2016/2017 KUDEAKETA TXOSTENA - UPV/EHU...upv/ehu 5 kudeak 20162017 1. ikasteko unibertsitatea 1.1....

2016/2017KUDEAKETA TXOSTENAwww.ehu.eus

2016/2017 KUDEAKETA TXOSTENA

AURKIBIDEA

1. IKASTEKO UNIBERTSITATEA . . . . . . . . . . . . . . . . . . . . . . . . . . . . . . . . . . . . . . . . . . . . 5

2. UNIBERTSITATE IKERTZAILEA . . . . . . . . . . . . . . . . . . . . . . . . . . . . . . . . . . . . . . . . . . . 11

3. IRAKASKUNTZAREKIN KONPROMETITURIKO UNIBERTSITATEA . . . . . 18

4. AUKERA PROFESIONALAK ESKAINTZEN DITUEN UNIBERTSITATEA . . 23

5. BIZIKIDETZARAKO UNIBERTSITATEA . . . . . . . . . . . . . . . . . . . . . . . . . . . . . . . . . . . 27

6. GURE INGURUNEAN ERROTUTAKO UNIBERTSITATEA . . . . . . . . . . . . . . . . . 33

7. MUNDURA IREKITAKO UNIBERTSITATEA. . . . . . . . . . . . . . . . . . . . . . . . . . . . . . . 37

8. GIZARTEAREKIN KONPROMETITURIKO UNIBERTSITATEA . . . . . . . . . . . . 47

9. GOBERNU ONA SUSTATZEN DUEN UNIBERTSITATEA . . . . . . . . . . . . . . . . . . 52

5UPV/EHU

Kudeaketa txostena 2016/2017

1. IKASTEKO UNIBERTSITATEA

1.1. DAGOENEKO ESKAINTZEN DIREN TITULUAK HOBETZEA ETA TITULU BERRITZAILEAK ETA ERAKARGARRIAK SORTZEA, GIZARTEKO ERAGILEEN ETA IKASLEEN PARTAIDETZAREKIN

1.1.1. Graduetako curriculumen hobekuntza sustatzeko EHUNDU programaren fase berri bat diseinatzea, abian jarri zenetik gaurdaino izandako emaitzak abiapuntutzat hartuta.

• Gobernu Kontseiluak EHUNDU-A 2017ko deialdi berria (bi urtean behingoa) onartu zuen apirilean, ikastegietako zuzendaritza taldeekin egiaztatu ondoren.

1.1.2. Egungo prestakuntza eskaintza euskal gizartearen premietara egokitu dadin sustatzea, titulu berriak eta erakargarriak sortuz.

• Egonkortu egin da Lehen Hezkuntzako Gradua, eredu hirueleduna, Bilboko Irakasleen Eskolan eta Hezkuntza eta Kirol Fakultatean ematen dena.

• Onartu egin dugu Automobilgintzaren Ingeniaritzako Gradua, prestakuntza dualean, 2017/18 ikasturtean Gasteizko Ingeniaritza Unibertsitate Eskolan ematen hasiko garena. Gainera, Ekonomi eta Enpresa Fakultateak Gipuzkoan eskaintzen duen Enpresen Administrazio eta Zuzendaritzako Graduan, prestakuntza dualeko ibilbide bat eskainiko dugu datorren ikasturtean. Bestalde, Bilboko Merkataritza Ganberaren Unibertsitate Eskolako Enpresen Kudeaketa eta Marketineko Graduan, aipamen duala lantzen ari gara.

• Gipuzkoako Ingeniaritza Eskolako Industria Elektronikaren eta Automatikaren Ingeniaritzako eta Ingeniaritza Mekanikoko Gradu bikoitzaren diseinuari ekin diogu.

• Gobernu Kontseiluak Erasmus Mundus Master in Marine Biological Resources programa onartu zuen uztailean. Bertan, UPV/EHUk parte hartzen du, Europako beste zortzi unibertsitaterekin batera, eta 2017/18 ikasturtean emango dugu.

• Education, Audiovisual and Culture Executive Agency-k (EACEA) Erasmus Munduseko bi programa proposamen hauek aukeratu ditu, UPV/EHUk eskatutakoak, 2018/19 ikasturtean ezartzeko:

» Erasmus Mundus Master in Marine Environment -MER (UPV/EHU koordinatzailea izango da).

» Erasmus Mundus Master in Smart Cities and Communities -SAMCCs- UPV/EHU parte hartzailea izango da).

• Hizkuntzalaritza Teoriko eta Esperimentala Unibertsitate Masterreko titulua birformulatu dugu, ordezkatzen duen titulua (Hizkuntzalaritza Unibertsitate Masterra) amortizatuz; hala, irakasgai batzuk desagertu egin dira, eta beste batzuen nahitaezko eta hautazko izaera aldatu egin da.

• UPV/EHUren eta Leongo Unibertsitatearen artean unibertsitate arteko hitzarmenaren izapideak egin ditugu, Zahartze Osasuntsua eta Bizi Kalitatea Unibertsitate Masterra titulua berregituratu ahal izateko.

6 UPV/EHU


• Unibasq-en unibertsitate masterreko 6 tituluren aldaketen izapideak egin ditugu: Psikodidaktika, Hezkuntzaren Psikologia eta Berariazko Didaktikak Unibertsitate Masterra, Multimedia Komunikazioa Unibertsitate Masterra (UPV/EHU-EITB), Gobernantza eta Politika Ikasketak Unibertsitate Masterra, Hizkuntzaren Azterketa eta Prozesamendua Masterra, Sistema Elektroniko Aurreratuak Unibertsitate Masterra eta Arkitektura Unibertsitate Masterra (lanbiderako ahalmenak).

1.2. GRADUONDOKO ESKAINTZA GERO ETA ESKARI ZEIN INTERES HANDIAGOA DUTEN ARLOETARA BIDERATZEN LAGUNTZEA

1.2.1. Graduondoko Ikasketen Plan Estrategikoa ezartzea hiru ardatzetan: Prestakuntza-Ikerketa, Lurraldearekiko lotura eta Nazioartekotzea.

• Masterren adierazleak biltzeko modua sistematizatzeko prozedura bat diseinatu dugu, Graduondoko Ikasketen Plan Estrategikoarekin bat etorrita. UISItik datozen datuak txertatu ditugu, eta pixkanaka, beste adierazle batzuk gehitzen joango gara; horiek zehaztasun handiagoz ispilatuko dute masterren egoera.

1.2.2. Egin beharreko izapide guztiak egitea, Udako Euskal Unibertsitatea (UEU) UPV/EHUri atxikitako zentroa izan dadin eta Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzarako Irakasleen Prestakuntza masterra eskain dezan, modalitate ez-presentzialean eta euskaraz.

• Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Unibertsitate Masterra aldatzeko proposamena osatu dugu, euskara hutsean «urrutiko» irakaskuntza modalitatea txertatzeko Hizkuntza eta Literatura, Natur Zientziak eta Matematika eta Giza eta Gizarte Zientziak espezialitateetan, Udako Euskal Unibertsitatea (UEU) UPV/EHUri atxikitako zentro bihurtu, eta gero horiek eskaini ahal izateko.

1.3. INGURUKO PREMIEI ERANTZUNGO DIEN ETENGABEKO PRESTAKUNTZAREN ESKAINTZA SUSTATZEA

1.3.1. Etengabeko prestakuntzarako politika espezifikoa diseinatzea, gizarteko erakundeekin eta enpresekin lankidetzan.

• Estatuko unibertsitate publiko zein pribatuetan etengabeko prestakuntzaren kudeaketa eredu guztiak aztertu ditugu.

• Sevillako Unibertsitateko eta Valentziako Unibertsitate Politeknikoko etengabeko prestakuntza zentroekin lankidetzari ekin diogu (bi unibertsitate horiek erreferentziazkoak dira arlo honetan).

• Hainbat elkarrizketa egin ditugu enpresekin, elkarteekin, elkargo profesionalekin, kluster sektorialekin eta gizarte erakundeekin, etorkizuneko Etengabeko Prestakuntzako Planaren diseinuan parte har dezaten.

7UPV/EHU


• UPV/EHUko etengabeko prestakuntzaren AMIA analisia eta egoeraren diagnostikoa egin ditugu.

1.3.2. Euskadi-Akitania ardatzeko beste unibertsitate batzuekin aliantzak ezartzea, etengabeko prestakuntzako eskaintza partekatua garatzeko.

• Bordeleko Unibertsitatearekin informazio trukea egin dugu, bi unibertsitateetan etengabeko prestakuntzak duen egoerari buruz.

1.3.3. Esperientzia Gelen eskaintza sozio-hezitzailea sendotzea.

• Hiru campusetan eskaintzen den Giza Zientziak tituluan 713 ikasle matrikulatu dira (% 63 emakumeak eta % 37 gizonak).

• Helduentzako Unibertsitate Ikastaroak (HUI) antolatu ditugu hiru campusetan, Giza Zientziak tituluan egin gabeko hautazko irakasgaiekin eta beste gradu batzuetako irakaskuntza arautuko planetako irakasgaiekin. Orotara, 364 pertsona matrikulatu dira (% 60 emakumeak eta % 40 gizonak).

• Irakasgaien irakaskuntza planak osatzeko eta testuinguruan kokatzeko helburuarekin, askotariko jarduerak antolatu ditugu hiru campusetan. Ekintza horiek hobetu egin dute Esperientzia Geletan eskainitako prestakuntza, eta ikasleei motibazio gehigarria eman diete.

• Arabako Campuseko Esperientzia Geletako Ikasleen eta Ikasle Ohien Elkartearekin (ACAEXA/AEIKE) lankidetzan jardun dugu, elkarteko bazkideentzat eta Esperientzia Geletako oraingo ikasleentzat jarduerak elkarrekin antolatzeko. Esperientzia Geletako jarduerak Gasteizko Udaleko adinekoen gizarte eta kultura zentroetara zabaldu ditugu, bai eta Arabako Foru Aldundiaren Hirugarren Adinekoentzako Geletara ere.

1.3.4. Etengabeko Prestakuntzako Zuzendaritza sortzea.

• 2017ko urtarrilaren 26ko Gobernu Kontseiluan Etengabeko Prestakuntzako Zuzendaritza sortzea onartu zen.

1.4. SORMENA BULTZATZEN DUTEN IKASKUNTZA EGOERA BERRIEN GARAPENA SUSTATZEA

1.4.1. Prestakuntza programetan diziplinartekotasuna sustatzea, ikasleen curriculum interesei erantzutea ahalbidetuko duten eredu ireki eta malguagoak eskainiz.

• Modu esperimentalean, Campus BiziaLab 2016/17 programa jarri dugu abian, eta horren baitan diziplinarteko gradu amaierako 23 lan egin dira. Uztailean beste deialdi bat ireki dugu, programa horretako estrategia beste alor batzuetara ere zabaltzeko.

• Justizia Soziala Lab Instituzioen Berrikuntzarako Proiektuaren hitzarmena sinatu dugu Zuzenbide Fakultatearekin, eta horri esker, gradu amaierako 6 lan egin dira.

• Ikasturteko Gela Birtualen esperientzia pilotuari ekin diogu, eta bertan, Zientzia eta Teknologia Fakultateko 4 tituluk parte hartu dute.

8 UPV/EHU


• GAZTENPATIA kulturarteko programa jarri dugu martxan. Programa honek gazteen arteko enpatia eta elkartasuna sustatzen du. 8 ikastegitako 28 ikasle (% 71 emakumeak eta % 29 gizonak) ari dira parte hartzen diziplinarteko proiektuetan.

1.5. GRADUKO ZEIN GRADUONDOKO IKASLEEN ARTEAN ERAGIN HANDIKO IKASKUNTZEN AUKERAK AREAGOTZEA

1.5.1. Gaitasun zientifiko eta profesionalen garapena bermatuko duten ikaskuntza metodologia aktiboen erabilera egonkortzea.

• Metodologia aktiboak aplikatzeko bost tailer berri eman ditugu: hiru Araban, bat Gipuzkoan eta beste bat Bizkaian. 97 irakaslek parte hartu dute (% 66 emakumeak eta % 44 gizonak). Tailer horietako tutore lanak egin dituzte 11 emakumek eta 9 gizonek.

• IKT berrien eta sareko aplikazioen erabilerari buruzko tailer bat diseinatu dugu, metodologia aktiboen garapenari laguntzeko.

1.5.2. UPV/EHUko erakunde, enpresa edo zerbitzu espezializatuetan kualifikazio handiko praktikak egiten dituzten ikasleen kopurua handitzea.

• Curriculumeko praktiketako 6.483 plaza esleitu ditugu (plazen % 74 emakumeei, eta % 26, gizonei). Praktika horiek 2.043 enpresa zein erakundetan egin dituzte ikasleek, eta horiekin beharrezkoak ziren hitzarmenak sinatu ditugu. Curriculumetik kanpoko praktikei dagokienez, 4.107 praktika egin dituzte ikasleek (% 50 emakumeak eta % 50 gizonak). Horietako 1.986k ordain ekonomikoa jaso dute.

1.5.3. Gradu amaierako lanak, master amaierako lanak eta doktorego tesiak inguruko hainbat erakunde eta enpresatan egiten dituzten ikasleen kopurua handitzea.

• Ikasleek gradu amaierako 214 lan egin dituzte enpresatan; orotara, 144 enpresatan. Master amaierako lanei eta doktorego tesiei dagokienez, master amaierako lanak egiteko 62 hitzarmen sinatu ditugu hainbat erakunderekin, eta 10 hitzarmen, doktorego tesiak egiteko.

1.6. GRADUETAN ETA GRADUONDOKOETAN ENPLEGAGARRITASUNARI LOTUTAKO ZEHARKAKO GAITASUNAK GARA DAITEZEN SUSTATZEA

1.6.1. UPV/EHUko ikasle guztientzat komunak izango diren zeharkako gaitasunen katalogoa diseinatzea.

• UPV/EHUren zeharkako gaitasunak definitzeko proiektu bat diseinatu dugu.

1.6.2. Ikasleen eskura jartzea prestakuntza osagarria, aurrez aurrekoa edo online, haien prestakuntza premietara egokitua (teknologia berriak, testu profesionalen idazketa, artikulu zientifikoen idazketa, bizitza aktiborako iragatea, ahozko komunikazioa, lan elkarrizketak, hizkuntza gaitasunak, etab.).

9UPV/EHU


• Online ikastaro batzuk diseinatzen hasi gara. Hainbat gairi buruzkoak dira: hezkidetza (Hezkuntza eta Gizarte Zientzietako graduei zuzendua), hizkuntza inklusiboa, berdintasuna, maskulinitate berriak, laborategiko jardunbide egokiak eta jasangarritasuna.

1.7. UNIBERTSITATEKO KIDE GUZTIEN ARTEAN KULTURA EKINTZAILEA SORTZEA

1.7.1. Ikasle taldeen eta irakasle zein ikertzaileen artean UPV/EHUk ekintzailetzarekin lotuta eskaintzen dituen zerbitzuak zabaltzea.

• Kultura ekintzailea sustatzeko jarduerak egin ditugu hiru campusetan. Horietan guztietan, 3.357 pertsonak parte hartu dute (% 52 emakumeak eta % 48 gizonak).

1.7.2. Ekintzailetza sustatzeko sariak eta ekimenak bultzatzea hiru campusetan (Think Big, B-Cubes…).

• Ekintzailetza sustatzeko hainbat lehiaketa eta sari antolatu ditugu: B-CUBES 2016 lehenengo txapelketa, enpresa ideien THINK BIG lehiaketa, INIZIA ArabaCampus UNIekintzaile saria, EKINUP lehiaketa eta enpresa proiektu zientifiko-teknologikoentzako MANUEL LABORDE WERLINDEN saria. Ekimen horietan 2.589 unibertsitate ikaslek parte hartu dute (% 49 emakumeak eta % 51 gizonak).

1.7.3. Gaur egun abian dauden junior enpresak mantentzea eta horrelako proiektu berriak sustatzea.

• Indartu egin ditugu Leioan, Portugaleten, Bilbon eta Donostian kokatutako 6 junior enpresak, eta beste 2 junior enpresa sortzea sustatu dugu, komunikazio zientzien eta gizakia-makina interfaze aurreratuen arloan.

• 15 enpresa berri sortu ditugu, eta 36 enpresa txertatu ditugu inkubazio fasean. Azken horiek fase honetan zeuden 20ei batu zaizkie.

1.8. EGRESATUEN LANERATZEA SUSTATZEA

1.8.1. Enplegu guneen jarduera babestea eta optimizatzea.

• Enplegu guneek UPV/EHUko 1.155 ikasleri eskaini die arreta (% 59 emakumeak eta % 41 gizonak); bestalde, banakako 947 argibide eskaini ditu (% 59 emakumeei, eta % 41, gizonei).

• Nabarmentzekoa da kudeatu ditugun enplegu eskaintzen kopurua (874 eskaintza), eta bete egin dira Lanbideren eta UPV/EHUren arteko hitzarmenak ezartzen dituen adierazle guztiak.

• Amaitu egin dugu enplegu guneak ezagutarazteko hiru campusetako ikastegi guztietara eginiko bisiten erronda, eta informazio hitzaldiak eskaini ditugu.

10 UPV/EHU


• Lehen enplegua lortzeko ikastaroak eta jarduerak antolatu ditugu, eta unibertsitateko tituludunen enplegagarritasunarekin zerikusia duten foroetan parte hartu dugu.

• Tituludunek enpresetan praktikak egiteko Lehen Aukera programaren 2016/2017ko deialdia kudeatu dugu.

• EPEZ XI programan, Erasmus+ Internship Graduates programaren barnean, 74 pertsonak (% 62 emakumeak eta % 38 gizonak) egin dituzte praktikak Alemania, Erresuma Batua, Irlanda, Italia, Portugal, Txekiar Errepublika eta Austriako enpresetan.

• Erasmus+ Ikasle Praktikak 2016 programan, Erasmus+ Internship programaren barnean, 33 pertsonak (% 42 emakumeak eta % 58 gizonak) egin dituzte praktikak Alemania, Frantzia, Irlanda, Suedia, Norvegia, Belgika, Danimarka, Erresuma Batua, Polonia eta Italiako enpresa eta erakundeetan.

• Santander-CRUE-CEPYME beken programa kudeatu dugu. Enpresetako praktikak (2016/17 deialdia): 35 pertsonak (% 49 emakumeak eta % 51 gizonak) egin dituzte praktikak Euskal Autonomia Erkidegoko beste hainbeste enpresatan.

• Desgaitasunak dituzten ikasleentzako ONCE-CRUE Fundazioa beken programan, 4 beka eman ditugu (beken % 75 emakumeei, eta % 25, gizonei).

• UPV/EHUko 76 pertsonak (% 54 emakumeak eta % 46 gizonak) TALENTIA programan parte hartu dute (Bilbon, 2017ko martxotik ekainera).

1.8.2. UPV/EHUn praktiken unitate bat sortzea, ikastegiei curriculumeko nahiz curriculumetik kanpoko kanpo praktikak kudeatzen lagunduko diena.

• Enplegagarritasunaren eta Praktiken Zuzendaritza sortu dugu, eta zuzendaritza horrek koordinazioan jardun du Campusaren Garapenerako Zuzendaritzarekin eta Campuseko Kanpo Harremanetarako Zuzendaritzarekin, curriculumetik kanpoko praktiken hainbat deialdi kudeatzeko. Zuzendaritza horrek enplegu guneetako langile teknikoen zeregina gainbegiratu du.

• Practicumari buruzko lehenengo jardunaldia egin dugu. Graduko curriculumeko praktiken kudeaketez arduratzen diren dekanordeei eta zuzendariordeei zuzendutakoa izan da. Curriculumeko praktikak badituzten 33 graduetako 18 ordezkarik parte hartu zuten (% 83 emakumeak eta % 17 gizonak). Oso balioespen positiboa izan genuen.

• Kanpoko Praktikekin (Praktiges eta Practicuma), enplegagarritasunarekin (Lanbila eta enplegu guneen aplikatiboa) eta egresatuen datu baseen kudeaketarekin lotutako aplikazio informatikoak hobetzeko estrategiak aztertu ditugu.

• 2012. urteaz gero indarrean dagoen praktiketako araudia berrikusten eta eguneratzen hasi gara.

11UPV/EHU


2. UNIBERTSITATE IKERTZAILEA

2.1. UPV/EHUN DOKTOREGO TESI GEHIAGO DEFENDATZEA ETA HORIEN KALITATEA AREAGOTZEA

2.1.1. Zabalduz programari jarraipena emateko, hainbat erakunderekin lankidetzan gauzatzeko doktoregoetarako deialdiak diseinatzea, batera finantzatuak.

• Hainbat erakunderekin bilerak egin ditugu, Zabalduz programaren antzeko deialdi bat abian jartzeko.

• Eusko Jaurlaritzaren Ekonomiaren Garapen eta Azpiegitura Sailarekin lankidetzan jardun dugu Berrikertu programaren baitan, nola doktore industrialei laguntza emateko ildoan, hala doktoreak kontratatzeko ildoan.

• Gasteizen kokatuta dagoen enpresa batekin negoziaziotan gabiltza, doktoratu aurreko kontrataziorako deialdi bat egiteko, euren doktorego tesirako ikerketa proiektuak enpresa horren instalazioetan egiten dituzten pertsonentzat.

2.2. IKERTZAILE BERRIEI LAGUNTZEA, BELAUNALDI ALDAKETA EGOKIA BERMATZEKO

2.2.1. Ikertzaile berriek ikerketa proiektuetako lidergoa lortzeko aukera izan dezaten sustatzea.

• UPV/EHUko ikerketarako 2017ko laguntzen deialdian (III. modalitatea: Unibertsitatea-Gizarte proiektua), bai eta UPV/EHUko ikertaldeentzako 2017ko laguntzen deialdian ere, Ikertzailekide Nagusi bat txertatzeko aukera gehitu dugu.

• UPV/EHUko ikertzaileen prestakuntzarako 2017ko kontratazio deialdian, zuzendariaren curriculum vitaearen balioespena kendu dugu, ikertzaile berriek ere zuzendaritzan sartzeko aukera izan dezaten.

2.2.2. Ikertaldeei laguntza ematea, ikertzaile berriak har ditzaten.

• UPV/EHUko ikerketarako 2017ko laguntzen deialdian, I. modalitate berria jarri dugu martxan: Ikerketa jardueran hasteko/edo berriz sartzeko laguntzak. Horietan, orain arte, hiru laguntza eman ditugu bi ikertzaile eta ikertzaile hasiberri bat ikertaldeetan txertatzeko (horietako bi Gizarte eta Lege Zientziaren arlokoak dira, eta bat Ingeniaritza eta Arkitekturaren arlokoa).

• Ikerketarako deialdietan aintzat hartu ditugu UPV/EHUn kontratua duten Ramón y Cajal programako langileak eta irakasle elkartuak (edo aldez aurretik izandakoak, baldin eta plaza iraunkor baterako egiaztapena badute, langile iraunkorrak balira bezala, horiek ere deialdi hauetan parte hartzeko aukera eduki dezaten).

12 UPV/EHU


2.3. IKERTZEKO KULTURA SUSTATZEA TRADIZIO IKERTZAILE TXIKIKO ARLOETAN

2.3.1. Ikertalde berrien sorrera sustatzea tradizio ikertzaile txikiko arloetan.

• UPV/EHUko ikerketarako 2017ko laguntzen deialdian, II. modalitate berria jarri dugu martxan: Aurreko deialdietan finantzaketarik lortu ez duten ikertaldeentzako laguntzak. Horietan, 5 laguntza eman ditugu ikertalde berrientzat (3 Ingeniaritza eta Arkitekturaren arlokoak ziren, eta 2, Gizarte eta Lege Zientziaren arlokoak).

2.3.2. Berriak ez diren doktoreak ikertalde egonkortuetan edo sortuberrietan sartzeko pizgarriak ezartzea.

• UPV/EHUko ikerketarako 2017ko laguntzen deialdian, I. modalitate berria jarri dugu martxan: Ikerketa jardueran hasteko/edo berriz sartzeko laguntzak. Horietan, orain arte, zortzi laguntza eman ditugu doktore bat eta hasiberriak ez diren 7 doktore ikertaldeetan txertatzeko (horietako 4 Gizarte eta Lege Zientziaren arlokoak, 3 Arte eta Giza Zientzien arlokoa eta bat Osasun Zientzien arlokoa).

2.3.3. Doktore ez diren irakasleei doktorego tesiak egiteko laguntza ematea, irakats betebeharra murrizteko programa sustatuz.

• 2016-2017 ikasturteko bigarren lauhilekorako doktore titulua lortzeko lizentzien deialdiak egin ditugu. Eskaera guzti-guztiek aldeko txostena jaso dute (% 70 irakasle emakumeenak ziren, eta gainerako % 30ak, gizonenak).

• Doktore tesia inskribaturik duten eta berori egiteko prozesuan dabiltzala egiaztatzen duten irakasle eta ikertzaileen irakats betebeharra murrizteko eskaria egiteko deialdiari eutsi diogu.

2.4. IKERKETA JAKINTZA ADAR BAKOITZAREN PREMIEN ETA EGOERAREN ARABERA INDARTZEA

2.4.1. Taldeen I+G+Bren kalitatea monitorizatzea, haien jasangarritasunerako eta bideragarritasunerako.

• Taldeen aplikazio informatikoaren bitartez prozedura bat jarri dugu martxan, urtero-urtero taldeen ekoizpen zientifikoari buruzko datuak txertatzeko. Horri esker, etorkizun hurbilean, taldeen I+G+Bren kalitatea monitorizatzeko sistema bat ezarri ahalko baitugu.

2.4.2 Azpiegiturak, laguntzaileak eta baliabide bibliografikoak ikertzaileen premietara egokitzea.

• Ikerkuntzarako Zerbitzu Orokorrak zerbitzuaren bitartez, ikerketa bultzatzeko azpiegiturak egokitzen jarraitu dugu. Hala, ekipamendu zientifiko berriak jarri ditugu, esaterako: masa espektrometro bati ahokatutako gas kromatografo bat, rack aireztatuen sistema zabaltzea, fitotroientzako aire eta ur hozkailua, UV espektrofotometro NIR ikusgaia, mikroskopio fokukidea, spec-ekin bateragarria den presio handiko ganbera,

13UPV/EHU


DNA/RNAren analizagailu automatikoa, denbora errealeko PCRa eta UHPLC kromatografo likidoa. Gainera, lehendik dagoen ekipamendua zaintzeko inbertsioak egin ditugu, bai eta Martina Casiano eta Maria Goyri eraikinetako laborategiak egokitzeko inbertsioak ere. Orotara, 2,3 milioi euroko inbertsioa egin dugu.

• Ikerkuntzarako Zerbitzu Orokorretako langile teknikoen 10 lan poltsa handitzeko hautapen prozesuak egin ditugu; zehazki, arlo hauetan: Neurri Magnetikoak, 3. mailako Euste Biologikoa, XPS, RMN, Raman, Materialen Mikroskopia, Analisiak, X Izpiak, Mikroskopia Biomedikuntzan eta Animaliategia. Era berean, gaur egungo langileek hainbat prestakuntza ekintzatan parte hartu dute, euren ezagutzak eguneratzeko.

• Ikerketaren kudeaketako teknikariak berrantolatzeari ekin diogu, ikertzaileei laguntzeko zerbitzua emateko campus guztiei. Prozesua, hain zuzen, Ikerketaren arloko errektoreordetzako campus atalak ofizialki sortzean oinarritu da.

• Informazio baliabideak erosi eta horietarako sarbide elektronikoak ugaldu ditugu, ikertzaileek horiek erabiltzeko modua errazteko eta erabilera handitzeko. Hala, 53.733 monografia eskuratu ditugu formatu elektronikoan, eta 30.805 aldizkako argitalpenetarako eta 88 datu basetarako sarbidea dugu.

• ADDI Gordailu Instituzionalaren kudeaketarako softwarearen bertsio berria migratu eta egokitu dugu.

• G9 Taldeko bibliotekekin lankidetza hitzarmen bat sinatu dugu, euren artean artikulu zientifikoak doan hornitzeko.

• DIALNET Fundazioarekin lankidetzan jardun dugu, gaztelaniazko zein euskarazko aldizkariak husteko prozesuan; batez ere, Giza eta Gizarte Zientzien arloan.

2.4.3. Jakintza arlo guztietako jarduera ikertzailea babestuko duten ikerketako hiru zuzendaritza sortzea.

• 2017ko urtarrilaren 26ko Gobernu Kontseiluan honako zuzendaritza hauek sortzea onartu genuen: Ikerketarako Laguntzako Zuzendaritza, Nazioarteko Proiektuen Zuzendaritza eta Garapen Zientifikorako Zuzendaritza.

2.5. IKERTALDEEN ARTEKO LANKIDETZA ETA JAKINTZA FLUXUA BULTZATZEA

2.5.1. Nazioarteko ikertaldeekiko lankidetza sustatzea, lankidetza hori mesedetuko duten deialdien bidez.

• Mugikortasunerako Laguntzen III. modalitatean, 2017ko nazioarteko ikerketa proiektuetako parte hartzea sustatzeko 25 ekintza finantzatu ditugu.

• UPPArekin batera proiektuak sustatzeko asmoz, elkarrekin 5 proiektu prestatzera bideratu ditugu 2016ko laguntzak.

14 UPV/EHU


2.6. NAZIOARTEAN ERREFERENTZIAZKOAK DIREN ARGITALPENEN KOPURUA HANDITZEA JAKINTZA ADAR GUZTIETAN

2.6.1. Nazioartean erreferentziazkoak diren artikuluen argitalpena sustatzeko mekanismoak ezartzea (adib., konpromiso dokumentuak), jakintza adar bakoitzaren egoera aintzat hartuta.

• UPV/EHUren EHUNDU-A programan, ekoizpen zientifikoari eusteko edo ekoizpen mota hori ugaltzeko hitzarmena egin dugu ikastegiekin, kasu bakoitzaren arabera. Ekoizpen mota hori honako adierazle hauen arabera aztertuko dugu: aldizkari zientifiko indexatuetan eta Q1 aldizkarietan argitaratutako artikuluen kopurua.

2.6.2. Ikertzaileen ekoizpen zientifikoa aztertzea, askotan aipatzen dituzten pertsona (Highly Cited Persons) izan daitezkeenak antzemateko eta horiei laguntzeko.

• Clarivate Analytics enpresak egindako zerrendan UPV/EHUko zenbat ikertzaile dauden aztertu dugu. Zerrenda hori, hain zuzen, enpresa horren datu basean (ESI) bildutako informazioan oinarritutakoa da, eta hor ageri dira gaiarekin lotuta aipamen gehien lortu dituzten egileak.

• 2016an argitaratutako eta UPV/EHUko egileek sinatutako artikuluak identifikatu ditugu (WOS), baldin eta horiek Hot Papers (HP) edo Highly Cited Papers (HCP) direlakotzat jo badituzte. Alegia, lehenengo kasuan, azken bi urteotan behar adina aipamen jaso dituzten artikuluak ageri dira, euren arloko artikulu onenen % 0,1en artean txertatzeko moduan 2017ko urtarrilean/otsailean. Bigarren kasuan, berriz, arlo akademikoko eta argitalpen urteko artikulu onenen % 1en artean txertatzeko adina aipamen jaso dituztenak. 2016. urtean argitaratutako 39 lan HCP izendatu dituzte; eta 5, HP.

2.6.3. Talde sortuberriei babes handiagoa ematea, sorrerako eta aurkezpeneko hasierako faseetan laguntzeko politiken bidez.

• UPV/EHUko ikerketarako 2017ko laguntzen deialdian, II. modalitate berria jarri dugu martxan: Aurreko deialdietan finantzaketarik lortu ez duten ikertaldeentzako laguntzak. Horietan, 5 laguntza eman ditugu ikertalde berrientzat (3 Ingeniaritza eta Arkitekturaren arlokoak eta 2 Gizarte eta Lege Zientziaren arlokoak).

2.7. LURRALDEAREKIN LANKIDETZAN ARITZEKO KULTURA SUSTATUKO DUEN ERAKUNDE IREKIA ETA BERRITZAILEA IZATEA

2.7.1. Gure ikertzaileak inguruko enpresa eta erakundeetara eta profesionalak gure unibertsitatera mugitzeko programa bat sortzea.

• Hainbat erakunderekin bilerak egin ditugu, UPV/EHUren eta inguruko enpresa zein erakundeen arteko langile trukea sustatzeko deialdi bat abian jartzeko.

15UPV/EHU


2.8. ERREFERENTZIAZKO ERAGILE IZATEA EUSKAL HERRIA SOZIOEKONOMIKOKI ERALDATZEKO HAZKUNDE ADIMENDUN ETA JASANGARRIAN

2.8.1. Enpresei, erakundeei eta oro har gizarteari bideratutako komunikazio jarduerak garatzea, UPV/EHUko I+G+Bren ahalmenak eta emaitzak ezagutzera emateko.

• UPV/EHUren eskaintza zientifiko-teknologikoak tokia izan du teknologia eskualdatzeko 20 enpresa topaketatan.

• Ikertaldeen eta UPV/EHUko ikerketa emaitzen zein aktibo zientifiko-teknologikoen eskualdatzean interesa duten enpresen arteko 126 aldebiko topaketa egin ditugu.

• 4 topaketa antolatu ditugu, eta horietan parte hartu dute hainbat ikertaldek eta zientziaren hainbat arlo edo diziplina interesatzen zaizkien industria korporazioek.

• Kultura ekintzailea sustatzeko jarduerak egin ditugu hiru campusetan: Mintegiak, Ekintzailetza eta Sormen Tailerrak, Zitek Bilbao Valley Entrepreneur Day, “Ikasi ekiten” proiektua, INIZIA-AGUDEZIA ekintzailetza tailerra, ETORKIZULAN, EKINDUZ lehiaketa, THINK BIG lehiaketa, INIZIA Arabacampus sariak, ABIATU sariak, Aukerak Bilatzeko Tailerra, Sustainable Week, ZitekCoffees eta ZITEK ezagutarazteko hitzaldiak. 3.357 pertsonak parte hartu dute (% 52 emakumeak eta % 48 gizonak).

• Bio-Osasunaren arloko ikertaldeekin diagnostiko teknologikoa egin dugu, horiek merkatuari egin diezazkioketen ekarpenak aztertzeko; esaterako, enpresa berriak sortuta edo/eta euren teknologia eskualdatuta, interesa duten enpresekin egindako garapenerako lankidetzen bitartez. 16 aukera posible aztertu ditugu, eta horietako 4 aukeratu ditugu, bide orri bat osatu, eta merkatura eskualdatzeko.

2.8.2. Ikerketa egitura berriak sortzea, bai Nazioarteko Bikaintasun Campusaren eta Euskadiko RIS3 estrategiaren eremuan, bai kanpoko laguntza duten beste arlo batzuetan.

• Lankidetza Memorandum bat sinatu dugu UPV/EHUrekin, Bordeleko Unibertsitatearekin eta Euskal Herriko Matematika Aplikatuko Bikaintasun Zentroarekin (BCAM), guztion artean Mugaz Haraindiko Lankidetzarako Laborategi bat martxan jartzeko, matematikaren eta haren aplikazioen arloan.

• UPV/EHUren, Bordeleko Unibertsitatearen eta Donostia International Physics Center-en artean «Eskala Kuantikoko Fisika eta Kimika Teorikoak – QuatumChemPhys» Mugaz Haraindiko Lankidetzarako Laborategi bat sortu dugu. Honako hauek ere parte hartuko dute bertan: Ikerketa Zientifikoen Goi Kontseiluak (CSIC), Centre National de la Recherche Scientifiquek (CNRS) eta Bordeleko Institutu Politeknikoak (Bordeaux INP).

• UPV/EHUren, Tecnaliaren eta BCAMen artean «Data Science»-ren arloko Baterako Ikerketa Laborategia sortu dugu, Bilboko Ingeniaritza Eskolaren Tecnalia Ikasgelaren esparruan.

16 UPV/EHU


2.9. EGITURA SOZIOEKONOMIKORA HURBILTZEA UPV/EHUKO JAKINTZA ETA GAITASUN ZIENTIFIKO-TEKNOLOGIKOAK

2.9.1. UPV/EHUren eta enpresen arteko lankidetza sustatzea Europako garapenerako lankidetzetan, baita ekimen handietako partaidetza ere (Horizon 2020, Egitura Funtsak 2014-20, Knowledge Innovation Communities-KIC…), horrelakoetan jasotako emaitza handitzeko.

• Europako Teknologia Institutuan KIC AVMren proposamena aurkeztu dugu: Accelerating Innovation and Business Creation in European Manufacturing. UPV/EHU bazkide talde nuklearreko kidea da. UPV/EHUk Tecnaliarekin, Bordeleko Unibertsitatearekin eta Euskal Herriko zein Akitaniako beste bazkide batzuekin egin duen lankidetza lanari esker, Euskadi-Akitania Euroeskualdean Research and Innovation Centre (RIC) bat sortu ahal izan dugu, KIC honen esparruan.

• UPV/EHUko Master in Offshore Renewable Energy - MORE masterraren berezko titulua onartu dugu, Strathclydeko Unibertsitatearen (Eskozia), Norwegian University of Science and Technology Unibertsitatearen (Norvegia) eta École Centrale de Nantes Unibertsitatearen (Frantzia) arteko lankidetzarekin. Gainera, master honetan Euskal Herriko hainbat erakundek ere badihardute lankidetzan; horien artean nabarmentzekoak dira Tecnalia, Euskadiko Energia Klusterra eta Iberdrola.

2.9.2. Ikertaldeei eskaintza teknologikoa merkaturatzen laguntzea, enpresekin kontratu gehiago izenpetzeko, eta patenteak erabiltzeko lizentzien eta software erregistroen kopurua handitzeko.

• 2016. urtean, 1.000 ikerketa kontratu inguru sinatu ditugu kanpoko enpresa eta erakundeekin. 200etik gora ikertaldek eta 550 erakunde inguruk parte hartu dute horietan.

• 2016an, aktibo teknologikoen zorroan 186 esku hartze txertatu ditugu. 299 patentek babestu dituzte esku hartze horiek, eta 10 lehentasunezkoak izan dira denbora tarte horretan. Bestalde, 6 lizentzia kontratu sinatu ditugu, enpresek UPV/EHUren aktibo teknologikoak ustia ditzaten.

• Denbora tarte berean, enpresek eta zientziaren hainbat arlotan espezializatutako arrisku kapital teknologikoan inbertitzen duten erakundeek UPV/EHUko teknologiak ebalua ditzaten 20 prozesu egin ditugu.

2.9.3. Komunikazio zientifikoko programak sustatzea, hainbat egitura eta ekitaldiren bidez: Kultura Zientifikoko Katedra, Zientziaren Astea, gazteak laborategietan…

• Zientzia Astearen hamaseigarren edizioak (azaroan Bilbon, Donostian eta Gasteizen egindakoa) 28.000 bisitari izan zituen. 50 erakusmahai jarri, eta honako hauek antolatu genituen: 41 tailer, 25 ibilbide didaktiko, 6 hitzaldi, 4 erakusketa, txikitxoenentzako zientzia ikuskizunak, Zientzia Klub bakarrizketa zientifikoen programa eta hiru argazki lehiaketa. Nabarmentzekoa da 533 pertsonak parte hartu zutela (% 51 emakumeak eta % 49 gizonak): unibertsitateko irakasleak eta ikertzaileak, ikasleak eta AZPko langileak.

17UPV/EHU


• Hainbat formatu digitaletan edukien garapena eta kudeaketa gauzatu dugu. Nabarmentzekoak dira, besteak beste, Mapping Ignorance, Mujeres con ciencia, Cuaderno de Cultura Científica eta Zientzia Kaiera blogak edo Cienciaesfera batzailea.

• Cienciaclip online lehiaketa antolatu dugu (youtuberen bitartez), bigarren hezkuntzako gazteei zuzendutakoa.

• UPV/EHUko Kultura Zientifikoko Katedrak Bilboko Azkuna Zentroarekin lankidetzan jardun du, Zientziateka Programa egikaritzeko.

• 2016ko irailean, berriz, Naukas ekimena antolatu genuen.

• DIPCrekin elkarlanean jardun dugu, Passion for Knowledge jardunaldia antolatzeko. 2016ko irailean eta urrian izan zen.

• Basque Diaspora Akademiko sinposioa antolatu eta egin dugu.

• Elhuyarrek 2017ko apirilean antolatutako Zientzia Azokan ere parte hartu dugu.

18 UPV/EHU


3. IRAKASKUNTZAREKIN KONPROMETITURIKO UNIBERTSITATEA

3.1. UNIBERTSITATEKO KIDEEK ETA EUSKAL GIZARTEAK IRAKASKUNTZAREN KALITATEARI GARRANTZI HANDIAGOA EMAN DIEZAIOTEN LORTZEA

3.1.1. Garapen akademiko profesionaleko estrategiak indartzea.

• IRAKER programa ezarri dugu. Bertan, 18 irakasle elkartuk parte hartu dute (% 61 emakumeak dira, eta % 39, gizonak), irakaskuntza eta ikerketa aholkularien laguntzarekin.

3.1.2. UPV/EHUko irakasle onenek irakasleak prestatzeko programetan parte har dezaten lortzea.

• Aholkularitza rola definitu dugu, IRAKERerako 11 gizon aholkulari eta 8 emakume aholkulari aukeratu ditugu, eta dagoeneko sortu dugu lehenengo lantaldea.

3.1.3. Kalitatezko irakaskuntzari prestigioa ematea, aintzatespen publikoaren bidez.

• EHUNDU-A 2017 konpromisoa aurkeztu eta sinatu ondoren, egituratutako IKD lantaldeen deialdi berria definitzen hasi gara, kalitatezko irakaskuntza lantaldeen zeregina ikusarazteko eta indartzeko.

3.2. IRAKASKUNTZA JARDUERA EBALUATZEKO PROGRAMEN ERABILERA NORMALTZEA

3.2.1. Ebaluazio prozedurak mailakatzea, irakaskuntzaren garapenean gaindi daitezkeen mugarriak ezartzeko.

• Beste unibertsitate batzuetako irakasleak ebaluatzeko prozedurekin zerikusia duen informazioa bildu dugu.

• Ikasleek irakasleen irakaskuntza lanari buruz duten iritziaren berri jasotzeko galdetegia egokitzeko lanean ari gara, graduko eta graduondoko tituluetara hobeto egokitu dadin.

• Irakasleak ebaluatzeari buruzko araudi espezifiko bat osatzen ari gara.

3.2.2. Docentiaz programa kanpotik egiaztatzea.

• Docentiaz programa kanpotik egiaztatzeko beharrezkoa den dokumentazioa igorri dugu Unibasq-era. Espero dugu ebaluatzaileek 2017ko urrian egitea bisita UPV/EHUra.

19UPV/EHU


3.3. TITULUEN ETA IKASTEGIEN KALITATEAREN KUDEAKETAN LIDERGO PARTEKATUA INDARTZEA

3.3.1. Tituluek eta ikastegiek egiaztapen instituzionala lor dezaten laguntzea.

• 4 graduren eta 13 masterren egiaztapena berritu dugu; gainera, Europako agentziak zuzenean egiaztatu du Erasmus Mundus bat.

• 2 gradu eta 12 master egiaztatzeko txostenak osatu eta bidali ditugu. Kanpoko bisitak 2017/18 ikasturteko lehenengo hiruhilekoan egingo dira.

• AUDIT programaren bitartez, Kalitatearen Bermerako Sistemak (KBS) ezartzeko egiaztagiria lortzeko lan egitasmoa diseinatu dugu, eta EHUNDU-A programaren konpromiso dokumentuaren bitartez, ikastegi guztiak esku har dezaten lortu dugu.

• Farmazia Fakultateak Kalitatearen Bermerako Sistemak (KSB) ezartzeko egiaztagiria lortu du, AUDIT programaren bitartez.

3.3.2. Zuzendaritza taldeei (dekanotza/zuzendaritza taldeak eta sailak) kudeaketa aurreratuko ereduari buruzko prestakuntza ematea.

• Zientzia eta Teknologia Fakultateak AUDIT+MGA ebaluazio positibo bikoitza lortu du, Unibasq-en eta Euskalit-en eskutik. Euskalit-ek zilarrezko A eman dio, bere kudeaketa eredu aurreratuagatik.

• Gasteizko Ingeniaritza Eskolako eta Psikologia Fakultateko zuzendaritza taldeei prestakuntza ikastaro bat eman diegu, AUDIT-MGA ebaluazio bikoitzera aurkez daitezen. 16 pertsonak parte hartu dute (% 69 emakumeak eta % 31 gizonak).

• AUDIT ebaluatzaileen barne prestakuntzarako ikastaro bat antolatu dugu, kanpo egiaztapena lortzen laguntzeko. 27 pertsonak parte hartu dute (% 67 emakumeak eta % 33 gizonak), nola irakasleak zein ikertzaileak, hala AZPko langileak (betiere, ikastegietako kudeaketaren zuzeneko arduradunak).

• Farmazia Fakultateko eta Bilboko Irakasleen Unibertsitate Eskolako KBSen barne ebaluazioa egin dugu; bertan, UPV/EHUko 10 ebaluatzailek parte hartu dute (% 50 emakumeak eta % 50 gizonak). Jarduera hori Unibasq-en kanpo bisitaren aurretik egin genuen.

• EHUNDU-A 2017 programaren bitartez, plan estrategikoak egiteko joera sustatu dugu UPV/EHUko ikastegi berri guzti-guztietan. Zazpi ikastegietako bost dagoeneko hasi dira euren plan estrategikoa diseinatzen. Bederatzi ikastegietan, zuzendaritza taldeak prestatzeko eta planak osatzeko prozesuetan dabiltza.

3.4. SINERGIAN ETA JOERA PARTEKATUETAN (KOMUNIKAZIOA, ELKARREKIKO AITORPENA ETA ILUSIOA) OINARRITUTAKO ANTOLAKUNTZA KULTURA SUSTATZEA

3.4.1. Ikastegietako barne dinamika babestea eta indartzea (EHUNDU programa).

• EHUNDU-A 2017 programaren barnean, eta UPV/EHUko ikastegi guztiekin konpromiso dokumentua sinatu ostean, horien prozesuen mapa diseinatu

20 UPV/EHU


eta berrikusi dugu, zehaztapen egokia egiteko, eta barne kudeaketa maila handia lortzeko, ikastegi bakoitzeko KBSak diseinatzearen eta ondoren ezartzearen egiaztagiriak lortzeko.

3.5. PRESTAKUNTZA ESKAINTZAREN, PROGRAMA OSAGARRIEN ETA BESTELAKO JARDUEREN KOMUNIKAZIOA ERRAZTEA

3.5.1. Lanbide Heziketako eta Batxilergoko sareekiko harremanak sendotzea.

• Ikasleentzako Argibide Zerbitzuak 4.500etik gora pertsonari eskaini die arreta, modu pertsonalizatuan. Kontsulta horien % 60 telefono bidezkoak izan dira; % 27, posta elektroniko bidezkoak; eta % 13, aurrez aurrekoak.

• UPV/EHUri buruzko informazio saioak egin ditugu EAEtik kanpo, eskaera espezifikoei erantzunez (Baionako Bernat Etxepare Lizeoa).

• Ikastegiek informazio saioak egin dituzte DBHko ikastetxeetan, euren graduko tituluei buruzko informazioa emateko.

• “Ikasleentzako Argibide Zerbitzuaren Gida” argitaratu dugu, eta haren edukia aurkeztu zaie DBHko ikastetxeetako, helduentzako hezkuntza zentroetako eta Berritzeguneetako orientatzaileei. Gainera, eskuragai jarri dugu formatu digitalean.

• Orientazio Jarduera Praktikoen Programa egin dugu, Eusko Jaurlaritzaren Hezkuntza Sailarekin lankidetzan. 52 jarduera praktiko eskaini ditugu 16 ikastegitako 63 titulutan, eta horietan, 3.174 ikaslek parte hartu dute (% 62 emakumeak eta % 38 gizonak). Parte hartu duten ikasleak EAEko DBHko 147 ikastetxetakoak dira.

• 2017ko urtarrilaren 28tik otsailaren 11ra, Unibertsitate Orientaziorako Azokak antolatu genituen hiru campusetan. Orotara, 9.725 lagunek parte hartu zuten (% 69 emakumeak eta % 31 gizonak).

• Hiru campusetan egindako Ateak Zabaltzeko Egunetan 5.536 pertsonak parte hartu dute (% 63 emakumeak eta % 37 gizonak). Ikasle parte hartzaile gehienak EAEko DBHko ikastetxeetakoak izan dira, baina baita honako autonomia erkidego eta eskualdeetakoak ere: Nafarroa (28 ikastetxe), Kantabria (7 ikastetxe), Errioxa (7 ikastetxe), Gaztela eta Leon (6 ikastetxe), Asturias (ikastetxe 1), Balear Uharteak (ikastetxe 1), Kanariak (ikastetxe 1), iparralde (ikastetxe bat, Baionakoa).

• Informazio eta Orientazio Jardunaldia antolatu dugu, 25 eta 45 urtetik gorakoentzako probaren bidez eta lan esperientziaren zein esperientzia profesionalaren bitartez unibertsitatean sartzen diren ikasleentzat. 69 lagunek parte hartu dute (% 62 emakumeak eta % 38 gizonak).

• Graduko Ikasketa Eskaintza 2017/18 dokumentua argitaratu dugu, graduen eskaintza osoa eta horietako bakoitzeko espezialitateak/aipamenak/ibilbideak biltzen dituena.

3.5.2. Eskaintza akademikoa ezagutzera ematea euskal diasporan.

• Mundu osoko 182 Euskal Etxerekin jarri gara harremanetan, eta UPV/EHUko eskaintza akademikoari buruzko informazio zehatza helarazi diegu, nola gradukoa, hala graduondokoa.

21UPV/EHU


3.6. UPV/EHUk BERE INGURUNEARI EGITEN DION EKARPENA EZAGUTZERA EMATEA

3.6.1. UPV/EHUko profesionalen presentzia areagotzea komunikabideetan.

• Adituak datu basean, gaur egun, unibertsitateko 575 profesionalek parte hartzen dute (% 35 emakumeak eta % 65 gizonak), komunikabideekin lankidetzan jarduteko prest daudenak. Azken urtean, % 10 handitu da parte hartzaileen kopurua. Gida honen helburua da, hain zuzen, komunikabideei unibertsitateko espezialistekin harremanetan jartzeko modua erraztea, ezagutzak duen balio erantsi horrek gizartera iristeko beste modu bat ere izan dezan.

3.6.2. Zientziak gizartean duen dibulgazioa areagotzea.

• Ikasturte honetan, UPV/EHUren Komunikazio Bulegoak 32 prentsaurreko antolatu ditu, eta 423 prentsa ohar igorri dizkie era guztietako komunikabideei. Prentsa ohar horien laurdenek harremana zuten ikerketa proiektuekin edo ikertaldeekin.

• Ikasturte honetan, Ikerkuntzarako Zerbitzu Orokorrek 45 dibulgazio bisita izan dituzte orotara. Horien fruitu gisa, ikerketaren, enpresaren eta komunikabideen arloko 492 pertsonak bertatik bertara ezagutu dituzte Ikerkuntzarako Zerbitzu Orokorretan dagoen teknologiaren ahalmenak eta aplikazioak.

• Ikerkuntzarako Zerbitzu Orokorren baitako Animaliategia zerbitzutik dibulgazio bideo bat egin dugu (https://youtu.be/w3NaI94pls4), animaliekin egindako ikerketako etika gaia zabaltzeko.

• Ikerkuntzarako Zerbitzu Orokorrek beste 8 mintegi eta biltzarretan parte hartu dute, eta horietan guztietan, ekarpen zientifikoak egin dituzte, ahozko hitzaldien edo posterren bitartez.

3.7. TOKIKO ZEIN NAZIOARTEKO ESPARRUETAN UPV/EHUREN IRAKASKUNTZA JARDUERA BERRITZAILEA IKUSARAZTEA ETA ZABALTZEA

3.7.1. Harremanak sendotzea beste unibertsitate publiko batzuekin, batik bat komunikazio hizkuntza gisa euskara darabiltenekin, irakaskuntza-ikaskuntzako esperientzia berritzaileak partekatzeko.

• Bordeleko Unibertsitatearekin, Paue eta Aturriko Herrietako Unibertsitatearekin eta Nafarroako Unibertsitate Publikoarekin aldebiko harremanak indartu ditugu, irakaskuntzako berrikuntza eta kudeaketa gaietan, besteak beste. Bordeleko Unibertsitatean Week 26 egin da, Euskampusen lankidetzarekin.

• EuroSoLT 2019 biltzarra prestatzen hasi gara. UPV/EHUn izango du, hain justu, egoitza.

22 UPV/EHU


3.7.2. Nazioarteko inguruneetan lan egiten duten hezkuntza berrikuntzako espezialisten talde gehiago sortzea.

• Finantzaketa eman diegu HBTAdituak bi talde berriri; horrenbestez, UPV/EHUk berrikuntzan espezializatuta dauden hamaika lantalde aktibo ditu.

• Hezkuntza berrikuntzarako nazioarteko biltzarrei buruzko informazioa zabaldu dugu, talde espezializatuen zeregina errazteko.

23UPV/EHU


4. AUKERA PROFESIONALAK ESKAINTZEN DITUEN UNIBERTSITATEA

4.1. IBILBIDE AKADEMIKOAREN GARAPENA ETA SUSTAPENA BULTZATZEA (IRAKASLEAK ETA IKERTZAILEAK)

4.1.1. Irakasle eta ikertzaileen promozioa errazteko prestakuntza jarduerak garatzea.

• Abian jarri dugu IRAKER programaren lehenengo deialdia. Programaren helburua da irakasle elkartuei irakasle agregatu edo titular izateko egiaztapena lortzen laguntzea, bai eta oposizio probetarako irakaskuntza plana prestatzen laguntzea ere. Bertan, 18 irakasle eta ikertzailek parte hartu dute (% 61 emakumeak eta % 39 gizonak), irakaskuntzako eta ikerkuntzako 19 aholkulariren laguntzarekin (% 42 emakumeak eta % 58 gizonak).

• Mintegiak eman ditugu, Hezkuntza Berrikuntzarako Proiektuen diseinuan orientabidea eskaintzeko, SoTL (Scholarship of Teaching and Learning) hurbilketarekin.

• Ikerkuntzarako Zerbitzu Orokorrek prestakuntza zientifikoko eta teknologikoko 12 jarduera egin dituzte, eta horietan 158 irakaslek eta ikertzailek parte hartu dute (% 57 emakumeak eta % 43 gizonak). Horietako 40, hain zuzen, trebatzen ari diren ikertzaileak dira (% 60 emakumeak eta % 40 gizonak).

• Ikerkuntzarako Zerbitzu Orokorrek HELAZeko prestakuntza ekintzan parte hartu dute (seiurtekoei buruzko tailerra), eta hiru campusetako 129 pertsonak parte hartu dute (% 60 emakumeak eta % 40 gizonak).

• Ikerkuntzarako Zerbitzu Orokorrek ikerketan murgiltzeko tailerren bi saio eman dituzte: bat Kuaternarioa Ingurugiro Aldaketak eta Giza Oinatza Unibertsitate Masterrean, non 11 parte hartzaile izan ziren (% 54 emakumeak eta % 46 gizonak); eta beste bat Enpresa Zuzendaritza Berrikuntzaren eta Internalizazioaren Ikuspegitik Unibertsitate Masterrean, non 6 pertsonak parte hartu zuten (guztiak gizonak).

• UPV/EHUko Master eta Doktorego Eskolako ikasleei ikerketan murgiltzeko tailer bat eskaini diegu, eta 28 pertsonak parte hartu dute (% 61 emakumeak eta % 39 gizonak).

4.2. IRAKASLE ETA IKERTZAILEEI BELAUNALDIEN ARTEKO TXANDAKATZE EGOKIA BERMATZEA

4.2.1. Prestakuntza orokorreko programa bat ezartzea (irakaskuntzakoa, ikerketakoa eta kudeaketakoa), lagungarria izango dena irakasle eta ikertzaile hasiberriak egiaztatzeko prozesuan.

• IRAKER programa lehen urratsak egiten hasi da. Bertan, 18 irakasle elkartuk parte hartu dute (% 61 emakumeak dira, eta % 39, gizonak), irakaskuntza eta ikerketa aholkularien laguntzarekin.

24 UPV/EHU


4.2.2. Sailetan txertatutako tutoretza estrategiak finkatzea, irakasle berriei aholkua eta babesa emateko euren ibilbide akademikoaren diseinuan eta garapenean.

• UPV/EHUn eskarmentu handia duten irakasleek irakasle hasiberriei aholkularitza eskaintzearena zer den definitu dugu.

• Sailetan txertatutako tutoretza programari heldu diogu berriro. Programa hori irakasle elkartuen plaza hutsak betetzen ari diren irakasle bitarteko kontratatuentzako Konpromiso Programa gisa da ezaguna. Helburua da, hain zuzen, 2017-2018 ikasturtearen lehenengo lauhilekoan ezartzea.

4.3. UNIBERTSITATEAREN ZEREGINAREKIN BAT DATORREN IBILBIDE PROFESIONALA GARATZEKO BALDINTZAK HOBETZEA (AZPko LANGILEAK)

4.3.1. Lanpostuen balorazio prozesuei heltzea eta monografiak eguneratzea.

• Zerbitzu jakin batzuen egituran esku hartze berezi batzuk egin ditugu. Esku hartze horiek, kasu batzuetan, dagokion monografia sortzea eragin dute.

4.4. KUDEAKETAKO EGITURA UPV/EHUREN EGUNGO PREMIETARA EGOKITZEA (AZPko LANGILEAK)

4.4.1. Erreferentziazko Langile Zerrenda eguneratzea eta 2014ko irailaren 17an sinatutako laneko bermeen hitzarmena garatzea.

• Ikastegiak berrantolatzeko prozesuaren esparruan eratutako lantaldeak, sindikatuen eta UPV/EHUren ordezkariek modu paritarioan osatutakoak, aurrerapausoak eman ditu Erreferentziazko Langile Zerrenda eguneratzearekin lotuta aginduta zituen jardunetan.

• Dagozkion plangintza batzordeetan 3 gairi buruzko araudia negoziatu dugu: Lan poltsen kudeaketarako araudia, Zerbitzu batzordeen baremo prozedurarako araudia eta Eginkizunak esleitzeko baremo prozedurarako araudia. 2017ko uztailaren 18an, hiru gaiei dagozkien hitzarmenak sinatu genituen hiru sindikaturekin (ELA, STEILAS eta UGT).

4.4.2. Unibertsitateko zerbitzuen egitura oso-osorik berraztertzea eta zerbitzu horietara moldatutako antolakuntza modu eta kudeaketa prozedura berriak ezartzea.

• Ikasturte honetan, AZPko langileen antolamendu egitura batzuk aztertu ditugu, eta aldaketak egin ditugu Lanpostuen Zerrendan. Era berean, dagozkien organigramak egokitu ditugu.

• Dagozkion plangintza batzordeetan sindikatuekin aldez aurretik negoziatu ondoren, Gobernu Kontseiluak lanpostuen zerrendan aldaketak egitea onartu zuen honako egun hauetan egindako saioetan: 2016ko azaroaren 3an, 2017ko urtarrilaren 26an, 2017ko apirilaren 6an eta 2017ko maiatzaren 11n.

25UPV/EHU


• Unibertsitateko zerbitzuen egitura berrikusteko konpromisoaren baitan, IKTen gerenteordetzaren eta Unibertsitateko Bibliotekako organigramen egokitzapena aurkeztu diegu plangintza batzordeei.

4.5. AZPko LANGILEEI EUREN IBILBIDE PROFESIONALEAN BABESA EMATEA (AZPko LANGILEAK)

4.5.1. Langile berriei sarrera erraztuko dien harrera plan bat prestatzea.

• Harrera planaren lehenengo zirriborroa egin dugu. Oraintxe bertan, berrikuspen eta hobekuntza fasean dago.

4.6. PERTSONEN OSASUN FISIKOAN, MENTALEAN ETA SOZIALEAN ERAGIN POSITIBOA DUTEN LAN INGURUNEAK SORTZEA (AZPko LANGILEAK / IRAKASLEAK ETA IKERTZAILEAK)

4.6.1. Lana eta familiako bizitza bateratzea erraztuko duten neurri berriak hartzea.

• Lana eta familiako bizitza bateratzeko aurrerapausoak eman ditugu, hainbat arlotan neurriak hartuta:

» 2016. eta 2017. urteetarako lanaldiari eta egutegiari buruzko zirkularrean hainbat aldaketa egin ditugu; besteak beste, bereizitako lanaldiei heltzeko aukera ematea (normalizatua, mistoa eta trinkoa), ordutegi malgutasunaren aldea handitzea eta baimen orduak hartzeko malgutasun handiagoa ematea.

» Hainbat ikastaro eskaini ditugu, gai hauei buruzkoak: estresa, coachinga, talde dinamika eta adimen emozionala. Era berean, gatazketan bitartekaritza lana egiteko eta gatazkak ebazteko protokoloaren zirriborro bat aurkeztu diogu Campus arteko Segurtasun eta Osasun Batzordeari. Oraintxe, alegazio fasean dago.

» Denboraldi luzean kanpoan egon eta berriz lanean hasten direnen kasuan, neurri bat erabaki dugu: ordezkoari aldi batean jarraitzeko baimena ematea, berriz lanean hasiko den pertsona presta dadin eta lanpostura egokitu dadin.

» Etorkizuneko ziurgabetasun faktoreari dagokionez, nabarmentzekoak dira 2016ko LEP prozesuekin lotuta hartutako erabakiak, 2017an garatzen ari garenak.

» Prestakuntza, Ikasketa eta Plangintza Kabineteak lidergoari, taldeen kudeaketari, kudeaketa emozionalari eta gatazkak ebazteari buruzko ikastaroak eskaini ditu.

4.6.2. Telelanaren ezarpenean aurrera egitea.

• Aurrez aurrekoa ez den lan modalitatea behin betiko ezarri dugu, telelana izeneko formularen bitartez, UPV/EHUko administrazio eta zerbitzuetako langileentzat.

26 UPV/EHU


4.7. IRAKASLE ETA IKERTZAILEEN ZEIN ADMINISTRAZIO ETA ZERBITZUETAKO LANGILEEN (AZP) ARTEKO PRESTAKUNTZA PARTEKATUA SUSTATZEA ETA GARATZEA

4.7.1. Laneko arriskuen prebentzioaren arloko prestakuntza eta informazioa sustatzea.

• Ikerkuntzarako Zerbitzu Orokorrek biosegurtasunean eta bioeuspenean espezializatutako prestakuntzarako ikastaro teoriko bat eskaini dute 2017ko martxoan. Bertan, 20 pertsonak parte hartu dute (% 65 emakumeak eta % 35 gizonak), nola Irakasle eta Ikertzaileen taldekoak, hala UPV/EHUko Administrazio eta Zerbitzuetako langileen taldekoak.

27UPV/EHU


5. BIZIKIDETZARAKO UNIBERTSITATEA

5.1. AZPIEGITURAK PRESTAKUNTZAKO ETA IKERKETAKO PREMIA BERRIETARA EGOKITZEA

5.1.1. Harremanak areagotzea Eusko Jaurlaritzarekin, Bizkaiko Foru Aldundiarekin eta Bilboko Udalarekin, Medikuntza eta Erizaintza Fakultate berria eraikitzeko Unibertsitate Ospitalearen ondoan.

• Hainbat bilera egin ditugu Eusko Jaurlaritzarekin, Bizkaiko Foru Aldundiarekin eta Bilboko Udalarekin, Medikuntza eta Erizaintza Fakultate berria eraikitzen ahalegintzeko.

5.1.2. Espazio eta instalazio guztietan bizigarritasun eta lan baldintzak hobetzea.

• Araba: Micaela Portilla Ikergunea inauguratu dugu. Era berean, hobekuntza jardunak egin ditugu hainbat ikastegitako ikasgela eta laborategietan: Hezkuntza eta Kirol Fakultatean, Ingeniaritza Unibertsitate Eskolan eta Farmazia Fakultatean.

• Gipuzkoa: Berritze lan txikiak egin ditugu Campuseko ikastegien baldintzak hobetzeko: Hezkuntza, Filosofia eta Antropologia Fakultatea –II. eraikina–, Kimika Fakultatea eta Zuzenbide Fakultatea.

• Bizkaia: Jardun ugari gauzatu ditugu; nabarmentzekoak dira, besteak beste, lehendik zeuden segurtasun soken mantentze lana, Bilboko Ingeniaritza Eskolako bibliotekak bateratzea eta Gizarte eta Komunikazio Zientzien Fakultateko estalkia amaitzea.

5.2. UNIBERTSITATEKO ESPAZIOEN IRISGARRITASUNA HOBETZEA

5.2.1. Irisgarritasun arazoak dituzten pertsonen elkarteekin harremanetan jartzea, zer premia dituzten ezagutzeko.

• Araba: Campuseko Irisgarritasun Plana garatu dugu, eta jende guztiari irisgarritasuna bermatzeko, Arabako Campuseko errektoreordetzako eraikinerako sarbidea nola hobetu aztertzen ari gara. Era berean, eraikinen sarbide nagusietan jarritako ate automatikoen berrikuspen lanarekin jarraitu dugu.

• Gipuzkoa: Irisgarritasuna hobetzeko hainbat zeregin gauzatu ditugu, nola ikastegietan, hala Campuseko espazioetan.

• Bizkaia: Campusean irisgarritasun arazoak dituzten hainbat puntu identifikatu ditugu. Miguel de Unamuno Ikastetxe Nagusiko hainbat espazio egokitu egin ditugu.

5.3. ESKAINITAKO ZERBITZUEN KALITATEA HOBETZEA

5.3.1. Unibertsitateko liburutegietako zerbitzuen hobekuntzan aurrera egitea eta ikastegiko gelen ordutegia zabaltzeko aukera aztertzea.

28 UPV/EHU


• Araba: Hezkuntza eta Kirol Fakultatean ikasketa gelak prestatu ditugu, urtarrilaren 4tik 22ra eta maiatzaren 20tik uztailaren 14ra. Eskaintza honek osatu egiten du Elurreta Ikasgelategiko ikasketa gelen ohiko ordutegia.

• Gipuzkoa: Elbira Zipitria Zentro berrian ikasketa gela batzuk ireki ditugu, eta ez, orain arte bezala, Ignacio Maria Barriola Ikastegian. Era berean, ikasturte osoko larunbat goizetan Carlos Santamaria Zentroa irekitzen jarraitu dugu.

• Bizkaia: Bilboko Udaleko Gazteria eta Kirol arloko arduradunekin bilerak egin ditugu, nola Unibertsitateak hala Udalak eskaintzen dituzten espazioak irekitzeko eta ixteko ordutegiak hobeto koordinatzeko, azterketa garaian ikasleek ikasteko tokia izan dezaten.

5.3.2. Ikasle elkarteentzako erabilera komuneko espazioak eskaintzea campus guztietan.

• Premien arabera, Ikasleen Kontseiluko kideek eta horiek ordezkatutako ikasle guztiek espazioak izan dituzte 3 campusetan.

• Araba: Ikasleen Kontseiluz kanpoko hainbat elkartek, bai eta ikasle batzuek ere, euren kasa edo talde gisa, Elurreta Ikasgelategian eta Unibertsitate Pabiloian espazio batzuk aldian behin erabiltzeko aukera izatea eskatu dute. Eskaerari baiezkoa eman diogu, bertan gauzatu nahi zituzten jardueren deskribapena egin ostean. Bestalde, Campuseko Ikasleen Kontseiluak lanerako espazio bat dauka Unibertsitate Pabiloian.

• Gipuzkoa: Campuseko Ikasleen Kontseilua oraindik ere Carlos Santamaria Zentroan dago, hantxe egokitu baitzen, eta eraikinaren sarrerako gunean espazio bat utzi zuen erabiltzeko.

• Bizkaia: Campus honek Leioako Ikasletxea eremua dauka.

5.4. BIZI OHITURA OSASUNGARRIAK IZATEKO LAGUNGARRIAK DIREN EKIMENAK BULTZATZEA

5.4.1. Inguruneko erakundeekin lankidetza egonkorrerako esparruak bultzatzea, kirol eskaintza erakargarria eta kalitatezkoa eskaintzeko.

• Araba: Oraindik ere indarrean dugu Gasteizko Udalarekin egindako lankidetza hitzarmena. Bertan, unibertsitateko kideek, eta bereziki Hezkuntza eta Kirol Fakultatekoek, udalaren kirol instalazioetarako sarbidea dute, baldintza abantailatsuetan, euren irakaskuntza jarduerak gauza ditzaten. Erakunde pribatuekiko hitzarmenak ere baditugu, eta horien bitartez hiriko hainbat kirol instalazio eta gimnasiotako erabilera tarifetan beherapenak lortzen ditugu.

• Gipuzkoa: Neguko eta udaberriko kirol txapelketak antolatu ditugu, 26 kirol modalitatetan (bakarkakoak nahiz taldekakoak), gizonen eta emakumeen kategorietan eta talde mistoetan. Gainera, ikasturtean zehar sustapen ikastaroak egin ditugu 23 kirol modalitatetan, eta udaberrian, 11 Kirol eta Abentura jarduera gauzatu ditugu naturan. Unean uneko jarduerak ere antolatu ditugu, eta guztiak daude lotuta ingurumenari eta haren zentzuzko erabilerari, aireari, urari, mendiari, elurrari...

29UPV/EHU


• Bizkaia: UPV/EHUko kiroldegia kudeatzen duen enpresarekin, Martiartu Klubarekin eta Bilbao Kirolak-ekin bilerak egin ditugu, UPV/EHUk ikasleentzat, irakasle zein ikertzaileentzat eta AZPko langileentzat daukan kirol eskaintza hobetzeko asmoz.

5.4.2. Jantokien, kafetegien eta vending makinen enpresa esleipendunekin elikagai ekologiko eta osasungarrien erabilera adostea.

• Araba: Elikagai ekologiko eta osasungarriei lehentasuna emateko bidean aurrerapausoak eman ditugu. Zehazki, vending makinetan elikagai horiek identifikatzeko ikono bat txertatu dugu (sagar berde bat). Horrekin batera, vending makinen enpresa esleipendunarekin beste hainbat ekintza gauzatu ditugu; hala nola energia kontsumo txikiko makinak jarri ditugu, gas hozgarrien kontrola egiten dugu (ez dute HCFCrik edo HFCrik) eta bidezko merkataritzako produktuak txertatu ditugu.

• Gipuzkoa: Vending zerbitzuaren esleipena birbideratu dugu, ikuspegi osasuntsua emanda. Hala, enpresa esleipenduna derrigortuta egongo da azukrerik, gatzik edo kaloria maila handirik gabeko produktu kopuru jakin bat txertatzera. Aldi berean, erabiltzaileek menuen kalitateari buruz duten gogobetetze maila aztertzeko lan bat egiteari ekin diogu. IKD Gazte proiektuko ikasle talde batek ere janari osasungarriari buruzko lanketa egin du -ikasleei zuzendutako galdetegien bitartez-, eta maiatzean, azterlanaren emaitzekin erakusketa bat jarri zuten.

• Bizkaia: Bizkaiko Campusean vending enpresekin ditugun kontratuak berrikusi ditugu, eta jardunbide egokien zerrenda bat osatu dugu, bai eta unibertsitateko vending osasungarrirako ereduak finkatu ere. Era berean, Osasunaren Mundu Erakundearen parametroen arabera osasungarriak diren produktuak eta jardunak identifikatu ditugu. Hori guztia, campusean elikagai ekologiko eta osasungarri gehiago izan ditzagun.

5.5. KULTURA UNIBERTSITATEKO BIZITZAN TXERTATZEA

5.5.1. Inguruko kultura eragileekin eta erakunde publiko zein pribatuekin sinergiak areagotzea, kultura jarduerak sustatzeko.

• Araba: Hainbat hitzarmen espezifikoren izapideak egiten ari gara nola Arabako Foru Aldundiarekin, hala Gasteizko Udalarekin, zenbait jarduera sustatzeko; esaterako, Cortada film laburren jaialdia edo Zientziaren Astea. Cortada jaialdian 1.300 film labur inguruk parte hartu zuten. Gure helburua da dagoeneko nazioan erreferentzia den lehiaketa honetarako kanpo finantzaketa handitzea. Fantasiazko kontakizun laburren eta iritzi artikuluen lehiaketak ere egin ditugu.

• Gipuzkoa: Kultura jarduera eta unibertsitate hedapeneko jarduera ugari antolatu ditugu, DSS2016EU Fundazioarekin, Donostiako Udalarekin eta San Telmo Museoarekin sinatutako hitzarmenen eraginez. Aipamen berezia merezi du Euskal Wikilarien Kultur Elkartearekin dugun lankidetzak. Horri esker, 150etik gora ikaslek (% 55 emakumeak eta % 45 gizonak) jaso zuten prestakuntza, eta Wikipediako 120tik gora artikulu idatzi zituzten euskaraz.

30 UPV/EHU


• Bizkaia: Se han mantenido reuniones con diversos grupos, instituciones y/u organismos que trabajan en el ámbito de la cultura. Fruto de tales reuniones han sido las colaboraciones establecidas con diversas entidades, entre las que cabe destacar las desarrolladas con Médicos sin Fronteras (proyecto: Personas en el Olvido), con Zinebi (ciclo de cine sobre la Italia fascista), con Caostica y con BilbaoHistórico Elkartea.

5.5.2. Ikasleekin komunikatzeko bideak ezartzea, kultur eta kirol arloko politikak elkarrekin diseinatzeko.

• Araba: Martxoaz gero, bilerak egin ditugu hilean behin Campuseko Ikasleen Kontseiluko ordezkariekin. Hasiera batetik helburu bikoitza izan dugu: a) Bertatik bertara ezagutzea euren premiak eta eskaerak, eta b) Euren lankidetza lortzea, kultura zein kirol jarduerak gauzatzeko. Bilera horietatik hainbat proposamen sortu dira, eta Campuseko hurrengo deialdietan txertatu ahal izango ditugu.

• Gipuzkoa: Partaidetza prozedura bat jarri genuen abian, ikasleek eta unibertsitateko kide guztiek kultur arloan dituzten ekimenen eta interesen berri jakiteko. 40tik gora proposamen jaso genituen, eta horiek ezartzeko modua 2017/18 ikasturte hasieran egingo den World Café baten bidez diseinatuko dugu.

• Bizkaia: Bilerak egin ditugu Ikasleen Kontseiluko ordezkariekin, euren proposamenak jasotzeko asmoz. Gainera, Kirol Zerbitzuan aplikazio informatiko berri bat lantzen ari dira. Web bidezko komunikazio bideak izango ditu ikasleekin, zerbitzua hobetzeko.

5.5.3. Hainbat kultur eta kirol jarduera berezi bultzatzea.

• Araba: Unibertsitate hedakuntzako deialdi erregularren bitartez eta kirol ikastaroen bitartez urtero sustatutako jarduerez gainera, unibertsitateko kideek talde ekimenetan parte har dezaten sustatu dugu; hala nola Gasteizko Enpresen Lasterketan. Era berean, campuseko lehiaketa bat diseinatu dugu (lasterketa oinez). Gainera, unibertsitate pabiloian hainbat musika emanaldi eta erakusketa egin ditugu, eta horiek guztiek osatu dute EHUskarabandaren kultur egitaraua.

• Gipuzkoa: Kirol arloan, IV. Estropada Akademikoa, XV. Udaberriko Lasterketa eta Unibertsitateko Fitness Daya antolatu ditugu, eta lankidetzan jardun dugu «5 milia buruko osasunaren alde» lasterketan. «Kultura Harremanetan» ekimenaren lehenengo edizioa antolatu dugu, herritarren artean kultur trukerako jardunak sustatzeko asmoz. Gipuzkoako Campuseko antzerki taldeak trukeak egin ditu estatuko eta Europako hainbat unibertsitaterekin, eta 3 emanaldi eskaini ditu.

• Bizkaia: Unibertsitateko hainbat kirol txapelketa antolatzen jardun dugu, ikasleek unibertsitateko kirol txapelketetan parte har dezaten sustatu dugu, Bilbon egindako XI. Lasterketa Mistoa antolatu dugu, bai eta ´Tipi Tapa Osasunez» martxa ere. EHUkultura-Bizkaiatik hainbat antzezlan bultzatu ditugu, eta zinemarekin lotutako jarduera ugari antolatu ditugu.

31UPV/EHU


5.5.4. UPV/EHUko Orkestra Sinfonikoaren sorrera bultzatzea.

• UPV/EHUko Orkestra Sinfonikoa elkartea eratu dugu (2017ko ekainaren 7an).

5.6. CAMPUS JASANGARRIKO ESTRATEGIA OROKORRA GARATZEA

5.6.1. Bidegorrien eraikuntza babestea eta bizikleta garraiobide alternatibo gisa erabil daitekeela ohartaraztea, unibertsitarioentzako mailegu zerbitzu publiko baten sorrera bultzatuta.

• Araba: Gasteizko Udalarekin lankidetzan, hainbat ekimenetan jardun dugu; esaterako: Mugikortasun Astean antolatutako jardueren sustapena eta campusean Bizikleta jardunaldia antolatzea, ibilgailu horren erabilera sustatzeko asmoz. Gainera, Udalak aurreikusi du bizikletentzako aparkaleku estali bat jartzea campusean bertan, Letren eta Farmazia fakultateen artean.

• Gipuzkoa: KALAPIErekin sinatutako hitzarmenarekin lotuta, elkarte horrekin lanean dihardugu, unibertsitaterako mugikortasun plan jasangarri bat osatzeko. Plan horren helburua izango da, hain zuzen, campusera joateko bizikleta erabiltzeari buruz sentiberatzea. Gainera, Donostiako Udalarekin koordinazioan, Mugikortasun Astean parte hartu genuen, eta ikasleei zuzendutako bizikletak konpontzeko bi tailer egin genituen.

• Bizkaia: «Bizikleta Leioako campusean: aukerak, baldintzak, gauzatu beharreko ekintzak» azterlana bultzatu dugu. Bestalde, Iraunkortasuneko Zuzendaritzarekin batera, lanean aritu gara, UPV/EHU U-mob Sarean txertatu ahal izateko; alegia, mugikortasun jasangarriko unibertsitateen sarean. Gainera, Leioako Udalarekin lanean dihardugu, Askartza inguruan egiten duten hurrengo hirigintza garapenean bidegorri bat eraikitzeko aukera azter dezaten.

5.6.2. Garraio publikoen joan-etorrien iraupena murrizteko eta kostua txikitzeko formulak proposatzea erakundeei.

• Araba: Euskotreneko zuzendari orokorrari proposatu diogu garraio publikoan (bereziki, tranbian) hileko tarifa murriztua finkatzea ikasleentzat. Harrera positiboa egin diote proposamenari, baina ezinbestekoa da Eusko Jaurlaritzarekin eta Arabako Foru Aldundiarekin adostea.

• Gipuzkoa: Bilerak egin ditugu Donostiako Udaleko Mugikortasun Departamentuarekin eta Gipuzkoako Foru Aldundiarekin, garraiobide publikoaren bitartez campuserako sarbidea hobetzeko, nola probintziako hainbat puntutatik, hala Bilbotik.

• Bizkaia: Bilerak egin ditugu Bizkaiko Foru Aldundiko Garraio Zuzendariarekin, garraio publikoaren kostua eta ibilbideak murrizteko aukera aztertzeko. Gainera, Errektoreordetzak hala eskatuta, Leioako metro geltokitik campuserako autobusen lotura zerbitzu bati buruzko azterketa egin du Bizkaiko Foru Aldundiak. Miguel de Unamuno Ikastetxe Nagusitik autobus zerbitzu bat kontratatu dugu, campusera igo besterik egingo ez dena.

32 UPV/EHU


5.6.3. Autoa partekatzeko programa eta erabiltzaile askoko ibilgailuak aparkatzeko programak mantentzea eta sustatzea.

• Araba: Autoa partekatzeko programari eutsi diogu, eta okupazio handiko ibilgailuentzat campusean aparkaleku bat jartzeko aukerak (eta baita zailtasunak ere) aztertu ditugu.

• Gipuzkoa: «Autoa partekatu» aplikazioaren kontratazioarekin jarraitu dugu, eta Donostiako Udaleko Mugikortasun Departamentuarekin sinatutako hitzarmenak berritzen ari gara, UPV/EHUren jabetzakoak diren lursailak aldirietako aparkaleku gisa erabiltzea baimentzeko.

• Bizkaia: Okupazio handiko ibilgailuentzako aparkalekua eta “autoa partekatu” programei eutsi diegu. Gainera, Bizkaiko Campusaren web orria aldatu dugu, bi programa horiei ikusgaitasun handiagoa emateko.

33UPV/EHU


6. GURE INGURUNEAN ERROTUTAKO UNIBERTSITATEA

6.1. EUSKARAZKO IRAKASKUNTZA ESKAINTZA HANDITZEA

6.1.1. Euskarazko nahitaezko irakasgaien eskaintzan aurrera egitea.

• 2016/17 ikasturtean beste 22 nahitaezko irakasgai eskaini ditugu euskaraz.

• Euskarazko nahitaezko irakasgaien irakaskuntza eskaintzaren jarraipen txostenak egin ditugu eta irakasgai horiek hizkuntza horretan eskaintzen ez dituzten ikastegi eta sailei bidali dizkiegu.

6.1.2. Euskarazko hautazko irakasgaien eskaintza sustatzea hizkuntza horretan hautazko irakasgai gutxi dituzten graduetan.

• Euskarazko hautazko irakasgai gutxi dituzten graduetan euskarazko hautazko irakasgaigaien irakaskuntza eskaintzaren jarraipen txostenak egin ditugu, eta tartean dauden ikastegi eta sailei bidali dizkiegu.

6.1.3. Euskarazko etengabeko prestakuntzaren eskaintza babestea.

• Euskarazko etengabeko prestakuntza eskaintzaren analisi xehatua egin dugu.

• Unibertsitateko espezialistaren 3 ikastaroren eskaintzari eutsi diogu UEUrekin lankidetzan, eta beste euskarazko ikastaro osagarri bat eskaini dugu.

• Euskararen presentzia indartu dugu diru laguntzen eta laguntzen bidez, zein Udako Ikastaroak programan euskarazko ikastaroen publizitatea eginda.

• Osakidetzarekin lankidetzan, Osasuna eta Hizkuntza ikastaroa egitea bultzatu dugu.

6.2. BIKAINTASUNA LORTZEA EUSKARAZKO IRAKASKUNTZAN

6.2.1. Terminologia teknikoaren garapena sustatzea.

• Terminologia Sareak Ehunduz programa bultzatu da, terminologia teknikoa garatzeko.

• UPV/EHUko Euskara Zerbitzuak GAIKA eta EHUSKARATUAK terminologia teknikoko corpusak aberastu ditu.

• Euskara Institutua lagundu dugu corpus linguistiko espezializatuak garatzen jarraitzeko.

6.2.2. Euskarazko eskuliburuen ekoizpena babestea.

• 2016/17 deialdia egin dugu euskarazko irakaskuntza materialaren ekoizpena sustatzeko.

• UPV/EHUko irakasleek sortutako euskarazko 15 irakaskuntza material argitaratu ditugu.

34 UPV/EHU


• 5 irakaskuntza gidaliburu itzuli ditugu eta euskarazko beste 17 irakaskuntza gidaliburu argitaratu ditugu.

• LEGEAK-LEYES eta LIMES bildumetako 3 testu itzuli ditugu euskarara.

• UPV/EHUko irakaskuntza materialen argitalpen elektronikoen web atariak berritu ditugu material horiek errazago bilatzeko.

• UPV/EHUren 2011-2016ko euskarazko argitalpenen katalogoa egin eta hedatu dugu.

• Erakustokiak jarri dira UPV/EHUko argitalpenen eskaintza hedatzeko lehenengo deialdian jarri ezin izan ziren ikastegietan, euskarazko argitalpenak ikusgarri bihurtzeko asmoz.

• Euskarazko argitalpenak bidali dizkiegu hizkuntza hori erabiltzen duten unibertsitate guztietara.

6.2.3. Euskararen III. Plan Gidariaren (2018-2022) oinarriak diseinatzea.

• UPV/EHUn euskararen erabilerari buruzko AMIA azterketa bat egin dugu, Euskararen II. Plan Gidarian lortutako emaitzetatik abiatuta. Azterketa horri esker, UPV/EHUko Euskararen III. Plan Gidariaren oinarriak diseinatuko ditugu.

6.3. EUSKARAZ ARRETA EGOKIA EMATEA PUBLIKOAREKIN HARREMAN ZUZENA DUTEN LANPOSTUETAN

6.3.1. AZPko langileen liberazioen programan lehentasuna ematea jendearekin harreman zuzena duten lanpostuetako zerbitzua hobetzera bideratutako liberazioei.

• 2016/17ko euskararen arloko ikastaro eta liberazioen deialdian kontuan izan dugu lanpostu bakoitza zer unitate motatan dagoen, eta lehentasuna eman diegu zuzenean jendeari arreta eskaintzen dietenei.

6.3.2. Administrazio eta zerbitzuetako langileek unibertsitateak erabilgarri dituen hizkuntza tresnak erabil ditzaten sustatzea.

• Azpidazki hizkuntza tresna berritu dugu, euskaraz lan egiteko eta komunikatzeko aukera ematen duen informaziorako sarbidea hobetuz.

6.4. EUSKARAREN ERABILERA SOZIALA SUSTATZEA IRAKASKUNTZAKO ETA UNIBERTSITATE BIZITZAKO EREMUETAN

6.4.1. Euskararen erabileran eta presentzian indarguneak eta hobetu beharreko alderdiak identifikatzea, kanpo ebaluaziorako prozesuen bidez.

• Euskarak administrazio publikoan duen presentzia, erabilera eta kudeaketa neurtzeko Eusko Jaurlaritzak erabiltzen duen ebaluazio prozedurari buruzko prestakuntza ikastaro bat eskaini dugu.

35UPV/EHU


• Unikuderekin lankidetzan, ikastegiei aholkularitza eskaini diegu euskararen kudeaketa abian jartzeko bere kalitatearen barne berme sistema aurreratuan.

• «Bikain» ziurtagiriaren deialdira aurkeztea erabaki duten ikastegiei lagundu egin diegu kanpo ebaluazioan parte hartzeko beharrezkoa den aurretiko txostena egiten.

6.5. EUSKARAZKO EKOIZPEN ZIENTIFIKOA BULTZATZEA, BAITA HAREN HEDAPENA ETA DIBULGAZIOA ERE

6.5.1. Doktorego tesiak euskaraz egin daitezela sustatzea.

• Euskarazko doktorego tesiak egiteko urteroko deialdia argitaratu dugu.

• Euskaraz eginiko doktorego tesietarako Koldo Mitxelena sarien bosgarren edizioa gauzatu dugu.

6.5.2. Euskara euskarri digitaletan (blogak, Wikipedia…) ager dadin bultzatzea.

• EHU-Wikipedia 2016 proiektua gauzatu dugu, Euskal Wikilarien Kultura Elkartearekin batera.

• Kultura Zientifikoko Katedraren Zientzia Kaiera euskarazko dibulgazio zientifikoko blogari laguntza eman diogu.

• Euskalkiak web orria dibulgatzen lagundu dugu.

6.5.3. Ekitaldi zientifikoetan euskararen presentzia sustatzea.

• Udako Euskal Unibertsitateko Ikergazte 2017 euskarazko nazioarteko biltzarra antolatzen lagundu dugu.

6.6. EUSKAL ARTEAREN ETA KULTURAREN PRESTAKUNTZAN, IKERKETAN ETA HEDAPENEAN ERREFERENTE IZATEA

6.6.1. Euskal artearen eta kulturaren adierazpenen azterketarekin eta hedapen sozialarekin zerikusia duten jarduerak bultzatzea eta zabaltzea.

• Hiru campusetako EHUkulturaren programazioaren dibulgazioaren kudeaketa koordinatua egin dugu, eta sare sozialetan duen presentzia eguneratu dugu (FB eta Twitter).

• EHUkulturaren webgune eta blog berriak proposatu ditugu.

36 UPV/EHU


6.7. UPV/EHUREN IDENTITATEA EZAGUTZERA EMATEA ETA HAREN POTENTZIAL AKADEMIKOAREN IKUSGARRITASUNA ETA HEDAPENA HOBETZEA

6.7.1. Doktore euskaldunei eta euskal diasporaren ikertzaile zein adituei buruzko informazioa bilduko duen aplikazio bat garatzea eta zabaltzea.

• Doktore Euskaldunak aplikazioa garatu dugu.

6.7.2. Hedabideekin aldizkako bilerak antolatzea, UPV/EHUn gauzatzen diren jarduera akademikoen berri emateko gizarteari.

• UPV/EHUko Komunikazio Bulegoak 32 prentsaurreko antolatu ditu ikasturte honetan. Halaber, proposamen bat diseinatu du komunikabideekin aldizkako bilerak antolatzeko, irakaskuntza eskaintzarekin, ikerketarekin, eskualdatzearekin eta abarrekin lotutako gaiak xehetasunez aurkeztu eta lantzeko.

6.8. GIZARTE ETA KULTURA ARLOETAKO ERAGILEEKIKO HARREMANA INDARTZEA

6.8.1. EHUgune topagunea indartzea.

• EHUgune topaketa foroan jardunaldi, mintegi edo konferentzia formatuko 20 ekitaldi antolatu ditugu eta/edo antolatzen lagundu dugu.

6.8.2. Gizarte Kontseiluarekin lankidetzan eragile ekonomiko zein sozialekin topaketa sektorialak sustatzea, hainbat gai landu ahal izateko, hala nola baterako ikerketa proiektuak eta praktikak inguruko enpresa nahiz gizarte erakundeetan egiteko aukerak.

• Confebaskekin lanean ari gara prestakuntza duala ezartzea aztertzeko eta industria sektoreetako langile gaituen premiak zein diren ikusteko.

6.8.3. Erakunde katedrei babesa ematea.

• Katedra aktiboei laguntza ematen jarraitu diegu eta Giza Eskubideen eta Botere Publikoen Katedra UNESCO Katedra izatea eskatu dugu.

37UPV/EHU


7. MUNDURA IREKITAKO UNIBERTSITATEA

7.1. ALIANTZA ESTRATEGIKOAK EZARTZEA, PRESTAKUNTZAKO, IKERKETAKO, GARAPENEKO ETA BERRIKUNTZAKO JARDUERETAN LANKIDETZAN ARITZEKO

7.1.1. UPV/EHUk Latinoamerikan duen presentzia sendotzea, lankidetzan jardunda unibertsitateekin eta goi mailako hezkuntza erakundeekin. Zehazki, Master eta Doktoregoen Latinoamerikako Sarea finkatzea.

• Guztira, ikasturte honetan, 329 ikasle matrikulatu ziren Master eta Doktoregoen Latinoamerikako Sareko graduondoko ofizialetan. Kopuru horretatik, 106 master ofizialetan izan zen (% 39 emakumeak eta % 61 gizonak); 213, doktorego programetan (% 46 emakumeak eta % 54 gizonak).

• 2016/17 ikasturtean, 7 doktore tesi defendatu dira, sare horren barruan (% 43 emakumeak eta % 57 gizonak).

• UPV/EHUko Master eta Doktoregoen Latinoamerikako Sareko unibertsitateekin hitzarmen berri bat sinatu dugu eta hamaika hitzarmen berriren izapideak egiten hasi gara, unibertsitateko master hauek emateko: Globalizazioa: Gizarte Prozesua eta Politika Ekonomikoak; Gizarte Demokratikoa, Estatua eta Zuzenbidea; Psikodidaktika; Gailu eta Sistema Fotovoltaikoak eta Hizkuntza Politikak eta Plangintza.

• Lankidetza hitzarmen bat izenpetu dugu Txileko Unibertsitate Autonomoarekin, UPV/EHUk doktoregoko gure programak eskaini ditzan unibertsitate horretako Graduondoko Nazioarteko Eskolan.

• Latinoamerikako unibertsitateekin partekatzen ditugun bi master titulu daude. Alde batetik, Filosofia, Zientzia eta Balioak masterra, Mexikoko Universidad Nacional Autonomarekin; 13 ikasle matrikulatu dira (% 62 emakumeak eta % 38 gizonak), eta horietatik 4 latinoamerikarrak dira (% 50 emakumeak eta % 50 gizonak). Bestetik, Ingeniaritza Biomedikoa Masterra, Paraguaiko Asuncion Unibertsitatearekin; 23 ikasle matrikulatu dira (% 35 emakumeak eta % 65 gizonak).

• UPV/EHUren eta Dominikar Errepublikako MESCYT-Ministerio de Educación Superior, Ciencia y Tecnologíaren arteko hitzarmena berritu dugu, MESCYTek finantzatutako nazioarteko beken programa bat abian jartzeko. Horren bitartez, 40 ikasle dominikar (% 50 emakumeak eta % 50 gizonak) matrikulatu dira gure unibertsitateko 16 masterretan eta 8 doktorego programatan.

• Fundación Carolinarekin hitzarmena berritu dugu, Energia Berriztagarrien Integrazioa Sistema Elektrikoan eta Multimedia Kazetaritza masterretako ikasleei ikasteko laguntzak hornitzeko.

7.1.2. Nazioarteko Bikaintasun Campusa indartzea.

• Aldi honetan honako baterako proiektu hauek onartu dira:

» Osasunean diziplina aniztasuna sustatzeko Europako Sarea. Interdisciplinarity in and for Health: Steps to making it work - COST Action Proposal OC-2016-1-20452. UPV/EHUren eta Bordeleko Unibertsitatearen arteko hitzarmena osasunaren arloan eta Chronicity Valley proiektua.

38 UPV/EHU


» EVA-Euskadi Vin Aquitaine proiektua. Sare zientifiko, tekniko eta ekonomiko bat abian jartzea mahastizaintzako eta ardogintzako bi eskualdetako eragileen artean, produktuen kalitate eta askotarikotasunean berrikuntza garatzeko eta ingurumena errespetatzeko.

» «European Network for Alloys Behaviour Law Enhancement - ENABLE - H2020-MSCA-ITN-2017» proiektua; ekintza mota: MSCA-ITN-ETN. ENABLEren helburua da doktorego aurreko ikerlariak prestatzea aleazio metalikoak erabiltzen dituzten fabrika guztietarako garrantzitsuak diren aurreikuspen eta masterizazio prozesuetarako irtenbide berriak garatzearen arloan.

» «Demostración la mejora en la biodiversidad edáfica, funcionalidad y servicios ecosistémicos en terrenos contaminados y degradados mediante fitogestión dentro de la región Interreg Sudoe - PHYTOSUDOE» proiektua; ekintza mota. SUDOE, SOE1/P5/E0189. Proiektu horren helburu nagusia da aurrera egitea narriatutako eremuen kudeaketan eta horiek fitoerremediazio teknika berritzaileekin leheneratzea.

» Turquoise 00 proiektua. Xedea da Akitania Berriko eta Euskadiko unibertsitateak biltzea hazkuntza urdinaren eta berrikuntza berdearen inguruan Gaskoiniako golkoan, itsas estazioen eta behatokien sare batean oinarrituz.

7.2. EUROESKUALDEKO ERAKUNDEEKIN DUGUN LANKIDETZA SENDOTZEA

7.2.1. Akitania-Euskadi-Nafarroa sarean dugun presentzia eta partaidetza indartzea.

• 2016ko abenduan tailer zientifiko bat antolatu genuen Ondareari buruz Paue eta Aturriko Herrietako Unibertsitatean, eta UPV/EHUk parte hartu zuen.

• 2017ko maiatzean, bilera bat egin genuen sarean parte hartzen dugun unibertsitateen artean, egungo mugaz gaindiko mugikortasuna aztertzeko, jardunbide egokienak partekatzeko eta mugikortasun hori sustatzeko neurriak eta pizgarriak identifikatzeko.

• Bordeleko Unibertsitatearekin eta Ipar Euskal Herriko udal multzoarekin batera, “Campus Ocean Experiences” Euroeskualdeko proiektua garatzen parte hatu dugu.

• Ocean Living Lab-en (mugaz gaindiko lehen living lab-a, irristatze bidezko kirolei buruzkoa) Administrazio Kontseiluan parte hartu dugu.

• 2016ko urrian, Eusko Jaurlaritzarekin eta Europako Batzordearekin Thematic University-Business Forum «Universities and Businesses – Building Euroregional Ecosystems» ekimenaren antolatzaileetako bat izan ginen. Donostian egin zen, AECT Euskadi-Akitania-Nafarroa erakundearekin batera.

• «Terceros encuentros eurorregionales de biosalud» (Biosasunaren arloko Euroeskualdeko hirugarren topaketa) ekimenaren antolatzaileetako bat izan ginen. 2017ko ekainaren 29an egin zen, Bidarten, GIPSO (Akitaniako industria farmazeutikoen taldea), Basque Biocluster eta SODENArekin (Nafarroa) batera.

39UPV/EHU


• Euroeskualdeko berrikuntza proiektu egituratzaileak garatzen parte hartu dugu, AECT Euskadi-Akitania-Nafarroak sustatuta. Horien helburua izan zen unibertsitateko gaitasunak lurraldeko gizarte eragileekin eta eragile ekonomikoekin lotzea osasunaren (Chronicity Valley), ardoaren ekonomiaren (Euskadi-Vin-Aquitaine, EVA) eta itsas bioteknologiaren (Turquoise 00) arloetan.

7.2.2. Bordeleko Unibertsitatearekin batera Mugaz Gaindiko Euroeskualdeko Campusa garatzea.

• Bi titulu bikoitz jarri ditugu abian:

» Enologia: Enologia Berritzailea nazioarteko masterra (UPV/EHU); Vigne et environnement Vitivinicole eta Management des Entreprises Vitivinicoles (Institut de Sciences de la Vigne et du Vin-ISVV).

» Bioinformatikako titulu bikoitza (Bioinformatikako aditua ikastaroa, UPV/EHU, eta Bioinformatikako masterra, Bordeleko Unibertsitatea).

• Honako titulu bikoitz hauek ezartzen lantzen ari gara:

» Nanoscience Materials Masterra; Polimeroen Unibertsitate Institutua (POLYMAT), Materialen Fisika Saila (UPV/EHU), Materialen Fisika Saila (IZGK-UPV/EHU), Donostia International Physics Center eta CIC Nanogunerekin lankidetzan, Bordeleko Unibertsitateko Institut de Sciences Moleculairesekin batera. “Synergies in Physical Chemistry and Chemical Physics / Synergies in PCCP” proiektuarekin lotuta dago.

» Polymer Science and Engineering masterra: UPV/EHUren aldetik, Polimeroen Zientzia eta Teknologia Saila, Kimika Aplikatua Saila, Gipuzkoako Ingeniaritza Eskola eta Bilboko Ingeniaritza Eskola, eta Bordeleko Unibertsitatearen aldetik, Laboratoire de Chimie de Polymères Organiques, Centre de Recherche Paul Pascal, Institut de Chimie de la Matière Condensée, Institut de Sciences Moleculaires, Laboratoire des Composites Thermostructuraux eta Laboratory of the Future.

• Bi unibertsitateetako Medikuntza Fakultateak ikasketa planak, unibertsitate ospitale baten diseinua eta ikasleen trukea ardatz dituzten lankidetzak ezartzeko aukerak aztertzen ari dira.

• Ikasturte honetan, 25 PhD proiektu garatu ditugu tutoretzakidetzan hainbat diziplinatan, baita 2 proiektu zuzendaritzakidetzan eta doktorego ondoko proiektu 1.

• Bordeaux-Euskampus doktorego komunitatea garatu dugu; doktoregaiak eta nazioarteko ikerketa prestakuntzan laguntzeko pertsonak elkartzen ditu: zuzendariak, arlo zientifikoko eta praktika eremuetako erreferenteak, unibertsitate bakoitzeko bideratzaileak...

• Euskal Herriko Unibertsitatearen eta Bordelekoaren arteko hirugarren sinposioa antolatu dugu. Bordelen egin zen, ekainaren 26an eta 27an. Bi erakunde akademikoetako eta euren bazkideetako 340 pertsonak (% 42 emakumeak, % 58 gizonak) hartu dute parte, Euskampus eta IdEX-Bordeaux (Bordeleko Unibertsitateko Bikaintasun Ekimena) esparruetan. Sinposioan, osoko bilkurak eta lan zientifikoko, administratibo eta kudeaketako, eta prestakuntzako tailerrak txandakatu ditugu. Gainera, alde biko topaketak egin ditugu. Horietan, etorkizunerako aukerak, tresnak eta programak aztertu ditugu.

40 UPV/EHU


• UPV/EHUk eta Bordeleko Unibertsitateak, Agglomération Pays Basquerekin batera, Campus Oceans Experiences proiektu bateratuan parte hartzea aztertzen ari gara. Helburua da Sokoako gotorlekua birgaitzea, prestakuntzako eta berrikuntzako plataforma bateratu bihurtzeko, irristatze bidezko kirolen ekonomiarekin lotuta, eta mugaz gaindiko lankidetzaren kokapen sinboliko bilakatzeko.

7.2.3. Akitania-Euskadi-Nafarroa sareko unibertsitateekin batera lan egitea, aliantza partekatuak ezartzeko mugikortasunerako, tesien baterako tutoretzarako eta titulu bikoitzetarako.

• Graduko titulu bikoitzeko hitzarmen bat sinatu da Gipuzkoako Ingeniaritza Eskolaren eta Paue eta Aturriko Herrietako Unibertsitatearen artean titulu hauetarako:

» Ingeniaritza Zibileko Gradua. » Arkitektura Teknikoko Gradua.

• Titulu bikoitzeko hitzarmena eguneratu dugu École Superieure des Technologies Industrielles Avancées (ESTIA, Bidart-Frantzia) eta UPV/EHUren artean, “Control in Smartgrids and Distributed Generation” (UPV/EHU) eta “Diplome d´Ingenieur” (ESTIA) tituluetarako.

• Titulu bikoitzeko akordio bat sinatu dugu UPV/EHUren eta Paue eta Aturriko Herrietako Unibertsitatearen artean, Matematikako Gradurako eta Modelizazioa eta Ikerketa Matematikoa, Estatistika eta Konputazioa Unibertsitate Masterrerako (UPV/EHU) eta Licence de Mathématiques eta Mathématiques et Applications, parcours Mathématiques, Modelisation et Simulation / Parcours Méthodes Stochastiques et Informatiques (UPPA) masterrerako.

• 2016/2017 ikasturtean, 90 hitzarmen izapidetu ditugu tutorekidetzan doktore tesiak egiteko Bordeleko Unibertsitatearekin eta Paue eta Aturriko Herrialdeetako Unibertsitatearekin.

7.3. NAZIOARTEKO SAILKAPENETAN HOBETZEKO AUKERAK IDENTIFIKATZEA

7.3.1. UPV/EHUko jarduera akademikoa egokiro islatuko duten sailkapenak identifikatzea.

• UPV/EHUk parte hartuko duen sailkapenak identifikatu ditugu eta horietan erabiltzen diren adierazleak aztertzen ari gara. Unitate bat sortu nahi dugu, informazioa elkartzeko, aztertzeko, aldizka eguneratzeko eta egokitzat jotzen ditugun sailkapenetara bidaltzeko.

7.4. GURE PRESTAKUNTZA ESKAINTZAREN NAZIOARTEKOTZEA BULTZATZEA

7.4.1. Ikasleei profesionalki hainbat herrialdetan jarduteko prestakuntza eskainiko dieten titulu bikoitzak eta baterako tituluak sustatzea nazioarteko bazkide estrategikoekin.

41UPV/EHU


• Baterako tituluen eta titulu bikoitzen hitzarmen hauek izapidetu ditugu:

» Erasmus Mundus Master in Language and Communication Technologies –LCT– hauen artean: Universität des Saarlandes (Alemania), Università degli studi di Trento (Italia), Università ta’ Malta (Malta), Université de Lorraine (Francia), Karlova Univerzita v Praze-Praga (Txekiar Errepublika), Rijksuniversiteit Groningen (Herbehereak), Universidad Jiao Tong de Shanghái (Txina), eta Universidad de Melbourne (Australia).

» Erasmus Mundus Master in Marine Biological Resources, hauen artean: UPV/EHU, Universiteit de Gent (Belgika), Université Pierre et Marie Curie – Paris 6 (Frantzia), Universidade do Algarve (Portugal), Universidad de Oviedo, The Galway-Mayo Institute of Technologie (Irlanda), Universita Politecnica delle Marche (Ancona-Italia), University of Bergen (Norvegia) eta Université de Bretagne Occidentale in Brest (Frantzia).

» Titulu bikoitzeko hitzarmena eguneratu dugu École Superieure des Technologies Industrielles Avancées (ESTIA, Bidart-Frantzia) eta UPV/EHUren artean, Control in Smartgrids and Distributed Generation (UPV/EHU) eta Diplome dÍngenieur (ESTIA) tituluetarako.

» Titulu bikoitzeko akordio bat egin dugu École Superieure dÁrchitecture (ENSAM- Montpellier-Frantzia) eta UPV/EHUren artean, Eraikitako Ondarearen eta Eraikinen Birgaitzea, Zaharberritzea eta Kudeaketa Unibertsitate Masterra eta Mastèr Spécialisé Architecture & Patrimoine Contémporaine tituluetarako.

» Titulu bikoitzerako akordioa egin dugu École Nationale Superieure d’Arts et Metiers (ENSAM- Montpellier-Frantzia) eta UPV/EHUren artean, Mekanikako Unibertsitate Masterra eta Master in Materials and Engineering Science -MAGIS (ENSAM), Master in Knowledge Integration in Mechanical Production -KIMP (ENSAM), Master in Mechanics and Energy M&E (ENSAM) eta ENSAM Engineer Degree tituluetarako.

» Masterreko titulu bikoitzeko akordioa egin dugu Cincinnatiko Unibertsitatearen eta Bilboko Ingeniaritza Eskolaren (UPV/EHU) artean, Telekomunikazioen Ingeniaritzako Unibertsitate Masterra (UPV/EHU), Industria Ingeniaritzako Unibertsitate Masterra (UPV/EHU) eta Master in Engineering (CEAS- Cincinnatiko Unibertsitatea -AEB) tituluetarako.

» Titulu bikoitzeko akordioa egin dugu Limogeseko Unibertsitatearen eta UPV/EHUren artean Ingeniaritza Elektronikoko Graduko (UPV/EHU) eta License Science pour LÍngénieur - Parcour Ixeo- eta Ixeo masterra (UNILIM) tituluetarako.

» Titulu bikoitzeko akordioa egin dugu Ekonomia eta Enpresa Fakultatearen (Gipuzkoako Atala) eta Hochschule Mittweida-Alemaniaren artean, Enpresen Administrazio eta Zuzendaritza (UPV/EHU) eta Bachelor of Arts in Business Administration (Mittweida) tituluetarako.

» Titulu bikoitzeko akordioa egin dugu Arkitektura Goi Eskola Teknikoaren eta Montpellierko Arkitekturako Goi Eskola Nazionalaren (ENSAM- Montpellier-Frantzia) artean, Arkitekturaren Oinarrietako Gradua (UPV/EHU) eta Masterreko gradua ematen duen Arkitekturako Estatu Diploma (ENSAM) tituluetarako.

» Titulu bikoitzeko akordio bat sinatu dugu UPV/EHUren eta Paue eta Aturriko Herrietako Unibertsitatearen artean, Matematikako Gradurako eta Modelizazioa eta Ikerketa Matematikoa, Estatistika eta Konputazioa Unibertsitate Masterrerako (UPV/EHU) eta Licence de Mathématiques eta

42 UPV/EHU


Mathématiques et Applications, parcours Mathématiques, Modelisation et Simulation / parcours Méthodes Stochastiques et Informatiques (UPPA) masterrerako.

» Titulu bikoitzeko akordioa egin dugu UPV/EHUren eta Université de Strasbourgen artean, Kimikako Gradurako eta Kimika eta Polimeroak Unibertsitate Masterrerako edo Kimika Sintetiko eta Industriala Unibertsitate Masterrerako (UPV/EHU) eta Diplôme D’Ingénieur - Grade de Master/UNISTRA (Frantzia) titulurako.

7.4.2. Mugikortasun birtuala sustatzea.

• Hitzarmen bat sinatzeko prozesuan murgilduta gaude Paue eta Aturriko Herrietako Unibertsitatearekin mugikortasun birtuala sustatzeko.

7.5. UNIBERTSITATEKO TALDE GUZTIEN HIZKUNTZA GAITASUNEN PRESTAKUNTZA ETA EGIAZTAPENA SUSTATZEA

7.5.1. Unibertsitateko ikasleei eta langileei erraztasunak ematea atzerriko hizkuntzen ikastaroetan eta egiaztapen probetan parte hartzeko.

• Hainbat unibertsitatek eskatutako hizkuntza egiaztagiria lortzen laguntzeko helburuarekin, CERTIUNIren bitartez, ingelesezko BULATS azterketa egitea kudeatu dugu, bi deialditan (2016ko azaroa eta 2017ko martxoa), eta 75 ikasle aurkeztu dira (% 61 emakumeak, % 39 gizonak).

• Irakasleei eskainitako hainbat ikastaro egin ditugu, ingeles hizkuntza eta trebetasunak hobetu ahal izateko, unibertsitateko testuinguruan:

» Donostian, Bilbon, Gasteizen eta Leioan, “Improving English-Medium Communication and Instruction Skills at Level B2+” izeneko 30 orduko 4 ikastaro antolatu ditugu, eta orotara, 53 pertsonak parte hartu dute (% 58 emakumeak eta % 42 gizonak). Donostian eta Bilbon “Improving English-Medium Communication and Instruction Skills at Level C1” izeneko 25 orduko bi ikastaro trinko eskaini ditugu, eta orotara, 25 pertsonak parte hartu dute (% 52 emakumeak eta % 48 gizonak).

» Era berean, “Improving Pronunciation for University Teaching and Other Activities” izeneko 10 orduko 2 ikastaro antolatu ditugu, B2 maila duten irakasleentzat. Zehazki, Gasteizen eta Leioan egin ditugu, eta Bilbon eta Donostian egindako aurreko ikasturteko eskaintzaren osagarriak izan dira. 27 irakaslek parte hartu dute (% 59 emakumeak eta % 41 gizonak).

» Era berean, “Improving Writing Skills for University Teachers and Researchers” izeneko bi ikastaro eskaini dizkiegu ingelesezko dokumentu idatzietan (izan ikerketa arloarekin lotutakoak, izan unibertsitatearekin zerikusia duten bestelako jarduerei buruzkoak) ekoizpen lan eraginkorragoa lortu nahi duten irakasle eta ikertzaileei. Aurreko ikasturtean Leioan egin zirenez, oraingoan Bilbon eta Donostian antolatu dira, eta 28 pertsonak parte hartu dute (% 64 emakumeak eta % 36 gizonak).

» Lehenengo aldiz eskaini da “Improving Presentation Skills for University Teachers and Researchers” ikastaroa, ingelesezko aurkezpenak egiteko gaitasunak hobetu nahi dituzten irakasle eta ikertzaileei zuzendurikoa. Leioan egin da eta 15 pertsonak parte hartu dute (% 60 emakumeak eta % 40 gizonak).

43UPV/EHU


• Campuseko errektoreordetzetatik egindako eskaintzak hizpide hartuta, hauek izan dira datuak:

» Arabako Campusean, lauhileko bakoitzeko lau lantegi eskaini dira: “General English in use I and II”, B1/B2 mailarekin; “Listening and speaking”, B2 mailakoa, eta “Reading and writing”, B2 mailakoa. Horretaz gain, beste ikastaro hauek eskaini ditugu: “How to use the Internet effectively in your English language learning process” eta “English as a lingua Franca (ELF) phonology sessions”. Bestetik, unibertsitateko kide guztiei 28 toki eskaintzen jarraitzen diegu Hizkuntzen Autoikaskuntzarako Multimedia Laborategian, hizkuntza modernoak modu interaktiboan ikasteko programa aurreratuenekin eta tutore baten laguntza pedagogiko eta linguistikoarekin. Azkenik, bigarren lauhilekoan, C1 mailako TOPTULTE ingeles azterketa prestatzeko ikastaro trinko bat eskaini dugu, soil-soilik irakasle eta ikertzaileentzat.

» Bizkaiko Campusean, ingeles, frantses, aleman, italiera eta txinera ikastaroen eskaintzarekin jarraitu dugu, honako hauen lankidetzarekin: Hizkuntza Laborategia, Frantziako Institutua, Goethe Institutua, Casaitalia eta Lu Xun Txinera Ikasketen Zentroa. Aurrekoarekin batera, “Ingeles tekniko orokorreko ikastaro” bat eta “Elkarrizketa eta ahozko adierazpen ikastaro” bat antolatu ditugu, biak ala biak 25 ordukoak.

» Gipuzkoako Campusean, ingeles, frantses eta alemaneko hiru programa eskaini dizkiegu irakasle eta ikertzaileei eta administrazio eta zerbitzuetako langileei. BI ikastaro hauek ere eskaini ditugu: “C1 mailako azterketak prestatzeko ikastaroa” eta “B2 mailako azterketak prestatzeko ikastaroa”, bakoitzean bi talde izan dira. Era berean, aleman, frantses eta italieraren hastapenetarako ikastaroak eskaintzen jarraitu dugu; hurrenez hurren, Goethe Institutuarekin, Frantziako Campusarekin eta Casaitaliarekin lankidetzan. Bestalde, ingelesezko jarduera osagarriak antolatu ditugu: bi astean behineko irakurketa elkarte bat, hizkuntza laguntzarako saioak, fonologia saioak eta idazketa saioak; bai eta txango soziokulturalak asteburuetarako eta blog bat ere. Azkenik, C1 mailako “TOPTULTE ingeles azterketa prestatzeko ikastaro trinko” bat antolatu dugu irakasle eta ikertzaileentzat, bai eta “Nazioarteko Biltzarretarako ingeles ikastaro” bat ere, aurrez aurreko 40 eskola ordukoa.

• 2015-2016 ikasturtean 1.006 irakasle gaitu izatetik (% 47 emakumeak eta % 53 gizonak) 2016-2017 ikasturtean 1.080 irakasle gaitu izatera (% 48 emakumeak eta % 52 gizonak) igaro gara.

7.6. UPV/EHUREN PARTAIDETZA ETA LIDERGOA AREAGOTZEA EUROPAKO ETA NAZIOARTEKO IKERKETA PROIEKTUETAN

7.6.1. Europako Proiektuen Bulegoa indartzea, elkarlan hertsian jardunda Eusko Jaurlaritzako bulegoekin eta CRUEk Bruselan dituen bulegoekin.

• Bruselan EUEB Biltzarrean parte hartu dugu Espainiako unibertsitateek FP9ren aurrean duten posizionatzeari buruz. Biltzar hori abiapuntua izan da hurrengo esparru programarako erakunde posizionatzearen estrategia zehazteko.

44 UPV/EHU


7.7. EUROPAN ETA EUROPAZ KANPOKO HAINBAT HERRIALDETAN IKASTEKO ETA PRAKTIKAK EGITEKO MUGIKORTASUNA AREAGOTZEA ETA DIBERTSIFIKATZEA

7.7.1. Hitzarmenak sustatzea edo/eta sendotzea, funtsean lehentasunezkotzat jotzen diren eremu geografikoetan.

• Lankidetzarako 14 oinarrizko hitzarmen sinatu ditugu goi mailako hainbat unibertsitate eta erakunderekin. Toki hauetakoak dira, hain zuzen: Europa (1), Latinoamerika (7), Afrika (4) eta Asia (2).

• Eta mugikortasunerako 17 hitzarmen espezifiko sinatu ditugu toki hauetako unibertsitateekin: Latinoamerika (12), Ipar Amerika (3) eta Afrika (2).

7.7.2. Study Abroad programak antolatzea, bazkide diren unibertsitateekiko harremanak indartzeko, bereziki euskal ikasketak eskaintzen dituzten unibertsitateekiko harremanak.

• Basque Yourself ikastaroaren bigarren edizioa antolatu dugu, Etxepare Institutuaren lankidetzarekin. Nolanahi ere, ezin izan dugu ikastaroa eskaini, ez garelako iritsi matrikulen gutxieneko kopurura

7.7.3. Staff Weeks direlakoak antolatzea eta nazioarteko azoketara joatea

• “Langileak Prestatzeko Nazioarteko Astea” ekimenaren (International Staff Training Week; aurrerantzean: STW) hirugarren edizioa antolatu dugu, eta Paue eta Aturriko Herrietako Unibertsitatea izan da unibertsitate gonbidatua. STWren gai nagusia titulu bikoitzak eta ikasle eta langileen nazioarteko mugikortasuna izan dira. Jardunaldietan 25 unibertsitatetako 29 ordezkarik (% 62 emakumeak eta % 38 gizonak) parte hartu dute. Parte hartzaileak herrialde hauetako unibertsitatetakoak ziren: Italia, Erresuma Batua, Txekiar Errepublika, Lituania, Frantzia, Herbehereak, Hungaria, Alemania, Polonia, Bulgaria, Grezia, Eslovenia, Finlandia, Kazajistan, Argentina eta Georgia.

7.8. IKASLEENTZAKO, ADMINISTRAZIO ETA ZERBITZUETAKO LANGILEENTZAKO ETA IRAKASLE ETA IKERTZAILEENTZAKO MUGIKORTASUN PROGRAMAK FINKATZEA

7.8.1. Deialdi espezifikoen bidez unibertsitateko talde guztien mugikortasuna babestea.

• Ikasturte honetan zehar, UPV/EHUko graduko 1.430 ikasle (% 58 emakumeak, % 42 gizonak) joan dira beste unibertsitate batzuetara Erasmus+ (973 ikasle: % 53 emakumeak eta % 47 gizonak), Latinoamerika (380 ikasle: % 70 emakumeak eta % 30 gizonak) eta Beste norako batzuk (77 ikasle; % 56 emakumeak eta % 44 gizonak) programen esparruan.

• Gainera, graduondoko 92 ikaslek egonaldi bat egin dute beste unibertsitate batean (% 26 emakumeak, % 74 gizonak) Erasmus+ (79 ikasle, % 27 emakumeak, % 73 gizonak), Beste norako batzuk (11 ikasle, % 18 emakumeak, % 82 gizonak) eta Erasmus Mundus Panther (2 ikasle, % 50 emakumeak, % 50 gizonak) programen esparruan.

45UPV/EHU


• Erasmus+ programaren barruan, 134 pertsonak (% 61 emakumeak; % 39 gizonak) izan dute Europako Unibertsitate Eremuko unibertsitate batera joateko aukera; horien artean irakasle eta ikertzaileen taldeko pertsonak (103 pertsona, % 52 emakumeak eta % 48 gizonak) zein Administrazio eta zerbitzuetako langileen (31 pertsona, % 90 emakumeak, % 10 gizonak) taldekoak izan dira. Gainera, Errektoreordetzaren mugikortasun deialdiaren bitartez, 10 pertsonak (% 60 emakumeak, % 40 gizonak) mugikortasun beka bat izan dute.

7.8.2. Mugikortasun programak kudeatzeko araudia egitea.

• Mugikortasun programak kudeatzeko Araudia egin dugu eta ikastegietako mugikortasunaren arloko koordinatzaileekin egiaztatu dugu.

7.8.3. Egiturak eta zerbitzuak mugikortasun programa guztien kudeaketa premietara egokitzea.

• Beharrezko egokitzapenak diseinatu dira GAUR plataformako Nazioarteko Harremanen atalean, haren bitartez langileen mugikortasuna kudeatu ahal izateko.

7.9. NAZIOARTEKO BISITARIAK ETOR DAITEZEN SUSTATZEA

7.9.1. Ikasle nahiz irakasle eta ikertzaile bisitariei harrera egiteko zerbitzua hobetzea.

• Ikasturte honetan zehar, UPV/EHUk 1.173 ikasle jaso ditu guztira (% 61 emakumeak, % 39 gizonak) honako programa hauen esparruan: Erasmus+ (766 ikasle, % 63 emakumeak, % 37 gizonak), Erasmus Mundus Active (2 ikasle, % 50 emakumeak, % 50 gizonak), Latinoamerika (282 ikasle, % 57 emakumeak, % 43 gizonak) eta Beste norako batzuk (123 ikasle, % 57 emakumeak, % 43 gizonak).

• 2016/2017 ikasturtean zehar, UPV/EHUk 131 irakasle eta ikertzaile eta administrazio eta zerbitzuetako langile jaso ditu Erasmus+, Latinoamerika eta Beste norako batzuk programen barruan (% 53 emakumeak eta % 47 gizonak).

• Datuen bilakaerak erakusten du Beste norako batzuk programan bisitarien kopurua nabarmen handitu dela; hain zuzen, iazko ikasturteko kopurua bikoizten du (2015/16 ikasturtean baino % 45 bisitari gehiago). Gainera, berretsi dugu UPV/EHU Europako ikasleentzako norako gero erakargarriagoa dela: Erasmus + programa % 17 handitu da hartutako mugikortasunari dagokionez. Estatuaren barruan trukeak egiteko SICUE programa % 24 handitu da; aldiz, Latinoamerikako bisitariak arinki murriztu dira (% 9).

• Ikasle bisitarientzako arretari dagokionez, Help Centres edo Harrera Bulegoek 1.320 kontsultari erantzun zieten ikasturte honetan (% 58 emakumeak, % 42 gizonak).

46 UPV/EHU


• Ikasturtearen hasieran, bisitarientzako harrera ekitaldiak antolatu ditugu campus bakoitzean. Campus bakoitzean aurkezpenak ere egin ditugu, baterako ekintzak egiteko asmoz, campusean diharduten Ikasleen Elkarteak ezagutarazteko eta liburutegiko mailegu sistemekin eta campuseko beste zerbitzu batzuekin ohitzeko.

• Maiatzean, nazioarteko ikasleak agurtzeko ekitaldia egin genuen; ehun bat bisitarik parte hartu zuten.

7.9.2. Ikasle bisitariak hartzeko Buddy programa finkatzea eta ikasle horientzako harrera eta orientazio saioak antolatzea

• Lehen lauhilekoko iritsieren garaian (2016ko abuztu-urria) Nazioarteko Harremanetarako Bulegoko Buddy programan 231 ikaslek (% 75 emakumeak, % 25 gizonak) eman zuten izena, bigarren lauhilekoko iritsieren garaian (2017ko urtarrila-otsaila), berriz, 260 ikaslek (% 71 emakumeak, % 29 gizonak).

• Nazioarteko Harremanetarako Bulegoko Buddy programak laguntza eskaini die bertako boluntarioen programarik ez duten UPV/EHUko ikastegiei: Ekonomia eta Enpresa Fakultatea, Bilboko Ingeniaritza Eskola, Zientzia eta Teknologia Fakultatea, Gizarte eta Komunikazio Zientzien Fakultatea, Gipuzkoako Ingeniaritza Eskola eta Vitoria-Gasteizko Ingeniaritza Eskola.

7.9.3. Atzerritarrentzako gaztelania eta euskara ikastaroak kudeatzea, baita lortutako maila egiaztatu nahi dutenentzako azterketak ere.

• Hiru campusetan, gaztelania eta espainiar kulturari buruzko ikastaroak eskaini ditugu, bisitarientzat, hiru mailatan: oinarrizkoa, ertaina eta goi mailakoa. Guztira, 704 ikaslek (% 64 emakumeak, % 36 gizonak) parte hartu dute ikastaro horietan. Era berean, euskara eta euskal kulturaren hastapeneko hiru ikastaro eskaini ditugu Arabako eta Gipuzkoako campusetan; 96 ikaslek parte hartu dute (% 62 emakumeak, % 38 gizonak).

• DELE azterketaren (Gaztelania Atzerriko Hizkuntza Gisa) bi deialdi kudeatu ditugu, Europako esparru bateratura egokitutako B1-etik C1-erako mailetan (2016ko azaroko deialdia eta 2017ko apirilekoa) eta 26 ikaslek eman dute izena guztira (% 77 emakumeak eta % 23 gizonak).

• Irakasleentzako bi ELE Prestakuntza Ikastaro (Español Como Lengua Extranjera) antolatu eta egiaztatu ditugu, Cervantes Institutuarekin elkarlanean: “Cómo ser Profesor de ELE” (40 pertsona, % 79 emakumeak eta % 21 gizonak) eta “Desarrollo de competencias y revisión de enfoques para la enseñanza de ELE” (28 pertsona, % 54 emakumeak eta % 46 gizonak).

• Etxepare Institutuarekin lankidetzan, bestalde, “Atzerriko unibertsitateetan eta goi mailako ikastegietan euskara irakasteko prestakuntza ikastaro bat” eman dugu, eta 32 pertsonak parte hartu dute (% 69 emakumeak; % 31 gizonak).

47UPV/EHU


8. GIZARTEAREKIN KONPROMETITURIKO UNIBERTSITATEA

8.1. IKASLEEN PREMIEN ANIZTASUNARI ERANTZUTEA

8.1.1. Zailtasun ekonomikoak dituzten ikasleei ikasten hasi eta jarraitzeko erraztasunak ematea, hainbat laguntza motaren bidez.

• Ezusteko edo denboran irauten duten baldintza ekonomikoengatik matrikula ordaintzeko zailtasunak dituzten ikasleentzako laguntza itzulgarrien deialdia kudeatu dugu. Horren bitartez, 51 ikaslek (% 53 emakumeak, % 47 gizonak) eskuratu dituzte laguntzak.

8.1.2. UPV/EHUk errefuxiatuei laguntzeko hartuak dituen konpromisoak garatzea.

• CEAR, ACCEM eta Gurutze Gorriaren bitartez asilo eskaera egin duten pertsonak eta errefuxiatuak UPV/EHUra sartzeko eginiko eskaera guztiak kudeatu ditugu.

• Eusko Jaurlaritzako Hezkuntza Sailarekin elkarrizketak izaten hasi gara asilo eskaera egin duten pertsonek eta errefuxiatuek ez dezaten matrikula tasarik ordaindu.

• CRUE- Nazioartekotzea eta Lankidetzako Batzorde Sektorialeko Errefuxiatuak lantaldearekin lan egiten hasi gara.

8.1.3. Espetxeratuta dauden pertsonek unibertsitate ikasketak egiteko dituzten aukerak areagotu eta hobetu daitezen sustatzea.

• Aurreko urteetan bezala, Espetxeetako idazkari nagusiari eskaera bat bidali diogu hitzarmen bat sinatzeko elkarrizketei ekiteko asmoz. Hitzarmen horri esker, Espainiako estatuko espetxeetako pertsonek unibertsitate ikasketak egin ahal izango dituzte UPV/EHUn. Lehen aldiz, erantzuna jaso dugu, ezezkoa izan den arren. Nolanahi ere, eskaera berretsi dugu, UPV/EHUk eskaintzen duen espezifikotasunean oinarrituta.

• Espetxeetan egin daitezkeen tituluen eskaintza onartu dugu (27 gradu eta 1 master ofizial). Berariaz adierazi dugu espetxean egonda amaitu daitezkeen, edo, bestela, zein irakasgai ezin diren egin.

8.2. UNIBERTSITATEKO JARDUERAN GENERO MAINSTREAMINGA/ZEHARKAKOTASUNA SUSTATZEA

8.2.1. Emakumeen eta genero identitate desberdineko pertsonen ahalduntzea mesedetuko duten sentsibilizazio eta prestakuntza ekintzak sustatzea.

• Akademeren bigarren edizioa egin dugu (45 emakumek parte hartu dute). 2017/18 ikasturterako estrategia ebaluatzen eta birdiseinatzen ari gara: Akademeren 3. edizioa eta 1. eta 2. edizioen jarraipena.

48 UPV/EHU


8.2.2. Berdintasunerako Sektorearteko Batzordearekiko lankidetza sendotzea eta genero zeharkakotasuna txertatzea gizarte eta lan harremanetan.

• Lantalde espezifiko bat jarri da abian (22 pertsona: % 95 emakumeak, % 5 gizonak) UPV/EHUn sexu jazarpeneko eta genero indarkeriako kasuetan jarduteko protokoloa diseinatzeko.

8.3. DIBERTSITATE FUNTZIONALA DUTEN IKASLEEI BABESA BERMATZEA

8.3.1. Hezkuntza premia bereziak dituzten pertsonei laguntzea, bai unibertsitatean sartzen, bai ibilbide akademikoan zehar.

• Ezgaitasunak dituzten Pertsonentzako Zerbitzuan erroldatutako 309 ikasleren premiei erantzun diegu (% 49 emakumeak, % 51 gizonak), unibertsitate ikastegiekin koordinatuta.

• Unibertsitate aurreko ikasleen 333 egokitzapen eskaera balioetsi ditugu unibertsitatera sartzeko ebaluazio probak egiteko; horietako 284 eskaerari erantzun diegu, epaimahaiekin lankidetzan.

• Ezgaitasunak dituzten tituludunen datu baseak eguneratu ditugu eta egresatutako ikasleei enplegu eskaintza baten, bi ikasketa beken eta enplegagarritasuna hobetzeko bi ikastaroren berri eman diegu. Gainera, enpresetan eta beste erakunde batzuetan (CRUE-Santander, CRUE-F.ONCE, Lantegi Batuak eta Gureak) praktikak egiteko 11 beken 5 deialdi kudeatu ditugu.

• “Jardunbide egokiak eta ezgaitasuna” gaiari buruzko bi ikastaro eskaini zaizkie administrazio eta zerbitzuetako langileei; ikastegi desberdinetako 16 langilek parte hartu dute (% 75 emakumeak, % 25 gizonak).

• Prestakuntza eta Sentsibilizazio Programa bultzatu dugu; honako hau azpimarratu behar da:

» “UPV/EHUko irakasleei zuzendutako Prestakuntza Inklusiboko plan bat lantzeko oinarrien dokumentua” egin dugu, gaian adituak diren UPV/EHUko hiru irakasleren lankidetzarekin (1 gizon, 2 emakume).

» Irakasleentzako jardunbide egokien gida bat egin dugu Ezintasuna eta Inklusioaren arloan, gaian adituak diren UPV/EHUko hiru irakasleren lankidetzarekin (1 gizon, 2 emakume).

» Pertsona gorrekin komunikatzeko estrategiei buruzko bi ikastaro eskaini dizkiegu irakasle eta ikertzaileei; arlo desberdinetako 28 irakaslek parte hartu dute (% 82 emakumeak, % 18 gizonak).

- “Zeinu hizkuntzaren sarrerari” buruzko 3 ikastaro eskaini zaizkie unibertsitateko ikasleei, campus bakoitzean bat. Guztira, 60 ikaslek parte hartu dute (% 85 emakumeak, % 15 gizonak).

- Ezgaitasunen, hezkuntza premia berezien eta hezkuntza inklusiboaren arloan eginiko master amaierako lanen Izaskun Heras Prado I. saria ebatzi dugu, eta sari horren bigarren edizioaren deialdia egin dugu.

- Unibertsitate Inklusiboari buruzko II. Kartel Lehiaketaren deialdia egin diegu unibertsitateko ikasle guztiei, eta erakusketak egin ditugu hiru campusetako ikastegietan.

49UPV/EHU


8.3.2. Dibertsitate funtzionala duten ikasleak gizarteratzearen eragile aktibo bilakatzea, bai UPV/EHUn, bai ingurunean, esperientzia arrakastatsuen hedapenaren eta transferentziaren bidez.

• Ezgaitasunak dituzten 4 ikaslek administrazio eta zerbitzuetako langileentzako “Jardunbide egokiak eta ezgaitasuna” ikastaroan parte hartu dute, beren unibertsitateko esperientziaren berri emateko.

• Ezgaitasunak dituzten 7 ikaslek (% 71 emakumeak, % 29 gizonak) Focus Group batean parte hartu dute, “UPV/EHUko irakasleei zuzendutako Prestakuntza Inklusiboko plan bat lantzeko oinarrien” dokumentua egiteko prestakuntza ildoak aztertzeko.

8.4. POLITIKA BERRITZAILEAK GARATZEA, SORMENEZKO IRTENBIDE ERAGINKORRAK ESKAINIKO DITUEN UNIBERTSITATE JASANGARRI BAT GARATZEKO

8.4.1. Unibertsitateko talde guztien (administrazio eta zerbitzuetako langileak, irakasle-ikertzaileak eta ikasleak) arteko lankidetza sustatzea, unibertsitatearen jasangarritasun arazoak konpontzeko.

• Campus Bizia Lab 2016/17 garatu dugu. Diziplina arteko Gradu Amaierako 23 Lan egin dituzte. Programa horren estrategia orokortzeko beste deialdi bat prestatzen hasi gara.

• Unibertsitateko lau ikastegitako energia monitorizazioko proiektuaren lehen emaitzen (3-4 hilabete) jarraipena eta ebaluazioa egiten ari gara.

8.5. UNIBERTSITATEKO JASANGARRITASUNAREN KUDEAKETAN AURRERA EGITEA

8.5.1. Ikastegiek zerbitzu kartak eta konpromiso dokumentuak egiten dituztenean jasangarritasunarekiko konpromiso zehatzak jaso ditzaten eskatzea.

• Zerbitzuen kartak berrikusteko metodologiak honako arlo hauetako autoebaluzioa harten du barnean: genero berdintasuna; irisgarritasuna; ingurumeneko neurriak; laneko arriskuen prebentzioa; hizkuntza erabileraren irizpideak. Guztira, 18 zerbitzuk dituzte indarrean kartak, eta 8 baino gehiago berrikuspen prozesuan daude.

8.5.2. Era esplizituan garapen jasangarriaren parametroen baitan lan egiten duten elkarte, enpresa, erakunde publiko eta pribatuekin lehentasunezko harremanak izatea.

• IHOBE ingurumen jarduketarako sozietate publikoarekin lankidetzan aritu gara, ikastegietako ingurumena hobetzeko.

• Donostiako Udalarekin eta Cristina Enea Fundazioarekin lanean aritu gara, Klima Estrategia DSS 2050 proiektuan.

• Garapen jasangarria bultzatzen duten enpresekin lan egitea lehenetsi dugu, UPV/EHUko 2016ko jasangarritasuneko berrikuntzako laguntzak emateko deialdiaren esparruan.

50 UPV/EHU


• 20 hitzarmen sinatu ditugu hirugarren sektoreko erakundeekin, balioetan oinarritutako hezkuntzaren arloan baterako ekintzak bultzatzeko.

• Ikaskuntza transformazionalarekin eta garapen jasangarrirako aldaketarekin konpromisoa duten Europako unibertsitateen sarean parte hartu dugu, baita CRUE-Jasangarritasuna Espainiako unibertsitateen sarean ere.

8.6. JASANGARRITASUNERAKO, BERDINTASUNERAKO ETA GARAPENERAKO HEZKUNTZA SUSTATZEA, HORIEK UNIBERTSITATE CURRICULUMEAN TXERTATUZ

8.6.1. Jasangarritasunerako hezkuntza graduko zein graduondoko curriculumean txertatuko duten berrikuntza proiektuak sustatzea.

• 2017ko ekainean bi tailer (Araban eta Bizkaian) eskaini ditugu Hezkuntzarako Laguntza Zerbitzuaren UIPP programaren esparruan, Ingeniaritzaren arloan jasangarritasunerako hezkuntza lantzeko.

8.7. BAKE ETA BIZIKIDETZA KULTURA SUSTATZEA

8.7.1. Unibertsitateko ikasleek giza eskubideei begira duten konpromisoa sustatzea.

• EHUgune espazioko “Bakea eta Bizikidetza” jarduera ildoaren barruan, honako ekimen hauek gauzatu ditugu: 2 mintegi Kolonbiako bake prozesuari eta gatazka sozial eta armatuari buruz; jardunaldi bat “Bake ekonomia” eta “Euskal enpresa eta giza eskubideak” gaiei buruz; beste jardunaldi bat armagabetzearekin lotuta bake eta bizikidetzaren prozesu globalaren barruan; eta, Gernikako bonbardaketaren 80. urteurrenaren oroitzearen esparruan, “Kultura eta Bakea” jardunaldiak. Azkenik, 2016ko urrian, “Emagune” jarri zen abian; EHUgunek bultzatuta espazio bat da, bake eta bizikidetzari buruz gogoeta egiteko, emakumeen sentsibilitatetik abiatuta.

8.8. GARAPENERAKO LANKIDETZAREN ARLOKO PRESTAKUNTZAN EGITEN DEN LANA FINKATZEA

8.8.1. Practicuma eta kanpoko praktikak elkartasunezko ekimenetan eta garapenerako lankidetzako ekimenetan egitea bultzatzea.

• Praktiken eta Gradu Amaierako Lanen (GRAL) programaren 14. edizioa jarri dugu abian. Programa horretan UPV/EHUko 3 campusetako 10 ikastegitako 78 ikaslek hartu dute parte (% 78 emakumeak, % 22 gizonak); Latinoamerikako eta Afrikako 13 herrialdetara bidaiatu dute GRAL edo praktikak egiteko, lankidetzarako garapenerako proiektuen esparruan.

51UPV/EHU


8.8.2. Ikasleek gizarteko boluntariotzako ekimenetan parte har dezaten sustatzea.

• Ikasturte honetan, hazten jarraitu du GKE eta gizarte erakundeetan boluntariotza ekimenak egiten parte hartzeagatik hautazko kredituak aitortzea eskatzen duten ikasleen kopuruak.

• Gainera, autokudeatutako boluntariotza jardueren eskaintza areagotu dugu, eta boluntarioen eta hartzaile-onuradunen balorazioa oso positiboa izan da. Azpimarratzekoa da Medikuntzako ikasleek antolatutako lehen laguntzako ikastaroa.

52 UPV/EHU


9. GOBERNU ONA SUSTATZEN DUEN UNIBERTSITATEA

9.1. E-ADMINISTRAZIOA GARATZEA

9.1.1. Kudeaketa prozedurak definitzen amaitzea.

• Idazkaritza Nagusiaren proiektua amaitu ondoren, Gizarte eta Komunikazio Zientzien Fakultatearen prozedurak aztertu ditugu, UPV/EHUko ikastegi guztietan aplika daitezkeen prozedura elektronikoak sortzeko asmoz. Horretarako, Zientzia eta Teknologia Fakultateko, Psikologia Fakultateko eta Farmazia Fakultateko prozedurak ere aztertuko ditugu. 3 ikastegi horiek aukeratu dira kalitatearen kudeaketan punta-puntakoak izateagatik.

9.1.2. Sistema elektroniko arin eta errazen bidez gara daitezkeen kudeaketa prozedurak identifikatzea, eta haien garapena lehenestea.

• Puntu hori ez dugu garatu oraindik; izan ere, ez dago aktibo administrazio elektronikoa garatzeko eskuratutako plataforma.

9.1.3. Leihatila bakarra ezartzea, erabiltzaileek bertan egin ahal izateko unibertsitate izapide guztiak.

• Lanean ari gara leihatila bakarraren eredua garatzen, abian jartzeko gauzatu behar diren lehenengo ekintzak zehazteko asmoz; bereziki, inbertsioak behar dituztenak eta/edo arreta eskaintzeko langileen hautaketari eta prestakuntzari eragiten diotenak.

9.2. UNIBERTSITATEKO JARDUERETAN GARDENTASUN MAILA HOBETZEA

9.2.1. Konpromisoa eta Gardentasuna Fundazioak ezarritako irizpideak betetzen dituen gardentasun atari bat abian jartzea.

• Uztailaren amaiera aldera, UPV/EHUko Gardentasun Ataria abian jartzeko lehen fasea amaitu zen, eta atari horren lehenengo bertsioa jendaurrean jarri zen, helbide honetan, hain zuzen: http://www.ehu.eus/es/web/idazkaritza-nagusia/ehu-gardena.

• Atariaren lehen bertsioan (edo protoatarian) dagoeneko web orrian zegoen informazioa sartu dugu edo egiteko lan gutxi behar izan duena. Datuak automatizatzeko eta UPV/EHUren web orri berrira migratzeko zain gaude, Gardentasun Atariaren bigarren faseari ekiteko.

9.3. UNIBERTSITATEKO EGITURAK EGOKITZEA ETA HAIEN KUDEAKETA HOBETZEA

9.3.1. Ikastegi berriekin konpromiso dokumentu bat adostea eta kudeatzea.

• EHUNDU-A programaren barruan, UPV/EHUren ikastegi berrietarako konpromiso dokumentu bat diseinatu da, ikerketa eta irakaskuntza

53UPV/EHU


gaitasuna hobetzeko adierazleekin. Deialdiko zuzkiduraz gain, beste 200.000 euroko zuzkidura du. Ikastegi berriek negoziatu eta sinatu dute aipatutako dokumentua.

9.3.2. Sailen berrantolaketa amaitzea, tartean dauden eragileekin lankidetzan.

• Sailen egitura aldatzeko proposamenaren zirriborro bat egin da, baita beste neurri batzuena ere, kudeaketa hobetzeko asmoz.

9.4. KONTABILITATE ANALITIKOKO SISTEMA MARTXAN JARTZEA

9.4.1. 2017ko ekitaldian zehar UPV/EHUko Kontabilitate Analitikoko Sistema martxan jartzea.

• 2017 ekitaldian UPV/EHUko Kontabilitate Analitikoa abian jartzen ari gara, eta horrek dakartzan arazoak konpontzen.

• 2016ko azaroaren eta 2017ko martxoaren artean, baliozkotzeen prozesuaren azken fasea egin da, UXXI-EC ANALITICA aplikazioaren gabezia zuzentzeko; sistemak ez ditu aurreko ekitaldietako datuak gordetzen, eta, beraz, osotasun akats handiak sortzen dira.

• 2017ko martxoaren 28an, Unibertsitateko Lankidetza Bulegoak UPV/EHUri jakinarazi zion sistema guztietako datuen baliozkotzea zuzena zela, eta Malagako Unibertsitateko taldeari, baliozkotze hori egiaztatzearen arduradunari, bidali zion, ereduaren pertsonalizazioa egiteko ondoren.

• Data horretan, eta Unibertsitateko Lankidetza Bulegoak ezarritako egutegiari jarraituz, UXXI-EC ANALITICA aplikazioaren interfaze guztiak kargatu/eguneratu beharko ziratekeen. Hala ere, maiatzaren 4ra arte ezin izan da prozesu hori gauzatu, Unibertsitatearen kontabilitateko aplikazioaren bertsio berri bat ezartzearen ondorioz sistemak berak zituen arazoak zirela eta.

• Azkenik, kargatutako 60 interfazetatik 7k “arazo teknikoak” izan dituzte, eta Unibertsitateko Lankidetza Bulegoa horiek berrikusten ari da.

• Gaur egun, Unibertsitateko Lankidetza Bulegoarekin eta Malagako Unibertsitateko taldearekin lanean ari gara UXXI-EC ANALITICA aplikazioaren eredua parametrizatzeko beharrezkoak diren alderdietan. Asmoa da 2017ko abenduan 2014 ekitaldiko UPV/EHUko lehenengo datuak eskuratzea.

9.5. BARNEKO ETA KANPOKO KONTROL MEKANISMOAK INDARTZEA, KUDEAKETA ERAGINGARRIA ETA ARDURATSUA LORTZEKO

9.5.1. Gastua arrazionalizatzea eta baliabideak optimizatzea, gastu arruntak doi daitezen eta zerbitzu jakin batzuen defizita murriztu dadin, betiere unibertsitateko kideen eskubideak errespetatuz eta zerbitzuen kalitateari eutsiz.

• Unibertsitatean egiten den aurrekontuak prestatzeko lanaren oinarrian diru sarrera jakin batzuk eta gastu arrunten ahal den heineko mugaketa eta murrizketa daude. 2017ko aurrekontua % 0,69 areagotu da, aintzat hartuta langileen gastuen % 1eko igoera, irakasleen banakako ordainsari osagarri

54 UPV/EHU


berriak eta hornidura kontratuen zenbatekoen igoera; horrek agerian jartzen du Unibertsitateak gastu arruntak eta inbertsioak eutsi eta murriztu egin behar dituela. Gainera, aurten, 2016tik 2017rako gerakin espezifikoak sartzerakoan, xehetasunez aztertu ditugu.

9.6. KUDEAKETA EKONOMIKO GARDENA EGITEA, ERRAZA ETA ULERGARRIA

9.6.1. Informazio argia, eguneratua eta eskuragarria argitaratzea, kontuak emateko eta gobernu ekintzak justifikatzeko.

• 2016ko urrian, UPV/EHUren web orrian argitaratu zen indarrean dagoen aurrekontua, bai eta 2013, 2014 eta 2015eko aurrekontuak ere. 2013, 2014 eta 2015eko likidazioak ere argitaratu ziren euskarri bisual batean (irudi eta grafikoak), hobeto ulertzeko. Informazio hori Gardentasun Atarian jaso da eta 2017ko aurrekontuak onestearekin eguneratu da. http://www.ehu.eus/es/informazio-ekonomikoa

9.7. IRAKASLE ETA IKERTZAILEEN, ADMINISTRAZIO ETA ZERBITZUETAKO LANGILEEN ETA IKLASEEN ARTEKO KOMUNIKAZIOA ETA HARREMANA ERRAZTUKO DUEN GIROA SORTZEA ERAKUNDEAN

9.7.1. Unibertsitatearen webgune berria diseinatzen amaitzea eta hura inplementatzen hastea.

• Unibertsitatearen web orri berriaren informazioaren arkitektura diseinatzen amaitu dugu. Era berean, zerbitzuaren bertsio berrirako migrazioa egin dugu; horrenbestez, web orri korporatibo berria abian jartzen hasi gara.

9.7.2. Sare sozialen erabilera bultzatzea.

• UPV/EHUren gizarte sareetako erabileren eta estiloaren gida argitaratu ondoren, horiek erabiltzea bultzatu dugu. Gaur egun, unibertsitateak ehun kontu baino gehiago ditu sare sozialetan (Facebook, Twitter, Flickr, LinkedIn, Vimeo, Youtube, Google+, Slideshare...); horien laurden bat ikasturte honetan jarri da abian.

9.7.3. Komunikazio euskarri guztiak indartzea (Campusak, Adituak, liburuxka korporatiboak…).

• Komunikazio euskarri desberdinak bultzatu ditugu, eta honako hauek lehenetsi ditugu:

» Liburuxka korporatiboak. Gradu eta masterreko eskaintzari buruzko informazio liburuxkak diseinatzeari eta egiteari bultzada handia eman diogu. Era berean, 19 ikastegitako informazio liburuxkak egin ditugu, eskola edo fakultateari buruzko eta bertako graduko eskaintzari buruzko informazio xehatua eskainiz. Lehen aldiz, liburuxka horiek ingelesez ere editatu ditugu.

55UPV/EHU


» Adituak: Gaur egun, datu base horretan komunikabideekin lan egiteko prest dauden unibertsitateko 575 adituk parte hartzen dute.

» Campusa: Aldizkariaren ingelesezko bertsioa eta atal berriak diseinatu ditugu; datorren ikasturtean jarriko dira abian.

9.8. UNIBERTSITATEKO TALDE GUZTIEK GOBERNANTZAKO ESTRATEGIETAN PARTAIDETZA HANDIAGOA IZATEAREN ALDEKO APUSTUA EGITEA

9.8.1. Administrazioko unitateen arteko koordinazio ekintzak abian jartzea.

• Ez da jarri abian koordinazio ekintza berririk.

9.9. EHUalumni PROIEKTUA SUSTATZEA

9.9.1. Prestakuntza Eskolaren bidez EHUalumni talderako jardueren katalogo erakargarria diseinatzea.

• Bi prestakuntza ikastaro espezifiko antolatu dira; horietan, 23 pertsonak hartu dute parte (% 56 emakumeak, % 44 gizonak): “Hablar a un público” (Publiko bati hitz egitea), teknika dramatikoen bitartez komunikazio trebetasunak hobetzeko ikastaroa, eta “Marca personal y empleo 2.0” (Marka pertsonala eta 2.0 enplegua), enplegu digitala topatzen eta sortzen irakasteko ikastaroa.

• EHUalumni-ren web orrian eta sare sozialetako kontuetan UPV/EHUko ikastegien antolatzen dituzten jarduerei eta hitzaldiei buruzko informazioa zabaldu dugu.

• Gainera, aisialdiarekin lotuta, hainbat jardueratan deskontuak eta zerbitzuak eskaini dira.

9.9.2. Mentoring, Enbaxadorea eta Cicerone programak finkatzea.

• Mentoring programaren barruan, 4 lan bikote antolatu ditugu (% 50 emakumeak, % 50 gizonak).

• Enbaxadorea programari dagokionez, EHUalumni-n izena emandakoen artean hedatzeko lanak egin ditugu.

• Cicerone programaren barruan, beste herrialde batzuetan bizi diren EHUalumni-ko 4 kideri eman zaie alta (% 75 emakumeak, % 25 gizonak).

9.9.3. Unibertsitate barruan eta gizartean EHUalumni sustatzea, erregistro eta kolaborazio berriak erakarriz.

• Unibertsitate orientazioko azoketan parte hartu dugu EHUalumni ezagutarazteko azoketan parte hartzen duten ikasleen gurasoei.

• 2017ko lehen seihilekoan, 816 pertsona erregistratu dira (% 62 emakumeak, % 38 gizonak), eta, guztira, 3.393 kide daude (% 56 emakumeak, % 44 gizonak).

56 UPV/EHU


• 100 pertsonak (% 65 emakumeak, % 35 gizonak) adostasuna eman dute EHUalumniko programetako batean lankidetzan aritzeko; lankidetza hori datorren ikasturterako eskatuko zaie.

2016/2017 KUDEAKETA TXOSTENA - UPV/EHU...upv/ehu 5 kudeak 20162017 1. ikasteko unibertsitatea 1.1....

Documents

Transcript of 2016/2017 KUDEAKETA TXOSTENA - UPV/EHU...upv/ehu 5 kudeak 20162017 1. ikasteko unibertsitatea 1.1....