Pablo Auladell

J. e W. Grimm

A casiñade chocolate

Título orixinal: Hänsel und Gretel, de Jakob e Wilhelm Grimm

Colección

© das ilustracións: Pablo Auladell, 2008

© da tradución: Marta Rincón e Laura Almazán, 2008

© desta edición: Kalandraka Editora, 2008

Italia 37 - 36162 Pontevedra

Telf.: 986 860 276

editora@kalandraka.com

www.kalandraka.com

Impreso en C/A Gráfica

Primeira edición: marzo, 2008

ISBN: 978-84-8464-663-1

DL: PO 80-2008

Reservados todos os dereitos

A casiña de chocolate

J. e W. Grimm Pablo Auladell

Era unha vez un pobre leñador que vivía preto dunha gran

fraga coa súa dona e os seus fillos: Hänsel e Gretel.

Eran tan pobres que, unha noite, a muller díxolle ao leñador:

—Xa non nos queda nada para comer. Mañá cedo, dálles aos

nenos cadanseu anaco de pan e lévaos ao medio da fraga.

Prende unha fogueira e déixaos alí.

—Pero, como vou facer iso? —protestou o leñador—. Non

teño valor para abandonar os meus fillos entre animais

salvaxes que os poden devorar.

—Daquela todos habemos morrer de fame —respondeu ela.

E a muller non deixou de porfiar ata que o home aceptou

a súa proposta.

Os nenos, que non durmían por culpa da fame, oíron o que

a madrasta lle dixera ao pai.

Gretel sentiuse perdida e chorou desconsoladamente.

—Cala, Gretel, e non teñas medo, que hei atopar unha solución

—dixo Hänsel.

E, sen que os pais se decatasen, Hänsel saltou da cama, puxo

unha chaqueta e saíu ás agachadas da casa.