josune Gorospe Elezkano and.

(EAJ/PNV), Jose Antonio Aurrekoetxea Olabarri jn. (EAJ/PNV) eta Francisco Javier

Arteaga Plaza jn.(EAJ/PNV).

Ezezko botoak: Nekane Intxaurtza Etxebarria and. (EH BILDU), Ibon Iza Totorika jn.

(EH BILDU), Jose Maria Atutxa Olabarri jn. (EH BILDU), Maria Yolanda Palacios

Palacios and. (EH BILDU), Francisco De Borja Ruiz Huerta jn. (EH BILDU).

Udal Osoko Bilkurak, EAJ/PNVko udal taldeak 2016ko udal aurrekontuen

proiektuari aurkeztutako alegazio sorta bozkatu ondoren, gehiengo osoz ez eban

onartu.

2016.RAKO UDAL AURREKONTUEN BEHIN BETIKO ONARPENA

2016.ekitaldirako udal aurrekontuak eta euren ejekuzio araua behin betiko

onespena emoteko irizpenaren barri Udal Osoko Bilkurari emon jako.

Francisco De Borja Ruiz Huerta EH BILDUko talde politikoaren zinegotzi jn.k

aurtengorako udal aurrekontuen ardatz nagusien laburpena egin dau. Hasierako

onespenerako osoko bilkuran esanekoa berresteaz gain, azpimarratu gura izan

dau zorraren maila jaistearen ondorioz diru gehiago erabili ahal izango dala

inbertsioetararako: 380.000,€ inguru eta langile gehiago kontratetako bidean

dagozan lan poltsen bidez. Era berean lehen esan dauan lez kultura arloan be

%11,6ko igoera egongo da. Azken batean udalkutxaren emaitza negatiboa be

aintzat hartu da aurrekontuan sartzeko.

Jarraian 2016ko udal aurrekontuetako behin betiko onartzeko proposamena

botutara jarri da ondorengo emoitzagaz:

Botoak guztira: 9, aldekoak:5; abstentzioak:4.

Aldeko botoak: Nekane Intxaurtza Etxebarria and. (EH BILDU), Ibon Iza Totorika jn.

(EH BILDU), Jose Maria Atutxa Olabarri jn. (EH BILDU), Maria Yolanda Palacios

Palacios and. (EH BILDU), Francisco De Borja Ruiz Huerta jn. (EH BILDU).

Abstentzioak: Iurdana Acasuso Atutxa and. (EAJ/PNV), Josune Gorospe Elezkano and.

(EAJ/PNV), Jose Antonio Aurrekoetxea Olabarri jn. (EAJ/PNV) eta Francisco Javier

Arteaga Plaza jn.(EAJ/PNV).

Udal Osoko Bilkurak, bozketa burutu ondoren, gehiengo soilaz erabagi dau

2016ko udal aurrekontuak eta euren ejekuzio araua behin betiko onartzea.

2016.RAKO UDAL LANGILEGOAREN BEHIN BETIKO ONARPENA

2016.rako udal langilegoa behin betiko onartzeko proposamenaren barri Udal

Osoko Bilkurari emon jako.

Langilegoaren aurrekontuko zerrenda 2016erako honako hau da:

DIMAKO UDALEKO PLANTILLA :

A)FUNTZIONARIOAK

IZENA

TALDEA

ESKALA

AZPIESKAL

A KLASEA KATEGORÍA ZKIA.

Idazkari-

Kontuhartzailea

A-1

Estatuko

gaikuntza

Idazkari-

Kontuhartzail

ea

1

Dinamizatzaile

sozio-kulturala A-2

Adminis.

Berezia Teknikoa

Ertain

mailako

Teknikoa

1

Administratiboa

C-1

Adminis.

Orokorra

Administratib

oa

2

Alguazil-

Ofiziala

C-2

Adm.

Berezia

Zerbitzu

bereziak

Langilego

ofizioak Ofiziala 1

Ofiziala

C-2

Adminis.

Berezia

Zerbitzu

bereziak

Langilego

a ofizioak

Ofiziala 1

B) ALDARTEKO LABORALAK

IZENA TALDEA KLASEA KATEGORÍA ZKIA.

Peoia AP Adm. Berezia Zerbitzu

Bereziak

2

Udal Osoko Bilkurak, bozketa burutu ostean, aho batez onartu dau 2016.rako

udal langilegoa.

UEMAN SARTU ETA ESTATUTOAK ONARTZEKO AKORDIOA

UEMAN sartu eta estatutoak onartzeko proposamenaren barri Udal Osoko

Bilkurari emon jako.

Ibon Iza Totorika EH BILDUko zinegotzi jn.k hartu dau berba proposamen hau

azaldu eta defendatzeko. Bere ustez, UEMAn sartzea Dima euskaldun bat

bermatzeko estrategia barruan kokatu beharra dago. Izan be gai honen ganeko

azterlanek dinorie gure herrian euskararen erabilera gainbehera dagoala eta

jaitsiera honen aurkako neurri garrantzitsuetako bat UEMAn sartzea izan

litekeela bere laguntzagaz eremu guztietan euskararen erabilera eta indarra

ahalbidetzeko.

Beraz, lehen mankomunitate horretako kidea izandako moduan eta zoritxarrez,

egoera ekonomikoak beharturik, aurreko agintaldian itzulera atzeratu behar

izanaren ondoren , oraingoan bai Dimak UEMAko kide izateko aukera

aprobetxatu behar dau eta horretarako gura taldeak aldeko apustua egiten dau

proposamen honen bidez.

Iurdana Acasuso Atutxa EAJ/PNVko udal talde politikoaren bozeraemoilea

danak hartu dau berba bere taldearen euskararekiko konpromisoa eta herri

euskaldun baten aldeko apustua berresteko. Halan ta guzti be, euren ustez

UEMAren bidez jorratutako gaiak Arratian, eragile desberdin batzuen bitartez eta

bidean dagozan ekimen batzuekaz, asetzen dirala euskararen inguruko lan

esparruak eta arloak. Beraz, hasieran aldarrikatutako Euskal Herri euskaldun

baten aldekotasuna dala eta, ez dabe kontrako botorik emongo baina bozketan

bere taldea abstenitu egingo da une honetan eta esaneko arrazoiengaitik UEMAn

sartzea beharrezkotzat joten ez daualako.

Ibon Iza Totorika EH BILDUko zinegotzi jn.k hartu dau berba ganeratzeko

Iurdana Acasuso Atutxa and.k beste eragile horiei emondako garrantzia

partekatu arren, ez dirala kontraesanekoak euren lana eta UEMArena. Bere

iritziz erakunde honek urte honeitan euskararen defentsan eta garapenean

lortutako esperientzia eta egindako lanetaz baliatzea funtsezkoa da eta barruan

egoteak suposatuko leuke euren aholkularitza erabiltea eta beste herri askogaz

alkar lanean jardutea amankomuneko estrategia batean.

Jarraian UEMAN sartu eta estatutoak onartzeko proposamena botutara jarri da

ondorengo emoitzagaz:

Botoak guztira: 9, aldekoak:5; abstentzioak:4.

Aldeko botoak: Nekane Intxaurtza Etxebarria and. (EH BILDU), Ibon Iza Totorika jn.

(EH BILDU), Jose Maria Atutxa Olabarri jn. (EH BILDU), Maria Yolanda Palacios

Palacios and. (EH BILDU), Francisco De Borja Ruiz Huerta jn. (EH BILDU).

Abstentzioak: Iurdana Acasuso Atutxa and. (EAJ/PNV), Josune Gorospe Elezkano and.

(EAJ/PNV), Jose Antonio Aurrekoetxea Olabarri jn. (EAJ/PNV) eta Francisco Javier

Arteaga Plaza jn.(EAJ/PNV).

Udal Osoko Bilkurak, bozketa burutu ondoren, UEMAN sartu eta estatutoak

onartzeko proposamena gehiengo osoz onartu dau.

UDAL LOKALEN ORDENANTZAREN ALDAKETAREN GANEKO

AKORDIOA

Udal lokalen ordenantzaren aldaketaren ganeko proposamenaren barri Udal

Osoko Bilkurari emon jako.

Ibon Iza Totorika EH BILDUko zinegotziak hartu dau berba adierazoteko

herriko zenbait alkartek eta taldek luzatutako eskaera udal lokalen lagapena

luzeagoa izatearen ganekoa, herrian ohikoak diran edo errotuta dagozan kultur

edo/ta kirol jarduerak urterik urte edo bi urterik behin administrazio prozedurak

sahiesteko. Horiek horrela begi onez ikusi dabe eskaera eta ondorioz honako

aldaketa hau proposatzen da kasu lagapen mota barri bat ordenantzan

barrusartzeko:

“3. artikulua.- Lagapen motak/modalitateak eta horien indarraldia.

3.1.- Lokalen lagapenak lau motakoak izan daitezke:

…

3.1.d.- Hitzartuak: Arrazoi desberdinak direla eta, udal eraikinaren

berezitasunagatik, bertan burututako jardueraren antzinatasunagatik, urte askotan

eraikinaren, alkartearen eta jardueraren arteko loturagatik, eraikina auzotarrengan

errotuta egoteagatik, besteak beste, Dimako Udalaren eta herriko alkarte edo talde

baten arteko hitzarmen baten bidez arautu ahal izango da lokal horien erabileraren

lagapena. Kasu horietan guztietan lagapenaren gehieneko indarraldia zortzi urtekoa

izango da.”

Iurdana Acasuso Atutxa EAJ/PNVko udal talde politikoaren bozeraemoilea

danak hartu dau berba adierazoteko eurek partekatzen dabela ekimen hau eta

aldeko botoa emongo dabela.

Udal Osoko Bilkurak, jakitun eta bozketa burutu ostean, aho batez onartu dau

Udal lokalen ordenantzaren aldaketa.

EUSKO JAURLARITZAKOEI DIMAKO BAKE EPAILE BARRIAREN

IZENDAPENA PROPOSATZEKO AKORDIOA

Eusko Jaurlaritzakoei Dimako bake epaile barria izendatzeko proposamenaren

barri Udal Osoko Bilkurari emon jako.

Alkate and.k hartu dau berba adierazoteko zabaldutako epea, bake epaile

titularra eta bere ordezkoa izateko eskaerak aurkeztearen ganekoa, 2016eko

urtarrilaren 22an amaitutakoa, igaro ostean udaletxera allegatutako eskabide

bakarra ondorengoa izan dala:

Ziortza Ajuriaguerra Cruz, 45.668.780-A NAN zki.duna, Kazetaritzan

lizentziatua.

Era berean Alkateak adierazo dau eskari-egile hau izan dala orain arte bake

epaile ordezkoa eta, titularrak karguari uko egin eutsonetik, bere eginkizunak

betetan ibili dana.

Udal Osoko Bilkurak, izangai honen eskaera aztertu ondoren, Ziortza

Ajuriaguerra Cruz and. Dimako bake epaile proposatzea Euskal Autonomia

Erkidegoko Epaitegi Gorenari.

ARRANO LIBRE ELKARTEAK AURKEZTUTAKO MOZIOAREN

GANEKO AKORDIOA

Arrano libre elkartearen mozioaren ganeko proposamenaren barri Udal Osoko

Bilkurari emon jako.

Mozioaren edukina honako hau da:

Ibon Iza Totorika jn.k EH BILDUko zinegotzi jn.k adierazo dau Arrano beltza

bezalako sinbolo bat erakusteagaitik isuna eta zigorra jasotzea guztiz arbuiagarria

dala eta ondorioz bere taldeak aldeko botoa emongo dautso mozioari.

Iurdana Acasuso Atutxa EAJ/PNVko udal talde politikoaren bozeraemoilea

danak hartu dau berba adierazoteko bere taldeari zigor hori proportzioz kanpo

iruditzen jakola. Era berean gogoratu dau Telesforo Monzon EAJ/PNVko

alderdikidea izan zan denboran sinbolo hau berreskuratu eta plazaratu ebala.

Halan ta guzti be adierazo dau gaur sinbolo hau alerdikerietan nahasten dala eta

oraingo mozio honetan be ikuspegi horretatik babes politikoa eskatzen dala eta

ondorioz bere taldea abstenitu egingo da.

Jarraian Arrano Libre Elkarteak aurkeztutako mozioaren ganeko mozioa

botutara jarri da ondorengo emoitzagaz:

Botoak guztira: 9, aldekoak:5; abstentzioak:4.

Aldeko botoak: Neka

ne Intxaurtza Etxebarria and. (EH BILDU), Ibon Iza Totorika jn. (EH BILDU), Jose

Maria Atutxa Olabarri jn. (EH BILDU), Maria Yolanda Palacios Palacios and. (EH

BILDU), Francisco De Borja Ruiz Huerta jn. (EH BILDU).

Abstentzioak: Iurdana Acasuso Atutxa and. (EAJ/PNV), Josune Gorospe Elezkano and.

(EAJ/PNV), Jose Antonio Aurrekoetxea Olabarri jn. (EAJ/PNV) eta Francisco Javier

Arteaga Plaza jn.(EAJ/PNV).

Udal Osoko Bilkurak, bozketa burutu ondoren, Arrano Libre Elkarteak

aurkeztutako mozioaren ganeko mozioa gehiengo osoz onartu dau.

SAHARARAKO BIDAIA ETA ADIERAZPEN INSTITUZIONALAREN

GANEKO AKORDIOA

Sahararako bidaia eta adierazpen instituzionalaren ganeko proposamenaren

barri Udal Osoko Bilkurari emon jako.

Alkate and.k hartu dau berba adierazoteko alde batetik, Algeriako errefuxiatuen

kanpamenduetara bidaia instituzionaletan parte hartzeko; eta bestetik, Saharako

errepublika arabiar demokratikoaren aldarrikapenaren 40.urteurrenaren ganeko

adierazpen instituzionala egiteko. Helburu honegaz eta urteurrenaren data

otsailaren 27koa dan lez, Alkate and.k adierazo dau denbora dagoala talde

politiko biak adosteko adierazpen hori.

Iurdana Acasuso Atutxa EAJ/PNVko udal talde politikoaren bozeraemoilea

danak hartu dau berba esateko bere taldea prest dagoala hurrengo egunotan

adierazpen instituzional hori adosteko.

Udal Osoko Bilkura jakitun geratu da.

ARRATIAKO UDALEN MANKOMUNITATEAK ONARTUTAKO

2016KO AURREKONTUEN BARRI EMOTEA

Arratiako Udalen Mankomunitateak onartutako 2016ko aurrekontuen barri

Udal Osoko Bilkurari emon jako.

Alkate and.k hartu dau berba adierazoteko 2016.urterarko onartu barri diren

AUMeko aurrekontuen gorabeherak eta euren alegazioen edukina azaltzeko,

batez be gizartekutxaren eta gizarte arloko gastuaren banaketagaz zer ikusia

eukana. Azken batean jakinarazo dau gai horretan egozan desberdintasunak

konpondu ondoren, aho batez onartu zan 2016.rako AUMko aurrekontua.

Udal Osoko Bilkura jakitun geratu da.

DIPUTAZINOKO OGASUN SAILEKOEK AURRERATUTAKO

KATASTRO BALIOAREN BARRIZTATZEKO ASMOAREN BARRI

EMOTEA

Bizkaiko Foru Aldundiko Ogasun Sailekoek aurreratutako katastro balioaren

barriztatzeko asmoaren barri Udal Osoko Bilkurari emon jako.

Udaleko idazkari-kontuhartzaileak berba eskatu dautso Alkate Udalbatazrburu

and.ri gai honen barri emoteko.Adierazo daun lez, Bizkaiko Foru Aldundiko

Ogasun Sailekoek iragarri dabe lurralde historikoko udalen katastro balioa

eguneratuko dabela. Izan be eurekaz eukitako batzarrean esan dabe azken

eguneraketa orain berrogeita bost urte egin zala eta euren asmoa da hiri eta lur

ondasunen balioa merkatuko balioari egokitzea.

Horretarako alkar lanean jardungo dabe udalekoekaz 2017ko urtarrilaren 1etik

katastro balioa eguneratuta egon daiten. Eurei egokituko jake katastro balioaren

balio barria jartzea eta udalei balio barri horien ganean aplikatu beharreko zergak

egokitzea. Helburu hori lortzeko, informatikako tresna batzuek helarazoko jakez

udalei eta honeik euren gain hartuko dabe aurtengo bagilaren 30erako IBI

deritzon zergaren ganeko ordenantzari behin behineko onarpena emoteko

konpromisoa.

Azken batean udaleko idazkariak ganeratu dau datozen astetoan hartuemonetan

jarriko dirala katastrokoekaz tresna horien erabilera ikasteko.

Udal Osoko Bilkurari jakitun dago.

EUDELEK BIALDUTAKO UDALHITZ LAN HITZARMENAREN

GANEKO ZIRKULARRAREN BARRI EMOTEA

EUDELek bialdutako Udalhitz lan hitzarmenaren ganeko zirkularraren barri

Udal Osoko Bilkurari emon jako.

Udaleko idazkari-kontuhartzaileak berba eskatu dautso Alkate Udalbatazrburu

and.ri gai honen barri emoteko. Adierazo daun lez, EUDELek bialdu dau zirkular

bat jakinazoteko alde batetik, sindikatuen eta euren arteko lan hitzarmenaren

negoziazioak zelan doazen; eta bestetik, eskatzeko udalerik udal aparteko

negoziaziorik zabaldu ez daitela eurena zabalik dagoan bitartean eta

2016.urterako soldata, 2012ko extraren bigarren zatiaren ordainketa eta

bestelako lan baldintzen egoeraz zenbait aholku emoteko.

Azken batean EUDELekoek esan dabe otsailean atzera eseriko dirala

sindikatuekaz negoziazioagaz jarraitzeko.

Udal Osoko Bilkurari jakitun dago.

UDAL BATZORDEETAN JORRATUTAKO BESTELAKO GAIEN

BARRI EMOTEA

Nekane Intxaurtza Etxebarria Alkate andreak batzordeburuei berbea emon

dautsie Udal Batzordeetan jorratutako gaien barri emon dagien:

Ogasuna, Pertsonala, enpleguko eta Kontuetako Batzordea

Francisco de Borja Ruiz Huerta EH BILDUko zinegotziak hartu dau berba

adierazoteko batzorde honi jagokozan gaiak gaurko osoko bilkuran dagoeneko

jorratutakoak izan dirala.

Hirigintza, Ingurumena, Tokiko Garapena eta Lurraldeko Batzordea

Francisco de Borja Ruiz Huerta EH BILDUko zinegotziak hartu dau berba

adierazoteko 16-01-13ko batzorde honetan jorratutako gai garrantziskoenak:

Alde batetik adierazo dau herri ikastetxean galdara jartzeko lanak amaitu dirala

eta instalazioa badabilela, eta bakarrik falta dala itxitura margoztu eta informazio

panelak jartzea. Bestalde esan dau herriko bide batzuetan zenbait konponketa

burutzeko adjudikazioa Suña Eraiketak S.L. enrpesari emon jakola. Azken batean

adierazo dau Techenergy enpresari martxoaren 31ra arte kontratua luzatu jakola

aholkularitza teknikoaren zerbitzua emoteko eta epe honetan arkitekto teknikari

barri batek lan hori burutuko dauala. Hortik aurrera, erabagiko da zerbitzua

esleitu edo, alderdi biak ados egon ezkero, arkitekto teknikari barri honegaz

negozizioa burutzea urtea amaitu arte

Aisialdia, Bardintasuna, Ongizatea eta Partehartzeko Batzordea

Yolanda Palacios Palacios EH BILDUko zinegotziak eta Aisialdia,

Bardintasuna, Ongizatea eta Partehartzeko Batzordeburuak hartu dau berba

adierazoteko 16-01-14ko saioan jorratutako gai nagusia Dimako sendi bati

emondako 250,-€ko premiako laguntza PCV izeneko Lanbidearen

prestakuntzaren ordainketa aurreratzeko. Izan be Lanbidetik emoten dan

etxebizitzaren gastuei aurre egiteko laguntza berezi hau kobratu ezkero, familia

honek itzuliko leuke jasotako laguntza hau.Azken batean zinegotzi honek esan

dau udal zerbitzuek Arratiako Mankomunitateko ongizateko zerbitzuen

alkarlaguntza euki dabe laguntza honen erabilera egokia ikuskatu eta jarraitzeko.

DEKRETUEN BARRI EMOTEA

2015eko 200. Alkatetz-Dekretutik 2015eko 231. Alkatetz-Dekretura (biak

barne) eta 2016ko 1. Alkatetz-Dekretutik 2016ko 6. Alkatetz-Dekretura (biak

barne) informazioaren barri Udal Osoko Bilkurari emon jako.

Nekane Intxaurtza Etxebarria Alkate-Udalbatzarburu and.k berba hartu dau

azken Osoko Bilkuratik hona onartu dauzan dekretuen barri emoteko:

2015

15/200 2015-12-21 Urbanizazio jarduketa programaren lehen onarpena (ZRVF18NC-04).

15/201 2015-12-22 Ugarana,18 baserriaren erreteilea egiteko baimena.

15/202 2015-12-22 Artaun,11 baserriaren tximinie aldatzeko baimena.

15/203 2015-12-22 Oba Behekoa, 15 baserrian erreteilea egiteko baimena.

15/204 2015-12-22 Iturriotz 8 baserrian leihoak aldatzeko baimena.

15/205 2015-12-22 Baltzola-Arbitzueta-Indibiti-Bargondia baso bidearen konponkentarako

baimena.

15/206 2015-12-22 Errementeriondo, 10-2.Ezk. sutea eta komuna egiteko lan baimena.

15/207 2015-12-22 Aroztegieta,21 baserriko terrazan hormigoizko zelaia jartzeko baimena.

15/208 2015-12-22 Oba Beheko,5 etxe ondoan txabola egiteko lan baimena.

15/209 2015-12-22 Artaun, 21 baserrian , leihoak aldatzeko baimena.

15/210 2015-12-22 Artaun 3 baserriko kortan lan batzuk egiteko baimena.

15/211 2015-12-22 Ugarana,11.1 esk.exebizitzan dutxa ordezteko baimena.

15/212 2015-12-22 Munetxa,5 etxebizitza inguruan laba bat egiteko baimena.

15/213 2015-12-22 Tesla: Udaletxeko lehioen aldaketaren adjudikazioa.

14/214 2015-12-22 Zurtek enpresari, Ziarrusta auzuneko terrenoen kontsezioa 4 urterako.

14/215 2015-12-22 Suña Eraiketak enpresari adjudikatutako : Errotakoetxe eta Landaxola

bideen konponketa.

15/216 2015-12-22 Lurren zatiketa baimena.

15/217 2015-12-22 Ofizial peoi laguntzaile deialdiaren oinarriak onartu eta deialdia

zabaltako erabagia.

15/218 2015-12-22 Elezatsu 3 zki.dun baserria birgaitzeko proieturako ICIO zergaren

hobaria emoteko erabagia.

15/219 2015-12-22 Diman Bizkaia Kopa Trail: kirol lasterketarako baimena.

15/220 2015-12-24 Ikastetxeko teilatua aldatzeko lanen aurrekontua onartu eta Hezkuntza

Sailekoei dirualguntza esatako erabagia.

15/221 2015-12-28 Oba Bekoa 2B etxebizitzatarako lehen erabilera baimena.

15/222 2015-12-30 ABENDUKO fakturen onarpena.

15/223 2015-12-30 ABENDUKO nominen onarpena.

15/224 2015-12-30 Laguntza soziala (Errementeriondo, 10 beheko solairukoentzat)

15/225 2015-12-30 J.Antonio Cortes: zerbitzuen kontratazioa 2016ko abenduaren 31ra.

15/226 2015-12-30 Suña Eraiketak enpresari adjudikatutako Elizondo,Lamindao,Olazabal

eta Obako bide batzuetako konponketak.

15/227 2015-12-30 Kultur, kirol eta ongizateko diru laguntzak emoteko.

15/228 2015-12-30 15/15 Aurrekontuaren aldaketa.

15/229 2015-12-30 Atutx 5 eta 6: diru laguntza fosa septikoen garbiketa.

15/231 2015-12-30 CEDATEC eta TABIRA programa informatikoen manteimenduko

adjudikazinoa.

2016

16/01 2016-01-08 Udal brigadarako peoien lan poltsarako onartu ta baztertuen

zerrenda.

16/02 2016-01-08 Tech Energi Consulting:Aholkularitza teknikoaren zerbitzuaren

adjudikazioa.

16/03 2016-01- Bizkorna, 2 baserriaren teilatua eta fatxada konpontako baimena

16/04 2016-01-25 Lurren zatiketa baimena.

16/05 2016-01-25 Kultur, kirol eta euskara diru laguntzak bananduteko deialdia.

16/06 2016-01-27 Udal brigadarako peoien lan poltsarako behin betiko sailkapena.

Dekretu honeik dekretu liburuan gordeta geldituko dira.

Udal Osoko Bilkura jakitun gelditu da.

ESKARI ETA GALDERAK

Ez da eskaririk ezta galderarik be egon.

Eta beste gairik ez dagoanez, alkateak batzarrari amaiera emon dautso.

Eztabaidatutakoa nahiz erabakitakoa jasota geratzeko, nik, idazkaria nazen

honek, hori guztia idatzi eta ziurtatu egiten dot, alkateak ontzat emonda.