11 0011plt  JMS/BP

N-634 ERREPIDEAREN ZARAUZKO SAIHESBIDEAREN 1. ZATIA (ASTI - VISTA ALEGRE) EGITEKO PROIEKTUKO OBRAK ZUZENTZEKO LAGUNTZA TEKNIKOKO ZERBITZUAREN EZAUGARRI TEKNIKOEN AGIRIA(4-V-48/1998-A-DO)

AURKIBIDEA

1.- AGIRI HONEN XEDEA

2.- KONTRATUAREN XEDEA

3.- ADMINISTRAZIOAK AURKEZTU BEHARREKO DOKUMENTAZIOA

4.- PARTE HARTUKO DUTEN PERTSONA FISIKO EDO JURIDIKOEN DEFINIZIOA.      ESKUMENAK, FUNTZIOAK, ERANTZUKIZUNAK

4.1. Parte hartuko duten pertsona fisiko edo juridikoen definizioa.4.1.1. Administrazioa.4.1.2. Kontratuaren zuzendaria.4.1.3. Obrako zuzendaria.4.1.4. Kontsultorea.4.1.5. Laguntza teknikoko taldea.4.1.6. Obrako zuzendaritza4.1.7. Aholkulariaren ordezkaria

4.2. Eginkizunak eta eskumenak.4.2.1. Administrazioaren eskumenak eta eginkizunak.4.2.2. Kontratuaren zuzendariaren eskumenak eta eginkizunak.4.2.3. Obrako zuzendariaren eskumenak eta eginkizunak.

4.3. Erantzukizunak4.3.1. Zuzendaria, obrako zuzendaritza eta obrako zuzendaritzaren laguntza teknikoa4.3.2. Aseguruak

5.- OBRAKO ZUZENDARITZAREN LAGUNTZAREN HARREMANAK ADMINISTRAZIOAREKIN

6.- OBRAKO ZUZENDARITZAREN TALDEA

7.- OBRA HASI AURRETIK EGIN BEHARREKO JARDUERAK7.1. Proiektua lurrean bertan doitzea

7.1.1.- Zuinketak7.1.2. Geoteknia7.1.3. Inguruko eraikuntzetan gerta litezkeen afektazioak

7.2. Laneko segurtasun eta osasun plana7.3. Ingurumen Inpaktuaren Deklarazioaren jarraipenaren plangintza

8.- OBRA GAUZATZEAN ZEHAR EGIN BEHARREKO JARDUERAK8.1. Saila eta materialak egiaztatzea

8.1.1. Geometria zuinketak8.1.2. Lur-sailak

8.2. Obren jarraipena eta kontrola8.2.1. Laneko segurtasunaren eta osasunaren jarraipena8.2.2. Ingurumen inpaktua zuzentzeko neurrien ezarpenaren jarraipena

9.- KONTSULTOREAK EGIN BEHARREKO JARDUERA OSAGARRIAK

10.- EPEA

11.- OBRA ZUZENDARITZAREN LANTALDEAREN HORNIDURA11.1.- Pertsonala11.2.- Instalazioak eta ekipoak11.3. Ibilgailuak 11.4. Kanpo adituak

12.- PROPOSAMEN EKONOMIKOAREN XEHATZEA12.1. Oinarrizko prezioak12.2 Unitate prezioak12.3. Eskaintza ekonomikoa eskuratzea

13.- LAGUNTZA TEKNIKOAREN NEURKETA ETA ORDAINKETA

ERANSKINAK:

1. ERANSKINA – LANGILE KOPURUA

2. ERANSKINA – OBRAKO BULEGOA ETA EKIPAMENDUA

3. ERANSKINA – IBILGAILUAK ETA LOKOMOZIOA

4. ERANSKINA – ZENBATEKO EKONOMIKOAREN JUSTIFIKAZIOA

5. ERANSKINA – OBREN AZKEN EGOERAREN JASOTZE TAKIMETRIKOA

EZAUGARRI TEKNIKOEN AGIRIA

1.- AGIRI HONEN XEDEA

Baldintza teknikoen agiri honen -BTE hemendik aurrera- xedea da Gipuzkoako Foru Aldundiaren Bide Azpiegituretako Departamentuarekin egingo den zerbitzu kontratuko lanak deskribatu eta zehaztea eta kontratua arautuko duten baldintza teknikoak finkatzea, eta horien bidez N-634 errepidearen Zarauzko saihesbidearen 1. zatia (Asti - Vista Alegre) egiteko proiektuko obrak zuzentzeko laguntza teknikoko zerbitzua kontratatzea (4-V-48/1998-A).

2.- KONTRATUAREN XEDEA

Kontratuaren xedea da obrako zuzendaritzako honako arlo hauetan laguntzea:

LAGUNTZAREN GAKOA: 4-V-48/1998-A-DOOBRA: N-634 errepidearen Zarauzko saihesbidearen 1. zatia (Asti - Vista Alegre) egiteko obrak.OBRA-MOTA: Errepide berria. UDALERRIAK: Zarautz.LURRALDEA: Gipuzkoa.OBRAREN ESLEIPENDUNA: Esleitzeke.PROIEKTUAREN KONTRATUAREN AURREKONTUA: 28.359.967,67 euro.OBRA BURUTZEKO EPEA: 28 hilabete.OBRAK HASTEKO AURREIKUSITAKO DATA: 2011ko urria.

Kontratuan, besteak beste, honako jarduera hauek bilduko dira:

Kalitate geometrikoaren kontrolaAholkularitza geologikoaLaneko segurtasunaren eta osasunaren koordinazioaIngurumen arloko jarraipenaObren azken egoeraren jasotzeaLaguntza espezializatua (egituren, geologia eta geotekniaren eta ingeniaritza orokorraren inguruko aholkularitza), obrako beharren arabera.

Halaber, beharrezko proiektu aldatuak eta osagarriak egiteko laguntza (kalkuluak egitea, eranskinak, eta beharrezko gainerako zereginak) ere eman beharko du, bai eta obra likidatzeko proiektua egiteko laguntza ere.

3.- ADMINISTRAZIOAK AURKEZTU BEHARREKO DOKUMENTAZIOA

Kontsultoreak kontuan izan behar ditu baldintza tekniko orokorren agirian eta proiektuaren agindu tekniko berezien agirian ematen diren arauak, Sustapen Ministerioaren arauak eta ekainaren 6ko 1/2006 Foru Dekretu Arau-emailea, Gipuzkoako Errepide eta Bideen Foru Arauaren testu bateratua

onartu zuena, eta horrez gain, obretako segurtasun eta osasunari buruzko legeria eta indarrean dauden gainerako xedapenak.

Administrazioak kontsultoreari Eraikuntza Proiektuaren ale oso bat emango dio paperean, eta pdf-aren kopia bat eta jatorrizkoa emango dizkio euskarri informatikoan.

Era berean, interesatzen zaion dokumentazio guztiaren kopia bat emango zaio, proiektuaren aurrekarien eta tramitazioari, desjabetzeari eta obraren kontratazioari dagokionez.

Segurtasun eta osasunaren liburuko agindu liburuaren aleak eskuratuko dizkio, halaber, kontsultoreari, bai eta beharko dituen balorazioen zerrenda, ziurtagiri, eta abarretako ohiko inprimakiak ere.

4.- PARTE HARTUKO DUTEN PERTSONA FISIKO EDO JURIDIKOEN DEFINIZIOA, ESKUMENAK, FUNTZIOAK, ERANTZUKIZUNAK.

4.1. Parte hartuko duten pertsona fisiko edo juridikoen definizioa.

4.1.1. Administrazioa

Behar den guztirako, Administraziotzat joko da Gipuzkoako Foru Aldundiko Errepide Zuzendaritza Nagusia, eta horrek indarrean dagoen legeriaren arabera beteko ditu bere eskuduntzak.

4.1.2. Kontratuaren zuzendaria

Errepide Zuzendaritza Nagusiak zuzendari bat izendatuko du kontratu honetarako, eta kontratuan parte hartuko duten gainerako pertsona fisiko edo juridikoen aurrean, zuzendari hori izango da Administrazioaren ordezkaria. Zuzendariak lan talde bat ere izan dezake berarekin, eta lankide horiek guztiak ere Zuzendaritza Nagusiak izendatuko ditu.

4.1.3. Obrako zuzendaria

Gipuzkoako Foru Aldundiaren Errepide Zuzendaritza Nagusiko bide, ubide eta portuetako ingeniaria izango da agiri honetan definitzen diren lanen arduradun. Zuzendariak lan talde bat ere izan dezake berarekin, eta lankide horiek guztiak ere Zuzendaritza Nagusiak izendatuko ditu. Obren zuzendari fakultatiboa da.

4.1.4. Kontsultorea

Kontratu honen enpresa esleipenduna da. Halaber, kontsultore kontratista gisa ere identifika daiteke, obra kontratistatik bereizteko.

4.1.5. Laguntza teknikoko taldea

Kontsultoreak kontratu hau betetzeko erabiltzen dituen giza baliabideak dira; titulazio egokia eta ezagutza nahikoak izango dituzte.

4.1.6. Obrako zuzendaritza

Obrako zuzendariak eta balizko laguntzaileek eta laguntza teknikoko taldeak osatutako taldea da.

4.1.7. Kontsultorearen ordezkaria

Kontsultorearen ordezkaria izango da kontsultoreak kontratuko betebeharrak betetzearen ondoriozko egintza guztietan bere ordezkari izateko berariaz izendatu eta Administrazioak onartutako pertsona.

4.2. Eginkizunak eta eskumenak

4.2.1. Administrazioaren eskumenak eta eginkizunak

Indarrean dagoen legeriak xedatzen dituen eginkizun eta eskumenak dagozkio Administrazioari, eta horiek legean aurreikusten den moduan beteko dira. Bereziki, obrak eta zerbitzuak onartzeko gaitasuna dagokio eta, ondorioz, kontratuan parte hartzen duen pertsonala onartzeko edo kentzeko gaitasuna dauka, baldin eta horretarako arrazoiak badaude. Hala, proiektuarekin eta araudi aplikagarriarekin bat egin beharreko lanaren kalitatea eta zehaztasuna kaltetuko duten jarduerak edo hutsegiteak egiten direnean edota obrak gauzatzeko bide zuzena edo lan programak betetzeko bide ona nahasten eta arriskuan jartzen denean, Administrazioak neurri konkretuak eta eragingarriak hartzeko eska dezake, dagozkion kontratuak gauzatzeko ordena zuzena berreskuratzeko.

4.2.2. Kontratuaren zuzendariaren eskumenak eta eginkizunak

Kontratu honetako zuzendariak eginkizun administratibo, ekonomiko eta teknikoak beteko ditu kontsultorearen ordezkariari dagokionez. Hori dela eta, ordezkari eta arduradunek zuzendariak emandako aginduak beteko dituzte. Alabaina, kontuan izango da kontratuko zuzendariak, berari dagozkion eginkizunen betearazpenean, kontsultorearen ordezkariaren irizpideen kontra idatziz emandako aginduen erantzukizuna hartuko duela bere gain.

Kontratuaren zuzendariak ez du laneko segurtasun eta osasun neurrietan, seinaleztapenean eta balizak jartzean erantzukizunik izango, horien erantzukizuna kontratistari dagokiolako. Kontratuko zuzendariak obra kontratuak kontratistari ezartzen dizkion erantzukizunetan ere ez du zerikusirik izango. Kontratistak edo kanpoko laborategiek egindako saioetan ere ez du erantzukizunik izango, ez eta saio horien emaitzen erabileran ere.

4.2.3. Obrako zuzendariaren eskumenak eta eginkizunak.

Obrako zuzendariak obretako zuzendari fakultatiboaren eginkizunak beteko ditu, eta berak zuzendu, kontrolatu eta ikuskatuko du kontsultorearen eta obra kontratistaren jarduera, gauzatzen diren lanak ahal denik eta zuzenen Administrazioaren aldekoak izan daitezen. Bere eginkizunak, oro har, Sektore Publikoko Kontratuen Legean, Herri Administrazioen Kontratuen Legean eta Administrazio Baldintza Orokorren Agirian eta PG-3 agirian (101.3 artikulua) adierazitakoak dira.

Agiri honetako ondorengo puntuetan definituko dira eginkizun espezifikoak, betiere kontuan izanik obrako zuzendariari dagokiola:

Jarduteko lehentasunak zehaztea, hala behar denean.

Obra unitateak aldatzea edo unitate berriak gehitzea premiazkotzat jotzen bada, Administrazioak onartu beharko ditu, kontratuaren zuzendariak proposatuta. Nolanahi ere, obrako zuzendariak, egoki bada, aldaketak edo unitate berriak gauzatzeko bi aukera aztertuko ditu gutxienez.

Halaber, obrako zuzendariari dagokio kalitate kontrolaren ardura, hartutako laginen, egindako saioen, kontrolen, egiaztapenen eta kalitate txostenen zehaztasuna eta kontrolatze horretatik ondoriozta daitezkeen gauzatzeko erabakiena.

Berak proposatuko du, laguntza teknikoko taldeko kideen artetik, obrak burutzen diren bitartean segurtasun eta osasun koordinatzailea izango dena.

Funtsean, obrako zuzendaritzak obren babesle eta administratzaile gisa jardungo du, Errepide Zuzendaritza Nagusiaren ordezkari gisa, obren harrera egin arte. Beraz, proiektua behar bezala gauzatzea zainduko du, bai alderdi teknikoei bai ekonomiari eta epeei lotuei dagokienez, obrak hasten direnetik harrera egin arte.

Obrako zuzendariak ez du erantzukizunik izango obrako zuzendaritzaren laguntza teknikoko eginkizunak betetzean gerta daitezkeen hutsegite edo beste batzuei egin daitezkeen kalteetan, betiere horiek Administrazioarekin egindako kontratuak emandako eginkizunetan gertatu badira.

Obrako zuzendariak ziurtatu beharko du eraikuntzaren arloko azpikontratazioa arautzen duen 32/2006 Legean ezarritako baldintza eta erregimena betetzen direla. Bestalde, ezingo du lege horren 5.3 artikuluan aipatzen den azpikontratazio katea zabaltzea baimendu, kontratazio organoaren aurretiazko berariazko baimenik gabe.

4.3. Erantzukizunak

4.3.1. Zuzendaria, obrako zuzendaritza eta obrako zuzendaritzaren laguntza teknikoa

Obrako zuzendaria, obrako zuzendari fakultatibo gisa, bere eginkizunetan bere erabakien eta bere hutsegiteen erantzule da.

Laguntza teknikoko taldeko kideak izango dira burutzen dituzten lanen eta emandako prestazio eta zerbitzuen kalitate teknikoaren erantzule, bai eta Administrazioak eta hirugarrenek kontratua burutzerakoan gertatutako hutsegite, metodo desegoki edo ondorio okerren ondorioz jasaten dituzten ondorioen erantzule ere. Kontsultorearen ordezkaria eta kontsultorea bera izango dira beren langileek kontratuaren edo obraren inguruan burututako egintzen erantzule.

4.3.2. Aseguruak

Esleipendunak, derrigorrez, aseguru poliza bat kontratatu beharko du bere kontura, kontratuaren iraunaldi osorako. Aseguru horrek, kontratu honetako baldintza administratiboen agirian zehaztutako ezaugarriak eta irismena izango ditu.

5.- OBRAKO ZUZENDARITZAREN LAGUNTZAREN HARREMANAK ADMINISTRAZIOAREKIN

Kontsultorea izango da obrako zuzendaritzarekiko solaskidea. Kontsultoreak hari egingo dio kontsulta, aurrez, kontratuko dokumentuetan ezarritako kalitate, prezio edo epe baldintzetan edozein motatako aldaketa ekar dezakeen erabaki bat hartzeko.

Administrazioak, oro har, obrako zuzendariaren bitartez emango dizkio aginduak kontsultoreari.

Administrazioak eta, bereziki, kontratuko zuzendariak eta obrako zuzendariak kontratu honetako esleipendunaren bulegoko ateak irekita izango dituzte, lanak nahi dutenean ikuskatzeko eta betetzen direla bermatzeko. Administrazioak, horretarako arrazoirik balego, kontsultoreari agindu ahal izango dio obrak burutzen diren bitartean eta obra zuzendaritzari laguntzeko kontratuaren berme aldiak dirauen bitartean, Gipuzkoako Lurralde Historikoan bulego iraunkorrak izateko, kontsultorearen bulego propioez gain.

Ekipo eta material guztiak ikuskatu ahal izango ditu Administrazioak eta behar den moduan edo egokieran ez badaude aldatzeko agin dezake.

Kontratuko zuzendariak edozein unetan eta behar den guztietan eskatu ahal izango dio esleipendunari horrek kontratuari atxiki dizkion langileetako edozein aldatzeko, obraren martxa onerako egokia dela iruditzen bazaio. Esleipendunak hamabost (15) eguneko epea izango du, gehienez ere, kontratuko zuzendariak agindutako aldaketa gauzatzeko.

6.- OBRAKO ZUZENDARITZAREN TALDEA

Obrako zuzendaritzaren taldetzat joko da agiri honen 4. idazpuruan adierazitako eginkizunak eta ondorengoetan zehaztu diren lan eta jarduerak behar bezala egiteaz arduratuko diren langileez osatutako taldea.

Obra zuzendaritzako taldea obrako zuzendariak (bide, ubide eta portuetako ingeniaria) eta, gutxienez, baldintza teknikoen agiri honen 1. eranskinean obraren zuzendaritza laguntzeko talde tekniko gisa adierazitako langileek osatuko dute.

7.- OBRA HASI AURRETIK EGIN BEHARREKO JARDUERAK

Lehiaketa esleitu ondoren, eta obrako zuzendaritzaren antolaketa finkatu eta gero, hainbat lan egingo dira, hain zuzen “Obra egin aurretiko txostena” eta “Zuinketa egiaztatzeko akta” prestatzearren.

7.1. Proiektua lurrean bertan doitzea

Proiektua lurrean bertan doitzeko unean, alderdi hauek hartuko dira aintzat:

7.1.1.- Zuinketak

Laguntzako oinarrizko sarea eta zuinketako oinarriak ikuskatuko dira, hala nola bi horien birjarpenak, behar denean.

Trazatua zuinketara doitzea lurrean bertan.

Lurraren zeharkako profil guztiak hartzea, proiektuaren neurketa irizpideen arabera.

Desjabetutako lur-sailak zuinketara doitzea.

Pasabideko obra argiak gainditu beharreko baoetara egokitzea.

Datuak prestatuko dira, zuinketa egiaztatzeko akta egite aldera.

7.1.2. Geoteknia

Proiektuaren hipotesi geologiko eta geoteknikoen egiaztapen teknikoa egingo da, bai eta horiek errealitateari egokitzen zaizkiola egiaztatu ere. Beharrezkoak diren saio, laginketa eta zundaketa gehigarriak ez dira kontsultorearen konturakoak izango, baina bai proiektuaren datuetarako, ikuspegirako eta datu osagarrietarako oinarritzat hartuko den azterlana.

Txostenak, gutxienez, honako alderdi hauek aztertuko ditu:

Proiektuaren hipotesiak egiaztatzea, lurren kalitateari dagokionez.

Proiektuaren hipotesiak egiaztatzea, betelanen zimenduen, lur erauzketen oinarrien eta ezponden kalitateari dagokienez.

Egituren zimenduen azterketa.

Materialak lortzeko eremu eta hondakindegien azterketa.

Ibilguen azterketa.

Zundaketa edo lagin gehigarrien proposamena.

Harrobi eta hobien azterketa.

7.1.3. Inguruko eraikuntzetan gerta litezkeen afektazioak

Lanen ondorioz kalteak jasan ditzaketen inguruko eraikin eta instalazio guztien argazki erreportajeak egingo dira eta horiek notario dokumentuan kautotuko, baita aldi baterako okupatuak izan daitezkeen zonenak ere, gero horiek lanak hasi aurretik zeuden moduan uzteko.

7.2. Laneko segurtasun eta osasun plana

Obraren gauzatze aldian laneko segurtasunaren eta osasunaren arloko koordinatzaileak, kontrataturiko laguntza teknikoko taldekoa izango denak, ikuskatuko du kontratistak egindako laneko segurtasun eta osasun plana.

Obraren gauzatze aldian laneko segurtasunaren eta osasunaren arloko koordinatzaileak egindako txostenaz eta obrako zuzendariaren onespenaz, Administrazioari igorriko zaio plana, horren behin betiko onespena jaso dezan.  Eta hori guztia urriaren 24ko 1627/1997 Errege Dekretuan ezarritakoaren arabera.

7.3. Ingurumen Inpaktuaren Deklarazioaren jarraipenaren plangintza

Kontsultoreak inpaktuaren deklarazioan adierazitako neurri zuzentzaileak eta baldintzak betetzen direnaren jarraipena egiteko eskema bat ezarriko du. Ingurumen Zaintzako programaren eskema eta ingurumen organoari igorri beharreko txostenen egitura eta aldizkakotasuna ere ezarriko ditu, 2006ko uztailaren 14ko Gipuzkoako Aldizkari Ofizialean (134. zk.) argitaratutako Ingurumen Inpaktuaren Deklarazioan, eta, bereziki, horren E.1 eta E.2 klausuletan biltzen denaren arabera.

8.- OBRA GAUZATZEAN ZEHAR EGIN BEHARREKO JARDUERAK

Egin beharreko obren zuzendaritzak, gutxienez, honako oinarrizko lanak hartuko ditu bere gain:

8.1. Saila eta materialak egiaztatzea

Eginkizun honetako lanak bi taldetan banatuko dira:

Geometria zuinketak.Sailen egiztapena.

Proiektuko geometrian eta materialetan edozein aldaketa egiteko, kontratuko zuzendariaren berariazko baimena behar da, eta Errepide zuzendari nagusia jakinaren gainean jarriko da.

8.1.1. Geometria zuinketak

Proiektuaren geometria sailaren topografiaren araberakoa dela egiaztatu eta horri doitzea, sare geodesikoarekin lotuta.

Proiektuaren geometria desjabetutako sailen araberakoa dela egiaztatu eta horiei doitzea.

Obrako zuzendariak egokitzat jotzen badu, zeharkako profil errealak hartzea, kontratistarekin batera, obrak hasi aurretik.

Argiak gainditu beharreko baoetara egokitu, eta fabrikako obren iraupena eta hormen tamaina egokitzea.

8.1.2. Sailak

Lur-erauzketen eusteko gaitasunaren baldintzak, datu suposatuak eta baieztatuak, beharrezkoak badira.

Betelanen asentamendu baldintzak, aurreko paragrafoan adierazitako ildo berean.

Aurreikusi diren edo beharrezko izan daitezkeen hondakindegien kokalekua egiaztatzea.

Fabrikako obren zimenduaren sostengu ahalmena.

Ibilguak: hondeatzeko aukera, etab.

8.2. Obren jarraipena eta kontrola

Eginkizun honetako lanak honako multzo hauetan bil daitezke:

Laneko segurtasunaren eta osasunaren jarraipena.Ingurumen inpaktua zuzentzeko neurrien ezarpenaren jarraipena.

8.2.1. Laneko segurtasunaren eta osasunaren jarraipena

Obraren gauzatze aldian laneko segurtasunaren eta osasunaren arloko koordinatzailea obrako zuzendaritzako taldeko kide bat izango da eta honako eginkizun hauek izango ditu:

a) Laneko prebentzio eta segurtasun printzipio orokorren ezarpena koordinatzea.

b) Obrako jarduerak koordinatzea, obrak gauzatzeko aldian zehar kontratistak eta, baleude, azpikontratistek eta langile autonomoek ekimen prebentiboko printzipioak era koherente eta arduratsuan aplikatuko dituztela bermatzearren. Printzipio horiek Laneko arriskuak prebenitzeko Legeko 15. artikuluan xedatzen dira. Koordinatzaileak, halaber, urriaren 24ko 1627/1997 Errege Dekretuko 10. artikuluan aipatzen diren eginkizun eta jarduerak ere koordinatuko ditu, horretan ematen baitira eraikuntza lanetan gorde behar diren segurtasun eta osasun arloko gutxieneko xedapenak.

c) Kontratistak egin eta agian gerora gehitu zaizkion aldaketekin landutako segurtasun eta osasun planari buruz informatzea, onartua izan dadin.

d) Enpresa jardueren koordinazioa antolatzea, Laneko arriskuak prebenitzeko Legeko 24. artikuluan aurreikusten den bezala.

e) Lan metodoak zuzen aplikatzeko, kontrola eta eginkizunak koordinatzea.

f) Behar diren neurriak hartzea, obran baimena duten pertsonak baino beste inor sar ez dadin.

Segurtasun eta osasun arloko koordinatzailea, halaber, gertaeren liburuaren arduraduna izango da obraren gauzatzeak dirauen aldian. Liburu horrek beti obran egon behar du. Liburu hori obrako zuzendaritza fakultatiboaren, kontratisten eta azpikontratisten eta langile autonomoen esku egongo da. Liburua aldi berean honako hauen esku ere egongo da: obran parte hartzen duten eta prebentzio arloan erantzukizunak dituzten pertsona eta organoen esku; langileen eta herri-administrazio eskudunetako segurtasun eta osasun arloan espezializatutako erakundeetako teknikarien esku. Horiek guztiek oharrak idatzi ahal izango dituzte liburuan, betiere laneko segurtasun eta osasun planaren kontrol eta jarraipenerako direnak.

8.2.2. Ingurumen inpaktua zuzentzeko neurrien ezarpenaren jarraipena

Kontsultoreak egingo du ingurumen inpaktua zuzentzeko neurrien ezarpenaren jarraipena. Ingurumen Inpaktuaren Deklarazioan xedatutakoa beteko da eta, bereziki, haren E.1 eta E.2 klausulan ezarritakoa.

Ingurumen Zaintzako Programa beteko du eta ingurumen organoari igorri beharreko txostenak egiteko beharrezko datuak bilduko ditu.

Jarraipen eta kontrol hori egiteko, kontsultoreak laguntza teknikoko taldean ingurumen arloko aditu bat edo bik eskainitako aholkularitza kualifikatua izango du, eta aditu horiek arduratuko dira arestian aipatutako jarduerak eta Proiektuaren Agindu Tekniko Berezien Agirian esleitzen zaizkien zereginak betetzeaz.

9.- KONTSULTOREAK EGIN BEHARREKO JARDUERA OSAGARRIAK

Kontsultoreak lagunduko du beharrezkoak izan daitezkeen proiektu aldatu eta osagarriak idazten, kalkuluak, eranskinak eta, oro har, beharrezkoak izan daitezkeen jarduera guztiak eginda, obrako zuzendariak hala eskatzen badio. Lan horietarako, eskaintzan adierazitako laguntza bulegoaz baliatu ahal izango du.

Bulego horrek obrako zuzendariaren aholkularitza espezializatu gisa jardun beharko du, obren ondorioz beharrezkoa denean, egituren, geologiaren eta geotekniaren edo obren inguruko beste edozein arlotan.

10.- EPEA

Kontratu honetako lanak burutzeko epea obra guztiak burutzeko azken epea izango da, bi hilabetean luzatua; hilabete, obrak hasi aurretik, agiri honetan adierazitako aurreko lanak burutzeko, eta hilabete amaitu ondoren, obren azken egoeraren jasotze takimetrikoa burutzeko.

Epea kontratua sinatzen denean hasiko da kontatzen, eta aurreko lanak agiria sinatzen denetik zuinketa egiaztatzeko akta egin eta obra burutzen hasten den hilabetera arte burutuko dira.

Aurrekontua eta proposamen ekonomiko xehatua egiteko, obrak burutzeko hogeita zortzi (28) hilabeteko epea aurreikusten da; horri, lehen aipatutako beste bi hilabete gehitu beharko zaizkio, guztira hogeita hamar (30) izango direlarik.

11.- OBRA ZUZENDARITZAREN LANTALDEAREN HORNIDURA

Esleipendunak kontratu honetan sartutako obrako zuzendaritza, kalitate kontrol eta bestelako jardueretara bideratuko duen lantaldeak pertsonala, instalazio eta ekipo batzuk eta garraiobide batzuk izango ditu, agiri honetan zehazten direnak gutxienez. Nolanahi ere, kontuan izan behar da kontratatzen den zerbitzua ez dela pertsonalaren eta ekipoen prestazio bat, eta une jakin batean aurreikusitako gutxieneko baliabideak baino gehiago eska daitezkeela, lana zuzentasunez egiteko.

11.1.- Pertsonala

Kontsultoreak kontratua gauzatzeko izan beharko duen pertsonala -beharrezko titulazioak izateaz gain baldintzak betetzen dituena- 1. eranskinean jasota dagoena izango da, gutxienez; eta pertsonalaren presentzia egokitu beharko du, lan eskariaren malgutasuna dela eta behar bezala erantzun ahal izatearren.

Kontsultoreak obrako zuzendaritzaren funtzionamenduaren organigrama aurkeztuko dio kontratuaren zuzendaritzari, kontratua indarrean dagoen lehen hamabost egunen barnean; eta gauza bera egingo du, ondoren ere, aldaketaren bat sartu behar den bakoitzean. Kontsultoreak, halaber, kontratuko zuzendariaren esku edukiko du langileen erregistro liburua. Horretan jasoko dira langileen alta eta baja arrazoituak, eta horiek kontsultorearekin duten lan harremana. Langilerian aldaketaren bat egingo bada, aurretiaz kontratuko zuzendariak onartu behar du.

Obran ari diren langileen lanaldia obrako kontratistaren lanaldi bera izango da. Kontsultoreak ez du eskubiderik izango aurrekontuan gehikuntzarik eskatzeko, dedikazio, aparteko ordu, jai egun, gaueko ordu, eta abarren aitzakiaz.

Obrarako hasieran aurreikusitako dedikazioa 1. eranskinean jasotakoa da. Dedikazio hau gutxieneko pertsona horniduraren eta proiektuko Lan Programatik ateratzen den lanen iraupenaren gainean dago planteatuta. Beraz, obrak esleitzeko epearekin, obretako behin betiko Lan Programarekin eta obren beren iraupen errealarekin aldatu ahal izango da. Dena den, eskaintzan bertan ere hobetu ahal izango da.

Laneko baja, oporraldia edota beste edozein arrazoirengatik pertsonal tekniko edo zaintzakoak derrigorrez huts egiten badu, hutsune horiek kualifikazio tekniko bereko beste langileez beteko dira, salbu obrak geldituta daudenean kontratistak oporrak hartu dituelako. Nolanahi ere, ordezko langile horiek kontratuko zuzendariak onartu behar ditu.

11.2.- Instalazioak eta ekipoak

Esleipendunak bulego bat izango du obran, kontratu hau betetzeko banaketa, ekipamendu eta ezaugarri egokiak izango dituena.

Hori ezagutu eta baloratzeko, jakinarazten da, baldintza administratiboen agiriaren arabera, kontratistak obrako zuzendaritzaren esku jarri behar duela aire girotuko bulego bat, obran dagozkion zereginak burutzeko azalera nahikoa duena, bulegoak bereizteko panelak, mahaiak, aulkiak eta apalategiak izango dituena, bai eta telefonoa eta faxa, energia elektrikoko hartuneak eta zerbitzu sanitarioen hartuneak ere. Bulego horren funtzionamendu arrunterako beharrezko gainerako ekipo eta bitartekoak kontratista kontsultorearen konturakoak izango dira.

Bulego hori hilabeteko epean jarri beharko da abian, nahiz eta gerta daitekeen zenbait ekipamendutarako (ura, telefonoa, etab.) denbora gehiago behar izatea. Epe hori kontratua sinatzen denean hasiko da kontatzen eta kontratuaren zuzendariaren berariazko baimena beharko da bulego hori abian jartzeko.

Kontsultoreak jarriko ditu, gutxienez, agindu teknikoen agiri honen 2. eranskinean adierazitako ekipoak.

Halaber, kontratatutako taldeko kide guztiek telefono mugikorra izango dute eta beti kargatuta eta konektatuta eduki beharko dute.

11.3. Ibilgailuak

Esleipendunak 2. eranskinean adierazten diren ibilgailuak edukiko ditu, gutxienez, obretan bere lana egin ahal izateko, eta bere gain hartuko ditu ibilgailu horien funtzionamendu gastu guztiak. Edozein modutara, ibilgailurik ez edukitzea ez da aitzakiatzat onartuko, langileak behar direnean eta behar den lekuan ez egoteko

11.4. Kanpo adituak

1. eranskinean adierazten da kontsultoreak laguntzako bulego tekniko bat izan behar duela beharrezkoak diren lanak egiteko; bulego horrek, beharrezkoa bada, eranskinean adierazitako adituen lankidetza eta aholkularitza izango du.

Edonola ere, kontsultoreak eskaintzan zehaztu beharko ditu bere taldekoak ez diren eta laguntza teknikoa emango duten adituak, bai eta horien jarduera eremua eta curriculuma ere.

12.- PROPOSAMEN EKONOMIKOAREN XEHATZEA

12.1. Oinarrizko prezioak

Proposamen ekonomikoaren aurrekontua prestatzeko, eskaintzan adierazitako langileen euro/hil prezioak eta batez bestekoak hartuko dira kontuan, bai eta funtzionamendu, mantenu, kontsumo eta amortizazioen gastuenak ere.

Halaber, obren azken egoeraren jasotze takimetrikoa, agiri honen 5. eranskinean adierazitako baldintzen arabera, benetan jasotako azaleraren arabera ordainduko da.

Gainerako kontzeptuetarako partida goratuak gaineratuko zaizkie eta partida horietan sartzen dira honako hauek:

Laguntza teknikoko bulegoa, beharrezkoa bada, agiri honetan adierazitako adituen laguntzarekin (osorik ordaindu beharrekoa, kontratuaren amaieran).

Instalazioak jarri eta kentzea (osorik ordaintzekoa, % 50 hasieran eta % 50 amaieran).

12.2 Unitate prezioak

Oinarrizko prezioekin, obraren aldien eta langile eta bitartekoen beharren arabera eta proiektuaren lan programari jarriki, obraren aldi bakoitzerako ekipoen unitate prezioak egingo dira.

12.3. Eskaintza ekonomikoa eskuratzea

Oinarrizko prezioek osatutako unitate prezio horiekin osatuko da eskaintzaren aurrekontuaren “gauzatze materiala”ren balorazioa, unitate prezioak aldi desberdinetarako aurreikusitako denborari aplikatuta eta partida goratuak gehituta.

Proposamen ekonomikoaren lizitazioko oinarrizko aurrekontuaren balorazioa egiteko “burutze materiala”ren aurrekontuari % 19 gehituko zaio gastu orokor eta industria mozkin gisa, bai eta balio erantsiaren gaineko zergari dagokion % 18 ere.

4. eranskinean biltzen da, orientazio gisa, kontratu honen zenbateko ekonomikoaren justifikazioa.

13.- LAGUNTZA TEKNIKOAREN NEURKETA ETA ORDAINKETA

Laguntzako lanak hilero ordainduko dira, baliatutako langileen eta bitartekoen arabera, aurkeztutako eskaintza oinarri hartuta.

Obren azken egoeraren jasotze takimetrikoa benetan jasotako azaleraren arabera ordainduko da.

Gainerako unitateak emandako zerbitzu denboraren arabera ordainduko dira. Hilabete baino gutxiago izan bada, egun naturaletan (jaiegunak barne) dagokion proportzioa ordainduko da, hogeita hamar (30) eguneko hilak hartuta kontuan.

Obrako aldaketaren baten ondorioz obrak egiteko epea luzatzen bada, Administrazioak, komenigarritzat jotzen badu eta kontsultorea ados baldin badago, tramita dezake epearen luzapena eta, ondorioz, unitatea handitzen delako aurrekontu aldaketa jasotzen duen kontratu aldaketa. Hala ere, horrek ez du ekarriko kontratuan azaltzen diren unitate prezioen eta oinarrizko prezioaren aldaketarik. Obraren epea mozten bada, pertsonak eta ekipoak denbora gutxiagoan baliatuko dira eta, ondorioz, bai eta laguntzagatik ordaindutakoa ere. Esleipendunak ez du horregatik erreklamaziorik egiteko eskubiderik izango.

Aldaketek kontratuan ezarritako sistemaren aplikazioaren bidez baloratu ezin diren lanak gauzatzea eskatzen dutenean, Sektore Publikoko Kontratuen Legeko 217.2 artikuluan xedatutakoari jarraituko zaio.

Obrak aldi baterako etetea erabakitzen bada, obrako zuzendaritza laguntzeko kontratua etenda geratuko da, obrak berriz hasi arte. Obrak behin betiko eteten badira, laguntza teknikoko kontratu hau ere eten egingo da agiri honetan kontrolatutako obren neurketa eta likidazioa egiteko ezarritako epea pasa ondoren. Edonola ere, kontsultoreak legez dagozkion kalte-ordainak jasotzeko eskubidea izango du.         

      Donostia, 2011ko maiatzaren 15a.

INGENIARIA-PROIEKTUETAKO ETA ERAIKUNTZAKO B ZERBITZUKO BURUA,

                                               Sin.: José Mª Sarasola Yurrita                                                                        ONIRITZIA

ERREPIDEETAKO ZUZENDARI NAGUSIA

Sin.: Luis Mª Apraiz Iturraran

1. ERANSKINA

LANGILE KOPURUA

Kop. Lanbidea KarguaEsperientzia espezifikoko

urteak

Iraupena (hilabete)

         

1 Indusketa eta zimendatzeko teknikari

adituaIngeniaria edo geologoa (*)

Lur-erauzketa, indusketa, betelan eta zimendatzeak kontrolatzea. Azterlan

geologikoak.5 0,5*20

1 Ingurumen adituaBiologoa (*)

Ingurumen neurriak kontrolatu eta jarraipena egitea 5 0,2 x 22 +

0,5*6

1 Lan arriskuen prebentzioko prestakuntza (*)

Segurtasun eta Osasun koordinatzailea 6 0,5 x 28

1 Topografia taldea (ing. tek. topografoa eta laguntzailea)

Obra guztiaren kontrol geometriko eta topografikoa. 5 0,5*28

1. Obrako zuzendaritzaren laguntza teknikoak obran izango duen gutxieneko pertsonal hornidura:

(*) Antzeko lanbidea duena izan daiteke, kategoria berdin edo handiagokoa; edonola ere, esperientzia espezifikoa behar bezala egiaztatu behar du.

2. Bulego teknikoko hornidura.

            Obrako taldean egongo dira agirian adierazitako zereginak burutzeko beharrezko langileak; hauek dira zereginak: obraren kontrol geometrikoa, segurtasuneko eta osasuneko koordinazioa, laguntza geologikoa eta ingurumen kontrola.

Obretan zehar suerta daitezkeen laguntzako lan garrantzitsuagoetarako, kontsultoreak babeseko bulego tekniko bat izan beharko du, obrako zuzendariak eskatuz gero, egitura, geoteknia eta, oro har, ingeniaritzako aholkularitza eman beharko duena.

Bulego horrek obrako zuzendaritzako proiektuen aldaketak eta proiektu osagarriak idazten ere lagunduko dio; proiektu horiek Administrazioak idatziko ditu zuzenean eta kontsultorearen bulego teknikoak lagunduko dio kalkuluak eta eranskinak egiten, eska dakizkiokeen beste lan batzuk burutzeaz gain.

            Bulego horrek egin beharreko lanetarako esperientzia egokia duten teknikariak izan beharko ditu eta, gutxienez, bide, ubide eta portuetako ingeniari bat, aholkulari geotekniko bat eta egituretako aholkulari bat, guztiak ere 10 urteko esperientziadunak, gutxienez.

2. ERANSKINA

OBRAKO BULEGOA ETA EKIPAMENDUA

2.1. Bulegoa.

Baldintza administratiboen agiriaren arabera, kontratistak obrako zuzendaritzaren esku jarri behar du aire girotuko bulego bat, obran dagozkion zereginak burutzeko azalera nahikoa duena, bulegoak bereizteko panelak, mahaiak, aulkiak eta apalategiak izango dituena, bai eta telefonoa eta faxa, energia elektrikoko hartuneak eta zerbitzu sanitarioen hartuneak ere. Bulego horren funtzionamendu arrunterako beharrezko gainerako ekipo eta bitartekoak kontratista kontsultorearen konturakoak izango dira. Bulegoak internetarako banda zabaleko konexioa izango du.

2.2. Unitatearen ekipamendua.

2.2.1. Material inbentariagarria.

Kontzeptu honetan sartzen da lanak burutzen diren bitartean jarraituki erabiltzen den eta agiri honetan definitutako zereginak burutzeko beharrezkoa den materiala, hala nola bulegoko altzariak eta ekipoa.

Esleipendunak jarriko du material inbentariagarri hori guztia.

2.2.2. Material inbentariagarriaren hornidura.

2.2.2.1. Bulegoko altzariak eta materiala.

Gutxienez, bulegoko altzari eta material hauek jarri beharko dira:

Eranskin honetan adierazitako banaketa elementuetarako bulegoko altzariak. Bereziki, gutxienez 10 pertsona biltzeko moduko bilera mahai bat.

Koloretako fotokopiagailua; erabiltzen duen paper tamaina handiena, gutxienez, DIN A-3 izango da.

Ekipo informatiko pertsonalak (ordenagailuak). Marrazlea eta koloretako inprimagailua (A-4). Bulegoko material txikiak: kalkulagailuak, eskalimetroak.

2.2.2.2. Softwarea.

Obrako bulegoan obraren zuzendaritzari lotutako jarraipeneko zeregin guztiak azkar eta zehatz egiteko beharrezko software guztia egongo da. Honako hauek izango dira gutxieneko programa informatikoak:

Topografia programa. Errepideak trazatzeko programa; aurreko paragrafoan aipatutako topografia programarekin

lotzeko aukera izan beharko du. Ordenagailuz lagundutako diseinuko programa (Autocad 2011 edo parekoa).

Neurketak, aurrekontuak, balorazioen zerrendak eta ziurtapenak egiteko programa (SISPRE edo parekoa).

Obraren epeean plangintza eta jarraipena egiteko programa. Windowsen Word programarekin bateragarria den testu prozesadorea. Windows sistema eragilea. Kalkulu geoteknikoak egiteko programak.

2.2.2.3. Material topografikoa.

Topografia ekipoek, gutxienez, jarraian adierazten diren tresnak izan beharko dituzte eta tresna horiek kalibrazio ziurtagiria indarrean eduki beharko dute.

Neurketa angeluarreko 3”ko zehaztasuna eta prismarik gabeko neurketa duen estazio totala. Prisma zirkular bat eta miniprisma bat. Eremuko irrati-telefonoen sorta bat. Laser nibela.

2.2.3. Material ez inbentariagarria.

Kontzeptu honetan sartzen da material suntsikor eta galkorra, erabilera kontuan hartuta.

Esleipendunak jarriko du obrako kontrol eta zaintzako zereginak burutzeko beharrezko material ez inbentariagarri guztia, zeregin horiek burutzeko beharrezkoa den kopuru eta proportzioan.

3. ERANSKINA

IBILGAILUAK ETA LOKOMOZIOA

3.1. Gutxieneko ibilgailuak.

Dagozkion eginkizunak egoki betetzeko lanean Zuzendaritza Taldeak mugitu ahal izateko behar dituen ibilgailuak eduki beharko dira, gutxienez, obran.

3.2. Lokomozioa.

Esleipendunaren eta bere langileen lokomozio gastuak esleipendunaren kargura joango dira.

Administrazioak, ibilgailuren bat beharko balu lanak ikusteko, kontsultoreak jarriko dio eskura, inolako kontraprestazio osagarrik eskatu gabe.

4. eranskina - ZENBATEKO EKONOMIKOAREN JUSTIFIKAZIOA

KONTZEPTUAKUnitate prezioa Neurketa Zenbatekoa

Indusketa eta zimendatzeko teknikari aditua 6.000 0,5 20 60.000

Ingurumeneko teknikari aditua 6.0000,2/hil+0,5/hil(azken

fasea) 0,2*22+0,5*6 44.400Segurtasun eta Osasun koordinatzailea 5.500 0,5 28 77.000

Topografia ekipoa 5.000 0,5 28 70.000

Obren azken egoeraren jasotzea 500 1 30 15.000Laguntza bulegoko langileak (ingeniaria, aholkulari geoteknikoa, egituretako aholkularia) 28.000 1 28.000

Instalazioak jarri eta kentzeko langileak 3.000 1 3.000

Obra gauzatzeko aurrekontua 297.400,00Gastu orokorrak eta industria mozkina (%

19) 56.506,00GUZTIRA 353.906,00

BEZ (% 18) 63.703,08Lizitazioaren aurrekontua 417.609,08

5. ERANSKINA

OBREN AZKEN EGOERAREN JASOTZE TAKIMETRIKOA

Kontratista arduratuko da obren azken egoeraren jasotze takimetrikoa egiteaz, indarrean dagoen ETR89 sistema geodesikoan eta Geografia Institutu nazionalak 2009an definitutako altitudeen jatorrian, 1:500 eskalan.

Lan hauek burutu behar dira:

Trazatuan oinarri batetik bestea ikusteko moduko zuinketa oinarrien sarea ezartzea.

Obraren azken egoeraren 1:500 eskalako jasotzea egitea. Eremuaren jasotze topografikoa egingo da; errepidea eta horren alboko eremuak kontuan hartuta, errepidearen lur berdinketaren kanpoko ertzetik gutxienez 20 metrora egongo diren bi lerrok mugatuko dute eta desjabetze lerroa eta beste 8 metro hartuko ditu.

Eraikuntza faseko zuinketa oinarriak behatu eta erreferentzia lokaleko ED50 sistema ETRS89ra pasatzeko kalkuluak egitea.

1. Azpiegitura topografikoa

Horretarako erabiliko den erreferentzia-sistema ETRS89 izango da.

UTM, huso 30 proiekzioa erabiliko da aurkezpeneko kartografia sistema gisa.

Zehazki, planimetriarako, sistemak Gipuzkoako Lurralde Historikoko estazio pasiboen sare geodesikoa SOILIK hartuko du kontuan. Ezingo da Euskadiko GPS sarea erabili, ez eta VRS teknologia edo antzekorik erabiltzen duen beste edozein ere, berariazko baimenik gabe.

Altimetria Gipuzkoako Lurralde Historikoko 2010ko Zehaztasun Handiko Berdinketa Sarean oinarrituko da; eta sare hori Geografia Institutu Nazionalaren Berdinketa Maila berriari buruzkoa denez, 1986ko NP Nibelazio Sarearekiko diferentzia adieraziko da memorian.

2. Nibelazio geometrikoko sarea

Nibelazio geometrikoko sare bat ezarriko da topografiako edo zuinketako sareko erpin guztietarako kotak kalkulatzeko oinarri izango dena.

Nibelazio geometrikoko sare horrek osorik edo zati batean zuinketa sarearekin bat etorri ahal izango du.

Proiektatutako nibelazio geometrikoko sarearen jatorri eta amaiera zehaztasun handiko nibelazioko iltze bat izango da. Zehaztasun handiko nibelazio sareko seinaleen artean sartu ezin diren lerroak bi aldiz nibelatuko dira joan-etorriko ibilbideetan.

Kontratistak seinale finkoak jarriko ditu nibelazioko ibilbide guztian.

Kontratistak, ahal bada, seinale finko horiek jabari publikoko eremuetan eta kendu edo mugituko ez diren lekuetan jarriko ditu.

Seinale bisualek ez dute miraren eta gailuaren artean 50 pauso edo 40 m baino gehiagoko luzerarik izango.

Ezarritako nibelazio sarearen erpinen markak jarriko dira.

Lerroen itxiera erroreen tolerantzia hau izango da:

                     ez < 20 k mm.

3. Zuinketa-Sarea

Zuinketa sare bat ezarriko da, errepidearen berdinketa guztia ikusgai duten poligonal bat edo gehiagok osatutakoa.

Kontratistak sare topografikoaren proiektu bat aurkeztu beharko dio lanen zuzendaritza teknikoari.

- Planimetria:

Behaketa bi metodologia hauetakoren baten bidez egingo da:

Posizionatze Globaleko Sistemak (GPS), Gipuzkoako Lurralde Historikoko estazio pasiboen sare geodesikoaren bi erpinetan oinarrituta.

Zehaztasuneko poligonalak, GPS bidez eskuratutako puntuetan oinarrituta.

- Altimetria:

. Nibelazioa, Gipuzkoako Lurralde Historikoko zehaztasun handiko nibelazio sareko iltzeetatik.

3.1. Sare topografikoko erpinen seinaleztapena eta gauzatzea

Zuzendaritza teknikoak zuinketa sarearen proiektua onartutakoan, kontratista erpin guztiak lurrean gauzatzen eta seinaleztatzen hasiko da.

Zuinketaren oinarriak irauteko moduan gauzatuko dira, geopunt iltzeak erabilita edo, beharrezkoa denean, lekuan bertan hormigoian sartutako altzairuzko barrak erabilita. Ezin da feno erako mugarririk edo antzekorik erabili.

Erpin horiek topografia klasikoko metodoen bidez egiaztatu eta erabili behar direnez, poligonalak osatu behar dituzte, erpin bakoitzetik, gutxienez, beste bi ikusteko moduan.

Zuinketa sare horretako erpinak irauteko eta ez mugitzeko moduko lekuetan jarriko dira, oztoporik gabe ikusteko kota altimetrikoetan; ahal bada, jabari publikoko eremuetan jarriko dira.

3.2. Posizionatze Globaleko Sistemak (GPS). Planimetria

Zuinketa sareko erpinen koordenatu PLENIMETRIKOAK GPS bidezko teknikak erabilita hartu ahal izango dira.

3.2.1. Behaketa

Zuinketa sareko erpinen ETRS89 sistemako koordenatuak Gipuzkoako Lurralde Historikoko estazio pasiboen sare geodesikoko gertueneko bi erpinetatik hartuko dira, zehaztasun zentrimetrikoko koordenatu planimetrikoekin.

Lurren orografiaren arabera, gerta daiteke sare geodesikoko bi erpini lotutako erpin finko bat jarri behar izatea zuinketako gainerako oinarriak ikusteko.

Behaketa RTK metodologiaren edo metodologia estatiko erlatiboaren bidez egingo da, gutxienez, 20 minutuko okupazioan.

 Antenak erreferentzian nahiz behatutako erpin bakoitzean tripode gainean eta plomu optikoan oinarrituta zentratu eta jarri beharko dira.

Honako baldintza hauetan egin beharko dira behaketak:

          - Oinarri lerroa ≤ 8 Km.          - Satelite kopurua: ≥5          - PDOP posizioko zehaztapena ≤6          - Jasotze maskara: 15º sexagesimal.

3.2.2. Zehaztapenen kontrola.

Edozein egoeratan, beste erpin batetik behatutako erpin baten koordenatuen desbiderapena ez da bi zentimetro (2 cm) baino gehiago izango.

3.3. Zehaztapeneko poligonalak. Planimetria

Zuinketa sareko erpinak zehaztapen poligonalak behatuta ezarri ahal izango dira.

3.3.1. Behaketa

Esleipendunak aukeratuko ditu tresna topografikoak, betiere adierazitako lanak egiteko aukera ematen badute eta agiri honetan ezarritako tolerantzien araberakoak badira. Prisma plomu optikoko oinarrian eta tripodean jarri behar da behaketa bakoitzean.

Poligonal horien behaketa topografikoaren oinarri, hasieratik amaierara, GPS bidez lortutako zuinketa sareko bi erpin izango dira.

Behaketa guztiak Bessel metodoa aplikatuta egingo dira. Betaurreko arrunt eta alderantzikatuekin egindako irakurketek ez dute 10 segundo ehundar + konstantea baino gehiagoko diferentziarik izango.

Sarearen aldeen luzerak NORANZKO ZUZEN ETA ALDERANTZIZKOAN neurtuko dira aldea osatzen duen erpin bakoitzetik, eta berdin egingo dira angelu bertikal eta zenitalen irakurketak.

Presio eta tenperatura datuak hartuko dira, neurtutako distantziei zuzenketa atmosferikoa aplikatzeko.

3.3.2. Kalkulua eta konpentsazioa    

Tratatutako sareen puntu guztien koordenatuak UTM sisteman (GRS80 elipsoidea) eskuratu ahal izateko programa egokien bidez kalkulatuko dira.

Zuinketa sarearen itxiera planimetrikoaren errorea behaketa guztiz amaitutakoan kalkulatuko da.

Foru Aldundiaren teknikariek sare topografikoak onar ditzaten, esleipendunak Aldundiak eskatutako datu eta emaitza guztiak eskuratuko dizkio.

Koordenatuak sarea itxierako erroreekin konpentsatuta eskuratuko dira, eta errore horiek gehieneko tolerantzia onargarriak baino txikiagoak izan beharko dute. Hauek dira tolerantziak:

Planimetrian:

Angelu errorea < 30.N seg. ehundar; N=erpin kopurua.

Errore lineala (konpentsazio angeluarra egin ondoren); < 30 (K mm,  ( K= ibilbidearen luzera km-tan).

3.4. Zuinketa sarea. Altimetria.

Zuinketa sareko erpinei joan-etorriko nibelazio geometrikoaren bidez emango zaie kota, zehaztasun handiko nibelazio sareko iltzeetatik abiatuta.

Erpin batzuen kota prozedura horren bidez ezartzea zaila bada, kota trigonometrikoa emango zaie, erpinaren eta zehaztasun handiko nibelazio sareko bi punturen arteko batez besteko irakurketaren bidez. Kasu horretan, eskuratutako bi koten arteko desbiderapena ez da bi zentimetro baino gehiago izango. GPS bidez altitude ortometrikoa ere eman ahal izango da, kalkulatutako transformazio parametroetatik abiatuta.

Hau izango da nibelazio lerroen tolerantzia:

Kota errorea < 20 K mm.; (K= ibilbidearen luzera km-tan)

4. Jasotze topografikoa

Zuinketa oinarrien behin betiko koordenatuak eskuratu ondoren, topografia klasiko bidez erradiatuko dira jasotze topografikoa egiteko beharrezko puntuak.

Betelanetako puntuak GPS bidezko behaketaren bitartez lortu ahal izango dira, lanaren zuzendaritzak altuera elipsoidalak ortometriko lokaletara pasatzeko parametroak onartu ondoren.

Eraldatzeko parametroak zuinketa oinarrien altuera elipsoidaletik eta altuera ortometriko nibelatutik abiatuta eskuratuko dira.

Behaketa RTK edo prozesuaren ondorengo estatiko bidez egingo da, erreferentziako ekipoa zuinketa sarearen oinarri batean edo jasotzean horretarako ezarritako gertuko beste oinarri batean kokatuta.

Erradiatutako puntuaren planimetriako eta altimetriako zehaztasuna ez da 3 cm baino gehiago izango hartzen den momentuan.

Plano topografikoak informazio hau emango du:

- Ertz aglomeratuak, arekak, seinaleztapen horizontala, fabrika obrak, espaloiak, hormak, itxiturak, eraikinak, eraikuntzak, bidexkak, bideak, ibaiak, erretenak, ezponden burua eta oina eta, oro har, 1:500 eskalako jasotze batean jaso beharreko xehetasun guztiak.

- Sail eta azpisail guztiak ere adieraziko dira. Sailak mugatzen dituzten mugarriak eta udalerriak adieraziko dira.

- Hornidurako, saneamenduko, gas eta elektrizitate sareko, telefono eta telegrafo lineetako  eta eragindako zerbitzuetako erregistro, kutxatila, zutoin eta gainerako elementuak irudikatuko dira.

- Lurzoruaren erabilerak bereiziko dira.

- Zuhaitz isolatuak eta bereziak banan-banan irudikatuko dira.

- Zuhaitzak dauden eremuetarako, kontsultoreak aurrekontuan sartu beharko ditu garbiketaren, makinariaren eta baimenak lortu eta eragindako partikularrei eman beharreko kalte-ordainen gastuak.

- Hiri barruko eremua bada edo eraikita badago, honako xehetasun hauek adieraziko dira:

          - Fatxaden eta mehelinen kanpoko lerrokadurak.

          - Eraikitako solairuen kopurua.

          - Eraikin edo orube bakoitzari kalean dagokion zenbakia.

          - Kale, plaza eta eraikin garrantzitsuen izenaren errotulazioa.

          - Eskala horretan adierazi beharrekoak diren eta zeinu konbentzionaletan adierazten diren kale eta eraikinetako xehetasunak.

Marrazkia editatzeko Bide Azpiegituretako Departamentuak emandako Dwg artxiboaren geruzak erabiliko dira.

4.1. Altimetria

Jasotzetik lurraren eredu digital bat aterako da 3 dimentsiotan, proiektu bat altimetrikoki kokatzea eta jasotzearen edozein puntutan lurreko profilak ateratzeko aukera emango duena.

MDTtik abiatuta eskuratutako zeharkako eta luzerako profiletan honako elementu hauek adieraziko dira: ezponden buru eta oinak, malda aldaketak, arekak, areken hondoak, aglomeratu ertza, zintarriak, hormak –altuera adierazita-, harri lubetak, eraikinak, etab.

Nibel kurbak irudikatuko dira eta horien distantziakidetasuna 1 m izango da eta bost kurbatik bat marra lodiarekin nabarmenduko da.

Planoaren irakurketa zailtzen duen edozein punturen erpinak ez dira adieraziko; puntu horiek beste geruza edo maila batean egongo dira, baina ez dira ezabatuko.

Euskarri magnetikoan bildu behar da lurraren eredu digitala definitzen duen triangelu sarea.

4.2. Tolerantziak

- Planimetria

          Puntuen (% 90) planoko ondo definitutako posizioak eta benetakoak ez dute 0,10 m baino gehiagoko diferentziarik izango.

- Altimetria

          Planoan mugatutako puntuen % 90en errore altimetrikoak eta benetakoak ez dute 5 cm baino gehiagoko diferentziarik izango; gainerako % 10ak ez du 7 cm baino gehiagokoa izango.

4.3. Errotulazioa eta toponimia

Elementu geografikoen toponimia jarriko da: simak, mendiak, muinoak, mendixkak, bailarak, ibaiak, errekak, iturriak, zubiak, errepideak, bideak, padurak, lakuak, ur hartuneak, eta hiriko auzoak, plazak, kaleak, parkeak eta lorategiak bezalako elementu zehatzagoak.

Lurzoruaren erabilera desberdinak bereizi egingo dira.

                        Minutetan nibelazio sarearen erpinak eta zuinketa oinarriak kotarekin markatuko dira.

Orriak aldamenekikoekiko duen kokaleku geografikoa, eskala grafikoa eta numerikoa, erabilitako koordenatu sistema eta orria identifikatzeko nomenklatura, erabilitako zeinu konbentzionalak edo sinboloak eta proiektuaren zuzendariak agindutako errotulazioak adieraziko dira.

            Eraikuntzen toponimian bilduko dira erakunde eta zerbitzu publiko, enpresa, baserri, eraikin isolatuen (ermitak, ur tangak, etab.) kokalekua adierazten dutenak.

 5. Aurkeztu beharreko dokumentazioa

5.1. Txosten orokorra

Kontratistak lanak deskribatzeko memoria aurkeztu beharko du, honako hauek zehaztuta:

Erabilitako metodologia.Erabilitako materiala.Kalkulurako prozedura.Antzemandako akatsak.

5.2. Laguntzako grafikoa

Honako hauek zehaztuko dira grafikoan:

Zuinketa sarearen grafikoaNibelazio sarearen grafikoaOinarrizko elementu geografikoak: ibaiak, komunikabideak, herriguneak, etab.

5.3. Eremuko eta kabineteko liburuak

- Zuinketa sarearen behaketa.- Nibelazio geometrikoko sarearen behaketa.

Liburu horiek argi bilduko dituzte tresna topografikoekin neurtutako balioak, eta bisualen estazionamenduak eta norabideak (erreferentziak) zehaztuko dituzte.

5.4. Kalkulua eta konpentsazioa

Dokumentazio hori honako kalkulu eta konpentsazio hauei dagokie:

GPS behaketaPoligonalakNibelazioa

Behin betiko koordenatuak zehazteko kalkulu metodoak, itxiera erroreak eta konpentsazioa ahalik eta argien adieraziko dira.

Ordenagailu bidez egin beharko dira eta emaitzen irteera dokumentazioan sartuko dira, kalkuluaren prozesu orokorra eta emaitzen zerrenden interpretazio zuzena azaltzen dituen memoria labur batekin batera.

5.5. Zuinketa sarearen erpinen zerrenda eta marka:

Erpin bakoitzaren markan, honako hauek zehaztuko dira:

Erpinaren izena.ETRS89 X, Y koordenatuak, UTM proiekzioa eta kota ortometrikoa (Alakanteko itsas maila erreferentziatzat hartuta), bai eta anamorfosi linealaren koefizientea ere.ETRS-89 koordenatu geografikoak, altuera elipsoidalarekinUdalerriaBehaketaren dataSeinale motaBertatik ikus daitezkeen erpinakBehaketa metodoa (GPS, poligonala, nibelazio geometrikoa edo trigonometrikoa)Erpinera iristeko modua, argazki panoramikoa, kokalekuaren krokis grafikoa eta egoki jotzen den informazio gehigarria Marko geodesikoa: erreferentzia sistema eta abiapuntuko sare geodesikoa

5.6. Zuinketa sarearekin bat ez datozen nibelazio geometrikoko sareko puntuen zerrenda eta marka.

Honako hauek adieraziko dira: puntuaren izendapena, behar bezala konpentsatutako kota, puntuaren kokalekuaren grafikoa, bertara iristeko moduaren hitzez hitzeko aipamena eta argazkia.