ADVIENTO-NAVIDAD

2014-15

ABENDU-GABON ALDIA

Errealidadeari begiratu

Bibliaren begiez begiratu

Otoitzak - hausnarketak

Kristinau liturgia: Hitzak, zeinuak eta sinboloak

Abestiak eta antifonak

Abendu aldiaren aurkezpena

Obispado de Bilbao

Delegación de Liturgia

Bilboko Gotzaitegia Liturgiarako Ordezkaritza

~ 2 ~

ERREALIDADEARI BEGIRATU

2014-15 ABENDU-GABON ALDIAN

Abendu eta Gabon aldiaren testuinguruan Ebanjelioaren balioak oinarritzat hartuta errealidadearen

azterketa egitea lagungarri izan daiteke gaurkotasuna daben gertaera batzuetan, egoerarik polemiko eta

eztabaidagarrienak barne, argi egiteko.

Honeek litzatekez, besteak beste, balio horreek: zuzentasuna eta alkartasuna; behartsuen eta irainduenen

aldeko aukera; maitasun doako eta eskuzabala; senidetasun unibersala; borondatezko soiltasuna, nork bere

baliabideak ezer ez daukienagaz erdibanatzeko; lan zintzoa eta ondo egindakoa; Aita beraren eta gizon eta

emakume guztien -edozein izanda be euren arraza, siniste erlijiosoa edo gizarte izaera- anai-arreba sentitzen

diranen poztasuna.

Errealidadearen azterketak geure buruari tranparik egin barik gogoeta egiteko be balio behar dau; kritika

serio eta sanoa egiteko eta geure burua garraztasun barik kritikatzeko; alkarrizketa zintzorako eta, batez be,

azkenean, bakarka eta taldean, gure gizartea hobetze aldera, gure zerumugan gitxien daukienak eta gehien

sufritzen dabenak izanda, konpromiso zehatzak hartzeko.

Hona hemen errealidade horri buruzko zertzelada batzuk.

1. Langabezia eta alkartasuna

„Bazterketa eta garapena Espainian 2014‟ Foessa Fundazinoak Caritasegaz batera aurkeztu dauan VII.

txostenean jasoten danez, 11.746.000 herritarretik gora dira bazterketa jasaten dabenak. Horreen artean, 5

milioik bazterketa latza jasaten dabe. Kontuan izan behar dogu, 3 lagunetik 2 egoera horretan egoala

krisiaren aurretik be

Ezegonkortasunak etxebizitza eta osasuna lako arloetan eragiten dau. Hamaika milioi baztertu horreen

%77,1ak bazterketa jasaten dau lanaren arloan, %61,7ak etxebizitzaren arloan eta %46ak osasunaren arloan.

Caritasek eta Foessak Bilbon aurkeztu eben Euskadiri buruzko txostenean be datu oso kezkagarriak

azaltzen dira. Euskadin pobretasun-tasak hamar puntu azpitik dagoz Espainiako batez bestekotik, baina

bazterketa latzak, urtean 4.000 euro baino gitxiago eukita bizirik irautea dakarrenak, gora egiten dihardu eta

beste autonomia batzuetan baino bizkorrago, gainera.

Pobretasun sakonari jagokonez, 113.000 lagun (46.000 familia) dagoz egoera horretan eta 360.000 lagunek

era bateko edo besteko bazterketa jasaten dabe. 2012 eta 2013 bitartean, gabezia material latzen bat jasaten

daben euskal familiak %2,1etik %4,8ra igaro ziran, Espainia osoan portzentajea %6an mantendu zalarik.

Krisialdia luzatzen bada, herritarren %45ak pobretasun-egoer honeetako batean jausteko arriskua dau.

Langabezia esperientzia dramatikoa da jasaten dabenentzat. Gizaki lez jagoken duintasuna urratu egiten jake.

Askotan, eragin larriak dabez familia eta gizarte hartu-emonetan. Baita osasun psikologikoan be, batez be,

eginahalak egin arren, denporeak aurrera egiten dauala eta lanposturik ez dabela aurkitzen ikusten

dabenean.

Langabeziak are eta eragin gordinagoa dau beste kontinente batzuetako gizabanakoengan eta familiengan, ez

dabelako senide edo adiskideen sarerik babesteko. Batzuetan, lanik ez izateaz gainera, mesfidantza,

bazterketa eta gaitzespena jasaten dabez gure gizarteko sektore batzuen aldetik. Zorionez, badagoz musu-

truk jarduten daben, euren egoereaz arduratzen diran eta euren alde konprometitzen diran erakundeak,

taldeak, familiak eta herritarrak.

Europa mendebalean eta Estadu Batuetan, eskumako talde batzuk tentazino zahar batean jausi dira: bandera

altxatu etorkinen aurka. Gizarte laguntzak eskatzerakoan gehiegikeriaz jokatzen dabela eta delinkuentziaren

gehikuntzaren eragile nagusiak dirala aurpegiratzen deutsie.

Errealidadearen azterketa hau inprentarako bidean dala, Bizkaiko Eleizako hamabost erakunde sozialek

agiria kaleratu dabe Diru-sarreak Bermatzeko Errentaren (DBE) politika sozialei buruzko azaleko

eztabaidetan oinarritutako estereotipoak, estigmatizazinoak eta alarmak salatuz. “Eztabaida honeek,

aitatutako erakundeetako ordezkariek salatzen dabenez, banaketa, distantzia, mesfidantza, kriminalizazinoa

eta bildurra eragiten dabez, batez be txartoen dagozan gizabanakoen, familien eta gizataldeen aurrean”.

~ 3 ~

Aitatzen ez baditu be, magrebtar etorkinen taldeen defentsa da, azkenaldian salaketa injustuak jaso dabez-

eta, gizarte laguntzetatik bizi guran dabilzala aurpegiratuz.

Langabezia jasaten dauan gizabanako eta familia asko egundoko ezegonkortasunean bizi dala ikusita, gure

artean erantzun solidario ugari izaten dala gogoratzea komeni da; aitatzekoa da, besteak beste, Caritasen

etenbako ahalegina.

Ahalegin solidario horretan, persona eta familia askok, sobran daukiezan edo epe laburrera behar ez

dabezan baliabideak konpartitzeaz gainera, dalako sakrifizio bat eskatzen deutsana be emoten dabe eta

horixe da benetan garrantzitsua. Kasu batzuetan, etorkizunari begira aurrezteko soiltasunaren ikuspuntua

aldatu egin da eta ahalegin horren emaitza gehien behar dabenei laguntzera bideratzen da.

Foessa Fundazinoaren eta Caritasen azken txostenaren arabera, espainiar gizartearen sendotasunen artean,

familia alkartasuna eta laguntzarako sareak dagoz. “Familia-sistemaren barruan, deigarria da persona nagusien

zeregin-aldaketa: zainketak jasotetik zaintzaile izatera pasatzen dira. Gainerako senideei eskaintzen deutsien

babesa segurtasunaren iturri bihurtu izan da hainbat eragilerengaitik: pentsinoa, etxebizitzaren jaube izatea eta

familia hartu-emonei eustea”.

2. Ustelkeria eta gure ustelkeriak

Komunikabideek etenbako informazino-jarioa emoten dabe ustelkeria-kasuen arloan. Kasu batzuk oso

ezagunak dira, esate baterako: Noos, Pujol, Bárcenas, Gurtel, Andaluziako EREak, Caja Madrileko txartel

opakuak, e.a. Une honetan, Espainian 1.900 ustelkeria-kasu dagoala eta delitua egozten deutsenak

bostehunetik gora dirala emoten dau. Asko eta asko, autonomia eta udal gobernuetan jardunean egon diran

edo dagozan politikoak dira; enpresariak be badagoz eta baita sindikalista batzuk be.

Azken hilebeteotan benetan deigarri gertatu jaku txartel opakuen neurri bako erabilera. Lehenengo Caja

Madrid eta gero Bankia izeneko erakundeko 80 batzordekide exekutibo eta zuzendariek hamabost milioi

euro xahutu ebezan 2003 eta 2012 bitartean. Eskandalu honek biziki haserratu ditu herritarrak, izan be

erakunde finantzario hori herritar guztion dirua erabiliz 24.000 milioi eurogaz erreskatatu eben orain dala

gitxi.

Azaroaren hasieran, udaletako politiko batzuk, tartean hainbat alkarte, atxilotu eta diruaren bidebako

erabileraz salatu dabez, enpresari batzukaz batera. Antza danez, poliziak “trama Púnica” deitu dauan sare

honek ustelkeria-zerbitzu “integralak” eskaintzen ebazan. Eskandalu honen eta aurreko beste batzuen

haritik, herritarrak aspaldiko eskari bitan berresten dira: politikoen aforamentua zorrotz mugatu daitela eta

alderdiek ez daiela epaileen organu nagusien hautaketan esku-hartu.

„Podemos‟, ezkerreko aukera barria, eszenatoki politikoan azaldu izanak eta, eskandaluek eragindako

sumindurak, PP eta PSOE alderdian alderdi-bitasunaren azkena ekarri leikie gobernuan. Analista batzuen

esanetan, zelakoa izango dan aldez aurretik jakitea gatxa bada be dagoeneko sustagarri sendo lez azaltzen

ari dan lurrikara politikoaren atarian gagoz.

Eskandalu guzti honeek, nahiz eta komunikabideetan eta solasaldietan tarte luze eta zabala izan, ez deuskuez

ahaztarazo behar milaka herritarrek egiten dabezan etxeko ustelkeriak, hareek besteko kondena merezi

dabenak, eta, zoritxarrez, gizakiaren berezko ezaugarritzat onartu egiten diranak. Ezin dira eskandalu

politiko handiakaz parekatu, baina besteakazko zintzotasunik eza adierazoten dabe, ez datoz bat

zuzentasunagaz eta bizikidetasuna pobretu egiten dabe.

Zeintzuk dira ustelkeria pertsonal horreek? Hona hemen batzuk erakusgai erara: BEZa ez ordaindu

fakturetan; osasun publikoaren edo beste zerbitzu publiko batzuen abusuzko erabilera edo erabilera txarra;

oposaketetan edo lanetan „entxufeetara‟ jo, dalako lanpostu hori jadesteko meritu gehiago daukien beste

persona batzuen bidezko eskubideen kalterako; lanean absentismoa praktikatu, benetako justifikazio barik;

inprimaki ofizialetan guzurra esan norberarentzat edo familiarentzat onurak (bekak, diru-laguntzak, laguntza

sozialak, e.a…) lortzeko; errepidean ausarkeriaz gidatu, besteen eta norbere bizia arriskuan jarriz…

3. Adiskidetzea, kristinauen egitekoa

Kristinau alkarteek eta kristinau alkarteentzat egindako errealidade politika eta sozialaren irakurketa

hankamotz geratuko litzateke, bake eta askatasunean eraikitako geroari begira, orain dala gitxira arte jasan

izan dogun indarkeriaren kapituluari buruzko hausnarketarik gabe.

~ 4 ~

Gaia oztopoz beteta dago. Batzuetan, ez dago oinarrizko akordiorik ez kontakizun historikoan bakarrik,

erabilten dan terminologian baino, hitzek eurek desadostasunak nabarmentzen dabezalako. Abiapuntua,

jarrera zibiko eta politiko desbardinak ez ezik, askotan aurkakoak dira. Urteotako historiak bizikidetasunean

eragiten daben arrasto sakonak itzi ditu.

Aukera guztiak pozik itziko dituan ibilpidea eratzea gatxa bada be, urrats positibo batzuk emoten ari dira eta

hori, beste ezer baino lehen, mesedegarria izan daiteke gure gizartearen normalizazinorako.

Lehenengoa, ETAk arma guztiak entregatuz osatu behar dan indarkeria terroristaren behin betiko amaierea

da. Ezinbestekoa da, gainera, hildakoak eragin ebezan konpondu bako atentatuak argitzea eta „borreroek‟

terrorismoaren biktimen duintasuna autortzea eta, horregaitik, hori exijitu beharra dago lortu arte.

Parean, alkarrizketarako zubiak eraiki behar dira; batzuetan, ekimen horreen eraginez, biktimen senideak

eta biktimak eragin dabezanak euren borondatez alkartu daitekez, konfidentzialtasun eta errespetuzko

giroan, gertatu izan dan lez.

Hezkuntzaren arloa leku aproposa da iraganean zer gertatu izan dan zuzen ezagutu ahal izateko eta, batez

be, etorkizunari begira, herritarren arteko bizikidetzarako oinarri on eta sendoak jarri ahal izateko.

Konpondu beharreko beste auzi bat ETAko presoena da, honeek apurka-apurka euskal autonomia

Alkartearen inguruko kartzeletara ekartea litzatekelako bidezkoa, senideei joan-etorri luzeak egitea

saihestuz.

Eremu konplexu honetan, kristinau alkarteetako kideek, edozein izanda be joera politikoak edo konpromiso

ideologikoak, eragile bizi izan behar dabe bizikidetza normalizatuan aurrera egiteko eta adiskidetasuna

gauzatzeko.

4. Ebola eta Afrikagaz dogun zorra

Ebolaren krisia sakontasunez bizi izan da Espainian, arazo larrien inguruan bizten dan alarma sozialaren eta

eztabaida politikoaren erdian.

Gure eleizbarrutian, ebolaren krisiak aparteko oihartzuna izan dau, betidanik Liberiagaz hartu-emon estua

izan daben Santurtziko ospitaleko San Juan de Dios anaiak gure artean bizi diralako. Pajares eta Garcia Viejo

anaien heriotzak samin handia eragin dau Espainia osoan eta zer esanik ez gure eleizbarrutian.

Ebolaren krisia ikaragarria izaten ari da Liberian, Sierra Leonan eta Ginea Konakryn, batez be, eta baita

Malin, Nigerian eta Senegalen be. Azaroaren hasieran, 14.000 lagun egozan kutsatuta, 5.000 baino gehiago

hilda eta 3.700 umezurtz.

Gaur egungo terrorismo islamikoak, Afrikako lurralde batzuetan hedatzen diharduanak, zoritxarreko gerrak

eta herritar soilen bahiketak eta hilketak dakarzanak, ezin deusku ahaztarazo behar urte luzez nazinoarteko

talde finantzario handiek neurri barik ustiatu dabezala inguru horreetako baliabide naturalak eta Afrikako

herrialde askoren txirotzea ekarri dabela. Ageriko sekretua da, gainera, talde ekonomiko handiek eutsi izan

dabela herrialde honeetako Estadu-kolpe eta gerra zibil ugari, euren kokapen estrategikoak ziurtatzeko eta

lehengai oso baliotsuen ustiapena lortzeko.

Afrikan jasaten dabezan mendetako gaixotasunei aurre egiteko osasun-baliabiderik ez izatea eta, aldi berean,

eskola eta unibersidadeen eskasia, atzerriko kapitalek, bape demokratikoak ez diran afrikar gobernu batzuen

lankidetzagaz, euren baliabide natural horreek ustiatu izanak eragin dau.

Norberekeriaz eta oinazez betetako panorama honen aurrean, afrikarrei eskuzabaltasunez laguntzeko

konpromisoa daben eta osasunaren, hezkuntzaren eta elikaduraren arloko oinarrizko beharrizanak aseten

laguntzen daben misioilariak eta gobernuz kanpoko erakundeak dagoz. Batzuek euren bizia emon dabe

munduko pobreenei lagundu guran, San Juan de Dios ordenako anai espainiar bian kasuan gertatu dan lez.

Gabon aldia, une egokia da gure alkartasun eraginkorra eta bihotzekoa Hirugarren Munduko jenteari

eskaintzeko; eurak dira gure sasoiko kurutziltzatuak, gaixotasunaren, gosearen eta gerra zibilen eragin

gordinenak eta talde finantzario eta ekonomiko handiek euren aberastasunak indarrez ebatsi izanaren

ondorio negargarriak jasaten dabezanak.

~ 5 ~

BIBLIAREN BEGIEZ BEGIRATU 2014-15KO ABENDU-GABON ALDIARI

DOMEKETAKO ETA JAIEGUNETAKO EBANJELIOEN AZALPENAK (B ZIKLOA)

SARRERA

Laster da Gabonetako pazkoa. „Pazkoak‟ „igarotea‟ adierazoten dau. Kasu honetan, Jaungoikoak Nazareteko

Jesusengan gizon jaioz egiten dauan „igarotea‟ ospatuko dogu. Urteko sasoi honetan urtero ospatzen dogun

jai hau Jaungoikoak emoten deuskun aukera barria da; aukera da, bai, beste behin be, guztiontzat. Holako

gertaera baterako lau asteko prestaketa egingo dogu; Abendu aldia da. Gero, Gabon aldian,

Jaungoikoa gugaz (Emmanuel) dagoala Salbatzaile lez ospatuko dogu, izan be horixe adierazoten

dau „Jesus‟ hitzak. Hain zuzen, Jesus, Salbatzailea, danontzat (magoak) dator baina, lehenengo eta behin,

behartsuenentzat (artzainak).

Abendu eta Gabon aldiko domeketako eta jaiegunetako ebanjelioen azalpen honeek Gizakundearen, hau da

Jaungoikoa gizon egin izanaren misterioa ulertzen eta zentzunez bizitzen lagundu gura deuskue.

ABENDU ALDIKO 1. DOMEKEA

JARRERAK

Zabaldu gure begiak, Jauna, ikusi zaiguzan.

Adi egon. Radarra biztuta. Jagon.

Beti prest. Konturatu zaiteze. Erne egon.

Aprobetxatu unea. Adi gertatzen danaz

EBANJELIOA (Mk 13, 33-37)

“Jesusek ikasleei esan eutsen: egon zaiteze zoli eta iratzarririk, ordua noiz izango dan ez dakizue-eta. Urrunera

doan gizonaren antzera: bere etxea itzi, morroiei eskubidea eta bakotxari bere egitekoa emon, eta zoli egon daitela

agintzen deutso atezainari. Iratzarririk egon, ba, ugazaba noiz etorriko dan ez dakizue-eta; ilunabarrean, ala

gauerdian, ala oilarraren kukurrukutan, ala goizaldean; bat-batean etorrita, lotan aurkitu ez zaiezan. Zeuei

dinotsuedan hau, guztiei dinotset: Iratzarririk egon!”

AZALPENAK

Kreazinoaren, gizakundearen eta berbizkundearen kristinau mezuak sendo nabarmentzen dau

Jaungoikoarena dala ekimena bere salbamenezko egitasmoan: gizon eta emakumeengana hurreratu Bere

lankide izatera konbidatzeko, alkarlanean gu guztiontzako zoriontasun betea lortu ahal izateko. Hain zuzen

be, unibersoa sortzean, Jaungoikoa Nazareteko Jesusengan jaiotean eta berau biztean, Jaungoikoak dei

egiten deusku bere salbamenezko egitasmoagaz bat egin daigun, eta gure lankidetza apalaren bitartez bere

atsegin emoteari erantzuten laguntzen deusku.

Jaungoikoa gugana hurreratzen da. Berak aurrea hartzen deusku, berea da ekimena. Beragandik jaso dogu

garan eta daukagun guztia. Hainbat ezaugarriz bete gaitu, besteen zerbitzura ipini daiguzan. Ez dau balio gure

talentuak lurperatzea. Jaungoikoak aintzakotzat hartzen gaitu. Mt 25 kapituluan (talentuen, argi-ontzien eta

Azken Epaiketaren kontakizunak) gogoratu daikegu. Jaungoikoa, gure erantzun arduratsuaren zain dago.

Laguntzeko jarreraz aurkitu behar dogu gure egitekoa. Eta zer dozu zuk hartu izan ez dozunik? Eta hartu izan

badozu be, zergaitik harrotzen zara, hartu izan ez bazendu lez? (1 Kor 4, 7). Hutsean hartu zenduen, hutsean

emon eizue (Mt 10, 8). Ba, Abendu aldia sasoi egokia da gure talentuakaz gutako bat egiten dan

Jaungoikoaren zeinu eskuzabalari erantzuteko. Denporaren igarote hutsa (Kronos) gainditzean datza,

Jaungoikoagaz, besteakaz, geure buruagaz bat egiteko aukerea, danontzako aukerea (Kairos) bilatuz.

~ 6 ~

GAURKOTZEA

Jaungoikoa ez da nagusitasunez eta harrokeriaz azaltzen. Hitz egiteko ez dau bozgorailurik, musika-bandarik

edo su-artifizialik behar. Jaungoikoa inguruabarren bidez agertzen da. Inguratzen gaituen guztiak

jakinarazoten deusku gure zeregina zein dan: pobreek, otoitzak, barriek, hausnarketak, persona

eredugarriek, Bibliak, musikak, izadiak, gertaerek, umearen arpegiak… Holan antzematen dogu

Jaungoikoaren borondatea gertatzen jakun guztian. Horrek “adi egon zaiteze” esan gura dau. Horretan

datza “adi egotea”, Jaungoikoak gugandik gura dauana antzematean. Honan, hamaika bidetatik hurreratzen

jakun Jaungoikoari harrerea egiteko prestatuko gara, sasoien zantzuak, beharrizanik larrienak, kontuan

hartuz.

ABENDU ALDIKO 2. DOMEKEA

JARRERAK

Barri ona. Lekukoak. Doikuntzak egitea. Bihotz-barritzea. Bide zuzena.

Soiltasuna: funtsezkoan oinarritu. Behar-beharrezkoagaz bizi.

Bizitzeko jan; ez jateko bizi. Gehiegikeriarik ez.

EBANJELIOA: Atondu eizue Jaunaren bidea (Mk 1, 1-8)

Jesukristo Jaungoiko Semearen Barri Onaren hasiera. Isaias profetaren liburuan hauxe dago idatzita: “Begira: neure

aingerua bialtzen dot zure aurrean, bidea atonduko deutsuna. Basamortuan deadarka diharduan berbotsa: „Atondu

eizue Jaunaren bidea, zuzendu Haren bide-zidorrak!‟”.

Joan Bateatzailea agertu zan basamortuan, pekatuen parkamenerako damu-bateoa iragarten. Judea aldeko guztiek

eta Jerusalengo guztiek harengana jo eta, euren pekatuak autortuaz, Jordan ibaian harengandik bateoa hartzen

eben.

Joan ganbelu-narruz jantzita ebilen, eta haren janaria matxinsaltoak eta baso-eztia ziran. Eta hauxe iragarten eban.

“Neure atzetik dator ni baino indartsuagoa dana; ni ez naz gai makurtuta haren oinetako-lokarriak askatzeko

be. Nik uraz bateatu zaituet; harek, barriz, Espiritu Santuaz bateatuko zaitue.”

AZALPENAK

Markosen kontakizunaren hasierak ebanjelioan jasoten danaren oinarrizkoa aurkezten deusku.

Jesukristorengan eta bere mezuan datzan “barri ona” da. Ondoren, ebanjelariak Nazareteko Jesusen

aurkezlea aurkezten dau. Joan da, bateatzailea, eta bera dogu eredu, Jesu Kristogaz bat egitera garoazan

gidaria da. Bihotz-barritzeko dinosku, bizimodu zuzena eroateko, pekatu guztiengaitik parkamena eskatzeko.

Eta euren bizimoduak aldatzeko erabagi horren seinale lez, Joanek urez bateatzen ebazan Jordan ibaian.

Bateatzailearen predikua bat etorren bere bizimoduagaz: soiltasunez bizi zan, soiltasunez janzten zan eta

urritasunez jaten eban. Ospea be ez eban beretzat gordeten; bere atzetik etorren bat, „goragokoa‟,

„indartsuagoa‟, aitatzen eban: Nazareteko Jesus. Apala da, umila; bere lekuan geratzen daki, nahiz eta

ospetsu bihurtzeko aukera izan.

GAURKOTZEA

Bateatzaileak Jesusen jarraitzaile izateko jarraibideak emoten deuskuz. Haregaz bat egiteko prestatzen gaitu.

Konbitea egiten deusku: bihotz-barritzeko, zuzentzeko, jarreraz aldatzeko, gauza negatibo guztiez

damutzeko, Nazareteko Jesus eta bere mezua onartzeko, Jesus, eta ez geure burua, aurkezteko, behar-

beharrezkoagaz bizitzeko… etorri jatorkun Jaungoikoaganaino eroango gaituan bidea atontzeko.

Horretarako, beharrezkoa ez dana alde batera izteko eskatzen deusku, oinarrizkoa kontuan hartzeko,

behar-beharrezkoagaz bizitzeko, geure buruari begira geratu ordez, Jesusengana eta bere mezura joteko.

Bere jarrerak onartzeko eta bizitzeko deia da. Juan, era berean, gure eredua da mezulari, aurkezle, lekuko

izaterakoan; hau da, zintzotasuna, apaltasuna eta soiltasuna eskatzen jakuz.

~ 7 ~

SORTZEZ GARBIA

(Egun honetako ebanjelioa (Lk 1, 26-38) eta Abendu aldiko 4. domekakoa bardinak dira

eta egun honi jagokon atalean azaltzen da.

Hemen eta orain, beste ikuspuntu batetik komentatuko da testua)

JARRERAK

Maria, gure eredua.

Jaungoikoa aske da deitzeko.

Jaungoikoak apalak aukeratzen ditu.

Bizitzan, erabagiak hartu beharra dago.

Jaungoikoari erantzuteak eragiten dauan poza.

Jaungoikoaren presentzia ustekabekoa da.

EBANJELIOA: Jaungoikoak Mariari deitzen deutso (Lk 1, 26-38)

Seigarren hilebetean, Jaungoikoak Gabriel aingerua Nazaret deritxon Galileako urira bialdu eban, neskatila (birjina)

bategana; neskatila hau, Jose eritxan Dabiden etxeko gizon bati ezkontzeko berbea emon eutsana zan, eta

neskatilearen izena, Maria. Eta, berau egoan tokian aingerua sartuta, hauxe esan eutsan: -Poztu zaitez, graziaz

bete hori, Jauna da zugaz. Berbok entzunda, Maria ikaratu egin zan, eta halako agurra zer izan eitekean erabilen

buruan. Aingeruak hauxe esan eutsan: - Ez izan bildurrik, Maria, Jaungoikoaren aurrean ederra aurkitu dozu-eta;

sabelean semea sortu eta egingo dozu, eta izena Jesus ezarriko deutsazu. Handia izango da Bera, eta Gorengoaren

seme esango deutse, eta Jaungoiko Jaunak Haren aita Dabiden errege-jarlekua emongo deutso; Jakoben etxeko

errege izango da betiko, eta Haren erregetzak ez dau azkenik izango. Mariak aingeruari hauxe erantzun eutsan: -

Zelan izan daiteke hori, gizonezkorik ez dot ezagutzen-eta? Aingeruak hauxe erantzun eutsan: - Espiritu Santua

etorriko da zure gainera, eta Gorengoaren indarrak bere gerizpean hartuko zaitu; horregaitik, zugandik jaioko dana,

santu izango da, eta Jaungoikoaren seme esango deutse. Begira: Elisabet zure senideak be, bere zahartzaroan seme

bat sortu dau, eta sabel-lehor esaten eutsenaren seigarren hilebetea be bada oraingo hau, Jaungoikoarentzat

ezinezkorik ez dago-eta. Mariak hauxe esan eban: -Hona hemen Jaunaren mirabea; egin bedi nigan zeuk

dinozunez. Eta aingeruak, Maria itzita, alde egin eban.

AZALPENAK

Gizadiagazko hartu-emonean, Jaungoikoak aurrea hartzen dau beti eta askatasunez jokatzen dau, ez

behartuta. Jaungoikoaren askatasunak Mariarena eta gurea errespetatu egiten ditu. Jaungoikoak aintzakotzat

hartzen gaitu. Gure erantzun arduratsua gura dau. Bere jarduerea inguruabar zehatzetan garatzen da. Leku

jakin batean (Galilea uria), bitarteko jakin baten bidez (Gabriel aingerua), lagun jakin bategan (Maria),

inguruabar jakin batzuetan (Joseri ezkontzeko berbea emonda), Israelgo arbasoagaz lotuta (Dabiden

etxekoa). Deia persona apalari zuzentzen jako, neskatxa apal bati. Txikiak dira Jaungoikoaren kutunak.

Jaungoikoaren bideak eta gureak ez datoz bat (ik. Is 55, 8-9). Horregaitik, bere deia ustekabekoa izaten da,

deigarria. Mariak bere zailtasunak, bere zalantzak aurkezten ditu. Eta Jaungoikoak poza emonez erantzuten

deutso. Mariak, Jaungoikoak bere ama izateko aukeratu dauala jakiteaz batera, baietz esaten deutso.

GAURKOTZEA

Bateotik, Jaungoikoak kristinauoi dei egiten deusku guztioi jagokun eta gure kristinau bizitzetan zehazten

joango dan bokazinora Jesusen jarraipenean. Deia guztiontzat da, unibersala da. Halanda be, bokazinoa

pertsonalizatua da, bakotxaren inguruabarren araberakoa. Mariak dei berezia jaso eban, gutako bakotxari

gertatzen jakon lez. Gure inguruan gertatzen danaren bidez, Jaungoikoaren borondatea antzematen dogu.

Eleizan, hainbat karisma, doe, gaitasun, eginkizun dago eta laikoengan, erlijiosoengan eta abadeengan

banatzen doguz. Eleizaren egitekoa ebanjelizazinoa da, Jaungoikoaren Erreinua iragartea, Jesusen jarraitzaile

izateko konbitea egitea. Halanda be, Eleizak guztien misino hau era askotara gauzatzen dau. Batasuna da

aniztasunean.

~ 8 ~

ABENDU ALDIKO 3. DOMEKEA

JARRERAK

Jaungoikoarena da ekimena. Arreta deiari. Leialtasuna jasotako mandatuari.

Onartu eta eskaini. Entzun eta zerbitzatu. Benetakotasuna, zintzotasuna eta prestutasuna.

Nortasun pertsonala. Leialtasuna besteakaz. Esanekotasuna Jaungoikoari

EBANJELIOA: Joan Bateatzailea, lekukoa (Jn 1, 6-8. 19-28)

Izan zan gizon bat Jaungoikoak bialdua, Joan izenekoa. Hau autorletzat etorri zan, argiaren autorra emotera, bere

bidez guztiek sinistu eien. Bera ez zan argia, argiaren autorra emotekoa baino. Hauxe izan zan judutarrak,

Jerusalendik bialdutako abade eta lebitarrak „nor zara zu?‟ itaunka joan jakozanean, Joanek emon eutsen

autorra. Harek autortu egin eban, bai, eta ez eban ukatu: - Ni ez naz Kristoa, autortu eban. Eta hauxe itaundu

eutsen: -Zer, ba? Elias al zara? Joanek hauxe esan eban: Ez naz. – Profeta ete zara, ba? –Ez, erantzun eban.

Orduan, hauxe esan eutsen: - Nor zara, ba, bialdu gaituenei erantzuna emon deiegun? Zer dinozu zutaz? Joanek

hauxe esan eban: - Basamortuan deadarka diharduan berbotsa naz ni: Zuzendu eizue Jaunaren bidea, Isaias

profetak esan ebanez. Hareek, fariseuek bialdutakoak ziran. Itaun hau be egin eutsen gainera: - Zergaitik

bateatzen dozu, ba, ez Kristo, ez Elias, edo Profeta be ez bazara? – Nik uraz bateatzen dot –erantzun eutsen

Joanek-; baina zeuen artean dago zuek ezagutzen ez dozuen norbait; horixe da nire ostean datorrena, eta horren

oinetakoen lokarria askatzeko be ez naz ni nor. Betanian jazo zan hori, Jordanen bestekaldean, Joan bateatzen

ziharduan tokian.

AZALPENAK

Jaungoikoak persona jakin batzuek deitzen eta bialtzen ditu (bere izenez: Joan), eta egoera jakin batzuetan

(bateatuz), inguruabar jakin batzuen bitartez (gizabanakoak, barriak, gertaerak…). Jaungoikoaren guztiontzako

deia guztiz zehatza da. Geure izenez deitzen gaitu, geure eguneroko ingurutik.

Ekimena Jaungoikoarena da. Berak ekiten deutso alkarrizketeari. Deitu egiten gaitu eta beti be egitekora

bialtzeko, berariazko misinoagaz. Jakina, deiak itxaron egiten dau, erantzun askea eskatzen dau.

Jesusen jarraitzaile izateko bokazinoa Joan bateatzailearen bitartez, lekukoa dan bitartekoaren bitartez

gauzatzen da. Beragan, lekuko guztiengan lez, mobimentu bikotxa gertatzen da: esperientzia eta iragarpena.

Lehengo zerbait onartu egiten da eta, gero, eskaini. Ezagutzera emonez, eskaini egin behar dan bizipenak

gertatu behar dau.

GAURKOTZEA

Jaungoikoak gure inguruabarren bitartez dei egiten deusku, Joan Bateatzaileari lez. Dei hori antzemateko,

adi eta prest egon behar dogu. Jaungoikoak gure erantzun eraginkor eta txeratsua itxaroten dau. Nire

bizitza, onerako edo txarrerako, eredugarria da besteentzat. Sinistedunok gure jokaereagaz, “ikuskizuna”

gara munduarentzat: “Izan be Jaungoikoak gu, apostoluok, gizonetarik azkenengo hartu gaituala uste dot,

heriotzara galduak lez: munduari, aingeruei eta gizonei ikusgarri gakiez-eta” (1 Kor 4, 9).

Bateatzailearen lekukotasunezko ereduak jente asko erakarten eban bihotz-barritzeko eta bateatzeko.

Joanek ikasle asko eukan, baina ez zan lortutako ospe eta entzuteagaz itsutu. Ez eban bere burua hots

egiten; beste bategana igorten eban, Jesusengana. Bere lekuan egoten jakin eban. Horri apaltasuna esaten

jako. Besteen aurrean dogun erantzukizunaz jaubetu behar dogu. Egiten edo egin barik izten dogunak

eragina dau gure ingurukoengan. Maisuak baino estimu handiagoan doguz lekukoak. Irakaspenak argi egiten

dau baina lekukotasunak liluratu. Joanek Nazareteko Jesusen lekuko izatera konbidatzen gaitu. Ez daigun

geure burua hots egin. Jesus eta bere mezua izango dira beti gure erreferentzia.

~ 9 ~

ABENDU ALDIKO 4. DOMEKEA

JARRERAK

Maria, Jaungoikoak graziaz betea.

Arreta deiari. Prestasuna. Irekitasuna. Umiltasuna.

Jaungoikoa badator. Onartu daigun. Jauna zugaz: poztasuna.

Giza erantzuna. Itaunak egiten deutsadaz neure buruari. “Baietzaren” Maria.

Jesus = salbatzailea. Jaungoikoaren Semea Nazareteko Jesusengan.

Ez bildurtu. Jaungoikoa gugaz: Emmanuel.

Behartsuari laguntzera joan

EBANJELIOA: Aingeruak Jesusen jaiotza iragarteko dau (Lk 1, 26-38)

Seigarren hilebetean, Jaungoikoak Gabriel aingerua Nazaret deritxon Galileako urira bialdu eban, neskatila (birjina)

bategana; neskatila hau, Jose eritxan Dabiden etxeko gizon bati ezkontzeko berbea emon eutsana zan, eta

neskatilearen izena, Maria. Eta, berau egoan tokian aingerua sartuta, hauxe esan eutsan: -Poztu zaitez, graziaz

bete hori, Jauna da zugaz. Berbok entzunda, Maria ikaratu egin zan, eta halako agurra zer izan eitekean erabilen

buruan. Aingeruak hauxe esan eutsan: - Ez izan bildurrik, Maria, Jaungoikoaren aurrean ederra aurkitu dozu-eta;

sabelean semea sortu eta egingo dozu, eta izena Jesus ezarriko deutsazu. Handia izango da Bera, eta Gorengoaren

seme esango deutse, eta Jaungoiko Jaunak Haren aita Dabiden errege-jarlekua emongo deutso; Jakoben etxeko

errege izango da betiko, eta Haren erregetzak ez dau azkenik izango. Mariak aingeruari hauxe erantzun eutsan: -

Zelan izan daiteke hori, gizonezkorik ez dot ezagutzen-eta? Aingeruak hauxe erantzun eutsan: - Espiritu Santua

etorriko da zure gainera, eta Gorengoaren indarrak bere gerizpean hartuko zaitu; horregaitik, zugandik jaioko dana,

santu izango da, eta Jaungoikoaren seme esango deutse. Begira: Elisabet zure senideak be, bere zahartzaroan seme

bat sortu dau, eta sabel-lehor esaten eutsenaren seigarren hilebetea be bada oraingo hau, Jaungoikoarentzat

ezinezkorik ez dago-eta. Mariak hauxe esan eban: -Hona hemen Jaunaren mirabea; egin bedi nigan zeuk

dinozunez. Eta aingeruak, Maria itzita, alde egin eban.

AZALPENAK

Mariaren benetako nortasuna ezagutzeko, ebanjelioak irakurtea da egokiena. Hantxe aurkituko dogu bere

benetako nortasuna. Holan, Maria Nazareteko Jesusen amaren inguruan izaten diran balizko mutur bi

saihestuko doguz: Maria jainkotzea edo Maria baztertzea. Deikundearen kontakizun honetan, Maria bizitza

sinistedunerako eredu lez ezagutzeko ezaugarri oinarrizko eta orientagarriak agertzen dira: Jaungoikoarena

da ekimena deialdian, gizakiakaz alkarrizketari ekiterakoan. Jaungoikoak emakume umila proposatu eban

bere ama izateko, “titulu” bako emakumea, ospe bako herrian. Jaungoikoaren kutunak apalak dira eta geure

izenez deitzen gaitu (Maria Joseri ezkontzeko hitza emonda egoana) sasoi (seigarren hilebetean) eta leku

(Galilea herria) jakin batean. Jaungoikoa gure eguneroko bizitzan agertzen da, eguneroko bizipen eta

gorabeheretan. Jaungoikoagaz bat egitean (Jauna zugaz dago) pozgarria da beti eta bildurrak uxatzeko balio

dau (ez bildurtu). Jaungoikoak aintzakotzat hartzen gaitu. Gure erantzuna itsua ez ezik arduratsua izatea gura

dau Jaungoikoak. Horregaitik, bere egitasmoa azaldu egiten dau; zertan datzan jakin daigula gura dau.

GAURKOTZEA

Maria eredugarria dogu Jaungoikoaren egitasmoa entzuterakoan eta, arriskutsua izanda be, egitasmoa

onartzerakoan. Jaungoikoak, gehienetan, gutako bakotxari hurreratzen jakunean, astindu eta harridura,

bildurra, zalantzak, itaunak… sortzen deuskuzan mandatua dakar. Gure inguruabarren, heltzen jakuzan

barrien, gure inguruan bizi diran gizabanakoen –batez be behartsuen- bitartez jaubetzen gara Jaungoikoaren

borondateaz.

Mariaren ereduak bere jarrerak izatera konbidatzen gaitu doan eta ustekabean hurreratzen jakun Jaungoiko

hori maitasunez onartzeko. Inork ez gaitu berak baino hobeto bideratuko. Mariak, bere bizimoduagaz,

Jaungoikoaren ekimena onartzeko zabalik, prest egoteko dinosku, nahiz eta proposamena harrigarria izan.

Jaungoikoa ezin dogu manipulatu, otzandu. Espirituak gura dauan lekuan putz egiten dau.

Hori holan izanda be, Jaungoikoak aintzakotzat hartzen gaitu, gure lankidetza aske eta arduratsua be

eskatzen dau. Mariak, bere zalantzakaz, bere galderakaz, argi izten dau bere erantzun kritiko, prestu eta

~ 10 ~

pertsonala, Azkenean, Mariak bere lehengusina Elisabet haurdun dagoala jakiten dauanean, arineketan doa

hari laguntzera. Mariak Isabeli erakusten deutsan alkartasun horrek erakusten deuskunez, Jaungoikoaz

beteten dana anai-arreba makalaren bila ateraten da. Jaungoikoagaz bat egiteak behartsuen aldeko zerbitzura

bultzatzen dau. Dei egiten jaku Mariaren jarrera guzti honeek geure egin daiguzan.

JAUNAREN JAIOTZA

(2015.eko urtarrilaren 4an –domekea- lez, ebanjelioko testu bera (Jn 1, 1-18) irakurriko da; hemen gauerdiko

mezako testuaren (Lk 2, 1-14) inguruko azalpenak emongo dira eta ez Natibitate eguneko mezako testuarenak (Jn

1, 1-5. 9-18)).

JARRERAK

Sekula ez gagoz bakarrik, alde batera itzita.

Jaungoikoa gugana dator, gure historiara, gure herrira.

Jaungoikoa Emmanuel deitzen da: Jaungoikoa gugaz. Jesus be deitzen da: Salbatzailea.

Jaungoikoa gutako bat egin da. Gu salbatzera dator. Gure zoriona ahalbideratzen dau.

EBANJELIOA: Emmanuel: Jaungoikoa gugaz (Lc 2,1-14)

Egun hareetan, Zesar Augustoren erabagi bat urten zan, lur osoak izena emon eiala aginduaz. Lehenengo izen-

emote hau, Siriako herriburu Zirino zala egin zan. Guztiak joiazan izena emotera, bakotxa bere urira.

Jose be, Dabiden etxeko eta sendikoa zan ezkero, Galileako Nazaret uritik Judeara igon zan, Belen deritxon

Dabiden urira, bere emazte Mariagaz batera izena emotera; Maria, barriz, seindun egoan. Eta han egozala, umea

jaioteko egunak bete jakozan Mariari; eta bere lehen semea izan, oihalakaz batu, eta aska batean etzan eban,

hareentzat ostatuan tokirik ez egoan-eta.

Lurralde haretan artzain batzuk egozan, kanpoan lo egiten eta euren artaldea gabez txandaka zaintzen ebenak.

Jaunaren aingeru bat agertu jaken, eta Jaunaren edertasunak inguratu ebazan bere argitan; eta bildurrez beterik

geratu ziran. Aingeruek hauxe esan eutsien: “Ez bildurtu, herri guztiarentzat poz handia izango dan barri bat

dakartsuet-eta: Salbatzailea jaio jatzue gaur Dabiden urian, Kristo Jauna dana; eta hauxe izango dozue

ezaugarritzat: ume bat oihalakaz batuta eta askan etzanda aurkituko dozue”. Eta bat-batean, aingeruagaz zeruko

talde handi bat alkartu zan, Jaungoikoa goratzen eta hauxe inoela: “Aintza Jaungoikoari goietan, eta bakea lurrean

Haren gogoko diran gizonei!”.

AZALPENAK

Aspalditik, hasiera-hasieratik, “betierekotasuna” deitzen dogunetik, Jaungoikoak egitasmoa prestatu eban,

bere Hitza esan eban. Unibersoa sortu eban. Jaungoikoak gizadiarentzat dauan zorioneko egitasmoaren,

salbamenaren historiaren hasierea da. Salbatzea, nahi izanda be, bere indarrez bakarrik lortu ezin dauana

arriskutik askatzea da; ezintasun horretan, askatuko dauan norbaiti laguntza eskatzen deutso. Laguntzaile

horri, salbatzaile esaten deutsagu. Jesus da gure Salbatzailea. Ardatza, egitasmo horren gailurra,

Jaungoikoaren Semeagan, Nazareteko Jesusengan gizon egindako Hitzean datza.

Gizaki guztiok bizi gara etenbako arrisku existentzialean: guztiz zorioneko izateko dogun nahia da, geure

kabuz lortzerik ez dogula bizi izanaren esperientziagaz. Zoriontasun betea lortzeko helburu tematian porrot

egitera kondenatuta gagozala emoten dau. Inguruabar honeetan, Jaungoikoa jatorku (Emmanuel: Jaungoikoa

gugaz) salbatzera (Jesus: salbatzailea). Hau da, Jaungoikoak gure helburua lortzen laguntzen deusku baina geu

lankide gaituala.

Bide erraz eta zehatzetik egiten dau. Txiroenei, artzainei agertzen jake, aska batean agertzen da, ume

jaiobarriagan, herrian arbasoak dituan eta orduko legeak herritar arrunt lez bete behar dituan gizakiagan.

Bere burua agertzera emoteko bide honek Jaungoikoaren handitasuna (Aintza) eta Jaungoikoak guztiontzat

gura dauan giza zoriona (Bakea) islatzen deuskuz.

~ 11 ~

GAURKOTZEA

Ez gagoz bertan behera itzita. Ez gara zoriaren frutua, maitasuna dan Norbaitena baino. Esku onetan gagoz.

Guzti horren eraginez, konfiantzaz betetako jarrerea dogu. Jaungoikoak geure izenez ezagutzen gaitu, gure

inguruabar guztiakaz, eta holantxe maite gaitu. Gure bizitza osoa markatzen dauan esperientzia nagusia da.

Gure inguruan, lagun askok uko egiten deutso Jaungoikoari. Ateo edo agnostiko ugari dago. Errespetatu

egiten doguz. Gure erantzun sinisteduna ekarpena da. Kristinauok bizitzaren sen kristinau positiboaren,

zentzunaren, esanahiaren eroaleak gara. Erantzukizuna dogu, beraz, besteen aurrean.

Jaungoikoa hurbildu egiten jaku eta Hitza adierazoten deusku eta gure erantzunaren zain geratzen da. Hitz

hori biziz, osotasunez eta adorez beteta dago. Eta biziz betetako Hitz horrek gure ibilpideko urratsak

argitzen ditu bere argiaz. Jaungoiko sortzaile eta salbatzailearen esperientziaren lekuko izateko konbitea

dogu. Eta esperientzia hori gure inguruan kutsatu egin behar dogu.

Halanda be, baleiteke bere salbamenezko egitasmoagaz hurreratzen jakun Jaungoiko hori ez onartzea.

Jaungoikoak aske sortu gaitu eta errespetatu egiten dau gure askatasuna. Dana dala, gure pekatuaren

gainetik, Hitza haragi egin zan (Jn 1, 14). Gabonak dira. Nazareteko Jesusengan Jaungoikoa hurko, gizadiaren

lagun agertzen jaku. Maite gaitu, nahiz eta guk behin eta barriro hanka sartu eta estropezu egin.

DOMEKEA: FAMILIA SANTUAREN EGUNA

JARRERAK

Maitasunaren eskola. Etxeko txokoa eta giroa. Batasuna aniztasunean.

Banan-banako arreta. Jaungoikoaren irudira. Adinaren jakintza.

Jaungoikoaren eskuetan. Jaungoikoa da muina. Jaungoikoa aintzakotzat hartu

EBANJELIOA: Nazareteko familia (Lk 2, 22-40)

Moisesen legez, garbikuntzako egunak bete jakezanean, Jesus Jerusalenera eroan eben, Jaunari eskaintzeko,

Jaunaren Legean idatzita dagoanez: “Lehenengo gizonezkoa Jaunari eskainia izango da; eta oparitzat, usapal bi edo

usakume bi eskaintzeko”, Jaunaren Legean esaten danez.

Simeon izeneko bat zan Jerusalenen; gizon hau, zintzoa eta Jaungoiko zalea zan, eta Israelen poz-emoilearen zain

egoan; eta hagan Espiritu Santua egoan. Jaunaren Kristoa ikusi baino lehen ez ebala heriotza ikusiko, adierazo

eutsan Espiritu Santuak. Espiritu Santuak eraginda, Jaunaren Etxera etorri zan, eta umeari buruz Legeak agintzen

dauana betetera, gurasoek Jesus umea sartu ebenean. Simeonek besoetan hartu eta Jaungoikoa goratu eban,

esanez: “Orain, Jauna, itzi deikeozu morroi honi bakean joaten, berba emon zeuntsanez; ikusi dabe nire begiek

zure salbatzailea, herri guztien aurrean atondu dozuna, jentilak argitzeko argia, eta zure herri Israelen aintza”.

Jesusen aita eta ama harrituta egozan, Harezaz inoenaz. Simeonek bedeinkatu egin ebazan, eta Jesusen ama

Mariari hauxe esan eutsan: “Ume hau israeldar guztiak jausteko edo jagiteko dago jarria, baita ukatuko dabenen

ezaugarrirako be; eta zeuri be, ezpata batek zulatuko deutsu arimea alderik alde, bihotz askoren asmoak agirian

geratu daitezan”. Emakume profeta bat be bazan: Ana, Panuelen alabea, Aseren jatorrikoa, urteetan heldua;

ezkonduta gero, bere senarragaz zazpi urtean bizi izan zan, eta larogeta lau urtera arte alargun egoan; ez eban

Jaunaren Etxetik alde egiten, barau eta otoitz, gau eta egun Jaungoikoa otseintzen. Une haretan bertan etorririk,

Jaungoikoa goratzen ziharduan, eta Jerusalenen askatasunaren zain egozan guztiei, umeari buruz egiten eutsen

berba. Jaunaren legeak agintzen eban guztia bete ebenean, Galileara bihurtu ziran, euren herri Nazaretera. Umea

hazi eta indartu egiten zan, jakituriaz beteten zala; eta Jaungoikoaren grazia Haren gainean egoan.

AZALPENAK

Israelen indarrean egoan legearen arabera, jaiobarriak Jaungoikoari eskaini behar jakozan. Holan, bizia

gurasoen bitartez Jaunagandik etorrela autortzen zan. Errito honen bidez umea aurkezten zan eta

Jaungoikoarena zala autortzen. Dana bere lekuan jartea zan kontua. Jaungoikoa gure bizitzen erdian,

bihotzean, ipinten zan. Jaungoikoa beste ezer baino lehen, lehenengo lekuan. Ondoren, gurasoak,

Jaungoikoari euren sabeleko frutua eskertzen eutsenak. Gurasoakaz batera, sinismen sakoneko edadetu bi

agertzen dira kontakizunean. Nazareteko Jesusengan gordeten zan Jaungoikoaren misterioaren sakontasuna

~ 12 ~

antzematen dabe Tenpluko agerraldi haretan. Fededunak ziran, persona osoak, esperientzia mistikoz

betetakoak. Gauza arruntetan Jaungoikoaren ekintzaren berezitasuna aurkitzen dabe, zarata barik,

Jaungoikoaganako muga bako konfiantzatik.

GAURKOTZEA

Jesus Jerusalengo Tenpluan aurkeztu eta eskaini ebeneko kontakizun honek interpelatu egiten gaitu gure

sinistedun aukeran. Benetan, ze lekutan dago Jaungoikoa nire bizitzan? Zer da benetan mobiduten gaituana?

Zein da nire bizitzaren ardatza? Guretzat ez da erraza esperientzia mistikoa bizitzea. Zabalik ete gagoz

Jaungoikoagaz bat egiteko aukerara? Non, zelan antzematen dogu Jaungoikoa? Seguruenik honako batzuetan:

otoitzean, Biblian, behartsuengan, izadian, musikan, tenpluan, besteen alde jarduten dabenengan,

jaiobarriaren arpegian… Zabalik ete dogu gure radarra, Jaungoikoaren sintonia antzeman ahal izateko?

Tenpluko agerraldia, konbitea da, Jaungoikoa lehenengo lekuan ipini daigun; gero, personak; azkenik, gauzak.

Gauza bakotxa bere lekuan, jagokon balioa emonez. Diruak, indarrak, ospeak, gozamenak, aberriak, lanak,

osasunak,… adiera positiboa dabe baina, beti be, esklabo bihurtu barik, personei gizatasuna emoteko balio

badabe. Gizabanakoek eta gauzek Jaungoikoari jagokon erdigune hori hartzen dabenean, sasi-jainko

bihurtzen dira, absolutu, jainko bihurtzen doguz. Gizabanakoak eta gauzak ez dira jaungoikoak, sortuak izan

dira, erlatiboak dira.

Mariak eta Josek Jesus Jainkoari begirada sinistedunez eskaintzeko eroan eben. Semeari eskaini beharreko

hezkuntza erlijiosoaren hasiera izan zan. Gaur egun be, guraso askok bateatzen dabez euren seme-alabak.

Baina ze motibazinogaz? Era berean, Simeon eta Anak euren fedea bilobei transmititzen saiatzen diran aitita-

amamak irudikatzen dabez. Eskerronez autortu behar dogu aitita-amamek gure familietan kristinau

hezkuntzan egiten daben lana.

SANTA MARIA, JAUNGOIKOAREN AMA (Urte Barri)

JARRERAK

Bihotz-apaltasuna. Bilatzaileak aurkitu egiten dau.

Gauzei bueltak emon.

Bizi izandakoa adierazo.

Legea bete.

EBANJELIOA: Artzainen ikustaldia eta Jesusen erdainkuntza (Lk 2, 16-21)

Eta lehenbailehen joan ziran, eta Maria, Jose, eta askan etzanda egoan umea aurkitu ebezan. Umea ikustean, ume

harezaz esan eutsiena adierazo eben: eta hori entzun eben guztiek, artzainek inotsienaz harrituta egozan. Mariak,

barriz, berba guztiok gorde eta bere bihotzean hausnartzen ebazan. Artzainak, entzun eta ikusi izan eben

guztiagaitik, Jaungoikoa goratzen eta ospatzen bihurtu ziran: esan eutsienez jazo zan-eta guztia. Umea erdaintzeko

zortzi egunak bete zirenean, izena jesus ezarri eutsen, amaren sabelean sortu izan baino lehen aingeruak esandako

izena.

AZALPENAK

Artzainek Jesus Salbatzaileagana joateko daben motibazinoa argi azaltzen da mobimendu honetan:

“lehenbailehen”. Behartsuak ziran. Horregaitik bat etorri ziran askako umeagaz. Bila ziharduen, zabalik

egozan, euren egoera kaskarretik aterako eukezan norbaiti harrera egiteko prest. Eta, horregaitik, hunkitu

egin ziran Jesusegaz, eta bila ari ziran ha aurkitu eben Beragan: poztasuna, soiltasuna, harrerea, erantzuna

ardurei, jainko onarpena.

Hain handia zan artzainen poztasuna non danen aurrean goratu eben Jaungoikoa bat egite ha eskertuz. Hau

da, lekuko bihurtu ziran, gogoratuz, gertaera hareek bihotzetik pasatuz. Bizi izandakoa iragarri egin eben,

ahoak hitz egiten daualako bihotzaren oparotasunaz, niretzat ona dana besteentzat be ona dalako.

Argi eta garbi agertzen da Jesusen giza alderdia, gainerako herritarrek lez erdainkuntzaren legea bete

ebalako. Jesus bere sasoiko herritar bat izan. Gure antzeko izan zan guztian, pekatuan izan ezik.

~ 13 ~

GAURKOTZEA

Maria arduratu egiten zan bere inguruan gertatzen zanaz. Bere ondoan, inguruabar desbardinetan, bizi ebana

bihotzean gorde eta hausnartu egiten eban. Artzainak, Jesusen jaiotzaren barriak poztuta, arineketan joan

ziran Jesus Salbatzaileagaz bat egitera. Arineketan ateraten ete gara norbaiten bila? Zerbaiten bila ari ete

gara? Noren eta zeren beharra dogu? Zerk motibatzen gaitu gure bizitzan?

Belengo umetxo hari izena jarri eutsen, „salbatzailea‟ adierazoten dauana. Izenak errespetu bikaina merezi

dauan gizakiaren nortasuna eta duintasuna irudikatzen ditu. Bakotxak bere izena dau, nortasun jakin bat. Dei

bizia da, persona guztiak errespetatu daiguzan eta gu geu errespetatu gaiezan.

Jaiegun honetan, hasierea emoten deutsagu urte zibilari. Zeozer hasten danean, gogoz eta ilusinoz hartzen

dogu. Gabonetan, “Bakearen Printzea” esaten jako Jesusi. „Bakea‟ berbeak giza aukera eta itxaropen guztiak

barne hartzen ditu. Bakea ondorengo lau zutabe honeen gainean finkatzen dan teilatuaren antzekoa da:

zuzentasuna, egia, askatasuna eta maitasuna. Zutabe honeek ez baditu, bakearen eraikina behera dator,

kolokan dago.

Nazareteko Jesusek, gizon eginda, erdainkuntzaren legea bete egiten dau, kultura haren usadioen arabera.

Mariak, Jaungoikoaren ama izateko konbitearen aurrean, bihotzean hausnartzen dau guztia. Imitatu daiguzan

zeinu horreek, bardin erantzunez. Guk, Mariaren antzera, Jesus “erditu” daikegu besteen aurrean. Holan

ospatu daikegu Maria Jaungoikoaren Ama lez.

GABON OSTEKO 2. DOMEKEA

JARRERAK

Zerua eta lurra bat eginik

Ilunpetan argi egiten dauan argia

Jasotakoa iragarri

Biziaren alde burrukatu

EBANJELIOA: Hitza haragi egin zan (Jn 1, 1-18)

Hasieran Hitza bazan, eta Hitza Jaungoikoagaz egoan, eta Hitza Jaungoikoa zan. Hasieran Hitza Jaungoikoagaz

egoan. Hitzaren bidez egin da dana, eta Bera barik ez da egin egindakorik ezer. Hagan bizitza egoan, eta bizitza

gizonen argia zan, eta argiak ilunetan argi egiten dau, eta iluntasunek ez eben azpiratu. Izan zan gizon bat

Jaungoikoak bialdua, Joan izenekoa. Hau, autorletzat etorri zan, argiaren autorra emotera, bere bidez guztiak

sinistu eien. Bera ez zan argia, argiaren autorra emotekoa baino. Hitza, egiazko argia zan, mundu honetara

datorren edozein gizakume argitzen dauan argia. Munduan egoan, eta mundua Berak egina izan zan, eta

munduak ez eban ezagutu. Bere etxera etorri zan, eta beretarrek ez eben ondo hartu. Bera hartu eben guztiei,

barriz, Haren izena sinistu eben guztiei, Jaungoikoaren seme egiteko eskubidea emon eutsen. Seme honeek ez ziran

odoletik jaio, ez haragi-guraritik, ez giza-guraritik, Jaungoikoagandik baino. Eta Hitza haragi egin zan, eta bere

Bizilekua geure artean jarri eban; eta bere aintza ikusi dogu, Seme bakarrari jagokonez Aitagandik hartzen dauan

aintza, graziaz eta egiaz betea. Harezaz Joanek egiten dau autor eta hauxe dino deadarka: «Hauxe zan Harezaz

esan neban hau: Nire ondoren datorrena, neure aurretik jarri da, ni baino lehenago zan-eta». Bere betetasunetik

hartu dogu guztiok, eskerrik esker hartu be. Legea Moisesen bidez izan zan emona; grazia eta egia, barriz,

Jesukristoren bidez heldu jakuz. Jaungoikoa ez dau inork behin be ikusi; Seme bakarrak adierazo dau Jaungoikoa,

Aitaren altzoan dagoanak Berak.

AZALPENAK

Ebanjelioko testuak garaien hasierara garoaz; orduan, Jaungoiko Aitak gizadi osoarentzako dauan bere

salbamenezko, zorioneko egitasmoa aurkezten deusku bere Semearen, bere Hitzaren bidez. Kreazinoaren

hasieratik bertatik, asmo jakin bat dago. Kaosa, ilunpeak, hustasuna… atzean geratzen dira. Argibideak

emoten dituan Hitza, argi egiten dauan argia, osotasunak diharduan bizia sortzen dira. Egitasmo hau prozesu

~ 14 ~

sortzaile eta salbatzailean garatzen da. Garaien betetasuna heltzen danean, une egokia hurreratzen danean,

Jaungoikoaren Hitz hori “haragi” egiten da, gizaki sortzen da Nazareteko Jesusengan, Belenen, I. gizaldian.

Jaungoikoaren maitasunaren gaindia da. Jaungoikoak gure atsegina gura dau. Jaungoikoa gugaz (Emmanuel) da

eta gu salbatzera dator (Jesus salbatzailea da).

GAURKOTZEA

Nazareteko Jesusengan hitz esanguratsua aurkitzen dogu gure bizitzari zentzuna emoterakoan. Gizon

egindako Jaungoiko horrek bere bizia dakarsku bere osotasunean. Inguratzen gaituen ilunpeen erdian, argi

egiten deuskun argia da. Hitz hori, bizi hori, argi hori, proposatu egiten jaku, guk onartu daigun. Jaungoikoak

ez dau inposatzen, proposatu baino ez dau egiten. Historian, betidanik izan dira era askotako erantzunak.

Proposamena onartu eta askatasunez babestu dabenak (bere egin eben guztiei Jaungoikoaren seme-alaba

egiteko ahalmena emon izan jaken) eta uko egin deutsenak (beretarrengana etorri zan eta beretarrek ez

eben onartu). Jaungoikoak Bera eta bere egitasmoa onartzeko dinosku. Ze erantzuten deutsagu?

Ebanjelioko kontakizun honek Joan Bateatzailea aurkezten deusku eredu lez. Berak Jesusen lekukotasuna

emon eban, hots egiten eban mezuaren arabera biziz. Horra hor aurrez aurre dogun erronka.

JAUNAREN AGERKUNDEA

JARRERAK

„Ateak zabalik‟ operazinoa. Danontzako lekua. Muga barik.

Alde edo aurka. Eguzkiak danontzat egiten dau distira.

Batzuk adur onez jaioten dira eta beste batzuk porrot eginda.

EBANJELIOA: Magoak Ekialdetik datoz (Mt 2, 1-12)

Herodes erregearen egunetan, Judako Belenen Jesus jaio zanean, jakitun batzuk etorri ziran eguzki-sortaldetik

Jerusalenera, esanez: «Non dago judutarren errege jaiobarria? Eguzki-sortaldean Haren izarra ikusi dogu-eta, gur

egitera gatoz». Hori entzunik, Herodes erregea larritu egin zan, baita haregaz batera Jerusalen guztia be.

Abadeburu eta herriko idazlari guztiak batu ebazan, eta Kristo non jaioko zan itaundu eutsen. Hareek hauxe esan

eutsen. «Judako Belenen, holantxe dago-eta igarleak idatzita: Eta zu, Belen, Judako lurralde ez zara, ez, Judako

herri nagusien artean herririk txikiena: zeugandik urtengo da buruzagia nire herri Israelen artzain izango dana».

Orduan, Herodesek jakitunei isilean dei egin eutsen, eta izarra noiz agertu jaken jakin eban harengandik. Gero,

Belenerako bidean jarri ebazan, hauxe inotsela: «Zoaze eta jakin eizue ondo umea non dagoan; eta aurkitu

daizuenean, iragarri eidazue, neu be bera gurtzera joan naiten». Hareek, ba, erregearen berbok entzunda gero,

joan ziran. Eta hara!, sortaldean ikusi izan eben izarra aurretik joaken, umea egoan toki gainera heldu eta bertan

gelditu arte. Izarra ikustean, poz handiz bete ziran. Etxean sartu ziran; umea ikusi eben bere ama Mariagaz; eta

ahuspezturik, gurtu egin eben. Gero euren kutxatilak zabalduta, opariak eskaini eutsezan: urrea, intsentsua eta

mirra. Gero, Herodesengana ez bihurtzeko burubidea amesetan hartuta, euren herrialdera beste bide batetik

bihurtu ziran.

AZALPENAK

Ekialdeko Magoek gizadi osoa ordezkatzen dabe eta, bereziki, atzerritarrak, kanpokoak, urrunekoak,

desbardinak. Egia jakiteko prest dagoz; jakin-mina dabe errealidadearen aurrean; sortu daiteken barritasuna

onartzeko prest dagoz. Bizitzari zentzuna emon gura deutse. Guzti hori izarra antzematean eta izarraren

atzetik joatean islatzen da. Adi dagoz gertatzen dan guztiaren aurrean eta prest euren beharra dagoan

edonon azaltzeko. Hau da, adi dagoz garaien zantzuen, gizadiaren arazoen aurrean. Jarrera zabal eta prestu

honek, hartu daben bide honek, hainbat zailtasun dakar: euren lurraldetik atera eta ezezagunerantz jo, argia

(izarra) ezkutatu, kontrako personakaz eta kultura arrotzakaz topo egin. Baina eurek aurrera egiten dabe.

Azkenean, euren helburua lortu egingo dabe, helmugara iritsi egingo dira. Han harrerea egiten deutse.

Magoek erantzun eta aldean eroiezan opariak eskainiz laguntzen dabe.

~ 15 ~

GAURKOTZEA

Globalizazinoa gertakari orokorra da gure egunotan, onerako zein txarrerako. Gaur sekula baino gehiago,

mundua zapia baino ez da. Horrek unibersaltasuna bizitzen eta Eleizea urteerako jarreran jarten laguntzen

deusku. Magoen antzera, geuk be ezaguna izten eta ezezagunera zabaltzen jakin behar dogu.

Magoak etorkinak ziran, Ekialdetik etozan eta harrera egin eutsien. Horrek interpelatu eta gure etorkinakaz

zeinu bera egitera bultzatzen gaitu. Ez deiogun bildurrik izan desbardinari. Desbardina ez da alkarren aurka

jarteko, alkar aberasteko baino. Jaungoikoak danok onartzen gaitu; egin daigun gauza bera besteakaz.

Magoek eukien onena eskaini eben: urrea, intsentsua eta mirra. Ikasi daigun Magoengandik daukaguna

beharrezkoa be ez dabenakaz erdibanatzen.

Magoei izarra agertu eta desagertu egiten jake. Eurek leial iraun eben, zailtasunak izan ala ez izan. Une

gogorrak eta gozoak igaro ebezan. Horregaitik, euren egitekoa bete egin eben. Geure egin beharko

geunken eredua da.

JESUSEN BATEOA

JARRERAK

Eskerrik asko fedeagaitik.

Jesusen aldeko hautua. Deia eta erantzuna.

Hemen nozu, Jauna, zure borondatea egiteko.

Zure altxorra non, zure bihotza han.

Leialtasuna emondako hitzari.

EBANJELIOA: Zu neure Seme maitea zara (Mk 1, 7-11)

Joan bateatzaileak hauxe iragarten eban: «Neure atzetik dator ni baino indartsuagoa dana; ni ez naz gai makurtuta

haren oinetako lokarriak askatzeko be. Nik uraz bateatu zaituet; harek, barriz, Espiritu Santuz bateatuko zaitue.»

Egun hareetan, Jesus Galileako Nazaretetik etorri zan, eta Joanek Jordanen bateatu egin eban. Jesus uretatik

urtenda batera, zeruak urratu egiten zirala eta Espiritu Santua uso-irudiz Jesusen gainera jatsiten zala ikusi eban

Joanek. Eta berbots hau etorri zan zeruetatik: «Zu neure Seme maitea zara: zeugan dot nire atsegina»

AZALPENAK

Jesusek bere misinorako prestatzen dihardu. Bere bialketaren nondik norakoaz jaubetzen da: Jaungoikoaren

Erreinuaren Barri Ona iragarri eta bizi izatea. Herritik atera eta egitekoari ekiten deutso. Nazaretetik

Jordan ibaira doa, Aitaren eskuetan jarteko prest, Espirituak bultzatuta, jarrera apalagaz. Ilaran jarten da;

bihotz-barritu gura daben pekatarien ilaran. Joan Bateatzaileak bateatzea onartzen dau. Ospakizun honetan,

Hirutasunak esku hartzen dau. Jaungoikoaren aurrean gertatzen da dana. Aitak Jaungoikoaren Seme maite

lez autortzen dau Jesus. Eta Espiritua Jesusen gainera dator. Han, azkeneraino leialtasunez beteko dauan

misinoa jasoten dau.

GAURKOTZEA

Geu be txikitan bateatu ginan. Ohituta gatoz horretara eta ohikerian jausteko arriskua dogu, benetan zer

esan gura dauan konturatu barik. Baloratzen ete dogu gure kristinau bokazinoa? Gaur, Jesusen bateoa

ospatzen dogun egunean, Jesusen atzetik joateko aukerea barritu daikegu. Gaur egun kristinau izateagaitik

heriotzarainoko jazarpena jasaten daben kristinauek interpelatu egiten gaitue gure fedean. Estimatzen ete

dogu Jaungoikoaren seme-alaben familiako kide izatea? Jaungoikoa gure Aita eta Ama dala, gu bere seme eta

alabak garala eta gure artean anai-arreba garala bizitzea eta iragartea da.

---o0o---

~ 16 ~

HAUSNARKETAK-OTOITZAK 2014-15KO ABENDU-GABON ALDIRAKO

ABENDU ALDIKO 1. DOMEKEA

Zabaldu gure begiak, Jauna, ikusi zaiguzan. Zeuk dinoskuzu: erne egon, radarra biztuta. Jaubetu zaiteze zuon

inguruan gertatzen danaz. Erne egon, beti prest. Aprobetxatu bizi dozuen unea. Esna eta adi iraun.

Ez daitela Jauna bat-batean etorri eta zuok lo aurkitu! Jaungoikoa gugana hurreratzen da eta aintzakotzat

hartzen gaitu. Abendu aldia sasoi egokia da gutako bat egiten dan Jaungoikoaren zeinu eskuzabalari gure

talentuakaz erantzuteko. Jaungoikoa inguruabarren bitartez agertzen jaku.

Lagundu eiguzu zure borondatea ezagutzen, gure inguruabarren bitartez: behartsuak, otoitza, barriak,

hausnarketa, persona eredugarriak, Biblia, musika, izadia, gertaerak, umearen arpegia… Horretan datza

“erne egotea”. Horretan datza “adi egotea”, Jaungoikoak gugandik zer gura dauan antzematean. Entzuten

ete deutsagu hitz egiten deuskun Jaungoikoari? Jaramon egiten ete deutsagu bere deiari?

Txartoen dagozanen beharrizanak arintzen jardun daigun. Adi egon gaitezan leialak izateko Jaunagaz,

besteakaz eta geure buruagaz.

ABENDU ALDIKO 2. DOMEKEA

Itxaropenaz hitz egingo deuskuen barri onak behar doguz. Gure inguruan, barri txarrak baino ez dagozala

emoten dau. Eta, ondorioz, ez dogu bizitzeko adorerik.

Joan Bateatzaileak txarkeria salatu egiten dau eta salbamenezko mezuaz etorri datorren Jesus iragarten.

Horixe da Jaungoikoagandik jatorkun egundoko Barri Ona.

Lagundu eiguzu, Aita Jaungoikoka, Jesusengana garoazan Bateatzailearen atzetik joaten. Bihotz-barritzea da

gure nahia… hobeak izatea, geure burua prestatzea, bizitzako bideak zuzentzeko. Horretarako,

neurritasunez bizitzen saiatuko gara, funtsezkoan oinarrituz, behar-beharrezkoagaz eta duintasunez bizi ahal

izateko. Bateatzaileak bihotz-barritzeko, bizimodu zuzena, pekatuen parkamena eskatzeko dinosku.

Asmatu daigula eta atera gaitezala Jesus datorren bidera, zintzotasunaren, apaltasunaren eta neurritasunaren

bidera, Gabon honeetan Beragaz bat egin daigun. Ez daigula Nazareteko Jesus gure bihotzetan ez jaiotzea

ekarriko leuken okerreko biderik hartu.

SORTZEZ GARBIA

Maria zeu zaitugu eredua Jesusegaz bat egiteko. Lagundu eiguzu. Abendu aldi honetan, eroan gaizuz bide

egokitik. Jaungoiko Aita gurea, umilak dira zure kutunenak; egin gaizuz umil, apal, Maria lez.

Jaungoikoak bere semearen jarraitzaile izateko egiten deuskun dei edo bokazinoari erantzuteko gauza izan

gaitezala. Batzuetan, inguruabarren eraginez, ezusteko bideak, bide harrigarriak proposatzen deuskuzuz.

Gure zalantzak aurkezten deutsuguz. Ez da erraza zure atzetik joatea. Jaungoikoaren deiak zur eta lur itzi

eban Maria. Baina dei ha Jaungoikoagandik etorrela konturatzeaz batera, baietz erantzun eban. Lagundu

eiguzu, Jauna, gure Jaungoikoa, baietz esaten, Mariak lez.

Jaungoikoak guztioi egiten deuskun deia hamaika eratara gauzatzen da. Mariaren Sortze Garbiaren egun

honetan, harek Jaungoikoaren egitasmoa bere bizitzarako onartu egin ebala ospatzen dogu. Jaungoiko gure

Jauna, asmatu daigula guretzat gura dozun bidea aukeratzen eta erabagiz eta ausardiaz joan gaitezala hortik.

Jauna, ikusi daidala nire bidea eta leiala izan nakizula bide horretan.

ABENDU ALDIKO 3. DOMEKEA

Ene Jaun eta Jaungoikoa; nigan arreta jarri dozu, nazan lez, nire izen eta abizenez, nire inguruabarretan ikusi

nozu. Nire doe eta akatsakaz maite nozu.

~ 17 ~

Eskerrik asko nazan eta daukadan guztiagaitik. Zeugandik jaso dot dana; zeuri eskaintzen deutsut neure

burua. Zure deia ezagutzen saiatzen naz. Jasotako mandatua leialtasunez, benetakotasunez, apaltasunez eta

zintzotasunez erantzuten ahalegintzen naz. Argitu nire nortasuna, suspertu besteakazko nire leialtasuna eta

ahalbideratu Jaungoikoaganako nire esanekotasuna.

Zure lekukoa izan naitela, Joan Bateatzailea lez. Nire bizitzan Jaungoikoa hurbil dagoala sentitu daidala

barriro be. Doan jasotakoa, doan emon daidala. Jakin badakit egiten edo egin barik izten dodanak eragina

dauala besteengan onerako edo txarrerako. Nire bizimodua etorri datorren Jesusen bizimoduaren eta

Jaungoiko umeagaz bat egitera garoazan bidea atontzen dauan Joan Bateatzailearen bizimoduaren antzekoa

izan daitela. Atarian doguzan Gabonek ilusinoz bizitzera eroan gaiezala. Zorioneko izan gaitezala besteak

zorioneko eginez.

ABENDU ALDIKO 4. DOMEKEA

Nazareteko Jesusen jaiotegunaren bezperan, prestatu gaizuz, Maria, zure semea gure inguruan „erditu‟

daigun. Irakatsi eiguzu, zure antzera, apalak eta umilak izaten. Lagundu eiguzu “bai” esaten, prest egoten,

Jaungoikoak eskatzen deuskunera zabalik egoten.

Zeuk erakutsiko deuskuzu ondoen zeure jarrerakaz Jesus onartzeko zer egin behar dogun. Maria,

Jaungoikoaz fio dan emakume fededuna zara; Jaungoikoaren hitza entzun eta bete egiten dozu; zalantzak

dozuzanean, Jaungoikoari galdetzen deutsazu; Jaungoikoaren esanetara jarten zara. Ahalik eta bizkorren

zoaz Isabel lehengusinagana bere haurdunaldi eta erditzean laguntzeko; kurutzean josita dagoan Semearen

oinetan zagoz.

Jauna, hurbiletik jarraitu daiguzala Jesusen urratsak, Mariak egin eban lez. Adorea eta poztasuna behar doguz

gure zailtasunak gainditzeko. Zuk, Jauna, “ez bildurtu” esan zeuntsan Mariari aingeruaren bitartez. Emoiguzu

adorea eta sendotasuna, arazoak itzelak diralako eta gu oso makalak. Zatoz, zatoz bizkor, guri laguntzera

Gabonetan. Ahal dogunagaz lagunduko dogu; Zuk gainerakoa jarri.

JAUNAREN JAIOTZA

Jaungoiko Aita gurea, kreazinoaren aurretik gogoan izan dozuz gizaki guztiak eta egitasmoa prestatu dozu

zure seme-alaba guztiok benetan zorioneko izan gaitezan. Maitasunaren maitasunaz, gutako bat bihurtu zara

zure Semeagan, Nazareteko Jesusengan. Horixe izan da gure alde egin dozun gauzarik handiena.

Jaungoikoa gizon eginda. Horra hor Gabonetako misteriorik handiena. Jaungoikoa gugaz. Jaungoikoak lagun

egiten deusku. Jaungoikoa gure historiara, gure herrira hurreratzen jaku. Ez gagoz bertan behera itzita. Ez

gara zoriaren frutua, maitasuna dan Norbaitena baino. Esku onetan gagoz. Jaungoikoa txiki egiten da, txikiok

ez daigun bildurrik izan.

Izen bi hartzen ditu Jaungoikoak Gabonetan: Emmanuel (Jaungoikoa gugaz) eta Jesus (Salbatzailea). Gutako

bat egiten da ume jaiobarriagan. Jaungoikoa gutarra da. Gu salbatzera dator. Gure erabateko zoriontasuna

ahalbideratzen dau. Eskerrik asko, Jauna!

Gabonak dira. Nazareteko Jesusengan, Jaungoikoa hurko, gizadiaren adiskide, agertzen jaku. Ez deutso gu

maitatzeari izten, nahiz eta guk behin eta barriro akatsak eta estropezu egin.

DOMEKEA: FAMILIA SANTUAREN EGUNA

Familia maitasunaren eskolea da. Familian, gure esku dagoana eskaintzen dogu eta behar doguna jasoten.

Danok gara “norbait”, kide bakotxa aintzakotzat hartzen da.

Familian garatzen da batasuna aniztasunean, banan-banako arretea emoten da. Gizarte hartu-emonen

hoztasunetik babesten gaituan sua da. Hau da, familian etxeko giroa dago. Familia da gizartearen zelularik

txikiena.

~ 18 ~

Jesusek be izan eban familia eta hantxe ikasi eban bizikide izaten, hitz egiten, ibilten, jaten… Familiatik emon

eban bere sasoiko gizartean txertatzeko urratsa, zirkulu eta eremu jakin batean. Lege judutarren menpe

egon zan lehen gizaldiko Palestinan.

Nazareteko familia maitea, lagundu gure familia guztiei eta mundu osoko familiei maitasunaren garrari

biztuta eusten. Barritu senar-emazte guztien hasierako maitasuna. Hobetu gurasoen eta seme-alaben arteko

hartu-emonak. Nagusiak maitasunez hartu daiguzala. Kristinauok senidetasunezko giroa bizi daigula gure

kristinau alkarteetan be.

SANTA MARIA, JAUNGOIKOAREN AMA (Urte Barri)

Santa Maria Jesusen Amaren egunean urte zibilari hasierea emoten deutsagu. Urte Barria, bizi barria esaten

dogu. Zerbait hasten danean, gogoz, ilusinoz hartzen dogu. Danok gura dogu zoriona, danok irrikatzen dogu

bakea. Gabonetan, “Bakearen Printzea” deitzen deutsagu Jesusi.

„Bakea‟ berbeak giza aukera eta itxaropen guztiak barne hartzen ditu. Bakea ondorengo lau zutabe honeen

gainean finkatzen dan teilatuaren antzekoa da: zuzentasuna, egia, askatasuna eta maitasuna. Zutabe honeek

ez baditu, bakearen eraikina behera dator, kolokan dago.

Lagundu eiguzu, Aita Jaungoikoa, Mariaren bitartez, zuzentasunaren alde lan egiten, danok euki daigun behar

doguna; benetakoak izan gaitezan, harrokeria barik; alkar errespetatu daigun askatasunean; alkarren

zerbitzari izan gaitezan senidetasunean.

Holan, danok eraikiko dogu bakea, guztion, gure eta Jaungoikoaren, ametsak barne hartzen dituan bakea.

Jaungoikoak, Maria bitarteko dogula, babestu gaizala, gizadi osoa Jaungoikoaren seme-alaben familia handi

bihurtzeko dauan borondatea bete daiten.

GABON OSTEKO 2. DOMEKEA

Jaungoiko eta Sortzailea, eskerrik asko gizadi osoari eta gutako bakotxari eskainitako arreta eta prestasuna.

Mundua emon deuskuzu bertan duintasunez bizitzeko behar dogun guztiagaz. Garaien hasieratik dago

indarren Jaungoikoaren asmoa, egitasmoa, gu erabat zorioneko egiteko.

Eskerrik asko, Jaungoiko Salbatzailea, gure gurasoen bitartez bizia emoteagaitik eta historian zehar

laguntzeagaitik.

Eskerrik asko Belengo umeagan, Nazareteko Jesusengan guganaino etorteagaitik. Jaungoikoa izanda, gizon

egin zara gu Jaungoikoaren seme eta alaba izan gaitezan. Hori bai oparia, hori! Gizon egindako Jaungoiko

horrek bere bizia dakarsku osotasunean.

Gure bizitzekin erantzunez eskertu deizuguzala maitasunezko opari horreek. Maitasuna ordaintzeko

maitasuna emon behar da.

JAUNAREN AGERKUNDEA

Ekialdeko Magoek gizadi osoa irudikatzen dabe eta, batez be, atzerritarrak, kanpokoak, urrunekoak,

desbardinak.

Jaungoiko gure Jauna, zabaldu deieguzala ateak danei. Gure artean danentzako lekua egon daitela. Gizakiok

banatzeko baino balio ez daben mugak desegin daiguzala.

Jauna, apurtu daiguzala mugak danei zabalduz, danentzat distiratzen dauan eguzkiaren, danentzat jausten dan

euriaren, danengana heltzen dan airearen antzera.

Artega bizi gura dogu, besteengana zabalik, batzuk zorioneko eta beste batzuk zoritxarreko jaioten diran

gure inguruko errealidadeagaz, gure izarragaz konpromeituta. Lotsagarria gitxi batzuk hainbeste eukitea,

beste batzuk, hain gitxigaz, miserian, bizirik irauteko gorriak ikusten dabezan bitartean.

~ 19 ~

Jauna, jarri daiguzala gure denporea, gure ondasunak eta gure trebetasunak besteen zerbitzura, Jesusen

aurrean urra, intsentsua eta mirra eskaini ebezan Magoen antzera.

JESUSEN BATEOA

Eskerrik asko, Jauna, bateoan jaso dogun fedearen opariagaitik. Jesusen aldeko hautua barritu eta hauxe esan

gura deutsugu: hemen nozu zure borondatea egiteko; kontuan hartu gaizuz. Leialtasunez bete daigula

emondako hitza.

Zurea lako misinoa dogu geuk be, eta, zuri jarraituz, beteteko dinoskuzu. Iragarri daigula geuk be

Jaungoikoaren Erreinuaren barri ona; txarkeriaren aurka burrukatu eta on egin daigula. Misino hau

azkeneraino eroan daigula leialtasunez. Jaungoikoaren, Jesukristoren Aitaren eskuetan jarten gara, Espirituak

bultzatuta. Gero, gure esku dagoana egingo dogu.

Txikitatik jadetsi genduan bokazino kristinaua baloratu daigula, ohikerian jausi barik. Gaur egun kristinau

izateagaitik heriotzarainoko jazarpena jasaten daben kristinauak eragingarri izan daitezala gure fedea barritu

daigun.

Zuk aintzakotzat hartzen gaituzu eta geuk be bai Zeu. Lagundu eiguzu gure kristinau bokazinoa bizitzen.

---o0o---

~ 20 ~

KRISTINAU LITURGIA,

HITZ, ZEINU ETA SINBOLOEN EGITURIA.

Eleizaren liturgia hitz, zeinu eta sinboloen bitartez adierazoten da. Abendu aldian, horreetako batzuez

jaubetzen saiatuko gara, Vatikanoko II. Kontzilioaren nahi honetan aurrera egiteko asmoagaz: Jaungoikoaren

Herriaren “parte hartze kontziente eta gogotsua” suspertu. Ospakizunaren eragile misteriotsua Espiritu

Santua da eta ageriko eragilea Jaungoikoaren herri osoa.

1.- DOMEKEA OSPATU

Domekea ospatzea, jai egite da, bizia baieztatzea, eguneroko bizitzako erritmoa etetea, gure bizitzetan

arrastoa izten dauan „gertaeran‟, Jesu-Kristo gure Jaunaren Berbizkundean, partaide izateko. Zer da

Domekea?...

Jaungoikoak, berbizkundeko goiza „luzatuz‟, bisita egiten deuskun Eguna. Ha atean dago eta dei

egiten dau… > “Benedictus…” (Lk 1, 68-79). Zabaldu deiogun atea bihotza jaiko jantzita.

Fedea berresten dan eta itxaropena birsortzen dan eguna: “Kristo biztu ez bada, alperrekoa da gure

fedea” (1 Kor 5, 14). Itxaropena berreskuratu.

Eleizea batzen dan Eguna – deia=batzarra. “Herria batu daitela eta inork ez daiala Eleizea txikiagotu

batzarrera joan barik geratuz”, inoen hasierako kristinauek. Ez geratu batzarrera joan barik pisudun arrazoirik

ez badozu.

Eskaintzaren Eguna – “EGIZUE HAU, NEURE OROIGARRI”. Kristo Jesusengan Jaungoikoak bere

burua eskaintzen deusku eta dei egiten deusku geuk be esku-hartu daigun Jaungoikoa anai-arrebei emoteko

mobimentuan. Zeuretik emoten deutsugu (1 Kro).

Eukaristia edo, jagokonean, Jaunaren Eguneko Ospakizuna da kristinau alkarteak Domekea ospatzeko egiten

dauan zeinu sinbolikoa. Horrek zera eskatzen deusku:

Jaun berbiztuagaz alkartzeko eta ez „ardura‟ kentzeko prestatu daigula geure burua;

jaira beste norbaitegaz edo norbaiti lagunduz joan gaitezala, beste batzukaz batera alkartea egiteko;

eskerrak emoteko arrazoiren bat edo aparteko kezkaren bat eroan daigula Biziaren jaira.

2.- DEIALDIA ONARTU

Leku baketsua bizitzako erreka handiaren ertzean. Eleizarako sarrereak argi izten dau kanpoko bizitzaren

eta barruan gertatuko danaren artean jarraitutasuna dagoala eta, aldi berean, jarraitutasunik eza, baina

apurketa barik; erreka emaritsuaren ertzean aurkitzen dogun leku baketsuaren antzekoa da: gure bizitzako

korronte bera da, baina biziaren iturria dan Jaungoikoaren misteriora zabaltzen gaituen zeinuez, hitzez eta

sinboloz jantzitako leku baketsutik ikusita.

Isilik hitz egiten daben zeinu eta harriak: Igoteko edo jatsiteko maila; atzamarrak ur-bedeinkatuaren harrian

pausatuta; eleizako harrizko horma eta zutabeak; patxadatsu egindako kurutzearen seinalea… hain zuzen

be, jarrera aldaketa eskatzen deuskue: solasaldia eten, isiltasuna egin kanpoan eta barruan, sartzen ari diran

gizon eta emakumeei autortza eta onarpenezko begirada luzatu, Jaunak geure buruen atean egiten dauan

deia entzun: “Hona hemen ni, atea jo eta deitzen dodana” (Ap ); “Neu naz atea: neugandik sartu daitena, onik

urtengo da; sartu-urtenak egingo dauz” (Jn 10, 9). “Kristo da giltzarri aukeratu eta bikaina… Zeuek be, harri bizi

lez, espirituzko etxe eta abadegintza santu egiteko zarie jasoak…” (1 Pe 2,5).

Non jarriko naz? Normala da, OTOITZ egitera goazanean, biziz eta misterioz betetako aurreko esperientziak

gogora dakarskun lekua bilatzea. Baina BESTE BATZUKAZ OSPATZERA goazanean, bilatzen dodan lekuak

Jaungoikoagaz eta besteakaz dau zerikusia: alkarren artean lotzen gaituan gertaera ospatzera goaz;

horregaitik, ez da beharrezkoa metatuta, estu, egotea, baina sakabanatuta eta alkarrengandik urrun egotea

be ez da egokia; alkarregaz egon behar dogu, Jaunak konbidatu dituan persona batzukaz alkartea eginez, Beragaz

eta gure artean bat eginda, bere Heriotza eta Biztueraren Misterioa ospatu daigun.

~ 21 ~

Abestiak eta agurrak Alkartea egiten dabe. Ahotsen batuketak Biziaren jaia, Jaun berbiztuaren jaia alkarregaz

ospatuko dogunon bihotzak harmonian jarten ditu. Buru danaren agurra deitzen eta batzen gaituana, Jaun

Berbiztuaren alkartea egiteko dei egiten deuskuna, Jauna dala adierazoten dauan zeinu ozena da. Jaunaren

Espirituaren presentziaren misterioaz inguratuta, ospakizunean arreta jarteko unea da.

3.- „ALKARREGAZ‟ JAUNGOIKOARI ESKERRAK EMOTEKO DEITUAK

Eukaristiak “eskerrona” adierazoten dau. Jaungoikoak hainbeste doe emonez “zorionekoak” garala autortuz,

“ESKERRIK ASKO” hitza atera dakigula behin eta barriro, musika gozo lez, ospakizunaren hasiera-hasieratik.

Eukaristia eskerrak emoten ikasteko balio deuskun eskola ona da.

4.- KURUTZEAREN SEINALEAREN PEAN

Kurutzearen seinaleak ze eratako batzarra egiten dihardugun adierazoten deusku: bertikalak Jaungoikoagan

sustraitzen gaitu eta horizontalak Jaunaren izenean batutako anai eta arrebok alkarri lotzen gaitu.

Jaungoikoaren izenean, batasun-misterioa: “[Erabat Semeagana bihurtutako] Aitaren eta [erabat Aitagana

bihurtutako] Semearen eta [bata bestearentzat dirala aditzera emoten dauan] Espiritu Santuaren izenean” =

gure bateoaren oroimena, “Jaunaren izenean” jarduteko deia.

Emondako grazia, parkatutako pekatua. Kurutzearen seinalearen ostean, batzarrean buru danaren agurra

jasoko dogu: “Jesukristo gure Jaunaren grazia, Aitaren maitasuna eta Espiritu Santuaren batasuna, zuekin” –

“Eta zure Espirituarekin” = Espirituagaz bat salbatu egiten dauan (Jesus) Jaungoikoagana bihurtuta, pekatari

garala autortuko dogu, parkamena jadetsiko dogula jakiteak eragiten deuskun pozagaz.

5. KRISTOGANA BIHURTUTA

Erruki, Jauna! Kristogana bihurtuta, Jaungoikoagaz eta gure artean behin betiko adiskidetzeko bidean doan

bateatuen herria garala autortuko dogu alkarregaz.

Jaungoikoaren errukiaz bustita, eskerrona adierazoko dogu bateatuen batzar lez = “Erruki dakigula Jainko

guztiz ahaltsua, eta, gure pekatuak parkaturik, eroan gaizala betiko bizitzara”. “Amen”.

Goratu, bedeinkatu, gurtu, goretsi: Jaungoikoaren misterioa barrutik Jesu-Kristogan agertzera emon da:

“Zeu bakarrik Santua, Zeu bakarrik Jauna, Zeu bakarrik Goi-goikoa, Jesukristo, Espiritu Santuarekin Jainko

Aitaren argitan”. “Amen”.

6. BATZARRA ERATUTA

Otoitz-eredua – EGIN DAIGUN OTOITZ: konbitea batzarrari (egin daigun otoitz); isiltasuna (bihotza

prestatu); Jaungoikoa aitatu (Jaungoiko ahalguztidun eta betierekoa); Jaungoikoa autortu (Zeu zara… Zeuk

egin dozu…); eskaria (emoiguzu…); bitartekotza (Aitari, Jesukristoren bitartez, Espirituagan); baiespena

batzarraren aldetik (AMEN).

AMAIERA:

1.- Nork OSPATZEN dau Eukaristia?

E/. Jaunaren Espirituaren bidez Alkarte bihurtutako Jaungoikoaren herriak.

2.- Nor da BURU Jaunaren izenean?

E/. Ministerio ordenatua hartu dauana.

3.- Nork ZUZENTZEN dau Jaunaren eguneko ospakizuna?

E/. Parrokoaren eskutik mandatua jaso dauanak

---o0o---

~ 22 ~

CANTOS Y ANTÍFONAS

~ 23 ~

Kanta daigun guztiok - Herrikoia

zu-hur e-gon gai- te - zen, ba-da-tor se - na - rra.

Ama zara ta Birjina - J.J. Arregui

~ 24 ~

Abendua Aldia 1.go domeka: 79. Salmoa

R/. Jau- na, zu- re on- gi-nai - a e- ra- ku- tsi ei-gu-

zu, zu- re sal-ba-me-na e- moi- gu - zu.

Abendua Aldia 2. domeka: 84. Salmoa

R/. Jau- na, zu- re mai-ta-su- na e-ra- ku- tsi ei- gu-

zu, zu- re sal-ba-me-na e- moi- gu- zu.

Andra Maria, Sortzez Garbia: 97. Salmoa

R/. Kan-ta Jau-na - ri kan- tu ba - rri, e-

gin bait di - tu hain- bat ha- rri- ga - rri.

Abendua Aldia 3. domeka: Lk, 1

R/. Go- ra ta go - ra dau-kat bi-ho-tza nik_ kan-ta- ri, go-

ra ta go - ra Jaun__ o- na - ri.

Abendua Aldia 4. domeka: 88. Salmoa

R/. Jau-na zu-re mai-ta__ su-na, a-bes-tu-ko dot___ be__ -ti- ren be -ti.

~ 25 ~

Jesusen Jaiotza, gau-erdiko meza: 95. Salmoa

R/. Gaur ja- io ja- ku Sal - ba - tzai- le - a Kris- to, gu- re

Jaun e - ta Ja- be - a.

Jeusen Jaiotza, eguneko meza: 97.Salmoa

R/. I - ku - si da - be lur mu - ga da - nak

gu- re Jain-ko - a____- gan- di - ko ga- rai- pe - na.

R/. Ar-gi - ak ar-giz be-te gai-tu; Sal-batzaile bat sortu ja- ku.

Famili Santua: 127. Salmoa

R/. Jau-na - ren bil - dur dan gi - zo - na, be-ra

bai da - la do - ha - tsu - a.

Jainkoaren Ama: 66. Salmoa

A-ger-tu zu- re e- rru- ki- a, bedeinka, Jau- na, zure_he-rri- a.

Gabon osteko II. domeka: 147. Salmoa

R/. Hi-tza ha-ra-gi e- gin ja- ku. Gu-re-an Haren bi- zi- le- ku.

Jaunaren Agerkundea: 71. Salmoa

R/. I-ku-si da-be lur muga danak gu-re Jain-ko-a__-gandi- ko garaipe- na

~ 26 ~

Jaunaren Bateoa: 28. Salmoa

R/. Be-re he-rri-a be-dein-ka-tu-ko dau ba-ke_emonez Jau- nak.

* * *

Domingo 1º de Adviento: Salmo 79

R/. Se- ñor, Dios nues- tro, res- táu- ra-nos, que bri- lle tu

ros-tro_y nos sal - ve.

Domingo 2º de Adviento: Salmo 84

R/. Muéstranos, Se- ñor, tu mi- se- ri- cor- dia y

da- nos tu sal - va - ción.

Inmaculada Concepción: Salmo 97

R/. Can- tad al Se- ñor un cán-ti- co nue-vo,

por-que_ha he- cho ma-ra - vi_____- llas.

Domingo 3º de Adviento: Lc, 1

R/. Se_a - le- gra mi_es- pí- ri- tu en Dios, mi sal - va - dor.

Domingo 4º de Adviento: Salmo 88

R/. Can-ta- ré e- ter-na- men-te tus mi-se-ri-cor-dias, Se - ñor.

~ 27 ~

Navidad: misa de medianoche: Salmo 95

R/. Hoy nos ha na- ci-do_un Sal-va- dor: el Me- sí- as, el Se__- ñor.

Navidad: misa del día: Salmo 97

R/. Los con- fi-nes de la tierra_han contemplado la vic-to-ria de nuestro Dios

Sagrada Familia: Salmo 127

R/. Di- cho-sos los que temen al Se- ñor y si-guen sus ca- mi- nos.

María, Madre de Dios: Salmo 66

R/. El Se - ñor ben- di- ce_a su pue-blo con la paz.

Domingo 2º después de Navidad: Salmo 147

R/. La Pa - la- bra se_hizo car-ne y_a-cam-pó en-tre no- so-tros.

Epifanía: Salmo 71

R/. Se postra-rán ante ti, Se- ñor, todos los pueblos de la tie-rra.

Bautismo del Señor: Salmo 28

R/. El Se - ñor ben- di- ce_a su pue-blo con la paz.

~ 28 ~

ABENDU ALDIRAKO AURKEZPENA

(www.bizkeliza.org > Liturgi lagungarriak dalakoan gordetako Powert Point artxiboaren edukia, eskeman)

ADVIENTO 2014 (B) ABENDUA

ABENDU ALDIA:

ABENDU BARRI BAT, GABON BARRI BATERAKO

EZ DA IGEZKOA ERREPIKATZEA…

BIDEAN BEREBIZIKO AUKERA BAT DA.

SALBAMEN ETA ITXAROPEN BEHARREAN GAGOZ…

SALBATZAILEA, ZATOZ…!

ANAI-ARREBEKAZ, NEURE BURUAGAZ ETA JAUNGOIKOAGAZ TOPO EGITEKO

AUKERA BAT DA…

JAUNGOIKOAGAZ BAT EGITEKO DEIA:

ZURE ITXAROPENA ZELAN DAGO?

ABENDUA: JAUNAREN ETORRERA, ETORRERA HIRUKOITZA

ADVENTUS = VENIDA, ADVENIMIENTO

ETORREREA, HELDUEREA

HISTORIKOA, EGUNEROKOA, BEHIN-BETIKO ETORREREA

MAILAKATURIK OSPATZEN DOGU:

HASIERAKO EGUNETAN : ADI-ADI EGOTEKO

GERO: EGUNEROKO ETORRERA

(BATEATZAILEARENA = BIDEAK PRESTATU)

ABENDUAREN 17TIK AURRERA :

JESUSEN JAIOTZAREN ZAIN (MARÍA ETA JOSE)

ABENDU ALDIAREN ANTOLAKETA

DOMEKAK ETA DAGOKIEZAN IRAKURGAIAK:

EBANJELIOAN:

LEHENENGO DOMEKEAK : JAUNA, SASOIEN AZKENEAN, ETORRIKO DA

~ 29 ~

BIGARREN ETA HIRUGARREN DOMEKETAN: JOAN BATEATZAILEA

LAUGARRENA: JESUSEN JAIOTZAREN PASARTEA

LEHENENGO IRAKURGAIAN, ISAIASEN ETA GAINERAKO PROFETEN TESTUAK IRAKURTEN DOGUZ

DOMEKERO, ETA JAUNGOIKO SALBATZAILEAREN EGINTZA ETA BERE MESIASEN ETORREREA

IRAGARTEN DEUSKUEZ:

1.GO IRAKURGAIAN ISAIASEK ETA BESTE IGARLE BATZUEK ETORREREA IRAGARTEN DEUSKUE.

2. IRAKURGAIAN

SAN PABLO ETA APOSTOLUEN KARTAK: JAUNAREN ETORREREA PRESTATU.

ASTEGUNEKO IRAKURGAIAK ZATI HAUNDI BITAN:

- 16RA ARTE: JAUNAREN ETORRERA OROHAR. HASTA EL 16.

- 17TIK AURRERA: JESUSEN JAIOTZARI BURUZ BEREN-BEREGI.

KONTUAN HARTU

1.- ANTOLAKETA OROKORRA

ABENDUA… GABONAK PRESTATZEKO

V PDE: ATERA BIDERA!

NORI?

… JESUKRISTORI

… POBREEI

… BIHOTZ-BARRITU

BEREIZKETA

2.- TOPAKETAK ETA OSPAKIZUNAK

TOPAKETAK ETA ALKARTEKO BIZKIZUNAK:

ABENDU ETA GABONAREN ZENTZUA ETA GAURKOTZEA

OTOITZERAKO TOPAKETAK

OTOITZ GAIAK (PERTSONA GARAPENA)

BEHARTSUEN ALDEKO DIRU BATZEA ETA BESTE ALKARTASUN EGITE BATZUK

IGANDE ETA JAIEGUNETAKO OSPAKIZUNAK

(SOTZEZ GARBIA)

FAMILI MEZA

EGUNEROKO OSPAKIZUNAK

HITZARENAK / LAUDES - BESPERAK

PENITENTZIA OSPAKIZUNA (BAKARKA / ALKARTEKOA)

~ 30 ~

3.- ELEIZA GIROTU

ABENDU ALDIKO KOROA

SOILTASUNA: LANDAREA, LOREN ORDEZ...

ENBORRA...? SEHASKA HUTSIK? IRAKURGAI-LIBURUA ZABALIK?

MUSIKAZ GIROTU

4.- ABENDU ALDIKO “BERARIAZKO” ABESTIAK

ABENDU ALDIAN, GAINERA:

- EZ DA AINTZA ABESTEN,

- BAINA BAI ALELULIA, (DESBARDINA, EZ GABONETAKO ALELUIA)

GITXIENEZ, ERANTZUN-SALMOAREN ANTIFONA ABESTU.

KONTSAKRAZINOAREN OSTEAN I. GORESPENA ABESTU: ZATOZ, JESUS JAUNA!

ISILUNE LABURRAK EGIN.

5.- ABENDU ALDIKO 2. ZATIA NABARMENDU

HILAREN 17TIK AURRERA, OTOITZAK ETA IRAKURGAIK: … HILEKO EGUNARI

JAGOKOZANAK.

EGUN HONEETAKO PREFAZIOAK ABENDU ALDIKO II.A ETA IV.A DIRA.

6.- LITURGI LAGUNGARRIAK

LITURGIARAKO TALDEEN ESKU ITZI, EGOKITU DAIEZAN.

SARRERAKO OHARRA: BEREZ, BURU DANARI JAGOKO. KASU HONETAN, HALANDA BE,

ONDO LEGOKE SARRERAKO OHAR LABUR BAT EGITEA.

AURREIKUSI EZIN DAITEKEZAN GERTAERAK: JAUNGOIKOAREN HERRIAREN OTOITZEAN

JASO.

ABADE-BOKAZINOEN ALDEKO OTOITZA KONTUAN IZAN.

7.- BENETAN GARATU

MINISTERIO LITURGIKOAK, JENTEARI EUREN ADIEREA AZALDUZ.

…GABONA BIZI IZATEKO

30 AZAROA: I ABENDUA 7 ABENDUA: II ABENDUA

8 ABENDUA: SORTZEZ GARBIA 14 ABENDUA: III ABENDUA

21 ABENDUA: IV ABENDUA (KARITAS) DAMU ELEIZKIZUNA

24 GABA / 25 ABENDUA

28 DOMEKEA: FAMILI SAKRATUA

1 URTARRILA: ANDRA MARIA JAUNAREN AMA – BAKEA

4 URTARRILA: GABON OSTEKO 2. DOMEKEA

6 URTARRILA: EPIFANIA

11 URTARRILA: BATEO BARRIZTATU

~ 31 ~

ZEHAZTASUNAK ZAINDU

INGURU-GIROA (MISTERIOA, LORAK, ZUZENTASUNA EZAUGARRIAK ETA BAKE…)

ETXERAKO OTOITZGAIAK…

ABESTIAK

UMEAREN HARRERA ETA GURKETA ZEINUAK

FAMELIAKO FESTA

ARGIA, BATEOKO URA…

BAI PERTSONALKI, BAI TALDEAN BIZIBARRITZEKO PROPOSAMENAK…

---o0o---