1.MUNH ME MITTI Sach sach kehta hoon main tumse, Jiski aankh ho dekh le woh Jiske kaan hon woh sunle.. Munh me mitti, saanson me dhuan hai Mere shehar ko, yeh kya hua hai Hai badhavaasi, itni udaasi Chaaron taraf maatam ka sama hai. Munh mein.. Itni chamak hai, itne sitaare Phir bhi laakhon bhookh ke maare Bade badon ne jeb hai bharli Acchhi oonchi baaten karlien Jo gareeb hai, bas woh maraa hai Munh mein.. Mission chaand ka bahut zaroori Duniya mein hogi mashhoori Desh ke gaurav ka hai maslaah Lakh karodon dollar kharchaa Ek tihaai bhookhe nange Duniya ke apne India mein Chaand pe apna gadha tirangaa Aam aadmi bhookha nanga Saari duniya daan hai deti Lekin apna, naam bada hai Munh mein.. Sapnon ka yeh shehar hai bhai Jhoothi khushiyaan hain bikhraeen Upar hai chamkeela poster Neeche soye hain kuchh beghar Poster me bhi khade hain nange Aur neeche bhi pade hain nange Dono me bas itni doori Upar laalach, neeche majboori Munh me… Sacchi baat jo keh doonga to Suli pe sar mera hoga Maya ki nagari hai bhaiyaa Yehi kaho bas, sab achhaa hai.. Sab achhaa hai..

2. MUMMY MAIN BHI JAAUNGA Ghar yeh ik din gir jaayega Chhota bacchaa dar jaayega Naujawaan woh mar jaayega Agar raaste naa badle, jiske kaan ho woh sun le Mummy main bhi jaaunga Main bhi aag lagaunga Papa bhi to jaate hain Bus me aag lagaate hain Sheeshe tod ke aate hain Ab se main bhi papa ke sang, Kaam kara ke aaunga, Mummy main bhi jaaunga... Mummy main bhi jaaunga Chakka jaam karaunga Chachu kehte hain india ka Chakka jaam kara denge Jo bhi kaam pe jaayega hum, Usko aag laga denge Sadkon ko jhulsaa denge, Sabse se hum badla lenge Itna loss karenge saari, India ko rulwaa denge Aaj se main bhi chaachu ke sang Kaam mein haath bataaunga.. Mummy main bhi jaaunga... Mummy anwar muslim hai kya; Kya sanjay hindu hota hai? Aatankwadi kahan se aaye; Aur jehad yeh kya hota hai? Papa mujhko bomb dila do AK 47 laado Asli nahin to nakli dedo, Ek wireless phone bhi ledo School me jaake teacher ko, Bandhak banaaunga.. Mummy main bhi jaaunga... Mummy raju mila tha Kal woh ro raha tha Kah raha tha gaaon apne woh Jaa rahaa hai

Taxi uske papa ki Apne chhachu ne todi Unko maara bhi bahut Kardi haalat buri Raju dost hai mera Raju achhaa ladka hai Keh raha hai hum yahaan ke hain woh UP waala hai.. Mujhe ab pata chala Chachu kahan jaate hain Papa kya karte hain... Main to nahin jaaunga Bus nahin jalaaunga Taxi nahin todunga, Sheeshe nahin phodunga Haath aise kaamon mein Papa ka na bataunga Main to nahin jaaaunga Kabhi nahin jaaunga.. Chachu ko bhi samjhaaunga Main to nahin jaaaunga Papa ko bhi manaaunga Mummy nahin jaaunga.. 3. JAB LAKHON HAIN BHAGWAN Jab laakhon hain bhagwan to aisa, kyun hai hindustan, Anginat mile vardaan to aisa, kyun hai hindustan Hum vishwaasi bharatwaasi, Har pag sheesh jhukaate hain Itna aadar insaan to kya, patthar bhi pooje jaate hain Laakhon sadhu laakhon yantar, Hain pag pag par jaadu mantar Itne swami, chele karod, hai paas unke har jod tod Damru duggi, gal me maala Sar pe bhaboot, keshon waala Tota bataa raha hai future, Ik mota pooch raha dar dar Kya pashchim mein ghar ki khidki Ya poorab mein hai furniture Jab itna saara gyaan, To aisa, kyun hai hindustan.. Lootane waale khade raah mein Lutne waale badi chaah mein Peechhe waale soch rahe hain Bade faayde me agle, Jiske Kaan ho woh sun le

Koi chauka chhakka maar de to Mandir unke ban jaate hain filmon mein hit ho jaayen to Unko bhagwan bulaate hain Unke bhi mandir bante hain, Aur pooja aarti sajti hai.. Gaye jaate hain bhajan geet, Kya hum logon ki bhakti hai. Insaan ko bolen param pooj, Charnon ko dho ke peete hain.. Hum aise kitne babaon ke Aashirwaad se jeete hain. Jo maange inko milta hai, Jo chaahen woh karvaate hain. Insaan bana bhagwan to aisa, kyun hai hindustan... Ik aur naya avtaar janam, Apni dharti pe leta hai Har paanch saal me aata hai Haan theek kaha ji neta hai Yeh dono haath se leta hai Aur kabhi na waapas deta hai Mazhab ke naam pe leta hai, Bhaasha ke naam pe leta hai Ladwaata hai, marwaata hai, Jalwaata hai, katwaata hai Jab kaam bane na apnon se, Yeh dushman se mil jaata hai Iske bhi laakhon bhakt yahaan, Aur sewak iske wafadaar Raja ke ek ishaare pe Yeh desh jala den baar baar Neta ki aisi shaan, to aisa kyon hai Hindustan.. Lekin kahin pe ik saccha rab, Woh aasmaan mein rota hai Kehta hai yeh kya mere naam se Is jahaan me hota hai Ban gaye khuda insaan sabhi Bhoolen hai meri shaan sabhi Jo kehta hai mere sach ko, Sooli mein gadhte hain usko Dharti pe gar main jaaunga, Mujhko bhi na pehchaanenge, Hai chamatkaar ko namaskar, Sacchhai kya ye maanenge Paisa khuda hai, shohrat khuda hai, Taaqat khuda hai, yeh kya hua

Lo maine bhi ab chhod diya, Aur apne mukh ko mod liya Jab rooth gaya bhagwan To phir kya, hoga hindustan.. 4. SHRADDHANJALI Dekha sab kuchh dekh naa paaye Suna kaan se, sun naa paye Vaise to ho bade sayane Seedhi baat nahin samjhe, jiske…. Kasmen leli, baaten karlee Geet likh diye, lekh bhar diye Neta aaye, abhineta aaye Haath utha ke, shapath bhi khaaye Sabne aansoo bhi tapkaaye Phir uske baad, tu apni gali, main apni gali Lo ho gayi, shaheedon ki Shraddhanjali... Suno kya tumne chori chhodi? Laalach ki woh bori chhodi? Kasam jo khaayi thi woh kya thi? Aatankwaad se ladenge hum sab Kya bandook utha sakte ho? Dushman ke ghar jaa sakte ho? Abhineta jee kya badloge Rasta apna mod sakoge? Aatankwad se ladne aaye Magarmachh ke aansoo laye Subah shapath aur kasmen haanken Shaam ko bin kapdon ke naachen... Sanskaaron ko maar diya hai Sharm ka parda phaad diya hai Naam aur shohrat bas dilwa do Paisa do kuchh bhi karwa lo Bin matlab ke shapath na khao Khud ko badlo pehle jaao Andar gir ke baahar payaa Socho kaisa beej lagaaya Gar tumne itna sochaa bhi Yeh hogi sacchi aapki shradhhanjali...

Netaji tum bhi the aaye Tumne bhi aansoo tapkaaye Dushman ko hum naa chhodenge Unke iraadon ko todenge.. Rishwat lena chhod do pehle Ghaple karna chhod do pehle Khet kisaan ke waapas kardo Hadpe makaan bhi waapas kar do Loot ke maal ko baahar nikalo Jhoot ki daulat baant do sabko Seedhe saade sewa bhaav se Sewa karlo tum janta ki... Bas itna kar lo netaji, Yeh hogi sacchi aapki, shraddhanjali.... Aatank se jo ladna hai to Aage humko badhna hai to Apne andar jaana hoga Khud ko hi samjhaana hoga.. Andar se hi sendh lagi hai Andar se hi desh luta hai Apne laalach mein hamne hi Apne ghar ko bech diya hai Aao pashchataap karen hum Pehle se kam paap karen hum Laalach ne hi tabah kiya hai Ahankaar ne jalaa diya hai Khud ko khuda na samjho aise Wahi Khuda hai daro Khuda se Apna pet na bharte jaao Phat jaayege, milke khaao, Jo hamne aisa karne ki ab thaan li, To hogi samjho sacchi shraddhanjali Shahidon Ki Shraddhanjali… 5.SACH SACH MAIN BOLNA CHAAHTA HOON Sach sach main bolna chaahta hoon Kuchh raaz kholna chaahta hoon Krantikaari mere man ka, rah rah kar kuchh kehta hai Itne arse se andar hi, andar sab kuchh sahta hai Jhooti shaan mein bahut jee liya Nashe ka pyaala bahut pee liya Hum hain sabse sache acchhhe Dharam karam ke karte dharte Apne jaisa koi kahan hai

Chamak raha ab hindustan hai Sabse pehle jhoota apna, Garv todna chaahta hoon Sach sach main… Kehte hain mere desh ki dharti, sona ugle moti Aaj bhi aadhi janta desh ki, bhookhe pet hai soti Kahan hai moti, kahan hai sona Jahan bhi dekho, rona dhona Bhookhe nange bheek maangte, Har chauraahe pe mil jaate Jo kisaan ugle hai sona Khudkhushi woh karke mar jaate, Socho phir woh kaun hai jo In bechhaaron ka haq khaa jaate Vyabhchhari, bhrashtaachhari ke Haath todna chaahta hoon Sach sach main… Gyaani kehte hain India mein Paisa ho to bahut maza hai.. Jaisa kaam ho vaisa dedo, Kaam karao, paisa dedo Pay and smile ka badhia funda Bas gareeb khaata hain danda Tum jugaad paise ka karlo Kisi tarah se pocket bharlo Koi nahin, baapu na maiya Aaj hai sabse bada ruppaiyya Lalaach ke in bhedion ki main Pol kholna chaahta hoon.. Bhole bhaale log hamaare Baaton mein aa jaate hain.. Chaalu aur daaku jitne hain Woh neta ban jaate hain Kehte hain ki sabhyata ka Bharaat se hi aarambh hua Itne padhe likhe hain phir bhi Anpadh desh chalaate hain.. Thoda koi hasaa de humko Naatak zara dikha de humko Hum bhi itne samjhdaar hain Baaton mein aa jaate hain.. Main bhi andhi janta ki ab Aankh kholna chaahta hoon..

6.Fakiri Chhod ameeri kar li fakiri Usne mujhe bulaya hai, Uski khaatir jabse khoya Sab kuchh maine paaya hai... Duniya jisko khushiyaan samjhii Woh to maila paani hai Uske ghar ka meetha paani Koi koi chakh paaya hai... Haath lagaya chhoo ke dekha Khhake dekha peeke dekha.. Bhook mite na pyaas bujhe hai, Ant na koi paaya hai... Awwal awwal khud ko bolen Apne aap ko mehnga tolen Mitti ki aukaat nahin hai Itna mol lagaya hai.. 7. SAMAY BADA ANMOL Har baat ka ik mauka hai Har pal ka hai tol Sun le bhai baat pate ki, Yun birtha mat dol re bande... Samay bada anmol... Marne ka, paida hone ka Kaatne ka aur bone ka, Waqt hai hansne ka rone ka, Mile na mandi mol, re bhai.. Samay ghaat ka samay prem ka Dhaane ka hai banaane ka, Chhati peetan ka naachan ka, Chup chup sang bas dol, re bhai... Gale lagan ka, door hatan ka Dhoondan ka aur khovan ka, Samay phaadne ka seene ka, Aage moonh mat khol, re bande Samay prem ka samay bair ka Ladne ka aur milne ka, Sahi samay pe sab darwaaze, Dega samay hi khol, re bhai.. Sun lo bhaiya…samay bada…

8. JISKI AANKH HO Sach sach kehta hoon main tumse Jiski aankh ho dekh le vo... Jiske kaan hon vo sunle.. Dekha sab kuchh dekh naa paaye Suna kaan se sun naa paye Vaise to ho bade sayane Seedhi baat nahin samjhe.. Ghar ye ik din gir jaayega Chhota baccha dar jaayega Naujawan woh mar jaayega Agar raaste naa badle... Lootane waale khade raah me Lutne waale badi chaah me Peechhe waale soch rahe hain Bade faayde me agle... Andhe ke peechhe hai andhaa Andhon ka chal gaya hai dhanda Aankhon waala khud se bola Tu bhi aankh ko band kar le.. Kitne log hain kitne chehre Aur chehron ke peechey chehre Asli hai ya naqli chehre Pehchaane koi kaise, jiske...