Serbisu no Hela iha AustráliaLIVRU MATADALAN ANTES-DE-PARTIDA NIAN

ba traballadór sazonál

T: +61 2 6240 5234E: seasonalworker@employment.gov.au

Facebook.com/SWPAus | Twitter @SWPAustraliawww.employment.gov.au/seasonal-worker-programme

iii

Lista

1 Liafuan atu loke – Programa Traballadór Sazonál nian.......................................................................5

1.1 Benvindu......................................................................................................................................5

1.2 Informasaun Kona-Ba Programa Traballadór Sazonál Nian.........................................................5

1.3 Tansá Programa Ne’e Importante................................................................................................5

1.4 Ita-Nia Hahalok Iha Austrália.......................................................................................................6

1.5 Benefísiu Saida De’it Mak Ita Hakarak Hetan Liuhusi Serbisu Iha Austrália?...............................6

2 Ita-nia vistu.........................................................................................................................................6

2.1 Vistu Ne’e Permite Ha’u Atu Halo Saida De’it?............................................................................6

2.2 Vistu Ne’e La Permite Ha’u Atu Halo Saida De’it?........................................................................6

2.3 Saida Mak Sei Akontese Se Ha’u Kontra Kritériu Ba Ha’u-Nia Vistu?...........................................7

2.4 Se Karik Ha’u-Nia Situasaun Iha Austrália Iha Mudansa Ruma, Saida Mak Ha’u Tenke Halo?.....7

2.5 Oinsá Se Ha’u Hakarak Hela Nafatin Iha Austrália?......................................................................7

3 Ita-nia Karta-de-Oferta.......................................................................................................................7

3.1 Karta-De-Oferta...........................................................................................................................7

3.2 Saida Mak Hakerek Iha Ha’u-Nia Karta-De-Oferta?.....................................................................7

4.3 Liafuan, Apoiu Emosionál Ka Espirituál, Katak Sá?.......................................................................8

4.4 Informasaun Ba Traballadór Ne’ebé Fila Ba Austrália..................................................................8

4 Ita-nia empregadór ne’ebé hetan aprovasaun...................................................................................8

4.1 Liafuan, Empregadór Ne’ebé Hetan Aprovasaun, Katak Sá?........................................................8

4.2 Tuir Programa Ne’e, Ita-Nia Empregadór Ne’ebé Hetan Aprovasaun Iha Responsabilidade Saida De’it?.................................................................................................................................................8

5 Kontratu ho empregadór....................................................................................................................9

5.1 Taxa Saláriu Nian.........................................................................................................................9

5.2 Hetan Saláriu Tuir Montante Husi Ita-Nia Serbisu.......................................................................9

5.3 Oras Serbisu.................................................................................................................................9

5.4 Ita-Nia Kontratu No Saláriu........................................................................................................10

5.5 Tipu Traballo Sira.......................................................................................................................10

5.6 Feriadu.......................................................................................................................................10

5.7 Férias Públiku.............................................................................................................................10

5.8 Tempu Deskansa Atu Han..........................................................................................................10

5.9 Ita-Nia Serbisu-Fatin No Kondisaun Iha Serbisu-Fatin................................................................10

5.10 Ita-Nia Direitu Iha Serbisu-Fatin No Hasai Husi Serbisu...........................................................11

5.11 Informasaun Seluk Tan No Ajuda Husi Durubasa.....................................................................11

5.12 Rezolve Problema....................................................................................................................11

6 Sindikatu sira....................................................................................................................................11

6.1 Sindikatu Sira Iha Austrália........................................................................................................11

7 Osan..................................................................................................................................................12

7.1 Osan Austrália Nian – Osan-Tahan.............................................................................................12

7.2 Osan Austrália Nian – Osan-Besi................................................................................................12

8 Informasaun kona-ba Ita-nia boletin saláriu.....................................................................................12

8.1 Esplikasaun Kona-Ba Ita-Nia Boletin Saláriu...............................................................................12

9 Osan ne’ebé ko’a..............................................................................................................................15

9.1 Informasaun Kona-Ba Ko’a Osan...............................................................................................16

9.2 Informasaun Liután Kona-Ba Ko’a Osan.....................................................................................16

10 Impostu no Superannuation...........................................................................................................16

10.1 Impostu....................................................................................................................................16

10.2 Superannuation.......................................................................................................................17

11 Uza didi’ak Ita-nia osan...................................................................................................................17

11.1 Oinsá Atu Halo Planu Orsamentál............................................................................................17

11.2 Dalan Simples Balu Atu Poupa Osan........................................................................................17

12 Haruka osan ba Ita-nia rain.............................................................................................................18

12.1 Haruka Osan Ba Ita-Nia Rain....................................................................................................19

13 Antes arranka ba Austrália..............................................................................................................19

13.1 Instrusaun Antes-De-Partida Nian...........................................................................................19

13.2 Arranju Bá-Mai Husi Austrália..................................................................................................20

13.3 Lori Sasán Saida De’it...............................................................................................................20

13.4 Iha Aviaun Laran......................................................................................................................20

13.5 Bainhira Foin To’o Iha Austrália...............................................................................................21

14 Austrália nia lei...............................................................................................................................21

14.1 Austrália Nia Lei Importante Balun..........................................................................................21

14.2 Polísia Iha Austrália..................................................................................................................22

15 Austrália nia kultura........................................................................................................................22

15.1 Sai Toman Atu Hela Iha Austrália.............................................................................................22

15.2 Igualdade Jéneru......................................................................................................................22

15.3 Informasaun Liután Kona-Ba Kultura.......................................................................................22

15.4 Relijiaun...................................................................................................................................22

16 Hela iha Austrália............................................................................................................................23

16.1 Informasaun Kona-Ba Austrália...............................................................................................23

16.2 Klima........................................................................................................................................23

16.3 Ita-Nia Komunidade Foun........................................................................................................23

16.4 Animál Iha Austrália.................................................................................................................23

17 Saúde no Ijiene iha Austrália..........................................................................................................23

17.1 Moris Ho Saúde Di’ak Iha Austrália..........................................................................................23

17.2 Prepara No Rai Ai-Han.............................................................................................................24

17.3 Mantein Ita-Nia An No Hela-Fatin Moos Nafatin.....................................................................24

18 Hela iha Ita-nia uma foun...............................................................................................................24

18.1 Hela-Fatin/Akomodasaun........................................................................................................24

18.2 Transporte...............................................................................................................................25

18.3 Instrusaun Depois-De-Chegada Nian.......................................................................................25

18.4 Loke Konta Bankária................................................................................................................25

19 Kontakta beibeik família no belun iha Ita-nia rain..........................................................................25

19.1 Telemovel No Xamada Ba Ita-Nia Rain.....................................................................................25

19.2 Kartu Xamada Internasionál Nian............................................................................................26

19.3 Internét....................................................................................................................................26

19.4 App Sira Ne’ebé Uza Hanesan Telefone Ka Atu Haruka Mensajen..........................................26

20 Se emerjénsia mosu........................................................................................................................26

20.1 Se Emerjénsia Mosu.................................................................................................................26

21 Oportunidade atu simu treinamentu iha Austrália.........................................................................26

21.1 Simu Treinamentu Iha Austrália..............................................................................................26

22 Fila ba Ita-nia rain...........................................................................................................................27

22.1 Instrusaun Antes-De-Volta (Fila-Fali) Nian...............................................................................27

22.2 Bainhira Fila-Fali Ba Ita-Nia Rain..............................................................................................27

22.3 Uza Ita-Nia Osan......................................................................................................................27

22.4 Prepara Atu Fila Ba Austrália...................................................................................................27

1 Liafuan atu loke – Programa Traballadór Sazonál nianMensajen importante sira:

• Livru ne’e sei ajuda Ita atu hetan susesu bainhira Ita hela no serbisu iha Austrália hodi tuir Programa Traballadór Sazonál nian.

• Liuhusi Programa Traballadór Sazonál, Ita bele manán osan ba Ita-nia família.• Bainhira Ita hela iha Austrália, se Ita sente konfuzaun kona-ba buat naran de’it, importante atu

kontakta Ita-nia patraun ne’ebé hetan aprovasaun.

1.1 BenvinduBenvindu ba Programa Traballadór Sazonál nian (Programa ne’e). Livru ne’e sei ajuda Ita atu prepara atu serbisu no hela iha Austrália. Livru ne’e mós bele ajuda Ita bainhira Ita hela iha Austrália no bainhira Ita fila-fali ba Ita-nia rain. Favór ida lori livru ne’e bainhira bá to’o Austrália, no lee didi’ak informasaun hotu iha livru laran. Ida ne’e halo Ita-nia tempu iha Austrália no fasil liu no ajuda Ita hodi hatene buat barak.Keta haluha: Se Ita la hatene saida mak Ita tenke halo, ka sente konfuzaun kona-ba buat naran de’it (porezemplu, Ita-nia knaar iha serbisu-fatin, ka Ita-nia boletin saláriu), husu to’ok Ita-nia patraun ne’ebé hetan aprovasaun. Maibé, se Ita hanoin demais kona-ba Ita-nia saláriu ka direitu ruma Ita tenke kontakta Fair Work Ombudsman (FWO). Se emerjénsia mosu no Ita presiza ajuda husi polísia, bombeiros, ka ambulánsia, dere ba 000. Ne’e mak xamada gratis ne’ebé bele liga Ita ba sira ida.

1.2 Informasaun Kona-Ba Programa Traballadór Sazonál NianPrograma Traballadór Sazonál nian ajuda dezenvolvimentu ekonómiku iha Illa Pasífiku sira no Timor-Leste hodi fó oportunidade atu serbisu iha sektór agrikultura ka sektór ótel nian iha Austrália. Programa Traballadór Sazonál nian ajuda sektór agrikultura no sektór otél nian atu hetan traballadór kuandu sira labele hetan traballadór lokál atu halo serbisu sazonál nian.Programa ne’e mós fó oportunidade ba Ita atu hetan benefísiu finansiál tanba serbisu iha Austrália. Maibé, Ita tenke serbisu maka’as no uza didi’ak Ita-nia osan. Osan ne’ebé Ita manán iha Austrália barak liu fali osan Ita manán iha Ita-nia rain, maibé vida karun iha Austrália. Fasil atu gasta osan ne’ebé Ita manán ona, entaun importante atu halo planu orsamentál nian.

1.3 Tansá Programa Ne’e ImportantePrograma Traballadór Sazonál mak importante ba Austrália no mós ba ita-nia rain. Porezemplu, programe ne’e bele ajuda to’os-na’in iha Austrália atu kultiva ai-han no Ita bele manán osan atu apoia Ita-nia família no komunidade. Bainhira Ita fila ba Ita-nia rain, Ita mós bele uza treinamentu no matenek

ne’ebé Ita hetanatu dezenvolve Ita-nia komunidade no kontribui ba dezenvolvimentu ekonómiku iha Ita-nia nasaun.

1.4 Ita-Nia Hahalok Iha AustráliaKeta haluha, iha Austrália Ita reprezenta Ita-nia nasaun. Importante atu reprezenta Ita-nia nasaun ho didi’ak no labele estraga Ita rasik nia naran di’ak ka Ita-nia família ka nasaun nia naran di’ak. Se Ita hatudu hahalok aat, karik Ita labele tan atu tuir Programa Traballadór Sazonál nian.

1.5 Benefísiu Saida De’it Mak Ita Hakarak Hetan Liuhusi Serbisu Iha Austrália?Karik di’ak atu hanoin kona-ba tansá mak di’ak ba Ita-nia an rasik atu serbisu iha Austrália tuir Programa Traballadór Sazonál nian. Porezemplu, traballadór sira balu hakarak manán osan atu apoia família ida nia edukasaun, no selu taxa eskola no buat hanesan ne’e. Ema seluk hakarak uza osan atu harii ka hadi’a sira nia uma, no seluk atu bele hahú negósiu iha sira-nia rain. Karik iha razaun barak atu tuir Programa ne’e, no kuandu hakerek razaun sira-ne’e, ida-ne’e bele motiva Ita atu serbisu maka’as. Ita mós bele hakerek objetivu tolu ne’ebé Ita hakarak kumpre iha Austrália. Ita hakarak halo saida de’it ho osan ne’ebé Ita manán no treinamentu ne’ebé Ita hetan? Lista ne’e sei fó-hanoin tansá mak Ita hakarak tuir Programa ne’e.Ha’u hakarak uza osan ne’ebé ha’u manán bainhira serbisu iha Austrália atu:1.2.3.

2 Ita-nia vistuMensajen importante sira:

• Ita presiza vistu husi Governu Austrália atu tuir Programa Traballadór Sazonál nian.• Atu bele hetan vistu, Ita presiza iha Karta-de-Oferta husi Ita-nia emprezadór ne’ebé hetan

aprovasaun atu tuir Programa Traballadór Sazonál nian.• Atu bele hetan vistu, Ita mós presiza iha saúde di’ak no hatudu hahalok di’ak.• Se Ita mai husi Fiji, Papua New Guinea, Samoa, Solomon Islands, Timor-Leste, Tonga no Vanuatu,

Ita bele serbisu iha Austrália to’o fulan neen.• Se Ita mai husi Kiribati, Nauru, ka Tuvalu, vistu ne’e fó-lisensa ba Ita atu serbisu iha Austrália

to’o fulan sia.• Ita labele halo serbisu ba empregadór seluk iha Austrália.• Ita tenkesér fó-hatene Department of Immigration and Border Protection se Ita remata serbisu

ho Ita-nia empregadór, tanba ida-ne’e kontra kritériu husi vistu no karik Ita tenkesér sai husi Austrália.

• Ita labele aplika ba vistu oin seluk enkuantu hela iha Austrália.• Se Ita kontra kritériu husi Ita-nia vistu, imigrasaun bele kansea Ita-nia vistu no Ita tenke sai husi

Austrália.• Importante katak Ita sai husi Austrália antes Ita-nia vistu remata.

2.1 Vistu Ne’e Permite Ha’u Atu Halo Saida De’it?• Tuir Programa Traballadór Sazonál nian, Ita bele serbisu iha Austrália to’o fulan neen, maibé Ita

bele halo de’it serbisu ba patraun ne’ebé hetan aprovasaun. Traballadór sazonál husi Kiribati, Nauru no Tuvalu bele serbisu iha Austrália to’o fulan sia ba sira-nia patraun ne’ebé hetan aprovasaun de’it.

• Ita bele hetan vistu semana rua antes Ita hakarak mai to’o Austrália. Ita bele hela iha Austrália ba semana rua depois períodu serbisu nian hotu, atu bele arranja billete aviaun no buat seluk tan atu bele bá-mai husi Austrália. Ita-nia patraun ne’ebé hetan aprovasaun bele fó-hatene informasaun kona-ba Ita sei serbisu ba fulan hira.

• Ita só bele halo de’it serbisu ba patraun ne’ebé hetan aprovasaun, ne’ebé konvida Ita atu mai serbisu iha Austrália. Karik, Ita sei serbisu ba to’os-na’in balu se Ita-nia empregadór hetan ona lisensa husi Governu Austrália.

• Ita bele sai husi Austrália no fila fali se Ita-nia vistu sei válidu, naran katak iha lisensa husi Ita-nia empregadór no Ita selu ba billete no gastu seluk tan. Favór ida, keta haluha katak se Ita sai husi Austrália, tempu ne’ebé Ita iha rai li’ur la aumenta ba Ita-nia vistu bainhira Ita fila ba Austrália. Tempu ne’ebé Ita iha rai li’ur mak parte husi tempu vistu nian.

• Ita tenkesér sai husi Austrália antes Ita-nia vistu remata.

2.2 Vistu Ne’e La Permite Ha’u Atu Halo Saida De’it?Ita tenke halo tuir kritériu vistu nian.

• Ita labele serbisu ba empregadór seluk.• Ita labele serbisu ba Ita-nia an rasik, hodi halo kontratu ka serbisu ruma ba ema seluk.

• Ita labele aplika ba vistu seluk to’o tempu ne’ebé Ita sai husi Austrália. Porezemplu, se Ita kaben ho sidadaun Australianu ka ema ne’ebé iha vistu residente permanente iha Austrália, Ita nafatin tenke sai ba Ita-nia rain atu bele aplika ba vistu kaben-na’in nian.

• Ita tenkesér iha apólise-seguru durante tempu ne’ebé Ita hela iha Austrália, no Ita labele kansela apólise-seguru ne’e (haree kapítulu 9.3).

• Ita labele lori Ita-nia família ba Austrália, maibé sira bele aplika atu serbisu iha Austrália se sira iha Karta-de-Oferta (hanesan Ita-nian).

Se Ita kontra kritériu vistu ida, karik Ita-nia patraun lakohi fó serbisu tan ba Ita.

2.3 Saida Mak Sei Akontese Se Ha’u Kontra Kritériu Ba Ha’u-Nia Vistu?Importante atu nunka kontra kritériu ba Ita-nia vistu tanba tuir Governu Austrália nia haree, ne’e sériu liu. Se Ita kontra kritériu ruma:

• imigrasaun bele kansela Ita-nia vistu• imigrasaun bele hasai Ita husi Austrália• imigrasaun bele la husik Ita atu mai fali Austrália ba fulan ka tinan balu.

Se Ita kontra kritériu ba Ita-nia vistu, ida-ne’e bele estraga Ita-nia oportunidade atu fila iha tinan tuirmai, no mós estraga oportunidade ba traballadór sazonál seluk husi Ita-nia rai. Ita sei lakon oportunidade atu manán osan ba Ita-nia an no ba Ita-nia família.

2.4 Se Karik Ha’u-Nia Situasaun Iha Austrália Iha Mudansa Ruma, Saida Mak Ha’u Tenke Halo?Se Ita-nia situasaun muda no Ita hanoin katak Ita la bele tan tuir kritériu husi Ita-nia vistu, Ita tenke ko’alia ho Ita-nia patraun ne’ebé hetan aprovasaun. Se Ita sente katak Ita-nia patraun la bele esplika ho loloos kona-ba situasauan ne’e, Ita rasik bele kontakta Department of Immigration and Border Protection ka xamada ba Liña Informasaun Programa Traballadór Sazonál nian hodi dere (02) 6240 5234. Ita-nia patraun no Governu Austrália hakarak fó ajuda ba Ita.

2.5 Oinsá Se Ha’u Hakarak Hela Nafatin Iha Austrália?Traballadór sazonál labele aplika ba vistu oin seluk durante hela iha Austrália. Bainhira Ita fila ba Ita-nia rain, Ita bele aplika ba vistu oin seluk atu bele hela kleur liu iha Austrália ka Ita bele aplika fali atu tuir Programa Traballadór Sazonál ba tinan tuirmai. Se Ita serbisu ho di’ak, karik Ita-nia patraun hakarak Ita atu fila fali iha tinan tuirmai.Karta ne’e mós sei esplika kona-ba Ita-nia hela-fatin, hanesan:

• informasaun kona-ba Ita-nia hela-fatin, no Ita tenke selu osan hira atu hela ne’ebá• informasaun kona-ba transporte, no Ita tenke selu osan hira atu uza transporte ne’e• informasaun kona-ba Ita-nia apólise-seguru, no Ita tenke selu osan hira atu mantein

apóliseseguru ne’e• sé mak sei hasoru Ita iha aeroportu iha Austrália, no oinsá Ita sei bá to’o fatin ne’ebé Ita sei

serbisu ba.Ita-nia empregadór sei hako’a osan husi Ita-nia saláriu (kuandu Ita asina karta ne’e, ne’e dehan katak Ita simu ko’a osan ne’e) atu selu gastu sira hanesan:

• gastu ba Ita-nia billete aviaun internasionál no transferénsia nasionál ne’ebé liu A$500• taxa ba aplikasaun vistu nian (se Ita-nia empregadór mak selu gastu ne’e)• gastu ba transporte bá-mai serbisu-fatin• gastu atu aluga hela-fatin• gastu ba apólise-seguru (haree kapítulu 9.2)• gastu ba impostu ho taxa 15% (haree kapítulu 8)• gastu seluk hanesan saláriu avansada, lensól no kapate, ai-han no buat seluk tan ne’ebé Ita

presiza, ne’ebé empregadór fó antes Ita komesa serbisu.Importante tebes: Ita tenkesér hatene no simu buat hotu-hotu iha Ita-nia Karta-de-Oferta antes Ita asina karta ne’e. Se Ita la komprende, kontakta reprezentante husi Ita-nia Ministru / Departamentu, ka Ita-nia empregadór ne’ebé hetan aprovasaun, ka Liña Informasaun Programa Traballadór Sazonál nian.

3 Ita-nia Karta-de-OfertaMensajen importante sira:

• Karta-de-Oferta esplika kona-ba situasaun iha serbisu-fatin no hela-fatin iha Austrália, no konaba osan ne’ebé karik empregadór sei ko’a husi Ita-nia saláriu.

• Ita tenke lee didi’ak Karta-de-Oferta hodi hatene kona-ba Ita no Ita-nia empregadór nia responsabilidade hotu.

• Se Ita la komprende parte husi Ita-nia Karta-de-Oferta, husu Ita-nia empregadór ne’ebé hetan aprovasaun atu esplika, ka arranja atu tradús karta ne’e.

3.1 Karta-De-OfertaIta-nia empregadór ne’ebé hetan aprovasaun sei haruka Karta-de-Oferta ba Ita antes Ita sai atu bá Austrália, no antes Ita aplika ba Ita-nia vistu. Karta ne’e esplika kona-ba situasaun iha serbisu-fatin no hela-fatin iha Austrália, entaun Ita tenke lee didi’ak karta ne’e. Karta ne’e sei iha empregadór ne’ebé hetan aprovasaun nia timbradu, no Ita tenke asina karta ne’e atu hatudu katak Ita komprende no simu buat hotu (termu no kondisaun sira hotu) ne’ebé hakerek iha karta laran. Se Ita la hatene buat ruma iha karta laran, Ita tenke husu Ita-nia empregadór ne’ebé hetan aprovasaun, sira-nia ajente, ka reprezentante husi Ita-nia Ministru / Departamentu atu esplika buat ne’e. Antes Ita sai husi Ita-nia rain, husu Ita-nia Labour Sending Unit atu ajuda Ita hetan ema atu tradús Ita-nia Karta-de-Oferta.

3.2 Saida Mak Hakerek Iha Ha’u-Nia Karta-De-Oferta?Karta ne’e sei esplika kona-ba Ita-nia serbisu, hanesan:

• Ita sei halo serbisu oin saida• Ita sei serbisu iha fatin ne’ebé iha Austrália (porezemplu, Emerald, Queensland, Victoria)• Ita sei serbisu ba kompañia saida (porezemplu, to’os-na’in ne’ebé kultiva sabraka, ka otél-na’in)• Ita sei serbisu iha Austrália ba fulan hira• bainhira Ita sei komesa serbisu iha Austrália• bainhira Ita sei fila fali ba Ita-nia rain• Ita sei serbisu tempu-tomak, tempu-balun, ka kasuál• oinsá Ita sei simu saláriu no informasaun kona-ba Ita-nia taxa saláriu• oinsá atu kontakta Ita-nia empregadór• transporte saida mak sei lori Ita bá-mai serbisu-fatin no hela-fatin.• fó sira-nia númeru telefone ka telemovel hodi Ita bele kontakta sira iha oras naran de’it• arranja transporte bá-mai husi serbisu-fatin• arranja atu aluga Ita-nia hela-fatin, maibé Ita mós bele fó-hatene katak Ita hakarak arranja Ita

rasik nia hela-fatin• ajuda Ita atu loke konta bankária nian

Importante atu hatene katak Ita-nia empregadór/patraun ne’ebé hetan aprovasaun mak kompañia ka ema ne’ebé selu Ita-nia saláriu, no karik nia LA’ÓS patraun iha toos ka ótel ne’ebé Ita serbisu ba. Ita tenkesér hatene ho loos, Ita-nia empregádor/patraun ne’ebé hetan aprovasaun mak sé. Ita-nia patraun ne’ebé hetan aprovasaun mak ema ne’ebé Ita kontakta ulukliu. Ita bele kontakta nia atu ko’alia kona-ba asuntu naran de’it iha serbisu-fatin ka la iha serbisu-fatin.

4.3 Liafuan, Apoiu Emosionál Ka Espirituál, Katak Sá?Ita-nia patraun se ajuda Ita atu sai toman hela iha Austrália no fó apoiu emosionál no espirituál nian. Ida-ne’e inklui apoiu ba saúde isin nian, mentál nian, sosiál nian, no espirituál nian. Ita-nia patraun bele hatudu oinsá atu bá igreja lokál, ajuda Ita atu rejistu iha klínika médiku lokál, ka ajuda Ita tuir fatin-desportu lokál.

4.4 Informasaun Ba Traballadór Ne’ebé Fila Ba AustráliaSe Ita tuir programa ne’e iha tempu uluk, entaun Ita tenke lori buat tuirmai:

• Ita-nia tax file number (númeru prosesu impostu nian), tanba Ita-nia patraun sei uza ida-ne’e atu ajuda Ita prenxe formuláriu impostu no superannuation kuandu Ita fila ba Austrália.

• informasaun kona-ba Ita-nia konta bankária ne’ebé loke hela iha Austrália, no Ita-nia kartaun bankária no númeru identifikasaun pesoál (PIN) atu uza kartaun ne’e.

4 Ita-nia empregadór ne’ebé hetan aprovasaunMensajen importante sira:

• Ita-nia empregadór ne’ebé hetan aprovasaun mak Ita-nia empregadór (ka patraun) ne’ebé organiza Ita-nia billete aviaun, hela-fatin, apoiu emosionál ka espirituál, no selu Ita-nia saláriu.

• Ita labele simu serbisu husi ema seluk durante Ita hela iha Austrália.• Se Ita mak serbisu-na’in ne’ebé fila ba Austrália, keta haluha atu lori Ita-nia númeru prosesu

impostu nian (Tax File Number) no informasaun kona-ba Ita-nia konta bankária ne’ebé loke hela iha Austrália.

4.1 Liafuan, Empregadór Ne’ebé Hetan Aprovasaun, Katak Sá?Tuir Programa Traballadór Sazonál nian, empregadór ne’ebé hetan aprovasaun mak kompañia ne’ebé direita emprega Ita, no selu Ita-nia saláriu. Empregadór ne’ebé hetan aprovasaun iha kontratu ne’ebé asina ho Governu Austrália. Dala ruma Ita-nia empregadór ne’ebé hetan aprovasaun mak hanesan to’os-na’in ne’ebé fó Ita serbisu atu kultiva sabraka, ka otél ne’ebé fó Ita serbisu atu hamoos kuartu sira, ka kompañia ne’ebé fó aluga serbisu-na’in ne’ebé fó Ita serbisu iha to’os oioin. Maski Ita-nia empregadór ne’ebé hetan aprovasaun mak husi kompañia saida de’it, sira hotu tenke kaer responsabilidade sira-ne’ebé hanesan.

4.2 Tuir Programa Ne’e, Ita-Nia Empregadór Ne’ebé Hetan Aprovasaun Iha Responsabilidade Saida De’it?Tuir Programa Traballadór Sazonál nian, empregadór ne’ebé hetan aprovasaun iha responsabilidade oioin. Ita bele halo de’it serbisu ba empregadór (patraun) ne’ebé hetan aprovasaun, no labele buka serbisu seluk.Importante katak Ita hatene Ita-nia empregadór ne’ebé hetan aprovasaun nia responsabilidade sira, entaun lee didi’ak lista tuirmai. Empregadór ne’ebé hetan aprovasaun iha responsabilidade atu:

• fó Karta-de-Oferta ba Ita• rezerva no selu Ita-nia billete aviaun bá-mai antes Ita-nia viajen no ko’a osan ho prestasaun husi

Ita-nia saláriu atu selu fali osan ne’e ne’ebé liu A$500• lori Ita husi aeroportu iha Austrália ba Ita-nia hela-fatin• emprega Ita hodi halo tuir Austrália nia lei serbisu nian• selu Ita-nia saláriu hodi halo tuir Austrália nia lei serbisu nian• arranja Ita-nia apólise-seguru• arranja atu fó instrusaun bainhira Ita foin to’o iha Austrália• apoia Ita-nia presiza emosionál no espirituál nian no ajuda Ita atu sai toman hela iha Austrália

Se Ita manán osan tuir montante husi Ita-nia serbisu, ne’e dehan katak:• Ita, nu’udar serbisu-na’in ne’ebé iha kapasidade atu halo serbisu refere, baibain Ita bele manán

osan 15% (ka liu) liu fali serbisu-na’in ne’ebé simu saláriu mínimu tuir taxa oras nian.• empregadór tenke inklui katak Ita simu osan tuir montante husi Ita-nia serbisu iha Ita-nia

kontratu, no Ita, nu’udar serbisu-na’in, no empregadór tenke asina kontratu ne’e.Importante: Se Ita tuir kontratu manán osan tuir montante husi Ita-nia serbisu, ne’e dehan katak Ita manán osan depende ba rezultadu husi Ita-nia serbisu. Tan ne’e, Ita la iha direitu atu simu osan tuir taxa oras mínimu, taxa loron mínimu, ka taxa semana mínimu sira. Se Ita mak serbisu hodi tuir montante husi Ita-nia serbisu, karik Ita labele simu osan estra tanba serbisu iha oras la’ós baibain nian, osan estra tanba serbisu oras estra, no osan atu hola hahán. Serbisuna’in tempu-tomak no tempu-balun iha direitu seluk tan (hanesan tempu feriadu), no dala ruma serbisu-na’in ne’ebé tuir montante husi sira-nia serbisu mós iha direitu sira-ne’e, maibé sira tenke sai mós serbisu-na’in tempu-tomak ka tempu-balun, la’ós serbisu-na’in kasuál.

5 Kontratu ho empregadórMensajen importante sira:

• Ita-nia taxa saláriu no kontratu sei depende ba Ita serbisu iha sektór ida ne’ebé. Ita-nia empregadór ne’ebé hetan aprovasaun sei fó informasaun ne’e liuhusi Ita-nia Karta-de-Oferta.

• Se Ita hetan problema iha serbisu-fatin, importante atu ko’alia ho Ita-nia patraun atu resolve problema ne’e. Se la bele rezolve, Ita bele kontakta Liña Informasaun Programa Traballadór Sazonál nian, Fair Work Ombudsman, ka Ita-nia sindikatu se Ita sai membru ida.

5.1 Taxa Saláriu NianTuir Austrália nia lei, serbisu-na’in tenke simu saláriu tuir taxa oras nian, katak tuir oras hira ne’ebé sira serbisu; ka tuir taxa montante husi sira-nia serbisu. Simu saláriu tuir montante husi Ita-nia serbisu, dehan katak Ita simu osan depende ba rezultadu husi Ita-nia serbisu. Porezemplu, Ita manán osan tuir kaixa hira mak Ita halo nakonu ho ai-fuan. Serbisu oioin iha taxa saláriu oioin, no dala ruma Ita manán osan barak liu kuandu Ita halo serbisu iha kalan ka findesemana.Dala ruma taxa saláriu mínimu tuir ‘prémiu’ (award) husi governu. Prémiu mak dokumentu legal ne’ebé esplika serbisu-na’in nia direitu sira no taxa saláriu mínimu. Porezemplu, serbisu-na’in ne’ebé ku’u ai-fuan bele buka-hetan sira-nia taxa saláriu nian iha 2010 Prémiu Hortikultura (Horticultural Award 2010). Ita bele uza kalkuladora espesiál iha internét atu sura Ita-nia taxa saláriu nian iha, calculate.fairwork. gov.au/findyouraward Se lae, Ita bele xamada ba Fair Work Ombudsman hodi dere 13 13 94.

5.2 Hetan Saláriu Tuir Montante Husi Ita-Nia SerbisuKarik Ita-nia patraun hakarak selu Ita-nia saláriu “tuir montante husi Ita-nia serbisu”, duké taxa oras nian ka taxa semana nian. Empregadór iha sektór balun de’it mak bele halo kontratu ho serbisu-na’in hodi fó saláriu tuir montante husi sira-nia serbisu: porezemplu, sektór ne’ebé serbisu-na’in ku’u aifuan bele, só de’it sira tuir matadalan husi 2010 Prémiu Hortikultura.Serbisu-na’in manán osan tuir montante husi sira-nia serbisu. Porezemplu, serbisu-na’in ida-ne’ebé ku’u ai-fuan simu saláriu depende ba balde ai-fuan hira mak nia ku’u. Se Ita-nia empregadór hakarak selu Ita-nia saláriu tuir montante husi Ita-nia serbisu, sira tenke hakerek ne’e iha Ita-nia Karta-de-Oferta. Se Ita simu saláriu tuir montante husi Ita-nia serbisu no Ita halo serbisu neineik, Ita-nia saláriu sei menus kompara ho sira ne’ebé simu saláriu tuir taxa oras nian. Dala ruma Ita sei serbisu neineik tanba Ita sei aprende hela halo serbisu ruma, ka tanba udan ka tanba rai-manas. No mós, se Ita la halo serbisu ba loron ida ka loron balu tanba Ita moras ka udan tau ka razaun seluk, entaun Ita la simu osan ba loron sira-ne’e tanba Ita la serbisu.Ezemplu: Johnson and Johnson Orchards

Señor Johnson mak to’os-na’in ne’ebé kultiva sabraka, no nia mak patraun ne’ebé hetan aprovasaun tuir Programa Traballadór Sazonál nian. Nia hakarak fó serbisu ku’u ai-fuan ba Maria, ho kontratu hetan saláriu tuir montante husi Maria nia serbisu. Maria nia taxa saláriu mínimu hakerek tiha iha 2010 Prémiu Hortikultura.Señor Johnson hakarak selu Maria tuir kaixa sabraka hira mak nia ku’u. Tuir 2010 Prémiu Hortikultura, serbisu-na’in ne’ebé simu saláriu tuir montante husi sira-nia serbisu tenke manán osan 15% (ka liu) liu fali serbisu-na’in ne’ebé simu saláriu mínimu tuir taxa oras nian, se sira iha kapasidade atu halo serbisu ne’e.Señor Johnson husu Maria atu aseita no asina kontratu ne’ebé inklui simu saláriu tuir montante husi Maria nia serbisu. Maria hanoin kle’an kona-ba kontratu ne’e no deside katak nia loloos bele manán osan 15% (ka liu) liu fali serbisu-na’in ne’ebé simu saláriu mínimu tuir taxa oras nian. Entaun, nia aseita atu simu osan tuir montante husi ninia serbisu duké simu osan tuir taxa oras nian, no sira na’inrua asina kontratu ne’ebé inklui buat ne’e.Señor Johnson hatene katak osan ne’ebé serbisu-na’in hanesan Maria simu la hanesan loron ba loron, tanba ne’e depende ba buat barak ne’ebé bele muda, hanesan rai manas ka malirin, udan tau ka lae, ai-fuan boot ka ki’ik, ai-hun aas ka badak, no buat seluk tan. Se Maria ka Señor Johnson hakarak troka ka muda buat ruma iha Maria nia kontratu, entaun Señor Johnson tenke hakerek mudansa ne’e iha Maria nia kontratu, no sira na’in-rua tenke asina fali kontratu ne’e.Antes Ita asina kontratu kona-ba simu saláriu tuir montante husi Ita-nia serbisu, importante tebes atu kompara nanis saláriu ne’ebé tuir taxa oras nian. Se Ita iha dúvida kona-ba ida-ne’e, kontakta Ita-nia empregadór ne’ebé hetan aprovasaun, ka se Ita hakarak husu ajuda atu buka hatene taxa oras nian ida-ne’ebé mak loos, xamada ba Fair Work Ombudsman hodi dere 13 13 94.

5.3 Oras SerbisuTuir Programa Traballadór Sazonál nian, iha semana ida nia laran, Ita-nia empregadór tenke fó Ita serbisu ba oras 30 ka liu. Ne’e la dehan katak Ita halo serbisu ba oras 30 kada semana, dala ruma serbisu sei la to’o ka liu oras 30. No mós, Ita-nia empregadór labele husu Ita atu serbisu ba oras 38 liu iha semana ida nia laran se la iha razaun ne’ebé “loos”.Razaun ne’ebé “loos” depende ba udan ka lae, rai manas ou rai malirin ka lae, ema nia saúde, serbisu ne’e seguru ka lae, empregadór nia presiza, serbisu-na’in sei simu osan estra tanba serbisu oras estra, no buat seluk tan. Karik serbisu-na’in ida-ne’ebé manán osan tuir montante husi ninia serbisu hakarak serbisu oras estra atu manán osan barak liu. Ita tenke simu osan ba serbisu hotu ne’ebé Ita halo, inklui treinamentu no enkontru durante oras serbisu nian.Tempu deskansa permite ba traballadór ba tempu badak durante oras serbisu nian. Tempu han mak tempu kle’ur uitoan ba serbisu-na’in atu deskansa no han. Prémiu husi governu fó-sai informasaun kona-ba serbisu-na’in nia tempu deskansa no tempu han, inklui kona-ba empregadór selu ka la selu ba tempu deskansa, tempu deskansa mak minutu hira, no matadalan kona-ba bainhira serbisu-na’in bele deskansa.Sujestaun: Se Ita serbisu tuir taxa oras nian, hakerek iha diáriu oras hotu ne’ebé Ita serbisu (porezemplu, 17 Maiu – serbisu 7:30 dadeer to’o 4:30 lokraik ho tempu han no deskansa minute 30). Se Ita serbisu tuir taxa montante husi Ita-nia serbisu, hakerek iha diáriu serbisu/montante hotu ne’ebé Ita halo (porezemplu, 17 Maiu – ku’u masán hamutuk balde neen). Karik Ita bele hola diáriu ki’ikoan ne’ebé bele lori iha bolsu laran atu hakerek kona-ba Ita-nia serbisu.

5.4 Ita-Nia Kontratu No SaláriuLiuhusi Programa Traballadór Sazonál nian Ita bele manán osan no aprende matenek foun. Karik, Ita bele manán osan barak liu fali osan iha Ita-nia rain, maibé Ita tenke uza didi’ak osan ne’e. Dala ruma Ita sei la serbisu ba oras 30 iha semana ida nia laran. Porezemplu, iha sektór agrikultura, iha semana ida karik Ita serbisu ba oras 30 ka liu, maibé semana tuir mai ita la serbisu tanba udan tau, ka seidauk tempu loos atu ku’u ai-fuan ruma. La bele hanoin katak Ita sei sempre serbisu ba oras 30 kada semana. Ita-nia empregadór iha responsabilidade atu fó serbisu ne’ebé ho média oras 30 por semana (ka liu), ba tempu ne’ebé Ita hela no serbisu iha Austrália.Entaun, Ita tenke halo planu orsamentál atu nune’e Ita sei iha osan atu hola ai-han, selu ba akomodasaun no gastu importante seluk tan (haree kapítulu 11 atu hetan informasaun seluk tan kona-ba planu orsamentál).

5.5 Tipu Traballo SiraIha tipu traballo oin tolu ih Austrália.

• Serbisu tempu-tomak dehan katak sei serbisu ba oras 38 iha semana ida nia laran no hetan benefísiu hanesan simu saláriu durante tempu feriadu.

• Serbisu tempu-balun dehan katak sei serbisu menus oras 38 iha semana ida nia laran no sei simu benefísiu ne’ebé hanesan maibé depende ba oras ne’ebé sira serbisu.

• Serbisu kasuál dehan katak bele serbisu ba oras naran-de’it iha semana ida nia laran no sira hetan taxa saláriu ne’ebé aas liu, maibé sira la hetan benefísiu sira.

Ita-nia Karta-de-Oferta tenke hatete se Ita mak serbisu-na’in tempu-tomak, tempu-balun, ka kasuál. Se Ita iha duvidas, husu de’it ba Ita-nia patraun ne’ebé hetan on aprovasaun.

5.6 FeriaduSe Ita mak serbisu-na’in ba tempu-tomak ka tempu-balun, Ita sei simu saláriu durante tempu feriadu no durante tempu moras.

Serbisu-na’in ba tempu-tomak tenke simu feriadu hamutuk semana haat no tempu la serbisu tanba razaun pesoál (hanesan moras) hamutuk loron 10 kada tinan; no sira tenke foti feriadu hotu ka balun kada tinan. Ba serbisu-na’in ba tempu-balun, sira-nia tempu feriadu no tempu la serbisu tanba razaun pesoál sei depende ba oras hira ne’ebé sira serbisu. Porezemplu, se Ita serbisu ba fulan neen, entaun Ita sei simu feriadu hamutuk semana rua no tempu la serbisu tanba razaun pesoál hamutuk loron lima. Ita bele hetan informasaun ne’e iha Ita-nia Karta-de-Oferta. Serbisu-na’in kasuál la simu saláriu iha tempu feriadu ka tempu la serbisu tanba razaun pesoál, maibé sira hetan taxa saláriu ne’ebé aas liu.

5.7 Férias PúblikuAustrália iha férias públiku tuirmai: Loron Tinan Foun, Loron Austrália nian, Sesta-feira Santu, Segunda-feira Páskua, Loron Anzac, Liurai-feto nia Loro-tinan, Natál, Boxing Day (Loron ne’ebé tuir Natál) no estadu ida-ida iha férias públiku seluk tan. Se Ita serbisu iha férias públiku, baibain Ita simu taxa saláriu aas liu ba loron ne’e.

5.8 Tempu Deskansa Atu HanBaibain serbisu-na’in simu minutu 30 kada oras lima atu bele han, maibé sira la simu saláriu ba tempu deskansa atu han ne’e.

5.9 Ita-Nia Serbisu-Fatin No Kondisaun Iha Serbisu-FatinSerbisu barak liu sei halo iha liur maski rai-manas ka malirin, udan ka la udan. Ita-nia empregadór ne’ebé hetan aprovasaun tenke garante katak:

• Ita-nia serbisu-fatin sempre seguru no saúdavel• Ita-nia mákina no ekipamentu ne’ebé Ita uza nafatin seguru• Ita iha lovas, sapatu seguru nian ka roupa no sasán ne’ebé Ita presiza atu bele serbisu ho seguru

iha serbisu-fatin• Ita iha sentina, fasilidade fase liman, primeiru sokorru, deskansa fatin no asesu ba bee-hemu

ne’ebé fresku iha to’os ne’ebé Ita serbisu ba.Ita-nia empregadór ne’ebé hetan aprovasaun no to’os-na’in ne’ebé Ita serbisu ba tenke garante katak:

• Ita simu instrusaun ne’ebé klaru kona-ba Ita-nia knaar no oinsá atu halo knaar ne’e ho seguru, no Ita hatene Ita bele ko’alia ba sé se karik problema mosu

• Ita komprende no halo tuir instrusaun kona-ba matadalan seguru nian• Ita komprende no halo tuir lei seguru no saúdavel iha serbisu-fatin, Ita lalika tau Ita-nia an ka

ema seluk nia an iha perigu laran tanba razaun naran de’it• Ita komprende kona-ba sinál sira iha serbisu-fatin katak sá hodi Ita bele serbisu ho seguru.

Importante tebes katak Ita:• matan-moris ba Ita rasik no ema seluk nia seguru no saúdavel iha serbisu-fatin• kuidadu kuandu uza ekipamentu ne’ebé iha perigu ruma• halo tuir matadalan kona-ba uza ekipamentu ruma.

Se Ita presiza informasaun liután kona-ba seguru no saúdavel iha serbisu-fatin, Safe Work Australia bele ajuda Ita buka-hetan ajénsia iha Ita-nia estadu ne’ebe bele ajuda. Ita bele kontakta Safe Work Australia hodi dere 1300 551 832 ka email info@swa.gov.au Se Ita haree buat ruma ne’ebé iha perigu ruma, importante atu fó-hatene Ita-nia líder ba ekipa serbisu nian ka patraun ne’ebé hetan aprovasaun.

5.10 Ita-Nia Direitu Iha Serbisu-Fatin No Hasai Husi SerbisuIta-nia empregadór ne’ebé hetan aprovasaun tenke hatudu hahalok di’ak no labele hasai Ita husi serbisu tanba razaun hanesan:

• se Ita membru husi sindikatu ida• Ita-nia rasa ka relijiaun, se Ita isin-rua, se Ita kaben ona ka lae, ka Ita mak mane ka feto• se Ita husu Ita-nia patraun kona-ba Ita-nia kontratu• se Ita kesar ba Fair Work Ombudsman, Department of Immigration and Border Protection,

Department of Employment ka ajénsia seguru no saúdavel iha serbisu-fatin nian ida.

5.11 Informasaun Seluk Tan No Ajuda Husi DurubasaIta bele kontakta Fair Work Ombudsman hodi dere 13 13 94 se:

• Ita iha pergunta kona-ba Ita-nia situasaun iha serbisu-fatin• Ita sente katak Ita la simu buat ne’ebé Ita iha direitu atu simu.

Ita bele xamada ba Fair Work Ombudsman iha loron-segunda to’o sesta entre tuku 8.00 dadeer to’o 6.00 lokraik. Ita mós bele loke Fair Work Ombudsman nia sítiu iha internét iha: www.fairwork.gov.au. Se Ita presiza durubasa kuandu kontakta Fair Work Ombudsman, Ita bele kontakta Translating and Interpreting Service (TIS) hodi dere 13 14 50.

5.12 Rezolve ProblemaSe Ita hetan problema iha serbisu-fatin, ulukliu koko atu rezolve problema ne’e hodi ko’alia ba Ita-nia líder ba ekipa serbisu nian, ka patraun ne’ebé hetan aprovasaun, ka empregadór (katak kompañia) ne’ebé hetan aprovasaun. Baibain Ita-nia patraun ne’ebé hetan aprovasaun bele ajuda Ita atu resolve

problema sira ne’ebé mosu, ka buka-hetan ema seluk ne’ebé bele ajuda. Se Ita hakarak ko’alia ho ema seluk, Ita tenke fó-hatene Ita-nia patraun ne’ebé hetan aprovasaun katak Ita koko tiha ona atu rezolve problema ne’e, maibé Ita presiza ko’alia ho ema seluk tan.Se Ita hanoin katak Ita-nia patraun kontra kritériu ruma, porezemplu, la mantein serbisu-fatin seguru, Ita bele xamada ba Liña Informasaun Programa Traballadór Sazonál nian hodi dere (02) 6240 5234 atu husu ajuda.Kona-ba asuntu seguru no saúdavel iha serbisu-fatin, ajénsia seguru no saúdavel iha serbisu-fatin ba Ita-nia estadu ka territóriu bele halo investigasaun. Se iha asuntu kona-ba Ita-nia saláriu, Ita bele kontakta Fair Work Ombudsman, ka Liña Informasaun Programa Traballadór Sazonál nian, ne’ebé sei liga Ita ho Fair Work Ombudsman. Se Ita mak membru husi sindikatu ida, Ita bele ko’alia ba Ita-nia sindikatu. Reprezentate lokál husi Ita-nia rain nia governu mós bele fó ajuda. Bainhira Ita to’o iha Austrália, ema sei fó Ita informasaun kona-ba reprezentante sira-ne’e.

6 Sindikatu siraMensajen importante sira:

• Iha Austrália sindikatu iha objetivu atu proteje serbisu-na’in nia direitu sira.• Ita bele hili atu sai membru husi sindikatu ida ka lae.

6.1 Sindikatu Sira Iha AustráliaIha Austrália sindikatu sira mak organizasaun voluntáriu sira-ne’ebé reprezenta serbisu-na’in nia direitu sira. Sindikatu sira ko’alia ba empregadór sira kona-ba ema nia saláriu, serbisu-fatin nia lei sira, no serbisu-na’in nia feriadu no tempu la bele serbisu tanba razaun pesoál no buat seluk tan hanesan ne’e. Se Ita iha problema iha serbisu-fatin, no Ita mak membru husi sindikatu ida, sindikatu ne’e bele reprezenta Ita.Se Ita hili atu sai membru husi sindikatu ida, Ita tenke selu osan ba sindikatu ne’e kada semana ka kada fulan. Sai membru husi sindikatu, ne’e Ita mak hili. Ita-nia patraun sei arranja ba reprezentante husi sindikatu atu ko’alia ho Ita durante Ita-nia instrusaun depois-de chegada nian, ka se ne’e la bele, nia sei fó informasaun kona-ba sindikatu sira, no fó-hatene oinsá mak Ita bele sai membru se Ita hakarak nune’e.Oinsá mak sindikatu sira la hanesan ho Fair Work Ombudsman?Fair Work Ombudsman fó ajuda ba empregadór no serbisu-na’in hotu iha Austrália no sira lalika selu ba ajuda ne’e. Fair Work Ombudsman nia knaar mak fó informasaun no konsellu kona-ba direitu sira no responsabilidade sira iha serbisu-fatin, no atu halo investigasaun se ema ida kontra Austrália nia lei kona-ba serbisu-fatin. Empregadór no serbisu-na’in hotu-hotu bele hetan ajuda ne’e tanba Fair Work Ombudsman la serbisu atu apoia ema ida ka kompañia ida nia hakarak. Ne’e la hanesan sindikatu sira ne’ebé bele reprezenta serbisu-na’in ida.

7 OsanMensajen importante sira:

• Austrália nia osan inklui dollar (dólar) no cent (sentavo).• Dollars (dólar sira) inklui osan-besi no osan-tahan, cents (sentavos) inklui osan-besi de’it.

7.1 Osan Austrália Nian – Osan-TahanAustrália nia osan inklui ‘dollars’ no ‘cents’. Iha Austrália, osan-tahan ne’ebé ki’ik liu mak dólar lima. Osan-tahan ne’ebé boot liu mak dólar atus-ida.

Ne’e mak osan-tahan Australianu $5. Ita bele uza $5 atu hola jornál ida, ka paun ho keju (sanduixe), ka billete bis ka kamboiu ida.

Ne’e mak osan-tahan Australianu $10. Ita bele uza $10 atu hola na’an-bife ka na’an-manu falun ida iha supermerkadu, kartaun telefone ka telemovel ida, ka hemu ida no sanduixe iha restaurante ki’ik ida.Ne’e mak osan-tahan Australianu $20. Ita bele uza $20 atu hola kamizola ida ka sasán ki’ik ne’ebé uzadu (sekon), ne’ebé bele uza iha uma laran hanesan xaleira, estrika ka lensól.

Ne’e mak osan-tahan Australianu $50. Ita bele uza $50 atu hola kolxaun ne’ebé uzadu ne’ebé ema privadu mak fa’an, kartaun telemovel, ka sapatu desportu nian.

Ne’e mak osan-tahan Australianu $100. Ita bele uza $100 atu hola meza no kadeira sira ne’ebé uzadu iha loja ne’ebé fa’an sasán uzadu sira, ai-han ba semana ida, ka biskeleta uzadu ne’ebé di’ak hela.

7.2 Osan Austrália Nian – Osan-BesiAustrália iha osan-besi hanesan sentavos 5, 10, 20 no 50, no $1 no $2. Osan-besi ne’ebé ki’ik liu mak sentavos lima. Sentavos 100 mak hanesan dólar ida. Osan-besi ne’ebé boot liu mak dólar rua.

8 Informasaun kona-ba Ita-nia boletin saláriuMensajen importante sira:

• Ita-nia empregadór tenke fó Ita boletin saláriu iha períodu pagamentu ida-ida, atu hatudu Ita hetan osan hira. Boletin ne’e tenke hatudu osan hira mak empregadór ko’a husi Ita-nia saláriu.

• ‘Gross income’ mak osan hira Ita manán antes patraun ko’a gastu no impostu ruma.• ‘Net income’ mak osan hira ne’ebé Ita simu.• Se Ita la komprende Ita-nia boletin saláriu, ka osan ne’ebé ko’a husi Ita-nia saláriu, husu to’ok

Itania patraun ne’ebé hetan aprovasaun.

8.1 Esplikasaun Kona-Ba Ita-Nia Boletin SaláriuIha loron Ita simu Ita-nia saláriu ka iha loron tuirmai, Ita tenke simu Ita-nia boletin saláriu. Ita-nia boletin saláriu mak surat-tahan ida-ne’ebé importante tebes ne’ebé hatudu osan hira mak Ita simu no osan hira mak ko’a husi Ita-nia saláriu. Ita-nia boletin saláriu sei iha liafuan “gross” no “net”. Liafuan Gross hatudu osan hira Ita manán antes patraun ko’a gastu no impostu ruma – ne’e la’ós osan ne’ebé Ita simu.Liafuan Net hatudu osan hira Ita manán depois patraun ko’a tiha gastu no impostu ruma. Pagamentu net mak montante osan ne’ebé patraun sei transfere ba Ita-nia konta bankária. Ita-nia boletin saláriu tenke inklui Ita-nia empregadór nia naran, sira-nia Australian Business Number (ABN), Ita-nia taxa saláriu nian, no osan hira mak Ita manán.Se Ita-nia saláriu tuir taxa oras nian, ida-ne’e sei inklui Ita-nia saláriu por oras. Se Ita-nia saláriu tuir montante husi Ita-nia serbisu, Ita-nia boletin saláriu sei inklui “balde” hira mak Ita halo nakonu (porezemplu, Ita ku’u sabraka atu halo nakonu balde sabraka hira, ka Ita ko’a sanak husi ai-hun hira), no mós taxa por balde ka taxa por ai-hun.Iha Ita-nia boletin saláriu nia parte kraik, sei iha pagamentu totál, ne’ebé inklui:

• osan estra ne’ebé Ita simu (karik Ita simu osan estra ne’e tanba Ita serbisu iha findesemana ka férias públiku)

• data ne’ebé Ita simu saláriu• informasaun kona-ba osan ne’ebé empregadór ko’a atu selu gastu ruma no superannuation.

Importante tebes: Haree didi’ak Ita-nia boletin saláriu. Se Ita la komprende buat ruma ne’ebé hakerek iha Ita-nia boletin saláriu, Ita tenke husu Ita-nia patraun. Ita-nia patraun sei kontente kuandu Ita husu pergunta ba sira, tanba nia hakarak Ita atu hatene ho klaru kona-ba buat hotu.

9 Osan ne’ebé ko’aMensajen importante sira:• Ita tenke selu gastu barak atu bele tuir Programa Traballadór Sazonál nian.• Ita-nia empregadór ne’ebé hetan aprovasaun bele selu gastu balun (hanesan billete aviaun,apólise-seguru no akomodasaun) no tuirmai ko’a osan husi Ita-nia saláriu. Hanesan ne’e sei saifasil liu ba Ita atu uza didi’ak Ita-nia osan.• Ita-nia empregadór ne’ebé hetan aprovasaun bele ko’a osan sei Ita konkorda arranju ne’e hodiasina surat ruma.

• Ita bele troka arranju ko’a osan nian iha tempu naran de’it. Se iha mudansa Ita tenke hakerekmudansa ne’e no asina surat ne’e. Maibé, Ita labele muda arranju atu ko’a osan atu selu Ita-niabillete aviaun.

9.1 Informasaun Kona-Ba Ko’a OsanArranju atu ko’a osan sei ajuda Ita, liuliu atu uza didia’k Ita-nia osan. Ita-nia patraun bele selu buat ruma ba Ita, no depois ko’a osan husi Ita-nia saláriu atu Ita bele selu fali osan ne’e. Patraun labele ko’a osan husi Ita-nia saláriu se Ita la fó lisensa no asina surat konaba ne’e. Patraun bele ko’a osan atu selu fali buat ruma hanesan billete aviaun, apólise-seguru, no akomodasaun.Se ko’a osan atu selu fali buat ruma, buat ida-ida tenkesér:

• hakerek no asina iha surat ruma ne’ebé inklui osan hira ne’ebé patraun sei hako’a no se nia sei hako’a osan kada semana, kada semana rua, ka tuir planu seluk

• hakerek iha boletin saláriu.Se Ita apoia katak Ita-nia empregadór ne’ebé hetan aprovasaun bele ko’a osan husi Ita-nia saláriu, rai kontratu ne’e iha fatin seguru no hakerek iha diáriu osan hira ne’ebé nia ko’a kada periode pagamentu nian.

9.2 Informasaun Liután Kona-Ba Ko’a OsanInformasaun iha kraik inklui informasaun liután kona-ba buat ne’ebé patraun bele hako’a osan atu selu ba. Importante katak Ita hatene tansá mak patraun hako’a osan, no osan ne’e atu selu ba saida de’it. Se Ita la komprende, ko’alia kedas ho Ita-nia patraun ne’ebé hetan aprovasaun. Pagamentu ‘gross’ mak Ita-nia saláriu antes empregadór ko’a osan. Pagamentu ‘net’ mak Ita-nia saláriu depois ko’a osan, ne’e mak osan ne’ebé Ita simu.Impostu: Ema hotu ne’ebé serbisu iha Austrália tenke selu osan balu husi sira-nia saláriu ba Governu Austrália, ida-ne’e mak hanaran ‘impostu’. Governu Austrália iha arranju espesiál ba Programa ne’e hodi Ita-nia taxa impostu mak menus. Ita tenke selu impostu hamutuk sentavos 15 kada dollar ida ne’ebé Ita manán. Ita-nia patraun ne’ebé hetan aprovasaun sei ko’a osan ne’e atu selu impostu ne’e.Haree kapítulu 10 kona-ba ‘Impostu no Superannuation’ atu hetan informasaun liután. Billete aviaun: Ita-nia empregadór sei hola Ita-nia billete aviaun internasionál no nasionál, no nia sei kontribui A$500 ba billete (sira-)ne’e. Ita-nia empregadór sei hako’a osan husi Ita-nia saláriu ba semana balun atu Ita bele selu fali osan restu husi Ita-nia billete aviaun internasionál no nasionál. Porezemplu, se empregadór selu nanis A$1100 ba Ita-nia billete aviaun bá-mai Ita-nia rain (internasionál) no A$200 bá-mai aeroportu internasionál no aeroportu besik serbisu-fatin (nasionál), ne’e dehan katak empregadór selu ona A$1300, maibé ita bele hamenus A$500 (empregadór nia kontribuisaun) hodi hetan restu (A$800) ne’ebé Ita tenke selu fali hodi ko’a osan husi Ita-nia saláriu durante semana balun. Ita-nia boletin saláriu sei inklui informasaun ne’e hotu.Akomodasaun: Ita tenke selu ba Ita-nia akomodasaun (aluga uma), maibé Ita-nia patraun bele arranja ida-ne’e ba Ita. Ita-nia empregadór sei selu nanis ba Ita-nia akomodasaun, no depois hako’a osan hodi Ita bele selu fali osan ne’e. Gastu ba akomodasaun labele karun liu, no akomodasun tenke kualidade di’ak.Transporte: Ita-nia patraun sei arranja transporte bá-mai Ita-nia serbisu-fatin no hela-fatin loronloron. Ita tenke selu ba Ita-nia gasta transporte ne’e, maibé, Ita-nia patraun sei arranja no selu transporte no depois hako’a osan ne’e husi Ita-nia saláriu.Apólise-seguru: Ita tenkesér hola apólise-seguru tanba ida-ne’e sei ajuda Ita atu uza didi’ak Ita-nia osan se karik Ita hetan moras ka kanek ruma iha Austrália. Ita-nia patraun sei hola Ita-nia apólises eguru. Ita tenkesér iha apólise-seguru durante tempu ne’ebé Ita hela iha Austrália maski Ita la hetan moras ida. Apólise-seguru karun, karik Ita tenke selu A$30 kada semana.Tansá mak di’ak atu iha apólise-seguru? Dala ruma buat aat bele mosu derrepente de’it. Kuandu Ita iha apólise-seguru, Ita selu osan uitoan kada semana no se karik Ita hetan moras ruma, Ita selu osan menus, hanesan A$10 duké A$70, atu bá konsulta.Gastu seluk ne’ebé Ita tenke selu: Ita tenke hola Ita-nia ai-han no gastu seluk hanesan eletrisidade no bee durante Ita hela iha Austrália. Karik, Ita-nia patraun sei arranja atu ko’a osan husi Ita-nia saláriu atu taka gastu sira-ne’e balu. Baibain, Ita bá hola Ita rasik nia ai-han.

10 Impostu no SuperannuationMensajen importante sira:

• Ema hotu ne’ebé halo serbisu iha Austrália tenkesér selu impostu.• Governu Austrália iha arranju espesiál ba hodi traballadór sazonál nia impostu mak menus.• Ita labele prenxe deklarasaun-de-impostu no Ita labele simu reembolsu.• Ita-nia empregadór sei selu Ita-nia superannuation ba Fundus ne’ebé hili tiha ona. Ita bele aplika

atu simu Ita-nia osan superannuation bainhira Ita fila ba Ita-nia rain, maibé Ita tenke selu impostu ba osan ne’e.

10.1 ImpostuEma hotu ne’ebé serbisu iha Austrália tenke selu osan balu husi sira-nia saláriu ba Governu Austrália, ida-ne’e mak hanaran ‘impostu’. Governu Austrália iha arranju espesiál ba Programa Traballadór Sazonál

nian, tan ne’e Ita-nia taxa impostu mak menus. Governu Austrália halo lei espesiál hodi traballadór sazonál iha Programa ne’e sei selu impostu sentavos 15 husi kada dollar ida ne’ebé Ita manán.Porezemplu, se Ita manán osan A$100, Ita tenke selu impostu A$15, no Ita sei simu A$85 iha Ita-nia saláriu. Se Ita manán osan A$1000, Ita tenke selu impostu A$150, no Ita sei simu A$850 iha Ita-nia saláriu antes empregadór ko’a osan. Ita-nia empregadór ne’ebé hetan aprovasaun sei hako’a osan atu selu Ita-nia impostu.Tuir arranju espesiál ne’e, Ita sei la prenxe deklarasaun-de-impostu no Ita labele simu reembolsu atu bele simu fali osan impostu nian balun. Maibé, arranju espesiál ne’e ajuda Ita atu simu osan barak liu.

10.2 SuperannuationArranju superannuation nian ajuda ema Austrália atu poupa osan ba tempu ne’ebé sira hetan reforma ka pensaun. Superannuation mak osan ne’ebé Ita-nia empregadór tenke rai ba Ita, ne’e osan ne’ebé sira aumenta ba Ita-nia saláriu, no baibain osan ne’e mak 9,5% (ka liu) husi Ita-nia saláriu. Durante tempu Ita serbisu iha Austrália, Ita-nia empregadór sei selu Ita-nia superannuation no sira bele ajuda Ita atu hili fundus superannuation ida.Sidadaun Austrália nian labele foti osan superannuation nian to’o sira hetan reforma ka pensaun. Tanba Ita la’ós sidadaun Austrália nian, bainhira Ita fila ba Ita-nia rain no Ita-nia vistu la válidu ona, Ita bele hetan osan superannuation ne’e. Ita bele prenxe formúlariu ida (‘Departing Australia Superannuation Form’), atu aplika ba Fundus Superannuation nian ida atu hatama Ita-nia osan superannuation ba konta bankária ida ka atu haruka xeke ida ba Ita.Ita selu impostu ba Ita-nia superannuation ho taxa 15%, no kuandu Ita fila ba Ita-nia rain no aplika atu simu osan ne’e, Ita selu impostu dala ida tan ho taxa 38%.

11 Uza didi’ak Ita-nia osanMensajen importante sira:

• Importante atu halo planu orsamentál atu bele poupa Ita-nia osan.• Iha dalan simples balu atu bele poupa osan.• Se hola sasán ki’ikoan barak, ikusmai Ita gasta osan barak.

11.1 Oinsá Atu Halo Planu OrsamentálImportante tebes atu aprende oinsá atu halo planu orsamentál atu Ita bele uza didi’ak Ita-nia osan no poupa osan atu lori fila fali ba Ita-nia rain. Iha kapítulu ida husi livru ne’e, Ita hakerek ona objetivu tolu ne’ebé Ita hakarak kumpre hodi tuir Programa Traballadór Sazonál nian. Ema barak ne’ebé uza didi’ak sira-nia osan bele harii uma, haruka oan ba eskola ka universidade, no halibur rikusoin oioin.Susar atu poupa osan, maibé ida-ne’e sai fasil liu se Ita halo planu orsamentál no tuir planu ne’e. Se Ita la halo planu orsamentál, karik Ita sei uza osan barak, maibé la hatene Ita uza osan ne’e ba saida de’it. Maski Ita hola sasán ki’ikoan, ikusmai Ita bele gasta Ita-nia osan hotu, liuliu bainhira Ita foin to’o no empregadór ko’a osan barak liu husi Ita-nia saláriu. Planu orsamentál sei ajuda Ita atu hatene se Ita gasta osan barak liu fali osan ne’ebé Ita manán ka se Ita gasta osan natoon. Planu orsamentál mós ajuda Ita hatene osan hira Ita tenke rai hela atu selu gastu sira no osan hira Ita bele poupa ba Ita-nia futuru. Ida-ne’e ajuda Ita atu hanoin didi’ak kona-ba osan ne’ebé Ita uza no osan ne’ebé Ita poupa. Oinsá atu uza didi’ak Ita rasik nia osan mak Ita rasik nia responsabilidade.Oinsá mak Ita bele halo planu orsamentál?Di’ak atu haree osan hira mak hatama tiha husi Ita-nia konta bankária iha Austrália, no osan hira mak hasai tiha. Ita-nia extratu bankáriu, resibu no nota-kompras sei ajuda Ita sura osan hira mak Ita tenke uza iha semana ida ka rua nia laran. Se Ita la iha resibu ka nota-kompras, ka kuandu presu husi buat ruma ne’ebé Ita selu kada semana muda beibeik, si’ik to’ok presu sira-ne’e.Depois, hanoin kona-ba gastu ne’ebé importante ba Ita-nia moris loloron nian no gastu ne’ebé ladún importante, ne’ebé karik Ita la presiza se karik Ita hakarak poupa osan barak liu.Halo tuir Ita-nia planu orsamentálRai Ita-nia planu orsamentál iha fatin seguru. Antes Ita bá supermerkadu ka loja ruma, lee fila fali Itania planu ne’e no deside Ita bele gasta osan hira, no laran-metin atu halo tuir Ita-nia desizaun. Di’ak atu lori kalkuladora bainhira bá kompras atu bele hatene Ita gasta osan hira. Karik ne’e han tempu uitoan, maibé ne’e sei ajuda Ita atu halo tuir Ita-nia planu orsamentál. Uza Ita-nia planu atu poupa osan atu hanoin-hetan Ita-nia objetivu sira. Di’ak atu hafoun Ita-nia planu orsamentál kada fulan hodi planu ne’e nafatin loos maski Ita-nia saláriu, gastu sira, ka planu kona-ba poupa osan muda beibeik. Kuandu Ita sai toman atu halo tuir Ita-nia planu orsamentál, entaun Ita bele hafoun planu ne’e kada fulan rua ka tolu de’it. Se Ita uza beibeik osan barak liu, halo fali planu orsamentál; se lae, bainhira Ita fila fali ba Itania rain, Ita sei la iha osan ka karik Ita sei deve osan ba ema seluk.Hetan ajuda atu halo planu orsamentálPlanu orsamentál mak ida-ne’ebé difisil liu atu halo, maibé sei sai fasil liu atu halo planu sira turmai. Di’ak se Ita koko to’ok atu halo mesak planu primeiru ne’e. Se bele, husu ajuda husi kolega ne’ebé Ita fiar ba, ne’ebé iha matenek kona-ba poupa osan. Ita bele sai matenek kona-ba halo planu orsamentál. Kuandu Ita sai toman atu halo planu orsamentál, Ita sei sai toman atu uza didi’ak Ita-nia osan no poupa osan.

11.2 Dalan Simples Balu Atu Poupa OsanIta bele poupa osan barak liu no halo planu orsamentál di’ak liu kuandu Ita halo mudansa ki’ikoan iha Ita-nia moris loloron nian. Halo tuir ideia tuirmai atu la gasta osan barak liu.La gasta osan barak liu iha supermerkaduTuirmai mak ideia kona-ba la gasta osan barak liu iha supermerkadu.

• Lori lista sasán ne’ebé Ita presiza hola, hanesan ne’e Ita sei la haluha buat ruma.• Tau osan ne’ebé Ita sei uza iha supermerkadu iha envelope (amplop), no kuandu bá to’o

supermerkadu keta lori osan seluk ka kartaun bankária, hanesan ne’e Ita sei la gasta osan demais.

• Uza ai-han hotu antes Ita bá hola ai-han seluk tan.• Han-hemu antes Ita bá to’o supermerkadu, hanesan ne’e Ita la hamlaha kuandu kompras no Ita

sei hamenus ai-han ne’ebé Ita hola.Buka kolega ne’ebé mós hakarak poupa osanSusar liu atu poupa osan kuandu Ita-nia kolega sira gasta osan arbiru de’it. Buka kolega ne’ebé mós hakarak poupa osan. Ita bele fó ideia di’ak ba malu, no mós kompara sé mak bele poupa osan barak liu.La gasta osan barak liu kuandu hola roupa ka sasán seluk

• Buka roupa no sasán baratu iha obralan (charity shops).• Se bele, impresta sasán ruma husi kolega duké hola sasán sira-ne’e.

Troka toman ida hodi la gasta osan barak liuHodi troka toman sira, Ita bele poupa osan barak. Hodi troka toman ida de’it, Ita mós bele poupa osan barak. Porezemplu:

• Para fuma ka hemu tua—Ita sei la gasta osan barak, no Ita-nia saúde sei sai di’ak liu.• Prepara Ita-nia han-meiudia no han-kalan iha uma, no la hola hahán husi restaurante sira.

Keta hola sasán ne’ebé Ita iha toman atu hola, ka hola uitoan de’it. Koko to’ok ideia balun ne’e konaba la gasta osan barak liu no haree rezultadu di’ak tanba Ita poupa osan barak liu.Poupa osan—Kumpre Ita-nia objetivuHalo planu atu kumpre Ita-nia objetivu—objetivu boot ka ki’ik, ka planu ba tempu badak ka kleur— ne’e bele halo Ita sente laran-ksolok. Karik Ita-nia objetivu mak buat simples hanesan la sai todan ba ema seluk ka poupa osan ba emerjénsia ne’ebé bele mosu iha aban bainrua. Maski Ita hasoru situasaun naran de’it, se Ita halo planu atu kumpre Ita-nia objetivu no komesa poupa osan beibeik, Ita bele kumpre Ita-nia objetivu sira. Di’ak atu hanoin kle’an kona-ba ida-ne’e, no hakerek Ita-nia objetivu balun.

• Objetivu saida mak importante liu ba Ita?• Ita sei presiza osan hira atu kumpre objetivu ne’e?• Bainhira mak Ita hakarak kumpre objetivu ne’e?

Halo planu atu poupa osan1. Hakerek lista ba razaun sira-ne’ebé Ita hakarak poupa osan, hanesan selu fali deve ba Ita-nia

oan nia edukasaun, hadi’a uma ka hahú negósiu ida. Kalkula osan hira ne’ebé Ita presiza no tempu hira ne’ebé presiza atu poupa osan ne’e.

2. Hakerek dalan sira-ne’ebé Ita bele poupa osan atu kumpre objetivu ne’e.3. Hakerek ka print Ita-nia planu atu poupa osan no tau iha fatin ne’ebé Ita bele lee planu ne’e

loron-loron. Ida-ne’e sei ajuda Ita atu kumpre duni Ita-nia objetivu.Rai osan ba emerjénsiaMaski Ita iha objetivu oioin, di’ak mós atu rai hela osan balu ba emerjénsia ne’ebé bele mosu. Rai ‘osan emerjénsia nian” iha fatin seluk husi osan ne’ebé Ita poupa. Keta haluha atu uza de’it osan ne’e kuandu iha emerjénsia, no tau fali osan ne’ebé uza ona ba emerjénsia ida.Tuir loloos, la kusta atu poupa osan. Maibé importante atu komesa agora kedas ho osan uitoan. Halo planu atu kumpre Ita-nia objetivu, no mós halo planu atu poupa osan no komesa halo Ita-nia mehi sai ona realidade.Uza Ita rasik nia osanIta bele uza ‘kartaun débitu’ (debit card), duké uza ‘kartaun kréditu (credit card), atu selu ka hola buat ruma, Maibé sei iha perigu ruma kuandu Ita uza kartaun débitu.Saida mak kartaun débitu?Kuandu Ita selu ka hola buat ruma hodi uza kartaun débitu, negósiu ida sei hasai osan husi Ita-nia konta bankáriu. Se osan iha Ita-nia konta bankáriu la to’o atu selu, entaun Ita la bele hola buat ne’ebé Ita hakarak hola ne’e. Kartaun débitu uza de’it osan ne’ebé Ita iha, maibé kartaun kréditu uza osan ne’ebé Ita seidauk iha no Ita bele selu fali osan ne’e iha aban bainrua. Hodi uza kartaun débitu Ita la hetan deve ne’ebé Ita tenke selu fali iha futuru.Tipo kartaun débitu ida-ne’ebé ema barak uza mak kartaun ATM ka EFTPOS. Ita bele uza kartaun ne’e atu hasai osan husi mákina ATM, depois uza osan ne’e atu hola buat ruma. Kartaun débitu mak kartaun ne’ebé Ita uza atu hasai Ita-nia osan husi Ita-nia konta bankária.Bankária ida-ida uza naran oioin ba sira-nia kartaun débitu. Ita bele husu Ita-nia bankária kona-ba sira-nia kartaun débitu.Kartaun débitu ne’ebé la iha PIN no lalika asinaLoja barak la presiza Ita atu uza PIN kuandu Ita uza Ita-nia kartaun débitu atu hola sasán (hanesan ai-han) ne’ebé iha folin A$100 ba kraik. Negósiu sira-ne’e bele hasai osan husi Ita-nia konta bankáriu kuandu sira dere ka kose Ita-nia kartaun ba sira-nia mákina leitór-kartaun.

Se Ita iha dúvida kona-ba métodu foun atu selu ne’e, Ita bele husu informasaun husi Ita-nia bankária. Sira bele fó-hatene kona-ba negósiu sira-ne’ebé bele uza métodu ne’e.Taxa no sobretaxaIha konta bankária barak ne’ebé Ita lalika selu atu uza Ita-nia kartaun débitu ba dala balun kada fulan, maibé depois ne’e Ita tenke selu sobretaxa dala ida dala ida Ita uza kartaun ne’e. Sobretaxa ne’e sei depende ba Ita uza kartaun débitu atu selu liuhusi internét, ka ATM, ka EFTPOS, ka iha bankária laran. Husu Ita-nia bankária kona-ba taxa atu selu buat ruma ka hasai osan liuhusi dalan sira-ne’e ida-ida.

12 Haruka osan ba Ita-nia rainMensajen importante sira:

• Baibain, haruka osan ba Ita-nia família ka komunidade mak karun loos.• Sítiu internét ida ne’ebé bele ajuda Ita kompara kompañia sira-ne’ebé haruka osan ba rai-Illa

Pasifiku ne’ebé baratu liu mak www.sendmoneypacific.org.

12.1 Haruka Osan Ba Ita-Nia RainBaibain, haruka osan ba Ita-nia família ka komunidade mak karun loos, no dala ruma Ita tenke selu A$35 ba bankária ka organizasaun ruma kada tempu ne’ebé Ita haruka osan ba Ita-nia rain. Iha mós kustu seluk tan kuandu Ita haruka osan ba Ita-nia rain—ne’e mak troka dólar Austrália ba dólar Amerika ne’ebé uza iha Tímor—ne’ebé bele hamenus osan ne’ebé Ita haruka ba.Sítiu internét ida ne’ebé bele ajuda Ita kompara kompañia sira-ne’ebé haruka osan ba rai-Illa Pasifiku ne’ebé baratu liu mak www.sendmoneypacific.org. Sítiu ne’e fó-hatene kona-ba presu hotu ne’ebé Ita tenke selu atu haruka osan ba rai li’ur inklui taxa kámbiu nian. No mós presiza loron hira atu haruka osan ba Ita-nia rain. Sítiu ne’e ajuda Ita atu la selu presu karun liu kuandu haruka osan ba rai li’ur, no bele ajuda Ita poupa osan. Uza sítiu ne’e atu hatene opsaun saida mak di’ak ba Ita. Kompañia sira hotu iha sítiu SendMoneyPacific rejistu ho autoridade finanseiru relevante; entaun Ita hatene katak Ita bele fiar ba kompañia sira-ne’e. Importante tebes: Maski importante atu haruka osan ba Ita-nia família iha Ita-nia rain, maibé Ita mós presiza rai osan barak atu hola ai-han no selu gastu sira semana-semana nian durante hela iha Austrália.

13 Antes arranka ba AustráliaMensajen importante sira:

• Serbisu-na’in hotu tenke tuir enkontru Instrusaun antes-de-partida nian hamutuk ho reprezentante husi organizasaun traballista nian ne’ebé organiza serbisu iha rai li’ur, antes sira arranka ba Austrália. Instrusaun antes-de-partida nian fó informasaun kona-ba hela no serbisu iha Austrália.

• Ita-nia empregadór ne’ebé hetan aprovasaun sei ajuda Ita atu arranja billete aviaun bá Austrália no bá Ita-nia serbisu-fatin.

• Hanoin didi’ak kona-ba atu lori sasán saida de’it, hakerek lista.• Iha aeroportu iha Austrália, Ita tenke liu Australian Immigration and Border Protection, no iha

fatin ne’e Ita tenke fó-hatene funsionáriu alfándega kona-ba ai-han hotu, ai-moris hotu, animal hotu, no sasán ne’ebé halo ho sasán sira ne’e hotu ne’ebé Ita lori mai, tanba sasán ne’e balu labele lori tama ba Austrália.

• Ita-nia patraun ne’ebé hetan aprovasaun sei hasoru Ita iha aeroportu nia salaun chegada nian iha Austrália, no lori Ita ba Ita-nia serbisu-fatin ka hela-fatin.

13.1 Instrusaun Antes-De-Partida NianAntes Ita arranka ba Austrália, Ita tenkesér tuir enkontru Instrusaun antes-de-partida nian. Iha Instrusaun antes-de-partida nian, Ita bele hetan informasaun importante kona-ba serbisu no hela iha Austrália, inklui livru ida-ne’e. Iha Instrusaun antes-de-partida nian Ita sei aprende kona-ba:

• hela iha Austrália• serbisu iha Austrália• sindikatu nia knaar iha Austrália• tansá importante atu hatudu hahalok di’ak hodi reprezenta Ita-nia an rasik no Ita-nia nasaun ho

di’ak• saida mak Ita-nia empregadór ne’ebé hetan aprovasaun hakarak Ita atu halo ba sira• saida mak Ita hakarak Ita-nia empregadór ne’ebé hetan aprovasaun atu halo ba Ita• kritéru ba Ita-nia vistu• osan ne’ebé Ita tenke gasta no osan ne’ebé ko’a husi Ita-nia saláriu• impostu no superannuation• manán osan, poupa osan, konta bankária, planu orsamentu, no haruka osan ba Ita-nia rain• seguru, saúde no moris kontente iha Austrália.

Ita sei aprende buat barak iha enkontru Instrusaun antes-de-partida nian Livru ne’e sei ajuda Ita atu hanoin-hetan informasaun importante. Ita presiza lee didi’ak livru ne’e antes Ita bá to’o Austrália, no lori livru ne’e atu lee iha futuru.

13.2 Arranju Bá-Mai Husi AustráliaIta-nia empregadór ne’ebé hetan aprovasaun sei ajuda Ita atu arranja viajen to’o Austrália. Ita tenke hetan dokumentus importante balun antes ka durante Ita-nia enkontru instrusaun antes-de-partida nian, hanesan Ita-nia vistu atu tama no hela iha Austrália husi Governu Austrália. Ita bele hetan pasaporte husi Ita-nia governu, no Ita tenke rai didid’ak pasaporte ne’e. Ita lalika fó Ita-nia pasaporte ba Ita-nia patraun ne’ebé hetan aprovasaun. Ita tenke buka-hetan fatin seguru iha Ita-nia hela-fatin atu rai didi’ak Ita-nia pasaporte. Se Ita-nia pasaporte lakon iha Austrália, Ita tenkesér fó-hatene kedas Ita-nia patraun ne’ebé hetan aprovasaun. Ita-nia patraun ne’ebé hetan aprovasaun sei ajuda Ita atu trata pasaporte foun, no ajuda Ita atu kontakta Department of Immigration and Border Protection atu fó-hatene informasaun husi pasaporte foun ne’e.

13.3 Lori Sasán Saida De’itAustrália mak nasaun luan loos ne’ebé iha klima oioin – manas ka malirin, anin maran ka anin bokon. Ita tenke prepara hodi tahan klima oioin. Lori roupa hanesan kazaku, luvas, xapeu no salenda ba fatin malirin no xapeu no roupa kmaan ba fatin ne’ebé manas. Ita-nia patraun bele fó-hatene Ita kona-ba roupa ne’ebé loos ba Ita-nia serbisu- no hela-fatin.LORI SASÁN SAIDA DE’IT: LISTAPasaporte ne’ebé validu (moris hela) no vistu eletróniku ne’ebé fó lisensa ba Ita atu serbisu iha Austrália.Billete aviaun sira [Ita-nia naran iha Ita-nia billete sira tenkesér hakerek hanesan duni ho Ita-nia naran iha Ita-nia pasaporte]Livru ida-ne’eKarta-de-OfertaKarta kondusaun, se ihaOsan atu hola sasán ne’ebé Ita presiza antes Ita simu saláriuNúmeru telemovel husi família no kolega iha Ita-nia rainSe Ita lori mai sasán barak liu (baibain Ita bele lori kilograma 20), karik Ita tenke selu osan estra ba kompañia aviaun, no baibain ne’e karun loos. Karik Ita presiza husu Ita-nia patraun ne’ebé hetan aprovasaun kona-ba kilograma hira mak Ita bele lori mai.Ita-nia sapatu hotu no roupa hotu tenke moos no la iha rai-rahun no parte husi ai-moris tanba buat sira-ne’e bele lori pesti no moras ne’ebé bele estraga ai-moris no animál sira iha Austrália.Keta haluha, Ita labele lori ai-han ka ai-moris ba Austrália: se lori buat sira-ne’e alfándega sei hadau husi Ita bainhira Ita to’o iha Austrália.

13.4 Iha Aviaun LaranIta tenke bá to’o aeroportu sedu liu hodi Ita iha tempu atu hatama billete no bagajen ba funsionáriu husi kompañia aviaun, liu imigrasaun no seguransa antes tama ba aviaun. Enkuantu iha aviaun laran, ita sei simu formuláriu husi imigrasaun Austrália ne’ebé Ita bele prenxe atu fó ba funsionáriu imigrasaun ida iha

aeroportu laran. Formuláriu ne’e hanaran incoming passenger card. Importante tebes atu prenxe loloos no onéstu ka laran-moos.

13.5 Bainhira Foin To’o Iha AustráliaBaibain, Ita sei bá to’o sidade kapitál ida iha Austrália, no tuirmai Ita sei sa’e aviaun seluk, bis no/ka komboiu atu bá to’o sidade rejionál ida. Enkuantu Ita foin to’o (chegada) iha Austrália no tun husi aviaun, Ita tenke liu immigrasaun, alfándega, no revista karantina nian.ImigrasaunEnkuantu Ita to’o iha balkaun Imigrasaun, funsionáriu Imigrasaun sei haree Ita-nia pasaporte no haree se Ita iha duni vistu loos atu tama Austrália nu’udar traballadór sazonál. Nia iha informasaun kona-ba Ita-nia vistu iha ninia komputadór. Se funsionáriu haree katak Ita-nia pasaporte no vistu mak loos, nia sei fó karimbu ba Ita-nia pasaporte no fó fali pasaporte ba Ita.Alfándega no revista karantina nianDepois Imigrasaun, Ita sei foti Ita-nia bagajen no liu alfándega no revista karantina. Austrália iha lei karantina nian ne’ebé maka’as atubele proteje Austrália nia ai-moris no animal sira no sektór agrikultua husi pesti no moras husi rai li’ur ne’ebé bele estraga área luan loos iha Austrália. Atu bele proteje Austrália husi pesti no moras hanesan ne’e, Alfándega Austália uza mákina radiografia (rai xís) no asu ne’ebé treinu ona atu buka-hetan sasán ne’ebé ema la deklara (la fóhatene nanis katak iha sasán ne’e).Tan ne’e Ita tenkesér deklara, ka fó-hatene nanis, ai-han, ai-moris no sasán ne’ebé iha parte husi animál hotu iha Ita-nia incoming passenger card. Ita mós tenke deklara parte ai-moris nian no rairahun ne’ebé belit ba Ita-nia roupa ka sapatu. Alfándega Austrália haree didi’ak tebes atu buka-hetan sasán sira-ne’e. Se Ita koko atu bosok sira, Ita bele hasoru problema boot, inklui mós tama komarka. Se Ita duvida kona-ba sasán ruma bandu ka lae, sempre di’ak atu deklara sasán ne’e hodi Ita la hetan problema ka kona multa.Salaun chegada nian no transporte ba fatin tuirmaiDepois revista karantina, Ita sei to’o salaun chegada nian. Ita-nia empregadór ne’ebé hetan aprovasaun sei arranja ba ema atu hasoru Ita iha salaun chegada, no lori Ita ba sidade ne’ebé Ita sei hela ba.Karik tempu viajen ba sidade ne’e kle’ur loos, maski Ita sa’e bis ka komboiu ne’ebé halai lalais loos. Porezemplu, se Ita atu serbisu iha Mundaberra, viajen husi aeroportu Brisbane iha karreta, bis ka komboiu sei han oras lima. Austrália mak luan hanesan ne’e: se Ita sa’e karreta no la’o husi tasi iha sorin leste to’o tasi iha sorin oeste, hodi la para, ne’e sei han loron rua liu.

14 Austrália nia leiMensajen importante sira:

• Importante atu hatene kona-ba Austrália nia lei sira.• Ema hotu iha Austrália tenke halo tuir Austrália nia lei.• Se ema kontra lei ida nia tenke hasoru konsekuénsia hanesan selu multa, ka tama komarka.• Estadu no territóriu hotu iha Austrália iha polísia. Polísia prontu atu ajuda Ita.

14.1 Austrália Nia Lei Importante BalunAustrália iha lei barak. Lei sira-ne’e balun karik la hanesan ho lei iha Ita-nia rain. Ema hotu iha Austrália, maski sira husi rai li’ur, tenkesér halo tuir Austrália nia lei. Kontra lei ida iha Austrália mak buat ne’ebé sériu, no baibain, ema ne’ebé kontra lei tenke bá iha tribunál. Se tribunál deside katak ema ne’e loloos kontra lei ida, nia tenke selu multa ka tama iha komarka. Tuirmai ne’e mak lei importante balun. Lei bandu Ita atu:

• uza violénsia hasoru ema seluk, inklui Ita-nia família rasik• ameasa ema seluk• hemu serveja ka tua naran de’it iha fatin públiku, hanesan iha loja sira, eskola ka iha dalan • fuma iha serbisu-fatin, restaurante sira no fatin públiku—se fuma iha fatin hanesan ne’e, Ita

tenke selu multa boot• soe fo’er, inklui sigarru—sigarru ne’ebé lakan hela bele hamosu ahi boot ne’ebé han ai-laran

boot• hodi karreta ka sa’e karreta maibé la uza sintu-seguru• hodi karreta depois hemu serveja ka tua ka uza droga, inklui kava• hodi karreta no uza ka ko’alia ba telemovel ida• hodi karreta maski la iha karta-kondusaun• hodi ka sa’e motór maski la uza kapasete• hodi bisikleta maski la uza kapasete

Tuir lei Austália Ita bele tuir Ita rasik nia kultura no relijiaun, no ema seluk labele trata Ita todan ba sorin tanba Ita-nia rasa, kulit nia kór, relijiaun, ka se Ita mane ka feto.

14.2 Polísia Iha AustráliaEstadu no territóriu hotu iha Austrália iha sira rasik nia forsa polísia nian. Polísia prontu atu asisti no serbí komunidade. Iha Austrália, polísia no komunidade iha relasaun di’ak no polísia bele ajuda Ita. Ita bele relata krime ba polísia, no husu ajuda se Ita iha perigu laran ka ema seluk ameasa Ita, ka se Ita iha pergunta kona-ba Austrália nia lei sira. Se polísia ko’alia ba Ita, hatán ho kalma, respeitu no kooperativu. Nunka bosok no hatán pergunta sira ho onéstu no klaru. Atu xamada ba polísia tanba emerjénsia ruma, dere 000.

15 Austrália nia kulturaMensajen importante sira:

• Enkuantu hela iha Austrália, karik Ita-nia emosaun sei tún-sa’e tanba kultura la hanesan Ita nian, sentimentu ne’e hanaran ‘xoke kultura’.

• Se Ita rasik nia hahalok iha serbisu-fatin no iha fatin seluk sempre di’ak no respeitu, ida-ne’e bele ajuda Ita atu sai toman ho ema iha Ita-nia komunidade foun.

• Se Ita hakarak bá igreja, Ita-nia patraun ne’ebé hetan aprovasaun sei ajuda Ita buka-hetan igreja lokál.

• Iha Austrália, mane no feto iha direitu ne’ebé hanesan.

15.1 Sai Toman Atu Hela Iha AustráliaBainhira Ita sai husi Ita-nia rain, Ita-nia hahalok no toman sira la troka. Enkuantu hela iha Austrália, karik Ita-nia emosaun sei komesa tún-sa’e. Porezemplu, karik Ita sente konfuzaun, hanoin barak, la fiar an, no katak Ita lakon independénsia. Se sentimentu hanesan ne’e mosu, karik Ita hasoru problema naran xoke kultura. Dala ruma susar atu manán hasoru estrese husi xoke kultura, no karik Ita la hatene tansá mak estrese ne’e mosu. Ko’alia ho kolega sira-ne’ebé hamutuk ho Ita, ka ba ema ne’ebé Ita fiar ba iha komunidade.

15.2 Igualdade JéneruIha Austrália, mane no feto iha direitu ne’ebé hanesan. Ita tenke hatudu respeitu ba Ita-nia xefe no patraun hotu, maski nia mak mane ka feto. Ko’alia la ho respeitu kona-ba ema seluk nia jéneru (katak nia mane ka feto) kontra lei, no Ita bele lakon serbisu no karik polísia sei investiga asuntu ne’e.

15.3 Informasaun Liután Kona-Ba KulturaTuirmai mak informasaun liután ne’ebé bele ajuda Ita atu sai toman ho kultura iha Austrália.

Hahalok bainhira hamutuk ho ema seluk• Uza beibeik liafuan ‘please’ (favór) no ‘thank you’ (obrigadu/a). Hanesan ne’e Ita ko’alia ho

respeitu no hatudu maneira di’ak.• Bainhira hasoru ema oin-foun ruma, kaer liman no hateke ba nia oin. Hodi hateke ba ema nia

oin, ne’e hatudu katak imi fiar malu.• Nunka hatete ‘yes’ (sin) kuandu Ita la hatene buat ruma.• Bainhira hasoru ema oin-foun, keta husu pergunta kona-ba ema nia idade, se nia kaben tiha ona

ka lae, se nia iha oan ona ka lae, ema nia saláriu, ka sasán iha folin hira. Duké husu pergunta hanesan ne’e, husu kona-ba ema nia serbisu, ka sira gosta halo saida de’it bainhira lalika serbisu.

• Ema Austrália hatais roupa la formál no mane no feto hotu hatais roupa ne’ebé badak, ne’ebé karik ladún respeitu iha rai seluk. Iha Austrália, la iha buat ida atu hatais roupa hanesan ne’e iha situasaun balun, no ne’e la dehan katak ema ne’e la iha morál, ka ema kiak, ka buat seluk hanesan ne’e.

Iha serbisu-fatin• Sempre husu Ita-nia patraun ne’ebé hetan aprovasaun kuandu Ita la hatene buat ruma iha

serbisu-fatin, hanesan Ita-nia boletin saláriu, ka oinsá atu halo buat ruma iha serbisu-fatin, ka iha fatin seluk, hanesan oinsá atu bá konsulta doutór ka uza kartaun bankária, ka se karik Ita iha problema ho ema seluk no Ita labele rezolve problema ne’e.

• Sempre tuir oras, maski Ita tarde minutu lima de’it, ema sente hahalok ne’e la hatudu respeitu no maneira la di’ak. Baibain, ema Austrália tuir oras. Keta bá serbisu tarde.

• Ita tenke bá serbisu loron-loron, maibé se Ita moras Ita lalika bá. Se Ita kona moras ruma, Ita tenke xamada ba Ita-nia patraun atu fó-hatene katak Ita la bele serbisu.

Keta haluha: Ema Austrália barak mak moris iha rai seluk. Ema Austrália mai husi nasaun 200resin. Entaun, la’ós Ita deit mak ema oin-foun iha rai ne’e.

15.4 RelijiaunAustrália la iha relijiaun ofisiál ka nasionál, no ema Austrália iha liberdade atu tuir relijiaun saida de’it. Iha Austrália, ema tuir relijiaun hanesan relijiaun Kristaun sira, Budismu, Islam, Judaísmu, Hindísmu, no seluk tan. Ita bele bá igreja iha sidade rejionál tanba sidade barak iha igreja Katolika, Presbiteriana, Adventista do Sétimo Dia, Baptista, Igreja Unidade nian, no Anglikana. Se Ita hakarak bá igreja, Ita-nia patraun ne’ebé hetan aprovasaun sei ajuda Ita atu buka-hetan igreja lokál. Se sira la fó ajuda hanesan ne’e no Ita hakarak bá igreja, importante atu husu sira atu fó ajuda ne’e.

16 Hela iha AustráliaMensajen importante sira:

• Austrália mak rai luan ho populasaun mak besik ema na’in-miliaun 24.• Iha parte ho klima manas no parte ho klima malirin.• Buka to’ok fatin, atividade, no servisu komunidade sira iha Ita-nia komunidade lokál foun.

16.1 Informasaun Kona-Ba AustráliaAustrália nia populasaun mak besik ema na’in-miliaun 24. Austrália mak rai luan ne’ebé iha área hanesan kilómetru kuadradu miliaun 7,7, ne’ebé dook kilómetru 4000 husi loro-sa’e to’o loro-monu no kilómetru 3000 husi tasi –mane to’o tasi-feto. Ema ra’i-na’in Austrália nian hela iha Austrália durante tinan 80.000. Sektór agrikultura mak importante duni ba Austrália nia ekonomia. Tanba Austrália iha área luan loos ho klima oioin, entaun bele kultiva sabraka no morangu iha parte súl ne’ebé malirin liu, no has no hudi iha parte norte ne’ebé manas ho anin bokon (ka úmidu).

16.2 KlimaAustrália rai luan tebes no iha klima barak tebes, inklui jelu to’o rai-manas lahalimar. Fatin malirin liu mak illa Tasmania, no área balun iha New South Wales no Victoria. Fatin manas liu mak iha parte klaran no oeste. Dezembru to’o Fevereiru mak tempu manas, Marsu to’o Maiu mak tempu outonu (musim gugur), Juñu to’o Agostu mak tempu malirin, no Setembru to’o Novembru mak tempu primavera (musim semi).

16.3 Ita-Nia Komunidade FounIha área rejionál no fatin dook husi sidade boot sira (katak iha foho ka distritu) komunidade sira mak ki’ik liu no ema hotu koñese malu ho lalais. Sidade ki’ik sira mak importante iha dalan ekonomia no sosiál iha fatin hotu iha Austrália. Ita-nia patraun ne’ebé hetan aprovasaun sei fó koñese Ita ba komunidade lokál. Ita bele hetan informasaun liután kona-ba Ita-nia komunidade lokál husi konsellu munisipál, sentru informasaun lokál no biblioteka. Ita-nia patraun ne’ebé hetan aprovasaun bele hatudu oinsá Ita bele uza transporte públiku atu la’o ba-mai iha tempu ne’ebé Ita la serbisu. Biblioteka barak iha internét ne’ebé Ita bele uza ho gratuita. Maibé, karik Ita bele uza komputadór iha biblioteka ba tempu badak no karik Ita tenke tau naran atu rezerva komputadór ida. Importante atu tuir biblioteka nia lei sira. Nune’e mós, Ita

rasik mak iha responsabilidade atu sai kolega ho ema seluk iha Ita-nia komunidade foun. Keta sente moe ka tauk atu husu ajuda! Ita bele hola parte iha festa no atividade sira iha Ita-nia komunidade foun durante tempu ne’ebé Ita hela iha Austrália.

16.4 Animál Iha AustráliaKarik Ita rona tiha ona katak sei iha labadain no samea barak iha Austrália. Ne’e loos, no Ita tenke kuidadu, liuliu se Ita serbisu iha to’os laran. Ita-nia patraun ne’ebé hetan aprovasaun sei fó informasaun hodi Ita bele hatene buat ne’ebé perigu no oinsá atu hasees an husi perigu sira-ne’e.

17 Saúde no Ijiene iha AustráliaMensajen importante sira:

• Importante atu han hahán ne’ebé di’ak ba Ita-nia saúde, tanba Ita tenke mantein saúde di’ak hodi bele halo serbisu maka’as.

• Kuidadu bainhira prepara hahan, hodi Ita la kona moras, ka halo ema seluk kona moras ruma.• Sempre rai hahan tuir dalan ne’ebé loos (hanesan tau na’an no susu-been iha jeleira).• Ita tenke mantein ijiene iha Ita-nia hela-fatin, no Ita-nia serbisu-fatin moos hodi Ita no ema seluk

la hetan moras ruma.

17.1 Moris Ho Saúde Di’ak Iha AustráliaImportante atu mantein saúde di’ak durante tempu ne’ebé Ita serbisu iha Austrália. Tuirmai mak dalan ne’ebé diak atu mantein saúde.

• Han hahán ne’ebé di’ak ba saúde hanesan ai-fuan no modo sira, paun, no fini tomak, no labele han no hemu buat midar barak liu.

• Se atu bá fatin ne’ebé ladún dook la’o ain duké sa’e bis. • Halo esersísiu (olaraga) beibeik, ka halimar desportu.• Tuir ekipa tebe-bola ka basquetbol, ida-ne’e mós bele ajuda Ita atu hetan kolega foun.• Halimar ho Ita-nia kolega foun no kontakta beibeik Ita-nia família no belun sira iha Ita-nia rain,

ida-ne’e sei ajuda Ita atu mantein Ita-nia saúde mentál ka emosionál.

17.2 Prepara No Rai Ai-HanBainhira Ita fila-fali husi kompras iha supermerkadu, rai Ita-nia hahan tuir dalan loos hodi hahan ne’e la sai dodok ka aat, no bele fresku ba tempu kleur liu. Ita tenke tau kedas hahan balu iha jaleira laran—hanesan na’an (na’an-bife, manu, no ikan), no susu-been no keiju. Se Ita la tau iha jaleira laran hahan ne’e sei sai dodok ka aat. Se Ita husik hahan ne’e iha jaleira li’ur ba kalan ida, no han hahan ne’e iha loron tuirmai, Ita bele hetan kabun-moras no moras todan. Ita tenkesér tau na’an no na’an ne’ebé tein tiha ona iha jaleira laran depois Ita prepara tiha. Iha Austrália hahan hotu marka ho sinál ‘use by’ (usa molok) ka ‘best before’ (diak molok) data ida. Sinál ‘use by’ dehan katak depois data ne’ebé hakerek iha sinál ne’e, sei perigu atu han hahan ne’e.Sinál ‘best before’ dehan katak di’ak liu atu han hahan ne’e antes data ne’ebé hakerek iha sinál ne’e. Karik sei bele han hahan ne’e loron ida ka rua depois data ne’ebé refere, maibé tenke kuidadu. Ita bele tuir matadalan husi data ne’ebé hakerek iha sinál sira ne’e, só de’it Ita rai hahan ne’e iha dalan ne’ebé loos—porezemplu, susu-been iha jaleira ne’ebé funsaun ho di’ak. Se Ita hakarak Ita-nia hahan atu tahan kleur liu, Ita bele hatama hahan ne’e ba konjeladór (jeleira ne’ebé sai fatuk) laran hodi hahan ne’e malirin liu no toos, maibé, se Ita hasai hahan ne’e no la toos tan, Ita labele hatama fali ba konjeladór.Iha fatin balun iha Austrália, iha rai ne’ebé mak manas nafatin no rai-bokon/úmidu. Iha fatin sirane’e, hahan hanesan paun bele sai dodok antes data ne’ebé hakerek iha sinál ‘use by’ nian. Dala ruma paun sai kulapur, se hanesan ne’e Ita tenke soe de’it paun ne’e. No keta loke paun nia plastiku, tanba horon iis kulapur ne’e bele halo Ita moras. Se Ita hela iha fatin manas ho rai-bokon/úmidu, rai hela Ita-nia paun iha jaleira laran. Prepara hahan ho dalan ijiene ka moos mak importante, no bele proteje Ita no kolega sira husi moras oioin. Entaun, sempre fase liman ho didi’ak antes, no depois, Ita prepara hahan. Prepara na’an-manu, bife no na’an seluk ho dalan ne’ebe ijiene. Prepara na’an-manu no na’an seluk iha fatin ne’ebé moos hanesan ai-kabelak ki’ik ne’ebé uza iha dapur atu ko’a na’an. Kuidadu atu fase fatin ka ai ne’e ho sabaun no bee antes Ita prepara na’an ka hahan seluk iha fatin ka ai ne’e. Se Ita kaer na’an-manu, bife, ka na’an seluk, fase liman ho sabaun antes Ita kaer ai-han seluk. Ita tenkesér tau na’an no na’an ne’ebé tein tiha ona iha jaleira laran depois Ita prepara tiha.

17.3 Mantein Ita-Nia An No Hela-Fatin Moos NafatinImportante atu mantein ita-nia hela-fatin moos no la runguranga (liuliu moos). Tuirmai mak dalan balun atu halo Ita-nia hela-fatin nafatin moos no la runguranga.

• Keta husik fo’er monu ba rai ka simente; lori fo’er husi fo’er-fatin iha uma laran ba fo’er-fatin iha liur beibeik.

• Hasai Ita-nia botas antes tama ba uma.• Se hahán ka hemu monu ou nakfakar ba rai ka fatin ruma, hamoos kedas.

• Rai toalla surat-tahan nian no sabaun iha fatin di’ak atu nune’e Ita bele uza kedas atu hamoos fatin depois Ita tau na’an ka na’an ne’ebé tein ona iha fatin ne’e.

• Depois han, fase bikan, kanuru, garfu, no tudik hotu no hamoos hodi maran no tau iha sira-nia fatin.

• Keta tau roupa fo’er iha rai ka simente.• Sempre fase roupa ho sabaun.• Fase beibeik Ita nia lensól sira, tanba baktéria ne’ebé bele halo Ita moras sai buras iha lensól

ne’ebé fo’er.• Hariis loloron.• Sempre fase liman didi’ak depois uza hariis-fatin no antes kaer hahan.

18 Hela iha Ita-nia uma founMensajen importante sira:

• Ita-nia patraun ne’ebé hetan aprovasaun sei arranja ba enkontru instrusaun depois-de-chegada nian bainhira Ita mai to’o Austrália, ne’ebé sei inklui informasaun kona-ba komunidade lokál.

• Ita-nia patraun ne’ebé hetan aprovasaun se ajuda Ita atu prepara an atu hela iha Austrália, hanesan ajuda Ita atu aplika ba prosesu impostu nian (Tax File Number), prenxe formuláriu impost no superannuation nian, arranja akomodasaun, no arranja transporte bá-mai serbisufatin.

• Ita tenke loke konta bankáriu atu Ita-nia empregadór bele hatama Ita-nia saláriu. Ita-nia patraun sei ajuda Ita atu halo buat sira ne’e.

• Kuidadu atu rai didi’ak Ita-nia númeru superannuation hamutuk ho Ita-nia Tax File Number, tanba Ita sei presiza númeru sira ne’e bainhira Ita fila ba Ita-nia rain.

18.1 Hela-Fatin/AkomodasaunIta-nia patraun sei arranja Ita-nia akomodasaun ka hela-fatin, maibé Ita tenke selu, no patraun sei ko’a osan ne’e husi Ita-nia saláriu. Hela-fatin ne’e tenke iha kualidade di’ak—ema barak demais labele hela hamutuk, no fatin hotu tenke moos. Presu ba akomodasaun labele karun liu. Atu Ita bele hatene kona-ba osan hira mak Ita tenke selu ba akomodasaun, ema barak selu A$150 kada semana, maibé dala ruma Ita-nia hela-fatin sei karun liu ka baratu liu, depende ba:

• área ne’ebé Ita hela• iha akomadasuan barak ka uitoan iha área ne’e• akomodasaun ne’e mak uma ki’ik ka boot, no ema na’in hira mak hela hamutuk iha uma laran• presu akomodasaun ne’e inklui eletrisidade no bee ka lae.

Governu Austrália fó ona matadalan kona-ba hela-fatin sira iha Programa Traballadór Sazonál nian, ne’ebé hatete ema barak demais labele hela hamutuk no buat seluk tan. Se Ita sente katak Ita-nia hela-fatin mak la di’ak, ka iha problema ruma ho Ita-nia akomodasaun, ko’alia uluk ba Ita-nia patraun ne’ebé hetan aprovasaun, ka xamada ba Liña Informasaun Programa Traballadór Sazonál nian hodi dere (02) 6240 5234. Ita bele hela iha uma seluk; maibé Ita tenke fó-hatene Ita-nia patraun ne’ebé hetan aprovasaun Ita-nai diresaun foun, no oinsá nia bele kontakta Ita. Se Ita muda ba fatin seluk, ne’e mós bele hamosu problema kona-ba transporte bá-mai serbisu-fatin. Entaun, antes Ita arranja atu hela iha fatin seluk, haree nanis sei Ita bele fasil bá-mai serbisu-fatin.Eletrisidade, Bee, Gás, no bst hanesan ne’e: Karik osan ne’ebé Ita gasta atu selu aluga uma semanasemana la inklui eletrisidade, bee, gás, no buat seluk tan (bst) hanesan ne’e, no Ita sei presiza gasta osan tan atu seluk buat sira-ne’e. Eletrisidade, bee, no gás karun, entaun sei la uza lampu, televizaun, ár kondisionadu ka buat seluk tan ne’ebé uza ahi hanesan kapote elétriku, hamate ahi ba sasán sira-ne’e, liuliu se Ita sai uma. Karik Ita-nia kontratu hatete katak Ita-nia empregadór ne’ebé hetan aprovasaun sei ko’a gastu sira-ne’e husi Ita-nia saláriu.

18.2 TransporteUza transporte públiku no hodi karreta iha Austrália: Dala ruma, Ita sei sa’e transporte públiku. Dala ruma Ita bele sa’e bís ka komboiu lokál. Ita tenke hola billete, no lori billete ne’e durante Ita iha bís ka komboiu laran, se lae Ita bele hetan multa. Iha Austrália, ema halai karreta ho lalais, dala ruma to’o 110km/oras. Ne’e lalais liu ba dala tolu limite velosidade iha Nuku’alofa no Port Vila. Northern Territory (NT) iha dalan balu ne’ebé iha limite velosidade ne’ebé 130 km/oras. Se Ita hodi karreta, Ita presiza karta kondusaun ne’ebé validu no karreta ne’e tenke rejistu hela. Karreta sira halai iha dalan sorin liman-karuk.

18.3 Instrusaun Depois-De-Chegada NianBainhira Ita to’o iha Ita-nia hela-fatin foun, Ita-nia patraun sei esplika informasaun importante konaba Ita-nia serbisu no Ita-nia hela-fatin nia área. Nia sei esplika kona-ba informasaun balun ne’ebé Ita rona iha instrusaun antes-de-partida. Serbisu-na’in ne’ebé lee didi’ak livru ne’e, no komprende informasaun barak iha livru ne’e nia laran, sei gosta liu hela iha Austália. Importante tebes: se Ita la hatene buat ruma iha livru ida-ne’e, ka durante Ita-nia enkontru instrusaun depois-de-chegada nian, Ita TENKESÉR husu ema atu esplika. Ita-nia patraun ne’ebé hetan aprovasaun hakarak Ita atu husu pergunta sira. Se Ita nonook

de’it, karik Ita hatene sala kona-ba Ita-nia serbisu no Ita halo serbisu ne’e iha dalan laloos. Se hanesan ne’e, karik Ita la bele fila atu serbisu iha tinan oin.Konvida sindikatu ida atu vizita no hato’o informasaun: Ita-nia patraun sei konvida reprezentante husi sindikatu ida atu mai hato’o informasaun koan-ba sindikatu nia servisu sira, no iha momentu ne’e Ita bele sai membru ida, se Ita hakarak. Konvida Fair Work Ombudsman atu vizita no hato’o informasaun: Ita-nia patraun sei konvida representante husi Fair Work Ombudsman atu mai hato’o informasaun kona-ba Ita-nia direitu sira iha serbisu-fatin, ka atu fó surat-tahan ho informasaun sira-ne’e. Importante atu hatene kona-ba Fair Work Ombudsman, no oinsá mak Ita bele kontkta sira se Ita iha problema ho Ita-nia saláriu (haree Kapítulu 5).

18.4 Loke Konta BankáriaBuat ida ne’ebé importante, ne’ebé Ita tenke halo enkuantu foin to’o iha fatin Ita sei hela no serbisu, mak loke konta iha bankária Austrália nian. Ita-nia patraun sei presiza informasaun kona-ba Ita-nia konta bankária atu bele hatama Ita-nia saláriu, no konta ne’e mak dalan di’ak liu atu rai osan ho seguru, no dala ruma dalan di’ak atu haruka osan ba Ita-nia rain.Atu loke konta bankária ka konta iha building society ka credit union, Ita sei presiza Ita-nia pasaporte ka surat identifikasaun seluk no Ita-nia diresaun iha Austrália. Sira sei fó kartaun débitu ba Ita atu Ita bele hasai osan. Hamutuk ho Ita-nia kartaun débitu, sira sei fó númeru ‘PIN’, Ita uza númeru ne’e ho kartaun ne’e atu hasai osan iha ATM. Importante atu hatene Ita-nia númereu PIN, maibé keta fóhatene ema seluk.Se bele, uza ATM husi Ita-nia bankária. Ita bele uza ATM husi bankária sira seluk atu hasai osan, maibé Ita tenke selu osan atu halo nune’e (maizumenus A$2). Se Ita hola buat ruma husi loja ida, hanesan supermerkadu ida, karik Ita bele selu ba sasán ne’e no mós hasai osan hodi uza Ita-nia kartaun, no Ita lalika selu sobretaxa (osan estra). Serbisu-na’in iha loja ne’e sei fó osan ne’ebé Ita husu, no loja ne’e sei hasai osan husi Ita-nia konta bankária. Ita-nia responsabilidade atu hili bankária ida-ne’ebé atu rai no poupa Ita-nia osan.

19 Kontakta beibeik família no belun iha Ita-nia rainMensajen importante sira:

• Importante atu kontakta beibeik ho família no belun sira iha Ita-nia rain, no Ita bele halo idane’e tuir dalan oioin. Dalan balu karun liu fali dalan seluk.

• Uza internét no programa ne’ebé inklui xamada no haruka mensajen ba rai li’ur ne’ebé gratis mak baratu liu.

• Uza telemovel mak karun liu, dala ruma Ita tenke selu A$4 ba minutu ida de’it atu xamada ba rai l’iur.

19.1 Telemovel No Xamada Ba Ita-Nia RainUza telemovel atu xamada ba Ita-nia rain karun liu. Karik Ita hakarak lori Ita rasik nia telemovel husi Ita-nia rain. Se lae, Ita bele hola iha Austrália maizumenus A$100. Ita bele hili SIM ida-ne’ebé Ita selu antes Ita uza telemovel (pre-pagamentu) ka ida-ne’ebé Ita selu depois Ita uza. Fasil liu atu kontrola osan hira mak Ita gasta kuandu uza SIM pre-pagamentu, maibé xamada sirane’e karun liu. Di’ak liu atu husu Ita-nia patraun atu ajuda Ita buka-hetan planu (programa) ne’ebé di’ak, no katak kompañia telekomunikasaun ne’ebé Ita hili iha sinal iha Ita-nia hela-fatin no serbisu-fatin. Importante tebes: Traballadór balu gasta osan barak hodi uza telemovel. Ita sei serbisu maka’as iha Austrália no Ita tenke kuidadu katak Ita la gasta Ita-nia osan hotu hodi halo xamada, ne’ebé dala ruma karun hanesan A$4 kada minutu se Ita bolu ba rai li’ur.

19.2 Kartu Xamada Internasionál NianKarik Ita hakarak uza kartaun xamada internasionál nian ne’ebé iha taxa baratu liu atu xamada ba rai li’ur sira. Osan hira mak Ita selu depende ba rai no oras ne’ebé Ita xamada ba. Ita presiza kompara kartaun oioin atu haree taxa por minutu, taxa flag fall (ne’e katak osan hira Ita tenke selu bainhira ema simu Ita-nia xamada) no taxa ligasaun. Ita bele kompara kartaun sira hodi buka informasaun husi kompañia kartaun xamada internasionál nian iha internét.

19.3 InternétDalan baratu liu atu komunika ho família no belun sira iha Ita-nia rain mak liuhusi internét. Baibain, iha sidade rejionál, Ita bele uza internét iha biblioteka públiku ho gratuita, no Ita bele uza iha café internét nian – maibé iha café internet nian tenke selu. Se selu, baibain ne’e por minutu 30 ka por oras.

19.4 App Sira Ne’ebé Uza Hanesan Telefone Ka Atu Haruka MensajenIta mós bele uza internét atu ko’alia ba família no belun sira hodi uza programa sira-ne’ebé bele uza atu xamada ba rai li’ur ho gratis. Programa sira-ne’e lori Ita-nia lian ba rai li’ur liuhusi internét, ne’e dehan katak Ita lalika selu ba xamada telefone nian. Ita selu ba internét por oras – baibain ne’e dólar balu de’it. Maibé, ne’e di’ak liu fali selu A$4 ba minutu ida de’it!

Komputadór públiku barak iha ona programa ka app ne’e, no Ita tenke loke de’it no depois loke Ita rasik nia konta ho Ita-rasik nia username (hanesan Ita-nia naran ka apelidu), no husu Ita-nia família no belun sira iha Ita-nia rain atu halo hanesan. Tuirmai ne’e, Ita bele arranja atu xamada sira iha tempu naran de’it ne’ebé Ita no sira iha tempu livre no bele uza internét. Keta haluha katak oras iha Austália no oras iha Ita-nia rain la hanesan. Se Ita-nia telemovel bele liga ho internét, Ita mós bele download App ne’ebé bele uza atu haruka mensajen ba rai li’ur. Ita bele uza App sira-ne’e atu haruka no simu mensajén no imájen ba rai li’ur ho gratis. Ita-nia família no belun sira iha Ita-nia rain mos presiza download App ne’ebé hanesan.

20 Se emerjénsia mosuMensajen importante sira:

• Se emerjénsia mosu, dere 000. Xamada ne’e gratis.• Liuhusi 000, Ita sei kontakta polísia, bombeiros, ka ambulánsia.

20.1 Se Emerjénsia MosuSe Ita xamada ba 000, ema se husu se Ita presiza ajuda husi ambulánsia, bombeiros, ka polísia. Ita tenke hatán hodi hatete kedas ida-ne’ebé mak Ita presiza: Police (Polísia) ka Ambulance (Ambulánsia) ka Fire (Bombeiros).Keta haluha: dere 000 se de’it emerjénsia mosu. Se Ita ladún bele ko’alia lia-inglés, hatete ‘Interpreter’ no língua ne’ebé Ita ko’alia.

• Fó-hatene Ita-nia naran, diresaun, no númeru telemovel (ka telefone).• Fó-hatene saida mak akontese (mosu), no ida-ne’e mosu iha ne’ebé.• Se Ita sente bilán no la hatene atu hatete saida, keta remata xamada ne’e, se xamada ne’e

moris hela, ikusmai ema bele hatene Ita iha ne’ebé no sira bele haruka ema atu bá fó ajuda.• Bolu ambulánsia só de’it iha emerjénsia.• Karik, Ita-nia apólise-seguru sei selu gasta ambulánsia nian.

21 Oportunidade atu simu treinamentu iha AustráliaMensajen importante sira:

• Dala ruma Ita bele hetan oportunidade atu simu treinamentu atu aumentu liután Ita-nia esperiénsia no kapasidade serbisu nian liuhusi Programa Traballadór Sazonál nian.

21.1 Simu Treinamentu Iha AustráliaHaburas Ita-nia matenek mak parte importante husi Programa Traballadór Sazonál nian tanba Ita bele uza matenek no esperiénsia husi Austrália atu buka oportunidade atu serbisu ka estuda iha Ita-nia rain. Kuandu Ita simu treinamentu tuir Programa Traballadór Sazonál, Ita bele kontribui ba Ita-nia rain nia dezenvolvementu hodi uza Ita-nia matenek no kapasidade foun atu estuda tan ka atu buka serbisu foun.

22 Fila ba Ita-nia rainMensajen importante sira:

• Antes Ita fila fali ba Ita-nia rain, Ita-nia empregadór ne’ebé hetan aprovasaun sei arranja enkontru instrusaun antes-de-volta (fila-fali) nian, ne’ebé sei esplika kona-ba buat ne’ebé Ita tenke halo antes Ita fila bá.

• Husu to’ok se Ita nia patraun hakarak fó serbisu bá Ita iha tinan oin.• Keta haluha atu rai didi’ak Ita-nia númeru prosesu impostu nian (tax file number), hodi Ita bele

lori númeru ne’e fila fali se karik Ita tuir Programa ne’e dala ida tan iha futuru.• No mós rai didi’ak Ita-nia númeru superannuation hodi Ita bele aplika atu hetan osan ne’e

bainhira Ita fila fali ba Ita-nia rain.• Karik Ita sei tuir enkontru kona-ba Ita-nia esperiénsia iha Programa Traballadór Sazonál nian iha

Austrália no mós iha Ita-nia rain. Iha enkontru ne’e, importante tebes atu ko’alia nakloke no onéstu.

22.1 Instrusaun Antes-De-Volta (Fila-Fali) NianAgora mak tempu atu hanoin kona-ba fila fali ba Ita-nia rain. Se Ita lee daudaun liafuan ne’e iha tempu ne’ebé Ita komesa Ita-nia esperiénsia iha Programa ne’e, entaun keta hakfodak katak Ita-nia tempu iha Austrália se liu ho lalais de’it. Antes Ita fila ba Ita-nia rain, Ita-nia empregadór sei arranja enkontru instrusaun antes-de-volta (fila-fali) nian. Ita-nia patraun sei ko’alia ba Ita kona-ba buat ne’ebé Ita tenke halo antes Ita fila bá. Ida-ne’e inklui prenxe Ita-nia formuláriu superannuation nian. Ita lalika prenxe formuláriu deklarasaun-de-impostu. Karik, ema sei husu Ita atu ko’alia kona-ba Ita-nia esperiénsia husi tuir Programa ne’e. Importante atu ko’alia nakloke no onéstu. Ida-ne’e sei ajuda Governu Austrália atu hatene buat di’ak no buat kuran iha programa ne’e no buka dalan atu halo programa ne’e di’ak liután. Kuandu Ita ko’alia nakloke, Ita sei halo Programa Traballadór Sazonál nian di’ak liu, no bainhira Ita tuir programa ne’e iha futuru, Ita-nia esperiénsia sei sai di’ak liután.Antes Ita arranka atu fila fali, Ita tenke:

• fó Ita-nia informasaun kontaktu nian (telemovel, ka email, ka diresaun) iha Ita-nia rain, tanba karik nia hakarak fó serbisu ba Ita iha tinan oin

• husu informasaun kontaktu nian husi Ita-nia patraun atu Ita bele kontakta nia se karik Ita iha problema hetan Ita-nia superannuation

• hakerek Ita-nia númeru prosesu impostu nian (tax file number) no númeru superannuation nian, no rai iha fatin seguru

• se Ita planu atu fila ba Austrália, keta taka Ita-nia konta bankária. Hanesan ne’e bele sai fasíl liu atu aplika ba Ita-nia superannuation, liuliu se Ita-nia bankária iha sukersál iha Ita-nia rain. Maibé, dala ruma Ita tenke selu osan atu iha konta bankária, no se hanesan ne’e, karik di’ak liu atu taka de’it konta ne’e.

22.2 Bainhira Fila-Fali Ba Ita-Nia RainBainhira Ita fila ba Ita-nia rain, karik Ita-nia governu sei arranja enkontru ida. Importante atu ko’alia nakloke no fó resposta ne’ebé onéstu. Di’ak mós atu fó-hatene reprezentante husi Ita-nia governu oinsá mak Ita-nia empregadór ne’ebé hetan aprovasaun planu atu haruka Ita-nia osan superannuation ba Ita, ka se Ita planu atu rai osan ne’e iha konta bankária iha Austrália.

22.3 Uza Ita-Nia OsanIta sei uza Ita-nia osan atu halo saida? Karik di’ak atu lee fali buat ne’ebé Ita hakerek iha livru ne’e nia parte primeiru kona-ba razaun sira-ne’ebé Ita hakarak bá serbisu iha Austrália. Ita hakarak manán osan atu hahú negósiu, ka atu apoia família ida nia edukasaun? Ita-nia planu mak ajuda ema iha Ita-nia komunidade hola jeradór foun karik? Ita rasik mak hatene loos razaun ne’e, entaun importante tebes atu uza didi’ak osan ne’ebé Ita manán ona tanba Ita serbisu maka’as atu manán osan ne’e.

22.4 Prepara Atu Fila Ba AustráliaKarik Ita-nia patraun hakarak konvida Ita atu serbisu iha tinan oin tanba Ita mak ema ne’ebé serbisu maka’as. Se nune’e, Ita tenke aplika fila fali atu tuir programa ne’e liuhusi ajénsia governu nian ka ajénsia seluk ne’ebé hetan aprovasaun iha Ita-nia rain. Ita tenke tuir dalan hanesan atu aplika ba vistu—ne’e dehan katak aplika ba vistu foun, selu ba aplikasaun vistu nian, hasai radiografia (rai xís) ba hirus-matan no halo buat seluk tan atu kumpre kritériu vistu nian. Karik, Ita-nia governu mós presiza Ita atu halo buat ruma atu bele tuir fali Programa Traballadór Sazonál nian.Ita bele aplika atu fila fali bá Austrália hodi tuir programa ne’e se:

• Ita kumpre kritériu vistu sira• Ita-nia patraun ne’ebé hetan aprovasaun kontente ho ita-nia serbisu• Ita nunka halo buat ruma ne’ebé bele estraga Ita-nia oportunidade atu tuir fali Programa

Traballadór Sazonál nian• Austrália presiza buka traballadór sazonál iha rai li’ur.

Se Ita hakarak tuir programa ne’e iha futuru, karik di’ak atu rai osan balun atu selu gastu sira bainhira Ita hakarak fila fali, hanesan gastu aplikasaun vistu nian, hodi Ita la uza tempu barak atu selu fali Ita-nia empregadór bainhira fila fali. Ami hein katak Ita gosta serbisu iha Austrália nu’udar traballadór sazonál no katak Ita aprende matenek no kapasidade foun ne’ebé sei lori benefísiu ba Ita-nia an no Ita-nia komunidade.