3000 nazioarteko gazta, Artzaintzako I nazioarteko foroa,

sukaldari adituak eta ekoizle txikiek, Euskadi-Basque Country

International Cheese Festival-aren egitaraua osatzen dute.

Azaroaren 16, 17 eta 18an, gazta, Donostia hiriko protagonista nagusi izango da, non

Euskadi-Basque Country International Cheese Festival-a ospatuko den, Artzai Gazta

elkarteak antolatuta. Ekitaldi berri bat, hiru egunez gaztaren kultura gerturatuko diguna.

Jaialdia, munduko gazta lehiaketa garrantzitsuenarekin hasiko da, “World Cheese Awards”,

2015 urteko gazta hoberenaren saria emango duena. Jaialdiak, 3000 nazioarteko gazta baino

gehiago, gazta ekoizle artisauen ordezkaritza zabala eta 250 epaile, 5 kontinenteetatik

etorriak.

Pablo Basterra, Artzai Gaztako buru; Eneko Goia, Donostiako alkatea; Ainhoa Aizpuru,

Gipuzkoako Ekonomia Sustapena, Landa Ingurunea eta Lurralde Orekako diputatua; Bittor

Oroz, Nekazaritza, Arrantza eta Elikagaien Politikako sailburuordea; Luisa Villegas, jaialdiaren

zuzendaria eta Yayo Galiana Basque Culinary Center-eko ordezkariak, Euskadi-Basque Country

International Cheese Festival-aren egitaraua aurkeztu zuten, San Sebastián food-en ospatutako

ekitaldian.

Ekintzaz beteriko egitarauak, hiria, gaztaren sektorea inguratzen duen gourmetenarekin

beteko du: chef ezagunak, gazta leuntzaile adituak, nazioarteko banatzaileak, epaile arituak,

etab,. baina, protagonista nagusi artisau ekoizle txikiak izango dira, lehiaketa hau lehen aldiz

Erresuma Batutik Euskadira ekartzea lortu dutela eta. Nazioarteko sari guztietan egoteagatik,

irabazitako sariengatik, berrikuntza, naturaren errespetu eta zaintza eta euren lanarekiko

duten grinagatik egin dute gure herria nazioarteko txapelketa honen etxe izatearen merezidun,

ekintza ezberdinez inguraturik jaialdi interesgarria osatuz.

World Cheese Awards

World Cheese Awards, munduko gazta txapelketarik handiena da. Azken edizioan, 2.727 gazta

parteartzaile, 25 herrialde ezberdin, eta munduko edozein txokotako 250 epaile erakarri

zituen. Nazioarteko gazta ekitaldia da, urtetik urtera gaztagile txiki, erosle eta prentsa

espezializatua leku bakar batean biltzen dituena. John Farran, World Cheese Awards-en

arduradunaren hitzetan “Gure epaileek 4ko taldeetan dihardute, urre, zilar edo brontzezko

dominaren duin den edozein gazta identifikatuz, gaztaren azal eta gorputza, kolorea,

ehundura, sendotasuna eta batez ere, zaporea begiratzean. Goizaren amaieran, epaileek

munduko 60 gaztarik onenak aurkitu ondoren, epaimahai gorenak 16 aukeratzen ditu, eta

kontsumitzaile eta profesionalen aurrean munduko irabazle zein izendatu eztabaidatzen du.”

Jaialdiaren lehen egunean ospatuko da txapelketa, Azaroaren 16en, eta bertan 2015. Urteko

gaztarik onena aukeratuko da. Hurrengo goizean, Azaroaren 17an, eta txapelketaren historian

zehar lehenengo aldiz, “The Champion of the Champions” ospatuko da, World Cheese Awards-

en 28 edizioetako irabazleek hartuko dute parte eta horien artean sariduna aukeratuko da.

Gaztaren bikaintasunaren osagaiak

Artzaintzaren nazioarteko lehen foroa, epailak, Jatorrizko deiturak, esneki sektoreko

profesionalak, gazta leuntzaileak, foodie-ak, bogger gastronomikoak, prentsa, chef ezagunak

eta ekitaldi ezberdinek osatzen dute jaialdiaren osagaien zerrenda.

Gazta Market Esne gordinarekin eginiko, kontserbagarri zein koloregai gabeko, europar gazten

erakusketa eta salmenta gunea izango da. Talde txikietan, profesionalek gidatutako dastaketa

zein bisitak egiteko aukera egongo da.

Gazta leuntzaile eta kolektiboak gunean, gazta leuntzaileak egongo dira, euren produktuak

aurkeztuko dituzte, ekoizleen garapen teknikoa lantze duten kolektiboekin batera.

Jatorrizko Deitura salmenta eta estatuko jatorri deitura ezberdinetako gazten erakusketa

gunea izango da.

Gaztaren zientzia/istorioak-en, konferentzia tekniko eta gaztaren berrikuntzaren inguruko

hitzaldietara, baita gaztagile eta abeltzainen proiektu, garapen teknologiko berri, esnearen

kalitatea edota jatorria bermatzeko era berriak… landuko dituzten aurkezpenetara

bertaratzeko aukera egongo da.

Showcooking-ak, Bizipenak gunean egongo dira, jaialdiaren beste izarretako bat izanik. Chef

arituak, goi sukaldaritzako erakustaldiekin, gazta ezberdinen errezeta eta platerekin gozaraziko

digute. Hau guztia, kalitate goreneko nazioarteko ardoekin lagunduta joango da. Honetaz gain,

gure gaztaren inguruan dauden kontakizun bereziez hitz egingo da, pertsonen, abeltzainen,

babestutako eta bertako arrazen, elikagaien xehetasun zientifiko teknologikoen istorioen

inguruan ere.

Jaialdiaren barruan, Artzaintzaren lehenengo nazioarteko foroa ospatuko da, Origen España

elkarteko Batzar Orokorrarekin batera (Espainiako Jatorri Deitura ezberdinen elkartea), bilera

egiteko jaialdia aukeratu duena.

Networking gunean, gure artzainek, ekoizle ezberdin, erosle, banatzaile eta sektoreko

enpresekin, bilerak, bizipenen trukea eta kontaktuk egiteko aukera izango dute. Ekoizle txiki

hauen lana ezagutzera emateko aukera paregabea, gaztaren munduan dabiltzan pertsona

ezberdinekin bilduko baitira.

Jaialdiaren adierazleak

Publikoari irekitako jaialdia

Ekintzak publikoari irekiak izango dira, eta herritarrek, jaialdi honek Donostiara dakarren

ikuskizunaz gozatu ahal izango dute, nazioarteko gazta onenak dastatuz, produktu honen

bitartez mundua, ekoizleen ohitura ezberdinak, bestelako teknikak, ikuspuntu ezberdinak

izatea ahalbidetuko gaituzten aromak ezagutuz, ezezagunaz jabetuz eta dastatuz ikasiz.

Sarrera orokorrak, jaialdira egun bateko sarrera eta 3000 gazten artean 6 zati dastatzeko

aukera jasotzen dituenak, 12€ balio ditu. Bestalde, bisita gidatu eta artisau gazten dastatzeaz

gozatu nahi izan ezkero, Gazta Market sarrerak eskainiko du aukera, 20€-engatik.

Gaztaren inguruan jakingura gehien dutenentzako, gazta protagonista duten aurkezpen eta

istoriotarako sarrera dago, 20€-ren truke. Prezio berdinean, konferentzia tekniko eta

berrikuntza hitzaldietarako sarrera ere salgai egongo da.

Bizipenak gunerako sarrerak, sukaldari ezagunen eskutik zuzeneko erakustaldi baterako 50€

balio du.

Jaialdiak irudi berria du

Jaialdiaren kartelak, ekitaldiaren izen osoa erakusteaz gain, gazta etiketa simulatzen du,

gertakizunaren inguruko informazioa bertan jasoz. Esnekia, hau identifikatzen beharrezkoa den

informazio hautemangarri guztia idazten den etiketa batez lagundua doa, ekoizlearen izena,

osagaiak, iraungitze data, etab. Kasu honetan, jaialdiaren osagai guztiak irakur ditzakegu, data,

lekua eta beste hainbat ezaugarri.

Irudiak, ordea, informazio ukiezina islatu nahi du, sentsazioak eta sentimenduak. Loreek,

produktuari esentzia eta aroma ematen dieten lehengaiak irudikatzen dituzte. Abereen

larreek, azken produktuaren zapore ezberdinak ezartzen dituzte eta produkzio prozesuan

ingurumenak rol garrantzitsua du, horregatik irudia honen isla izan behar da. Artzainak,

burujabe dira naturak euren ogibidean duen garrantziaz eta horrexegatik zaintzen eta

errespetatzen dute ingurumena. Txikitako oroimenak dakartza irudiak, landa eta tradizio edo

ohiturak baina modernitate, berrikuntza eta bikaintasunarenak ere, esne gordineko artisau

gaztak partekatzen dituen atributuak. Egungo usadioa, dotorezia ausartaz jantzia.

Web-a eta Sare Sozialak

Aurkeztutako eta zehazteko informazio oro, jaialdiaren web orrialde ofizialean eskuragarri

izango da, www.internationalcheesefestival.eus, non Artzai Gaztaren txoko pertsonala

aurkituko den.

Sare Sozialak, web orrialdearen edukiekin bat joango dira, bai jaialdiarenak eta baita Artzai

Gaztarenak ere:

@IntCheeseFest

Euskadi Basque Country International Cheese Festival

@artzai_gazta

Artzai Gazta - Queso De Pastor

Sinergiak

Euskadi-Basque Country International Cheese Festival-aren antolakuntza, ez zen posible izango

ondorengo instituzio eta organizazioen sinergia eta laguntzaileri gabe. Horregatik, Artzai

Gaztak jasotako laguntza eta lankidetza eskertu nahi die:

DSS2016, Kultur Atelier - Agencia de Comunicación, EnClave Natural, Slow Food, Asador

KATXINA, HAIKO, Mikel Zeberio, Viajes Equinoccio, Nagore Rodriguez, Restaurante Ilarra,

Farinsol, CanBech - maridajes de autor para quesos, Conservas Ortiz, Salanort, Paiarrop.

Jaialdi honek zein ingurugiroak, Artzai Gazta eta elkartea osatzen duten artzainak ezagutzera

emateko zein euren lanbide eta usadioa mantendu eta berrikuntza eta bio jasangarritasuna

produkzio prozesuetan uztartzeko eguneroko ahaleginak miresteko balio izango du. Bozgorailu

bezala egingo duen tresna, gure esentzia, identitatea, historia, usadioa, kultura, natura, etab,

hedatu eta omentzeko. Gastronomia alorreko eta sukaldari ezagunen aldetik jasotako babesa

islatuko den lekua.

EGITARAU ZEHATZA

AZAROAK 15

- Ongietorri ekitaldia (Miramar Jauregia)

AZAROAK 16

9:00-18:30 World Cheese Awards lehiaketa (WCA) 10:30-20:00 Estatuko eta Europako ekoizleen 38 stand 10:30-20:00 Jatorri deiturako standak

HITZALDI TEKNIKOA 16:00-17:00 “La Internacionalización de Queso Artesano desde lo colectivo” Artzai Gazta

AURKEZPENA 15:00-16:00 “Quesos elaborados con Leche Cruda” José Luis Martin (Maisu afinatzailea)

BIZIPENAK 14:00-15:00 “La prensa gastronómica y el pequeño productor” Mikel Zeberio

17 DE NOVIEMBRE

10:00-11:30 The Champion of the Champions 10:30-20:00 Estatuko eta Europako ekoizleen 38 stand 10:30-20:00 Jatorri deiturako standak 12:00-20:00 Artzai Gazta Artzainen nazioarteko foroa

HITZALDI TEKNIKOAK

10:00-11:00 “Proyecto Caracol” Slow Food + Carlo Petrini

12:00-13:00 “La Alta Restauración de Mexico” Carlos Yescas

17:00-18:00 “Miles de Quesos” John Farrand

AURKEZPENAK

11:00-12:00 “Quesos Canarios”

13:00-14:00 “Vinos de Jerez y quesos de leche cruda” José Ferrer

16:00-17:00 “Aceites creados para amantes del queso” Castillo de Canena

18:00-19:00 “Txakolí Hiruzta y queso de Aralar” Iker Zubia

SHOWCOOKING

12:00-13:00 Pedro Subijana

15:00-16:00 “José Andrés y los sueños azules”

16:00-17:00 “La tradición” Xabier Zabaleta

19:00-20:00 “El diferente sabor de un queso de la Antigua al cortarlo”

GIDATUTAKO BISITAK ETA DASTATZEAK

12:00-20:00 WCA gazten dastaketak eta bisitak

12:00-20:00 Gazta Marketeko gazten dastaketak eta bisitak

AZAROAK 18

10:30-20:00 Estatuko eta Europako ekoizleen 38 stand

10:30-20:00 Jatorri Deiturako standak

3 HITZALDI TEKNIKO BERRIKUNTZAREN INGURUAN

10:00-11:00 “Proyectos de Innovación” Basque Culinary Center

12:00-13:00 “Productos de limpieza en las queserías”

17:00-18:00 “Las ventajas de los piensos ecológicos / proximidad”

AURKEZPENAK

11:00-12:00 “Cata de vinos singulares”

13:00-14:00 “Cata con espumosos”

16:00-17:00 “Oportunidades en la Red” Fernando de la Antigua

18:00-19:00 “Vinos navarros con quesos de la navarra verde: Boda Navarra ” Jordi

Vidal

SHOWCOOKING

12:00-13:00 Ruben Trincado – Mirador de Ulia

15:00-16:00 Aitor Elicegi – Restaurante Bascook

17:00-18:00 Daniel Lopez – Restaurante Kokotxa

19:00-20:00 Martín Berasategi

GIDATUTAKO BISITAK ETA DASTATZEAK

12:00-20:00 WCA gazten dastaketak eta bisitak

12:00-20:00 Gazta Marketeko gazten dastaketak eta bisitak

Informazio gehiago:

Oskia 679 473 128 | oskia@kulturatelier.eus | iratxe@kulturatelier.eus | 943 21 88 99